S
StoryPublisher
Guest
" Riya?"
"Hummmm.." Riya ne kitab se najar hata kar Priya ki aur dekha..
"maine Raj ke sath bahut galat kiya na?" Priya sara din udas baithi rahi thi.. School mein bhi.. ghar mein bhi..
"ab bhool bhi ja baat ko.. kuchh nahi hoga.. ek do din mein sab theek ho jayega.." Riya ne usko dilasa di...
"mujhe nahi lagta! wo mujhse nafrat karne laga hai.. aaj meri aur class mein ek baar bhi nahi dekha.." Priya pagal si ho gayi thi.. Raj ke liye..
"achchha.. tujhe kaise pata..?" Riya ne sawaal kiya....
Priya uthkar Riya ke paas aakar baith gayi," main aaj sara din usi ko dekh rahi thi.. ek akshar bhi nahi padha school mein aaj!"
" virender aaj school kyun nahi aaya..?" Riya ne apne wale ki baat chhed di..
"ab mujhe kya pata? Raj se poochh leti.." Priya ne kaha...
"wo toh tujhe poochhna chahiye tha.. ek baat bataaon?" Riya ne iss andaj mein apne honto ko gol karke kaha mano wah bahut bada Raj kholne wali hai...
"kya?" Priya gour se uske chehre ko dekhne lagi...
"wo ladki jisko humne aaj subah khidki se dekha tha... inmein se kisi ki bhi behan nahi ho sakti..!" Riya ne khulasa kiya..
"kya kah rahi ho.. to fir koun ho sakti hai..?" Priya ke dil par saanp sa late gaya..
"ye toh mujhe nahi pata.. par behan toh inmein se kisi ki hai hi nahi.. mujhe aaj family record wala register office mein rakhkar aane ko bola tha, saini sir ne.. maine dono ka record check kiya tha.. dono mein se kisi ki koyi behan nahi hai..!" Riya ne apne visvas ki wajah batayi....
"tum kahna kya chahti ho? pls mujhe darao mat.." Priya jane kya sochkar darr gayi thi..
"achchha hua.. jo main kahna chahti hoon.. tum bina kahe hi samajh gayi... jamana bahut kharaab hai Priya.. aaj kal ye ladke rooms par gandi ladkiyon ko late hain.." Riya ne toh Priya ki saans hi rok di..
"par wo toh bahut jyada sunder thi?" Priya ne bholepan se kaha...
"arey main characterwise 'gandi' bol rahi hoon.. shakal soorat se kya hota hai..? aaj kal achchhe gharon ki ladkiyan bhi upar ke kharche ke liye 'galat kaam' karti hain.. tumne kabhi suna nahi kya?" Riya apne man mein jane kya kya khayali pulaav paka rahi thi...
Priya ne sahmati mein sir hilaya," haan... suna toh hai!... par Raj aisa nahi ho sakta.. nahi.. main nahi maanti...Mera Raj aisa nahi ho sakta!" Priya ne khud ko dilasa dene ki koshish ki... par uska dil baith gaya tha..
"tum kya kahna chahti ho? Virender hai aisa.. wo toh bilkul nahi ho sakta.. wo toh ladkiyon ki taraf dekhta bhi nahi.." Riya ne apne wale ka paksh liya.. baaton hi baaton mein wo bhool chuki thi ki unki baat sirf shak aur kalpana par shuru huyi thi...
" toh Raj bhi aisa nahi ho sakta.. uski guarantee main leti hoon..." Priya ne taal thonki..
"kyun nahi ho sakta.. wo itna shareef bhi nahi hai.. jitna tujhe lagta hai.. tujhe ek baat bataoon.. kal rat usne mujhe chutki kati thi.. yahan par.. maine tujhe aise hi nahi bataya..." Riya ne apne pichhwade par hath lagakar bataya...
Priya ye bhool gayi ki kal rat usne khud ko Raj ke saane Riya bataya tha..," Nahi.. tu jhooth bol rahi hai.. ho hi nahi sakta.. jhooth bol rahi hai na.. sach sach bata pls!"
Riya ne Priya ke sir par hath rakh diya," Sachchi.. tumhari kasam.. kati thi..!"
"yahin par?" Priya ne apne nitambon ko chhoo kar kaha..
"haan!"
"toh tune usko thappad kyun nahi mara.. main usko chhodungi nahi.." Priya jalan ke mare ubal padi....
"mummy bahar khadi thi.. main bathroom mein kapde lene gayi.. tab ki baat hai.. bol! main kya bolti..?" Riya ne toh priya ko rula hi diya... Priya bed par ulti late gayi.. aur subak'ne lagi.. 4 din pahle ka pyar jaane kitne mod le chuka tha.. kachchi umar ka pyar aisa hi hota hai!
"chal aa khidki mein se dekhte hain.. wo abhi bhi yahan hai ki nahi?" Riya ne Priya ko uthate huye kaha...
