• Hello Friends You can Register on the Forum and by posting you can earn money too.

Fantasy SAAJAN (Family Love FANTASY)

  • Thread starter Thread starter StoryPublisher
  • Start date Start date
UPDATE-189 (B)

Unicorn—main koshish to kar raha hu lekin safalta nahi mil rahi hai…bahut mushkil lag raha hai.

Raj—agar aisa hai to phir yaan ko niche le chalo…dekhe to sahi ki akhir ye grah hai koun sa aur kya raaz hai iska…?

Unicorn—lekin isme bahut khatra bhi ho sakta hai.

Raj—ab jo hoga dekha jayega…tum yaan iss grah par utar do.

Unicorn—theek hai.

Payal—hum yaha kyo utar rahe hain…? Ye koun si jagah hai….?

Raj—dekhte hain.

Hamara yaan dhire dhire uss grah ki seema me pravesh kar gaya....lekin ye kya... ? jaise hi yaan ne uss grah ki seema me pravesh kiya, vaise hi achanak..........

Ab Aage......

Hamara yaan dhire dhire uss grah ki seema me pravesh kar gaya....lekin ye kya... ? jaise hi yaan ne uss grah ki seema me pravesh kiya, vaise hi achanak yaan me bhisan aag lag gayi...poora yaan dhu dhu kar ke jalne laga.

Aag lagte hi sabhi jor jor se chillane lagi....main bhi hairan tha ki achanak yaan me aag lag kaise gayi... ? aag ki lapte badi tezi se hamari taraf badh rahi thi, ye dekh mujhe bakiyo ki fikra hone lagi.

Payal (chillate huye)—rajjjjj kuch karo jaldi se.

Neha (jor se)—ye kya ho gaya.... ? rajj bachaoo hame..

Paridhi—lagta hai meri kismat me marna hi likha tha.... ?

Saloni (jor se)—rajjjj jaldi kuch karo warna hum sab iss aag me jal kar raakh ho jayenge agle kuch hi pal me.

Unicorn—pata nahi ye aag achanak kaise lag gayi….?

Sab buri tarah se ghabra kar jor jor se chillaye ja rahi thi…..kewal ek divya hi thi jo ki chupchap thi aur ektak mujhe hi nihare ja rahi thi..…lekin .usne kuch nahi kaha…..shayad usko mujh par aur mere prem par itna gahra vishwash tha ki ye aag bhi uske iss vishwash ko dagmaga tak nahi payi.

Maine jaise hi uski ankho me jhankne ki koshish ki to usne aisi khatarnak paristhiti me bhi haule se mushkura diya uski iss ek mushkurahat ne jaise meri sabhi chintaye dhwast kar di…..uski iss ada ne hi to mera sab kuch loot liya tha meri need, mera chain, mera sukun sab kuch main uski ek mushkurahat par haar chuka tha.

Payal (chillate huye)—rajjjjjjj…..bachaooooo

Raj (hosh me aate huye)—hmmmmm……sab yaan se niche kood jao…..jaldi karo

Neha (jor se)—itne upar se niche koodenge to mar nahi jayenge…..?

Raj—jaldi karo waqt nahi hai.

Aur mere kahne ke agle hi pal divya ne niche jump laga di….usko niche koodte dekh main bhi kood gaya….mujhe jump karte jaise hi payal didi ne dekha to vo bhi mera naam chillate huye kood padi….phir paridhi aur phir neha chachi.. piche piche unicorn bhi aa gaya…shayad vo apni taqat ka upyog nahi kar pa raha tha…iss grah ki seema me aane ke baad.

Hamare niche kudte hi yaan me ek jordar visfot ke sath uske parkhachche ud gaye……hum sab tezi se niche girne lage kintu jaise jaise niche ja rahe the….sabke jism me jalan badhti ja rahi thi….aisa lagne laga ki niche pahuchne se pahle hi sab iss aag me jal jayenge……shayad iss grah ka taapmaan bahut adhik tha.

Sab ke dil me darr sama chuka tha….sab jor jor se chillate hute niche gir rahi thi….ye dekh kar maine apni ankhe band kar li aur agle hi pal mere jism se roshni nikalne lagi aur uss roshni ne sabhi ko apne suraksha kawach ke ghere me le liya.

Roshni ke suraksha ghere me aate hi sab ke niche girne ki speed kam ho gayi……sharir me hone wali jalan bhi dhire dhire kam hone lagi thi.

Magar hum jaise jaise uss grah ya phir jo kuch bhi tha, uski satah ke karib jate ja rahe the…vaha siway aadhe bhag me andhkar aur baki me tez prakash ke atirikt kuch bhi nazar nahi aa raha tha.

Niche girte huye hum jaise hi uss grah ki satah par pahuche aur jamin par pahla kadam rakhte hihamare charo oor ek tunnel jaisi akriti ne hame gherne lagi ya ye kaha jaye ki vo jamin hi tunnel me parivartit hone lagi to jyada behtar hoga aur isme koi atisanyokti bhi nahi hai.

Jamin ke tunnel me parivartit hote hi hamare samne andhera gahrane laga…roshni dhire dhire kam hoti ja rahi thi... ye behad chinta ki baat thi.

Unicorn—lagta hai ki hum black hole me phans gaye hain....iska ek sira to band ho chuka hai….hame jaldi se jaldi iss tunnel ke dusre sire par pahuchna hoga andhera hone se pahle warna hum iss black hole me hi qaid ho kar rah jayenge…

Raj—shayad tum sahi kahte ho......jise hum grah samajh rahe the vastav me vo black hole hi hai…chalo dekhte hain ki black hole ke dusri taraf kya hai….?

Payal (shocked)—kyaaaa…hum black hole me phans gaye….? Ab hum ghar kaise jayenge….?

Neha—ye sab kya hai rajjj….? Ye andhera hamari taraf kyo badh raha hai.... ?

Paridhi—mera to marna hi likha hai lagta hai.... ?

Raj—kisi ko kuch nahi hone dunga..sab suraksha kawach ke ghere me ho.....ab jaldi se sab uss tunnel ke andar bhago... jitna tez bhag sakti ho....warna uska dwar bhi band hi hone wala hai.

Payal—nahi mujhe darr lagta hai...tum mera hath pakdo pahle.

Raj—kya musibat hai…aise samay me bhi……khair aao jaldi se.

Andhera lagbhag phail hi chuka tha….isse pahle ki vaha poori tarah andhera chha pata main sab ko lekar uss tunnel me ghus gaya.

Andar ghuste hi hum tezi se kisi pani ke bahav me bahne lage….hamara khud ke upar koi niyantran nahi rah gaya tha…..har taraf sirf roshni hi roshni thi….uss tez roshni se sabhi ki ankhe dhire dhire band hoti chali gayi.

Jab ankh khuli to khud ko badi hi vichitra si dikhne wali jagah par paya hamne…..ye ek ghana jungle tha…magar vichitra baat ye thi sabhi ped sukhe huye the….unme phal ka lage hona to door ki baat ek patta tak nahi tha…yaha tak ki na koi janwar, na koi pakshi ke kalrav karne ki dhwani goonj rahi thi.

Divya—ye kaisa jungle hai….?

Payal—yaar ye kaha jungle me aa ke phans gaye….? Ye sab uss budhiya ki vajah se ho raha hai….yaha se kisi tarah nikal jau to ghar pahuchte hi sabse pahle uss budhiya ke tukde tukde karungi.

Raj—kya didi aap hamesha gusse me hi rahti ho….

Payal—gussa nahi karu to kya karu, tu bhale hi bhul jaye lekin main ye kabhi nahi bhul sakti ki usne teri jaan lene ki koshish ki.....jab bhi mujhe akeli milegi uska kaam hi tamam kar dungi.

Neha—raj...ye koun si jagah hai..... ? kya hum dharti me pahuch gaye.... ?

Raj—nahi...hum apne grah me nahi hai......aage dekhte hain ki ye koun si jagah hai....koi milega to puchenge unse.

Paridhi—lekin iss jungle me milega koun.... ?

Payal—aur hum ghar kaise vapis jayenge ab…..?

Raj—ab jab yaha aaye hi hain to thoda ghum hi lete hain…sabse pahle jungle ke bahar chalte hain…dekhte hain ye jungle hame kaha le kar jata hai….?

Hum uss jungle me purab disha ki oor badhne lage…jungle ke andar kisi pagdandi ke kahi koi nishan nahi mil rahe the isse saaf prateet ho raha tha ki iss jungle me kafi samay se koi aaya gaya nahi hai ya phir koi aata jata hi nahi hai.

Divya—hame din dhalne ke pahle pahle ye jungle paar kar lena chahiye…..mujhe ye jagah kuch theek nahi lag rahi hai.

Raj—soch main bhi vahi raha hu.

Payal—kyo na hum ye jungle jaldi se paar karne me unicorn ki madad le le.... ?

Raj—upar wale ne ye do pair kis liye diye hain.... ? chalne ke liye hi na, to phir chalti raho

Neha—vo theek hi to kah rahi hai raj…akhir paridhi ke time par bhi to hamne unicorn ka prayog kiya tha, to ab kyo nahi….?

Raj—chachi…shaktiya koi pradarshan karne ki vastu nahi hain…..inka prayog tabhi karna chahiye jab uske bina karya hona asambhav ho jaye…..mangal grah jane ke liye maine unicorn ki shakti isliye prayog ki kyon ki hamare liye subah hone se pahle pahuchna avashyak tha…hum ud ke to ja nahi sakte the aur yaan se pahuchne me subah ho jati.. kintu abhi din hai to hum paidal jaha tak chal sakte hain, vaha tak to chale….kudrat ne jo cheez hame di hai uska uphaas na kare…..kabhi aap ne socha hai ki duniya me jane kitne hi aise log hain bechare jinke paas pair hi nahi hain… dusro ko chalte huye dekh kar unke mann me aata hai ki kash mere paas bhi pair hote to main bhi chal sakta….aur hamare paas pair hote huye bhi hum chalna nahi chahte…?

Payal—sun liya chachi…baap re…itni si baat par itna lamba chouda speech……arey gudiya tu bhi to kuch bol.

Divya—mujhe kuch bolne ki jarurat hi nahi hai kyon ki mujhe poora bharosa hai ki hame kuch nahi hoga.

Hum chalte huye apni baato me itna kho gaye ki iss baat par dhyan hi nahi gaya….ki hamare piche piche jungle me kya ghatna ghatit ho rahi thi……?

Jaha jungle me abhi achchi khasi roshni thi, vahi jaise jaise hum aage badhte ja rahe the vaise vaise piche jungle me andhera phailta ja raha tha….hamare piche ka poora jungle lagbhag ghane andhkar me doob chuka tha.

Jabki idhar ghar me chanchal ki ye sachchayi ki vo iss ghar ki hi badi santan hai aur mamta ki sagi beti bhi, iska rahasyodghatan hone ke baad sabhi shocked rah gaye.

Kisi ko bhi jara si bhi aisi ummid nahi thi ki iss Thakur pariwar ke andar itni badi sazish rachi gayi thi….vo bhi ek masoom bachche ki hatya karne ke liye…‼ Yaha tak ki em bachchi ko uski maa se vilag kar ke uske maatratva ka haq tak chheen liya.

Aur ye sazish rachi bhi to kisne….? Unn logo ne jin par sabse adhik vishwash tha....jinke upar shaq karne ki koi gunjaeesh hi nahi thi.

Mamta ka hriday to pahle hi uske apne pati ke kritya se dukhi tha….ab jab usko apni hi maa aur bahan ke bhi iss sazish me shamil hone ki baat pata chali to vah poori tarah se toot gayi.

Rahi sahi kasar chanchal ki sachchayi ne poori kar di….uska hriday itne saare aaghat sahan nahi kar saka aur vo vahi gir kar behosh ho gayi.

Ruchi (jor se)—maaaaaa…

Madhu—didiiii

Chanchal--maaaaaaa

Roopaly—veer jaldi se didi ko unke room me le chalo......aur doctor ko call karo.

Veer ne mamta ko utha kar uske bedroom me le gaya aur soniya ne turant doctor ko call kar diya…..thodi hi der me doctor bhi pahuch gaya apni poori team ke sath aur mamta ka check up karne laga…

Sab vidhya ko gusse bhari nazaro se ghur rahe the....jabki chanchal mamta ke room ke darwaje ke gate tak aa kar vahi se apni ashru poorit ankho se pravahit ho rahi jal dhara ke sath taktaki lagaye apni janam dayini maa ko dekh rahi thi…apni maa ke room me kadam rakhne ki bhi vo himmat nahi juta pa rahi thi.

Nani (vidhya ko)—chaatttaaakkk….band kar apne ye magar machchh ke anshoo…..aaj tune mujhe apni hi nazaro me gira diya….apni bahan ke sath ye karte tujhe jara bhi sharam nahi aayi.

Priyadarshini—aap unko kyo bol rahi ho….? Jo aap ne kiya vahi to usne bhi kiya hai…..jaisi maa vaisi beti.

Nani (gusse me)—tu hoti koun hai beech me bolne wali.... ? ye hamare pariwar ka matter hai....tu yaha ek mehmaan hai aur mehmaan ki tarah chupchap rah samjhi.

Nani ki ye baat priyadarshini ke paas me khadi mrinal ke dil me jahar me bujhe huye kisi teer ki bhanti ja chubhi.....uska poora gora mukh mandal atyant kroadh se tamtama gaya......gusse ki vajah se uske chehre par pasine ki boonde chhalak aayi.

 
UPDATE-190

Nani (vidhya ko)—chaatttaaakkk….band kar apne ye magar machchh ke anshoo…..aaj tune mujhe apni hi nazaro me gira diya….apni bahan ke sath ye karte tujhe jara bhi sharam nahi aayi.

Priyadarshini—aap unko kyo bol rahi ho….? Jo aap ne kiya vahi to usne bhi kiya hai…..jaisi maa vaisi beti.

Nani (gusse me)—tu hoti koun hai beech me bolne wali.... ? ye hamare pariwar ka matter hai....tu yaha ek mehmaan hai aur mehmaan ki tarah chupchap rah samjhi.

Nani ki ye baat priyadarshini ke paas me khadi mrinal ke dil me jahar me bujhe huye kisi teer ki bhanti ja chubhi.....uska poora gora mukh mandal atyant kroadh se tamtama gaya......gusse ki vajah se uske chehre par pasine ki boonde chhalak aayi.

Ab Aage......

Mrinal gusse me nani ke upar shakti prayog karne hi wali thi ki tabhi uske mann me uski maa ki awaz sunayi dene lagi jisse uska dhyan nani ke upar se hat gaya.

"Putri Mrinal tum kaha ho.... ? aur Rajkumari Priyadarshini kaha hai... ? Yaha sabhi unko lekar pareshan hain...Tum shighra hi unko lekar swarg log vapis lout aao." Uski maa ne kaha.

Mrinal—hum dono sakushal se hain maa, theek hai maa hum dono jaldi hi loutenge.

Mrinal ne apni maa se baat karne ke pashchat jaise hi nani ki taraf ghumi to vo vaha se ja chuki thi...mrinal unko khojne jane hi wali thi ki priyadarshini ne uski mansha bhanp kar uska hath pakad ke na me ishara kiya.

Mrinal (mann me)—agar mujhe tumhare prem ka khyal nahi hota to ab tak ye budhiya narak wasi ban chuki hoti…par sabak to isko jarur sikhaungi main ab.

Jabki vahi room me sabhi mamta ko gher kar khade huye the….usko abhi tak hosh nahi aaya tha….doctor’s ki team apne prayas me lagi huyi thi…par chanchal dahleez se hi dekh rahi thi.

Mrinal—sakhi yahi sahi mouka hai….iss ghar ke logo ke dil me apni jagah banane ka….tum kisi tarah se maa ji ko hosh me le aao…..aisa karne se unke dil me tumhari jagah bhi banegi aur raj ka khichav bhi tumhari oor hoga.

Priyadarshini—tumhara kahna theek hai mrinal….main unko theek to jarur kar sakti hu, kintu maa ji ka raj ke aane tak behosh rahna hi jyada uchit lagta hai.. agar vo hosh me aa gayi to iss samay unke hriday me itni adhik taklif hai ki unke dard me doobe anshuo se ye poora ghar hi bah jayega….unko sambhalna bahut mushkil hoga…saajan iss paristhiti ko asani se sambhal sakte hain…..tum kyo koshish nahi karti…?

Mrinal—main kya koshish karu….? Mujhse to koi dhang se baat bhi nahi karta……aur vo balatkari veer to mujhe dekh kar aise door bhagta hai jaise ki mujhe koi chhut ki bimari ho aur mere paas aate hi usko lag jayegi.

Priyadarshini—vaise tum dono ki jodi achchi rahegi.

Mrinal—meri jodi ki chinta chhodo aur swarg log jane ki taiyyari karo....devraj ne tumhe turant bulaya hai.

Priyadarshini (chintit)—meri bhi baat ho chuki hai unse....bas ek baar saajan ka prem mil jaye to phir mujhe kisi ki chinta nahi hai.

Mrinal—saajan ke vapis aate hi khul kar unse apne dil ka haal bayan kar de....phir jo hoga dekha jayega.

Priyadarshini—hmmmm....chalo himmat karti hu iss baar.

Vahi dusri taraf uss anjan jagah par hum jungle me nirantar aage badhte ja rahe the iss baat se bekhabar ki hamare piche kya chal raha hai…?

Neha—pata nahi ye jungle kab khatam hoga…?

Raj—chalte raho dekhte hain.

Hum sabhi aise hi baate karte huye aage badhte ja rahe the….jab kafi der ne payal didi ke kuch bhi nahi bola to mujhe behad hairani huyi.

Raj (mann me)—kya baat hai….didi itni shant kaise hain…..? lagta hai unicorn ko bulane se mere mana karne ki vajah se naraz ho gayi hongi….warna itne samay tak to vo mujhse bina baat kiye shant rah hi nahi sakti….shayad chalte chalte thak bhi gayi hongi…..chalo unko apni god me utha leta hu….unki jyada der tak narazgi main bardast nahi kar sakta.

Ye soch kar main jaise hi piche palta to hairan rah gaya….piche jungle ka door door tak kahi koi namo nishan tak nahi tha aur na hi payal didi ka.

Mera poora dimag jhanjhana gaya…..jism me rakt pravah hona jaise tham gaya tha….mere aise achanak rukne se baki sab bhi piche ki oor palat gaye….unki halat bhi dahshat aur khauf ke ghere me aa gayi.

Neha (shocked)—omg…..ye kya hai….? Payal kaha hai….? Vo jungle kaha gaya….?

Paridhi—achanak itna andhera kaise ho gaya…….?

Divya—lagta hai hamare sath dhokha hua hai….?

Raj (jor se chillate huye)—payal didiiiiiii

Neha—payal betaaaaaaaa

Paridhi—payalllllll

Divya—didiiiiiiiiiii

Lekin kisi ke baar baar chillane par bhi koi pratyuttar nahi aaya….to sabhi ghabra gaye…..maine turant apni ankhe band kar ke dhyan laga kar payal didi ko dekhne ki koshish karne laga.

Dhyan me bhi siway ghanghor andhkar ke kuch bhi nazar nahi aa raha tha……na hi payal didi ka kuch pata chal raha tha…. mere hriday me bechaini badhne lagi thi….mera dhyan toot gaya tha.

Mere dil me payal didi ki ahmiyat ka andaza lagane ka main kabhi soch bhi nahi sakta tha…..vo mujhe har khatre se bachane ke liye hamesha meri dhaal ban kar mere samne khadi ho jati thi.

Aaj mere rahte huye bhi unko khatre me hone ka andesha hote hi meri ruh kaamp gayi…..meri ankho me nami utar aayi aur mujhe khud par gussa aane laga.

Raj (nam ankho se)—sab meri vajah se hua hai…..agar maine didi ki baat maan kar unicorn ki shakti ka use kar leta to ye naubat hi nahi aati.

Neha (ghabrate huye)—jaldi kuch karo raj……mujhe meri payal sahi salamat chahiye…..main didi ko kya muh dikhaungi…kya kahungi unse ki maine apni beti paridhi ki jaan bachane ke liye unki kokh ujad di….kaise samna karungi unka….?

Saloni—ye sochne ka nahi kuch karne ka samay hai raj.

Paridhi (sisakte huye)—ye sab meri vajah se ho raha hai…..main hi manhoos hu.

Raj (bhigi palke)—kuch samajh me nahi aa raha hai......dhyan me bhi didi kahi nahi dikh rahi hain.....didi aap kaha ho..aa jao...aap jaisa kahogi main vaisa hi karunga.

Divya—agar aap hi himmat haar jaoge to didi ko koun bachayega iss khatre se..... ? aur phir mere vishwash ka kya hoga……?

Main ankhe band kar ke vahi niche baith gaya aur khud ki bhavnao ko niyantrit karne ka prayas karne laga…kuch der me jab maine apne aap ko shant kar liya tab aage kya karna hai iss vishay me sochne laga.

Saloni—ab kaha talash kare payal ko...upar se ye andhera pata nahi kaise tapak pada.

