Maine naravali ko behosh samajh kar apna dhyan kuch pal ke liye us par se hata kar sona aur margret ko dekhne me laga diya ....yahi mujh se galti ho gayi....
Mai jise behosh samajh raha tha asal me naravali behoshi ka natak karte apni ankhe band kiye aur saans thaame mann hi mann me mantra padh raha tha vo harami
Maine to is taraf bilkul bhi dhyan hi nahi diya ki uski kriya to poori ho chuki thi sirf bali dena hi shesh bacha tha jo mere karan poori nahi ho saki hawan kund apvitra ho jane ke karan
Mai abhi margret aur sona ko dekh hi raha tha ki naravali achanak apni jagah se uth khada hua ..aur tabhi
Ab aage..........
Tabhi vaha par shmashan me se hazaro ki sankhya me bhoot pishach nikalne lage.....jitne shmashan ke ghere ke andar the utne hi uske bahar...
Unki aisi bhayanak surat dekh kar margret bahut buri tarah darr gayi aur meri taraf bhagi….sona ne uska hath pakad kar rokne ka prayatna kiya lekin rok nahi payi
Margret—adiiiiiiiii……bachaooooo
Sona (chillate huye)—margret ruk jaooooo…..udhar mat jaooooo
Lekin vo itna darr gayi thi ki bhagti hi ja rahi thi….Jiska natiza ye hua margret bhagte huye mere paas aane ke liye jaise hi ghre me kadam rakhne ki koshish ki to boundry par lage tantra jaal ne use turant utha kar niche patak diya
Un haddiyo ke sampark me aate hi uske upar banaya mera kawach bhi toot gaya aur vo visible ho gayi….jisse sab ka dhyan uski oor chala gaya
Mai (jor se)—margret…vapis jao…sona ke paas…yaha mat aao..idhar khatra hai
Ab bahar jitne bhi nishachar the vo margret ki taraf badhne lage….ye dekh vo aur jyada darr ke meri oor phir se aane ki koshish ki to is baar us shaitani tantra ne use apni kaid me jakad liya…aur vo vaha se gayab ho gayi
Ye sab itna jaldi hua ki mai hatprabh rah gaya…mai abhi usko bachane ke bare me soch hi raha tha ki baki teeno ka kawach bhi toot gaya aur vo bhi visible bhi gaye
Naravali—hahahaha.....mujh se takrane chala hai.....tera ye kawach meri shakti ke samne kuch bhi nahi hai.... ohhh...sonalika.....Parilok ki rajkumari bhi yaha hai....ab maza ayega.....jao pakad lo use
Mai—naravaliiiiii.......agar kisi ko ek kharoch bhi aayi na to tera bahut bura hashra karunga main
Naravali—ooooyee chuppp....ab tu mera kuch nahi kar sakta....jab tak teri ye dono mashukaye mere kabze me hain tu kuch kar hi nahi sakta....nahi to inki jaan jayegi...hahahaha
Mai (gusse me)—naravaliiiiiii......chattttaaaakkkkkkk
Maine gusse me palat kar kas kar ek thappad uske gaalo me dhar diya.....vo ladkhadate huye dusre kone par jakar gira....uske kaan se khoon chhal chhalane laga
Thappad ki goonj itni tez thi ki kuch pal ke liye sabhi bahre ho gaye..unhe kisi ki awaz sunayi dena band ho gayi...jab normal huye to sona ko pakadne ke liye uski oor badhe
Khatra—malik aap uss harami ko sambhalo main inhe sabak sikhata hu
Jaise hi vo nishachar sona ke paas aaye khatra ne ek sath 8-10 ko dhar dabocha…..baki kuch ko sona ne apni power se vahi rok diya aage badhne se
Kuch ko chitra ne pakad ke cheerna phadna chalu kar diya…..lekin unki ginti kam hone ki bajaye badhti hi ja rahi thi…..jitno ko ye teeno khatam karte usse dugne jamin ke andar se nikal ke bahar aa jate
Idhar naravali jaise hi khada hua to maine doudte huye ek laat uske pet me maari jisse vo phisalte huye dur ja gira maine apne hatho me talwar utha kar uska ant karne ka soch jaise hi hath upar uthaye kisi ne piche se mere sar me jor se vaar kiya
Mera sar chakarane laga aur lad khadate huye main sar pakad ke vahi niche baith gaya…ki tabhi phir se kisi ne piche se sar me usi jagah par vaar kiya
Mai apna santulan khone laga aur kuch hi der me murchhit hokar vahi gir gaya....mere girte hi naravali ne sona aur chitra ko asani se kaid kar liya..lekin khatra uske kabu me nahi aa raha tha
Vo ab bhi lagatar un nishacharo ka kriya karam karne me bhida hua tha.....lekin koi fayda nahi tha kyon ki vo lagatar paida hote ja rahe the..unki sankhya me koi kami nahi aayi thi jab ki ab tak 1000 to kam se kam mare ja chuke the
Naravali—khatra...apne apko mere havale kar do nahi to main in dono ke sath sath is ladke ko bhi jaan se maar dunga
Ye sun kar khatra ne majburi me khud ko uski kaid me de diya…..sona aur chitra ko bhi kaid karke vaha se gayab kar diya
Naravali—hahahaha…..mujhe koi nahi maar sakta…mai amar hu…..hahahaha…le jao ise ghasit kar…kode marte marte….le jaoooooo……ab mai apni kriya phir se shuru karunga aur in bachcho ke sath hi inki bhi bali chadhaunga kewal sonalika ko chhod kar…..mai usse shadi kar ke pari lok ka raja banunga…hihihihi
Naravali apni is jeet ke mad me chur hokar bahut khush tha….mujhe behoshi ki halat me vaha se ghasit kar kahi le jaya gaya…sath hi pith par kode bhi baraste ja rahe the
Halanki mai poori tarah se achet nahi hua tha…halki halki dhwani uske is attahas ki mere kano tak pahuch rahi thi phir bhi mai abhi coma jaisi avastha me tha
Mujhe le jakar moti moti shaitani mantro se abhibhut janjeero me jakad diya gaya aur hath pairo me bade bade lohe ki keel thok di gayi
Udhar margret ko bhi kaid me jakad liya gaya….sona aur chitra ka bhi yahi haal tha….naravali ne apni kriya phir aarambh kar di thi..
Halanki vo ek baar ye kriya kar chuka tha isliye use adhik samay nahi laga…usne jaldi jaldi mantrochcharan karne me laga raha ..kyon ki ratri ka antim prahar chal raha tha
Kriya sampann hote hi usne maans madira aur khoon se bhog lagaya apne shaitan ka…aur phir achet pade bachcho ko apni tantra shakti se hosh me le aaya…jisse unka karun krundan phir se goonjane laga
Naravali—ek ek karke sab bachcho ko bali vedi ke pass le aao…samay bahut kam hai….jaldi karo
Uske nishachar sevak uski baat maan kar ek ek bachche ko ghasit ghasit kar agni kund ke pass lane lage jisse unki bali di ja sake…vo chhote bachche bechare darr se rone lage
Sabhi bachcho ke pass ek ek nar pishach talwar lekar khada ho gaya….vo bas naravali ke adesh ka intazar kar rahe the bali chadhane ke liye
Naravali—main bali matra padh raha hu….main jaise hi agni kund me ahuti dalta jaunga...ek ek karke bali chadhate jana
Naravali bali mantra ka jaap karne laga…idhar main poori tarah se chetna shunya ho gaya tha….tabhi mere mashtisk me kuch logo ke rone bilakhane ke drishya dikhayi aur sunayi dene lage…halanki mujhe unka chehrea nazar nahi aa raha tha
Kisi aurat ko mandir me bhagwan ke samne rote huye dekha jo kisi rishi naam ke bachche ke liye unse vinti kar thi aur phir vo vahi behosh ho gayi
Phir ek ladki ka rone ka swar sunayi diya jo apne pyar ki raksha ke liye prarthana kar rahi thi….uske baad ek aurat bahut jor jor se apne bachche ke liye rote huye kisi se lad rahi thi
Mere kano me bahut se bachcho ke rone ke swar sunayi dene lage…..jo mujhse kah rahe hain ki mujhe bachao..mujhe maa ke paas jana hai
Unki matao ki rone ki awaze mere kano me goonj rahi thi….jo rah rah kar mujh se kah rahi thi..adii tumne hamare bachcho ko vapis loutane ka vada kiya hai….hamare bachcho ko sahi salamat bacha lo adiii
Unke rone bilakhne ki awaz itni tez goonj rahi thi mere kano me ki aisa lag raha tha jaise mere kaan ke parde phat jayenge…mere sar me asahniya dard hone laga
Aur main is dard se chhutkara pane me jab nakam raha to jor jor se chilla utha..’’nahiiiii’’……aur iske sath hi meri ankhe khul gayi
Ankhe khulte hi meri nazar jaise hi hath pairo me jakdi bediyo par gayi aur un masum bachcho ka khyal aaya to mere andar kroadh ka jwalamukhi phat pada
Gusse se ankhe ekdam lal ho gayi aur mera roop Pari lok ke maharaj me tabdil ho gaya…maine ek jhatke se un mayavi bediyo ko tod diya
Apne hath pair un lohe ki keelo se azad karne ke uprant maine vaha ki salakho ko tinke ki tarah todte huye bahar nikal aaya
Mujhe bahar nikalte dekh sabhi nar pishach meri oor bhage to jaise hi meri nazar un par gayi to meri ankho se aag ki kirne nikalne lagi..sabhi usme jalne lage…unke cheekhe goonjne lagi
Kuch hi der me vo sabhi jal kar raakh ka dher ban gaye…..idhar naravali ka mantra jaap khatam hua to usne bali ka ishara kar diya
Jaise hi uske nishachar ne ek bachche ki bali dene ke liye talwar upar uthayi…theek usi waqt uski hi gardan dhad se alag hokar agni kund me ja giri…..naravali ki tantrik kriya phir se khandit ho gayi
Apni kriya khandit hote dekh vo gusse me uth khada hua aur jaise hi vaise hi maine use utha kar niche patak diya aur uske samne visible ho gaya
Mujhe is roop me dekh kar uske hosh ud gaye…..vo apni jagah par se kaampte huye piche khisakne laga…lekin maine use bhagne ya phir se koi chalaki karne ka mouka nahi diya
