चमत्कारी

[StoryPublisher]

UPDATE- 117

Margret (sharmate huye)—vo main bathroom me naha rahi thi ki tabhi na jane kaha se ek saanp mere upar kud gaya aur phir main darr kar vaha se bhag nikli….

Chitra—iska matlab ki kisi saanp vaanp ne nahi kata isko Upar se ye nangi ho kar adii ke paas ja rahi thi…mujhe to daal me kuch kala lag raha hai…...

Margret (mann me)—Sali randi....khud to mere adii ke sath gul chharre uda rahi thi nangi ho kar poori raat bhar.. aur galat mujhe kah rahi hai…aaj raat jab so jayegi tab maza chakhaungi tujhe main…

Ab aage…..

Rajnandini ne mujhe bataya ki margret ko saanp ne kaat liya hai to main turant hi uske sath margret ke paas chala gaya…rajnandini ne sabko bahar bhej diya room se…maine margret ko har jagah check kiya lekin mujhe uske jism par kahi koi aisa saanp ke kaatne ka nishan nazar nahi aaya jisse usko saanp ke kaatne ki pusti ho sake..to maine apni ankhe band kar ke dhyan lagaya to sari haqiqat mere samne ujagar ho gayi jo kuch vastavikta me ghatit hua tha.

Adii—tumhe kisi saanp ne nahi kaata hai…ye sab chitra ki shararat thi.

Margret—lekin maine, khud apni ankho se saanp ko dekha hai…

Adii—tumne jis saanp ko dekha tha vo nakli tha….haqiqat me saanp kaat leta to abhi tak mere samne yu jinda khadi nahi hoti..

Margret (gussa karte huye)—uss chitra ki bachchi ko main chhodungi nahi…

Rajnandini—tum kuch nahi karogi…main samjhaungi usko…

Iske pashchat main aur rajnandini apne room me aa gaye…thodi der me vaha dono maa ke sath baki sab bhi aa gaye..to maine unhe bata diya ki usko saanp ne nahi kaata hai sirf dekh kar darr gayi thi vah…halanki maine isme chitra ka kahi naam nahi liya.

Lekin margret ke mann me chitra se badla lene ka bhoot sawar ho gaya tha…usne din me na jane kaha se sutli wala bomb (patakha) kharid layi.

Poora din hum sab mil kar apne purane gile shikwe door karte rahe…nangu pangu apni biwiyo ko samjhane me vyast rahe…mere ghar vapis loutne ki khabar sun kar head office ke log bhi milne aaye…raat me papa ne ek party de rakhi thi mere aane ki khushi me.

Party me papa ne mujhe aur rajnandini ko sabhi ke samne introduce karaya….halanki mujhe to sabhi jante hi the. Rajnandini aur shree ko dekh kar sabhi hairan the…rajnandini bhi meri patni ke roop me samman pa kar atyant khush thi..halanki usko abhi tak shree ki dusri sachchayi (mujhse pyar karne wali) ke baare me kuch bhi gyaat nahi tha aur na hi kisi ne usko kuch bataya hi tha iss vishay par.

Anand—adii, inse milo, ye hain mr. & mrs. Malhotra…ye bhi kafi bade businessman hain yaha ke…inka ek poltry farm bhi hai yahi paas me…aur malhotra, mere bete ko to tum jante hi ho…ye hai meri bahu rajnandini.

Malhotra—barkhurdar, shadi bhi kar li aur bataya tak nahi…

Anand—jab mujhe aur apni maa ko nahi bulaya shadi me to tujhe kaha se bula leta…ab bula liya hai to kha le bhar pet…

Malhotra—bas yaar ab thoda farm house ghumne jaunga…

Anand—itni raat me kya karega vaha ja kar….?

Malhotra—kya batau yaar….do din se badi gadbad ho rahi hai vaha….poltry farm ki aadhe se jyada murgiya achanak hi gayab ho gayi…shaam tak sab theek tha, lekin raat me na jane koun chura le jata hai unko…?

Malhotra uncle ki baat sun kar maine chounk kar chitra ki taraf dekha jo ki hamare paas me hi khadi thi..to usne mushkura diya to main samajh gaya ki ye sab bhi iska hi kaam hai.

Khair party khatam hone ke baad sabhi sone ke liye chale gaye….rajnandini mere room me aa gayi…jabki shree asha bhari nazro se meri taraf dekhti rah gayi kintu vo chah kar bhi rajnandini ke samne kuch bhi apne dil ka haal kah sakne me khud ko poornatah asmarth pa rahi thi lihaja vah bhi nirash ho kar apne room me chali gayi.

Adii—ab aao na jaan, jane kab se main tumhare inn hasin hotho ka ras pine ke liye machal raha hu…ab mujhse raha nahi ja raha hai…aao ek baar phir se hum suman aur sugandh ki tarah ek ho jaye…

Rajnandini—bardast to mujhse bhi nahi ho raha hai rishi…lekin main swarthi nahi banna chahti..

Adii—kya matlab…? Tum meri biwi ho…isme swarth ki baat kaha se aa gayi…?

Rajnandini—rishi, biwi to tumhari agni bhi hai….main ye kaise bhool sakti hu ki aaj maine tumhe uski vajah se hi dubara paya hai….tumhari biwi hone ke baavjud bhi use aaj tak patni ka vo haq nahi mila jiski vo haqdar hai, phir bhi usne kabhi koi shikayat nahi ki..vo tyag ki prati murti hai…

Adii—maine use apni patni swikar to kar liya hai na..phir ab kya dikkat hai…?

Rajnandini—lekin ye duniya to nahi janti na ki vo tumhari patni hai…main chahti hu ki usko patni hone ka poora haq mile…main chahti hu ki aaj ki raat tum agni ke sath gujaro…tum uske dil ka dard nahi samjhoge, kintu main ek aurat hu, uske mann ki pida ko samajh sakti hu…itne saal shadi hone ke baad bhi uska kuwari rahna kya uchit hai…? Kal ko uske bachche honge to duniya unhe kya kahegi….? Usko bhi apni patni hone ka darza do rishi…main agni ki karz daar hu…

Adii—kintu…

Rajnandini—kintu vintu kuch nahi….kya meri itni si baat nahi manoge…usne mujhe apni badi bahan mana hai to kya main apni khushiyo ke liye uski khushiyo ka gala ghont du…? Kya ye karna mere swarthi hone ko nahi darshata hai…? Vo bechari ko to tumne kabhi apne seene se lagne tak ka bhi adhikar nahi diya…aaj usko uska haq de do rishi..tum yahi samajh lena ki agni ke roop me main hi bistar me tumhare sath hu…

Adii—jaisa tum theek samjho…magar kuch to inayat kar do apne iss deewane par…

“Har Shaam Kah Jati Hai Ek Kahani,

Har Subah Le Aati Hai Ek Nayi Kahani,

Raste To Badalte Hain Har Din Lekin,

Manzil Rah Jati Hai Vahi Purani.”

Maine rajnandini ko pakad kar aalinganbaddh kar liya….aur uske adhro ka raspan karne laga…vah bhi nirvirodh meri agosh me simatti chali gayi…kuch pal ke iss chumban ne meri saanso ko tarotaza kar diya…aur mere sharir me rakt ka navin sanchar pravahit hone laga.

Iss kshanik premalaap ke baad rajnandini mere room se nikal kar agni ko uska haq dene ke liye chali gayi…kuch samay pashchat vah dubara mere room me aayi to uske sath agni bhi thi…bilkul lal jode me saji sanwri dulhan ka shringar kiye huye…agni ki palke jhuki huyi thi…aur uski dhadkan tezi se chal rahi thi…ek patni ko apne jeevan me jis pal ka sabse adhik intazar hota hai, vah pal bahut lambe intazar ke baad hi sahi, agni ke jeevan me aaj aa hi gaya tha.

Shayad iss vajah se bhi uske chehre par sharm aur haya ki lali chhayi huyi thi…nihsandeh agni behad khubsurat husn ki malika thi…maine usko patni ke adhikar se vanchit rakh kar uske sath anyay hi kiya hai aaj tak…lekin isme main bhi poori tarah se kasurwar nahi tha…mere hriday ko rajnandini ke atirikt kisi aur ko sthan dena swikarya hi nahi tha…

Aaj rajnandini ne khud hi agni ko apna bhagidar swikar kar liya tha to mera farz bhi usko manne par vivash ho chuka tha…main jaise jaise agni ki sundarta ko dekhne me khota ja raha tha, agni utni hi laaz aur sharam ke aavran me simti ja rahi thi.

Rajnandini—lo sambhalo apni dulhan ko…main apni beti shree ke paas ja rahi hu…mere jane ke baad jitna mann kare dekh lena agni ko har tarah se.

Agni (sharma kar)—didi, ruko na…mujhe darr lag raha hai..

