Dheere dheere time guzarne lagta hai aur shaadi ka din najdeek aane lagta hai. Sablog shaadi ke kaam mein busy hojaate hai. Par Sonal ko toh sirf ek jagah baitha diya jaata hai aur uski nigraani mein sabhi bachho ko baitha diya jaata hai. Jisse Sonal chah ke bhi uth nhi sakti thi.
Raj Sonal ki iss halat ka pura maza le raha tha. Woh jaanmuzz ke Sonal ke saamne aake usko pareshan karta usko chidata jisse Sonal ko bahot gussa aata. Par Raj Sonal ka dhyaan bhi pura rakhta. Uski nazar harwaqt Sonal ke upar hi rehti.
Agar Sonal ko kisi chiz ki jarurat hoti toh Raj uske saamne hota. Time to time Sonal ko khaana khilana bhi Raj achhe se dekh raha tha.
Dheere dheere Sangeet ka din aajata hai. Sablog bahot khush the sivaay Sonal ke. Kyoki usko strict warning mili thi ke woh ek jagah chup chaap khadi rahegi.
Sangeet ke sham sablog naach gaa rahe the aur Sonal ek jagah khadi hoke bebas se unsab ko dekh rahi thi. Raj toh jaanmuzz ke Sonal ko dikha dikha ke naache raha tha jiss wajah se Sonal ko bahot gussa aaraha tha.
Sonal: Mann mein. Dekho toh kaise naach rahe hai mujhe dikha dikha ke. Kaha mere bagal mein khade hoke mujhe support karenge. Aane do kamre mein chorungi nhi.
Abhi Sonal yeh soch hi rahi thi ke tabhi Raj uske bagal mein aajata hai aur dheere se uske kaan mein bolta hai.
Raj: Kyaa huaa meri baby ko.
Sonal: Gusse mein. Bhaad mein gayi baby. Aap aaiye raat ko kamre mein aapko batati hu main.
Raj: Areee itnaa gussa nhi karna chahiye. Tum itna gussa karogi tog humare bachhe pe iska bura asar hoga.
Sonal: Aapko parwaah hai meri aur mere bachhe ki. Aapko bilkul bhi parwaah nhi hai humlogo ki. Agar hoti toh humne dikha dikha ke naachte nhi. Humare paas khade rehte.
Raj: Aree meri jaan toh bura maan gayi. Main toh bas tumhare saath thodi masti kar raha tha.
Sonal: Achha mujhe takleef deke aapko maza aaraha hai. Yehi aap pyaar karte hai mujhse.
Raj: Achha baba Sorry galti hogyi. Maaf kardo. Ab harwaqt tumhare saath hi rahunga khush.
Sonal: Koi jarurat nhi hai. Aap jaaiye enjoy kijiye. Biwi ko toh aap bhul hi gaye hai.
Raj: Aree meri jaan tumhe kaise bhul sakta hu. Tum toh meri nas nas mein ho. Pleaseee maaf kardo. Galti hogyi.
Sonal kuch nhi bolti bas muh fula ke wahi khadi rehti hai. Raj wahi Sonal ke paad khada hojaata hai aur uske saath chedkhaani karne lagta hai.
Sangeet ka program khatam hone ke baad sablog apne apne ghar chale jaate hai. Sonal apne kamre mein aati hai toh woh Raj se koi baat nhi karti.
Raj Sonal ko apni baahon mein leke usse maafi maangne lagta hai. Par Sonal koi baat nhi kar rahi thi.
Raj: Sonuu maaf kardo naa. Galti hogyi. Aage se aisa nhi karunga. Tumhe pata hai naa tum aise chup rehti ho toh mujhe bilkul achha nhi lagta. Pleaseee maaf kardo.
Sonal: Aap abhi bol rahe phir aisa nhi karenge. Par kal shaadi mein phir se aap mujhe dikha dikha ke naachenge.
Raj: Kal main harwaqt apni Sonu ke paas rahunga. Uske saath hi khada rahunga. Pleasee maaf kardo. Tum toh meri achhi Sonu ho naa. Meri pyaari Sonu ho. Pleaseeee.
Sonal: Achha achha thikk hai. Maaf kiyaa. Par aage se aisa kiya naa toh main aapse phir kabhi baat nhi karungi.
Raj: Kabhii nhii karungaa.
Phir dono so jaate hai.
Agle din shaadi thi toh sablog subah se hi busy the. Par Raj apne waade ke mutabik harwaqt Sonal ke saath hi thaa. Woh usko ek pal ke liye bhi akela nhi chor raha tha. .
Dekhte dekhte sham hojaati hai aur shaadi ka time bhi hone lagta hai. Sablog apne apne kamre mein taiyaar horahe thee.
Raj apne kamre mein aata hai toh dekhta hai Sonal ready horahi hai. Woh apne blouse ki dori baandhne ki koshish kar rahi thi par usse nhi horaha tha.
Raj: Agar tumse nhi horaha hai toh main baand du.
Sonal: Seriously Raj. Biwi ke blouse ki dori baandne ke liye bhi aap puch rahe hai. Yeh nhi ki aake meri help kardee.
Raj Sonal ke pichhe aake uske blouse ki dori baandhne lagta hai par beech beech mein sararat karke Sonal ki peet mein gudgudi bhi kar raha tha.
Sonal: Aapko koi kaam bolna hi bekaar hai. Ek toh yaha late horaha hai aur aapko masti suj rahi hai.
Raj: Ek baat bolu. Aaj kal tum bahot chid chid karne lagi ho. Meri Sonu aisi toh nhi thi.
Sonal: Achha main chid chid karne lagi hu ab. Pehle toh aapko yehi baate pyaari lagti thi.
Raj: Pyaari ab bhi lagti hai. Par tum jaise karti ho naa woh achha nhi lagta. Har baat pe tum pareshan hojaati ho. Choti choti baat pe gussa hojaati ho.
Abhi Sonal kuch bolti ke tabhi pichhe se Smita bolti hai.
Smita: Woh isiliye ke iss waqt Sonal ki jo halat hai usme mood baat baat mein change hota hai. Har choti choti pe chid jaana gussa karna yeh hoga hi. Isiliye complain karna band karo aur enjoy karo.
Sonal: Par yeh samajte hi nhi hai Mummy. Har waqt bas mujhe pareshan karte hai.
Raj: Ab Mummy ke samne nhi Sonal.
Smita: Achha ab bas karo tumdono. Sonal tum ready ho naa.
Sonal: Jii Mummy.
Smita: Toh chalo chalke Aarav ki aarti utaro. Tum uski bhabhi ho.
Sonal: Par yeh toh Nandini bhabhi ka haq hai naa woh badi hai.
Smita: Haa. Tum dono hi karne wali ho. Woh tumhara hi wait kar rahi hai. Chalo jaldi.
Phir sab nichhe aajate hai aur shaadi ke pehle ki saari rashm karne lagte hai aur uske baad sablog marriage hall ke kiye nikal padhte hai.