"Mujhe nahi dekhna kisi ko.. ab kya dekhna rah gaya hai.. main usko kitna achchha samajhti thi..." Priya ne riya ka hath jhatakte huye kaha...
"main toh dekh kar aaungi.. tujhe nahi chalna toh mat chal..!" Riya ne kaha aur zeene mein jakar khadi ho gayi.. par saamne wali khidki band thi.. Riya wapas loutne wali thi ki tabhi Priya bhi peechhe peechhe aa gayi..
"khidki band hai.." Riya ne priya ki aur mudte huye dheere se kaha..
"Ruk ja.. main khulwati hoon khidki.." gusse main jali bhuni aayi Priya upar se ek mota sa patthar ka tukda lekar aayi aur usko dhumm se khidki par de mara...
andar baithe teeno iss aawaj ko sunkar chowk gaye.. Sneha khilkhilate huye boli," lo Raj! tumhara fir se bulawa aa gaya.. aaj nahi jawoge kya..?" Raj ne chhedchhad ki baatein chhodkar sab kuchh unko bata diya tha..
"Dekho plz.. ab toh mera majak mat banao.. tumko bata diya sab kuchh toh iska matlab ye toh nahi..." Raj unke majak sun sun kar pak chuka tha... Viru ki aankh lag gayi thi...
"sorry.. par main dekh toh loon.. kaisi hai tumhari girlfriend.." kahte huye sneha bister se uthi aur khidki ke saamne jakar khidki khol di...
Sneha ki dono ladkiyon se najar mili.. ek bina koyi bhav apni aankhon mein liye khadi thi.. aur dusri fufkaar rahi thi.. jaise hi Priya ne Sneha ko dekha.. usne khidki mein se gali ki aur thooka aur upar bhag gayi.. Riya bhi uske pichhe pichhe nikal li..
"tum bilkul sahi kah rahe thhe Raj.. dono hubahu ek jaisi hain.. tumhari girlfriend kounsi hai.. Garam wali.. ki naram wali!" Sneha ne khidki band karte huye Raj se kaha...
"koyi nahi hai.. meri chhodo.. tum apni baat poori batao... gadi badal'ne ke baad kya huaa?" Raj bade gour se Sneha ki kahani sun raha tha...
"thhand rakh yaar.. ye sirf hamara waham bhi toh ho sakta hai.. kal poochh lenge uss'se..!" Riya ne subakti huyi Priya ko dilasa dete huye kaha," main poochh loongi kal.. waise bhi agar wo koyi aisi waisi ladki hoti toh saamne thhode aati..."
"main ek baar chali jaaun?" Priya uth kar baith gayi...
"kahan?"
Priya ne apne aapko shant karne ki koshish karte huye kaha," Raj ke paas... unke kamre par.."
"whhaaat.. tujhe pata hai tu kya kah rahi hai?" Riya bister se uchhal padi...
" haan pata hai... wo isi baat ki dhons jama raha hai na ki wo mujhse pyar karta hai... isiliye jaan jokhim mein daal kar raat ko hamre ghar aa gaya... main kya uss'se pyar nahi karti.. main kya ja nahi uske paas.. hisab barabar ho jayega.. uske baad bhi agar usne mujhe maaf nahi kiya toh main bhi kabhi uss'se baat nahi karoongi... main jaaun na?" Priya ne Riya ka hath apne hathon mein lete huye poochha...
Riya se kuchh der toh kuchh bolte hi na bana.. wah aankhein faade Priya ko dekhti rahi.. fir achanak sambhal kar boli," tu pagal hai kya? thhodi bahut bhi akal nahi bachi kya ab.. Raat ko darwaje se bahar pair rakhne ka matlab pata hai na tujhe... kaat ke rakh denge papa.. tujhe bhi.. aur Raj ko bhi.. aisi pagal baatein mat kar.. aur aa chal kar sote hain.. mummy bhi aane wali hi hogi.. chal aaja.." Riya ne priya ka hath pakad kar usko uthaya aur apne sath bahar kheench liya.. Darwaje ko tala lagaya aur usko hath pakde pakde hi neeche le gayi....
" aa gayi tum.. main bus upar aane hi wali thi.. jyada shor mat karna.. tumhare papa kal raat se soye nahi hain.. uthh gaye toh gussa karenge...! jaldi se apna doodh khatam karo aur so jao!" mummy ne kaha aur apne bedroom mein chali gayi... unke papa ke paas!
"dekh riya.. aaj papa bhi gahri neend mein honge.. pls jaane de na! ... main bus 5 minute main aa jaaungi..." Priya ne uske kaan mein dheere se kaha...
