Yash avi ko samjha raha tha ke wo apne man me se ye guilt nikal de ke wo komal ki jagah sanjana ko de raha hai ya wo sanjana se pyaar karne laga hai komal ko chhod kar
Yash- avi ab time aa gaya hai jindagi me aage dekhne ka, ha mai manta hu ke tere liye komal ko bhulna mushkil hai, par bhulna hi kyu hai ? use ek sukhad yaad bol ke apne paas rakh aur sabse important ki tujhe tera pehla pyaar nahi mila isliye kya tu sanjana se uska pyaar chinega kya, nahi na, then move on
Avi ko bhi yash ki baate sahi lag rahi thi, uske baad kuch samay shanti me bita, avi ka chehra ab normal lag raha tha aur yash ne dobara bolna shuru kiya
Yash- sorry wo maine tera aur sanjana ka jhagda chip kar suna, sach batau to pehle mujhe laga ke sanjana ko tere liye bas ek attraction hai par ab jab gaurse socha to samajh aaya ke nahi, kahi na kahi wo ab bhi tere se pyaar karti hai bas fark itna hai ke ke abhi wo gusse me hai aur pyaar kya chiz hai ye use sahi se samjha nahi hai, hame aisa kuch karna chahiye ke use ye sab ache se samajh aaye
Avi- par kaise samjhaye use yahi samajh nahi raha, tune to dekha na maine use bolne ke baad bhi use kuch samajh nahi aaya
Yash- anya kab kaam aayega, uska kurafati dimag bahut chalta hai isme apan usse baat karte hai
Aniket- nahi bhai, mai hafte bhar pehle milke aaya hu usse, bahut khush tha wo aur ab ye sab bataya to bahut bura lagega use, usne bola nahi par kahi na kahi use bhi bahut bura laga tha jab maine use apne pehle pyaar ke bare me nahi bataya tha to, maine jaise taise wo baat tali hai par ab wapis sanjana ke sath jhagde ki baat use pata chali to wo wapis purani baate nikalega aur aisa mai nahi chahta, mai nahi chahta ke mere aur sanjana ke beech ka ye tufan mai uski jindagi me le jau.. mujhe un dono ko in sab se dur rakhna ai..
Yash- to ab gaon nahi jana hai ?
Avi- nahi
Yash- to theek hai mere sath mere ghar chal, waha chal ke dekhte hai aage kya karna ai
Yash- maa papa aur priya europe tour par gaye hai, priya office ka kaam kar rahi hai aur maa papa enjoy.. to agle aath din mai akela hi hu matlab sari line clear hai, chal mast aish karenge aur ab chup chap chalne ka nakhre dikhaya to yahi utha ke nadi me fek dunga
Fir dono apna stock leke yash ke ghar pahuche.. upar se shant dikhne wala avi apne ander ek tufan samete huye tha aur yash ka to simple sa fanda tha ke chahe kuch ho jaye avi ko akela nahi chhodna hai, yash ne wfh liya aur avi par najar rakhne laga aur ek din achanak yash bola
Yash- avya mere anubhav se batata hu teko, insan ko pyaar ki parakh jitna sath me nahi hoti na utna virah me hoti hai, ek kaam kar, ab jab tak sanjana khud tujhe dhundhte nahi aati tu uske samne ja hi mat
Avi- idea to acha hai par mai mil nahi raha hu to wo sabse pehle ani ke paas jayegi fir ?
Yash- wo ek locha hai, isiliye bola tha anya ke paas chalte hai par fir komal wali baat bahar aane ka darr hai
Avi- aur agar mai mil nahi raha hu aisi baat bahar aayi to koi dhundhe na dhundhe anya mujhe dhundhe bagair nahi manega, wo patal me bhi mera picha nahi chhodega aur chahe kuch ho jaye mai un dono ko takleef nahi dena chahta
Yash- ye bhi sach hai, waiseto halkat dunak ka galla chhod ke kahi nahi jata par tujhe dhundhne jayega ye confirm hai
Avi- ha na, kaka ka sara kaam sambhal liya hai usne isiliye to honeymoon pe bhi nahi gaya
Aur bolte bolte avi ekdum chillaya
Avi- ideaaa !! agar aisa kare to. mujhe dhundhna bhi ho jayega anya ka honeymoon bhi aur sanjana ko bhi pyaar kya hota hai samjha denge
Yash- idea to nahi hai par is sab ka mel kaise milayega, aur sanjana aayegi tujhe dhundhte huye ?
Avi- uska pyaar saccha hoga to jarur aayegi
Yash- aur honeymoon ka kaisa karega ? wo honeymoon manayenge ke tujhe dhundhenge ?
Avi kuch soch ke bola
Avi- honeymoon matlab ye bhi hota hai na ke apni pasand ki jagah ghum aaye.. komal ki bahut icha hai mathura vrndavan dekhne ki.. hamari is bare me baat bhi huyi thi college me
Yash- shabash, thoda vichitra hai par perfect hai, komal aur anya ka tour bhi ho jayega aur shri krishna jo khud prem ke devta hai waha jakar sanjana ko pyaar ka ehsas bhi ho jayega par main sawal ab bhi hai, tereko dhundhne me honeymoon kaise hoga ?
Avi soch raha tha aur yash bola
Yash- ek ho sakta hai, agar aniket aur komal ko ye pehle hi malum ho ke tu gum nahi hua hai balki kahi chipa hua hai to maja aayega isme
Avi- yes, yash tere sawal ne hi jawab de diya bhai, luka chipi, matlab gali gali sim sim
Uske baad avi ne yash ko gali gali sim sim kya hai bataya
yash- matlab ye code aniket tak pahucha to wo relax ho gayega aur samajh jayega ke ye ek game hai, matlab problem solve, good, ab mai sab samajh gaya, matlab mai aisa bataunga ke mai tujhe dhundh raha hu par asal me mai unhe tujh tak pahuchane me guide karunga, par ye sab tab jab sanjana tujhe dhundhne aaye nahi to ye game pehle stop par hi khatam
avi hasa aur bola
avi- jab anya ko pata chalega ki mai gayab hu to wo sabse pehle sanjana ke paas hi jayega aur sanjana wahi se sab samajhne lagega.. sabka fayda hai bhai is khel me.. to shuru kare fir..?
yash-sahi hai beta, aise hi tujhe dus dimag wala nahi kehte, par ye gameapan nahi anya shuru karega tab tak wait and watch, par ek bata ye khatam kaha hoga ?
avi hasa aur bola
avi- yash bhule mat bhai anya shamil hai isme.. apan usko jyada topi nahi pehna sakte, wo bhoot hai sala.. usko jyada samay nahi lagega samajh ne me, mujhe ache se pata hai bhale ye khel hum shuru kare par khatam anya hi karega
*CURRENT LOCATION, FLASHBACK END*
Yash bata raha tha aur sab dhyan se sun rahe the par ye flashback batate huye yash ne ek samajhdari ki ki jaha komal ka naam tha waha uska naam na lete huye use bas wo ladki aisa bola aur aniket has raha tha
Yash- par anya mere ek baat samajh nahi aay ye ye sab teko kaise pata chala, kyuki agra aur tajmahal hamare plan ka hissa nahi tha
Aniket- abe teri hi wajah se sab samajha mai
Yash- wo kaise ?