Raj—hame piche jana hoga....kyonki didi hamare piche piche chal rahi thi aur vahi se gayab ho gayi to jahir hai ki jo kuch hua hai vo sab iss andhere ke karan hi hai.

Divya—to phir chaliye jaldi.

Raj—aage koi bhi khatra ho sakta hai….sab ek dusre ka hath pakad kar chalo mere sath.

Neha—ok

Sab ek dusre ka hath pakad kar mere sath sath chal pade….jaise hi maine uss andhkar me pahla kadam rakha tabhi vaha kisi ke jor se cheekhne ki awaz goonj uthi…..ye awaz sunte hi main chounk gaya, kyon ki ye minakshi ki awaz thi.

“Aaaahhhhhhh……agyantttttt……bachaaaooooo.”

Neha—ye kis ke cheekhne ki awaz hai…..? kahi payal kisi khatre me to nahi phans gayi….?

Raj—ye minakshi ki awaz hai…..par yaha par minakshi kaise...... ?

Divya—kahi minakshi iss jagah hi to qaid nahi hai….?

Tabhi ek baar phir se minakshi ki dard me chillane ki awaze aane lagi…..main sab ka hath pakde uss awaz ki disha me tezi se badhne laga…lekin ashcharya ki baat ye thi ki ab vaha koi jungle nahi tha kyon ki andhere me chalne ke bavjud hum kisi ped se nahi takra rahe the.

Main lagatar minakshi ki awaz ka picha karte huye aage badhta ja raha tha….abhi kuch hi aage gaya tha ki tabhi dusri disha se ek aur awaz chillane ki aayi jisne mere kadmo ko vahi rok diya.

“Raajjjjjjj……bachaaaoooooo.”

Paridhi (chounk kar)—ye to payal ki awaz hai…..lagta hai ki vo yahi kahi hai.

Main turant payal didi ki awaz ki disha me palat gaya……kuch door jane par phir se minakshi ki awaz aane lagi aur dusri disha se payal didi ki…..mera to dimag hi kharab ho gaya ki jau to kidhar jau….?

Neha—pahle payal ko bachao rajj..

Main minakshi ki awaz ko ansuna karte huye payal didi ko bachane ke liye badh gaya….main jitni bhi door jata tha awaz mujhse utni hi door hoti ja rahi thi.

Hum badhawash ho kar idhar se udhar bhatakne lage…lekin kahi koi kinara nahi mil raha tha….tabhi chalte huye hum chhapak se gahre pani me gir gaye….pani me girte hi sab ke hath ek dusre se alag ho gaye.

Achanak ye beech me pani aa jane se main chounk gaya……hum pani ke andar doobne lage….ab kisi ki bhi awaz sunayi nahi de rahi thi yaha tak ki neha chachi, saloni, paridhi ya phir divya ki.

Raj (jor se)—chachi……paridhi….saloni…divyaaaaaa

Lekin kisi ka koi response na milne se main boukhala gaya....aur pani me idhar udhar hath pair marte huye bhagne laga jor jor se sab ka naam chillate huye.

Phir achanak vaha prakash phail gaya aur roshni hote hi jo nazara mere samne aaya usko dekhte hi main ek baar phir se hairan rah gaya.

Kyon ki meri ankho ke samne iss samay athah samundra phaila hua tha.....maine charo taraf nazar doudayi to kisi ka kahi ata pata nahi tha .....agar tha to sirf vishal jal sagar....divya ko vaha na dekh kar mera mann bawla hone lag gaya...aisa lagne laga jaise uske bina meri dhadkane hi ruk jayengi.

Tabhi mere kaano me kisi ke chillane ki awaz sunayi di to maine jaise hi udhar dekha to gusse se meri ankhe lal ho gayi.... ek rakshas neha, paridhi,saloni ko khichte huye samundra me liye ja raha tha.

Main doudte huye uske paas jane laga...sab ki nazar mujh par padte hi aur jor jor se cheekhne lagi...mujhe vaha dekh kar vo rakshas mere upar aag ke gole barsane laga.

Lekin main unhe pani se bujha deta tha....ab ki baar usne burf ke gole fekna shuru kar diya..maine aag ke gole fenk unko pani bana diya.

Apni shaktiyo ko vifal hote dekh usne gusse me aa kar pani me bawandar banane laga...mere kuch karne se pahle hi usne sab ko utha ke ussi bawandar me fenk diya....vo pani ka bawandar itna vikral ho gaya ki usne divya ko uchhal kar bahut door phenk diya samundra me jabki bakiyo ko dubo diya.....ye dekh main apna aapa kho baitha aur meri ankho se bijli ki tarange nikalne lagi....unn tarango ke lapete me aate hi vo cheekhte huye bhasm ho gaya aur phir maine pani ki shakti se uske bawandar ko shant kar diya.

Bawandar shant hote hi jab mera gussa thanda hua to main phir se sab ko dhoondne laga....mujhe divya bhi kahi nahi mil rahi thi.....mera mann vyathit hone laga.

Raj (mann me)—kisko pukaru...kiske paas jau... jo sankat ke samay iss sthan par mera mitra ho…? Lagta hai sab ko ye samudra hi nigal gaya hai aur sath me meri divya ko bhi……uss samudra manthan ke samay jo shaktiya thi, vo aaj kaha hain….? Vo brahma, vishnu aur mahesh kaha hain….? Aur kaha vah meru parvat aur shesh hain…? Aaj vaisa saaz koun lakar jutayega ki vasuki rassi ho aur meru manthan dand ho..... ? punah koun uss prakar samudra ka manthan kar sakta hai jaise kshir sagar matha gaya tha... ? jab tak jeev prano ko dekar koi manthan nahi karta hai, tab tak kuch sambhav nahi hai...meri divya ko nigal kar samudra nishchint ho gaya hai.....ab to uske upar koi kathinayi pade to hi vah meri divya ko lekar prakat hoga....ab koun uss chandra ko udghatit kar ke mere hriday ko prakashit karega. Agar meri divya hi nahi rahi to phir mera jeevan hi vyarth hai...main bhi samundra me doob kar apni jaan de deta hu.

Main abhi ye soch hi raha tha ki tabhi…..mujhe divya meri taraf aati huyi dikhi…..usko jinda dekh kar mera tan mann jhum utha.

Divya—kaha chale gaye the.... ? main kab se dhoond rahi hu.

Raj (serious)—koun ho tum….?

Divya—ye kaisi baate kar rahe ho…? Main divya hu tumhari divya…lagta hai iss jagah jarur koi maya hai jo mujhe pahchan nahi rahe ho.

Raj—nahi tum meri divya nahi ho sakti….divya ko dekhte hi mera dil jor jor se dhadakne lagta hai…mujhe apni antar aatma me ek alag hi khushi mahsoos hone lagti hai…..beshak tum divya ki tarah dikhti ho..sab kuch vaisa hi hai lekin tum meri divya nahi ho sakti…tum jao yaha se.

Divya (rote huye)—main hi divya hu…ab kaise yakin dilau tumhe…..? theek hai agar mujhse mann bhar gaya hai to main hi samundra me kood ke apni jaan de deti hu.

Raj—dekho tum koun ho aur kyo ro rahi ho….? Main pahle bhi kah chuka hu ki tum meri divya nahi ho sakti…main divya ki saanso ki khushbu ko bhali bhanti pahchanta hu…..main uske liye apne pran bhi nyochhavar kar sakta hu .. koi aur stri divya ki jagah kabhi nahi le sakti…bhanwra bhale hi samast phoolo par udta phirta hai lekin vo unn phoolo ki khushbu nahi leta hai……vah to kewal malti ko dhoodta phirta hai….vah jaha par malti ki khushbu pata hai, uska daas hokar uss par apna jeev nyochhavar kar deta hai…...isliye rona band karo aur apna parichay do.

Aur tabhi vo ladki jisne divya ka roop dharan kiya hua tha, vaha se adrishya ho gayi aur vaha divya prakash phail gaya………uss prakash punj ke beecho beech uss jagah par swayam kamlasan par devi mahalaxmi virajman ho kar mujhe dekhte huye mushkura rahi thi.

Main unhe dekhte hi unke charno me jhuk gaya aur apni asabhyata aur agyanta ke liye ke liye kshama yachna karne laga.

Mahalaxmi—hey putra…maine tumhari satya nistha ka bhav dekha hai….main to bas tumhare prem aur paurush ki pariksha le rahi thi jisme tum uttirn huye.

Raj—main aaj apke darshano se kritarth ho gaya maa…mera ye nashwar jeevan safal ho gaya….kintu main divya ke bina jivit nahi rah sakta maa…uske bina to meri saanse bhi apna rasta bhatak jati hain.

Mahalaxmi—tumhari divya jivit hai….tumhare paas aane se pahle maine uski hi pariksha li thi…tum dono ka prem shaswat, nirmal, ahankar rahit aur nishchal hai…tum dono ka prem sabhi lok ke liye ek mishal hai.

Raj—main kuch samjha nahi maa….?

Mahalaxmi—abhi tumhare sath jo bhi kuch ghatit hua vo meri hi maya ka ek ansh tha….

Raj—maa…kya baki sab bhi jivit hain…?

Mahalaxmi—haa putra...vo sab tumhe ussi jagah milenge jaha par tumne payal ki khoj shuru ki thi..sirf divya ko chhod kar.

Raj—divya kaha hai maa..... ? aur ye kaisi maya thi apki jisme mujhe minakshi ki awaz sunayi de rahi thi.... ?

Mahalaxmi—ye maya maine tum dono ki pariksha lene ke liye hi rachi thi......minakshi uss black hole me hi qaid hai kintu uske charo taraf mayavi shaktiyo ka pahra hai aur dusra uske paas mani hai...

Raj—mujhe baki ke mani ke ansh kaha milenge..... ?

Mahalaxmi—rajgarh se tumne jo tilismi kitab hasil ki hai…uske andar kuch sawal hain…tumhe unn sawalo ke jawab ki khoj karni hogi….jaise hi tum kisi sawal ka uttar pa loge to tumhe mani ka ek ansh milne ka rasta bhi mil jayega ek sawal ka hal matlab mani ka ek ansh….sawal ke jariye hi tum minakshi tak pahuch sakte ho….kintu dhyan rahe ki khatra har jagah hai…sawal ka jawab kahi par bhi ho sakta hai..dharti..akash..patal ya phir koi bhi lok me.

Raj—jaisi apki agya mata

Mahalaxmi—ye lo putra..meri taraf se tumhare liye ashirwad....

Mata ne antardhyan hone se pahle mujhe paanch cheeze apne ashirwad swaroop pradan ki..Amrit, hans, raj pakshi, shardul aur paras patthar..sath hi unhone ye bhi bata diya ki divya mujhe kaha milegi.

Maine maa mahalaxmi ke inn ashirwad ko swikar kar ke divya ki taraf chala gaya...mujhe dekhte hi vo bhagte huye aa kar mujhse lipat gayi.....ab vaha koi samundra nahi tha..palak jhapakte hi vo adrishya ho gaya tha.

Divya—ye samundra kaha gaya.... ? aur baki sab kaha hain.... ?

Raj—chalo mere sath

Main divya ko lekar ussi jagah aa gaya....jaha sabhi baith kar ro rahi thi....mujhe dekhte hi vo sab bhi rote huye bhag kar mujhse lipat gayi.

Neha—agar tum uss rakshas ko nahi marte to aaj vo hame kha jata.

Raj—aap log yaha kaise pahuchi…?

Paridhi—jab uss rakshas ne hame uss bawandar me phenk diya to hum doobne lagi phir behosh ho gayi jab ankh khuli to yaha paya khud ko.

Neha / saloni—mere sath bhi yahi hua.

Raj—aur aap kaha chali gayi thi didi.

Payal—main kahi nahi gayi thi....achanak se kisi ne mera gala daba diya tha jisse main behosh ho gayi thi...jab hosh aaya to tujhe yaha na dekh baith kar yahi ro rahi thi.

Raj—ohhh..thanks god.....achcha didi...vo tilismi kitab kaha rakhi hai..... ?

Payal—vo main hamesha apne sath me hi rakhti hu.....kya pata kahi vo budhiya hi na chura le kabhi... ? kyo... ?

Raj—usme aage kya likha hai..padhna jara.

Paridhi—par aage padhne ke liye to mani ka dusra ansh chahiye na jo ki minakshi ke paas hai.... ?

Raj—iss baar aap padho...kuch na kuch likha jarur milega vaha.

Paridhi—theek hai

Payal didi ne pahle kitab ko khol kar dekha lekin unhe aage kuch likha nahi mila to unhone vo paridhi ko thama di… paridhi ne uske aage ka jaise hi page khola to usme upar ek shayari likhi huyi thi…aur uske niche ek ajib sawal.

“Upar Ambar Niche Dharti, Beech Mein Hain Dil Ke Afsaane

Afsaano Mein Dard Hai Kitna, Pyar Ke Dushman Ye Kya Jaane.”

Sawal—“Chouki Par Baithi Ek Rani, Sir Par Aag Badan Mein Pani."

 
UPDATE-191

Payal didi ne pahle kitab ko khol kar dekha lekin unhe aage kuch likha nahi mila to unhone vo paridhi ko thama di… paridhi ne uske aage ka jaise hi page khola to usme upar ek shayari likhi huyi thi…aur uske niche ek ajib sawal.

“Upar Ambar Niche Dharti, Beech Mein Hain Dil Ke Afsaane

Afsaano Mein Dard Hai Kitna, Pyar Ke Dushman Ye Kya Jaane.”

Sawal—“Chouki Par Baithi Ek Rani, Sir Par Aag Badan Mein Pani."

Ab Aage.......

Paridhi—Ye kya likha hai.... ? shayari aur paheli.... !

Payal—Paheli ka answer to jarur Mombatti hona chahiye.

Paridhi—Lekin mombatti to har ghar me aur har jagah mil jayengi…

Raj—Payal didi ka jawab bilkul sahi hai….iss paheli ka matlab mombatti hi hoga.

Neha—lekin iss kitab me ka iss paheli se kya sambandh ho sakta hai….?

Raj—kyon ki ye paheli hi hame mani aur minakshi tak pahuchayegi.

Payal—Ohhh…lekin ek baat meri samajh me nahi aayi ki mani hasil karne ki itni saral paheli kaise ho sakti hai…? Aur yadi ye sahi hai to aaj tak koi uss mani tak kyon nahi pahuch paya….?

Saloni—balkul sahi kaha payal tumne…mujhe bhi yahi doubt hai.

Raj—doubt kyo….? Achcha aap ek baat batao ki mani tak pahuchne ka rasta kya hai, apko kaise malum hua…..?

Paridhi—iss kitab ke jariye.

Raj—correct……to jab koi aaj tak iss kitab ko hasil hi nahi kar paya to unhe kya pata ki mani tak pahuchne ka kya marg hai…..?

Payal—omg…..ye to maine socha hi nahi tha…..you are genious raj…uummmmmmm

Raj—kya didi…..ab aap badi ho gayi ho, sab kya sochenge….mera poora gaal geela kar diya.

Payal—wahi to……main to badi ho gayi hu lekin tu to mere liye ab tak chhota hi hai mere munne raja….aur rahi baat kisi ke dekhne aur sochne ki to mujhe kisi ka darr nahi hai.

Neha—ye ladki na sach me pagal hai

Divya—lekin didi……baat to abhi bhi sochne wali hai…jaisa ki paridhi di ne kaha……mombatti to har jagah avaiable ho sakti hai….par iska matlab ye to nahi ho sakta na ki minakshi vaha har jagah par mil jayegi….?

Raj—shayad tumne dhyan nahi diya ki uss sawal ke sath me ek shayari bhi likhi huyi hai……mombatti ka sambandh uss shayari se hai……aur uss shayari ka sambandh minakshi se…….aur minakshi ka sambandh mani se hai.

Saloni—par hum mombatti dhoodenge kaha kaha…..? aur iss shayari ka matlab kya hai...... ?

Neha—mombatti ke liye to pahle hame yaha se kisi tarah nikal kar apne ghar jana hoga…apne ghar me bhi to candles hain.

Payal—hmmm chachi…..raj yaha se jane ka kuch soch na…..grah ke chakkar me kaha aa phanse….?

Raj—ab chalo yaha se aage chalte hain……mombatti ke liye kahi jane ki jarurat nahi hai…..kyon ki minakshi issi black hole ke andar qaid hai kahi par.

Sab—kyaaaaa….?

Raj—haa…..isliye bas chalte chalo……shayad iss samay hum kisi dusre hi dimension me pahuch chuke hain….kahi na kahi hame koi na koi clue jarur milega.

Payal—theek hai…chalo

Hum thodi si iss yatra viram karne ke pashchat punah apne agle padav ki oor agrasar ho chale…..divya chalte huye aaj ke ghatna kram ke bare me sochte huye usme hi kho gayi thi.

Kuch samay pahle………

Samundra me rakshas ke dwara uttapann uss bawander ne divya ko uchhal kar bahut door phenk diya….vo samundra ki upar niche hoti lahro ke sath bahte huye ek kinare par ja pahuchi aur vahi behosh ho gayi.

Hosh aane par jab usne apne aas paas kisi ko vishes kar saajan ko nahi dekha to usko laga ki uss rakshas ne apne bawandar me sab ko phansa kar maar diya.

Mann me ye khyal aate hi vo bechain ho uthi….samundra ke kinare kinare hi bhagne lagi….lekin use door door tak phaile vishal jal sagar ke atirikt kuch bhi nazar nahi aaya.

Uska komal hriday ek bar phir se saajan ko khone ke darr se atyant bhavuk ho gaya…..vahi niche baith kar vo rone lagi.

Divya (rote huye)—mere sath hi ye har bar aisa kyo hota hai…..? akhir kab tak mujhe apne pyar ko pane ke liye dar dar ki thokre khani padengi……? Jab saajan hi nahi rahe to main jivit rah kar kya karungi…..main bhi jal samadhi le lungi…..hey samundra devta mujhe bhi apni sharan me le lo.

Divya—meri kaya samudra hai, usme jab saajan par drashti dalti hu to uss saajan ko apne hriday me dekhti hu....mano mera hriday darpan hai aur usme mera saajan darshan dikhata hai….netro ke liye vah nikat hai kintu pahuchne ke liye atyadhik door hai, isliye ab uske liye main chintit ho kar main marr rahi hu…..mera saajan mere hriday me hi hai kintu vidambana yah hai ki usse milna nahi ho raha hai…koun usse mujhe milaye….? Kisse main usse milane ke liye ro kar kahu…..?

Divya—meri saans nitya hi mere saajan ke paas aati jati hai kintu yah uska koi sandesh vaha se aa kar nahi kahti hai saajan ke bina mera jeevan vyarth hai….main bhi iss sagar me doob kar apni jaan de dungi…jivit rahte na sahi par shayad marne ke baad hi hamara milan ho sake…..?

Itna soch kar divya pani me doobne hi ja rahi thi ki kisi ne awaz de kar usko rok diya…usne apni ashru poorit ankho se palat kar dekha to vaha ek sundar stri khadi usko pukar rahi thi….jiske sharir par aisa tez tha jaise ki hazaro surya ka prakash usme sama gaya ho.

Divya—aap koun hain…? Aur iss veeran sthan par kya kar rahi hain…..?

“Mera to ghar hi yahi hai…..Tum apni jaan dene kyo ja rahi ho…..?” uss stri ne jawab diya.

Divya—aap kya karogi ye jaan kar …..?…..ab jaan dene ke siwa mere paas bacha hi kya hai…..?

“Marna kisi samasya ka samadhan nahi hai….yaha tum apni jaan dene par amada ho aur ek vaha ek admi divya divya chillate huye apni jaan gawa raha hai” uss stri ne kaha.

Divya (chounk kar)—kya kaha aap ne…..usne divya ka naam pukara….? Jarur vo mera saajan hi hai…..chalo batao mujhe jaldi….kaha hai vo……?

Stri—lekin tum kyo chounk gayi……kya tumhara naam divya hai…..?

Divya—haa….jaldi mujhe le chalo vaha…saajan main aa rahi hu.

Stri—chalo.....vo udhar....uss ped ke niche leta hai.

Uss stri ne ek ped ki taraf ishara kiya......divya turant girte padte paglo ki tarah badhawashi me doudte aur saajan saajan chillate huye uss ped tak aa pahuchi jaha saajan leta hua tha.

Saajan bhi divya ki pukar sun kar uth khada hua aur divya ki taraf mud kar apni baahe phaila di......divya uski baaho me samane ke liye tezi se bhagi kintu nazdik pahuchte hi ruk gayi.

Saajan—ruk kyo gayi divya......tum nahi janti tumhe jinda dekh kar mujhe kitni khushi ho rahi hai....maine to samjha tha ki shayad tum bhi sab ki tarah uss bawandar me doob gayi....main khud nirash ho kar pran tyagne hi wala tha...ab jaldi se meri baaho me aa jao aur na tadpao

Divya (serious)—koun ho tum...... ? tum mere saajan nahi ho sakte…..?

