Uttar pradesh ka ek chota sa ganv Madanpur....jahan ki abaadi lagbhag 300 logon ki hogi.....us ganv mein rehta tha ek shaksh......jo bahut hi seedha sada aur nek dil insaan tha......jisne kabhi kisi ka bura nahin chaha.....aur humesha dusaron se pyaar ki apeksha rakhta..... uska naam tha raghu.......raghu ek 22 saal ka khubsurat naujawan tha.... magar wo tha bahut gareeb......wo din bhar apne aur dusaron ke kheton mein kaam karta aur jo mehnat mazduri se usey do paise milte usi se apna aur apne ghar ka pet palta.....raghu ke baap is duniya mein nahin they.....aaj se 10 saal pehle unki maut cancer se ho chuki thi.....tab se lekar aaj tak wo hi apne ghar ka ek matra sahara tha.....
uske ghar mein ek boodhi maa thi jo kareeb 50 saal ke aas paas thi......chehre par humesha chasmaa chadaye hue aur safeed kapdon mein lipti wo ek vidhwaa ki zindagi gujar basar kar rahi thi......raghu ki ek laadli behan bhi thi bilkul masoom si aur chulbuli.....wo bhi aab jawani ke dahleez par apne kadam rakh rahi thi...uska naam vidya tha.....wo kareeb 18 saal ki ho chuki thi....vidya aabhi high school mein padh rahi thi......raghu ne to 8 tak padh kar apni padai chodh diya tha......apni padhai chodney ke peechay uski do wajah thi pehli to uski gareebi aur dusara ki wo agar padhta to uski maa ko kisi aur ke ghar mehnat mazdoori karni padti....jo wo kabhi nahin chahta tha ki uski maa dusaron ke ghar jakar jhadu poocha aur dusaron ke joothey bartanon ko saaf karein.....
ghar bhi khapreil ka bana hua tha aur deewarein mitti ki thi....vidya aur shanti (raghu ki maa) ke alawa uska is duniya mein aur koi nahin tha.....magar in sab ke bawjood raghu ko apni zindagi se koi shikwaa gila nahin tha......uski maa ussey bahut pyaar karti .....aur humesha usey sachhai ka marg batati......raghu bhi apni maa ko bahut chahta tha aur koshish karta ki wo apni maa aur behan ki saari zaroorateion ko poori karein.......magar in sab se uska ghar walon ko aur kisi cheez ki chahat na rehti.......
shaam ka samay tha..... suraj ke doobney mein aabhi kuch aur waqt tha.......aasman mein lalima chayi hui thi.......aur pakshi apne ghosley mein wapas laut rahein they......raghu roz ki tarah apne kaam se fursat hokar wahin ek jheel ke kinarey ek bade se chataan par baitha hua pakshiyon ko apne ghar jata hua dekh raha tha.......aur saath hi saath jheel se behta hua paani uska dhyaan baar baar apne ore kheech raha tha.......magar aaj raghu ka dhyaan kahin aur tha.......wo kisi aur khyalon mein khoya hua tha.......uske haath mein paathar ke chote chote tukdey they.....wo un paathron ko baar baar us jheel mein fenkta aur jaise hi paathar us paani mein girta .......tuubbh.....ki ek madhur awaaz nikalti aur paani ki upari satah tezi se charon dishawon mein fail jati......
wo yehin soch raha tha ki bhagwaan ne is duniya ki rachna kitni sundar tarah se ki hain......sab kuch mano ek swarg sa lagta hain.......kaash uske paas bhi un panchiyon ki tarah pankh hotey to wo bhi aasmanon mein udtaa aur is khubsurat duniya ko apni aankhon se dekhtaa......tabhi ek awaaz ko sunkar raghu apni sapnon ki duniya se bahar nikal kar aata hain.......wo awaaz uski behan vidya ki thi....jo tezi se daudtey hue uske paas aa rahi thi......aur kuch pal mein wo bhi usi chataan par aakar wahin raghu ke baju mein baith jati hain......
vidya- bhaiya aap roz yahan par aate hain aur ghanton tak yahin chup chaap baithey rehtey hain......aakhir aapko yahan par kya milta hain....
raghu vidya ki baateion ko sunkar muskura deta hain- tu nahin samjhegi.....mujhe yahan par sukoon milta hain......aur main sukoon ke liye yahan par roz aata hoon......
vidya- kaisa sukoon bhaiya.....main kuch samjhi nahin.......
raghu- tu samjhegi bhi nahin......chal aab ghar chalte hain maa humare aane ki raah dekh rahi hogi..........................................
Vidya- batawo na bhaiya aapko kaisa sukoon milta hain yahan par aakar.......
raghu- batunga vidya .....fir kabhi....chal der ho rahi hain....fir wo dono apne ghar ki ore ore nikal padtey hain......
dono jaise hi ghar aate hain raghu ki maa wahin chaukhath par baithi un dono ki raah tak rahi thi.....aaj bhi wo ek safeed kapdon mein lipti hui aur aankhon mein ek chasma chadhaye wahin chaukhath par baithi hui thi.....raghu turant apne maa ke pass aata hain aur jhat se kisi chote baachey ki tarah apni maa ki aanchal mein jakar so jata hain......uski maa bhi bade pyaar se raghu ke sir par apne dono haathon ko firati hain......
shanti- beta kuch kha le.....tujhe bhook lagi hogi.....aaj teri behan ne tere liye bade pyaar se kheer banayi hain.....kahin kheer thandi naa ho jaye is wajah se ye bhagtey hue tujhe bulaney khud hi chali gayi.....teri isey kitna khyaal rehta hain.....
vidya- aur nahin to kya maa....aur kaun hain is duniya mein mere bhaiya ke siwa......inka khyaal nahin rakhungi to aur kiska rakhungi......chalo bhaiya jaldi se apne haath mooh dho lijiye main aapke liye kheer lekar aati hoon......fir vidya jhat se rasoi ghar mein jati hain aur kheer nikal kar raghu ke paas le aati hain.....
raghu bhi muskuatey hue vidya ke haathon se kheer le leta hain aur sabse pehle apne behan ko apne haathon se bade pyaar se khilata hain.....vidya jhat se raghu ke haathon ko choom leti hain aur uske aankhon se khushi ke aansoon chalak padtey hain.......
raghu- kya hua vidya......teri aankhon mein aansoon......tu janti hain na ki main tere in aankhon mein aansoon nahin dekh sakta....fir kyon ......aur raghu apne dono haath aagey badhakar vidya ke aankhon se behta aansoon pochney lagta hain.....vidya jhat se ussey lipat kar siska padti hain......
raghu- kya hua vidya tu roo kyon rahi hain.......kisi ne kuch kaha kya tujhe......
vidya apne aankhon se behtey aansoon pochti hain......nahin bhaiya aisi koi baat nahin hain......bus yu hi...fir raghu wo kheer vidya ko bade pyaar se apne haathon se khilata hain aur apne bhi khata hain.....shanti bade pyaar se undon ko ek tuk dekh rahi thi.....wo bhi un dono ke pyaar ko dekhkar bhavuk ho uthathi hain.......
thodi deer baad raghu wahin khatiye par jakar let jata hain......uske munn mein kai tarah ke sawla uth rahein they.....uski sabse badi chinta vidya thi......wo humesha yehi sochkar pareshan ho jata ki vidya ki shadi wo kaise karega......bade mushikil se ghar ka kharcha chalta hain.....kahan se layega wo dher saare rupaiye aur kab wo apni behan ke haath peelay karega......wo inhi khyalon mein gum tha ki tabhi uske ghar par dastak hoti hain......aur wo apni soch se bahar nikalta hain.....jhat se wo charpayi se uthatha hain aur jakar darwaza kholta hain......
jaise hi raghu darwaza kholta hain samne jab darwazey par uski nazar padti hain wo wahin thitak jata hain.....uske kadam wahin jum jate hain......aur mooh se koi awaaz bahar nahin nikal paati......darwaze ke samney ek hassen ladki khadi thi.....neela rang ka suit pehney hue.....gora rang aur apne kandhey par ek bag tangey hue.......raghu ek tuk usey hi dekhe jaa raha tha fir wo turant apni nazrein dusari ore fer leta hain......wo ladki bhi ek tuk raghu ko dekhney lagti hain.....fir turant bol padti hain....
mujhe vidya se milna hain......kya vidya ka ghar yehi hain.....main uski saheli rashi hoon........
raghu- ji haan vidya ka ghar yehi hain......aap yehi par baithiye main vidya ko bulata hoon......aur raghu vidya ko bulane ander jata hain.....thodi deer baad vidya aati hain aur jab uski nazar rashi par padti hain to wo khushi se chahak padti hain.....aur turant uske gale lag jati hain......
vidya- arey rashi tu...yahan par......kitne saalon ke baad tu aayi hain.....sehar se kab lauti.......
rashi bhi muskuratey hue vidya ke gale lag jati hain- itne sare sawlaon ka silsila tune fir se shuru kar diya...thoda saans to lene de......batati hoon sab kuch.....
rashi- aaj subeh hi lauti hoon sehar se......teri bahut yaad aati hain mujhe......isliye socha sabse pehle tujhse mil loon......isliye jab time mila sabse pehle yahan aa gayi tere paas.....
vidya- badi aayi dosti nibhane wali......fir 10 din rehkar tu fir se sehar chali jayegi.....aur main fir se akeli ho jawongi.....