Mai (jor se)—sab un bachcho se dur hat jao...warna marne ke liye taiyar ho jao
Naravali—a..a..p to mar chuke the.....phir jin..da ka.ise
Jab vo log bachcho ke paas se nahi hate to maine vahi khade khade apni ankho se nikalti aag ki lapto se unhe jala diya….jidhar bhi meri nazar ghumti vahi aag pakad leti
Mai—Mujhe dubara bolne ki adat bilkul bhi nahi hai aur badatmiz log bilkul pasand nahi hain
Vaha jitne bhi nishachar the sab us aag me jal kar bhasma hone lage…..charo taraf sirf unke chikhne ki awaz goonjane lagi….koi bhi mere paas aane ko taiyar nahi tha
Ye dekh kar naravali vaha se bhagne laga….lekin tabhi kisi ne use utha kar meri taraf patak diya...ye khatra tha jisne naravali ko patkani lagayi
Maine naravali ki kaid se azad hote hi sabko bandhan mukt kara diya tha…aur khatra ko unhe lekar aane ko bol kar sidhe yaha aa gaya tha
Mai—maine tujhse kaha na..mujhe badatmiz log bilkul pasand nahi hain…..tu shayad bhul gaya ki maine hi tere malik shaitan (devil) ko kaid kiya tha…aur aaj tu mujhe usi devil ki taqat ke dum par harana chahta hai
Naravali—mujhe koi nahi maar sakta….aap bhi nahi…hahahaha……aaaaaaaaaaaaahhhhaaa
Mai—mujhe dubara bolne ki adat bilkul nahi hai….maine kaha tha na ki badatmiz log mujhe bilkul bhi pasand nahi hain
Maine apni talwar utha kar uske chhati me dil ki jagah par aar paar kar diya aur use pair ki thokar se aag ke hawale kar diya
Naravali ke khatam hote hi main apne vartaman swaroop me aa gaya…..uske marte hi vaha ka tantra jaal bhi toot gaya….tab tak margret aur sona bhi aa gayi vaha
Dono bhag kar mere gale lag gayi……chitra door se hi khade mujhe dekh rahi thi….ab uski mukti ke liye bhi mujhe kuch to karna hoga
Maine sabhi bachcho ko bandhan mukt kiya…vo sab abhi bhi behad dare huye the aur ghayal bhi….maine apni power se unki halat sahi ki…ab tak subah bhi ho gayi thi
Mai—tum log daro mat bachcho….mai yaha tumhare liye liye hi aaya hu
Ek—maa ke pass jana hai
Mai—hum tumhe tumhari maa ke pass le jayenge beta......sona in bachcho ko sambhalo aur khatra tum apna ye huliya change karo...hamare jaise roop me aao
Khatra—jo hukum mere aaka
Sona aur margret ne un bachcho ko sambhalne lagi….main un sab ko lekar vaha se vapis lout chala….hum phir se vahi aa gaye us khooni nadi ke kinare
Khatra—malik te nadi ka tantra jaal abhi tak nahi toota
Mai—ha..khatra.....aur shayad isliye ki us shaitan ka putra hamare hath nahi laga....vo bach gaya hai
Sona—par vo to pahle hi mar gaya tha na
Mai—vo shaitan ka putra hai itna jaldi kaha marega…..jarur koi aur hi lafda hoga uska
Khatra—to use bhi kyo nahi khatam kar diya
Mai—abhi itna waqt nahi hai hamare pass……in bachcho ki jaan bachana pahle adhik avashyak hai
Sona—to iska matlab vo bhi abhi hamla karega
Mai—karega to jarur par abhi nahi kar sakta kuch
Sona—kyo.... ?
Mai—vo jo kuch bhi karega shaitan ke azad hone ke baad hi kar sakta hai....isliye abhi uske piche jane ka koi matlab nahi hai
Margret—ye nadi phir se mera khoon piyegi....mai to ise khoon pila pila kar hi mar jaungi
Mai—tu na muh band kar ke chup chap hi khadi rahna warna utha kar tujhe nadi me hi phek dunga....meri bahut badi sardardi khatam ho jayegi
Sona—itne sare bachcho ko lekar kaise paar kare.... ?
Mai—ek kaam karo…in bachcho ke sharir se khoon jo bahkar inke kapdo me laga hai na unhe nadi me phek do…aur inhe naye kapde pahna do…..ye nadi jab tak usi khoon ki khushbu me ulajh jayega tab tak hum yaha se nikal jayenge
Sona ne un bachcho ke kapde badal diye aur khoon me bhige unke kapdo ko nadi me phek diya…..maine bari bari se sabka khoon usme daal kar pahle wali jagah se hote huye dusri paar aa gaya
Margret ka khoon nikalne me phir se kadi mashakkat karni padi…..jab jor se usko daant fatkar lagayi tab kahi jakar mushkil se taiyar huyi
Nadi ke is paar aate hi maine us mani ki madad se tilismi darwaje se gujar kar sab ke sath sakushal nikaal gaon aa gaya…jaha abhi bhi vaisi hi shanti thi
Hum usi mandir me pahuch kar shani dev ko naman kiya…..budhiya maayi bhi hame vahi mil gayi….ham sab bachcho ke sath jinda dekh kar vo bahush khush huyi…maine uske pair chhukar uska ashirwad liya
Budhiya—tumhe sahi salamat dekh kar mai bahut khush hu beta
Mai—ye sab ka aur mujhe chahne walo ke ashirwwad ka parinam hai jo mai apne karya me safal raha aur apna vachan poora kar paya
Budhiya—tum bahut bahadur ho beta
Mai—aap mujhe kuch bata sakti hain ki in bachcho ka pariwar yaha se kaha gaya hai jisse main inhe unki maa tak pahucha saku
Budhiya—mai adhik to nahi janti kintu yaha se uttar disha me gaye the sabhi....vaha ke junglo me kuch kabilo ke pariwar rahte hain...ye sab pahle vahi ke rahne wale the....shayad vahi gaye ho
Mai—yaha se kitni doori par hoga vo jungle aur us kabile ka kuch naam agar gyat ho to batane ka kashta kare
Budhiya—mai sirf do hi kabilo ke naam janti hu ek utha aur dusra patak
Margret (jor se haste huye)—uthaaaa.... patakkkkk.....hihihihihi.....daal....nikaallll......hihihihihi
Margret utha patak naam sun kar kuch jyada hi has rahi thi to maine use utha kar vahi niche bistar par patak diya jisse uski cheekh nikal gayi
Mai—ab samajh aa gaya utha patak
Sona (dhire se)—adiiii....mujhe daallll...nikallll samjha do...jaise is aate ki bori ko utha patak samjhaya hai vaise hi
Mai—chup.....tere dimag me hardam vahi chalta rahta hai jab dekho
Margret—meri kamar....hiii...lagta hai toot gayi
Mai—achcha hai....mera picha to chhutega kisi tarah se
Budhiya—kyo daant rahe ho beta bechari bachchiyo ko
Mai—ye dono koi bechari nahi hain maayi ....ye aafat ki pudiya hain… (margret ki oor hath utha kar) aur is bewakoof ke chakkar me mai aaj marte marte bacha hu
Margret—aaahhh…..maine kya kiya hai…jo itna bhadak raha hai mujh par
Mai—kya kiya haiiii….?…jab tujhe maine mana kiya tha na ki mere paas us ghere ke andar mat aana chahe kuch bhi ho jaye to kyo aayi….?..tum dono ke chakkar me main bhi kaid ho gaya…pith me kitne kode khane pade par tumhe usse kya farak padta hai….
Margret—to mai kya karti…vo log itne bhayanak lag rahe the….agar mera khoon pi jate to mai mar jati na
Mai—tera khoon pine se tu marti ya na marti par vo jarur mar jate…unhe bhi tera khoon hazam nahi hota..... unhe bhi loose motion ho jata
Budhiya (haste huye)—ab chhod bhi de bechari ko...galti ho gayi usse
Mai—aap nahi janti maayi...jab se ye dono meri jindagi me aayi hai tab se meri khushiyo ko grahan lag gaya hai
Sona (kaan me)—to jaldi se mujh se shadi kar ke 10-12 bachcho ke baap ban jao mai tumhare piche bhagna chhod dungi….phir time hi nahi rahega...mai to kahti hu ki is kaam ke liye yahi sahi jagah hai...daal aur nikaallll
Mai (upar se niche tak ghurte huye)—kyaaaaaaa... ?..mujhe koi machine samajh liya hai tumne....kaha se mai inke beech phans gaya
Mai (jhallate huye)—ab tu bhi aa ja.....teri hi kami hai ab....pata nahi mere sath hi aisa kyo hota hai
Budhiya—ye udhar muh kar ke kisse baat kar rahe ho....hum sab to is taraf hain...?..udhar to koi nahi hai
Mai—hai na…ek chudail
Chudail ka naam sunte hi margret turant uth khadi huyi aur kud kar meri pith me chadh gayi...aur kas ke pich se hath daal kar meri gardab me apni baahe phasa li
Margret—chudailllll…..?...maine suna hai ye khoon piti hain....mujhe abhi nahi marna hai.....abhi to meri shadi bhi nahi huyi hai
Mai—ooyeee...ye kya kar rahi hai...chal utar niche....jab dekho tab nautanki....
Budhiya—beta koun chudail... ? yaha to koi nahi dikh raha hai...... ?
Mai—hai maayi....yaha ki Rajkumari Chitralekha......uski hi aatma bhatak rahi hai yaha par....uske hi darr se sab yaha se bhag gaye hain
Margret—phir to ye pakka mera kh.........
Mai (beech me hi)—chup….ab agar tune juban kholi to tujhe uske hawale kar dunga samjhi
Sona—to kya vo bhi hamare hi sath hai….?
Mai—haan ….aur ab vo bhi mujh se shadi karne ke piche pad gayi hai
Sab (chounk kar)—kyaaaaaaaa……?
Mai—haa
Margret—par ye aise kaise ho sakta hai…….?
Sona—haa…ye nahi ho sakta….hum nahi hone denge aisa
Abhi sona aur margret ne mana kiya hi tha ki chitra ne un dono ke pass jakar dono ko utha ke niche jamin me patak diya gusse se
Margret—adiiii…meri kamar
Sona—ye kisne dhakka diya mujhe
Mai—chitra ne…..shant ho jao chitra
Chitra (gusse se)—in dono ka mai khoon pi jaungi agar phir se meri shadi me aana kani ki to
Mai—mai baat kar raha hu na...bilkul apni jagah chup chap jakar khadi jao warna mujhe tumko kaid karna padega
Sona—ye to bahut khatarnak hai
Budhiya—maine suna to tha ki yaha ki rajkumari ka naam chitralekha tha jo behad khubsurat thi…….par ye to bahut purani baat hai…aur kya ye vahi hai….?
