Fantasy SAAJAN (Family Love FANTASY)

[StoryPublisher]

UPDATE- 282

Mera ekdam se poore vajan ke sath rassi par jhul jane se rassi ke dusre chhor par aisa jhatka pada ki har koshish kar ke bhi veer rassi ko apne kabu me nahi rakh saka...sab ke dekhte hi dekhte rassi ka dusra chhor gufa ke muhane me sama gaya..rassi ke gufa me samate hi jaha vo gahra gaddha tha, vaha ab vaisa kuch bhi nahi tha...bas gaddhe ki upri satah par nazar aa rahi mitti ki jagah par dher sari chattane aa gayi thi...aur vo bhi aisi bhari bhari chattane ki unhe hatakar niche jana to door ki baat unme se ek bhi chattan ko hila pana bhi unn logo ke bas ki baat nahi thi.

Gufa ke andar jane ka rasta band hote dekh kar sabhi ghabra gaye...tabhi achanak

Ab aage…..

Gufa ke andar jane ka rasta band hote dekh kar sabhi ghabra gaye...sab ne mil kar ek sath surang ke darwaje par jama ho gaye unn pattharo ko hatane ki bahut koshish ki magar unn pattharo ko vaha se hatana to door thoda sa hila tak nahi paye.

Mamta (ghabra kar)—ab kya hoga... ? ye patthar achanak kaha se aa gaye... ? lagta hai andar bahut khatra hai...kahi mera beta kisi musibat me na phans gaya ho.. ?

Payal (tension)—ab kya karu... ? kuch samajh me nahi aa raha hai..

Priyadarshini—lagta hai ki ye surang bhi tilismi hai...isliye hi ye patthar apni jagah se tas se mas nahi ho rahe hain.

Saloni—mujhe bhi aisa hi lagta hai..

Mrinal—ye chota balatkari tu kuch kar na...jaldi se inn pattharo ka balatkar (chamatkar) kar..

Veer—dimag mat chat mera...vaise hi iss samay mood kharab hai..

Mrinal—main kaha chat rahi hu tera dimag…main to tere se door khadi hu…koi aur chat raha hoga

Ruchi (pareshan)—ab hum sab kaise betu ke paas pahuchenge…?

Divya—didi, tension mat lo…sab theek ho jayega..

Chanchal—kaise tension na le hum..baat hai hi tension wali ..

Abhi sab aapas me baat karne me lage huye hi the ki tabhi achanak kuch khunkhar parchhaiyo ne unhe charo taraf se gher liya.. apne charo taraf itni sari kisi ki parchhayi dekhte hi sab chounk gaye.

Neha (darte huye)—ab ye..kya musibat hai... ?

Paridhi—raj bhi nahi hai yaha par...ab koun bachayega sab ko... ?

Avadhesh—kkkk....koun hai... ?

Payal—kkk...koun hai..samne aao..nahi to gardan kaat dungi...

Phir tabhi unn akritiyo ne akaar lena shuru kar diya aur akaar spast hone ke baad jo chehre nazar aaye vo bade hi bhayanak aur darawane the.....itne bhayanak chehre dekh kar darr aur khauf se sabhi ki halat kharab hone lag gayi...vo rajj..rajjj chillate huye idhar udhar bhagne lag gaye sirf veer, saloni, mrinal, priyadarshini aur divya ko chhod kar..

Magar tabhi agle hi pal sab ke hath pairo me apne aap hi bediya kasti chali gayi aur vo sabhi vahi gir gaye...niche girte hi dard aur khauf mishrit cheekh sab ke muh se nikal gayi...sab ke niche girte hi vaha sab ke jor jor se hasne ki awaz goonjne lagi.

"Hahahaha....bhago..aur bhago....hahahahaha" unn bhayanak logo me se kisi ne kaha.

Paridhi (chillate huye)—raaajjjjjj...bachaoooooo ..

Veer (chilla kar)—koun ho tum log... ?

"Abhi pata chal jayega…le chalo sab ko…hahahaaha" jawab dene ki jagah phir se kisi ne kaha.

Veer (gusse me)—agar kisi ne hath bhi lagaya to aage jo hoga uske baad phir kabhi kisi ko hath lagane ke bhi kabil nahi rahoge.

Lekin vo kaha manne wale the..vo sab haste huye dhire dhire sab ki taraf badhne lage…ye dekh kar sab jo ki already pahle se hi dahshat me the….vo aur bhi darr gaye aur jor jor se cheekhne chillane lage.

Divya—koun ho tum log aur kya chahte ho…?

Tabhi vaha sab ke beech me ek akriti aur bhi aa gayi aur dhire dhire spast hone lagi…sab ke samne ek vishaldaityakar sharir wala shakhs aa kar khada ho gaya aur sab ki halat dekh kar hasne laga.

"Hahahahaha…..main hu maha pret..pushpak..hahahahaha…ye sab mere hi gulam bhoot pret hai" aate hi usne apna parichay diya.

Priyadarshini—hame kyo pakad rakha hai…?

Pushpak—hahahaha…bahut samay se kisi stri ke sath sambhog nahi kiya tha…yaha to bahut sundar sundar striya aur ladkiya hai…tum sab ko apne bhog ke liye dasi bana kar rakhunga aur inn purusho ka khoon piyunga…hahahahaha.

Sab pret—hahahahahahahaaha

Mrinal—achcha…achcha…to aap napunsak (pushpak) hain…..

Ek pret (jor se)—ye ladki…ye kya bakti hai…?

Mrinal—arey isme itna gussa hone wali kya baat hai…abhi abhi inhone to khud hi bataya na ki ye napunsak (pushpak) hain.

Mrinal ki baat sunte hi sabhi ki hasi yakayak ruk gayi….sab shocked ho kar ek dusre ka chehra dekhne lage…maha pret pushpak khud hairan ho kar kabhi mrinal ko to kabhi baki preto ki taraf dekhne laga….

Vahi dusri taraf Veer ke hath se rassi chhutne se main uss gahri suang ke andar unchayi se niche patharili jamin par gira aur behosh ho gaya.. jane kitni der tak behosh rahne ke baad phir apne aap hi meri ankhe khul gayi, aisa mahsoos hua jaise ki main gahri neend se jaag kar uth raha hu.

Aur ab surang ke muhane se chhan kar bahar ko ja rahi tez roshni ki vajah mere samne thi...vaha charo taraf bade bade heero jaise itne chamakdar patthar pade the ki unse poori jagah roshni se jagmaga rahi thi...ye roshni hi thi jisne tez chamak paida kar ke gufa ki deewaro ko garam karna shuru kar diya tha..lekin vaha par dhyan khichne wale kewal vo patthar aur roshni bhar hi nahi thi balki vaha to aur bhi bahut kuch tha.

Vaha gufa ke andar rajao ke zamane ke rajsi kapde pahne kayi ladkiya kuch aise kamo me juti thi maano vo kisi raja maharaja ki seva me juti ho....magar unn ladkiyo ke alawa na to vaha koi raja hi dikh raha tha aur na hi koi aur...aur to aur jamin ke andar iss gaharayi me itni sari zindagiyo ka moujud hona hi ek sochne layak baat thi.

Meri nazro ke samne jo bhi tha, vo sab vaisa kyo tha, uski vajah, uska raaz janne ke irade se maine vaha lagatar kaam me juti ladkiyo me se ek ladki ko rokne ki koshish ki.

Lekin, ye kya... ? Jaise hi maine apni itni bar pukarne par bhi dhyan na dene wali ek ladki ko touch kiya to ekdam se vo ladki ek nirjeev patthar ki murti me badal gayi...uss ladki ke patthar bante hi gufa ki deeware jor jor se hilne lagi, lekin agle hi pal jaise sab kuch ekdam se shant ho gaya.

Raj (mann me)—ye sab kya hai... ? kya ye vahi ladkiya hain jinhe rajya se gayab kiya gaya hai ya phir ye sab koi tilismi jaal hai.. ? mujhe iss baat ka pata lagana hi hoga...shayad yahi se mujhe apni manzil tak pahuchne ka rasta mile..

Ye sab jo bhi hua, kyo aur kaise hua... ? ye janna to kam se kam mere liye to bahut jaruri ho chuka tha..jo jaruri tha use anzam dene ke liye mere paas gufa me aur andar ki taraf dikh rahe rasto par jane ke alawa aur koi rasta tha bhi nahi kyon ki gufa se bahar nikalne ka rasta to band ho chuka tha.

Main abhi jamin ke niche uss roshni ke ambaar ke beech se apna rasta talashne ki koshish me tha …main gufa ke andar har hisse, har cheez ko chhu kar, parakh kar, tatol kar aage badhte huye iss koshish me tha ki kisi tarah pata chale ki akhir jo chal raha hai, uski vajah kya hai... ?

Mujhe iss baat ka jara bhi andaza nahi tha ki jis tarah gufa ke andar cheezo ko chhune se mujhe apne khud ke badan me jhurjhuri mahsoos ho rahi hai, uske hi anupat me upar poori jamin kampan kar rahi hai.

Chamkile pattharo ki vajah se gufa ke andar har jagah itni roshni thi ki mujhe apne kisi kadam me koi bhi pareshani nahi ho rahi thi...lekin vahi gufa me ek bada sa hissa aisa bhi tha jaha bahut jyada andhera tha.

Gufa ka vo hissa ek andhere kamre jaisa tha, jiske beecho beech ek bada sa chamkila patthar rakha hua tha….vo patthar bahut jyada chamakdar tha, par phir bhi vo gufa ke uss hisse ko roshan nahi kar pa raha tha..

Vo jo bhi raaz tha, usko janne ki koshish me main baki cheezo ki tarah andhere kamre ke uss chamkile patthar ko bhi paas ja kar chhu kar dekhna chahta tha...lekin na jane koun si adrishya taqat thi ki abhi tak jo main gufa ke andar sab kuch asani se karta aage badhta aa raha tha kintu uss chamkile patthar ki taraf aage kadam bhi nahi badha pa raha tha.

Ab jo bhi dikkat thi, usko paar karne ka tarika yahi tha ki pahle uss dikkat ko hi dekhu jiske karan main yaha se aage nahi badh pa raha tha...maine apni iss dikkat se paar pane ke liye uss andhere hisse me roshni karne ka faisla kiya..roshni ko uss hisse me lane ke liye maine apni mani ka prayog kiya magar koi fayda nahi hua...tab maine idhar udhar bikhre chamkile pattharo me se kuch ko utha kar andhere hisse ki dahleez tak le aaya...par iska bhi koi fayda nahi hua.

Mani ki roshni ki tarah hi unn chamkile pattharo ki roshni to jaise uss andhere tak pahuchte hi kisi adrishya shakti ke madhyam se sokh li ja rahi thi...aage jane ki apni koshish me maine kuch chamkile patthar uss andhere me andar ki taraf bhi phenk kar dekh liye..magar vo bhi sab bekar...vo patthar khud uss hisse ke andhere me jane kidhar kho gaye... ?

 

[StoryPublisher]

Thanks for Reading and Supporting

 

[StoryPublisher]

UPDATE- 217

5th Janam Ki Love Story Continues....

