Uske baad waha kuch der shaanti chaa jaati hai...Rajesh bhi kuch bol nahi paa raha tha...Kuch der ham dono bina kuch bole apna naashta karte rahe...Rajesh ka chup rehna mujhe thoda ajeeb lag raha tha.
Sameer:- Kya hua bey? Kyu chup ho gaya?
Rajesh:- To kya karu? Abb mahaul hi serious ho gaya hai ki kuch bol nahi paa raha hun.
Sameer:- Chill yaar...Kuch serious nahi hai...Lagta hai tu college ki iss ladayi jhagade aur bahas ke baare me jyaada nahi jaanta...Ye sab to aam baat hai...Aur mere liye koi nayi baat nahi...Jab bhi koi mujhse pange leta hai mai uska band acche se baja deta hu...Ye sab to hota rehta hai...Aisi chhoti chhoti baato me mood off nahi karte.
Rajesh:- Lekin fir bhi mujhe aisa lagta hai ki hamne bekaar me hi chhoti baaton ko itna bada kar diya...Bina matlab kuch dushman ban gaye...Karan ki baato se to lagta hai ki wo kuch na kuch to jarur karega apni beizzati ka badla lene ke liye.
Sameer:- Tu mera dost ho kar yeh sab keh raha hai...Tu itna darpok kab se ho gaya? Aur tu uss comedian ki baato se dar gaya...Kuch nahi karega wo aur agar kuch karne ka socha bhi to uske saath uss vakt nipatenge.
Rajesh:- Ye sab baate chhod aur tu ye bata ki tu kabhi sudhrega ya nahi.
Sameer:- Kya matlab hai tera? Mai bigda hi kab tha jo mujhe sudharna chahiye.
Rajesh:- Bigada to nahi hai lekin tujhe nahi lagta ki tujhe apni kuch aadatein badalna padega...Jab dekho tab kisi se lad jaata hai...Kabhi bhi koi baat pe serious nahi hota...Jo marzi me aata hai wahi karta hai...Kab tak aisa hi rahega...Ek na ek din to badalna hi padega na.
Sameer:- Are yaar...Abhi ham college me hai...Ye bas padhne ka aur masti karne ka time hai...Bhagwaan ki meharbaani se accha dimaag mila hai...Jo bhi padhta hu dimaag me set ho jaata hai...Aur rahi baat masti karne ki to yahi vakt hai apni life ko khulke jeene ka aur jo marzi aaye wahi karne ka...Baad me ye vakt kabhi nahi aayega...Aur baad me jab job hogi, shaadi karunga tab matured ho jaaunga aur ussi tarike se sochunga...Filhaal to pura masti karunga aur badalne ka bilkul bhi nahi sochunga.
Rajesh:- Tujhse baat karna hi bekaar hai...Kabhi kisi ka baat nahi maanta...Abb ye bata ki class me jaake kya karega?
Sameer:- (Smiling) Acche se jaan gaya hoga ki mai kabhi nahi badlunga kisi ke kehne pe...Aur class me jaake kya karna hai lecture pe dhyaan dunga.
Rajesh:- Mai padhaai ki baat nahi kar raha...Mai to ye poonch raha hu ki tu abb Karan aur Priya se kaise react karega jab class me jaayega.
Sameer:- Mujhe koi farak nahi padta wo log class me rahe ya nahi...Mai to bas apna kaam se matlab rakhunga...Aise react karunga jaise wo log class me hai hi nahi...Aur fir se panga lene ki koshish kiya to bhagwaan hi unhe bachaye.
Abb teri nautanki khattam ho gaya ho to chale class me? Yaa fir tujhe aur bhi bakwas karna hai?
Rajesh:- Nahi abb koi baat nahi karna...Chal class me lecture ka time ho gaya hai.
Iske baad ham dono class me chale gaye...Lecture suru hone me kuch der aur baaki tha iss liye class laghbhag khaali tha sirf Priya, Divya, Karan aur ek ladki ko chhod kar.
Priya aur Karan to mujhe ghoor rahe the...Mai bhi muskuraata hua apni jagah par baith gaya...Meri muskuraane ki vajah se unka gussa aur badh gaya lekin wo log kuch nahi kar paaye...Mai kuch books nikaal hi raha tha tabhi ek ladki aa gyi mere pass aur boli.
Ladki:- Hi Sameer.
Mujhe vishwaas hi nahi hua ki ek ladki khud saamne se aa kar mujhe hi bol rahi hai...Mujhe to samajh me bhi nahi aa raha tha ki usne hi kyu kaha...Maine usse pooncha.
Sameer:- Ji kahiye...Kya baat hai... Aur aapko mera naam kaise pata?
Ladki:- Tumne hi to Khanna sir ke class me kaha tha ki tumhaara naam Sameer Sharma hai...And my name is Shruti.
Uski baato se to mai kuch soch hi nahi paa raha tha ki wo kyu mujhse baat kar rahi hai...Usne koi kaam ki baat nahi kaha tha...Maine fir se Shruti se poonchaa.
Sameer:- So Miss. Shruti kya aap mujhe apna introduction dene aayi hai...Mai to soch raha tha ki koi kaam ki baat hogi issliye aap mujhse baat karne aayi hai!!
Meri baat sun kar Rajesh hansne laga to Shruti hadbada gayi...Lekin khud ko sambhaaalte huye usne kaha.
Shruti:- To kya tum kisi se tabhi baat karte ho jab koi kaam ho....Waise mai tumse dosti karne aayi thi...Aur tum mujhe aap kehna band karo...Ham log same class me hai.
Sameer:- Ohh to ye baat hai...Aur ye batao ki tum mujhse dosti karna kyu chahti ho?
Mai to hamesha ki tarah usse jawaab de raha tha lekin meri har jawaab sunne ke baad pehle wo meri baato ka matlab samajhne ki koshish karti aur fir jawaab deti....
Shruti:- Mujhe tumhaara himmat bahut accha laga...Sir se bina kisi dar ke tumne baat kiya...Aur to aur uss Ladki ko majja chakhaaya.(Shruti hansne lagi aur Priya usko gusse se ghoorne lagi)...Aur uss ladke ko bhi acche se maara (Abb Karan bhi usko gusse se dekhne laga)...Mai gate ki baahar se pura live show dekh rahi thi...Mujhe tumhaara daring bahut pasand aaya issliye socha ki tumhe apna dost banaana chahiye.
Shruti ki baato ko sunne ke baad aur Priya aur Karan ki chehre ke gusse ko dekhne ke baad mai bhi muskuraa kar bola.
Sameer:- Waise dosti karne me mujhe koi problem nahi hai...Mai to har kisi ko apna dost maanta hu aur sabhi se friendly behave karta hu...Mujhe bas vishwaasghaati dosto se nafrat hai...(Priya aur Karan ki taraf dekhte hue) Aur jo log mujhe apna dushman maante hai mujhe unse koi matlab nahi.
Shruti:- Tum baat bahut ajeeb tarike se karte ho...Samajhna bhi mushkil hai...Bas itna kaho ki tum mujhse doshti karoge yaa nahi.
Sameer:- (Muskuraate hue) Yes...Aajse ham friends.
Maine bas itna hi kaha tha ki students class me aane suru ho gaye...Wo muskuraate huye apni jagah par chali gayi...Ek najar Priya aur Karan ki taraf dekha to wo log abhi bhi mujhe gusse se hi ghoor rahe the...Maine koi parwaah nahi kiya aur iske baad lectures me busy ho gaya.
Jab saari lectures khattam ho gaya to mai apna bag uthaa kar ghar jaane laga...Principal sir se milna hai ye baat dimaag se nikal gaya tha...Kucch aage hi pahuncha tha class se nikalne ke baad ki tabhi Khanna sir mil gaye aur unhone mujhse kaha
Mr. Khanna:- Kaha jaa rahe ho tum? Bola thaa na maine lectures ke baad principal sir ki office me aana.
Khanna sir ki aawaj se gussa saaf jhalak raha tha...Wo abhi tak subah waali baat ko bhulaa nahi paaye the.
Sameer:- Oh. Sorry Sir...Dimaag se ye baat nikal gaya...Chaliye chalte hai principal sir ki office me.
Iske baad Mai aur Khanna sir dono principal sir ki office me chale gaye...Waha jaakar dekha to Principal sir hamaara hi wait kar rahe the aur gusse me bhi lag rahe the...Mujhe iss baat se koi farak nahi pada aur maine kaha
Maine bas itna kaha...Sir kuch der mujhe gusse se ghoorte rahe aur bole.
Principal:- Aayie Mr. Sameer Sharma...Aapka hi intejaar kar raha tha.
Principal sir ki baat se mai soch me pad gaya ki unhone mujhe kaise pehchaan liya aur mera intejaar kyu kar rahe the?
Sameer:- Sir...Aap mera intejaar kar rahe the...Ye baat samajh me nahi aaya...Aur aapne mujhe kaise pehchaan liya?
Principal:- Aapko iss liye pehchaana kyu ki aap hi wo sincere student hai jiski complaint mere pass sabse pehle aayi hai...Aur uske baad maine aapka pura detail check kar liya...Ek baar aapse baat karna chahta tha iss liye aapka intejaar kar raha tha.
Principal sir baat to bahut meethi meethi baat kar rahe the lekin unki baat me unka gussa koi bhi samajh sakta tha...Mujhe pata tha ki maine koi galti kiya hi nahi hai to darne ki koi baat nahi...Maine bhi Sir ko keh diya.
Sameer:- Sir mujhe lagta hai ki Khanna sir aapko sab kuch bata chuke hai...To mai iss matter ko aur explain nahi karunga...Aur mujhe nahi lagta iss me meri koi galti hai...Khair mai jyaada baat nahi karna chahta...Aap apna faislaa suna dijiye.
Maine sir ko bahut hi halke tarike se keh diya...Mera makshad unka apmaan karna nahi tha...Lekin sir ko meri baat bilkul bhi accha nahi laga...Wo kuch bolne hi waale thhe ki Khanna sir ne Principal sir se kaha.
Mr. Khanna:- Dekha sir aapne...Kitna badtameez hai ye ladka...Baat karne ki bilkul bhi tameez nahi hai...Class me bhi mere saamne aise hi baat kiya tha issne...Mai to kehta hu nikaal dijiye aap isko college se.
Mr. Khanna ki baat sunne ke baad mujhe thoda hairaani hua ki wo itni chhoti si baat ke liye mujhe college se nikaalna chahte the...Mujhe iss baat se bhi kuch fark nahi pada aur mai chup raha...Principal sir ke faisla ka wait kar raha tha.