Saajan—ye kaisi bahki bahki baate kar rahi ho divya…..? main hi tumhara saajan hu…..?

Divya—saajan meri ruh aur mere jism ke katre katre me basa hai…..meri har saans par basa hai…..meri har dhadkan uske naam se chalti hai…..beshak tumhari shakal aur surat mere saajan jaisi hai kintu tum mere saajan nahi ho… tumhare paas aate hi meri dhadkane rukne si lagi hain jabki saajan ke paas aate hi mere dil ki dhadkane tez ho jati hain….(achanak kroadh me)…..koun ho tum….? Apna asli parichay do warna mere saajan ka roop banane wale bahurupiye …main tumhari gardan dhad se ukhad dungi…..bata jaldi koun hai tu….? Mere saajan ka roop dharan karne ki himmat bhi kaise ki tune…..?

Divya ne gusse me kisi sherni ki tarah tezi dikhate huye paas me padi ek choti chattan ko utha liya aur jaise hi uss saajan ke upar marne wali thi vaise hi uss stri ki baat sun kar palat gayi...itne me saajan vaha se gayab ho gaya.

Stri—shant ho jao divya…..tumhara saajan jivit hai.

Divya—aap koun hain……? Sach sach bataiye……? Itna tez kisi samanya stri me sambhav nahi hai….? Mere sath aisa chhal kyo kiya aap ne……?

Stri—main tumhari pariksha le rahi thi putri.

Divya (shocked)—pariksha..... ? kaisi pariksha...aur aap apna parichay kyo nahi de rahi..... ?

Stri—main samundra kanya.....aur shri hari patni laxmi hu......main tumhare prem ki pariksha le rahi thi.....tum dhanya ho divya...tumhare rahte saajan ko kuch nahi ho sakta...tumhare sachche prem aur qurbaniyo ka kawach hamesha uski hifajat karta rahega.

Divya (bhavuk)—kya mera saajan hai.... ? kaha hai vo….? Mujhe kshama karna maa….main apko pahchan nahi saki

Laxmi—putri….meri kripa to hamesha hi tum par hai……singhal garh meri hi kripa se hamesha ajey raha hai….tumhara padmini ka janam bhi meri hi kripa ka parinam hai.

Divya—apki kripa pa kar main dhanya ho gayi maa……kripya mujhe apne vastavik roop ke darshan karaye mata.

Laxmi—mere vastavik roop ke darshan karne ki kshamta tumhare netro me nahi hai putri…..mere vastavik roop ke tez ko tumhari ankhe sahan nahi kar payengi.

Divya—to phir mujhe bhi koi aisi shakti de dijiye jisse main apke aloukik roop ke darshan kar saku.

Laxmi—putri shaktiya kisi ki kripa se ya daan me nahi milti hain…..kisi ke bahut achcha hone ya ananya bhakt hone par bhi shaktiya nahi milti hain.....shaktiya to sirf kathor safal tapasya se hi milti hain……yahi srasti ka niyam hai jisse tridev bhi bandhe huye hain….phir bhi mera darshan vyarth nahi jata to main tumhe ashirwad me kuch dena chahti hu.

Divya—theek hai maa…agar aap kuch dena hi chahti hain to .bas meri ek vinti maan lijiye ki mere saajan par hamesha apni daya drasti banaye rakhna mata.

Laxmi—putri…tumhara saajan kya hai ye to tum bhi nahi janti……bas ek baat dhyan rakhna ki kabhi bhi uska sath mat chhodna kyon ki tum hi uski taqat ho aur pyar uski kamjori.

Divya—main kaha saajan ka sath chhodne wali hu maa…….agar aap bhi chhodne ko kahti tab bhi main saajan ko nahi chhodti……meri dhristata ke liye kshama kare mata

Laxmi (mushkura kar)—main janti hu putri....aur main tumhe ye ashirwad deti hu ki tum apne saajan se dhyan me kabhi bhi baat kar sakti ho…. apni ankhe band karo main tumhe tumhare saajan ke paas pahucha deti hu.

Agle hi pal divya ke ankhe band karte hi laxmi ji ne usko saajan ke paas pahucha diya aur khud antardhyan ho gayi jab chalte huye kisi paththar se uska pair takraya tab kahi jakar vo apni soch se bahar aa gayi….lekin uske niche girne se pahle hi kisi ne usko apni baaho me thaam liya.

Divya ke chehre par par mushkurahat aur harsh ki lahar doud gayi…..vo iss marm sparshi aur sukhad sparsh se sadiyo se parichit hai…..bina dekhe hi vo samajh gayi ki usko girne se bachane wali ye majboot baahe uske saajan ki hain.

Dil Ki Har Yaadon Me, Main Sawanru Tujhe

Tu Dikhe To In Ankho Me Utaru Tujhe,

Tere Naam Ko Juban Par Aise Sajaau //cdn.jsdelivr.net/gh/twitter/twemoji@latest/assets/svg/2753.svg

So Jau To Khwabo Me, Bas Pukaru Tujhe...

Akhir kar chalte huye hum jungle se bahar nikal aaye……jungle ka drishya jitna bhayavah tha uske ulat uske bahar har taraf ka vatavaran behad hi aakarshak evam khubsurat dikh raha tha.

Charo oor hare bhare ped poudhe….kal kal karti pani ki lahre aur pakshiyo ke kalrav karne ki madhur dhwani sunayi de rahi thi.

Payal—chalte chalte pair dukhne lage mere…..ab aur nahi chala jayega mujhse.

Paridhi—lagta hai iss dimension me koi nahi rahta hai....thak to main bhi gayi hu...aur pyas bhi lagi hai.

Raj—kuch na kuch to milna chahiye…..dekhte hain…..aa jao meri god me dono.

Vo dono to jaise yahi chahti thi…..turant hi khush hokar ek pith me to ek samne se mere upar latak gayi….baki dono ko dekh kar hasne lagi.

Aise hi chalte huye hum ek sthan par pahuch gaye…..vaha sab kuch apne dharti jaisa hi lag raha tha…..tabhi hamari nazar door se aati huyi kuch makano par gayi.

Payal—raj…vo dekho vaha samne…lagta hai vaha koi ghar bane hain.

Raj—hmmmm.....chal ke dekhte hain.

Kuch hi samay me hum vaha pahuch gaye…..makan bilkul hamare dharti jaise hi bane the…..vaha ke logo ka rahan sahan aur pahnava bahut had tak hamse milta julta tha sirf unki height hamse adhik thi aur sabhi ka rang gora tha.

Paridhi—mujhe pani pina hai....

Raj—pahle niche utro dono...phir kisi se puchta hu.

Unke niche utarte hi hum ek jagah aa gaye jaha kafi bheed bhad thi.....kayi mahilaye aur purush ekattha the vaha par maine un logo se hi pani mangna uchit samjha.

Raj—bhai....pine ke liye thoda pani milega kya....... ?

Admi—chatu cham chak chaya chabo chal chara chahe chaho….? chak chaya chacha chahi chaye chabha chai.

Payal—ye pagal kya bol raha hai...... ?

Raj (kuch der soch kar)—vo bol raha hai ki tum kya bol rahe ho.... ? kya chahiye bhai.... ? lagta hai yaha ke log har akshar ke pahle cha lagate hain.....yahi inki bhasa hogi shayad.

Saloni—ohhhhh.....to ye baat hai.....tab to hum bhi ye bhasa bol sakte hain….har akshar ke pahle cha add kar ke.

Payal—main puch ke dekhti hu......(uss admi se)—chapi ahane chake chali chaye chapa chani chami chale chaga chak chaya…..? ( Pine ke liye pani milega kya..... ?)

Admi—chaha chaha.....chaj charu char chami chale chaga......chaye chagi challi chapa chani chala chana chaj chara.... (haa....haaa...jarur milega .....(ek aurat se)....ye gilli pani lana jara)

Payal—wow.....ye samajh gaya.....iska matlab main bhi sikh gayi inki bhasa.

Thodi hi der me vo aurat apne ghar se jo ki paas me hi tha.....ek ghade me pani le aayi.....sabne pani piya...pani ka swad bahut badhiya tha.

(Yaha se jo bhi conversation baki logo se hoga vo unki hi bhasa me hoga....lekin yaha hindi me hi dikhega sab ko.. aap sabhi har akshar ke pahle cha lagakar padh lena)

Admi—kaho bhai kaha se aaye ho jo itne payase the….? Yaha ke to kadapi nahi lag rahe….?

Raj—aap ne sahi kaha…..hum yaha ke nahi hain….bahut door se aaye hain.....bas rasta bhatak gaye hain.

Dusra admi—lagta hai ki ye log bhi utsav dekhne ja rahe hain...... ?

Raj—kaisa utsav bhai...... ? aur ye koun si jagah hai.... ?

Teesra admi—lo iss utsav ke bare me nahi jante..... ? ye utsav to madhya lok ki shaan hai.

Saloni—ohhh to iska matlab iss jagah ka naam madhya lok hai.

Raj—kya kya hota hai iss utsav me…..?

Admi—Ye sirf ek utsav nahi hai balki jung ka maidan hai…..jaha door door desho ke raja maharaja, veer yoddha, yaha tak ki kayi devta aur rakshas bhi roop badal kar isme bhag lete hain.

Dusra admi—yahi nahi…kayi jadugar, tantrik aur shaitan ke pujari bhi apni apni shaktiyo ka pradarshan karte hain ek dusre par……ye jung tab tak chalti hai jab tak ki baki sab maare nahi jate…kewal ek hi jivit bachta hai ant me aur vahi vijeta banta hai.

Divya—Par aisa kyo karte hain vo sab…..?

Teesra admi—Ek Talwar ke liye..

Neha—kyaaaa sirf ek talwar ke liye…….?

Choutha—Haa…Lekin vo koi mamuli Talwar nahi hain…..kahte hain ki uss talwar me bahut si divya shaktiya hain….ye talwar na jane kab se ek hi sthan par jamin ke andar gadi huyi hai,kewal uska aadha hissa hi jamin ke upar hai…. Aaj ke din uss talwar me se bahut tez roshni nikalti hai.

Pahla admi—lekin durbhagya ye hai ki aaj tak koi bhi uss talwar ko hasil karna to bahut door ki baat hai, koi usko hath tak nahi laga saka

Saloni—kyo…..?

Dusra admi—koi uske paas tak pahuch hi nahi pata……jaise hi koi uske najdik jane ki koshish karta hai vaise hi uski roshni tez hone lagti hai ki kuch bhi dikhayi nahi deta hai……koi uske tez ke samne tik hi nahi pata.

Raj—interesting……badi ajib baat hai ye to.

Divya—tab to hame bhi chal kar ye utsav dekhna chahiye.

Raj—jarur…..

Pahla admi—tum bahut khushnasib ho bhai….jo tumhe itni khubsurat paanch paanch biwiya mili hain…..jara savdhan rahna.

Uss admi ki baat sunte hi jaha sabhi khushi se jhoom uthi vahi neha chachi buri tarah se sakpaka gayi…..vo kuch kahne hi ja rahi thi ki maine dhire se unka hath daba diya jisse vo sir jhuka kar chup rah gayi.

Payal—kyo vaha koi khatra hai…..?

Dusra admi—khubsurat phoolo ke paas bhanwaro ko bulane ki jarurat nahi padti….vo khud hi sugandh soonghte huye doude chale aate hain unka ras pine ko.

Payal—aisa thappad marungi na uske kaan ke niche ki unki maa dubara bachche paida karna hi bhool jayegi.

Raj—kab hai ye utsav aur kitni door hai yaha se……?

Pahla admi—aaj hi hai…..hum sab vahi ja rahe hain…..jyada door nahi hai…….kuch doori par hi rajdhani hai..vahi hoga ye utsav…..tum log bhi chalo hamare sath hi.

Raj—chaliye.

Hum sab bhi unn logo ke sath hi ye utsav dekhne ke liye rawana ho gaye…..na jane kyo mujhe iss utsav me jane ki behad dilchaspi ho rahi thi….shayad inn logo ne jaisa bataya uske karan ho ya phir kuch aur……?

Divya—jaisa ki aapne bataya ki aaj ke in uss talwar me se divya roshni nikalti hai, jiski vajah se koi use hasil nahi kar paya……kintu baki din to usme se roshni nahi nikalti hogi, tab to talwar hasil kar sakte the…..?

Choutha admi—kaha se hasil kar lenge….baki saal bhar vo talwar adrishya rahti hai sirf aaj ke din hi dikhayi deti hai vo.

Paridhi—badi ajib baat hai ye to.

Neha—jab se yaha aaye hain tab se ajib ajib hi to ho raha hai sab kuch hamare sath.

Raj—vaise ye talwar hai kiski aur yaha par aayi kaise…..? kya kisi ne usko jamin me gadaya tha...... ?

Teesra—kya pata bhai..... ? Ye ek bahut bada rahasya hai sab ke liye aaj bhi..... ? ye koi nahi janta ki ye divya talwar kiski hai aur yaha kaise aayi, kisne jamin me gadi..... ? ho sakta hai ki yaha ke rajguru hi shayad kuch jante ho to jante ho..... ? vaise iss talwar se judi kayi kahaniya sunate hain log magar sach kya hai ye aaj bhi ye ek raaz hi hai.

Divya—vaise kya kahaniya sunate hain log is talwar ke vishay me..... ?

Pahla admi—kuch log to yaha tak kahte hain ki.....

Choutha admi (beech me hi)—Ye lo hum pahuch gaye raja ki rajdhani.

Pahle admi ki baat adhuri rah gayi….mujhe janne ki mann me behad jigyasa uttapann ho rahi thi….khair maine baad me puchne ka socha iss vishay par.

Rajdhani bahut hi khubsurat thi…..har taraf sadak ke dono kinaro par raahgiro ke liye hare bhare ped lage huye the.. thodi thodi doori par musafiro ke pyas bujhane ke liye pani ki vyastha ki gayi thi.

Hum unn logo ke sath utsav sthal par pahuch gaye……andar ka nazara dekh kar aisa laga ki jaise koi jan sailab umad aaya ho….laakho ki sankhya me jan samudaay vaha upasthit tha…..

Iss utsav ki vishesata aur mahatta ka andaza ye dekhte hi lag gaya….ki logo ke mann me iss utsav ke prati kitni utsukta hai….charo oor kolahal hi kolahal ka swar goonj raha tha.

Hum bhi sab ke sath ek khali jagah dekh ke baith gaye……beech me bahut bada maidan khali tha, vaha ki mitti ko khod kar akhade jaisa banaya gaya tha.

Maine charo taraf nazar ghuma kar dekha to kahi bhi mujhe vo talwar dikhayi nahi di…..achanak kolahal shant ho gaya…..sab apni apni jagah se uth kar khade ho gaye….vatavaran me niravta chha gayi….

Aur Tabhi………

 
UPDATE-192

Hum unn logo ke sath utsav sthal par pahuch gaye……andar ka nazara dekh kar aisa laga ki jaise koi jan sailab umad aaya ho….laakho ki sankhya me jan samudaay vaha upasthit tha…..

Iss utsav ki vishesata aur mahatta ka andaza ye dekhte hi lag gaya….ki logo ke mann me iss utsav ke prati kitni utsukta hai….charo oor kolahal hi kolahal ka swar goonj raha tha.

Hum bhi sab ke sath ek khali jagah dekh ke baith gaye……beech me bahut bada maidan khali tha, vaha ki mitti ko khod kar akhade jaisa banaya gaya tha.

Maine charo taraf nazar ghuma kar dekha to kahi bhi mujhe vo talwar dikhayi nahi di…..achanak kolahal shant ho gaya…..sab apni apni jagah se uth kar khade ho gaye….vatavaran me niravta chha gayi….ki tabhi………

Ab Aage……

Tabhi vaha par uss jagah ke raj parivar ke aane ki udghosna hone lagi….thodi hi der me ek ke baad ek kayi bagghiya aati huyi nazar aane lagi…jinhe dekhte hi sari janta unke abhivadan me uth kar khadi ho gayi.

Hum sab bhi khade ho gaye…..bagghi ke andar aate hi unme se vaha ke maharaj aur maharani ke alawa ek anya bagghi se rajguru niche utar aaye.

Unke niche utarte hi janta unki jaykar karne lagi….unhone bhi hath uth kar sabhi ka abhivadan swikar kiya aur phir ek sthan par rakhe huye apne singhasan par ja kar baith gaye …uss jagah ko bahut achchi tarah se sajaya gaya tha.

Baki bagghiyo se bhi aur kuch log utar kar niche aaye kintu hamare samne sainiko ki bheed hone ke karan kuch dikhayi nahi diya.

Jab kisi ke khade hone par ye shor sharaba kuch shant hua tab hamne dekha ki jaha par raja aur rani baithe the vaha par aur bhi kuch log baithe huye the jinme kuch ladkiya bhi thi.

Uss khade huye admi ne sabhi pratiyogiyo ko maidan me aane ka aamantran diya…..thodi hi der me maidan me kayi logo ka huzum jama ho gaya.

Agle hi pal vaha tez roshni chamakne lagi……maidan ke beech me tez bijli kadakne lagi….uski chamak se sabki ankhe band ho gayi…..jab ye bijli kadakne ki awaz kuch kam huyi to jaise hi ankhe khuli…samne maidan par ek talwar chamakti huyi nazar aane lagi.

Talwar ke charo taraf roshni ka ek chakra nirantar ghum raha tha, ye roshni bhi ussi talwar me se hi prasfutit ho rahi thi, jiska aadha hissa jamin ke bahar aur aadha jamin ke andar dhasa hua tha.

Sabhi bas chakit ho kar uss talwar ko hi dekhne me kho gaye….main bhi unme se ek tha…..jab kisi ke kuch bolne ki awaz sunayi padi tab ja kar hamara dhyan bhang hua.

Samne stage par ek vyakti khada ho kar kuch bol raha tha….uski poshak aur vesh bhusa se to lagta tha jaise ki shayad koi mantri ya sena pati hoga…maine apne aage baithe sajjan se pucha to usne bataya ki ye rajya ka sena pati hai….khair main bhi dhyan se uski baato ko sunne laga.

Senapati—door pradesho se aaye huye sabhi ganmanya nagrik aur pratiyogiyo ka main iss rajya ke maharaj ki oor se hardik abhinandan karta hu…..jaisa ki aap sab ko pahle se hi vidit hai ki ye pratiyogita ka aayojan kisliye hota hai, tathapi main ek bar punah aap sab ko avgat kara dena apna kartavya samajhta hu.

Senapati—Ye pratiyogita apke sammukh beech maidan me jamin me aadhi gadi huyi iss divya talwar ko hasil karne ke liye aayojit ki jati hai….ye divya talwar yaha kab, kyo aur kaise aayi ye koi nahi janta….kintu ye baat avashya satya hai ki iske andar bahut sari divya shaktiyo ka samavesh hai…..sadiyo se ye pratiyogita hoti chali aa rahi hai kintu iss talwar ko hasil karna to bahut door ki baat hai koi iske karib tak nahi pahuch saka hai aaj tak.

Senapati—pratiyogita me shamil hone ke liye aaye huye sabhi pratiyogiyo ko main ek baar isse judi sharto ke baare me bata deta hu……iss pratiyogita me bhag lene ke baad koi bhi piche nahi hat sakta, jab tak ki sab ko maar nahi deta ya vo khud nahi mara jata….aap sab pratiyogiyo me se kewal ek hi jivit bachega aur vahi vijeta hoga…..jo bhi vijay prapt karega vrihadpur ka qila uska hoga aur sath hi uske manpasand ki ek ladki uphar me di jayegi, jisko bhi vo chunega yaha aayi huyi ladkiyo me se…...jo bhi beech me pratiyogita se bhagne ki koshish karega, ye talwar khud hi uski gardan kaat deti hai…..atah aap ke paas do ghadi ka samay hai punah vichar kar le…..isme bhag lena matlab mout ko gale lagana ek barabar hai….ye bhi dhyan rahe ki koi bhi vijeta na banne ki sthiti me ye talwar sab ko maar degi khud.

Senapati—ek baat aur bhi bata du ki iss pratiyogita me koi bhi kisi ko kuch bhi,kahi bhi aur kaise bhi maar sakta hai.. jitne log chahe mil kar kisi ko maar sakte hain…..ye mout ki pratiyogita hai….koi bhi hathiyar ya magic ya tantra mantra ka istemal kiya ja sakta hai…aap sab soch le bhag lene se pahle..uske baad main aage ke niyam se avgat karaunga.

Iske baad vo apni jagah par baith gaya…..aur idhar sabhi ke beech kanafusi chalu ho gayi….main bhi aisa niyam sun kar dang rah gaya.

Neha—ye kaisi pratiyogita hai….ye to khooni khel hai….

Payal—aur nahi to kya….bhala aisa bhi kahi hota hai…..?

Saloni—isme to koi niyam hain hi nahi.....bas sab ko jaan se maarna hai.

Paridhi—ladkiyo ki koi izzat hai ki nahi iss rajya me.... ? kitna ghatiya niyam hai.