Sainiko ne mere ghaav par haldi chandan ka lep lagaya..ghaav bahut gahra tha jise bharne me kafi samay lagega…phir main dainik kriya se mukt ho kar raat ki ghatna ke baare me hi sochne laga.

Jitu (mann me)—akhir vo vichitra sa janwar kaha chhup jata hai….? Aur iske pairo ke nishan insano ki tarah kyo hain... ? kya hai ye bala…? Koi janwar hai ya phir koi manav.... ? aisa bhi ho sakta hai ki vo nishan mere hi pairo ke ho kintu itne bade pairo ke nishan mere to kya, kisi aur manav ke bhi nahi ho sakte hain....kaash ! main uska chehra dekh pata...lekin kismat ko kuch aur hi manzur tha...mujhe apne ghaav ki fikra nahi hai..kisi bhi tarah mujhe uss katil tak pahuchna hi hoga...na jane kaha chhupa hoga vo.. ?

Dimag pareshan tha to isliye maine aaj raat phir se uss jungle me jane ka faisla kiya aur phir aashram ki oar chal pada unn rishiyo ke yagya ki suraksha ke liye.

Ab Aage......

Vaha pahuch kar maine sabhi rishiyo ko pranam karne ke uparant apne karya me tatpar ho gaya....aaj yagya karya me koi vyavdhan nahi aaya..shaam ko main vivan rishi ke sath hi unki kutiya me chala gaya...jaha ek bar phir se mujhe dekhte hi anusuiya sharma kar bhitar bhag gayi...mujhe uske iss bartaav par jyada hairani nahi huyi kintu mera mann to divya ke darshano ke liye aatur ho raha tha...meri ankhe har taraf divya ko hi talash kar rahi thi.

Vivan rishi ne mujhe bhi apne sath bhojan karne ko kaha to main unka aagrah thukra nahi saka…anusuiya bhojan paroste huye bar bar chori chupke meri taraf dekh kar mushkura deti thi…aaj uske chehre par pahle jaisi vo alhadta nahi thi balki uski jagah laaz aur sharam se lipti ek nav-youvana thi.

Bhojan karne ke pashchat vivan rishi vishram karne chale gaye..lekin meri ankho ko ab tak sheetalta pradan karne wali vo mrig nayani nazar nahi aayi thi jiski ek jhalak pane ke liye mera dil vyakul ho raha tha.

Tabhi anusuiya sugandhit paan le kar mere sammukh aa kar chupchap khadi ho gayi...maine jab uski taraf dekha to usne sharma kar apni nazre jhuka li.

Jitu—aao baitho anu.

Anusuiya (chounk kar)—anu.. !

Jitu—kyo achcha nahi laga..

Anusuiya (mushkura kar)—bahut achcha hai..

Maine use phir se baithne ko kaha kintu vo khadi rahi vaise hi to maine apna hath aage badha kar usko apne bagal me bitha liya.. bina kisi pratirodh ke vah baith gayi.

Jitu—anu, uss din jo kuch bhi hamare beech hua..uske liye main behad sharminda hu...main apni uss bhool ka prayaschit karna chahta hu..

Anusuiya (nazre jhukaye)—prayaschit...kaisa prayaschit.... ? uss din jo bhi hua usme main bhi barabar ki bhagidar thi…akele aap ki bhool nahi thi usme.

Jitu—tab to tumhe bhi prayaschit karna chahiye....bolo karogi mere sath prayaschit.... ?

Anusuiya (dhire se)—kaisa prayaschit….?

Jitu—tumhare sath vivah kar ke main apni uss bhool ko sudharna chahta hu.....kya tum meri biwi banogi anu... ? mujhse vivah karne me tumhe koi aitaraz to nahi hai.... ?

Mujhse shadi ki baat sunte hi anusuiya chounk kar meri taraf dekhne lagi....aur phir mere gale se lag kar sisak padi...main uske aise sisakne se kuch hairan jarur hua.

Jitu (pith sahlate huye)—kya hua anu...kya mera ye prastav tumhe manzur nahi hai... ?

Anusuiya—(sisakte huye mere hotho par hath rakh kar)...nahii..naii aisi baat nahi hai...main bahut khush hu...ye to khushi ke anshu hain...aap ki patni hona to mere liye kisi khwab se kam nahi hai...kintu aap to divya ko chahte hain na... ?

Jitu—prayaschit ka ye tarika bhi mujhe divya ne hi sujhaya hai...

Anusuiya (hairan)—kyaaaaaa... ! phir divya ka kya hoga... ? vo bhi to aapse bahut prem karti hai..

Jitu—divya meri ruh me samayi huyi hai...divya se alag hone ka matlab vaisa hi hai jaise sharir se aatma ka nikal jana...aur sharir se aatma ke nikal jane se sharir bejan ho jata hai...theek vahi sthiti meri bhi hai...divya ko bhool kar to main apne jeevan ki kalpana hi nahi kar sakta..

Anusuiya—to kya aap divya aur mujhse dono se vivah karenge.... ?

Jitu—isme koi pareshani nahi hai...ek raja ki kayi rani hona koi ashcharya ki baat nahi hai...main jaldi hi tumhare pita ji se vivah ki baat karunga.

Anusuiya (khushi se)—sach.. !

Jitu—haan

Anusuiya khushi se mujhse joro se lipat gayi aur chehre par chumbano ki barsat kar di...lekin agle hi kshan phir se sharam aur laaz ke stri sulabh swabhav ki lalima ne usko gher liya.

Jitu (kaan me)—aise karogi to main phir se uss din wali galti karne par vivash ho jaunga.

Anusuiya (sharmate huye)—ab to ye tan aur mann aapka hi hai..

Maine anusuiya ke chehre ko hatho se upar utha kar uske hotho par apne pyar ki mohar laga di….uss par iss adhar chumban ka aisa nasha chadha ki vo khud hi adhirta se mera sath dene lagi….dono tab tak ek dusre ke adhro se raspan karte rahe jab tak ki saabse bhari nahi hone lagi.

Jitu (kaan me)—kaho to aaj raat phir ruk jau yahi…?

Ye sunte hi vo laza kar bhitar bhag gayi…main use jate huye dekhta raha…maine uske samne vivah ka prastav rakh kar apne sath sath uske dil me ho rahi uthal puthal ko kam kar diya tha.

Anusuiya ke andar jate hi main uth kar bahar aa gaya…mere dil me divya ke ab taj na dikhne se badi bechaini ho rahi thi..tabhi meri nazar daud kar aati huyi divya par padi…usko dekh kar aisa laga jaise ki chakor ko uska chaand mil gaya ho…mere paas aate hi vo ruk kar jor jor se hanfne lagi.

Divya (hanfte huye)—Maar Dalungi !

Jitu—hum to vaise hi mar gaye.. haaye…tumhari iss ada par..

Divya (shikayat karte huye)—main kab se pushp vatika me intazar kar rahi hu…aaye kyo nahi…?

Jitu—vatika me…?

Divya—aur nahi to kya…? Mera dil kitna ghabra raha tha ki kahi vapis to nahi chale gaye mujhse mile bina hi... ? dekho abhi tak kitni jor jor se dhadak raha hai..

Jitu—jara paas aao to...main chhu kar dekhta hu...ki kitni tezi se dhadak raha hai..

Divya (naak ke niche ungli ghuma kar)—Maar Dalungi..

Jitu—tumhari yahi ada ne to hame tumhara deewana bana diya hai..

Na Dil Kyo Deewana Tumhe Dekh Kar Ho

Tumhe Kya Pata, Tum Hasin Kis Kadar Ho

Phir main aur divya pushp vatika me aa gaye….na jane kitni der tak hum dono ek dusre ki baho me simte rahe, samay ka pata hi nahi chala…maine divya ko apne aur anusuiya ke beech huyi sari baate bata di…shaam hote hi maine usse jane ki ijazat mangi to vah tadap kar mere seene se lag gayi…tabhi uska hath mere pith me jakhm ki jagah chhu gaya jisse dard se meri karaah nikal gayi.

Divya (chounk kar)—kyaa hua…kaha chot lagi hai…?

Jitu—kuch nahi bas aise hi..

Divya (pareshan)—nahi mujhe dikhao..

Main usko mana karta raha lekin vo kuch sunne ke liye taiyar hi nahi thi….vivash ho kar mujhe apna jakhm usko dikhana pada..jise dekhte hi vo tadap kar rone lagi..

Jitu—pagal ro kyo rahi ho…? Aisi chote mote ghaav to hum kshatriyo ko lagte hi rahte hain...isme itna pareshan kya hona..

Divya (rote huye)—ye chota sa ghaav hai... ? mujhe bataya tak nahi ek bar bhi...ab kahi nahi jane dungi main..

Jitu—mera jana behad jaruri hai..

Divya—mujhe kuch nahi sunna hai..

Maine divya ko bahut samjhaya lekin vo meri baat sunne ke liye bilkul taiyar hi nahi thi..vivash ho kar mujhe hi uski baat maan kar ashram me hi rukna pada...divya ne kuch jadi butiyo ka lep mere jakhmo par lagaya...phir main anusuiya ki kutiya me ja kar so gaya.

Abhi mujhe soye huye kuch hi samay hua tha ki mujhe apne seene par kuch vajan sa mahsoos hua jisse meri neend achanak hi khul gayi...ye anusuiya thi jo pata nahi kab mere bagal me aa kar let gayi thi...uska ek hath mere dhadakte seene ke upar tha.. mujhe aisa laga jaise ki vo gahri neend me ho…bahar halki halki barish ho rahi thi…aur bijli kadakne ke sath sath tez hawa bhi chal rahi thi.

Main uska hath hatana chahta tha lekin kahi uski neend na toot jaye iss darr se nahi hataya…mujhe garmi mahsoos hone lagi thi uske aise chipakne se…mere dil ki dhadkan badhti hi ja rahi thi…main bas mann hi mann bhagwan se yahi prarthana kar raha tha ki kitni jaldi subah ho jaye…din nikalte hi mann ka sara andhakar door ho jayega.

Din nikalte hi ye andhera chhant jayega kyon ki andhera hi mann me buraiya paida karta hai…mann me paap bharta hai..iss andhere ki vajah se hi uss din hamare beech jo galti huyi thi usko main phir se vivah poorv dohrana nahi chahta tha.

Jitu (kaan me)—anusuiya…!

Anusuiya—huunhh

Jitu (fusfusate huye)—tum yaha mere paas vo bhi itne samay…?

Anusuiya (dhire se)—aap hi ne to kaha tha din me..

Jitu—vo to maine mazak me kaha tha..ye sab shadi ke baad…samjhi..

Ye sun kar anusuiya ke mann me athaah prem bhar gaya…uska ji chaha ki vo apna sarvasva apne saajan par nyochhawar kar de.. ab saajan hi to uska sab kuch hai..bhool gayi duniya ke sare rashmo reeti riwaj..apna pati maan kar vo mujhse lipat gayi aur apna sara pyar apne saajan par udelne ko aatur ho uthi.