Principal:- Sameer tum Dr. Sharma ke beta ho na?
Sameer:- Yes Sir...Mai unhi ka beta hun.
Principal:- Jaante ho wo mera dost hai...Bahut din ho gaya usse mile hue...Wo to bahut hi accha insaan hai...Sabhi ke saath acche se behave karta hai...Lekin mujhe tumhe dekh aascharya ho raha hai ki tum uske beta hone ki baawjood itna badtameez kaise ho...Tum aur tumhaara baap ki nature me jameen aasmaan ka difference hai.
Principal sir thoda hairaan aur thoda gussa bhi the...Mujhe bhi unki baat kuch accha nahi lag raha tha...Fir bhi maine aaram se jawaab diya.
Sameer:- Sir...Mere Papa ne mujhe ye hi sikhaaya hai...Apne se bado ki izzat karna aur sabhi se acche se behave karna...Lekin ye bhi sikhaaya hai ki jab koi bewajah tumhe pareshaan kare to chup mat baithna...Aur jhutthe ilzaam ko mat sehna...Khud acche se raho aur jab koi pareshaan kare to usko ushike tarike se samjhaaao...Mai to Khanna sir se acche se baat kar raha tha lekin sir ne jab mere baare me ulta sidhaa bolna suru kiya tab maine jawaab diya...Fir bhi mai inhe acche se hi jawaab de raha tha..Agar unki jagah koi aur hota to mai uski acche se band baja deta.
Ye kehte hue mujhe Karan ki yaad aa gaya aur last ki line maine thoda gussa me bhi kaha tha...Meri baat sunne ke baad Principal Sir gussa me bole.
Principal:- Bas Sameer bahut hua...Ye mera office hai...Tameej se baat karo...Aaj mai tumhaare Papa se baat karta hua aur unhe tumhaare kartut ke baare me batata hu...Aur Sameer mai tumhe tumhaare iss harkat ki vajah se tumhe college se nikaal bhi sakta hun.
Abhi tak to mai aaram se baat kar raha tha...Lekin sir ki iss baat se mujhe bhi gussa aa gaya...Aur maine thoda gussa ke saath kaha.
Sameer:- Sir aapko jo karna hai kijiye...Mai kuch nahi kahunga aur mujhe koi fark bhi nahi padega...Mujhe iss college me free scholarship me admission milaa tha...Agar iss college ko chhod diya to bhi koi fark nahi padega...Bahut si college hai iss city me...Kisi ek me padh lunga...Aur Sir Papa ko jo bhi bataana hai bata dijiye...Mai unhe sab sach sach bataa kar samjhaa dunga...Itna to yakin hai mujhe ki wo mera baat par vishwaas jarur karenge.
Mera achanak se gussa ho jaana aur iss tarah baat karne se Khanna sir aur Principal sir dono hairaan ho gaye...Wo dono kuch nahi bol rahe the...Kuch der wahi khada rehne ke baad mai bola.
Sameer:- Sir aap kuch bol nahi rahe hai...Mujhe lagta hai abb mera yaha rehne ki koi kaam nahi hai...To Sir mujhe lagta hai ki abb mujhe nikalnaa chahiye.
Meri baat sunne ke baas Principal sir ne gusse me kaha.
Principal:- Jaao.
Mai bhi waha se nikalne laga aur gate me pahunch kar picche mood kar sir ki taraf dekhte hue kaha.
Sameer:- Sorry Sir...Mujhe aise gusse me baat nahi karna chahiye tha...Lekin mujhe afsos bhi nahi hai...Maine jo bhi kaha mujhe nahi lagta ki maine kuch bhi galat kaha hai.
Iske baad mai waha se nikal gaya aur ghar ki aur chala gaya.
PRESENT
Sameer ne bas itna hi kaha tha ki Mahesh ki mobile me kisi ka phone aaya...Wo phone pick karke kuch der baat karta hai...Phone cut karne ke baad Mahesh Sameer ko kehta hai.
Mahesh:- Sorry yaar...Ghar me kuch emergency kaam aa gaya hai aur Mom ne mujhe abhi ghar bulaya hai..[color=rgb(128,].Kal subah fir yahi milenge...Aur baad ki baat karenge.[/color]
Sameer:- Thik hai yaar...Tu jaa...Teri family ko teri jarurat to hai...Mera family ne to mujhe ignore kar diya...Mera waha hone aur naa hone se unko koi fark bhi nahi padta...Kya karu yaar...Galti bhi mera hi hai..
Sameer ne bahut hi emotional ho kar ye baat kaha...Mahesh ko bahut dukh hota hai Sameer ki haalat dekh kar...Lekin usko apne ghar me kuch urgent kaam bhi thaa...Issliye wo Sameer ko samjhaate hue kaha.
Mahesh:- Yaar tu himmat rakh...Agar tu hi himmat haar gaya to kaise chalega...Tu chinta mat kar yaar...Mai hamesha tere saath hu...Kal tu mujhe puri baat bataana uske baad mai kuch na kuch jarur sochunga yaar.
Mahesh ne Sameer ko samjhaate hue kaha...Sameer ko Mahesh ka saath se uski dard me bhi thoda sa sukoon mila...Usko lagne laga tha ki usko ek saccha dost mil gaya hai jo usko hr mushibat me saath dega.
Sameer:- Tu mera saath hai...Yahi mere liye bahut hai...Abb tu ghar jaa...Aisi emergency me deri nahi karte...
Mahesh:- Tu bhi sambhal kar jaana...Bahut beer pee liya hai tune...Gaadiyon ko dekh kar chalna.
Sameer:- Chinta mat kar yaar...Agar mar bhi gaya to hi shaayad koi aansu bahayega mere liye...Sabhi ki najaro me galat ban gaya hu...Yaha tak ki khud ki najaro me bhi...Mai galli se hote hue chala jaaunga...Udhar koi gaadi nahi aati...Aaram se pahunch jaaungaaa...Lekin tu der mat kar...Jaldi se jaa.
Sameer har pal khud ko kamjor mehsoos kar raha tha...Mahesh ko uski iss haalat par bahut dukh hota hai...Wo to soch raha tha ki Sameer ko uske ghar tak chhod kar ghar jaaye...Lekin jis tarah se uski Mom ne usko bulaaya tha ussko sochte hue usko thoda dar bhi lag raha tha...Aur wo abb bina der kiye apne car ko apni ghar ki aur teji se dauda deta hai.
Idhar Sameer bhi ladkhadaate hue apna ghar pahunch jaata hai...Aaj uska bhaagya kuch accha tha...Mr. aur Mrs. Sharma aaj ghar par nahi the...Kuch kaam ke liye ek ghante ke liye baahar gaye the...Ussi vakt Sameer apne ghar me enter karke siddhiyon se ladhkhadaate hue apna room me pahunch jaata hai.
Jab wo apna room me pahunchta hai to Priya bhi room me hi maujood thi...Priya usko iss haalat me dekh kar shocked ho jaati hai aur gusse se poonchti hai.
Priya:- Tum kaha se aaye ho aur ye kaisi haalat bana liya hai tumne...Jarur daru piya hoga tumne.
Priya ki aawj me uska Sameer ke liye gussa aur nafrat saaf jhalak raha tha...Sameer bhi bas itna hi keh paata hai.
Sameer:- Dost se milne gaya tha.
Sameer ne bahut dhire se ye baat kaha...Uske pass abb itna himmat nahi tha ki Priya ke saamne thodi bhi uncchi aawaj me baat kar sake...Sameer apni haalat dekh khud par hi taras khaa raha tha...Wo Priya se pehle din ki mulaakat ko yaad karta hai...Wo ek aisa samay tha jab Sameer Priya ko apne khilaaf kuch bolne nahi deta tha lekin aaj wo khud wahi Priya ke saamne kuch bol nahi paa raha tha...Kitna majboor ho gaya tha Sameer jo kabhi koi agar uski beizzati kare to seh nahi paata tha lekin aaj wo khud hi apni najro me gir gaya tha.
Priya:- Tumhaara himmat kaise hua dare peekar mere saamne aane ki? Jaldi se baahar jaao.
Priya ne Sameer se najar hatate hue ye baat kaha...Iss baar Sameer ko bhi gussa aa gaya aur upar se pehli baar daaru peene ka nasha...Usne bina soche samjhe bol diya.
Sameer:- Tu hoti kaun hai mujhe mere room se nikalne wali aur mujhe samjhaane wali ki mujhe daaru nahi peeni chahiye...Mera life hai aur mera marzi...Mai daru piyu ya fir drugs lu tujhe isse kya matlab...Itna mujhe khud par vishwaas hai ki mai chaahe jitna bhi nasha me kyu na rahu tujhe kabhi touch nahi karunga...Abb mera dimaag aur kharaab mat kar...Agar tujhe mera daaru peene se problem hai to tu khud hi baahar chali jaaa.
Sameer ne apna saara gussa nikaal liya aur sofe pe lait kar blanket apne upar chaddha liya.
Priya Sameer ki harkat me achanak aisa badlaaw aane se shock ho jaati hai...Shaadi ke baad ye pehla mauka tha jab Sameer ne uske saath itni tej aawaj me aur gusse ke saath baat kiya tha...Usko to Sameer ki baat par bahut gussa aa raha tha...Isse pehle ki wo kuch kari uske mobile me kisi ka phone aa jaata hai.
Wo apna mobile me dekhti hai to phone Divya ka tha...Usko Divya par bhi bahut gussa aa raha tha...Usne call ka koi response nahi diya...Call katne ke baad fir se Divya ki call aa jaata hai...Wo iss baar bhi call nahi uthaati...Jab 4 baar aur call aata hai to Priya sochti hai ki shaayad Divya usse kuch jaruri baat karna chahti hai...Aur call uthaate hue gusse me kehti hai.
Priya:- Ha bol...Kya kaam hai???
Divya:- Abhi bhi naaraj hai kya mujhse...Please yaar maaf karde...Hum sab majboor thhe.
Divya ne Priya se maafi maangte hue kaha.
Priya:- Mai kaise tujhse naraaj ho sakti hu...Tum logo ne bahut accha kiya meri shaadi karwa kar...Tune apni dosti acche se nibhaayi hai.
Priya ki aawaj se hi uska gussa pata chal raha tha...Priya kehna to aur bhi bahut kuch chahti thi lekin kuch soch kar chup ho gayi...Priya ka gussa dekh Divya ki himmat gayab ho gayi bolne ki aur wo chup ho gayi...Kuch der ki khaamoshi ko todte hue Priya hi boli.