rashi jhat se apne dono haathon ko vidya ke kandhey par rakh deti hain-chinta mutt kar vidya is baar jane ke liye nahin aayi hoon....meri padai poori ho gayi hain...aabhi filhaal yehi rehney ka irada hain......tu bata apna kaisa chal raha hain.....
rashi aur vidya bachpan ke dost hain....aaj ye dono poorey 5 saal baad mile hain......raghu rashi ko pehle bhi dekh chuka hain magar in 5 salon mein rashi poori tarah se badal gayi thi jiske wajah se wo usey pehchan nahin paya......rashi ek ameer gharaney ki ladki thi......uske pitaji ek doctor hain aur sehar mein hi rehtey hain.......magar rashi ka poori family yehi ganv mein rehti hain........
raghu wahin chup chaap baitha hua un dono ki baatein sun raha tha.....rashi ek nazar raghu ki ore dekti hain aur uske chehrey par ek pyaari si muskaan tair jati hain..............
rashi ko apni taraf aise muskuratey hue dekhkar raghu sharam se apni nazrein dusari ore fer leta hain aur turant wahan se uthkar bahar ki ore chala jata hain........raghu ki ye harkat vidya ki nazreion se bhi nahin chup paati.....aur uske chehrey par bhi ek pyari si muskaan aa jati hain......
rashi- aaj bhi raghu bilkul nahin badla......pehle bhi wo mujhse aise hi sharmata tha aur aaj bhi wo bilkul waisa hi hain.....pata nahin jab iski biwi aayegi tab bhi ye aise hi rahega ya badal jayega..........
rashi ki baateion ko sunkar vidya hairat se uski ore dekhney lagti hain- kya baat hain rashi tujhe mere bhaiya ki bahut chinta ho rahi hain......agar tujhe mere bhaiya ki itni hi fikra hain to tu kyon nahin kar leti unsey shadi......vidya ki aisi baateion ko sunkar rashi ka chehra sharam se laal pad jata hain aur wo turant apni nazrein jhuka leti hain......
rashi- tu bhi na vidya.....kuch bhi bolti hain......aur bata kaisa chal raha hai teri life........
vidya- jo kuch hain tere samney hain rashi......ghar ki wahin halat hain aur kaise bhi main padh rahi hoon ye hi badi baat hain..... agar aaj mere bhaiya nahin hote to pata nahin aaj hum sab ka kya hota........
rashi vidya ki baateion ko sunkar kuch deer shant rehti hain fir bolna shuru karti hain- tu ek kaam kyon nahin karti vidya......apne bhaiya se ek baar baat karkey to dekh........ mere yahan mere bhaiya inhein zaroor koi kam dilwa dengey.....bus tu apne bhaiya ko mere ghar par bhej.......main apni mummy aur bhaiya se baat karti hoon......aur koshish karungi ki tere bhaiya ko aachi khasi rakam dilwa sakun...jissey tere ghar ki halat kuch sudhar jaye........
vidya ko bhi rashi ki baat jach jati hain aur uske chehrey par khushi ke bhaav dikhayi dete hain- theek hain rashi jaise tujhe theek lage.....main is baare mein apne bhaiya se baat karungi........aur mujhe poora vishwaas hain ki wo meri baat kabhi nahin talengey.....thodi deer baad andhera chane lagta hain aur rashi apne ghar ki ore jane ke liye nikal padti hain.....
rashi- aab main chalti hoon vidya.......mummy mere liye pareshan ho rahi hogi......tu apna khyaal rakhna......
vidya- zara thehar to sahi rashi.......ye tera shehar nahin hain ki jab chahe tu kahin bhi akele nikal jaye.......yahan ka mahol kuch aacha nahin hain......main tere saath apne bhaiya ko bhej deti hoon wo tujhe tere ghar tak chodh aayengey......nahin to mujhe teri chinta lagi rahegi....
rashi- mujhe kuch nahin hoga vidya.....main chali jawongi.......tu bekar mein apne bhaiya ko takleef de rahi hain.....
vidya- nahin rashi maan le meri baat.....main tere bhale ke liye hi keh rahi hoon.....rashi vidya ko mana nahin kar pati aur thodi deer baad vidya raghu ke paas jati hain aur rashi ko uske ghar tak chodh aane ko kehti hain.....raghu to jana nahin chahta tha magar wo vidya ki baat kabhi nahin talta tha.....na chahtey hue bhi raghu rashi ke saath jane ko taiyaar ho jata hain.......aur thodi deer baad rashi aur raghu paidal hi apne ghar ki ore nikal padtey hain......rashi ka ghar yahan se lagbhag ek km ki doori par tha.......
jaise hi rashi aagey chalti hain raghu bhi uske peechay peechay chalney lagta hain......uske dil bahut ghabraa raha tha.....aaj aisa pehla mauka tha jab koi ladki uske saath akeli ho......wo to ishwar se yehi duwa kar raha tha ki rashi ka ghar jitni jaldi se jaldi wo pahunch jaye......tabhi raashi chalte chalte achanak ruk jati aur jhat se raghu ki ore peechay mudkar dekhney lagti hain......
raashi- kyon saath saath chalney mein sharam aa rahi hain kya......jo mere peechay peechay chal rahe ho......rashi ke mooh se is tarah achanak aisi baateion ko sunkar raghu ka dil zoron se dhadney lagta hain aur wo wahin chup chaap wahin khamosh khada ho jata hain.....
rashi ghoor kar ek nazar raghu ko dekhti hain fir uske chehrey par muskaan aa jati hain- ye main main kya laga rakha hain.......daro mutt main tumhein kaacha nahin khane wali jo tum mujhse itna dartey ho......
raghu chaah kar bhi ek shabdh kuch nahin bol pata.....
rashi- aacha ek baat batawo.....agar main tumhare bare mein apne bhaiya aur mummy se baat karun to tumhein koi aitrazz to nahin hoga na......rashi ke mooh se aisi baat sunkar raghu ka mooh khula ka khula reh jata hain.......wo to apne shadi ki baat samajh baitha tha balki rashi ussey apne ghar par kaam karney ki baat keh rahi thi.......
raghu- main.....main......meri bhala kya awakaat...... ki main.................
rashi- tum chinta mat karo......main khud hi apne mummy aur bhaiya se iske baare mein baat karungi.......bus tumse jitna poocha jayega tum utna hi kehna.....
raghu ki to durr se halat kharab ho rahi thi.....wo to samajh chuka tha ki aaj uske sir par garden nahin rehney wali.....
rashi- tum kuch kehtey kyon nahin.......
rashi- kya kahun main......mujhe to kuch samajh mein nahin aa raha......aapne jo kuch socha hoga theek hi socha hoga.....bhala apke samney meri kya awakaat.....agar aapki mummy aur bhaiya ne mera sir kalam kar diya to...............
rashi jhat se chalte chaltey wahin ruk hati hai aur sawal bhare nazreion se raghu ki ore mudkar fir se peechay dekhney lagti hain- main kuch samjhi nahin......tum kya kehna chahtey ho.......
raghu- ji wahin jo aapne aabhi aabhi kaha.......aapki aur meri shadi ki baat jo aap aapne mummy se kehne wali ho.....issey to ye pakka hain ki aab meri garden nahin bachegi........
rashi ek nazar raghu ko dekhti hain fir zoron se hansey lagti hain- ha haha ............ha .haha ..... meri hansi nahin ruk rahi.....kya itni deer se tum shadi ki baat samajh rahein they.......sach mein tum bahut buddhu ho.....arey main tumhein kaam dilwane ke liye apni mummy aur bhaiya se baat karney ko keh rahi thi.....aur tum kuch aur hi samajh baithey.....
raghu sharam se apni garden neechay jhuka leta hain- mujhe maaf kar dijiye......jo maine aapke baare mein aisa socha........
rashi ek nazar raghu ko dekhti hain aur munn hi munn muskuraney lagti hain- koi baat nahin raghu......aisa hota hain......fir wo dono ek saath apni manzil ki ore saath saath chalney lagtey hain.......
rashi ke dil mein kahin na kahin raghu ke liye pyaar pehle se tha.....wo usey bachpan se hi pasand karti thi......aaj raghu ki aisi baateion ko sunkar rashi ke munn mein raghu ke liye aaj wo pyaar fir se taaza ho gaya tha.......raghu to aachey se janta tha ki rashi kahan mehlon ki rani aur wo ek mamuli sa naukar......bhala uski kya awakaat......magar rashi ke ander ye ameer gareeb ki bhavnaa nahin thi......usey to aaj bhi sacchey pyaar ki talash thi....wo yehi chahti thi ki koi ussey itna pyaar karney wala jeewan saathi mile...... wo insaan usey mile jissey wo saari duniya bhool kar apna sab kuch uske upar nyochawar kar de....... itna pyaar kare ki koi kisi aur se nahin karta ho.....bhal hi rashi aaj mehlon mein kyon na rehti ho magar aaj ussey apne bhi ussey pyaar nahin kartey they.......ya yun keh lijiye ki har cheez wo log paison se hi taultey they .......chahey wo pyaar hi kyon na ho..........................................
rashi ka in sab se aab dum ghutney laga tha.....wo azaad panchi ki tarah khule aasmaan mein udna chahti thi....wo khud apni zindagi apne hisab se jeena chahti thi........