Divya—mujhe to yaha ka raja hi pagal lagta hai

Payal—raj tu kyo chup baitha hai....tu bhi to kuch bol..... ?

Raj—kya bolu…aap log jab kuch bolne dogi tab na kuch bolunga….?

Saloni—raj kya tumhe ye sab theek lag raha hai….?

Raj—theek to nahi hai….par hum kar bhi kya sakte hain….? Jab yaha ke logo ko koi aapatti nahi hai to…..dekho kitni bheed jama hai logo ki yaha par.

Payal—sab ke sab pagal hain.

Raj—lagta to aisa hi hai

Tabhi phir se senapati khada ho gaya aur stage par aake bolna shuru kar diya…..sab dhyan dene lage uski baato par hum bhi sunne lag gaye.

Senapati—aap sab ke punar vichar karne ka samay samapt hua…..jo isme bhag nahi lena chahte vo baye tarah khade ho jaye aur jo bhag lena chahte hain vo dahine taraf aa jaye.

Uske kahte hi bahut se log pratiyogita se hat gaye aur baaye taraf aa kar khade ho gaye, baki dahine oor ja khade huye….bhag lene walo ki sankhya ab lagbhag 50 ke karib thi…

Senapati—jinko bhag nahi lena hai vo ja kar nagriko ke sath baith jaye…..baki log yahi khade rah kar iss pratiyogita se judi kuch aham baate jaan le……Talwar se ek lal roshni nikal kar aap sabhi ko apne ghere me le legi uske sath hi iss pratiyogita ka shubharambh samjha jaye……koi bhi pratiyogi uss lal ghere se bahar nahi ja sakta, jo bhi koshish karega vo mara jayega……ye pratiyogita char charno me hogi…..pratham charan me sab ek dusre par hathiyaro se vaar karenge

Senapati—jaise hi ghere ki roshni ka rang hara hoga vaise hi dusra charan shuru ho jayega……isme sabhi ek dusre se kushti ladenge….koi kisi ki bhi gardan tod sakta hai….isme hathiyaro ka prayog bilkul nahi hoga….apko sirf apni sharirik taqat dikhani hai…..roshani ka rang kala hote hi teesra charan shuru ho jayega…..isme magic, tantra, mantra aadi sab prayog kiye ja sakte hain….dhyan rahe is charan me ghere ke andar kayi janwar bhi paida hote rahenge aur apke upar hamla karenge…jisne inn sabhi ko khatam kar diya vo chouthe aur antim charan me pravesh karega….. chouthe charan me talwar se ek vishaal daityakar jeev nikal kar bahar ayega…usse uss pratiyogi ko ladna hoga aur uska ant bhi karna hoga……yadi vo aisa karne me safal raha to vo vijeta banega…..agar koi nahi bacha jivit to ye pratiyogita vahi khatam huyi samjho.

Sab ke sath main bhi utsuk ho kar iss pratiyogita ko dekhne laga…..senapati apni jagah par baith gaya aur sabhi uss talwar se nikalne wali lal roshni ki pratiksha karne lage.

Raj (samne wale se uski hi bhasa me)—bhai aaj tak koi jeeta hai iss khooni pratiyogita ko…..?

Admi—haan…bhai har baar jeet hoti hai lekin sirf uss jeev ki jo talwar se nikal kar bahar aata hai…..uske aage koi nahi tikta pal bhar bhi….sab ko cheer phad deta hai vo……baad me ek ladki le kar ussi talwar me ghus jata hai.

Payal—bada hi ajib hai ye to…..maharaj iss pratiyogita ko band kyo nahi kar dete…..?

Admi—vo majboor hain….vo chah kar bhi aisa nahi kar sakte…..yaha tak ki vo khud bhi yaha ki rajkumari ko kho chuke hain.

Raj (shocked)—kyaaaa….? Par kyo….?

Admi—vajah to hame bhi nahi pata…..ye to maharaj aur rajguru hi jane….lekin maine suna hai ki iske aayojan ki sirf ek hi vajah hai ki shayad kabhi koi uss jeev ko maar de aur iss talwar ko hasil kar le jisse ye khooni khel band ho sake pratiyogita aayojit na karne ki surat me vo jeev sab ko maar dalega aur uske baad sab ladkiyo ko ek baar me hi le jayega apne bhog vilash aur bhojan ke liye ya phir pata nahi vo unka kya karta hoga.

Neha—to ye log marne ke liye bhag hi kyo lete hain isme…..?

Admi—doulat aur shaktiyo ka lalach….kahte hain ki vrihadpur ke qile me bahut sara khazana hai.

Main abhi aur bhi kuch puchna chahta tha ki tabhi talwar ka rang lal hone laga aur usme se lal rang ki roshni nikalne lagi jisne sabhi pratiyogiyo ke charo taraf ek ghera bana diya.

Uske sath hi ye pratiyogita bhi shuru ho gayi…..do do pratiyogi aapas me chaku, talwar, bhala lekar bhid gaye aur ek dusre par jaan leva hamla karne lage…kuch hi pal me uss ghere ki jamin unke lahoo se lal hone lagi.

Sab ek dusre ke khoon ke pyase ban chuke the….koi kisi ki gardan kaat raha tha to koi kisi ke seene me khanjar utar raha tha…doulat aur shaktiyo ko pane ka nasha kisi par iss kadar bhi haavi ho sakta hai ye aaj main pahli baar dekh raha tha.

Jiske bhi seene me khanjar ya talwar ka vaar lag raha tha vo apni jaan bachane ke liye ghere se bahar bhagne ki cheshta karne lage kintu jaise hi ghre se bahar apna pair nikalte ki vaise hi vo divya talwar udti huyi aati aur unka sir turant dhad se alag kar deti aur phir se apni jagah par vapis chali jati…ye sab palak jhapakte hi ho jata tha.

Kuch hi samay me lagbhag 30 pratiyogi apni jaan gawa chuke the….aur jo jivit the vo bhi ghayal avastha me hi the ki tabhi ghere ka rang badalne laga…..rang badalte dekh unko kuch rahat mahsoos huyi.

Kintu ye rahat kshanik hi thi kyon ki ghere ka rang badalte hi sab ek dusre par laat ghoonso ki barsat karne lageek pratiyogi dusre ko patak kar theek se khada bhi nahi ho pata tha ki teesra piche se usse patak deta tha…theek vaise hi lag raha tha jaise ki giddh bhoj ka aayojan chal raha ho.

Kisi kisi ko to teen char log mil kar uske hath pair uske sharir se ukhad ukhad kar idhar udhar phenk rahe the… bada hi vibhats aur bayavah drishya tha ye….khoon ki nadi bah chali thi vaha par.

Har taraf unke sharir ke kate phate ango ka dher sa lag gaya tha…..ghere ki roshni ka rang kala hote hi jab ye charan khatam hua tab kul char pratiyogi hi jivit bache the aur vo bhi adhmari se bhi gayi gujri halat me the.

Vo abhi sambhal bhi nahi paye the ki saanpo aur bichchhuo ne unke upar hamla kar diya….unme se kewal ek hi pratiyogi kisi tarah se khud ko unn vishaile jantuo se bacha paya, shayad vo tantrik tha….baki teen to vahi kuch pal me hi dher ho gaye.

Vo akela hi unse ladta raha jab tak ki ghere ka rang badalne nahi laga….uski tantrik shaktiyo ke prabhav se koi jeev jantu usko koi khas nuksan nahi pahucha paya tha.

Ye charan khatam hote hi vo talwar hasil karne ke liye aage badhne laga….kintu jaise hi vo talwar ke karib ghum rahi chakrakar roshni ke nazdik pahucha vaise hi talwar tezi se chamakne lagi.

Uski roshni achanak itni tez ho gayi ki kisi ko kuch samajh me nahi aaya…..aur agle hi pal uss roshni me se koi bahar nikalte huye dikhayi diya.

Uski akrati dhire dhire vikral roop lene lagi aur jab roshni kuch kam huyi to sab ki ankhe fati ki fati rah gayi… uss admi ke samne ek vishaal jeev khada tha..lagbhag pandrah bees feet ooncha..daityakar…..bahar nikalte hi usne jordar garjana ki jise sun kar sabhi ke dil dahal gaye.

Uski ankhe ek dam khoon jaisi lal, sharir poora kala, nakhun ek ek hath jitne lambe….sharir aur sir ke .baal itne lambe the ki jamin tak jhool rahe the…..chandi ki tarah chamakte huye lambe lambe daant aur ek dam kali jeebh jo ki jamin tak latak rahi thi….uski jeebh har saans ke sath andar jati aur phir bahar jamin tak jhool jati thi..

Agar koi kamjor dil ka koi admi usko dekh le to vahi apna dum tod de……usne ek baar apni lal lal ankho se charo taraf ghur kar dekha….uske aise dekhne matra se hi vaha moujud sabhi ke dilo me dahshat aur khauf ka mahoul vyapt ho gaya tha.

Sab ki juban ko lakwa maar chuka tha…kisi ke muh se chu tak ki awaz nahi nikal rahi thi……vatavaran me poori tarah se niravta chha gayi thi…..uss shant vatavaran me agar kuch sunayi de raha tha to kewal uss bhayanak jeev ki saans lene ki jor dar awaze.

Ek baar charo taraf ghurne ke baad agle hi kshan usne apni lal pratibimb ankho ko samne khade pratiyogi par tika di jo ki khade khade thar thar kaamp raha tha.

Uss pratiyogi ne kaampte huye kuch mantra padhna chalu kar diya…..usko mantra padhte dekh uss jeev ne apna ek pair aage badhaya ….usko aage badhte dekh kar vo pratiyogi ghabra gaya…. shayad dahshat uske andar iss kadar haavi ho chuki thi ki vo mantra bhi bhul gaya tha ab padhna.

Vo palat kar bhagne laga lekin vo bhag pata isse pahle hi uss jeev ne apni lambi jeebh se uski gardan lapet kar usko apni taraf khich liya.

Koi kuch samajh pata ki achanak usne apne dono hatho ke lambe lambe nakhun uski chhati me ghusa kar aar paar kar diye……ek dil dahla dene wali cheekh vaha goonj gayi.

Itne me bhi vo nahi ruka usne uske sharir ko poori tarah se cheer phad diya apne nukile nakhuno se aur gardan ukhad kar alag kar di….uss pratiyogi ke sharir se khoon ka ek favvara nikla aur uss jeev ko poori tarah se rakta ranjit kar diya.

Ye bhayanak drishya dekh kar sabne darr ke maare apni apni ankhe aur kaan band kar liye the….vo jor jor se khushi me uchhalte huye apni iss jeet ka attahas karne laga kintu uski ek baat ne mujhe chounka diya.

Jeev (attahaas karte huye)—hahahahahaahhaahaha…..bhag raha tha……hahahahaha

“Mout Se Bhi Bhala Koi Bacha Hai Aaj Tak”

Usne uth kar nagriko ki taraf badhna shuru kar diya jor jor se attahaas karte huye...tabhi ek awaz ne uske kadam rok diye.

"Ruk Jaooo"

 
UPDATE*193

Itne me bhi vo nahi ruka usne uske sharir ko poori tarah se cheer phad diya apne nukile nakhuno se aur gardan ukhad kar alag kar di….uss pratiyogi ke sharir se khoon ka ek favvara nikla aur uss jeev ko poori tarah se rakta ranjit kar diya.

Ye bhayanak drishya dekh kar sabne darr ke maare apni apni ankhe aur kaan band kar liye the….vo jor jor se khushi me uchhalte huye apni iss jeet ka attahas karne laga kintu uski ek baat ne mujhe chounka diya.

Jeev (attahaas karte huye)—hahahahahaahhaahaha…..bhag raha tha……hahahahaha

“Mout Se Bhi Bhala Koi Bacha Hai Aaj Tak”

Usne uth kar nagriko ki taraf badhna shuru kar diya jor jor se attahaas karte huye...tabhi ek awaz ne uske kadam rok diye.

"Ruk Jaooo"

Ab Aage.......

Sara jan samudaay chakit hokar uss awaz ki disha me dekhne laga....samucha raj pariwar bhi hairan tha ki ye koun hai jisne uss khatarnak jeev ko rokne ka dussahas kiya hai....Vo jeev apni lal lal ankho se usko rukne ko kahne wali ki taraf ghurne laga.

Uss jeev ko rukne ke liye kahne wala koi aur nahi balki main khud hi tha.....vo aage badh kar kisi aur ko koi nuksan pahuchaye isse pahle hi usko rokna avashyak tha.

Payal (hath pakad ke)—rajj....ye kya pagalpan hai.....chal baith chup chaap

Raj—didi pls

Senapati—aye….murkh ladke koun ho tum…..? kya tumne pratiyogita ki shart nahi suni….? Chup chaap baith ja apni jagah par....warna rajagya ka ullanghan karne ke jurm me qaid kar liya jayega.

Raj—main koun hu ye janna avashyak nahi hai kintu pratiyogita ke naam par ye khooni khel aaj ke baad nahi hoga aur yahi avashyakta bhi hai.

Senapati dwara mujhe dhamki dene ki baat se payal didi ke tan badan me aag lag gayi....vo gusse me tamtamate huye uth khadi huyi.

Payal (khadi ho kar)—ye..chapad ganju......jyada chabad chabad ki to yahi teri gardan uda dungi.....kuch bhi bolne se pahle achche se soch lena ki tu baat kisse kar raha hai....ja kar baith apni jagah par bina chu cha kiye....

Payal didi ki baat ne jaise kohram macha diya......sab bhouchakke ho kar hamari taraf dekhne lage....sab ke mann me ye sawal uthne laga ki ye koun hain jisne raja ki agya ko manne se inkar kar diya aur unke samne hi senapti ko khari khoti suna diya....itna hi nahi uss jeev se bhi panga lene ko taiyyar hain.

Senapati—agar tujhme iss pratiyogita ko band karne ki himmat hai to aa ja maidan me aur ek pratiyogi ki tarah samna kar iske sabhi charan ka.

Senapati buri tarah se aavesh me aa gaya tha apne liye sabke samne apman janak baate sun kar.....maine didi ko hath khich kar baitha diya.

Raj—didi..baitho ...apko kya jarurat thi aise bolne ki....janti ho ki vo koun hai..... ?

Payal (gusse me)—uski himmat kaise huyi tujhe dhamki dene ki...... ? muh noch lungi uska main.

Tabhi vo jeev gusse me aa kar stage ke upar kood ke chadh gaya aur raj pariwar ki vaha baithi ek ladki ka hath pakad kar ghasitne laga…..vo jor jor se chillane lagi.

Ye awaz sunte hi main ek baar phir se uth khada hua…….aur sidhe vaha se bheed ko cheerte huye uski taraf jane laga….payal didi aur sabne mujhe rokna chaha lekin maine unhe vahi baithne ko kaha.

Mujhe raste me sainiko ne rokne ki koshish ki lekin maine unhe jhitak kar uss jeev ke samne pahuch gaya…sab achambhit the.

Raj—ladki ko chhod do…….

Maharaj—yuvak tum jante ho ki tum kya karne ja rahe ho….? Kya tumne abhi iska anzam nahi dekha kuch der pahle jo apni mout ko dawat de rahe ho….? Kya tumne uss jeev ki taqat nahi dekhi……?

Raj (jor se)—kshama kare maharaj..kintu aaj se ye khooni pratiyogita nahi hogi.

Senapati (jor se)—achcha……theek hai to vo talwar hasil kar ke dikhao……tumhe bhi phir pratiyogita ke unhi char charno se gujarna hoga…….antar sirf itna hai ki ab ki baar tumhare har charan ke pratidwandwi koun koun honge…ye talwar khud tay karegi….baki niyam vahi rahenge……agar jinda bach gaye to tumhari salah par sochenge… ....hahahaah

Raj—mujhe manzoor hai.

Vo jeev mujhe kha jane wali nazaro se dekhne laga aur jor jor se chhati thokne aur gurrane laga….aur idhar sab ke beech me kanafusi chalu ho gayi…..hum jinke sath me aaye the vo sab hamare baare me puchne lage.

Ek admi—tum log kaisi biwiya ho….apne mard ko rokti kyo nahi….? Uss jeev ko maare bina koi talwar hasil nahi kar sakta…..samjhao usko

Dusra—ab samjhane se koi fayda nahi hai…kyon ki usne ladna swikar kar liya hai.

Neha—samajh me nahi aata ki ye raj ko kya ho gaya hai…..? kya jarurat thi iss musibat me taang adane ki usko…?

Paridhi—payal tumhi kuch samjhao.

Divya—kisi ko pareshan hone ki jarurat nahi hai…..agar unhone ye kadam uthaya hai to kuch soch kar hi uthaya hoga

Neha—gudiya tu bhi…?

Saloni—mere khyal se divya theek kah rahi hai…..aur paridhi ko usne kaise theek kiya hai ye baat mat bhuliye.

Tabhi mere charo taraf ek roshni ka ghera banne laga…..ghera bante hi ajib tarah ke jeev talwar se nikal kar ghere me aa gaye aur mujhe charo oor se gher liya….unke hatho me sabke talwar aur bhala the.

Ek sath sab mere upar toot pade aur apne hathiyaro ka prayog karne lag gaye….lekin mere sharir se takrate hi unke hathiyar do tukde ho kar bikhar gaye…..sab bas hairat se ankhe phade dekh bhar rahe the.

Unke hathiyar vihin hote hi ghere ka rang badal gaya aur vo sabhi ab kushti ke yuddh ke liye mujh par jhapat pade jaise hi unn sabne mujh ko charo oor se kas ke pakda…..vaise hi maine ek jor ka jhatka diya to sab ke sab uss ghere se aadhe bahar ja gire…..unke bahar girte hi uss divya talwar ne tabhi unn sabhi ke sir kalam kar diye.

Iske sath hi agla charan start ho gaya……ab ki baar bhi vahi jahreele jeev jantu mere samne aane lage aur har taraf se mere sharir se lipat gaye.

Vo sabhi apne jahrile daanto aur nakhuno se mere sharir ko kaatne ki koshish karne lage…lekin main shant khada raha achanak unke sharir me aag lag gayi aur sabhi uss aag me jal kar swaha ho gaye.

Maharaj aur senapati samet sari janta awak, ashcharya chakit ho kar ye drishya dekhe ja rahi thi….vo sab apni upar niche hoti saanso ko niyantrit kar sakne me bhi khud ko asahaj mahsoos kar rahe the….jabki rajguru kisi gahri chinta me doob chuke the.

Teeno charan poorn hone ke pashchat main talwar hasil karne ke uddeshya se uski oor badh gaya….kintu jaise hi main talwar ke paas jane laga uski roshni teevra hone lagi…..vo jeev turant chhalang laga kar mere samne aa khada hua.

Lekin maine usko nazar andaz karte huye apne lakshya ki taraf hi badhne laga…..aur talwar se nikalne wali roshni tez, aur tez, aur tez hoti chali gayi.

Uski roshni ab bahut jyada teevra ho chuki thi….itni ki kisi ko bhi kuch dekh pane me bahut mushkil pesh ho rahi thi…...vo jeev phir se mere samne aa gaya.

Sab log iss ghatna ko bade hi acharaj se kisi tarah dekh rahe the….halanki unki ankhe ye tez bardast nahi kar pa rahi thi aur unki ankho se anvarat pani bahne laga tha….tabhi unki ankho ke samne ek hairat angej drishya dikhayi dene laga jisne sabhi ko mantra mugdh kar diya.

Achanak mere sharir se bhi saat rango ki prakash tarange utsarjit hona shuru ho gayi….aur vo lagatar badhta hi chala gaya kuch hi pal me vo itna teevra aur vrihat ho gaya ki sab uski chapet me aa gaye.

Rajguru (hairan)—asambhav…..namumkin..‼! ye kaise ho sakta hai……?

Maharaj (apni ankho ko hatho se dhakte huye)—kya baat hai gurudev….? Aap bhi itne achambhit hain…? Akhir ye ladka hai koun…..? aur ye kaisa divya chamatkar hai…..?

Rajguru—main abhi khud bhi vismit hu maharaj……ye yuvak to meri bhi samajh seema se bahar hai.

Ek baar phir se sab aapas me khusar fusar karne lage the…..ye kya ho raha hai, kyo ho raha hai..ye kisi ki samajh me nahi aa raha tha.

Ek aurat—beti tum log koun ho…..? tumhara pati koi sadharan purush nahi lagta hai.

Ek admi—haaan….kaisi divya jyoti hai ye…….? Aap log koun ho aur kaha se aaye ho…..? kahi koi devta to nahi.... ?

Neha—hum bhi apki hi tarah insan hain......iss divya jyoti ke chamatkar se to hum khud bhi hairan hain.

Dusra admi—ye bilkul vaisa hi ho raha hai jaisa hamne kisse kahaniyo me suna tha..... ? nishchit hi aaj kisi devta ke charan hamari jamin par pade hain..... ?

Teesra admi—lagta hai ki ab hamare dukho ka ant nikat hai..... ?

Vaha har taraf indra dhanush ke akaar ki akruti nirmit ho gayi aur uska satrangi prakash nazar aane laga tha……uss satrangi prakash ne sabhi ko apne dayre me aakshadit kar liya tha.

