Pyaar Gam Ya Khushi complete

[StoryPublisher]

Updae:-162

Itna lamba arsa bita par humari khabar lene wala koi nahi tha. Kya wakai humne itni badi galti kar di thi ya jis galatfehmi ke sikar humare ghar ke log the, us galafehmi ne sabke aankhon par parda dal diya tha. Kahani jo bhi thi par sach to yahi tha ....

"Na wo galat the aur na hum, bas waqt ki sajison me galatfehmi thi"

Iss bar to Rahul ne had hi kar di waise kahna galat na hoga ki maine bhi kaphi enjoy kiya apna har pal unke sath me. Takribn dedh mahine bad wo baat bhi samne aayi jisne humara sansar khusiyon se bhar diya.

Humare nanhe se mehman ke aane ki suchna mil chuki thi. Ye bat jaise hi Rahul ko pata chali wo to bilkul nachne lage. Thoda khisak bhi gaye the, kyonki jo milta sabse kahte firte "main baap banne wala hoon"

Humne doctor ki salah li aur unke kahe anusar hi kaam karne lage. Pahla teen mahina bahut hi jyada sawdhani purn tha, mujhe apna khyal jyada rakhna tha. Aur sabse anth me unhone wahi baat kah di jis ke liye hum aaj tak taras rahe the.... "Inki dekhbhal ke liye yadi inki sas ya maa ke pas aap isse rakhen to jyada behtar hoga"

Dr ki ye baat sunkar humra khila sa chehra murjha gaya. Mayus maan se hum dono bahar aaye...

Rahul mere pet par hanth ferte hue ... "Mayus tum rahogi to humara bachha bhi mayus rahega. Duffer ab chal hans thoda sa. Sab apni kismat lekar aate hain pari ye bacha bhi apni kismat lekar aayega. Aur iske kismat me apne dada-dadi, aur nana-nani sab ka pyar likha hai. Marunga ab jo royi to."

Mere aankh se aansu girne lage aur main aansuon ke sath bolti huyi ........l

Dil dard ka tudka hai

Pathar ki daali si hai

Ek andhan kuan hai ya

Ek band gali si hai

Ek chota sa lamha hai

Jo.khatm nahin hota

Mein lakh jalati hun

Wo khatm nahin hota

"Rona kaun chahta hai jaan, aur main apne bache ke liye kabhi nahi roungi, wo to aap hi ne baat aisi chher di ki mujhe rona aa gaya. Kisi ko taras bhi nahi aata hum par. Kya chahte hain unse hum, batao na, bas thoda sa unka pyar yahi na. Kya galat kiya humne kisi ka. Mere mahine din ke bache ke liye jab rona aa raha hai, ki iska aankh jab duniya me khulega to iske dada-dadi, nana-nani pas honge ki nahi. To kya unko apne itne bade bache ke liye koi ehssas nahi."

Rahul Pari ... Pari .. Karte wo meri aanshu pochhe, mere chehre ko tham mujhe se kahne lage...

"Nanha humare yanha aane wala hai aur bachon ki tarah tum ro rahi ho, upar se jab ise pata chalega ki maine tumhe rulaya to mujhe hi marega na"

Rote rote main hans di .... "Hato pahle rulate ho phir baten banate ho. Chalo ab ghar sara kaam parga hai ghar ka"

"Madam, banda ye gulam aap ke pesha-e-kidmat me hai. Aaj se aap koi kam nahi karengi, sare kam karne ki jimmedari aap ka ye gulam utha'ta hai."

"Aap bhi na, na jagah dekhte ho aur na mahol bas shuru ho jate ho. Ab jhuke kyon ho mere samne sidhe ho jao nahi to main baat nahi karoongi aap se."

"Lo ji aap kya ye gulaam sidha ho gaya"

"Cahloooo" main kahti huyi aage nikli pichhe-pichhe Rahul bhi aaye. Ghar pahunche to Rahul ne mujhe poora din bistar par bithaye rakha aur ek kam bhi nahi karne diya. Aur kya furti thi unme sab kaam fatafat.

Sam ho rahi thi. Aaj hum dono ne mandir jane ka plan kar liya tha. Hum dono he apne aane wale nayi khusi ki kamna ke liye pahunche mandir. Wanha todhi der baithe rahen, phir ghar wapsi.

"Pari, tum aur meri beti kya khana pasand karogi."

Main.... Beti se kya matlab jaan, pahle beta phir beti.

Rahul..... Nahi, beti chahiye, laxmi aayegi humare ghar

Main.... Nahi jaan beta chahiye, apne kul ka nam raushan karega. Bilkul aap ki tarah hoga, aap ki parchhyi, jo apni bahan ko care karega, humara khayal rakhega. Apne dada-dadi, nana-nani sab ka chaheta.

Rahul.... Thik hai baba koi bhi aay par jaldi to aaye. Kya koi aisi dawa nahi ki time period kam ho jay aur mere jane se pahle main apne bache ka muh dekh loon.

Main apna sir pit li inki baten sun ..... Had hai jaan, aisa bhi hua hai kya. Jitna samay lagta hai utna hi samay lagega.

Rahul.... Lekin Pari ...

Main.... Kya jaan kya sochne lage

Rahul...... Kuch nahi baba chalo ek kaam karte hain, mummy ji ko call karo jarra unko bhi to khabar bhijwa do ki unka nawasa jald hi aane wala hai.

Phir speaker on kar ke hume call ki mamma ko .... Do ring baad hi mamma ne call pic-up ki....

"Mera bacha, is bar bahut din ke baad call ki, achhi to hai na."

Main.... Mamma .... Mammaaaa ... Sunogi to tum nachne lagogi.

Mom.... Wahhh ! Bata bata jaldi se, bahut din ho gaye beta tujhe maine aise bat karte huye sune.

Do pal hum dono ke bich shanti si bani rahi, jab Rahul ne mujhe dekha to unhe samjhne me der na lagi ki mere ander kya chal raha hai, aur udhar mamma kya soch rahi hogi ...

"Mummi ji namste, kaisi hain aap"

"Rahul beta, kise ho"

Rahul.... Ye kya mummy ji, har baat par aisa react karna kya achha lagta hai.

Mom.... Kya hua beta, main samjhi nahi.

Rahul..... Samjhna kya hai, ab aap ko himmat dena chahiye to aap hi mayus ho jati hain. Bataeye Pari ka phir kya hoga ?

Mom.... Maa hoon na beta, apni bachi ke bare me sochte hi khud ko rok nahi pati.

Rahul..... Rok lijiye khud ko kyonki ... Kyonki ... Kyonki .... Aap nani ban'ne wali hain.

Mom.... Kya ?????? Sachhhh ! Pari kanha hai use phone dena

Rahul .... Aap bol dijiye mummy ji hum dono sun rahe hain, speaker on hai

Mom.... Pari tu sun rahi hai, beta main kal aa rahi hun tu chinta mat karna main hun na tu bas apna khayal rakhna.

Main.... Meri chinta mat karo mamma, Rahul hain abhi.

Mom.... Are jamai ji kya karenge, bahut se kam hote hain. Thik hai chal tu aaram kar main jald hi milti hoon tumse.

"Ohhhhhh ! Jaan ..... Thankyouuuuu. Aaj main bahut khush hun ... Tankyou, thankyou, thankyou"

"Aaooo ! Pari itna tej gale lagogi, khush hone ke bad tumhara kuch jyada hi kharnak andaz hai."

Main jaan se dur hat'ti huyi bilkul chhota sa muh bana li, aur poora chehra sikor kar unhe dekhte rahi. Mera act dekhte huye, unke poore chehra khil gaya. Pyari si hansi Rahul ke chehre par, aur aakar mere gale lag gaye.

Khusiyon se raushan tha humara janha, iske aane ki aahat kya huyi aaj to daman poora khusiyon se bhar gaya tha. Aaj dil se muskura rahe the hum. Main to Rahul ka chehra hi dekh rahi thi. Hum dono sath rahte to hamesa hi muskurate rahe, par aaj jo chehre par muskan thi uski baat hi kuch aur thi.

Bikul subah meri nind khuli kyonki Rahul aaj bhi subah jagte the, kuch bhi nahi badla tha. Main hi shadi ke baad thodi aalsi ho gayi, lekin aaj bhi Rahul wahi routein follow kar rahe the. Subah jab uthe wo, to uske sath main bhi jag gayi.

Main jab jagi to Rahul ne mere mathe ko chumte hue so jane ka ishara kiya...

"Kya jaan, aaram karne ko kaha hai, bed par patient ki tarah pare rahne ke liye Dr nahi boli. Main bhi aap ke sath thoda tahal loongi bas. Aap apna kam karna main paidal paidal ghum kar wanhi baithi rahoongi".

Meri zid par wo mujhe apne sath ground le gaye. Aadat chhut gayi thi, thoda hi chali to sans fulne lagi main wapas aakar bench par baith gayi aur jaan ko exercise karte dekhne lagi.

Ye to pahle se kaphi mehnat kar rahe the. Aur kya lag rahe the, eklauta mard us jagah par. Har ek andaj bilkul dil me basane wala. Main to unhe hi dekhti rahi.

Ghar wapas aayi to jaan ne phir had hi kar di. Mujhe un 4 sidiyon par nahi chadhne diye jo sarak se ghar tak thi. Sarak par hi apne gode me utha liye...

"Aap bhi na, ye aaj kal hua kya hai aap ko. Baba ye sarak hai utaro mujhe had hai ye to"

Na, kaun manta hai. Ye aur inka pyar. Kanhi bhi shuru ho jate kitna bhi mana kro nahi mante. Halanki main to mana upri mann se karti thi banki arman to yahi rahte ki ye aisa hi kare. Ghar ke ander aate hi subah-subah call Mrinal ko laga diye.

Phone se bas hello kahe aur direct point par aa gaye, "Mrinal tu bua ban'ne wali hai, Sonal ko bhi bata dena."

"Hellooo-hellooo" ..... "Jaan call cute ho gayi hogi. Bas 5 min ruko dono aati hogi".

Wahi hua jaisa maine kaha tha, aur waise hi dono pahunchi apne andaz me, jaise darwaje se hi aapas me baat karti huyi....

Mrinal.... Sonal, badhayi ho tu bua ban gayi le mithai kha.

Sonal.... Lo sukha sukha tu muh se hi bol le, mithai kanha hai

Mrinal.... Belated bacha, shadi ke gift ki tarah mithai bhi baad me milega.

Rahul..... O' dono ho gayi tumhari, mar li tane ya bhai ko aur nicha dikhayegi.

Dono aakar gale par gayi Rahul ke, "nahi bilkul nahi. Chhooooo sollyyyyyy. Thoda to muskuro hum to ye sab bas aap ke pyari si smile ke liye karte hain. Aaj aap dono ko kanha hona tha aur aap kanha hain. Bas aap ke pas nahi roti. Roj roti hun. Bahut miss karti hun bhaiya ... Bahut miss karti hun"

Rahul..... Ab ye tum dono ko kya hua. Thoda sa padesan hun ki koi bhi man'ne ko taiyar nahi. Par iska ye matlab nahi ki tum dono se dur hoon. Aur haan, rona band karo kyonki main tum dono ko rota nahi dekh sakta.

Har pal ke ashk. Khusyon ke me khusi ka izhar karti to gum me uski dastan batati. Hai ajib ye aanshu kisi bhi pal me nikal aate ye aanshu.

 

[StoryPublisher]

Update:- 163

Har pal ke ashk. Khusyon ke me khusi ka izhar karti to gum me uski dastan batati. Hai ajib ye aanshu kisi bhi pal me nikal aate ye aanshu.

Mrinal aur Sonal ka hona hi humare liye pura pariwar ke hone ke barabar tha. Kaphi der ho gaya aaye dono ko isliye Rahul ne un dono ko wapas laut jane ke liye kaha. Dono kabhi bhi humare pas se jana nahi chahti thi, lekin kuch majboori hi aisi thi, ki na chahte huye bhi unhe jana parta tha.

Dono ke jane ke baad fir sab doston ke sath sath chachu aur Aarif bhai ko bhi ye khushkhabri sunayi. Sab ne humre nanhi si aane wali jaan ke liye hume badhaeyan dene lage. Lekin kahte hai na jab bure waqt ka daur chalta hai to har khusi pal bhar ka mehmaan haoti hai. Wahi hamare sath hua.

Din ke 3pm baje jaan ko unki commandent leader ka phone aaya, emergency ke karan chuttiyan radd kar di gayi thi. Unhe jaldi se base par report karne ke order mile.

Ye kismat bhi kaise kaise khel khelti rahi thi, sam dhalte-dhalte chal diye apne farz ki ore, ek farz ko bhulate huye. Mere liye to ab rona, jaise aadat si ban gayi thi. Bas main roti huyi hi bidai di unhe. Is baar mere zid ke aage jhukna para aur unhone apne sath mujhe bhi railway station tak aane ka permission de diye.

Jab railway station jane ke liye nikle to chachu bhi hamare sath aaye, Rahul ne unhe khas mujhe wapas ghar tak le jane aur kuch apni baat karne ke liye bula liye the.

Hum jab plateform par the tab jaan ne mujhe gale lagate huye kahe.... "Pari ab tumhare sath do jindgiyan hai, rona aur udas mat hona ye din bhi gujar jayenge" fir chachu se kahte huye... "Chachu ab aap ke siwa Pari ko dekhne wala koi nahi, isliye Pari ka khyal rakhna ab aap ke upar hai."

Chachu... Rahul tum nischint hokar jao hum hain na yanha, tum sari chinta mujh par chhor kar cahle jao. Ye to meri beti hai, isliye iske dekhbhal ki chinta tum jara bhi nahi karo.

Rahul chale gaye, chachu bhi mujhe ghar pahuncha kar chale gaye aur jate jate bol gaye, jab padesani ho call kar dena , aur tabtak karti rahna jabtak phone na utha loon. Main bas haan me sir hila di aur jakar apne bistar par let gayi. Rahul ke jane ke baad to raat phir se kali aur tanha dikhne lagi.

Jindgi ek berang mausam ki tarah ho gayi, jisme koi bhaw nahi the. Bas thoda jo rang bhara tha wo humare bache ka tha bas usi ka khayal kar hamesa khush rahna tha.

Akeli thi ghar me, unhe gaye do din ho gaye the. Chachu aur chachi har aadhe, ek ghante par aate jate rahte the. Salma bhabhi bhi laut aayi thi, wo bhi roj aa jaya karti thi. Mrinal, Sonal ye dono to jaise mere dil ka haal janti ho, jab bhi akeli khud ko samjhti aa jaya karti thi.

Rahul ko gaye 4 din ho gaye the, din ke samay main apne mobile ko dekh rahi thi tabhi mujhe mom ki yaad aa gayi, unhone to kaha bhi tha "jald milne aaungi". Maine bhi call mom ko laga di....

"Kaisi hai meri bachi. Apna khayal to rakh rahi hai na"

"Mamma aap aane wali thi na usi ke bare me puchhne ke liye phone lagaya tha"

Kuch der mom khamosh rahi, main dobara puchhi unse ... "Kya hua mamma, aap chup kyon ho gayi"

"Pari, wo kya hai na .. Wo main .. Beta kaise kahoon tum se"

"Kya mamma, kya hai jo aap kah nahi pa rahi hain. Aap ne to khud kaha tha, kya hua, kuch to kahiye"

"Kya kahoon beta ! Tere papa nahi mane, bahut samjhane ki kosis ki par ......"