rashi- ek baat puchun raghu......tum mujshe itna darte kyon ho......kya main koi darane ki cheez hoon.......ya tumhein meri sakal pasand nahin.....jab bhi tum mujhe dekhtey ho tum mujhse door bhagtey ho....
rashi ke is tarah baateion ko sunkar raghu kuch pal ke liye khamosh ho jata hai......fir bolna shuru karta hain- nahin rashi ji aisi koi baat nahin hain.....pata nahin kyon mujhe ladkiyon se bahut durr lagta hain.....jab bhi koi ladki mere kareeb aati hain na jane kyon mere dil mein bahut ghabrahat hone lagti hain......aur aap to sach mein bahut khubsurat hain.....wo kismat wala insaan hoga jiski aap patni banengi.......
raghu ki baateion ko sunkar rashi ke chehrey par ek pyari si muskaan tair jati hain- to kya tum mere jeewan saath banogey......kya tum nahin chahtey ki main tumhari patni banun.......kya tum kismat wale nahin baana chahogey.....
rashi ki baateion ko sunkar raghu wahin chalte chalte achanak ruk jata hain aur turant rashi ki ore mudkar usey ek tuk dekhney lagta hain- aap ye kya keh rahi hain rashi ji.....bhala aapka aur mera kya mel......aap kahan mehlon ki rani aur main kahan ek chota sa mamooli insaan.......bhala meri kya bisat jo main aapko apni patni ka darza de sakun......kyon aap is garib ka mazak uda rahin hain.....
rashi bhi aagey kuch kehna theek nahin samajhti aur chup chaap apne ghar ki ore chalney lagti hain.......uske munn mein is samay kai sawal chal rahein they.....tum mano ya na mano raghu par dekh lena ek din main tumhari patni zaroor banungi......dekh lena ek din kabhi ye mehlon ki rani kabhi na kabhi tumhare us chote se ghar mein dulhan bankar zaroor jayegi.......dekh lena ek din tum khud mere pyaar ka izhaar karogey......
thodi deer baad wo dono haveli pahunch jate hain.......waise raghu to humesha yahan par aata rehta tha....is liye wo yahan ke logon ko aachey se janta tha.......ghar ke sabhi naukar raghu ko aankhein faadey dekh rahein they.....aur hairani ki baat to thi bhi ki kahan itne bade ghar ki ladki ek chote se naukar ke saath saath chal rahi thi......thodi deer baad rashi apne bhaiya ke paas jati hain......
uske bhaiya ka naam pratap tha......umar kareeb 32 saal......daya aur reham naam ki koi cheez nahin thi uske ander......naukaron se agar koi kisi prakar ki galti hoti to wo usey bahut marta tha.......aaj bhi uska dhashat sabke dilon mein tha......kab uska dimag fir jaye aur kab wo kispar baras padey........aur ahankaar to uske ander koot koot kar bhara tha.......
rashi jhat se apne bhaiya ke paas jati hain aur saath saath raghu bhi uske peechay peechay chala jata hain.......pratap wahin baitha hua cigratee pee raha tha......
pratap ek nazar raghu ko sir se lekar pawn tak dekhta hain fir wo rashi ki ore dekhkar dheere se muskura deta hain- aawo rashi.......mil aayi apni saheli se.....chalo apne room mein jawo ......maa tumhara kab se intezaar kar rahi hain.......
rashi- bhaiya ye raghu hain.....vidya ka bhai......ye bahut gareeb hain......isliye main raghu ko yahan le aayi aapke paas.......aur main chahti hoon ki aap isey koi aacha sa kaam dilwa dein......taki iske ghar ki halat kuch sudher jaye......ye bahut nek insaan hain bhaiya.......please ho sake to raghu ko koi kaam dilwa do.......
pratap ek nazar rashi ki ore ghoor kar dekhta hain- tune kya is ghar ko dharmashala samajh rakha hain ki jissey tu kahegi usey hum kaam par rakh lengey......tujhe issey badi humdardi hain....baat kya hain......kaun sa paati padha diya hain isney tujhe jo tu iska paksh le rahi hain.......
pratap ki baateion ko sunkar rashi ka chehra gussey se laal pad jata hain- bhaiya mind your language......aap mujhse bade hain iska matlab ye to nahin ki aap kisi ko kuch bhi bol dengey......maine raghu ko yahan par uski bei-zaati karnwaney ke liye nahin layi hoon.....aur aapko koi haq nahin banta ki aap kisi ko kuch kahien......
rashi ke zor se chilaane se shanti ( rashi ki maa) apne kamrey se bahar nikalti hain....
shanti- kya hua beti tu kyon pratap par chilla rahi hain.....aakhir kya kiya isney......
rashi ek nazar apne maa ki ore dekhti hain fir bolti hain- mummy aap bhaiya ko samjha dijiye......ye mere mamley mein aaj ke baad koi dakhal andaazi na karein.......waise mujhe bhi insey koi shauk nahin hai behas karney ka.......
shanti- naraz kyon hoti hain beti......tu to iska swabhav janti hain...ye bachpan se aisa hi hain.......aur tu pratap kabhi to shubh shubh bola kar.....khwamokwah meri beti ka mood kharab kar diya....aur shanti jakar apne beti ko bade pyaar se gale laga leti hain.......rashi bhi jhat se apni maa ke gale lag jati hain......
shanti- ye to raghu hain na....ye tere saath yahan kya kar raha hai......
rashi- maa raghu bahut gareeb hain aur ye vidya ka bhai hain.....maine socha raghu ko yahan par koi aacha sa kaam dilwa doongi to iske ghar ki pareshani thodi kum ho jayegi....magar insey to baat karna hi bekar hain......
shanti jawab mein muskura deti hain- jane de beti......ye tera koi dushman thodi hi hain....aakhir ye tera bhai hain......chal koi baat nahin raghu ko main kaam par rakh leti hoon.......main tujhe kaam samjha doongi......aab raat hone wali hain.....beta tu ghar chala ja......aur kal subeh tu samay se aa jana......
shanti ki baateion ko sunkar rashi ke chehrey par ek pyari si muskaan tair jati hain aur wo jhat se apni maa ke gale lag jati hain....pratap wahin bura sa mooh bana leta hain......
raghu- aacha malkin aab main chalta hoon.......kal se main roz kaam par aa jawonga....aur raghu ek nazar rashi ki ore dekhta hain......rashi usey hi dekhkar muskura rahi thi.....shayad rashi ne pehli baazi jeet li thi.................................................
dil mein hazaron sawal liye raghu apne ghar ki ore laut raha tha.....uske munn mein baar baar yehi sawal uth rahein they ki rashi ne jo bhi baatein uske saath ki hain kya wo sach hai.....kya rashi sach mein ussey shadi karna chahti hain....magar uske paas to rashi ko dene ke liye kuch hain bhi to nahin......kya wo rashi ko ek pal ki khushiyan bhi de sakega......wo to dhang ka khana bhi usey nahin khila sakta.....kya rashi uske saath apna poora jeewan bita payegi.......nahin nahin!!!! rashi jaroor mera imtihaan le rahi thi.....wo mujhe aazmaa rahi thi.......bhala wo mehlon ki rani wo mere saath aise kaise reh sakti hain......main bhi kitna buddhu hoon jo main rashi ji ke bare mein ye sab sochney laga.....aur raghu apna sir jhatak kar apne ghar ki ore tezi se aagey badhney lagta hain.....
jo bhi tha magar raghu aaj bahut khus tha.....baar baar uska dhyaan rashi ki ore jaa raha tha......aaj pehli baar uske saath koi is tarah se pesh aaya tha......
udher rashi bhi apne kamrey mein jati hain aur jakar apne bister par let jati hain.....usey bhi maloom tha ki raghu uske baare mein aisa kabhi soch bhi nahin sakta.....par sawal ye tha ki wo raghu se apne pyaar ki saachayi kaise uske samney sabit karegi.....aaj to usney khul kar raghu ko apne dil ka haal bata diya tha.....
rashi mand mand muskura rahi thi......usey subeh hone ka badi hi besabri se intezaar tha.......kab subeh hogi aur kab raghu uske samney aayega......magar aab bus intezaar hi to karna tha.....tabhi uski maa kamrey mein aati hain.....rashi ki ye muskurahat shanti ki nazreion se chup nahin pati.....
shanti- kya hua beti......aaj jab se tu yahan aayi hain kuch khoyi khoyi si lag rahi hai.....teri tabiyaat to theek hain na......aur akele band kamrey mein paglon ki tarah kyon muskura rahi hain.......baat kya hain....aur shanti rashi ke paas jakar baith jati hain aur apna haath rashi ke sir par bade pyaar se firati hain......
rashi- maa kuch nahin......main yehi soch rahi thi ki sehar se kitna sukun hain na yahan par.......wahan par humesha daud bhaag laga rehta hain aur yahan bus charon taraf shanti hi shanti hain.......maa sach kahun to mujhe aab yahi par aacha lagne laga hain......
shanti- kya baat hain beti......tujhe to ek hi din mein gaanv se pyaar ho gaya.....khair aab ek kaam reh gaya hain aur wo hain teri shadi......sochti hoon ki aab tere haath bhi peelay kar doon fir mere dil se ye bojh bhi utar jayega.......bus tere liye ek aacha sa ladka mil jaye aur upar wale se aab kuch nahin chahiye........