"tu hai na.. apne sath sath mujhe bhi marwayegi.. Dekh Priya.. mere saamne aisi baat mat kar.. mujhe darr lag raha hai... so ja chupchap!" kahkar Riya ne apna doodh khatam kiya.. aur bistar par late gayi... Priya bhi kya karti.. bechari.. pyar ka bhoot uske sir par buri tarah sawaar ho chuka tha.. wah late toh gayi.. par neend uski aankhon se koson door thi.. uski aankhon mein toh ab Raj bas chuka tha..
-------------------------------------
Kareeb ek ghanta beet gaya.. ghar ki sab lights band thi.. Priya ne apna sir uthakar Riya ko dekha.. wah dusri aur munh kiye so rahi thi.. neend mein uska night skirt uski jaanghon se kahin jyada upar utha hua tha.. panty uske nitambon se buri tarah chipki huyi thi.. ,"nalayak!" kahte huye Priya ne uska skirt neeche kheench diya.. Priya ko Raj ke dwara Riya ke nitambon par gadi gayi chutki yaad aa gayi... wah bechain ho uthi.. khadi hokar bathroom mein gayi aur fir bina kuchh kiye hi wapas aa gayi.. Mummy papa ke bedroom ka darwaja aaram se khol kar dekha.. wo andar se band tha..
Priya wapas lout aayi.. wah gahri asamanjhas mein thi.. samajh nahi aa raha tha ki kare toh kya kare... antat: uske jajbaat uske bhay par hawi ho gaye.. chupke se main gate ki chabi uthayi aur dabe paanv bahar nikal gayi...
aangan mein jane ke baad usne aangan ki lights off kar di.. dheere se tala khola aur tala darwaje mein hi tange rahne diya.. uske hath pair buri tarah kaanp rahe the.. ek pal ko wapas mudi.. Raj aur fir Bhagwan ko yaad kiya.. aur sare samaj aur ghar walon ke darr ko darkinar kar dehri laangh gayi.. ijjat ki dehri..
Priya ne ghar se bahar kadam rakha hi tha ki uski mummy jamhayi lete huye apne bedroom se bahar nikli... bathroom mein jakar aayi aur fir Priya aur Riya ke bedroom mein chali gayi.. Dekha Bed par akeli Riya hi so rahi hai..
"Riya... A Riya.." mummy ne Riya ko pakadkar hilya.. Riya gahri neend mein thi...," ummmmmmmmm.. kya hai?" wah kasmasayi aur karwat badalkar fir se chitt ho gayi...
"Riyaaaaa!" Mummy ne usko jor se jhakjhora...
" kya hai mummy.. sone do na!" Riya ne neend mein hi kaha...
"Priya kahan hai?" uski mummy chintit si ho gayi thi..
"hogi.. bathroom mein.. mujhe kya pata..?" aur achanak hi Riya chowk kar uthh baithi.. usko sone se pahle ki Priya ki baat yaad aa gayi... kahin..?," bathroom mein hogi mummy.. aap so jao jakar.." Riya kaanp si uthhi.. ab kya hoga.. agar... usne man hi man socha..
"Bathroom ki toh kundi band hai bahar se.. kahan gayi karamjali.. mujhe tumhare lakshan achchhe nahi lag rahe kuchh dino se.. tum fone vone toh nahi rakhti ho na..?"
Riya ne mummy ki baaton par dhyan hi nahi diya..," mummy.. wo upar chali gayi hogi padhne.. uska kafi kaam baki tha.. main dekhkar aati hoon.." kahkar Riya upar bhag gayi.. Mummy ne usko rokne ki koshish bhi ki.. par tab tak toh wo seedhiyon par ja chuki thi...
" inko bhi padhne ka time hi nahi pata.. jab dekho kitab kholkar baith jati hain... ab dekho na.. ye bhi koyi padhne ka time hai bhala...?" angdayi lekar bahar nikle apne pati ko dekhkar wo boli.... vijender ki neend poori ho gayi thi.. sham 6 baje se hi soya hua tha wo...
"arey bhai.. aajkal competition ka jamana hai.. time dekhkar padhengi toh pichhe nahi rah jaayengi bhala....." Vijender ne kaha aur apni biwi ke paas aakar bed par baith gaya," par inko kah do.. raat ko upar padhne ki koyi jarurat nahi hai... agar padhna hai toh yahin padhein.. neeche...!"
" maine toh jane kitni baar kaha hai ji.. par maane tab na! kahti hain.. T.V. ki aawaj mein disturb hoti hain.." Mummy ne safai di...
" tum kabhi pichhe jakar dekhti bhi ho kya? padhti bhi hain ya... chalo upar chalte hain..." Vijender yahi samajh raha tha ki dono abhi tak upar padh rahi hain.. usko ye ahsaas bhi nahi tha ki Priya sone ke baad gayab huyi hai.. aur ab Riya usko dekhne gayi hai...
