किस्मत का खेल

[StoryPublisher]

Kishorilal dhire se vahi chipak gaya. Andar sharab ka duar chal raha tha aur sath me cigarate jail huyi thi. Kuchh der bad vo Policewala ek ghut piker bola,’’Chalo age kya karna hai boss?’’

Khengarsinh ne ek lamba kash khichkar bola,’’Tune FIR me kya likha hai haramkhor?’’

Police ne apani cigarate ki rakh chipati se niche girai aur bola,’’Bhai kuchh nahi jaise aap ne bataya vaise hi likh diya hai ki Mr. Bansilal kab se ye gunha kiye firte the aur uska connection arab ke desho me hai aur pure desh ko bech rahe hai. Hamare Army ke naujawan Mr. Vikram sohni ne apane personal relation ko na dekhkar use jaise hi shak huva to Bansi ko pakadavane me help ki hai aur isi tarah apana deshprem dikhaya hai.’’

Vikram turant apana sharer sidha kiya aru kahen laga,’’Lekin ye FIR abhi kisi ko mat dikhana samaja. Abhi kishorilal yaha hai, aur ha Khengar aur Rameshvar yar tum logo ko ek bar to salakho ke pichhe jana hi hoga samaje. Varna vo meri bat kabhi sunega nahi aur mai musibat me aa jaunga. Pata nahi vo vakil ke bachche ne use kya patti padhaya hoga mere jane ke bad. Ek to sala vo agreement badi muddato ke bad mere hath me ayi daulat ko fir se bandh lega haramkhor.’’

Kishorilal ka kaleja jal utha, jiske liye itana kuchh kiya tha vo aaj bhi us se gaddari kar raha tha. Vo age sun ne laga.

Rameshvar apana drink se ek ghtu piker age bol utha,’’Vicky babu fir ka aap bijali se byahoge ki nahi? Ya apane dost ke jaise hamka bhi thenga hi dikhaoge?’’

Vikram haskar khada huva aur ek kash khichate huye bola,’’Ye sala hamesha apni hi khichadi paakne me laga rahta hai. Are mere pyare Rameshvar, thodi to shanti rakh yar. Abhi meri biwi zinda hai. Mera dost yaha shahar me hai aur vo Bansi ka bachcha bhi to abhi tak zinda hai.’’

Khengarsinh,’’Yar Vikram tu ye galat khel raha hai. Apana to usul hai jo bhi bich me aya sala is duniya se hi uth gaya. Tu bevajah deri kar raha hai. Dar raha hai tu. Jaise Vakil ki haddiya tut rahi hogi na is waqt usi tarah ye Kishori aur Bansi ko yahi jamin me gad dena chahiye.’’

Vikram,’’nahi yar aisa ham hargiz nahi kar sakte, kyuki agar Kishori ne us agreement ko rok diya to fir vo daulat kabhi bhi mai fir se hasil nahi kar sakunga yar.’’

Rameshwar,’’Vicky babu aap ne galati kar diya, vo daulat aap ko kab ka utha leni chahiye the. Ta ki Kishorilal ko dubara mauka hi na mile.’’

Vikram fir se baith gaya aur kahne laga,’’Are yar mai jo bhi karta hu vo soch samajkar karta hu. Muje sare logo ka vishvas khona nahi tha balki pana tha. Mai sharafat ki zindagi ji raha hu aisa dikhai to dena chahiye na. Isiliye to salo do do bachche bhi paida ho gaye.’’

Rameshvar has pada aur bola,’’do kaha malik abhi tisra bhi to aa raha hai na.’’

Vikram aur Khengarsinh dono ne ganda hasya kiya. Fir Rameshwar bola,’’Dekho Vicky babu us daulat par pahla hak Bijali ki bachchi ka hoga samaje ki nahi. Kyuki vo badi hai in sab bachcho me.’’

Vikram khada hokar bola,’’Ye sala hamesha apane matlab ki hi bat karta hai. Abe kitani bar kahu ki us bachchi ka hak pahla khush. Aur dekh agar is agreement se muje hamesha ke liye chhutakara mil gaya to samaj vo bachchi hi nahi balki mere tino santano ka bhavishya aur sath me Krishna ka sab ka bhala ho hi jayega na. Aru sath me Bijali ka bhi samaja ki nahi.’’

Khengarsinh ne kaha,’’kitana waqt baki hai us agreement ko khatm hone me yar?’’

Vikram,’’Abhi dedh sal aur jelana hai sab muje. Aap logo ko bahut jaldi padi hai daulat kamane ki. Thoda dhiraj dharo aur mere kahne par chalo ham sab ek sath malamal ho jayenge.’’

Policewala fir se bich me bol utha,’’to fir ye bansi wali FIR ka mai kya karu? Ise kab loage karu ?’’

Khegnarsinh bola,’’Abhi tere pichhawade me ghusa de ise, sala bewajah bich me bolta rahta hai.’’ Fir Vikram ki aur dekh ke bola,’’ise jaldi pila ke yaha se ravana kar ta ki dimag thikane par aa jaye.’’

Vikram ne policewale ki chup rahne ka ishara kiya.

Rameshwar,’’bhai aap ke pas itani to daulat hai ki asani se ashoaram kar sakte hai, dar dar ki thaukar to ham dono hi kha rahe hai na.’’

Vikram,’’Abhi aap kuchh waqt aur thahar gaye hote to asani se Bansi ko mai videsh me bhej deta aur Krishna to raji ho hi gayi thi Bijali ko apanane ke liye. Charo bachche bhi ek sath enjoy kiya karte aur Kishorilal ko report bhi mere achche mil jate. Bijali ke bare me to Krishna hi kishori ko samaja leti. Jaise hi agreement ke chhutane ke panch sal khatm, mai hamesha ke liye azad ho jata aur tab tak meri military service bhi khatm. Asani se politician ban jata aur lakho me khelte ham tino. Lekin aap dono ko muj par bharosa nahi tha na. ab bhogat rahe hai na ham tino. Jana padega na aap dono ko jail me.’’