Anusuiya beqabu nadi ki tarah sagar me vileen ho jana chahti thi…maine bhi uske prem aur samarpan ko swikar karte huye apne hoth uske hotho par rakh diye…vo kitni pyasi ho gayi thi..ki ghani pyas mann me jaag gayi thi..ek dusre me samaane ko betaab hum dono khud ko samarpit kar baithe the.

Sadiyo se daudti chali aa rahi nadi sagar me sama gayi…ek pal ko aaya tufani pal sab kuch badal kar gujar gaya...bahar bhi ab barish ruk gayi thi..na badal garaj rahe the aur na hi ab bijli chamak rahi thi…sab kuch shant au sthir ho chuka tha..ek ufaan sa aaya aur gujar gaya..tript kar gaya..shayad ye tufan bhi hame ek karne ke liye hi aaya tha.

Kuch der mujhse lipte rahne ke baad anusuiya apne kapde pahan kar dusre kaksh me chali gayi..uske jate hi maine dekha ki sabhi gahri neend me hain...maine yahi sahi mouka jaan kar chupchap vaha se nikal gaya aur apne shiwir me pahuch kar ghode par sawar ho ke jungle ki taraf chal diya.

Jungle me ghuste hi vichitra si gandh phir aane lagi...jo poori tarah jungle me aag ki tarah phaili thi...akhir kya rahasya tha, iss vichitra si gandh ka.. ? mujhe nahi pata ..bas itna janta tha ki ye na to insaan hai aur na hi janwar...phir koun si bala hai ye.. ?

Sawal abhi bhi khada tha mere samne jiska jawab mujhe talashna tha...raat kafi ho chuki thi aur chaand ghane badal hone ke karan nazar nahi aa raha tha...kuch der baad barish bhi hone lagi...

Maine abhi aadha rasta bhi tay nahi kiya tha...jo yeh barish tufani hawao ke sath purab se pashchim ki oar badi joro se bahne lagi..mujhe bar bar mashal jalana pad raha tha kyon ki barish aur tufan ki vajah se vo bar bar bujh ja rahi thi...

Raat ka sannata charo taraf pasra hua tha...main sidha kal wale apne raste par chalta ja raha tha ki tabhi achanak...

 

[StoryPublisher]

UPDATE- 283

Ab jo bhi dikkat thi, usko paar karne ka tarika yahi tha ki pahle uss dikkat ko hi dekhu jiske karan main yaha se aage nahi badh pa raha tha...maine apni iss dikkat se paar pane ke liye uss andhere hisse me roshni karne ka faisla kiya..roshni ko uss hisse me lane ke liye maine apni mani ka prayog kiya magar koi fayda nahi hua...tab maine idhar udhar bikhre chamkile pattharo me se kuch ko utha kar andhere hisse ki dahleez tak le aaya...par iska bhi koi fayda nahi hua.

Mani ki roshni ki tarah hi unn chamkile pattharo ki roshni to jaise uss andhere tak pahuchte hi kisi adrishya shakti ke madhyam se sokh li ja rahi thi...aage jane ki apni koshish me maine kuch chamkile patthar uss andhere me andar ki taraf bhi phenk kar dekh liye..magar vo bhi sab bekar...vo patthar khud uss hisse ke andhere me jane kidhar kho gaye... ?

Ab aage....

Tarah tarah ki koshish kar ke bhi koi hal na nikalte dekh kar maine apne badan par pahni huyi shirt ko utara aur use niche rakh kar ek chamkile patthar ko uss par ragadne laga...chattani jamin par uss patthar ko ragadne se usme se nikli chingariyo se shirt ne pal bhar me hi aag pakad li...aag ki roshni phailte hi andhera maano chhu mantar ho kar gayab ho gaya.

Aag ki roshni me jo dikh raha tha, usko dekh kar ek bar to mere bhi rongte khade ho gaye….abhi tak andhere se bhare samne ki gufe ke uss hisse me chakile patthar ke charo taraf lal khoon ka ek talab tha...uss khoon bhare talab me kayi tarah ke magar machchha, ghadiyal, aur na jane kitni tarah ke ajibo garib khatarnak janwar apna jabda phaile tair rahe the...agar ek bar ko bhi mera pair uss talab me pad gaya hota to ab tak shayad main bhi uss lal rang ke talab me bhare khoon ka hissa ban chuka hota.

Aur agar kisi tarah main andar jane par pani ke unn shaitano se bach bhi jata to gufa ke iss hisse ki deeware mout ki kahani likhne me pal bhar ka bhi waqt na leti...vo deeware jahrile pathrile saanpo ke ke rengne se bani thi.

Unn saanpo me se har saanp itna jahrila tha ki unki jahar bujhi saanso se kamre ki hawa lagatar kali ho rahi thi...vahi kalapan kamre ki roshni tak ko sokh lene wala andhera tha...aur to aur shartiya taur par jahar ke gadhepan se hi gufa ke uss hisse ki hawa itni gadhi ho gayi thi ki har andar aane wale ke liye ek deewar jaisa kaam kar rahi thi...ya phir shayad bade chamkile patthar ki suraksha ke inn sab khatarnak upaayo se gufa ke jivit logo ki suraksha hoti rahi, isliye vaha ek adrishya deewar thi.

Itna sab dekh lene ke baad ab mere paas niskarsh tha…ye sab kuch, jo itna darawana tha, sab kewal gufa ke uss kone tak hi simit tha....matlab saaf tha ki itna sab, kewal uss bade se chamkile patthar ko surakshit rakhne ke liye kiya gaya bandobast tha.. vo bandobast kyo kiya gaya tha, ye baat ab kewal uss suraksha ghere ko tod kar hi pata ki ja sakti thi...maine vaise bhi gufa me ab tak jo dekha tha, uske hisab se gufa se nikalne ka aur koi rasta nahi tha.

Main ab tak faisla le chuka tha..ab bas mujhe iss suraksha ghere ko todne ke vishay me sochna tha….gufa me charo taraf bikhre pade chamkile pattharo ko maine la la kar khooni talab ke apne wale chhor par rakhna shuru kar diya...phir jab meri yojna ke hisab se jarurat bhar ke patthar vaha ekattha ho gaye to maine uske baad gufa me bhari padi besh kimti cheezo ke beech se ek bada sa kapda talash kar ke laya aur usme chingariyo se aag pakda kar use bade chamkile patthar ki taraf uchhal phenka.

Aag ki roshni me samne jabde phailaye dikh rahe pani ke janwaro ke muh par maine hatho me bhar bhar kar vo chamkile patthar phenkne shuru kar diye....main unn janwaro par vo patthar itni der tak phenkta raha ki vo saare janwar meri iss harkat se pareshan ho gaye.

Iss beech pattharo ki iss badi sankhya ne khoon ke uss talab par iss paar se uss chamile patthar ke chhor tak lagbhag ek pul taiyar kar diya….maine phir bina koi pal ganwaye uss pul ke upar se sidhi daud laga di.

Aag ki roshni me gufa ke uss hisse ke muhane par moujud adrishya deewar bhi jaise be-asar ho gayi thi aur shayad sara ird gird ka jahar bhi jalkar be-asar ho gaya tha...maine lambi chhalang bharte huye sidhe uss bade chamkile patthar tak ja pahucha... patthar ko apni pahuch me dekhte hi maine use uthane ke liye apne hath uss par tika diye.

Maine abhi uss chamkile patthar ko touch kiya hi tha ki tabi pal bhar me hi uss patthar ki sari chamakdar roshni mere hatho ke jariye mere jism me samane lagi...patthar ki vo chamakdar roshni mere hatho ke jariye badan me samate hi poore badan ki banawat ekdam se badalne lagi....chand palo me jo bhi badlav ghate, uske asar se main kuch pal ke liye behosh ho gaya..jab hosh aaya to maine apne badan ko kisi chattan ki tarah kathor mahsoos kiya.

Chamkile bade patthar ki taqat mere andar aane ke baad patthar ke ird gird ka poora darawana nazara badal kar gufa ke baki hisso jaisa ho gaya...vah bada patthar mere baithne ke liye ek singhasan ke roop me badal gaya...

Badan me aur charo taraf ye badlav aane ke baad main gufa ke andar jidhar bhi nazar dalta to gufa ki har deewar par ek aisa hissa ban jata, jisme se kuch mujhe nazar aane ki koshish karta...lekin vo dikhne wala nazara kya tha, main kuch samajh nahi pa raha tha.

Udhar Mrinal ki baat sunte hi sabhi ki hasi yakayak ruk gayi….sab shocked ho kar ek dusre ka chehra dekhne lage…maha pret pushpak khud hairan ho kar kabhi mrinal ko to kabhi baki preto ki taraf dekhne laga….

Ek pret (dhire se)—ye ladki to aap ko napunsak bol rahi hai... ?

Pushpak (gusse se)—chup raho..

Mitaly (tension)—ye kaha aa kar phans gaye...rajj bhi nahi hai yaha...ab kya hoga... ?

Mrinal—aap log daro mat...kuch nahi hoga..bhala inse kya darna…ye to napunsak (pushpak) bhaiya hai…ye bahut bade napunsak hain....

Pushpak (mann me)—ye kaisi ladki hai...ek maha pret ko dekh kar darne ki jagah ye ulta mujhe napunsak bol kar sabke samne mera majak uda rahi hai…jaldi hi iska kuch karna padega nahi to inme se koi bhi mujhse nahi darega phir..

Mrinal—napunsak maha pret ji...itne bade napunsak maha pret ho kar aapko ye shobha nahi deta...chhod do hum sab ko..

Pushpak (gusse se)—Jhablaaa....jao aur pakad ke khich lao iss badatmiz ladki ko....bahut der se ye meri be-izzati kiye ja rahi hai..jao..

Ek pret (Jiska naam jhabla hai)—hihihihi...abhi laya..

Mrinal (mann me)—achcha to ye tabla ( jhabla ) hai….

Jhabla bhayanak hasi haste huye mrinal ki taraf badhne laga...jabki mrinal ke mann me to kuch aur hi khichdi pak rahi thi..uske paas aate hi jaise hi jhabla ne usko pakadne ke liye hath aage badhaya vaise hi mrinal ne usko sir ko jor jor se tabla samajh kar bajana shuru kar diya.

Mrinal (sir me thappadmarte huye)—chatt...chatt....chattt....chattt...hihihihi...arey ye to sach much ka tabla hai...bahut din se kisi ka takla nahi bajaya tha...aaj asli tabla mila hai bajane ko...khoob maza aa raha hai...hhihihihi....chatt...chattt...chattt

Jhabla (dard me)—aaaaaaaaaaaaa....bachaoooo....iss pagal ladki se bachaoooo.....aaaaaaaaaaa

Mrinal—chatt...chattt...mast bajta hai….chatt…aaj tere tabla ko itna bajaungi ki aage tu apna naam tabla se badal kar jhabla rakh lega...chattt...chattt

Mrinal ne usko aisa bajaya ki vo vahi gir kar nipat gaya...ye dekh pushpak bahut gusse me aa gaya..usne baki preto ko, sab ko ghasit kar le chalne ko kaha ...pushpak ka adesh milte hi vo pret sab ki taraf lapke.

