Sabke jaane ke baad Raj Sonal ke room ke andar jaata hai aur uske paas rakhe table mein baith jaata hai.
Raj: Sonal ke haath ko apne haath mein leke uske masoom se chehre ko dekhte hue. Yeh sab kyaa hogyaa Sonal. Kaha hum aaj se apni nayi zindagi ki suruaat karne wale the.
Main tumhe batane wala tha main tumse kitna pyaar karta hu tumhe tumhara Raj milne wala tha jisse tum beintehaan mohabbat karti thi. Par ab dekho kyaa hogya. Tum apne Raj ko hi bhul gayi ho. Tumhe toh ab shayad yeh bhi yaad nhi rahega ke tum mujhse kitna pyaar karti ho. Saari galti meri hai. Mujhe tumhe akele jaane hi nhi dena chahiye tha.
Mujhe maaf kardena Sonal. Main tumhara khayal thik se nhi rakh saka. Par aajke baad tumhare upar koi bhi aanch nhi aane dunga Sonal. Aur jisne bhi tumhare saath yeh kiya hai uski zindagi nark se battar kardunga. Yeh bol Sonal ke sir ko chum leta hai. Aur wahi baith ke uske sir ko sehlaane lagta hai.
Swati: Humhe Raj aur Sonal ki shaadi ki saari chize hatani hogi. Sonal ke dimaag mein pressure padhe woh harchiz humhe hatani hogi. Kal hi Sonal wapas ghar aayegi. Uske pehle humhe sab karna hoga.
Ishita: Bhabhi aap chinta naa karee. Humlog milke sab karlenge. Sonal Bhabhi ko bilkul bhi pata nhi chalega.
Payal: Haaa. Hum abhi se hi kaam pe lag jaate hai.
Nandini: Hmmm. Ek kaam karo. Tumdono Raj ke kamre mein jao aur waha se Sonal ka saara samaan yaha nichhe ke kamre mein shift kardo. Tabtak humlog ghar se baaki ki chize hata dete hai.
Smita: Aur ek baat tumlog ab Sonal ko bhabhi nhi wapas se didi bologe. Aur galti se bhi uske saamne koi aisi waisi baat mat kardena.
Sab: Jiiii.
Phir sablog apne apne kaam mein lag jaate hai aur thodi der mein sablog apna kaam khatam karke apne room mein chale jaate hai.
Yash jab room mein aata hai toh dekhta hai Swati window ke paas khadi hai aur ro rahi hai.
Yash: Swati mat ro. Dekhna Sonal jaldi thikk hojayegi. Usse sabkuch jaldi hi yaad aajayega.
Swati: Aapko pata hai Yash. Bachpan mein khelte waqt main humesha iss baat ka dhyaan rakhti thi ke kahi khelte khelte Sonal aur Samar ko koi chott naa aajaye. Aur aaj meri Sonal ke saath kyaa hogyaa.
Yash: Woh thikk hojayegi Swati. Mujhe Raj ki bahot chinta horahi hai. Bahot mushkilo ke baat Raj ne khud ko sambhala tha. Phir se kisi se pyaar kiya tha. Aur dekho aaj kyaa hogyaa. Bhagwaan ka laakh laakh shukar hai Sonal thikk hai warna pata nhi Raj ka kya hotaa.
Swati: Yash jaisa Raj ne bataya ne ek gaadi tezi se Sonal ki taraf aarahi thi. Aur jaha pe Sonal ka accident hua tha uss jagah pe speed mein gaadi chalana toh not allowed hai kyoki waha School aur College hai.
Yash: Yehi baat toh mujhe bhi pareshan kar rahi hai. Aur mujhe baar baar aisa lag raha hai yeh sab kisi ne jaan muzz ke kiya hai.
Swati: Mujhe bhi aisa hi lag raha hai. Par Sonal se kisi ki kyaa dushmani. Woh toh yaha kisi ko jaanti bhi nhi hai. Phir koi kyo Sonal ko maarna chahega.
Yash: Isi baat ka toh pata lagana hai. Aur jisne bhi yeh kiya hai woh bachega nhi. Kyoki main Raj ko jaanta hu. Woh uss insaan ko paatal se bhi dhund nikalega.
Swati: Mujhe Sonal ki bahot chinta horahi hai. Agar Sonal ko inn 8-9 mahino ke baare mein pata chal gaya aur isse agar uske dimaag mein pressure padha toh.
Yash: Humhe iss baat ka khaash dhyaan rakhna hoga. Chalo ab so jaao phir kal Hospital bhi jaana hai already bahot late hochuka hai. Phir dono so jaate hai.
Agle din hospital mein jab Sonal ko hosh aata hai toh woh dekhti hai koi uska haath sakhti se pakad ke so raha tha jo Sonal ko bilkul bhi achha nhi laga ke koi anjaan usko touch kiya hua hai.
Sonal: Yehh kaun hai. Aur iski himmat kaise hui mujhe touch karne ki. Mujhe touch karne ki permission sirf usse hai jisse main pyaar karungi. Ayeee kaun ho tumm. Choro mujhee. Tumharii himmat kaise huii mujhee chunne ki. Mummmyyy papaaaa Didiiiii Samarrrr kaha hai aaploggg. Dekhiyeee yehh kaunn yaha ghuss gaya haiii.
Sonal ke aise chillane se Raj ki neend toot jaati hai. Aur woh Sonal ko hosh mein dekh bahot khush hojaata hai aur ek pal ke Iiye toh woh bhul gaya tha ke ab yeh woh Sonal nhi hai jo usse pyaar karti thi.
