Jaise hi sab darwaje ko tod kar andar gaye Ruchi unhe behosh mili...uske muh se jhag nikal raha tha....uske hatho me poison ki shishi dekh kar sab ki cheekh nikal gayi...
Turant use bhi hospital laya gaya.....kafi mashakkat ke baad akhir ruchi ko bacha liya gaya.....
Vahi mamta hospital ke bed par emergency ward me coma ki haalat me admitt thi…usme koi sudhar nahi ho raha tha…
Payal apna mansik santulan kho chuki thi….vo need khulne par raat me bistar se uth kar raj raj chillate huye bahar bhagne lagti…to kabhi uss pillow ko hi raj samajh kar pyar karne lagti…kabhi jor jor se roti to kabhi hasne lagti….
Pariwar ke sabhi log dukhi the….sabki duniya veeran ho chuki thi is hadse se….
Ghar loutne ke baad chanchal apne room ka darwaja band karke bistar me gir kar fafak fafak ke rone lagi…..
Chanchal (rote huye)---Ye kya ho gaya….sab mujhe galat kyo samajh rahe hain…..mai to khud raj se pyar karne lagi thi…..mai sach me bahut manhus hu….jindagi me pahli baar kisi ko pyar kiya lekin vo bhi mere nasib me nahi likha tha….mai raj ko nahi bhul sakti…
Lekin in sab ke beech koi aisa bhi tha jo is hadse se behad khush tha..uski hasi is khushi ko bayan karne ke liye kafi thi….
“Hahahaha…..aaj maine apni kasam poori kar li…..aaj maine apni barbadi ka badla le liya…..Pita ji aaj maine apne aur apka apman karne wale ko mout ke ghat utar kar dono ka badla le liya….hahaha…divya tum haar gayi….haar gaya tera tera pyar….bahut naaz tha tujhe apne saajan par…..
Dekh liya saajan…pari ko barbad karne ka anjam….hahaha”…
Ji ha…ye khushiya manane wali aur koi nahi balki Pari hi thi….
“Ye tumne kya anarth kar diya…murkh ladki”….kisi ne uske khushiyo me beech me vighna dalte huye kaha
Pari---Pita ji aap….achchha hua aap khud aa gaye….aaiye pitaji dono mil kar khushi manaye….aaj hamare dushman ka ant ho gaya..hahaha
Mugdal---murkh…tumne ek sath kayi gunah kar dale….mere itna samjhane ke baad bhi tumne apni nafrat nahi chhodi…balki saajan ke sath jhoothe pyar ka natak kiya….jhoothi shadi racha kar uske vishwas ko jeeta…..aaj tumne vo karya kiya hai jiske liye ab tumhe hamesha pachhtana padega….
Pari---maine kya galat kiya….maine vahi kiya jo saajan ne mere sath kiya tha….aap bhale hi bhul chuke ho pita ji…lekin uski bewfayi ko mai aaj tak nahi bhuli….
Mugdal---usne apne kiye ki saza kab ki bhugat li thi…lekin tum nafrat me andhi ho gayi….tumne bachpan me chanchal ka sahara lekar jahar se bhare khanjar se use maarna chaha….ab jab vo bach gaya to tumne sandhya ka sahara liya…
Pari---to galat hai isme….mai hi sandhya hu….vo mera hi roop hai..uska janam hi saajan ko maarne ke liye hua hai….aur ye mat bhuliye ki khud sandhya bhi to devi maa ka hi vardan hai jise unhone meri kasam ko poora karne hetu paida kiya…
Mugdal---shayad tum ye bhul gayi ki sandhya ke andar dhire dhire nafrat badhti saajan ke liye….abhi to vo khud usse pyar karti hai….shayad ye tumse bardast nahi hua aur tumne uske mind ko control karke saajan ko uske jariye dhakka diya…yahi nahi tumne jab divya saajan ko bachane kinare gayi to usko bhi dhakka maar diya…
Pari---ha…ha…maine diya dhakka dono…ko…kyon ki vo divya hi thi jiske liye saajan ne mere pyar ko thukra diya tha….
Mugdal---ab tum hamesha hamesha ke liye pralay kaal tak ruh ban kar isi khandhar me qaid ho kar rah jaogi….tumhare paas ab koi maqsad nahi bacha….saajan ke marte hi tumhari nafrat bhara maqsad bhi khatam aur pyar bhi….ab bhatakti raho atma bankar is jungle me…kyo ki ek saajan ka pyar hi tha jo tumhe mukti de sakta tha…
Pari---nahi aisa kabhi nahi ho sakta....mai apni shaktiyo se azad ho jaungi yaha se....
Mugdal---ab tumhare paas koi shakti nahi hai….kyo ki tumne in shaktiyo ko saajan ko maarne ke liye hasil kiya tha…to uske khatam hote hi inki bhi samay seema khatam ho gayi….
Pari---aap jhooth kah rahe hain….ye dekhiye…
Pari ne apna roop badalne ka prayas kiya lekin ab uski shaktiyo ne kaam karna band kar diya tha…..
Pari (rote huye)---nahi aisa nahi ho sakta…pita ji meri madad kijiye..mujhe is narak se azad karaye….
Mugdal---ab kuch nahi ho sakta…..ab tumhare karmo ke dand bhogne ka samay shuru ho gaya hai….
Pari roti rahi bilakhti rahi .....lekin ab pachhtane se kya fayda.....mugdal vaha se gayab ho gaye…..
Vahi dusri taraf dharti se bahut dur kisi alag hi grah par……
P’asur---tu mujhe bhagne ko kah raha hai....mai chahu to tujhe ek pal me hi apne jaduyi shaktiyo se bandi bana lunga....hahaha
Yamraj---chal tujhe mouka diya.....ye bhi kar le...apni akhiri khwahish poori kar le....
P’asur---pahle samne to aa....
Yamraj---mai agar samne aa gaya to phir tu apna jadu bhul jayega
P’asur---agar himmat hai to samne aakar mera muqabla kar...
Yamraj---jaisi teri marzi……
Aur phir Pranchandasur ke samne hi Yamraj dharti ko cheerte huye upar nikal aaya…..
Yamraj aise samne ayega ye to kisi ne socha hi nahi tha…..P’asur isi achambhe me khoya hua tha ki uski nazar jaise hi Yamraj par padi vo use dekhte hi char kadam piche hatkar kisi cheez se takra ke niche gir pada…..
P’asur ke samne ek parvatakar admi khada tha…..sar ke baal niche jamin ko chhu rahe ….uska poora sharir ghane baalo se dhaka tha… jisse Yamraj ka chehra dikhayi hi nahi de raha tha….sharir se aag ki lapte nikal rahi thi….
P’asur ne aisa bhayanak admi apni jindagi me pahli bar dekh raha tha..uske sainik to Yamraj ke samne aate hi kayi kadam piche hat gaye ye soch kar ki agar yamraj ne unke upar hamla karna chaha to vo vaha se bhag sake…..
P’asur apni jagah se piche khisakne laga....sach me hi vo ab vaar kana bhul gaya tha….rahi sahi kasar Yamraj ne apna chehra use dikha kar poori kar di….
Yamraj ka chehra dekhte hi P’asur uth ke bhagne laga…bhagte bhagte girta phir uth ke bhagne lagta….uske hath pair thar thar kaamp rahe the…..
P’asur---nahi…aisa nahi ho sakta....ye koi maya hai…. Ab mai kaha jau…ha…guru dev hi mujhe bacha sakte hain ab…..
Yamraj ne vahi khade khade apna ek hath uski tarah kiya ...to yamraj ke hath ki lambayi badhni chalu ho gayi...aur badhte badhte usne apne us hath se bhag rahe P’asur ko balo se pakad kar vapis apni oor ghasitane laga....
Yamraj---hahaha…..har vo shakhs mera dushman hai jo dharm virodhi hai….jo galat kaam karta hai….aur aise dushto ko dand dena hi mera kaam hai…hahaha
P’asur---mujhe jane do….mai sab chhod dunga..
Yamraj---chhod dena…jarur chhod dena….par pahle ab tak jo kiya hai uska phal to kha le….
P’asur dard se cheekhta raha….chillata raha….lekin Yamraj ko uspar daya nahi aayi…..usne sabse pahle apne dusre hath ke bade bade nakhuno se uski ankhe bahar nikal li….
Uske baad apne unhi nakhuno se use cheer phad dala….sainik to kab ka vaha se nadarad ho gaye the p’asur ko akela marne ko chhod kar….
Yamraj---hahaha…..ab sab theek hai….ab chalta hu….hahahaha..jate jate uski bhayanak awaz vaha poori jagah par goonj gayi..
Yamraj ne jane se pahle Ratna ko janjeero se mukt kar diya.....uske jane ke baad ek budhi aurat ne use sahara dekar uthaya...
Aurat—uth beti...chal mere sath
Ratna—aap koun hain…?
Aurat—beti mera naam maya hai…mai uss talab ke kinare jhopdi me rahti hu…tu akeli kaha jayegi…chal ke kapde badal le
Ratna—mayi…mai aap par bojh nahi ban sakti
Maya—mujhe maa bhi bolti hai aur bojh bhi kahti hai...chal uth ab
Ratna maya ke sath uske jhopdi me chali jati hai....dard ke karan usse theek se chala bhi nahi ja raha tha....
Maya—le beti ye sari pahan le...aaj isse hi kaam chala le
Ratna—mai apka ye ehsaan kabhi nahi bhulungi maayi...
Maya—chal ja andar kapde badal ab....tab tak mai kuch khane ka intazam karti hu
Maya bahar khane ka koi prabandh karne chali jati hai....aur ratna pass me rakhe pani me apni sari bhigo kar jhakhm saf karti hai..jaha jaha khoon bahkar jam gaya tha...
Khoon ke dhabbe saf karne aur nahane ke baad vo maya ki di huyi sari pahan leti hai...kuch der me maya bhi hath me kuch liye huye aa jati hai
Maya—le beti ye phal kha le aur ye jadi apne jakhmo par laga lena..tumhe dard se aram milega isse
Ratna—shukriya mayi...
Ratna un phalo ko khakar apni bhukh shant karti hai....phir jadi ka lep apne jakhm par laga kar vahi jamin par let jati hai..
Maya—beti is bistar par let..
Ratna—ji mayi..
Maya—beti…..is dushta ne tumhe kyo kaid kar rakha tha…? Aur ye saajan koun hai jiska naam tum baar baar pukar rahi thi….?
Ratna—mayi vo mujhse us divya mani ka pata janna chahta tha…jo mere saajan ki amanat hai….
Maya—kahi ye saajan vo to nahi…Divya ka saajan….?
Ratna—ji mayi…vahi hai mera saajan....kintu aap kaise janti hain saajan aur divya ko…?
Maya—beti..Divya aur uske saajan ko koun nahi janta….log to unke nishchal prem ki kasme khate hain aaj bhi….
Ratna—kya aapne dekha hai unko... ?
Maya—nahi beti....mai to abhi kuch saal pahle hi yaha aayi hu...lekin un dono ke bare me suna bahut hai....
Ratna—hnnn...to ye baat hai…
Maya—par tum kaise janti ho beti un dono ko....jabki unko mare huye to bahut samay beet chuka hai…
Ratna (jor se)—nahi mar sakta vo mayi….mera saajan nahi mar sakta... use yaha aana hi hoga…mere liye aana hi hoga mayi saajan ko
Maya—beti kya mujhe saajan ke bare me sab kuch bataogi….meri badi ichcha ho rahi hai divya aur saajan ke bare me janne ki….
Ratna—jarur bataungi mayi….apne saajan ke bare me apko…
Hadse wala din……………..
Jis din raj aur divya ke sath ye dukhad ghatna huyi….us din ghar walo ke sath koi aur shakhs bhi vaha moujud tha jiski jankari kisi ko nahi huyi….
Ji ha…ye aur koi nahi balki akram ki maa thi…jo uss pahadi ke niche jidhar raj aur divya gire the uss taraf niche khadi hokar ek tak upar niharne me lagi huyi….
Use vaha khade khade raat ka vo sapna yaad aane laga jisme Raaj photo khichate huye divya ke sath khada hai…
Tabhi vahi pass me khadi sandhya sabki nazar bacha kar pair se divya ke pair me marti hai jisse divya ka balance bigadne lagta hai
Raj divya ko pakad ke uss paththar se niche utar leta hai lekin uska pair us patthar par chala jata hai....
Divya ko patthar se niche utarte dekh sandhya gusse me uss patthar par laat maar deti hai jisse raj ka pair tha uska balance bigad gaya aur vo pahadi se niche gir gaya...
Raj ko niche girte dekh kar sabhi kinare par aa gaye...sabhi ka dhyan raj ki oor tha...sab ghabrahat me the.....
Divya ne kinare par aakar jhuk ke rote huye jaise hi ye kaha ki tum nahi to mai bhi nahi....vo abhi iske aage kuch aur bhi bolne wali thi magar tabhi sandhya ne use piche se dhakka mar diya halke se...niche ki taraf jhuki hone ke karan divya turant apni baat poori karne se pahle hi pahad se gir gayi....
Sabhi log kinare se niche ki oor jhank rahe the jisse kisi ne sandhya ke is karname ko nahi dekha.....
Sabhi log achanak huyi is ghatna se sadme me ja chuke the...kisi ko kuch hosh nahi tha......
Lekin sandhya ke chehre par gum ki koi jhalak nahi thi….tabhi sandhya ki ankho me vo scene dikhne laga jisme raj divya ka hath pakde pedse latak raha hai…
Ye scene ankho me ubharte hi usne uss bade se patthar par apni ankhe gada di….uski ankhe ek second ke liye bilkul kaali ho gayi aur agle second me vo patthar niche gir gaya…jo sidha ja ke raj ke sine par laga
Itne me cheekh kar akram ki maa need se uth baithi….sapne ke agli subah hi vo yaha aa gayi….vo sidha ussi point par niche gayi pahle..vaha se usne upar ki oor dekha to raj kinare par hi tha…
Isliye usne pahadi ke upar jakar raj ko rokne ka vichar is khyal se chhod diya ki vo budhi aurat ek to utni upar chadh nahi payegi aur agar kisi tarah chadh bhi gayi to itne me hi use shaam ho jayegi…
Upar pahuchne me der hone ke darr se vo niche se hi uspar nazar rakhne lagi…
Idhar pahadi ke upar se girte hi Raj chattano se takrate huye niche aane laga…tabhi uske kano me divya ki awaz padi to usne girte girte ek ped ki tahni pakad ke latak gaya…..
