Update 57
Keise bhi karke Kaajal ne Aisha se baat ki ke Vijay ki graduation ceremony hai aur tumko ana hai wahan. Aisha to uss din se phathar ki murat banni huwi thi, na kissi se baat karti thi na kissi ke saath rehti thi, din bhar apne kamre mein bandh rehti bus. Vijay ne kayi mail bheje par ek ka bhi reply nahin kiya Aisha ne, reply keise karti uss ne to computer ko chuwa tak nahin. Na TV dekhti, na sab ke saath baithti, aur na kissi se baatein karti, aur kabhi kabhaar to lounge mein chali jaati din ko par jab usske baap ka kaam se wapas aney ka waqt hota to woh ussko dekhna bhi nahin chahti thi to apne kamre mein bandh rehti thi yahan tak ke uss ka khana bhi usski maa usske kamre mein hi serve karti thi.
Jiss din se Aisha ne baghaawat ki thi uss din se shaayad hi 10 baatein ki ussne kissi se bhi siwae apni maa ke.. Ab, jab Kaajal wahan gayi to badi mushkil se baatein kar paayi woh uss se. Woh to apne kamre se baahar hi nahin ana chahti thi. Andar se darwaza lock kar liya tha apne kamre ka. Usski maa ne bahot awaaz di ke, "Kaajal ayi hai tujhse baat karna chahti hai darwaza khol ke andar hi bula ke baatein kar le nah beti!" Tab bahot der ke baad ussne darwaza khola aur Kaajal andar gayi to baatein ho paayi uss ke saath. Vijay ki graduation ceremony ki baat sunkar Aisha ke chehre par thoda sa chamak dikhayi di. Kaajal ko lagta tha ke woh ek ajnabee se baatein kar rahi hai. Aisha bilkkol Aisha nahin lag rahi thi. Ek alag hi koyi lag rahi thi. Kaajal ko sirf bolne jana tha aur Aisha ke chehre ko lagaataar dekhtey jana tha aur sawaal par sawaal karti jaa rahi thi Kaajal, yahan tak ke Kaajal ko ghussa aya aur poocha, "To kia karegi tu jaegi ya nahin?" Jab Kaajal ne dekha ke Aisha kuch nahin bol rahi hai to khadi ho gayi wapas jane ke liye tab Aisha dheemi awaaz mein boli, "Han jawungi, magar ghar mein yahan kia bolkar tere saath jawiungi?" tab Kaajal ne kaha, "sab se main kehdeti hoon ke uss Friday tu mere saath shopping ke liye chal rahi hai, tera mann bhi behel jaega yeh sochkar koyi kuch nahin kahega. Sab ko yeh pata chalna chahiye ke tum sirf mere saath shopping ke liye chal rahi hai. Tum apne kamre mein bandh rehti hai uss din se na kissi se baat karti hai na kissi ke saath baithti hai, yeh soch kar tera baap bhi tumko mere saath baahar jane dega. Thik hai?" Aisha raazi hogayi aur Vijay ko khush khabri Kaajal ne diya wapas aakar. Vijay aur Pooja donon khush the ke Aisha wahan mawjood hogi ceremony ke din.
Aakhir woh din aya, Vijay pure pariwaar sameth tayaar huwa din ke 10 baje. Ab din ke 10 baje to Aisha ka baap ghar par nahin hota hai to Aisha ko koyi dikkat nahin huwi ghar se nikalne ko Kaajal ke saath. Anirud chacha bhi jaa rahete. Ek minibus ka intezaam kiya tha ussi ne. Aur sab pariwaar nikle ghar se aur university ponhche din ke takriban 11 baje.