Priya:- Tu chinta mat kar...Mai tujhe kuch nahi kahungi...Jab mere maa baap ne hi mera saath nahi diya to tujhse kya ummeed rakh sakti thi...Paiso ke liye meri jindagi barbaad kar diya.
Abb Priya ki aawaj me gussa ki jagah ek dard tha...Wo Divya se roti hui boli...Divya ko Priya ki baat pe dukh bhi ho raha tha aur thoda gussa bhi aa raha tha.
Divya:- Ye tu kya bol rahi hai...Tu apni maa ki baare me aisa bol bhi kaise sakti hai...Maana ki teri baap ne paise ke liye teri shaadi karwaa diya lekin issme teri Maa ki koi galti nahi hai...Wo bhi bahut majboor thi...Issliye teri shaadi Sameer se karwaana pada...Tu to apni Maa ko bacchpann se jaanti hai naa...To kaise unke baare me aisa soch sakti hai...Sharam aani chahiye tujhe unke baare me aisa bolte hue bhi.
Itna keh kar Divya gusse me phone kaat deti hai...Priya Divya ki baat sunne ke baad ek baar sochne par majboor ho jaati hai.
Priya:- (In her mind) Kya Maa ki koi galti nahi hai? To fir unhone kyu mujhe apna kasam de diya shaadi ke liye? Kyu jabardasti meri shaadi karwa di gai? Divya keh rahi thi ki koi majboori thi unki...Lekin kaisa majboori ho sakti hai? (Kuch der sochne ke baad) Kahi Sameer ne to majboor nahi kiya? Shaayad ye shaadi ki picche koi na koi badi vajah jarur hai...Mujhe ye jaana hi hoga....Kisse pucchu? Agar Sameer se pooncha to ye jarur koi jhoothi kahaani sunaa dega...Shaayad Divya se hi poonchna sahi hoga.
Ye sab sochne ke baad Priya fir se Divya ko call lagane lagti hai lekin uski haath ruk jaati hai jab uski najar Sameer ki haath par padta hai...Sameer ki haath sofa ki sheet se blanket se baahar nikal kar niche latak raha tha...Aur uski haath me jo ghadi thaa usko dekh kar Priya hairaan ho jaati hai.
Wo apni jagah se utth kar Sameer ke pass jaati hai aur ghadi ko gaur se dekhne lagti...Jab wo ghadi ko acche se dekhti hai to uski hairaani aur badh jaati hai...Wo gusse se Sameer ko uthaati hai aur kehti hai.
Priya:- Sameer ye kya hai?
Ye kehkar Priya Sameer ka ek haath uthaa kar uske dusre haath me rakh deti hai...Sameer jaag to gaya tha lekin fir bhi nashe ki vajah se usko neend lag raha tha...Usko Priya ki iss tarah se uthaane ki vajah se aur uski iss question se gussa aa jaata hai.
Sameer:- Tumne bhi piya hai kya jo nahi pehchaan rahi ho...Ye mera haath hai...Abb chhodo aur mujhe sone do.
Itna keh kar Sameer phir se lait jaata hai sone ke liye...Priya ko uski baat se gussa aa jaata hai aur wo bhi kehti hai.
Priya:- Mai haath ki baat nahi kar rahi hu...Mai tumhaare haath ki ghadi ki baat kar rahi hu.
Priya ki sawaal ka jawaab Sameer aankh band karke hi deta hai.
Sameer:- To kya problem hai tumhe meri ghadi se?
Priya:- Tumhaare pass Karan ki ghadi kaha se aaya...Kahi tumne uski ghadi to nahi churaaya?
Priya ki iss baat se Sameer shocked ho jaata hai...Khud par chori ki ilzaam lagne se uska saara neend gaayab ho jaata hai...Wo utth kar bed par baith jaata hai aur kehta hai.
Sameer:- Kya...Kya kaha tumne?Maine Karan ki watch churaaya...Mera abhi aise bhi bure din nahi aaya ki mujhe uss comedian ki koi cheej churaana pade.
Priya:- Tameej se baat karo.....Agar fir se Karan ko comedian bola na to dekh lena...Agar tumne ye ghadi nahi churaaya to ye tumhaare pass kaise aaya? Ye to Karan ki ghadi hai.
Abb tak Sameer puri tarah se hosh me aa gaya tha...Aur usko kuch yaad aaya aur kaha.
Sameer:- Abb samajh me aaya...Yaad hai tumhe ham sab ek baar college tour me gaye the...Tab maine ek baar mera iss watch ko khol kar ek jagah me rakh diya tha...Baad me lene gaya to gayab tha...Baad me Karan ke pass mila...Usne mera watch ko uthaa liya tha...Shaayad tumne ussi time dekha hoga iss watch ko uske paas.
Sameer ki baat sunne ke baad Priya ko aaj ki din ka dusra shock laga...Usse bhi yaad aaya ki usne Karan ki haath me uss ghadi ko bas ek baar hi dekha tha...Wo waha se utth kar apni bed par chali gayi aur baith kar aaj ki pure din ke baare me sochne lagi.
Sameer Priya ke jaate hi ulta ghum kar fir se sone ki koshish karta hai...Priya aaj Sameer aur Divya ki baat sun kar hairaan ho gayi...Lekin Sameer ki baat sunne ke bad usse vishwaas hi nahi ho raha tha...Wo kuch sochte hue turant utth kar Sameer ke pass gayi.
Priya:- Sameer. (Uski baato se abhi bhi thoda gussa jhalak raha tha)
Sameer sone ki koshish kar raha tha aur abb sone hi waala tha ki Priya ki baat ne uska neend fir se tod diya...Usko gussa to bahut aa raha tha aaj Priya[color=rgb(128,]par...Jab wo shaam me mushkil se ghar me aaya tha tab Priya ka uss par chillaana, aur jab wo soo gaya tha tab fir se jaga kar uspar hi chori ka ilzaam laga diya aur abb jab Sameeer fir se sone laga tha fir jaga diya...Sameer ko to itna gussa aaya thaa ki agar Priya ki jagah koi aur hota to pakka uska band baj jaata...Lekin Priya se usko abb kis tarah se baat karna chahiye ye usko samajh nahi aa raha tha...[/color][color=rgb(128,].Jab bhi Priya ki taraf dekhta usko apni galti ka yaad aa jaata aur wo Priya se najre nahi maila paata...Fir bhi usne Priya se kaha.[/color]
Sameer:- Abb kya hua...(Ghadi ki taraf dekhte hue) Raat ka 11:00pm baj raha hai...Iss vakt kyu jagaa rahi ho...Sone do abhi bahut neend aa raha hai.
Sameer ne apne gussa ko dabaate hue kaha lekin wo fir bhi apni aawaj me se frustration ko nahi dabaa paaya tha...Lekin Priya ne uski baat ka koi parwaah na karte hue kaha.
Priya:- Tum apna ghadi utaaro.
Sameer ko Priya ki baat thoda ajeeb laga...Wo kyu usse apna ghadi utaarne ke liye keh rahi hai? Lekin wo abb koi bahas nahi karna chahta tha...Aur apna ghadi utaarkar Priya ko diya.
Sameer:- Ye lo ghadi aur ab mujhe sone do.
Itna keh kar Sameer ne Priya ki taraf ghadi badhaa diya...Usko pata hi nahi tha ki Priya kaha khadi hai...Jab se wo jagaa thaa wo Priya se apna face ghumaa kar baat kar raha tha...Priya ki taraf ek baar bhi nahi dekha tha...Jab kuch der tak bhi Priya ne uske haath se ghadi nahi liya to wo thoda gusse se bola.
Sameer:- Abb kya hua...Kuch der pehle hi ghadi maang rahi thi...Abb de diya to nahi le rahi ho...Tumhaari problem kya hai...Nahi lena hai to mat lo...(Sameer ghadi waapas apne pass rakh leta hai) Abb please jaao aur mujhe sone do.
Iss baar Sameer ki aawaj me thoda gussa bhi thaa...Aakhir kab tak wo khud par control rakh paata...Lekin abhi bhi kucch hadd tak control me tha.
Priya:- (With attitude) Mujhe tumhaara ghadi nahi chahiye.
Priya kuch der se lagataar Sameer ki haath ko ghur rahi thi...Iss baar wo bas itna bol kar fir se Sameer ki haath ko gaur se dekhne lagi lekin jis jagah par wo dekhna chahti thi wo dekh nahi paa rahi thi.
Sameer:- Ghadi nahi chahiye thaa to nikalwaaya kyu aur tum kyu mera dimaag kharaab kar rahi ho.
Har baat par Sameer ka gussa badh raha tha...Lekin abb isse aage wo kuch kehta Priya ne Sameer ka left hand khinch liya.
Sameer:- Ye kya kar rahi ho tum...Mujhe lagta hai aaj tum sach me paagal ho gayi ho aur aisi paagalo waali harkat kar rahi ho...Abb mera haath chhodo.
Iss baar Sameer ki aawaj me gussa ki jagah hairaani tha...Usse samajh me nahi aa raha tha ki Priya ne achanak se uska haath kyu pakad liya.
Priya:- Apna haath ghumaao....(Priya ne utsukta ke saath kaha)
Sameer ne bhi usse bahas karne se accha uski baat maana hi sahi samjha aur apna haath ghumaa diya.
Jab Sameer ne apna haath ghumaaya to uski haath me lagi gahare ghaaw ki nisaan dekh Priya chaunk gayi aur chaunkte huye boli.
Priya:- Ye ghadi tumhaara, iss jagah pe ghaaw ka nisaan matlab uss din tumhi the jisne mujhe bachaaya.
Priya ka iss tarah se bolne se Sameer ko bhi hairaani hua...Uska neend iss baar bhi puri tarah se gaayab ho gaya aur usne hairaani se pooncha.
Sameer:- Abhi tak maine tum se kuch nahi puccha lekin abb mujhe tum ye bataao ki tumhe meri ghadi aur ghaaw ki nisaan se kya kaam aur jis tarah se tumne mujhe mera ghaaw ki nisaan dikhaane ko bola usse to yahi lagta hai ki tumhe pehle se pata tha ki mere ghadi ki nicche waali hisse par ghaaw tha aur sabse badi baat maine tumhe kab bachaaya...Mujhe to kuch yaad nahi aa raha hai.
Sameer ko Priya ki baat sun uski harkat dekh kar sach me hairaani ho raha tha.