"Hammmm ! Koi bat nahi mamma, aap sab achhe hain bas hume chhor kar, koi baat nahi aap bhi kya kar sakti ho. Chalo rakhti hoon phone mujhe dr ke pass jana hai"

"Sun to Pari, Pari beta......."

Phone poori baat hone se pahle main cut kar di. Wanhi baith kar roti rahi. Main chidh chuki thi ab tang aa gayi thi apni faltu ki chahat se, sayad ye waqt bhi inthaan lekar ab thak chuka tha mujhe bhi ab shant ho jana chahiye.

Din gujarte gaye, maine ab akele jina sikh liya tha. Dhire dhire dard ko ander dabana sikh liya tha. Thodi si nafrat bhi pal li thi taki unki yad jab aay to bas nafrat ke liye aaye, taki afsos na rahe ki kyon nahi main apne pariwar ke sath hoon.

Chautha mahina chal raha tha. Pet me batlaw dikh raha tha. Kabhi kabhi main pyar se apne bachhe par hanth ferne ke liye apne pet par hanth fer deti. Ek pyara sa ehsaas dil me hota. Bas yahi to ek pyara ehsaas tha jo jivan ko khusiyon se bhar deta.

Unhi dino ek rat achank se mere pet me kaphi tej dard utha. Dr ne dard ki goli lene se mana kiya tha, isliye bina dr ki salah ke main kuch nahi kar sakti thi. Rat kaphi ho chuki thi fir bhi maine chachu ko phone laga di. Lagatar ghanti bajti rahi par chachu ne call nahi uthya.

Idhar mera dard mere sabr ka inthaan le raha tha. Dard ke mare main chatpata rahi thi aur poora badan pasina pasina ho gaya tha. Chachu ke taraf se jab koi respond nahi hua tab maine Aarif bhai ko call lagayi. Par unka mobile switch off aa raha tha.

Main kya karoon is muskil ghari me koi sun'ne wala nahi tha. Poori raat dard se tarapti rahi. Ek pal nahi so payi main, thik se kuch yad nahi par aakhri bar jab ghari par najar gayi thi tab 6am baj rahe the.

Kab soyi mujhe kuch yaad hi nahi. 12:30pm baje meri nind khuli, maine apni halat dekhi kisi badhal kam karne wali aurat ki tarah thi. Mujhe jo sabse pahle chinta huyi wo thi mere bache ki. Dard ab nahi tha lekin pet kuch bhari jaisa lag raha tha.

Jab uthi to himmat bhi jabaw de rahi thi. Kamjori pure badan me mehsus ho rahi thi. Jaldi se taiyar hokar akeli hi Dr ke pas pahunchi. Takriban 1 ghante bad mera no. aaya. Dr ko puri padesani batayi. Unhone kuch test likh kar diye, wanhi pas me janch ghar bhi tha, wanhi sare test hone ke liye de diye.

Test karwane ke baad dr ke pas wapas gayi unhe bata di, kal test report aayegi. Phir main unse salah lene lagi ki kal raat jaisa phir aaj na kanhi dard ho jay. Unhone kuch dawaeyan likh kar di aur boli jab tej dard ho tabhi lena ye goli, nahi to koi jaroorat nahi.

Main unse priscription lene ke baad apni jagah se jaise hi uthi dr ne mujhe tok diya .... "Kyon tum akeli hi aayi ho tumhare husband ya ghar se koi nahi aaya." ...... "Ji wo mujhe dard huyi to main bina bataye chali aayi"...... "Pagal ho kya tum, aise samay me apna nahi to kam se kam apne bache ka to khyal karo, hamesa kisi ke sath aayi karo" ...... "Soory madam, aage se khyal rakhoongi"

Main bahar nikalte hi apne khyalon me sochti huyi nikal gayi.....

"Kaun akele rahna chahta hai, par kya karoon itne din bite phir bhi sabki najron me main hi galat hun. Ab mujhe paun bhi kyon na pakrna pare, main apne bache ke liye wo bhi karoongi par ab main wanhi rahungi."

Main wapas aakar let gayi aur mann me apne vichar bana chuki thi ki aaj se mujhe apne sasural me hi rahna hai. Akeli rahi to uska sidha asar mere bache par ho sakta hai. Main sam hone ka intzar karne lagi aur aakar apne bistar par leti thi ...

Abhi aaram hi kar rahi thi ki ghar ka bell bajna shuru ho gaya, darwaje par chachi aur chachu khare the...

"Sorry Pari beta, actually kal raat ko phone silent tha isliye call receive nahi kar paye. Tum thik to ho na".

"Haan, mujhe thoda darr lag raha tha isliye phone kar di banki chinta ki koi baat nahi" ... Mere to kam ho gaya tha isliye phaltu me in dono ko apne bare me bata kar kyon guilty feel karne deti, isliye maine jhoot kah diya.

Chachi... Ohhhh ! Hota hai beta aise samay me kabhi kabhi bure sapne aate hain, sorry beta kal raat ke liye, ek kam kyon nahi karti tum raat ko wanhi aa jaya kar sone.

Main... Are nahi cahchi ji, mujhe koi padesani nahi, aap fikr nahi kare kuch hoga to main phone kar dungi. Fir yanha ek aap hi to hain.

Chachi.... Chal thik hai tu aaram kar main ab jati hun.

Chachu aur chachi ke chale jane ke baad main bhi thoda ghar ke kam me lag gayi. Sam huyi to apne soch ke anusar main sasural pahunchi. Har bar ki tarah aaj bhi hall me koi nahi dikha, main is bar bahar nahi sidhe hall me jakar baith gayi.

Kahani kuch aisi thi ki jab main bahar intzar karti thi tab ghar me koi log nazar nahi aate the siway ek-do naukar ke, aur wo bhi mujhe nazar andaj hi karte the. Ghanto intzar ke baad mummy ji nikal kar aati thi, aur khari-khoti suna kar chali jati.

Lekin aaj mere hall me bath ne ke 2 min me hi mummy ji pahunchi ....

"Dekho main tumse pahle bhi kayi bar kah chuki hun yanha mat aaya karo, tumhari haalat dekh kar main shant hun warna dhakke mar kar ghar se nikal deti"

"Mummy ji, aur kitne din tak naraj rahiye'ga. Main bhi usi haalat ka wasta deti hun mujhe yanha rahne dijiye. Main koi sikayat ka mauka nahi dungi. Aakhir aap bhi to dadi hi hain iski"

"Bari aayi, main aur iski dadi, sawal hi paida nahi hota. Tu ye kyon nahi kahti ki tujhe abhi sewa ki jaroorat hai, tujhe apne pet ke sath koi padesani nahi ho isliye tu hum sab ke sath rahna chahti hai. Main tujh jaisi chalu ladki ko achhe se janti hun"

"Mummy ji aap ko jo kahna ho kah lijiye jo samjhna hai samjh lijiye, lekin sach to yahi hai aisi haalt me mujhe aap sab ki bahut jaroorat hai, mera nahi kam se kam is bache ka khayal kijiye"

Meri baat sunkar mummy ji thodi sochne lagi, aur kuch sochte huye mujh se puchhne lagi....

"Kyon, tum apne papa ko phone ker deti. Unke pas itna paisa hai ki hum jaise logon ke line laga dete."

"Aap logon ke jaise wo bhi naraj hain mummy ji, is waqt bhi sab narajgi dikhaoge, kuch to taras khao meri haalat par"

"Bikh kyon mang rahi hai, jo jaisa karta hai usko waisa hi fal milta hai. Tu meri najron me aaj bhi wahi hai jo kal thi. Tujhe bura-bhla kah kar main apni juban gandi nahi kar sakti. Jo apne maa baap ki nahi huyi wo humari kya hogi. Tum apna aasra kanhi aur dhoond lo is ghar me tumhare liye koi jagah nahi"

Roti main, mere aanshu thamne ke naam nahi le rahe the. Kisi tarah khud me himmat juta'te huyi boli.....

"Sab ko aaj apni pari hai koi mera nahi hua. Kisi ne mere bache ke bare me nahi socha ab main bhi kewal apne liye hi sochun'gi. Jitna aap sab ne mujhe rulaya hai dekhna us se jyada ek din aap pachtaoge".

Bas ek faisle ke sath nikli main wanha se .... "Poori huyi kosis. Ab koi baat nahi hogi. Main unke liye pahle se mar gayi thi aaj humare liye wo. Ji lungi bas main bhi ab apne jaan ke sath, un logon ke sath jinhe meri fikr hoti hai.

Us din ke baad main fir pichhe mur kar nahi dekhi, din bit'te chle gaye. Main bas aane wale kal ke liye khush thi. Esi khusi ko char chand tab lag gaye jab jaan chutti lekar wapas yanha aa rahe the.

Aathwa mahina chal raha tha jab jaan yanha pahunche. November last week ki delivary date thi. Unke aane se aisa lag raha tha jaise pariwar poora ho gaya ho. Ab to koi malal bhi nahi tha ki koi hai ya nahi hai hamare sath.

Rahul pahunchte hi mujh se milne ke baad ghar ke bare me puchhne lage, ki kisi ne intrest dikhaya ki nahi humare is nanhe se jaan ke liye. Main man hi sochne lagi, "humare marne jine se ab unhe koi fark nahi parta Rahul isliye ab aap bhi iss bat ko bhul jaeye, unhe yaad kar bas dard hi milega"........

 

[StoryPublisher]

Update:- 164

Rahul pahunchte hi mujh se milne ke baad ghar ke bare me puchhne lage, ki kisi ne intrest dikhaya ki nahi humare is nanhe se jaan ke liye. Main man hi sochne lagi, "humare marne jine se ab unhe koi fark nahi parta Rahul isliye ab aap bhi iss bat ko bhul jaeye, unhe yaad kar bas dard hi milega"

"Pariiiii, kaun se khaylon me khoyi huyi ho"

"Kuch nahi jaan, main to apni haalat ki wajah se fail ho gayi. Ab sab aap ke upar hi hai"

"Nahi Pari, safalta aur asaflta to hote rahte hain, jaroorat hai to bas hum apna kam poori imandari aur dil se karte rahe"

"Hammmm ! Sach kahe jaan, waise ek kam par to dhyan hi nahi diya aap ne"

"Kaun sa kaam Pari"

"Mujh par aur kis par jaan"

"Ha ha ha ! Ab main fursat, tumhara nanha mehman ab sara kam dekh lega. Pahle kuch sal tum ise dekhna, fir jab bara hoga/hogi, jo bhi ho, to tumhara dhyan rakhega"

"Oh ! To aap apni jimmedariyon se bhagna chah rahe hain"

"Achha, aisa kah diya maine kya ? Chalo manph karo baba, ab ye batao aaj tum dono kya khana pasand karoge"

"Kuch bhi jo aap ki marji ho, main bhi to dekhoon ki aap khane me kya pakate ho"

Jaan chal diye kitchen ki taraph aur main aaram karne lagi. Raat ka dinner ready tha.....

"Oh hooo ! Aaloo ke parathe kya baat hai, aur ye kya ? Rajma, pulao. Jaan aap na retirement ke baad restro kholna, dekhna log ungliyan chaba kar khayenge"

"Lo fir to chal gaya restro, jab logon ke pas ungliyan hi nahi rahegi to khayen'ge kya"

Chhoti-chhoti baten aur dher sara pyar, apno ke sath bitaye pal ka maza hi kuch aur hota hai. Teen din baad dashara shuru hua humne bhi badi shraddha ke sath devi maa ki pritima ko asthapit kiya apne ghar me.

Apni-apni dharnayen bhi thi dashare ke samay ki. Pooja shuru hone ke pahle hi chachi mana kar chuki thi mujhe kanhi bahar na nikalne ke liye poore dus din. Khair, rudhiwadiyon ko to nahi manti main, lekin phir bhi unhe bol di ki kosis karoongi.

Poora din jaan sath me hote, meri har chhoti-bari jaroorton ko poora karte huye. Devi-maa ki kripa se sabkuch bilkul sahi chal raha tha. Panchami ka din tha, jaan jab se aaye the kewal mere pas hi pas rahte, ek pal ke liye unhone akela mujhe nahi chhora tha. Ussi sam meri zid ki wajah se hum ghumne nikle.

Sahar me kayi jagah, bare bare pandalon me murtiyan asthapit ki gayi thi. Hum kaphi der tak ghume raat ko bahar dinner ker ke hi wapas laute. Kaphi thak gayi thi isliye subah der se nind khuli.

Aankh khuli to chehre par muskan aa gayi thi. Table per ek note para tha.....

"Uth gayi, chalo ab dhyan rakhna apna. Sara kam ho chuka hai. Tum aaram se nasta ker lena, main bhi jara mom-dad se mil ker aaya. Aaj sayad devi-maa ki kripa rahi to kuch na kuch achha hi hoga. Love you, take care"

Main unka note padhne ke baad muskurati huyi bas man me me yahi sochne lagi... "Ye bhi na"

Main nasta karne ke baad bistar per leti tv dekh rahi thi, Tabhi achanak Salma bhabhi subah-subah ghar aayi...

"Aaj itni subah bhabhi, kya hua Aarif bhai se jhagar kar aa rahi hain kya"

"Hehe, kya bol rahi ho Pari. Aisi koi bat nahi hai bas sochi mil lun tumse isliye aa gayi. Waise kaho to chali jaun, kyonki jab se Rahul aaya hai tab se to ek call bhi nahi ki ho"

"Sach me aisa kiya kya maine bhabhi, agar aisa hua hai to bhi ignore karo, kitne dino baad aate hain wo, aur aap hain ki is baat ko lekar subah subah mujh se jhagra karne chali aayi"

"Tum se bahas hi kyon ker rahi hun. Rahul bhaiyya kanha hain"

"Wo thoda ghumne nikle hain abhi aa jayenge"

Hum dono lady ki chit-chat jab shuru huyi to hum mohlle se lekar tv, aur tv se lekar desh duniya sare hi topic par bina ruke discussion karte hi rahe. Hum apni baat chit me magan the tabhi Rahul ke chillane se hum chaunk gaye ...

"Pari tumhari himmat kaise huyi aisa kahne ki"

Maine pahli bar Rahul ko itne gusse me dekh rahi thi, hum dono to bilkul aschrya se unhe hi dekh rahi thi aur dimag me ki aakhir hua kya...

Salma bhabhi .... Kya ho gaya.

Rahul.... Kuch nahi Salma bhabhi, main nahi rahta to iske jo mann me aaye wo karegi kya ?

Main..... Par aisa kya kar diya maine jo aap itne gusse me hain ?

Mera bolna sayad Rahul ho achha nahi laga aur gusse me aakar unhone mujhe ek thappar mar diye. Kaphi jor se laga wo, kuch pal ke liye to andhera sa laga aage. Itni jor se mare the ki Salma bhabhi ke muh se aah nikal gayi.