shanti ki baateion ko sunkar rashi ka chehra ka rang feeka pad jata hain- maa mujhe nahin karni koi shadi waadi.......aabhi to meri life shuru hui hain.....aabhi to main khul kar jeena chahti hoon.....azaad panchiyon ki tarah khuli waadiyon mein udna chahti hoon......mujhe nahin padna in sab jhamelon mein....main jaisi hoon khus hoon......
shanti- beti ladki paraya dhan hoti hain......ek na ek din to teri shadi honi hi hain.....aur tujhe apne ghar apne sasuraal bhi jana hain......kab tak tu apni maa ke paas rahegi......
rashi- kya main aab main aapke liye bojh ban gayi hoon.....yehi baat hain na......fir theek hain kar do jaldi se mere haath peelay......jiske saath aap kahogi main apni aankh band kar ...ussey shadi kar lungi....aakhir hum ladkiyon ko apni zindagi apni marzi se jeenay ka koi adhikaar nahin hain na......mujhe nahin karni aab aapse koi baat chali jawo aap yahan se.......aur rashi jhat se apna mooh dusari taraf fer leti hain......aaj uski aankhien num ho gayi thi........
shanti- arey meri baachi tu to mujhse rooth gayi......aur shanti uske galon par apna haath rakh deti hain aur uska chehra apni ore karti hai......dekh rashi meri taraf......meri in aankhon mein......tujhe kya lagta hain ki main tujhse pyaar nahin karti......sach to ye hain ki maa ki mumta ka is duniya mein koi mol nahin......kaise wo apna pet katkar apne baachey ka palan poshan karti hain isey duniya ka koi bhi aulaad is baat ko sabit nahin kar sakta ki ek maa ki mumta ki kya keemat hoti hain......
magar in sab ke bawjood humare aur bhi kartavya hain unka bhi humein palan karna hota hain......kuch humare samaz ke banaye niyam hain usey bhi nibhana padta hain.......ek baat jaan le beti aurat ka jeewan itna aasan nahin hota....ye mardon ki duniya hain.....yahan par inka hi raaz chalta hain...hum to bus inke saaya hain jahan jahan ye jayengey hum unki parchayi bankar humesha unke saath chalna hain.....
rashi kuch nahin bol pati aur jhat se apni maa se lipat jati hain......
shanti- chal beti aab khana kha le......tere bhaiya dining table par tera intezaar kar rahein hain......fir rashi apna mooh haath dho leti hain aur jhat se dining table ke paas jakar apne bhaiya ke baju mein baith jati hain.....pratap ek nazar usko ghoor kar dekhta hain fir wo apni nazrein dusari taraf fer leta hain......
pratap- kya hua rashi...tu aabhi bhi kya mujhse naaraz hain.....chal gusaa thook de......aagey se tujhse aisi baat kabhi nahin karunga......aur pratap jhat se apne kanon par apne dono haath rakh leta hain......jawab mein rashi ek nazar pratap ki ore dekhti hain aur apni nazrein dubara dusari taraf fer leti hain.......
pratap- maa tum hi kuch bolo na issey......ye humesha mujhpar aisi hi bigadti rehti hain......arey choti hain to mera poora haq banta hain ki main isey dantun ya marun.......agar isey itna hi bura lag raha hain to main aab issey aagey se kabhi kuch nahin kehne wala......
rashi- aapne is tarah se raghu se kyon baat ki......thoda meethi boli bol dete to aapka kuch biga jata kya.....keh do maa mujhe insey aab koi baat nahin karni......
pratap- waise tune jo ladka laya hain wo kaam ka lagta hain.....chal main teri khushi ke liye uski pagar 3000 se badhkar 5000 kar deta hoon......aab to tu khush hain naa.........aab teri bhi baat reh jayegi.......pratap ke is tarah kehney se rashi apne chehrey par muskaan lane se nahin rok pati.......
pratap- aab aise hi muskurate bhi rahegi ya mere gale bhi lagegi.......rashi jhat se utathi hain aur paratap ke gale lag jati hain.......ye sab dekhkar shanti bhi muskura deti hain.......thodi deer baad rashi apne kamrey mein jati hain.....aaj uski aankhon mein neend kahan tha......wo fir se bister par jakar raghu ke khyalon mein fir se kho jati hain aur subeh hone ka badi hi besabri se intezaar karti hain......yahan par to aag ek taraf hi lagi thi....dekhna ye tha ki is aag ka asar raghu par kab aur kitni jaldi padta hain....................................................................
Udher raghu bhi apne ghar pahunchta hain aur jakar seedha apne charpayi par let jata hain......aaj uske dil aur dimag mein bus rashi ke hi khyaal aa rahein they.....tabhi vidya wahan aati hain aur aakar raghu ke pass usi charpayi par baith jati hain......raghu ko is tarah leta hua dekhkar wo apna haath raghu ke mathey par rakh deti hain ........
vidya- kya hua bhaiya......aapki tabiyat to theek hain.....
raghu vidya ki baateion ko sunkar apni soch se bahar aata hain- main theek hoon vidya......bus yu hi.....
vidya bade gaur se raghu ke chehrey ko padney ki koshish kar rahi thi- kya baat hain bhaiya....jab se aap haveli se aaye hain kuch khoye khoye se lag rahein hain......kisis ne kuch kaha kya aapko.....kahin chote thakur ne to kuch nahin kahan na......
raghu- nahin vidya aisi koi baat nahin hai......kisi ne kuch nahin kaha.....bus aise hi.....raghu usey kya batata ki wo uski saheli rashi ke bare mein hi soch raha tha.....are haan ek baat to main batana bhool hi gaya.....kal se main haveli par kaam karney jawonga.....malkin ne mujhe kal se kaam par bulaya hain.......raghu ki baateion ko sunkar vidya ke chehrey par khushi saaf dikhayi deti hain.....aur wo khushi se jhat se apne bhaiye ke gale lag jati hain.......
vidya- ye to bahut aacha hua bhaiya.......aap mooh haath dho lijiye main aapke liye khana nikalti hoon......fir vidya jakar khana parosney lagti hain aur thodi deer baad wo teenon khana khate hain........thodi deer baad raghu apne bister par aata hain aur fir se wo rashi ke khyalon mein kho jata hain.....pata nahin kyon baar baar uska dhyaan rashi ki ore jaa raha tha.....na chahtey hue bhi wo rashi ko apne dil o dimag se nahin nikal paa rah tha.......baar baar rashi ka sunder sa mukhdaa uske aankhon ke samney ghoom raha tha.....na jaane kitne deer tak wo inhi sab khyalon mein khoya hua tha aur kab uski aankh lag jati hain usey pata bhi nahi chalta........
subeh jab raghu ki aankh khulti hain wo jhat se apne charpayi se uthatha hain aur apna mooh hath dhokar fresh hota hain.......aaj uske chehrey par ek alag khushi saaf dikhayi de rahi thi......magar ye khushi raghu bhi nahin samajh paa raha tha ki aisa aaj kya hua hain sab kuch usey badlaa badlaa sa kyon lag raha tha........thodi deer baad wo nasta karta hain aur apni maa ke pawn chukar seedha haveli ki ore nikal padta hain........
wahin dusari taraf rashi bhi subeh se bechain thi....shayad raghu ki ek jhalak pane ke liye.....wo jhat se haveli ke chaat par jati hain aur wahin se raghu ke aaney ki raah takti hain......uska dil bahut bechain tha....baar baar usey aisa lag raha tha ki aab raghu aayega....magar aabhi tak raghu usey kahin dikhayi nahin diya tha.......wo baar bar chaat par kabhi idher se udher ghoom rahi thi aur baar baar haveli ki ore aatey rastey par uski nigaah jaa rahi thi......tabhi wahan pratap aata hain aur rashi ke kandhey par apna haath rakh deta hain.....rashi chaunk kar pratap ki ore dekhney lagti hain.....
pratap- rashi tu itani subeh yahan chaat par kya kar rahi hain......aur baar baar tu idher udher kyon ghoom rahi hain......teri tabiyaat to theek hain na......ya kisi ke aaney ka tujhe intezaar hain........pratap ki baateion ko sunkar rashi ka dil zoron se dhakaney lagta hain aur bade mushkil se wo apne zazbaaton ko control karti hain........
rashi- wo bhaiya......bus yu hi.......neechay aacha nahin lag raha tha to socha thoda bahar nikal kar ghoom fir loon......aap yahan par kab aayein.....
pratap ek nazar rashi ko ghoor kar dekhta hain- tu theek to hain na......maa tujhe kitni baar kethi hain ki tu roz yahan upar subeh aaya kar magar tu kabhi maa ki baat nahin sunti......magar aaj bina kahe tu khud apni marzi se upar aayi hain......lagta hain sehar mein rehkar tere ander aab kafi badlaav aa gaya hain.....khair koi baat nahin tu yahin kurshi par aaram se baith jaa.....main zara neechay hokar aata hoon....aur pratap jhat se neechay chala jata hain......rashi ki mano jaan mein jaan aati hain.......
aaj agar uske bhaiya ko zara bhi shak hota ki wo yahan par kyon aur kiske liye aayi hain to pratap aaj na jane uska kya haal karta......tabhi rashi ke chehrey par khusi ki ek lakhir saaf dikhayi deti hain......aur aisa hota bhi kyon na samney raghu usey aata hua dikhayi deta hain.....wo jhat se wahin khadi ho jati hain aur bade gaur se raghu ko ek tuk dekhney lagti hain......raghu tezi se chaltey hue haveli ki ore aa raha tha.....thodi deer baad wo haveli mein apna kadam rakhta hain aur samney usey pratap dikhayi deta hain.....