Raj ke piche hi divya bhi niche ki orr gir rahi thi ye dekh kar Raj ne turant jaise hi divya uske pass se gujri usne uska hath tham liya….
Theek usi waqt upar se ek bada sa patthar aa ke raj ke sine par gira aur phir vahi patthar jakar narmada ji me gira jiski awaz pani me girne ki aayi thi us samay….
Seene par patthar lagne se raj ka hath ped ki tahni se chhut gaya aur vo sidha niche ki oor girne laga...
Raj ko niche girte dekh kar akram ki maa pareshan ho gayi...raj ko bachane ka koi upay na sujhta dekh vo turant raj ki sidh vali chattan par let gayi...idhar raj sidha akram ki maa ke upar patthar par aur divya raj ke upar giri.....
Teeno hi behosh ho chuke the....raj aur divya ...ko chhod kar kafi der baad akram ki maa ko hosh aaya jiski haddiya itni unchayi se raj aur divya ke uske upar girne se toot gayi thi...
Vo apni akhiri saanse le rahi thi....hosh me aate hi usne jor se raj ka naam pukara....tabhi kisi ki awaz se usne badi mushkil se apni ankhe kholi to khud ko hospital me paya....uske samne ek doctor khadi thi...
Doctor—aap leti rahiye...bas....vo dono bhi yahi hain....mera naam dr. Saloni hai
A’maa—kaiseee...hainnn...voooo...donooooo
Saloni—divya....to behosh hai...use jyada chot nahi hai lekin raj ka bachna bahut mushkil hai....
A’maa—(rote huye) nahii...doctor.....use bachaaa...looo.....agar use...kuch ho gaya...to is duniya me phir koi kisi ki madad nahi karega.....mai apne khuda ko kya muh dikhaungiiiiii
Saloni—dekhiye....raj ke heart par bahut gahri chot aayi hai ....jo badi mushkil se kaam kar raha hai...shayad kuch der baad vo bhi na kare
A’maa—doctor....aap....mera...dil aur kidney use laga do.....mai to marne hi wali hu.....kam se kam dil me koi bojh to nahi rahega mere....
Saloni—mai aisa kaise kar sakti hu.....
A’maa—mai to intazar hi is din ka kar rahi thi doctor....aaj mujhe uske ehsaan se mukt ho jane doooo……mera dil lagte hi vo sab samajh jayega khud hi….
Aur phir saloni ne akram ki maa ka dil aur kidney nikal kar raj ko transplant kar diya......
Akram ki maa ke dil ko raj ke dil se jodte hi raj ka sharir neeli roshni se chamakne laga.....ye dekh kar saloni ke adhro par ek mushkan phail gayi
Saloni (mushkate huye)—to ye hai neel mani ka raaz......
Uss roshni ke prabhav se raj ko jaldi hi hosh aa gaya….uske jakhma apne aap kuch hi seconds me bhar gaye…..
Raj ne jaise hi ankhe kholi uski ankho ke samne vo manzar dikhayi dene laga jisme P’asur Ratna ki sari nikal raha tha….aur ratna saajan ko rote huye pukar rahi thi
Ye scene dekhte hi uski ankhe achanak normal se bilkul lal ho gayi….un ankho me aag ki lapte saf dekhi ja sakti thi….
Gusse me vo jor se chilla utha….
Raj (gusse me jor se)—Ratnaaaaaaaaaaaa.............
Idhar Ratna maya ko Saajan aur Divya ki kahani sunane ja rahi thi....
Flashback Start (6th Janam ki Saajan aur Divya ki Amar Prem Kahani)
Ratna—mayi...ye kahani aaj se 100 saal pahle ki hai....hamare rajya ka naam Olioan hua karta tha….
Yaha ke King Alexandar bahut hi kabil raja the…..unke rajya me praja bahut sukhi thi….unki Patni Queen Jenifer bahut hi sushil aur khubsurat thi….
Maharaj aur maharani ki teen santane thi…do ladki aur ek ladka.. Ladke ka naam Sushant tha…jabki usse ek saal choti ladki ka naam Ratna aur sabse chhoti beti ka naam Divya tha….
Mai bahut khubsurat thi magar divya ki baat hi kuch aur thi….usme natkhat pan ke sath sath sundarta koot koot kar bhari huyi thi….
Divya aur main agar kabhi mahal se bahar nikal jate ghumne to log chhup chhup kar hame dekha karte….
Divya sabse chhoti hone ke karan sabki ladli thi…..maa pita sri aur bhaiya to jaan chhidakte the us par…
Hum dono hi bahno ki jawani hamare ang ang se chhalakti thi…khas kar ke divya…mujhse chhoti hone ke bavjud uska badan kisi ko bhi ek nazar dekhne bhar me hi kamandh kar dene me saksham tha…
Hamare rajya me har saal veer purusho ka samman kiya jata tha….jisme ek prati yogita rakhi jati thi jo behad kathin thi…
Har saal ki tarah uss varsh bhi divya ke purna yuvati (adult) hone par is pratiyogita ka ayojan kiya gaya…
Divya nadi ke kinare saajan ke sine par sar rakh ke leti huyi thi…dono is hasin lamho ko apne nishchal pyar ki gawahi de rahe rahe the..
Divya—saajan mujhe na ….aaj poora din tere sath rahna hai….
Saajan—roj to milte hain hum
Divya—phir bhi..mai hamesha tere paas rahna chahti hu…mujhe akele kuch bhi achcha nahi lagta…bas har pal teri in baho me rahne ko dil karta hai
Saajan—mera bhi to yahi haal hai
Divya—to phir kar le na mujhse shadi…phir hum hamesha ke liye ek ho jayenge
Mai—haa…divya mai bhi to yahi chahta hu
Divya—kabhi kabhi to mujhe aisa lagta hai ki hum kabhi ek ho hi nahi payenge....sara jamana hamara dushman bana hua hai
Mai—mujhe kisi ki parwah nahi hai....bas agar tum sath ho to
Divya—mai to hamesha se sirf tumhari hu..saajan..sirf tumhari…mere tan…mere mann…meri atma par kewal saajan ka hi adhikar hai aur har janam me rahega…tumhare alawa dusra aur koi mujhe hath bhi nahi laga sakta
Mai—mai ye janta hu…mera dil bhi to hamesha tera hi talabgar hai
Divya—phir bhi mujhe aisa kyo lagta hai ki koi hai jo hame alag karna chahta hai....mujhe bahut darr lagta hai saajan jab mai tumse alag hone ke bare me sochti hu
Mai—hame mout bhi alag nahi kar sakti divya....mout sirf hamara sharir mita sakti hai....hamare dilo ka pyar nahi....hum ek duje ki atma me bas chuke hain aur atma amar hai...to hua na hamara pyar bhi amar
Divya—tumhe itni achchhi bate koun sikhata hai..
Mai—tumhara..yeeeeee..dilllll
Divya—aahhh...hath hatao gande kahi ke....shadi ke baad vaha hath lagana
Mai—mai to tumhe bata raha tha bas
Divya—pata hai...kuch na kuch batane ke bahane aaj kal tumhara hath roj vahi jata hai
Mai—achcha baba....aaj se vaha nahi lagaunga ..ab khush
Divya—naraz ho gaye...sab to tumhara hi hai saajan...ab muh mat fulao dekho na meri oor…saajan..dekh na
Lekin saajan kuch bole bagair vaha se uth ke jane lagta hai..tabhi saajan ka pair kisi cheez se takra jata hai aur vo jor se niche girta hai...ye dekhte hi divya jor se chilla uthati hai
Divya—Saajaaaannnnn"
Divya sote huye achanak chilla kar bistar se uth jati hai...aur lambi lambi saanse lene lagti hai..
"Kya hua Putri.....tum chillayi kyo"…kaksha me pravesh karte huye maharani Jenifar ne kaha.
"Kuch nahi maa..isne aaj phir saajan ka koi sapna dekha hoga" ..piche aate huye Ratna ne kaha
Jenifar—na jane is sapne se kab picha chhutega....pareshan kar rakha hai meri phool si bachchi ko is kambakht saajan ne
Divya—maaaaa....aisa to na bole
Jenifar—to aur kya bolu….kabhi koi din khali jata hai jab tujhe uska sapna na aata ho
Ratna—maa aap bhi kaha apna sar phod rahi hain…aaj rang mahal me utsav bhi to dekhne jana hai…chal divya jaldi taiyar ho ja….
Phir ratna ne maa ko sari baat bata di …jise sun vo bhi hasne lagi..dono ko haste dekh kar divya tunakne lagi
Divya (bhole pan se)—jaiye hame nahi jana…aap dono hamara majak uda rahi hain
Divya ne itni masumiyat se kaha ki dono ko uss par pyar aa gaya…
Jenifar—kisi ki buri nazar na lage..meri putri ko
Ratna—jiski nazar lagni thi uski to kab ki lag chuki
Jenifar—kiski….?
Ratna—saajan ki……hahahha
Divya—maaaa…..dekho na didi ko….ab to sach me nahi jayenge hum
Ratna—achcha yar….ye le main kaan pakad ke mafi mangti hu..
Tabhi maharaj ka adesh aa gaya ki sawari taiyar hai…pratiyogita sthal tak jane ke liye…
Dono bagghi se rang mahal ke liye nikal gayi….jenifar maharaj ke sath gayi…
Rang Mahal ko shandar dhang se sajaya gaya tha…vaha ki technology earth ki tulna me bahut advance thi….log halka fulka magic bhi jante the….
To kuch log aise bhi the jinhe magic me maharat hasil thi…poora maidan darshako se khacha khach bhara hua tha…
Is pratiyogita ko dekhne aur kuch hissa lene dur dur se lakho ki sankhya me log yaha aaye huye the
Tabhi kuch der me hi maharaj alexander aur maharani jenifar ne ayojan sthal par pravesh kiya….
Logo ne apne sar jhuka kar dono ka abhivadan kiya....tatpashchat dono rajkumariyo ka rang mahal me aagman hua....
Dono ke bagghi se niche utarte hi sabhi ki nigaho ko jaise paralisis ho gaya...sab thage se dono ki sundarta me kho gaye....
Kuch manchale jo shayad bhid me apni ankhe sekne hi aaye the...vo aahe bharne lage....
Maharaj ne sab ko baithne ko kah kar raj kumar sushant aur raj guru ko pratiyogita shuru karne ko kaha…
Sushant—aap log shant ho jaiye aur dhyan se meri baat suniye…har varsh ki tarah is baar bhi ye ayojan aaj ho raha hai…kintu iski ek vajah aur bhi hai ki aaj hamari rajkumari divya ka janam din bhi hai…
Logo ne rajkumari divya ki jaykar karne lage…sushant ne baat aage badhayi..
Sushant—is baar pratiyogita me kuch badlav kiye gaye hain...isme kul dus round honge...akhiri round ke vijeta ko rajya ka sarva shreshtha veer hone ka gourav prapt hoga...
Isme kayi rajyo ke rajkumar aur magician bhi aaye huye hain...sabhi ka mai abhi nandan karta hu
Is pratiyogita me kul 500 logo ne hissa liya hai ...iske pahle round me kushti ka muqabla hoga....shart ye hai ki sabhi 500 pratiyogi hamare utne hi pahalwano se kushti ladenge...
Jo jo pratiyogi in pahalwano se jitege vo agle round me pravesh karege to pahla round shuru kiya jaye…….
Adhe pratiyogiyo ki halat to un bhari bharkam pahalwano ko dekhte hi kharab ho gayi…unhone apne naam vapis le liye
Baki bache logo me se 50 agle round me pahuche unko hara kar..el pahalwan mara bhi gaya apne pratidwandwi ke hatho…
Pahla round khatam hone ke baad…
Sushant—kewal 50 log hi hamare bahadur pahalwano par jeet hasil kar ke agle charan me pahuche hain….dusra round aur bhi kathin hai…iski shart ye hai ki har ek pratiyogi ko nishana sadhna hai…isme teen chance milenge…
Apke samne 100 mtr ki duri par ek nakli ullu rakha gaya hai apko uski ankh ka nishana lagana hai….dhyan rahe kewal teen chance hain apke paas….
Sabhi apna nishana sadhne lage....hari jhandi milte hi unhone nishana lagana shuru kar diya…
Kul 50 me se 10 log isme safal rahe lekin teesre chance me... kewal ek ko chhod kar jiske hatho pahalwan ki mrityu huyi thi
Third round ………..Magic Round (normal)
Isme 5 pratiyogi safal rahe…
Sushant—ab is round se hamare rajya ke pratiyogi bhi next round me jeetne par pravesh karenge….yaha se aap log apas me bhidoge…5 logo ke 5 group honge…har group se jeetne wala agle round me jayega
Baki bache 7 round me se 5 me magic hai…aur har ek round me hamare naye 5 log shamil hote jayenge ….ye sabhi purva varsho ke vijeta hain
Isi tarah 8 round complete ho gaye….sabhi pratiyogita ka anand le rahe the….kintu divya ki ankhe uss bhid me saajan ko talash karne me lagi huyi thi…..
Sushant—ab is pratiyogita ka 9th round chalu hoga jo bahut hi kathin aur jaan leva hai….is round ke liye dur desho se aaye 500 pratiyogi me se sirf ek hi yaha tak pahucha hai….shesh char pahle varsho ke vijeta hain….
Is round me apko apas me talwar baji ka muqabla karenge…jo baki char ko hara dega usko us pinjare me band sher se ladna hoga vo bhi bina hathiyar….
Kintu ye round shuru karne se pahle main aap sab ko ye bata du ki aaj tak is sher ko hara kar antim round me koi nahi pahucha...
Har saal ki tarah baki char ko harane wala agar chahe to aage ke liye haar swikar kar sakta hai…
Uss surat me bhi kyo ki vo akela yaha tak ka safar karne wala veer hoga isliye usko vijeta mana jayega…agar koi uski chunouti ko accept nahi karega to……
Maharaj ki oor se anumati milte hi sab ek sath talwar bazi me bhid gaye ek dusre ke upar prahar aur apna bachao karne lage…..kafi der tak apas me ladne ke baad char mare gaye..kewal ek jinda bacha jo shuru se is pratiyogita me shamil tha….