Salma bhabhi bilkul apni aankhen bari karti hue Rahul se kahne lagi ...

"Pagal to nahi ho gaye kya ? Tumhe sharam aati hai ki nahi, aisi haalat me tumhri himmat kaise huyi Pari ke marne ki"

Rahul.... Bhabhi aap nahi janti isne kya kiya hai. Isne wo kar diya jo maine kabhi socha bhi nahi tha.

Main.... Bhabhi hat jaeye aap samne se, bol lene dijiye, main bhi to sun lun ki kya aisa kya ker diya maine. Jaan btaeye baat kya hai ?

Mujhe rote huye jab jaan ne gusse me kahte suna to unka temper bhi thoda sa low hua.... "Pari, tum hoti kaun ho mom se kahne wali ki wo pachtayengi, aur unka bura hoga. Tum soch bhi kase sakti ho pagal.

Main.... Kyon na kahun jaan, raat bhar dard se chhatpatati rahi mujhe dekhne wala koi nahi tha, kaise dard me puri raat bitayi main hi janta hun. Itne dino tak kosis karti rahi, sab apna le hume. Lekin kissi ne palat kar dekha tak nahi. Kyon na kahti jaan, meri haalat par bhi daya nahi aaya, paun tak pakre maine phir bhi daya nahi aayi unko.

"Aap mujhe bhale hi kaat do mujhe koi gum nahi, par maine jo kiya uaka bhi mujhe koi afsos nahi"

Pata nahi kyon par aaj main bhi kaphi gusse me thi. Aur gusse me bahut kuch bol gayi unhe. Rahul meri baton ka koi jabaw nahi diye, bas gusse me bahar jane lage.

Main unhe gusse me jate dekh bardast nahi kar payi, main bahut teji se uthne ki kosis me thi, par Salma bhabhi ko jaise hi laga ki main kuch aisa karne wali hun, unhone kandhe ko pakra aur mujhe shant karne lagi ....

"Pari, bewkuf ye tum kya kar rahi ho, baithi raho apni jagah. Abhi gusse me gaya hai jab gussa thanda hoga to wapas aa jayega"

"Lekin Salma bhabhi wo kitne gusse me the. Please unhe rok lijiye"

"Achha tu shant baith aur rona band ker, main inko phone ker deti hun wo Rahul ko samjha ker wapas le aayenge"

Salma bhabhi ne turant Aarif bhai ko phone lagayi. Phir lagatar wo mujhe samjhane ki kosis karti rahi "pariwar me kabhi kabhi aise halaat ho jate hai. Thande dimag se kaam liya karo. Pati jab gusse me ho to shant rahna chahiye, baad me jab gussa shant ho jaye phir samjhana chahiye"

Main bhi apna paksh rakhti huyi boli... "Bhabhi main kya karoon, maine itni minnate ki, paun tak pakre unko ye Rahul ko najar nahi aaya par gusse me jara bol kya di, to naraj ho gaye. Mummy ji ko ye nahi kah hua ki unhone mere sath kya kiya. Hamesa sab mujhe hi galat sabit kar dete hai"

"Main sab janti hun Pari, lekin aapas me khincha-tani se kya koi hal nikalna hai, ulta baat aur badh jayegi. Ab shant rah thoda sa Rahul aa jayega"

Baat koi bhi ho par wo gaye itne gusse me the ki mujhe ab khud par afsos ho raha tha, ki kyon main itna bol gayi, kyon shant na rah saki ?

Subah se dopahar ho gayi par koi khabar nahi aayi. 3pm baje ke karib Aarif bhai aaye aur unhone Salma bhabhi ko chay banane ko bolkar mere pas baith gaye....

"Pari, chinta chhoro Rahul thoda gusse me tha, isliye itna bol gaya"

"Aarif bhai aap mile kya unse"

"Haan mil liya, afsos jata raha tha bechara, kah raha tha 'main janta hun Aarif bhai jaroor koi badi baat thi tabhi Pari aisa bol gayi, nahi to wo kabhi aisa nahi kahti. Lekin gussa mujhe iss baat ka hai ki wo meri Pari hai, use khud par thoda kabu rakhna tha, aur yahi baat soch kar sayad main gusse me aa gaya, upar se mom jab batayi ki aisa aisa bol gayi hai tumhari Pari, to main mom ko to nahi suna saka lekin jispar haq tha use suna diya. Par mujhe hanth nahi uthana chahiye tha, mujhe behad afsos ho raha hai, kaun sa muh lekar jaun Pari ke pas'."

"Main bhi kitni badi duffer hun, sorry to mujhe kahna chahiye tha, wo kya soch rahe the aur main kya samajh baithi"

"Koi baat nahi hai Pari, tum abhi to bilkull bhi padesan na ho, aur haan Rahul ne kaha hai teen din baad lautega, use chadigarh army base par kuch kam hai niptakar jald wapas aayega"

"Kya ????? Had hai inki naukari bhi, chutti me bhi kaam karwati hai"

"Pari kah to bol dun ki abhi humari Pari ko uske jaan ke siwa kuch nahi sujh raha, isliye tum mat jao kanhi"

"Are nahi, nahi unko jane dijiye, waise bhi aaj jo kuch bhi ho raha hai sab meri wajah se hi hai, unko rok ker aur jyada padesan nahi kijiye"

Itne me salma bhabhi chay lekar aa gayi, hum teeno hi chay ki chuskiyon ke sath baat karne lage. Dono mujhe gristh jivan ke bare me samjhate rahe aur main sunti rahi. Chay khatam hone ke baad aarif bhai Salma bhabhi ko mere hi kuch din rukne ka bol kar chale gaye.

Halanki main lagatar Arrif bhai se kahti rahi mujhe kisi ki jaroorat nahi, lekin phir bhi unhone meri ek nahi suni aur Salma bhabhi ko mere pas chhor kar chale gaye. Jate jate unhone Salma bhabhi se kuch kaha, bara hi ajib tha dono ka apas me baat karna, Aarif bhai se baat karte samay Salma bhabhi ka chehra pura utar gaya. Main jigyasa wash puchh baithi ....

"Kya hua koi chinta ki baat hai kya"

Salma bhabhi.... Nahi Pari koi chinta ki baat nahi hai, bas inhone jo nayi company join ki hai wanha se bahut padesaniyan ho rahi hai.

Salma bhabhi ki baat sunkar mera bhi chehra utar gaya. Uske baad main bhi kuch nahi puchhi aur apni baten poori kar Aarif bhai chale gaye. Yun to Aarif bhai 3 din me hi jaan ki wapsi ka kah kar gaye the Aarif bhai puri pooja samapti ho gayi. Hafta bit gaye na to Aarif bhai us din ke baad laute aur na hi unki koi khabar aayi.

Aathwa din tha, meri najar akhbar pe gayi, meri to dharkane ruk gayi, itna bari baat Aarif bhai aur Salma bhabhi ne ab tak chhipaye rakhi. Tabhi itne dino se Salma bhabhi yanha thi aur ja nahi rahi thi. Main chillayi .... "Bahabhi ... Bhabhi .... Bhaaaabhiiiiii"

 

[StoryPublisher]

Update:- 165

Aathwa din tha, meri najar akhbar pe gayi, meri to dharkane ruk gayi, itna bari baat Aarif bhai aur Salma bhabhi ne ab tak chhipaye rakhi. Tabhi itne dino se Salma bhabhi yanha thi aur ja nahi rahi thi. Main chillayi .... "Bahabhi ... Bhabhi .... Bhaaaabhiiiiii"

Salma Bhabhi..... Pari, kya hua....... Kya baat ho gayi. Tum itna tej chillayi kyon, kya ho gaya ?

Main.... Kyon bhabhi aap sab mujh se kyon jhoot bolte rahe, ye dekhooo ! Batao ye sab kya hai.

Salma Bhabhi.... Pari, shant ho jao.

Main..... Bhabhi aap kaisi baten ker rahi hain, aap samajh bhi rahi hain ki aap kya bol rahi hain. Hatiye aap, main koi bhi baat nahi sun'na chahti. Kismat me na jane aur kaun kaun se din dekhne banki hain. Main hi mar kyon nahi jati. Main mar kyon nahi jati. Na jane aur kya kya din zindgi dikhayegi.

Salma bhabhi.... Tu apni is haalat me jana chahti hai to chali ja, par kya Rahul tujh se kabhi najar mila payega jab tu use jail me dekhe'gi. Tum shant ho jao, iss samay Rahul ko tumhari sabse jyada jaroorat hogi, Rahul ne hi mana kiya tha tum se ye baat chhipayi jaye. Wo nahi chahta tha ki kabhi tum use aisi haalat me dekho. Jao chali jao, gira do usse khud ki hi najron me"

Main.... Main kya karoon bhabhi, main kya karoon

Salma bhabhi.... Shant ho jao Pari, Rahul ki jamanat aaj ho jayegi, tum aise dikhana jaise tumhe kuch pata hi nahi. Wo khud tumhe batyega sari baat.

Kismat bhi kya ajeeb khel rach rahi thi, unpar public voilence, marpit aur pata nahi na jane kya kya charge me ander ker rakha tha. Pata nahi ye sab kya ho raha tha. Ek to ye maut aati nahi aur zindgi padesani dene me koi kasar chhorti hi nahi. Kaise khud ko shant karoon.

Salma bhabhi ki baat sach huyi, 3pm baje tak jaan bhi laut aaye, unhe dekh pane ki himmat nahi ho rahi thi, na jane kya hua tha, kyon hua tha kuch pata nahi. Par dil ko bas itna pata tha ki jaan par koi bahut bari musibat aayi thi.

Wo jab se aaye bas shant khare the. Mujme itni himmat nahi thi ki main najren mila sakoon, aur jab se jaan aaye the gusum bas hall me baithe huye the. Salma bhabhi bhi Aarif bhai ke sath ja chuki thi aur poore ghar me matam sa chhaya tha.

Mujhe laga jaan meri chuppi se kanhi ye na samjhe ki main kuch bhi janti hun isliye main hi bol pari ..... "Aji sunte ho, jara idhar to aaeye kayi din huye aap ki soorat dekhe, jara jhalak to dikhate jaeye"

Meri baton ka koi jabaw nahi diya Rahul ne bas dhime-dhime meri ore aane lage... "Kya hua Rahul aap aise shant shant kyon hai, dekho aap ka bacha bhi aaj kitna shant dikh raha hai"

Rahul ab bhi kuch nahi bole, bas mere pas aakar khare ho gaye. Unke shant chehre par dard saaf najar aa raha tha, ek najar unhone mujhe dekha, phir ghutno par baith'te hue mere pet par ek bar hanth fere aur use chumte huye rone lage.

Kitna dard tha unke ander, jo aaj ek trained fauzi ke aankhon se aanshu la diye. Maine unka chehara apne hathon me tham uske anshu pochhe, aur apne pas bitha unhe gale se laga liye. Jaise lag raha tha wo kisi sukoon me hai, kaphi der tak mere sine se lage rahe, phir khud ko alag karte huye kahne lage ....

"Sab kuch khatam ho gaya Pari. Sab kuch khatam. Main tumhe koi sukh nahi de paya"

"Jaan aap ye kya bol rahe hain, mera sab kuch to aap hi hain, aap hi himmat har jaen'ge to phir hum dono ka kya hoga"

"Pari mere sare arman mitti me mil gaye, main toot gaya Pari, aisa lag raha hai jaise zindgi gali si lag rahi ho"

"Rahul aap aisa sochenge to mera kya hoga, muskilen kitni bhi bari kyon na ho, hum milkar us ka bhi samna ker lenge"

"Maloom hai Pari, ek fauzi ka sina kab chaura hota hai, jab use koi maddel mile. Aur janti ho maut se bhi badh kaun si saza hoti hai, jab uska court-martial ho"

"Kyaaaaa ??????????? "

"Haan Pari, mujhe maut se bhi badh kar saza mili. Pari, us din jab main yanha se nikla to kaphi gusse me tha, khud se chidh hone lagi thi, main samajh nahi pa raha tha ki main kya karoon. Mujhe Aarif bhai mile, unhone mujh se baat ki, mujhe kaphi feel ho rahs tha, ki baat jo bhi ho maine hanth kyon uthaya"

"Itne me maine dekha ek policewala kisi couple ke sath badtamiji ker raha tha. Main Aarif bhai se baat bhi kar raha tha aur sab dekh bhi raha tha. Bechara wo husband apni patni ke samne jalil ho raha tha aur aisa laga jaise ashay wo kuch nahi ker pa raha ho"

"Mujh se bardast nahi hua aur maine us police wale ko kandhe se pakar kar side ker diya. Inki to zuban hi gandi hoti hai, wo police wale mujh se gali se baat karne laga. Gussa to pahle se tha phir bhi use bahut samjhane ki kosis ki, lekin wo baat kam aur gali jyada de raha tha, mujh se bardast nahi hua aur maine uski bhare market me pitai ker di"

"Mujh per usne kayi charges lagaye, mamla yanhi chandigarh defence office me gaya, aur sabse badi baat maloom hai Pari kya hua, jin dono ke liye main gaya wo dono gayab hi ho gaye phir dikhe hi nahi, natija ye hua ki mujh par ek on duty governent personnel ko marne ka charge, mentally sick, public violence. ka charge laga ker mujhe......."

"Mujhe under the act of IPC se saja ke liye bhej diya gaya. Yadi Aarif bhai na hote to pata nahi kya hota. Unhone hi poori bhag daur ki aur mera bail karwaya, mujhe manph ker do Pari main fail ho gaya"

"Offf hoo ! Ab aap yahi baton ke liye padesan honge ya phir aage ka soche. Jo bit gaya jaan use bura sapna samjh ker bhool jao"

Jaan bilkul gumsum mere pas baithe rahe. Unka dard unke chehre se saf jhalak raha tha. Sam tak Aarif bhai bhi aa gaye sath me chachu bhi aaye the. Hum logon se mile kuch der baten kiye aur chale gaye.

Jaan bilkul mayus sam ko ghar se nikle ye kah ker aata hun thodi der me, maine unki haalat dekhti huyi kuch na puchhi, jab wo laute to larkhrate huye laute. Ye Rahul nahi larkhara rahe the humare bure waqt ki had karkhra rahi thi, jo humari jindgiyon ko maut se badtar saza de rahi thi. Ek ke baad ek, bura daur thamne ka naam hi nahi le raha tha.

Jaan ko toot'te main apni aankhon ke samne dekh rahi thi, aur main kuch ker bhi nahi pa rahi thi. Aur kitna sahna mere nasib ne tha. Har roj ek badtar zindgi dekhne ko mil rahi thi....

Unki halat itni kharab thi ki wo thik se chal bhi nahi pa rahe the. Main uth kar unhe sambhalne gayi ho thi, ki ek gunj Rahul ke awaz ki gunji ....

"Tum kanha uth kar chali aa rahi ho Pari, ye dekhne ki main jinda hun ya mar gaya, meet Cap. Rahul Sinha, jo ab nakara hai. Aao tum bhi dekh lo mujhe, main tumhara nakara pati. Bahut pyar karti ho na Pari mujh se ek kam karogi, mujhe thoda zehar de do, iss bojh ke sath main nahi ji sakta. Gali ki tarah aatma par laga hai ye court-martial"

Ajib kas-m-kas me raat biti. Main siwas rone ke kuch bol bhi nahi pa rahi thi. Main asahaay thi aur Rahul lachar, aur humara koi sahara bhi nahi.