Aniket- tu har time hamare contact me tha, gadi bhale mai chala raha tha par direction tu de raha tha par tune ek galti ki.. avi jab pehli baar sanjana ke samne aaya tab mai uske piche bhaga, ye sala hoshiyar hai isne jhat tujhe call kiya aur tune mujhe, tujhe ache se pata tha mai tera call uthaunga aur aisa hua bhi par tune jaldi me puch liya ke "bhag gaya kya wo?" .. ab teko kaise pata chala ke wo hamare samne aake bhaga hai.. tune mujhe isiliye call kiya tha ke avi ko bhagne ka samay mile, us waqt to ye baat mere dhyan me nahi aayi par baad me ye mere dhyan me aaya, agra tumhara plan nahi tha wo maine tumhare dimag me dala, jab tak hum tumhare direction me chal rahe the tab tak theek tha par jab maine agra bola tu gadbada gaya, mujhe pata tha ke tu bhi isme shamil hai isiliye maine agra jane ke bare me tujhe bataya ke tu ye avi ko jarur batayega, is baar maine tere directions na lete huye tujhe aur indirectly avi ko directions diye, shuruwat me mai thoda sure nahi tha par jabtu priya koleke waha pahucha to mujhe yakin ho gaya ke avi waha jarur aayega, actually wo message tere liye nahi avi ke liye tha ke ab natak khatam karne ka samay ho gaya hai.. tum mujhe confuse kar sakte ho, pagal nahi banasakte, barabar na avya
Gali gali sim sim is natak ka parda gir chuka tha aur sab wapis aane ke liye nikal chuke the, jeevan ke naye safar par
Yash ko uske ghar par chhodte huye aniket aur komal avi aur sanjana ghar laute.. avi ki maa narayanrao aur kaushalya unhi ki raah dekh rahe the, aniket ne unko time time par sari khabre di thi isiliye narayanrao ne avi ki maa ko bhi ghar par bula liya tha
Avi ko dekhte hi uski maa ne use gale laga liya, wo avi ko sath me daat bhi rahi thi par us daat me bhi gussa kam aur beta ghar wapis aa gaya iski khushi jyada thi par narayanrao ache gusse me the unhone avi ko ache se file par liya, thoda time aniket sunta raha fir dheere se apni maa ke paas jakar bola
Aniket- ma saheb, aapke patidev aaj jara jyada hi gusse me, jara shant karo unko
Aur isike sath ek mukka aniket ke pith par pada
Aniket- eee.. maine kya kiya ab ? meko kyu mara.. wo marna warna hai wo avi ke sath karo..
Narayanrao aniket ke chillane se thoda vichalit ho gaye the itne me aniket unke paas gaya aur bola
Aniket- bapu bas karo na ab.. sala ye senoir citizen logo ne alag naak me dum kiya hua hai
Aur fir avi ki maa ke taraf muda aur bola
Aniket-o kaku, aap kyu ab hindi serial ke bahut ke jaise ro rahi, sala senior citizen ko khush karne ke liye sath me bulaya tha to inhone alag alag ki karyakran chalu kiya hua hai.. bas karo ab, tumhara beta khoya tha na ? dekho usko dhundh ke laya hu mai aur aaj ki khas offer bhi hai bete ke sath bahu free!! Free!! Free!!
Aur aniket sanjana ka hath pakad ke use sabke samne laya
Aniket- ye lo tumhari bahu
Avi ki maa ne uski taraf ashcharya se dekha aur avi ne bhi bas ha me gardan hila di aur uski maa ne sanjana ko apne paas lete huye use gale laga liya
Aniket- shabash
Aur fir wo narayanrao ke paas gaya aur unka hath pakad ke apni maa ke baju me bithya aur bola
Aniket- aaplog ke liye bhi kuch laya hu chalo hath aage karo jaldi se
Kaushalya ne hath aage kiya to aniket ne unke hath me vrindavan se layi bal krishna ki murti rakh di aur bola
Aniket- to senior citizens, bahut hua aaram ab bhag daud karni padegi, jald hi ghar me naya mehman aane wala hai, and bapu rane aap dadaji banne wale hai
Kaushalya ne komal ki taraf dekha to wo sharmane lagi aur narayanrao aur kaushalya ki to khushi kakoi thikana hi nahi tha.
Avi aur sanjana maa ko lekar ghar pahuche aur uske baad avi ne sanjana ko uske ghar chhoda aur wo hostel chala gaya
Agle din se ek nayi shuruwat.. par sanjana ne agle hi din ek naya bomb fod diya
Sanjana- avi, tumko papa ne ghar bulaya hai
Avi bhi ache mood me tha
Avi- arey waah, meko fir se ander dalne ka vichar hai kya
Sanjana- tumhe maskari sujh rahi hai aur yaha meri jaan ja rahi hai
Avi- usme itna ghabrane jaisa kya hai ? ek na ek din to ye hona hi tha na, par itna jaldi hoga ye socha nahi tha
Sanjana- avi mujhe bahut tension aa raha hai
Avi- arey don't worry jaan, mai aata hu aaj unse milne
Sham me jab sanjana ke papa ghar aaye to usne avi ko call kiya, waise to fat avi ki bhi rahi thi pa himmat karke wo sanjana ke ghar pahucha, uske papa hall me hi baithe the aur avi ne ander jakar hello kiya, unhone chashme me avi ko gaur se dekha aur use baithne ko kaha.. kuch pal shanti me bite.. dono ne chai pi aur chai ka cup baju me rakhte huye pehla sawal aaya
Sangram- Avinash Kanitkar, kya chal raha hai
Avi- kuch nahi sir
Sangram- kaha gayab ho gaye the ?
Avi ne koi jawab nahi diya, aur unhone jhat agla sawal pucha
Sangram- kya mamla hai ye ?
Avi-kuch nahi sir
Sangram- fir gayab kyu huye the ?
Avi- gayab nahi hua tha, bas aise hi ghumne gaya tha
Sangram- acha, fir sanjana kyu dhundh rahi thi tumhe
Avi- kuch nahi sir, wo bas ek misunderstanding ho gayi thi
Sangram- kaha gaye the bhatakne ?
Avi- mathura vrindavan agra
Sangram- kamal hai, log bhatakne goa jate hai tum sidha mathura ?
Avi- ha ek apni pasand hoti hai
Sangram- acha ! mathura bhatakne ke liye gaye the ya sanyas lene
Avi ne koi jawab nahi diya
Sangram- tumhe pata hai na, aise gayab hoga gunah hai, tumhari missing report bhi hai
Avi kuch nahi bola
Sangram- gayab hone ka karan ?
Avi- waisa kuch nahi hai sir
Sangram- dekho aadmi ke aise gayab hone ke piche do karan ho sakte hai ya to wo aparadhi ho ya nirasha, aparadhi tum nahiho, nirasha ka karan ?
Avi ne jaise ek hi line padh rakhi ho
Avi- aisa kuch nahi hai sir
Sangram avi ko ghur kar dekh raha tha aur unhone pucha
Sangram- to sanjana tumhe kyu dhundh rahi thi
Ab unhone main mudde ko hath lagaya tha aur kuch pal avi ghabraya aur fir satik awaj me bola
Avi- kyuki hum pyaar karte hai ekdusre se
Ab sanjana ki halat kharab huyi, avi ka jawab sunte hi sanjana ke papa thoda aage aaye aur tej awaj me bole
Sangram- tumhe samajh aa raha hai tum kya keh rahe ho
Avi bhi pakke nirdhar se bola
Avi- ha, aur ye sach hai ke hum ekdusre se pyar karte hai
Sangram- avinash, shayad tum bhul gaye ho ke mai sirf sanjana ka baap hi nahi ek police wala bhi hu
Par ab avi piche hatne ko tayar nahi tha
Avi- mujhe ache se pata hai ke aap police officer hai par fir bhi mai sanjana se pyar karta hu
Wo ekdum chillaye
Sangram- sanjana..