raghu ki bhi nazrein rashi ko dhoondh rahi thi......wo haveli ke charon taraf apni nigaah fer rah tha tabhi rashi usey chaat par dikhayi deti hain......wo usey dekh kar muskura rahi thi.....raghu bus chup chaap ek nazar rashi ki ore dekhta hain aur turant apni nazrein wahan se hata leta hain......wo chaah kar bhi rashi ki ore nahin dekh sakta tha kyon ki samney pratap khada tha.....agar pratap ko zara bhi shak hota to wo uski khaal kheech leta.......
pratap- aa gaye tum........waise waqt ke tum bahut paband ho........bilkul sahi time par aaye ho......aawo mere saath main tumhein kaam samjha deta hoon.....tumhein yahan par kya karna hain.......aur pratap haveli mein ander jata hain uske peechay peechay raghu bhi chal padta hain.......haveli ki sundarta dekhkar usey aisa lagta hain jaise wo kisi jaanat mein aay ho.......
pratap- waise kaun sa kaam kar lete ho.........
raghu- malik koi bhi kaam kar sakta hoon.......aap ek baar hukum kar ke to dekhiye.........
pratap- theek hain tum malkin ke paas jawo wo tumko kaam samjha degi......aur raghu shanti ke paas chala jata hain.......shanti usey dekhakar muskura deti hain.....tabhi rashi bhi neechay apni maa ke paas aa jati hain........ragh apni nazrein jhukaye chup chaap wahin khada tha.......
shanti- raghu bahar foolon ka baag hain....tum usey tahaniyan kaat kar sahi se jama do....uski latayein bahut badh gayi hain.....aur haan kisi bhi cheez ki zaroorat padey to tum bejhijhat kisi se bhi maang saktey ho........aur raghu haan mein apna sir jhuka kar aagey jane ko mudta hain tabhi rashi usey rok leti hain......
rashi- maa agar aap kaho to main raghu ko ek baar apne saath isey apni haveli dikha deti hoon......jab ye poora dekh lega to isey kisi bhi cheej ki pareshani nahin hogi.......shanti bhi haan mein jawab dekar apne kamrey mein chali jati hain.........yehi to rashi chahti thi ki wo raghu ke saath kuch pal bita sakey......
rashi- aawo mere saath main tumhein apni haveli dikhati hoon.......aur raghu bina kuch kahein chup chaap rashi ke peechay peechay chalney lagta hain......
rashi- waise ek baat kahun raghu......tumhari pagar 5000 rs mahine hain......agar kum ho to mujhe keh dena main apne mummy aur bhaiya se iske bare mein baat karungi........
raghu- kya......5000 rs.....
rashi- kyon kum hain kya.......
raghu- nahin rashi ji.....maine to kabhi socha bhi nahin tha ki mujhe yahan par kaam karmey ke itne paisey milengey.........
rashi ek nazar raghu ki ore dekhti hai aur dheere se muskura deti hain- raghu kya tum mujhse dosti karogey......raghu wahin chaltey chaltey achanak ruk jata hain.....aur rashi ki ore ek tuk dekhney lagta hain........
raghu- ye aap kya keh rahi hain rashi ji.......bhala meri kya awakaat ki main aapse dosti bhi kar sakun........kahan aap aur kahan main......ye sambhav nahin hai rashi ji......aisa nahin ho sakta.......
rashi jhat se apna haath raghu ke haath mein tham leti hain- dosti mein ameeri gareebi nahin dekhi jati......tum mujhe aache lagte ho is wajah se maine tumse dosti ka haath badhaya hain......yakeen mano mera main murtey dum tak apni dosti nibhaubgi.......
raghu- magar.......log kya kahengey......bhala aap se main kaise dosti kar sakta hoon......agar malik ko pata chal gaya to wo meri khaal kheech lengey.....mujhe maaf kar dijiye rashi ji main aisa nahin kar sakta.........
rashi- mujhe kisi ki koi parwaah nahin hain raghu....bolo mujhse dosti karogey ya nahin.......mujhe bus tumhara jawab chahiye........
raghu ek baar fir se rashi ki baateion ko sunkar gehrey vicharon mein kho jata hain wo aaj bahut asmanjhah mein fansa hua tha agar wo haan kehta hain to pratap ka usey durr tha.......aur agar wo rashi ko mana karta hain to wo bura maan jayegi.....aur wo rashi ko zara bhi dukh nahin pahunchana chahta tha.........aab to faisla raghu ke haathon mein tha..................
aaj raghu bahut asmanjhah mein fansa hua tha......raghu kuch deer tak inhi sab khyalon mein khoya rehta hain.....magar chaah kar bhi koi faisala lene ki stithi mein nahin rehta hai....rashi uske bhole se mukhdey ko dekhkar muskura rahi thi.......
rashi- kya hua raghu kahan kho gaye.......faisla lene mein itani deer kyon.......kya tumhein mujhse dosti karna pasand nahin.......agar aisi koi baat ho to tum mujhse be-jhijhak keh sakte ho.......
raghu- nahin rashi ji aapse dosti karna to bade garv ki baat hogi magar main aapke kaabil nahin......aap bhale hi isey dosti manti ho magar ye duniya wale humare dosti ko dusare nazariya se dekhegey.......aur main nahin chahta ki koi aapke upar ungali uthaye......mujhe zamane ka durr nahin hain magar main nahin chahta ki meri wajah se aapko koi bura bhala kahein.......
rashi- mujhe kisi ki koi parwaah nahin hain raghu mujhe bus tumhara jawab chahiye......bolo mujhse dosti karogey.......
raghu dheere se haan mein apni garden jhuka deta hain ye dekhkar rashi khushi se jhoom utathi hain......aaj wo bahut khus thi usey mano duniya ki sari khushiyan mil gayi ho.......
rashi jhat se raghu ke kareeb aati hain aur uske gale lag jati hain......ye dekhkar raghu kisi buth ki tarah wahin khada rehta hain......wo chaah kar bhi ek shabdh rashi ko kuch nahin bol pata aur naa hi usey apne se alag kar pata hain.......
rashi- aab aise kya dekh rahein ho.......maine kuch galat to nahin kiya na.....aab to dosti mein itana sab kuch chalta hai......chalo mere saath warna kahin bhaiya yahan aa gaye to bewajah baat bigad jayegi........raghu chup chaap rashi ke peechay peechay chal padta hain......wo chaah kar bhi rashi ke har harkaton ko bhula nahin paa raha tha.......uske liye ye ehsaas sab kuch naya tha.......
thodi deer baad wo poora haveli ghoom leta hain ........ usey haveli mano kisi swarg jaisa lag raha tha.....bahut kismet wali thi rashi jo itne bade mehal mein rehti thi......
rashi- aab main chalti hoon raghu....agar kisi bhi cheez ki koi zarurat ho tum mujhse be-jhijhak keh saktey ho.....aur rashi wahan se nikal jati hain......raghu bus ek tuk rashi ko jaate hue dekhta hain.......aaj rashi ki wajah se raghu ne apne ander naye ehsaas ko mehsoos kiya tha......jo bhi tha magar usey bahut aacha lag raha tha magar usey aachey se maloom tha ki aagey jakar iska anjaam kya hoga......
raghu jhat se neechay aata hain aur apne kaam mein lag jata hain......rashi wahin chaat par jati hain aur door se hi raghu ko bade pyaar se dekhney lagti hain.......sach to ye tha ki aab rashi dheere dheere raghu ko chahey lagi thi.....magar aabhi raghu ke ander is tarah ki feeling nahin aayi thi......wo bus dheere dheere aab mehsoos karney laga tha.......
dopahar mein raghu kaam karney ke baad wahin farsh par thoda der aaram karta hain rashi ki nazar baar baar usi ore jaa rahi thi.....tabhi uski maa aati hain uske paas.......
shanti- beti teri tabiyaat to theek hain na.....subeh se tu na hi kuch khayi hai aur na hi tujhe kisi bhi cheez ka hosh hai.....dekh dopahar hone ko aayi aur tu aabhi tak nahayi bhi nahin......sehar mein rehkar tu sab kuch bhool gayi hai......ja sabse pehle naha le fir khana kha lena.....
rashi apni maa ki baateion ko sunkar muskura deti hain- maa aisi koi baat nahin hain.......agar aap kehti hain to main aabhi jakar fresh hokar aati hoon......aur rashi bathroom mein chali jati hain.......baar baar wo raghu ko yaad kar rahi thi......is wajah se wo aaj sab kuch bhool gayi thi......
rashi jaise hi bathroom mein jati hain baar baar raghu ka mukhdaa uski aankhon ke samney ghoomney lagti hain- ye kaun sa rog tumne laga diya hain raghu mujhe......dekho aaj tumhari wajah se main sab kuch bhool si gayi hoon....mujhe aaj kuch hosh nahin.......kuch to tummein baat hain jo pal pal mujhe tumhari taraf kheech rahi hain......tumhari aankhon mein ek ajeeb si kashish dekhi hain maine.......maine bhi aaj tumhare in aankhon mein mere liye wo pyaar dekha hain......tum chahe mujhse kaho ya na kahon magar tumhari aankhien tumhari dil ki saari baatein bayan karti hain.......