Subah chachu ka phone aaya, unhone jaan ko bataya ki bail karane me ₹10 lac ka kharch aaya tha, jo sabko manage karne me diya unlogon ne. Itne salon me aaj pahli baar paisa kya hota hai hum ne jana. Aarif bhai aur Chachu ne jo apne pas se kuch deposit kiye the unhe chhor ker filhaal ₹6 lack ka arrange karne ko kahe, jo unhone humare liye logon se liye the.

Jaan bilkul apne mathe par hanth dal kar baithe the, ek to pahle se wo itne padesan the upar se ye paise ki padesani, main unke pas khari hokar unke kandhe par hanth rakhti huyi.....

"Jaan aap kyon itna padesan hai, aise padesan hone se koi hal nahi nikalne wala"

Unhone ek bar apna sir utha ker dekha aur meri kamar se lipat'te huye bari hi dard bahri awaz me kahne lage ....

"Pari kya ye aaj tak jo hum achhe kaam karte aaye hain, kya ye uski saza mil rahi hai"

"Jaan yaad hai aap ne ek bar apni chitthi me likha tha, jine wale dard ka samndar lekar jite hain, phir humari padesani to kuch bhi nahi. Aur aaj aap hi is tarah se toot rahe hain. Aap hi agar aise himmat har jayenge to hum dono ka kya hoga"

"To kya karoon Pari, mujhe to kuch samjh me hi nahi aa raha"

"Jaan ek kaam kijiye, ye mina kumari ki tarah sad look dene se achha hai, madhuri ki tarah smily look me aaeye. Sab se pahle to unka sochiye jinhone humari madad ki hai"

"Hammmm ! Kanha se tum me itni himmat aayi Pari. Sorry main bahut jyada hi niras ho gaya hun. Par ab nahi. Sahi kahi pahle un dono ke paison ka intzam karta hun, lekin sab total mila kar to ₹60K se jyada paise hai hi nahi. Aur ise bhi de diya to phir aane wale samay me kya karenge"

"Good question jaan ! Kuch bhi ho pahle main, khabardar jo un ₹60K ko aap ne hath lagaya to"

"Haynnn ! Pari meri cuteee, tum ye batao ki tumhare dimag me kya chal raha hai"

"Kuch bhi to nahi, ab bhala hume car ki kya jaroorat. Aur Mr. Topper abhi kuch dino ki hi to bast hai, aap ko koi na koi achha job to milna hi hai, to ye jo jewar kuch pare hain unka kya exibition lagayenge. Sabko bech dalo aur sara paisa collect ker lo, aur unhe de do."

"Lekin Pari ye to ......"

"Aanhhhhh ! Ab jaldi jao'ge laut ker khana bhi bana'na hai aap ko"

"Ha ha ha ! Yesss madam ji, jaisa aap kahen aap ka gulam aap ki baat ko kaise tal sakta hai"

Jaan ke chehre par aayi hansi ne mere dil ko ek asim si rahat di, 5pm baje tak jaan sara cash lekar wapas laute. Lekin total me ab bhi ₹1 lac kam tha. Jaan thode se mayus dikhe per main unse apni baat rakhte huye boli .... "Jaan phone ker ke dono ko aap bula lo aur de do paise, wo apni majboori samjh jayenge.

Jaan ne thik waisa hi kiya, ₹50K dono ko kam diye, per kisi ne kuch nahi kaha aur wo paise lekar wapas chale gaye. Bahri samsya ka nidan to hi gaya, per ander se joojhti zindgi aur dil ke dard ka koi ilaj ab tak nahi tha.

Sayad wo mujh se chhipa to rahe the par chehre par unka dard saf chhapa hota. Wo dard jo main unki hansi me bhi mahsoos kerti. Waqt ne humare zakhmo par koi marham to nahi lagaya per aane wala har samay ek naye zakham de jaroor jata.

Jab Rahul ko dard bardast nahi hota to wo pine baith jate. Kaphi chhipate mujh se ki mujhe pata na chale, per wo to meri jaan the bhala kaise na pata chalta. October ke aakhri hafte me Aarif bhai ki madad se unko kaam bhi mil gaya. ₹20K ki naukri thi, aur office ka kaam, lekin filhaal guzara ke liye kaphi tha.

Dhire dhire samay bit'ta gaya aur mere delievary ki date bhi najdik aati gayi. Issi november ke mahine me meri delievary thi. Jaise jaise din najdik aa rahe the, hum apne sari padesaniyon ko darkinar kerte huye, bas aane wale ke liye kaphi excited aur khush the.

 

[StoryPublisher]

Update:- 166

Gujre waqt ne khusiyan kam aur gum jyada likhe the, par hum bhi un gumon ko angutha dikhate huye chhoti-chhoti chijon me khusiyan dhoond hi lete the. Deepawali ka tyohar tha, hum kaphi khusi se uski taiyari kar rahe the. Kuch din bit chuke the, life humari ab thodi noramal si huyi thi.

Jaan ne poora ghar saja diya. Mrinal aur Sonal ko bula kar sab ke diwali ka advance gift bhi ghar bhijwa diye the. Mera aakhri mahina chal raha tha isliye main kuch bhi madad nahi ker pa rahi thi jaan ki, haan bich-bich me unki tang jaroor khinch deti thi, ye yanha mat lagao, ese yanha lagane se achha hai wanha lagao. Rahul bhi meri baton par muskurate huye bas sabko waise hi arrange karte jaisa main kahti.

Deewali ki raat thi, ye haar ki jit par raat thi, diyon aur jagmati rausni ki raat thi, ek khusiyon ke sandes si raat thi, janha pura pariwar milkar deewali manate the. Lekin ye humare liye kali andheri raat thi.

Us din ke baad phir kabhi deewali mere liye raushni lekar nahi aayi. Sam ke 6pm baj gaye the, thand ka samay tha andhera jaldi ho gaya tha. Jaan bahar diya jala rahe the, bache bahar patakhe jala kar sam ka swagat ker rahe the.

Jag-mag raushni se sam saj rahi thi, tabhi achanak kisi ka jalaya ek rocket sidha humare ghar ke ander aa ker foota. Rahul bahar the unhe pata bhi na chala ghar ke ander kya hua. Rocket khidki ke parde ke pas phooti. Dekhte dhekhte parde me aag lag gayi.

Main jab ye dekhi to apni jagah se harbara ker uthi, aur hall ke ore aag bujhane aayi. Niche farsh par tel bikhra tha, aage kanch ki glass rakhi thi jisme sayad tel tha diye me dalne ke liye.

Achanak se mera paun farsh par bikhre tel par para, mera santulan bigra, aur main dham se pet ke bal sidhe glass ke upar giri. Aur dard ki wo chinkh .... Aaunnnnnnnn ! Maaaaaaaa

Dard ka wo lamha yad ker ke aaj bhi meri ruh kaanp jati hai. Mere behosh hone se pahle tak bas itna dhyan hai ki Rahul bhagte huye ghar ke ander pahunche, aur aankh jab khuli to main hospital me thi.

Par mere behosh hone se pahle aur aankh khulne ke bich meri puri duniya uzar chuki thi. Mere pas kuch bhi nahi bacha tha. Mera sansar bikhar gaya tha.

Aankh jab khuli tab Salma bhabhi, Chachi, Sonal aur Mrinal mere pas thi aur koi bhi nazar nahi aa raha tha. Bechain najron me kayi sare sawal the aur main uska jabaw jan'ne ki lalsa me un se puchh baithi ....

"Mera baccha kanha hai, Rahul kanha hai"

Mera sawal sun ker sab maun vart dharan kar liye, matam sa sannata chhaya tha wanha per, unke chehre se saf pata chal raha tha ki kuch aisa hua hai jise batane se sab hichak rahi hain. Chinta ki sikan mere mathe per fail gayi.....

"Aap sab batate kyon nahi kanha hai mera baccha, Rahul kanha hai"

Main lagatr roye ja rahi thi aur unse puchhe ja rahi thi, tabhi ek nurse aayi aur sabko danti huyi bolne lagi ...... "Aap sab ko bola tha na ki patient ke hosh aate hi hume khabar kariye, aur yanha aap sab itni bhir kyon laga rakhi hai, chaliye uthi'ye jaeye yanha se"

Main.... Sister inhe rahne dijiye na, aur mera baccha kanha hai.

Ek vyakul maa ka mann apne bache ko dekhne ke liye bilkul chhatpta raha tha aur yanha koi sun'ne wala hi nhi tha mera.

Nurse.... Aap ka bacche ko neo ward me rakha gaya hai, kal tak aap ke pas hoga.

Main.... Ltekin usse to mere pas hona chahiye na.

Nurse... Padhi likhi hokar aisa sawal kar rahi hain, yanha usse infection ho jata, waise bhi aap ki haalat abhi thik nahi huyi hai, chalye dawa le lijiye.

Nurse ki baat sun ker phir main kuch nahi boli, usne kuch dawayan di aur ek do injection laga ker chali gayi. Na din yaad tha na calender, bas itna yad tha ki do teen bar halki aankhen khuli hospital me dawa li aur phir nind me.

Ek bahut hi bara mazak jo mere sath kismat khel chuki thi use bas mere thik hone tak chhipaya ja raha tha. Us ek hospital ki yadast ke baad jab main hosh me aayi to apne ghar me thi. Maine hosh me jab charo ore dekha to pata chala ye mera ghar hai.

Bahar hall me kai log baithe the, main apne aas-pas bas do logon ki lalsa lagaye najren idhar udhar daura rahi thi, ek mere jaan Rahul aur dushra humara jaan humara bacha. Per dono me se koi bhi najar nahi aaya.

Maine phir awaz lagayi ...... "Jaan ... Jaan" .. Main pura kamjor ho chuki thi, gale se awaz kisi tarah nikal rahi thi. Meri awaz par hall me baithe sabi, Mrinal, Sonal, Aarif bhai, Salma bhabhi, chachi aur chachi sab ander aaye.

"Mera Rahul kanha hai, jaroor apne nanhe ke sath khel rahe honge, ab jara mujhe bhi dikha do mere lal ka chehra" ... Dono ko dekhne ki khusi mere chehre par saf najar aa rahi thi, aur meri baat sun ker sabhi mera muh dekh rahe the.

Main... Aahhhh ! Are dono bua ji aap dono ko badhayi ho, tum dono ne uska chehra dekha...

Mera itna bolna tha ki dono .. "Bhabhi" bol kar rone lagi....

Mrinal.... Bhabhiii .... Bhabhi ... Wo, wo aap ke bacche ko nahi bachaya ja saka..

"Naiiiii .... Naiiiii ..... Naiiiii ... Mrinal, beta ye ganda mazak hai, koi to iss maa ko apne bacche se mila do, Mrina, Sonal ... Dono chup kyon ho, kanha hai mera baccha.

Mrinal meri tarap aur rona dekh ker bardast nahi ker payi aur wo bhi bas roye ja rahi thi. Ander har koi meri tarap ko mehsus kar raha tha, sabke aankhon me aanshu the.

Sonal.... Bhabhi shant ho jaeye, aap ki haalat abhi thik nahi, Mrinal aapse jhooth nahi kahi.

Main..... Nahi sab aise kyon bol rahi hai, wo nurse to boli thi mera baccha dushre ward me hai, main kuch nahi sun'na chahti. Mujhe tum aab par viswas nahi, Rahul, Rahul ..... Ye bhi na, jaan aap aa kyon nahi rahe ho ... Wo bhi nahi aa rahe ... Tum sab aisa kyon kar rahe ho, mujhe mat tarpao aur,.., jannnnn

Mrinal chillati huyi ... Bhabhi ... Ab bas ! Shant hoker suno, suno ki kya hua tha .. Bas ab ek sabd nahi .... Bah rahe the aanshu, siskiyon ki sansen thi aur ek kahani shuru huyi mere zism se ruh juda hone ki.....

"Bhaiyya ki halat kisi pagal se kam nahi thi, jab humne unhe hospital me dekha. Strecher per aap behosh leti thi aur pet me kanch ka tukra ghusa tha. Bhaiya paglon ki tarah idhar udhar kar rahe the, deewali ka din tha hospital me dr aur staff ki kami thi, aur jo bhi the wo kuch sun'ne ko taiyar nahi tne"

"Bhaiya ro rahe the lar rahe the, tabhi ek dr aaya, aap ki haalat dekh ker turant aap ko opretion theater me lekar gaya aur bhaiyya se patient decleration form bharne ke liye kaha. Unka hanth Kanp aise rahe the ki wo likh hi nahi pa rahe the"

"Humne wo form bhare, aur wanhi intzar karne lage, aadhe ghante baad wo dr bahar aaya aur bhaiya se kahne laga......

"Pet me kanch katukra kaise laga"

"Paun fislne se gir gayi aur .. Aur .. Ye sab. Dr kuch kijiye jaldi, dekha nahi kaise tarap rahi thi meri Pari"

"Dekhiye ye police case hai, aur patient ki haalat bahut hi kharab, uske pet me kanch ghusne se bachha pet ke ander hi mar gaya hai, aur operation me jara bhi der huyi to kuch kah pana muskil hai"

"Bhaiya ne jab dr ko aisa kahte sune to jaise mar hi gaye ho, bilkul ghutno par gir gaye, mera baccha marr gaya ....... Fir dr ke paun pakrte huye kahne lage .. "Sir aap yanha kya ker rahe hain, aap ko jo karna ho kijiye lekin please use thik kijiye"

"Dr.... Dekhiye maine abhi phone ker diya hai, kuch hi der me dr ki team pahunchti hi hogi, tabtak ₹2.50 lac rupye jama karwa dijiye, aur police ko apna statement de dijiye'ga"

"Dr ki baat sunkar bhaiya chhtpata uthe. Kise nahi unhone contact kiya, par samay aisa tha ki kisi ne madad nahi ki unki. Aarif bhai aur chachu pahle se hi khud karz me the. Aap ke ghar par ghanti bajti rahi par kisi ne phone tak nahi uthaya, doston ko phone kiye, par kisi ke pas itne paise nahi the. Kisi hare hue ki tarah khud ko man kar bas baith ker phone lagate rahe."

"Hum bas apni vibasta par rote rahe. Bhaiya ko paise ke liye joojh'te dekh Sonal apne ghar phone lagayi aur aunty se sari baat kahi, phone per hi kahne lagi "maa koi milta hai to ghar abhi bech do, ₹2:50 lac me hi bech do par paise le ker jaldi se aao"

Bhaiya ko pata nahi kya hua unhone phone lekar aunty ko mana ker diya aur bole ho gaya hai paison ka intzam aap rahne dijiye.

Bhaiya ne phir papa ko call lagya ..