Khengarsinh,’’Dekh yar tune bhi to bahut kuchh chhupaya tha na ham se. Ek to us vakil aur uske bête ne nak me dam kar rakha tha. Aur tu ye kaise bhul raha hai ki tera dost sambhal jata, Bansi ko bhi pata lete, Teri biwi ko bhi samaja lete. Lekin us vakil ke pas to sare sabut maujud hai na. Uska kya ?’’

Is bat par Rameshwar khada huva aur gusse ke sath apane dono hath pirokar, dat bhichkar bol utha,’’fir uska anjam bhi Prince jaisa hi hota na.’’

Vikram ne use thanda karte huye kaha,’’Teri yahi ek aadat bahut kharab hai. Garmi turant pakad leta hai. Prince to sabkuchh jan gaya tha isiliye usko tapakana pada. Ye logo ke pas chahe jitane bhi sabut ho, lekin hamara kuchh nahi bigad payenge. Lekin Prince to sala kuchh bhi kar sakta tha. Sala boss ko bata deta to hame maut se bhi badtar halat sahan karni padati.’’

Khengarsinh ne bhi hami bhari,’’ek ye boss bhi chain se hame baithane nahi deta. Kabhi kuchh order aur kabhi kuchh aur. Hame jis din lagata hai ki ab such me such chain ke din aye, ye sala boss kahi se bhi tapak padata hai aur na jane kya kya kam se karvata firata hai. Sala khud to kabhi samne aata nahi, apane aadamiyo ko bhej deta hai yamdut banakar.’’ Aur usne apane hath se apana sir ko pakad liya.

Vikram,’’Bas sirf ye ek boss hi hai jo hamare sare kartut janta hai ya fir ham tino ek dusre ke kartut jante hai. Baki KP, Bansi, my wife, even advocate ye sab chhote chhote mohare hi hai.’’

Fir kuchh der shanti chha gayi aur Policewala age bola,’’Vikrambahu ab muje kya kartana hai bataiye? Ye Bansi wala statemen kab bahar nikal me usko arrest karu.’’

Vikram,’’Are tuje bola to sahi ki KP jab aye to natak karne ka aur in dono ko sasural le jana aur fir jab rat aye dono ko chhod dene ka aur jab KP ye shahar chhod ke vapas chala jaye. In dono ki rihai. Fir vo kaha yaha vapas anewala hai? Aur ye statement to jab Bansi ko kuchh pata chale to hi use dikhana hai. Varna agar vo sidhi tarah se man jaye to use videsh hi bhej dunga samaja.’’

Policewala,’’Thik hai Vikrambabu chalo mai chalta hu fir, aur aap ko bhi mere sath chalna hoga.’’

Fir charo ne glass khatm kiya aur fir nikale bahar. Kishorilal kuchh der vahi khada raha aur fir vapas aya aur Krishna aur Bansi ko sabkuchh bataya. Fir Krishna ne kaha chalo yaha se to chalte hai. Lekin Kishorilal ne kaha abhi bhi vaha room ki light jal rahi hai. Iska matlab abhi bhi ve log gaye nahi hai. Mai fir se dekhakar aata hu. Aur Kishorilal fir se vaha pahuch gaya jaha se bahar ke room ka najara vo window se dikhai de raha tha. Ab vaha do aadami maujud the. Rameshwar aur Khengarsinh. Ye dono kyu vapas aye the vo kishorilal ko pata nahi tha. Kuchh der dono khamosh rahe aur sharab pite rahe aur fir Rameshvar ne bolna shuru kiya,’’To kahiye Khengarsinh age ka karna hai?’’

Kuchh der fir se khamoshi chha gayi aur fir Khengarsinh age bola,’’mai Vikram par jyada bharosa nahi karta. Vo zaharila nag jaisa hai. Apani biwi aur dost ko jo dhokha de sakta hai vo kisi aur ko bhi dhokha de sakta hai.’’

Rameshwar,’’Aap ne to hamre muh ki bat chhin li sarkar.’’

Khengarsinh,’’Mai to pahle se use sidha hi rakh raha hu. Sala kabhi bhi palat sakta hai.’’

Rameshwar,’’Tohar bat bilkul sachhi hai Khengarsinh. Vicky babu ne hamre sath bhi dhokha kiya hai. Meri bahan ko ma bana dala aur haramjade Bansi ki bahan ko byahkar le aya ghar par.’’

Khengarsinh kuchh sochkar fir bola,’’Rameshwar tera asali dushman Vikram nahi hai balki uska dost Kishorilal hai. Vo haramkhor bich me nahi aata to teri bahan bijali kab ki mahal ki rani ban jati aur vo Prince ki rakhail (Krishna) kab ki tere bistar me hoti.’’

Rameshwar mand mand muskuraya aur fir dhire se bola,’’Khengarsinh hamri bat chhodo, sach batao tohar dil bhi karara hai na use kuchal dene aur masal dene ke liye.’’

Khengarsinh khul ke has pada aur ek ghut piker bola,’’Sali chiz hi aisi hai. Itani mast hai na ki khade khade hi balatkar karne ko ji karta hai. Lekin kya kare sala partner ki biwi hai na. Vaise agar Vikram ko jyada majbur kiya jaye to vo to apani biwi tak ko bech sakta hai. Apane pas uske khilaf kaha kam evidences hai, kyu ?’’

Rameshwar bola,’’tohar bat, hamra matlab hi ki bilkul sahi kahe rahe ho. Ham to is din ka intezar kar rahat hu ki kab meri bahan Vicky babu ke sath uske ghar me rahne jaye.’’

Khengarsinh ne fir ankhe tez karte huye bol diya,’’Ha kab teri bahan Vicky ke sath ghar me jaye aur Vicky ki biwi tere bistar par kyu ?’’

Dono khulle man se has pade. Kishorilal ko bahut gussa aa raha tha lekin kya karta? Krishna, Bansi aur bachche sath me the. Bhage bhi to kaha ?’’

Itane me hi vo chhoti janmi huyi bachchi rone lagi aur vo awaz Khegnarsinh aur Rameshwar tak pahuchi aur dono chauk uthe aur khade ho gaye. Ab vaha rahna jokhimbhara tha. Kishorilal turant vaha se khiska aur thoda age jakar vo teen feet ke bogade ke marg ko andar se bandh kar diya aur vapas mud gaya. Khengarsinh aur Rameshwar us dwar par aakar kholne ki koshish kar rahe the.