Mai—haa
Budhiya—par maine to suna tha ki vo swabhav ki bahut achchi thi to vo chudail kaise ban gayi….?
Mai—ab ye to pata nahi mujhe
Budhiya—par ye sha…….(margret aur sona ki abhi huyi halat dekh aage bolna band )
Mai—ab hame yaha se nikalna chahiye…maa ji aap bhi hamare sath chaliye
Sona—ha…chaliye na aap bhi
Budhiya—theek hai beti….jaisa tum log kaho
Margret—adii mai tere sath chalungi….tera hath pakad ke
Mai—kyo mai kahi bhag raha hu kya….?
Margret—nahi......par kahi phir se vo..chu........
Mai samajh gaya vo chitra se darr rahi hai.....isliye maine bhi baat ko aage nahi khicha aur khana pina se free hokar apna aage ka safar shuru kar diya
Hame chalte huye kafi samay ho chuka tha .....sab thak gaye the chalte huye to maine khatra ko vahi par rukne ka intazam karne ko kaha
Khatra ne turant hi vaha ek chhota sa ghar bana diya….hum sab vahi jake aram karne lage aur kuch der ke liye so gaye
Tabhi sote huye mujhe need me hi ek drishya meri ankho me dikhayi dene laga…..ek jagah bahut sare log baithe huye hain..ajib kapde pahne
Vaha ek bahut hi khubsurat ladki se 8-10 ladke jabardasti pakad ke lipte huye hain aur vo ladki apne apko unse kisi tarah chhudane ki koshish kar rahi thi….vaha baithe sabhi log ye dekh dekh kar khub has rahe the
Ankh lagte hi mere samne ek drishya ubhar aaya…..jisme ek jagah par bahut log kuch janwaro ki khal ke kapde lapet kar charo taraf baithe huye hain
Vahi beech me ek akhade ka maidan bana hua hai jaha par ek behad hasin husna ki malika khadi hokar apne charo oor ghum kar vaha baithe logo ka apni nazaro se avlokan kar rahi hai
Tabhi us bheed me se ek ladka jo majbut kad kathi ka dikh raha tha tha us ladki ke paas aa gaya…dono ke beech kuch bate huyi aur phir dono apas me bhid gaye
Us ladke ne us ladki ko kamar se pakad liya aur niche patakne ka prayas karne laga….lekin us ladki ne uske balo se pakad ke ghuma diya aur utha kar dur phek diya
Vo ladka apni jagah par hi chit hokar let gaya ye dekh kar dusra ladka usse ladne ke ke liye uske samne aa gaya… ab dono me dhar pakad chalu ho gayi
Sab ise me khoye huye the ki tabhi aas maan se koi jalti huyi cheez tezi se aakar us jungle me giri jisse vaha us jalne wali cheez ke girne se pedo me aag pakad li
Dhire dhire ye ye aag ek ped se dusre ped phir tisre.aise karte karte poore jungle ko apne ghere me lene lagi…. Vaha aag lagne se dhuwa ka tez gubbar uthne laga
Lekin aag lagne ki jagah kuch duri par thi jisse in logo ko is baat ka ehsaas nahi hua ki mrityu unki taraf tezi se apne kadam badha rahi hai
Vo sab to apne hi rang me mast the…..ladki ne us ladke ke pairo me apni taang phasa kar ek daav lagaya jisse vo ladka khud ko sambhal nahi paya aur niche gir gaya
Uske girne ke baad ek tisra ladka bheed me se nikal kar ladki ke samne aa gaya….aur dono me kushti chhan gayi…. Beech me ladke ne na jane us ladki kya kaha ki jisse vo bhadak kar gusse me aa gayi
Usne gusse me ladke ki gardan pakad ke jamin se upar utha liya aur phir vaha se dur phek diya....lekin ye ladayi yahi band nahi huyi us ladke ke girte hi agla maidan me aa gaya
Idhar vo aag prachand roop dharan kar chuki thi aur poore jungle ko apni kroadhagni se bhasma karti huyi un logo ki taraf tezi se badhne lagi
Ab aalam ye ho gaya tha ki vo ladki behad gusse me aa chuki thi to jo bhi ladka uske samne aata vo use kshan bhar me utha utha kar patakne lagi…ek ladke ka to usne hath hi tod diya
Idhar ye jungle ki agni vikral roop dharan kar ke sab ko apna graash bana rahi thi to udhar vo ladki gusse me apne samne aane wale har ladke ki haddiya tod rahi thi
Vo aag ab in logo se adhik door nahi thi..shighra hi inke paas tak pahuch jayegi jis raftar se vo aage badh rahi thi… meri ankhe yahi khul gayi
Main (mann me)—mujhe is aag ko rokna hoga…nahi to sab usme jal kar bhasma ho jayenge….mujhe turant hi vaha jana hoga us aag ko bujhane ke liye
Ye mann me khyal aate hi maine khatra ko vaha ka dhyan rakhne ko bol kar turant us aag vali jagah ko yaad kiya aur apni jagah se adrishya ho gaya
Apni jagah se adrishya hokar main sidhe us jungle me aag wali jagah par aa gaya….maine turant apni ankhe band kar ke jal tatva ka smaran kiya
Aur phir vaha par..kuch hi pal me mere hatho se pani ki tez dhar nikalne lagi….aag ka vartaman swaroop kafi ugra ho chuka tha jisse use bujhane me bahut pareshani ho rahi thi
Maine sabse pahle use aage badhne se rokne ka soch vaha pani ki bouchhar karne laga…ek hi jagah par itni tez barish hone se agni dheemi padne lagi aur uska ugra roop shanaih shanaih shant hone laga
Shant hote hote vo bujhne lagi to maine ab sab taraf jal vrishti shuru kar di jisse dhire dhire use bhujhane me mujhe kamyabi milne lagi
Udhar bhale hi us agni ka ugra roop shant hone laga ho parantu idhar us ladki ke ugrata me koi kami nahi aayi thi balki uske ulat vo aur bhi gusse me aa chuki thi
Abhi bhi ek ke baad ek ladke usse bhidne ke liye maidan me utarte ja rahe the kintu ab unme se koi bhi do minute se adhik uske samne tik nahi pa raha tha
Maine jab poori aag thandi ho gayi to vapis jane ke mud gaya to mere kano me kuch logo ki awaze goonjne lagi to mai jigyasa vash usi disha me agrasar ho gaya
Mai jaise hi vaha pahucha to dekha ki ye to vahi jagah hai…mai bhi koutuhal me aakar uski ye fight vahi ruk kar dekhne laga
Jab koi bhi ladka usse akele nahi jeet paya to 8-10 ladke ek sath uske upar toot pade….kisi jonk ki bhanti use charo taraf se jakad liya aur ladki ko apne kabu me karne ki koshish karne lage
Ladki apni taraf se poori koshish me lag gayi kisi tarah khud ko unke changul se chhudane ki…. Lekin itne ladko se khud ko azad kara pana itna asan kaam nahi tha
Vo ladki bahut gusse me dikh rahi thi…usne kisi tarah se apna ek hath unse chhudaya aur phir ek ladke ke gaalo me chatttakkk se jad diya…vo ladka ladkhadate huye niche gir gaya
Phir kya tha jaise hi un ladko ka thoda sa dhyan bhang hua to us ladki ne un sab ko utha utha kar patakna chalu kar diya..unke hath pair todne lagi
Jisse unki dard bhari cheekhe vaha goonjne lagi….main chup chap adrishya hokar ye nazara dekh raha tha….vo ladki itne gusse me thi ki un sabhi ladko ke girne ke bavjud bhi unhe patakani lagaye ja rahi thi
Sabhi use shant hone ko chilla rahe the lekin vo kisi ki bhi sunne ko taiyar nahi thi….mujhe ye dekh kar laga ki agar ise roka nahi gaya to ye in sab ko jaan se hi maar degi aise patak patak kar
Main turant visible hokar uske paas pahuch kar us ladki ko kamar se kas ke pakad liya….vo gusse me mujhe utha ke patakne ki koshish karne lagi aur ek jagah to usne kaat liya
Ye dekh mera dimag jhun jhuna gaya...maine gusse se use ghuma ke apne se door phenk diya....vo jakar niche jamin me giri…mai thodi der use vahi khada hoke ghurne laga
Vo ladki uth kar phir mere paas aayi to maine phir se usko utha ke vahi patak diya….is baar vo mushkil se khadi ho payi…aur dono hath jod liye
Use hath jodte dekh main shant ho gaya aur vaha se nikal kar jane laga tabhi vo ladki bhag kar aayi aur mere pairo me jhuk ke baith gayi….mujhe badi hairani huyi uske aisa karne se
Mai (hairan hokar)—ye kya kar rahi ho tum…utho..chhodo mere pair…
Ladki—nahi…mai in pairo ko nahi chhod sakti...aaj se meri jagah yahi hai
Mai—kya matlab…..?
Ladki—aaj se aap mere pati parmeshwar hain aur main apki patni
Mai (shocked)—kyaaaa.... ?