Halanki vo bhi buri tarah se ghayal ho chuka tha…usne ab aur aage badhne se mana kar diya……
Sushant—mubarak ho rajkumar durjan singh…koi hai nexas ke rajkumar durjan singh ko chunouti dene wala…agar nahi to phir unko vijeta ghosit kar diya jayega….
Durjan singh nexas state ka rajkumar hone ke sath kayi shaitani shaktiyo ka malik tha…hawas aur ghamanduske andar kut kut kar bhara hua tha..
Jab kafi der tak sushant ki baat ka koi prattiuttar nahi aaya to durjan singh ko manch par aane ko kaha gaya…tabhi..
"Thahariye Rajkumar Sushant…..Itni bhi kya Jaldi Hai"….sabhi ka dhyan is awaz ki oor chala gaya…
Ye awaz sunte hi divya chounk kar udhar dekhne lagi….us awaz wale shakhs ka chehra dekhte hi uski ankho me ajeeb si chamak aa gayi….
Flashback is Break ke Baad…….
Raj—divya kaha hai…?
Saloni—abhi behosh hai..
Raj—meri help aur jaan bachane ke liye thanks saloni ji
Saloni—meri fees abhi tak baki hai..raj
Raj—waqt aane par mil jayegi fees apko
Saloni—vaise tumhe mera nahi us aurat ka shukriya karna chahiye jisne tumhe bachane ke liye apni jaan de di
Raj—unka karz to mai ab kabhi nahi utar sakta….ha unke liye dua karunga
Saloni—meri samajh me ye nahi aaya ki tumhari kidney theek kyo nahi huyi thi….jabki tumhare paas to pahle se hi adbhut shaktiya hain
Raj—kyo ki mai nahi chahta tha....ye sach hai ki ye meri liye normal baat thi…..mai insani life insano ki tarah jeena chahta hu…shaktiyo ka gulam ban ke nahi
Saloni—tum apne apko pahad se girne se bhi to bacha sakte the…
Raj—nahi bacha sakta tha…..kyo ki sandhya ne shakti prayog kiya tha us patthar par…anjane me hi sahi….magar us pagal pari ko ye nahi malum ki raj ko sirf khud raj hi maar sakta hai…..dusra koi nahi
Saloni—mai samjhi nahi…
Raj—matlab ye ki…Sandhya mujhe shakti se maar to sakti hai lekin tabhi jab mai khud chahu marna tab…..
Saloni—to divya ko theek kar do
Raj—abhi vo pichhle janam ki yaado se jud gayi hai use dekhne do…is neel mani ke prabhav se….
Saloni—ye mani us aurat ke paas dil ke roop me kaise pahuchi aur kab
Raj—ye sawal divya se karna…..kyo ki ye divya aur ratna hi janti hain
"Thahariye Rajkumar Sushant…..Itni bhi kya Jaldi Hai"….sabhi ka dhyan is awaz ki oor chala gaya…
Ye awaz sunte hi divya chounk kar udhar dekhne lagi….us awaz wale shakhs ka chehra dekhte hi uski ankho me ajeeb si chamak aa gayi….
Divya (mann me)—saajannnnnnn…..ye to bilkul vaisa hi dikhta hai…awaz bhi same hai bilkul uss sapne wale saajan ke jaise…kya vo sapna sach hai….kya sach me mera koi rishta hai saajan se…?
Sushant—tum koun ho nav yuvak….?…pahle apna parichay do…
Ladka—Raj kumar…mera parichay mera karya dega apko....aap kisi aise ko veer kaise maan sakte hain jisne pratiyogita ki sabhi sharto ko poora karne se pahle hi apne kadam piche hata liye ho...
Sushant—ladke tum shayad is pratiyogita ki sabhi sharto se vakif nahi ho….agar jante ho aisi bate nahi karte
Ladka—rajkumar mai koi doodh pita bachcha nahi hu….
Sushant—tab to tumhe ye malum hona chahiye ki uss round ko koi bhi paar kar ke antim charan tak nahi pahucha hai aaj tak…kyo ki vaha sirf mout hai…..
Ladka—vo veer hi kya jo mout ke darr se pichhe hat jaye……?
Durjan—agar tujhe itna hi guman hai apni veerta par to aa ja kar mujhse muqabla…teri haddiyo ka churma bana ke tere ghar bhejunga
Ladka—mujhe manjur hai…
Sushant—durjan singh ko chunouti dene se pahle ek baar phir soch lo yuvak….iska anjam tumhari mout bhi ho sakti hai
Ladka—iska faisla na aap kar sakte hain rajkumar aur na hi durjan…ye waqt par chhod dijiye….
Alexander—theek hai…agar tumhe apni mrityu se itna pyar hai to tumhe ijajat hai……kintu pahle apna parichay sabhi ko do…
Ladka—dhanyavad..maharaj…..mera naam Agyant hai..
Jenifer—ye kaisa naam hai…?
Ladka—log mujhe isi naam se bulate hain…..ab mujhe agya de..
Sushant—ek baat aur sun lo ..agyant...kyon ki tum sidha tour par vijeta ko chunouti de rahe ho to ...agar tum durjan se jeet bhi gaye to tum piche nahi hat sakte phir..tumhe uss sher se muqabla karna hi hoga..yahi shart hai chunouti dene wale ke liye...soch lo...vaha sirf mout hai..
Agyant—batane ke liye shukriya rajkumar...mai faisla ek hi baar karta hu...vo bhi full & final settlement ke sath...aur ek baat mai sabhi round shuru se khelna chahunga...
Alexander—theek hai...yuvak
Pahle round ke liye agyant ke samne ek pahalwan aa gaya....
Agyant—maharaj…ye kaisi veerta ki pariksha hai…ek admi se ek pahalwan…ye to galat hai…
Raj guru—tum kahna kya chahte ho..?
Agyant—mai ek sath apke sabhi pahalwano se ladna chahta hu…
Agyant ki baat sunte hi sabhi ke hosh ud gaye…logo ne ise uska bad bolapan samajh ke hasi udane lage…
Sushant—tum kahi madira pikar to nahi aaye ho…? Jante bhi ho ki kya kah rahe ho…?
Agyant—mout vaha bhi hai aur mout yaha bhi…to phir mout bhi to veero jaisi hi honi chahiye…
Sushant—jao maro..
Jaha sab ke mann me ab utsukta badhne lagi…ki ye ladka kaise itne 499 pahalwano se ladega…?..to vahi divya bhagwan se uski jeet ke liye vinti karne lagi..
Divya (mann me)—bhagwan ji…mai ye to nahi janti ki ye saajan hi hai ya nahi…..kintu mera dil uski jeet dekhna chahta hai…use jita do bhagwan….use kuch mat hone dena….bhagwan
Sabhi pahalwano ne agyant ko gher liya...agyant un bade deel doul vale pahalwano ke beech kisi memne ke bachche jaisa dikh raha tha...
Pahle to ek pahalwan akar agyant se bhid gaya…lekin vo do min bhi nahi tik paya…to abki baar do log aage aaye…unko bhi agyant ne ek jhatke me hi pachhad diya…
Har bar do log badh jate aur natiza vahi hota jata…logo ki hasi ab excitement me badal gayi…yahi haal maharaj aur maharani ka bhi tha..vo bhi ab behad utsuk hote ja rahe the…ki ab kya hoga…?
Ab tak agyant ek sath 50 pahalwano ko dhobi pachhad ka swad chakha chuka tha…jo do do badhte huye itne ho gaye the..
Ab to sabki utsukta apni charam par pahuch chuki thi…har kisi ke chehre par hairani ke bhav the agyant ki aisi adbhut avishvashniya veerta ka jouhar dekh kar…
Agyant—aise kab tak aate rahoge….mera waqt barbad mat karo…sab ek sath aao…
Agyant ki baat sunkar sabhi ek sath uske upar toot pade….itne sare pahalwano ke beech agyant buri tarah dabkar rah gaya…
Vo ab hildul bhi nahi pa raha tha….sabhi use chitt karne me lage huye the…magar kar nahi pa rahe the…lekin bahut der tak aise dabe rahne se agyant ki shakti bhi ab jawab dene lagi thi…
Sab ankhe phade…apni apni saanse roke is adbhut parakram ko dekhe ja rahe the…poore maidan me bilkul pindrop silence chha gaya tha
“Saajannnn….you can do it….tumhe jeetna hi hoga…saajannn utho…tumhe har haal me ye jeetna hai…utho..saajannn”…divya ki ye awaz vaha goonj uthi…
Sabhi ek tak divya ki oor dekhne lage….jo apni jagah par khadi hokar ye shabd jor jor se bar bar dohraye ja rahi thi…shayad agyant ko harte dekh uska sanyam jawab de gaya aur vo apne hosh kho baithi…
Maharaj, maharani aur ratna divya ke muh se agyant ke liye saajan shabd ka sambodhan sun kar chounk gaye…unke mann me kayi shankao ne janam le liya…
Divya ki ye awaz jaise hi agyant ke kano me padi…uske andar achanak se ek josh uttpann hone laga…uske girte manobal ko jaise sanjivani buti mil gayi…
Agyant khud bhi samajh nahi paya ki is naam se use itna josh kyo aa raha hai…usne apni ankhe band karke poori taqat ikatthi ki aur ek jhatke me hi uth khada hua….
Sabhi pahalwan achanak huye is kaushal se uske upar se udte huye idhar udhar girne lage…
Sab uske is parakram ki prasansa karne lage…use is round me vijeta karar diya…divya khud bhi apne kiye par hairan thi aur usse bhi jyada hairani use tab huyi jab apne shabdo ka aisa prabhav agyant par hote dekha…
Agle round me nishane bazi me agyant ne bina apne lakshya ki oor dubara dekhe pahle chance me hi ullu ki ankh ka satik aur safal nishana laga diya…
Sabne taliya bajakar uske veerta ki vaah vaahi ki…lekin koi aur bhi tha jiska dil agyant ki aisi bahaduri dekh kar usse baghawat karne pe utaru ho gaya tha…uska dil agyant ki oor khicha ja raha tha…
Agle round me magic tha ….agyant ke prati spardhi magician ne uske uske upar apni jadu ki chhadi se vaar kiya kuch mantra padhne ke baad kintu agyant par koi asar nahi hua uske jadu ka…
Aise hi har round me hota raha…kisi bhi magician ka jadu agyant ke upar kaam nahi kiya…kintu ab tak agyant ne kisi par koi jawabi hamla nahi kiya tha…
Antah agyant aur durjan ki takkar wala round bhi aa gaya…sab agyant ke yaha tak pahuchne aur us par jadu ka koi asar na hote dekh bahut hairan the…
Durjan aur agyant amne samne khade ho gaye…
Durjan (mann me)—ye ladka bhi lagta hai meri tarah kaala jadu janta hai...tabhi is par in jadu ka koi asar nahi hua...mujhe agar divya ko hasil karna hai to chhal ka hi sahara lena padega…
Agyant—kya sochne lage durjan…?
Durjan—soch raha hu tujhe koun si mout du... ? par tu sirf kutte ki mout ke hi layak hai...
Agyant—tere nasib me to lagta hai vo bhi nahi hai.....
Dono apas me guttham guttha ho gaye...kabhi durjan agyant par bhari to kabhi agyant durjan par...
Akhir me durjan ne apni shaitani takat ka sahara lena hi uchit samjha..usne mann me kuch mantra padh kar agyant ki oor phook diya
Jisse agyant ko kuch bhi dikhayi dena band ho gaya...iska fayda uthakar durjan ghatak vaar karne laga agyant par...kabhi pet, peeth to kabhi chehre par...
Agyant bebas ho chuka tha...vo uske vaar ki disha ko dekh aur samajh nahi pa raha tha...uska dhyan vichlit ho gaya tha...muh se khoon bhi aane laga tha...
Agyant ko aise vichlit hote dekh divya ko na jane kya sujhi ki usne apne pair ki ek pajeb utar kar hath se durjan ke vaar ki disha ki oor bajane lagi...
Idhar durjan vaar pe vaar kiye ja raha tha...maar khate khate agyant nidhal hokar niche gir pada...tabhi durjan ne apna antim aur pran ghatak vaar karne ka soch liya mouka dekh...
Agyant niche pade gahri saanse le raha tha ki ek baar phir uske kano me koi awaz goonjne lagi...divya ke payal ki..usne apne dimag ko shant karke us awaz ko sunne aur uska arth samajhne ka prayatna karne laga...
Divya kabhi is hath se to kabhi dusre hath se payan chhankati...vaha baithe maharani aur sab uski is vichitra bartav ko samajh nahi pa rahe the ki isko aaj hua kya hai…?
Idhar durjan agyant ke bilkul samip akar apne dono hath ki mutthi ko ekattha karke kuch mantra padha aur phir vaha ek dard bhari cheekh vatavaran me phail gayi..
Samne durjan dard se tadap raha tha jamin par pade huye....kisi ko kuch dekhne aur samajhne ka koi mouka hi nahi mila...
Hua ye tha ki jaise hi durjan vaar karne vala tha...tab tak agyant payal ki chhan chhan karke aati awaz ka matlab samajh gaya tha ki koi hai jo uski madad kar raha hai aur is awaz ka arth kya hai..
Usne jaise hi durjan ne apne hath upar uthayevaar ke liye..ussi samay agyant turant palat kar ek laat jama di awaz ki disha me jo sidhe durjan ke pet me jake lagi....
Chunki agyant ne ye vaar lete lete hi apne upar jhuke durjan par kiya tha jisse durjan laat padne se upar ki oor uchhla aur jaise hi niche aaya divya ne phir se payal chhanka di...
Agyant turnt uth gaya aur durjan ke niche aate hi jamin par girne se pahle pakad ke use peeth ke bal apne ghutno par de mara...jisse durjan ki reedh ki haddi toot gayi..
Ye sab itni jaldi hua ki kisi ko samajhne ka mouka hi nahi mila...vaise bhi sabhi ab tak ke agyant ki veerta dekh shock me the..
Durjan ko hara kar agyant sher ke pinjre ki taraf badh gaya...ab tak sabhi agyant ki bahaduri ke kayal ho chuke the...aur koi apna dil aaj haar baitha tha...