Priya:- Yaad hai tumhe wo college tour...Tumne ek ladki ko bachaaya tha ek pahad se nicche girne se...Ussi vakt tumhaara haath ek patthar se chhil gaya tha aur ye ghaaw ka nissaan wahi hai...Mai hi wo ladki thi jisko tumne bachaaya...Uss time tej barshaat aur baadalon ki vajah se mai tumhaara face nahi dekh paayi thi...Bas tumhaara ghadi aur ghaaw ko hi dekh paayi thi.....Jab tumne mujhe bachaaya tab tum jaldi se kahi chale gaye the...Tumhe thanks bhi nahi keh paayi.
Iss vakt Priya ka saara gussa gaayab ho gaya tha Sameer ke liye...Usse hairaani ho raha tha ki Sameer ne hi usko bachaya tha...Abb usse samajh me nahi aa raha tha ki abb kaise react kare...Udhar Sameer ko bhi hairaani ho raha tha ki jis ladki ko usne bachaya tha wo Priya thi.
Sameer:- Ohh...To wo ladki tum thi...Mai bhi barshaat ki vajah se tumhe nahi dekh paaya tha...Accha hua ki nahi dekh paaya agar dekh leta to pata nahi tumhe bachaata bhi ya nahi...Mai har kisi ka help karta hu lekin apne dushmano ka nahi...Lekin uss condition me mai kya karta ye mujhe bhi nahi pata...Aur jab maine tumhe bachaaya tha tab jaldi se Shruti ki birthday ke liye chala gaya tha...Wo mera hi wait kar rahi thi...Pehle hi tumhe bachaane ki chakkar me late ho gaya tha aur upar se agar tumse baat karne lagta to aur bhi time waste ho jaata...Aur mai nahi chahta tha ki kisi bhi ladki ke liye mai Shruti ka birthday party miss kar du...Aakhir wo meri best friend hai...Maine apna kaam to pura kar diya tumhe bachaane ki yahi mere liye kaafi tha...Iss liye mai chala gaya bina thanks sune.
Aur jab Shruti ki birthday party par pahuncha to haath se khun thoda jyaada behne laga tha...Issliye apni ghadi utaar kar camp ki side me rakh diya aur kisi ko pata nahi chale iss liye kisi ko nahi bataya ki mera haath buri tarah se kat gaya hai...Maine apna rumaal se apna haath baandh liya...Aur baad me jab ghadi lene aaya to kisi ne uthaa liya tha...Baad me pata chala ki wo tumhaara Karan ka kaam hai...Uss time to itna gussa aa raha thaa ki do thappad laga diya kameene ko ...Mera birthday gift tha jo mujhe mere Papa ne diye the aur ussi gift ko usne churaa liya tha.
Sameer ne to puraa baat bat diya Priya ko...Lekin Sameer ka usko dushman kehna, Shruti ke baare me accha bolna Priya ko bilkul bhi accha nahi lag raha tha...Sameer ki baat sunne ke baad Priya ko abb Karan par bhi gussa aane laga...Wo Sameer ko bas itna hi keh paayi.
Priya:- Abb tum so jaao...Aur disturb nahi karungi.
Itna keh kar Priya apne bed par chali gayi...Aur sochne lagi.
Priya:- (In her mind) Iska matlab Sameer ne mujhe bachaya....Wo to mujhe apna dushman maanta thaa aur hai to fir usne mujhe kyu bachaya....Usne mera chehra nahi dekha tha issliye aur usne abhi to kaha ki usne mujhe nahi pehchaana aur pehchaanta to bachaata chi yaa nahi usse nahi pata....Bachaa kar bhi kaun sa accha kaam kiya hai usne...Meri life ko barbaad kar diya...Saare sapne tod diya aur Karan se bhi alag kar diya...Mai iss kaam ke liye Sameer ko kabhi maaf nahi karungi.
Aur Karan usne mujhe kyu jhoonth bola...Wo ghadi uska nahi tha aur naa hi usne mujhe bachaya...Lekin usne jhooth bola aur kaha ki ye uska ghadi hai aur usne mujhe bachaaya...Tabhi se to mai Karan se pyaar karne lagi thi...Karan ne mujhse jhooth bola aur wo bhi itna bada jhooth...Jhooth se hi hamaara pyaar ki rishte ka suruwaat hua...Lekin usko kaise pata chala ki mai pahaad se niche girne waali thi....Shaayad usne kahi se dekh liya tha....Ek baar usse iss baare me baat karna hi padega.
Priya apne man me ateet ki wo saari baat ko yaad kar rahi thi aur sabhi baato ko gaur se soch bhi rahi thi...Idhar Sameer bhi Priya se baat karne ke baad kuch hi der me so gaya lekin kisi ke phone ne fir se usko jaga diya...Wo bhi gusse se mobile ki taraf dekhne laga...Mobile ki screen me Rajesh ka naam show kar raha tha...Abb wo gusse me phone pick kar leta hai aur apna saara gussa Rajesh pe phone par hi utaarne lagta hai.
Sameer phone recieve karne se pehle apne room se baahar nikla aur phone uthaakar chhat ki taraf chala gaya...Wo Rajesh ke saath Priya ki maujoodgi me baat nahi karna chahta tha.
Sameer:- Ha kya hua? Itni raat ko phone kyu kiya?
Sameer ki aawaj se uska gussa ka pata chal raha tha...Udhar se Rajesh ne thoda darte hue kaha.
Rajesh:- Mujhse naraaj hai kya? Itna gussa kyu hai?
Rajesh ki iss baat ne Sameer ka gussa aur badha diya.
Sameer:- Abe kameene...Tune mujhe yahi pucchne ke liye itni raat ko phone kiya...Yahi baat subah nahi pucch sakta tha kya....Mera neend tod diya tune kameene...Aaj to koi chhain se sone bhi nahi de raha.
Sameer ka abb sir aur aankh dono me dard hone laga tha...Pehle to daru ki nasha aur abb neend ki nasha dono ne Sameer ko jakad liya tha...Usne gusse me Rajesh ko daant diya.
Rajesh:- Itne din se lag raha tha ki tu mujhse naraaj hai iss liye tujhse baat karne ki himmat nahi hua...Socha aaj himmat karke baat kar leta hu...Pehle to tujhe raat ke 12:00am me phone karta to bhi tu uthaa leta tha...Iss liye socha abhi der nahi hui hai...Bas bhai itna kehna chahta hu ki jo bhi hua unn sab me maine jaanboojh kar kuch bhi nahi kiya...Mujhe maaf karde yaar...
Sameer:- Nahi yaar...Isme tera koi galti nahi hai...Jo bhi kiya maine kiya...Mai tujhse naraaj nahi hu...Lekin bhai abhi mujhe sone de yaar...Bahut jor ki neend lagi hai...Upar se daaru ki nasha...Sir dard se fata jaa raha hai...Jo bhi baat karni hai kal kar lenge.
Sameer ne bahut mushkil se ye baat kaha...Usse to bolne ka man bhi nahi tha...Fir bhi usne bahut mushkil se itna keh diya.
Rajesh:- Thank God...Mai to yahi soch kar ghut raha tha ki maine bahut badi galti kiya hai aur mai tujh se kabhi najre nahi milaa paaunga...Sameer ek baat pe dhyaan dena...Mujhe Shruti ke upar doubt ho raha hai...Jarur iss khel me uska koi haath hai...Mujhe wo thik nahi lag rahi hai.
Rajesh ne apna shak Sameer ko bata diya...Sameer ko bhi hairaani hua Rajesh ki baat sun kar.
Sameer:- Ye tu kya keh raha hai Rajesh...Wo dost hai hamaare...Uske baare me aisa kaise soch sakta hai...Jab usko mera aur Priya ki shaadi waali baat pata chala to pata hai wo kitna dukhi huyi thi...Wo mujhse pyaar karti hai yaar...Wo aisa kaise kar sakti hai...Jarur tujhe koi galatfehmi hua hai.
Sameer ko Rajesh ki baat se bahut hairaani ho raha tha aur wo sab uski baato se bhi jhalak raha tha.
Rajesh:- Mujhe bhi pehle laga tha ki wo hamaari dost hai...Lekin abb mujhe uspar shak ho raha hai...Maana ki wo tujhe pyaar karti hai lekin ye baat tu bhi jaanta hai ki wo Priya se nafrat bhi karti hai...Mujhe to lagta hai usne Priya ko nukshaan pahunchaane ke liye koi planning kiya tha...Bhai mere baat ko halke me mat lena...Iss par ek baar dhyaan se jarur sochna...Chal abb rakhta hu phone and good night.
Itna keh kar Rajesh ne phone cut kar diya...Sameer ko Rajesh ki baat ne ek baar fir se sochne par majboor kar diya...Wo fir se Shruti aur Priya ki dushmani yaad karne laga...Usko abb kuch samajh me nahi aa raha tha neend ki vajah se...Usne socha ki wo iss baare me baad me sochega aur chala gaya apne room me sone ke liye.
Jab wo apna room me gaya to usne dekha ki Priya usse ghoor kar dekh rahi hai...Usse bahut hairaani hua aur usne aankho se hi puch liya ki "Kya hua?'' Jawaab me Priya ne usko hi sawal pucch diya.
Priya:- Kaha gaye the?
Sameer ki hairaani aur badh gaya Priya ki iss sawaal se...Priya ne ye sawal kyu puccha usse iss baat ki hairaani ho rahi thi.
Sameer:- Rajesh ka phone aaya tha to chhat par gaya tha...Aur tum ye sab kyu pucch rahi ho?
Priya:- To tum yaha baat nahi kar sakte the? Aisi kaun si baat hai jo mujhse chupa kar Rajesh se baat kar rahe the?
Sameer:- Kyu? Tumhaare saamne mai baat kyu karu? Mera life hai mera marzi...Mai kisi ke saamne dosto se baat karna pasand nahi karta...Iss liye mai akele maine jaake usse baat kiya...Tumse shaadi karna mera majboori tha...Maine tumhe dil se apna patni nahi maana...So tum apna ye acting band karo?
Aaj daaru ki nashe me Sameer ne dusri baar Priya se gusse me baat kiya tha...Daaru ne usko kuch pal ke liye hi sahi waapas puraana Sameer bana diya tha...Agar koi aur pal hota to Sameer shaayad Priya ki har ek baat ko seh leta lekin daaru ne abb apna asar dikha diya tha...Priya ko Sameer ki baat bilkul bhi accha nahi lagta lekin wo kuch bolti nahi...Bas Sameer ko gusse se ghur rahi thi.