‘’Sala koi hai andar aur hamari bato ko chhup chhupakar sun raha tha.’’ Khengarsinh bol raha tha.

‘’Mar dalo jo bhi hai salo ko. Tod dalo darwaja aur ghus jao andar.’’ Rameshwar ki awaz ayi

Kishorilal, Bansi aur Krishna ke pas aakar dhire se ishara kiya ki ve log pichhe anewale hai, jaldi se bhago aur Krishna ne chhoti bachchi ko chhati se laga liya aur dono bachche ko Bansi aur Kishorilal ne apani chhati se satakar vapas bhagane lage.

Tourch ki roshani ke sahare abhi 50 kadam hi bhage honge ki pichhe darwaja tutane ki awaz ayi aur age aur 10 ya 15 kadam chalte hi pichhe se roshani ka favvara chhuta. Khengarsinh aur Rameshwar dono ke hath me full roshaniwali batteries thi aur uski roshani me usne sab ko bhagate huye dur dur dekha aur ve log uska pichha karne lage. Lekin sharab kuchh jyada pi ke rakhi thi isiliye kadam lad khada rahe the. Aur Kishorilal ne pichhe mudkar andaja laga liya ki dono nashe me jyada hai to bhagane lage chup chap. Bas awaz aa rahi thi to vo roti huyi bachchi ki aur pichhe dono harami bhediye ki.

Pichhe do qatil shikari bhediye pade the aur age shikar. Age kya hoga ye to waqt hi batanewala tha lekin kaun jaane kahaa???

Bhagte bhagte Kishorilal, Bansi aur Krishna Vikram ke kamare tak pahuche aur kamare me aakar Kishorilal ne turant vo panel bandh kar diya aur Vikram ke kamare ko age se bandh kar ke tala laga dala aur fir sab ko lekar niche aye aur fauran advocate Sen ko phone lagaya. Samne se kisi naukar ne phone uthaya. Kishorilal ne apani pahchan di aur kaha ki Sen ko phone de diya jaye to samne se us naukar ne jawab diya ki Advocate Maharshi Sen par kisi ne hamla kiya tha to vo injured hai aur use hospital me le jaya gaya hai aur Kishoribabu ko vaha turant pahuchane ka messege diya hai.

Kishorilal turant sab ko lekar Vikram ke bunglow se bahar aye aur turant ek taxi kar li. Adhe ghante ke bad Kishorilal Bansi, Krishna aur bachche ko Bansi ke purane ghar par chhod diya aur kaha ki bhagne ki taiyari kare aur vo turant hospital jakar vapa aa raha hai. Kishorilal usi taxi me kuchh der bad police station par pahucha to Vikram aur vo policewala dono maje se chay aur nasta kar rahe the.

Kishorilal ko dekhkar pahle to Vikram chauk gaya fir apane aap ko sambhalkar dhire se khada huva. Lekin itane me Kishorilal uske pas pahuch gaya tha aur ek daye hath ki ulti zapat Vikram ke baye gal par laga di. Panje ke nishan turant Vikram ke galo par the. Vikram ki ankho me lahu utar aya tha. Vo policewala age aakar,’’O……Mister aap aropi ko kyu mar…….’’ abhi vo apana sentence pura kare iske pahle Vikram ne use hatho se rok diya aur kuchh pal hafte huye Kishorilal ko dekhata raha.

Kuchh pal ke bad Kishorilal garaj utha,’’Apani biwi to thik lekin apane bachche par to raham kiya hota haramkhor. Vo dono kutte tere sare family ke pichhe lage hai, apani Krishna ke bare me gandi gandi bate kar rahe hai. Aur tu uski ha me ha milakar sab ko bech raha hai. Lanat hai teri dosti par. Thukata hut ere jaise ahsan faramosh janvar par. Tuje daulat hi chahiye thi to muje bol deta, mai tuje aise hi agreement se azad kar deta. Bechari Krishna aur Bansi ne tera kya bigada tha. Kuchh aur nahi to Prince par bhi tuje taras nahi aya ki usne tuje itana kabil banaya hai aur tune usko bhi marvane me madad kar dali. Tu insane nahi balki insane ke rup me ek rakshas hai rakshas. Ab ja aur agar taras aa raha hai apani aulad par to use bacha le. Ve dono tere family ko mar dalne ke liye aa rahe hai. BAdi mushkil se tere tin bachche aur sab ko bachakar yaha tak pahucha hu. Age teri marzi ja.’’

Aur Kishorilal vapas mudne hi wala tha ki Vikram ne use pakad liya aur bol utha,’’Mere tin bachcha matlab Bijali…..’’

Abhi vo bat bole uske pahle Kishorilal ne dusra tamacha laga diya aur raudra svarup me kaha,’’khud ki biwi par khatara hai, khud ke bachche par khatara hai fir bhi dusri aurat yad aa rahi hai?’’

Vikram ne jaldi se Kishorilal ke hath pakadkar kaha,’’KP meri bat suno yar pehle muje kuchh batao to sahi yar, sidha gusse ho rahe ho bina kuchh bat samaje.’’

Kishorilal ne ek svas me jo dekha tha vo short me bataya aur Vikram ko ek aur tamacha lagaya aur kaha,’’Abhi abhi tin ghante pehle teri biwi ne tuje tisra tohfa diya hai aur tu haramkhor apani aulad par bhi majak udata hai. Lekin mai tuj se kyu kah raha hu, kyu ye sab kar raha hu? Tuj se to bat ki karna bekar hai. Jo apane jan se bhi pyari aulad aur biwi tak ko sauda karne ko raji ho jaye us se bat karne se kya fayda?’’

Vikram ki ankho se ansuo ki dhara bahne lagi aur chillakar bola,’’Sab log muje galat kyu samaj rahe hai pata nahi. KP mai uske sath natak kar raha tha. Muje kya pata tha ki tu vaha chhipkar sun raha hai? Muje kaha pata tha ki mere ghat tisri aulad janmi hai? Mai jutha nahi hu KP mai jutha nahi hu. Puchhana hai to is police inspector se puchh ki mai vaha kya kar raha tha? Mere yar mai un dono ko apani jal me fasa raha hu ta ki ve dono kuchh aisa vaisa na kare aur mai use fasi ke takhte tak le jau aur tu hai ki sara plan gusse ki aad me chaupat kar raha hai?’’