Sanjana bhagte huye hall me aayi
Sangram- ye kya bol raha hai wo sach hai kya ?
Sanjana darr se kamp rahi thi aur uske papa ne dobara kaha
Sangram- maine tumse kuch pucha hai sanjana
Kuch pal ke liye sanjana ki halat dekh ke avi bhi tension me aa gaya, sanjana ne bas ha me gardan hilayi aur uske papa bhadak gaye
Sangram- jab pyar karte huye sharam nahi aayi to use kabul karte huye muh kyu band hai ?
Sanjana ne ek baad avi ki taraf dekha, avi ne apni aankhe band karke kholi, wo use keh raha tha ke chinta na kare wo uske sath hai, ab sanjana himmat karke boli
Sanjana- ha ye sab sach hai
Avi ki jaan me jaan aayi aur ab usme ek naya josh bhara hua tha.. kyuki sanjana ne apne pita ke samne apna pyaar kabul karke use himmat de di thi, sangram sanjana ki taraf vismaykarak drishti se dekh rahe the aur akhir me unhone use ander jane ko kaha aur sanjana ke ander jate hi bole
Sangram- tum nahi jante iska parinam kya hoga
Avi- mai ache se janta hu ke kya hoga par mai fir bhi yahi kahunga ke mai sanjana se pyar karta hu
Sangram- mai tumhare sath kuch bhi kar sakta hu jante ho na
Avi- janta hu sir par usse meri feelings nahi badal jayegi
Sangram- huh, bolna asan hai bacche, char lathi padte hi pyar ka bhoot utar jayega
Avi kuch nahi bola
Sangram- kya hua ? darr lag raha hai to jaise aaya hai waise hi chala ja aur dobara sanjana ke aaspaas mat dikhna, isime teri bhalai hai
Avi- wapis jana hota to aapse milne kyu aata
Avi apni baat par ada hua tha, sangram ne use darane ki bahut koshish ki par wo vichalit nahi hua aur akhir wo sofe par baithte huye bole
Sangram- itni masti iotna attitude aaya kaha se ?
Avi- attitude nahi hai sir, pyaar hai isiliye bol raha hu
Sangram- matlab tumhare gayab hone ke liye sanjana jimmedar hai
Avi- waisa kuch nahi hai sir
Sangram- mujhe sanjana ki maa ne halka sa idea diya hai is bare me par mai tumhare muh se sunna chahta hu, kya kiya hai sanjaja ne
Avi- usne kuch nahi kiya hai, mai samajhdar hu aur apni marji se ghumne gaya tha
Sangram- ye dekh mai tere jaise sekdo logo ko roj sidha karta hu
Avi- sir, wo log aparadhi hote hai mai aparahi nahi hu
Avi apni baat se hatne ko tayar nahi tha wo ada Hua tha
Sangram- tumhe to manjur hai par kabhi apni maa ke bare me socha hai ? Uska kya hoga tumhare baad ?
Is sawal ka jawab avi ke paas nahi tha, wo thoda vichalit hua aur sanjana me papa use uksate huye bole
Sangram- kyu? Kya hua ab ? Sara pyaar rafuchakker ho gaya ?
Avi- nahi sir, mai to ye soch raha hu ke mere sath kuch bura hone ke baad sanjana ki jo halat hogi use dekh ke aap apne aap se najre mila paoge kya ?
Ab sangram patil khawal gaye
Sangram- tu mere hi ghar me baith kar mujhe hi dhamki de raha hai ? Sanjana ka acha bura jo bhi hoga wo dekhne ko mai samarth hu
Avi- dhamki nahi de raha hu sir bas request kar raha hu, uska acha bura mat karo, karna hai to bas acha hi karo
Avi ne sangram patil ko shabdo me pakad liya tha fkr bhi wo bole
Sangram- aur tumhari maa ka kya ?
Avi- mere pitaji jab hame chhod kar gaye tab mai bahut chhota tha, fir bhi usne himmat nahi hari aur mujhe paal pos ke bada kiya, wo akeli jab mujhe sambhal sakti hai to apne aap ko bhi sambhal sakti hai, aur mai to hu hi, kyuki aap mujhe barbad jarur karoge par jaan se nahi maroge, par itna mai jarur kehta hu ke isse bhi mera sanjana par ka pyaar kam nahi hoga
Ab sangram patil thoda shant huye, avi ke u ke sare waar ache se jhele the, ab kuch bhi hua to wo ek beti ke baap the, ha wo ab avi aur sanjana ke pyaar ko samajh rahe the lekin unka chinta karna swabhavik tha, kuch samay shanti me beeta aur fir wo bole
Sangram- sirf pyaar se pet nahi bharta
Avi- barabar hai aapki baat sir
Sangram- to aage kya karna hai ?
Avi- sabse pehle mujhe mere pairo par khada hona hai, aur mujhe yakin hai ke aap mujhe utna waqt denge
Sangram- aur agar waisa nahi hua to ?
Avi- Mushkil hai par namumkin nahi hai
Fir sangram patil apni jagah par se uthe aur avi ke paas aaye, sanjana ke dil ki dhadkane badh gayi thi, avi bhi apni jagah par uth kar khada hua, unhone avi ke kandhe par hath rakha aur bole
Sangram- sanjana ne kya galti ko hai wo to tumne bataya hi nahi
Avi- usne kuch nahi kiya sir, mai apni marji se ghumne gaya tha
Wo hase aur bole
Sangram- bahut jiddi ho tum, college me bhi tumne nahi bataya tha ke sanjana ki galti kya thi aur aaj bhi nahi bata rahe, par ek baat batao, tumhe darr nahi laga ?
Avi- laga tha thoda sa, par fir socha ke aapko mere sath kuch galat karna hota to aap mujhe police station me bulate apne ghar par nahi
Aur isi ke sath avi ne kadmo ka istamal karte huye behtarin six jad diya tha, sangram patil hase aur bole
Sangram- aur agar police station me bulata to ?
Avi- to bhi mere jawab yahi hote.
Unhone avi ke galo par halki chapat lagate huye kaha
Sangram- all the best my boy
Avi bhi khush ho gaya aur usne jhuk kar unke pair chuye aur bola
Avi- bachpan se hamesha ek pita ki kami kayam thi, aaj wo puri ho gayi sir
Sangram- sir nahi papa
Sanjana bhi ye sun ke daud ke aayi aur apne papa ke gale lag gayi, use bahut kuch bolna tha par gala bhar aaya tha, aaj fir se ek baar ek police officer par ek baap bhari pada tha, avi jab jane laga to sanjana use chhodne bahar tak aayi
Uske maa baap bate karte huye baithe aur uski maa boli
Shakuntala- kya aap bhi ? Aapka ye interrogation se jaan jayegi kisi ki
Sangram- arey beti ka baap hu mai, bahut jatan se pala hai apni bacchi ko aise hi kisi ko bhi de dunga kya ? Beti ek baar ko bhavnao ke aaveg me galat kadam utha sakti hai par hame to vivek buddhi se sochna padega na ?
Shakuntala- sach keh rahe hai aap, par wo kaun hai kya hai ye to jaan lete pehle
Sangram- to hum kya police me jhak marne ko bharti huye hai kya
Shakuntala- matlab ?