Sameer bhi abb kuch nahi bolta hai...Aur sofa me lait kar so jaata hai.
Sameer ke sone ke kuch der baad hi Priya ko waapas Divya ka call aa jaata hai.
Priya:- Abb kya hua? Tabhi to bahut gusse me tune call cut kiya tha...Jo bhi baat hai jaldi se bol aur phone rakh.
Priya ka abhi baat karne ka koi mood nahi tha...Divya se to pehle se hi wo gussa aur naraaj thi.
Divya:- Please meri baat dhyaan se sunn...Abhi mai jaanti hu ki tu mujhse bahut naraaj hai...Lekin mai jo bhi kahungi uss ko dhyaan se sunna.
Priya:- Mujhe pata hai abb tu yahi kahegi ki Sameer accha ladka hai...Uske saath tu bahut khus rahegi...Sab log acche hai bas tu hi acchi nahi hai...Yahi kehna chahti hai na tu...Tu ne kya sab ko accha saabit karne ki kasam khaayi hai kya?
Divya:- Sameer ka to pata nahi lekin Karan bilkul bhi accha nahi hai...Bas yahi bataane ke liye tujhe phone kiya tha.
Divya ki iss baat se Priya ka gussa aur bhi badh gaya...Abb wo Divya par bhadak gayi.
Priya:- Bas kar teri bakwas...Tab se dekh rahi hu...Bas mujhe gussa hi dila rahi hai...Ye accha hai wo buraa hai bas yahi sab kahi jaa rahi hai...Mujhe nahi pata kaun accha hai aur kaun buraa...Bas tu hi logo ko samajhti hai...Meri najro me Sameer, mere Papa, mere Maa aur tu meri gunehgaar hai...Jisne meri marji ke khilaaf meri shaadi karwa diya Sameer se...Tum log ko mai kya lagti hu insaan ya koi khilauna...Maine Sameer se bahut baar manaa kiyaa tha ki mai usse shaadi nahi karungi...Lekin usne meri ek baat nahi maani...Pata nahi kya makshad hai uska...Jab Maa se kaha to unnhone mujhe apna kasam de diya...Tu meri dost ho kar bhi tamasha dekhti rahi...Kuch nahi boli...Aur Papa ...Unke baare me to kucch nahi bolna chahti...Wo to Sameer ki paison ke saamne jhuk gaye...Unhe hamesha paison se pyaar tha...Iske liye wo kitna bhi niche gir jaaye unhe koi fark nahi padta.
Aur tu Karan ke baare me galat bol rahi hai...Bas wo hi ek hai jisne mujhse pyaar kiya...Ha abhi wo naraaj hai mujhse lekin dekhna wo mujhe jaroor maaf karega...Aur mujhse shaadi bhi karega...Itna to mujhe uss par aur mere pyaar par bharosha hai.
Priya ki aawaj me dard aur gussa dono hi tha...Usko apne pariwaar waale aur Sameer par bahut gussa aa raha tha...Aur apni haalat dekh bahut dukh bhi ho raha tha...Bas wo hi jaanti thi ki wo yaha Sameer ke saath kaise ghut ghut kar jee rahi hai...Naa hi uska koi saath de raha tha aur naa hi uski dard me saamil hone waala koi tha...Akeli pad gayi thi wo...Bas ek hi aasa tha ki ek din Karan usko maaf kar dega aur yahi baat usko himmat de raha tha jeene ka...Warna wo to ussi pal mar gayi thi jab uski shaadi Sameer se hua tha...Aur usne jo bhi kaha tha Divya se wo apni jagah par bilkul sahi thi...Usko puri baat ka pata nahi tha...Jitna pata tha usko usne wo sab keh diya.
Divya bhi chup ho kar sabhi baat ko sunn rahi thi...Usko accha lag raha tha ki Priya apni dil ki saari bhadaas nikaal rahi hai...Ek baar to usne socha ki jo baat kehne ke liye usne Priya ko phone kiya tha wo baat abhi nahi bataani chahiye.....Fir agle hi pal socha ki agar abhi nahi bataya to shaayad bahut der ho jaayegi...Jab Priya shaant hui apni baat keh kar tab Divya ne kaha.
Divya:- Mai jaanti hu Priya abhi tu kaisa feel kar rahi hai...Bahut mushkil pal hai tere liye...Jo bhi hua accha nahi hua...Lekin abb kya kar sakte hai...Sab majboor ho gaye the tere Papa ko chhod kar...Mujhe lagta hai iss shaadi me jarur koi teesre ka haath hai...Wo waha maujood nahi tha lekin sab ushi ne kiya hai...Jitna Sameer ke baare me tu galat sochti hai utna wo nahi hai...Haa galti usne jaroor kiyaa tha lekin usne uss galti ko sudhaarne ke liye ye sab kiya tha...Mai bataati hu tujhe ki Sameer ne tere saath shaadi kyu kiya....Wo bas tujhe uss maahaul se nikaalna chahta tha aur socha ki teri shaadi baad me Karan se ho jaayegi...Iss tarah se wo apni galti bhi sudhaar lega aur teri jindagi barbaad hone se bach jaayegi...Lekin ham sab me kisi ko bhi yakin nahi tha ki Karan tujhse shaadi karne se manaa kar dega.
Aur tu jo Karan ka pyaar me andhi ho gayi hai aur uski taarif kar rahi hai...Maine tujhe uske baare me hi bataane ke liye phone kiya hai...Tu uska intejaar kar rahi hai naa...Lekin tujhe pata hai kal wo shaadi kar raha hai...Usne tujhe aur tere pyaar ko dhokha diya hai...Aur tu ushi ki taarif kar rahi hai...Mujhe to bahut pehle se wo accha ladka nahi lag raha tha...Bahut baar samjhaaya tha tujhe...Lekin tune kabhi meri baat ko seriously nahi liya...Abb dekh usne kaise tere saath pyaar nibhaaya hai...Agar wo tujh se pyaar karta to tera har haal me saath deta...Lekin wo tujhe iss tarah bicch me hi chhodkar kisi aur se shaadi kar raha hai...Bas tujhe yahi bataane ke liye phone kiya tha.
Mujhe ye baat abhi nahi batana chahiye tha...Abhi tujhe koi buri khabar dene ka mera man nahi tha lekin kya karu agar abhi nahi bataati to shaayad der ho jaata...Socha vakt me hi sab bataana sahi hoga...Ek baar Karan se baat kar ke dekh...Shaayad koi baat ban jaaye...Lekin mujhe nahi lagta ki aisa kuch hoga.
Priya Divya ki baat iss baar dhyaan se sunn rahi thi...Karan ki shaadi ki baat sunn kar usko bahut dukh hua...Uska aakhiri vishwaas bhi aaj toot gaya tha ki Karan uska saath dega...Uska to baat karne ka koi man hi nahi tha...Wo call cut karke rone lagti hai...Sameer ne abb tak uski aur Divya ki koi baat nahi sunaa thaa...Wo to gehri neend me so gaya tha...Kuch der ro kar apna dil ko halka karne ke baad usne himmat karke Karan ko phone lagaya...Dusri taraf se Karan ka aawaj aaya.
Karan:- Ha kya hua? Abb phone kyu kiya tumne? Maine kaha thaa na abb hamaara koi rishta nahi.
Priya:- Karan kya tum shaadi kar rahe ho?
Priya ne sidha mudde ki baat kahi...Uski aawaj me ek dard tha aur rote hue usne Karan se puccha tha...Lekin Karan ko abb uske dard aur aansu ki koi fikar nahi tha...Lekin usko thoda aascharya jarur hua ki Priya ko ye baat kaise pata chala.
Karan:- Haan...Abb tumne to mujhe dhokha de diya...To kya mai tumhaare yaadon ki sahaare jinda laash ban kar rehta...Maine bhi aage badhne ka faisla le liya.
Priya:- Tum kehte ho ki tum mujhse pyaar karte ho...Agar pyaar kiya hota to ek baar bharosha to kar lete...Khair abb tumse baat karne se koi faaidaa nahi...Hamaari rishte ki shuruwaat hi jhooth se suru hua tha to fir vishwaash aur bharosha jaisi cheej kaha se aata...Tum mujhse rishta todna chahte ho na...To thik hai aaj se mai tumhaare jindagi me kabhi nahi aaungi aur tum bhi meri jindagi me kabhi mat aana...Aaj se hamaara saara rishta khatm.
Priya ne itna keh kar phone cut kar diya...Usne ye sab to keh diya lekin wo hi jaanti thi ki kitni mushkil se usne ye sab kaha hai...Uske 1 hafte ke andar hi sabhi rishte toot gaye the...Aaj pyaar ka rishta bhi toot gaya...Wo iss vakt kitna dard me hai sirf wahi jaanti thi...Phone kaatne ke baad wo jor se rone lagi aur apne kismat ko kosne lagi...Bina koi galti kiye wo aisi sazaa bhugat rahi thi...Kucch der rone ke baad jab usne Sameer ka chehra dekha to ek dam se rona band kar usne ek faisla le liya...Jindagi me aage badhne ka faisla...Wo Sameer se iss baare me kal baat karne ka soch kar bed par lait kar so gayi.
Agli subah Sameer subah hi utth gaya...Uthne ke baad jab wo fresh ho kar aaya tab uska najar fir se Priya par pada...Priya ko dekhte hi uska mood off ho gaya...Jab bhi Sameer Priya ko dekhta tha usko sharmindagi mehsoos hota tha...Abhi ke liye Priya se bacchne ke liye Mahesh ko phone karta hai...Udhar se Mahesh ki aawaj sunne ke baad Sameer kehta hai.
Sameer:- Kaha hai yaar...Jaldi se kal jis park me mile the wahi pahunch...Mai bhi aa raha hu.
Mahesh:- Sorry yaar...Aaj nahi aa paaunga...Bhaiya ka kal accident ho gaya tha to abhi hospital me hu...Kal Maa ne bhi iss liye jaldi me bulaaliya tha.
Sameer:- Koi baat nahi yaar...Baad me fir kabhi mil lenge...Abhi tu hospital me hi rehna aur apni family ka khayaal rakhna.
Mahesh:- Tu bhi apna khayal rakhna...Jaldbaazi me koi galat kadam mat uthaana.