Mrinal—ye balatkari....tu inke sath thoda balatkar (chamatkar) kar na..tu to bahut bada balatkari hai na…pakad le jo bhi paas aaye..

Pret (mann me)—balatkari hai.. !

Mrinal ki baato ka natiza ye hua ki jo pret veer ki taraf ja rahe the..vo ulte pair piche khisak gaye...ye dekh kar pushpak ka kroadh aur badh gaya.

Pushpak (chillate huye)—tum log lout kyo aaye...jao pakdo use..

Ek pret—hum uske paas nahi jayenge…aapne suna nahi ki uss ladki ne usko hame pakad kar ulta hamara hi balatkar karne ke liye kaha hai…hum uss balatkari ke paas nahi jayenge..

Pushpak (chilla kar)—tumse kuch nahi hoga..mujhe hi kuch karna padega ab..

Unn preto me se ek ne jaise hi divya ko pakadne ki koshish ki to usko aisa jhatka laga ki vo udte huye na jane kidhar gaya..dusre ne pakadne ka prayas kiya to uske sath bhi yahi hua…uske baad koi uske karib jane ki himmat nahi juta paya…

Kintu baki pret anya logo ke sath badsaluki karne lage..ye dekh kar veer, aur priyadarshini, ka gussa unki bardast ke bahar ho gaya...aur phir...

 

[StoryPublisher]

UPDATE- 218

5th Janam Ki Love Story Continues...

Jungle me ghuste hi vichitra si gandh phir aane lagi...jo poori tarah jungle me aag ki tarah phaili thi...akhir kya rahasya tha, iss vichitra si gandh ka.. ? mujhe nahi pata ..bas itna janta tha ki ye na to insaan hai aur na hi janwar...phir koun si bala hai ye.. ?

Sawal abhi bhi khada tha mere samne jiska jawab mujhe talashna tha...raat kafi ho chuki thi aur chaand ghane badal hone ke karan nazar nahi aa raha tha...kuch der baad barish bhi hone lagi...

Maine abhi aadha rasta bhi tay nahi kiya tha...jo yeh barish tufani hawao ke sath purab se pashchim ki oar badi joro se bahne lagi..mujhe bar bar mashal jalana pad raha tha kyon ki barish aur tufan ki vajah se vo bar bar bujh ja rahi thi...

Raat ka sannata charo taraf pasra hua tha...main sidha kal wale apne raste par chalta ja raha tha ki tabhi achanak...

AB AAGE…..

Tabhi achanak na jane koun mere bagal wale ped se mere samne aa tapka…ye mahsoos hote hi main kuch pal ke liye aise stabdh ho gaya jaise ki meri saans atak gayi ho…vah vichitra janwar mere samne aa khada tha.

Lal chamakdar ankhe, sharir par baal hi baal, sir bhediye ka aur dhad manav ke jaise lag raha tha…hum dono ek dusre ko aise dekh rahe the jaise ki bahut saalo se bichhude huye bhaiyo ka aaj sangam hua ho.

Meri to saanse tham si gayi thi..kuch samajh me nahi aa raha tha…lekin hairani ki baat to ye thi ki vo mujh par hamla nahi kar raha tha…isse pahle ki main kuch samajh pata, usne mujhe apne sath chalne ka ishara kiya.

Main bhi jyada soch vichar na karte huye uske sath chal diya…vo mujhe dusri hi disha me le ja raha tha…mujhe mann me aisa lag raha tha jaise ki vo mujhe mere lakshya se bhatkana chahta ho.

Mere dimag me yahi sari baate ghum rahi thi ki tabhi piche se ek vichitra janwar aa gaya aur uss bhediya manav se bhid gaya.. dono lagbhag ek hi jaise dikh rahe the…kintu dono kafi alag bhi the…ye dusra vichitra janwar ke sir me badi badi seeng thi aur baki poora jism hum manav ke jaisa tha..haan, baal jarur uske sharir me bhi bahut the par ye bhediya manav to bilkul nahi tha.

Dono ladte ladte jab thak gaye to vo vichitra janwar vaha se bhag gaya…aur main phir se bhadiya manav ke piche piche chalne laga…inn dono ko dekh kar meri samajh me itna to aa gaya ki iss jungle me inn bhayanak janwar hain..ye do bhi ho sakte hain aur isse jyada bhi..

Bhediya manav mujhe ek aisi jagah par le gaya jo ki behad khubsurat thi...prakriti ka aloukik soundarya bikhra hua tha vaha par.. mashaal ki roshni me main uss jagah ki sundarta ko dekhne me hi kho gaya…koi ye soch bhi nahi sakta tha ki iss bhayanak jungle ke bhitar itni khubsurat jagah bhi ho sakti hai..

Main uss jagah ko mashaal ki roshni me achchi tarah se dekhta raha..tabhi mujhe vaha ghani ghaaso ke paas kuch ajib sa nazar aaya…paas ja kar maine dhyan se dekha to vaha ghaas ke paas patthar ki ek badi si patti rakhi huyi thi…maine uss patthar ko hataya to mujhe vaha ek surang nazar aayi…uss surang ki halat itni kharab bhi nahi thi…use dekhne par aisa lag raha tha jaise ki koi roj vaha se aata jata ho.

Uss jagah surag dekh kar maine bhediya manav ki taraf muda to chounk gaya kyon ki vo bhediya manav vaha se na jane kaha gayab ho chuka tha…maine use charo taraf nazar ghuma ka dekha lekin vo kahi nahi dikhayi diya.

Jitu (mann me)—ab ye kaha phir se achanak gayab ho gaya…? Iss surang me ja kar dekhu kya ki iske andar kaisa raaz chhupa hai.. kintu iss samay iske andar ghusna me jyada khatra ho sakta hai…kal din me hi iske bhitar jana theek rahega…subah hone me bhi jyada samay nahi hai..

Mann me ye vichar kar ke main vapis lout gaya ashram me aur chupchap let kar sone ki koshish karne laga…subah meri neend anusuiya ke uthane se khuli..uss samay vivan rishi snaan karne gaye huye the…mouka dekh kar maine anusuiya ko apne upar khich liya aur uske dono stano ko kas kas ke masalne laga…usne sharma kar mere seene me apna chehra chhupa liya…jab tak vivan rishi snaan kar ke aa nahi gaye tab tak vo mere paas hi baithe baithe apne stan masalwati rahi..vivan rishi ke aate hi vo sharma kar vaha se bhag gayi.

Uske baad maine bhi dainik kriya se mukt ho kar yagya ki suraksha ke liye chala gaya…aaj bhi koi badha nahi aayi beech me.. uske baad main divya se milne aaj uski kutiya me chala gaya…mujhe vaha dekh kar vo behad khush huyi…

Kafi samay tak main divya ke paas raha…thodi der me vaha anusuiya bhi aa gayi…dono ke sath kuch samay bitane ke baad vapis gaon lout aaya…gaon pahuchte hi mujhe kuch shor sharaba sunayi diya…maine nazar ghuma kar dekha to kuch log chillate huye ek taraf bhage ja rahe the…pata lagane ke liye main bhi unke paas pahuch gaya.

Jitu (ek admi se)—bhai kya hua…aap sab aise chillate huye kaha bhag rahe ho….?

Admi—arey bhai..kya bataye…ye gaon hi manhoos hai…iss gaon ki manhoosiyat ki vajah se vaise hi koi yaha aata nahi hai.. badi mushkil se aaj ek vyapari apna kuch samaan bechne aaya to chorni bechare ke paise loot kar champat ho gayi..

Jitu (hairan)—kyaaa..lekin hua kaise ye…?

Admi—vahi purana rona hai bhai…usne vyapari ko akela dekh kar khud ko yuvraj jitu ki biwi batate huye usko dhamkane lagi.. bechare ne darr kar usko apni kamayi de di…jab logo ko vyapari ne ye ghatna batayi to usko haqiqat malum huyi…bas ye sun kar vo uss chorni ke piche bhagne laga..to hum bhi uske sath ho liye..

Jitu—vaise kitni der pahle ki baat hai ye…?

Admi—abhi kuch der pahle hi ki baat hai…abhi vo jyada door nahi gayi hogi..

Jitu (mann me)—jungle ko baad me dekhunga pahle iss chorni ladki ko to dekhu ki koun hai jo sabse apne aap ko meri biwi kahti phirti hai…

Ye soch kar main bhi uske piche ho liya…kuch door aur bhagne ke baad vo sab vaha se vapis lout gaye kyon ki aage se jungle ke liye rasta jata tha aur uss raste me jane ki kisi ki himmat nahi thi.

Main kuch der vaha khade khade idhar udhar dekhta raha lekin jab koi nazar nahi aaya to main bhi vapis jane ke liye palat gaya magar tabhi mujhe aisa laga ki koi paas ke kisi ped se kood kar bhag raha ho.

Maine jaldi se ghum kar dekha to ek ladki kuch doori par bhagte huye ja rahi thi…main samajh gaya ki ye vahi ladki hai jiski talash sabhi kar rahe the..uske hath me ek thaila bhi tha.

Bas phir kya tha, main bhi daudne laga uske piche…jaise hi use mahsoos hua ki koi uska picha kar raha hai to vo aur tez daudne lagi…sala itna tez to ghoda bhi nahi bhagta hoga jitni tezi se vo chorni daud rahi thi.

Uske piche bhagte bhagte mere bhi pasine chhut gaye the…tabhi vo ek sunsan ghar me ghus gayi…main bhi uske piche dhire se uss ghar me chala gaya lekin darwaja andar se band tha…ye dekh kar main darwaja khatkhatane laga..kafi der baad ek surili awaz andar se sunayi padi.

Ladki—koun hai….kya chahiye….?

Jitu—main ek pardesi hu...thoda pani milega...bahut pyas lagi hai..

Ladki (sakhti se)—sharam nahi aati...ek akeli ladki ka picha karte huye... ? yaha koi pani vani nahi hai...jao yaha se..

Jitu—bina pani piye kaise chala jau..main tumhara picha nahi kar raha tha..

Ladki (gusse me)—picha nahi kar raha tha to yaha mere piche piche kaise aa gaye... ?

Jitu (darwaje ke chhed se andar jhankte huye)—vo bas…pani pine aaya tha..ji…

Main darwaje ke chhed se andar jhankne ki koshish karne laga ki uska chehra dekh saku…uska chehra to nahi dikha magar ek bark lohe ki taar jarur tezi se uss chhed se bahar nikal aayi..maine jadi se khud ko darwaje se door kar liya.

Jitu (mann me)—baap re..! ye to badi khatarnak ladki hai…achcha hua ki main jaldi hat gaya warna isne to meri ankh phod kar andha hi kar diya tha.

Ladki (gusse me)—sharam bilkul bhi nahihai kya tujhe…jo ghar me akeli ladki pa kar taak jhaank kar raha hai…? dekh jaldi se bhag ja yaha se…nahi to karagar me band karwa dungi..samajh gaya..

Jitu—karagar me..vo kyo…? Maine kya jurm kiya hai…?

Ladki—dekh mera dimag kharab mat kar...shayad tu janta nahi ki main iss rajya ke yuvraj jitu ki patni hu...agar yuvraj ko pata chala ki unki biwi ko tum pareshan kar rahe the to vo teri gardan hi kaat denge....abhi bhi waqt hai jaan bacha ke bhag ja yaha se jaldi...