Us policewale ne bhi ha me ha milayi aur Kishirilal ko kahne laga ki Vikram sach bol raha hai. Kishorilal ne kuchh der ke bad khamoshi todate huye kaha,’’Thik hai inspector sahib agar aap dono sahi kah rahe hai to Vikram ko azad kijiye aur use apane family bachane ka mauka dijiye. Vikram, tu ja aur bacha le apane ghar walo ko mai abhi aata hu.’’ Aisa bolkar Kishorilal jaldi se vaha se bahar nikal gaya.

*************

Kishorilal ke muh se ye sunte hi Maharshi Sen ke bête Mr. Anurag Sen ki ankhe fati ki fati rah gayi thi. Yes Maharshi Sen ke bête ka nam Mr. Anurag Sen tha (dear friends shayad puri kahani me Nishi ke pitaji ka nam likha nahi hai. Meri personal Diary me maine ‘A’ se hi name rakha tha. Lekin pihhale mahine us page par kuchh aisa huva ki sara likha huva mit gaya tha. Isiliye yaha maine name ‘Anurag’ rakha hai. Agar is ke pehle uska name aata galati se bhi kahi likha hai to kripaya muje jarur yad dilaye). Vo fati ankho se Kishorilal ko sirf dekhata hi rah gaya. Kishorilal ne fir se use hachmachakar puchha,’’Meri bahan Sunanda kaha hai?’’ Anu Sen,’’Kishoribabu muje pata nahi hai, vo pet se thi jab gum huyi. Aaj karib 7 mahine se ham uski talash kar rahe hai. Muje bich me do mahine to videsh bhej diya gaya tha. Lekin Sunanda ki vajah se hi muje Videsh raj nahi aya aur mai fir se kal hi lauta hu. Muje bhi iski talash hai. Vo mere bachche ki ma ban ne wali thi.’’ Kishorilal ke ankho me khushi aur gam dono ke ansuo ki dhara bahne lagi thi. Khushi is bat ki thi ki jaha bhi hai lekin Sunanada zinda to hai aur gam is bat ka tha ki aaj uski zinda rahne ki khabar mili hai lekin gum hai aur Vikram ne aaj tak use chhupaye rakha tha. Isiliye to use Vikram par aur gussa ane laga tha. Usne fauran soch liya ki agar Sunanda zinda hai to jarur Rameshwar ya Khengarsinh ko bhi pata hona chahiye tha. Kyuki us tasveer me usne Rameshvar ko Vikram ke sath jaghada karte huye dekh liya tha. Fir use achanak yad aya ki ek tasveer vo chhupake sath me la aya hai. Usne turant vo tasveer nikali aur use dekhane laga. Ek kala sa aadami, height thodi kam thi aur sir par ek shikari hat pahne huye aur bhari glasses ke chashma pahne huye tha. Sharei par ek shirt aur lungi pahne huye tha. Lagata tha ki koi south Indian hai. Jab Kishorilal roti ankho se vo tasveer dekh raha tha tab Anurag Sen ko laga ki vo Sunanda ki tasveer dekh raha hai. Vo bhi roti huyi ankho se najdik aakar vo tasveer dekhane laga.

 

[StoryPublisher]