Sameer:- Aaj bhi mai wahi Sameer Sharma hu jo pehle hua karta tha....Bas Priya ke saamne kuch nahi bolta...Warna mai aaj bhi pehle ki tarah majboot hu jo kitna bhi bada aandhi kyu na aa jaaye uska saamna acche se kar sakta hu...Tu chintaa mat kar mai koi galat kadam nahi uthaaunga...Bas sahi kadam nahi uthaa paa raha hu...Lekin jald hi iss problem ka solution nikaal hi lunga.
Sameer ne ye baat bahut hi aatmavishwaas ke saath kaha...Iske baad dono kuch der aur baat karte hai aur phone rakh dete hai.
Kuch der baad Priya bhi utth jaati hai...Wo bhi fresh ho kar Sameer ke pass aati hai aur kehti hai.
Priya:- Mujhe tum se kuch baat karni hai.
Priya ne thoda rookhapan ke saath kaha.
Sameer:- Ha kaho.
Priya:- Mujhe lagta hai abb hame decision lena chahiye aage ki jindagi ka.
Sameer:- Thik hai.....Tumhaara decision jo bhi hoga mai bina kisi condition maan lunga.
Priya:- Maine soch liya hai...Mujhe divorce chahiye...Mai tumhaare saath nahi reh sakti[color=rgb(128,]...Bahut ghutan mehsoos hota hai tumhaare saath rehte hue aur tumse nafrat bhi bahut karti hu... So maine socha hame alag ho jaana chahiye.[/color]
Sameer Priya ki baat ka koi reply nahi deta...Priya uski chehre ko padhne ki koshish kar rahi thi lekin wo bhi confused ho gayi thi ki Sameer kya soch raha hai...Sameer ki chehre me kabhi khushi to kabhi dukh ka bhaaw najar aa raha tha.
Priya:- Tum aise chup kyu ho? Maine tumse kuch pucha hai.
Sameer:- Samajh me nahi aa raha...Tumhaare iss baat ka kya jawaab du.
Sameer Priya ki decision ke baare me kuch faisla nahi le paa raha tha...Wo abhi bhi yahi soch raha tha ki aisi situation me kya decision lena sahi hoga...Priya ko Sameer ki iss baat pe bahut gussa aata hai aur wo kehti hai.
Priya:-(Angrily) Tumhe kya samajh me nahi aa raha? Bas itna samajh lo ki mai tumse nafrat karti hu aur tumhe iss galti ke liye kabhi maaf nahi karungi...Mujhe divorce chahiye...Abb to tumhe samajh me aa gaya hoga na meri baat.
Sameer:- Lekin ye decision kuch jaldi nahi ho gaya.
Priya:- Nahi kuch jaldi nahi hai...Agar abhi ye faisla nahi liya to der ho jaayegi.
Sameer:- Agar aisa hai to thik hai...Jaise tumhaari marzi...Tumne aage ka decision to le hi liya hoga...Matlab Karan se shaadi...Mujhe yakin nahi tha ki wo itni jaldi maan jaayega...Anyway all the best for your future.
Priya:- Shut up...Behtar yahi hoga ki tum Karan ke baare me baat mat karo...Its not your business...Waise bhi tumhe bata hi deti hu ki wo aaj shaadi kar raha hai lekin mujhse nahi...Hamaara rishta khattam ho gaya hai...Maine sabhi se apna rishta tod liya hai aur ye jabardasti waala rishta jo tumse judd gaya hai usse bhi todna chahti hu.
Sameer:- What? Mujhe nahi pata tha ki ye kameena itna gir jaayega...Ek baat bataao tumhe usse pyaar ho kaise gaya...Dil to kar raha hai usse jaan se maar du.
Priya:- Chup...Tum bhi apna bakwaas band karo...Tumne kaun sa accha kaam kiya hai jo Karan par chilla rahe ho...Tumne to usse bhi ghatiya kaam kiya hai...Meri najar me to tum Karan se bada gunehgaar ho...At least wo kisi se jabardasti shaadi to nahi kar raha...Dusro ki khilaaf bolne se pehle khud ko aayina (mirror) me dekho.
Sameer ko ye baat bahut buraa lagta hai...Wo fir se khud ki najaro me gir gaya...Lekin iss baar wo chup nahi raha.
Sameer:- Sorry Priya...Maine jo galti kiya hai...Mai usse sudhaarna chahta hu...Tumne sabhi se rishta tod liya...Matlab apne parents se bhi...Aur abb divorce ke baad kya karogi...Kaha rahogi, kya karogi. Kuch intejaam kiya hai tumne?
Priya:- Tum bas itna karo ki tum kuch bhi mat karo...Mai sab manage kar lungi...Ha maine sabhi se rishta tod liya hai...Waise parents se rishta rakhne se accha hai ki unse sab rishta tod lu...Apne swaarth ke liye khud ke aulaad ki jindagi barbaad kar di...Filhaal to maine socha nahi hai ki kya karungi divorce ke baad...Lekin itna sure hai ki desh ko chhod kar baahar jaaungi.
Sameer:- Kyu? Bahar jaane ki kya vajah hai? Abb tumhe apne desh se kya problem ho gayi...Tumhaara gunehgaar to ham sab hai na?
Sameer ko Priya ki baat thoda ajeeb lagta hai.
Priya:- Problem desh se nahi...Tum sabse hai...Mai yaha nahi rehna chahti tum sabke beech....Mai life ko naya tarike se start karna chahti hu...Iske liye abroad jaana hi accha rahega...Kucch opportunities bhi mil jaayega life ko apne hisaab se jeene ka aur tum sab ki manhoos yaadon se dur rehne ka...Aur yaha par mera hai hi kaun jiske liye yaha rahu.
Sameer:- Iske baare me to kucch nahi kahunga...Abb tumne apne liye ye decision liya hai to shaayad accha hi hoga...Aur agar tum chaho to mujhe iss shaadi se koi problem nahi...Ha thoda vakt jaroor lagega khud ko adjust karne me aur mentally prepared rehne me ki tumhaare saath aage ka jindagi bitaane me...Lekin apni ki hui galti ko sudhaarunga jarur...Aur iss rishte ko bhi acche se nibhaaungaa.
Priya:- No chance...Abb mai picche nahi hatne waali...Aur mai tumhaare saath rehne ka to soch bhi nahi sakti...Maine tumhe pehle hi bata diya hai sab kuch...Hame divorce le lena chahiye.
Sameer:- Ok Fine...Mai tumhe divorce de dunga...Lekin ek request hai tumse.
Priya:- Mai tumhaari koi bhi request ya condition nahi maanungi...Bas mujhe divorce chahiye...Mai sirf[color=rgb(128,]itna jaanti hun.[/color]
Priya ki baaton me hamesha ki tarah gussa aur rookha pan tha.
Sameer:- Ye request tumhaare faaidaa ke liye hi hai...Mai to tumse ye request kar raha tha ki jab tak tumhaara abroad jaane ka process complete nahi ho jaata tum yahi par raho..[color=rgb(128,].Maanta hu meri galti ka maafi nahi mil sakti...Lekin itna to kar hi sakta hu na...Aur tab tak hamaara divorce bhi ho jaayega...Saath rehna padega iss baat ki fikar mat karo...Tum dusre room me shift ho jaana aur mai tumhaare saamne bina kisi reason ke nahi aaungaa...Tum apni tarah se hi apni life jeena...Bas yahi request tha ki jab tak tumhaara kaam nahi ho jaata tum yahi par raho.[/color]
Priya:- Ok...Thik hai.
Priya ko iss divorce waali baat se thoda accha lagta hai lekin uske gamm ke saamne ye kucch bhi nahi tha...Wo ek baar Sameer ki taraf dekhti hai aur Sameer ko khush dekh kar thoda hairaan ho jaati hai.
Priya:- Tum aise achaanak se khush kyu ho gaye?
Priya ne iss baar gusse aur rookhepan ki jagah hairaan hote huye poocha.
Sameer:- Divorce waali baat se...Mai bhi tumhaare saath nahi rehna chahta hu...Bas apni galti ko sudhaarne ke liye iss rishte ke baare me soch raha tha...Lekin tumhaari baaton se mera bhi problem dur ho gaya...Ha lekin iss baat ka dukh jarur rahega man me ki meri vajah se tumhe problems huyi...Lekin itna vishwaas karo ki jaaanbujh kar maine kuch nahi kiya...Aur agar ho sake to mujhe maaf kar dena.
Isske baad Sameer aur Priya me koi baat nahi hota hai...Sameer ko to aaj Priya ki baato se bahut khushi mil raha tha...Usne jo galti kiya tha uske baad to Priya ko alag hone ki baat to kar hi nahi sakta tha...Lekin wahi baat Priya ne usse keh diya...Lekin iss khushi me bhi usko thoda dukh ho raha tha...Priya ki life se khelne ka dukh...Chahe Sameer Priya se jitna bhi nafrat kyu na kare lekin usko ye baat accha nahi lag raha tha ki uski vajah se Priya ki life itna badal gaya hai...Wo apna galti sudhaar bhi nahi sakta tha...Priya ne usko saaf mana kar diya tha Sameer ko abb kuch bhi karne se.
Udhar Priya ko divorce waali faisle se thoda raahat to mila ki abb usko Sameer ke saath nahi rehna padega...Lekin usko abhi bhi bahut dukh ho raha tha apni life ki beete hue pal ko yaad karke...Usko apni Papa se kabhi pyar to mila nahi lekin Maa aur Karan ke pyaar ko yaad karke uski aankhon se aansu gir rahe the...Divya ki baato se usko pata chala ki uski Maa ki koi majboori thi fir bhi Priya apni Maa se naraaj thi...Agar itni hi majboor ho gayi thi to ek baar bata to deti...Lekin bina kuch bataaye apni kasam dedi aur shaadi bina uski marzi ke karwa diya...Iss vajah se wo apni Maa ko maaf nahi kar paa rahi thi.
Karan se mila dhokha uski dil ko bahut chot pahuncha raha tha...Pehle pyaar me mila bewafai bahut dardnaak hota hai...Ye abhi Priya mehsoos kar rahi thi...Na jaane kya kya sapna dekha tha Priya ne Karan ke saath lekin Karan ne uske saare sapno ko pal bhar me tod diya aur usse apna moonh mod liya...Pyaar me andhi ho kar Priya ne jo andha vishwaas kiya tha Karan par abb usse soch kar usko mehsoos ho raha tha ki kya sach me Karan ne uske saath pyaar kiya tha? Lekin jo bhi ho pyaar ek tarfa ho ya do tarfa pyaar na milne par dil ko jo chot milta hai ye to sacche dil se pyaar karne waalo ko hi iska andaaza hota hai...Apne saccha pyaar me mila bewafai ko yaad karte hue Priya andar se bahut ro rahi thi...Aur sabse badi baat wo abb bilkul akeli padd gayi thi...Na hi kisi ko apni dil ka haal bataa sakti thi aur naa hi koi tha jo usko sambhaal sake...Wo rona chahti thi lekin roo bhi nahi paa rahi thi...Sameer ke saamne ro bhi kaise sakti thi...Usse to bas kuch hi dino me do rishte toot gaye the ek rishta maa aur papa se aur ek pyaar ka rishta...Wo bhi bina koi galti kiye.