Sangram- Matlab jab he ladka missing hai ye pata chala aur sanjana use dhundhne gayi tabhi mai sab samajh gaya tha, aapne to industrial visit ka bahana bana diya par bhul gayi ke aapke patidev police me hai, ye log yaha se nikle tabhi do police wale sadhe kapdo me inke piche laga diye the maine jo pal pal ki khabar mujhe de rahe the, billi aankh band karke dudh piti hai to use lagta hai koi dekh nahi raha aur tuk maa beti ke sath yahi hua, maine pehle ki ladke ki sari info nikal li hai, ladke ko baap nahi hai, akele maa hai, chota sa ghar hai, do bhainse aur thodi jamin hai, sar par Narayanrao jaise sammanit insan ka hath hai, ladka masti khor hai par ladkiyo ke mamle se ekdum clear hai, ache character wala hai, rishto ki kadar janta hai isiliye to aniket rane aur diamond king parekh ka damad yash iske ache dost hai aur sabse achi baat mujhe ye lagi ke har baar sanjana ko sambhal leta hai, uski galtiyo ko kabhi samne nahi aane deta, maine gusse se dhamka ke pyaar se bhi puch liya par pattha ek baar bhi nahi bola me sanjana kahi galat thi, pyaar karta hai hamari beti se par sath bhi apni jimmedari bhi samajhta hai, dimag se chalak hai, use pata tha ke mai uski pariksha ke raha hu, uski maa ki baat karke use bhadkane ki bhi koshish ki par usne sanyam nahi dhalne diya, kab kaha kya bolna hai iski bhi samajh hai use, koi aur hota to sidha shadi ki baat karta par isne pehle apne pairo par khada hone ki baat ki aur fir shadi aisa indirectly bola, sanjana ke liye yahi sahi ladka hai par ye baat use saaf saaf nahi bolni hai warna uska dhyan baki bato se hat jana hai
Wo aage kuch bolte isse pehle hi sanjana uske paas aayi aur baith gayi
Sanjana- Thank you papa, you are world's best papa
Sangram- ha ha theek hai par is galatfehmi me mat rehna ke mai maan gaya hu, sabse pehle use apne aap ko prove karna hoga aur tumhe bhi, fir aage ka dekhenge, abhi to delhi bahut door hai, ab bahut huyi ue baate ab jara college ki taraf dhyan ko, agar fail huye to bhul jana fir sab kuch aur sirf pass nahi hona hai balki tumhe bhi apne pairo par khada hona hai tumhe timepass ke liye nahi padhaya hai ye dhyan me rakhna
Sanjana- don't worry papa, aapne humpar viswas jataya hai to hum bhi use galat sabit nahi hone denge
Sangram- that's like my girl, aur ja ab jara apne gusse par control karna sikho, ye mat socho ke papa ko kuch pata nahi hai.
Sanjana- ok papa
Idhar waha se bahar aake avi ne sabse pehle aniket ko call kiya aur use aari baat batayi aur
aniket bhi khush ho gaya..
Aaj avi ko bahut bada yuddh jitne wali feeling aa rahi thi aur isi feeling ke sath jimmedari ka aabhas bhi ho raha tha, ab jald se jald use apni padhayi khatam karke apne pairo par khada hona tha, sanjana ka bhi wahi scene tha, avi ka ek saal ka collage aur bacha tha par sanjana ka ye last year tha, ab use mehnat karke exam paas karni thi aur apne pairo kar khada hona tha, uske papa ne jo uspar viswas jataya tha use sahi sabit karna tha.........
Avi aur sanjana ko mehnat karke apne exams paas karne the aur apne pairo par khada hona tha aur sanjana ke papa ne jo unpar viswas jataya tha use sahi sabit karna tha
Dono me bahut jyada changes huye the pyaar to din ba din badh raha tha par uske sath sath dono ko jimmedari ka bhi ehsas tha aur fir aaya exams ka daur, dono ne apna pura dhyan exams par lagaya aur paas huye, sanjana ka education complete ho gaya tha par avi ka abhi ek saal bacha tha, sanjana to padhne me pehle se hoshiyar thi to use jyada dikkat nahi aayi
Ab sanjana ne college ki sunder duniya se nikal kar asal duniya me kadam rakha tha aur ab shuru huyi khoj naukri ki, sangram patil ko pehchan ke chalte sanjana ko jald hi job mil gayi aur dekhte hi dekhte ek saal beet gaya, ab avi ka bhi education complete ho chuka tha
Par kehte hai na, college ki life jitni khubsurat hoti hai utni hi college ke bahar ki duniya mushkil, avi ji jaan laga ke naukri dhundhne me laga hua tha par naukri milna itna aasan nahi tha.. aur dekhte hi dekhte chhe mahine aur gujar gaye, jaise jaise din beet rahe the avi ka tension badh raha tha, sanjana use samjha rahi thi ke aab theek hoga
Aniket ye sab dekh raha tha.. par for bhi wo shant tha aur ek din aniket avi ke ghar aaya aur use uthaya
Aniket- chal yaar bahut din ho gaye apni dhang se baat huye aur tekdi ke darshan huye
Dono apna stock leke tekdi par apni pasand ki jagah jakar baithe, avi shant tha aur aniket ne bolna suru kiya
Aniket- bol bhai Avinash Kanitkar, aaj bahut chup hai tu muh me dahi jamane ka karkhana khola kya
Avi- waisa nahi hai be anya, aajkal ke market ki halat dekhi hai na, jaan leva compitition hai bhai, sala ek chaprasi ke naukri ke liye bhi hajaro log apply karte hai, air hamare jaise fresher ko to koi khada bhi nahi karta bolne ko to sanjana ke papa ko mai bol aaya tha par ye itna bhi easy nahi hai bhai..
Aniket- shabash, chhe mahine me hi fat gayi teri ? Chinta mat kar sab theek hoga ab bata shadi me bare me kya socha hai ?
Avi- anya chadh gayi kya teko ? Mai yaha naukri ki baat kar raha aur tereko shadi sukh rahi ?
Aniket use aage samjhata ya batata itne me piche se awaj aaya
"Salo haramkhoro, hamesha mere ko jalti deke yaha aake party karte ho"
Piche yash haste huye khada tha
Avi- aaila yash tu idhar kaise ?
Yash- mai to idhar beer ko sunghte huye aa gaya
mere ko malum tha ke tum yahi miloge, hamesha mere bagair party karte ho
Yash ne bhi unko join kiya aur bola
Yash- fir avi seth shadi kab kar raha ?
Avi- sala yaha sar pe baal nahi bach rahe aur ye maharaj puch rahe ke gajra loge kya
Yash- anya isko kya hua be
Aniket- devdas aaj pankaj udas hai, gum me hai apna majnu
Yash- kya hua be ? Aur hamare hote huye tu kyu udas hai ?
Avi ne bhi udas tone me jawab diya
Avi- wahi be naukari ka scene, naukri nahi to chokri bhi nahi
Yash- aisa hai kya, par beta iske liye tu khud jimmedar hai, sale post graduate ho gaya aur humko sadhi party bhi nahi di tune, bas bhi karmo ka phal hai ke ye tere
Aniket- ishq ne nakara bana diya ghalib warna aadmi tu bhi kaam ka tha
Aniket bhi yash ke sath mil ke avi ki maja lene laga
Yash- waah ustad kya sher mara hai
Aur avi chidhte huye bola
Avi- kamino le lo jitni maja leni hai..