Agyant pinjre me ghus gaya jise bahar se band kar diya gaya......sher ne jaise hi apne ghar me kisi admi ko dekha to turant dahadte huye us par chhalang laga di...
Agyant bhi taiyar tha iske liye...usne chhalang lagate hi sher ke jabde par ek jordar ghusa jad diya...sher vahi niche gir gaya...uske muh se khoon bahne laga...prahar itna taqatwar tha..
Sab hairan hokar agyant ko dekhe ja rahe the...ki jis sher ka muqabla aaj tak koi nahi kar paya use is ladke ne apne ek hi prahar se dharashayi kar diya...
Sushant—mubarak ho agyant...tum vakayi me ek sachche veer ho...kintu abhi bhi ek antim round baki hai...jise paar karna mushkil hi nahi ashambhav bhi hai...
Agyant—aap shart bataye....namumkin ko mumkin karna mera kaam hai....
Sushant—yaha se uttar disha me ek bahut hi mayavi jungle hai...kaha jata hai ki uss jungle me koi neel mani hai...tumhe vo hasil kar ke lana hai...aaj tak jisne bhi vaha kadam rakha vo kabhi vapis nahi louta...
Agyant—mujhe manjur hai....
Flashback ki kahani Jari rahegi is chhote se break ke baad……..
Saloni—mere ek baat samajh me nahi aayi ki jab uss aurat ke paas neel mani thi to uski aisi haalat kyo thi…?
Raj—kyo ki vo mani ki shakti jagrit nahi thi….jab tak ki uska sampark mere dil se na ho jaye….aur dusra us aurat ko is mani ke bare me apne antim samay me hi pata chala…..kintu usne is mani ka lalach meri neki ke aage use bahut chhota laga…isliye usne apna dil mujhe donate kiya mujhe bachane ke liye….
Saloni—lekin uske paas ye mani aayi kaise....
Raj—uske dil me to ye janam se hi thi….
Saloni—mani ki shakti jagrit kyo nahi thi... ?
Raj—jisse koi uska galat use na kar sake….jagrit na hone se koi mani ko khoj nahi payega isliye....
Saloni—agar vo aurat tumhe nahi bachati aur ye sab na karti to... ?
Raj—to kya....mai mar jata bas aur kya
Saloni—par tum to kuch aur hi bol rahe the….
Raj—haa…lekin pyar meri kamjori hai…kuch bhi ho pari mujhse pyar to karti hi thi us samay…meri galti ka hi parinam hai uski nafrat…dusra…usne ye var sandhya ke jariye kiya…devi maa ki shakti ka anuchit aur asamay prayog kara ke….aur mai mata rani ki shakti ka niradar nahi kar sakta tha
Saloni—asamay prayog matlab….
Raj—sandhya ke andar ye shaktiya tabhi kaam karti hain jab uske mann me mere prati nafrat ka bhav havi ho….pari ne uske andar nafrat badhane ka prayas kiya…jabki abhi uske andar mere liye pyar hai
Saloni—to chanchal bhi to hai na….uske paas bhi kya…?
Raj—nahi….pari ne mere sath hi janam lene ki kasam khayi thi mujhe maarne ke liye….isiliye mata rani ke prasad ke prabhav se sandhya ne mere sath janam liya….shaktiya sirf sandhya me hai…lekin inka gyan use sirf utne samay tak hi rahega jitne samay vo pichhli janam ki yado me hogi…yaado se vapis aate hi ye kaam karna band kar dengi
Saloni—iska matlab 24 ghante me kewal ek bar
Raj—haa..
Saloni—mata rani ki shakti to achook hai phir tumhari baat ka matlab ki jab tak mai na chahu..kya hai…?
Raj—loha hi lohe ko kaatata hai…hum dono hi unhi ka vardan hain…ek pyar ek nafrat…takrao….unhi ke do vardano ka hai apas me.. anjam to sirf mata rani hi janti hain…kyo ki mai aur sandhya dono unki hi den hain
Sandhya (mann me)—ye mujhse kya ho gaya….mai to kewal divya ko darane ke liye use patthar se girana chaha tha….lekin raj se to mai pyar karti hu…mai use kaise maar sakti hu….mujhse itni badi galti kaise ho gayi…ab mai raj ke bina kaise rahungi
Sandhya (mann me)—us samay na jane mujhe kya ho gaya tha….aise lag raha tha koi mujhse ye sab karne ko bol raha ho…aur mai uski baat maan kar apne hi pair me kulhadi maar li…raj ko kho diya…
Udhar hospital me ruchi ko hosh aa chuka tha…kintu usne kisi se koi baat nahi ki…bas chup chap gum sum padi rahi…
Kamini apne ghar se bahar nikalna chhod chuki thi….use har jagah Yamraj ke hone ka darr laga rahta tha…..kintu aaj uska mann bahut ghabra raha tha…shayad mout ka khouf uske dimag par apni charam seema me pahuch chuka tha…
Aaj ki raat shayad kamini ko bahut bhari padne wali hai…iska ehsaas usse subah se hi ho raha hai….
Durjan jamin par pade dard se tadap raha tha….sainiko ne use uthakar rajvaidhya ke paas le gaye….
Agyant ne abhi tak divya ko nahi dekha tha.....vo maharaj ko pranam karne aage badhne laga....
Agyant ke apne najdik har badhte kadam ke sath divya ke dil ki dhadkane bhi tez hone lagi....uske jism me khoon ka sanchar tezi se hone laga....
Divya (mann me)—hamara dil agyant ko dekh kar kyo itni tezi se dhadak raha hai... ?...kyo hame aisa lag raha hai ki jaise agyant hi hamara saajan hai... ?..pahle vo saajan ke sapne...phir agyant ka bilkul saajan ke jaisa hona...vahi shakal...vahi awaz...saajan ke sapne aur agyant se milna kewal sanyog matra nahi ho sakta...jarur agyant hi saajan hai...par kya rishta hai hamara saajan ya agyant se... ?..kyo ye dil use apna maan raha hai.. ?
Yahi haal vaha baithi Ratna ka bhi tha...jo aaj agyant par apna dil..apna chain sab kuch haar chuki thi....
Ratna (mann me)—tum sach me adbhut ho agyant…aaj mera tan mann mera nahi raha….mere is najuk dil par tumne apne naam ki amit mohar laga di...tumhe dekh kar aisa lagta hai jaise mera tumse sadiyo purana rishta hai koi.....mujhe apni dasi bana lo agyant....kya mujhe prem ho gaya hai.. ?..ha..ha ye prem hi hai...aaj se ratna agyant ki ho gayi...
Alexander—tumhari veerta se hum bahut prabhavit hain agyant.. tumhare jaisa veer poore rajya me nahi hai...tum chaho to jungle me jane ka vichar tyag sakte ho..
Agyant—vo veer hi kya maharaj jo mout ke darr se apni jaban se palat jaye…mujhe agya de
Alexander—jane se pahle hum tumhe rajya ka shreshthtamveer ghosit karte hain aur sath hi apna sena nayak bhi…..
Agyant—is samman ke liye main sadaiv apka abhari hu maharaj..
Agyant vida lekar vaha se chala gaya kintu apne sath divya aur ratna ke raato ki need aur sukh chain haram kar gaya..
Idhar durjan singh ko uske rajya le jaya gaya.....uske pita jo raja bhi the nexas ke…krur singh..unhone jab apne bete ki haalat dekhi to vo bahut gussa hua….
Krur singh—kisne kiya ye sab…? Lagta hai uski mrityu nikat aa gayi hai..
Sainik—maharaj…uska naam agyant hai…usne hi prince ki ye halat ki hai..
Krur—gurudev mujhe us agyant ki mout chahiye….aur mere bete ko theek karne ka upay kijiye
Gurudev—prince durjan ki reedh ki haddi tooti hai….ise tantrik trikal hi theek kar sakta hai..vo shaitani taqto ka malik hai..
Krur—use bulaya jaye
Gurudev—prince ko uske paas le jana hoga
Krur—theek hai ...chalne ki taiyari kijiye
Durjan ko shaitan tantrik trikal ke paas laya gaya…..trikal durjan ko achchi tarah se check karne laga….
Trikal—tajjub hai…itni kaali shakti hone ke bavjud vo yuvak tum par bhari pad gaya…ye theek to ho jayega parantu..
Krur—parantu kya…?
Trikal—shaitan tere putra ko theek bhi kar dega aur shakti bhi dega kintu shaitan ko khush karne ke liye ek kuwari kanya ki bali deni hogi
Krur—isme koun si badi baat hai...mai raja hu...ek kya jitni chahiye mil jayengi
Trikal—badi baat hai krur singh….kewal vahi kanya ke sath shaitan sambhog karega jo sundar ho….amavas ke din theek raat 12 baje paida huyi ho…pushya nakshatra ho us samay….ashwin ka mahina ho aur har tarah se bilkul kuwari ho…sath hi us agyant se prem bhi karti ho
Krur—tab to jarur badi baat hai….aisi kanya milegi kaha hame
Trikal—khojna tumhara kaam hai…jab mil jaye to le aana use..tab tak ye lo ..iska lep durjan ke sharir par karte rahna…dard me kami ayegi
Krur singh apne putra durjan ko vapis le aaya aur poore rajya me apne guptacharo ko aisi kanya ka pata lagane ko kaha atishighra..
Agyant ke rang mahal se chale jane ke baad mahal loutne par divya aur ratna ke vyavhar me parivartan aane laga...
Jenifar ne divya aur ratna se iska karan janna chaha lekin dono ne koi santushti janak uttar nahi diya...
Dono ka dhyan ab khane pine me nahi lagta tha...har pal bas agyant ka chehra hi unki ankho ke samne ubhar aata tha...
Dono hi agyant ke prem paash me giraftar ho chuki thi…vo usse phir milne ke liye vyakul thi….
Idhar agyant apne agle padav ke liye nikal chuka tha….use mayavi jungle ki khoj me nikle hafte bhar ho chuke the kintu abhi tak uske bare me use koi thos jankari nahi mili thi…
Chalte chalte agyant ek jagah par ruk gaya…kisi ladki ke chillane ki awaz sun kar…usne apne charo oor nazar ghumakar dekha kintu koi dikha nahi…lekin uske chillane ki awaz jarur aa rahi thi
Agyant—lagta hai koi musibat me hai....mujhe uski madad karni chahiye…
Ye soch kar vo awaz ki disha ka anusharan karte huye tezi se apne kadam aage badha diye…jaldi hi us jagah pahuch gaya…ye kisi nadi ka kinara pratit ho raha tha..
Vaha pahuch kar jaise hi usne dekha to uski ankho me kroadh ki jwala bhadak uthi…
Samne ek ladki ke sath char log jabardasti karne ki koshish kar rahe the aur unse bachne ke liye vo ladki chillaye ja rahi thi
Agyant ne turant aage badhkar ek yuvak ka hath pakad ke khichkar dur dhakel diya…
Usko aise apne kaam me vighna dalte dekh vo yuvak gussa ho gaye
L1—koun ho tum…? Tumne yaha aane ki himmat kaise ki….chale jao yaha se...nahi to mare jaoge
Mai—ladki ko chhod do mai chala jaunga...
L2—ye ladki hame khush kiye bina kahi nahi ja sakti...
Mai—to phir mai bhi nahi jaunga
L3—tumhe apni jindagi pyari nahi hai...tabhi yaha marne aaya hai
Mai—mout ko hi mout ka darr dikha rahe ho....akhiri bar kahta hu ladki ko chhod do
L1—shayad tu janta nahi ki hum maharaj Prachandasur ke sainik hain.. agar janta to aisi himakat karne ki jurrat nahi karta...chal bhag yaha se hame iska maza lutne de
Mai—ab koi baat nahi karunga aage...
Maine aage badhkar ek sainik ki gardan pakad ke upar utha liya....ye dekh do log mujhe marne aage badhe...ek ne us ladki ko pakad rakha tha...
Mere paas dono jaise hi aaye to maine ek ke main point aur dusre ki chhati me jor se laat maar di...
Main point vala to chup chap dono hatho se apna hathiyar thame niche baith gaya...dard se uski awaz hi nikalni band ho gayi
Dusra jakar sidhe nadi me ja gira….teesra mere hatho ki majbut pakad se apni gardan chhudane ke liye hath pair maar raha tha lekin meri pakad aur majbut hote hi uske gardan ki haddi chatak gayi…
Maine usko bhi nadi me fek diya…ab akhiri vala us ladki ko chhod kar bhagne laga….maine paas me pada ek patthar uthaya nishana lagakar uske sar me de mara….patthar lagne se vo niche gira aur ludhakte huye vo bhi nadi me ja mila…
Vo ladki abhi bhi jamin par baithi ro rahi thi….uske kapde jagah se phate huye the …mujhe us par daya aayi to maine apna upri vastra utar ke us ladki ko diya….
Usne apne gore sangmarmari badan ko dhak liya ..apni nigahe nichi kiye sisak ab bhi rahi thi
Mai—ab vo nahi ayenge....tum chinta mat karo...koun the ye log...? aur tum is samay yaha kaise aa gayi..?
Ladki (sisakte huye)—ye sainik mujhe jabardasti yaha utha laye….jab mai apne ghar ja rahi thi saheliyo se milne ke baad…
Mai—tumhara naam kya hai….?
Hum phir Loutenge is Chhote se break ke baad.......
Kamini ka dil aaj subah se hi ghabra raha tha….rah rah kar uske mann me Yamraj ki vo baat aur uska vo bhayanak chehra nazar aane lagta tha
Chanchal bhi is samay ghar par nahi thi…aaj ka akelapan use bahut pareshan kar raha tha…uski itni bhi himmat nahi ho rahi thi ki vo room me attach bathroom chali jaye…
Use darr tha ki kahi Yamraj bathroom me hi chhupa na ho aur uske vaha aane ka intazar kar raha ho….
Use apni hriday gati rukti huyi si mahsus ho rahi thi….jab ye akelapan usse bardast nahi hua to usne chanchal ko phone laga diya kintu vo bhi not reachable ja raha tha….