Adii—nandini, tum bhi yahi ruko na…double bed hai..teen log bade araam se aa jayenge isme…

Rajnandini—Ji nahi…main agar yaha ruki to meri bahan laaz aur sharam se apni suhagrat ka poora anand khul kar nahi le payegi….aur agni meri bahan, isme darr kaisa..? yahi to ek ladki ke jeevan ka sabse hasin pal hota hai, jab vo apne priyatam ki baaho me hoti hai…ek ladki se aurat hone ka sukhad ehsaas pati hai…aur yahi sukhad ehsaas usko aage ja kar maa banne ka gaurav dilata hai.

Agni—aap theek kah rahi hain didi, lekin….

Rajnandini—daro nahi.., rishi, meri bahan ko jyada dard mat hone dena ….jo bhi karna, bade pyar se karna..main ab chalti hu.

Rajnandini vaha se chali gayi shree ke paas sone ke liye…maine uth kar darwaja andar se lock kiya aur agni ko bistar par le aaya....vahi margret ne jab dekha ki sab so gaye hain to vah chupke se uth kar vo sutli wala patakha liya aur pahuch gayi chitra ke paas...jaha vo gahri neend me thi.

Margret (mann me)—ab maza chakhati hu isko….bahut pareshan kiya hai isne mujhe aur sonalika ko….

Bas kya tha ye soch kar usne uss sutli wale bomb ko chitra ke dono pairo ke beech jaangho ke nikat rakha aur machis jala kar usme aag laga di….aag lagate hi fauran vaha se bhaag kar apne bed par let gayi aur dhamaka hone ka intazar karne lagi.

Idhar maine agni ko apni baaho me bhar kar uska ghoonghat uthaya hi tha ki tabhi…….

 

[StoryPublisher]

Thanks for Reading and Supporting

 

[StoryPublisher]

UPDATE- 118

Rajnandini vaha se chali gayi shree ke paas sone ke liye…maine uth kar darwaja andar se lock kiya aur agni ko bistar par le aaya....vahi margret ne jab dekha ki sab so gaye hain to vah chupke se uth kar vo sutli wala patakha liya aur pahuch gayi chitra ke paas...jaha vo gahri neend me thi.

Margret (mann me)—ab maza chakhati hu isko….bahut pareshan kiya hai isne mujhe aur sonalika ko….

Bas kya tha ye soch kar usne uss sutli wale bomb ko chitra ke dono pairo ke beech jaangho ke nikat rakha aur machis jala kar usme aag laga di….aag lagate hi fauran vaha se bhaag kar apne bed par let gayi aur dhamaka hone ka intazar karne lagi.

Idhar maine agni ko apni baaho me bhar kar uska ghoonghat uthaya hi tha ki tabhi…….

Ab aage…..

Maine agni ka ghoonghat uske khubsurat chehre se hataya hi tha ki tabhi jor se kuch fatne aur kisi ke cheekhne ki awaz kano me sunayi padi….jise sun kar hum dono bhi chounk gaye.

Darwaja khol kar main jaise hi bahar nikla to chitra ke chillane ki awaz aa rahi thi…baki sab bhi apne apne room se bahar aa gaye…main turant uske paas pahuch gaya jo ki apne dono pair jod kar baithi huyi chilla rahi thi…uske niche ke kapde bhi jal gaye the.

Aadi—kya baat hai chitra..tum cheekhi kyo…?

Chitra (chillati huyi)—main uss kutiya ko chhodungi nahi….haaye….randi ne meri usme hi bomb phod diya…

Megha—beti..kisne aur kisme kya phod diya…?

Chitra—aaaahhhh….maa ji main ab apko kaise batau…? Ye sab uss margret ka kiya dhara hai…mujhe sote dekh kar usne chupke se mere pairo ke beech me bomb phod diya…mujhe bahut dard ho raha hai vaha par..aaaaa

Adii—abhi theek ho jayega tumhara dard..

Maine uske sir par hath rakh kar ankhe band kar li thodi hi der me uska dard jata raha….maine rajnandini ko chitra aur margret dono ko samjhane ko kaha.

Rajnandini ne dono ko apne room me bula kar samjhaya…margret aur chitra, dono ne apni apni galtiyo ke liye ek dusre se mafi maang li…kintu chitra mujhe chhod kar jane ke liye taiyar nahi huyi phir bhi….sanyog se uss samay shree bhi vahi moujud thi…jab usne sari baate suni to uske dil me chitra aur margret dono ke liye gussa aur mujhse doori ke liye uske dil me dard paida hone laga..magar rajnandini ki moujudgi ki vajah se vah shant rah gayi.

Idhar maine agni ko uska patni hone ka adhikar de diya…aaj ki raat vah khil kar kali se phool ban gayi thi….iss sambhog se agni ko apni sabhi shaktiyo ka gyan ho chuka tha….

Agni (shocked)—kya mere andar bhi shaktiya hain….?

Adii—haan, tum agni se uttapann huyi ho..tumhare andar agni ki shakti hai..bas har din kuch samay dhyan lagane me lagati raho…dhire dhire tum unka prayog karna bhi sikh jaogi.

Iske pashchat vo meri baaho me simat kar so gayi…agle din rajnandini ne mujhe sari baat batayi..jisse main bhi kuch pareshan sa ho gaya.

Rajnandini—chitra to apni mukti ke liye taiyar hi nahi hai..ab kya karna hai rishi….?

Adii—ab to gurudev hi usko samjha sakte hain…aaj uske sath mujhe gurudev vishwamitra ji se milna hoga.

Rajnandini—kaha jana hoga unse milne ke liye…?

Adii—kahi nahi…chitra ko yahi mere room me bula lena…main apne dhyan me unka aahvahan kar ke unse chitra ko samjhane ki vinti karunga..

Rajnandini—theek hai..

Uske baad maine rajnandini ko apne bahupash me jakad liya aur uske ras bhare hotho ka madhur ras pine laga… kintu vaha shree ke aane se hum ek nahi ho sake…mujhe aur rajnandini ko iss tarah ek dusre ki baaho me dekh kar shree ka mann kuch vyathit sa ho gaya jise maine bhaanp liya…halanki shree ke mann me rajnandini ko le kar koi galat bhavna nahi thi..vo ye bhalibhanti janti thi ki rajnandini ka mere upar sabse adhik adhikar hai..vo meri patni hai…uske dukh ka karan ye tha ki iss adhikar ki vajah se usko apna pyar khud se door hota hua mahsoos ho raha tha.

Rajnandini—kya baat hai putri…? Tum kuch dukhi si lag rahi ho... ? koi taklif hai kya ... ?

Shree (gale lag kar)—nahi maa...bas apko kafi der se dekha nahi tha to khojte huye yaha aa gayi.

Rajnandini (mathe ko chumte huye)—meri pyari beti...mujhe bhi iss baat ka behad dukh hai ki main tujhe apni god me nahi khila saki...ab jab tujhe paya hai to tu vivah ke yogya ho chuki hai....rishi, ab meri beti ke liye kisi yogya var ki talash karni padegi.

Apni maa rajnandini ke mukh se apne vivah ki baat sunte hi shree ko aisa mahsoos hua jaise ki kisi ne uske seene me kaante chubho diye ho...uski ankho me pani aa gaya...vah aasha bhari nazro se meri taraf dekhne lagi.

Adii—nandini,shree meri bahan bhi hai aur beti bhi...kintu tumhari beti hai..uski ek maa aur bhi hai...mujhe lagta hai ki abhi vivah ki baat karne ka uchit samay nahi aaya hai.

Shree vaha se uth kar chali gayi apni ashu purit ankhe liye apne room me...rajnandini bhi uske piche piche chali gayi...dophar me rajnandini apne sath chitra ko le kar mere paas aa gayi...maine room ko sound proof kar diya jisse ki yaha hone wale wartalaap ki awaze bahar kisi ko sunayi na de sake.

Chitra (hath jod kar)—didi, main aap ke hath jodti hu..mujhe adii se door mat kijiye...adii ke liye mera prem aap ke jitna sachcha na sahi kintu main uske bina nahi rah sakti...adii ke bina meri mukti sambhav nahi hai...akhir main bhi to adii ki patni hu...adii ne khud meri maang me sindur bhar ke mujhe apni patni swikar kiya hai...phir mujhe usse door kyo hone ko kah rahi hain... ? ab se main kisi ko pareshan bhi nahi karungi.

Adii—pagal, tumhe door koun kar raha hai mujhse... ? aur maine kab kaha ki tum meri patni nahi ho... ? main to bas tumko sab ki tarah hasil karne ka upaay bata raha hu..jisse tum bhi rajnandini ki tarah mere sath meri biwi ban kar rah sako.

Rajnandini—rishi ki baat sahi hai...chitra tum to meri choti bahan jaisi ho…main bhi chahti hu ki tum hamare sath raho..isliye hi to tumhe apna sharir paane ka tarika bata rahi thi.

Main dhyan me baith gaya aur guru vishwamitra ka aavahan karne laga...lagbhag aadhe ghante ke athak prayas ke baad guru brahmarshi vishwamitra hamare samne jyotirmay roop me prakat huye.

Vishwamitra—ankhe kholo vats..