Yash- ha to wo to hum lenge hi, aur agar teko aisa lagta hai ke hum maja na le to hamari baat maan
Avi- kya nalayak log ho be tum, yaha meri fati padi hai aur tumko maja sujh raha
Yash- to party de
Avi- ha bhi le liyo party bol kab chahiye teko party
Yash- yahi aaj ki party teri taraf se
Avi- nahi aaj nahi fir kabhi
Par aaj yash full from me tha aur avi ko aise nahi chhodne wala tha
Yash- fir kab dega ?
Avi- ye sunday ko karo done
Yash- na, tu Sunday ko party nahi dega pata hai mujhe
Avi- abe de dunga bhai
Yash- aur sunday ko tu yaha nahi raha to
Ab avi chidhne laga tha
Avi- yaha nahi rahunga to kaha jaunga
Yash- to surat ko tera baap jayega kya ?
Avi ko kuch samajh nahi aaya
Avi- mai surat ko kyu jaunga, aur waha jake karna kya hai ?
Yash- to training ke liye aapke pitaji ko bheju kya swarg lok se..
Avi- yash sidha sidha bol na bhai
Yash- abe gadhe mere sasur ke company me sales manager ki post khali hai, tu jane wala hoga to bata ?
Yash ki baat sun ke avi chauka aur uske kandhe ko pakad ke bola
Avi- jaunga bole to ? Abe pakka jaunga , yash mere liye baat kar na bhai..
Yash bhi nakhre karte huye bola
Yash- kar lunga baat par pehle do beer lagenge..
Avi- diye, do beer kya akkha beer me mehla dunga teko
Yash- theek hai fir
Avi ekdum edited hokar bola
Avi- kab karega baat
Yash ne fir apni jeb se ek letter nikala aur avi ke hath me rakhte huye bola
Yash- ye le joining letter, Friday ko surat me jake mar udhar training hai ek mahine ka
Avi ne jhat se wo letter khola to wo such me joining letter tha aur usme payment aur company ki taraf se ek flat ke bare me bataya gaya tha, avi ko to yakin hi nahi ho raha tha, uski aankhe bhar aayi thi usne yash ko gale laga liya
Avi- bhai yash tera ye upkar mai ni dagi bhar nahi bhulunga
Yash- oye hudd, upkar wagaire nahi hai ye teko naukri ki jarurat thi aur unko bharose ke aadmi ki bas baat khatam
Avi ne letter aniket ko dikhaya aur uske gale laga aur fir yash bola
Yash- ho gaya ? Sab khush hi gaye ? Ab nachne ka karyakram shuru kiya jaye
(Yede log bc bagair music ke hi nachne lagte hai
)
Aur fir jab wo nach ke thak gaye to niche baith gaye aur avi bola
Avi- mai aaya jara ek minute me
Aniket- ha ha ja hamari bhabhi ko bhi de de khushkhabri
Avi ne sanjana ko call kiya, pehle to wo itni raat me avi ka call dekh ke chauki par fir jab avi ne use sari baat batayi to wo bhi khush ho gayi aur fir avi call karke apne dosto ke paas aaya
Avi- anya haramjade halkat tere ko ye sab pehle se malum tha na
Aniket kuch nahi bola bas apni battisi faad smile de di aur yash bola
Yash- waise to tu college se pass out hote hi ye offer dene wala tha tujhe par fir socha ke nahi pehle isko thoda dhakke khane do, aasani ne mili huyi naukri ki koi kimat nahi hoti, isiliye jaan ke tujhe chhe mahine latkaya, sorry..
Avi- abe sorry ki baat hi nahi hai yaha, mereko bhi to ye experience mila, waise sach batau to pata nahi gum log nahi hote to mera kya hota..
Yash- oye bas ho gaya ab Thank you puran.. aur ha mera sasur bahut danger aadmi hai, jitna paisa dega utna ragdega bhi, par mere ko yakin hai le tu sambhal lega, ab man laga ke training karne ka aur kaam pe lagne ka..
Aniket- aur training khatam hua ke fir bhai ki shadii.........
Aur ab asal jindagi ki shuruwat ho chuki thi aur use sath tha pyaar ka.. aur lakshya samne ho to aadmi ki daudne se koi nahi rok sakta, avi ko bhi uska lakshya samne dikh raha tha, uske samne 3 uddeshya the, ek apne pairo par khada hona jiski shuruwat ho chuki thi dusra sanjana ke papa aniket aur yash ke uspar ke viswas ko sahi sabit karna aur teesra sanjana se shadi
Dekhte dekhte avi ki training ka ek mahina bhi nikal gaya aur ab bas ek din bacha tha uske lautne me aur bas ek din baad avi sanjana se milne wala tha, itne din to jaise taise nikal gaye the par ye aakhri ke 24 ghante bahut mushkil se beetne wale the, sanjana ka man adhir ho gaya tha wahi aasman se badal ghir aaye the aur barsat hone lagi thi, sanjana us din apne ghar par hi thi, usne badhiya coffee banayi aur cup lekar khidki ke paas aakar khadi ho gayi aur barish ko dekhne lagi
Hamesha barish ko dekh kar chidhne wali sanjana aaj shant thi, pata nahi kyu par aaj use ye pehli barish pasand aa rahi thi, pehle barish ki fuhar, wo mitti ki khushbu jiske samne to scent bhi fika pad jaye, wo khudke ke paas baith ke is khushbu ka anand le rahi thi.. wo soch rahi thi ke aajtak use kabhi barish itni pasand nahi aayi fir aaj kyu, aur agle hi pal uske dil ne use jawab de diya ke avi ko barish bahut pasand hai..
Barish me chalne wali to saaf aur thandi hawa sara vatavaran khushnuma bana rahi thi, beech me hi barish ki koi bauchar uske chehre par pani ke tushar uda deti aur sanjana usse khil uthti, use to aisa lag raha tha jaise avi pyaar se uspar pani fek raha hai, aur ye kalpana karte hi wo sharmayi aur uske galo par lali chha gayi, beech me hi hawa ka jhoka uske balo ki lat uda deta tha to use aisa lagta ke wo hawa na hokar mani avi ko jo uske balo se khel raha ho, use avi ki bahut yaad aa rahi thi
Man bechain ho gaya tha aur najar us barish me avi ko dhundh rahi thi, waise to dinbhar avi ka phone band hi rehta tha kyu jis factory me uska training chal raha tha waha phone allowed nahi tha aur ye pata hoke bhi sanjana se use call lagaya aur uska phone band aaya to wo phone ki taraf jhuthe gusse me dekh ke boli
Sanjana- bairi piya..
Use apne aap par hi hasi aane lagi.. aur wo khud se boli
Sanjana- ye chaubis ghante meri jaan le lenge, avi please jaldi aa jao ab duri sahi nahi jati, man tumse milne ko bechain hi raha hai aur be barish pagal bana rahi hai..
Use har jagah bas avi najar aa raha tha usne apni aankhe band ki aur apne dil ko samjhane lagi ke bas kuch ghante aur fir to avi aane hi wala hai
Fir sanjana ne aankhe kholi to barish me uske ghar ke bahar ek bike aakar khadi huyi aur us bike par baithe ladke ne sanjana ki taraf dekh kar apni dono bahe failayi, par helmet ki wajah se sanjana ko samjha nahi je wo kaun hai aur ye baat us ladke ke dhyan me aayi aur usne apna helmet utara, sanjana ko apni aankho par yakin nahi ho raha tha, wo avi tha, sanjana daud kar avi ke paas pahuchi aur bike par baithe avi ko gale laga liya
Virah, virah ke baad ki wo mulakat, wo lagav pyaar sab kuch tha us pal me , jo kuch bhi bolna tha wo dil ko dhadkan bol rahi thi, upar se megh baras rahe the aur niche ye premi pyaar me bheeg rahe the, hasi aansu sab tha us pal me, aaju baju ki building ke ladko ne ye scene se ke gaaliya seetiya baja dali aur chillane lage fir un dono ko hosh aaya, avi ne sanjana ko apne piche baithne kaha, sanjana ki maa khidki me se sab dekh rahi thi aur wo bhi muskura rahi thi, sanjana ne apni najro me jau kya aisa sawal liye apni maa ko dekha to unhone bhi gardan hila kar jane ki permission de di, sanjana ne ek flying kiss apni maa ko di aur jaldi se avi ke piche bike par baith gayi
Sanjana ne avi ki pith par halke se marte huye pucha
Sanjana- tum to kal aane wale the na ?