Kamini (mann)—ye chanchal bhi pata nahi kaha gayi hai hai….phone bhi nahi lag raha hai….ab mai kya karu…bahar bhi nahi ja sakti…vaha andhera ho gaya hoga….kya pata vo kaha ghat laga ke baitha ho…
Kamini aisi hi pareshan hokar apne kamre me idhar se udhar tahal rahi thi…tabhi use kitchen me kuch toot kar girne ki awaz aayi…
Ye awaz ek kisi dare huye insan ke liye heart attack ke jhatke se kam nahi thi….jabki vo sunsan ghar ke akele ho vo bhi raat me
Yahi haal kamini ka bhi tha….uski dhadkano ne apni chalne ki speed badha di thi…
Kamini (darte huye mann me)—koun hai….ghar me to koi bhi nahi tha…chanchal bhi nahi hai….kahi Yamrajjjjjj to….?
Ye khyal dimag me kulbulate hi kamini ke dilo dimag me apni mout ka darr buri tarah havi ho gaya…
Kamini (kaampte huye)—kaha jau ab….kaha chhup jau…palang ke niche…ha ye theek rahega…..lekin agar usne mujhe vaha dekh liya to mai bhag bhi nahi paungi…nahi..nahi…palang ke niche nahi….
Vo dari sahmi halat me khud se hi badbadane lagi….phir na jane kya sochkar usne apni diary se ek page phadkar usme kuch likhne lagi….
Vo bistar ke upar baith ke likh hi rahi thi ki uske samne palang ke niche se do hath jiske nakhun aadhe hath ki lambayi ke barabar the …bistar me bichhe gadde ko phadte huye bahar nikal aaye…
Kamini ye dekh kar jor se chilla padi….uske hath paav phool gaye…vo turant kagaz pen vahi fek kar bistar se niche kud gayi….aur tezi se rote huye bachaooo….bachaooo…chillate huye darwaje ki oor bhagi…
Jaldi se darwaja khola kaapte hatho se aur bahar ki taraf doudne lagi… lekin uska bad luck…main haal me light nahi thi…aur darwaja par lock laga hua tha….
Usne samay na gawate huye chhat ki oor bhagne lagi…uske sharir me jaan hi nahi bachi thi….usne kabhi sapne me bhi is tarah se Yamraj ke samne aane ki kalpana nahi ki thi…
Kamini chhat me akar jor se chillane lagi..kintu mann me samaye Yamraj ke darr se uske gale ki awaz gale me hi dabkar rah gayi….
Use apni is dasha par joro se rona aa gaya….vo lagatar chillane ki koshish kar rahi thi apne bachav ki khatir..lekin sab bekar…
Tabhi kisi ke main haal ka darwaja jor se kholne ki awaz aayi to usne samjha shayad chanchal aa gayi…ye soch kar usne ek bar phir se niche bhagi…
Kamini haal tak pahuchi hi thi ek
ek khanjar aakar uske sine ke paar ho gaya…vo chillate huye dard me niche giri aur kuch samay tadapne ke baad shant ho gayi….
Uske marte hi ek khaufnak awaz poore sunsan pade ghar me goonj gayi
"Hahaha…..Kitna samjhaya sabko magar koi manta hi nahi"....
Pratigya—mai aapka ye upkar kabhi nahi bhulungi….aap mere ghar tak chale
Agyant—mujhe abhi jaldi hai…kaam hone ke baad loutne par jarur aunga
Pratigya—aap yaha ke to nahi lagte
Agyant—mai olion se aaya hu..mera naam agyant hai...aap ab jaye..
Pratigya abhi aur baat karna chahti thi kintu agyant vaha se aage badh gaya..vo use jate huye dekhti rahi
Pratigya (mann me)—ajib ladka hai...uske samne itni sundar akeli ladki khadi hai kintu usne meri oor dhyan hi nahi diya...poora pagal hai.lekin hai to vo bhi sundar aur balwan bhi...jaldi loutna...mai intazar karungi
Agyant chalte huye ratri ke teesre pahar tak us jungle ke kinare tak pahuch gaya...vo thak bhi gaya tha to kuch der vahi ek ped ke upar chadh kar aram karne laga…
Kuch samay pashchat vaha kuch ajib ghatnaye hone lagi…jinka bhan agyant ko nahi hua..kyon ki vo nidra devi ki god me so gaya tha ..kafi der tak vaha vo ajib ghatnaye hoti rahi…agyant in sabse bekhabar sota raha..
Kab subah ho gayi use pata hi nahi chala….surya dev ki tez kirno ne jab uska swagat kiya tab agyant ki need khuli…need khulne par vo niche utar ke paas me bah rahe jharne par fresh hokar apne safar ko aage badha diya..
Agyant ke age jate hi vo jharna vaha se lupt ho gaya…vo ratri vishram vala ped bhi nadarad tha vaha se ab..
Agyant jaise jaise jungle me andar ki oor ja raha tha…uske piche ke sabhi ped poudhe gayab hote ja rahe the…vaha ek vishal retila maidan banta ja raha tha..
Kintu agyant in sabse bekhabar hokar bina apne piche ho rahi in ghatnao ko palat kar dekhne ke aage badhne agrasar tha…
(yaha se agyant ki jagah mai likhunga)
Mai us jungle me andar jane laga...mere paas kewal apne lakshya ka naam bhar pata tha...baki uska pata thikana kuch malum nahi tha..
Chalte chalte main ek aisi jagah pahuch gaya jaha se aage jane ka rasta hi band tha....uske aage kewal ek badi choudi nadi thi...
Mujhe jab ud nadi ko paar karne ka koi upay nahi sujha to mai nadi ke kinare kinare aage badhne laga....kuch dur chalne ke baad mujhe apne piche kuch halchal hone ki awaz aayi
Maine piche palat ke jaise hi dekha to hairan rah gaya...mujhe dur dur tak kewal ret hi ret dikhayi de rahi thi...na ab vo jungle tha aur na hi nadi...mera to sar hi chakra gaya...
Mai (mann me)—ye kya ho raha hai...mere piche ka jungle aur vo nadi kaha achanak gayab ho gaye...mere aane tak to sab yahi the...lagta hai vo mayavi jungle yahi hai jiske bare me sushant ne kaha tha....kya ab mai thoda piche loutkar nadi ke us par nikal jau...ab to nadi hai bhi nahi
Ye soch kar ek main phir se apne aage ki muda to phir chakra gaya kyo ki mere aage vaisa hi jungle aur vo nadi jyo ki tyo moujud thi
Main piche phir palta to is bar mere samne vahi jungle aur nadi phir se aa gaye..maine kayi baar aage aur piche palat ke dekh kar dekha to har bar nazara alag hota...
Kabhi vo jungle aur nadi nazar aate aur kabhi gayab ho jate..ye dekh kar maine nadi paar karne ka nirnay ke bare me punarvichar karne laga
Mai—mere har bar palatne par ye bhi badal rahe hain..agar mai tab ye nadi paar karu jab ye gayab ho tabhi theek rahega..
Ye soch kar mai do teen baar aage piche palta aur jab piche palatne par mujhe ret nazar aayi to mai piche ki oor aage badhne laga aur us nadi me jump maar diya….
Lekin meri ye soch mujh par bahut bhari pad gayi...
INTERVAL......
Kamini ki cheekh poore bunglow me phail gayi….bahar khade guards ne jab ye cheekh suni to vo turant andar ki oor bhage..lekin unke vaha pahuchne tak bahut der ho chuki thi
Unke samne kamini khoon se lath path haalat me niche apne room ke darwaje ki choukhat par latki huyi thi...uske sar me ek bhi baal nahi the
Poore baalo ki ek mala uske gale me latak rahi thi...sine ki jagah poori khokhli thi...dil apni jagah par se gayab tha...kintu khanjar phir bhi vaha gada hua tha..
Ye bhayanak nazara dekhte hi security guards ke rongte khade ho gaye unhe samajhte der nahi lagi ki ye kaam Yamraj ka hi ho sakta hai..aur jehan me Yamraj ka khyal aate hi unki mansik haalat patli ho gayi…
Vo ulte pair piche ki oor bhag khade huye….aur thartharate hatho se pahle chanchal ko call kiya….aur phir police ko…
Sanyog to dekhiye ki kuch der pahle tak jis chanchal ka phone nahi lag raha tha vo ab turant lag gaya aur ek hi ring me call bhi receive ho gayi
Phone par unhone apni kaampti awaz me chanchal ko sari baat bata di jise sun kar chanchal ke hosh ghabad ho gaye…mobile uske hath se niche gir gaya….
Vo is samay apni ek friend ki birthday party attend kar rahi thi…apni mummy ki hatya ho jane ki baat sunte hi vo vaha se rote huye bahar parking area ki oor tezi se bhagi aur car se ghar rawana ho gayi
Uski friend aur party me moujud log uske aise rote huye bhagte dekh hairan hokar use rokna chaha kintu usne kisi par dhyan nahi diya
Lagbhag 45 min ka safar usne 15 min me tay kar liya…uske ghar pahuchne tak police bhi vaha aa chuki thi…
Apni mummy ki ye haalat dekh kar vo phoot phoot kar rone lagi…use behad afsos ho raha tha ki vo aaj unhe akela chhod kar party me gayi hi kyo…
Kisi ki itni bhi himmat nahi ho rahi thi ki vo kamini ki body ko ek nazar dubara dekh le…sine me bina dil aur sar me bagair baalo ke uska sharir bahut bhayanak lag raha tha..upar se khoon me sana hua…
Agar koi chhota bachcha is bhayanak drishya ko ek bar dekh le to dahsat khakar apni poori umar bhar is vibhats bhayanak scene ke sadme se na ubar paye
Police walo ne kamini ki body ke upar kapda dal diya jisse chaan been ka kaam aage badhaya ja sake warna to koi udhar dekh tak nahi pa raha tha..sabse pahle guard se start kiya…
S.I.—andar koun koun aaya tha…?
Guard—koi bhi nahi aaya…mai shaam se gate par hi tha...kahi nahi gaya…
Forensik team ko bulaya gaya…tab tak subah ki shuruaat ho chuki thi.. team ne aate hi apna kaam chalu kar diya…unhe searching me kuch nahi mila ..to unhone aas pados ke logo se puchh tachh karne lage
SI—tumne koi cheekh suni thi raat me ki nahi..tumhara to ghar baju me hi hai…
Padosi—nahi sahab..hamka to kounayi cheekh veekh sunayi nahi diya par raat me jab hum susu karne uthe rahe tab ek saya ko kamini madam ke makan me pipe se chadhte jarur dekhe rahe
Ye sunte hi sabke kaan khade ho gaye…unhe iski tah tak jane ka soch liya…
SI—aur koun koun hai tumhare ghar me...tumhara naam kya hai... ?
Padosi—hamra naam Teg Bahadur Majhi hai sahab....hum saat judwa bhai rahe...hamre do bhai ko koi maar diya sahab
SI—tumhare ghar me camera laga hai jiska muh idhar ho... ?
Padosi—ha sahab laga hai...
Uski baat sun kar forensik team ne turant harkat me aate huye uske ghar ke camere ki night recording check ki jisme uske baat ki pushti ho gayi kyon ki ek saya pipe ke sahare upar jate nazar aa raha tha kintu saf kuch nahi tha
Chanchal ko jab ye baat pata chali to dukh aur gusse me bhadak uthi..
Chanchal (mann me)—mummy mai tumhare katil ko jinda nahi chhodungi...mai kasam khati hu mai ek din use jinda dafna dungi...aaj se apni ulti ginti chalu kar do Yamraj...
Kamini ki body ko post martom ke liye le hospital le gaye..kamini vahi apni mummy ke kamre me baithi roti rahi...tabhi uski nazar bistar ke ek kinare pade pen aur kagaz par padi...
INTERVAL KHATAM.......
Mai jaise hi nadi paar karne ka soch kar uske satah par phaili ret me jump kiya...to vo mujhe niche ki oor khichne lagi...
Mai jise ret samajh raha tha vo mera bhram nikla...ret ke niche pani aur pani ke niche bahut bada daldal (kichad) tha...
Vo kichad mujhe lagatar niche khichta ja raha tha...mai usme gale tak doob chuka tha...usse bahar nikalne ke mere sabhi prayas vifal hote ja rahe the.....
Jab mai usme muh tak doob gaya to mujhe saans lene me dikkat hone lagi...mai abhi usse bach kar nikalne ke bare me soch hi raha tha is baat se anjan ki ek aur musibat meri oor tezi se aa rahi hai...
Mai pani aur daldal me ab tak sar tak doob chuka tha..kewal ek hath hi bahar tha...mai usko hi idhar udhar ghuma raha tha...
Maine himmat na haarte huye lagatar apne prayas jari rakhe...tabhi jaise mujhe apne hatho me kuch ped ki lat hone jaise kisi cheez ke touch hone ka ehsaas hua..lekin vo bilkul chikna aur thanda tha..
Ye ehsaas hote hi maine use majbuti se pakad kar uske sahare khud ko bahar ki oor khicha aur jaise hi meri nazar apne hatho me pakdi huyi cheez par gayi to mere to hosh hi gayab ho gaye..
Mai apne hath me pakdi cheez ke sahare khud ko upar khichne laga...badi mushkil se sar ko bahar nikal ke uski oor dekha to mere hosh hi ud gaye..kyon ki mere hath me kisi bade azgar saanp ki poonchh thi jise maine pakad rakha tha.....
Idhar kua udhar khayi...mai to asmanjas ki sthiti me phans gaya tha..kuch uchit nirnay nahi le pa raha tha....azhar upar ek ped se lipta hua tha jisse uska sar mujh tak nahi pahuch pa raha tha
Tabhi us daldal ne mujhe phir se niche ki oor khichna shuru kar diya...jisse azgar bhi mere sath niche ki oor khisakne laga...
Maine jyada soch vichar karna chhod uske sahare khud ko upar khichne laga...koshish karte karte mai ab kamar ke upar tak khud ko bahar nikal chuka tha..
Azgar ki poonch us daldal me ab phans chuki thi jisse vo to ab mujhe lapetne se raha bas mujhe uske muh ke paas pahuchne se pahle khud ko bachana tha...
aise hi upar chadhte huye jab mai poora bahar nikal aaya...aur saanp ke pakad bhi poori dheeli pad gayi thi ab ped se...
mai bhi uske bahut najdik pahuch chuka tha...vo bahut gusse me lag raha tha...ye dekh maine apne hath se kamar me bandhi talwar ko tatol kar dekha ki vo to kahi niche nahi gir gayi...ab mai uske pahuch me aa chuka tha
Jaise hi usne mujhe nigalne ke liye gusse me apna sursa jaisa muh kholkar mere upar jhapta maine fauran kamar se talwar nikal ek jhatke se uski gardan uda di jo sidha niche gir ke gayab ho gayi...