‘’Ye sach hai beta....tumne meri putri ko uske swayambar ke dangal me hara kar jeeta hai….ab aaj se tum hi iske pati ho’’....us bheed me se kisi ne kaha jo shayad uska baap hoga
Main to ye swayambar ka naam sunte hi hairan ho gaya ki ye is ladki ke swayambar ka dangal chal raha tha aur maine jabran beech me apni taang ghusa di
Mai (shocked)—aisa kuch nahi hai…ye sarasar cheating hai…?..dhokha hai mere sath..?..mujhe ulta sidha vision dikha kar jabardasti phasaya gaya hai…..mai is shadi ko nahi manta …
Ladki—agar aap mujhe swikar nahi karenge to mai yahi apni jaan de dungi…maine tan mann se apko apna pati parmeshwar maan liya hai…
Mai (chid kar)—aise kaise raah chalte kisi ko pati maan liya…?..mai is shadi ko nahi manunga
Ladki ka baap—ye hamare yaha ka riwaz hai..ki jab ladki vivah ke yogya ho jati hai to jo bhi ladka use dangal me hara deta hai vahi uska pati hota hai…aur agar koi na hara paye to vo aajivan kuwari rahti hai…yahi hamare kabile ka swayambar kahlata hai
Ladki ka baap—aur aaj meri putri agni ka swyambar ho raha tha….jise tumne jeeta hai…ab meri putri tumhari patni hai..tumhe usko apnana hi hoga
Mai—kyo apnana hoga…ek to tum sab ne mere sath cheating ki aur ab jabardasti apni is pahalwan ladki ko mere gale me phansi ka fanda bana rahe ho
Ladki (agni)—to theek hai..mera antim sanskar hi kar dijiye ab…mai isi waqt apne pran tyagne ko taiyar hu
Mai (mann me)—maine kitni baar socha ki beta kisi ka kalyan mat kar…ye jamana ulta hai...mere sath hi aksar aisa kyo hota hai...kisi ka kalyan karne ke badle me dhan daulat milti hai aur mujhe har baar ek ladki....maa to mujhe ghar me hi ghusne nahi degi..aur sona aur margret se kya kahunga... ?..mai yaha se chup chap adrishya hoke khisak leta hu..yahi theek rahega
Mai—kyo apnana hoga…ek to tum sab ne mere sath cheating ki aur ab jabardasti apni is pahalwan ladki ko mere gale me phansi ka fanda bana rahe ho
Ladki (agni)—to theek hai..mera antim sanskar hi kar dijiye ab…mai isi waqt apne pran tyagne ko taiyar hu
Mai (mann me)—maine kitni baar socha ki beta kisi ka kalyan mat kar…ye jamana ulta hai...mere sath hi aksar aisa kyo hota hai...kisi ka kalyan karne ke badle me dhan daulat milti hai aur mujhe har baar ek ladki....maa to mujhe ghar me hi ghusne nahi degi..aur sona aur margret se kya kahunga... ?..mai yaha se chup chap adrishya hoke khisak leta hu..yahi theek rahega
Ab aage………..
Mai ye soch kar turant hi vaha se adrishya hokar apni jagah par aa gaya…..jaha margret jaag chuki thi aur khatra se mere baare me puch tachh karne me lagi huyi thi….mujhe dekhte hi bhag kar mere paas aa gayi
Margret—kaha gaye the……? Agar yaha mujhe kuch ho jata to…..?
Mai—mera dimag kharab mat kar…..pahle se vaise hi bahut kharab hai....chup chap so ja...
Margret—mai tumhari biwi hu ...mujhe janne ka poora haq hai
Mai—biwi bani nahi ho abhi samjhi....aur tumhe kya hona hai.....jo hoga vo mera hoga
Margret—to maine kab kaha ki kisi dusre ka hoga...ye to common sense ki baat hai...ki jab biwi tumhari banugi to bachcha bhi to tumhara hi hoga na....buddhu kahi ka
Mai (shock)—bachchaaaaaa..... ?...(mann me) arey baap re ye to abhi se bachche ka sochne lagi….lagta hai ye sab mil ke mujhe nipta dengi
Margret—ab jaldi se batao..kaha gaye the..... ?
Mai—agni ke paas.....tumhe bhi jana hai
Margret—na....na...mujhe aag se bahut darr lagta hai
Mai—ab mera bheja mat kha.....mujhe thodi der so lene de
Mai chup chap ankhe band kar ke let gaya.....raat bhar ka thaka hua tha jisse jaldi hi need ki agosh me chala gaya... shaam ko sona ke uthane se meri need tooti...
Tab tak sabhi bachche bhi uth chuke the.....sona aur margret unhe khana khila rahi thi.....ye dekh kar mann ko kuch santosh hua ki chalo kahi to in dono ne koi sarahniya kaam kiya warna baki samay to mere liye hi ek na ek nayi musibat khadi karti rahti hain
Chitra—mujhe bhi bhookh lagi hai.....tumhi bata do kis ko khau...... ?
Mai—whattt.... ? kisko khau matlab....pagal ho gayi ho....sochna bhi mat aisa vaisa
Chitra—tabhi to tumse puch rahi hu.....jaise tum in dono ke hone wale pati ho vaise mere bhi ho....ye dono har kaam tumse puch ke karti hain isliye maine bhi pucha nahi to ab in dono ko hi kha leti tumhare aane tak
Mai—tumhara dimag to kharab nahi ho gaya...jo baar baar pati pati ki rat lagaye baithi ho.....pati na hua bazar me thok me bikne wali cheez ho gayi.....jisko dekho vahi pati pati ki mala jap raha hai
Sona—kya hua....yaha akele me kis par chilla rahe ho..... ?
Mai—apne aap par....kyo nahi chilla sakta khud par bhi.... ?
Sona—tum kyo taklif le rahe ho...mujhe kah dete to ye kaam mai kar deti
Mai—chal bhag tu bhi yaha se
Budhiya—beta aage kab chalna hai..... ?
Mai—raste me koi khatra to nahi hai..... ?
Budhiya—pahle to nahi tha....
Mai—theek hai…agar sab bachcho ne kha pi liya ho to hum abhi aage chalna shuru karenge
Sona—ok..sab ready hain
Mai—theek hai….chalo
Hum is baar bilkul fresh ho gaye the jisse jaldi hi rawana ho liye apne gantavya sthan ki oor….khatra ne sabhi ke liye ek gadi ka intazam kar diya tha jisse kisi ko paidal bhi nahi chalna pada….raste me chalte huye jab hum bahut door nikal aaye to mujhe vaha kuch gaon dikhayi diye to maine khatra ko vaha rukne ko kaha
Hum jaise hi gaon me pahuche to sabhi gaon wale hamari gadi ko dekh kar bhagte huye paas me aa gaye…shayad un logo ne apni life me aisi gadi pahli baar dekhi thi kyon ki unke dekhne se to yahi pratit ho raha tha
Mai—kya aap log mujhe batayenge ki ye utha patak gaon yaha se kitni dur hai……?
Ek admi—babu....yahi hai utha patak gaon....kaho kiske ghar jana hai.... ?
Mai—hame kisi ke ghar nahi jana hai bhai....aur kya aap mujhe batayenge ki is gon me daal aur nikaal gaon ke log bhi rahte hain kya....... ?
Daal aur nikaal gaon ka naam sunte hi jaise sab ko saamp soongh gaya....sab ke sab aise vaha se bhage jaise gadhe ke sar se seeng...
Mai—arey bhai meri baat ka jawab to dete jaoooooo
Sab (bhagte huye)—bhago jaldi se…..shaitan ne hame khoj liya…vo yaha bhi aa gaya…..sab ko maar dega….bhago jaldi se
Mai unhe chilla chilla kar awaz lagata raha lekin koi meri baat tak sunne ko taiyar nahi tha…..vo sab itna jyada darr jayenge un gaon ka naam sunte hi mujhe bilkul bhi andesha nahi tha
Mai chalte huye gaon ke beech me aa gaya….gaon me lagbhag 1000 ke aas paas ghar dikh rahe the…maine jakar har ek ke ghar ke darwaje ki kundi khat khatane laga
Magar kisi ki chu tak karne ki awaz nahi aa rahi thi…..poora gaon hi pal bhar me sun san dikhayi dene laga….sab apne apne gharo me chhup ke baith gaye the
Margret—kya hua ye sab bhag kyo gaye…..?
Mai—lagta hai tumhe dekh liya hoga….
Margret—kya kaha.... ?
Mai—kuch nahi
Sona—ab kya karenge hum.... ?
Mai abhi kuch bolne hi ja raha tha ki tabhi mujhe apni taraf do char log aate huye dikhe...jo age me kafi vriddh the...meri taraf aakar vo kuch duri par hi ruk gaye
Ek buddha—ab kyo hamare bachcho ke piche pade ho.... ? sab ko to tum logo ne maar kha liya…do char bache hain kam se kam unhe to jinda rahne do…chaho to mujhe khakar apni bhookh mita lo
Mai—dekhiye baba…lagta hai apko koi galat fahmi huyi hai….mujhe to yahi samajh nahi aaya ki sab yaha se bhag kyo gaye….?
Buddha—kyon ki tum shaitan ho ya phir uska hi koi numainda…jo hamare nanhe bachcho ki jaan ke dushman ban gaye ho
Mai—mai aap logo ka dushman nahi balki dost hu
Buddha—chup raho....apni gandi juban se khud ko hamara dost mat kaho.....hamare hi bachcho ka khoon chus kar apne aap ko hamara dost kahte ho
Budhiya (beech me jor se)—lakkhaaaaaaa......apni juban ko lagam do...tum jante bhi ho ki tum kise aur kya kah rahe ho..... ?
Buddha (chounk kar)—dhaniyaaaaa....tum aur inke sath..... ? lagta hai tumhe bhi in logo ne apne jadu se vash me kar liya hai
Budhiya—mujhe kisi ne vash me nahi kiya hai......tum jise bhala bura kah rahe ho ussi devta ne apni jaan ki parwah kiye bina tumhare bachcho ko us shaitan ke changul se chhudane ke liye mout se bhi lad gaya lekin phir bhi bachcho par aanch tak nahi aane di...aur tum log usse hi apshabd kah kar uske is balidan ka apman kar rahe ho
Sab (shocked)—kyaaaa hamare bachche .... ?…kaha hain hamare bachche….?