"Papa mujhe ₹2:50 lac rupye chahiye abhi, aap jo bologe karoonga per is waqt mujhe ye paise chahiye"

Fir papa ne wo baat kah di jise nahi kahna tha ..... "Sab to tumhara hi hai, poora le lo lekin jisne hume jalil kiya use chhor ker aana parega. Sun rahe ho na, jis ladki ne tumhe humse dur kiya use chhorna padega"

Papa ko sari baten maloom thi, bawjood iske unhone ye shart rakha, kuch pal shant rahe, fir apna hi sir diwar par patkne lage, unhone phir ek aakhri bar baat ki ... "Thik hai jaisa aap chahte hain waisa hi hoga ... Opretion khatam hote hi main waisa hi karoonga jaisa aap ne kaha hai"

Dil patthar ka tha papa ka, jisne daya nahi dikhayi , aur bhaiya ko aise waqt me majboor kiya janha dusre bhi dilasa dete hai aur madad ker dete hain. Bhaiya toot gaye poora aur bas shant baith gaye.

Sab kuch hua, police aayi bayan darj kiya, unhe sara mamla sahi laga isliye unhone phir aap ka statement nahi liya aur na hi koi report darj ki. Papa ne paise bhi jama karwa diye. Dr ne apna kam ker diya tha, aap ko koi khatra nahi tha, lekin bachedani me kanch lagne se phir kabhi aap maa nahi ban payengi aisa unka kahna tha.

Mom-Dad dono aaye the bhaiya ko le jane, unhe to bas bhaiya wapas chahiye tha.... Papa bhaiya ko baat yaad dilate huye kahe .... "Betu sab ho gaya, ab tumhari bari hai"

"Haan papa ab meri bari hai, ab meri bari hai Pari ko chhorne ki, apne jaan ko chhorne ki. Main bas kuch apni bahno ko kahna chahta hoon."

Hum dono ko wanha se dur le gaye humare sir ko chuma, rote rahe aur bas itna kah gaye....

"Aaj bharosa uth gaya, main inke chehre dekh ker nahi ji sakta. Beta tum dono apna aur apni bhabhi ka khyal rakhna"

"Lekin bhaya aap ye aisa...."

"Shiiiiiiiiiiiii ! Bol mat sirf sun, main humesa tum sab ke pas rahoonga, jab teri bhabhi thik ho jay to poori baat batana, main janta hun uske dil ki baat abhi se, bas tu ye letter use de dena. Baat chhorne ki hi hai to main sab ko chhor raha hun"

Bhula dena mujhe

Hai alvida tujhe

Tujhe jeena hai mere bina

Safar yeh tera, yeh raasta tera

Tujhe jeena hai.. mere bina

Ho teri saari shoharatein

Hai yeh duaa..

Tujhi pe saari rehamatein

Hai yeh duaa..

Tujhe jeena hai mere bina

Bhula dena mujhe

Hai alvida tujhe

Tujhe jeena hai mere bina

 

[StoryPublisher]

Update :- 167

"Shiiiiiiiiiiiii ! Bol mat sirf sun, main humesa tum sab ke pas rahoonga, jab teri bhabhi thik ho jay to poori baat batana, main janta hun uske dil ki baat abhi se, bas tu ye letter use de dena. Baat chhorne ki hi hai to main sab ko chhor raha hun"

"Murker nahi dekha kitna bhi pukarte rahe. Sayad jo bhi kiya wo sahi tha, bas ye aap ki amanat hai, aap ke liye bhaiya ka ye paigam"......

Mrinal rote huye batati gayi, main kisi murti ki tarah apne jaan ke dard ko mehsus karti rahi, aankhon se anshu bahte rahe aur ander se chikh-chikh ker ye awaz aati rahi .... "Main hi kyon nahi mar gayi. Kanpte hathon ne phir wo chitthi kholi ....

Meri dharkan, meri jaan Pari .....

Jab tum ye padh rahi hogi main kanhi dur rahoonga thik waise jaise main fauz me tha. Mujhe pata hai abhi tumhare dimag me kya chal raha hai, par aaj main janha bhi hun tumhare liye hun. Aanshu pochho pahle tum, tumhe meri kasam hai.

Suno Pari tum kuch bhi aisa nahi karogi jis se mujhe itna sab kuch karne ka afsos ho. Haan ! Tumhe main un sab se azad karta hun jisne hume rulaya hai, jisne hume alag kiya hai. Wo tumhari marzi tumhe kya karna hai.

Bas ek baat yaad rakhna hum kabhi na kabhi milenge, aur main tum se waisa hi milna chahunga jaisa main tumhe dekhna chahta hun.

Kusah rahne ki kosis karna, aur kisi baat ki chinta mat karna main hamesa tumhare sath rahunga. Thoda apna aur thoda Mrinal aur Sonal ka khayal rakhna. Apne jaan par aur apne pyar par viswas rakhna hum jaroor milenge.

Bas kuch dard aur tumhara pyar samete ja raha hun.

Rahul

_______________________________________________________________________________________________

"Hammmm ! Itne dard, kya upar wale ko jara bhi raham na aayi, kya aapne phir kabhi kosis nahi ki Rahul sir se milne ki. Kya aap dono ke gharo se koi nahi aaye itne dino me" ... Riti Rahul aur Pari ke dard ko mahsus ker puchhti cahli gayi ...

Pari..... Waqt ne sabhi ko apne kiye ka ehssas dilaya. Papa uss ghatna ke 10 din baad rote aaye meri haalat dekh ker, to mummy ji, papa ji do sal baad. Mere dil me ab na to nafrat thi unke liye aur nahi pyar ... Itna ho jane ke baad maine bhi mana ker diya unke sath wapas jane se. Jab jaan hi nahi hai mere pas to main kanhi bhi rahun kya fark parta hai.

Riti.... Phir didi ye ghar aur ye dono Piya aur Mahi

Pari.... Unhone kaha tha mujhe kisi baat ki fikr karne ki jaroorat nahi. Dekho unhone jo kaha wo sach ker diya. Pas ho ya dur apni jimmedari puri karte rahe. Sayad hume sab bhul gaye hamare gujre waqt me par jaan apni jimmedariyon ko kabhi nahi bhule. Main to un ka hona har pal mehsus karti hun. Sayad riston se dil toot gaya hai unka isliye ab samna nahi karna chahte.

"Ye sab mere jaan ka hai, mere pas ek din ek aadmi pahuncha, mujh se kuch paper sign karwaye aur meri acc detail liye, uske baad se main amir ho gayi, yahi wo paisa tha jisne hume rulaya ... Jiski sharton par hame juda hona para, aaj itne hai ki dusron ko bas hansati rahti hun"

"Piya aur Mahi to mere bacche hain. Main is baat ka khud se bhi jikr nahi karti ki ye mere pas kaise hain, bas itna jan lo ki ye dono mere jigar ke tukre hain, hamara pariwar."

Ek dard ki dastan bayan ki thi Pari aur Rahul ne, aanshu tab bhi inke aankhon me the aanshu ab bhi inki aankhon me the. Piya aur Mahi upar se khelte huye niche aa gaye, jab usne apni mamma ko rote dekha to dono Pari ke dayen bayen khare ho gaye aur apne hanton se aanshu pochhte huye....

Piya .... Mamma aap ko punishment kisne diye jo aap ro rahi hain.. Batao na mamma, mujhe bhi rona aa raha hai..

Mahi... Piya mamma hum se naraj hokar ro rahi hain, mat ro mamma aap jaisa kahengi hum waisa hi karenge. Promise mamma.

Pari.... Areee mera bahadur baccha kyon rone laga, dekho yanha uncle, aunty sab hain, kya sochenge ki Mahi aur Piya bacchon ki tarah rote hain...

Kaphi tikhe swar me bol para Mahi .... Main nahi mamma wo Piya ro rahi hai, main to aap ka bahdur beta hun na.

Piya bhi pichhe kanha rahti.... Uuuuuu ! Mamma abhi hi to ro raha tha na, dekha isne phir jhoot bola

Mahi.... Mamma bata do Piya ko bacche jhooth nahi bolte ...

Piya ..... Jhoota, jhootha, Mahi jhoota..

Pari apne dard me dubi un aakhon ko apne bacchon ke liye pochhti huyi bol par.......

Bas, bas baba ho gaya, tum dono hi nahi ro rahe the. Dekho bahar garden me dono jakar khelo main abhi inse baat kar rahi hun. "Thik hai mamma" kahte dono bhage garden me khelne ke liye....

Anjali.... Pari di, kaise aap khud ko sambhale huye hain.......

Pari gum bas gungunane lagi........

Saath Mere Hain Tu Har Pal Shab Ke Andhere Mein

Paas Mere Hain Tu Hardam Ujale Savere Mein

Dil Se Dhadkan Bhula Dena Aasan Nahi Hai

Ab Toh Aadat Si Hai Mujhko Aaise Jeene Mein

Juda Hoke Bhi Tu Mujhmein Kahi Baaki Hai

Palkon Mein Banke Aansu Tu Chali Aati Hai

Ek lambi si sans ander leti Pari ne apne aankhen mund li, jo anshu chehre par tha use saaf karti huyi thodi muskurayi .... Aur apne khile huye chehre par ek muskan lati huyi kahne lagi ...

"Yahi to jindgi hai, aaj kayi dino baad wo jakhm yaad aa gaye. Todi si khusiyan aur dher sare gum, phir bhi khusiyan unhi gum me dhoond hi lete hain. Bas khili si rahti hun, pata nahi abhi jaan mere pas aa jayen aur kahne lage "Pari ye kya haal bana rakha hai" to unko main kya jabaw dungi."

Aishi baten sun hum ander se ro pare. Ek pyar ki adhuri dastan, do pyar me dube asshikon ka ye anjaam, ruh kanp gayi thi hum teeno ki. Wanha rukna hame gawara nahi hua, Pari di ka chehra dekh pane hi himmat nahi juta pa rahe the. Hume dard me khila wo chehra ab bhi rula raha tha, aatma se ek hi awaz aa rahi thi ..... "Kyon dard hi mile iss pyar me, kya iss pyar ka anth itna bhayawan hona tha"

Gumsum apne aanshuon ke sath hum nikal gaye us ghar se. Har kaha unka lamha aisa laga jaise hamne jiya ho. Har dard ki dastan jo bayan ki gayi thi aisa laga jaise hum mehsus kar rahe ho. Hemant sir ke pas jab hum pahunche to hum bilkul shant the.

Hemant sir hume dekhte hi samajh chuke the ki hamare sare doubt clear ho chuke hain, unhone kuch nahi puchha hum chup-chap wanha se wapas laut gaye. Unki khani hume til-til trapa rahi thi. Dono se hum mile, dono ka humne dard dekha .... Bas dono kyon sath nahi, itna rah gaya.

Dastan sun'ne ke baad dil me hazar sawal the, "jab sabko apne kiye per pachtawa tha to kyon nahi wo bhi Pari aur Rahul ki tarah sabko ek sath lane ki kosis karne me jute rahe, jabki Pari ki juban to in logon ki tarah gandi bhi nahi thi. Itne sal bit gaye, technology kitni viksit hai kya news ya tv ad nahi de sakte the.

Wajah jo bhi ho, lekin inke pariwar ne hi dono ko dard diye aur sab kuch pata hone ke baad bhi kabhi kosis na ki, galatfehmi ki bhent chadhi do pyar bhare dil. Kya yahi anth tha unke mukaddar me ya ek sukhi sansar ho sakti thi yadi kosis ki jati.

Kyon main wanha ghumne gayi, kyon dono ka chehra meri najron ke samne hi ghumte rahta hai, kyon me khud ko unke dard se alag nahi kar pa rahi hun. Kyon ab bhi iss baat par ro rahi hun ki dono ne pyar nibhaya, phir bhi bichharne ka dard jhelna pada.

Aisa lag raha hai jaise main ji rahi hun unki jagah, jab main itna dard mehsus kar rahi hun, to kya bit'ti hogi unpar jinhone ye sab pal pal apne sath mehsus kiya.

Dil me kasak si rah gayi ...... Itna pyar aur aisa sila ...........

 

[StoryPublisher]

Update:-168

Mujhse hi aaj mujhko mila de

Dekhoon aadaton mein, tu hai ki nahi

Har saans se pooch ke bataa de

Inke faaslon mein, tu hai ki nahi

Main aas-paas tere aur mere paas..

Tu hai ki nahi

Tu hai ki nahi

Tu hai ki nahi

Tu hai ki nahi...

Daudte hain khwaab jinpe rasta woh tu lage

Neend se jo aankh ka hai waasta woh tu lage

Tu badalta waqt koi khushnuma sa pal mera

Tu woh lamha jo na thehre aane waala kal mera

Main aas-paas tere aur mere paas..

Tu hai ki nahin

Tu hai ki nahin

Tu hai ke nahin

Tu hai ki nahin...

In labon pe jo hansi hai inki tu hi hai wajah

Bin tere me kuch nahi hun mera hona bewajah

Dhoop teri na pade to dhundhla sa main lagun

Aake saanse de mujhe tu taaki zinda me rahun

Main aas-paas tere aur mere paas...

Tu hai ki nahi

Tu hai ki nahi

Tu hai ki nahi

Tu hai ki nahi.

Tringg ... Tringgg .... Tringggg

Ufffff ! Chain se gana bhi nahi sun'ne doge kya ... Ab itni raat gaye kiska phone aaya. Duffer Anjali khyalon se bahar aao, phone uthao...

"Hello, kaun bol raha hai"

"Kya, main Anjali se baat ker rahi hoon"

"Haan, Anjali hi bol rahi hun. Ab please itni raat me koi offer nahi batane lagiye'ga. Main waise hi abhi out of mind chal rahi hun"

"Main Alisa bol rahi hun, Rahul ki bari bahan"

"Ohhhh ! Sorry, wo kya hai aaj kal mobile per offers kaphi aate hain, aaj subah se padesan kiye hai, isliye thoda ukhri thi. Waise aap ne kyon phone kiya"

"Kya aap apna address de sakti ho, hame aap se milna hai"

"Aree kamal hai, jis se aap ko milna chahiye us se duriyon me rahe, aur jo ajnabee hai unse milne ki itni tarap"

"Dekhiye kya aap apna adress de sakti hain please, main aap se madad ki bhikh mangti hun. Please na mat karo ... Kya aur kyon hum milkar bhi baten ker sakte hain"

"Dekhiye I am really sorry, main aap ko hurt nahi karna chahti thi, please aap roeye mat, note kijiye mera address"

Anjali ne Alisa ko adress note karwa ker call cut ki, aur gehri sans leti huyi tik ker apne sofe per baith gayi ..... "Pata nahi in sab ko kya ho gaya, ye kaun sa rog le liya Anjali, sare phansne wale kam tuj se hi kyon takrate hain. Main uljhi hoon aur wo chain se soyegi, aakhir usi ka bharosa tha jo main ye dard mehsus ker rahi hun, beta ab tu bhi jag.....

Anjali yahi sab sochti huyi Riti ko call laga di.....