Us kale aadami ki tasveer dekhkar hi vo chauk utha aur bol pada,’’Are ye tasveer aap ke pas kaise ayi Kishoribabu?’’ ‘’Kyu aap ise jante hai kya ?’’ Kishorilal ne Anu Sen ki aur palat ke dekha. ‘’Ye vohi insaan hai jisne Sunanda ki ninde haram karke rakhi thi,’’ Anurag Sen ne kaha. ‘’matlab?’’ Kishorilal ne puchh liya. Anurag ne kaha,’’Kishoribabu mai pehle se sabkuchh batata hu. Ek din muje Vikram, Rameshwar aur Khengarsinh ne milkar kuchh pila diya aur nashe ki halat me……’’ ‘’vo sab muje pata hai Mr. Sem ,muje age bataiye.’’ Kishorilala apani bahan ke bare me kucch aisi vaisi bat dubara sun na nahi chahata tha. Kuchh pal Sen khamosh ho gaya, bad me use kuchh anadaja huva ki uske pitaji ne shayad bahut kuchh bata diya hoga. Isiliye thodi der ke bad ek lambi sas lekar vo age bola,’’Kishoribabu aap jante hai Sunanda yani ki aap ki bahan Calcutta kaise pahuchi ?’’ ‘’Jyada kuchh pata nahi hai, muj se kaha gaya tha ki vo Kanyakumari ke samundar kinare ek accident me mari gayi hai.’’ Kishorilal ne kaha. ‘’Vo mari nahi gayi thi balki use marne ka prayas kiya gaya tha, lekin uska naseeb achcha tha ki vo bach gayi.’’ Anurag Sen ne jaise bomb visfot kar diya. Kishorilal par lekin iska koi asar nahi huva aur vo dhire se bole,’’Kisne kiya tha?’’ ‘’Is kamine photographer ne.’’ Sen ne photo wale aadami ko dikhakar kaha. Ab chuakane ki bari Kishorilal ki thi aur usne kaha,’’Ye photographer hai kya?’’ Anurag Sen ne sir hilakar jawab diya,’’Kanyakumari me iska bahut bada studio hai.’’ Tabhi Kishorilal ko kuchh sal pahle ki bat yad ayi ki vo aur Vikram ek photographer ko dhundhane Kanyakumari gaye the aur iska studio us din Sunday hone ki vajah se bandh tha. ‘’Iska naam K. Udayan hai.’’ Anurag Sen ne kaha. ******************** Aur Jay ke hatho se cover gir gaya. Kyuki uski tandra letter me se tutkar bahar aa gayi thi. Use yad aya apane dost Udayan ka father, uska nam bhi to K. Udayan tha. Vo bhi to Kanyakuamari ke bade studio wale the. To khud ki zindagi me ek roda Udayan ka bap bhi tha. Sochate sochate Jay age padhane gaya to bahar kuchh awaz ayi aur usne turant vo cover almari ke upar chhipa diya aur bahar nikala to Nishi andar aa rahi thi. Nishi ne andar aakar Jay ke halchal puchhe aur fresh hokar chay bana ke le ayi aur dono chay pikar bate karne lag gaye. Nishi ko us ladki ke phone calls barabar yad the. Usne Jay ko chaukanna rahne ko kah diya. Lekin Jay ne bhi than li thi ki jab tak vo letter pura padh na le, kisi natije par nahi jayega. Fir dono ne socha ki kahi bahar ghum ke aate hai. Aur kuchh hi der me dono ghar ke bahar nikal gaye. Chalte chalte Nishi ne puchha,’’Jay mere college ke students tumhe dekhane ko badi bechaini se rah dekh rahe hai. Aaj to maine use kah diya hai ki abhi tum apane ghar gaye ho kuchh din bad aaoge to ve log man gaye hai. Lekin ek bar to tumhe uske samne ana hi hoga yar.’’ Jay kuchh der nahi bola fir lambi sas lekar asaman ki aur dekhate huye bola,’’Abhi to Nishi mai bahut kuchh samajane ki koshish kar raha hu. Muje kuchh time chahiye please.’’ Nishi ne pyar se Jay ka hath pakadkar kaha,’’Mai janti hu Jay abhi tum mansik taur par taiyar nahi ho. Lekin akhir kahi se to shuruat karni hogi na. Mana ki tum lambi jail se riha huye ho, lekin aajkal to qaidiyo ko bhi sudharane ka mauka diya ja raha hai. Aur tum koi aam qaidi nahi ho. Generally hamari society me qaidiyo ko achchi najar se nahi dekha ja raha hai. Jab ki yaha to puri society tumhe khud apanane ko taiyar hai. Aisa golden chance kisi ke liye sambhav hai kya ?’’ Jay ne turant sir hilakar ha kaha aur dhire se bola,’’Nishi ye bat sahi hai ki kahi se shuruat to karni hi hogi. Agar aam mauka hota to shayad mere liye ye golden chance ke barabar hai. Lekin jail se riha hone ke chand ghanto me mere sath jo gujari hai vo koi suspense thriller story se kam nahi hai. Aur aise mahol me mai khud jel sakta hu, lekin tumhe ya tumhare students ko pareshan nahi dekh sakta. I hope you better understand the situation.’’ Jay ne shortcut me sara najara bata diya. Kuchh der khamosh rahne ke bad Jay bol utha,’’Lekin ek vada karta hu Nishi, jab bhi shuruat karunga, vo tere students ke sath hi karunga, promise o.k.?’’ Nishi ki ankho me khushi jalak uthi aur usne Jay ka hath apane hath me lekar chum liya. Fir ve log ek chhoti si restaurant me baithe aur juice ka order diya. Bas apas me bat hi chal rahi thi ki ek ladki aur budhdha vaha aakar khade ho gaye aur us ladki ke gale se ek sweet awaz nikali,’Mr. Jay can I talk to you for a while please?’’ Nili, zil si gahri annkho me khoya ja raha Jay ke pas na to ha shabd tha aur nahi to na……….Pure 12 saal ke vanvas ke bad ek khubdurat anjan ladki ko vo dekhata hi rah gaya, jiske gale me ek whistle si madakata chhalak rahi thi. Vo ladki abhi bhi ha ya na sun ne ke liye khadi thi…