Maine sona ki oor dekha to vo mera ishara samajh kar un bachcho ko gadi nikaal kar bahar le aayi…ek bachcha unme se us buddhe ka pota tha jo dekhte hi bhag kar uske gale se lag gaya
Un charo ki ankho se anshu nikal aaye aur sab bhagte huye poore gaon me dhindhora peet aaye is baat ka… phir kya tha agle hi pal vaha kohram mach gaya
Un bachcho ke parijan..khas kar unki maaon ki halat dekh kar mujhe bhi mummy ki yaad aa gayi….vo sab ek dam pagal si hokar girte padte bhagti huyi aakar apne apne bachcho ko kaleje se lagakar jor jor se rone lagi…vo chhote chhote bachche bhi itni bheed me doud kar apni apni maa ko pahchan kar unke gale se lipat gaye
Bada hi hriday vidarak darun drishya umad aaya tha vaha par….koi patthar dil insan bhi agar us samay un maa beto ka milan is prakar dekh leta to nishchit hi uska hriday bhi avashya hi pighal jata….kisi ne sach hi kaha hai
Mohabbat ko kisi juban ki jarurat nahi hoti,
Ye to ek ehsaas hai jo khud ba khud mahsus ho jayega
Yakin na ho to mele ki bheed me khada kar do kisi chhote se masum bachche ko
Hazaro ki bheed me bhi vo apni maa ko pahchan jayega
Bahut der tak unka rona dhona chalta raha….hum sab ke hriday ye drishya dekh kar bhavuk ho gaye the… maine un maa beto ke milan ke beech me kuch bhi bolna theek nahi samjha
Jab unka rona dhona kuch kam hua to sab ka dhyan hamari oor gaya….sab mere pairo me lotne lage aur dhanyavad karne lage
Mai—aap log mere pair chhodiye
Ek—nahi aap hamare bachcho ki zindagi me farishta ban kar aaye ho…hum sab poori zindagi apki gulami kare to bhi ye karz nahi utar sakte
Dusra—aapne hame nayi zindgi di hai
Mai—maine jo bhi kiya vo mera farz tha.....ab aap log mujhe ijajat de
Tisra—nahi hum apko aise nahi jane denge....aap ko aaj yaha rukna hi hoga
Ek aurat—ek maa ki vinti man kar ruk jaiye….mai apke hath jodti hu
Mai—theek hai…mai aaj rukne ko taiyar hu...lekin mujhe kal subah jana hoga
Aurat—jaisi apki ichchha …kintu aaj apko rukna hi hoga
Main unki baat nahi taal saka....un logo ne hamare baithne ke liye apne gharo se khatiya le aaye….sharbat aur nasta me phal vagairah aur kuch pakwan jo bhi tha lekar aa gaye
Nasta aur pakwan behad swadishta tha….margret aur sona sab ko poori story un aurato ke beech baith kar suna rahi thi…maine abhi kuch hi pakwan khaye honge ki kisi ne mujhe kisi ne pani pakdaya…mujhe uski awaz kuch jani pahchani lagi to maine uski taraf nazare utha kedekha
Use dekhte hi mere gale ke andar ja raha pakwan beech me hi phans gaya….joro se hichki aane lagi aur main hichki lete huye phir se apni kismat ko kosne laga
Main unki baat nahi taal saka....un logo ne hamare baithne ke liye apne gharo se khatiya le aaye….sharbat aur nasta me phal vagairah aur kuch pakwan jo bhi tha lekar aa gaye
Nasta aur pakwan behad swadishta tha….margret aur sona sab ko poori story un aurato ke beech baith kar suna rahi thi…maine abhi kuch hi pakwan khaye honge ki kisi ne mujhe kisi ne pani pakdaya…mujhe uski awaz kuch jani pahchani lagi to maine uski taraf nazare utha kedekha
Use dekhte hi mere gale ke andar ja raha pakwan beech me hi phans gaya….joro se hichki aane lagi aur main hichki lete huye phir se apni kismat ko kosne laga
Ab aage………
Maine us jani pahchani awaz wale chehre ko dekhte hi bhauchakka rah gaya….kyon ki mujhe pani dene wali aur koi nahi balki vahi ladki agni thi jisse pichha chhudane ke liye bach kar mai jungle se bhag gaya tha
Magar mujhe kya pata tha ki vo mujhe yaha aane par bhi mil jayegi…mai ab apni kismat ko siway kosne ke aur kar bhi kya sakta tha
Mai (mann me)—ye yaha kya kar rahi hai…..? kahi ye iska hi to gaon nahi hai.... ? ya sirf bachcho ki khabar sun kar yaha akasmat aa gayi ho….? Jo bhi ho isne apni nazare niche jhuka rakhi hain…ho sakta hai ki shayad isne abhi mujhe dekha na ho…..mujhe is mouke ka fayda uthana chahiye……mai yaha se fauran gayab ho jata hu….ha..yahi theek rahega…mai gayab ho jata hu
Bas ye khyal mann me aate hi main turant vaha se uth kar doud laga diya aur jakar gadi ke andar ghus gaya....mere aise achanak vaha se uth kar jane se sabhi hairan rah gaye
Sona—ye adi ko kya hua…bhag kyo gaya….?
Margret—chal chalkar dekhte hain….nahi to kahi akele kisi naye mission par na bhag jaye wo hame yaha chhedkar….?
Sona—ha..chal dekhte hain
Ek ladka—ye to vahi hain jinhone aaj agni ko akhade me haraya tha…
Sab—kyaaaa….?
Ye sunte hi agni ne choun kar turant apni nigahe upar kar li…..aur pani ka bartan vahi rakh kar gadi ki taraf bhagne lagi aur uske piche piche baki gaon wale bhi
Main sab ko apni taraf bhagte dekh hairan aur pareshan dono gaya…..samajh me nahi aa raha tha ki kya karu to main vaha se adrishya hone laga magar haye re meri buri kismat lakh koshish karne ke bavjud bhimai gayab nahi ho pa raha tha
Mai ab pareshan ho gaya…vo sab mere bilkul najdik aa chuke the….koi aur tarika na sujhte dekh main gadi ki seat ke niche jaldi se ghus gaya
Tab tak sabhi gadi ke paas aa gaye….gate khol kar andar taaka jhaki karne lage….magar main unhe nazar nahi aaya…to agni mayus ho gayi
Margret—lagta hai adi phir se kisi mission par bina bataye chala gaya
Sona—mujhe bhi yahi lagta hai
Mai (ye sun khush hoke mann me)—hihihi....lagta hai in logo ne mujhe nahi dekha....aaj to bach gaya...nahi to is shakti ne to meri aisi taisi kara hi di thi
Vahi ladka—mujhe abhi gadi me seat ke niche kuch dikha......shayad koi chhupa hai vaha
Mai (mann me)—mc..teri gaand me bade bade kide pade..bhsdk...hath pair dhoke mere piche hi pad gaya ye to...pata nahi kis janam ka badla le raha hai.....sale bahar aake teri gaand me vimal bhar ke kisi mote dande se aisa kutunga ki hamesha bathroom karte samay tere muh se bas ‘’Bolo Juban Kesari’’ hi niklega
Us ladke ki baat sun kar sona aur margret turant seat ke niche dekhne lagi jaha main chhupa hua tha.....mujhe vaha ghuse dekh kar dono apni ankhe badi badi karke mujhe ghurne lagi
Sona—adi...yaha kya kar rahe ho….? Chalo bahar aao
Margret—jaldi bahar aao
Mai (mann me)—maine chitra ko in dono ka khoon pine se roka kar khud apne hi pair me kulhadi maar li…. Hamesha bachane ki jagah ulta mujhe musibat me phasa deti hain ye dono
Margret—adi bahar niklo jaldi se
Budhiya—beta kya hua tum aise bhag kar vaha kyo chhup gaye..... ?
Mai (jhuth)—nahi...nahi..mai chhupa nahi tha....achanak mujhe yaad aaya ki maine neela patthar kaha gira diya bas vahi khoj raha tha
Main ab kuch nahi kar sakta tha to bahar nikal aaya chup chap…sab mujhe hi dekhe ja rahe the….magar tabhi agni bhag kar mere pairo me lipat gayi
Agni—aap mujhse bhag rahe hain…akhir kyo….?..meri galti kya hai…agar main apko pasand nahi to mujhe jaan se maar dijiye
Sona (shock)—ye pair chhod adi ka….aur ye kya ulta sidha bakwas kiye ja rahi hai….?
Margret—chhod jaldi se….vo mere pati hain…
Sona—mere bhi
Agni—vo mere bhi pati hain
Sona/margret (shocked)—kyaaaaa…..?
Sona (gusse me)—adiiii….tumne iske sath aate hi apna muh kala kar liya ….?
Mai—aisa kuch nahi hai…ye sab jhuth hai…mai to is ladki ko janta tak nahi
Vahi ladka—ye vahi ladki hai jise aapne aaj swayamvar me jeeta tha
Mai (mann me)—tujhe beech me bolna jaruri hai kya….?
Margret—(hairan) swayamvar…..?
Sona—kaisa swayamvar…..?
Agni ka baap—mai batata hu beti…
Dono—ha..ha batao...sach kya hai... ?
Agni ka baap—mera naam kanchuki hai...mai is ladki (agni) ka pita hu.....vivah ke kayi varsh pashchat bhi jab hamare koi santan nahi huyi to hum bahut nirash ho gaye the...ek baar ek mahatma yaha kuch samay ke liye ruke to maine apni patni ke sath unhe apni dukh bhari kahani sunayi
To unhone meri baat sunne ke baad kuch der tak apni ankhe band kar ke kuch dekhte rahe phir unhone kaha
Mahatma—tum dono ke bhagya me santan sukh nahi hai….kintu tumhe nirash hone ki koi awashyakta nahi hai… mai santan yagya kar ke tumhe santan sukh dilwa sakta hu
Unki baat sun kar hame apaar harsh hua…hamne turant yagya ke liye ha kar di……uske agle din un mahatma ne yagya karna aarambh kiya
Poora din yagya karne ke baad yagya ke agni kund se ek chhoti bachchi nikal ke bahar aayi….jise mahatma ne hamare hatho me dete huye kaha
Mahatma—aaj se yahi tumhari santan hai…kyon ki ye yagya ke agni kund se uttapann huyi hai isliye is kanya ka naam agni hoga….yah param tejashwini aur veerangana hogi….kintu
Kanchuki—kintu kya mahatma ji…?
Mahatma—agni se paida hone ke karan iske andar kroadh atyadhik hoga….kroadh had se jyada ho jane par ye bekabu ho jayegi…us samay kisi ko bhi apni kroadhagni se jala kar raakh kar sakti hai
Kanchuki—kya iska koi upay nahi hai….?
Mahatma—kewal iska pati hi isko kabu me kar sakta hai….lekin iska vivah uske sath hi hona sambhav hai jo isse bhi adhik veer ho
Agni ki maa—ye hame pata kaise chalega ki koun jyada veer hai….?
Mahatma—yumhare gaon ka vivah ka jo rivaz hai uske dwara hi malum chal jayega…..iske vivah ke akhade ke swayamvar me jo isko parajit kar dega vahi iska pati hoga aur isse adhik veer bhi hoga
Agni dhire dhire badi hone lagi….hum hamesha use ladayi jhagde se dur hi rakhte the…lekin jab kabhi bhi usko gussa jyada aa jata to jungle me aag lag jati thi….aadha jungle to iske gusse ki vajah se khakh ho gaya
Aaj agni ke vivah ka swayamvar chal raha tha…..jab un ladko me se koi nahi jeet paya to un logo niyam ka ullanghan kar ke ek sath agni se bhid gaye tabhi aap aa gaye aur ek pal me hi agni ko hara diya aapne.... ab aap hi meri beti agni ke pati hain
Margret—achcha ab samjhi….. tabhi tum dophar me hame akela sote huye chhod kar yaha swayamvar jeetne chup chap bhag aaye the….?
Sona (ghurte huye)—hum dono se mann nahi bharta kya tumhara jo abhi bhi biwi kam pad rahi hain….?