Avi gadi chalate huye haste huye bola
Avi- kal aata to jo maja abhi aaya hai wo kaise aata ? Socha chalo tumhe surprise de du, kaisa laga ?
Sanjana ne avi ko piche se gale lagaya aur boli
Sanjana- bahut bahut bahut pasand aaya, par hum ja kaha rahe hai itni barish me ?
Avi- just enjoy the ride, barish me ek mast long drive
Badhiya barish ho rahi thi, sanjana avi se chipki huyi thi Aur usne halke se apne hoth avi ki gardan par tika diye.. aur avi isse sihar utha.. usne gadi chalate huye hi sanjana ka ek hath jisse usne use gale lagaya tha wo pakda aur uski hatheli par apne hoth tika diye, kitna khubsurat pal tha wo, upar se barasta pani, thandi hawa aur ye dono pranay ka ufan uth raha tha, sanjana me apna wo hath avi ke hath se chhudaya aur jaha avi ne chuma tha wahi apne hoth tika diye aur fir se avi ko bilag gayi
Aaj un dono ko barish bahut bha rahi thi, unki gadi ab highway par daud rahi thi aur dono ko aaj apni khushi ke aage aasman chhota lag raha tha, sanjana ko to lag raha tha mano wo badlo me chal rahi ho, uski nachne ki icha ho rahi thi par chalti gadi me wo possible nahi tha wo chalti gadi par avi ke kandhe par hath rakh kar khadi huyi, avi has raha tha, sanjana ko lag raha tha ke mano wo koi panchi ho, wo aasman me udna chahti thi, fir usne aasman ki taraf dekhte huye apne dono hath failaye aur jor se chillaya
Sanjana- AVI... I LOVE YOU!!
Avi bhi helmet ka flap open karke jor se chillaya
Avi- I LOVE YOU TOO SANJU!!
Barish dono bhigaye ja rahi thi aur dono thoda aur aage gaye aur ab milan ki khumari kam hine lagi thi aur sanjana ko thand lagne lagi thi, bolte huye awaj tharthara raha tha, avi ne ek jagah gadi roki, highway par jhopdi numa shade me ek chota sa hotel bana hua tha aur waha ek vayask lady garam garam bhajiye tal rahi thi, dono jaldi se us shade me bhage aur waha rakhe bench par jakar baithe.. sanjana ke daat thand se katkata rahe the avi ne jhat apna jacket utar kar sanjana ko pehnaya aur hotel wale se ek towel lekar sanjana ka sir pochne laga , sanjana ab bhi thand se tharthara rahi thi, for avi ne ek chai li aur apne hath se sanjana ko chai pilane laga, us chai ki mithas sanjana sari jindagi nahi bhulne wali thi, avi ne sanjana ke chehre par aaye uske baal side hataye aur uski khubsurati ko niharne laga.. sanjana avi ki aankho me apne liye pyar saaf dekh rahi thi.. chai pine ke baad aur jacket pehenne se ab sanjana ko thoda acha laga aur ab wo theek hai aisa usne avi ko bataya aur fir barish me garma garam pakodo ko kaun gadha hai jo na bolega.. avi ne is hotel me se pakode liye aur sanjana se apne hath fold karke aisa bataya jaise use dobara thandi lag rahi ho, avi muskuraya, wo samajh gaya tha me sanjana kya kehna chah rahi hai , fir usne sanjana ko apne hath se pakode khilaye, us shade me aur bhi kuch log maujud the jo is prem kabutar ki jodi ko dekh ke muskura rahe the par unke kaha kisi se koi lena dena tha, un logo me ek couple bhi tha aur us lady ne jab avi sanjana ko apne hath se khila raha tha tab
Kohni maar ke aankho se ishara kiya aur boli, dekho ise kehte hai pyaar, aur wo bhi muskurane laga
Sanjana- to ab aage kya plan hai avinash rao
Avi- aage sabse pehle anya se milne jana hai aur uske baad sham ko tumhe ghar chhod dunga
Sanjana ne bhi ye baat phone karke apne ghar bata di
Barish ab kam ho chuki thi kar rim jhim shuru thi, dono wapis gaon aane ko nikle par avi ne gaon me na jate huye gadi dusri or mod di aur fir wo us jagah pahuche, sabse special jagah, avi ne gadi roki aur bola
Avi- tumhari icha thi na hamari tekdi dekhne ki, ye dekho...
Sanjana mantramugdh ho gayi thi, thoda uchayi par hone se aur abi abhi barish hone se uss aisa lag raha tha mano wo badlo ke beech hai.. har taraf kohra chaya hua tha aur upar aasman aur usme chaye huye megh us pal us kshan waha dharti ka swarg wali feeling aa rahi thi aur sanjana us vilobhaniya drishya ko apni aankho me kaid kar rahi thi itne me avi ne uska hath pakda
Sanjana ne mud ke dekha to avi apna ek ghutna niche tika ke baitha tha aur fir usne apni jeb se ek ring nikali aur sanjana ke samne karte huye bola
Avi- Sanju, will you marry me
Us tekdi ki khubsurti me khoyi sanjana ko jab ye sab hua to kuch samajh hi nahi aaya, uska gala bhar aaya aur wo jaise taise bas YES bol payi aur avi ne wo diamond ring sanjana ko ungli me pehna di
Sanjana ne jaldi se avi ko khada kiya aur use gale laga liya aur dono ekdusre ki bahi me sama gaye aur barish fir se shuru ho gayi.....
Avi- meri biwi ko lane ke liye mujhe kisi ki permission thode hi chahiye, khair tum keh rahi ho to aata hu kal, company ke diye huye flat me tumhare hi hatho se rakhenge kalash
avi ki baat sunkar sanjana hasne lagi
sanjana- bas majak ho gaya ho to ab batao hum shadi kab karne wale hai ?
Avi- mai kal hi ghar par baat karta hu aur tumhare ghar aata hu, ab mujhe bhi nahi raha ja raha tumhare bagair, ye mahina kaise nikala hai bas mai hi janta hu3
Sanjana- ha jaise mai to yaha jhula jhul rahi thi na
Avi- to kal fix kare, mai maa aur anya ko leke aata hu
Aur fir avi ne sanjana ko uske ghar chhoda aur jaldi se apne ghar pahucha, itne dino baad maa bhi apne bete ko dekh ke khush ho gayi aur kuch idhar udhar ki baate karne ke baad avi ne jhat main mudde ko hath lagaya
Avi- maa ab apne ko meri company ke flat par shift hona hai
Shanta- ye to achi baat hai, par beta meri sari jindagi yaha isi ghar me biti hai, mera lagega waha ?
Avi- wo mai kaise bata sakta hu, bas itna hai ke ab tak bahut kaam kar liye tumne ab aaram karne ka time hai
Aur avi ke ye bolte hi uski maa samajh gayi ke isko kya bolne ka hai
Shanta- aaj tujhe achanak mere aaram ki chinta kaise hone lagi ? kya gadbad hai avya ?