" mere toh ghutno mein dard hai ji.. mujhse nahi chadha jata baar baar upar...." mummy ne kaha hi tha ki Riya neeche aa gayi.. aur papa ko wahin baitha pakar saham gayi..," ww wo.. upar hi ... hai.. mummy.. apna kaam kar rahi hai.. abhi aa jayegi.. 10 -15 minute mein..." Riya ne haklate huye kaha.....
Vijender ke policiya dimag mein Riya ki baaton mein gadbad ki boo aayi..kuchh sochte huye.. wo khada huaa aur bola," aaindaa se tum dono neeche hi padha karo.. T.V. nahi chalega... aur kahkar wapas apne kamre mein chala gaya," kuchh khane ko hai kya? bhookh lagi hai!"
" hai ji.. abhi lati hoon.. aap baitho.." kahkar uski mummy kitchen mein chali gayi...
"Riya bistar par baithi baithi kaanp rahi thi.. aur dua kar rahi thi ki Priya jaldi aa jaye.. aur uske mummy papa ko pata na chale...
"arey.. aaj maine darwaja khula hi chhod diya..! kitchen se aangan ka bulb jalate hi uski najar darwaje par tange taale par padi... wah bahar gayi aur darwaja lock karke wapas aa gayi.. Riya ka dil jor jor se dhadakne laga...
uski mummy ne andar aakar chabi slab par rakh di thi.. Riya ne himmat karke chabi uthayi aur mummy ke bedroom mein jate hi tala fir khol aayi.. bhag kar...
---------------------------------------
Udhar Raj aur viru so gaye the.. Sneha apne mohan ke khaylon mein khoyi huyi thi aur jaldi se subah hone ka intjaar kar rahi thi.. Darwaje par huyi dastak se wah chounk gayi.. bistar se uthi aur Raj ko uthane ki sochi...," iss waqt yahan mohan ke alawa aur koun aa sakta hai.." ye sochkar wah khil uthi aur ekdum se jakar darwaja khol diya....
Saamne apne sir aur chehre ko chunni se dhake Priya khadi thi.. darwaja khulte hi wah bhag kar andar aa gayi aur chunni utar di... Sneha ne pahchan liya..," Priya?"
Priya ne sahmati mein sir hilaya aur kamre mein najrein doudayi.. Raj jameen par bistar bichhaye chain se soya pada tha..
"tum koun ho?" Priya sochkar aayi thi ki jaate hi uss ladki toh khabar leni hi hai.. par yahan toh darr ke mare uski aawaj hi mushkil se nikal pa rahi thi...
"main inki behan hoon.." sneha ne muskurate huye kaha...
"kiski..?" Priya ne kaanpti huyi aawaj mein poochha..
"dono ki.. kya tum yahi poochhne ke liye aayi ho.. itna dari huyi kyun ho.. aao baithho..." Sneha ne pyar se apni hone wali bhabhi ke chehre ko uski thodi par hath lagakar upar uthaya...
" par ye toh sagey bhai nahi hain na.. fir tum dono ki behan kaise huyi..?" Priya ne bholepan se poochha...
"kya khoon ka rishta hi rishta hota hai... sagi toh main inmein se kisi ki bhi nahi hoon.. par dono mere liye apno se kahin badhkar hain... tum baitho na.. main Raj bhaiya ko jagati hoon..!" Sneha ne uska hath pakad kar apni aur kheencha...
Priya ke dil ko badi tasalli mili.. ye sab sunkar.. usne toh yunhi jaan aafat mein daal li thi..," nahi.. ab main ja rahi hoon.. ghar wale jaag gaye toh..."
"pls.. sirf ek minute.." aur Sneha jakar Raj ko jagane lagi... ," Raj.. Raj! dekho na koun aaya hai..?
Raj hadbada kar uthh baitha aur jaise hi usne Priya ko apne kamre mein khade dekha wah uchhal pada.. ek baar ko toh usko apni aankhon par visvas hi nahi hua," Tummm????? yahan kyun aayi ho.. matlab.. kaise aa gayi? Darr nahi laga..." Raj ne khade hote huye apne kapdon ko theek kiya...
Priya apne hath bandhe.. sir jhukaye.. khadi thi.. wah abhi bhi kaanp hi rahi thi.. jane ghar se nikalte huye usmein kahan se itni himmat aa gayi thi..
"bechari pahle hi dari huyi hai.. tum aur dara do isko.. tumhare liye itni himmat karke aayi hai.. ab toh pyar se baat kar lo..." Sneha ne tunakte huye kaha...
sahmi huyi si Priya Raj ko itni pyari lag rahi thi ki uska dil chah raha tha.. abhi ke abhi usko bahon mein bharkar uska har ang choom daale.. uske rom rom ko mahsoos kar le.. par ye sab karna sochne se kahin jyada mushkil tha...," poochh hi toh raha hoon.. ghar wale jaag gaye toh kya hoga?"
" main bus sorry bolne aayi thi...!" Priya ne najrein uthakar Rat bhar ke liye apne man mein Raj ka pyara chehra kaid kar liya...