Sablog Aarav aur Samar ke aage naachte hue jaa rahe the par Raj Sonal ke saath gaadi mein baitha hua tha. Aur yeh chiz Sonal ko achhi lagti hai ke uska pati uske saath hai.
Kuch der mein sablog marriage hall aajate hai. Aarav aur Samar ko stage pe baitha diya jaata hai.
Thodi der mein waha Neha Vishal Soniya aur Varun aajate hai. Rashmi bhi apne pati ke saath aayi hui thi. Neha ne toh shaadi karli thi par Soniya ne sirf engagement hi ki thi. Wohlog aake charo ko congratulate karte hai aur stage mein unke bagal mein khade hojaate hai.
Tabhi waha Mr. And Mrs. Khanna bhi aajate hai. Deepak aur Meera ne unhe bhi invite kiya tha. Sonal unhe dekh kar khush thi. Par jab woh Mrs. Khanna ko dekhti hai toh usse unke chehre pe thodi udaasi bhi dikhti hai.
Sonal: Uncle Aunty kaise hai aaplog.
Dono: Hum achhe hai beta. Aur tumhe bahot bahot badhai ho. Tumhare Mummy papa ne bataya tha ke tum maa banne wali ho.
Sonal: Thank You Uncle Aunty.
Phir unke beech koi baat nhi hoti. Mr. And Mrs. Khanna stage se utar kar baaki mehmaano ke beech aajate hai. Par Sonal ki nazar jaise unpe hi tham gayi thi.
Kuch der baad Raj Sonal ke paas aata hai toh Sonal Raj se bolti hai.
Sonal: Raj mujhe waha mehmaano ke paas jaana hai.
Raj: Tum waha jaake kyaa karogi Sonal. Tum yaha aaram se baitho naa.
Sonal: Mujhe waha thoda kaam hai. Pleaseee le chaliyee.
Raj: Achha thik hai chalo.
Phir Raj Sonal ko leke mehmaano ke beevh aajata hai. Sonal sidha Mr and Mrs. Khanna ke paas aati hai aur bolti hai.
Sonal: Uncle Aunty kyaa baat hai. Main bahot der se dekh rahi hu aaplog kuch udaas se hai.
Mr. Khanna: Nhii nhii Sonal. Aisi koi baat nhi hai.
Sonal: Nhii Uncle. Kuch toh baat hai. Main bahot der se dekh rahi hu. Bataiye naa kyaa baat hai.
Mrs. Khanna: Woh beta hum Vicky se milne gaye thee. Usse apni galti ka aihsaas hogya hai. Bahot ro raha tha aur maafi bhi maang raha thaa. Bhale hi humne usse boldiya tha ke humse uska ab koi rishta nhi hai. Par beta hai woh mera. Mere se uski woh takleef nhi dekhi gayi.
Mr. Khanna: Beta bhale hi woh jaisa bhi hai par humara ek lauta beta hai. Agar tumlog usse maaf karke uski saza kam karwa do toh bahot achha hota. Maana usne jo kiya hai woh maafi ke kaabil nhi hai.
Sonal: Uncle Aunty main isme kuch nhi keh sakti. Yeh sab mere haath mein nhi hai. Aur maine Vicky ko maaf kardiya hai. Mere dil mein uske liye koi gila shikwa nhi hai.
Phir Sonal waha se wapas stage mein aajati hai. Par uske dimaag mein Mr. And Mrs. Khanna ki baat hi chal rahi thi.
Thodi der baad shaadi ki rashm start hoti hai. Aarav aur Samar ko mandap pe baithaya jaata hai. Kuch der baad Payal aur Ishita ko unke paas baitha diya jaata hai.
Phir unka kanyadaan kiya jaata hai. Payal ka toh uske mummy papa ne kiya tha aur Ishita ka Ishant aur Shruti ne kiya tha. Phir phere hote hai sindoor aur mangalsutra bhi pehnaya jaata hai.
Dekhte dekhte shaadi puri hojaati hai aur bidaai ka waqt aajata hai. Payal apne maa baap ke toh Ishita apne dono bhai aur bhabhi ke gale lag khub roti ha. Ishita toh Khaash kar Ishant aur Shruti ke. Kyoki uske maa baap ke marne ke baad undono ne kabhi bhi usse maa baap ki kami mehsus nhi hone di.
Bidaai ke baad sabki aankhein nam thi par dil mein khushi thi ke unki beti ab apne asli ghar chali gayi aur apni nayi zindagi ki suruaat karne wali hai.
Payal jaha bidaai ke baad Kapoor House aati hai wahi Ishita ek hotel mein jaati hai jaha aaj ki raat wohlog rukhne wale the. Ishita ke swagat ke liye Swati aur Yash wahi Hotel mein chale gaye the. Unke saath Rashmi bhi wahi thi. Idher Payal ka swagat uski badi behen cum jethani karti hai.
Swagat ke baad Payal ko uske kamre mein bhej diya jaata hai. Udher Hotel mein bhi Ishita ke swagat ke baad usse ek room mein bhej diya jaata hai aur baaki sab bhi apne apne room mein chale jaate hai.
Raj jab apne room mein aata hai toh Sonal khidki ke paas khadi thi. Raj Sonal ke paas aake usko apni baahon mein le leta hai aur bolta hai.
Raj: Humare bachhe ne aisa kaun si galti kardi jo tum usse aise khadi rehke saza de rahi ho.
Sonal: Aisi koi baat nhi hai Raj. Main bas kuch soch rahi thi.
Raj: Achhhaa. Toh kyaa soch hai mere pyaari si biwi.
Sonal: Agar main aapse kuch maangu toh kyaa aap mujhe dengee.
Raj: Tumhe maangne ki koi jarurat nhi hai tum bas order diya karo.
Sonal: Kyaa aap Karan Bhaiya ko bolke Vicky ki saza kam nhi karwa sakte. Aaj Uncle Aunty aaye the toh unse baat karne pe unhone bola ke usse apni galti ka aihsaas hogya hai. Aur maafi bhi maang raha tha. Isiliye please uski saza kam karwa dijiye. Mujhse Uncle Aunty ka dukh dekha nhi gaya.
Raj: Tumhe pata hai tumhari isi achhai ka faiyda log uthate hai.
Sonal: Pleasee maan jaaiye naa. Kyaa aap apni biwi ki itni si baat nhi maanenge. Pleasee.
Raj: Achha thikk hai. Main karta hu bhaiya se baat. Khushhh.
Sonal: Thankkk youuu. Aap bahott achhe hai. I Lovee Youuu.
Raj: I Love You Too. Par agar usne bahar aake phir se kuch kiya toh main usse nhi chorungaa.
Sonal: Thikk hai.
Phir dono so jaate hai.
Agle din subah Ishita jaha Samar ke saath apne ghar aati hai wahi Payal bhi Aarav ke saath apne ghar jaati hai pagfhere ki rashm ke liye. Sham ko Samar aur Ishita apne parivaar ke saath Jaipur chale jaate hai. Jaipur jaate waqt bhi Ishita khub roti hai.