Jitu—nahi..nahi...yuvraj se meri shikayat mat karna rani sahiba...main to ek gaib admi hu...agar main karagar me band ho gaya to mere bachche yatim ho jayenge aur meri biwi randawa ho jayegi.

Ladki—biwi randawa nahi hoti, admi hote hain..

Jitu—ab main to thahra anpadh admi...ye sab mujhe kya pata...main to bas pani ki talash me bhatak raha tha...lekin maine to suna hai ki yuvraj abhi tak kuware hain... ?

Ladki—haan, yuvraj mujhse bahut prem karte hain...yuvraj yaha har dus pandrah din me mujhse milne aate hain..apna bhesh badal kar....vo unhone mere sath mandir me shadi ki thi...isliye kisi ko abhi malum nahi hai...lekin jaldi hi sabko pata chal jayega..

Jitu—vo kaise... ?

Ladki—vo main yuvraj ke bachche ki maa banne wali hu na..to vo mujhe lene aane wale hain jaldi hi...

Jitu (jhatka)—hey bhagwan.. ! ye ladki to bina shadi ke hi mujhe baap banane par tuli hai...Sali jaan na pahchan, phir kahe ki biwi..

Ladki—sun ke ho gaye na hairan..ab chal bhag yaha se...kahi yuvraj na aa jaye..unke aane se pahle hi bhag ja.

Jitu—lekin main kyo bhag jau.. ? main to rajdhani ja kar yuvraj se milunga....maine suna hai ki vo sabki madad karte hain... main unse kuch dhan mangne jaunga...abhi jata hu main rajmahal...

Ladki (ghabra kar)—nahi..nahi...tumhe itne se kaam ke liye yuvraj ke paas itni door jane ki kya jarurat hai...tumhe dhan hi chahiye na to main tumhe dhan de deti hu...

Jitu—kyo...aap kyo dengi... ?

Ladki—kyon ki main yuvraj ki biwi hu...praja ka khyal rakhna mera bhi farz hai..

Jitu—theek hai..

Ladki—ye lo…aur jao yaha se..

Tabhi usne thoda sa darwaja khol kar apna ek hath bahar nikala jisme kuch swarn mudraye thi, mujhe dene ke liye…maine jaldi se dhakka de kar poora darwaja khol diya …darwaja khulte hi vo dhadam se niche ja giri…niche girte hi usne turant apni kamar me phansa bada sa chaku nikal kar mere upar jhapti lekin maine beech me hi uska hath pakad liya…tab pahli bar meri nazar uske chehre par padi jise dekhte hi main buri tarah chounk gaya….

Jitu (chounk kar)—tummmmmm...

 

[StoryPublisher]

UPDATE- 284

Unn preto me se ek ne jaise hi divya ko pakadne ki koshish ki to usko aisa jhatka laga ki vo udte huye na jane kidhar gaya..dusre ne pakadne ka prayas kiya to uske sath bhi yahi hua…uske baad koi uske karib jane ki himmat nahi juta paya…kintu baki pret anya logo ke sath badsaluki karne lage..ye dekh kar veer aur priyadarshini ka gussa unki bardast ke bahar ho gaya.

Ab Aage…….

Veer (gusse me)—akhiri baar kahta hu…chhod do sabko…warna…

Pushpak—hihihi…warna…kya kar lega tu….hahahaha…?

Priyadarshini (gusse me jor se)—warnaa…aisi mout marungi ki dubara kisi ko pareshan karna to door, kisi ke khwabo me bhi nazar nahi aaoge aaj ke baad…

Mrinal (shocked, mann me)—sakhi ye tum kya kar rahi ho…? Tumhare shakti prayog karne ke liye apne asli roop me aana hoga aur aisa karte hi devraj ko hamare baare me turant pata chal jayega..

Priyadarshini (gusse se, mann me)—mrinal meri bahan…saajan apne pariwar ko hamare bharose chhod kar gaya hai..maine inn logo ke sath atyachar hote nahi dekh sakti…aaj mujhe mat roko…

Mrinal (mann me)—theek hai sakhi…jab tumne soch hi liya hai to phir yahi sahi…aane do inhe..abhi sab ka kachumar banati hu..

Pushpak—hahahaha….lo..ab to ye mrig nayani bhi dhamki dene lagi…hahahaha

Sab Pret—hahahahahaaha

Pushpak— pakad lao inn sab apsarao ko..aur inn kabutaro ko cheer phad ke kha jao….hahahaha….jao dabla tum iss mrig nayani to pakad ke lao hamare paas….

Dabla—hahahaha…abhi laya sarkar…hihihihi

Dabla jaise hi priyadarshini ke karib pahucha vaise hi mrinal ne usko pakad ke apni taraf khich liya…aur phir uske sir par tabla bajane lagi.

Mrinal—tu mere paas aa ja…..tabla na sahi dabla hi sahi….aa ja ab tujhe bhi main tabla baja kar tujhe dabla se jhabla banati hu chatttt….chatttt…chattttt….chattttt….chattttt…hihihihihi…ye bhi bajta hai….lagta hai..sab bajte hain…phir to bahut maza ayega chatttt…chattttt….hihihihi

Dabla—aaaaaahhhhhhhh…..sarkar…mujhe phansa diya….iss pagal ke paas……aaaaaaaaaa

Vo sabhi mamta, neha, kiran, pooja,roopaly, mitaly, meera, kajal, ruchi etc. sabhi ko ghasitne lage.lekin divya ko koi touch bhi nahi kar paya…use hath lagate hi aisa jhatka lagta tha ki phir vo dubara dikhta hi nahi tha ki kaha gaya….ye dekhte hi veer ki ankhe gusse se lal ho gayi….usne jor se cheekhte huye ek jhatke me hi unn bediyo ko tod diya..ye dekh do pret usko maarne daude to usne dono ki gardan pakad ke tod di..uske baad vo jo bhi uski pakad me aata vo uski haddiyo ko todta jata.

Veer ko itne kroadh me dekh kar sabhi hairan the ki tabhi vaha ek tez roshni ne sab ko apni ankhe band karne par majbur kar diya….ye priyadarshini thi jo apne vastavik dev kanya roop me aa chuki thi…uske sharir se nikalne wali roshni itni tez thi ki vaha moujud sabhi ki ankhe choundhiya gayi…kisi ko kuch samajh me hi nahi aaya ki ye achanak kya ho gaya..

Apne vastavik roop me aate hi usne gusse me apne hatho se aag phenkni shuru kar di jisme sabhi pret ek ek kar ke jal kar bhasm hone lage…har tarah unki dardnak cheekhe goonjne lagi.

Pushpak (ankho me hath rakhe huye)—ye…ye kaisi roshni hai….vo bhi itni tez…? Abe pakdo inko..aaaaaaaaa…kkk..koun hai..aaa kisne mara mujhe….aaaaaaaaaaaa….ye mujhe aag ki jalan kyo ho rahi hai…? Aaaaaaaaaaa

Mrinal—hihihihi….chattttt…chattttt…..hihihihi…Napunsak bhaiya bhi bajte hain….chatttt….chatttt…chatttt…chal tu mere sath chal…mujhe bajana bahut achcha lagta hai….tujhe subah shaam roj bajaya karungi…chatttt….chattttt

Pushpak—aaaaaaaaaaa……ye pagal yaha ab mere piche pad gayi…..ye pagal ladki….aaaaaa…..ye tabla nahi mera sir hai….aaaaaaaaaaa…tera hath hai ki hathouda….aaaaaaaaaaa

Pushpak ko bajane wali aur koi nahi balki mrinal hi thi….Jab pushpak ko aag ki jalan aur mrinal ki maar bardast ke bahar ho gayi to vah vaha se gayab ho gaya….jabki baki pret priyadarshini ke gusse ki aag me jal kar swaha ho gaye.

Jab sabhi pret bhasm ho gaye to priyadarshini phir se purane roop me aa gayi…uske purane roop me aate hi roshni bhi gayab ho gayi…sab kuch normal hote hi veer ne sab ki bediya tod di..magar hairani to ab bhi unke chehro par thi…sabhi ashcharya chakit ho kar priyadarshini ki taraf dekhne lage kyon ki roshni to samapt ho chuki thi kintu uske chehre par devatva ki chamak ab bhi barkaraar thi.

Vo sab priyadarshini se kuch puch pate ki tabhi vaha phir se pushpak kayi preto ke sath tapak gaya….vo pret ya phir veer kuch karte ki tabhi achanak kuch aisa hua jisse sabhi ghabra gaye.

Jabki dusri taraf Abhi tak hil rahi gufa ki deeware ab iss tarah se hilne lagi thi ki ab unka akaar bhi badalne laga tha…kahi par vo deeware andar ghus rahi thi, to kahi par vo bahar ki taraf mudkar andar kafi jagah bana rahi thi…shayad vo poori gufa hi koi naya roop le rahi thi.

In sab ke sath sath ab tak gufa me moujud ladkiyo ke kapde bhi achanak badal gaye the….vo sabhi ladkiya ab prachin sainiko ke bhesh me gufa ke ek kone me aise khadi thi, jaise ki vo kisi bhi pal dushmano par hamla karne ko taiyar ho…aur itna sab jitni der me hua unn chand ghadiyo me mere sochne ka tarika bhi ajibo garib andaz me badalne laga…ab to jaise mera khud ki hi soch par koi kabu nahi tha.

Gufa ki deewaro par kisi andekhi, bilkul anjani bhasa ke dhire dhire se ubharte aksharo ko main badi asani se padh le raha tha.. deewar par ubhar kar aate unn aksharo ko padhte huye achanak na jane mujhe kya sujhi ki maine uss tamra patra ko nikal liya jisko ab tak main nahi padh pa raha tha…usme likhe shabdo ko ab main achchi tarah se padh aur samajh pa raha tha.

Kintu meri nayi soch mere upar havi hoti ja rahi thi…jeevan bhar apne sath bura bartaav karne walo ke prati badle ki bhavna dilo dimag par prabal hoti ja rahi thi…mere sath bura karne valo ki list me sabse pahla chehra pari ka ubhar kar meri ankho ke samne aa raha tha…apne andar pari aur unn sabhi se jinhone mere sath dhokha kiya, lekin unn sabse badla lene ki bhavna par jaldi hi maine niyantran pa liya.

Raj (mann me)—yaha se bahar nikalna hi theek hai…pata nahi iss patthar me kaisi taqat hai jo mujhe insaan se shaitan banne ko vivash kar rahi hai…

Gufa se bahar nikalne ka khyal mann me aate hi main gufa ki deewaro ko ghurne laga…main dekh raha tha ki kahi deewaro ke beech shayad koi rasta nazar aa jaye…lekin deewaro par to abhi bhi meri nazro ke samne tarah tarah ke akaar ban aur mit rahe the…gufa ke andar charo taraf dikhne vale ajib nazaro se main khud hairat me tha…tabhi meri pareshani aur badh gayi jab gufa ki deewaro par insani chehre dikhne lage…vo chehre kuch kshan ke liye nazar aate aur phir gayab ho jate…unme se kuch chehre chote chote bachcho ke bhi the.