Jay ne dekha ki kaha tak usne letter padha hai fir age padhana shuru kiya: Kishorilal ne samaj liya tha ki ye vahi photographer hai jisne Sunanda, Vikram aur sari ghatanao ki sari photo khichi hai. Fir bhi tasalli ke liye usne Anurag Sen se puchh liya ki,‘’aap ise kaise jante ho?’’ Anurag ne kaha,’’Jis din maine aur Sunanda ne shadi kit hi us rat use apane bare me sabkuchh bata diya tha. Vikram ke sath uska kya rishta tha. Lekin apane bhai Kishorilal ke bare me usne kuchh nahi bataya tha. Dusra abhi shadi ko kuchh hi mahine huye the aur mai us waqt jyada videsh me aata jata tha isiliye jyada hamari bate nahi ho payi thi. Lekin jis rat Kanyakumari me Vikram aur Sunanda ke bich ek hotel ki terrace par ek hadsa huva tha us rat ye K. Udayan ka bachcha bhi maujud tha. Actually vo apani girlfriend ko lekar upar tarrace par gaya tha. Ab jab Vikram aur Sunanda bhi upar jane lage to is awaz se ve log chauk uthe aur jaldi jaldi niche ane lage. Sidhiyo par do couples ekdusre se bhide aur fir Vikram upar chala gaya aur Udayan niche. Lekin Udayan ka programme fail gaya tha isiliye kisi bhi tarah apani g/f ko samaja bujakar vo tarace par apana camara lekar vapas aya aur Vikram aur Sunanda gi kamkrida ki tasveere khich dali. Lekin kamal to tab huva jab thakan se chur Sunanda so gayi aur Vikram fir se hotel se bahar nikala. Vo jab fir se tarace par ja raha tha, usi waqt Udayan fir se tarace par tha. Udayan is bar kamkrida me rat tha. Isiliye jab tak Vikram upar nahi aa gaya, use pata hi nahi chala. Jab Vikram ke pairo ki ahat ayi tab apani sas ruke Udayan aur uski girlfriend ek kone me sarak gaye. Vikram ne vaha aakar ek cigarette jalai aur kisi ka intezar karne laga. Usi waqt ek dusra saya tarace par aya. Vo tha Rameshwar. Rameshwar aya aur Vikram ke pichhe khada rah gaya. Dono me bahas huyi. Is bahas se Udayan ko ye pata chala ki Rameshwar ki bahan ke sath shayad Vikram ka kuchh chakkar hai. Rameshwar shayad bahut gusse me tha aur Vikram use samaja raha tha. Akhir Rameshvar ne subah dekh lene ki dhamaki di aur niche chala gaya. Kuchh der bad Udayan bhi niche chala aya. Lekin usko zataka tab chala jab early subah suryoday dekhane Vikram aur Sunanda nikale uske pehle ek saya us hotel se nikala tha. Udayan ne to kuchh soch samajkar hi sari rat soya hi nahi tha. Apane camare ke sath vo bhi us saye ke pichhe pichhe samundar kinare chal diya. Lekin Udayan ko kya pata tha ki jab vo us saye matlab Rameshwar ko dekhega to uske pav se dharti chali jayegi. Samundar kinare vishalkay shilao ke pichhe jakar ek kone me Rameshwar baith gaya aur cigarette pine laga. Udayan ne us paththaro ke niche jakar baithana munasib samaja. Dono ke bich 25 se 30 feet ka upar niche ka fasla tha. Kuchh der ke bad Vikram, Sunanda aur uske matapita aye. Kuchh der ke bad Udayan ne dekha ki Vikram aur Sunanda vo parents se chip chhipkar ek dusre se pyar ya chhedkhani kar lete the. Fir achanak usne pichhe se Rameshwar ko dekha aur din ke thode se ujale me jab usne Rameshwar ka chehra dekha, Udayan khud kuchh pal dar gaya. Kyuki Rameshwar vahi tha jiski biwi ke sath Udayan aur uske dosto ne milkar izzat luti thi aur Rameshwar ne zaupadi ko aag lagai thi aur sirf ek Udayan hi bach nikala tha. Bachane ke bad apane camare ke sath jab Udayan bhag raha the tab ye Rameshwar ko dur jate huye use apani ankho se dekha tha. Rameshwar use dhundh raha tha. Kyuki bad me Rameshwar ko pata chala tha ki ek kala bataka sa aadami is hadse me bach gaya hai aur vo koi photographer tha, kyuki uske gale me ek bada sa camara tha. Kisi gavwale ne Rameshwar aur bad me jab Vikram ne puchhtachh ki thi to donoko Udayan ka huliya bataya tha to dono jante the ki koi south Indian camaraman hai jo us rath maujud tha. Lekin Rameshwar ko pata nahi tha ki Vikram bhi ye raaz jan chuka hai ki uski biwi kaise mari thi. Jaha Rameshwar apani tarah se us south Indian camaraman ki talash kar raha tha vaha Vikram Trivendrum jakar Udayan ke bare me sari jankari hasil kar chuka tha. Lekin abhi mulakat nahi ho payi thi. Sirf ek tasveer Vikram ke hath lagi thi jo aaj Kishorilal ke hath me thi. Udayan pehle to batchit sun ne ke liye paththaro se sat gaya. Lekin achanak uske pas hi dhabb awaz ayi aur usne chaukkar dekha to upar se vo budhdha gir ke uske pairo ke pas pada tha aur mar bhi chuka tha. Usne turant apana camara chalu kar ke ek hi tasveer nilai hogi tabhi vo vridhdh stri bhi aa ke giri. Dono mar chuke the. Abhi dono ki tin char tasveere chupchap lekar vo upar ki bate sun ne laga. Tabhi usne pichhe thodi dur ek machchaware ko bhi dekha, usne ghumkar uski bhi tasveer le li. Tabhi upar se gusse me awaze badhane lagi. Sunanda futfutkar fo rahi thi. Udayan ne fauran upar ki tasveere leni shuru ki aur usi tasveer me Sunanda ke girne ki tasveer bhi shamil ho gayi. Sirf Udayan se galati ye ho gayi ki tino mar gaye the ki dhakka dekar mare gaye the, ye pata nahi chala kyuki vo apane camare me mashgul tha aur dusri ankh bandh thi, isiliye pratyaksh kuchh nahi dekh paya.’’ Itana bat batakar Anurag sas lene ke liye ruka. Fir age bola,’’Lekin Sunanda ka kahna hai ki uske aur uske parents ke bich kafi fasala tha. Use shak hai ki kisi ne tino ko dhakka mara tha. Hala ki uske mata pita ke bare me vo soche uske pahle uska pair fisla jarur tha aur uska hath Vikram ke hatho me bhi tha. Lekin ya to Vikram ne janbujkar ya to Rameshwar ke dar ya dabav me aakar ya fir khud Rameshwar ne vo hath chhuda liya tha aur vo gir padi. Bad me kya huva kisi ko kuchh pata nahi tha. Lekin jab Sunanda hosh me ayi to samne Calcutta ka ek alishan nachanewali ka kotha tha aur uske aaspas nachane aur gane wali ladkiya aur jism ka sauda karnewale harami ki fauj thi. Bahut puchhane par aur kafi samay nachane ke bad ek dost si bani huyi saheli ne bataya ki use ghayal avastha me hospital se yaha tak ek photographer laya tha aur badle me kafi rupaye le ja chuka hai. Aur itana hi nahi uske sath tin aur aadami the. Jiske bare me Sunanda ko aaj tak kuchh pata nahi hai, Lekin Sunanda ko shak hai ki jis tarah Vikram ne uske bare me kuchh khoj nahi ki isiliye ve tin aadamiyo me ek Vikram aur dusra Rameshwar hona chahiye, lekin chautha kaun hai ye pata nahi hai. Fir Sunanda ko majbur kiya gaya jism ka khel khelne ke liye aur vo muj se mili. Maine use bachaya aur shadi kar li aur baki ki bate aap ko pata hai.’’ Itana kahkar Anurag ne apani bat khatm kar di. Kishorilal ne kuchh der ansu bahakar puchha,’’Anurag babu aap soch sakte hai ki chautha kaun tha?’’ Anurag,’’Khengarsinh hi hona chahiye.’’ Kishorilal,’’Nahi vo chautha Khengarsinh nahi balki vo machchawara hona chahiye jisko Vikram ne kharid liya tha. Khengarsinh to bad me juda hai.’’ Anurag ne ha me sir hilaya. Kishorilal ne kaha,’’Chaliye Anuragbabu ham Sunanda ko dhundhate hai.’’ Anurag,’’Lekin pahle yaha ka situation to sambhalana hoga na, mere pitaji……..’’ Aur tabhi andar se chikhe sunai di aur Kishorilal samaj gaye ki ek aur vafadar pyada bhagwan ko pyara ho chuka hai-Maharshi Sen. Karib adha ghanta vaha rukkar fil hal ki situation me Kishorilal ne Anurag ko akele chhodana munasib samaja kyuki vaha Krishna aur uske santano ki jan is waqt khatare me jo thi. Isiliye vo vaha se bhi chupchap bhag liya. Aur yahi usne ek aur galati kar di jo Anurag ka vishwas prapt karne me asafal raha. Kyuki ye bhagdaud Kishorilal ko pata nahi tha ki use kaha le janewali hai……

Kishorilal ko yu fut futkar rote dekhkar vaha khade sare logo ki ankho me pani aa gaya tha. Fir police vaha ayi aur inquiry karne lagi. Kishorilal ne bataya ki vo kal rat jarur yaha aya tha lekin sab ko sote huye dekhkar vo sab ko disturb nahi karna chahta tha, isiliye vapas chala gaya tha. Jab police ne Vikram ko puchha ki kis par shak hai to Vikram ne kisi par shak hone se na bol diya.