Ab wahan ka mahaul, sabhi friends miley, sab log ekatha huwe auditoruin mein, koyi 2000 logon se house full the aur Aisha ki nazar sirf Vijay par hi thi aur iss din ko Vijay ko time nahin mil raha tha Aisha ko dekhne ke liye kyun ke ussko to bahot kuch karna tha, pehle to sab dost logon ne Vijay ko gher liya woh first division first jo aya tha, sab mubarakbaad de rahe the, sirf 6 log uss ke group mein se First/first aye the unn mein Vijay tha aur baaki ke second class wale dost log Vijay ko wish kar rahe the.. Ab Vijay ke lecturers mein se kayi usske achchey dost bhi the. Unn lecturers mein se ek tha jiss ke yahan Vijay aya jaya karta tha kabhi kabhi. Usske gharwaalon ko bhi jaanta tha Vijay. Uss lecturer ke maa baap bhi aaye huwe the, aur uss maa ne Vijay se kayi baar kaha tha ke ek achchi ladki ko dhundna uss lecturer ke liye.. Jab Vijay ne uss dost lecturer se iss barey mein baat ki thi to uss ne kaha tha ke woh ek shushil ladki ki talaash mein hai jo ghar par rahe, usske ghar ka dekh bhaal kare, aur uss ke bachchon ko pale pose aur uss se bahot pyar kare, aur uss ka har roz wait kare ke kab woh kaam karke ghar ko waapas aye.. Vijay ne uss se kaha tha ke aaj kal to sabhi ladkiyan kaam karna passand karti hai kahan se ussko weisi house wife milegi? To uss lecturer jiss ka naam hai Anand, ne kaha ke ussko ziada padhi likhi ladki nahin chahiye bus thoda bahot English jaanti ho aur letter wagahira read kar sake paper padh sake to kaafi hai... to iss din ko bhi Vijay ne Anand se poocha kia ussko woh ladki mili ke nahin.aur donon hansney laguey.. usske baad Vijay ko vest room se restroom tak jana pada apne black gown aur cap ko try karne ke liye... to woh alag ho gaya aur sab log auditorium mein baith gaye aur intezaar mein the sab awardees ke entry ka.
Pooja ne apne haath mein program liye zor se pahr rahi thi. Har ek ko ek program mila tha ... Aisha bhi wohi read kar rahi thi Jo Pooja awaaz se read kar rahi thi..: "
Order of proceedings:
Awardees and guests are seated -
MUSIC: The assembly will stand -
Procession to the Rostroom -
National Anthem -
Opening of the ceremony by the chancellor -
Address by the Vice- Chancellor - Address by the guest speaker
Presentation of the students for the conferment of Post graduate Degrees, Award of postgraduate diplomas, conferment of bachelor's degrees and award of diploma for the Faculty of law and management....."
Pooja bahot ziada hi khush thi aur bina jhijhak ke pahrhi jaa rahi thi.aur Aisha follow kar rahi thi saath saath...
Ussi din ko sirf ek group ki award nahin di jaa rahi thi balke kayi aur bhi degrees award ki jaa rahi thi sab mein Pooja ne read kiya yeh sab shaamil the:
"
Master of business administration, Master of business administration in financial management, Master of business management with specialization in human resourse management, Master of business Administration with specialization in Marketting, MSc E- Business, MSCFinance, MSC Human Resource studies,MSc International Business Management, Msc Computer Mediated Communication and Pedagogies, MBA International Business, MSc International Tourism Management, BSC (Hons)Human Resource Management... etc etc..
Ab inn mein se Vijay awardee tha (
Master of business administration in financial management) iss title ke liye.. Ab list mein sab awardees ke naam likhey huwe the har titles ke nichey. to uss title ke nichey sirf 6 naam the jo DISTINCTION subtitle ke nichey the, uss mein pehla naam Vijay ka hi tha, to Pooja ne zor se read kiya, "
Vijay Kumar Rhanveer" aur khushi se uss ki enkhen bhar aayi aur woh rone lagi, yeh soch kar ke usska bhai aaj itna bada sammaan ka hakdaar hai ke itne bade bade log ussko sammaanit kareinguey uss zabardast stage par jahan bade bade gyaani log hi upar charrte hein. Pooja bahot emotional hogayi aur rone lagi.. Jab uss ne Aisha ke taraf dekha to Aisha ke enkhen se bhi jharr jharr ensoo jaari the...
Aaakhir kuch intezaar ke baad sab awardees andar apne apne seat par baithey aur unn mein se Pooja Vijay ko nahin dhund paa rahe the kyunke takriban sab ke sab same same dikh rahe the black dress aur cap mein.. Cameramen photos khinch rahe the, auditorium mein bhi aur stage par bhi.. Ek ek karke sab ke naam announce huwe aur baari baari sab awardees apne apne award lene gaye stage ke upar, chancellors se haath milatey huwe.. Jab Vijay ka naam phukara gaya, to sab logon ke taaliyon ke saath Vijay ka swagat kiya, usska baap aur Anirud chacha garv se seena taaney taaliyan baja rahe the aur sabhi pariwaar ke enkhen nam the aur Pooja aur Aisha phoot phoot ke ro rahe the Vijay ko stage par jaatey huwe dekhte ... Jab Vijay ne award lekar auditorium ka saamna kiya sar jhuka kar thanks kartey huwe to usski nazar wahan se Pooja aur Aisha par hi padi aur usska dil bhi ro pada aur usski enkhen bhi nam hogaye...