"oho.. kitni baar sorry bologi.. bol toh di thi.. school mein..!" Raj uske saamne aakar khada ho gaya...
Priya ko laga Raj ki najrein uske shareer mein gad rahi hain.. uska badan akadne sa laga tha.. darr ke bawjood," par tumne maaf kahan kiya tha!" usne Raj ki najron se najrein milayi.. dil kiya ki kal raat ki adhuri hasrat abhi poori kar le.. lipat jaye Raj se.. aur apne badan ko dheela chhodkar usmein sama jane de.. par himmat dono mein se kisi mein nahi thi.. Sneha jo paas khadi thi..
"pagal.. maaf kya karna tha.. main naraj nahi tha.. main toh yunhi bus..." Raj ke hath Priya ke chehre ki aur badhe.. par beech mein hi ruk gaye... achanak darwaja khula aur Riya badhawaas si kamre mein ghus aayi.. wah itni hadbadahat mein thi ki unke upar girte girte bachi... uske pairon mein khade rahne ki himmat bachi hi nahi thi.. wah andar aate hi bed par baith gayi...," Sab kuchh khatam ho gaya Priya.. sab kuchh khatam ho gaya... samajh lo maare gaye... oh my God!"
Priya uski baat ka matlab samajh kar dhadam se jameen par aa giri.. Raj ne usko sambhala aur riya se bola," kya huaa Riya?"
Sneha ko toh bolne ka bhi awsar nahi mila....
"sab kuchh khatam ho gaya Raj.. Maine isko mana kiya tha.. par fir bhi ye aa gayi.. itna sa bhi nahi socha isne... papa jaan se maar daalenge... chhodenge nahi..." Riya ne haanfte huye kaha...
Priya ne toh jor jor se rona shuru kar hi diya tha.. agar Raj uske munh par hath rakhkar.. usko chup rahne ke liye na kahta toh," Saaf saaf batao na Riya.. baat kya hai...?"
kamre mein itni fusfusahat sunkar Virender ki neend khul gayi.. aankhein kholkar upar dekhte huye jaise hi usne Priya aur riya ko wahan dekha.. wah bhi chouk pada..," ye kya tamasha laga rakha hai? kya museebat aa gayi aakhir.. Raat ko toh chain se so jaya karo.. ye koyi ishq farmaane ka time hai.."
"chup ho jao viru bhaiya.. bahar koyi sun lega.." Sneha jakar viru ke paas baith gayi...
"kya aafat aa gayi.. batao toh sahi..?" viru ne iss baar dheere se kaha...
Priya ne jaise taise karke apne aapko sambhal aur uthkar Riya ke paas jakar khadi ho gayi,"papa jaag gaye kya..?"
"haan! papa bhi jaag gaye aur mummy bhi.. mummy ne mujhe uthaya tha.. ye poochhne ke liye ki tum kahan ho.. maine upar aakar dekha aur wapas jakar jhooth bol diya.. ki tum upar padh rahi ho.. fir mummy papa ke liye khana banane lagi.. maine tumhara kitna intjaar kiya.. mummy ne wapas tala laga diya tha.. wo bhi khola.. par tum nahi aayi priya.." kahte huye Riya rone lagi...
" fir unko pata lag gaya kya?" Priya ka dil baith gaya...
" khana kha kar papa aur mummy tumhe bulane upar chale gaye.. ab tak toh unko pata lag hi gaya hoga..." Riya ne rote rote hi bataya...
"par tu kyun yahan aayi pagal.. ab tu bhi fansegi.." Priya ke chehre par mayusi aur darr ne dera daal rakha tha...
teeno unke beech ho rahi baat ko dhyan se sun rahe the....
" toh main ab aur kya karti.. tujhe pata nahi chalta toh tu wapas chali jati.. aur fir tera kya hota.. pata hai na...
Virender kafi der se chupchap baatein sun raha tha.. jo kuchh huaa.. uss par wah bhi dukhi tha.. par ab kiya hi kya ja sakta hai...,"wapas toh ab bhi jana hi padega..!"
" nahi.. main ghar wapas nahi jaaungi..!" Priya ne najrein uthakar Raj ke chehre ki aur dekha...
Raj ki toh kuchh samajh mein aa hi nahi raha tha.. "ab kya kiya jaye..?"
"ek idea hai...!" Sneha ne kaha....
"kya.. jaldi batao na.." Raj turant bola...
"yahan se sabhi bhag chalte hain.... abhi ke abhi..." Sneha ko toh jaise bhagna hi sabse achchha lagta tha.. swachhand aakash ke neeche khuli hawa main.. jahan koyi bandhan na ho.. usko ahsaas nahi tha shayad ki hamare samaj mein ladki ke 'bhagne' ka kya matlab hota hai... kahkar usne charon ke chehre ki aur dekha.. Priya aur Riya ki taraf se koyi reaction nahi aaya.. Raj bhi munh banaye khada raha.. Par virender se na ruka gaya," kyun nahi.. bus isi baat ki kami rah gayi hai.. Bhag chalo...!" usne munh pichkaya...