Mai—ye sarasar cheating hai….mai ise shadi nahi maan sakta….
Kanchuki—beta ye koi dagabazi nahi hai....balki yahi satya hai ki agni ab apki patni ban chuki hai
Mai—aise kaise koi bhi meri patni ban jayegi....agar iska swayamvar ho raha tha to vaha koi board me likha hua kyo nahi tha ki agni swayamvar samaroh.....ye cheating nahi to kya hai.... ? hamare yaha shadi hoti hai to barat nikalti hai band baje ke sath...charo taraf sajawat hoti hai...har jagah ladki aur ladke ka naam likha hota hai cards aur banner par...
Margret—ha..ye to sahi baat hai
Mai—mai to bas is jungle me bheesan aag lagi huyi thi usko bujhane aaya tha….lekin loutne time jab maine dekha ki ye ladki ek ladke ki gardan pakde huye hai…to maine us ladke ko bachane ke liye isko dhakka diya tha….ab sab batao ye shadi kaise huyi..kab huyi…..?
Ek buddha—hamare yaha to isi tarah se shadi hoti hai beta…aur ek baar jo kisi ladki ko swayamvar me jeet leta hai vahi uska pati hota hai
Vahi ladka—haan…aur agar us ladke ne ladki ko aswikar kar diya to us ladki ko turant hi atma hatya karni hoti hai…yahi hamare gaon ka niyam hai
Kanchuki—beta meri beti ko apna lo….nahi to usko bhi aaj atma hatya karni padegi
Margret (gusse me)—aise kaise swikar kar le usko apni patni……
Sona—adi sahi bol raha hai....hum dono hain uski patni
Ye sun kar chitra ne ek baar phir se dono ko utha kar vahi patak diya....shayad usko hum dono sun kar gussa aa gaya tha
Dono (karahte huye)—adii...hame is chudail se bachao...
Agni (rote huye)—agar aap mujhe apnana nahi chahte to theek hai...meri chita ko aag to kam se kam jarur de dena
Ye kah kar vo tezi se bhagi vaha se rote huye apne ghar ki taraf...mai to use dekhte hi dang rah gaya...ki kaisa system hai is gaon ka....margret aur sona mujhe ulahna dene me lagi huyi thi jaise maine sab jaan bujh kar ye sab kiya ho
Mai—ab agar ek shabd bhi muh se nikla na to tum dono ko bhi hamesha ke liye chhod dunga...samajh aaya.. tum dono ko bhi mai apni biwi nahi samajhta
Dono—nahi..nahi...hum ab kuch nahi bolenge...aisa mat karna
Abhi usko gaye huye kuch hi der huye honge ki vahi ladka bhagta hua aaya aur kahne laga ki agni ne apne hath ki nas kaat li hai...uski halat bahut najuk hai
Hum turant bhag kar vaha pahuche...jaha agni niche besudh padi huyi thi...uske dono hatho se khoon bah raha tha...maine sab ko vaha se hata kar apni power se khoon ka bahav roka...
Dhire dhire uska jakhma bharne laga....mere paas ab koi aur chara nahi bacha tha......hosh me aate hi jab usne apne apko meri god me dekha to rote huye mujhse lipat gayi
Mai—ab ye rona band karo....lekin ye yaad rakhna ki tum akele meri biwi nahi ho....aur bhi hain meri jindagi me
Agni—mujhe koi aitaraz nahi hai
Mai—theek hai to phir chalne ki taiyari karo
Humne ghar jane ka faisla kar liya...lekin mujhe kya pata tha ki ghar me ek nayi musibat mera intazar pahle se hi kar rahi hai
Raat me hum sab usi gaon me ruke...logo ke bahut aagrah karne par...raat me vaha utsav jaisa mahaul ban gaya tha...sona aur margret ko bhi maine agni ke liye samjha diya tha...lekin kutte ki puchh kabhi sidhi huyi hai kya... theek vaisa hi inka tha ek aurat apni soutan ko asani se accept nahi karti
Mai—ye gaon ka naam utha patak kyo hai.... ?
Ek admi—kyon ki yaha har baat ka faisla utha patak se hi hota hai...chahe vo vivah ka ho ya phir koi aur masla
Sona—ajib niyam hain yaha ke aur bade vichitra naam vale gaon dekhne ko mil rahe hain
Agni ka baap—beta hum tumhare bahut abhari hain...tumne is gaon ke logo ko ek naya jeevan diya hai..ye upkar hum kabhi nahi bhula sakte
Mai—ye koi upkar nahi hai...ye mera farz tha jo maine poora kiya hai
Agni ki maa—beta meri beti ka khyal rakhna....uska gussa ab tum hi kabu kar sakte ho....bade nazo se pala hai maine agni ko
Mai—aap nishchint rahe....
Margret—ha...aap chinta na kare....ab inki teen biwi ho gayi.....aaaaaaaahhhhh...adiiiii
Hua ye ki margret ne jaise hi teen biwi kaha to chitra ne use utha ke jamin me patak diya....maine use uthaya jakar aur chitra ko piche kiya
Margret—adi is chudail....nahi nahi....chudail nahi...kya pata chudail kahne par phir patak de....main to aise hi mar jaungi iske baar baar patakne se hi....adi tum chitra ko samjhao na...aisa na kare
Raat me kafi der tak jagne ke baad hum sabhi so gaye....sone se pahle maine chitra ko kah diya tha ki hamare sone ke baad kisi ko nipta mat dena
Subah meri need jaldi khul gayi to main jungle ke andar jakar dhyan me baith gaya...aur dhyan me hi gurudev ka ahvahan karne laga….thodi der me jaise hi mai dhyan me magn hua to gurudev ne mujhe dhyan mudra me darshan diye
Gurudev—mujhe kaise yaad kiya aaj putra
Mai—pranam gurudev
Gurudev—sada kalyan ho
Mai—vo to jab se shaktiya mili hain tab se ho hi raha hai
Gurudev—inse nirash mat ho putra
Mai—to kya karu gurudev…pahle to jinda log meri patni banne ke liye piche aati thi ab to murde bhi khwab dekhne lage hain…kuch din baad kutte billi bhi na line me lag jaye….ab bhi isko kalyan hona kahenge aap….?
Gurudev—hahaha….tum nirash na ho…sab theek ho jayega…..vaise tumne mujhe kyo yaad kiya tha putra
Mai—gurudev mai chitra ko chudail yoni se mukti dilana chahta hu….usi sandarbh me puchhne ke liye apko yaad kiya hai maine
Gurudev—ye to bahut hi achchha socha hai tumne…..kintu kisi bhi kaam ko karne se pahle uska itihas janna avashyak hota hai putra
Mai—mujhe uska itihas kaha se milega gurudev….?
Gurudev—usi gaon se…jaha se chitra tumhe mili hai….kintu uski mukti me abhi samay hai
Mai—mai samjha nahi gurudev….kaise hogi uski mukti
Gurudev—uski mukti ke liye tumhare rakta ki kuch boonde kafi hain....tumhe uski ashthiyo par apna khoon girana hoga usse hi chitra ki mukti hogi
Mai—iska matlab mujhe pahle vo jagah khojni hogi jaha usko dafnaya gaya hai
Gurudev—ha...kintu ye kaam itna asan nahi hai....ye kafi jiddi aur bigdi huyi ruh hai.....itni shighrata se tumhara pichha nahi chhodegi khas kar jabki uske dil me tumhari biwi banne ki khwahish janam le chuki hai
Mai—to ab aap hi mujhe sahi rasta dikhaye gurudev ki mai kya karu..... ?
Gurudev—agle mahine ki amavashya ko usi gaon me jakar uski ashthiya talash karna aur phir unke upar apne khoon ki kuch boonde gira dena...isse vo chahe ya na chahe use mukta hona hi padega tatpashchat uska daah sanskar kar dena
Mai—theek hai gurudev
Gurudev—kintu is baat ka khyal rakhna putra...ki ye sab bahut hi mushkil aur jokhim bhara kaam bhi ho sakta hai tumhare marg me bahut si rukawate ayengi..tumhe un par vijay pana hoga aur sabse pahle vaha ka itihas janna hoga vo bhi usi din madhya ratri tak
Mai—jaisi apki agya gurudev
Gurudev—tumhara kalyan ho
Gurudev ke antardhyan hote hi mai bhi dhyan se bahar aa gaya....aur sab ke pass lout aaya...jaha sabhi mujhe hi talash karne nikalne wale the
Sona—kaha chale gaye the....pata hai hum kitna pareshan ho gaye the.... ?
Mai—kahi nahi tahalne gaya tha
Khatra—hame kab nikalna hai yaha se malik
Mai—arey yaar ek to tum mujhe ye malik na kaha karo..samjhe
Khatra—jaisa aap kahe
Hum sab fresh hone aur nasta karne ke baad chalne ke liye ready ho gaye....poore gaon wale vahi jamghat lagakar hame ghere khade the…maine sabhi se ijajat li aur vaha se adrishya hokar sidhe apni jagah par aa gaya jaha maine car ko chhupa rakha tha
Mai—sona....tum agni ka parichay ghar me mummy se apni bahan ke roop me karwana
Sona—mai kyu karwau…..mai to mummy ji se sab bata dungi ki ye apki nayi bahu hai
Mai—chal utar car se niche…bhag tu bhi
Sona—kyu.... ?
Mai—mummy mujhe ghar me ghusne bhi nahi dengi samjhi....vo teri baat manti hain..aaya kuch samajh me ki nahi..
Sona—theek hai...bol dungi...
Margret—aur iska khatra ke liye kya bologe….ise bhi isi poonchh ka bhai bana do..hihihihi
Sona—utha ke niche phek dungi tujhe…
Mai—shant….vo mera dost ban ke rahega
Khatra—ye aap kya kah rahe hain malik…? Mai to apka gulam hu
Mai—mujhe gulam nahi chahiye…dost ban ke rahna hai to theek warna tum bhi jao yaha se
Khatra—lekin akele me mai apko malik hi kahunga
Mai—ok
Sona—raj tilak ka bhi samay aa gaya hai...
Mai—chalenge...pahle ghar ka haal to dekh lu
Agni—kiska raj tilak hona hai….?
Sona—hamare patidev ka….ab ye pari lok ke maharaj hain
Agni—kyaaa…? Sach me…?
Margret—nahi to kya jhuth me
Agni—kya mai bhi jaungi vaha….?