Dekhte dekhte inki shaadi ko bhi kuch mahine guzar jaate hai aur Sonal ki delivery date bhi bahot hi jyaada najdeek aajati hai. Kisi bhi din usko admit karna padh sakta tha. Raj ne Karan se baat karke Vicky ki saza bhi kam karwa di thi.
Ek din raat ko sablog aaram se so rahe the. Par tabhi achanak se Sonal ki neend toot jaati hai uske pet mein dard bhi hone lagta hai.
Sonal: Rajjjjjj Rajjjjj uthiyeeeee.
Par Raj gehri neend mein so raha thaa isiliye uske bulane ke baad bhi nhi uth raha tha.
Sonal: Dard se chillate hue. Rajjjjjjjjj. Uthiyeeeeeee.
Sonal ke aise chillane se Raj ki neend toot jaati hai aur woh jhatt se uthke baith jaata hai.
Raj: Kyaaa huaaa chilla kyo rahi ho.
Sonal: Timeee aagya haii meraaa. Jaldi se Mummy ko bulaiyeee. Aaaahhhhhhh Mummyyyyyyyyy.
Sonal ki baat sunke Raj jhatt se bhaagta hai aur apni maa ke kamre ke paas aake jorr jorr se darwaaza khatkaane lagta hai.
Kuch der mein Smita darwaza kholti hai aur Raj ko waha dekh kar woh samaj jaati hai kyaa hua hai.
Smita: Jaldi se sabko utha. Main Sonal ko sambhalti hu. Yeh bol woh Sonal ke paas bhaagti hai.
Raj jaldi se Ragini Nandini Payal sabko uthata hai aur Sonal ke paas bhaagta hai.
Smita: Raj jaldi se gaadi nikal. Nandini Sonal ke doctor ko call karo aur bolo hospital aajaye. Aarav Swati ko bhi call karke bolde.
Ragini: Bas bas Sonal. Thodi der hum hospital jaa rahe hai naa. Rajj jaldi karrr.
Karan: Main gaadi nikalta hu. Raj tu Sonal ko leke aa. Yeh bol woh bahar bhaag jaata hai.
Raj jaldi se Sonal ke paas aata hai aur usse godd mein uthake nichhe jaane lagta hai.
Smita: Rajj sambhal kee.
Raj Sonal ko leke bahar aata hai aur usko gaadi ke backseat mein sula deta hai. Smita Sonal ka sir apni god mein le leti hai aur Ragini uske pairon ko. Karan Car drive karne lagta hai aur Raj uske paas baith jaata hai.
Payal: Bhaiyaa yeh bhabhi ka bag le lijiye. Isme sab jarurat ka samaan hai.
Raj woh bag le leta hai aur Karan gaadi ko hospital ki taraf bhaga deta hai. Aarav bhi Payal aur Nandini ko leke pichhe pichhe nikal jaata hai.
Udher Swati ko jab Aarav call karke bolta hai toh woh bhi Yash ko saath nikal jaati hai. Ishant aur Shruti ghar mein hi rehte hai bachhon ke saath.
Thodi der mein Sonal ko leke hospital pahonch jaate hai aur Sonal ko OT mein lejaaya jaata hai. Thodi der baad sablog aajate hai. Raj toh tension mein idher udher ghume jaa raha tha.
Smita: Raj ek jagah baith jaa. Kyo aise ghum raha hai.
Smita: Aree kuch nhi hogaa usse. Aur yeh dard toh har aurat ko sehna hi padhta hai.
Nandini: Aur nhi toh kyaa. Tumlogo ko kyaa lagta hai bachhe ko janam dena aasan hota hai. Bachhe ko janam dete waqt jo dard hota hai naa uss dard ko sehne ki himmat aur taqat sirf hum aurato ke paas hoti hai. Aur tum chinta mat karo. Sonal bilkul thikk hai. Bas kuch hi der mein bachhe ki awaaz sunayi degi.
Sablog Raj ko samjhane lagte hai par Raj ka tension kam hi nhi horaha tha woh bas OT ke saamne idher udher chal raha thaa. Tabhi waha ek nurse aati hai aur bolti hai aap mein se OT mein jo patient se unka family member kaun hai.
Raj: Kya hua sister. Sab thik hai naa. Main uska pati hu. Sonal thikk hai naa.
Nurse: Jii aap tension naa le. Woh thikk hai. Abhi delivery mein time hai aur doctor aagaye hai. Tab tak aap yeh admission form bhar dijiye.
Aarav: Aap form mujhe dijiye. Main fill kar deta hu. Yeh bol Aarav form leke reception pe chala jaata hai.
Swati: Oo sorry bhabhi main bhul gayi. Mujhe jaise hi pata chala main turant aagayi. Main abhi kardeti hu. Yeh bol Swati thoda durr jaake Ishita ko call karti hai.
Ishita: Kyaa huaa bhabhi itni raat ko call kiya sab thikk hai naa.
Swati: Haa sab thikk hai. Samar kaha hai.
Ishita: Samar toh so rahe hai. Unhe uthau kyaa.
Swati: Tum baad mein utha dena. Maine bas yeh bolne ke liye call kiya hai ke Sonal ko hospital mein admit kardiya hai. Tumlog kal aajana.
Ishita: Kyaaa. Admit kardiya. Matlab main phir se bua ban gayi. Aur Mami bhi.
Swati: Bani nhi ho banogi. Tum Mummy Papa ko boldena.
Ishita: Thik hai. Hum kal subah tak aajayengee. Yeh bol call cut kardeti hai aur jaake Samar ko uthati hai.
Ishita: Samar Samar uthiyeee. Samarrrr.
Samar: Kyaa hai Ishu. Sone do na.
Ishita: Aree Sonal bhabhi ko Hospital mein admit kardiya hai. Swati bhabhi ka call aaya tha. Uthiyee naa.
Samar: Jhatt se uthke. Kyaaa Shinchan hospital mein.
Ishita: Haaa. Aap uthiye aur tickets dekhiye Main Mummy Papa ko batati hu. Yeh bol woh Meera ke kamre ki taraf bhaagti hai.
Ishita Meera ke kamre mein aake darwaaza knock karti hai toh kuch der baad Meera darwaaza kholti hai aur saamne Ishita ko dekh hairan hoti hai.
Meera: Aree Ishu beta kyaa baat hai itni raat ko. Sab thikk hai naa.
Ishita: Mummy woh Mumbai se call aaya tha. Sonal bhabhi ko admit kardiya hai. Kal chalna hai waha.
Meera: Sachhhh. Bhagwaan karee sab achha ho.
Ishita: Jiii. Kal subah subah hi nikalna hai toh samaan pack karlijiye. Samar tickets check kar rahe honge.
Meera: Thikk hai.