Roshni itni teevra ho chuki thi ki ab sabhi ki ankhe band ho chiki thi……kuch hi samay me ye roshni itni jyada ho gayi ki sabhi ko apni ankhe band karni pad gayi……iss satrangi prakash ne talwar se nikalne wali roshni ko apne andar samahit shuru kar diya…..aur ye roshni nirantar tez aur tez hoti chali gayi aur kuch hi kshan me usne poore uss grah ko apni roshni se prakashit kar diya.

Magar iss douran aur kya kya ghatna ghatit huyi ye koi nahi dekh saka……dhire dhire ye roshni nirantar kam hone lagi jaise hi ye roshni samanya huyi to sabne apne nayan chakshuon ko khol liya.

Vo jeev ab bhi mere samne khada tha…..agle hi pal usne apni lambi jeebh se meri gardan ko charo oor se lapet liya aur mujhe apne karib khichne laga.

Lekin uski ye koshish nakam rahi….vo mujhe apni jagah se hila tak nahi paya…..jisse uska kroadh aur badh gaya aur usne bade nakhuno ko meri chhati me aar paar karna chaha magar ye bhi nahi kar paya….kyon ki jaise hi usne jor se apne nakhun gadane ki koshish ki to chattt kar ke uske nakhun toot gaye.

Ab to uske kroadh ka koi parawar na raha……usne aaveshit hote huye mujhe utha kar door phenk diya aur jor jor se garjana karte huye ek hi chhalang me mere upar aa gaya.

Upar aate hi usne dono hatho se meri gardan dabane laga…..lekin maine apna ek pair utha kar uski gardan daboch li aur usko door phenk diya.

Sab daanto tale ungliya dabaye…..apne nakhuno ko daanto se kutarte huye badi hi utsukta se …apni saanso ko thaame huye ye vilakshan yuddh dekh rahe the…..jisme kabhi uss jeev ka palda bhari hota to kabhi mera…aise hi utha patak dono me chalti rahi.

Dwandwa yuddh me jab uska koi vash nahi chala aur mujhe koi nuksan na hota dekh vo jeev ab mere upar aag ke gole phenkne laga…aur jor jor se hasne laga.

Lekin uske dwara chhode gaye aag ke ye gole mujhse takrane ke baad vapis palat kar ulta usko hi nuksan pahuchane lage…..ye dekh kar uski hasi me lagam lag gayi.

Iske pahle ki vo koi aur vaar karta Maine jump laga kar turant uss talwar ke paas pahuch kar usko jamin se ukhad liya…..talwar ke mere hath me aate hi ek jordar bijli kadki aur sidhe aa kar talwar ke upar gir kar mere sharir me sama gayi…….sabhi log apni apni jagah se uth kar khade ho gaye aur vo jeev adrishya ho gaya.

Sab abhi bhi bina palak jhapkaye dekh rahe the…..shayad unko aaj huyi ghatnao ne behad ashcharya me dal diya tha aur vo sadme jaisi avastha me pahuch chukethe.

Rajguru (chounk kar mann me)—Saaaaajjjjaaaannnnnn……‼

Unki ye tandra tab bhang huyi jab divya, paridhi aur payal didi khushi se kilkari marte huye meri taraf bhagi….aur aate hi teeno mujhse lipat gayi.

Hosh me aate hi sabne khushi se taliya baja kar uchhalna shuru kar diya…..maharaj khud apni jaagh se khade ho kar khushi se phoole nahi sama rahe the..kintu maharani ke chehre par abhi bhi udasi ke kuch badal the.

Maharaj—aaj main behad khush hu…..jane kab se ye khooni pratiyogita chalti aa rahi hai…..na jane kitne hi log maare ja chuke hain……kitni hi ladkiya apne mata pita se door ho gayi…..lekin koi uss talwar tak nahi pahuch saka…..aaj vo intazar ki ghadi samapt ho gayi hai…..hame iss pratiyogita ka vijeta mil gaya hai…..Yuvak tum koun ho….? Apna parichay do……ya phir koi devta ho jisne hamari vinti sun kar hamare kashto ke nivaran hetu aaye hain…? sari janta aaj tumhara swagat karna chahti hai……yaha samne aa kar apna puraskar grahan karo.

Raj—maharaj main apka aur sare jan samudaay ka aabhar vyakt karta hu…..maine jo bhi kiya hai vo kisi puraskar prapt karne ki lalsa me nahi kiya hai…..balki apna farz samajh kar kiya hai.

Senapati—apna parichay do yuvak….tumne suna nahi ki maharaj ne kya kaha hai…..? aur ye talwar iss rajya ki dharohar hai..iss par sirf raja ka haq hai….atah ye talwar idhar sounp do..

Rajguru—nahi yuvak….vo talwar tumne hasil ki hai aur uss par sirf tumhara hi adhikar hai….tumhe kisi ko sounpne ki avashyakta nahi hai.

Senapati—ye kaisi baat kar rahe hain rajguru…..ye divya talwar jisme kayi chamatkarik shaktiya hain…vo ek tutchh manav kehath me….? Iss par to sirf maharaj ka hi adhikar hona chahiye.

Payal—raj….la ye talwar mujhe…pahle main iski khopdi to uda du…bahut der se ye bak bak kiye ja raha hai

Raj—cool down didi.

Raj—theek hai senapati…..ye maine talwar jamin me gaad di hai….ab aa kar le jao isko….agar le ja sakte ho to

Senapati—sainik jao..vo talwar le aao

Do sainik darte darte jaise hi talwar lene aaye aur apna hath aage kiya vaise hi uss talwar ne achanak hawa me uchhal kar dono ki gardan uda di….senapati ke hosh hi ud gaye ye dekh.

Raj—inn sainiko ko kyo bhejte ho senapati….agar tumhare andar mardangi hai to aa jao aur le lo talwar.

Senapati sabke samne khud ko namard kahe jane se tilmila kar rah gaya kintu kar to kuch sakta nahi tha…usme itna samarthya to tha nahi ki talwar ko hath lagaye kyon ki iska anzam vo dekh chuka tha.

Maharaj—vo talwar tum apne paas hi rakho yuvak…..ye pratiyogita jeetne ke phalswaroop hum tumhe vrihadpur ka qila aaj se tumhare adhikar me dete hain…..aur sath me ek vishesh puraskar bhi tumhe dene ka nirnay kiya hai hamne jiski ghosna hum kal karenge.

Raj—maharaj…aur sabhi janta se mera anurodh hai ki vo mujhe apne aap se alag na samjhe…main koi devta nahi hu sab ki hi tarah ek aam insan hu…..mujhe koi inam ki lalsa nahi hai…..mera naam Raj hai…..Thakur Raj Vardhan Singh. Main aap sabse vada karta hu ki bahut jald hi rajya se gayab huyi ladkiya apne apne mata pita ke paas phir se vapis ayengi.

Senapati—tu koi bhagwan hai jo vapis la dega.

Aur tabhi chatttaaakkkkkkk......sara jan samuday aur raj pariwar sakte me aa gaya ..iss aakasmik ghatna se...hua ye ki senapati ne jaise hi mere baare me bola...mere bagal me khadi payal didi bijli ki si tezi se uske paas pahuchi aur jor ka thappad jad diya uske gaalo par....senapati niche se upar tak jhanjhana gaya.

Payal (jor se)—bahut der se teri bak bak sun rahi hu.....ab agar ek shabd bhi tere muh se nikla to yaha tu nahi balki teri sar kati laash padi hogi...thuuuu

Maine jaldi se payal didi ko pakad ke apne paas kiya.....inko kahi bhi le jana bhi ek musibat hi hai...senapati apne gaal sahlata hua gusse se dekh raha tha.....aisa apmanit aaj vo pahli baar hua tha vo bhi sab ke samne.

Senapati (chillate huye)—sainiko...giraftar kar lo..iss magroor ladki ko....isne rajya ke senapati ke upar hath uthane ka jurm kiya hai....

Maharaj—ruko.....koi kuch nahi karega....galti tumhari hai senapati......aur raj ham chahte hain ki aaj tum hamare mahal me hi ruko...jisse hum tumhara samuchit swagat kar sake.

Raj—theek hai maharaj....hum kuch samay ke liye mahal chalne ko taiyyar hain kintu adhik samay tak rukne me asmarth hain...main kshama chahta hu.

Uske baad maharaj ne mujhe haar pahna kar aur vrihadpur ke qile ki ek chabi dekar sammanit kiya....senapati aag babula hota raha...iske baad hum sab rajmahal aa gaye.

Mahal kafi vishal tha......hamare liye ek kamre ka intazam kar diya gaya.....thake hone ke karan sab fresh hone lage dusri oor rajguru abhi bhi gahan chintan me doobe huye the.

Maharaj—kya baat hai gurudev..aap kisi gahri soch me hain..... ? kya koi gambhir chinta ka vishay hai.... ?

Rajguru—vishay chinta janak to nahi kintu vichar karne yogya avashya hai.

Maharaj—apka ishara kahi aaj ki ghatna aur vo yuvak raj ki taraf to nahi hai..... ?

Rajguru—main ussi vishay me vichar karne ki baat kar raha hu maharaj.

Maharaj—arthat..... ?

Rajguru—maharaj....aaj jo ghatna huyi usko dekh kar na jane kyo mujhe iss ladke me saajan ki chhavi nazar aa rahi hai....kyon ki aaj jo bhi hua vo saajan ke atirikta koi nahi kar sakta tha.....kintu main kisi niskarsh par pahuch nahi pa raha hu.

Maharaj (kuch vismit)—gurudev...kahi aap divya aur saajan ki baat to nahi kar rahe...... ?

Rajguru—haan maharaj..main ussi saajan ki baat kar raha hu.

Maharaj—gurudev..agar aisa hai to main to dhanya ho gaya.....aap jaldi se apni yog sadhna ke dwara raj ka parichay pata kariye....main aur mera rajya kritarth ho gaya aaj uske aane se.

Rajguru—main bahut prayatnn kar chuka hu maharaj....kintu main jab bhi dhyan laga kar raj ke vishay me kuch janne ka prayas karta hu to sirf ek divya aloukik prakash ke siwa kuch bhi nazar nahi aata.....meri sabhi shaktiya bahut choti nazar aane lagti hain uss tez punj ke samne.

Maharaj—tab to ye sabhi baate yahi ingit karti hain ki vo jarur saajan hi hoga jisne phir se janam liya hai....apke vichar me kya karna chahiye.... ?

Rajguru—dekhta hu.....aaj ratri me apne gurudev se baat karunga dhyan laga kar.

Hum sab poore raj pariwar ke sath baith kar shahi bhojan karne lage....maharani ke chehre par udasi abhi bhi thi bhojan ke pashchat humne maharaj se vrihadpur jane ki izajat mangi.....lekin vo mana karte rahe....kintu mere jaldi hi vapis loutne ki baat se badi mushkil se unhone jane ki ijazat di...aur sath me ye bhi bataya ki vrihadpur ka qila tilismi hone ke sath hi sath abhishapit bhi hai.

Hum mahal se nikal kar apne agle padav ki taraf badh gaye....Abhishapit aur Tilismi Vrihadpur ke Rahasyamayi Qile ki taraf......

 
UPDATE- 194 (A)

Hum sab poore raj pariwar ke sath baith kar shahi bhojan karne lage....maharani ke chehre par udasi abhi bhi thi bhojan ke pashchat humne maharaj se vrihadpur jane ki izajat mangi.....lekin vo mana karte rahe....kintu mere jaldi hi vapis loutne ki baat se badi mushkil se unhone jane ki ijazat di...aur sath me ye bhi bataya ki vrihadpur ka qila tilismi hone ke sath hi sath abhishapit bhi hai.

Hum mahal se nikal kar apne agle padav ki taraf badh gaye....Abhishapit aur Tilismi Vrihadpur ke Rahasyamayi Qile ki taraf......

Ab Aage.......

Mahal se nikal kar hum apne agle padav ki taraf agrasar ho chale.....vrihadpur ki seema tak ke liye maharaj ne rath aur sarthi ki vyavastha kar di thi....maine bhi unke prastav ko aswikar nahi kiya kyon ki mujhe bhi jaldi ghar bhi loutna tha.

Neha—raj...maharaj ne aisa kyo kaha ki vo mahal abhishapit hai.... ?

Raj—mujhe kya pata.... ? ab ye to vahi jane ke baad malum ho sakta hai.

Neha—to kya vaha khatra bhi ho sakta hai……?

Raj—agar vo mahal abhishapit aur tilismi hai to nishchit hi khatro ka samna karna padega vaha jane ke baad.

Payal—lekin hame vaha jane ki jarurat hi kya hai……? Tum bhi na raj.....tumhe maharaj se yaha se aur iss black hole se bahar nikalne ka upay puchna chahiye tha.....lekin nahi...janab ko to khatro me taang ghusana jyada achcha lagta hai... tere chakkar me dekh main gori se kali hoti ja rahi hu.

Raj—to theek hai...main aap sab ko yahi mahal me chhod deta hu....tab tak aap log mera yahi loutne ka intazar karna.

Payal—tu achche se janta hai ki yahi to nahi kar sakti main.

Raj—Janta hu tabhi to sath me le ja raha hu.

Neha—vaise payal ne jo pucha usme dum to hai raj...akhir uss qile me hum jaye hi kyo.... ? bina vajah khatra mol lena kaha ki akal mandi hai.... ?

Payal—vahi to...

Divya—chachi shayad aap ye bhool rahi hain ki minakshi yaha ke black hole me hi kahi qaid hai.....usko liye bina hum yaha se bahar nahi nikal sakte kyon ki uske paas jo mani hai .....uske jariye hi yaha se bahar jane ka rasta mil sakta hai.

Neha—to minakshi ki talash karo na.....iss qile me jane se kya fayda...ulta kahi koi durghatna ho gayi to mai didi ko kya muh dikhaungi..... ?

Divya—chachi minakshi ko aisi hi kisi khatre wali jagah me qaid kiya gaya hoga......warna vo kab ki azad ho chuki hoti isliye hame iss grah ki har uss jagah ko ja kar check karna hoga jaha par bhi jyada se jyada khatra ho...aur jaha koi bhi aata jata na ho.....yahi vajah hai ki hum iss qile me ja rahe hain.

Payal—ohhhh..to ye vajah hai.....lekin ye tujhe kaise malum..... ?

Divya—ye common sense hai didi…..aur shayad aap bhool rahi ho ki mai state topper hu.

Raj—wah…kya baat hai my sweet darling……uuuuummmmmm

Payal—ye bas kar…..uske gaal kha jayega kya…..ruk…main bhi hu idhar….uuummmmmmm

Jab maine divya ko kiss karne laga to payal didi beech me kood padi…unhone hoth gaal kuch bakaya nahi chhoda to bhala paridhi kaise piche rahti….vo bhi toot padi….mere gaal aur hoth daanto se kaat liye teeno ne.

Neha (sar pakad ke)—kitni besharam ho gayi hain ye ladkiya bhi na…..

Raj—thodi si chumma chati aap ke sath bhi ho jaye neha darling….

Neha (sharma kar)—chal hatt besharam....kuch bhi bol deta hai.

Raj—par main to chummi lunga…kya pata qile me jane ke baad mouka mile na mile.

Neha—nnn..nahi…rajjj nahi…….uummmmmmmmmm

Maine neha chachi ko pakad kar pahle unke gaal dhire dhire jeebh se sahlane laga….aur phir apni taraf ghuma kar unke hotho par hamla kar diya……bechari laaz aur sharam se pani pani ho gayi…..unki ankho me maine saaf mahsoos kiya ki vo thoda garam ho gayi hain….vaise yahi haal payal didi aur paridhi ka bhi tha…unki ankho me bhi lal dore utar aaye the.

Saloni yachna bhari nazaro se meri oor dekh rahi thi….use nirash na karte huye maine dhire se uske hotho ko bhi choom liya….ye to achcha hua ki payal didi kiss ki madhoshi me khoyi thi isliye unka dhyan nahi gaya.

Raj—rath wale bhai…abhi ye vrihadpur kitni door hai…..?

Sarthi—bhai….abhi thodi der me hum uski seema me pahuchne hi wale hain….

Lagbhag ek ghante baad hum vrihadpur ki seema me pahuch gaye……usne aage jane se mana kar diya….hum seema me hi utar gaye.

Sarthi—bhai iske aage main nahi ja sakta…..vaise meri baat mano to aap log bhi seema me pravesh mat karo.

Raj—kyo yaha kya hai….? Khatra to qile ke andar hai, jaisa ki maine suna hai…phir tum seema me pravesh karne se hi darr rahe ho.

Sarthi—jisne bhi iss seema ko paar kiya vo kabhi lout kar nahi aaya…..vrihadpur me admi to kya koi janwar ya pashu, pakshi tak bhi nahi milega aap logo ko……poora ka poora ye nagar hi veeran aur shapit hai…..yaha ke mousam ka koi bharosa nahi ki kab badal jaye…..kab din ho jaye aur kab raat……vrihadpur ke darr se iski seema se 200 meel tak koi abadi nahi hai…..mujhe kshama kare aur yaha se vapis jane ki anumati de….main to kahta hu ki aap bhi mere sath hi lout chalo.

Divya—lekin aisa kyo hai….? Poora vrihadpur shapit kaise ho gaya….?

Sarthi—ye to koi nahi janta…..ye sab ek rahasya ban kar rah gaya hai….na jane kya hua tha yaha…na jane kya hai iska raaz….?

Raj—theek hai bhai….aap jao….achche se jana…..hum to jab yaha aa hi gaye hain to ab bina qila ghume to nahi jayenge.

Sarthi—jaisi apki marzi bhai….main chalta hu…pranam

Raj—pranam

Sarthi ke jane ke baad hum kuch der vahi aas paas ghum kar jagah ka jayza lene lage....sarthi ne jaisa iss nagar ke vishay me bataya tha vo wakayi me hairat angej baat thi.

Neha—mujhe to abhi se darr lag raha hai.

Payal—raj...maharaj ne to hame kewal qile bhar ke baare me bataya tha....lekin ye rath wala to kuch aur hi jyada bata gaya....kya uski baate hairan karne wali nahi lagti tumhe.... ?

Raj—hairan karne wali to avasya hi hain......vahi to main bhi soch raha hu ki aisa kya hua hoga yaha ki ye poora nagar hi ujad gaya……kya hai iss vrihadpur ka itihas…..?

Payal—itihas..... ?

Raj—haan....ye Qila aur iss nagar ka rahasya janne se pahle hame yaha se juda hua itihas janna hoga....kyon ki beeta hua kal hi vartaman ka aayina hota hai.....bina yaha ka itihas jane hum qile ka rahasya nahi suljha sakte.

Neha—hame yaha ka itihas batayega koun.... ? yaha to admi to door koi janwar tak nahi hai.

Divya—Jab yaha ka itihas kisi ko pata hoga tab to koi batayega na……mujhe poora yakin hai ki itihas ka pata hame qile ke andar jane par hi kahi na kahi milega…..hame yaha ke uss itihas tak khud hi pahuchna hoga.

Raj—bilkul sahi kaha darling tumne…..to sab ready hain mout ka samna karne ke liye.

Payal—dekh hum vaise hi dare huye hain aur....... tu aur dara raha hai.

Raj—main dara nahi raha hu balki haqiqat bata raha hu.....seema ke andar pravesh karne ke baad kya pata kis jagah kiski mout likhi ho.....ye koi nahi janta.

Payal—mujhe tujh par poora yakin hai...tu mujhe kuch nahi hone dega.

Paridhi—mujhe bhi

Divya—mujhe bhi

Neha / saloni—hame bhi yakin hai.

Raj—agar aisa hai to phir chalo andar…..mout par kis ka jor chalta hai.

Sab ne apne mann ko darte huye kada kar liya aur mere sath vrihadpur ki seema me pravesh karne ke liye chal diye… lekin jaise hi hamne seema ke bhitar pahla kadam rakha hi tha ki vaha achanak tezi se aag ki lambi lambi lapte uthne lagi….to hum piche hatke seema ke bahar aa gaye.

Hamare piche hote hi vo aag shant ho gayi…..hum phir se aage badhe aur seema me apna kadam rakha kintu iss baar aag nahi jali to hum andar ghus gaye…..andar jate hi vaha ke mousam ne angdayi lena shuru kar diya.

Achanak tez hawaye chalne lagi…..vaise to sham hone me abhi kafi samay shesh tha..kintu aisa lag raha tha jaise ki shaam bas abhi hone hi wali hai.

Hum lagatar aage badhte rahe….sab ki sab darr ke mare mujhse bilkul chipak kar chal rahi thi…..thodi si bhi koi aahat hoti to turant mere upar kood ke chadh jati.

Unke aisa karne se mujhe bhi chalne me dikkat ho rahi thi…..lekin main unhe kuch kah bhi to nahi sakta tha….akhir vo sab mere hi bharose par to iss khatranak jagah par aayi thi.