Mai--haan
Aise hi baate karte huye hum ghar pahuch gaye….jaise hi darwaje par pahuche to mere pair vahi par jam ke rah gaye kisi ko dekhte hi
Mai jaise hi ghar pahucha to hall me hi baithi huyi Shree par nazar chali gayi to mere pair vahi jam gaye….mujhe samajh me nahi aa raha tha ki mai shree didi ko yaha dekh kar khushi manau ya phir apni badkishmati ka rona rou
Shree didi ki nazar bhi mere upar sabki awaz sun kar gayi to vo bhi kisi but ki tarah khadi hokar ek tak mujhe dekhne lagi…par agle hi pal hosh aane par jor se ‘adiiiii’ chillate huye apni jagah se bhagte huye mere gireban se jhul gayi
Shree ke jor se chillane se papa bhi bahar nikal aaye aur unke sath me sanjay bhaiya bhi the….un teeno ki ankho me se pani kisi jharne ki tarah bah raha tha…lekin mummy nahi dikhi mujhe abhi tak kahi bhi aur na hi unki awaz sunayi di..ye dekh mujhe unki chinta hone lagi mann me
Shree (rote huye)—chaatttaaakkk….chaatttaaakkkk…..kaha gaya tha…bata….kya hua tha tujhe….tera phone kyo band tha…..?
Shree didi ne jaise hi mujhe thappad lagaye to chitra gusse me unki oor aage badhi …ye dekh kar maine use turant hath ke ishare se rok diya
Mai—didi…ab to mai aa gaya hu na....shant ho jao ab
Sanjay—bhai iske sawalo ke jawab to tujhe dene hi honge....yaha aane ke liye isne poora ghar sar par utha liya tha bas teen char din se sirf roye ja rahi hai bas
Mai—dad mummy kaha hain….?
Dad—beta tu to janta hi hai ki jab bhi tum uski ankho se door chale jate ho to kya hota hai….
Maine turant shree didi ko alag kiya aur andar unke room ki oor bhaga lekin vo vaha par nahi thi…to dad ne bataya ki vo mere hi room me hain…main vaha se apne room me gaya jaha ka haal dekhte hi meri ankho se anshoo nikal gaye
Mummy bistar me meri ek tasveer apne sine se lagaye besudh padi thi…maine turant bhag kar unka sar apni god me rakha aur sahlane laga
Dad—urmi…dekh adi aa gaya hai…ankhe kholo
Mai—dad kya hua hai mummy ko…..?
Dad—beta tere jane ke dusre hi din....( phir dad ne mujhe sab baate batayi)
Sanjay—theek aisa hi sapna shree aur teri mousi ko bhi aaya tha….isne to yaha aane par majboor kar diya badi mushkil se address pata kar ke yaha lekar aaya hu…lekin vaha teri mousi ki halat bhi bahut nazuk hai…poori raat vo mandir me..(phir sanjay ne india ki baat batayi)
Mai dad aur sanjay bhaiya ki baate sun kar buri tarah se chounk gaya….kyon ki behoshi ki halat me mujhe bhi to kuch aisa hi ehsaas hua tha
Mai (mann me)—iska matlab vo sab mera vaham nahi tha….balki in sabki prem aur mamta ke balidan swaroop hi mai aaj yaha jinda baitha hu….lekin mousi to kisi rishi ka jikra kar rahi thi…koun hai ye rishi….? Mujhe pata lagana hoga…..? akhir kya gum hai unke andar….?
Meri ankho se bahte huye aanshu tap tap kar mummy ke chehre par girne lage…..jisse unhe hosh aane laga…kuch hi der me unhone mera naam lete huye apni ankhe kholi aur jaise hi mujhe apne paas dekha to ek jor dar cheekh ke ke sath mujhse lipat kar mujhe apni chhati se chipka liya
Urmila (rote huye)—tu aa gaya…mera beta aa gaya…kaha chala gaya tha…apni maa ko chhod kar…tu meri ankho ka noor hai mere bachche
Mai (rote huye)—mai to hamesha apke paas hi hu mummy
Hum dono maa bete ka pyar dekh kar sab ki ankhe nam ho gayi yaha tak ki chitra bhi ro padi….mai mummy ko aur mummy mujhe shant karte rahe
Jab aadhe ek ghante baad hamara milan poora hua tab jakar unka dhyan bakiyo par gaya….vaha ek nayi ladki ko dekh kar mummy meri oor sawaliya nazaro se dekhne lagi
Mai—mummy ye agni hai….sona ki cousin
Sona—ha...mummy ji..ye meri bahan hai.....(mann me)..lagta hai gala daba du to yahi mar jaye..soutan kahi ki
Urmila—aaja beti...
Agni jakar mummy ke pair chhune ke baad unke gale lag gayi....lekin in sab ko dekh kar shree didi kuch pareshan aur dukhi nazar aane lagi
Urmila—kitni pyari bachchi hai
Margret—bachchi nahi hai ...pahalwan hai..kushti ladti hai..ek baar me 8-10 hatte katte ladko ko patak deti hai ye bachchi....pata nahi kitna khana khati hogi
Urmila—aisa nahi kahte beti
Margret—ek aur bhi hai usse bhi mil lo
Urmila—koun hai aur.... ?
Margret—chudail..hai...vo dikhti nahi hai...uuuuiimummyy....adii samjha na isko har baar mujhe hi kyo patakti hai..meri to kamar aise hi toot jayegi
Urmila—yaha to koi bhi nahi hai
Mai—is pagal ki baato me dhyan mat do mummy...aap aram karo abhi
Urmila—ab tu aa gaya hai to mai bilkul theek hu
Shree—mousi ab adi aa gaya hai to mai aur bhaiya india lout jayenge....mummy ki tabiyat bhi theek nahi hai
Urmila—megha ko phone kar ke bata de ki adi aa gaya hai...to vo bi theek ho jayegi
Shree—mera ab yaha kya kaam mousi
Shree didi vaha se chup chap chali gayi…mai bas unhe jate huye dekhta raha….na jane kyo mai unse nazare milane se katra raha tha…unke paas aate hi ek ajib si khumari chhane lagti hai mere andar
Urmila—ja beta shree ko mana le….bahut pyari beti hai shree
Mai—ji mummy
Mai apne room se nikal kar shree didi ko khojne laga…har jagah dekhne ke baad bhi jab vo nahi mili to mai chhat par chaala gaya jaha mujhe pani ki tanki ke pichhe se kisi ke sisakne ki awaz sunayi di…mai samajh gaya vo yahi chhip kar ro rahi hain magar kyo….?
Mai—maine sara ghar chhan mara aur aap yaha ganga jamuna baha rahi ho chhup kar
Shree—tujhe isse kya...mai kuch bhi karu..chahe jiyu ya maru.. ? kya farak padta hai.... ?
Mai—aap ro kyo rahi ho... ?
Shree—kuch nahi...hame airport chhod dena thodi der me
Mai—mujhe chhod kar chali jaogi aap….?
Shree—tere paas bahut hain... ? meri jarurat hi nahi hai….?
Mai—ye kisne kaha ki mujhe apki jarurat nahi hai….?
Shree—mousi ne mujhe sab bata diya hai...ki kaisi dost hain ye teri
Mai—ohhh..to ye baat hai...lekin jaisa aap samajh rahi hain vaisa kuch bhi nahi hai
Shree—mai sab samajh gayi hu
Mai—aap kuch nahi samjhi aur na hi mummy kuch janti hain
Shree—mujhe bahlane ki koshish bekar hai…mujhe to tabhi samajh jana chahiye tha jab maine dono ko tere sath hotel me nangi pungi sote dekha tha
Mai—vo to purani baat ho gayi
Shree—mujhe kuch nahi sunna….do kam thi jo ek aur le aaya……ja jakar dukan khol le biwiyo ki
Mai—pls didi…kam se kam aap to mujhe galat mat samjho
Shree—mai teri lagti hi kya hu.... ?
Mai—agar aapse mera koi rishta nahi hota to mai kyo sirf ek sapne ke piche vaha tak bhagta chala aata... aap meri sab kuch ho
Shree—sab jhuth......sab kuch ka matlab janta hai...mujhse jhuth bol ke tujhe kya milta hai….? Tera dil to roshan ho gaya na.....
Mai—"Ek Phool Ka Dard Usaki Jhuki Daali Samajhate Hai,
Baag Ki Baat Baag Ka Maali Hi Samajhate Hai,
Ye Kis Tarah Ki Raat Banayi He Duniya wale Ne,
Diye Ka Dil Jalata hai Aur Log Roshani Samajhte Hai"
Shree didi chup chap mere sine se lag gayi aur kafi der tak sisakti rahi....unke sine se lagte hi mujhe aisa lagne laga jaise sare jahan ki khushiyan mere daman me simat aayi ho
Ek ajib tarah ka sukun mil raha tha mujhe...mai us sukh ke anand sagar me dubta gaya....dubta gaya....aur meri ankhe swatah hi band hoti chali gayi
Aise shwarnim anand ki anubhuti mere dil ko kafi samay pashchat mil rahi thi…mera dil mujhse bagawat karne par utaru hone laga tha
Jane kitni der tak hum dono aise hi amarbel ki lata ki tarah ek dusre se lipte rahe....hame hosh tab aaya jab tomy ( paltu doggy) mere pairo me apni jibh phirane laga
Maine use apni god me utha kar hall me aa gaya....sab vahi mummy ke paas baithe huye the....mere pahuchte hi sabhi khamosh ho gaye
Dad—mai to thoda ghum kar aata hu…jab se tu gaya hai mera to jina haram ho gaya
Urmila—mai khana banati hu
Shree—mousi aap baitho…mai banati hu
Sona—didi..mai bhi aapki help karti hu
Shree—vaise adi tera phone kyo nahi lag raha tha.... ?
Margret—hum earth me the hi nahi aur dusra adi ko to us tantrik ne pakad liya tha
Shree/mummy—kyaaaaaa…..?
Mai—arey kuch nahi mummy….ye mazak kar rahi hai…..margret tumhari mummy ka phone aaya tha vo tumhe bula rahi hain…ab tum jao ghar
Shree—tu chup kar….ha tu bata..kya bata rahi thi…
Mai—vo jhuth bol rahi thi....hai na margret
Margret—jhuth......ha..haan...vo sab jhuth tha....mai ab chalti hu
Mummy aur didi margret ko awaz deti rahi aur vo nau do gyarah ho gayi.....didi mujhe ghurte huye kitchen me jane lagi
Shree—khana bana lu phir tujhe batati hu main...room lock mat karna..nahi to theek nahi hoga samajh gaya
Didi mujhe warning dekar khana banane chali gayi sona ke sath aur main mummy ke paas baith kar sanjay bhaiya se idhar udhar ki baate karne laga...agni bhi sona ke paas chali gayi
Shree—tum kaha ki rahne wali ho.... ?