Idher Hospital mein Sonal ka dard badhta jaaraha tha doctor uske reports ko ekbaar phir se recheck kar raha tha. Reports check karne ke baad woh bahar aata hai aur bolta hai.
Doctor: Dekhiye delivery mein thoda time baaki hai. Par Patient ki body mein khoon ki thodi kami hai. Toh humhe khoon chadana hoga.
Raj: Doctor Meri Sonal aur mera bachha toh thikk hai naa.
Doctor: Haa Patient aur bachha bilkul thikk hai. Aaplog jaldi se khoon ka intezaam kardiye.
Raj: Kis group ka khoon chahiye doctor.
Doctor: B+.
Raj: Mera bhi yehi group hai. Aap mera khoon le lijiye.
Doctoe: Sister inko le jao aur blood check karke khoon le lo aur patient ko chada do.
Nurse ki baat sunke sablog bahot jyaada khush hojaate hai. Raj ki aankhon se toh khushi ke aansu nikalne lagte hai.
Raj: Mummy sunaa aapne main 2 bachhon ka baap bangaya. Mujhe 2 bachhe hue hai.
Smita: Haa Rajj sunaa mainee. Main bhi toh 2 bachhon ki dadi bangayi.
Nandini: Sister hum kab tak mil sakte hai.
Nurse: Filhal toh woh behosh hai. Kuch der humlog unhe ward mein shift kar rahe hai uske baad aaplog mil sakte hai. Phir Nurse andar chali jaati hai.
Bahar sablog ekdusre ke gale lag ekdusre ko congratulate kar rahe the. Swati ne call karke Shruti ko aur Jaipur mein bhi bata diya tha. Wohlog bhi bahot hi jyaada khush thee.
Kuch der baad doctor bahar aata hai aur bolta hai.
Doctor: Congratulations Mr. Kapoor.
Raj: Thank You Doctor. Kyaa hum unse mil sakte hai.
Doctor: Bas unhe ward mein shift kiya jaa raha hai phir mil sakte hai.
Ragini: Doctor bachhe aur Maa swastha toh hai naa.
Doctor: Haaa bachhe ekdum swastha hai aur rahi baat maa ki toh bhi swastha hai par filhal thodi kamzori hai.
Smita: Doctor dono bachhon mein bada kaun hai.
Doctor: Ladki ka janam 1 min pehle hua hai. Phir doctor waha se chala jaata hai.
Kuch der ke baad Sonal aur bachhon ko ward mein shift kardiya jaata hai. Sonal kamzoori ki wajah se abhi bhi behosh hi thi.
Ward mein shift karne ke baad sablog Sonal aur bachhe ke paas jaate hai. Smita aur Ragini toh jaate hi ek ek bachhe ko apni godd mein utha leti hai.
Ragini: Kitni pyaari hai.
Smita: Haa didi. Dekhiye ladke ki aankhe bilkul Sonal ki tarah hai.
Payal: Aur main chachi hu. Mujhe bhi milne dijiyee.
Phir ek ek karke sablog bachhon se milte hai. Par Raj toh Sonal ke paas baitha tha aur durr se hi apne bachhon ko dekh raha tha.
Ashok: Aree bachhon ke pita ko bhi dekhne do. Tumsab toh usse bhul hi gaye ho.
Ashok ke bolne ke baad bachhon ko Raj ke bagal mein rakhe palne mein sula diya jaata hai. Jiske baad Raj bas ek tak apne dono bachhon ko dekhne lagta hai. Usse toh jaise aur koi sudh budh hi nhi thi.
Abhi Raj bachhon mein khoya hua tha ke tabhi Nandini ka phone baj uthta hai. Woh dekhti hai ke Shruti ka video call aaya hua hai.
Nandini: Haaa Shruti bolo.
Shruti: Bolna sunna baad mein. Pehle mujhe mere bhatije aur bhatiji se milwao. Kabse wait kar rahi hu.
Phir Nandini palne ke paas aake apne mobile se bachhon ko dikhati hai.
Shruti: Kitnee pyaare hai bhabhi. Pure Raj aur Sonal ki tarah dikhte hai.
Nandini: Haa ekdumm. Bahott pyaare hai.
Shruti: Bhabhi Swati ko bolo ghar aajaye. Ansh baar baar neend se uth raha hai aur ro raha hai.
Swati jo bagal mein thi woh sunn leti hai.
Swati: Bas didi aarahi hu.
Phir call cut hojaata hai.
Raj: Mummy aaplog ab ghar jaaiye. Waha dadi akeli hai.
Smita: Hmm Thikk hai. Main aur tu yahi rukhte hai baaki sab ghar jao. Subah aajana.
Phir sab ekbaar aur bachhe ko dekh kar ghar ki taraf nikal jaate hai.
Unnsab ke jaane ke thodi der baad hi Sonal ko hosh aane lagta hai. Hosh mein aate hi woh sabse pehle ek hi chiz bolti hai.
Sonal: Mere bachheee.
Raj: Sonalll.
Sonal: Rajjjj mere bachhe kaha hai. Mujhee dekhna hai mere bachhon ko. Kaha hai woh.
Raj: Shant hojao Sonal. Humare bachhe ekdum thikk hai. Woh dekho tumhare bagal mein hi so rahe hai.
Sonal jhatt se apne bagal mein dekhti hai toh paati ke hai palne mein uske dono bachhe so rahe the jinhe dekh kar hi Sonal ki aankhon mein aansu aajate hai.
Feed karane ke baad Sonal bachhon ko palne mein naa deke apne bagal mein hi sula deti hai aur pyaar se sehlaane ke lagti hai. Aisa karte hue usse jaha duniya bhar ki khushi mil rahi thi wahi uske aankhon mein aansu bhi thee.
Sonal: Tumdono ne meri zindagi ko pura kardiya. Tumdono ke aane se aaj tumhari mummy puri hogyi. Ab tumdono ki Mummy ko aur kuch nhi chahiyeee. Thank You mere life mein aake mujhe Mummy banane ke liyee.
Phir Sonal dono bachhon ke paas hi sone lagti hai par apna haath apne dono bachhon ke upar rakh deti hai. Thodi der mein Sonal ko bhi neend aajati hai.
Agle din jab Sonal ki neend khulti hai toh woh dekhti hai ke uske saamne uski maa Meera baithi hui hai aur apne naati naatin ko hi dekh rahi hai.
Sonal: Mummyyyy.
Meera: Bahot bahot badhai ho Sonalll. Main bahott khush hu tumhare liyeee. Yeh bol woh bachhon ko apni god mein le leti hai.
Meera: Bahott pyaare hai betaa. Bilkul tere aur Raj ke upar gayee hai.
Tabhi waha Samar aata hai aur bolta hai.
Samar: Mummy mujhe bhi milne dijiyee mere chotee Shinchan se.
Meera: Abhii nhii baad mein. Pehle main toh apne naati aur naatin se mil lu achhe se.
Phir thodi der baad waha Shruti Ishant Ishita Deepak bhi aajate hai aur bachhon se milne lagte hai.