dekh lena raghu ek din tum khud chalkar mere paas aawogey aur mera haath thamogey......aur mujhe apni dulhan banawogey........ek din tumhein bhi is pyaar ka ehsass zaroor hoga.....bhale hi aaj humare darmiyaan ameeri garibi ka ye faasla hain magar jaldi hi ye saare faasaley mit jayengey.......tumne to mujhse aaj dosti kar li hain magar tumhein ye nahin maloom ki dosti bhi pyaar ka dusara naam hain.......dekh lena ek din ye dosti pyaar mein zaroor badal jayega.......aaj mujhe jo ye prem rog laga hain dekh lena ek din tum bhi isi rog ke shikaar hogey......main intezaar karungi raghu ki kab tum mere paas aawogey aur aakar mere ye haath thamogey.......mujhe poora vishwaas hain ki aisa ek din jaroor hoga......
kareeb 3 baje pratap rashi ke paas aata hain aur wahin rashi ke bagal mein baith jata hain.....
pratap- waise teri choice sahi hain ye ladka bahut mehanti hain.......aane wale dinon mein ye humare bahut kaam aane wala hain......pratap ki baateion ko sunkar rashi ke chehrey par ek pyari si muskaan tair jati hain.....wo pratap ki baateion ka koi jawab nahin deti aur ek tuk wahin kaam kar rahein raghu ki ore bade gaur se dekhney lagti hain........
shaam ko raghu kaam khatam kar ke apne ghar ki ore jane lagta hain tabhi rashi uske paas aati hain......uske haath mein 500 rs ka ek note tha.....wo jhat se raghu ko wo note thama deti hain....raghu hairat se rashi ki ore dekhney lagta hain.....
raghu- ye kya hain rashi ji....ye kaise paise hain.......
rashi- rakh lo raghu ye tumhare kaam aayengey......ye samajh lo ye tumhari bakshish hain......
raghu- nahin rashi ji.....main bhale hi garib hoon magar main ye paise nahin le sakta......mujhe imandari ke paise se hi sukoon milta hain.....agar isey main rakh bhi loonga to bhi mera zameer mujhse iski izazat kabhi nahin dega.......aapne mujh garib ke baare mein itna sab kuch socha aur mere liye aapke dil mein jo humdardi hain uske liye main aapka aabhari hoon....mujhe maaf kar dijiye main ye paise nahin le sakta.......
aur ek baat rashi ji aapne mujhse dosti ki hain.....aur agar dosti ke beech paise aa jaye to wo dosti swarth mein badal jati hain.......aur mera yakeen maniye ki meri dosti mein koi swarth ki bhavna nahin hain......main bhi aapse ye dosti martey dum tak nibhuanga.......main aapke aagey haath jodta hoon rashi ji aaiyanda aap kabhi dosti ke beech paison ko mahatva mut dijiyega.....nahin to humari dosti bhi kisi kaachey dhaggey ki tarah tooth kar bikher jayegi.......
rashi kisi buth ki tarah wahin chup chaap khadi rehti hain........aur uske haathon se wo note neechay zameen par gir jata hain.....raghu wo note rashi ko thama deta hain.....aur fir wo jhat se apni ghar ki ore nikal padta hain......peechay raashi kisi buth ki tarah khadi raghu ko jata hua dekh rahi thi.....aaj usey raghu ki khuddari par garv mehsoos ho raha tha.......jiske waha se uske dil mein aaj raghu ke liye pyaar shayad aur badh gaya tha......
rashi-tumhari isi ada par to main aaj tumpar mur miti hoon raghu.......sach mein aaj tumne mujhe dosti ka pehla paath padha diya.......main shayad dosti ki paribhasha bhool gayi thi lekin aaj tumne mujhe yaad dila diya..........main tumhari ye baat kabhi nahin bhoolungi......sach mein aaj main bahut khusnaseeb hoon jo mujhe tum jaisa ek saacha dost mila......main vaada karti hoon tumse ki main martey dum tak ye dosti tumhare saath nibhaungi........is waqt rashi ke aankhien num ho gayi thi........wo aabhi bhi raghu ko jata hua dekh rahi thi......
raghu fir se wahin jheel ke paas jata hain aur jakar wahin paathar par baith jata hain......aaj uske dil mein bahut saare sawal uth rahein they......aaj uske dil mein kuch armaan bhi they aur ajeeb si khushi bhi ho rahi thi.....magar raghu shaya us khushi ko mehsoos to kar raha tha magar ye shayad usey nahin pata tha ki ye ehsaas ki wajah kya hain.......
wahin thodi door par kuch chote chote baachey jheel ke kinarey khel rahein they......sabhi haathon mein ek kagaz ki kashti thi.......wo sab bachey ek ek kar wo kaagaz ke naav ko pani mein tairatey aur kuch deer mein jab jheel ki lehar tezi se aagey bahti wo kaagaz ki kashti un lehron ka samna nahin kar pati aur kuch hi palon mein uske aagey bikhar jati .........raghu bade dhyaan se ye sab dekh raha tha.......shayad aab uski zindagi bhi kisi kaagaz ki kashti ki tarah thi......jo kuch pal tak to apna wajood kayam rakh sakti thi magar jab bhi koi badi lehar aati wo usey apne saath bahakar kahin door le jati.......aur jab tak wo lehar kuch shant hoti tab tak wo kaagaz ki kashti un lehron ke samney bikher chuki hoti...................
raghu thodi deer baad apne ghar par aata hain......uski boodhi maa wahin baithi hui uske aane ka intezaar kar rahi thi......raghu bhi chup chaap wahin charpai par jakar baith jata hain......tabhi vidya uske paas aati hain aur aakar uske bagal mein baith jati hain......
vidya- kaisa raha bhaiya aapka aaj pehla din.......sab theek to raha na........chote malik ne kuch kahan to nahin na........
raghu- nahin vidya sab theek se beet gaya.......wahan sab log aachey hain.......mujhe kis bhi cheez ki koi pareshani nahin hui.......aur janti hain meri pagar malik ne poorey 5000 rs kar diye hain......aur ye sab teri us saheli rashi ke wajah se hua hain......sach mein wo bahut aachi hain......
vidya- ye to aur bhi aachi baat hain bhaiya.......aab humari saari pareshani dheere dheere sab door ho jayegi.......aap mooh haath dho lijiye main aapke liye kuch nasta lati hoon......aur vidya jhat se kitchen mein chali jati hain........raghu fir se rashi ke khyalon mein kho jata hain......
raat bhi isi tarah se gujarta hain.......jab bhi raghu ki neend khulti baar baar rashi ka khubsura chehra uske aankhon ke samney aa jata.....raghu ko ye samajh mein nahin aa raha tha ki aisa uske saath kyon ho raha hain......magar jo bhi tha uske dil mein ye ek khubsurat ehsaas tha.....
idher rashi ka bhi kuch waisa hi haal tha ya ussey bura tha......wo bhi gumsum si apne bister par lete hue apni raat kaat rahi thi.....ek samay tha jab usey raat baut aachi lagti thi magar aaj yehi raat uske liye pal pal bhari padh rahi thi......bahut koshishon ke baad bhi jab usey neend nahin aati to wo jhat se apne kamrey ki khidki ke paas jati hain aur wahin rakha kursi par baith jati hain......aur chup chaap aasmaan ki ore ek tuk dekhney lagti hain.....
is waqt chand apne poorey shabab par tha......aur aasman mein halkey badal bhi they.........kabhi chand un badlon mein chup jata to kabhi badlon se bahar nikal jata......rashi bade gaur se ye sab dekh rahi thi....wo bachpan se aisa hi chand ko dekhti aa rahi thi magar aaj uske liye ye ehsaas bilkul naya tha.......kuch to aaj naya tha jo uski berang si zindagi mein ek rang lekar aaya tha......shayad yehi to pyaar tha jiske wajah se aaj usey sab kuch aacha lagney laga tha......ye duniya usey badi khubsurat si lag rahi thi........ghanton wo wahin baithi rehti hain aur chand ko ek tuk dekhti rehti hain........
subeh jab raashi ki neend khulti hain wo turant jakar bathroom mein fresh hoti hain aur fir se raghu ke aane ka intezaar karti hain.......aaj fir se wo apne chaat par jati hain aur kal ki tarah door se hi raghu ka rasta dekhti hain.......aaj usey durr bhi tha ki kahin uske bhaiya na usey dekh lein.....magar aaj uske bhaiya nahin balki uski maa chaat par aati hain aur uske kandhey par apna haath rakh deti hain.......rashi ek bar fir se chaunk jati hain........
shanti- beti tu yahan chaat par........kisi ka tujhe intezaar hain kya.......kal pratap bhi mujhse yehi keh raha tha ki tu jab se yahan aayi hain kuch badli badli si lag rahi hain.....teri tabiyaat to theek hain na.........ya tu mujhse kuch chupa rahi hain.......ya fir aur koi baat hain....dekh meri aankhon mein aur meri baat ka jawab de......
rashi ke chehrey ka rang feeka padh jata hai apni maa ki baateion ko sunkar- nahin maa......aisi koi baat nahin hain......main theek hoon.......bus thodi sehar ki aadat padh gayi thi ....jate jate hi to jayegi........
shanti- theek hain beti.......magar ek baat tujhse kahungi ki koi aur galat aadat mutt dal lena yahan par.......jiske wajah se tujhe sirf pachtana hi padey......mere kehney ka matlab tu samajh rahi hain na.......agar aisa koi laat padh gayi tujhe to ye tere liye theek nahin hoga.......ye main tujhe apni taraf se nasihat de rahi hoon.......auraton ki zindagi itani aasan nahin hoti.....is liye beti khub soch samajh kar apne kadam aagey badhana......aur shanti wahan se apne kamery mein chali jati hain......