Raj (mann me)—ye kaisa tilism hai…? Kahi ye sab bachche vahi to nahi jo gayab huye hain vrihadpur se…? Aur ye ladkiya bhi.. ? iss tilism ko kaise toda ja sakta hai... ? iss chamkile patthar ki shakti ka prayog kar ke dekhta hu..shayad kuch baat ban jaye.. ?

Maine jaise jaise nazre ghumayi to mujhe apni insani duniya se judi aur dhero cheeze vaha gufa ki deewaro par nazar aane lagi maine uss patthar ki shakti ka smaran karte huye jaise hi apne hath aage kiye to mere hatho se roshni nikal kar gufa ki deewaro se takrane lagi.

Agle hi pal gadgadahat ki awaz ke sath gufa ke andar ki dhero chattane beech me se ek rasta banate huye ek taraf khisakti chali gayi…chattano ke ek taraf hatne se bane huye raste se samne dikhne wala nazara theek vaisa hi tha jaisa ki abhi tak gufa ki deewaro par dikh raha tha...maine jaise hi apni ankhe aur hath uss drishya ki taraf se hataye to vo chattane gadgadahat ki awaz ke sath vapis band ho gayi.

Maine uss chamkile patthar ki shakti ko aur parakhne ki niyat se alag alag disha me ghum kar uska prayog kiya...har bar uska anzam yahi nikal jaisa ki abhi nikla tha.

Raj (sochte huye)—iss patthar ki shakti ka prayog kaise karna hai, ye to chalo malum ho gaya...ab iske prayog se jo rasta banta hai, usme ja kar dekhta hu..kya hota hai.. ?

Maine ek baar phir se uss chamkile patthar ki shakti ka prayog gufa ki samne ki deewar par kiya...aur phir chattano ke ek taraf khisakte hi unn khuli chattano ke beech se jaise hi bahar jane ki koshish ki to mere pair jaise gufa ki jamin se chipak kar rah gaye.

Apne charo taraf ho rahe badlavo ko samajh kar apna maqsad hal karne ke liye main abhi jis tarah asmanjas me tha, ussi tarah gufa ke bahar bhi halaat pareshan karne wale the.

Gufa ke bahar ki jamin aise kaamp rahi thi jaise ki koi jwala mukhi fatne wala ho….sabhi achanak aaye iss parivartan se hairan ho gaye…yaha tak ki pushpak aur uske pret sathi bhi ashcharya se charo taraf dekhne lage…aur phir thodi hi der me jamin ke kampan tez hote hi sabhi ulte pair idhar udhar bhagne lage.

Lekin veer & co. to iss saare ghatna kram ko dekhna chahte the to vo sabhi thoda piche hat kar khade ho gaye…aur phir achanak hi vaha ki jamin me darare padna shuru ho gayi.

Abhi sab ye dekh dekh kar hairani se ubre bhi nahi the ki tabhi sabhi ke bhitar machalte koutuhal ko poori tarah se achambhit karte huye achanak se khaulte laave ke sath ek badi si chattani kaya vaha ki jamin ko phadte huye bahar nikal aayi.

Vahi devlok me….

Devraj apne aasan par sabha me baithe huye nritya gaan ka anand utha rahe the ki tabhi vaha ek dev guptachar kuch avashyak sandesh le kar unke samaksh upasthit hua..

Devdoot—devraj ki jai ho..

Devraj—kaho guptchar kya sandesh laye ho... ?

Devdoot—devraj..suchna hai ki asur raj namuchi asur lok se devlok par akraman karne ke liye bahut badi aasuri sena ke sath nikal pada hai…

Devraj—hmmm…aane do use…aisi mout marunga ki dubara swarg lok ki taraf dekhna to door sochna tak chhod dega vo..

Devdoot—hamare liye kya adesh hai devraj…?

Devraj—tum sab namuchi par apni nigahe jamaye rakho aur uske pal pal ki khabar dete raho..

Devdoot—jo agya devraj..

AGD (agni dev)—devraj…rajkumari priyadarshini ka swayamvar aise me safalta purvak kaise sunishchit ho payega..?

Devraj—swayamvar hoga aur jarur hoga.. vo bhi apne nishchit samay par hi…

Ye kah kar devraj phir se raas rang me mast ho gaye…shayad unhe apni taraf badh rahe khatre ka tanik bhi abhaas nahi tha ya phir unhone devraj hone ke mad me usko jaan bujh kar andekha kar diya tha..

Ki tabhi unhe kisi anya lok me kisi dev shakti ka abhaas hua....

 

[StoryPublisher]

Thanks for Reading and Supporting

 

[StoryPublisher]

UPDATE- 219

5th Janam Ki Love Story Continues....

Tabhi usne thoda sa darwaja khol kar apna ek hath bahar nikala jisme kuch swarn mudraye thi, mujhe dene ke liye…maine jaldi se dhakka de kar poora darwaja khol diya …darwaja khulte hi vo dhadam se niche ja giri…niche girte hi usne turant apni kamar me phansa bada sa chaku nikal kar mere upar jhapti lekin maine beech me hi uska hath pakad liya…tab pahli bar meri nazar uske chehre par padi jise dekhte hi main buri tarah chounk gaya….

Jitu (chounk kar)—tummmmmm...

Ab aage……

Ladki (chounk kar)—kkkk….koun ho tummm….iss badsaluki ke liye tumhe mrityu dand dilwaungi yuvraj se….?

Ye ladki aur koi nahi balki chitralekha thi, jisse ki abhi main kuch din pahle hi mila tha hamirpur aate huye….usko yaha dekh kar aur vo bhi iss roop me..mera chounkna swabhavik hi tha…kyon ki jaha tak maine use jana aur samjha tha, vo ek behad hasin yuvti hone ke sath sath sanskaro se paripurna thi…lekin mere iss samay badle huye bhesh ke karan shayad chitra ne mujhe pahchana nahi tha ki main hi yuvraj hu.

Jitu (hairan)—achcha....to yuvraj se saza dilwayengi aap mujhe... ?

Chitra (gusse me)—jarur dilwaungi….main kahti hu ki hath chhod mera....

Jitu (mushkurate huye)—ulta kahi aisa na ho jaye ki yuvraj tumhe hi karagar me dalwa de…? Shayad tumhe pata nahi ki main yuvraj ka dost hu….main unhe tumhari sari kartoot bata dunga.

Chitra (ghabra kar)—kkkk…kya…tummm…matlab ki aap yuvraj ke dost ho….?

Jitu—jee haan….ab sach sach bata do ki loot ka maal kaha hai…?

Chitra—ll..loot ka maal…? Koun sa loot ka maal….?

Jitu—vahi jo abhi aap uss bechare vyapari ko loot kar layi hain...

Chitra—main kisi vyapari ko nahi janti..aur mere paas koi loot voot ka maal nahi hai…

Jitu—wah..! ek to chori, upar se seena jori….ab to yuvraj ko sab batana hi padega lagta hai..?

Chitra—are ja..ja…bata de….main bhi dekhti hu ki yuvraj apni biwi ki baat mante hain ya tumhari…

Jitu—biwi ..kaha ki biwi...kaisi biwi... ? uss bechare ki to ab tak shadi hi nahi huyi..

Chitra—dekh..main akhiri bar kahti hu..mera hath chhod de...mera gussa bahut kharab hai...kaat ke phenk dungi...

Jitu—kaise kategi...iss chaku se.... ? ye to ab mere paas hai...hihihi…haan, agar tu apne inn hasin hotho ki ek chummi de de to main tujhe chhod sakta hu…

Chitra (gusse me)—sale harami..kya kaha tune….?

Chitra ne gusse me mujhe jor se dhakka de kar tezi se andar bhagi aur phir turant hi ek kulhadi le kar mere paas aate hi usne mujh par vaar karne ke liye apne hath upar kiye..vaise hi maine apne naqli dadhi moonch aur baal nikal kar vastavik roop me aa gaya....mere chehre par nazar padte hi vo chounk gayi aur uske hath se kulhadi chhut kar uske hi pair me gir padi jisse uske gale se aaahhh nikal gayi...vo langdi ghodi ki tarah ek pair se uchakne lagi.

Chitra (chounk kar)—Yuvrajjjjj....aaappppp... ?.....aaaahhhh....uuuueee..maaaa...marr gayiiii..

Jitu—kya hua... ? are sambhal ke...

Maine uth kar usko pakadna chaha lekin uske pahle hi chitra lahrati jhumti mere upar hi gir padi…uske upar girte hi main phir se jamin par let gaya…vo apna dard bhul kar mere seene me apna sir rakh ke chupchap leti rahi.

Jitu—lagi to nahi chitra…?

Chitra—(chup)

Jitu—chitraaaaa...utho bhi ab...ya phir aise hi mere upar padi rahne ka irada hai ab... ?

Ye sunte hi vo sakpaka kar jaldi se khadi hone ko huyi to ladkhada kar phir se mere upar hi ludhak gayi...iss bar maine khud hi sahara de kar usko khada kiya.

Jitu—ye sab kya hai chitra.... ? jitni hairan tum mujhe dekh kar ho rahi ho, usse kahi jyada hairani to mujhe tumko iss roop me dekh kar ho rahi hai...akhir kyo kiya tumne aisa.... ?

Chitra (nazre jhukaye)—vo...vo...mujhe maaf kar dijiye yuvraj....ya phir jo chahe saza de dijiye...

Jitu—ye mere prashn ka uttar nahi hai chitra....main janna chahta hu ki jis sundar, sushil, vidusi chitra ko maine dekha tha..kya ye vahi hai... ? akhir aisa badnami aur jurm ka kaam kyo kiya tumne... ?

Chitra (sir jhukaye)—vo...main vivash thi...

Jitu (hairan)—vivash thi... ? main samjha nahi…tumhe to mukhiya ji ne apni putri ki tarah pala hai..unke paas to dhan sampatti sab kuch hai…phir kya vivashta aa gayi thi jo tumne ye rasta chuna... ?

Chitra (ankhe jhukaye)—main apne dil ke hatho vivash thi...yuvraj

Jitu (hairan)—dil ke hatho…! Main kuch samjha nahi…jara khul ke batane ka kasht karengi…?

Chitra—vo ek bar pita ji (mukhiya) ne guru ji se mere vivah ke baare me pucha tha..to unhone kaha tha ki kisi rajkumar se hogi. Jab pita ji uss rajkumar ka naam pucha to unhone kaha ki uska sparsh hote hi mujhe pata chal jayega…uss din jab mere ghar aaye to apko pani dete samay apke hatho ka sparsh mere hatho me ho gaya…uss samay na jane mujhe kya hua jaise ki dil me hazaro ghantiya baj uthi ho..mera rom rom pulkit hone laga tha…phir jab aap vaha se chale gaye to aisa laga ki apne sath aap mera sukh, chain, meri ankho ki neend sab kuch le gaye ho..mera dil aapse milne ke liye tadapne laga…tab mujhe samajh me aaya ki yahi to pyar hai…bas dil ke hatho vivash ho kar yaha khichi chali aayi…

Jitu (hairan)—agar aisa tha to tumne uss din mujhe ye kyo nahi bataya…? Aur iska chori karne se kya sambandh hai…?