Agni—utha patak gaon ki…
Shree—kyaaaa…?
Agni—ji vo hamare gaon ka naam hai
Shree (haste huye)—bada ajib naam hai…..theek hai tum sona ke sath so jana
Agni—magar aaj to meri suhagraat hai..inke sath
Shree (hasi gayab)—kyaaa kahaaaa……?
Sona—vo…kuch nahi…didi…mazak hai
Shree (gusse me)—maine tujhse nahi puchha…ha tum batao agni…sach batana…agar tumne kisi ko pyar kiya hai to tumhe uski kasam
Shree (haste huye)—bada ajib naam hai…..theek hai tum sona ke sath so jana
Agni—magar aaj to meri suhagraat hai..inke sath
Shree (hasi gayab)—kyaaa kahaaaa……?
Sona—vo…kuch nahi…didi…mazak hai
Shree (gusse me)—maine tujhse nahi puchha…ha tum batao agni…sach batana…agar tumne kisi ko pyar kiya hai to tumhe uski kasam
Ab aage…….
Shree ne agni se sach bolne ko kah to diya tha magar uska dil andar hi andar bahut ghabra raha tha…ki kash ye sab jhuth ho jo agni ne abhi abhi kaha hai
Agni—ji..mujhe adi ne swayamvar me jeeta hai
Shree (hairan)—swayamvar....... ? tum kis jamane ki baat kar kar rahi ho... ? aaj ke yug me swayamvar jaisa kuch bhi nahi hota hai…samajh gayi…ab ye mujhe bewqoof banane ki bajaye sach batana chalu karo
Agni—yahi sach hai..
Shree (jhallakar)—sab bakwas hai
Sona—wo…sach bol rahi hai ..didi….aap chaho to margret se bhi puchh sakti hain
Shree—mujhe kisi se nahi puchna…..aur ha..adi ke sath raat me mai rahungi koi udhar disturb mat karna…tum logo ne jarur mere adi ko bahla fusla kar phasaya hoga apne jaal me
Agni—aisa hargij nahi hai
Shree—chup raho…mai sab janti hu…mera adi aisa nahi hai…aaj to sach main adi se hi pata kar lungi
Sona—adi se kyo aap mummy se puchhiye..tab to yakin hoga apko
Shree—kya pata tum logo ne mousi ko bhi pata rakha ho…?..nahi nahi..adi hi sach batayega ab to
Sona—adi pakka aapse bachne ke liye hame hi galat batayega
Shree—jaise tum log use galat bata rahi ho…usse to mujhe ab daal me kala lagne laga hai
Sona—arey nahi didi…koi kali daal nahi hai yaha…aap ko jarur koi galat fahmi ho rahi hai
Shree—vo to mai pata kar hi lungi….mai table lagati hu tum dono khana lagao
Sona (didi ke jate hi)—agni kuch dimag laga….jaldi se didi ko india bhejne ka jugad laga nahi to zindagi bhar khud ki ungali daal kar hi suhagrat manana padega phir
Agni—kyaaaaa…..?
Sona—haan…..agar didi ko adi ne hamare khilaf bhadka diya to vo mummy ji ke kaan bhar dengi phir hum sabka patta cut
Agni—nahi….nahi…aisa kaise ho sakta hai
Sona—pakka aisa hi hoga....agar jaldi se shree didi ko india nahi bheja gaya ya unhe bhi kisi ke pyar me nahi phasaya to
Agni—to ab kya kare hum...meri suhagrat ka kya hoga......didi ko patak du kya.... ?
Sona—aisa kabhi bhul se bhi mat sochna.....jis ladki ko sapne me udas dekhne bhar se pareshan hokar jo ek desh se dusre desh ja sakta hai aur use khoj kar use tang karne walo ki kabra khod sakta hai to socho agar tumne aisa kiya to tumhara kya haal karega adi
Agni—to ab kya kare..... ?
Sona—kuch sochna padega jaldi hi….chalo khana le chalte hain
Khana lagte hi shree didi ne mujhe aur mummy ko bulaya to hum chale gaye...tab tak dad bhi aa gaye the.... maine apne hatho se mummy ko khilane laga aur vo mujhe
Shree—mera to kisi ko koi khyal hi nahi hai
Urmila—ye le tu bhi
Mummy beech beech me didi ko bhi khilane lagi….ye dekh kar agni gahri soch me kho gayi
Agni (mann me)—sona sach hi kahti hai…agar shree didi ka kuch nahi kiya to vo hame adi se door kar dengi…mummy aur adi dono shree didi ki hi baat manenge
Aise hi khana khatam hua to mai kuch der tak dad ke sath baith kar bate karne laga…sanjay bhaiya aur mummy bhi vahi aakar baith gaye
Dad—ye kya…tumhara beta ab ki bar ek aur bahu le aaya lagta hai…..?
Mai—nahi dad…vo to sona ki bahan hai
Shree—sona ki bahan kab paida huyi….india me to nahi thi
Mai—india me nahi…yaha paida huyi didi…england me
Shree—lekin sona aur agni to kuch aur hi bata rahi thi
Mai (shock)—aisa kyaaaa…..?…(mann me)…kutte ke pet me ghee aur aurat ke pet me baat kabhi hazam nahi hoti… ab ye bhi meri tang khichengi
Shree—bol ab bol…jhutha kahi ka
Mai—mai nahi vo sona jhuthi hai
Shree—agni ne mujhe sab bata diya hai
Mai—vo bahut badi cheater hai...
Shree—achcha....aur jo margret bol rahi thi vo... ?
Mai—arey kaha didi…aap bhi in jhuthe logo ki baat sunne lagi
Shree (ghur kar)—tu room me chal…phir batati hu tujhe
Mai—bhaiya chalo hum kahi bahar ghum kar aate hain
Shree—chup chap room me ja…bahar gaya to tang tod dungi teri
Mai—mummy aaj mai apke sath so jau……?
Urmila—mera bachcha…aa ja
Mai (mann me)—hihihi...bach gaya aaj is phulan devi se
Shree (tunak kar)—mousiiii.....
Urmila (has kar)—achcha baba….beta tu thodi der didi ke paas rah ke phir aa jana mere paas
Mai—mujhe bahut joro ki need aa rahi hai…mai to chala apke room me sone mummy
Shree—sona…ek balti pani le ke aa
Agni—ye lo didi
Mai—akal ki dushman
Mai ab kya kar sakta tha...agni ne vahi table me pani se bhara jug shree didi ke hath me thama diya to mai bhi chup chap muh latka ke apne room me aa gaya...bed par letne ke sath jaise hi maine ankhe band ki ki so jata hu tabhi mere kano me kisi aurat ke mandir me ghantiyan bajane ki awaz aane lagi
Mai usi awaz ki disha me aage badhne laga aur badhte huye us mandir tak pahuch gaya par ye kya...ye to megha mousi hain jo bhagwan ke aage rote huye jor jor se ghanti bajaye ja rahi hain....main abhi unhe awaz lagane hi wala tha ki tabhi mujhe barish me bhigne jaisa ehsaas hone laga aur meri ankhe khul gayi
Samne dekha to shree khadi thi jo jug me se patle pani ki dhar mere chehre par giraye ja rahi thi....ye dekh main fauran uth kar baith gaya
Mai—ye kya harkat hai……?
Shree—maine mana kiya tha na sone ko abhi
Mai—ab need ayegi to koi soyega bhi nahi kya……?
Shree—pahle mere sawalo ke sahi sahi jawab de doge tab
Mai—mai jawab de chuka hu
Shree—kya kaha.....phir se bol..jhuttha
Mai—jab apko meri kisi baat ka vishwash hi nahi hai to mere kuch batane ya na batane ka matlab hi kya hai... ?
Shree—mai jo puchhti hu tu sirf unka sach sach jawab de bas....agar tu mujhe kuch bhi manta hai ya tere dil me mere liye koi jagah hai to tu sach batayega....baki teri marzi...mai koun hoti hu tumhari khushiyo ke beech me aane wali
Mai—Ye to sarasar emotional blackmailing hai…..theek hai..puchho...kya janna hai apko..... ?
Shree—sona ke bare me tune mujhse india me jo bola wo sach tha ya uske yaha aane ke baad jo bataya o sach tha….?
Mai—dono hi jhuth
Shree—kyaaaa…? To sach kya hai…?
Mai—sona parilok ki Rajkumari hai
Shree—phir se jhuth
Mai—maine pahle hi kaha tha ki jab meri kisi baat par vishwash hi nahi hai to batane ka kya fayda... ?
Shree—ha to sach bata na....jhuth kyo bolta hai..jhutha kahi ka
Mai—yahi sach hai
Shree—achcha to lage hath ye bhi bata de ki ye pariyo ki rajkumari tujhe kaha mil gayi….? Aur ye pari lok india ke kis state me hai…..?
Mai—parilok dharti me nahi hai…balki ek alag hi lok hai vo…vaha akash me ek grah hai pariyo ka….sona mujhe india me ooty me mili thi
Shree—safed jhuth…..jab parilok dharti me hi nahi hai to sona dharti me kaise mili….?
Mai—lagta hai ab apko shuru se batana padega…
Shree—ha to bata na
Mai—beech me mat tokna
Shree—tu bol
Mai—theek hai…to suno..
Phir maine unhe apne sapne se lekar india jane aur vaha sonalika ke milne se lekar parilok tak ki poori kahani suna dali….Jaise jaise main batata gaya unke chehre ka rang badalta gaya hairani se
Mai—aise mili sonalika mujhe
Shree—mujhe to ab bhi yakin nahi hai….tu raja banne wala hai vo bhi parilok ka….teri saat biwiya hogi…tere paas shaktiya hain…
Main—ha
Shree—to mujhe abhi ke abhi yaha se gayab hoke india le chal…to shayad soch sakti hu teri baat par
Mai—theek hai…darwaja lock kar do pahle
Shree ke lock karte hi maine unhe apne paas me khich liya…agle hi pal vaha tez roshni phail gayi aur mai unhe lekar adrishya ho gaya apne room se
Mai—ab apni ankhe khol lo
Jaise hi shree ne ankhe kholi to unke vishmit hone ki seema hi na rahi….unki ankhe hairat se khuli ki khuli rah gayi.. ashcharya aur sadme se vo kabhi mujhe aur kabhi us jagah ko dekhti baar baar