Shruti: Sonal tumhare liye naashta laaye hai tum khaa lo. Doctor ne bataya hai bahot kamzoor ho tum.
Meera: Woh toh hona hi hai. Apna khayal kaha rakhti hai yeh ladki. Mujhe toh bachhon ki tension horahi hai. Inki maa apna khayal nhi rakhti inka khayal kaise rakhengi.
Tabhi Smita andar aati hai bolti hai.
Smita: Tum bilkul chinta mat karo Meera. Bachhon ka khayal rakhne ke liye bahot jan hai. Aur inki maa ka khayal bhi ab bachhon ke jaisa hi rakha jaane wala hai. Chalo ab pehle tum naashta karlo.
Phir Smita Sonal ke liye laaya hua naashta uske saamne rakhdeti hai. Sonal jaise hi khaane wali hoti hai tabhi usse kuch yaad aata hai toh woh bolti hai.
Sonal: Raj ne naashta karliya. Woh bhi toh kal raat se mere saath hai.
Shruti: Thoda gusse mein. Tum abhi sirf apna aur apne bachhon ka dekho. Bachhon ke pita ke liye humlog hai. Aur ab agar tumhare muh se kuch bhi nikla toh achha nhi hoga. Chalo jaldi jaldi finish karo.
Shruti ki daant sunnke Sonal chup chaap khaane lagti hai. Kuch der mein uska khaana hojaata hai.
Sonal: Mummy ghar kab tak jaayengee.
Smita: Raj wahi puchne gaya hai doctor se. Woh aata hi hogaa.
Abhi Sonal kuch bolti ke tabhi bachhe rone lagte hai jiss wajah se Sonal pareshan hojaati hai.
Meera: Lagta hai inhe bhuk lagi hai. Sonal tum inhe dudh pila do. Hum bahar jaate hai. Yeh bol woh bachhon ko Sonal ki god mein sula deti hai. Aur baaki sab bahar jaane lagte hai.
Phir Sonal bachhon ko aaram se dudh pilane lagti hai jiske baad bachhe chup hojaate hai.
Bahar baakisab apne apne turn ke liye baithe hue the. Jaise hi wohlog bahar aate hai toh baakisab andar jaane lagte hai toh Shruti unhe rokh deti hai.
Shruti: Abhi koi andar nhi jaayegaa.
Payal: Aree kyoo. Humhe milne dijiye. Raat ko toh achhe se mil nhi paaye.
Raj: Sonal ka discharge hogya hai humlog ab ghar le jaa sakte hai. Aaplog andar jaake usse ready karwa dijiye.
Phir Nandini aur Ragini andar jaate hai aur Sonal ko taiyaar karwane lagte hai.
Thodi der baad Sonal aur bachhon ko leke sab ghar ki taraf nikal padhte hai. Ragini aur Meera ne ek ek bachhe ko apni god mein rakha hua tha.
Gaadi mein Sonal ke saath Ragini aur Meera baith jaate hai bachhon ko leke. Jiske baad sablog ghar ki taraf nikal padhte hai
Kuch der baad sablog ghar pahonch jaate hai. Ghar ke darwaaze pe Sonal aur bachhon ki aarti utari jaati hai jiske baad unhe andar laaya jaata hai.
Smita: Raj Sonal ko aur bachhon ko room mein le jaa. Aur Sonal tum abse kuch din wahi rahogi. Room se bahar ekdum nhi niklogi. Agar nikli toh mujhse bura koi nhi hogaa.
Smita ki dhamki sunke Raj Sonal aur bachhon ko room mein le jaata hai aur bachhon ko bed ke beech mein sula deta hai aur Sonal dono bachhon ke bagal mein baith jaati hai.
Raj: Tum aaram karo main bahar hu.
Sonal: Rajjjj. Aap khush hai naa.
Raj: Sonal ke paas aake uske chehre ko apne haathon mein leke. Main tumhe bata nhi sakta main kitna khush hu. Tumne aaj humara parivaar pura kardiya. Mujhe 2 bachhon ka pita bana diya. Iss waqt mujhse jyaada khush aur koi nhi hogaa. Yeh bol uske honthon ko chum leta hai.
Raj jaise hi Sonal ko chumta hai ke dono bachhe ki rone jaisi awaaz aati hai jisse sunke Sonal hasne lagti hai.
Raj: Janam liye inko kuch waqt hi hua hai aur abhi se hi tumhe mujhse durr kar rahe hai. Aage pata nhi kyaa kyaa karenge.
Sonal: Ab aap mujhe aur pareshan nhi kar sakte. Ab aapko sabak sikhane wale aachuke hai. Ab mujhe pareshan karbe ke pehle inse baat karni padegi aapko. Yeh bol hasne lagti hai. Raj bhi uske saath has deta hai.
Sonal: Ek baat bolu.
Raj: Hmm bolo.
Sonal: Main apni beti ka naam Megha rakhna chahti hu.
Sonal ki baat sunke Raj ki aankhon mein paani aajate hai aur woh Sonal ko dekhne lagta hai.
Sonal: Main jaanti hu aap aaj bhi Megha ko miss karte hai. Aur isiliye main humari beti ka naam Megha rakhna chahti hu.
Raj kuch nhi bolta bas Sonal ke gale lag jaata hai.
Raj: Tum sach mein bahot achhi ho Sonall. I Lovee Youu.
Sonal: I Love You tooo.
Sonal ke itna bolte hi dono bachhe rone lagte hai. Jaise unhe Sonal ka I Love You bolna achha nhi laga ho.
Raj: Yeh toh mujhse meri biwi ko hi durr kardenge.
Sonal: Apne bachhon ko sehlaate hue. Nhii nhii mera bachha nhii rotee. Mummy sirf tumdono se pyaar karti hai Papa se nhiii. Sonal ke aisa bolte hi dono bachhe dheere dheere rona band kar dete hai.
Raj: Mere bille mujhse hi meow. Paida hue kuch ghante nhi hue aur meri biwi ko mujhse durr kardiya. Aage chalke toh yeh mujhe iss room se phir iss ghar se hi nikalwa denge. Bada hone do chorungaa nhi inhee.
Sonal: Kyaa bolaa aapne. Mere bachho ko dhamka rahe hai. Nikaliye aap room ke bahar.
Raj: Aree main toh mazaak kar raha thaa. Main inko kyo dhamkaunga.
Sonal: Toh abhi abhi jo bola woh kyaa thaaa. Mere bachhe abhi kuch ghante pehle hi iss duniya mein aaye hai aur aap abhi se unhe dhamka rahe hai. Nikaliyeee baharrr.
Raj: Sonuu meri jaan. Main unhe nhi dhamka raha tha. Main toh bas mazaak kar raha thaa. Achha I Am sorry. Aage se kabhi aisa nhi karungaa.
Sonal: Yaad rahe yeh baat. Mere bachho ko agar galti se bhi kuch kaha toh mujhse bura koi nhi hogaa.