Adii—pranam gurudev..

Vishwamitra—tumhara kalyan ho..

Rajnandini/chitra—pranam gurudev..

Vishwamitra—sada saubhagyavati bhav..

Adii—gurudev.. ! chitra mujhe apna pati swikar kar chuki hai..kintu iss yoni me sambandh kaise adhik samay tak rah sakta hai... ? ab aap hi uska marg darshan kijiye..

Rajnandini—haan gurudev...chitra apni mukti ke liye taiyar hi nahi ho rahi hai..aap hi iska samadhaan kiijiye..

Chitra (anshu bahate huye)—main ye manti hu ki main achchi nahi hu...logo kp tang karti rahti hu...isliye adii aur didi mujhse picha chhudana chahte hain...kintu gurudev main eshwar ki shapath kha kar kahti hu ki main adii se behad prem karti hu...aur uske bina mujhe mukti ke baad bhi kahi shanti nahi milegi.

Vishwamitra—beti, prem to parameshwar ka anmol vardan hai...adii ka uddeshya tumhe apne se door karna nahi hai balki tumhe sasharir apni patni ke roop me pana hai...kuch pane ke liye kuch khona bhi padta hai...prem ko bhi apni pariksha deni padti hai...kintu isse prem samapt nahi ho jata hai....rajnandini ko hi dekh lo...usne apne prem ke liye sadiyo tak intazar ka dukh sahan kiya...agni ko dekho, usne patni hote huye bhi lambe samay tak pati sukh se vanchit rahi kintu isse uska prem kam to nahi ho gaya na.... ? tum bhi agar adii ko pana chahti ho to tumhe bhi iss pariksha se gujarna hi hoga…tum to bahut bhagyashali ho ki dusri yoni me hone ke bavjud bhi adii ne tumhe apni patni swikar kiya, itna hi nahi tumhe patni hone ka sukh bhi pradan kiya usne….main tumhe vardan deta hu ki agar tumhara prem sachcha hua to adii tumhe avashya hi milega..

Chitra—main adii ko paane ke liye har pariksha se gujarne ke liye taiyar hu gurudev...aap hi bataye ki mujhe aisa kya karna hoga jisse adii mujhse kabhi door na ho... ?

Vishwamitra—iske liye tumhe sabse pahle iss chudail yoni se mukt hona hoga...uske pashchat tumhare poorv karmanusar naya janam milega...jab tum manav janm me paida hogi to tumhe adii jarur milega..

Chitra—lekin isme to bahut samay lag jayega gurudev..

Vishwamitra—yahi to tumhare prem ki pariksha hai putri….ki tum apne prem ko paane ke liye kitna intazar kar sakti ho…?

Chitra—main adii ko paane ke liye apni antim saans tak intazar kar sakti hu gurudev..

Vishwamitra—to phir apni mukti ka marg prashast karne do adii ko putri..

Chitra—agar adii ka pyar paane ke liye mujhe kaanto par bhi chalna pade to main taiyar hu gurudev…jaisi apki aagya….kintu agar adii ne mere manav janam me mujhe nahi pahchana to..?

Vishwamitra—main tumhe ashirwad deta hu putri ki tumhe apne adii se milne ke pashchat ke apne sabhi janmo ka gyan usko dekhte hi smaran ho jayega…

Chitra—theek hai gurudev…

Vishwamitra—safal manorath bhav

Iske pashchat gurudev vishwamitra antardhyan ho gaye…maine aane wali amavashya ke din usko iss kasht daayak yoni se mukti dilane ka soch liya.

Raat me aaj bhi rajnandini ne apni jagah agni ko bhej diya…agni mera sanidhya pa kar kusumlata ki bhanti mahak uthi thi..agle din jab main bathroom se naha kar jaise hi bahar nikla vaise hi achanak koi mere seene se lipat kar rone lagi.

 

[StoryPublisher]

Thanks for Reading and Supporting

 

[StoryPublisher]

UPDATE- 119

Iske pashchat gurudev vishwamitra antardhyan ho gaye…maine aane wali amavashya ke din usko iss kasht daayak yoni se mukti dilane ka soch liya.

Raat me aaj bhi rajnandini ne apni jagah agni ko bhej diya…agni mera sanidhya pa kar kusumlata ki bhanti mahak uthi thi..agle din jab main bathroom se naha kar jaise hi bahar nikla vaise hi achanak koi mere seene se lipat kar rone lagi.

Ab Aage…….

Kisi ke aise achanak lipatne se main bhi chounk gaya…lekin phir sisakne ki awaz sunte hi maine dekha to ye shree didi thi…main unke dil ki haalat achchi tarah se jaan chuka tha.

Adii—didi, kya baat hai…aap ro kyo rahi ho…..?

Shree (sisakte huye)—main kya karu adii….? Mujhse ye doori sahan nahi ho rahi hai….tu sab ko unke hisse ka pyar de raha hai…lekin mera kya…? Jab bhi main tere paas aati hu to koi na koi tujhse chipki rahti hain, ye sab dekhne ke baad mere dil me kitna asahniya dard hota hai, ye main hi janti hu.

Adii—kyo, isme dard hone jaisa to kuch bhi nahi hai…kya aap ko apni maa, rajnandini se taklif hai…?

Shree (sisakte huye)—nahi…unse kyo taklif hogi mujhe…? Mujhe kisi se bhi tklif nahi hai…

Adii—to phir... ?

Shree (sisakte huye)—taklif mujhe tumse hai...tumhare paas sab ke liye time hai.....bas mere liye bhar nahi hai... akhir main kab tumhari biwi banungi…? Tum mere baare me maa se baat kyo nahi karte.... ?

Adii—dekho didi, jitna saral aap samajh rahi ho, ye utna easy nahi hai....kitne dukho aur intazar ke baad to rajnandini mujhe mili hai...main turant hi use ye sab bata kar usko phir se dukh ke gart me nahi dhakel sakta... dusra yaha samaj iss rishte ko kabhi swikar nahi karega.

Shree—to phir kab bataoge unhe.... ? aur kya mujhe bhi tere pyar ke liye pyasi hi rahna padega…?

Adii—abhi to main philhal chitra ki mukti ke liye uske gaon ja raha hu…vaha se loutne ke baad pari lok jana hai.. jo bhi hoga vahi hoga….hum sab pari lok me hi rahenge.

Shree—sach kah raha hai na..

Adii—hmmm

Shree—theek hai, main tak intazar kar lungi lekin mujhe bhi roj tera pyar chahiye bhale hi thoda hi sahi….aur main bhi tere sath chalungi jaha bhi tu jayega.

Adii—theek hai…

Uske baad kuch der tak hamare beech baate hoti rahi…phir dono ke vaha aa jane se hum dono ki baato me viraam lag gaya….dono mere paas aa kar baith gayi.

Urmila—kya baate ho rahi hain dono me…?

Adii—kuch nahi maa, didi thoda udas thi isliye main unhe samjha raha tha.

Megha—lekin beta, samaaj iss rishte ko kabhi nahi apnayega…

Adii—janta hu,…isliye maine faisla kiya hai ki ab hum sab pari lok me hi rahenge...

Phir maine dono ko chitra ke vishay me sab kuch bata diya...jise sun kar vo dono hairan ho gayi..sath me chitra ko le kar unke mann me thoda darr bhi lagne laga tha ye jaan kar ki vo ek chudail hai jo sirf khoon peeti hai.

Adii—darne ki koi baat nahi hai maa, chitra dil ki buri nahi hai....vah ek achchi aatma hai....bas jo dard aur taklif usne jheli hai aur dekhi hai, uske kaaran uska vyavhar aisa ho gaya hai.

Megha—tu sahi kahta hai...jo bhi hua uss bechari ke sath bahut galat hua hai....hum bhi chalengi tere sath...

Adii—lekin maa, vaha bahut khatra ho sakta hai...aur main aap ko kisi khatre me nahi daal sakta...

Urmila—main kuch nahi sunungi ab ki baar teri koi bhi baat....har baar apni manmani karta rahta hai...ye mera order hai..hum dono bhi tere sath hi jayengi..samjha..

Adii—theek hai mummy...agar aap ki yahi ichcha hai to yahi sahi...

Megha—kab jana hai.. ?

Adii—kal..

Shree—lekin mukti to amavasya ko hogi to phir itni jaldi kyo ja rahe ho.... ?

Adii—didi, vaha mujhe pahle se moujud sabhi aatmao ki mukti ka prabandh karna hoga warna vo chitra ko mukt nahi hone dengi aur ye kaam behad mushkil hai….vo buri aatmaye mujhe aisa karne se rokengi jarur, isliye pahle unhe thikane lagana hoga.

Baki ka din maine apne dosto ke sath bitaya....sab kuch janne ke baad vo sab bhi mere sath hi chalne ko kahne lage to maine unhe bhi haan kah diya.

Aaj raat me bhi rajnandini ne apni jagah agni ko hi mere paas bheja...maine agni ke prem ka niradar nahi kiya...vo sari raat meri baaho me lipti rahi aur mujhe apne youvan sukh ka anand deti rahi.