Chitra—kaise batati..aap to thahre yuvraj…aur phir uss samay to main khud bhi nahi janti thi ki mujhe kya ho gaya hai..jab pata chala to aap yaha aa chuke the..yaha aane ke baad maine apko bahut talash kiya magar aap nahi mile…milte bhi kaise..? aapne to apna huliya hi badal liya tha jo…main apki khoj me bhatak hi rahi thi ki tabhi ek dhani admi ko maine gaon ki ek ladki ke sath jabardasti karte dekha,..maine kisi tarah se usko uske changul se bachaya..tab uss ladki ne kaha ki ye aaye din ka kaam ho gaya hai…ye dhani log apne dhan la lalach de kar hum garibo ki izzat se khelte hain…tabhi se maine aise logo ko lootna shuru kar diya aur loota hua maal unn garibo me baantne lagi.

Jitu—chalo..ye baat to samajh me aa gayi…par tumne sabse apne aap ko meri biwi kyo kaha…?

Chitra—to kya dusre ki biwi kahti..? jab pyar aapse karti hu to aapki hi biwi bataungi na..aur aisa karne se koi mujhe pakadta bhi nahi tha..aur ye janne ke baad koi dusri ladki aapke paas nahi ayegi….hihihi

Jitu—aisa kahne se kya fayda hua..akhir badnami to tumhari hi huyi na…? aur ye bachche ka kya lafda hai..?

Chitra (ghurte huye)—kyo, to kya aap mujhse shadi nahi karoge…?

Jitu—kyo koi jabardasti hai…?

Chitra—dekhiye yuvraj...main bataye deti hu...shadi to aapko mujhse karni hi padegi....nahi to main kaha jaungi... ? maine to pita ji ko bhi bata diya hai..

Jitu (chounk kar)—kya bata diya hai tumne mukhiya ji ko... ?

Chitra—yahi ki uss din aapne akele me mujhse gandharv vivah kiya tha aur phir..

Jitu (hairan)—aur kya... ?

Chitra (sharmate huye)—vo..vivah ke baad pati patni kya karte hain...vahi kiya tha aapne mere sath...

Jitu (sir me hath rakh ke)—satyanash ho tera... ! vaha ghar me to kitni sidhi aur bholi dikhti thi…ye to poori jwalamukhi hai..

Chitra—ye sab jhuth to maine sirf aapko paane ke liye bola hai…

Jitu—ho gaya na…chalo ab jao apne ghar..

Chitra—pahle bataiye ki hamari shadi kab hogi…?

Jitu—kabhi nahi..

Chitra—phir to lagta hai ki mujhe rajmahal ja kar maharani ji se hi baat karne jana hoga...

Jitu—kya baat karogi maa se... ?

Chitra—ek prem ki mari dukhiyari apna dukhda rone ke siwa aur kar bhi kya sakti hai...bas unhe itna bataungi ki main yuvraj ke bachche ki maa banne wali hu...mujh par na sahi to kam se kam apne hone wale pote par to daya kare..

Jitu (chounk kar)—kkkk....kyaaaaa..... ?

 

[StoryPublisher]

UPDATE- 285

Devraj—swayamvar hoga aur jarur hoga.. vo bhi apne nishchit samay par hi…

Ye kah kar devraj phir se raas rang me mast ho gaye…shayad unhe apni taraf badh rahe khatre ka tanik bhi abhaas nahi tha ya phir unhone devraj hone ke mad me usko jaan bujh kar andekha kar diya tha..

Ki tabhi unhe kisi anya lok me kisi dev shakti ka abhaas hua....

Ab aage......

Kisi anya lok me iss shakti ka abhaas hote hi devraj sahit vaha upasthit anya devta bhi chounk gaye...kyon ki uss shakti ka tez dev lok tak prakirnit ho raha tha.

Pawan dev (PD)—devraj...ye kaisa aloukik prakash hai...jo dusre lok se yaha tak apni roshni bikher raha hai... ? devtao ke alawa itna tez kisi dusre lok ke prani me kaise ho sakta hai... ?

Devraj (hairan)—main bhi yahi soch raha hu..pawan dev....(mann me)..ho na ho...ye shakti avashya hi rajkumari priyadarshini ki hi ho sakti hai..mujhe abhi aur issi samay uske paas jana hoga..

Mann hi mann itna soch kar vo turant hi sabha barkhast kar ke vaha se antardhyan ho gaye...uss disha me jaha se iss urja ke prakashit hone ka abhaas hua tha.

Vo sidhe vrihadpur ki seema me ja kar prakat huye…kintu ab unhe uss urja ka koi sanket milna band ho chuka tha..kyon ki ab tak priyadarshini apne purane roop me aa chuki thi...unhone ankhe band kar ke priyadarshini ko dekhna chaha kintu safal nahi huye..unhe apni ankho ke samne ek ghor andhakar ke siwa kuch nazar nahi aaya.

Devraj (mann me)—roshni to yahi sthan se aa rahi thi... lekin itna jaldi mere pahuchne se pahle hi kaha gayab ho gayi.. ? aur meri divyadristi rajkumari tak kyo nahi pahuch pa rahi hai... ? mujhe thoda aage ja kar dekhna chahiye..

Devraj ne jaise hi vrihadpur ki seema me aage badhne ke liye apne kadam badhaye hi the ki ....

Udhar uss tilismi gufa ke bahar abhi sab uss aloukik roshni ko dekh kar sadme se ubre bhi nahi the ki tabhi vaha jamin me tezi daraar padna shuru ho gayi....vo log kuch samajh pate ki tabhi khaulte huye garam laave ke sath uss jamin ko phadte huye ek vishal chattani kaya bahar nikal aayi...jise dekhte hi sab ghabra gaye.

Chattani badan wali uss kaya ki banawat ek bade rakshasi kide jaisi thi…uska poora sharir patthar ka bana hua tha..usko dekh kar kisi ki bhi ankho me ek darr utar jana bilkul bhi bevajah nahi tha…uski badi badi lal ankhe jalte huye angaare ki bhanti dikh rahi thi...aisi khaufnak darawani cheez ke achanak iss tarah samne aa jane se sab ke dilo me dahshat bhar gayi...

Pushpak bhi use dekh kar vaha se bhagne laga kintu vo vaha se bhag pata usse pahle hi uss vishal kaya ne vahi khade khade apna muh khola aur phir sab ke dekhte hi dekhte ek taez hawa ka jhonka vaha uttapann hua aur pushpak ko apne sath udate huye uss vishal kaya ke muh me sama gaya...kuch aur bhi pret jo bhag rahe the unka bhi yahi haal hua.

Pushpak aur uske sathiyo ka khatma karne ke baad vo dusri taraf mud gaya jidhar ye sab khade the....uska aisa bhayanak roop dekh sab darr se cheekhne chillane lage...kyon ki uske sath bahar nikla garam lava vaha charo taraf phailne laga tha...jo ki tezab se bhi khatarnak lag raha tha.

Ruchi (cheekh kar)—betuuuu...bachaooooo

Neha (chillate huye)--rajjjjjj

Ye dekh sab ghabra kar veer ke piche chhupne lage...veer ke bagal me mrinal, priyadarshini, divya aur dusri side sandhya aur saloni kahi thi..baki sab unke piche chhup gaye.sab ko aise chhupte dekh kar vah jor jor se bhayanak attahas karne laga..aur dhire dhire sab ki taraf badhne laga...sath me vo garam lava bhi tezi se bah raha tha.

"Chamu chajh chase chaba chach chak chaar chaka chaha chaja chao chage....(mujhse bach kar kaha jaoge)...hahahahaha" jor jor se haste huye usne apni bhayanak awaz me kaha.

Usko apni taraf badhte dekh sab dahshat me aa gaye...khatre ko bhanp kar ek bar phir se veer ke andar ja jwalamukhi ubalne laga aur uske andar inject kiya hua formula active ho gaya...active hote hi ye formula behad taqatwar bana deta tha veer ko..kisi aam admi se lagbhag dus guna jyada powerful...sath hi sath ye veer ko kisi bhi chot se jaldi ubarne me madad karta tha...gusse me aate hi uski ankho ka rang ekdam hara ho jata tha...jabki baki sharir ka rang lal padne lagta tha...jis anupat me uska gussa badhega, ussi anupat me uski ankho aur sharir ka rang bhi badhta jata tha...poora sharir lal hote hi aag ki tarah garam ho jata tha...aur ankho se visfotak tarange nikalne lagti thi...

Vo chattani kaya jaise jaise sab ke karib aata ja raha tha vaise vaise sabhi piche khisakte ja rahe the...magar tabhi unhe apne piche dahakti huyi aag ki lapto ka ehsaas hua...sabne jaldi se piche ki taraf dekha to hairan rah gaye..kyon ki ab vo charo taraf se uss garam khaulte lava se ghir chuke the...yaha se nikalne ke sabhi marg band ho chuke the.

Ghabrahat ke karan sab ek bar phir se veer ke piche ja chhupe...magar agle hi pal unhe piche hatna pada kyon ki veer ka sharir aag ki tarah tap raha tha....vo chattani kaya unke samne aa kar khadi ho gayi....veer ki body ya phir uski ankho ki taraf kisi ka dhyan iss samay tha hi nahi..sab ka dhyan sirf uss rakshas par kendrit tha jisse sab bhaybheet the.

Veer (gusse me)—koun ho tum….?

Mrinal—ye dharti ki bhasa nahi samjhega…main puchti hu isse….chapa chaha chad chabha chai..chatu cham chako chaun chaho…? Chatu cham chasi char chase chale chak char chapa chair chat chaak chata chak chala chaka chai chan chase chahu chaye…? (pahad bhai, tum koun ho….? Tum sir se le kar pair tak takla kaise huye…?).

"chame chara chama chaja chak chau chada chati chaha chai....(mera majak udati hai) Hahaha…chatu cham chashi chaka char cham chai chashi chaka chari..(tum shikar, main shikari).hahahaha" usne gusse se mrinal ki taraf badhte huye kaha.

Uske mrinal ki taraf badhte hi turant veer uske samne khada ho gaya...veer ko apne lakshya ke aage aate dekh vo aur bhi kroadhit ho gaya..aur gusse se apna vikral mukh khol kar ek bar phir se hawa ka bawandar banane laga...khatre ka abhaas hote hi veer ki ankho se invisible vosfotak tarange nikal kar uss chattani kaya se takrane lagi.

Agle hi pal vaha ek bhayanak visfot hua aur uss chattani kaya ke sharir ke chithde ud gaye....uska patthar se bana jism chote chote barik tukdo me bikhar gaya....lekin ye kya... ? agle hi pal uske jism ke bikhre huye patthar ke vo tukde phir se aapas me jud gaye...aur pahle se bhi maha bhayanak chattani kaya unke samne khadi ho gayi..