Ceremony end hone ke baad baahar ek dusre stage par photo session ho raha tha jo hamesha graduation ceremony ke din sab awardees ke liye university ke taraf se organize hota hai, aur ek dummy certificate ko haath mei lekar pariwaar walon ke saath jitna chahe photos liye jatey hein, to sab logon ko wahan jana pada. Iss se pehley ke Vijay apna black gown aur cap return karta wahan photos khinchna zaroori tha aur riwaaj bhi tha..
To Vijay ke ilawa sabhi dusre awardees wahan line mein khade the apne apne parivaar walon ke saath photo khinchne ke liye... Jab Vijay ka turn aya to, sab log gaye photo khichne usske saath. sabhi parivaar ne ek ek karke photos liye usske saath, Pooja ne to 5/6 tasveerein akele Vijay ke saath khinchwayi, kabhi uss ke dayein taraf khade hokar, kabhi bayein taraf, kabhi Vijay ka haath pakr kar to kabhi Vijay par piche se chipak kar... Anna sab dekh rahi thi aur Kaajal aur Anirud chacha bhi.kyun ke unn logon ke mann mein shaque jo ho gaya tha Anna ke wajah se...
Tab Vijay ne Aisha ko bulwaya photo ke liye.Aisha zoron se ro rahi thi aur nahin jana chahti thi stage par.. Vijay intezaar kar raha tha Aisha ke liye.magar woh bilat bilat kar roye jaa rahi thi. Pooja jab gayi ussko upar stage par lejane ko to Aisha phoot phoot kar rote huwe kaha, "Aaj main bhi uss black gown aur cap mein hoti, aaj main bhi apne award ko lene aati nah Pooja. Aaaj main bhi Vijay ke saath ussi dress mein Photo khichwaati nah.." Aur roti hi chali gayi Aisha.. Vijay ne sab suna aur usske enkh bhi bheeg gaye aur rote huwe woh hi stage se nichey utra aur Aisha ko baahon mein tame upar stage par gaya tasveerein ek saat lene ke liye. Aisha ek choti bachchi ki tarah roti jaa rahi thi aur kehti gayi Vijay se, "Yeh mere saath kyun huwa Vijay? Aaj hum donon sath saath iss dress mein hotey nah? Tumko nahin pata main keisa feel kar rahi hoon Vijay, mera dil ro raha hai Vijay mai apne papa ko kausti hoon Vijay, kyun ussne mere studies ko roka.." Vijay Aisha ko phuslata gaya, aur stage par Aisha ko chup karate huwe Vijay ne kaha, "Dekho tum mujhe iss jagah par dekhna chahti thi nah? Mujhe iss dress mein dekhna chahti thi nah, to lo woh din agaya aur main tumko yahan laaney mein kaamyaab huwa ab iss mawke ka faeda uthawo, bhool jawo purani baton ko, aur mere saath kuch tasveerein khinchwalo, kum se kum yeh nishani to rahegi hamari... Aur donon ne ek dusre ke saath dozens photos liye. Vijay ne kaske Aisha ko pakra har tasveer mein aur kiss bhi kiya pure parivaar ke saamne Aisha ko... aur Aaakhir mein Vijay ne apne gown aur cap utaar kar Aisha ko pehnaya aur usski Tasveer liye uss black gown aur cap mein..halaan ke nakli hai Aisha ka mann to khush huwa hoga uss sammaanit dress ko apne upar pehenkar, yeh sochkar Vijay ne ussko apna dress pehenney ko diya...
Ghar lauttey waqt Aisha aur Vijay ek saath baithey uss bus mein aur donon purane zamane ki tarah jiss tarah weh donon university se wapas ghar lauta kiya karte the weise hi feelings ke saath ek dusre ko baahon mein liye bus mein baithey rahe pure safar ke dawraan.. Aisha ke enkhen rone se laal ho gaye the aur donon bahot khubsurat lag rahe the ek dusre se chipke baithe huwe .Pooja ne unn donon ki tasveerin li mobile se. Aisha ka sar Vijay ke chaati par thi, aur Vijay ki baahein Aisha ke donon taraf ussko jakre huwe tha.. Pura safar woh log weise hi ghar tak wapas aye.. Aur Rhanveer lane mein pohonchney se pehley Kaajal aur Aisha utar gaye taakey kissi ko Aisha ke yahan shaque naa ho!
To be continued........ (2079 words)