Kishorilal ko bada ashcharya huva aur vo turant uthkar Vikram ke pas gaya aur kahne laga,’’Ye kya Vicky tuje kisi par shak nahi hai kya?’’

Vikram ne lachar najaro se uske samne dekha aur fir uski ankho me se pani bahne lage aur bola,’’Nahi KP muje kisi par shak nahi hai. Kaun hai jo mera dushman ho sakta tha? Even Khengar bhi aisa suluk mere sath nahi kar sakta tha. Kishorilal ne fir bhi police ko shak ki list me Khengarsinh ka nam likhavaya. Police fir Kishorilal ko police station lene ke liye taiyar huyi. Jab Vikram aur Krishna ne police ko roka to vo PI bol utha,’’Ham Mr. Kishorilal ko aise nai chhod sakte. Hamare shak ke dayre me vo bhi hai.’’

Aur Kishorilal ne Vikram aur Krishna ko samjaya ki police sahi bol rahi hai. Jab tak asali mujrim nahi pakada jata, muje police station jana hi hoga. Kishorilal police ke sath jeep me baith gaya aur police station aa gaya. Vaha use Rameshwar ke sath rakha gaya. Ajib sa khel tha. Kishorilal aya tha Bansi ko chhudane aur khud aaj lock up me tha.

Rameshwar ne puchha bat kya thi to Kishorilal ne sabkuchh bataya. Rameshwar bhi chauk gaya aur bol utha,’’Ye jarur Khengarsinh ka kam hoyega Kishoribabu. Ham pahle se Vickybabu ko bolta tha ki ei Khengarsinh bada halkat aadami hai. Lekin hamri ek bat Vickybabu ne na suni. Ab dekho Kishoribabu ham dono kaise fas gaye hai. Ye chal bhi Khengarsinh hi hai ki hamdono jail ma hai aur ve dono bahar hai.’’

Kishoribabu ko achanak Anurag Sen yad aya aur khud ki bahan yad ayi to usne Rameshwar ka sidha gala hi pakad liya aur bola,’’Sale harami tu bhi to kuchh kam nahi hai. Meri bahan ko kothe tak le gaye aur muje aaj tak pata hi nahi hai. Tum sab ek khet ki muli ho haramkhoro.’’

Avachak hote huye Rameshwar ka gala sukh gaya aur bol utha,’’Nahi Kishoribabu mai to aap ki bahan ko pahechanta tak nahi tha. Ye to jab muje pata chala ki Vikrambabu kisi aur se shadi karna chahta hai to mai bhi pahuch gaya apani bahan ki khatir……’’ uska ye vakya kahtm ho uske pahle Kishorilal chilla utha,

‘’mat nam lo apani bahan ka, apani bahan ke jism ka suada bhi tumne hi kiya hai Rameshwar. Vo tu hi hai jis ne Vikram ko fasa ke rakha hai. Sare fasad ki jad tu hi hai.’’

‘’Nahi Kishoribabu aap ko jarur galatfahmi ho gayi hai. Hamne aap ki bahan ko kothe tak nahi pahuchaya. Ham to jante tak nahi vo zinda hai ki nahi.’’ Rameshwar bol utha.

‘’Juth mat bolo Rameshwar, tum bhi shamil the jab meri bahan ko kothe le jaya gaya. Tum, Vikram, Vo photographer ka bachcha aur shayad vo machchawara hoga ya Khengarsinh.’’ Kishorilal ki ankhe aag ugal rahi thi.

Rameshwar ki awaz ab uchi huyi,’’Aap galat soch rahe hai Kishoribabu. Hamne aisa ghilona kam nahi kiya hai. Aap ko kisne bataya ki hamne aap ki bahan ko kothe tak pahuchaya.’’

Kishorilal,’’Anuragbabu ne muje sabkuchh bataya hai Rameshwar aur usko meri bahan ne bataya tha.’’

‘’Aap ki bahan ko bhi to galatfahmi ho sakti hai. Anuragbabu ko bhi to galatfahmi ho sakti hai.’’Rameshwar bhi chilla utha.

‘’Sare ke sare galat aur tum akele hi sadhu ho. Mere pas sare sabut hai Rameshwar ki sare fasad ki asali jad tum hi ho.Kya ye sach nahi ki tumne hi Vikram ko apani jal me fasaya, kya ye sach nahi ki Prince aur maharaja ki mrityu ka karan bhi tum ho. Kay ye sach nahi ki tumhari biwi tak ko tumne hi zinda jala dala. Kya ye sach nahi ki sirf Vikram ki daulat ke liye hi tum apana gav chhodkar yaha aa ke base ho aur apani bahan tak ko dav par laga diya…….’’

Kishorilal age bole uske pahle Rameshwar ne Kishorilal ka gala daba diya aur uski ankhe bijali ki tarah chamakane lagi aur uske chahre par lahu nikal aya aur dat bhichkar vo katil svaro me bol utha,’’Vo daulat kabhi bhi Vikram ki thi hi nahi Kishoribabu….’’ Rameshwar ka hath ke panje ki taqat Kishorilal ke gale me padne lagi. Kishorilal chilla utha. Uski chikh sare police station me fail gayi aur char hawaldar daud ke aye aur drishya dekhkar whistle bajate huye chabi lene daud gaye.