Agle din hum sabhi jane ke liye ready the...franklin, daniel, agni, mummy, maa, shree , deepa, saroj aadi sabhi dharti se bahar ek aloukik jagah par jane ke liye ati utsahit the....margret aur khatra to pahle bhi yaha aa chuke hain to unme utni vyakulta nahi thi..jabki to vahi rajnandini aur chitra ke chehre par chinta ke bhav the.... rajnandini ki chinta ka karan tha ki ye sab hoga kaise jab ki chitra, mujhse door hone ke darr se chintit thi.

Main sabhi ko le kar ek sunsan jagah par aa gaya aur neel mani ki madad se vaha ek dwar ban gaya...hum sab usme andar aa gaye...bhitar lal roshni ka ghera phaila hua tha...hamare andar aate hi darwaja band ho gaya...iss mani ke chamatkar ko dekh kar sabhi hairan the.

Kuch hi der me hum sab nikaal gaon me pahuch gaye....uss darwaje se bahar nikalte hi vah surang adrishya ho gayi vaha se...sabse pahle main uss budhi maa ki talash karne laga jo mujhe pichli bar yaha mili thi...lekin vo mujhe kahi nazar nahi aayi....maine apni shakti se sabhi ko ek ek locket pahanne ko de diya jo ki suraksha kawch ka kaam karega unke liye kisi bhi buri shakti ke hamla karne par...

Nangu—rishi..yaha hum rahenge kaha... ? sabhi kuch to yaha ujda hua hai…

Adii—abhi sab intazam karta hu....khatra

Khatra—ji malik

Adii—yaha mandir ke paas me ek aalishan mahal banao sab ke rahne layak..turant

Khatra—jo hukum mere aaka...

Urmila (hairan)—beta, vo akela bhala mahal kaise bana sakta hai….? Vo bhi aaj hi…

Megha—haan, aur yaha to koi majdoor bhi nahi milega…

Adii—khatra kuch bhi kar sakta hai maa…uske liye ye sab bahut choti si baat hai…kyon ki vo ek taqatwar jinn hai..

Sab (shocked)—kyaaaaaaa….khatraaa…..ekkk…jinn…haiiii….?

Adii—hmmmm

Khatra ne kuch hi kshan me mandir ke bagal me ke bhavya mahal ka nirman kar diya…..jiske andar sabhi aadhunik suvidhaye uplabdh thi….iss chamatkar ko dekh kar sabhi daanto tale hairani se ungaliya dabane lage…main sab ko andar le aaya..sabne apne apne liye ek ek room chun liya.

Pangu—chalo rahne ka intazam to ho gaya…..ab aage kya karna hai…?

Adii—ab tum charo, franklin, daniel mil ke poore gaon ki jamin khodna shuru karo…yaha jamin ke andar dabe huye sabhi nar kankal ko bahar nikal kar unka antim sanskar karna hoga…..jab tak sabhi ke nar kankalo ka antim sanskar nahi hoga tab tak chitra ko mukt karna mushkil hai…

Gangu—theek hai..hum abhi lag jate hain iss kaam me…

Daniel—khatra bhi to hamari madad karega…vaise to vo akele hi ye kaam bahut jaldi kar sakta hai phir hame kyo taklif de rahe ho yaar….?

Adii—kyon ki khatra bhi to akhir ek aatma hi hai…mukti dilane ka kaam uska nahi hai…ye hame hi karna hoga..

Chuttad—theek hai..jaisa tum kaho…

Adii—lekin dhyan rahe ki isme khatra bahut hai….vo aatmaye apne kankal ke nikat bhi aane nahi dengi…ho sakta hai ki vo tum par hamla bhi kar de…isliye savdhani se kaam karna hoga…

Franklin—ye tumhara locket hai na…phir kis ka darr hai….?

Adii—locket to hai hi…phir bhi koi aatma agar jyada shaktishali huyi to vah iss kawach ko tod bhi sakti hai…aur kawach tootne ke baad kya kya ghatna ho sakti hai, ye to main bhi nahi janta….yaha tak ki kisi ki jaan bhi ja sakti hai isme….

Daniel—arey aisa mat bol yaar…dekh teri to bahut sari biwiya hain..lekin meri to abhi shadi bhi nahi huyi hai.. main aise kuwara nahi marna chahta…

Adii—maine to pahle hi kaha tha ki yaha khatra hai..tum log hi nahi maane mere mana karne ke baad bhi..

Chuttad—chalo yaar…jo hoga dekha jayega…

Adii—sabse pahle daal gaon se start karo…nikal gaon uske baad dekhte hain…

Pangu—theek hai…badhiya naam hai..daal-nikaal…hihihihi

Khatra ne khudayi ka sara saman de diya jis ko le kar sab daal gaon me aa gaye..aur gaon ki seema se jamin ki khudayi aarambh kar di...poora din ka samay aise hi nikal gaya khodte huye kintu kuch nahi mila kisi ko.

Magar jaise hi shaam huyi vaise hi achanak ek jordar cheekh ne sab ko hila kar rakh diya……

 

[StoryPublisher]

UPDATE- 120

Khatra ne khudayi ka sara saman de diya jis ko le kar sab daal gaon me aa gaye..aur gaon ki seema se jamin ki khudayi aarambh kar di...poora din ka samay aise hi nikal gaya khodte huye kintu kuch nahi mila kisi ko.

Magar jaise hi shaam huyi vaise hi achanak ek jordar cheekh ne sab ko hila kar rakh diya……

Ab aage…..

Awaz franklin ki thi…hum sab uski taraf bhaage…jaha par vo khudayi kar raha tha…jab hum vaha pahuche to franklin hame kahi dikhayi nahi diya.

Adii—kaha gaya ye…?

Nangu—kahi room to nahi bhag gaya…darr kar…?

Daniel—franklin darr ke karn pith dikhane walo me se nahi hai…jarur kuch aur baat hai…

Adii—shayad tum theek kahte ho…chalo dhoondo usko yaha har taraf…

Sabhi franklin ki khoj karne me lag gaye…khatra room me bhi dekh kar aa gaya kintu vah vaha gaya hi nahi tha… main abhi soch vichar me dooba hua hi tha ki tabhi ek cheekh phir se sunayi di…awaz franklin ki hi thi kintu ab awaz sun kar aisa mahsoos hua jaise ki vo yaha se kafi door ja kar madad ke liye chilla raha ho.

Main ankhe band kar ke dhyan me baith gaya….kuch hi der me mujhe franklin dikhayi dene laga jisko ki ek pret ne pakad rakha tha aur usko ghasit kar liye ja raha tha kahi…maine dimag me uss jagah ka avlokan kiya aur dhyan se uth kar apni ankhe khol di.

Adii—khatra, tum inn sab ko turant surakshit mahal le jao...main abhi aata hu...

Koi mujhse kuch sawal karta ki usse pahle hi main vaha se adrishya ho gaya aur sidhe uss sthan par pahucha jaha uss pret ne franklin ko pakad rakha tha.

Adii—chhod do use...

Franklin (mujhe dekh)—adiiiiiiii.....

Pret (bhari awaz)—hihihihihi…..maregaaaaa….abbbb..tuuuu…bhiiii….maregaaaaaa

Vo franklon ka ek hath pakad kar khichte huye meri taraf badhne laga….ye dekh kar maine turant ankhe band kar ke apni divya talwar ka smaran kiya aur agle hi pal vo talwar mere hatho me prakat ho gayi.

Mere hayh me uss talwar ko dekhte hi uss pret ke meri taraf badhte kadam achanak hi ruk gaye aur vo piche hatne laga….jaise jaise main uski oar badhne laga vo piche hota jata…kintu usne franklin ka hath ab tak chhoda nahi tha.. ye dekh kar maine uski taraf daudna chaha to vah ghabra kar franklin ko chhod vaha se gayab ho gaya..franklin ko le kar main bhi mahal lout aaya jaha sab vyakulta se meri hi pratiksha kar rahe the…Mujhe aur franklin ko sakushal dekh sabne chain ki saans li.

Daniel—kaha chala gaya tha…aur cheekha kyo….?

Franklin (dara hua)—vo main jab vaha par jamin ki khudayi kar raha tha to kisi ne achanak mera pair pakad kar uss gaddhe me khich liya…maine idhar dekha to koi nahi dikha….lekin mera pair koi lagatar uss gaddhe ke andar khich raha tha..maine apna pair chhudane ki bahut koshish ki lekin nahi chhuda paya..isliye darr se cheekhne laga… uske baad kya hua mujhe kuch yaad nahi hai….jab hosh aaya to khud ko ek sunsan jagah par paya…ek bahut hi badsurat pret mujhe ghasit kar na jane kaha liye ja raha tha…uski surat dekhte hi meri cheekh nikalne lagi…aur phir adii vaha pahuch gaya aur mujhe uske changul se chhuda ke le aaya.