"arey main koyi hamesha ke liye bhagne ko thode hi kah rahi hoon.. inke mummy papa ka gussa shant nahi hota.. tab tak.. baad mein fone karke maafi maang lenge... kyun Raj?"
"waise hum sadharan logon ke liye ye sab itna aasan nahi hota Sneha.. jitni aasani se tumne kah diya.. bhagne ka matlab apne ghar pariwar aur sare samaj se kat jana hota hai.. hamesha ke liye... wapas aana mumkin nahi.. aur kuchh socho..." Raj ne kaha..
"aur kuchh toh tumhi socho fir.." sneha bhi munh banakar Riya aur Priya ki line main baith gayi...
"jo kuchh sochna hai.. ye dono soch lengi.. isko hi fitur sawaar hua tha na.. Rat mein ghar se nikalne ka.. tum kyun pareshan ho rahe ho..?" Viru ne latey latey hi kaha...
Viru ke munh se aisi baat sunkar Riya ko rona aa gaya..," Theek hai priya.. chal kahin aur chalein.. ab hamein hi bhugatna padega.. galati bhi toh humne hi ki hai.. "
"ruko! main bhi sath chaloonga..." Raj ne Riya ka hath pakad liya....
" main Riya hoon.. Priya nahi.." Riya ne subakte huye maasumiyat se kaha..
"pata hai mujhe..!" Raj ne kaha...
Sneha ne vichlit hokar Viru ki aur dekha... wah bhi kahne hi wali thi.. "main bhi chaloongi.." par viru ko aise chhodkar kaise jati..?
"Raj.. idhar aakar khada hone mein madad kar jara.." Viru ne hath ka sahara lekar baithte huye kaha...
Raj uske paas gaya aur usko sahara dekar khada kar diya.. viru ne chot wali jaangh par ek do baar...wajan bana kar dekha," chalo.. 'bhaag' kar dekhte hain..."
Murjhaye huye sabhi ke chehre Viru ke iss andaaj par khilkhiaye bina na rah sake.. khas tour se Riya ka chehra.. wah toh Viru par fida hi ho gayi thi...
"tumhe chot lagi hai kya? isiliye school mein nahi aaye kya tum aaj.." Riya ne viru ko pahli baar toka...
Viru ne uski baat ka koyi jawaab nahi diya," Soch lo.. hum char log hain.. bahar ka kharcha bahut hoga....
" uski chinta mat karo.. main hoon na.." Sneha chahak uthi thi," aur fir mohan aakar fone karega hi.. usko bhi wahin bula lenge.... kya kahte ho..?"
"fir theek hai.. par nikalenge kaise?" Viru ne bahar nikalne ki taiyari shuru kar di...
khamosh khadi Riya ne sab logon ko gina.. wo toh 5 hain.. fir viru 4 ki baat kyun kar raha hai.. hichkichate huye boli," main bhi hoon!"
" tum kya karogi? tum toh wapas ja sakti ho na..." Raj ne kaha...
" main kaise ja sakti hoon ab.. wapas aakar ghar walon ne mujhe bhi toh dhoondha hoga... waise bhi Priya ke bina main nahi rah sakti.. wo jab wapas aayegi.. main bhi aa jaaungi...!" Riya ne viru ki aur dekhte huye kaha.. usko vishvas tha ki viru pakka taang adaayega...
" fir toh mummy papa ko bhi bula lo na... unhone kya jurm kar diya aisa.. wo bhi tum dono ke bagair kaise rahenge.. aakhir!" Viru ne tedhi najar se Riya par vyangya kiya.. Riya Raj ke pichhe chhip gayi..
"le chal yaar.. jab ukhal mein sir de hi liya hai toh moosal se kya darna...!" Raj ne Viru se request si ki.....
"arey main toh tere bhale ke liye hi kah raha hoon.. tu confuse rahega.. kounsi riya hai aur koun priya? tujhe problem nahi hai toh mujhe kya.. mujhe kounsa isko peeth par baithakar le jana hai.." Viru ki baat par sabhi munh par hath rakh kar hansne lage...
"teri peeth par toh chadhkar rahungi beta!" Riya man hi man sochkar khil uthi...
---------------------------------
fir wahi baat, honi taali hi nahi ja sakti.. warna bhagwan ne toh riya ki karun fariyaad sun hi li thi.. jeene main chadhte huye.. vijender ka pair fisal gaya aur wo slip karta hua 3 steps neeche aakar ruka.. uska ghutna jakhmi ho gaya tha...
pichhe pichhe upar chadh rahi unki mummi ne pahle apne aapko bachaya aur fir baithkar vijender ko," aap theek toh hai na..?"