Azgar ka upri hissa lahrate huye nadi ke kinare par ja gira aur mai jump maar ke upar aa gaya...
Mai—baal baal bacha....bahut bekar jungle hai yah to...kisi bhi ankho dekhi cheez par bharosa karna hi bekar hai yaha to
Mai phir se nadi ke kinare kinare aage badhne laga...mujhe bhook bhi lag aayi thi aur poore sharir me kichad bhi laga hua tha...jo badbu de raha tha...
Ek ped ke kuch patte tod kar pahle jitna ho saka vo gandgi saf kiya aur aage chalne laga...kuch aage jane par ek pake aam se lada hua ped dikha
Mai (mann me)—ise khau ki nahi...kya pata isme bhi koi chhal ho.. ? chalo tod ke rakh leta hu paas me...jab aage chalne par bhi kuch khane layak nahi milega to sochunga
Maine uske 10-15 aam tod ke paas me rakh liye aur apne safar ko jari rakha…mai chalte huye yahi soch raha tha ki vo mani mujhe kaha milegi…abhi tak uske milne ke koi sakaratmak aasar nazar nahi dikhayi diye the...
Mai apni andhi soch ke sahare aage badhta raha...chalte chalte mai ek badi hi vichitra jagah pahuch gaya....jaha ek taraf din me bhi ekdam ghana andhera tha to dusri baju tez dhoop khili huyi thi...
Samne ki oor jungle aur chhal ka registan…ab mai phir soch me pad gaya..ki koun sa rasta chunu…
Maine andhere raste me jane ka nirnay liya ye soch kar ki roshni ki oor to har koi mud jayega.....maine andhere me tukka lagane wali kahawat ko charitarth karne ko soch liya...
Mai us andhkar ki disha me ghus gaya aur chalta raha...mujhe khud nahi malum ki kitni der mai chala....tajjub karne wali baat ye thi ki andhere me chalne ke bavjud bhi mujhe vaha kisi ped ke hone ka abhas nahi hua...
Chalte huye hi maine apni bhookh shant karne ke liye vo aam kha liya aam khate hi mai chalte huye kisi cheez ya jo raha ho usse takraya aur kisi gahre gaddhe me gir gaya...
Mai niche girta hi chala ja raha tha....na jane kitna gahra gaddha tha ye jo ki khatam hi nahi ho raha tha...
Us aam ke asar se meri ankhe band hone lagi thi….mai kab need me chala gaya pata nahi chala…
Jab meri ankh khuli to kisi ashram ke bahar khud ko pada paya… mai khada hoke us nayi jagah ka nazar charo oor ghumakar nirikshan karne laga…
Jab koi na dikha to mai us ashram ke andar jakar dekhne laga ki shayad yaha koi mujhe mil jaye…
Mai (jor se)—koi haii….yaha…?
Tabhi samne se ek budhiya ashram ke andar se nikal ke aayi...maine unhe pranam kiya...
Mai—pranam mayi
Aurat—itna chilla kyo rahe ho…?
Mai—mayi ye koun si jagah hai…? Mai rasta bhataka hua mushafir hu.. mera naam agyant hai
Aurat—tum bhatke nahi balki bilkul sahi jagah aaye ho....badi intazar ke baad tu aaya hai agyant....mai to kab se teri hi raah dekh rahi thi
Mai (shocked)—aap mujheeee kaise janti hainnnn ?.. aur mera intazar kyo kar rahi thi aap….?
Aurat—mai ek tantrik hu...tantra sadhna hi mera kaam hai....mujhe apni ek sadhna ke liye tere maans ki awasyakta hai...aaj meri sadhna poori ho jayegi
Mai (mann me)—ye aam to us nadi se bhi jyada dhoke baaz nikla....pata nahi koun si jagah hai ye.....andhere me tukka lagana kabhi kabhi hanikarak bhi ho sakta hai...ab mai samajh gaya
Aurat—jyada soch mat...tere sochne se kuch nahi hone wala...yaha mera raaj chalta hai...bina meri marzi ke koi yaha se ek patta bhi nahi tod sakta kisi ped ka
Mai—kis sadhna ke liye apko meri jarurat hai.... ? aur kiski sadhna... ?
Aurat—Maha Kaali ki sadhna......mujhe apne mare huye putra ko jivit karne ke liye teri bali chahiye
Mai—kya meri bali se apka putra jivit ho jayega... ? aur phir mai hi kyo... ?
Aurat—awashya jivit ho jayega.....mujhe aise admi ki talash thi jiske andar neki ho....bahadur ho aur jo vijya dashmi ko hi paida hua ho...aur tere andar ye sabhi gun hain
Mai—aur agar main apni bali na du to... ?
Aurat—hahaha...murkh ladke..yaha sab kuch meri marzi se hota hai...jo bhi is jungle me aa gaya samjho mera ghulam ban gaya...uski koi soch kaam nahi aati yaha...hahaha
Mai—kab hogi meri bali.... ?
Aurat—abhi ek pahar baad....ja jakar samne ke talab me naha kar shuddh hokar aa ja...aur ha bhagne ki koshish vyarth hai...koshish kar ke dekh lena...hahaha
Mai chup chap vaha se talab ki oor chala gaya...
Love Story Will be Continue after this Break……..
Chanchal ki nazar jaise hi us kagaz par gayi to usne use utha kar dekha.. usme kamini ke hatho ka likha hua dekh vo use padhne lagi….
"Beti Chanchal,
Mai tumhe aaj vo sachchayi batane ja rahi hu jise jankar tum shayad mujhse aur khud se bhi nafrat karne lago….lekin ye sochne ka shayad mere paas ab samay nahi bacha hai…isliye beti meri likhi baat ko dhyan se poora padhna….
Beti tum meri nahi balki rajendra aur mamta ki sagi badi beti ho…raj tumhara apna saga chhota bhai hai"….
Itna padhte hi chanchal ko bahut gahra jhatka lagta hai…vo jise aaj tak apni maa samajh kar uski har baat ko manti aa rahi thi vo uski maa nahi hai balki jinko aaj tak apna dushman samajhti rahi…vo uske mata pita hain…
Aur sabse badi baat jis ladke ko usne berahmi se mara aur jisse bepanah mohabbat ki vo uska apna bhai hai..
Chanchal ki ankho se itne me hi jhar jhar kar pani bahne laga…usme ab aage padhne ki bhi himmat nahi ho rahi thi..
Phir bhi usne rote huye aage padhna chalu kiya…use apni maa ki kali kartooto ka pata chalta gaya..ki kaise usne vidhya ke sath milkar use uske maa baap se alag kiya..
Kaise unhone chanchal ke mann me raj ke liye jahar ka beej boya aur use hamesha pani deti rahi…kaise unhone us masum ko sab ke sath mil kar mara…..
Chanchal ko is samay itna mann me dukh ho raha tha jitna kamini ki mout ka sunkar bhi nahi hua hoga…uske anshoo is samay band hone ka naam hi nahi le rahe rahe the…
Chanchal dhire dhire khud ko apradhi ki tarah dekhne lagi…aur apradh bhavna se grasit hoti ja rahi thi har aage padhte jane ke sath sath…
Padhte padhte vo ek jagah aakar ruk si gayi…uski ankhe dukh aur gusse se laal hone lagi…..
"Beti ab mai tumhe kuch aisi sachchayi batane ja rahi hu jo sirf mai janti hu.. vidhya bhi nahi...koi bhi nahi…
Beti ye jo kuch bhi hua….uska asli gunahgar koi aur hai…jisne is poori sazish ki rachna ki..aur vo jo bhi hai uske bare me tumhe*****jagah par mere dwara chhupa kar rakhe sabuto se uska naam aur uski poori sazish pata chal jayegi..
Beti beshak tum mujhse nafrat karo..lekin kisi bhi tarah se is sazish ko nakam karo….nahi to sab is sazish ke shikar ho jayenge…jaise mai, tum aur sabhi huye hain"……
Chanchal ki ankhe gusse se ekdam lal ho gayi…padhne ke baad usne us kagaz ko jala diya…aur mann hi mann me usne ek behad khatarnak kaam ko anjam dene ka faisla kar liya
Main paas ke talaab me jakar fresh hua aur nahane ke baad vahi kinare par baith kar maa adishakti ka dhyan karne laga..
Dhyan ke baad maine socha ki kyo na ek koshish ki jaye yaha se khisakne ki…ye soch kar maine ek baar apne charo taraf dekha ki kahi vo budhiya mujh par nazar to nahi rakhi huyi hai
Jab aashwasta ho gaya ki koi nahi dekh raha hai to mai us talaab ke kinare kinare aage doudne laga..
Kuch dur hi aage ja paya tha ki tabhi mujhe laga jaise mere sharir me pari vartan ho raha hai
Maine niche dekha to mere pair vahi jam se gaye…kyon ki mera ek pair patthar me badal raha tha
Ab meri samajh me aaya ki vo budhiya kyo bol rahi thi ki yaha se bhagna vyarth hai aur meri nigrani bhi nahi kar rahi hai
Agar mai aur aage gaya to mera sharir hi patthar ka ban sakta hai…ye soch kar maine apne aap ko thoda piche khicha to pair bhi theek hone laga…ab vapis loutna hi behtar jaan kar lotne laga
Uske baad mai vapis aa gaya us aurat ke paas…kyon ki mai ab itna to samajh hi chuka tha ki is aurat roopi badha ko paar kiye bina yaha se mera aage ja pana sambhav nahi ho sakega
Vo budhiya andarMaha Kali ki pratima ke samne pooja ki taiyari kar ke baithi thi…mujhe dekhte hi uske chehre par kutil mushkan phail gayi.. mai mann ko masos kar rah gaya
Aurat (mushkurate huye)—aa gaye…maine pahle hi kaha tha..yaha se bhagne ka vichar tyag do…aao baitho yaha pahle tumhari pooja kar du
Mai—meriii pooojaaa…kya matlab…?
Aurat—bali dene se pahle bali ki pooja hoti hai
Mai uske samne jakar chup chap baith gaya...usne mere mathe par tilak chandan lagaya..sugandhit phoolo ki mala pahnayi...phir kayi tarah ke phal mere aage khane ko rakh diye..
Jaise kisi bakre ko halal karne se pahle usko khoob khilaya pilaya jata hai ...vahi vo mere sath kar rahi thi..maine bhi socha chalo kam se kam khali pet to nahi marunga
Maine bharpet khaya...usne jab dekha ki mai kha chuka to vo apne mare huye putra ka parthiv sharir sorry use sharir kahna galat hoga kyon ki vo to sirf ek nar kankal tha..
Usne pass me rakhe lambe khadag ki pooja ki aur phir maa kali ki pooja karne lagi mantro aur phoolo se...phir us kankal ki pooja karne lagi
नमस्ते रुद्ररूपिण्यै नमस्ते मधुमर्दिनि।
नमः कैटभहारिण्यै नमस्ते महिषार्दिनि॥१॥
नमस्ते शुम्भहन्त्र्यै च निशुम्भासुरघातिनि॥२॥
जाग्रतं हि महादेवि जपं सिद्धं कुरुष्व मे।
ऐंकारी सृष्टिरूपायै ह्रींकारी प्रतिपालिका॥३॥
क्लींकारी कामरूपिण्यै बीजरूपे नमोऽस्तु ते।
चामुण्डा चण्डघाती च यैकारी वरदायिनी॥ ४॥
विच्चे चाभयदा नित्यं नमस्ते मंत्ररूपिणि॥ ५॥
धां धीं धूं धूर्जटेः पत्नी वां वीं वूं वागधीश्वरी।
Mai (mann me)—Pranam swikar ho maa bhadra kali..mujhe khushi hai maa ki meri mrityu aapke in shree charno me hogi...mai dhanya ho gaya aaj...aap meri bhi araddhya hain...apne is putra ka kuch kalyan hi socha hoga aapne isme bhi mata..
Vo aurat ab pooja samapti ke baad hawan kund me ahuti dene lagi...aur jor jor se mantra ka jaap karne lagi..abhi tak hawan kund me agni prajwalit nahi huyi thi..
Jab tak agni apne aap prajwalit nahi ho jati tab tak meri bali nahi ho sakti....uske mantro ka uchcharan aur bhi ugra hota gaya..
Kuch hi der me hawan kund ki agni bhadak uthi...ye dekh vo budhiya bahut khush ho gayi..aur barambar pratima ke aage sar jhuka kar pranam karne lagi
Aurat—hahaha...ab mera putra phir se jinda ho jayega...aapne meri bali swikar kar li maa maha kali....aao agyant mere paas aa jao ab...bali ka samay ho gaya hai
Mai—mai apke samne hazir hu mayi...kar dijiye mera mastak dhad se alag... ye mitti ka sharir kisi ke kaam to ayega
Mai jhuk gaya pratima ke aage...usne khadag uthake prahar karne ko huyi phir ruk gayi...
Aurat—agar tum chaho to tumhare pran bach sakte hain....bas mujhe apne sharir ka utna maans aur khoon de do jitni ki mujhe jarurat hai
Mai (khada hokar)—mai uske liye bhi taiyar hu....aap bataye kis hisse ka maans chahiye apko
Aurat—apni balishtha janghao ka maans de do mujhe..
Maine apni kataar nikal kar ek baar us aurat aur uske kankal putra par nazar dali ...aur phir mata rani ko mann hi mann pranam kar ke apni jangho me kataar ghusa di andar tak
Mujhe bahut tez dard hone laga...khoon tezi se bahne laga ye dekh usne turant ek mitti ka bartan mere pair ke paas rakh diya..jisse khoon usme gire
Meri ankho ke samne andhera chhane laga..kintu mai apne dard ki parwah kiye bina apni jangh ke maans ka ek bada sa tukda kaat ke usko de diya aur phir behosh hokar niche gir pada....
Mere niche girte hi aur meri aisi haalat dekh kar us aurat ki ankho me bhi pani aa gaya...