Har taraf ghor sannata pasra hua tha……kahi kahi jo ped lage huye the….vo sab ke sab aag se jale huye the….ek bhi ped aisa nahi dikh raha tha jo ki hara bhara ho…sab ke sab jale huye hi mil rahe the…….

Hawa ka rukh jaise jaise hum aage badhte ja rahe the vaise vaise aur bhi tez hota ja raha tha…..na to koi janwar tha aur na hi koi pashu pakshi…agar tha kuch to sirf sannata.

Agar kuch sunayi de rahi thi to inn tez hoti hawao ki saany saany karne ki goonj..jo aise shant veeran vatavaran me kisi ka bhi dil dahlane ke liye paryapt thi.

Payal—ye mousam kaise badal gaya achanak…..?

Paridhi—lagta hai yaha ke sab log aag lagne se maare gaye honge, isliye ye shapit hua hoga….?

Neha—hawa to tez hoti hi chali ja rahi hai...kahi thodi der rukne ki jagah bhi nahi dikh rahi hai.

Saloni—ye to bilkul vaisa hi dikh raha hai sab kuch jaisa ki uss rath wale ne bataya tha.

Hum chalte huye ek basti tak pahuch gaye.....basti to bas naam ki hi thi.....vaha kayi ghar bane huye the pattharo ke kintu unme rahne wala koi nazar nahi aa raha tha.

Lekin sabse badi acharaj ki baat to ye thi ki ye sabhi ghar ek jaise bane huye the aur sabhi ko dekh kar aisa lag raha tha jaise ki inko kuch din pahle hi banaya gaya ho...dusri sabse badi baat ki kisi bhi ghar me chhat nahi thi matlab ki kewal deeware hi thi...upar se poora khula hua tha.

Maine ek ghar ko andar se ja kar dekhne ka faisla kiya aur hum ek ghar ke andar ghus gaye....lekin jaise hi andar ghuse vaise hi vaha andar ka nazara dekh kar sabhi ki cheekh nikal gayi.

 
UPDATE- 194 (B)

Hum chalte huye ek basti tak pahuch gaye.....basti to bas naam ki hi thi.....vaha kayi ghar bane huye the pattharo ke kintu unme rahne wala koi nazar nahi aa raha tha.

Lekin sabse badi acharaj ki baat to ye thi ki ye sabhi ghar ek jaise bane huye the aur sabhi ko dekh kar aisa lag raha tha jaise ki inko kuch din pahle hi banaya gaya ho...dusri sabse badi baat ki kisi bhi ghar me chhat nahi thi matlab ki kewal deeware hi thi...upar se poora khula hua tha.

Maine ek ghar ko andar se ja kar dekhne ka faisla kiya aur hum ek ghar ke andar ghus gaye....lekin jaise hi andar ghuse vaise hi vaha andar ka nazara dekh kar sabhi ki cheekh nikal gayi.

Ab Aage......

Andar kamre me manav ke sir kate nar kankalo ka dher laga hua tha ....jabki dusre room me unke kate huye sir latak rahe the charo taraf deewar me.

Sabse adhik bhayavah baat ye thi ki sabhi nar kankalo ki haddiyo se taaza khoon tapak raha tha…jabki unn nar kankal me maans ka ek tukda tak nahi bacha tha phir bhi khoon tapak raha tha.

Vahi unn khopdi ke muh khulte aur band ho rahe the…..ye drishya dekhte hi sab buri tarah se darr gayi aur sabki cheekh nikal gayi….badbu itni jyada thi ki vaha pal bhar rukna bhi mushkil tha.

Sab cheekhte huye kamre se turant bahar bhag kar nikal aaye….iske baad aur kisi ghar me ghus kar dekhne ki ichcha hi nahi huyi..sabne pahle se hi hath khade kar diye the.

Neha—baap re…pata nahi aur kya kya dekhne ko baki rah gaya hai….? Abhi tak mera sharir darr se kaamp raha hai kya tha ye….?

Divya—ye to trailor tha chachi…..asli picture abhi shuru hi kaha huyi hai…..vo to qile me jane ke baad hi start hogi.

Payal—chup kar….ye raj kya kam tha jo ab tu bhi darane lagi.

Divya—meri pyari didi…..main to kewal vahi bata rahi hu jo aage hone wala hai…..khair mujhe kya….mat mano meri bala se.

Paridhi—vaise raj kya tha ye….?

Raj—ye sab tilismi jaal hain.....ye to yaha pag pag par kuch na kuch ajib dekhne ko milta hi rahega.

Divya—mera khyal hai ki hame kaise bhi kar ke andhera hone se pahle pahle qile ke andar chale jana chahiye... raat hone par khatra jyada ho sakta hai vaha tak pahuchne me..aur shayad hum yaha ki bhool bhulaiya me hi bhatakte rah jaye.

Raj—hmmmm....shayad tum theek kah rahi ho......hamara sabse pahla maqsad yaha ki har ajibo garib dikhne wali baat ko nazar andaz karte huye kisi tarah qile tak pahuchna hai....kyon ki yaha hone wali inn sabhi ghatnao ka talluk kahi na kahi qile se hi juda hua hai.

Payal—haa to chalo na...maine kab mana kiya hai.....ye ghar me ghus kar dekhne ka idea bhi tumhara hi tha samjhe.. idiot.

Hum basti ko paar karte huye aage nikal aaye…..achanak phir se vahi jungle wali ghatna piche piche chalne lagi… hum aage badhte ja rahe the aur piche ghana andhera phailta ja raha tha….maine iss khatre ko bhamp liya.

Raj—thoda tez tez chalo.

Divya—ab mujhse nahi chala jayega....ab yaha se mujhe god me utha ke chalo.

Raj—theek hai.... aa ja meri jaan.

Payal—mere badan me kaante dikhte hain kya tujhe jo tere gad jayenge.... ? mujhe bhi chadhna hai teri god me

Neha—raj tu apni power ka use kyo nahi karta…? Hum jaldi pahuch sakte hain qile me usse.

Raj—chachi darling….ye tilism hai….kisi bhi tilism ko shaktiyo se nahi balki uske har step ko paar karte huye hi aage jaya ja sakta hai…..yaha se qile tak ka rasta to hame paar karna hi padega.

Maine sab ke charo taraf ek majboot suraksha kawach bana diya jisse koi bhi adrishya shakti asani se kisi ko nuksan na pahucha sake.

Paridhi—lekin raj hame jana kidhar hai….? Vo qila hai kis disha me.... ? aise to hum yahi gol gol ghumte rah jayenge.

Divya—bilkul correct sawal kiya hai aap ne...ab lagta hai ki aap meri didi ho.

Payal—ye chup kar…ek to khud upar raj ke chadhi baithi hai aur hame gyan de rahi hai…chal utar niche…ab meri bari hai.

Divya—aap badi ho…main choti hu.

Saloni—paridhi ki baat to sahi hai raj…..akhir hame sahi disha ka to pata hona hi chahiye.

Raj—mujhe lagta hai ki qila yahi aas paas hi kahi hona chahiye…..shayad uss pahadi ke piche.

Payal—kyaaa shayad…..?

Neha—main to ab thak chuki hu…mujhse nahi chala jayega.

Paridhi (darte huye)—rajjjj….piche dekho.

Raj—sab samne dekho.....piche dekhne ki jarurat nahi hai kisi ko...

Paridhi—lekin ye kaise ho sakta hai ki yaha ujala hai aur hamare piche itna andhera..... ?

Raj—yaha kabhi bhi kuch bhi ho sakta hai....bahut rahsyamayi nagar lag raha hai ye.

Chalte huye hum ek shmashan ke paas pahuch gaye.....sab kuch shant tha vaha.....charo taraf sannata aur niravta ka vatavaran chhaya hua tha.

Neha—raj, tumhare paas itni shaktiya hain...ekadh hame bhi de do to tumhara kaam kuch aasaan ho jayega.....hum bhi kuch khatro ka samna kar payenge aur tumhe apni manzil talash karne me madad mil jayegi.

Raj—aap ko kya lagta hai ki ye sab saral aur sahaj hai..... ? kaise samjhau aap ko ki ye sab siddhiya aur sadhnaye sabhi logo ke liye nahi hain....sabhi nahi prapt kar sakte, sabhi nahi kar sakte......

Payal—kyo nahi kar sakte..... ?

Raj—iske liye bahut kasht uthana padta hai…..sansarik sukh, suvidha, anand aur tamam sansarik aakarsano ki sapne me bhi kalpana nahi karni padti….moh maya se bhi door rah kar sansar me, samaz me aur pariwar me jadwat aur shashwat rahna padta hai……tabhi ja kar manvettar shakti prapt hoti hai…….tabhi sab kuch sambhav bhi hota hai…… magar phir bhi manvettar shakti prapt kar lene ke baad vyakti ussi prakar sansar, samaz aur pariwar me apne apko sahaj aur vyavasthit nahi kar pata jaise main hu…….ek vichitra aur asahaj sthiti me ji raha hu main…..meri manas chetna aur meri aatm shakti deh ki seema ko laangh kar ek aise rahasyamay kendra ki oor unnamukh ho gayi hai, jaha shunya ke siway aur kuch bhi nahi hai……ek param shunya, ek virat aur sarv vyapak shunya se bharta ja raha hai mera jeevan aur astitva…….kabristan ki sari khamoshi aur sari niravta bikhar gayi hai mere charo oor……shmashan ki sari udasi aur sara vairagya bhar gaya hai mere jeevan ke kan kan me…ek nirashrit, ekaki aur sambalheen jeevan ji rahi hai meri aatma.

Neha—teri ye baate to mere sar ke upar se nikal gayi

Payal—mere bhi……

Paridhi—kab tak pahuchenge qile tak….? Ye andhera to hamara picha hi nahi chhod raha hai….parchhayi ki tarah piche hi lag gaya hai……ab to chala bhi nahi ja raha hai.

Raj—ruko main kuch vyavastha karta hu.

Maine vaha lage ek bade se ped ko ukhad liya……usme bahut sari moti moti tahniya thi……ki agar uske upar kayi log baith bhi jaye to vo tootengi nahi.

Raj—ab sab iss ped par baith jao…….main isko khich kar le chalta hu.

Sab bina koi sawal jawab kiye turant uss ped ki ek ek daal pakad kar baith gayi……maine ped ke nichle sire ko hath se pakad kar sarpat doud laga di.

Raste me kayi vichitra ghatnaye hoti rahi lekin mere suraksha kawach ke chalte vo hamara koi ahit nahi kar payi…. Inn adbhut drishyo ko apalak niharte huye main lagatar aage badhta gaya tabhi meri nazar ek qile par padi….Antatah hum uss qile tak pahuch hi gaye.

Door se hi dikh gaya vah qila…..choti choti pahadiyo se ghira ye qila kafi rahasyamay lag raha tha…..qile ka kafi hissa khandahar ho chuka tha ….baki hissa jo bacha tha vah bhi khandahar hone hi wala tha.

Qile ke charo taraf ghani jhadiya thi….jinke bhitar jungli kide kirr kirr kar rahe the…..jamin me gire sukhe patto ki khad khadahat ke alawa aur hawa ki sansanahat ke atirikt charo taraf gahan nistabdhata thi.

Dhwast parivesh me ateet ki ek yaadgar ke roop me vo qila dhool dhusrit ho kar bhi apni bhangima se sir ooncha kiye khada tha…..

Sab taraf saany saany ho raha tha……ek vichitra si udasi, ek aboojh si khinnata parivyapt thi uss qile me…..uske charo oor oonchi oonchi ghaas ugi huyi thi…..abhi hum qile ke bahar hi khade ho kar usko nihar rahe the.

Divya—bahut purana qila lag raha hai…iski banawat dekh kar hi lagta hai ki ye apne samay me kitna bhavya aur khubsurat raha hoga.

Payal—ab bahar se hi dekhna hai ki andar bhi chalna hai iske….?

Neha—yaha saanp bichhoo to nahi honge na….?

Sabhi bahar khade khae qile ke charo taraf dekh rahe the aur mann me soch rahe the ki ab kya kiya jaye….? Samne ek bada sa gate laga hua tha jo ki band tha.

Paridhi—bada bhayanak qila dikh raha hai…mujhe to darr lag raha hai….ab yaha se vapis loutne ka matlab hai ki raat ke syah andhakar me yaha ke tilismi aur shapit rakshaso ki bhookh ke samne khud ko samarpit kar dena aur sidhe bina kisi se puche yamlok pahuch jana.

Raj—chalo sab…lekin dhyan se.

Maine uss gate ko dhakka diya lekin vo nahi khula....kahi koi lock laga bhi nahi dikh raha tha....kafi mashakkat karne ke baad bhi vo tas se mas nahi hua.

Neha—ye to khul hi nahi raha hai...ab kya kare.... ?

Payal—kyo na vahi tarika apnaya jaye jo rajgarh ki gufa me tumne kiya tha raj.

Raj—dekhta hu…shayad kaam kar jaye….?

Lekin tabhi achanak vaha raat ho gayi…..har taraf ghanghor andhera vyapt ho gaya……kuch dikhayi hi nahi de raha tha.. maine hath se tatolte huye ek jagah bane khane me vahi locket set kar diya.

Aur uss locket ke uss jagah lagate hi vo gate apne aap jordar awaz karta hua khulta chala gaya…..gate ke khulte hi phir se raat se shaam ho gayi.

Saloni—ohhh..god….ye khul to gaya….

Neha—maine raat ke baad subah hote to kayi baar dekha hai apni life me lekin raat ke baad shaam hote pahli baar dekh rahi hu.

Divya—yaha jo bhi ho jaye sab kam hi hai chachi.

Hum vilamb na karte huye gate ke andar ghus gaye aur ek baar phir se mousam ne palti khayi….aas maan me kale badal ghir aaye…..megh garjana karne lage….hawa ka rukh tez ho gaya.

Sab mujhse chipak kar chal rahi thi shayad darr ki vajah se……har taraf badi badi ghaas ugi huyi thi…..hum unke upar se gujarte huye andar badhte rahe….tabhi

Payal—aaahhhh

Raj—kyaa hua….?

Payal—vvvv..o..vo…niche…..

Maine dekha to ek saanp unke pairo se lipat gaya tha....maine uski puch pakad kar door phenk diya....aur phir se chal pade.

Hum tezi se qile ke bhitar aa gaye....yaha ke vatavaran me ek aboojh si khinnata vyapt thi....qile ke dusri taraf vishal darwaja tha….vaha pahuch kar neha chachi ne usko khat khataya, magar koi nahi aaya darwaja kholne.

Payal—kyo khat khata rahi ho chachi….bhala iss khandahar me koun rahega jo isko kholne ayega.

Tabhi ek baar phir se raat ho gayi aur andhera chha gaya….main darwaje ko kholne ki koshish karne laga….lekin vo khulne ka naam hi nahi le raha tha.

Payal (kaan me)—chachi chalo na, mujhe jor se lagi hai.

Neha (dhire se)—to thoda kinare ja kar kar le na....vaise bhi andhera hai, kuch nahi dikhta.....lekin jyada door mat jana.

Payal didi bathroom karne ke liye qile ki deewar ko tatolte huye dusri taraf nikal gayi....tabhi unki nazar ek khidki me se aati huyi halki halki roshni par chali gayi...jise dekh vo chounk gayi.

Payal (mann me)—ye roshni kaisi hai....aur iss khandahar qile me.... ? ja kar raj ko batati hu…..lekin kyon na pahle main chupke se ja kar dekhu to sahi ki ye roshni hai kaisi…..?

Payal bathroom karna bhul kar hadbadahat ke sath qile ki deewar ko tatolte huye uss khidki ke paas pahuch gayi jisme se chhan kar roshni bahar aa rahi thi.

Khidki kahne se aap jo kalpana karenge vaisi nahi thi vah khidki….ek deewar me ek char foot choude aur chhah (six) foot lambe choukhat me ek samucha shisha fit tha….shisha safed rang ka aur kafi mota tha.

Jis kamre me shishe ki vah khidki fit thi, usme kafi tez roshni ho rahi thi….tabhi payal ko uss roshni me kamre ke bhitar ek vichitra aur ashcharya janak drishya dikhlayi pada….payal ki dhadkan tez ho gayi aur vo vahi jadwat ho gayi.

Khidki ke samne wali deewar ke paas bhagwati parashakti mahakali ki ek vishal aur vikral murti thi….murti ashtabhuji thi aur vo shav par aarudh thi.

Murti ke charno ke paas ek hawan kund tha, jisme se sugandhit dhoom nikal nikal kar kamre ke vatavaran me chha raha tha….hawan kund ke charo taraf palthi maar kar padmasan ki mudra me paanch chhah admi baithe huye the.

Unn sabhi ka roop bhayanak tha…..sharir ka rang kala aur sir mundan kiye huye the….gale me bandar ki khopadiya latak rahi thi….kano me bhi kisi jeev ki haddi ka kundal jhul raha tha.

Unn sabhi ke hoth iss prakar hil rahe the jaise ki vo koi mantra padh rahe ho…..beech beech me vo hawan kund me sharab aur ghee ki aahutiya bhi chhodte ja rahe the.

Hawan kund ke paas hi ek lambe aakaar ka farsa tha aur uss farse ke paas hi char paanch varsh ka ek bachcha leta hua tha….vah nanga tha aur uske poore sharir par sindur pota hua tha….gale me jawa phool ki mala bhi padi thi.

Sahsa uss rahasyamay kamre me ek yuvti na jane kidhar se aa gayi…..yuvti ki aayu 25 varsh se adhik nahi thi…. Rang kala tha, magar dekhne me akarshak thi….uske baal khul kar pith par bikhre huye the….hoth laal the aur ankhe bhi lal ho rahi thi….mastak par sindur ka gol tika aur gale me bandar ki khopdi jhul rahi thi.

Vah sarvang nagn thi….kisi dakini shakini jaisi lag rahi thi…..aisi bhayanak stri ki koi kalpana bhi nahi kar sakta…uske upasthit hote hi hawan kund ke paas baithe huye unn vyaktiyo me se ek vyakti uth kar hath me madira patra liye uske paas pahucha aur usko thama diya.

Kaal ratri si vah bhayankar yuvti ek hi saans me gatgat kar sari madira pine ke baad vahi ek aasan par baith gayi… uss samay uski mudra aur uske chehre ka bhaav bilkul amaanviya lag raha tha.

Muh bichka kar aur hotho ko daba kar kabhi vo sote huye uss bachche ki oor dekhti to kabhi kali ki murti ki oor… yuvti ka chehra kafi bhayanak aur kafi vibhats lag raha tha.

Madira ke nashe se bojhil uski ankhe goolar ke phool ki tarah lal ho rahi thi….lal lal ankho se kabhi kabhi vah kali ki murti ki oor bhi nihar liya karti thi.

Payal (mann me)—omg….ye log kitne bhayanak hain….lekin vo sarthi to kah raha tha ki yaha koi nahi rahta to phir ye log yaha kya kar rahe hain….? Jarur yaha par sab kuch inhi logo ka kiya dhara hoga….? Pakka ye log uss masum bachche ki bali dene wale honge.

Mann me ye khyal panapte hi payal me uss shishe me jor se mukka mara, par badi ajib baat thi ki na to vo shisha toota aur na hi usme koi awaz huyi mukka maarne par….andar moujud vyaktiyo ka dhyan bhi payal ki oor nahi gaya.

Payal ne niche baith kar jamin me tatolne lagi…tabhi uske hath me patthar ka ek bada sa tukda aa gaya….usko utha kar usne apni poori taqat se kayi baar jaldi jaldi shishe ke upar vaar kiye….lekin ashcharya ki baat thi ki itni jor jor se patthar se peetne par bhi vo shisha toota nahi aur na hi koi awaz huyi.

Payal (mann me)—ab kya kiya jaye….ye to toot hi nahi raha hai.

Payal patthar ka tukda hath me liye kisi asahay ki tarah andar dekhti rahi….itne me na jane kidhar se ek lambi choudi kad kathi ka vyakti uss kamre me prakat hua.

Uski shakal bhi bahut bhayanak thi…..sir par uske jata jut tha aur lambi dadhi thi….gale me bachcho ke khopdiyo ki mala pahne huye tha…..mastak par lamba tika lagaye, kamar me lal kapde ka tukda lapete aur hath me trishul liye tha.

Kamre me uss rahasyamay aur bhayanak vyaktitva wale sadhu ke pravistha hote hi vah yuvti apne sthan se uth khadi huyi aur shraddha se jhuk kar uske charno ka sparsh kiya.

Magar sadhu ne uski oor vishesh dhyan nahi diya....vah ek baar maa mahamaya ki pratima ki oor dekh kar koi mantra budbudane laga aur ussi avastha me dhire dhire chal kar hawan kund ke samip rakhe farse ko utha liya…phir ussi prakar chal kar bachche ke paas pahucha.

Issi beech hawan kund ke nikat baitha ek vyakti utha aur bachche ko god me lekar pratima ke samne lita diya….nishchay hi uss balak ko koi dawa dekar behosh kar rakha hoga inn logo ne.