Kuch der tak to Priya bas dukhi ho kar ye hi sab soch rahi thi...Lekin kuch pal baad usne apne dil ko majboot kar liya aur sochne lagi.
Priya:- (In her mind) Nahi mai inn khokhle rishte ko yaad kar ke roo nahi sakti...Agar aisa karti rahi to mai khud se hi haar jaaungi...Unn logo ne mujhe apne life se nikaal kar fenka hai naa...Abb mujhe apne life me aage badhna hi hoga...Ek din mera kaamyaabi dekh inn logo ko pacchtaawa jarur hoga...Abb shaayad yahi raasta hai mere pass aage badhne ka...Sameer se divorce lene ke baad abroad chali jaaungi aur apne life me aage badhungi...Socha nahi tha ki mujhe mere apne hi mera saath iss tarah chhod denge...Jab apno ne hi saath chhod diya to dusro se kya umeed rakhna...(Ye sochte hue Priya Sameer ki taraf dekhti hai)...Bas ek hi to hai Divya jisko abb mai apna keh sakti hu...Bas wahi hai jisko abhi bhi meri fikar hai...Bas dukh iss baat ka hai ki jab mujhe uski sabse jyaada jarurat tha tab usne bhi mera saath nahi diya...(After some time) Usne mujhe kaha tha ki Sameer ka bhi koi majboori tha mujhse shaadi karne ke liya...Aakhir kya majboori ho sakti hai usko jisse usko mujhse shaadi karna pada...Ek baar usse baat karke dekhti hu...Aakhir kya vajah ho sakti hai.
Ye sab sochne ke baad Priya Sameer ki taraf jaati hai...Sameer abhi khidki ko khol kar baahar ki taraf dekh raha tha...Uske chehre me kabhi khushi ke bhaaw tha to kabhi thoda sa dukhi hone ka...Priya Sameer ke pass pahunch kar kehti hai.
Priya:- Sameer...Mujhe tumse kuch baat karni hai.
Sameer:- Hmm...Bolo...Jo bhi kehna chahti ho.
Priya:- Ek baat poonchna chahti thi ki tum iss divorce ke baad kya karne ki soch rahe ho?
Priya sidha mudde waali baat nahi karna chahti thi...Usse lag raha tha ki kahi Sameer uski baat na taal de.
Sameer:- Abhi uske baare me jyaada socha nahi hai...Pata nahi tab tak kya mood hoga...Lekin itna to soch rakha hai ki pehle apni iss galti ke liye Maa aur Papa se maafi maangunga...Ek job karunga...Aur Shruti se bhi maafi maang kar usko shaadi ke liye propose karunga.
Shruti ki naam sunkar Priya ko bilkul bhi accha nahi laga...Lekin wo iss baat ko ignore karti hai aur aage pucchti hai.
Priya:- Tumne to kaha tha ki tum usse pyaar nahi karte...To fir abb shaadi kyu?
Iss baar Priya ki aawaj me rookhapann ke saath gussa bhi tha.
Sameer:- Wo iss liye kyu ki mai bhale usse pyaar nahi karta lekin wo to mujhse karti hai...Aur mai usska dil bhi nahi todna chahta...Aakhir ek din kisi se shaadi to karna hi hai to usse hi kyu na karlu...Uska dil bhi nahi tootega aur sab kuch accha ho jaayega...Kisi ne kaha hai ki shaadi uss ladki se shaadi karna chahiye jo hamse pyaar karte hai.
Sameer ki iss baat par Priya ko gussa aa jaata hai.
Priya:- Tum me sach me koi feelings hai hi nahi...Aakhir itne din saath rehne ke baad bhi tumhe kaise Shruti se pyaar nahi hua jabki tum jaante ho ki wo tumse bahut pyaar karti hai...Tumhaare pass dil hai bhi yaa nahi...Tumhe to dusro ki feelings ki koi parwaah hi nahi...Jabardasti mujhse shaadi kar liya aur abb Shruti ki bhi feelings ki koi parwaah nahi.
Priya ne Sameer ko gusse me jawaab diya...Sameer ko bhi Priya ki iss baat par gussa aa gaya aur wo bhi bola.
Sameer:- Tum please mere baare me kuch mat bolo...Mai jaisa bhi hu apne aap se bahut khush hu...Haa ye maanta hu ki maine accha nahi kiya tumhaare saath shaadi kar ke...Bas yahi ek galti ko mai galti maanta hu aur bas issi vajah se mai khud hi sharminda mehsoos kar raha hu...Warna mai aapne aapse bahut khush hu aur koi mere baare me jo bhi soche mujhe koi fark nahi padta...Maine tumhe kaha bhi hai ki mai apne galti ko sudhaarne ki kosish jarur karunga...Lekin tumne hi mana kar diya.
Abb point par aata hu...Tum kehte ho ki mujhe dusro ki feelings ki koi parwaah nahi...Mai poochta hu ki dusron ne meri feelings ka kya parwaah kiya hai...Mera age abhi 25 years hai...Iss age tak shaayad sabhi logon ko kisi na kisi se pyaar ho jaata hai...Lekin aaj tak mujhe kisi se pyaar nahi hua...Ye nahi hai ki maine kisi se pyaar karna chaha hi nahi...Jab 19 ya 20 saal ka tha tab mai bhi chahta tha ki mai bhi kisi se pyaar karu ya koi mujhse pyaar kare...Jab bhi kisi ladki ke saath baat karta tha to wo log apna attitude dikhaane lagti thi...Jab koi help chahiye hoti thi tab kuch pyaari pyaari baatein kar ke apna kaam karwa leti thi...Aur kaam ho jaane ke baad mera koi jarurat hi nahi...Tabse soch liya ki mai kisi se pyaar nahi karunga...Mai kisi ka attituse nahi sahunga...Bhaad me jaaye aisa pyaar jisme mujhe ladkiyon ka chakkar lagana pade aur wo mujhe bhaaw tak nahi de...Aakhir meri bhi koi izzat hai...Tab se soch liya ki mai kisi ko pyaar nahi karunga...Jab kisi ko mera parwaah hi nahi to mai kyu kisi ka karu...Tab se kisi bhi ladki ke picche padna chhod diya...Mai chahta tha ki koi mujhse pyaar kare...Meri feelings ko samjhe aur bahut kuch...Lekin aisa koi bhi ladki nahi mili.
Jab MBA ke liye college join kiya to Shruti mili...Usne to mujhe propose kar diya aur kaha ki wo mujhse pyaar karti hai...Lekin mujhe uska pyar bilkul bhi pasand nahi aaya...Usko bhi meri feelings ka koi parwaah nahi...Jis cheej se mujhe nafrat hai bas wahi karti hai...Mujhe disco aur parties bilkul bhi pasand nahi aur wo chahti hai ki mai uske saath weekends par uske saath wahaa jaakar enjoy karu...Wo chahti hai ki mai uske saath date par jaata rahu aur uske saath time spend karta rahu...Mujhe to uski dress selection bhi pasand nahi...Jab bhi uske saath inn problems ke baare me baat karu tab wo ulta mujhse hi jhagada karti hai aur apni hi manmaani...Kabhi bhi meri feelings ko samajhne ki koshish kiya hi nahi usne.
Aakhir mai usse pyaar kyu karu? Jab mujhe ussme kuch pasand hi nahi...Agar wo mujhse pyaar karti hai to iska matlab ye nahi ki mai bhi usse pyaar karu...Mujhe to ye bhi nahi pata ki wo mujhse pyaar karti bhi hai yaa nahi...Lekin hamesha pyaar karne ki dawaa karke pareshaan karti hai...Bas usse dosti todna nahi chahta iss liye usko bardaasht kar raha hu...Aur baat ye bhi hai ki mai kisi aur se pyaar bhi nahi karta...Issliye uska dil bhi nahi todna chahta...Bas ek hi umeed hai ki ek din wo jarur badal jaayegi aur usko bhi mera feelings ka ehsaas hoga...Bas ussi din ka intejaar hai...Jab wo bhi meri feelings samjhegi tab shaayad mujhe bhi usse pyaar hoga...Mai to uske saath shaadi karne ke liye iss liye taiyaar ho gaya tha kyu ki Mere Maa aur Papa chahte the aur mai uska dil bhi nahi todna chahta tha...Aur socha ki jab mai kisi se pyaar nahi karta hu to Shruti se shaadi karne me kya problem hai? Bas sabki khushi ke liye mai shaadi karne ko ready ho gaya.
Abb tumhi bataao mai kaha galat hu...Jab mere dil me uske liye feelings hai hi nahi to kaise uske saath pyaar kar sakta hu...Jabardasti to nahi maan sakta ki mai usse pyaar karta hu...Aur rahi baat tumse shaadi karne ki to ek majboori ki vajah se ye sab karna pada...Mai tumhe ye baat pehle bhi bata chuka hu...Aur ye bhi keh raha hu ki jo bhi tumhaara decision hai mai wahi karunga kyu ki meri vajah se tumhaara life spoil hua hai.
Sameer ne Priya ki sawaalo ka jawab de diya...Priya ko bhi Sameer ki baat sahi laga lekin usko iss baat se koi fark nahi pada...Wo Sameer aur uski feelings ko jaane me interested nahi thi...Abb usko maukaa mil gaya tha Sameer ko uska majboori jaane ka.
Priya:- Tum baar baar apni majboori ki baat keh rahe ho bacchne ke liye...Chalo bata hi do...Kya majboori tha tumhaara?
Priya ki iss baat pe Sameer ko hairaani ho raha tha...Wo soch raha tha ki aaj Priya ko achaanak kya ho gaya jo aaj wo ye baat kar rahi hai...Jab bhi Sameer pehle usko bataana chahta tha tab wo taal deti thi.