Avi sharmanya
Avi- gadbad ? kaisi gadbad ?
Shanta- beta maine janam diya hai tujhe to mujhe mat sikha samjha aur baat kya hai sidhe sidhe bata
Fir avi jaise taise bola
Avi- wo tumhari bahu puch rahi thi ke usko lene kab aaunga to..
Shanta- acha aisa hai kya, mujhe laga hi tha, bol kab jana hai shadi ki baat karne
Avi- kal chale ?
Shanta- shabash, to sab pehle se hi thenra liya hai tune aur mujhe aise hi makkhan maar raha hai ? khair teri khushi me meri khushi hai, ab ja pehle ja ke aniket ko bata ye baat waise bhi uske bagair tera patta bhi nahi hilega, chalte hai kal
Avi ne khushi se maa ko gale lagaya aur sidha aniket ke ghar ki taraf bhaga
Is samay aniket ghar par hoga ye avi ko pata tha, wo uske ghar pahucha aur uske dekhte hi aniket uske paas aaya, ghar par narayanrao aur kaushalya bhi the, unkodekhte hi avi ne unke pair chuye, aur wo log apne room me chale gaye kyuki unko pata tha ye do dost kafi dino baad mile hai to dhingana to hoga hi
Unke jate hi aniket se apne pair aage kiye
Avi- arey hao bhai, tere pair to sabse pehle pakadne chahiye the, tu to mera ek importantkaam karne wala hai
Aniket- mai aur important kaam
aaila meri bayi aankh fadak rahi hai re, o bhai tune koi naya lafda nahi kiya na ?
Avi- nahi re lafda wagaire kuch nahi bas ek chotasa kaam tha
Aniket chati ko hath lagate huye bola
Aniket- o bhai, tere chote kaam bahut danger hote hai, waise kaam kya hai wo bata
Avi- nahi kuch khas nahi tere ko bas mere sath ek jagah chalna hai
Avi ki baat sunkar aniket uske kandhe par hath marte huye bola
Aniket- bas itni si baat, arey dost ke liye to apan narak me bhi chale jaye, bol kaha jana hai
Avi- sanjana ke ghar meri shadi ki baat karne
Aur mano uske upar chipkali giri ho aise aniket chikha
Aniket- kyaaa ? shadi ki baat karne ? sanjana ke ghar ? aur mai ? nahi hoga
Avi use samjhate huye bola
Avi- bhai chal na yaar, tere bagair mera hai kaun
Aniket- kaun tu, mai nahi janta teko
Avi- acha beta dost ko bhul gaya, bas yahi hai teri dosti
Aniket avi ke pair pakadte huye bola
Aniket- o baba mai pair pakadta hu tere, mere ko mat maar re, mera record bahut kharab hai, yash ke time maine, uske sale, baap, maa, bodyguard sabka maar khaya aur mere time mere sasur ne pita tha, ye sab to theek tha be sanjana ka baap to policewala hai, wo pata nahi kaisa kaisa aur kaha kaha marega aur ab mera maar khane ka bilkul mood nahi hai, mere ko to tu maaf hi kar
Avi- ho gayi nautanki karke, tereko bataya tha na pichli baar unhone kya kaha tha to
Aniket- shadi ke liye ha kiya tha kya ?
Avi- nahi waisa nahi bola tha
Aniket- bas to fir baat cancel, policewale bahut bura maarte hai
Avi- yahi hai teri dosti hai na
Aniket- khadde me gayi be dosti, sala tum shadi karke maja karo aur maar mai khau, naat possible
Avi bhi jhuta natak karte huye gane laga
Avi- dost dost na raha, pyaar pyaar na raha
Aur aniket ne uske hath me rupaya rakhe jaisa kiya aur bola
Aniket- aage jao baba, sala nautanki, ek kaam karte hai mere bapu ko manate hai chalne ko fir koi tension nahi
Avi- ha ye idea sahi hai, waise bhi is kaam me bade hi sath chahiye aur kaka rahenge to sab sahi hoga
Fir aniket aur avi ne narayanrao aur kaushalya ko manaya aur unhone bhi unki baat maan li, agle din avi ki maa shanta, narayanrao aur kaushalya, avi aniket sab sanjana ke ghar pahuche, sanjana ke gharwalo ne bhi unka ache se swagat kiya aur sari baat chit khushi khushi sampann huyi aur is baar pehli baar aniket ke maar khaye bagair love story puri huyi thi aur akhir me fix huyi shadi ki tarikh
Avi ki maa ko chinta ho rahi thi ke ye sab kaise hoga aur unhone aniket se ye baat bhi ki
Aniket- arey kaki aap kyu tension le rahi hai mai hu na aur aapko pata nahi hai avi ke kitne dost hai, sab aayenge aur mai to hu hi sab dekhne ko, aap sab apne bete ki shadi enjoy karo aur sara tension mere pe chhod do
Yash aur aniket dono kaam pe lag gaye the aur ghar ke samne ke patangan me bada sa mandap bandha gaya jiske dekh ke avi ki maa ne pucha
Shanta- arey itna bada mandap kyu ?
Aniket- arey kaki ye bhi chhota padega itne log aayenge, aap dekho bas aur sara kaam mere jimme chhod do
Yash bhi chinta me tha
Yash- anya, tere dimag me kya hai be, itna sab karne se to shahar me ek marriage hall book kar lete na
Aniket- usme kya maja hai bhai, sara kaam mojke karna padta hai, yaha sara gaon apna hai jo karna hai bindass karna hai, tu dekh bas
Yash- arey par hum dono kya kya karenge
Aniket- tu avi koache se janta nahi bhai, bahut chahne wale hai uske
Itne me waha ek bus aake ruki aur usme se avi ke sare dost utarne lage aur dekhte hi dekhte sabne apne apne kaam bant liye the, aniket has raha tha aur yash samajh gaya tha ke aniket ne hi ye sari gang jama ki hai aur ab yash sure tha ke sare kaam jaldi jaldi ho jayenge
Udhar sanjana ke ghar me bhi shadi ki gadbad chal rahi thi uski sari sehaliya rishte daar sab pahuch gaye the aur sanjana ki dost uske mehndi aur haldi ke karyakran me busy ho gayi thim sanjana ko mehndi lag rahi thi, har taraf bas awaj hiawaj tha, koi beech me hi sanjana ko avi ka naam leke chhed deta, sab ne milke sanjana ko haldi lagayi jisse uska roop aur nikhar aaya tha
Udhar avi ko bhi haldi lagane ka karyakran shuru hua, priya aur komal ne to avi ko haldi me nehla diya tha aur isme priya ko najane kya sujha usne komal ko bhi haldi me rang diya, wahi yash aur aniket kuch kaam se waha se ja rahe the to komal aur priya ne unpar bhi hamla kar diya, yash to pakad me aa gaya par aniket bhagne laga to komal naraj ho gayi
Komal- ani jara si haldi se kya ho jayega, avi tum samjhao apne dost ko
Avi- usko aise thode hi haldi lagani hai
Itna bol ke avi ne apne dono hath failaye aur bola
Avi-anya bhai ko congrats nahi karega kya ?