Raj: Mann mein. Innlogo ne aate hi mujhse meri biwi chinn li aage pata nhi kya kya karenge. Ekbaar bade hone do phir batata hu inhe.
Sonal: Kyaa soch rahe hai. Jarur mann mein mere bachho ko leke hi koi planning kar rahe honge.
Raj: Aree nhii meri maa. Main aisa kuch nhi kar raha hu. Tum aaram karo main bahar jaata hu. Yeh bol woh jhatt se waha se nikal jaata hai.
Raj ke nikalte hi Sonal jorr jorr se hasne lagti hai.
Sham ko Sonal se milne uske college ke dost bhi aate hai.
Neha: Congratulations Sonal. Humhe jab pata chala toh humhr bahott khushii huii.
Sonal: Thank You Neha.
Soniya: Kyaa naam socha hai Sonal inn golu molu ka. Meri maano toh golu molu hi rakh do. Bahot achha lagegaa.
Sonal: Chiii yeh kaisa naam hai Golu Molu. Aur waise bhi inka naam rakhne ka haq toh inki bua ka hai.
Neha: Waise dono mein kaun bada hai.
Sonal: Yeh toh mujhe nhi pata. Yeh toh baakilogo ko pata hai. Aur main puchna bhi bhul gayi.
Phir kuch der wohlog Sonal ke paas rehke apne apne ghar chale jaate hai. Unke jaane ke baad ghar ki saari aurate Sonal aur bachho ko gher ke baith jaati hai.
Sonal: Shruti didi aapne kyaa naam socha hai inka.
Shruti: Maine akele ne nhi socha hai. Humsab ne milke socha hai. Lekin sirf ladke ka naam. Ladki ka naam toh uski Mummy ne pehle hi soch liya hai.
Sonal: Toh kyaa naam socha aapne.
Shruti: Toh mere pyaare bhatije ka naam hoga Krishna aur meri pyaari si gudiya ka naam hoga Megha. Pasand aaya.
Sonal: Bahott pyaara naam hai didi.
Shruti bachhon ke kaan ke paas aati hai aur dheere se unka naam unke kaan ke paas bol deti hai.
Phir sab wahi baithke baate karne lagte hai. Kuch der baad Shruti aur Swati apne ghar chali jaati hai.
Raat ko jab Raj apne kamre mein aata hai toh woh ekdum dheere dheere apne kamre mein aata hai.
Sonal: Kya huaa aise choro ki tarah kyo aarahe hai.
Raj: Agar dheere dheere nhi aaya toh yeh dono uth jaayenge. Aur agar aisa hua toh tum mujhe kamre mein sone nhi dogi Isiliye aise aaraha hu.
Sonal: Masoom si shakal banate hue. Main aisa kyo karungi. Aur mere bachhe bahot samajdaar hai.
Raj: Nhi nhi mujhe bharosa nhi hai.
Phir Raj washroom mein jaake fresh hota hai aur bahar aake bachhon ko uthane lagta hai toh Sonal bolti hai.
Sonal: Aree kaha le jaa rahe hai.
Raj: Inko inke palne mein de raha hu.
Sonal: Kisliye.
Raj: Aree raat hogyi hai. Ab humhe bhi sona hai.
Sonal: Haa toh uske liye Krishna aur Megha ko kisliye palne mein de rahe hai aap. Yehdono yehi rahenge bed pe. Agar raat ko inko meri jarurat padhi toh. Isiliye inhe chup chaap yehi sula dijiye.
Raj: Toh main kaha sounga.
Sonal: Bed bada hai. Yeh dono beech mein aur humdono inke side mein. Aur main mere bachho ko raat mein palne mein nhi dungi agar yeh darr gaye toh.
Raj bas hairaani se Sonal ko dekhe jaa raha tha. Uske paas bolne ko kuch nhi tha.
Sonal: Ab aise mat dekhiye aur ekdum chup chaap so jaaiye. Mere bachhon ki neend kharab nhi honi chahiye. Samaj gayee.
Raj: Hmm Samaj gaya. Dheere se. Bachhe kyaa aagaye pati ki izzat hi nhi hai.
Sonal: Kyaa bol rahe hai jorr se boliye. Kahi phir se bachhon ki burai toh nhi kar rahe.
Raj: Aree meri maa main aisa kuch nhi kar raha hu tum aaram se so jao. Aur bachhon ki neend bilkul kharab nhi hogi. Yeh bol Raj bachhon ke bagal mein dheere se jaake so jaata hai.
Abhi usko soye hue kuch time hi hua tha ke darwaaze pe knock hota hai. Sonal jaake darwaza kholti hai toh saamne Ragini khadi hui thi.
Sonal: Badi Mummy aap iswaqt.
Ragini: Haa. Main dekhne aayi thi kahi koi problem toh nhi horahi.
Sonal: Nhi Badi Mummy. Sab thikk hai. Dono aaram se so rahe hai.
Ragini: Thikk hai. Aur ek baat ka dhyaan rakhna. Raat ko bachhon ki taraf peet karke mat sona. Chahe kuch bhi hojaaye apni peet bachhon ki taraf mat karna.
Sonal: Jii thikk hai.
Phir Ragini chali jaati hai aur Sonal bachhon ke paas aake sone lagti hai.
Smita: Kyaa bol raha hai. Chall uthh pehlee. Aur yeh sofa pe kyo so raha hai.
Raj: Ab kyaaa batau Mummy. Inndono ne mujhe saari raat sone nhi diya. Ab dekho khud kaise aaram se so rahe hai.
Smita: Kin dono nee. Kyaa bol raha hai.
Raj: Yeh dono mere anmol Bete aur Beti. Puri raat dono ne milke meri neend haram kardi. Ek chup karta hai toh dusra rone lagta hai. Aur sabse bura tab hota hai jab dono eksaath rone lagta hai.
Raj ki baat sunke Smita aur Nandini hasne lagte hai.
Raj: Aap dono has rahe hai.
Smita: Toh aur kyaa karee. Aree tum pita bane ho. Aur yeh ek zimmedaari ka kaam hai. Aur tum toh ek hi din mein pareshan hogaye.
Nandini: Abhii toh yeh suruaat hai. Abhi se pareshan hone se kaise chalega.
Tabhi Sonal ki awaaz aati hai.
Sonal: Subah hote hi mere pyaare bachho ki burai suru kardi naa aapne. Ek din mein hi aap pareshan hogye mere bachho se. Abhi se yeh haal hai toh aage chal ke pata nhi kyaa karenge aap.
Raj: Nhii Sonal. Main kaha kuch bol raha hu. Tumhe jarur kuch galatfehmi hui hogi. Mummy Bhabhi maine kuch kaha hai kyaa.
Mummy: Nhii Sonall. Raj ne kuch nhi kaha.
Nandini: Chalo Sonal tum jao fresh hojao tab tak main inndono ke paas rukhti hu.