Riti .... Ae pagal tu chain se sone nahi degi kya

Anjali ..... Tu so rahi hai kamini, meri nind ura ker

Riti ...... Ab tujhe kya ho gaya, itni raat ko kyon bharki hai

Anjali..... Bharkun nahi to aur kya aarti utarun, main to bhul gayi thi ki Nainital trip par kya hua tha, ye tu thi jise viswas tha ki Rahul ke kahani ka ye anth nahi ho sakta, tere bharose khak khangali, pata dhoondi, aur jab sab pata chala to, ab mujhe bilkul bhi chain nahi"

Riti..... Soooo Sorry yaar, tumhari sari baten sahi hain, dukh to mujhe bhi hai, unke bare me jankar afsos mujhe bhi ho raha hai, teri tarah nind meri bhi uri hai, lekin ab kya kar sakte hain

Anjali....... Waise Riti kar to hum bahut kuch sakte hain, jaise Rahul ka pata humare pas hai, hum Pari ko Rahul ke pas chalne ke liye bol sakte hain, ya Rahul ke pas jakar usse Pari ke pas chalne ke liye majboor kar sakte hain.

Riti...... Kya baat hai, to neki aur puchh-puchh, waise bhi humare pas us dr ka diya bahut paisa bacha hai, lekin yaar uuse paise lekar ye kam kerna ab achha nahi lag raha, kyon na hum unke paise lata de.

Anjali...... Hammm ! Sach kahi, mujhe bhi khatkta hai yaar, teen dina ho gaye, lekin aisa lagta hai Chandigarh me baithi hun, aur Pari di ki baton me kho si gayi hun. Achha sun tujhe yaad hai inki bari bahan Alisa...

Riti..... Nam mat le uska, ussi pagal ka racha hai sab kuch ye, wo yadi thoda sa dharya rakhti aur Pari di se pahle puchh leti ki unke atit ke sath kya ghatna huyi thi, to sayad ye din hi na hote, aur hum bhi chain se so rahe hote.

Anjali.... Achha, pagal hai tu, phir mere marne ka sok mana rahi hoti, jab Nanital me phansi thi to Rahul sir ne meri jaan bachayi thi.

Riti..... Ab sir kahe ke, Rahul jiju bol, chal rakhti hun phone subah baat karte hain

Anjali..... O' duffer, sun to baton me uljha ker mudde se hi bhatka di.

Riti.... Chup ker, main to uljhi pahle se hun, tu hi sulji thi to pahle mudde ki baat kyon nahi ki, chal ab muh phar jaldi se, nahi to nindiya rani mere sar par mandra rahi hai.

Anjali..... Sun, wo Alisa di kal sayad yanha aa rahi hai

Riti... Kya ????? Kab baat huyi teri

Anjali.... Haan Alisa aa rahi hain, ja ab so ja ho gayi baat puri... Ja bula le ab apni niny rani ko.

Riti..... Haushhh ! Chal kal ka bhi rona dhona tay hai, milti hun sok sabha me.

Anjali..... Ha ha ha, chal so ja, aur haan apne us ullu ko bhi le aana.

Bilkul subah 6am baje Riti ke ghar ki ghanti lagatar bajne lagi, subah ki gehri nind se aankhen minjte aur badbrate huye Riti uathi..... Khoon kar dungi main, kaun pagal subah-subah itni jaldi jaldi bell baja raha hai.

"Kaun hai, pagal kyon ho rahe ho"

Riti bade gusse ke sath apne kapre thik karti huyi uthi, aur jaise hi darwaja kholi to uski aankhen bilkul bari ho gayi, aschrya se wo bas dekhti hi rahi.

"Sorry subah-subah humne aap ko distrub kiya, main hun Alisa aur ye hai mera pura pariwar"

Riti ne jab itne sare log ek sath dekhe to awak hi rah gayi.... Khud me badbadati huyi boli... "Ye pagal hai kya, ek to pura khandan lekar chali aayi, upar se phone isne Anjali ko ki aur subah-subah pahunchi meri ghar"

Alisa.... Kuch kaha kya aap ne

Riti.... Are nahi main bas soch rahi thi ki aap sab ko raat me hi aa jana chahiye tha, lekin aap sab subah pahunche isliye thoda ascharya lag raha tha.

Alisa.... Sorry aap ko intzar karna para, hum sab to 1am baje subah hi lucknow pahunche, yadi phone par bata deti aap ki humara intzar ker rahi hain to hum rat me hi aa jate.

Riti apna sir khujaye bina nahi rah saki ... Haynnn ! Pagal log hai kya .. Poori family hi pagal najar aati hain.

Alisa.... Mom lagta hai jab se betu se mil ker aayi hai Anjali, ise bhi khyalon me gum hone ki aadat lag gayi hai.

Riti.... Are Alisa di main Anjali nahi Riti hun, Anjali ki dost

Alisa.... Kya ????? Par humari baat to Anjali se huyi thi.

Riti bole to kya bole.... Kuch nahi wo usko ek ajib sik bimari lagi hai nind me chalne ki, to jab bhi soti hai to uske makan malik uske gate per bahar se tala laga dete hain, taki wo bahar na nikal sake, isliye wo sochi ho ki sayad aap raat me aaye aur tala dekh ker kanhi ye na soche ki hume bula ker khud kanhi chali gayi, isliye mera address de di. Aaeye na ander, aap sab bahar kyon khare hain.

"Banki us pagal ko to abhi subah-subah hi batati hun"

Alisa... Phir aap kanha gum ho gayi

Riti... Kuch nahi aap sab baithiye, main Anjali ko lekar aati hun.

Alisa... Are use phone ker dijiye na, wo aa jayegi. Hume kuch jaroori baat karni hai.

Riti.... Nahi nahi, aap samjhi nahi, abhi bataya tha na bimari, to wo itni gahri nind me hoti hai ki usse jab apna chalna yaad nahi rahta to phone ki ring kanha se sunegi, aur waise bhi pahli bar aaye hain aap sab to thoda chay nasta, itna to sewa ka mauka dijiye.

Alisa.... Thik hai, lekin jaldi aaeye'ga.

Chidhi huyi Riti apne night gawn me hi bade gusse me scooty se nikli, aur sidhe jakar Anjali ke ghar ruki .... "Anjaliiiiiiiiii, jaldi darwaja khol pagal...

Anjali bhi thik waisa hi reaction deti huyi uthi jaisa Riti ne thodi der pahle diya tha, aankhen mijti wo bhi gusse me darwaja kholi.... Duffer, daura chadha kya tujhe jo subah subah chilla rahi hai.

Riti..... Tu muh band ker le apna nahi to mujh se bura koi na hoga.

Anjali.... Lekin baat kya hai, Ujjawal chhor ke kanhi bhag to nahi gaya jo subah subha baukhlayi huyi hai.

Riti..... Ji nahi, aap ke kayi ristedar mere pate per pahunche hain wo bhi subah subah

Anjali.... Hoooo ! Tujhe daure bhi parne lage, kaun se mere ristedar, koi bhi to nahi aane wala tha.

Riti..... Achha aur kal tune kise mere ghar ka pata di thi, koi Alisa nam bheje me hai ya sir phor ker bahar nikalu..

Anjali ..... Kya ??? Alisa, itti subah .. Pahunch bhi gayi .. Ha ha ha ha

Riti.... Hans mat pagal, anhhhhh ! Ji to ker raha hai sar phod dun tera.

Anjali...... Ha ha ha, sorry hansi ruk nahi rahi, sab wo bhi itni subah ... Ruk main change ker ke aayi.

Riti.... Sun mujhe bhi change karna hai, gusse me main bhi yahi pahan ker chali aayi, din nikalne laga hai achha nahi lagta in kapron me wapas jana.

Anjali... Kitni sexy to dikh rahi hai...

Riti... Mazak sujh raha hai tujhe ...

Anjali.... Ok sorry, ab chal na, ya tu kahe to tere liye yanhi kapre bhej dun..

Anjali aur Riti ne jaldi se apne kapre change kiye, Riti laut'te samay market se dudh aur kuch snax leti huyi lauti. Dono ne sabke liye chay aur naste ka intzam kiya aur sabke pas aakar baith gayi.

Pahle to dono poore pariwar se mili aapas me parichay hua, dono pariwar yani chauhan & family aur Sinha and faimily ke sare log maujud the.

Parichay hone ke baad to jaise wanha shanti si chha gayi ho, jaise sab log baat shuru karne ke liye sabd dhoond rahe ho. Sabke chehre per kayi sawal najar aa rahe the lekin pahal karne ki kisi ki himmat na ho rahi ho.

 

[StoryPublisher]

Update:-169

Parichay hone ke baad to jaise wanha shanti si chha gayi ho, jaise sab log baat shuru karne ke liye sabd dhoond rahe ho. Sabke chehre per kayi sawal najar aa rahe the lekin pahal karne ki kisi ki himmat na ho rahi thi.

Sab shant bas ek dushre ka muh dekh rahe the, iss shanti ko torne ki himmat kisi me nahi huyi, tabhi Arpit, Chauhan saab ka ladka aur Pari ka bhai bol para, "kya sab ek dushre ka chehra achhe se dekh liye ho to mudde ki baat per aaye"

Arpit ki baton ne sabka dhyan bhang karte huye wapas vartman ki isthiti me le aaya. Anjali phir bol pari.... "Alisha di sayad aap ko kuch baat karni thi"

Alisa..... Kaisa hai mera bhai ....

Alisa ke is sawal me jaise kai dard chhipa ho, mahol ek baar phir wanha ka shant hi tha, ek lambi sans leti huyi Anjali bol pari..... "Jinda hai, aur ji raha hai"

Alisa.... Usne kuch bola humare bare me

Anjali.... Haan jitna pyar aur izzat thi uske dil me sab bataya, kya aap logon ko un dono per jara bhi raham nahi aayi ?

Anjali ke ess sawal ne jaise sabko apne kiye ki yaad dilayi ho aur na jane kab se sab apna ess kritagya ko kabulne ko taiyar baithe the .... Kuch der shanti ke baad Alisa ne bolna shuru kiya...

"Jab waqt bura ho to sab kaise ho jata hai pata bhi nahi chalta. Aaj bhi zakham utne hi gahre hain, jitne tab huye jab hume humare galti ka ehsaas hua. Sayad ess sab ki jimmedar hoon, mere sahq ne pura pariwar bikher diya"

"Shaq ne aisa ghera ki Pari ke sath huye hadse ko maine uski rajamandi bata di. Sharm aati hai apni ho soch per, Pari ke aatma per kitna bada chot tha uske sath jabardasti kiya jana, aur ...... Chhi mujhe maut kyon nahi aa gayi ye bolne se pahle ki jo bhi hua usmeuski hi galti hai."

"Us din yadi main thoda sanyam rakh leti to ye na hota. Dono bar-bar aaye hame manane lekin ye meri hi lagai aag thi jo kisi ko ek nahi hone diya. Kitna pyar karte hain dono aur kitni nafrat bhar di maine"

"Waqt ke sath jab mere akal ka parda utha tabtak bahut der ho chuki thi, dono hamari jindgi se bahut dur ja chuke the"

Alisa di ki baten khatam hote hi Mohit uncle bhi bol pare .... "Nahi beta isme kisi ek ki galti nahi hai, ye waqt hi aisa tha jisne hume un dono ko samjhne ka mauka hi nahi diya"

Mohit uncle ke baad Rahul ke mom dad ne bhi apne kiya ka rona roye. Us hall me sabka yahi kahna tha, ki sab ne paap kiya. Par kuch aise chehre bhi the jo ro-ro ker kah kah rahe the humne kya kiya.

Pari ki mom ka to jaise aanshon ka sailab sa aa gaya tha. Unki widambna sun to jaise murdon ke bhi ruh kanp jaye ... Ek dard saaf jhalak raha tha apni beti ki har us bebsi per jo wo chah ker bhi nahi ker payi.

Do chehre kaphi sukoon me bhi the, wo the Mrinal aur Sonal ka, jisne kisi bhi waqt apne bhaiya aur bhabhi ka sath nahi chhora, aaj bhi dono jab bhi Chndigarh me hoti to apna jyadatar samay apni bhabhi ke pas hi gujarti.

Anjali aur Riti bade gaur se sabki baten bas shanti se sunti gayi. Sab ko apne kiye ka pachtawa tha, sabki baten aisi thi jaise inka dard bhi un dono ke dard se kam na ho. Ghutan si saf masus ho rahi thi sab ke ander.

Dono sabki baaton ko sunti gayi, Anjali ne jigyasa wash pooch liya .... "Waise aap sab ke mann me to itni nafrat bhari pari thi phir ek dum se bahar kaise nikal gayi"

Anjali ki baton per Rahul ke dad ne apna reaction dete kaha ....

"Achanak kuch bhi nahi hota, Pari aur Rahul ke sath jo bhi hua wo humari nafrat se bhari soch thi jo un bacchon ke liye kab se kanhi mann me chhipi thi, jise hawa di gayi aur jiske mann me jo bhi tha zahar ugalta chala gaya"

"Beta hamare kiye ki saza hame yanhi milti hai. Main hi wo insan tha jo Pari ke papa ke ahankar aur ghamand ka badla Pari se le raha tha. Issi gusse me maine wo un dono ke alag hone ki bhi shart rakh di, main apne bete ki tarap na dekh saka, na hi Pari ka dard"

"Toot to ussi waqt gaya jab wo hame chhor ker chala gaya. Hum dono pati patni bas sok ke siwa kuch na mana rahe the. Us samay bhale Rahul hamse alag tha par tha to hamare samne. Kisi na kisi bahane usse dekh to leta hi tha, par jab se wo gaya hamare pran bhi le gaya"

"Ji to hum bhi rahe hain bas, lekin ek kalank liye. Jab Rahul dagmagaya to uska sach uske sath tha jo un dono ko thame raha lekin jab hum dagmagaye to humara jhoot hamare sath tha aur usne hame khokhla kar diya. Jhoote ahnkar ne hame barbad kar diya"

"Rahul ke jane ke baad bhi hum toote hi the lekin mane nahi, ulta Rahul ke hame chhor jane ka dosh bhi hum Pari ko hi dete rahe, ki jab maine usse Pari ko chhorne ke liye kaha to sab kuch chhor ker chala gaya. Hum apni galtiyon ko us masum ke matthe madh ker apni galtiyon per parda dalte rahe"

"Rahul ke chhor jane ke takriban dedh sal bad jab mera poora business dagmagaya tab hame humare purane logon ki yaad aayi. Sath hi yaad aaya ek aur naam jisne hamare galtfahmi ko hawa di thi aur wo tha Arvind"

"Arvind hame bina bataye bhag gaya tha, hum uljhano me is kadar phanse rahe ki uske bhagne ka karan bhi na jan sake, par jab maine apne office ke purane satff ko wapas bulaya to sab raji ho gaye siway Aarif ke"

"Aarif ne saf sabdon me kah diya ''sir, nafrat hai mujhe aap ke office se, aur waise bhi aap itne bade seth kanha hum jaise logon ki baat sunege, isliye I am sorry sir, main wapas joi nahi ker sakta"

"Main toota, roya sa, Aarif se lagbhag minnat karte huye manphi manga aur usse wapas chalne ki vinti karne laga, aur tab jab Aarif ne office me huyi tamam ghanao ko bataya, Arvind ki kartuton per se parda uthaya to mere aschrya ki koi seema nahi thi. Aarif ne phir kuch staff ko phone kiya, sab ne ek-ek ker ke uska wo ghinauna rup mujhe dikhaya"

"Jis baat ki hawa se itni baten huyi thi, wahi aadhar jhoota nikla, Arvind humare aastin ka sanp nikla. Aur jab bharam toota to ek-ek baat ki sachhhai khud-w-khud samne aati chali gayi. Alisa ka shaq ko jabaw mila, jab wo khud Milan ke sath baith ker baten ker rahi thi, aur tab usne tok diya, "kyon bhabhi hum akele baat ker rahe hain to koi burai nahi kyonki aap khud bahut achhi hain aur Paridhi ne mujh se kuch der baith ker baat ker li to shaq ho gaya aap ko".