is samay rashi ke dil aur dimag mein shanti ki baatein kisi bomb ke dhamakey ki fat rahein they......wo bus shant ko jatey hue dekh rahi thi.......ek baar fir se uske hanstey chehrey par dukh ke badal chaa gaye they.......tabhi usey door se raghu aata hua dikhayi deta hain aur wo jhat se apne kamrey mein jati hain aur apne kamrey ka darwaza band kar wahin bister par foot foot kar roney lagti hain......
kya ladkiyon ko apni zindagi jeenay ka bhi koi adhikaar nahin hain.......kya mujhe har saans lene se pehle aap sab ki izazat leni hogi.......kya main kisi azaad panchi ki tarah in khuli waadiyon mein nahin udd sakti.......aakhir meri ye daulat kis kaam ki......nahin chahiye mujhe ye thaat baat......raghu gareeb to hain magar wo apni zindagi se khus hai....kum se kum wo apni marzi se saans to le sakta hain........main sach mein bahut badnaseeb hoon.......agar isey hi zindagi kehtey hain to nahin chahiye mujhe aisi zindagi......aur rashi ke aankhon se fir se aansoon ke sailaab umad padtey hain......
raghu aata hain aur uski nigaah fir se raashi ki talash mein haveli ke charon taraf ghoomti hain magar aaj usey raashi kahin dikhayi nahin deti.....uska dil ek baar bechain ho utatha hain..........kahin na kahin usey bhi rashi ka intezaar tha......magar raghu ye baat aachey se janta tha ki raashi ek khwaab hain aur khwaab kabhi sach nahin hotey........is liye wo ye sab bhool kar fir se apne kaam mein lag jata hain........
raashi ka ro ro kar bura haal tha......aaj wo ek aise mazdhaar mein fansi hui thi jahan wo chaah kar bhi koi faisla nahin le paa rahi thi......ek taraf wo apne dil ki sun rahi thi wahin dusari taraf usey samaz aur duniyadari ka bhi durr tha........aab faisal raashi ko karna tha ki aane wale waqt mein wo apni dil ki sunti hain ya is duniya ki......................
Waqt guzarta gaya aur dheere dheere raashi ki tadap aur bekarari bhi saath saath badti gayi......wo apne dil ke haathon mazboor thi......theek raghu ka bhi waisa hi kuch haal tha.....aise hi ek shaam jab raghu apne kaam se fursat hokar wahin jheel ke kinarey baitha hua tha......uske dil aur dimag mein rashi puri tarah se chayi hui thi......wo har lamha rashi ko yaad karta magar chaah kar bhi apne dil ki koi bhi baat ussey nahin keh pata.......
aaj bhi raghu wahin chup chaap baitha hua tha aur behtey hue jheel ko dekh raha tha.......tabhi uske kanon mein rashi ki awaaz sunayi deti hain.....wo palatkar dekhta hain to usey raashi aati hui dikhayi deti hain......wo bade gaur se rashi ki ore dekhney lagta hain......rashi muskuratey hue uske paas aati hain aur aakar uske bagal mein baith jati hain......raghu jaise hi utney wala hota hain radhi uske kandhey par apna haath rakh deti hain wo bhi wahin chup chaap baitha rehta hain.......
rashi pehle to raghu ko ek nazar ghoor kar dekhti hain fir usey dekhkar dheere se muskura deti hain- mujhe maloom tha ki tum is waqt yahin par mujhse milogey.......
raghu- rashii ji aap yahan par.......agar kisi ne aapko yahan dekh liya to bewajah hungama ho jayega......
rashi- aaj mujhe kisi ka durr nahin hain raghu......mujhe tumse ek zaruri baat kehni thi.....is liye main tumse akele mein milna chahti thi.......socha issey aacha aur sukoon jagah kahin dusara nahin milega.....isliye seedha yahan chali aayi.......
raghu- kya baat hain rashi ji.... kya kehna chahti hain aap......raghu ke chehrey par is waqt chinta aur ghabrahat ke bhaav they.....
rashi- raghu ......baat ....ye hain ki kuch dinon se mujhe kuch aacha nahin lag raha.......hamesha mujhe kisi ki yaad satati hain......na hi mera kisi kaam mein munn lagta hain aur naa hi main chain se so pati hoon.......bus main yehi chahti hoon ki tum meri is bimari ka ilaaz karo.......agar tum chaho to main bilkul theek ho sakti hoon........rashi ki baateion ko sunkar raghu apni aankh faadey uski ore dekhney lagta hain......
raghu- bhala ismein main kya kar sakta hoon.......main koi doctor thodi na hoon.....jo main aapka ilaaz karunga......
rashi- sach mein tum bade buddhu ho......zara si baat bhi nahin samajhtey......samajh mein nahin aata ki main ye baat tumse kaise kahun.......aacha socho ki agar tumhein koi apni jaan se zyada pyara lagey..... har pal har ghadi uski yaad aaye to tum kya karogey......
raghu- main to bus hamesha uske saath rehna chahunga........aur kabhi ussey ek pal ke liye bhi door nahin howunga.......
rashi- bilkul theek........ to ye samajh lo ki aaj meri bhi wahi haal hain......mujhe tumse pyaar ho gaya hain.....i love you raghu.......
ragu jhat se wahin khada ho jata hain aur turant uthkar jane lagta hain tabhi rashi uska haath tham leti hain- kahan jaa rahe ho raghu.......
raghu- aapne sahi kaha rashi ji aapko is waqt ilaaz ki zarurat hain....magar ilaaz mere haathon nahin balki kisi doctor ke haathon.......aap sach mein pagal ho gayi hain.......aapko zara bhi andaaza hain ki aap kya keh rahi hain......bhala aap mujhse kaise pyaar kar sakti hain......aaj mere paas aapko dene ke liye kuch bhi nahin hain........mujhe maaf kar dijiye rashi ji main aapke is pyaar ke kaabil nahin......
rashi ke aankhon se aansoon chalak padetey hain- aisa mutt kaho raghu......issey aacha hota ki tum khud apne haathon se mujhe zehar lakar de dete.......main murr jana pasand karungi magar aab tumhare bin jee nahin pawongi.......
raghu- sach mei rashi ji aap pagal ho gayi ho.......aaj tumhare samney tumhara itna aacha bhavisya hain.......koi bhi bade ghar ka ladka aapka haath thamney ke liye aapne aap ko apni kismet samjhega.......aapke samney aaj puri zindagi padi hain aaj aap jahan hain wahan aapko kabhi kisi cheez ki koi kami nahin.......fir aaj aapko kya ho gaya hain......aaj mere paas aapko dene ke liye kuch bhi nahin hain.......yahan tak ki main aapko ek waqt ka khana bhi dhang ka nahin khila sakta........aap mere saath zindagi nahin gujar sakti.......aisa kabhi nahin ho sakta......
rashi- haan raghu aaj mere paas sab kuch hain......shaan o shaukat......naukar chakar......rehney ke liye alishan haveli......sab kuch.....magar aaj bhi main ek dum akeli hoon........itne sab logon ke bawjood aaj mere jeewan mein sirf tanhaayi hain........us ghar mein mera aaj bhi dum ghutta hain.......jis tarah tum sukoon ki talash mein har roz yahan aate ho usi tarah mujhe bhi tumhare saath rehkar sukoon aur khushi milti hain.......maine to sirf tumse pyaar kiya hain raghu....aur pyar mein ameeri gareebi nahin dekhi jati......ye to main bhi nahin janti ki mujhe kab tumse pyaar ho gaya......
raghu ek tuk rashi ki ore dekhney lagta hain magar chaah kar bhi kuch nahin keh pata.....
rashi-bachpan se main jis pyaar ke liye tarshi hoon raghu wo pyaar maine tumhari aankhon mein dekh rahi hoon......mujhe is waqt tumhari sabse zyada zaroorat hain......agar aab tumne bhi mujhe thukraa diya to shayad ab main jee nahin pawongi......tham lo raghu aab mera haath.......mujhe aab is duniya ki koi parwaah nahin hain......tum mujhe jahan rakhongey jis haal mein rakhogey main khushi khushi tumhare saath reh loongi......main tumhare aagey aaj apne pyaar ki bheekh mangti hoon......please mujhe mana mutt karna.......aur waise bhi maine apni zindagi tumhare naam kar di hain.....agar aaj tum mere pyaar nahin apna saktey to kum se kum meri jaan to lene ka tumhara pura adhikaar to banta hain.......aab faisala tumhein karna hain.......ek taraf to mera pyaar hain aur dusari taraf meri maut.......bolo raghu tum kissey chunna chahogey......
raghu- bus karo raashi.......maine jo keh diya ki main tumse pyaar nahi karta to nahin karta.......humare beech dosti hain to wo wahin tak rahein isi mein tumhari bhi bhala hain aur mera bhi.......tum janti bhi ho aagey jakar yehi pyaar zehar ban jayega........is pyaar mein humein sirf rushwaayi aur barbaadi hi milegi......
rashi- theek hain raghu to yehi baat apna haath mere sir par rakhkar ek baar fir se kaho ki tum mujhse pyaar nahin kartey.......main chup chaap yahan se chali jawongi.......ye samajh lungi ki shayad main hi galat thi.......tumhare dil mein aaj bhi mere liye kuch nahin hain.......aaj meri kasam khakar mera ye bhram humesha humesha ke liye tod do.......