Aurat—tum vakayi me mahan ho Saajan....tumhare jaisi mahan vibhutiya yugo yugo me ekadh baar hi janam leti hain....jo apne hit ke bare me sochna chhod kar dusro ke hit ki khatir apne pran bhi utsarg karne se kinchit matra bhi nahi ghabrate...tum dhanya ho...aur dhanya hai divya ka tumhare liye nishchal prem...
Mujhe jab hosh aaya to khud ko us aurat ki god me leta paya..vo mere baalo ko sahla rahi thi...meri jangho par koi kapda bandha hua tha...dard to ab bhi bahut tha kintu utna pahle jaisa nahi
Mujhe hosh me aaya dekh kar vo khush ho gayi...mai uthne laga to usne mujhe rok diya...
Aurat—abhi lete raho agyant...abhi tumhara ghav bhara nahi hai
Mai—nahi mayi mujhe jana hoga...agar apka karya siddh ho gaya ho to mujhe jane ki ijajat dijiye....mujhe meri manzil ki talash karni hai
Aurat—theek hai...kintu ye jadi buti ka lep apne ghaav par lagate rahna ..isse tum jaldi hi theek ho jaoge....aur tumhe apni manzil ke liye kahi bhatakne ki jarurat nahi hai..
Mai—kya matlab... ?
Aurat—tum is talaab ki gahrayi me jaise hi dubki lagaoge ...vo talaab tumhe tumhari manzil ki jagah tak pahucha dega parantu....
Mai—parantu kya.... ?
Aurat—vo Neel Mani ek Tilism ke ghere me hai...vaha par kadam kadam par khatra hai...agar tumne sabhi khatro ko paar karte huye us tilism ko tod paye to neel mani tak pahuch jaoge
Mai—mujhe us mani ke bare me aur kuch bataiye..
Aurat—mujhe bhi uska itihas nahi malum hai...mai hamesha tumhari madad ke liye taiyar milungi...mera naam Saloni hai
Mai—apka bahut bahut dhanyavad....ab mere samne kam se kam manzil ka pata to hai...mai jarur har badha ko paar karunga mayi...mujhe ab agya de
Saloni—tumhara kalyan ho...
Mai unse vida lekar us talaab ke bich me pahuch kar dubki laga diya…kuch hi der me mai uski gahrayi me dubne laga…maine apni ankhe band kar li
Thodi der baad mujhe kuch ajib sa mahsus hua to maine apni ankhe khol di.. aur jab apne samne dekha to hairan rah gaya….
Love Story will be continue after this break……
Chanchal ka mann aaj khul kar rone ko kar raha tha….vo chahti thi ki jakar mamta se apne kiye ki mafi maang le…lekin ye bhi sambhav nahi tha..kyo ki mamta to coma me thi..
Chanchal (mann me)—mai kya muh lekar maa ke paas mafi mangne jaungi.. kya kahungi unse..ki unki hari bhari god ujadne wali unki hi ye beti hai...mai to us kul ka kalang ban chuki hu...ab to raj bhi nahi raha...vo hota to shayad vo log mujhe maar peet kar raj ke kahne se maf bhi kar dete...kintu ab to vo rasta bhi band ho chuka hai
Chanchal (mann me)—lekin main ab us pariwar aur raj ke dushmano ko jinda nahi rahne dungi.....chahe mujhe iske liye kisi bhi had ko paar karna pade to karungi..lekin pahle mujhe uss shakhs ke bare me janna hoga..jo in sabke pichhe hai
Ye soch kar vo turant apne anshu poch kar kamre se bahar nikli aur gadi se kahi chali gayi...
Chalte chalte ek veeran jagah par usne gadi rok di..aur aage jakar kamini ki letter me batayi jagah ki talash karne lagi
Bahut der tak idhar udhar dekhne ke baad akhir use vo jagah dikh hi gayi jise dekh chanchal ki ankho me chamak aa gayi
Ye veeran area ek shmashan tha jaha chanchal aayi hai...chanchal ke samne jamin par gade ek patthar par lal paint se zero ka nishan bana hua tha...vo jagah milte hi usne vaha ki mitti hatani shuru kar di
Mitti hard ho chuki thi vaha ki jisse khodne me pareshani ho rahi thi...chanchal ne idhar udhar ghum kar dekhne lagi...tabhi use ek lohe ki sariya dikhi usne usse hi kaam chalane ka soch liya
Kafi der lagbhag do ghante ki athak parishram ke baad use vo cheez mil hi gayi jiski usko talash thi...
Usne use utha kar apni gadi me rakha aur vaha se turant ghar ko nikal gayi..
Chanchal (mann me)—ise ghar me le jake dekhte hi mijhe us kamine ka naam pata malum chalte hi mai usko barbad kar dungi…aisi mout dungi usko ki mout bhi kaamp uthegi
Idhar Ruchi apne kamre me raj ki photo ko sine se lagaye dhire dhire roye ja rahi thi…
Mere samne vaha charo taraf tez dhoop khili huyi thi…mai apne kadam foonk foonk kar aage badhane laga…ki kya pata kab kisi anjane khatre se achanak samna ho jaye…vaise bhi yaha par tilismi jaal bichha hua hai
Mai poora din vaha aise hi bhatakta raha lekin abhi tak mere sath na to koi anhoni huyi aur na hi meri manzil nazar aayi thi..din bhar ki tapti dhoop ne mujhe bilkul behal kar diya tha
Raat hone par is dhoop se chhutkara mila….yadyapi raat ek pahar se jyada gujar chuki hai…aur ankho me thandak pahuchane wale chandra dev bhi darshan de rahe hain kintu din bhar ki dhoop aur loo se garam huyi jamin abhi bhi achchhi tarah se thandi nahi huyi thi
Abhi bhi kabhi kabhi sahara de dene wale hawa ke jhapeto me garmi mahsus ho rahi thi jisse badan se pasina nikal raha tha…aise me jungle me bhatakne wale musafiro ko ped ki aad bhi buri malum padti hai
Main vaha ki ek chhoti si pahadi ke upar chadh gaya jaha bade bade aur ghane pedo ki kami to nahi hai magar is samay unme patto ki kami ke karan unki khubsurti nasht si ho gayi hai
Mujhe us pahadi ke ek taraf ek chhoti gufa jaisi dikhayi di to main ussi taraf chal pada…
tabhi meri nazar vaha ki ek chattan par hath me dhaal, talwar aur teer kaman liye ek admi aur ek aurat baithe the unpar gayi
Ladki ki umra 19-20 ke lagbhag aur ladke ki 20-22 hogi hi…unki poshak to bilkul sadharan hi thi lekin shakal surat se to aisa lag raha tha ki ye koi sadharan manav nahi hain
Dono ke kapde ek jaise the…kurta payjama aur kamarband pahne huye…ladki ne bhi apna huliya bilkul kisi mard ke jaisa bana rakha tha…lekin mujhe ye samajhne me deri nahi lagi ki ye ladki hai
Uski sharmili ankhe sab bayan kar rahi thi..jinme laaz ka parda jhalak raha tha sath hi uska garmi se phoolta pichakta sina ..ye dekh mujhe ehsaas ho gaya ki ye ek nav jawan kamsin ladki hai
Mai unke paas chala gaya....dono kuch der tak mujhe ghurte rahe phir jakar us ladke ne apna muh khola
Ladka—koun ho tum …aur yaha kya kar rahe ho…?
Mai—mera naam agyant hai..aur main neel mani ki talash me aaya hu...ab apna parichay do
Ladki (mard ki awaz me)—tumhe isse kya…? Yaha se vapis lout jao...nahi to mani to nahi milegi ...ha mout se milan jarur ho jayega tumhara
Mai—mai marne se nahi darta...aap log apna parichay do warna kahi aisa na ho ki main tum dono ko apna dushman samajh kar mout ke ghat utar du
Ladka—hahaha…tu hame nahi maar sakta...hum yaha ke rakshak hain…mera naam vidhan hai…yaha se aage tilasmi jaal hai jisme ulajh kar mare jaoge
Mai—mai ye janta hu...lekin bina mani ke vapis nahi jaunga
Vidhan—to phir tumhe hum dono se yudh karna hoga
Mai—kewal tumse hi yudh karunga main
Ladki (mard ki awaz)—kyo mujhse darr gaya…?
Mai—nahi…lekin main ladkiyo se nahi yudh karta aur tum bhi ek ladki hi ho..
Vidhan—tumhe kaise pata... ?
Mai—iski ankho ko dekh kar
Ladki—kya hai meri ankho me…?
Mai—laaz aur sharam ka parda hai
Ladki—mera naam vidhi hai aur mai vidhan ki badi bahan hu...lekin phir bhi tum aage bina humse lade nahi ja sakte
Mai—to phir theek hai aa jao…
Vidhan turant apni talwar lekar mujh par vaar karne laga....uske vaar behad takatwar the…uske har war par main niche gir ja raha tha…
Meri talwar bhi mere hath se chhutkar dur ja giri aur usne mujhe niche gira kar gardan par apne hath kas diya…mera to dum hi ghutne laga tha tabhi mujhe rang bhumi ki us anjani ladki ki vo awaz yaad aane lagi ki tumne jeetna hi hoga…
Ye yaad aate hi maine apni ankho ko band karke poori takat ko samet kar achanak tezi se palta aur vidhan ki gardan ek jhatke me jakad li
Vo chhat patane laga…apne bhai ko kamjor padta dekh vidhi uski madad ko aa gayi…aur mere upar vaar karne ko jaise hi huyi..maine uska ek hath pakad ke apni oor khich liya
Jhatke se khichne ke karan uska balance nahi ban paya aur vo mere sine se ja lagi…maine bhi ek hath se use apni bhujao me pakde rakha
Tum to pyar karne layak cheez ho…in najuk hatho me ye hathiyar shobha nahi dete…aur maine use chhod doya
Vidhi—mere bhai ko chhod do…nahi to anjam theek nahi hoga
Mai—nahi to kya karogi ..?
Vidhi—to phir khud dekh lo
Vidhi apne hatho se aag ke gole meri oor fekne lagi…ye dekh maine vidhan ko samne kar diya jisse vo aag ke gole usse ja takraye aur vo dard me chillane laga
Vidhi—dekh chhod de mere bhai ko…tujhe aage jake marne ka mann hai to ja mar..mujhe kya
Maine vidhan ko utha ke dur fek diya…ye dekh vidhi badi hairat se meri oor dekhne lagi
Mai—aise kyo dekh rahi ho…chhod to diya ab tere bhai ko
Vidhi—tum koun ho…?
Mai—bata to chuka hu mera naam agyant hai…aur main yaha neel mani lene aaya hu….
Vidhi ne jakar apne bhai ko pakad ke khada kiya…jo abhi tak apni gardan par hath fer raha tha…
Mai—magar tum dono yaha kya kar rahe ho…aur apna asli parichay do…?
Vidhan—aaj tak koi bhi mujhe hara nahi paya tha…aaj pahli baar kisi bahadur yoddha se samna hua hai….hum dono jinn hain…meri bahan ko na jane kaise kisi saajan se mohabbat ho gayi….to hamare guruji ne bataya ki ye neel mani ko saajan ke alawa dusra koi bhi na hasil kar sakta hai…aur na hi iski shaktiyo ka upyog kar sakta hai…to ek na ek din vo yaha jarur ayega…bas tabhi se ye pagli yaha akar us saajan ka intazar kar rahi hai…iski hifajat ke liye mujhe bhi aana pada
Mai—to tum logo ne mujh par hamla kyo kiya…? Aur bahar kyo baithe ho.... ?
Vidhi—kyo ki aage tilismi jaal hai jaha hum bhi nahi ja sakte…aur hum ye bhi nahi chahte ki mere saajan ke siwa koi us mani ke paas bhi jaye
Mai—magar mai to jaunga..
Vidhan—tumhe tumhari mout khich layi hai to jao...
Mai—shukriya….ab pata bhi lage hath bata do to badi meharbani hogi
Vidhi—bhad me jao…
Mai—ye kaisa pata hai….main pahli baar kisi jagah ka aisa naam sun raha hu
Vidhan—aage jo gufa dikh rahi hai….uske andar hi us tak jane ka rasta hai..iske aage main nahi janta
Vidhi ne chidh kar dusri taraf muh ghuma liya aur main vaha se apni manzil ki oor badh gaya...
Gufa ke dwar par kayi patthar rakhe huye the....vaise to raat gahri ho chuki thi lekin chandni raat hone ke karan itna to dikh hi raha tha
Dhire dhire main un pattharo ko hatane laga....unke hatate hi muh andar jane ka marg mil gaya..to main ghus gaya usme
Kafi der aise hi chalne ke baad ek jagah mujhe char raste mile gufa ke andar hi...mai ab soch me pad gaya ki koun se raste se aage jau
Kafi soch vichar ke baad maine pahle samne wale raste ko azmane ka socha aur uspar aage chal diya...
ye to achcha hua ki us saloni ne mujhe kuch mombatti de di thi jinko jalane par roshni ho rahi thi nahi to andhere me ghumta rahta
Kuch dur chalne par phir char raste mile...mai samajh gaya ki is tilism ko tode bina mai mani tak nahi pahuch paunga
Main phir se samne wale marg par hi aage badhta raha....aage phir char raste mile...