"Humari har baat ghum phir ker hume sikha rahi thi ki humne kya kiya tha un do masumon ke sath. Har baat me hame dono ka khayal aata aur har baat hame ehsaas karati ki kitni ghatiya soch hai hamari. Ham to manphi mahne ke kabil nahi rahe. Hum teeno hi ek aise daur se gujar rahe hain janha jina muskil lag raha hai par bina prayschit ke mar bhi nahi sakte"

Yogesh ke kandhe per Sangita hanth rakhti huyi wo bhi bol pari......

"Wo chhote the aur hum bare, lekin hamne koi bhi bare jaisa kam nahi kiya. Ek bar Pari boli thi mujhse, ki jab galatfehmi ka parda uthega to hum sab ko pachtana parega, lekin sayad tabtak bahut der ho gayi hogi. Aur wakai yahi hua, gusse me itna gir gayi ki maine Pari ko us waqt bhi madad se inkaar ker diya jab koi bhi aurat kisi ko mana nahi karti. Main to manphi ke kabil bhi nahi"

Mohit.... Hum sab dosi hain Sangita ji, na kewal aap se balki usne apni maa se bhi madad mangi thi, lekin maine bhi Ranjana ko bandh diya kisi ek ko chun'ne ki shart per. Kisi ek ne nahi hum sab ne koi kasar nahi chhori unke har bure haal ke liye.

Riti..... Kitna ajib hai na, ehsaas bhi tab hua jab wo chale gaye. Aksar jo humse pyar karte hain, humare gusse ko bhi hans kar sah lete hain, unka pyar hum kabhi samjh nahi pate, wahi jab chale jate hain to yadon me rulate hain. Sab ne kuch na kuch khoya hai, par ek kosis to aap sab bhi unko milane ki kar hi sakte the.

Mohit..... Kaphi lambe arse se hum sab khud se bas yahi sawal kar rahe hain beta, aur aaj bhi hum sab bas essi ummid se aaye hain. Tumhe kya lagta hai, ki kisi ne kosis nahi ki.

Mrinal aur Sonal ki ore ishara karte huye Mohit kahne lage .... "Dekho dono ko, aisa koi din nahi jab wo upar wale se dua nahi karti ho ki dono ek ho jaye, itna lamba arsa bita par aaj bhi inki ummid thaki nahi."

"Usse dekho, Apni beti ke toote ghar ko dekh roj roti hai, kai sal bite par iska na to kabhi aanshu kam huye na dono ke milne ki aas me koi kami"

"Main to kuch kah bhi nahi sakta, main to apne ahankar me aisa gum tha, ki usme pis ker reh gayi meri beti ke armaan. Khud ko rok nahi paya jab mujhe uski haalat ka pata chala. Main bhi to insaan hun, gussa tha per bardast nahi ker paya jab uski sath huye har wakya jana, par jan ker aur pachtawa ker ke bhi kya ker sakta tha, jabtak galti ka ehsaas hua tabtak bahut der ho chuki thi"

"Main usi dini Sinha ji se milne gaya, per un logon ka gussa hi mila, main bas ek soch ke sath wapas aaya ki aaj na kal aap ko bhi apni galti ka ehsaas jaroor hoga, tab aap bhi meri tarah pachtaoge per hasil kuch nahi hoga"

Mohit kuch aage bole us se pahle Yogesh bol pare .....

"Sach kaha chauhan sahab ne, bete ke jane ke gum ne hame pagal bana diya tha. Yahi koi 11/12 din bite honge Rahul ko gaye huye, jab Chauhan sahab aaye the, per gusse me maine inko bahut sunaya, lekin pahla aisa din tha jab chauhan sahab sab kuch sun'ne ke baad kuch nahi bole"

"Aur bilkul sahi kaha inhone, jab pata chala ki humne kya kiya hai to hum khud ki hi najron me gir gaye, dard un dono ka mehsus kerne lage aur khud ki surat se ghinn aane lagi. Kya aise hi maa-baap hote hain"

"Janha aaj kal ghar tootna aam baaten hoti hain, bete apne maa-baap ko lat mar ker nikal dete hain, us daur me hame Rahul aur Pari jaise bete bahu mili aur hamne kya kiya"

Yogesh apne aanshu tham nahi paye aur bolte bolte rone lage. Sach ka samna jab sabko hua to har kisi ke aankon me aanshu aur sharm saf dikh rahe the. Ye log to aapas me najar nahi mila pa rahe the, Rahul aur Pari ke samne kis muh se jate....

Riti aur Anjali to bas sako sun hi rahe the.... Jaise jaise sabki baten aage badh rahi thi sab apna apna dard bant rahe the. Sach hi kahi thi Pari ...

Na hum galat the aur na wo, bas waqt ki sajison me galatfehmi thi

Phir Alisa bol pari......

"Rahul ke dhoondne me koi kasar nahi chhori, hare nahi na hi ummid chhori, par jo kuch bhi humne unke sath kiya uski yahi saza hai ki unko alag dekh hum khud me jillat mahsus karte rahen aur is bojh ke sath jite rahen, ki ye humne kya ker diya"

"Chauhan uncle, aur papa ne Rahul ko kanha kanha nahi dhunda. Rahul ka exoprt-import ki sabse badi company hai India me, kitna easy lagta hai ki kisi top class ke company ke owner ka pata lagana, lekin jab humne dhundna shuru kiya to pata chala uska owner Pari hai. Rahul ne company me apni koi identity nahi chhori"

"Pura kam ki jimmedari inke ceo ki hoti hai, aur un sab se Rahul Kolkata ya Banglore me milta hai. Ek bar Chauhan uncle aur papa kisi tarah pata laga kar pahunche bhi Kolkata, par kuch hansil nahi hua, wo kisi se milna nahi chahta. Viswas uth chuka uska riston se, lekin main puchhti hun kya uska koi farz nahi tha Pari ke liye, Mrinal aur Sonal ke liye, in sab ne kya bigara tha"

"Papa ne Kolkata local news me aur National news me bhi ek bar gaye, sab ne Rahul ko bulaya bhi lekin agle din hi un sare news channel aur paper walon ne Rahul ki news dikhane se mana ker diya. Rahul ne sabko legal notice bheji thi ki, yadi uaki tasveer bina izazat unke channel ya paper me dikhaya gaya to wo unhe court me ghasite'ga."

"Sach to ye hai ki uska gussa ab bhi utna hi hai, wo hum me se kisi se milna nahi chahta. Yadi hum us jagah tak pahunch bhi gaye tab bhi use wapas nahi la payenge kyonki humari bhanak milte hi wo gayab ho jayega"

 

[StoryPublisher]

Update:-170

"Sach to ye hai ki uska gussa ab bhi utna hi hai, wo hum me se kisi se milna nahi chahta. Yadi hum us jagah tak pahunch bhi gaye tab bhi use wapas nahi la payenge kyonki humari bhanak milte hi wo gayab ho jayega"

Mrina.... Didi kyon na kare bhaiya aisa ek karan batao aap, kuch chhora tha kya aap logon ne jo ab bhaiya use bachane ki kosis kare. Unka bachha mar gaya phir bhi nahi kisi ka dil pighla. Kyon bhabhi aap sab ke pas wapas aaye, girgirayi thi mom ke pas, ki akeli hain wo, girgirati rahi unka nahi to kam se kam uske bache ka khyal kijiye, tab bhi nahi mane aap sab."

"Kaun sa ehsaan bayenge aur kaun si khusi di hai aap logon ne. Galti man lene se aap sab ke paap nahi kam hone wale. Aur kiya kisi ne bhugat to main rahi hun, mili nahi apne bhai se kai salon se. Bhabhi ke pas jao to hamesa muskurati rahti hai bechari bhaiya ke inzar me, ro deti hun unka dard chhipaye yun muskurate huye.

Sangita..... Bas ker chhoti, kya tu bhi nahi manph karegi, aur kitne din ehsaas dilate rahegi ess baat ka, ab to is karam ke sath jina bhi muskil lag raha kai bar sochi mar hi jaun, par jab tak dono milte nahi mar ke bhi kya karoongi, bas ek bar phir ashan sa rasta lekar dono ko dard de jaungi.

Arpit.... Woooooo, wooooo please aap sab family drama band karenge, kyonki hum yanha ummid lekar aaye hain, past ki baton per ye pahli bar nahi hai, dekho phir sab ke sab rone baithe ho, kaam ki baat karo abhi.

Arpit ki baton ne sabke sawal-jabaw par lagam si laga di, sabne apne bahte aansu aur baton per lagam lagaya.

Anjali..... Hammm ! Dekhiye pata to hai mere pas Rahul ka, aap sab wanha kyon nahi chale jate, wanha aap ko dr Sobha milegi jo aap ki madad jaroor karengi.

Mrinal..... Nahi Anjali, in sab me se koi bhi gaya to mere bhai ko phir se wo sab yaad aayega jo in logon ne kiya unke saath, phir wo dobara nahi milenge. Main, Sonal aur bhabhi hum teeno to jane se rahe, kyonki unhone kaha tha wo khud aayenge aur hum unke aane ka intzar karenge, kuch bhi ho hum nahi jane wale.

Anjali.... Aap ne hi sari baten kah di, to phir Rahul sir aayenge kaise. Maine dekha hai unki haalat, wo kisi bhi surat me wapas nahi lautne wale. To phir bataeye kya kiya jaye.

Arpit.... Mere pas ek idea hai, yadi aap sab mane to.

Sabki jigyasa bhari najren bilkul Arpit ki ore ghum gayi, hall me baitha har koi Rahul ki wapsi chahta tha, har koi chahta tha ki Rahul, Pari aur pura pariwar phir se ek ho jaye.

Arpit.... Bap re, ghuro mat sab aise nahi to main kuch bol nahi paunga, ye sala jiju bhi kitna bara nautanki hai khud to phansa gaya sabko aur uske wapas lane ki baat kiya to sab aise ghoore ki yadi mera master plan fail hua to mujhe kacha chaba jayenge.

Mohit.... Aise hi samjh lena. Ab jaldi batao ki kya hai tumhare pas idea.

Arpit.... Kuch khas nahi inlogon ke sath main jata hun wanha janha jiju rahte hain aur unhe lekar aata hun simple.

Ranjana.... Ye achha hai beta, tu jaroor jana aur Rahul ko liye bagair nahi lutna.

Anjali..... Dekhiye bahut hi kharnak jagah hai, main dubara wanha jane ki koi ikchha nahi rakhti, lekin aap sab ke viswas ko dekhte huye main dobara jane ke liye taiyar hun. Bap re pichhli bar 6 log ghumne gaye the, do log kam ho gaye the un me se.

Riti.... Darpok kanhi ki, teri jaan bachane ka ahsaan utar de, chal main bhi chalungi aur Ujjawal ko bhi sath le lenge.

Anjali... Haan main to jaan hi rahi thi ki tu us Ujjawal ke sath jarur jana chahegi, ye kyon nahi kahti ki dono picnic per jane ka plan bana rahi ho.

Arpit.... Are aap dono jhagriye nahi, nahi to hum topic se bhatak jayenge.

Anjali..... Dekha usse bhi pata chal gaya ki tu hamesa phaltu ki baton se topic se bhatka deti hai.

Riti.... Chup ker ullu nahi to galat pata ka gussa abhi thama nahi hai, yanhi sir phod dungi. Kisne Ujjawal ke nam per phaltu ke comment pas kiya aur mujhe kahti hai main topic se bhatka rahi hun.

Anjali Riti ka gussa dekh charo ore dekh rahi thi, sare log bas dono ke jhagre ko hi dekhne me lage the .....

Anjali.... Thik hai hum baad me baat karte hain Riti, abhi ghar per kayi log hain jinhe aur bhi kuch sun'na hai. Suniye, humari bhi dil se ikchha hai ki dono mil jaye isliye hum sab Rahul sir ko lane ki ek bar kosis karenge, lekin abhi Rahul sir Kaligpoga me nahi hai. Sobha madam boli thi ki Rahul sir jab lautege to call karegi, tabtak hame intzar kerna parega.

Sari baton per sahmti ho gayi. Anjali ke call ke baad Arpit ko unke sath Kaligpoga niklna tha, aur usse kisi bhi tarah se apne jiju yanni Rahul ko wapas lana tha. Sab log phir un dono se bida liye aur apne jagah wapas laut aaye.

Din bit'te gaye, Anjali aur Riti ke pas roj ye jan'ne ke liye phone aane lage, ki kya aaj koi khabar hai. Anjali aur Riti se mile sabko 6 mahine bit chuke the, in 6 mahino me koi aisa din nahi gaya jab Anjali ya Riti me se kisi ke pas inka phone na aaya ho.

Phir ek din raat ke takriban 12:00am baje Anjali ke pas Sobha ka phone aaya, Rahul laut aaya hai. Anjali ne turant ye khabar dono pariwaron ko de di, sab khusi ka izhar phone per hi karne lage, tay baat ke mutabik Arpit ko ab aage ka kam dekhna tha, aur Anjali ke sath use Kaligpoga jana tha.

Agli subah phir wahi hua, blkul subah-subah Arpit Riti ke ghar par tha, lekin Riti ess bar subah subah hi jag chuki thi, 9am baje inhe lucknow se Kolkata aur Kolkata se aage ka rasta tay karna tha.

Riti.... Aao ander, aaj koi nahi aaya tumhe drop karne.

Arpit.... Aap kya taunt kar rahi hain, us din achanak se hamara poora pariwar aap ke yanha chala aaya isliye kya ?

Riti.... Hehe, kya baat hai ladke tum to kaphi samjhdar nikle, haan thoda sa taunt hi samjho, waise pura chiriyaghar hai tumhara pariwar.

Arpit aankh gurrate..... Aap ye kya kah rahi hain mere family ke bare me

Riti.... Arre gussa kyon hota hai, dekh Pari meri di jaisi hain, aur tum mere bhai jaise, ab meri bhi to family hi huyi na.

Arpit..... Hmmmm ! Achha logic hai, chalen Riti di, ya aur kuch banki hai.

Riti.... 8am baje tak niklna hai, sab log aate hi honge uske baad hum niklenge yanha se

7:30am baje tak Anjali aur Ujjawal bhi pahunche Riti ke ghar, wanha se sab phir nikale Kolkata ki ore....

Ujjawal..... Yaar hum ja to rahe hain, lekin wo wapas nahi laute to

Anjali.... Subah subah panauti wali baten, yadi Rahul sir nahi laute to tumhe wanhi chhor denge, ess shart ke sath ki jabtak wo wapas nahi aate tumhe bhi wanhi rahana hai.