raghu- ye kya pagalpan hain rashi......maine kaha na ki main tumse pyaar nahin karta.......tum .......galat.....samajh .....rahi ho.......
rashi- aise nahin raghu mere sir par apna haath rakhkar kaho......mujhe fir yakeen ho jayega.......fir main tumse vaada karti hoon ki aaj ke baad main tumhare zindagi mein kabhi dakhalandazi nahin karungi......aur hamesha ke liye tumhari zindagi se door chali jawongi......
raghu- nahi rashi main tumhare sir ki kasam kabhi nahin kha sakta.......
rashi ke aankhon se is waqt bhi aansoon beh rahein they- fir theek hain raghu aaj main ye baat bhi saabit karungi ki pyaar mein insaan sach mein apni jaan bhi dete hain......aur raashi jhat se aagey badhti hain aur seedha jheel ke taraf chal deti hain.......raghu kisi buth ki tarah wahin khada rashi ko jata hua dekh raha tha.......tabhi wo jhat se aagey badhta hain aur rashi ke kareeb jakar uska haath tham leta hain.........raashi issey pehle kuch samajhti raghu usey apne seenay se laga leta hain..........rashi bhi uske baahon mein kheechi chali jati hain.......
is waqt raashi raghu ke seenay se lipti hui thi aur ek tuk raghu ko dekh rahi thi......raghu bhi bade pyaar se usey dekhney lagta hain...........................................................
Is waqt dono ek dusare ki bahon mein is duniya se bekhabar ....ek dusare mein khoye hue they.......rashi bhi raghu ke dil ki dhadkon ko pal pal mehsoos kar rahi thi.......aaj usey sabse zyada sukoon aur khushi mili thi........isi lamhein ke liye wo na jane kab se tadap rahi thi.....wo to bus rab se yehi duwa kar rahi thi ki kaash ye lamha yehi par thehar jaye......ye haseen pal kaash yehin tham jaye......aaj rashi ko raghu ko paakar mano barson ki khushi ek pal mein mil gayi thi......
raghu bhi bade pyaar se apna ek haath rashi ke sir par fer raha tha......usey to aabh bhi yakeen nahin ho raha tha ki ye khwab hain ya koi haqeeqat.....par jo bhi tha ye sach tha......thodi deer tak wo rashi ko apni bahon mein sametey rakhta hain fir wo usey apne aap se alag karta hain tabhi rashi bol padtii hain......
rashi- nahin raghu......mujhe apne aap se ek pal ke liye bhi door mut karo.....mujhe aaj apne aap ko tumhari baahon mein mehsoos karney do......tumhari in dhadkanon ko sunney do.......kitna tadpi hoon main is pal ke liye......mujhe tumhari bahon mein aaj kitna sukoon mil raha hain ye main tumhein bata nahin sakti......i love you raghu....vaada karo mujhse ki aab mera saath kabhi nahin chodogey.......murtey dum tak nahin......
raghu-rashi pyaar to main bhi tumse bahut karta hoon magar ye zamana humare is pyaar ko kabhi sweekar nahin karega.....kab tak hum is duniya ka samna karengey....ye humein humesha ek dusarey se juda karney ki koshish karega.......
rashi turant ussey alag hoti hain aur ek pal ke liye wo raghu ki aankhon mein dekney lagti hain- ek taraf tum mujhse pyaar bhi karte ho aur is zamane se bhi darey ho......mujhe aaj kisi ki parwaah nahin hain raghu......tum mujhe jaisa rakhogey jis haal mein rakhogey main jee lungi magar tumse door ek pal rahi to shayad aab main murr jawongi.......
raghu jhat se apna ek haath rashi ke mooh par rakh deta hain- aisa mutt kaho rashi bhagwaan na kare ki tumhein zara bhi aanch aayein......tumhein kuch hone se pehle bhagwan uske badley meri jaan le le.......
rashi ek tuk raghu ki aankhon mein dekhney lagti hain aur uski aankhon se aansoon chalak padtey hain......raghu apna ek haath aagey badhakar uske aankhon se behta aansoon poch leta hain ........
raghu- ye kya rashi tumhari in aankhon mein aansoon.......maine kuch galat keh diya kya......agar meri baat ka tumhein zara bhi thesh pahuncha ho to .........raghu ke shabdh poorey hote ussey pehle rashi apna ek haath uske lab par rakh deti hain.......
rashi- main janti thi raghu ki mujhe tumse zyada pyaar karney wala is duniya mein aur koi mil hi nahin sakta.......is liye to main tumpar murr miti thi......bolo saath nibhawogey na mera murtey dum tak.......kabhi mujhe chodh kar kahin nahin jawogey na.......main aab tumhare bagair ek pal bhi nahin jee pawongi......
raghu-nahin rashi......aisa kabhi nahin hoga......aab ye haath kabhi nahin chootengey.....murtey dum tak bhi nahin.....aur rashi jhat se aagey badhti hain aur apne honth dheere se raghu ke honton par rakhkar usey bade haule se choomney lagti hain......ek pal ke liye to raghu wahin kisi buth ki tarah khada rehta hain.....usey samajh mein nahin aata ki wo rashi ko mana karey ya uska saath dein.....uske liye ye ehsaas bilkul naya tha......rashi bhi pehle kabhi ye sab nahin ki thi.....wo bhi sab kuch bhool kar raghu mein puri tarah se kho jana chahti thi.......wo is waqt bhi bade haule haule raghu ka lab choos rahi thi........jawab mein raghu bhi aab rashi ka samarthan karta hain aur wo jhat se rashi ko apni mazboot bahon mein leta hain aur apna haath uske sir par ferney lagta hain......
aaj ek baar fir se do premi ek dusarey mein kho gaye they is duniya se bekhabar.........aaj unhein koi hosh nahin tha........is waqt raghu rashi ki garam sanson ko pal pal mehsoos kar raha tha.......uske liye bhi ye sab romanch sab naya sa tha.....wo bhi rashi mein puri tarah se kho jana chahta tha.......wo nahin chahta tha ki wo apni maryaada se aagey nikal jaye is liye wo thoda jhijak raha tha.......apne se zyada aaj usey rashi ki fikar thi......
tabhi wo rashi se turant door ho jata hain.....aur rashi usey bade gaur se dekhney lagti hain......aaj rashi ke chehrey par bhi sharam saaf dikhayi de rahein they.....
rashi- kya hua raghu.......aise achanak......mujhse koi galti ho gayi kya......
raghu- nahin rashi......ye theek nahin hain.......humein apni hudd nahin bhulni chahiye.......hum agar apne dayrein mein rahein to ye humare liye hi aacha hain......rashi bhi jhat se muskura deti hain aur ek baar fir se wo raghu ke seenay se lag jati hain.......
rashi- isi aada par to main tumpar marti hoon raghu.......tumhari ye khuddari.......tumhara ye bholapan.....tumhari ye niswarth prem.........yehi aaj mera dil le gaya.......
raghu jhat se rashi se door ho jata hain- magar rashi agar ye baat tumhare bhaiya ko maloom hui to wo to mujhe goli maar dengey.....aur shayad wo tumhein bhi nuksaan pahunchayein.......
rashi- tum befikar raho raghu.....bhaiya se main baat kar lungi......aab main chalti hoon kahin aisa na ho ki mujhe ghar pahunchney mein deer ho jaye aur mere bhaiya kahin mujhe khojtey hue yahan aa gaye to bewajah baat bigad jayegi........aur rashi fir se raghi ke kareeb aati hain aur fir se uska lab choom leti hain.......
rashi- kal main tumhara yehi par isi jagah intezaar karungi shaam ko.....aur rashi muskuratey hue apne ghar ki ore nikal jati hain.......raghu bade pyaar se rashi ko jata hua dekh raha tha.......aaj uske paas koi shabdh nahin tha kiwo apni khushi kisi se bayan kar paye.......thodi deer baad wo bhi apne ghar jata hain.....vidya uska hi aane ka intezaar kar rahi thi....raghu ko aata dekhkar vidya daud kar useey lipat jati hain......
vidya- bhaiya aaj aapne ghar aane mein badi deer kar di.......aaj kuch zyada kaam tha kya......
raghu- nahin bus wahin jheel ke kinarey baitha hua tha........tu to janti hain na.......raghu issey pehle ki apni baat kehta vidya bol padti hain- janti hoon ki aapko chain aur sukoon pasand hain......itne saal se aap har roz yehin kehtey aa rahein hain magar poochney par aap kabhi batatey hi nahin.......kabhi kabhi to aapki ye baatein mere sir ke upar se jati hain......pata nahin aap kis chain aur sukoon ki baat har roz karte hain.......
raghu bade pyaar se vidya ke sir par apna haath firata hain- tu nahin samjhegi jane de.....jaa jaldise mere liye kuch nasta le aa.....aur fir thodi deer tak aise hi raghu vidya se baatein karta hain aur fir wo apne charpayi par jakar let jata hain.....aaj bhala raghu ko neend kahan aane wali thi.....wo to bus rashi ke khyalon mein khoya hua tha.........aur udher rashi ka bhi wahi haal tha.....dekhna ye tha ki aane wale waqt mein indono ko apne pyaar ke kis kis imtihaan se inhein gujarna pad sakta hain............