Sonal Raj ko ghurte hue washroom ki taraf chali jaati hai. Sonal ke jaate hi Raj chainn ki saans leta hai aur dusre room ke washroom mein chala jaata hai.
Aise hi dheere dheere kuch saal guzar jaate hai. Bachhe bhi bade hogaye the aur school jaane lage the. Kartik jaha thoda shant tha wahi yeh dono bhai behen hadd se jyaada badmaash.
Dono harwaqt ekdusre se ladte rehte the. Jab dekho dono ekdusre ko maarte pareshan karte daant khilwate. Par same time pe ekdusre ko pyaar bhi bahot hi jyaada karte the. Agar saamne wale ki tabiyat kharab ho yaa koi chott lag jaaye toh dusre ko wale jyaada takleef hoti thi.
Payal bhi ab maa banne wali thi par Ishita abhi innsab ke liye prepared nhi thi isiliye usne kuch waqt maanga tha jiska support sabne kiya. Aakhir woh khud ek bachhi hai.
Krishna aur Megha ki badmaashiyan din ke din badhti jaa rahi thi. Par kabhi kisi ne kisi bhi bachhe ko kabhi bhi nhi daanta. Sonal toh dono bachho pe kuch jyaada hi laad pyaar jatati thi jiss wajah se yeh jiddi bhi hogaye the.
Dono ki badmaasiyon ki report school se aati rehti thi. Par sablog inki inn badmaasiyon ko enjoy karte the. Raj agar kabhi inhe daant bhi deta toh usse Sonal aur Smita se muqabla karna hota tha.
Ekdin Raj subah aaram se so raha tha. Uske office ki chutti bhi thi aur bachho ke school ka holiday bhi tha. Krishna aur Megha subah jaldi uth jaate hai aur aaj pure din kyaa karna hai uski planning karne lagte hai.
Megha: Bhaiyaa chalo chalke papa ko uthate hai.
Krishna: Haa didi papa ko bolenge humhe aaj ghumane le chale. Bahot din hogye hum kahi bahar nhi gaye. Chalo chalke uthate hai. Yeh bol woh Raj ke kamre ki taraf jaane lagta hai.
Phir dono bhai behen apne papa ke kamre mein aate hai toh dekhte hai Raj ekdum besudh soya hua hai.
Dono dheere dheere uske paas aake khade hojaate hai aur ekdusre ko dekhne lagte hai.
Tabhi Megha ki nazar Sonal ki dressing table pe jaati hai toh woh uss taraf chal deti hai.
Krishna: Didi yaha kyaa kar rahi ho. Agar Mummy ne dekh liya toh bahot daant padegi.
Megha: Mummy humhe kuch nhi bolegi. Yeh bol woh Sonal ki lipstick utha leti hai aur Raj ke paas aake bed mein baith jaati hai aur ekdum dheere dheere Raj ka makeup karne lagti hai.
Megha ke dekha dekhi Krishna Sonal ka kajal pencil utha leta hai aur Raj ke paas aake woh bhi uska makeup karne lagta hai.
Kuch der mann bharr ke makeup karne ke baad dono apne baap ko uthane lagte hai.
Raj yeh sunke mann mein bolta hai. Uthja Raj. Warna pata nhi yeh shaitano ki jodi kyaa kyaa boldenge Sonal ko. Aur Sonal toh inki baato pe hi vishwaas karegi.
Krishna: Mummmyyyyyy.
Raj: Areee uth raha hu mere baap. Chainn se jeene toh dete nhi ab sone bhi mat do.
Megha: Kyaa bola aapne. Hum abhi Mummy ko batate hai.
Raj: Aree meri princess kyo Papa ko daant khilwana chahti ho. Achha bolo kyaa baat karni thi.
Krishna: Humhe aaj ghumne jaana hai.
Raj: Kis khushi mein.
Megha: Hum bahot din se kahi ghumne nhi gaye hai. Kartik bhaiya toh apni Nani ke yaha pe bhi ghumne jaate hai par aap toh humhe kabhi bhi Nani ke yaha jaane nhi dete. Humhe aaj ghumne jaana hai.
Raj: Aree meri princess papa tumdono se bahot hi jyaada pyaar karte hai isiliye tumdono ko khudse kabhi durr nhi karte.
Krishna: Toh aaj humhe ghumane le chaliye.
Raj: Achha thikk hai. Tumlog nichhe jaake sabko bolo main fresh hoke aata hu.
Raj: Aree mera pyaara bachha. Kitne dukh ki baat hai koi mere bachhe ki baat nhi sunta. Achhha chalo chalte hai Par uske pehle papa ko papa ki morning kissi de do.
Raj ke bolne ke turant baad hi dono Raj ke upar jhapat padhte hai aur ek ek gaal mein puppy de dete hai. Raj bhi dono ke gaal pe puppy de deta hai.
Phir dono ko apni god mein utha ke nichhe jaane lagta hai. Jaise hi Raj nichhe aata hai dono jaldi jaldi uski god se utar ke ekdum shanti se chup chaap jaake Sofa mein baith jaate hai jaise uss waqt unse bada masoom aur bhola koi naa ho.
Hall mein baithe sabki nazar jab Raj ke chehre pe padhti hai toh sabki hasi nikal jaati hai. Sab jorr jorr se pet pakad ke hasne lagte hai.
Raj: Kyaa hua sab aise kyo has rahe hai. Koi joker dekh liya kyaa.
Raj jaldi se apna mobile nikalke usme apni shakal dekhta hai toh uski chikh nikal jaati hai.
Raj: Aaahhhhhhh. Yehhh kaunn haiii.
Sonal: Jokerrr.
Raj: Yehh sab kaise aaya mere chehre mein. Main toh aaram se so raha thaa. Phir usse yaad aata hai ke usse uthane ke liye kaun aaya tha.
Raj: Krishnaaaaa Meghaaaaaa. Tumdono ko toh main aaj chorungaa nhii.
Dono apna naam sunte hi fatafat apni maa ke pichhe jaake chupp jaate hai.
Raj: Sonalll beech mein se hatt jaao. Aaj inhe main nhi chorne wala.
Sonal: Aap kuch nhi kahenge mere bachho ko. Aree bachhe hai. Ab apne papa ke saath masti nhi karenge toh kiske saath karenge. Ek din hi toh milta hai unhe aapke saath.
Raj: Mummy inki shaitaaniyan din ke din badhte hi jaa rahi hai. Abhi kal hi mujhe inke school se call aaya tha ke inhone ek teacher ki chairr pe glue laga diya tha jispe woh teacher chipal gaye the.
Sonal: Haa toh teacher ko dekh ke baithna chahiye thaa na. Galti teacher ki hai aur saza mere bachho ko.
Raj: Yeh dono tumhare iss laad pyaar ki wajh se itna bigad gaye hai. Abhi bhi time hai samjhao inhe.
Sonal: Thikk hai main samjhaungi. Ab aap shant hojaiye. Krishna Megha samne aao.
Dono: Nhiii Papa maarengee.