Kishorilal gale se bol utha, use bolne me bhi taklif hone lagi, lekin Ramehwar par khun savar tha aur uski jaban aag ugal rahi thi, ankhe badi badi lal ho chuki thi aur angare barsa rahi thi. Uske chehre ki ek ek nas bahar aa rahi thi. Vo apane hosho havas kho baitha tha. Ek vaishi darinda jaise ban chuka tha. Rameshwar ke gale se qatil svar bahar aa rahe the. Fir bhi Kishorilal bol utha,’’Ra….meshwa……r……..ye…..tum………kya…….bo…l…. rahe…….ho.’’

‘’Vo daulat kabhi bhi Vikram ki thi hi nahi. Ye to uske bap Gangadhar aur tere bap ki sajish thi aur Maharaja ki sari daulat apane nam likhava di.’’ Rameshwar chilla raha tha.

Tab tak police lockup me aa pahuchi thi aur usne dono ko pakad liya. Kishorilal ka gala badi musibat ke bad chhuta tha. Usko kuchh pal to ulti ane lagi. Fir bhi usne puchhana jari rakha,’’Ye kya majara hai Rameshwar?’’

Rameshwhar abhi bhi khatarnak mood me tha aur sher ki tarah baras raha tha,’’Vo daulat par agar adhikar hai to sirf mera ya fir Khengarsinh ka hai. Vikram ka koi adhikar nahi banta tha. Samaje Kishoribabu, Vikram ka koi adhikar nahi banta tha. Puchh lena apane dost se. Haqiqat janoge to pairo tale dharati nikal jayegi. Pehle sach jan lo fir ham se bat karna Kishoribabu.’’

Kishorilal shocked avastha me vahi khada tha. Rameshwar ka raudra svarup aaj vo pahli bar dekh raha tha. Policewale use pakadkar bahar le jane lage aur Rameshwar ki qatil awaz fir pichhe se ayi aur usne palatkar dekha to Rameshwar ungali dikhakar bol raha tha,’’Aur ik bat Kishoribabu apane dhyan me rakhiyo. Hamre ya hamri bahan ya bachcho ke bich koi bhi aya to yad rakhiyo ham zinda kat dalunga use. Zinda kat dalunga. Aur ee bat aap khud bhi samajyo aur apani bahan, biwi aur us Krishna ko bhi samaja dyo to sab ke liye achcha rahega. Varna ham zindagibhar tum sabhi ko chain se jine nahi denge samaje.’’

Bahar aakar sab se pehle Kishorila ne police ki permission lekar Anurag babu ko call kiya. Anurag us se kafi had tak khafa tha. Kyuki Maharshi Sen ki mrityu ke bad Kishorilal use akela chhodkar chala gaya tha. Uski smashan yatra me bhi nahi aya tha. Usne ek bar to kah diya ki uske pas time nahi hai. Fir dusri bar jab Kishorilal ne phone kiya aur Sunanda ka vasta diya to vo police station ane ko raji huva. Kishorilal ne dusra phone Vikram ko kiya aur police station ane ke liye kah diya. Adhe ghante ke bad dono vaha pahuch gaye.

Kishorilal ne Anurag ko sabkuchh batakar policewalo se sab se pahle kanuni taur par chhutakara pa liya. Kyuki vo 500 rupaye ki ghus kam kar gayi thi. Policewale ne asani se Kishorilal ko azad kar diya. Thodi der ke bad Vikram vaha pahucha aur Kishorilal ne Vikram ko sari bat batakar puchha,’’Vikram bat kya hai? Rameshwar kyu sari jaydad apani bata raha tha?’’

‘’Yahi to rona hai na KP.’’ Vikram bol utha,’’Jab Prince, Maharaja aur mere bap ne ise sar par chadhaya tab aaj iski itani himmat huyi hai na ki vo sari daulat ko apani bata raha hai. Jab Maharaja ne khush hokar use ek bar apana beta jaisa bola tha, aur uske bad mere bap ne bhi ise sar par chadhaya tha. Itana hi nahi mere bap ne to sari daulat ke us agreement me aham shart par iske hath me hi sari bagdor de dali thi. KP tumhe shayad pata nahi hai ki ye vohi darinda hai jisne khud apani biwi ko bhi mar dala tha.’’

‘’Muje sabkuchh pata hai Vikram. Lekin meri bahan Sunanda zinda hai ye bat muj se kyu chhupayi gayi?’’ Kishorilal ne ek atombomb giraya Vikram par.

Vikram bokhala gaya,’’Kya KP ye tu kya bol raha hai? Sunanda to us hadse me….’’

Ek tamacha laga dala Kishorilal ne Vikram ke galo aur aur chikh utha,’’Kitana juth bolega Vicky?’’

Vikram ki ankhe fati gayi thi aur vo bol utha,’’KP sahi me mai to janta tak nahi. Aur sach man agar janta hota to mai kya tuj se aisi bat chhipata. Tu janta hai uske gam me mai kitana roya hu, tadapa hu aur aaj tu hi muj par shak kar raha hai. Thik hai yar mai hi jine ke kabil nahi raha.’’ Aur Vikram ne vaha inspector ki gun lekar khud par chala dali. Goli uske baju ragadkar chali gayi aur khud ghayal ho gaya. Akhari mauke par Kishorilal ne hat hila diya tha varna uski khopari ud jati. Kandhe par gehri chot ane se Vikram police station ki sidhiyo se gir pada aur uske sir par bhi chaut ayi. Anurag aur Kishorilal ne milkar use hospital me pahuchaya.

Vikram ko turant treatment di gayi. Pura din vaha rukkar Kishorilal ne akhir Vikram se vidai mangi. Abhi bhi kai sawal uske man me uth rahe the. Lekin filhal uska dimag shunya ho chala tha aur vo apani bahan Sunanda ke liye tadap utha tha. Krishna aur Bijali ko samajakar, Anurag ko kuchh ji,,edariya saupkar Kishorilal akhir me Calcutta jane ke liye chal pada. Aaj Kishorila train me baithkar kafi nirash tha ki Girnar wale baba ne kya bhavishya bataya tha aur uske sath kya kya ho raha tha? Lekin use kya pata tha ye uski akhari yatra honewali thi……