Adii—kal se khudayi ka kaam kewal din me hi hoga….shaam hone se pahle hi khudayi band kar denge….main kisi ki zindagi ko khatre me nahi dalna chahta…

Rajnandini—haan, ye theek rahega

Uske baad khana kha kar sabhi apne apne kamro me sone chale gaye….main room me rajnandini ke aani ka intazar kar raha tha..aur vo aayi bhi lekin apne sath chitra ko liye huye.

Rajnandini—rishi..main chahti hu ki chitra ko bhi uske hisse ka poora pyar mile…aaj se le kar amavasya tak chitra ko uska patni hone ka adhikar do…main nahi chahti ki vo apni adhuri ichchaye liye yaha se jaye.

Adii—aur tumhare hisse ka pyar….uska kya…..?

Rajnandini—kewal do jismo ka milan hi to pyar nahi hai…prem to rooh me basa hua vo adbhut ehsaas hai jo hamesha do dilo ko aapas me sanjoye rahta hai…chitra bhi meri choti bahan hai, main uska adhikar chheen kar kaise khush rah sakti hu….mera kya…? Jaha maine itne samay intazar kiya hai to kuch samay aur sahi..

Rajnandini ki iss baat ne mujhe niruttar kar diya tha…mere paas koi jawab nahi tha uski iss baat ka…chitra to rajnandini ki baat sun kar bhavna me bhav vibhor ho gayi…aaj usko pahli baar ek sachche pyar ka ehsaas hua tha vo jhuk kar rajnandini ke pair chhune lagi to rajnandini ne pakad kar chitra ko apne gale se laga liya.

Rajnandini—ye kya kar rahi hai pagli….?

Chitra (bhav vibhor)—aap aur apka pyar dono hi pooja ke yogya hain didi...mujhe chhu lene dijiye apke inn charno ko, shayad isse meri galtiyo ka kuch prayaschit ho jaye.... ?

Rajnandini—tune koi paap nahi kiya hai...jo bhi kiya apne pyar ko hasil karne ke liye kiya...kintu kewal hasil kar lena ya kuch pana hi pyar nahi hota....kuch pa kar sab kuch khone ka naam bhi pyar hai....pyar me kuch pane ki ichcha nahi honi chahiye balki sirf dene ki bhavna hone ka naam hi sachcha prem hai....aur sabse badi baat ki pyar me ek dusre par atoot vishwash ka hona jaruri hai....jaha do premiyo me ek dusre ke prati vishwash na ho, vo sachcha pyar nahi ho sakta, vo to pyar ke naam par kewal chhalawa hai...yadi tum rishi se prem karti ho to uss par atoot vishwash karna bhi sikho....jaisa agni ne kiya.

Chitra—aap mahan ho didi....aap ke jaisa pyar to koi virla hi kar sakta hai...har kisi ke bas ki ye baat nahi...

Hamari baato ko koi aur bhi tha jo bade dhyan se darwaje ke bahar khade ho kar sun rahi thi...ye shree thi jo mujhse milne aa rahi thi lekin jab andar kisi ke baate karne ki awaz uske kano me padi to vo dhyan se sunne lagi..apni maa rajnandini ki baate sun kar usko apni bhool ka smaran hone lag gaya.

Shree (mann me)—meri maa sach me kitni mahan hain aur unka pyar usse bhi mahan hai...itne saalo tak intazar karne ke baad bhi vo sirf dusro ki khushi ke baare me hi sochti hain....main kitni swarthi ho gayi thi jo aaj tak sirf apne baare me hi sochti rahi....adii par sirf apna hi haq samajhti rahi...aaj maa ki baato ne mujhe sachche pyar ke sahi mayne samjha diye....adii main bhi intazar karungi uss din ka jab tum mujhe sachche mann se apni patni swikar karoge....main bhi apni maa ki tarah hi banungi...ab main adii ko apne hisse ke pyar ke liye pareshan nahi karungi....mujhe aap ki beti hone par apne aap par garv hai maa.

Ye soch kar vo vapis apne room me chali gayi...rajnandini ne chitra ko samjhaya aur usko mujhe soump kar shree ke paas sone chali gayi.

Rajnandini ke jate hi maine chitra ko apni agosh me samet liya aur sari raat usko pyar deta raha....agle din hum sab phir se uss gaon me pahuch gaye...vaha pahuchte hi maine dhyan laga kar ye dekhne ka prayas kiya ki uss gaon me kaha kaha par logo ke mrit kankal jamin me dabe huye hain....

Dhyan me sab jagah dekhne ke baad main har uss sthan par marking kar di jaha kankal hone ki sambhavnaye thi.. mark ki huyi jagah par sabne khudayi shuru kar di….poora din yahi kaam chalta raha…..shaam hone se pahle hi maine khudayi ka kaam rukwa diya.

Khudayi karne me jitne bhi ashti avshesh nikle unko maine ek jagah par bada sa gaddha karwa ke usme rakhwata gaya…..poore mahine bhar yahi kram chalta raha….din me khudayi hoti aur shaam hone se pahle band ho jati… har raat rajnandini mere room me chitra ko pahucha deti aur main usko uske hisse ka prem deta rahta…iss dauran dono gaon ki khudayi me bhari sankhya me nar kankal mile jinko ek jagah ekattha karwata raha…kuch apriy ghatnaye bhi beech beech me ghatit hoti rahi…itne nar kankal dekh kar sabhi ashcharya chakit the.. har din kuch na kuch hairat angej ghatnaye hoti rahi jinhe dekh kar sabhi hairan the…aur ye vishwash bhi karne lage the ki iss vastavik duniya ke alawa bhi ek paraloukik duniya hai…

Akhir vo din bhi nazdeek aa gaya jab chitra ki mukti honi thi iss chudail yoni se….aaj chitra ke chehre par ek mayushi chhayi huyi thi….uske chehre ki rounak jaise kahi gayab ho gayi thi….chitra ne iss mahine me kisi ko pareshan nahi kiya…uske swabhav me aayi ye tabdili kafi hairan karne wali thi…hum sabhi uske andar iss samay chal rahe dard ko samajh sakte the ki uski manodasha kya hogi….?

Chuttad--itne kankalo ka kya karenge…? Itne logo ki mukti kaise sambhav hogi rishi….?

Adii—sab nar kankal ek jagah ekattha karne ke piche mera uddeshya sirf yahi hai ki jisse sabhi ki ek sath mukti ho sake..

Nangu—amavasya to kal hi hai…

Adii—haan,…kintu kal hi sab ko mukt karunga aur chitra ko bhi….

Megha—koi khatra to nahi hoga na….?

Adii—asli khatra to kal hi hai…koi bhi ruh moh maya ke iss bandhan ko chhod kar mukt hona nahi chahegi.. ye bhi sambhav hai ki vo kal hum me se kisi ko bhi apne mrit sharir ke aas paas bhi na pahuchne de….ho sakta hai ki sab ek sath hamare upar hamla kar de..unme se kayi ruh to behad khatarnak aur taqatwar bhi hogi..jinse nipatna mushkil ho sakta hai…yaha tak ki vo kisi ki jaan bhi le sakte hain..

Urmila—tab to ye badi chinta ki baat hai beta…

Adii—haan mummy….kal sab log ye mahal chhod kar bagal me bane bhagwan shiv ke mandir ke andar chale jana.. aur chahe kuch bhi ho jaye vaha se bahar mat nikalna….ye bhi sambhav hai ki kayi taqatwar ruh sab ko mandir se bahar nikalne ke liye koi bhi chhal kar sakti hain….lekin tum log bahar mat aana, chahe kuch bhi ho jaye…

Rajnandini—main tumhe akele nahi jane dungi….pahle hi ek bar tumhe kho chuki hu..ab nahi khona chahti..

Urmila—haan beti tum sahi kahti ho…main adii ko akele nahi jane dungi itne khatro ke beech…main bhi sath chalungi…

Adii—mummy..ye koi picnic nahi hai…jaha koi maza aane ki soch rahi hain aap…..balki ye zindagi aur mout ka sawal hai…aap logo me se koi bhi mandir se bahar nahi niklega kal…ye mera antim faisla hai…

Nangu—lekin abhi hame chira ka mrit sharir mila hi kaha hai... ? bina mrit sharir mile uski mukti kaise hogi... ?

Adii—chitra ka mrit sharir sirf amavas ki raat ko hi mil sakta hai…ye bhi sambhav hai ki uske mrit sharir ke aas paas kayi taqatwar ruho ne suraksha kawach ka ghera bana liya ho….agar aisa hua to vo hame chitra ke mrit sharir ke aas paas bhi nahi jane dengi….isliye kal khudayi ka kaam main akele hi karunga..

Chuttad—hum tujhe akele nahi jane denge…jiyenge to sath marenge to sath…kahe deta hu..haan..

Gangu—pahli bar tune sahi mouke par sahi baat kahi hai chuttad…main teri baat ka samarthan karta hu…

Sab (ek sath me)—hum bhi sath jayenge…..