Sonal: Tumhare papa mein itni himmat nhi jo mere saamne tumhe kuch kahe. Bahar aao.
Dono Sonal ke pichhe se uske saamne aajate hai.
Sonal: Jab pata hai papa maarenge toh kyo karte ho itni badmaashi.
Dono: Ab bachhe badmaashi nhi karenge toh kaun karega.
Sonal: Kaun sikhata hai tumdono ko itni badi badi baate.
Dono: Badi badi baate badi mummy sikhati hai.
Nandini: Oyee shaitano maine kab shikaya.
Dono: Kuch din pehle aapne hi bola tha naa bade papa ko ke bachhe badmaashi nhi karenge toh kaun karega.
Nandini: Heyy bhagwaan inka dimaag hai ke kyaa hai. Woh baat abhi tak inke dimaag mein hai.
Sonal: Achha yeh batao tumne kyaa lagaya hai Papa ke face pe.
Megha: Maine aapki lipstick
Krishna: Aur maine kajal pencil.
Sonal: Galat baat hai. Aisa nhi karte. Chalo jaao papa ko sorry bolo.
Dono Raj ke paas aate hai aur bolte hai.
Dono: Kaan Pakad ke. Sorry papa.
Dono ne itni jyaada massomiyat se bola tha ke kisi ka bhi dil pighal jaata hai. Phir toh yeh Raj tha jo apne bachho se kabhi bhi naraz nhi hosakta.
Raj apne ghutne pe baith jaata hai aur dono ke haath niche karke dono ke gaal pe ek ek puppy de deta hai.
Phir sablog nikal padhte hai Amusement park ki taraf. Raj ne ek bus book karliya tha itne saare logo ke liye. Toh sablog uss bus mein baith ke nikal padhte hai.
Kuch der ki journey ke baad sablog park pahonch jaate hai.
Shristi: Wowwww kitnaa bada aur khubsoorat park hai. Aur yaha toh zoo bhi hai. Mamu aap greatt ho.
Krishna: Shristi Didi aapke Mamu great nhi hai hum great hai. Agar hum papa ko nhi bolte toh papa yaha laate hi nhi. Kyoo Didi.
Megha: Haa Bhaiyaa. Sahi kaha aapne. Great toh humdono hi hai.
Kartik: Bade aaye great hone wale. Greatt toh chachu hi hai.
Nandini: Achha achha bas karo. Ab yahi khade rehna hai yaa andar bhi jaana hai.
Phir sablog andar jaane lagte hai. Bachhe toh bhaag ke pehle hi andar pahonch jaate hai.
Shruti: Shristi Kartik tumdono bade ho toh apne bhai behen ka dhyaan rakhna.
Dono: Okkkkk.
Shruti ki baat sunne ke baad Megha uske paas aati hai aur bolti hai.
Megha: Aap chinta mat karo bua. Main dhyaan rakhungi sabka.
Shruti: Aree meri pyaari gudiya. Mujhe pata hai tum bahot brave ho. Jao jaake khelo.
Sonal: Bahot bolte hai yehdono. Har baat pe inko bolna hota hai.
Raj: Dheere se. Jab Mummy hi itna bolti hai toh bachhe bhi bolenge hi.
Sonal: Kyaa bola aapnee.
Raj: Maine kaha kuch bola. Main toh bol raha tha dekho bachhe kitna aage chale gaye hai. Chalo jaldi. Yeh bol Raj waha se nikal jaata hai.
Raj ke nikalte hi sab hasne lagte hai.
Phir sablog uss amusement park aur zoo mein enjoy karne lagte hai. Sablog khush the. Bachho ko enjoy karte dekh kuch jyaada hi khush the.
Sabhi young couple apne apne partner ke saath rides ka maza bhi le rahe the toh bachho ke saath photos bhi click kar rahe the.
Sablog dil kholke waha pura din enjoy karte hai. Sham ko sablog ghar aane ke liye nikal jaate hai. Bachhon ne pura din itna enjoy kiya tha ke woh bus mein hi sogaye the.
Raj aur Sonal ne Krishna aur Megha ko apne paas hi sula diya tha.
Sonal: Dekhiye toh kaise so rahe hai ab. Pura din ghar mein uchal khud karte rehte hai. Aur aaj park mein kitna uchal khud kiya hai inndono ne aur ab dekhiye ekdum aaram se so rahe hai.
Raj: Inki yeh uchal khud se hi toh ghar mein kitni raunak rehti hai sablog kitna khush rehte hai.
Sonal: Sach bolu toh aajkal inki badmaasiyan badh gayi hai. Aur bolte toh bahot hai dono.
Raj: Abhii bachhe hai. Bade honge toh sab thik hojayega. Aur tab hum inki inhi badmaasiyon ko miss karenge. Isiliye inhe jitna enjoy karna hai karne do. Yehi toh time hai inka.
Sonal: Hmmm. Waise aaj inhone aapka makeup achha kiya thaa. Bahott pyaare lag rahe the aap.
Raj: Aree pata hi nhi chala kab inhone wohsab kardiya. Par jo bhi humare jeevan mein aane se humhe jaise sabkuch milgaya.
Sonal: Ekdumm. Ab humhe aur kuch nhi chahiye. Inhone har kami ko pura kardiya.
Raj: Chalo ab so jaao. Bahot raat hogyi hai. Phir kal se woh daily life start karni hai.
Sonal: Good Nighttt.
Raj: Good Nighttt.
Krishna aur Megha: Neend mein hi Good Nightttt.
Raj aur Sonal yeh sunn hasne lagte hai phir dono Krishna aur Megha ke maathe ko chum ke so jaate hai.
Aise hi inki zindagi guzarne lagti hai. Jisme beech beech mein kuch kathiyaaniyan aayi par sabne milke uska saamna kiya. Payal ne ek beti ko janam diya jiska naam Aanchal rakha gaya. Wahi Ishita ne bhi kuch samay baad ek bete ko janam diya jiske naam Sameer rakha gaya.
Soniya aur Varun ne bhi shaadi karli thi. Unko ek beti hoti hai wahi Neha bhi dheere dheere Vishal ke pyaar ko samajne lagi aur usse pyaar kar baithi. Inndono ko ek beta hota hai.
Dheere dheere Savitri Kapoor ka bhi jeevankaal pura hojaata hai aur woh swargwaasi hojaati hai. Ashok aur Vijay ne company se puri tarah retirement le liya tha ab woh apne pote potiyon ke saath apna pura time guzarte the. Company ki puri jimmedaari ab Raj Aarav aur Yash ke haathon mein thi.
Raj aur Sonal dono apne bachhon ke saath apni zindagi hasi khushi bitane lagte hai. Dono ke beech abhi bhi nok jhok hoti rehti hai. Par dono ke beech ka ishq kabhi kam nhi hua. Woh samay ke saath humesha badhta hi gaya. Dono ki Bepanaah Ishq ki kahani aise hi puri zindagi chalti gayi.