Sadhu apne dahine hath me farsa liye uss bachche ka karib pahucha aur farse ko bachche ke sir se chhula diya…. Bachche ne ankhe kholi aur darte darte visfarit drishti se uss khadagdhari aghori sadhu ki taraf dekha.

Payal (ghabrate huye)—lagta hai ye log uss bachche ko maar denge…nahi…..nahi…mujhe rokna hoga….(chillate huye)—ye rukkk jaoooo……mat marooo uss bachche ko.

Payal jor jor se chillate huye patthar ko uss shishe par jor jor se thokne lagi kintu koi fayda nahi tha….vo shisha nahi toota aur dusri tajjub ki baat ye bhi thi ki payal jor jor se chilla to rahi thi kintu uski awaz kisi ko sunayi nahi de rahi thi…gale ke andar hi andar goonj rahi thi.

Tabhi vah sadhu niche jhuka vaise hi uski nazar payal par chali gayi…..uski ankhe lal lal aur khichi khichi si thi.. naak tirchhi thi aur gaalo ki haddiya ubhari huyi thi.

Vah jab jhuk kar payal ki oor dekhne laga to payal bhi kisi aprasann vyakti ki bhanti uski taraf dekhti rah gayi…usne payal ko sir se pair tak nihara jaise theek se dekh kar usko pahchan lena chahta ho vah.

Achchi tarah se payal ko dekhne ke baad vo sadhu bachche ke samne ja kar khada ho gaya…..phir apne hath ka cham chamata hua farsa taan liya usne.

Dusre hi kshan khachch ki awaz huyi aur ussi ke sath uss bachche ki hriday vidarak cheekh bhi goonj uthi…bachche ka sir dhad se alag ho gaya tha aur kafi door tak ki vaha ki jamin uske khoon se lal ho uthi thi….bachche ka sir aur dhad thodi der tak chhat patata raha aur phir shant ho gaya.

Payal (jor se)—Raaaaaajjjjjjjjjjj……khoon…..khoon….khoon

Payal buri tarah se darr kar jor jor se raj ko chillate huye tezi se vaha se girte padte bhagi….iss baar payal ki awaz sabhi ko sunayi di.

Main tezi se unki taraf gaya aur vo bhagte huye aa kar mere seene se lag kar jor jor se rone lagi..jab unka rona kuch kam hua to maine pucha.

Raj—kya hua didi….? Aap chillayi kyo….?

Payal (ghabrate huye)—vo…vo..kkk…khoon,…uss kamre me khoon

Raj—kaha…chalo jaldi…

Maine tezi se unka hath pakad kar uss kamre ki khidki tak pahucha…..lekin vaha to kuch bhi nahi tha…..siway toote foote kamre ki deewaro ke….maine shisha ko thoda sa dhakka diya to vo niche gir gaya.

Hum uss khidki se kamre me ghus gaye….maine apni mani ki shakti se kamre me roshni phaila di…..kahi kuch bhi nahi dikha jaise ki payal didi ne bataya… har taraf bade bade jaale lage huye the….poore kamre me dhool jama thi…..vo abhi bhi hairan thi aur kaamp bhi rahi thi….lekin mahakali ki pratima vaha avashya thi.

Raj—yaha to kuch bhi nahi hai.

Payal—lekin vo khoon ke nishan aur vo laash kaha gayi….? Abhi to yahi thi aur vo sab admi kaha gaye….?

Raj—didi….lagta hai ki aap bhool gayi ho ki ye Tilismi aur shapit qila hai.

Uske baad hum vapis ussi darwaje ke paas aa gaye….ab ki baar maine ankhe band kar ke apni shaktiyo ko jagrit kiya aur phir jaise hi darwaje par hath rakha vo aise khul gaya jaise ki kabhi band hi nahi tha.

Kamre me ghuste hi kisi ke payal ki awaz vaha goonjne lagi….payal ki chhan chhan karti awaz ne ham sabhi ko hairat me daal diya.

Paridhi—ye payal ki awaz kis ki hai….?

Divya (jor se)—koun hai yaha….?

Lekin koi awaz nahi aayi....hum aage chalne lage kamre me....tabhi phir se kisi ke chhan chhan karti payal ki awaz aane lagi...ab ki baar aisa laga ki koi bilkul mere karib se gujra hai.

Payal ki awaz ab kabhi idhar se to kabhi udhar se goonjne lagi....aisa lag raha tha ki jaise koi athakheliya kar raha ho har baar mujhe aisa mahsoos hota jaise koi mere paas khada hai.

Raj (chillate huye)—koun hai.... ? samne kyo nahi aati.... ?

Aur tabhi vaha ek madhur geet goonj utha jise sunte hi hum chounk gaye.....

“Upar Ambar Niche Dharti, Beech Me hain Dil Ke Afsaane...

Afsaano Me Dard Hai Kitna, Pyar Ke Dushman Ye Kya Jane”

 
UPDATE- 195

Payal ki awaz ab kabhi idhar se to kabhi udhar se goonjne lagi....aisa lag raha tha ki jaise koi athakheliya kar raha ho har baar mujhe aisa mahsoos hota jaise koi mere paas khada hai.

Raj (chillate huye)—koun hai.... ? samne kyo nahi aati.... ?

Aur tabhi vaha ek madhur geet goonj utha jise sunte hi hum chounk gaye.....

“Upar Ambar Niche Dharti Beech Me hain Dil Ke Afsaane

Afsaano Me Dard Hai Kitna, Pyar Ke Dushman Ye Kya Jane”

Ab Aage……

Ye geet ke bol sunte hi hum sab chounk gaye….geet me dard bahut tha….maine kayi baar awaz lagayi ki koun ga rahi hai..samne aaye kintu vo idhar se udhar ghum rahi thi.

Payal (shocked)—ye to vahi shayari hai…jiske piche hum yaha aaye hain.

Neha—lagta hai ki minakshi idhar hi hai…ab yaha kahi vo mombatti aur mil jaye to uss sawal ka jawab poora ho jayega aur hum minakshi tak pahuch jayenge.

Achanak vo geet band ho gaya aur payal ki jhankar andhere me chhan chhan kar aati rahi…har baar mujhe aisa mahsoos hota jaise ki koi mere bilkul paas me khada hai.

Neha (cheekh kar)—aaahhhhh

Raj—kya hua….?

Neha—kisi ne mere piche jor se nakhun se chimti kaati.

Paridhi—aap bhi na mummy...ek to vaise hi hum iss bhutiya qile me darr rahe hain aur aap aur bhi dara rahi ho.

Payal—aaaaaaa

Raj—ab kya hua...... ?

Payal—kisi ne jor se mere kaan marode.

"S....a...a...j...a....n" kisi ne mere kaan me dhire se kaha to main bhi chounk gaya aur jaise palta to vaha koi nahi tha.. par nazar koi na aaya.

Aur ek baar phir se payal ki chhan...chhan karne ki awaz vaha goonjne lagi....tabhi vo chhan chhan ki awaz karib aati gayi aur jaise hi mujhe laga ki vo ab mere bagal me hi hai to turant maine usko pakadne ke liye hath badhaya ki vo awaz mujhse door ho gayi.

Hum kafi der tak uska picha karte huye bhatakte rahe....lekin kuch fayda nahi hua.....akhir me maine achanak se apni mani ka prakash vaha phaila diya....

Prakash phailte hi hum sab chounk gaye.….hum jaha khade the vaha phool hi phool bikhre huye the....main abhi kuch aur sochta ki achanak payal didi jor se cheekh uthi.

Payal (jor se)—rajjjjjj...vo...v..o

Raj—kya hua ab.... ?

Payal (darte huye)—maine...abhi vaha...ussi ladki ko dekha....vaha....vo yahi hai....

Sab ke sath main bhi chounk gaya...lekin phir jyada dhyan nahi diya ye soch kar ki aisi jagaho par iss tarah ki ghatnao ka hona koi hairat ki baat nahi hai.

Raj—come on didi....maine pahle bhi bataya hai na ki ye jagah kaisi hai.... ? phir usme itna pareshan kyo ho rahi ho aap.... ? balki main to khush hu ki uske geet se mujhe meri manzil karib nazar aane lagi hai.

Neha—vo kaise….?

Divya—vo aise chachi ki…iss shayari aur mombatti ka aapas me gahra sambandh hai…ye geet yaha sunayi diya iska matlab ki minakshi tak pahuchne ka rasta yahi se ho kar niklega aur shayad iss tilism ko todne ke baad hi hame vo rasta milega.

Raj—par hame iss tilism ko todne ka rasta to talash karna hoga…..lekin mujhe lagta hai ki sabse pahle hame yaha se juda itihas janna chahiye …bina uski jankari ke tilism ko tod pana bahut mushkil hoga.

Saloni—to chalo..apni talash aage badhate hain.

Raj—hmmmm…chalo…inn sidhiyo se chalte hain…dekhte hain kya milta hai….?

Dhool se sani tuti footi sidhiya chadhte samay dahshat se par fadfadate huye hamare kano ko chhu kar koi nikal gaya jisse sab darr se ghabra gayi.

Uss mlaan nistabdh qile me mujhe vichitra anubhuti ho rahi thi….dhool se bhare pade, patthar aur toote phoote sidhiyo par ghumte huye har kshan yahi lag raha tha ki rundhi huyi hawa ke beech koi dhire dhire hamare sath chal raha hai aur ateet ke jeern sheern kale parde ko ughar dega …..aur sahaj hi me iss darawne andhiyare vatavaran me mann prano ko ek bargi stambhit kar dega,

Abhi hum qile ke aangan me ghum rahe the ki tabhi meri nazar kisi gupt tahkhane me jane ke liye ek chote se darwaje par padi.

Raj—lagta hai ki yaha koi tahkhana hai….chalo dekhte hain

Neha—mujhe to darr lag raha hai

Payal—to aap yahi ruk kar hamare vapis loutane tak intazar karo.

Neha—nnn..nahi…nahi…main bhi sath me chalungi.

Hum darwaje ke andar aa gaye…vaha niche jane ke liye chakkar daar sidhiya thi….pahle niche utarne me sab ko darr avashya laga lekin mere utarte hi sab sahas kar ke fatafat mere piche piche utarne lagi.

Karib 8-10 sidhiya utarne ke baad mujhe kafi lamba chouda ek kamra mila….main dekhne ke liye uss kamre me ghus gaya…seelan aur badbu se bhara tha poora kamra.

Divya (naak daba ke)—kitni badbu hai yaha….

Payal—chal jaldi bahar niklo yaha se nahi to iss badbu se hi marr jayenge.

Raj—sab naak band kar lo ya kuch der bahar wait karo…main thodi talashi to le lu iss kamre ki…sab darwaje ke paas ja kar khadi ho gayi.

Main kamre ko bariki se dekhne laga….ek kone me lohe ka ek sandook rakha hua tha….lagbhag saat foot lamba, char foot ooncha aur lagbhag utna hi chouda tha vah….usme lock laga tha.

Maine gour se uss lock ko dekha to usme chabi se kholne ke liye koi jagah nahi thi…maine kayi prayas kiye kintu kamyabi nahi mili….akhir me maine mani ki shakti se uss lock ko tod diya.

Na jane kis prerna ke vashibhut ho kar maine uss box ka bhari bharkam dhakkan khol diya maine…..dhakkan khulte hi badbu ka ek tez jhonka bahar nikal kar phail gaya…uss badbu se sab ka jee machla utha to darwaje se bahar ho gayi.

Payal—uuuu….ye kya haiii…..?

Neha—mujhe to ulti hone wali hai

Divya—yahi bahar se dekhte hain…andar rukne ki himmat nahi hai ab.

Maine uss box ke andar dekha to usme taambe aur pital ki lagbhag do foot ki teen char pipes thi…..unn pipes me dhakkan lage huye the.

Unn dono pipes ko maine utha liya aur bahar aa kar khola to dekha ki usme kagaz jaise patle tambe ke patro par kisi agyat bhasa me koi pandu lipi thi….kul mila kar usme tamra patro ki sankhya chalis thi.

Neha—ye kya hai…?

Divya—chachi inko tamra patra kahte hain…..pahle ke jamane me inke upar hi likha jata tha kuch bhi.

Payal—par inme likha kya hai…? Koun si bhasa hai ye….?

Raj—yah kafi mulyavan aur ati durlabh sampatti hai.....ye pali bhasa se ek milti julti ek vishesh bhasa hai, inn pandu lipiyo ki aaj se lagbhag 500 varsh pahle ek prantiya bhasa thi.

Paridhi—kya likha hai inme..... ?

Raj—aayurved tantra ke antargat ras rasayan ke anek durlabh siddhanto aur unn siddhanto ke aadhar par anek rasaynik prayogo ka savistar varnan kiya gaya hai.

Payal—inme khas baat kya hai…..?

Raj—ab ye to inko padhne ke baad hi malum chalega…..ab chalo aur aage chalte hain

Hum vaha se aage badh gaye….kuch sidhiya aur niche utarne par do kamre dikhayi diye vaha….maine ek kamre ko chun kar uske andar ghus gaye…aur chalte chalte ussi kamre me pahuch gaye jaha kuch der pahle payal didi ne vo drishya dekha tha.

Payal—arey…ye to vahi kamra hai….?

Raj—hmmmmm

Tabhi maine nazar ghuma kar piche ki taraf khidki me dekha to vaha vo shisha phir se apni jagah par fit ho gaya tha jisko ki kuch der pahle maine niche gira diya tha.,,magar kuch dekh kar main chounk gaya.

Khidki ke bahar tez roshni thi……jaise ki din hi ho aur tez roshni me mujhe khidki se bahar thode se fasle par ek vistrat maidan dikhalayi diya.

Maidan ke ek oor kayi tope, jinka muh akash ki oor tha, ek katar me rakhi huyi thi……magar unn topo ko dagne ke liye vaha koi nahi tha…magar kuch hi pal ke baad vo tope swayam apne aap hi aag ugalne lagi.

Unme se kala sa dhua nikal kar maidan ke charo taraf phail gaya......thodi der baad hi maidan ke paas ki oonchi imarto me ek visfot hua aur aag tatha neele ranga ka dhua akash me chha gaya.

Phir achanak tope shant ho gayi aur vo dhua bhi adrishya ho gaya……aur uss maidan me antariksh se ek badi si hilti dulti vartulakar tashtari aati dikhayi dene lagi.

Pahle to main ye samajh hi nahi paya ki ye udan tashtari hai…..neele aas maan me ek lal taare jaisi dikhayi de rahi thi vo……bilkul mangal tare jaisi.

Pahle yahi vichar mere mann me aaya, par jab vah paas aane lagi to yakin ho gaya ki vah mangal tara nahi hai…aur nazdik aane par main samjh gaya ki ye udan tashtari hai.

Vah tashtari kuch hi kshan me maidan me utar kar sthir ho gayi……vo neele rang ki thi….samne ki oor ati tivra gati se ek pankha chal raha tha, jisme se aag ki halki halki lapte hawa ke sath nikal rahi thi…achanak uske bagal ka darwaja khula aur usme se jo nikla usko dekh kar main hairan rah gaya…..shakal itni bhayanak ki agar koi dekh le to vaise hi bina poison piye hi mar jayega.

Kisi bhi jivit prani se uski koi samanta nahi thi…..kaddu jaisa gol aur bada sa matha, kafi ooncha lalat, teen badi badi ankhe, ek lalat me aur do agal bagal thi.

Naak to thi hi nahi….ekdam sapat tha, mathe ke niche ka hissa…..sirf ek muh tha aur vo bhi ek lambe faank jaisa… kano ki jagah do bade bade nariyal lage huye the….aur unhi ke paas se foot dedh foot lambe baalo ki jataye upar ki oor nikli huyi thi….bilkul kisi jhingur ke muchho ki tarah.

Gala nahi tha balki gale ki jagah ek hath hi tha…..uske agal bagal hatho ke panjo me barah barah ungliya thi…..aur kafi lambe lambe nakhun the.

Uss vilakshan prani ke sharir par kapde the ya nahi ya uske sharir ka gathan hi iss prakar ka tha, yah samajh pana kathin hi tha…karan ki yadi vah kapde pahne tha to uske kapde uske badan se ekdam chipte huye the.

Chhati aur pet ka aakaar nagade jaisa tha…..aur teen pair the uske….piche ke ek pair par khade ho kar samne ke dono pair utha kar usne ek chhalang li to 40 – 50 foot ka fasla paar kar liya.

Ek chhalang le kar aur pichla pair tek kar usne phir se chhalang lagayi..iss tarah vah poore maidan me koodta phirta raha.

Iske baad vah sidhe meri taraf aaya aur pahle apni dono ankho se mujhe dekhta raha….phir mathe par ka teesra netra khula uska….atyant tivra prakash ki kiran jaisi nikli uski teesri ankh se….aur phir meri ankho ke samne andhera chha gaya.

Tad tad aur phir jhann ki awaz huyi…mere seene me dard sa uthne laga aur phir cheekh maar kar main behosh hota chala gaya.

 
UPDATE- 196

Iske baad vah sidhe meri taraf aaya aur pahle apni dono ankho se mujhe dekhta raha….phir mathe par ka teesra netra khula uska….atyant tivra prakash ki kiran jaisi nikli uski teesri ankh se….aur phir meri ankho ke samne andhera chha gaya.

Tad tad aur phir jhann ki awaz huyi…mere seene me dard sa uthne laga aur phir cheekh maar kar main behosh hota chala gaya

Ab Aage……..

Mere behosh hote hi mani ki roshni bhi band ho gayi….sath hi mere behosh hone ke karan unke upar mere dwara banaya gaya suraksha kawach bhi khandit ho gaya…..uss kamre me ek baar phir se andhera chha gaya…mere aise cheekh kar behosh ho jane se sab ghabra gayi…upar andhere aur anjan jagah ka darr alag.

Payal (ghabrate huye)—rajjj….kya huaaa….? Tujhe kya hua….uth na….rajjj….tu cheekha kyo….? Ye andhera kyo ho gaya…? Doctor dekho na…kya ho gaya hai mere raj ko….? Rajjj uth na.

Divya (hilate huye)—saajann…kyaaa huaaa…utho naaa…kisne kiya hai ye….samne kyo nahi aata…bujdil kahi ka….? Saajan utho…kya maine sadiyo se isliye intazar kiya hai ki har baar tum mujhe chhod kar chale jao…? Iss baar main aisa nahi hone dungi……samajh gaye na…..tumhe meri khatir uthna hoga…..saajan tumhe apni divya ke liye uthna hoga.

Paridhi (nam ankho se)—rajjj…kya ho gaya…mummy dekho na mere rajj ko kya hua hai…ye kuch bol kyo nahi raha hai….kya meri qurbani bekar chali jayegi….? Nahi..nahi..aisa nahi ho sakta

Neha—rajj…kya hua beta….uth na….dekh agar tu hi aise karega to hum sab ka kya hoga…..koun sambhalega hame yah hame to sirf tera hi bharosa hai.

Saloni—aap log shanti rakho…raj ko kuch nahi hoga….dekhna jaldi hi uthega vo…raj ko maarna itna asan nahi hai kisi ke liye…shayad thakan ke karan aisa hua hoga

Sabhi buri tarah se ghabra chuke the….unki ankho me nami utar aayi thi….lekin sabse jyada ghabrahat payal didi aur paridhi ko ho rahi thi……neha bhi pareshan thi…..halanki ghabra to divya bhi gayi thi kintu jaise hi usko guru maa aur devi laxmi ki baate smaran huyi to uski ghabrahat kuch kam ho gayi thi lekin phir bhi raj ko dard me mahsoos kar ke uske seene me bhi taklif ho rahi thi.

Tabhi neha chachi jor jor se cheekhne lagi…..ek baar phir se vahi payal bajne aur kisi ladki ke hasne ki awaz aas paas me sab ko sunayi dene lagi….sab darr se kampne lagi.

Neha (cheekhte huye)—aaaaaaaaa….bachaooooo….rajjjjjj…..aaaaaaaa…….koi mere pair pakad ke mujhe ghasit raha hai…aaaaaaaaa

“Chhan….chhan…chhan…..chhan……hihihihihihihi”

Paridhi—mummyyyyy…..aap kaha hoooooo…..?

Payal—chachiiiiiii……?

Divya—chachiiiii…..aap bolti kyo nahiiiiiiii……..?

Neha—(koi jawab nahi)

Sab ne aas paas tatol kar dekha lekin neha ka kahi koi pata nahi tha……ab to sab ki halat bahut jyada kharab hone lagi thi……sab rajjjjj….rajjjj…chillate huye andhere me mujhe tatolne lagi.

Tabhi ek baar phir se vahi payal ki goonj sunayi dene lagi…..payal aur paridhi ek dusre se chipak gayi darte huye… kyon ki andhera hone ke karan mujhe dhoondh hi nahi pa rahi thi….lekin main unhe kahi nahi mila…to unki dasha par kate pakshi ki tarah ho gayi.

“Chhan….chhann…chhan…chhann…chhannn”

Paridhi (darte huye)—kkkkkk…..koun hai yaha…….?