Adii—koi nahi jayega..samjahe aap sab…sab ko meri kasam hai agar mere sath chalne ki jidd ki to…

Shree—lekin adii…

Adii—koi lekin vekin nahii…..

Megha—rajnandini beti, meri chitra beti aise yaha se vida nahi hogi…vo hamare bete ki patni hai…main chahti hu ki vo poori nayi naveli dulhan ki tarah yaha se jaye….jao usko dulhan ke lal jode ke sath poora shringar kar do… aaj abhi issi waqt bhagwan shiv ke samne dono ki vidhivat shadi hogi…kal jab vo sasural se vida ho ke jayegi to main samjhungi ki vo kuch samay ke liye apne mayke gayi hai….aaj se main uski maa hu aur urmila didi uski saas.

Urmila—meri chitra ki khwahish thi na ki vo sabke samne mere bete ki patni bane to uski ye ichcha jarur poori honi chahiye aaj…jao beti taiyar kar do…

Rajnandini—ji maa ji..

Chitra dono maa ki baate sun kar atyant bhavuk ho gayi aur bhag kar unke gale se lipat kar rone lagi...sabne use samjhaya...chitra ne apne sath sath sabhi ko bhavuk kar diya tha...aaj kisi ke dil me uske liye koi mail nahi tha.. usne iss ek mahine me sab ka dil jeet liya tha.

Phir rajnandini aur shree mil kar chitra ko apne room me le gayi aur uska dulhan ka shringar karne lagi...usko sajane ke baad hum usko le kar mandir me chale gaye jaha bhagwan shiv ke samne dono ki vidhi vidhan se shadi huyi....maine uske gale me apne naam ka mangal sutra aur maang me sindur bhar diya...aaj chitra ki antim ichcha bhi poori ho chuki thi....iske baad rajnandini aur agni ne chitra ko mere kamre me le aayi..jaha bistar phoolo se saja hua tha....

Maine chitra ko apni baaho me samet liya...aaj vo bala ki khubsurat lag rahi thi...aaj pahli bar uske chehre par sharam aur laaz ki lali dekhne ko mili mujhe...jo uski sundarta me chaar chaand laga rahi thi

Adii—chitra..aaj to hamari asli suhagrat hai....jo tum chahti thi,vo tumhe aaj mil hi gaya...phir itni udasi kaise hai tumhare chehre par... ? kya tum meri biwi ban kar khush nahi ho... ?

Chitra—aaj to meri zindagi ka sabse badi khushi ka din hai....main bahut khush hu... main ek chudail hu jiska kaam hi logo ka khoon pina hai...ye jante huye bhi aapne sab ke samne mujhe apni biwi banne ka gaurav diya..apki biwi banne aur rajnandini jaisi mahan aurat ki choti bahan hone ka jo saubhagya mujhe mila hai, uski khushi ka shabdo me bayan karna mere liye bahut mushkil hai...lekin aapse door jane ka darr mujhe bahut sata raha hai....ye sab khushiya kal ek kshan me hi mujhse chhin jayengi....main ab apke bina kaise rahungi... ?

maine dekha ki chitra ki ankhe chhalak aayi thi...aaj pahli baar main bhi uske liye bhavuk ho gaya tha...maine usko samjhate huye apni baho me kas liya aur apne hoth uske hotho par rakh kar uske adhro ka raspan karne laga... dhire dhire usne bhi mujhe sahyog dena shuru kar diya..aur kuch hi der me hum dono ek dusre me samate chale gaye...

subah hote hi akhir vo din bhi aa hi gaya..amavasya ka din...ye koi nahi janta tha ki aaj ki amavas ki ye kali raat kya nayi ibarat likhegi... ? koi nahi janta tha ki iss raat ke baad ki subah hogi bhi ya nahi.... ? kis kis ki zindagi bachegi aur koun koun panch tatvo me vileen ho jayega, ye bhi nahi pata tha kisi ko... ? iska rahasya to sirf samay hi dega.

 

[StoryPublisher]

Thanks for Reading and Supporting

 

[StoryPublisher]

UPDATE- 121

maine dekha ki chitra ki ankhe chhalak aayi thi...aaj pahli baar main bhi uske liye bhavuk ho gaya tha...maine usko samjhate huye apni baho me kas liya aur apne hoth uske hotho par rakh kar uske adhro ka raspan karne laga... dhire dhire usne bhi mujhe sahyog dena shuru kar diya..aur kuch hi der me hum dono ek dusre me samate chale gaye...

subah hote hi akhir vo din bhi aa hi gaya..amavasya ka din...ye koi nahi janta tha ki aaj ki amavas ki ye kali raat kya nayi ibarat likhegi... ? koi nahi janta tha ki iss raat ke baad ki subah hogi bhi ya nahi.... ? kis kis ki zindagi bachegi aur koun koun panch tatvo me vileen ho jayega, ye bhi nahi pata tha kisi ko... ? iska rahasya to sirf samay hi dega.

Ab Aage….

Subah neend khulte hi maine dekha ki chitra meri baaho me lipti huyi ankhe khole ek tak mujhe hi dekhe ja rahi thi. Uski ankho me ek soonapan nazar aa raha tha.

Adii—kya hua, chitra….? Tum raat bhar soyi nahi kya…?

Chitra—bas aaj tumhe jee bhar dekhne ka mann kar raha tha…main so kar iss mouke ko khona nahi chahti thi..phir na jane kab tumhara deedar ho…? bas iss darr se neend hi nahi aayi..

Adii—iska matlab ki mere so jane ke baad tum phir se dukh me doob gayi, hai na….?

Chitra—main to chudail du…raat hi mere liye din hai…magar shaam ke baad jab ye raat aati hai to kitna dard aur kitni taklife de jati hai hame, ye koi nahi janta…aur aaj ki raat to mere liye khushiyo ki saugaat ke sath sath judai ki bhi to raat thi…

“Tumne Dekha Hai Kabhi Ek Nazar Shaam Ke Baad,

Kitne Chupchap Se Lagte Hain Shajar (vriksh), Shaam Ke Baad,

Tum Suraj Ho, Tumhe Malum Kaha Hai, Raat Ka Dukh,

Tu Kisi Roz Mere Ghar Me Utar, Shaam Ke Baad.”

Adii—Jise tum judayi kahti ho,ye bhi to ho sakta hai ki vo milan ki taraf badhta hua ek kadam ho..isliye apne mann me dukh ko jagah mat do..

Chitra—mujhe ek baar aur apko pyar karna hai…

Adii—hmmm, aa jao..

Maine chitra ko apne agosh me samet kar ek bar phir se usko pyar karte huye kaam krida me nimagn ho ho gaya.. jab ye toofan shant hua to maine uske hotho par ek chumban ankit kar ke bistar se uth gaya….ab tak bahar suraj ki lalima khatam hone aayi thi aur vah har jagah apni roshni bikherne ko taiyar nazar aane laga tha……fresh hone ke baad bahar sab ke paas aa gaya.

Sabne ek sath nasta kiya….rajnandini ne mere room me ja kar chitra ko bhi utha diya..thodi der me vo bhi hamare sath aa kar baith gayi…sabhi ke chehro par ek anjana sa darr aur khauf chhaya hua tha….

Urmila—rajnandini beti, chitra ko poore dulhan ke shringar me taiyar kar dna aaj bhi…main chahti hu ki chitra mere ghar se ek suhagan ke roop me lal joda pahan kar hi vida ho..

Rajnandini—theek hai maa ji..

sabhi ka nasta khatam hone ke baad rajnandini ne chitra ko taiyar kar diya…phir main sab ko le kar bhagwan shiv ke ussi mandir me aa gaya.

Adii—aap sab me se koi bhi yaha se bahar nahi nikalega...aur kal maine jo jo baate kahi thi, vo bhulna mat..aap sab ko iss mandir se bahar nikalne ke liye vo shaktiya koi bhi chhal kar sakti hain kyon ki vo mandir me pravesh nahi kar sakti hain...ab main chalta hu..

Rajnandini—rishi, main bhi tumhare sath chalungi..

Adii—nahi, nandini…ye kaam mujhe hi karna hoga…inn sab ki suraksha ki jimmedari main tunhare aur khatra ke upar chhod kar ja raha hu…tum dono ko inn sab ka dhyan rakhna hoga….ye kaam bhi to mera sath dena hi to hua na..

Rajnandini—agar aisa hai to theek hai…

Khatra—aap nishchint rahe malik, mere rahte koi bhi inka kuch nahi bigad sakta…

Adii—chitra, kya tum mujhe ye bata sakti ho ki tumhara parthiv sharir kis jagah par hai….?

Chitra—hmmmm, main sath me chalti hu..

Adii—nahi iski jarurat nahi hai….tum bas vo jagah bata do..

Chitra—theek hai...nikaal gaon me jo kuwa bana hua hai....uske niche hi khandahar ho chuka hamara rajmahal hai....uss mahal ke aangan me ek bada sa chabutara bana hua hai...vahi par hai...

Chitra ki baat ne hum sab ko buri tarah se chounka diya....ye jaan kar ki uss kuwa ke niche ek rajmahal bhi hai.. shock lagna swabhavik hi tha.

