ఇటీవలే వివాహమైంది. పీజీ పూర్తి చేశాను. చదువుకునే రోజుల్లో హాస్టల్‌లో ఉండేదానిని. దీంతో ఒంటరితనం పోగొట్టుకోవడానికి నాతోటి స్నేహితురాళ్ళతో ఎక్కువగా కలిసివుండేదాన్ని. ఆ తర్వాత ఉద్యోగంలో చేరాను. అక్కడ కూడా నా సహోద్యోగుల పట్ల ఎక్కువగా ఆకర్షితులవుతున్నా. ముఖ్యంగా వారిని చూస్తే నాలో కాముకత అధికమవుతుంది. ఇవేమీ పట్టించుకోకుండా ఇటీవల వివాహం చేసుకున్నా. శోభనం రోజు నా వైపు నుంచి ఎలాంటి ప్రోత్సాహం లేకున్నప్పటికీ నా భర్తే చొరవతీసుకుని అన్ని పనులు చేసుకున్నారు. ఇపుడు నా సమస్య ఏంటంటే. నా భర్త కంటే నా సహోద్యోగినిని చూస్తేనే నాకు ఎక్కువగా కోర్కెలు కలుగుతున్నాయి. దీంతో నా విధులపై కూడా మనస్సు లగ్నం చేయలేకపోతున్నా. ఏం చేయాలి. చాలా మందిలో స్త్రీలు లేదా పురుషుల్లో ద్విలింగ కాముకత ఉంటుంది. అంటే.. కొందరు స్త్రీ/పురుషులు. తమ వర్గానికి చెందిన మహిళలు లేదా పురుషులతోనూ, స్వలింగ సంపర్కంలోనూ, పర లింగ సంపర్కంలోనూ సమానంగా తృప్తి పొందుతారు. ఇదే సమస్యను ఇక్కడ ఎదుర్కొంటున్నారు. భర్తతో మామూలుగానే సెక్స్‌లో పాల్గొంటున్నందు వల్ల స్వలింగ వ్యక్తుతో లైంగిక సంబంధం పెట్టుకోవాల్సిన అవసరంలేదు. స్వలింగసంపర్క సంబంధాలకు సామాజికామోదం పొందే పరిస్థితి, ఇంకా మన దేశంలో ఏర్పడలేదు. ఇలా చేయడం నేరం కూడా. ఈ సంబంధాలను పెట్టుకున్నవారిని హేళన చేసే పరిస్థితే ఎక్కువగా వుంది. అందుచేత ఇటువంటి సంబంధాలు ఏర్పరుచుకుంటున్న వ్యక్తులు గుంభనంగా తమ కార్యక్రమాలను కొనసాగించాల్సిన పరిస్థితి వుంది. అయితే ఇలా గుట్టుగా సాగించాల్సిరావడం వల్ల, మీరు కొన్ని సామాజిక ప్రమాదాలకు లోనయ్యే అవకాశం వుంది. మీ గుట్టును రట్టు చేస్తామని బెదిరించి, బ్లాక్‌ మెయిల్‌ చేసే అవకాశం ఉంది. ఈ విషయం భర్తకు తెలియడం వల్ల భార్యాభర్తల అన్యోనత దెబ్బతినే అవకాశం లేకపోలేదు. అందువల్ల మనస్సు నిగ్రహం చేసుకుని ముందుకు సాగిపోవడమే ఉత్తమం.