Sameer:- Agar tum sunna hi chahti ho to thik hai...Mai tumhe saari baat bataaunga...Lekin abhi nahi raat ko dinner karne ke baad...Abhi bich me koi kaam aa sakta hai aur mai tumhe puri baat nahi bata paaunga...Raat ko aaram se bataaunga.
Sameer itna keh kar chup ho gaya...Priya ke pass bhi abb kehne ke liye koi baat nahi tha...Iss liye wo waapas apni bed par jaati hai...Aur dono ke bicch ek gehri khaamoshi chaa jaati hai...Ye dono kuch nahi bol rahe the...Tabhi room ka door par kisi ka knock hota hai...Sameer door kholta hai to dekhta hai ki Mrs. Sharma khadi thi.
Sameer to kuch bol nahi paa raha tha...Wo kuch bolta usse pehle Mrs. Sharma kehti hai.
Mrs. Sharma:- Sameer tumse milne Shruti aayi hai.
Maa ki moonh se apna naam bahut dino baad sun kar Sameer bahut khush ho jaata hai...Lekin abbhi wo kuch bol nahi paa raha tha...Bas sir jhuka kar itna hi bola.
Sameer:- Thik hai Maa...Abhi jaata hu.
Sameer ki aawaj se uska guilt saaf pata chal raha tha...Aur wo apni Maa se najar churaa kar ground floor par Shruti se milne chala jaata hai...Jab Shruti Sameer ko dekhti hai to bahut khush ho jaati hai aur kehti hai.
Shruti:- Kya abhi bhi tum mujhse naraaj ho?
Shruti ne ye baat bahut dheemi aawaj me poocha jaise sach me usne koi galti kiya ho.
Sameer:- Nahi nahi...Tumne kya kiya hai jo mai tumse naraaj ho jaaunga.
Shruti:- Mujhe laga ki uss din meri aur Meri maa ki vajah se tum kahi naraaj to nahi ho gaye...Aur tumne ek baar bhi mujhse baat nahi kiya.
Sameer:- Nahi...Uss din tum apni jagah bilkul sahi thi...Tumhaari jagah koi aur hota to shaayad wo bhi aisa hi react karta...Aur tum to mujhse pyaar karti ho aur meri dost bhi ho...Achanak shaadi tootne ki vajah se tumhe dukh hua hai ye baat mai samajh sakta hu...Yakin maano mai aisa nahi karna chahta tha lekin kuch majboori ki vajah se aisa karna pada...Aur tumse issliye baat nahi ho paayi kyu ki mai kuch jyaada hi pareshaan ho gaya tha.
Shruti:- Kaisi pareshaani?
Shruti ne achanak se ye pooch diya...Usko bhi lag raha tha ki Sameer aur Priya ki rishta abhi acche se nahi chal raha tha aur uski umeed bhi badh raha tha ki wo Sameer ko abhi bhi paa sakti hai.
Sameer:- Kuch khaas nahi...Baad mai bata dunga tumhe.
Sameer abhi kuch bhi bataane ki haalat me nahi tha...Iss liye usne abhi baat taalne ka socha.
Shruti:- Sameer...Kya mai Priya se baat kar sakti hu? Kuch baat karni hai usse.
Sameer ko Shruti ki baat par hairaani ho raha tha...Wo acche se jaanta tha Priya aur Shruti ka dushmani...Aise me Shruti Priya se kya baat chahti thi yahi soch kar Sameer ko hairaani ho raha tha...Lekin fir bhi wo kehta hai.
Sameer:- Ha thik hai...Wo mere room me hai...Jaakar baat kar lo.
Sameer ne bas itna hi kaha tha ki Shruti jaldi se chali jaati hai Priya ke pass...Wo jaldi se room me ghus jaati hai...(Door locked nahi tha)...Priya Shruti ko yaha dekh hairaan ho jaati hai aur bas itna hi kehti hai....
Priya:- Tum!!!
Shruti:- Ha...Tujhe kya laga tu mujhse mera Sameer ko cheen legi aur mai chup rahungi...Bas yahi warning dene aayi hu ki Sameer ki jindagi se dur chali jaa warna tera wo haal karungi ki jindagi bhar mujhe yaad rakhegi.
Priya Shruti ki iss baat par koi react nahi karti...Uska Shruti se jhagada karne ka abhi mood nahi tha...Shruti ko Priya ki iss harkat par aur bhi gussa aa jaata hai...Aur thodi tej aawaj me fir kehti hai.
Shruti:- Mai koi majaak nahi kar rahi...Dekhna ek din tu bahut pachtaayegi...Abhi bhi vakt hai chali jaa meri Sameer ki jindagi se...Teri bhalayi issi me hai.
Iss baar Priya ko bhi Shruti ki tej aawaj se gussa aa jaata hai...Usko lagne laga ki Shruti ko chup karaana hi behtar hoga.
Priya:- Tujhe jo karna hai kar le...Mai jaanti hu tu ne abb tak mere khilaaf college se hi kitni saazish rachi hai...Lekin hamesha teri saazish nakamyaab hi hua hai...Iss baar bhi try kar le...Aur haa sunn hamesha ki tarah teri iss bakwaas se bhi koi farak nahi padega mujhe...Ha ek aur baat...Mai Sameer ki jindagi me nahi aayi hu...Wo aaya hai meri life me.
Priya ne abhi itna hi kaha tha ki Sameer bhi room me aa gaya...Room ki baahar se hi usne Priya ki gussa se bhari aawaj sunn liya tha.
Sameer:- Kya hua Priya? Tum itne gusse me kyu ho?
Priya kuch bolne hi waali thi ki Shruti bol deti hai.
Shruti:- Dekho na Sameer mai iss Priya se baat karne aayi thi lekin ye to mujh par hi bhadak rahi hai.
Shruti ki iss baat pe Priya bahut gussa ho gayi...Aur iss baar to wo Shruti par bhadak gayi.
Priya:- Agar aur bhi kehna chahti hai to abhi bol de...Baad me shaayad isse accha mauka na mile...Aur tu chahe jitna bhi jhuth kyu na bol le mujhe koi fark nahi padega...Sameer mujh par vishwaas kare ya na kare isse bhi mujhe koi fark nahi padta...(Sameer ki taraf dekhte hue) Sameer tum jo bhi socho mujhe isse koi lena dena nahi hai...Bas yahi kahungi ki tum apne iss dost ko mujh se baat karne se rok lo warna fir baad me ye na kehna ki maine tumhaari iss dost ki insult kyu kiya...Aur ye mujhse baat karne aayi thi na to mai kehti hu ki mai isse koi baat nahi karna chahti aur iska shakal bhi nahi dekhna chahti...(Shruti ki taraf dekhte hue) To tune sun liya hoga ki mai tujhse koi baat nahi karna chahti...To tu yaha se chali jaa aur mera dimaag kharaab mat kar.
Priya ki aawaj iss baar kuch jyaada hi tej tha...Sameer to kuch bol nahi paa raha tha...Usko dar tha ki kahi iss jhagade me uske Maa aur Papa yaha na aa jaaye...Shruti Priya ke baat se bahut gussa ho jaati hai...Wo bahut insulted feel kar rahi thi...Shruti gusse se Sameer ko dekhti hai aur kehti hai.
Shruti:- Sameer tum kuch bolte kyu nahi...Ye mujhe iss tarah se kaise insult kar sakti hai? Meri bhi koi izzat hai....Abb tum apna biwi ka paksh lena band karo aur jaldi se kuch bolo isse.
Sameer:- (Gusse me) Kya kahu mai...Ha kya kahu...Naa hi tum meri baat samjhogi aur na Priya...To mera bolne se kya hoga...Ye tum dono ki problem hai tum dono hi isse solve karo to accha rahega...Agar tumhe apna izzat itna pyaara hai to tum Priya se kyu bahas karti rehti ho...Bahut baar dekha hai tumhe Priya se ladte huye...Har baar jhagada karo tum aur baat sambhaalu mai?
Shruti ko Sameer se aisa ummeed nahi tha...Sameer usse bhale hi pehle naraaj rehta tha lekin gusse se kabhi baat nahi kiya tha...Lekin abhi jo hua isse Shruti ko aur bhi gussa aata hai aur wo bina kuch bole waha se apna ghar chali jaati hai.
Shruti ke jaane ke baad Sameer aur Priya me kuch der tak koi baat nahi hoti...Sameer sofe par jaata hai aur kuch der baad kehta hai.
Sameer:- Dekha tumne...Kehti hai ki mujhse pyaar karti hai...Lekin baat baat pe naraaj ho jaati hai...Meri ek bhi baat kabhi nahi sunti...Bas apna hi hukum chalati rehti hai...Kabhi meri feelings ki koi parwaah hi nahi...Bas apni marzi hi chalaati rehti hai...Agar mai kabhi naraaj ho jaau to gussa hoti hai...Kya yahi pyaar hai...Agar Shruti ki jagah koi aur ladki hoti to bahut pehle hi usse piccha chuda leta.
Lekin Shruti ki dosti bich me aa jaati hai...Usne mujhe bahut help kiya hai...Dosti to bahut acche se nibhaayi hai usne...Bas yahi hai pyaar aur dosti me fark...Dosti kisi ke bhi saath kiya jaa sakta hai...Agar do log me khayaal naa mile to bhi dosti ki jaa sakti hai lekin pyaar aur shaadi me ye possible nahi hai...Shaadi ke baad to saath rehte hai aur agar isme khayaal na mile to compromise karna padta hai aur isse problems create ho sakti hai...Bas iss liye mai Shruti se pyaar nahi kar paa raha hu...Wo meri bahut acchi dost hai lekin pyaar nahi...Agar aaj bhi mai Shruti ke saath hu to uski dosti ki vajah se naaki pyaar.
Sameer ne apni baat to keh diya lekin Priya uska iss baat ka koi reply nahi deti....Kuch der tak dono khaamosh hi rahe...Aise hi kuch der baad Mrs. Sharma dono ko lunch ke liye bulaati hai.
Sabhi lunch shaanti se kar rahe the....Koi kuch nahi bol raha tha...Kuch himmat karke Sameer bola.
Sameer:- Papa aapse ek baat karna tha.
Sameer ki iss baat par sabhi Sameer ko hi dekh rahe the.
Mr. Sharma:- Ha bol...Kya baat hai? Koi naya problem to create nahi kiya?
Sameer:- Nahi papa...Maine aur Priya ne decide kiya hai ki ham dono divorce lenge.
Sameer ne darte hue ye baat keh diya.
Sameer ki iss baat se waha maujood Priya, Mrs. Sharma aur Mr. Sharma sabhi shocked ho gaye.