Shree (shock)—iska matlab ki vo kuwa, mahal ke upar bana hai…?

Chitra—hmmmm

Adii—tab to kafi time lag jayega khudayi karne me….khair chalo main dekhta hu..

Urmila/ megha—beta apna dhyan rakhna…hame bahut darr lag raha hai..

Adii—tension mat lo..bas maine jo aap sabse kaha hai, vo jarur yaad rakhna..

Chuttad—theek hai yaar...

Maine apni dono maa ka ashirwad liya aur sab ko ek bar phir se samjha kar khudayi ka samaan uthaya aur chal pada chitra ki ashthiyo ko talash karne..

Mandir se bahar jaise hi maine kadam rakha…jo aas maan ab tak khula hua tha aur chahuor dhoop bikher raha tha, vahi achanak se usko ghane baadlo ne gherna shuru kar diya…har jagah din me bhi raat ke ghane andhakr jaisa prateet hone lag gaya.

Inn sab ki parwah kiye bagair hi main apne kartavya marg par chalta gaya…mujhe ab sabse pahle uss dharti ke andar dabe huye mahal tak pahuchna tha kisi bhi tarah aur vo bhi aaj hi jitna jaldi ho sake.

Kyon ki chitra kki dead body mil jane ke baad baki khudayi se nikli huyi asthiyo ka bhi antim sanskar karna jaruri tha jisse ye jagah phir se logo ke rahne ke qabil ban sake.

Nikaal gaon ke uss kuwa ke karib pahuch kar maine dhyan dwra apni shaktiyo ko jagrit kiya aur apne charo taraf ek suraksha kawach bana liya phir uss kuwe ke andar kood gaya…usme kafi pani tha aur dusri baat ki bahut ghana andhera tha vaha…shayad uss kuwe ki gaharayi bahut jyada thi.

Maine apni shaktiyo ko jagrit avastha me kar liya tha isliye mujhe uss andhere me dekhne ke liye jyada pareshani mahsoos to nahi ho rahi thi kintu uss kuwe me jeev jantu bhi kafi tadaad me the jo mujhe apna aahaar banane ko vyakul huye ja rahe the.

Lekin mere charo taraf bane suraksha kawach ke prabhav se vo mujh tak pahuchne me asmarth ho rahe the..aur ye pani tha ki kam hone ka naam hi nahi le raha tha..ant me maine apni shaktiyo ki madad se uss pani ko sukha diya.

Pani ke sukhte hi main tezi se niche gira….main ab uss kuwe ki talahti me pahuch chuka tha…niche sirf jamin hi nazar aa rahi thi…mahal ka kahi koi surag nahi dikhayi de raha tha.

Maine vaha ki jamin ko hi khodna shuru kar diya…jaise jaise mere khodne ki speed badhti ja rahi thi..vaise vaise bahar ka mousam aur bhi khatarnak hota ja raha tha.

Khudayi karte huye mera fawda ek jagah par aa kar kisi cheez se takra ke phans gaya…maine usko bahar nikalne ki bahut koshish ki magar kamyab nahi hua..tab maine apni divya talwar ka smaran kiya aur uske hath me aate hi maine talwar ko uss sthan par laga kar jaise hi niche ki taraf thoda jor diya to vaha ki jamin fatne lag gayi..usme badi badi daraare aa gayi…maine talwar ko aur idhar udhar ghumaya hi tha ki vo jamin toot kar bikhar gayi aur uske sath hi main bhi andar samata chala gaya.

Jamin ke sath hi main andar pani me ja gira…maine dekha to vaha charo taraf malba phaila hua tha…main samajh gaya ki chitra issi mahal ki baat kar rahi thi jo ki ab poori tarah se khandahar me badal chuka hai…lekin vaha itna malba bikhara hua tha ki ye andaz laga pana behad kathin tha ki aangan ka hissa koun sa hai…?

Ye pata lagane ke liye main vahi par dhyan laga kar baith gaya…kuch hi der me poori tasveer aaine ki tarah saaf ho gayi meri ankho ke samne…main jis jagah par gira tha, uss malbe ke niche hi vo chabutara tha.

Tasveer saaf hote hi maine ankhe khol kar apna phawda dhoondne laga..vo mujhe ek taraf pada dikh gaya to maine usko uthaya aur vaha ka malba alag karne laga…malba alag hote hi vo chabutara bhi dikhayi dene laga…to maine usko todna shuru kar diya.

Maine todna start kiya hi tha ki itne me vaha moujud sabhi adrishya paraloukik shaktiyo me khalbali mach gayi… bahti shant hawao ne achanak bhayanak toofan ka roop dharan kar liya…sath me bahut hi darawni aur dil dahla dene wali bhayanak cheekhe vaha goonjne lagi.

Main inn sab baato ko darkinar kar ke apne kaam me laga raha…akhir main apni manzil ke karib pahuch hi gaya.. chabutara jaise hi toota vaise hi kisi adrishya shakti ne mujhe utha kar door phenk diya.

Main dubara uth kar vaha gaya aur malba hatane ke liye jhuka to phir se vahi hua…maine kayi bar koshish ki, natiza vahi nikla..mere jhukte hi koi utha kar door phenk deta…aisa lag raha tha ki vo aatmaye behad kroadh me aa chuki hain…

Udhar bahar ka mousam aur bhi bhayanak ho chuka tha…tez hawao ke sath sath ghanghor barish bhi hone lag gayi thi…mandir me sabhi pareshan aur chinta me doobe huye the…ki tabhi ek cheekh ne unke kaan khade kar diye..

“Rajnandiniiiii…..bachaaoooooo…….maaaaaaa…..bachaooooooo....aaaaaaaaaaaaaa.....mummyyyyyy”

 

[StoryPublisher]

UPDATE- 122

Main dubara uth kar vaha gaya aur malba hatane ke liye jhuka to phir se vahi hua…maine kayi bar koshish ki, natiza vahi nikla..mere jhukte hi koi utha kar door phenk deta…aisa lag raha tha ki vo aatmaye behad kroadh me aa chuki hain…

Udhar bahar ka mousam aur bhi bhayanak ho chuka tha…tez hawao ke sath sath ghanghor barish bhi hone lag gayi thi…mandir me sabhi pareshan aur chinta me doobe huye the…ki tabhi ek cheekh ne unke kaan khade kar diye..

“Rajnandiniiiii…..bachaaoooooo…….maaaaaaa…..bachaooooooo....aaaaaaaaaaaaaa.....mummyyyyyy”

Urmila (bechain)—ye…ye to mere adii ki awaz hai….lagta hai ki mera beta kisi musibat me haii….

Megha (tension)—haan didi…mujhe bhi yahi lag raha haii..

Iss cheekh ne sabhi ke hosh uda diye....urmila aur megha pareshan ho kar vaha se bhagne lagi...lekin khatra ne rok diya unhe mandir ke bahar nikalne se...

Urmila (rote huye)—mujhe jane doooo....mera adiii musibat me haiii....vo mujhe bula raha haiiii...

Khatra—mujhe maaf karna malkin....mere malik ka yahi adesh hai ki main aap ko yaha se na jane du...aap chinta na kare, malik ko kuch nahi hoga...

Megha (rote huye)—hame jane do khatra....tum ek maa ke hriday ko nahi samajh sakoge...tum mard ho na...

Rajnandini (tension)—maa ji khatra shayad sahi kah raha hai….ye unn dust aatmao ki koi chaal hai..hame yaha se bahar nikalne ki…..mere rishi ko kuch nahi hoga…..aap nirash na ho…bhole nath sab theek kar denge….

Halanki rajnandini khud bhi andar se bahut hi pareshan aur chintit thi lekin phir bhi apne aap ko kisi tarah vyagra hone se roke kar sab ko samjhane me lag gayi…haalat sabhi ki vaisi hi thi..sab mujhe le kar tension me aa chuke the iss cheekh ko sun kar.

Magar tabhi unki ankho ne kuch aisa dekha ki jiske baad sab ke sabra ka baandh toot gaya aur mari kahi sabhi baato ko bhul kar vo chillate huye mandir se bahar ki taraf bhagne lage….

Rajnandini (cheekh kar)—rishiiiiiiiiiii

Urmila—adiiiiii

Megha—nahii……

Shree—adiiiiiiiiii..

Agni—nahiii….ye nahi ho sakta…..

Chitra (rote huye)—nahii…ye main nahi hone dungi…adiiiiii

Mandir se thodi hi doori par adii khoon se lathpath haalat me jamin par pada hua tha aur jor jor se sab ko madad ke liye chillaye ja raha tha…ye dekh kar sab ki ankhe chhalak aayi dard aur chinta se..aur phir khatra ke bar bar samjhane ke baavjud bhi vo nahi ruke aur jor jor se rote chillate huye sabhi mandir se bahar nikal kar uss khoon se lathpath shakhs ki taraf bhagne lage…

Sab vaha tak pahuchte ki tabhi vaha char bhayanak shakal surat wale log achanak se prakat ho gaye aur uss jamin me pade shakhs ko ghasit kar le jane lage kahi…

Urmila (rote bhagte)—nahiii…ruk jaoooo….mere bete ko chhod do…..mat maro use…..