Riti..... Aisa kya, phir to mujhe bhi us junglon aur paharon me rahna hoga.

Arpit.... Nahi aisa nahi hoga, kyonki ye saza to mujhe mili hai, jiju ko liye bagair lautna nahi. Jiju na laute to meri Gfs ka kya hoga.

Arpit ka itna bolna tha ki teeno uski ore mur ker apni aankhen bari karte huye..... Hunnnnnn ! Gfs

Arpit..... Isme socking jaisa kya hai, na hoti to socking ki baat hoti hai. Mere kya kya plan the ess weekend ke, Pihu ke sath saturday ka pura din ka promise tha, evening ko chitra ke sath, aur pura sunday my sweetheart Kanik ke sath.

Riti aankhen gurrati huyi..... Ye sab kya hai, tumhari abhi umar hi kya hai aur ye 3-3 larkiyan, lagta hai Pari di se batana parega.

Arpit..... Riti di meri umr 18 ho chuki hai, aur main best option ki talaash me hun, isliye teen option le kar chal raha hun. Waise bhi I am too smart.

Ujjawal.... Bhai kuch mujhe bhi traning de de, main yanha ek ko sambhal nahi pa raha aur tum teet teen

Riti.... Shut-up ujjawal, nahi to mujh se bura koi na hoga.

Arpit.... Hmmmm ! To Riti di hain aap ki GF. Suno O' hone wale jiju, unhe maine didi kaha hai, main pahle hi ek jija se padesan hun, yadi tumne koi padesani ki to soch lena, bister per hanth paun bandh ker, body per chees ke tukre dal ker chuhe chhor dunga.

Ujjawal.... Hushhhhh ! Ye naye naye ladke pata nahi kya kya jante hain, bhai khud ke liye koi niyam nahi aur mere liye saza.

Arpit.... Suno O' jiju main kuch bhi karoon wo meri GF ke bhai ka matter hai usse samjhne do, aur koi meri sis ko rulaye to ye uske bhai yani mera matter hai, ummid hai baat samjh me aa gayi hogi, nahi to phir ilaz to ready hi hai.

Arpit bilkul batuni sa sabka entertain karwate huye pahunch gaya Kaligpoga. Charon sabse pahle Sobha ko inform ker ke uske ghar pahunche.

Sobha ko pahle se pata tha isliye hospital ka kam jaldi nipta ker ghar per hi unka intzar ker rahi thi. Charo pahunche, fresh huye, chay nasta kiya, aur baith gaye Sibha ke sath baten karne. Sobha bhi aakhirkar roo-baroo huyi us dard bari dastan se jo Rahul apne sine me chhipa yanha aaya tha.

Dard aisa, jisne bhi suna viswas bhi nahi hua aisa kyon hua in dono ke sath. Sobha ne ek thandi sans leti huyi kahne lagi.... Jo hua usse to badla nahi ja sakta, par jo hum ker sakte hain wo karenge. Dono mil jay bas itni si dua hai.

 

[StoryPublisher]

Update :- 171

Dard aisa, jisne bhi suna viswas bhi nahi hua aisa kyon hua in dono ke sath. Sobha ne ek thandi sans leti huyi kahne lagi.... Jo hua usse to badla nahi ja sakta, par jo hum ker sakte hain wo karenge. Dono mil jay bas itni si dua hai.

Arpit.... Aap sab sath hain to ye bhi jaroor kamyab hoga. Bas mere dimag me kuch hai, yadi aap sab kahe to main bolun.

Riti ne Arpit ke kan pakrte huye boli ... Jaise Rahul sir, Pari di waise hi tum bhi ho, bilkul filmy. Hum sab yanha kyon aayen hai bhajan karne, ab jaldi se bolo.

Arpit ne phir apna plan un-sab ko bataya. Plan sun ker sab ke chehre per muskan aa gayi, aur sabne Arpit ke plan ko follow karne ka mann bana liya.

Plan ka pahla part ko follow karti Sobha ne Rahul ko phone lagaya....

"Haan Sobha bioliye"

"Rahul aaj aap ka khana mere yanha hai, hum sath dinner karenge"

"Sobha tum to janti ho ki main raat ko kanhi bahar nahi jana chahta, kyon na kal lunch ka programme rakhe"

"Main sochi hum sath dinner karenge, par yadi aap ki ikchha nahi to koi baat nahi"

"Sorry, aaj nahi aa pane ke liye, kal lunch par milte hain"

"Thik hai, kal lunch per milte hain"

Arpit..... Sobha di, aap thoda jid kerti to jiju jaroor maan jate.

Sobha... Nahi wo manta nahi ulta aage ka kraykram dekh ker shaq ker leta, aur phir us aadmi ko sambhalna kisi ke bas ki baat nahi.

Arpit.... Thik hai chaliye koi baat nahi, waise bhi hume kaun sa aaj hi le jana hai.

Sobha ke kahe anusar charon phir kanhi nahi nikle kyonki jagah chhoti thi aur Rahul ko pata chalna hi tha ki Anjali dobara yanha aayi hai, isliye Sobha ne sabko ghar se bahar aane se mana ker diya tha.

Agle din sunbah Sobha ne ek reminder call di Rahul ko aur lunch ke bare me yaad dila di Rahul ko. Ess baar Rahul ne mana nahi kiya aur 2:00 pm baje pahunchne ka bol ker phone rakh diya.

Thik 2:00pm baje Rahul sobha ke ghar me ghusa aur ander aate hi dang rah gaya. Charo ore deewar per Pari ki tasveer tangi thi. Gate se pahla kadam ander tha, aur ussi jagah thehar gaya Rahul. Najren ghuma ker charo ore dekhne laga.

Dhime kadmo se Rahul deewar ke pas pahuncha, kaphi der tak khara raha, phir ek tasveer per hanth ferne laga. Tasveer ke upar kuch yun hanth tha Rahul ka jaise mano usse chhu ker mehsus karne ki kosis ker raha ho.

Sobha pichhe se Rahul ke kandhe per hanth rakhti huyi.... Areee kanha kho gaye aap.

Rahul jab pichhe mura to uske aankhon me aanshu the, aur bari hi bhari aawaz me sobha se puchhne laga .... Ye tasveeren kanha se aayi tumhare pass.

Sobha.... Kya hua aap ko, aap aise kyon puchh rahe hain. Sab thik to hai na ?

Rahul apni aankhon ko pochhte huye bina koi jabaw diye chala gaya wanha se. Sobha pichhe se kai bar awaz bhi lagati rahi lekin Rahul ruka nahi. Rahul ke jate hi charo upar se niche aaye...

Riti.... Ye to bina kuch bole chale gaye

Sobha.... Jane do Riti, abhi hum uski tarap ko nahi samjh sakte hain, jab kisi se itna pyar ho aur usse yun achanak najron ke samne tasveeron me dekhna, tum samajh bhi nahi sakti ki abhi uske dil me kya chal raha hoga.

Arpit.... Di dil me kya chal raha hoga pata nahi, lekin in jaise paglon ka ek hi ilaj hoga, kanhi baith ker daru pi rahe honge.

Arpit ki baton per sabhi logon ne gusse se bhara reaction diya ...

Anjali.... Chhota muh aur bari baat, Arpit odd manner, tumhe aisa nahi bolna chahiye.

Arpit.. Anjali di, aap bhi daba do meri awaz lekin jo sach hai wo sach hai. Aage ka kaam bhi yanhi se shuru karo, der nahi karo

Arpit ki baton per kaun sa reaction de kisi ko samjh nahi aa raha tha, kah sach hi raha tha lekin sayad jis najariye se banki sab dekh rahe the uss hisab se Arpit nahi soch pa raha tha. Khair banki baten ansuni ker ke Sobha aage ki yojna ko safal bna'ne me lag gayi.

Riti ko khas taur per bilkul Rahul ke jindgi se juri ussi khas libas se sajaya gaya, jisme Pari aksar Rahul se milti thi. Unke pyar ki dress code wahi lanhga. Riti ko taiyar karne ke baad, Sobha Riti ke sath Rahul ke ghar ki ore nikal gayi.

Dureti wanhi ghar ke bahar mil gaya, un dono ko intzar kerne ka bol ker chal diya ussi pahar ki tarapf janha Rahul baith ker pi raha tha. Sobha darwaje par hi khari dur raste per dekh rahi thi, aur Rahul ke aane ka intzar ker rahi thi.

Riti thodi chinta me dikh rahi thi, uske chehre par saaf likha tha wo kitni nervous feel kar rahi thi. Sobha ka dhyan jab Riti ko ore gaya to muskurate huye Sobha puchhne lagi....

"Itni dari huyi kyon ho, kya ho gaya"

Riti..... Ji wo Rahul sir nashe me honge, aur mujhe Pari di ki dress in logon ne pahna diya hai ... Aap samajh rahi hain na, kanhi kuch wo jabrdasti.......

Sobha hansti huyi jabaw dene lagi .... Haan ho bhi sakta hai, aur Rahul ko rokne ki himmat ess pure ilaka me koi nahi ker sakta.

Sobha ki baat sun ker Riti ke mathe par darr ka pasina saf dikh raha tha, Riti ki ghbrahat uske chere per thi. Apne pasine ko saf karti huyi Riti, Sobha se kahne lagi....

"Dekhiye mujhe ye kuch thik nahi lag raha, aap please yanha se chaliye"

Sobha jor se hasti huyi kahne lagi..... Tumhara darr jayaj hai, lekin daro mat kuch nahi hoga, main hun na viswas rakho. Ab tum jao aur deewar ki ore ghum ker khari ho jao, Rahul aata hi hoga.

Riti, Sobha ki baat manti huyi, apne thode se dare chehre per ek phinki muskan ke sath jakar deewar ki ore muh ker ke khari ho gayi. Kuch samay baad Rahul bhi dur se aata najar aa gaya, Sobha ne Riti ko ishara kiya, taiyar rahne ka Rahul aa raha hai.

Sobha gate per hi khari rahi, Rahul jab najdik aaya to sobha se kahne laga..... Sorry kuch kam yaad aa gaya tha isliye sath lunch ker nahi paye.

Rahul itna bolte huye ander ki ore badha aur jaise hi pichhe se najar Riti par pari, Rahul ekdum shock ho gaya. Wo kisi murti ki tarah khara hoker bas Riti ko hi dekh raha tha. Aankhen bilkul bari si thi Rahul ke, aur chehre par kayi bhaw...

Sobha... Rahul kanha kho gaye, oh wo .. Wo meri cousine hai Paridhi

Rahul ke kan me ye nam parte hi dhire se apni gardan ghuma ek bar sobha ko dekha aur apni dhimi chal se Riti ki ore badhne laga. Rahul ki dharkne saf suni ja sakti thi, paun kanp rahe the chalte samay, kisi tarah wo Riti ke pas pahuncha aur piche se uske kandhe per hanth rakh diya.

Riti bhi thodi dari si najar aa rahi thi, chehre per sikan ke sath Riti pichhe muri, Riti ka chehra jab Rahul ne dekha to anayas hi uske hath Riti ke kandhe se hat gaye, Riti pichhe murte hi Rahul se "hello" kahne lagi.

Rahul ko aaj jhatke pe jhatka mil raha tha. Rahul ke pass is hello ka koi jabaw nahi tha, wo bina kuch bole Sobha ke pass pahuncha aur kahne laga...

"Sobha, mujhe kuch kam hai main baad me milta hun"

Itna kah teji se Rahul nikla, raste se phir ek wishkey ki bottol liya aur ussi pahar ki choti per pahunch gaya, janha wo aksar baith ker piya kerta tha.

Us jagah per Dureti, aur uske sath kaam karne wale kayi log baith ker mehfil sajaye the din me hi. Rahul ke aate hi sab uth khare huye ...

Rahul..... Dureti tum sab niche jao aur kisi ko yanha mat aane dena.

Dureti bina sawal kiye sab ke sath niche chala gaya. Dureti ke ojhal hote hi Rahul ne jhatke me bottol khola aur jaldi jaldi teen ghunt piya, phir jamin per besudh girta hua bas rone laga....

"Kanha ho Pari ...... Pariiiiiiiiiii"

Rahul ko sabne milkar aaj us dard se samna karwa diya jise wo kayi salon se apne ander quaid rakha tha. Rota chillata, Rahul bas Pari naam hi le raha tha. Khud ko daru se itna jalaya ki wo wanhi behosh ho gaya.

Jab se Rahul, Sobha ke ghar se nikla tha bas piye hi ja raha tha, usse ye tak hosh nahi raha ki kanha gira wo. Sobha, Dureti aur logon ki madad se Rahul ko uske ghar le aayi.

Raat ke 11pm baje ek halki si chetna Rahul ko aaya, dhundhli najron se usne kuch log dekhe aur Sobha ki awaz uske kano me par rahi thi. Lekin ab bhi usse hosh kanha tha, bas ussi aalam ne ek baar phir Pari, Pari kerta let gaya.

Jab Rahul ki aankhen khuli to sab log usse ghere the. Rahul ne najren ghuma ker sabke chehre dekhe, apne kamre ko dekha, pure kamre me kai moment uske atit ke deewar par tange the. Mahol bikul shant sa tha.

Rahul..... Kaise ho Lal

Arpit..... Jiju, aap ne mujhe pahchan liya.

Rahul...... Pari kaisi hai ???

Arpit.... Main kya bataun, bas muskurati rahti hai aur aap ka intzar ker rahi hai.

Rahul..... Tumhe yanha nahi aana chahiye tha ... Anjali ye sab tum ne kiya

Anjali.... Rahul sir, ye akele maine nahi hum sab ne kiya, dekha hai hum sab ne Pari di ko, aaj bhi aap ke lautne ka intzar kar rahi hai. Ab to unhe ess intzar se mukti de dijiye.

Rahul..... Sayad hum dono roj marte hain aur roj ek dusre se milne ki aas me ji jate hain. Jab wo rista hi apna nahi raha jisne ess duniya me mujhe laye, to main kis muh se aage ke riston ko nibhaun.

Arpit..... Jiju wo ek daur tha galtfehmi ka, ab khatam ho chuka hai, aap ab bhi ussi baat ko dil se lagaye baithe hain.

Rahul..... Mujhe sab pata hai Lal, par meri himmat nahi bachi ab unka samna karne ki, dil toot chuaka hai, wo to mujhe Pari ko mukurate dekhne tha isliye main jinda hun nahi to ab jine ki ikchha bhi nahi.

Riti.... Kya intzar me dubi Pari di ko hum ye bata de ki aap ki koi chah nahi unse milne ki.

Rahul gusse se aankhen dikhate huye ..... Kaun Pari ke intzar me nahi hai, ek wahi to hai aur kya bacha hai mere pass.

Arpit..... Aate waqt Mrinal aur Sonal di roti najron se bheji mujhe ye bol ker, mere bhai ko lete aana.

Dab-dabayi aankhon se Rahul bas sabki baton ko sunta gaya. Itne salon baad sabki khabar pa ker uska dil me jaise tarap jaag uthi ho, lekin bite dino ke chand yadon me jab bhi usse apne papa ki baat yaad aati bas apna sar pakar ker baith jata.