Idhar gufa ke andar Maine ek baar phir se uss chamkile patthar ki shakti ka prayog gufa ki samne ki deewar par kiya...aur phir chattano ke ek taraf khisakte hi unn khuli chattano ke beech se jaise hi bahar jane ki koshish ki to mere pair jaise gufa ki jamin se chipak kar rah gaye.

Kyon ki theek ussi pal gufa ki deewar par dikhne wale nazare jis tarah se badle ki jisko main badi asani se mahsso kar sakta tha ki mere aage kadam uthane ki chahat ko samajhte huye poori chattani gufa hi mere irado ki disha me aage ko chal padi thi.

Main jaise jaise aage badhta ja raha tha vaise vaise samne ki chattane apne aap khisak kar mere liye rasta banati ja rahi thi.. kintu main jab bhi piche palat kar dekhta to apne aap ko vahi khada hua pata jaha se maine chalna shuru kiya tha...kintu iss patthar ki shakti ke prayog se ek baat main samajh chuka tha ki ab main deewar ya kisi bhi chattan ke aar paar hone wali ghatnao ko dekh sakta tha.

Main chalta raha aur vaha ki chattane ek taraf hat kar mere aage jane ke liye rasta banati rahi...aise hi na jane main kab tak chalta raha..lekin vo rasta tha ki khatam hone ka naam hi nahi le raha tha...akhir maine phir se ek bar rk kar palat ke dekha to hairan rah gaya.

Raj (mann me)—mujhe chalte huye do teen ghante se jyada ho gaya hoga lekin phir bhi main vahi ka vahi hu..aise me to main chalte chalte hi thak jaunga...iss tilism ne to mood hi kharab kar diya hai..pata nahi kaisa tilism hai ye.... ? thoda aur chal ke dekhta hu, akhir kya hota hai... ?

Ye soch kar main phir se aage badh gaya..iss bar maine piche mud kar nahi dekha bas chalta hi raha…chalte chalte mujhe kuch aisa nazar aaya jise dekh kar main chounk gaya.

 

[StoryPublisher]

UPDATE- 220

5th Janam ki love story continues...

Chitra—phir to lagta hai ki mujhe rajmahal ja kar maharani ji se hi baat karne jana hoga...

Jitu—kya baat karogi maa se... ?

Chitra—ek prem ki mari dukhiyari apna dukhda rone ke siwa aur kar bhi kya sakti hai...bas unhe itna bataungi ki main yuvraj ke bachche ki maa banne wali hu...mujh par na sahi to kam se kam apne hone wale pote par to daya kare..

Jitu (chounk kar)—kkkk....kyaaaaa..... ?

Ab aage…….

Chitra—agar aap mujhse shadi karne ko taiyar nahi honge to mere paas dusra koi rasta bhi to nahi hai na…

Jitu—main to tumhe kitni achchi ladki samajhta tha…magar tum to…

Chitra—main to ab bhi bahut achchi hu yuvraj….agar aap ko yakin na ho to kamre ke andar chal ke sir se pair tak mera ang ang dekh lijiye..aapko kahi koi kami nazar nahi ayegi..aaiye andar main apki khushi ke liye ye karne ko bhi taiyar hu…

Jitu—chhee…chheee….mujhe to tumhare dimag me hi kharabi lagti hai…

Chitra—haan, ye to aapne sach kaha….vo kya hai na ki..jab se maine aapko dekha hai…bas tabhi se mera dimag kharab ho gaya hai…aur mera dil mere paas nahi raha….aap chahe to hath laga ke khud hi dekh lijiye, apko pata chal jayega ki mera dil sach me mere paas nahi hai….main jhuth to bilkul bhi nahi bolti..

Jitu (mann me)—meri biwi aur mere bachche ki maa banne ka itna bada jhuth poori duniya me bolti ghum rahi hai..phir bhi kahti hai ki main jhuth kabhi nahi bolti….jhuthi kahi ki..

Main abhi ye soch hi raha tha ki chitra mera hath pakad ke andar kab le aayi mujhe pata hi nahi chala…vo to jab andar se darwaja band karne ki awaz suni to mera dhyan bhang hua…aur apne aap ko uske sath kamre ke bhitar dekh kar main chounk gaya.

Jitu (chounk kar)—ye..ye…kyaaa..hai….?

Chitra (darwaje ki kundi lagate huye)—aap hi to dekhna chahte hain na ki main achchi hu ya nahi…ab dekh lijiye jee bhar ke.. shayad tabhi aap ko vishwash hoga ki main sach bol rahi hu..

Jitu (ghabra kar)—ye..ye..kundi kyo laga di…?

Chitra—to kya poore gaon ko dekhne du ki main kitni achchi hu…? Mujhe dekhne ka adhikar sirf aap ko hai..

Jitu—jab se jhuth par jhuth bole ja rahi hai…phir bhi kahti hai ki main sach bol rahi hu…jhuthi kahi ki..

Chitra—main kabhi jhuth nahi bolti…

Jitu—ye sab jhuth nahi to aur kya hai…?

Chitra—maine kaha na ki main jhuth nahi bolti…main ye sabit kar sakti hu..

Jitu—achcha...tum sabit kar sakti ho.. ? kaise... ?

Chitra meri taraf badhne lagi to Main jaldi se darwaja kholne ke liye udhar jane laga…magar usse pahle hi vo mere samne aa kar khadi ho gayi…main abhi kuch samajh pata ki usse pahle hi vo mere gale me apni baahe daal ke uchak kar mere upar jhul gayi aur phir meri kamar ke charo taraf apne pair lapet liye…jisse main sakpaka gaya.

Chitra—aise...

Jitu—ye kya badatmizi hai..chitra... ? janti ho, mere sath aisi harkat karne ke liye tumhe karagar me bhi daal sakta hu main... ?

Chitra—ye badatmizi thodi na hai…ye to aap ka apni biwi ke liye pyar hai…aap bas mujhe aise hi pyar karte rahna aur main aap ke liye bachche paida karti rahungi…aur ek din hamare itne bachche ho jayenge ki ek naye rajya ki praja taiyar ho jayegi..

Jitu (shocked)—kyaaaaa…?

Chitra—aur nahi to kya…? Main jhuth thodi hi kabhi bolti hu…chahe to abhi aajma kar dekh lijiye…

Jitu—chalo utro mere upar se…aur mujhe bahar jane do..

Chitra—pahle aap bataiye ki hamari shadi kab hogi…?

Jitu—kabhi nahi…main kisi aur se prem karta hu…samjhi..aur main use dhokha nahi de sakta…

Chitra (shocked)—kyaaaa...aap kisi aur se prem karte ho.... ? koi baat nahi..main aap ke pyar ki khatir ek soutan bhi bardast kar lungi...mujhe aur usko mila kar ab aap ki do biwiya ho jayengi...uske sath din me rasleela rachana aur raat me mere sath sona.

Jitu—aisa kuch bhi nahi hoga..mujhse shadi ke sapne dekhna chhod do..

Chitra—to iska matlab...aap mujhse shadi nahi karoge.... ?

Jitu—hargij nahi..

Chitra (chillate huye)--haaye, ! main lut gayi, barbad ho gayi…..gaon walo…dekho…yuvraj ne mere sath prem ka natak kiya… aur jab main unke bachche ki maa banne wali hu to ye mujhse shadi nahi karna chahte…

Jitu (muh band kar ke)—ye..chup….ye gala phad phad ke chilla kyo rahi hai…?

Chitra—ab kya apni fariyad gaon walo ko bhi sunana gunah hai..? ek abla nari chillaye nahi to kya kare…? Main sab gaon walo ko apni dukh bhari kahani bataungi…

Jitu—hihihihi….aur tujhe lagta hai ki gaon wale teri jhuthi baato par vishwash kar lenge..?

Chitra— jab ek akeli ladki ko ek band kamre ke bhitar payenge aur aap ko use apni god me aise taange huye dekhnege..kya tab bhi vishwash nahi karenge..? sab ko malum hai ki main jhuth nahi bolti..

Jitu (shocked)—aaaa…..ye to maine socha hi nahi…chal chal utar jaldi…(mann me)..meri mati mari gayi thi jo jungle me uss gufa ka rahasya pata karne jane ki jagah iss chorni ko pakadne chala aaya…ek udhar vo anusuiya bin bulaye mehman ki tarah jabran meri jholi me tapak gayi..aur idhar ye chotti jabardasti mere gale pad rahi hai…main bechari divya se kya kahunga..? agar gaon walo ne mujhe iske sath aisi halat me dekh liya to sab iski baat ko hi sach maan lenge.. kyon ki main iss samay apne asli yuvraj ke roop me hu….aur agar galti se bhi ye baat rajmahal tak pahuchi to maa meri shadi iss chotti se karne ka farman jari kar dengi..

Udhar aryan jab rajmahal pahucha maa ne uske sath mujhe na dekh kar usse mere baare puchna shuru kar diya ki main kyo nahi aaya..aryan ne maa ko vahi bataya jo maine usko samjhaya tha…ye sab sun kar maa bahut udas ho gayi…uss samay maa ke kaksh me badi chachi gomti aur unki putri vinita bhi vahi baithi huyi thi.

Deep mala—tum jitu ko apne sath le kar kyo nahi aaye…? Uske bina mujhe ye mahal veerana sa lagta hai…kya use apni maa ki yaad kabhi nahi aati…? Uske mann me tanik bhi ye khyal nahi aaya ki uske bina uski maa kis tarah rahti hogi…? Use apni maa se adhik vo khatarnak jungle pyara hai..?

Aryan—aap vyarth me hi chinta kar rahi hain rani maa…yuvraj ko jungle ki jagah ek ashram me jyada dilchaspi ho gayi hai iss samay..jab dekho tab ashram ke hi sapne dekhte rahte hain..

Deep mala (hairan)—ashram…? Kyo, aisa kya hai uss ashram me..aur koun sa ashram…?

Aryan—uss ashram se hi to dil laga baithe hain yuvraj..maharani maa..

Gomti—kis ka ashram hai vo..? koun rahta hai vaha…?

Aryan—rahta nahi badi rani maa balki rahti hai...

Deep mala (hairan)—rahti hai.. ! kya matlab…koun rahti hai…?

Aryan—divya…ji haan, rani maa…mera mitra yuvraj jitu uss rishi kanya divya ko dekhte hi apna dil haar baithe hain…jab se uss rishi kanya divya ko yuvraj ne dekha hai tab se na to unhe bhookh lagi hai aur na hi pyas….yaha tak ki raat ko sote bhi nahi hain.. bas jab dekho tab ashram jane ki jaldi machi rahti hai unko…isliye to mujhe yaha bhej diya apni jagah..

Deep mala (shocked)—kyaaaaa….?

Gomti (khush ho kar)—mubarak ho deep mala..mere bete ne hamare liye bahu dhoond li hai…

Jaha bahu ki baat sun kar maharani deep mala aur gomti ke dil me ek khushi ki sihran daud gayi to vahi vinita ko ye sun kar ek jhatka sa laga…uski ankhe akasmat hi bhar aayi aur vo turant hi vaha se uth kar apne kaksh me aa kar deewar par lagi yuvraj ki tasveer ko utar kar apne seene se laga liya…uski ankhe motiyo ki mala pirone lag gayi thi.