Sabhi unke piche piche barish me bhigte, girte phir uth kar bhagne lagte chillate huye lekin unke paas tak nahi pahuch pa rahe….dekhte hi dekhte vo sabhi uss jagah pahuch gaye jaha par jamin se khod kar nikale gaye nar kankal rakhe gaye the….vaha pahuchte hi vo charo ruk gaye aur jor jor se hansne lage…bahut bhayanak hasi…

Itni bhayanak hasi sun kar sabhi ke dil kaamp uthe…aur phir dekhte hi dekhte vaha ek ke baad ek hazaro bhoot, pret, chudail aur bhi kayi tarah ke jeev samne aane lage gusse se tilmilaye huye….aur tab unke ashcharya ki seema hi na rahi jab vo khoon se lathpath shakhs yakayak uth khada hua aur ek bhayanak shakal me badal gaya haste huye…

Rajnandini (tension)—maa ji…hamse bahut badi galti ho gayiii…..hum rishi ki kahi baat to bhool hi gaye….

Shree (ghabrate huye)—maa..ab kya kareee…..adii to yaha hai hi nahi…

Daniel (darr)—bhago…vapis mandir me….

Sab (chillate huye)—jaldiii chaloooooo...

Sab bhagne ke liye jaise hi mude to samne bhi unn sab ko khade paya....unn gusse me doobi aatmao ne unn sab ko charo taraf se gher liya tha...

Ab unke yaha se bhag kar phir se mandir me jane ka marg band ho chuka tha....vo sabhi dust aatmaye unki taraf badhne lagi...ye dekh kar sab darr aur khauf se adii...adii chillane lage.

Unko paas aate dekh juliya darr kar piche ko bhagi lekin tabhi kisi ne usko pakad kar hawa me utha liya aur apne bade bade nakhun uske komal sharir ke aar paar kar diye...vo jor se cheekhi aur phir shant ho gayi...vo nishachar uska khoon pine me lag gaya.

Ye drishya dekhte hi sab ke rongte khade ho gaye...ab vo bakio ki taraf badhne lage aur jaise hi ek ne urmila ko pakadne ke liye hath aage kiya vaise hi kisi ne usko utha kar patak diya.

Ye chitra thi jo behad gusse me aa chuki thi...usne gusse me aate huye ek ek kar ke unn sabhi nishacharo ko patak patak kar maarna shuru kar diya...khatra bhi uske sath ho liya usne bhi unki dhunayi shuru kar di...

Khatra—choti malkin....aap piche hat jao....inn sabhi ka maqsad hi tumhe qaid karna hai...tum piche hato....

Chitra (gusse me)—nahii....main aaj inn sab ko khatam kar dungiiii....

Lekin dono ye bhool gaye ki vo sankhya me bahut jyada hain aur ekta me badi taqat hoti hai...chitra aur khatra jab ladne me lag gaye to unka dhyan iss baat se hat gaya...sabne ek sath mil kar dono ko gher liya aur ekattha hamla kar diya dono par...

Idhar main uss malbe ko hata hi nahi pa raha tha kyon ki kisi taqatwar shakti ne mera suraksha kawach tod diya tha aur samay bhi bahut ho gaya tha...shaam ka andhera apna sir uthane laga tha...maine phir se apni talwar ko yaad kiya aur uske aate hi maine ab ki baar talwar ko uss malbe wali jagah par gaad diya.

Talwar ka jamin se sparsh hote hi vaha cheekh pukar mach gayi....talwar se nikalne wali tez roshni ne sabko jalana shur kar diya...vaha jitni bhi shaktiya thi sab bahar ki taraf bhagne lagi.

Maine jaldi se vaha ka malba hataya to mujhe chitra ki dead body nazar aa gayi...maine usko utha kar turant hi adrishya ho kar bahar aa gaya...lekin samne ka to nazara hi kuch aur tha...

Adii (jor se)—vahi ruk jaooo....agar kisi ne chitra ko hath bhi lagaya to theek nahi hoga....mere paas chitra ki dead body dekh kar sabhi mere upar toot pade ek sath...

Ye dekh kar rajnandini aur agni ka gussa bhadak gaya aur dono ki ankhe gusse se lal ho gayi....agni ki ankho se aag ki lapte nikalne lagi jisme sabhi jalte huye cheekhne lage...vahi rajnandini ne apne baalo me bandha juda khol diya

Juda khulte hi uske baalo ne taandav macha diya....uske khule baal hawa me lahrate huye sab ko baandhne lag gaye...maine kisi tarah se khud ko unke changul se azad kiya..lekin unki sankhya kam hi nahi ho rahi thi...

Ye dekh kar sanjay bhaiya aur daniel jaldi se unn nar kankalo ki taraf jane lage unme aag jalane ke liye magar isse pahle ki vo kuch kar paate unn kankalo ne dono ko lapet liya aur vo dono bhi unki hi biradari me shamil ho gaye.

Adii (chillate huye)—agniiii....apni shakti se unn sabhi nar kankalo ke dher me aag laga do...tabhi ye marenge aise kam nahi honge ye kabhi...

Meri baat sunte hi agni ne uss dher ki taraf apni nazar ghumayi aur agle hi pal uss dher me aag jal uthi...vaha charo taraf sirf cheekhe hi sunayi dene lagi thi....sab jalte huye idhar udhar bhagne lage.

Sab aa kar mujhse lipat gaye...mujhe apne teeno logo ko khone ka dukh bhi tha..megha bhi roye ja rahi thi..kintu ab pachtane se kya fayda hone wala tha.

Chuttad—iss dead body ka kya karna hai... ?

Adii—antim sanskar…

Chitra ki ankho me ek bar phir se anshu tapakne lage meri baat sun kar…vo aa kar mere seene se lag gayi..main sabhi ko le kar mahal aa gaya…mousam ab phir se khul chuka tha….jabki mere dost shavyatra ki taiyari karne lage main chitra ko poore samman ke sath vida karna chahta tha.

Sab chitra ko samjhane me ek bar phir lag gaye lekin vo sirf roye hi ja rahi thi…aaj mujhe bhi uske jane ka dukh mahsoos ho raha tha..aaj main bhi khud ko apahij sa mahsoos kar raha tha.

Raat gahri hote hote sab kuch shant ho gaya...iss ghatna ko ek mahatma ne apne dhyan me dekh liya aur vo apne shisyo sahit turant hi yaha ke liye rawana ho gaye...jo bhi unhe raste me milta jata vo sab batate jate.

kafi log ekatthe ho chuke the aur jaise jaise logo ko apni rajkumari chitralekha ki khabar milti ja rahi thi vaise vaise logo ki sankhya badhti ja rahi thi….vo mahatma bhi chitra ki iss antim yatra me shamil hone ke liye shisyo sahit aa chuke the…dhire dhire door door se bhi log aate ja rahe the iss chamatkar ko dekhne ke liye.

Kisi insaan ki vastavik lokpriyata ka andaza uski mout ke baad hi hota hai….zindagi me to bahut se swarth admi ko ek dusre ke darwaje par le jate hain…lekin admi marne ke baad tamam swartho aur jarurato se mukt ho jata hai… kuch bhi to nahi rah jata..na daulat rahti hai,, na kursi rahti hai aur na haisiyat rahti hai….bas mitti ka putla, jo raakh banne ko rah jata hai.. tab malum hota hai ki vah kis ke kitne kaam aaya…

Aupchariktao ke baad jab chitra ki arthi uthi tab malum hua ki chitra kya cheez thi…? Bahut se log the uski iss shavyatra me aur har ankh anshuo se bhari thi….apni zindagi me chitra ne jane kitne logo ka dard baanta hoga, kitne logo ka bojh uthaya hoga..? aaj vahi log chitra ko apne kandho par uthaye huye the..

Har kisi ki juban par aaj sirf chitra ka hi naam tha…har koi chitra ki khubiya, uski zindagi se judi ghatnaye, unsi judi yaade aur uske guno ki hi charcha kar rahe the.

Maine chitra ki dead body ko mukhagni di…aag lagte hi chitra ka maya roopi sharir kahi vileen ho gaya panch tatvo me aur vo mujhse door kahi bahut door hoti chali gayi…lekin uske antim shabd ab tak mere kano me goonj rahe the..

"Rukhsat Huye Teri Gali Se,

Hum Aaj Kuch Iss Kadar..

Sab Logo Ke Muh Par Ram Naam Tha,

Aur Mere Dil Me Bas Tera Hi Naam Hai.”

Chitra ki Poori Kahani Aur Iss Jagah Ka Jikra Chamatkar II part me ayega, Kyon Ki Abhi Yaha Se Judi Kuch Cheeze Pending Chhod Raha Hu.

 

[StoryPublisher]

Thanks for Reading and Supporting