"aah.. mujhe neeche le chalo.. mar gaya ri maa..!" Vijender apna ghutna pakad kar seedhiyon par hi baith gaya tha...
Uski biwi usko sahara dekar neeche le gayi aur wapas le jakar bed par lita diya aur Riya ko aawaj lagayi," Riyaaaa.. jaldi aa.."
Riya wahan thi kahan jo aati..
" usko kyun pareshan kar rahi ho.. sone do bechari ko.. bewajah pareshan hogi.. kuchh khas chot nahi hai.. ek do din mein theek ho jayegi.. tum bus yahan par thodi malish kar do.. bahut dukh raha hai.." vijender ne pichhwade ko hath lagate huye ishara kiya...
"Priya ko toh bula laaoon.. pahle..?"
"Rahne do.. wo wahin so gayi hogi kya pata.. subah apne aap aa jayegi..." vijender ka poora dhyan ab apni chot par tha...
"theek hai.." usne kaha aur 'move' uthakar layi aur darwaja band karke vijender ki pant nikal kar malish karne lagi...
"bus bahut ho gaya.. so jao ab..!" Vijender ne kaha..
" theek hai ji.. kuchh dikkat ho toh utha lena.." kahkar uski biwi ne light band kari aur sath latekar so gayi.................
wo sab ek ek karke bahar nikalne ki taiyari kar hi rahe the ki achanak kisi ne unka darwaja khatkhataya.. ladkiyon samet sabhi saham gaye..," ab kya karein?" isharon hi isharon mein sab ne ek doosre se poochha...
Dobara fir dastak huyi.. iss baar kuchh jyada hi jordaar.. dar kar Priya aur Riya ek dusri se chipak gayi..
"tum sab bathroom mein ghus jao.. main dekhta hoon..!" Raj ne teeno ko bathroom mein band kar diya aur neend mein hone ka natak karta hua darwaje ke paas gaya," koooouuunn hai bhai?"
"darwaja kholo!" bahar se aayi aawaj ekdum kadak thi..
"par batao toh tum ho koun?" Raj aawaj sunkar hi darr gaya tha...
" main vicky.. sorry.. Mohan ka dost hoon.. darwaja kholo jaldi.." Bahar se aawaj aayi..
mohan ka naam sunkar Raj ko thodi rahat pahunchi.. par Darwaja kholte huye Darr ab bhi uske dil mein kayam tha.. kundi kholkar usne darwaja hulka sa khol diya.. baki kaam tough ne khud hi kar diya.. bina der kiye tough kamre ke andar tha..
"Sneha tumhare paas hai na!" Tough ne seedhe seedhe sawaal kiya...
Tough ke deel doul aur upar se uski rough aawaj ne Raj ko jhoothh bolne par
vivash kar hi diya..," kkkoun Sneha..? hum kisi Sneha ko nahi jaante... kkkoun hai... aap?"
" Dekho bhai.. darne ki koyi jarurat nahi hai.. main Mohan ka dost hoon.. Ajeet! usne hi mujhe Sneha ko yahan se le jane ko bola hai.. bata do.. kahan hai wo..?" Tough ne apna lehja nihayat hi naram kar liya.. fir bhi Raj ko tasalli na huyi.. viru chupchap bed par baitha sab kuchh dekh sun raha tha...
" wwo.. Mohan ka fone aaya tha.. wo toh chali gayi.. Mohan ne hii bula liya usko.." Raj ne fir jhooth bola...
" Dekho.. mujhe poora yakeen hai ki tum jhooth bol rahe ho.. par agar ye sach hai toh Sneha ki jaan khatre mein hai.. ye jaan lo! agar tum uss ladki ki jaan bachana chahte ho toh pls bata do.. wo hai kahan..?" Tough ne kamre mein chhanbeen shuru karne se pahle uss'se aakhiri baar poochha...
Raj ki najarein jhuk gayi.. Sneha ki jaan khatre mein hone ki baat kahkar tough ne usko asamanjhas mein daal diya tha... usko samajh nahi aa raha tha.. ki wo kya kare!
Viru aakhirkar bol hi pada," Raj! Sneha ko nikal lao bathroom se.." kahte huye usne apne pair se bed ke neeche rakhi baseball ki stick ko aage sarka liya.. kisi anhoni ka muqabala karne ke liye...
Darwaja kholo Sneha.. Mohan ka dost hai koyi.. bahar aa jao!" Raj ne bathroom ka darwaja thapthapaya...
Sneha darwaja kholkar bahar nikal aayi.. Riya aur Priya abhi bhi bathroom mein hi chhipi huyi thi..
"tumhi ho Sneha..?" tough ne Sneha se sawaal kiya..
Sneha ne apni najrein uthakar jawab diya," Ji.. aap Mohan ke dost hain..?"
"haan.. aur main tumhe lene aaya hoon.. abhi tumhe mere sath chalna hoga!"