Aniket- sala nautanki
Itna bol ke aniket ne avi ko gale laga liya, sham ko sangeet ka karyakran shuru hua aur ab bari thianiket bhi usne kisi ko nahi chhoda jise nachaya na ho, raat bhar bas dhamal hota raha
Agle din ki avi aturta se raah dekh raha tha, aur sanjana aur sab log waha aa gaye the, sanjana ke waha aate hi sab uske paas jama ho gaye, sanjana ne ek pile rang ki saree pehni thi aur sar par pallu liya hua tha, avi balcony me khade hokar sanjana ko dekh raha tha aur sanjana ki naja bhi avi ko dhundh rahi thi aur ye baat aniket ke dhyan me aa gayi wo avi ke sath balcony me khada tha aur usne waha se jordar siti bajayi, sanjana ne chauk ke upar dekha to dono ki najre mili, un najro me kitni aturta kitni tadap thi ye wo dono hi jante the, avi ne ek baar apni palke jhapkayi namo najrose keh raha ho bas thoda samay aur fir to hamesha ke liye ek hona hai. us pile saree me sanjana bahut khubsurat dikh rahi thi apni ne apna ek hah apne dil par rakha mano meh raha ho haayy ! kitni sunder dikh rahi hai meri dilruba, dono me smile kiya aur aage ki tayari me lag gaye..
Sare dosto ne mil ke avi ko tayar kiya, cream color ki sherwani aur cherry red color ki dhoti, sar par jari ka pheta, maa ne ek motiyo ki mala uske gale me pehnayi.. dulhe ke gateup me avi bahut badhiya lag raha tha..
Barat nikli, aniket ki beti annanya avi ke sath ghodi par bithi thi, kareeb kareeb gaya gaon aur aur mere sare XF wale bhi maujud the barat me, aniket to bhoot ker jaisa nach raha tha ghodi ke aage aur uske sath me yash priya komal aur yash ka peta prish bhi tha, itne me docter sunam aur docter siddharth bhi pahuch gaye aur unke sath nachne me shamil ho gaye.. narayanrao bechare inko sambhalte huye pareshan huye ja rahe the.. waise to m,andap tak ka rasta chota tha par waha pahuchne me inko do ghante lag gaye the aur akhir me aniket ne avi ko bhi nachaya..
Avi mandap me ab pandit ke paas baith kar shadi ki vidhi puri kar raha tha par uska pura dhyan entry par laga hua tha jaha se sanjana aane wali thi, ek ek pal use yugo jaisa lag raha tha aur aakhir me wo pal aaya, sanjana use aate huye dikhayi hi..avi ka dil mano dhadakna bhul gaya ho.. uske liye sari duniya ruk gayi thi, aaju baju ka sara awaj shant ho gaya tha, waha bahut se log the lekin avi ko bas sanjana dikh rahi thi..
Sanjana ne ek kashta padar ka pile rang ka shalu pehna hua tha.. aur jamuni rang ki kinar jispar jari ka wark tha.. pairo me najuk payal thi jiski madhur jhankar idhar avi ke man me uth rahi thi.. hatho me chudiya.. kamar par kamarpatta. hath par kohni tak nikali huyi mehndi j gore hatho par khul kar dikh rahi thi, gale me chandrahaar.., balo ka juda bana hua tha jisme mogre ke phulo ki veni lagi huyi thi, dando par bajubandh mohak dikh raha tha.. kano me jhumke aur naak me motiyo ki nath. halkasa makeup aur hotho par laal lipstick, aisa lag raha tha wo hoth na hokar gulab ki pankhudiya ho, chlte huye nath halke se hotho ko touch ho rahi thi.. avi paglo jaisa us sunderta ko nihar raha tha use to yakin hi nahi ho raha tha ke ye sunderta ki murat kuch samay baad hamesha ke liye uski hone wali hai.. sanjana dheere dheere chalte huye uske paas aayi, avi sudh budh kho kar use dekh raha tha
Itne me aniket se use kohni mari aur bola
Aniket- malum hai teri hai aise kya dekh raha be..
Aniket ki baat sunkar avi hosh me aaya aur sanjana sharmayi aur wo pal aaya jiski dono chatak ke jaise raah dekh rahe the, saptapadi ke samay jab avi ne sanjana ka sath pakda to wo feeling hi alag thi, sab kisi sapne jaisa lag raha tha, mangalashtak huye dono ne ekdusre ko haar pehnaya.. aur isi ke sath dono hamesha hamesha ke liye ekdusre ke ho gaye.
Ho gayi avi ki shadi.. yash aur aniket ek jagah thak ke baithe the aur yash bhavuk ho gaya tha
Yash- anya aaj bahut bada kaam kar diya tune, avi ko settle kara diya
Aniket- wo to karna hi tha bhai
Yash- tere jaisa dost milna avi ke bhi bhagya hai, bachpan se use sambhala hai, gayab hua to dhundha hai, mere piche hath dho ke pada tha uski naukri ke liye aur ab shadi..
Aniket ne yash ko gaur se dekha aur gambhir awaj me bola
Aniket- ye tu bol raha hai yash ? ulta avi jaisa dost mujhe mila hai ye to mera bhagya hai aur ye baat tujhse achi tarah aur kaun janta hoga
Yash ghabraya aur kuch nahi bola, aniket hasa aur aage bola
Aniket- avi ne jo mere liye kiya hai uski to mai bharpayi bhi nahi kar sakta
Kuch bolne ke liye yash bola
Yash- tumhari baate tum dost jano..
Aniket- pata to tujhe bhi hai bas tu bola nahi kabhi aur mai tujhe uska dosh bhi nahi dunga..
An yash ke kaan khade ho gaye
Yash- tu kya bol raha hai ani sara samjhe aisa bol
Aniket ne ek lambi saas chhodi aur bola
Aniket- avi ka pehla pyaar komal hai na ?
Yash par to mano bijli giri ho, wo aniket se najar nahi mila pa raha tha fir bhi jaise taise bola
Yash- tu kuch bhi bol raha hai anya
Aniket- mujhe pata hai re, bahut si baate hai aisi, uske hath par ka AK ka tatoo, jab jab pyaar ki baat aayi avi ka hath us tatoo par jata hai.. is patthe ko dairy likhne ki adat thi, jab ye gayab hua aur mai iske ghar gaya na to mujhe iski ek dairy mili, uske baad maine mere shadi ki CD dekhi avi phero ke pehle tak tha fir gayab ho gaya tha, wo aansu bhari aanko se bas komal ko dekh raha tha, teri aur uski tekdi par ki mulakat usne dairy me likhi hai, usne dosti ke liye pyaar kurban kiya hai bhai uske aage maine jo kiya wo to kam hi hai..
Yash ko kya bole samajh nahi aa raha tha par ek sawal uske man me uth raha tha aur usne pucha
Yash- tujhe ye sab pata hai ye avi janta hai ?
Aniket hasa aur bola
Aniket- pagal hai kya ? use ye pata chala to mai janta hu fir hamare beech faltu me duriya aayengi, aaj use lagta hai ke mai kuch nahi jaanta isiliye wo bindass mere pas aata hai mere se freely baat karta hai ghar par aata hai, yahi agar use pata chala ke mai ye baat janta hu to wo utna freely mere se komal se baat nahi kar payega, mil nahi payega, jo hona tha ho gaya use hum nahi badal sakte, aaj avi ki life ki ek nayi shuruwat hai, aur mai janta hu ke tu agar dost ke liye bhai se ye baat chupa sakta hai to usi dost ke liye ye baat bhi kabhi apne hothopar nahi layega
Yash ki aankho me pani tha, usne aniket ko kas ke gale laga liya
Yash- tum dono dhanya ho ulta mai to aisa bolunga ke mai naseeb wala hu jo mujhe aisa dost aur bhai mile..