Mai (mann me)—ye to hadd hi ho gayi yaar….har baar char raste….lagta hai ye kewal gumrah karne ke liye hain…jisse koi bhi aake yaha ki bhul bhulaiya me hi bhatakte bhatakte apna dum tod de
Tabhi mujhe kuch dhyan aaya aur mai vapis loutne laga...mai phir se ussi chourahe par aa gaya jaha mujhe pahli baar ye char raste mile the
Mai har raste ko gour se dekhne laga....teen raste to kafi choude the ...lekin ek jo sabse sakra rasta tha jisme se badi mushkil se ek admi hi ja sakta tha..usme se hokar jane ka socha
Ye soch mann me aate hi main us sakri gali me ghus gaya...rasta itna sakra tha ki gufa ke dono oor ki chattano se ghis ghis kar mere gaal chhil gaye.. ek usme ghusne ke baad agar koi palatna bhi chahe to namumkin tha
Kahte hain ki Har shuruaat ka ek ant bhi nishchit hota hai to akhir is taklif deh raste ka bhi ant ho hi gaya…kintu iske khatam hote hi nayi musibat samne aa gayi…
Main jaise hi us raste se bahar nikla ..kisi ne vaise hi mujhe jor se ghuma kar gufa ke andar lagi chattano pe patak diya...mujhe sambhalne aur kuch jaanne samajhne ka mouka hi nahi diya usne
Mai kisi tarah uthne laga to phir se vaisa hi kiya…char paanch baar yahi hota raha mere sath….ab to mujhe gussa aane laga tha….is maar se dard jo ho raha tha aur main bebas ho gaya ek tarah se to apni majburi par gussa aane laga
Abki baar girte hi maine ek hath apni talwar par rakha aur uthne ki koshish karte huye hi palat ke us taraf talwar se vaar kar diya….to kisi ki cheekh vaha fail gayi…
Maine jaldi se dusri mombatti jalayi jo uske hamle se bujh gayi thi…mere samne ek bhediya ghayal pada tha….maine uska kaam tamam karke aage nikal gaya…
Aage rasta kafi chouda tha aur sidha bhi...mujhe ye dekh kuch rahat mili ki koi nahi dikh raha hai yaha...aage jane me rukawat nahi hogi...mai ye soch kar apne kadam aage badha diye....aur yaha meri soch galat sabit ho gayi
INTERMISSION
Ruchi raj ki photo apne sine se lagaye huye lagatar dhire dhire roye ja rahi thi rote rote vo beech beech me tasveer ko chumne bhi lagti thi
Ruchi (anshu bahate huye)—tum mujhe chhod kar kyo chale gaye betu…? Ab main kaise jinda rahu…mout bhi meri dushman ban gayi hai….jo jahar khane ke baad bhi nahi aayi….tumne to mera sath nibhane ka vada kiya tha na aur khud hi tod gaye apne vade ko….aa jao betu..lout aao…maine to abhi apne dil ki baat bhi nahi kah payi tumse…kya meri kismat me sirf tadapna hi likha hai…?
"Mana ki kismat pe mera koi zor nahi,
Par ye sach hai ki mohabbat meri kamazor nahi,
Tere dil me, Teri yaado me shayad koi aur ho lekin,
Meri har saans mein tere siva koi aur nahi"..
Payal apne bistar par baithe pillow ke sath khel rahi hai...jis din se raj ke sth vo ghatna huyi hai tab se na to payal ne nahaya hai aur na hi kapde change ki hai....kisi ko paas aane hi nahi deti apne
Neha—dr. Kab tak aise rahegi meri bachchi... ?
Doctor—dekhiye inke dimag me gahra sadma laga hai jiske chalte inka mansik santulan sahi nahi hai….inka dimag is samay bilkul bachcho jaisa ho gaya hai.. aur dekh rahi hain na aap ki vo us pillow ko hi raj samajh kar uske sath khel rahi hai…kabhi jor jor se rone lagti hai agar kuch dhundhla sa yaad aata hai to payal ko ya to raj hi theek kar sakta hai ya phir upar wala
Chanchal jaldi se ghar pahuchkar apne room me aayi aur darwaje ko lock karke turant us layi huyi cheez ko kholne lagi…
Ye ek chhota sa box tha...jisme lock laga hua tha...chanchal ne kamini ke letter me likhi jagah par key talashne lagi…
Usne kamini ke room me jakar uske bed ko badi mehnat ke baad palta diya… bed ke niche side ek jagah zero ka nishan laga tha red paint se
Usne us jagah ko patli loha cheerne wali blade se katne lagi….vaha ki lakdi cheerne ke baad use ek kagaz me lipti vo key mil gayi
Vapis apne room me aakar usne jaise hi us key ko box ke lock me lagakar ghumaya to lock fauran khul gaya…
Lock khulte hi usne jaise hi box ke andar se vo cheez nikali to use dekh kar uske pairo tale jamin khisak gayi….use apni ankho par yakin karna mushkil ho gaya….
Main jaise hi apna pahla kadam aage badhaya to vaha charo taraf se teero ko barsat hone lagi…mai turant piche hat gaya..to teer bhi band ho gaye
Mai do teen baar try kiya aage badhne ka lekin har baar yahi hone lagta jiske karan main badh nahi pa raha tha
Tabhi mera dhyan niche bane kuch nishan par gaya…jo kayi colour me bane huye the
Mai har nishan par niche pade kankad patthar utha utha kar fekne laga….teer sidhe unse jakar takrane lage…kewal ek khand aisa mila jisme kankad fekne ke baad bhi koyi pratikriya nahi huyi
Maine do teen dafa us khane me kuch na kuch fek kar check kiya…jab mujhe confirm ho gaya ki is nishan wale khane se hokar jane me koi khatra nahi hai tab savdhani se us khand ke sahare aage badhne laga
Ye badha paar kar ke main aage badhne laga aur jakar vaha pahuch gaya jaha vo neel mani rakhi huyi thi…ek chakra jaisi kisi cheez ke beecho beech vo rakhi huyi thi aur vo chakra lagatar poori speed me ghum raha tha
Mai jaise hi aage badhne ko hua to mere charo taraf bade ajib se jeev gher kar khade ho gaye….dekhne me to admiyo ke jaise hi the lekin unki jeebh aur daant bahut bade aur lal rang ke the
Unhone mujhe dekhte hi mere upar lal roshni ki bouchhar karne lage...maine apni talwar nikal kar unke var ko rokne ka prayas karne laga
Mai vaar rokne ka prayas karte karte thak bhi chuka tha aur ghayal bhi…to mai bhi ab unke vaar ka jawab apni talwar ke vaar se dene laga
Lekin unke upar meri talwar ke vaar ka koi asar hi nahi ho raha tha….mai akhir me ghayal hokar niche gir gaya…unhone bilkul mere paas aake mujhe gher liya aur apna antim prahar mujh par karne ko taiyar ho gaye
Vo apna prahar mujh par karne hi ja rahe the ki tabhi meri nazar ek aisi jagah par gayi jaha se lal roshni ki kirne nikal kar inke ander ja rahi thi
Maine turant apni himmat batorkar poori taqat se talwar ko us roshni bikherne wali jagah ki oor feka jo sidhe jakar usse takrayi aur ek visfot ke sath hi vo tahas nahas ho gayi
Us roshni ke khatam hote hi ye jeev bhi kisi kate ped ki tarah khade khade hi apni jagah par bejan hokar ludhak gaye
Maine khade hokar apni talwar uthayi aur us mani ke paas pahuch gaya…jo ek box type golakar ghumte chakra ke beech me rakhi huyi thi
Chakra ki speed itni jyada thi ki aisi surat me mani usme se nikal pana sambhav nahi tha…mai kuch der apni jagah khade rahkar uski prakriya ko samajhne laga
Mujhe niche bikhare kaanch ke tukdo me ek key nazar aayi jo chakra ke upri hisse se latak rahi thi kintu vo kewal niche kaanch me hi dikhayi de rahi thi.. upar dekhne par kuch key nahi dikh rahi thi
Maine kuch der kaanch me us key ko dhyan se dekhte huye jamin se uski unchayi ka andaza lagayaaur phir char kadam piche hoke jump laga diya us chakra ke upar
Jump karte samay bhi maine un kaanch ke tukdo par hi apna dhyan kendrit rakha….chakra ke ghumte rahne ke karan dhyan ekagrachit un tukdo par rakhna jaruri tha…
Jaldi hi mujhe vo key mil gayi….mera hath lagte hi vo visible ho gayi aur sath hi us chakra me us key ko lagane ki jagah bhi
Main upar se hi sarakte huye niche aaya aur ab ki baar maine apna focus us speed me ghumte chakra ke key hole par laga diya
Jab meri nazare us key hole par chipak gayi to maine key ko us hole ki taraf gira diya jo sidhe jake usme fit ho gayi
Key ke lagte hi vo chakra apni jagah par tham gaya to maine key ke sahare us box ko khol kar us mani ko hatho me utha liya
Hath me uthate hi mani se tez roshni chamakne lagi aur vo badhte badhte mujhme samane lagi....main dard se chhat patate huye uchhalkar dur ja gira aur vahi behosh ho gaya
Pata nahi main kitni der tak behosh raha…lekin jab mujhe hosh aaya to mujhe apne sharir me badlav ke sath aseem taqat ke hone ka ehsaas hone laga
Mai apne hatho ki oor dekhne laga to vo mani kahi nazar nahi aa rahi thi..tabhi mere kano me kisi ki awaz aane lagi
"Bahar mat dekho..mani tumhare andar hi hai"…
Mai (choun kar)—koun hai yaha…?
"Apne antarmann me jhankoge to samajh jaoge...mai neel mani hu"....
Mai—lekin tum dikhayi to nahi de rahi ho….aur agar tum neel mani hi ho to tum bol kaise sakti ho bhala…?
"Mai sab kar sakti hu saajan"…..
Mai (dimag chakra gaya)—koun saajan... ? aur kiska saajan... ? is saajan ne to mera dimag hi kharab kar rakha hai.....jisko bhi dekho saajan...saajan....dekho mera naam agyant hai
"Tum hi saajan ho.....ye mani tumhare jaise bahadur, nekdil aur parop kari manav ke intazar me hi thi".....
Mai—agar ye meri thi to phir itna hamla kyo mujh par.... ?
"Ye dekhne ke liye ki tum saajan hi ho ya koi bahurupiya"…
Mai—is mani ka fayda kya hai…? Aur vaise bhi ye to king alexander ki dharohar hai….
"Is mano ko tumhare alawa koi dusra prayog nahi kar sakta….iski shaktiya sirf tumhare sampark me aane par hi jagrit hogi…aur tumse dur hote hi lupt ho jayengi"…
Mai—mai maharaj ko kya jawab dunga….?
"Vo divya sambhal legi".....
Mai—mujhe is mani ke bare me batao..... ?
"Is mani me tumhare saat janam ki yaade kaid hain....har janam me tumhe ye mani hasil karni hogi...jisse tumhe apna purva janam yaad aane lagega...sath hi divya ko bhi"....
Mai—mai kuch samjha nahi... ?
"Ye mani ka sirf ek tukda hai...jab tum apne agle janam me ye sato tukde hasil kar loge to tumhe apna pahla janam bhi yaad aa jayega..jaha is mani ka raaz hai....iske liye tumhe kadi pariksha bhi deni pad sakti hai"....
Mai—iski kya shaktiya hain.... ?
"Jab tum dhyan me baithoge to pata chal jayega"....
Iske bad us awaz ka aana band ho gaya to main bhi gufa se bahar nikal aaya mere bahar aate hi vo gufa ek tez visfot ke sath ud gayi
Mai vaha se chalkar jaise hi bahar aaya mujhe apne samne vidhi aur vidhan apni oor ankhe phade dekhte huye dikhe…
Mai—kya hua aise kyo dekh rahe ho….?
Vidhan—nahiii….par tum bahar jinda kaise aa gaye…? Aur vo gufa kaha gayi…?
Mai—vo ud gayi visfot se
Vidhan—aur vo mani... ?
Mai—vo jiski thi usko mil gayi...
Vidhi—kya mat..lab.... ?
Mai—maine hasil kar li vo mani....ab tumhara saajan khali hath jayega yaha se
Vidhi—lekin guru de ne to kaha tha ki ise sirf saajan hi pa sakta hai
Mai—tumne dekha hai saajan ko... ?
Vidhi—nahi...lekin uski tarif bahut suni hai uski achchhayi ki
Mai—jab dekha hi nahi aur yaha uske intazar me baithi ho...agar mai tumhe pane ke liye tumse jhuth bol du ki mai hi vo saajan hu to ... ?
Vidhi—lekin guru ji bhala jhuth kyo bolenge... ?
Mai—vo tum jano...vaise chaho to tum mujhe hi apna saajan bana lo
Vidhi—aisa kabhi nahi hoga...mai saajan ko apna sab kuch maan chuki hu...mujhe chahe kitna bhi intazar karna pade mai karungi
Mai—jaisi tumhari marzi....mai to chala apne ghar
Vidhi (dhyan me)—gurudev mujhe darshan de
"Bolo vidhi putri..kaise yaad kiya"....
Vidhi—gurudev aapne to kaha tha ki neel mani ko saajan hi pa sakta hai...lekin aaj use ek ladka le gaya aur vo gufa bhi nahi hai ab
"Maine to satya hi kaha tha, putri..ab tum hi nahi pahchan payi to mai kya kar sakta hu isme".....
Vidhi (bhavuk hokar)—bhaiiii….jaldi se use khojo…chalo jaldi…abhi jyada dur nahi gaya hoga…..vahi mera saajan hai
Vidhan—kyaaaa….?
Vidhi—ha..bhai…vo saajan hi hai….ab chalo jaldi
INTERVAL
Chanchal ne jaise hi box ke andar rakhi cheez uthayi..usme ek photo rakhi huyi thi..jise dekhte hi uske pairo tale jamin khisak gayi…
Use apni ankho par yakin nahi ho raha tha…..ki jo vo dekh rahi hai vo satya hai ya phir koi sapna
Chanchal—omg….ye to Uday Thakur ki photo hai…to kya vo hi hai in sab ghatnao ke piche….?..lekin vo to videsh me rahte the to phir india me kaise itna bada game khela unhone…?
Chanchal—kitna bada vishvas ghat kiya uday ne sab ke sath…kahi raj ke sath abhi huyi ghatna me iska hi hath to nahi hai…? Mujhe iski tah tak jana hoga.. agar raj ki mout me jara bhi hath hua to mai jinda nahi chhodungi usko…?
Chanchal—papa ke khatam hote hi vo ghar aa gaya…akhir kya maksad hai uska..? uske ghar me rahte to sabhi ki jaan ko ab khatra jyada badh gaya hai kyo ki unko har musibat se bachane wala raj bhi nahi hai ab
Tabhi chanchal ki nazar box me rakhe ek locket par gayi….usne use uthakar dekhne lagi
Us locket me ek tattoo bana hua tha….usne aisa tattoo pahli baar dekha tha jisse use kuch samajh me nahi aaya
Chanchal ne use palta kar dekha to usme piche likha hua tha TBM
Chanchal—is tattoo ka kya mtlab hai…? Kiska hai ye locket…? Uday…TBM aur ye locket….in teeno ka kya connection hai apas me…?
Tabhi usne box me rakhe ek chhote se kagaz ke tukde ko utha liya aur usme jo likha tha use padhne lagi..