‘’Hihihihihihihihihihihi......chhan......chhann...chhan...chhan’’

Paridhi (chillate huye)—aaaaaaaaaaaa.......raajjjjjjjjjj......mummyyyy.......rajjjjj...bachaaoooooo....koi mujhe bhiii pair pakad kar ghasit raha hai......aaaaaaaa.....raaajjjjjjjj

Payal (jor se)—paridhiiiiiiiiiiiii.......rajjjj uthooooo......nahi to hum sab maare jayenge yahaaaa....paridhiiiii

Divya—didiiiiiiiiiiiii

Paridhi—(no response)

‘’Chhan...chhan....chhan...hihihihihihi’’

Payal (rote chillate)—raaaaajjjjjjj.......bachaaaooooooooo......raaaajjjjjjjjjj.....aaaaaaaa.....koi mujhe bhi ghasit raha hai...rajjj

Divya—didiiiiiiiiii.......saajannnnn....uthoooooo....saajannnnnn

Saloni—payallllllll

Payal ka bhi koi jawab nahi aaya.....ab to divya aur saloni bhi buri tarah se dahshat aur khauf ke saaye me doob chuki thi....dono baar baar sabhi ko awaz laga rahi thi lekin kisi ki taraf se koi bhi prattuttar nahi aa raha tha.... agar kuch sunayi de rahi thi to sirf kisi ke payal ki ghungharoo ki awaz aur uski dil dahla dene wali bhayanak hasi.

Jaise hi ye awaz paas aane lagi to divya aur saloni bhi ghabra kar yaha vaha andhere me bhagne lagi....divya mera naam lekar chillaye ja rahi thi to saloni bhi.....par dono ko ye pata nahi tha ki vo ek hi jagah par bhag rahi hai... ek kadam bhi vaha se nahi bhag payi thi jabki unhe lag raha tha ki vo bhagte huye door nikal aayi hain kamre se.

‘’Hihihihihi.....bhago....aur tez....aur tez.....hihihihihihihi....Ek baar aane ke baad koi yaha se kahi nahi bhag sakta...hihihi’’

Divya (chillate huye—saajaannnnnnnn

Saloni—rajjjjjjjj.....aaaaaa......mujhe bhi koi ghasitttt raha haiiii....aaaaaaaa

Par ab ki baar kuch alag hua......saloni ki cheekh ke sath ek cheekh aur bhi vaha goonj uthi....dusri cheekh uski thi jo saloni ko ghasit raha tha ya rahi thi.

Aur dusri cheekh ki vajah ye thi ki jo bhi saloni ko ghasit rahi thi....dard se cheekhte huye achanak saloni ki ankho se aag nikalne lagi....jaise hi vo aag ghasitne wale ke upar padi to uski bhi cheekh nikal gayi jabki divya ye dekh kar stabdh rah gayi.

Divya (shocked)—koun ho tum.... ? tum doctor nahi ho sakti... ? koun ho…?

Saloni—mere baare me saajan ko pata hai…pahle isse to nipat lu.

‘’Ohhhh...to tu mujhe takkar dena chahti hai…..ab dekh main tera kya haal karti hu’’

Saloni (jor se)—koun hai tu...... ?....baki logo ka kya kiya tune....jaldi bata warna tere liye achcha nahi hoga

Magar jawab dene ki jagah usne bhi aag ka jawab aag se dena shuru kar diya...lekin uss aag ki roshni me jo chehra nazar aaya vo bada hi bhayanak tha...divya ke to hath pair hi dheele pad gaye.

Lekin saloni bhi jyada der tak uska samna nahi kar payi.....aur akhir kuch der baad uski bhi cheekhe goonjne lagi aur uska bhi vahi haal hua jo baki ka hua tha.

Divya akeli asahay saajan ko ghabrate huye phir se tatol tatol kar andhere me khojne lagi aur sath me roti bhi ja rahi thi...tab tak saloni ko thikane lagane ke baad vo phir se payal chhankati huyi uske hasne ki awaz paas me sunayi dene lagi.

‘’Hihihihihi...chhan...chhan....chhann....ab tu bhi cheekh....bachaoo...bachaaooo....cheekh...hihihihihihi’’

Divya (darr se chillate huye)—dekho...mere paas nahi aana....door raho mujhse.....saajan tumhe chhodega nahiii

‘’Saajannnn....hhihihihihi...vo to kabbbb kaa marrr chukaaa...hihihihi...ab teri bari hai’’

Divya (chillate huye)—saajan ko maar sake aisi teri aukat nahi.

Aur agle hi pal kroadhit ho kar usne jaise hi divya ko ghasitne ke liye usko hath lagaya hi tha ki usse aisa jabardast jhatka laga ki vo uss aakashiya bijli ke jhatke se phisalti huyi aur dard se cheekhti na jane kaha aur kitni door ja kar giri.

Divya andhere me mera naam le kar har taraf mujhe dhoondhne lagi.....idhar mere behosh hone ke baad meri ankho ke samne kuch drishya baar baar jhilmilane lage.

Meri ankho ke samne ek kamra dikha jisme bahut sara saman rakha hua hai, uske baad raj sabha ka drishya dikhayi diya.....sabha ke beecho beech latakta hua ek tarazu nazar aaya aur phir uske baad mata mahakali ki ek pratma dikhayi dene lagi.

Ye sab drishya meri ankho ke samne baar baar jaldi jaldi ghum aur badal rahe the...ant me ek tahkhana nazar aaya aur uss tahkhane ke andar ek darwaja dikha....jaise hi vo darwaja khula ki tabhi.......

******

Dusri taraf yaha ghar me mamta ko hosh to aa gaya tha lekin vo phir se jaldi hi behosh ho gayi thi dubara...aise me doctors ne unhe hospital me admitt karne ke liye kaha.

Doctor—dekhiye...ye abhi hi to coma se bahar aayi thi...aise me kisi bhi tarah ka sadma inko phir se coma me le ja sakta hai...inka baar baar behosh hona theek nahi hai....behtar yahi hoga ki mrs. Thakur ko hospital me rakha jaye jaha 24 hrs. Doctors ki nazar rahegi inki condition par.

Veer—theek hai doctor...jaisa aap theek samjhe

Mamta ko turant hospital admitt kar diya gaya….ghar ke lagbhag sabhi log hospital me moujud the…..siwaye vidhya aur chanchal ke.

Vidhya to uske baad se apne room se bahar hi nahi nikli thi, pata nahi kis soch me doobi huyi thi jabki chanchal mamta ke hospital le jate hi sidhe ek mandir ke bahar dharne par baith gayi thi.

Halanki Raat hone ki vajah se mandir ke darwaje band the….tathapi vo bahar hi baith kar upar wale se prarthana karne me lag gayi thi.

Chanchal (rote huye mann me)—hey bhagwan….meri maa ko theek kar do…..ye sab mere hi paapo ka dund hai jo aaj unhe bhugatna pad raha hai….mere hi kadam manhoos hain….mujhe paida hi kyo kiya bhagwan tune….? Mere kadam uss mandir me padte hi vaha gum ke badal chha gaye hain….bas ek baar meri maa ko theek kar do bhagwan aur mere raj ko jindagi ki har khushi dena….main aaj ke baad kabhi apni manhoos shakal kisi ko nahi dikhaungi…bahut door chali jaungi sab ki zindagi se.

Vahi hospital me doctor barabar mamta ka check up karne me lage huye the…mamta ko VIP ward me shift kiya gaya tha…doctor ke mana karne ke bavjud sab andar ghus gaye the…..jo doctor chair par baithe huye mamta ko check kar raha tha uske sir me baal nahi the ye dekh kar mrinal ke hath me khujli hone lagi thi…jo ki doctor se thoda hat ke khadi thi.

Doctor ke agal bagal ruchi aur veer khade the..veer ke baju me mrinal khadi thi….usne ek baar sab ki taraf dekha aur phir piche se hath le ja kar chatttt se doctor ke sir me maar diya.

Mrinal (mann me)—hmmmmm…..bajta hai….maza aa gaya….ek baar aur baja kar dekhti hu.

Iss achanak maar se doctor chakra gaya aur usne charo taraf dekha lekin sabhi ka dhyan mamta ki oor tha….usne ek baar veer ko ghur kar dekha aur phir se ilaz karne me lag gaya apne sir me hath ferte huye.

Jaise hi usne sir se hath hataya vaise hi mrinal ne ek baar phir se uske takle par chatt se maar diya lekin ab ki baar jara jor se hath pad gaya…jiski awaz bhi sab ko sunayi de gayi.

Doctor apne takle ko sahlate huye baukhla kar khada ho gaya aur veer ko gusse se dekhne laga…

 
UPDATE-197

Doctor ke agal bagal ruchi aur veer khade the..veer ke baju me mrinal khadi thi….usne ek baar sab ki taraf dekha aur phir piche se hath le ja kar chatttt se doctor ke sir me maar diya.

Mrinal (mann me)—hmmmmm…..bajta hai….maza aa gaya….ek baar aur baja kar dekhti hu.

Iss achanak maar se doctor chakra gaya aur usne charo taraf dekha lekin sabhi ka dhyan mamta ki oor tha….usne ek baar veer ko ghur kar dekha aur phir se ilaz karne me lag gaya apne sir me hath ferte huye.

Jaise hi usne sir se hath hataya vaise hi mrinal ne ek baar phir se uske takle par chatt se maar diya lekin ab ki baar jara jor se hath pad gaya…jiski awaz bhi sab ko sunayi de gayi.

Doctor apne takle ko sahlate huye baukhla kar khada ho gaya aur veer ko gusse se dekhne laga…

Ab Aage……..

Hua ye tha ki jaise hi doctor ke takle par phali baar mrinal ne tabla bajaya to doctor ghabra kar iss akasmat huye apne takle par hamle se idhar udhar sab ko dekhne laga ki ye kis ki harkat hai….? Sabhi ka dhyan mamta ki taraf tha unhe pata hi nahi chala ki abhi kya hua hai.

Tabhi mrinal ne jab dekha ki doctor uski taraf dekh raha hai to usne apni ungli se veer ki taraf ishara karne lagi… bas phir kya tha, doctor veer ko ghurte huye phir se ilaz me vyast ho gaya.

Lekin mrinal ke hath ki khujli to abhi miti hi nahi thi, balki usko to doctor ke takle par tabla bajane se jo awaz uttapann huyi usse sun kar bahut maza aaya.

Doctor ke phir se ilaz me vyast hote hi mrinal ne sab ki nazar bacha kar dhire se apne hath ko veer ke piche se le ja kar phir se doctor ke takle par chatt se maar diya, kintu iss baar hath jara jor se pad gaya jiski awaz ki goonj lagbhag sabhi ko sunayi de gayi.

Doctor ka to poora dimag hi ghoom gaya aur chakkar aane lag gaya….vo baukhla kar chair se uth khada hua…aur apne takle ko hatho se sahlate huye veer ko gusse se ghurne lag gaya.

Doctor (gusse se)—Ye kya badatzmizi hai mr. veer…..? apko sharm aani chahiye aisi ghatiya harkat karte huye.

Ruchi—lekin hua kya doctor….? Kya kiya hai veer ne….?

Doctor—ye to aap inse hi puchiye ki kya harkat ki hai inhone mere sath…….raj sahab ka dost aur aisi harkate….? Maine to kabhi socha bhi nahi tha.

Veer—dekhiye doctor, shayad apko koi galat fahmi huyi hai

Doctor—ji nahi, mujhe koi galat fahmi nahi huyi hai…..main ab aur yaha nahi ruk sakta…sorry main kisi dusre doctor ko bhejta hu.

Sab usko samjhane ki koshish karte rahe lekin vo nahi mana aur bahar jane ke liye darwaje tak pahucha hi tha ki chakkar kha kar niche gir gaya….ye to hona hi tha, akhir ek yaksh kanya ka hath jo pad gaya tha sir me.

Jaldi se staff ke log aa kar uss doctor ko uth le gaye…..doctor ke jate hi sab mrinal ki oor ghur ghur ke dekhne lage kyon ki sab samajh gaye the ki ye harkat iske siwa koi nahi kar sakta.

Mrinal—meri taraf sab aise mat dekho…..aap logo ne suna nahi ki uss takle dok dhar ne kya kaha tha…? Ki sab kuch iss balatkari ne kiya hai.

Veer—chup kar…..iss pagal ko yaha lane ki kya jarurat thi…..? aur tu meri maa, mere piche kyo shani ban kar piche pad gayi hai…..?

Ruchi—ab maa ka ilaz koun karega….? Main baat karti hu head doctor se.

Veer—apko pareshan hone ki jarurat nahi hai didi…main baat karta hu.

Veer doctor’s se baat karne chala gaya….idhar priyadarshini ne mrinal ka mamla handle kar liya…..kuch der baad dusri ladies doctor aa gayi aur mamta ka check up karne lagi..

Mitaly—doctor….iss ladki (mrinal) ke liye bhi kuch dimag theek karne ki koi dawayi likh dena.

Doctor—ok…..ye lijiye ja kar counter se le lo ye dawayi.

Mrinal—theek hai.

Mrinal dawayi lene ke liye….vo jhumte huye apni mastani chaal me chalte huye beech me kisi nurse se takra gayi…mrinal ka to kuch nahi hua par uss nurse ki kamar ki haddi toot gayi takra kar girte hi…mrinal ne usko chaar baate suna kar aage badh gayi aur vo bechari nurse dard se chillane lagi.

Magar iss chakkar me vo dawazi ka kagaz vahi gir gaya…..counter par pahuch kar vo kagaz dekhne lagi ki kaha gaya par vo nahi mila.

Mrinal (mann me)—vo kagaz kaha gaya jo uss dok dhar ne likha tha….? Chalo koi baat nahi….dawayi to dawayi hoti hai….koi bhi le le lungi.

Asal me mrinal ko dawayi ka matlab hi malum nahi tha kyon ki dev lok me dawayi ko ausadhi ke naam se jana jata hai....usne ye shabd hi pahli baar suna tha....counter par ek ladka tha.

Mrinal—Ye kabutar.......mujhe dawayi chahiye.....jaldi se de.....

Ladka—koun si dawayi chahiye..... ?

Mrinal (ankhe dikhate huye)—koun si matlabbbb...... ? achchi wali dawayi chahiye.....

Ladka—arey madam....vahi to puch raha hu ki koun si dawayi chahiye..... ?

Mrinal (dukan ko dekhte huye)—hmmmm…..jo khoob meethi ho…..aur jisse taqat khoob aati ho.

Ladka—ye lo...ye goli le lo.

Mrinal—kyaaaa tu mujhe goli (ullu banana) de raha hai.... ? ruk tujhe abhi batati hu....main dawayi maang rahi hu aur tu .mujhe goli de raha hai......thahar.

Bas phir kya tha....mrinal ne samjha ki vo ladka usko bewkoof banne ki koi cheez de raha hai dawayi ke badle me to usne counter ko jump kar ke dukan me ghus gayi aur uss ladke ki jam kar pitayi kar di...bechara vo dukan chhod kar kisi tarah apni jaan bacha kar bhaga vaha se.

Tab tak shor sharaba ki awaz sun kar achchi khasi bheed jama ho gayi thi vaha par.....veer bhi pahuch gaya aur mrinal ko vaha dekhte hi apna sir peet liya.

Guard aur public police ko bulane ki baat karne lage...magar veer ne jaise hi bataya ki ye pagal hai to poori bheed turant titar bitar ho gayi....sab ye soch kar bhag liye ki ek pagal ka kya bharosa...kisko thok de.... ?

Veer—tu yaha kya kar rahi hai.... ? chal yaha se jaldi.... ?

Mrinal—ruk main dawayi to le lu.

Mrinal fatafat do polythene me 30-40 dawayi ki shishi bhar ke vahi sab ke paas aa gayi….itni dawayi dekh kar sab ke sath doctor bhi chakra gayi.

Vahi dusri taraf meri jab ankh khuli to unhi drishyo ke baare me hi sochne laga…..phir mujhe baki sab ka khyal aaya to maine apne aas paas kisi ko na pakar soch me pad gaya….maine sab ka naam lekar pukara par koi jawab na milne par maine ankhe band kar li.

Maine apni kundalini shakti jagrit kar ke jab apni ankhe kholi to khud ko qile ke bahar leta hua paya….tabhi mujhe behosh hone se pahle ki ghatna dhyan aate hi maine apne charo taraf nazar ghuma kar dekha to vaha koi maidan nahi dikhayi de raha tha…..isko tilism ka ek khel samajh kar main turant uth kar khada hua aur andar ghus gaya qile ke.

Kundalini shakti ke jagrit ho jane se mujhe ab raat me bhi din ke saman hi dikhayi de raha tha….mujhe bakiyo ki chinta hone lagi thi…isliye maine sidhe uss kamre me vahi khidki ke jariye jaldi pahuchna sahi samjha.

Main bahar ke raste se hi vaha khidki tak pahucha to vaha vahi shisha laga hua tha….maine andar jhank kar dekhne ki koshish ki sab kya kar rahe hain….to vaha mujhe koi nahi dikhayi di….? Ab to meri chinta aur bhi badh gayi.

Raj—kaha gayi ye sab…..? mere behosh hone ke baad kahi kuch hua to nahi inke sath…..?

Aur tabhi maine jaise hi uss shisha ko todne ke liye hath uthaya to ye dekh kar dang rah gaya ki ab kamre ke andar sabhi moujud thi aur main behosh pada tha…..

Uske baad vaha jo kuch hua tha vo sab drishya ek ek kar ke mujhe dikhayi dene lage…maine turant uss shisha ko dhakka dekar niche gira diya aur kamre ghus gaya…maine uss khidki ki oor palat kar dekha to vo shisha phir se khidki par fit ho chuka tha.

Uss shishe ke uss paar phir se mujhe ek scene dikhayi dene laga jisko dekh kar main bhi chounk gaya….aur iska sara rahasya bhi shayad meri samajh me ab aa gaya tha.

Philhal ke liye abhi maine uss baat ko dar kinar karte huye uss kamre se andar ja kar sab ko talash karne laga… naam se awaz lagate huye.

Vahi neha kisi andheri jagah me idhar se udhar rajj aur baki sab ka naam chillate huye darte darte bhatak rahi thi ki achanak vaha roshni jhil milane lagi.

Roshni ke aise achanak aane se vo aur bhi ghabra gayi aur cheekhne hi wali thi ki uska muh khula ka khula rah gaya…cheekh bhi nahi payi vo kyon ki uske samne koi aurat uski taraf pith kiye khadi thi.

Jaise hi vo aurat palti to uska chehra samne aa gaya….chehra dekhte hi neha ki ruh kaamp gayi…darr aur khauf se uska poora sharir thar thar kampne laga.

Kyon ki uska aurat ka chehra bahut hi bhayanak tha…..aadha jala hua chehra jispe khoon riste huye niche gir raha tha aur dekhte hi dekhte vo jali huyi parat chehre se utarti huyi niche gir gayi.aur usme se khoon ki dhara bahne lagi.

Neha ke muh se koi bol hi nahi phoot rahe the…..cheekhna to bahut door ki baat hai….vo apni jagah par khadi khadi buri tarah kaamp rahi thi….badi mushkil se uske muh se cheekh nikal payi.

Neha (cheekhte huye)—aaaaaaaaaaaaaa……..raaaaaaajjjjjjjjjj…….bachaaaaooooooo

Vo jor se chillate cheekhte huye piche ki taraf bhagi lekin darr aur khauf se thar thar kampte uske pair bhagne me uska sath nahi de paye jisse vo piche ki taraf dhadam se gir gayi…..niche girte hi uska sir kisi nukili cheez se takra gaya….ek baar phir se vo dard aur khauf se cheekh uthi.

Neha (dard se cheekhte huye)—aaaaaaaaaaaaa……..marrrrr….. gayiiiiiii ……. raaaajjjjjjj……bachaooooooo

Usne turant apne hath ko sir me dard wali jagah par lagaya….aur dard se phir chilla uthi…..dard se karahte huye usne apna hath aage kiya to uska hath khoon se sana hua tha.

Neha ne dard bhare chehre se darte darte apni nazar ko utha kar samne dekha to chounk gayi...kyon ki kuch der pahle jaha ek bhayanak aurat khadi thi, ab vaha par koi nahi tha.

Idhar main sabhi ko awaz lagata hua har jagah qile me talash karne laga ki tabhi meri ankho ne kuch aisa dekha ki main usko dekhte hi chounk gaya.

 
You must log in or register to reply here.

Similar threads

S
Fantasy बॉलीवुड में घरेलू चुदाई फैंटेसी
2
Replies
12
Views
23
StoryPublisher
S
S
Jindagi ek abhisaahp(fantasy,incest, adultery)
Replies
2
Views
16
StoryPublisher
S
S
Fantasy टुनाइट बॉलीुवुड गर्लफ्रेंड्स
Replies
3
Views
10
StoryPublisher
S
S
Fantasy Payar ki duniya
Replies
0
Views
20
StoryPublisher
S
S
Fantasy किट्टी पार्टी
Replies
0
Views
11
StoryPublisher
S
Back
Top