" par main kaise maan loon.. aap unke dost hain.. unse baat kara dijiye meri.." Sneha ne kaha..
" Dekho jid karne ka waqt nahi hai.. main tumhari baat kara deta.. par uska fone filhaal off hai.. ye dekho.. ye usi ka no. hai na.. dekho kitni baar baat huyi hain uss'se aaj meri.. abhi kuchh ghante pahle tak wo mere hi sath tha... wo aa nahi sakta tha.. isiliye mujhe bhej diya.. ab jaldi chalo.. warna anarth ho jayega..." Tough ne usko apni call detail dikhayi..
" par ismein toh aapne no. vicky naam se save kiya hua hai.." Sneha ne aashankit najron se tough ki aur dekha
"haan.. wo main usko vicky hi bolta hoon.. pyar se..." tough ko bhi tedhi ungali istemaal karni padi...
Sneha ke paas vishvas karne ke alawa koyi aur chara bacha hi nahi tha... Mohan ne ek baar usko bola bhi tha.. ki loharu chhodne ke baad wo usko lene ke liye kisi dost ko bhi bhej sakta hai..
" hum kahan jayenge..abhi..!" Sneha ne aakhiri sawaal kiya...
"kahan jana chahti ho..?"
"Loharu! wahan Mohan ke dost shamsher ki sasural hai.." Sneha ne kaha..
tough ne rahat ki saans li..," Shamsher se baat karwaaun kya abhi?"
" nahi rahne do.. waise bhi main unhe nahi jaan'ti.. par..." kahkar Sneha ne Viru ki aur dekha...
" par kya? .... bolo?" Tough ne kaha..
" mere sath meri 2 saheliyan bhi jayengi.." Sneha ne jhijhakte huye kaha...
" kahan hain tumhari saheliyan? le chalo.. mujhe kya problem hai bhala? Tough ne kamre mein najar doudakar bathroom ke darwaje par najar tika di..
" ek minute.." Sneha ne kaha aur bathroom se dono ko bahar nikal layi.. dono line mein khadi thi.. Priya Riya ke pichhe chipki khadi thi...
"wah bhai wah.. ye toh ek dusri ki photocopy hain.. chalo.. jaldi chalo..!" Tough ne dono ko gour se dekhte huye kaha...
" aap dono rahne do bhaiya... khamkhwah pados walon ko shak hoga.. ab hum chale toh jayenge hi.." Sneha ne Viru aur Raj ki aur dekhte huye kaha..
Raj ka sath chalne ka bahut mann tha.. uske toh sare armaan hi dhare ke dhare rah gaye.. usne Viru ki aur dekha...
"Nahi Sneha! hum bhi sath hi chalenge..!" Viru ne stick uthayi aur uske sahare khada ho gaya.. Sneha ko kisi bhi jokhim mein wo akela nahi chhodna chah raha tha....
Raj ke toh bin bole hi vare nyare ho gaye...
" bhai.. jisko bhi chalna hai.. jaldi se neeche chalkar gadi mein baitho.. hamare paas time nahi hai itna.." Tough ne jhallate huye kaha...
Uske baad kisi ne der nahi lagayi.. wahan se nikalne ki jaldi toh unhe bhi thi.. kismat se ab unko raaston par bhatakna nahi padega.. sabhi jakar Gadi mein baith gaye..
Tough ne road par nikalte hi Shamsher ke paas fone kiya..," haan bhai.. le aaya hoon.. sneha ko.. Shukra hai.. abhi tak pahuncha nahi tha wo..!"
"koun hai.. Mohan hai kya?" Sneha ne aage gardan nikalte huye kaha..
" Nahi shamsher hai.. lo bhai.. ek baar baat karna..."
" namastey Sir!" Sneha ne jhijhakte huye kaha.. Vicky ne Sneha ko bata rakha tha ki Shamsher teacher hai..
" Namastey beta..! kisi baat ki fikar mat karna.. theek hai na..." Shamsher ne pyar se kaha...
" Ji.. ab sab theek hai.. main toh darr gayi thi.." Sneha ne bhi utni hi vinamrata se jawab diya..
" O.K. mera no. bhi le lena.. koyi dikkat ho toh fone kar dena.. waise tough bhi hamara bhai hi hai.. usko fone dena jara.." Shamsher ne kaha...
" ye lo Sir!" Sneha ki aankhein chamak uthi.. ab usko koyi fikar nahi thi.. wo sahi aadmi ke sath the...
" vicky kahan hai ab?" Shamsher ne tough se poochha..
" pata nahi bhai.. uska toh fone off aa raha hai..mere paas se toh nikal gaya tha.. 7 8 baje ke aaspaas..." Tough ne jawab diya..
" pata nahi yaar.. wo kaise line par aayega.. chal achchha.. rakhta hoon..!" kahkar shamsher ne fone kaat diya....