Raj: Tumhe hosh aagaya hai Sonal. Tum thikk honaa. Jyaada dard toh nhii horaha hai naa. Yeh bol woh Sonal ke sirr ko thoda sehlaanw lagta hai.
Raj ke iss harqat se Sonal ko bahot gussa aata hai aur woh Raj ko maarne ke liye haath hilane ki koshish karti hai toh usko thoda dard hota hai isse woh chillake bolti hai.
Sonal ke aise chillane se Deepak Meera aur Samar andar aajate hai par Raj waha khada shockk hojaata hai aur tab usse yaad hai ke Sonal ki kyaa condition hai.
Meera: Sonallllll merii bachhiii tujhee hoshh aagayaaa. Kaisi hai meri bachhiii. Tu thikk toh haii naa.
Sonal: Mainn thikk hu mummy. Parrr yehh badtameez insaan kaun hai jo yaha khada hai. Aapko pata hai aapki gairr hazri mein yeh mujheee touchh kiyee jaa raha thaa. Yehh bol Sonal Raj ko gusse se ghurr ke dekhti hai.
Meera dekhti hai Sonal Raj ke baare mein hi bol rahi hai jisse usko thoda tension hojaata hai.
Sonal: Raj ko gusse se ghurte hue. Mummy abhi ke abhi iss insan ko bahar nikaliyee. Isko dekhte hi mera sir dard kar raha hai.
Sonal ka aise bolne se Raj ki aankho mein thode aansu aajate hai. Aur usko woh pal yaad aane lagta hai jab Sonal kabhi bhi usse nazre uthake baat tak nhi ki thi.
Meera: Sonall yeh kyaa bol rahi ho tumm. Yeh tumhara......
Abhi Meera aur kuch bolti tabhi Deepal beech mein bol padhta hai.
Deepak: Sonal beta aise kisi ke baare mein nhi bolte. Yeh Raj hai. Mere dost ka beta. Tumhe hosh mein dekh kar yeh khush hogya isiliye isne tumhe touch karliya hoga.
Sonal: I am sorry papa. Par mujhe iska touch karna pasand nhi aaya. Aap please isse abhi bahar bhej dijiye.
Raj: I Am Sorry Sonal. Main samaj sakta hu tumhe bura laga hai. Mujhe tumhe aise touch nhi karna chahiye thaa. Main bahar chala jaata hu. Yeh bol Raj room se bahar aajata hai.
Raj ko aise jaate dekh Deepak Meera aur Samar teeno ko bahot bura laga par woh majburr the.
Sonal: Didi kaha hai papa. Aur main yaha kaisee. Mujhee kyaa huaa tha. Mujhee kuch bhi yaad nhi aaraha hai.
Deepak: Swati aati hi hogi beta. Aur tum apne dimaag mein jyaada pressure mat do. Hum tumhe sab batayenge. Tum yaha aaram karo main doctor ko bula ke laata hu. Yeh bol Deepak waha se nikal jaata hai aur Raj ke paas aata hai.
Deepak: Raj. Beta Sonal ke behaviour ki taraf se main maafi maangta hu. Tum please uski baato ko mind mat karna.
Raj: Yeh aap kyaa kar rahe hai. Sonal patni hai meri. Aur mujhe pata hai uski kyaa condition hai abhi. Uske liye main ek anjaan hu jisne bina uski permission se usse touch kiya tha isiliye usse gussa aagaya.
Deepak: Beta humne toh yeh socha hi nhi tha ke tum Sonal ke saamne kyaa banke aaoge.
Raj: Main uske saamne aapke dost ka beta hi rahunga. Aap chinta mat kijiye.
Deepak: Hmm. Chalo hum doctor ko bol dete hai ke usko hosh aagya hai.
Raj: Hmm. Aur main ghar mein bol deta hu. Jisse wohlog yaha aajayenge.
Deepak: Haa Sonal Swati ko khoj rahi hai.
Phir dono doctor ke paas chal dete hai aur raaste mein hi Raj ne ghar pe boldiya tha.
Thodi der mein doctor Sonal ke paas aata hai jo apni maa aur bhai se baate kar rahi thi.
Doctor: Hii Sonal. How are you?
Sonal: I Am Fine doctor. Par mujhe kuch yaad nhi hai ke main yaha pe kaisi aayi mujhe kyaa hua tha.
Doctor: Sab yaad aajayega. Tum apne dimaag mein jyaada jorr mat dena. Jitne hosake apne dimaag mein kam se kam pressure dena.
Sonal: Jii.
Doctor: Sir mein dard horaha hai kyaa.
Sonal: Jii thoda thoda horaha hai.
Doctor: Tumhare sir mein ek chott lag gayi thi jiske wajah se stitches aaye hai usi liye thoda dard horaha hai.
Sonal: Kaise lagi chott. Mujhe toh aisa kuch yaad nhi hai.
Doctor: Woh tumhe yehi lagi thi kal. Tum behosh thi isiliye tumhe yaad nhi hai. Baaki baate tumhare mummy papa bata denge. Aur haa apne pairon ko jyaada hilaana mat.
Sonal: Jii Doctor.
Phir Doctor waha se chala jaata hai.
Sonal: Mummy Papa kyaa huaa tha mujhee.
Meera: Tumhe sab batayenge beta. Par pehle ghar jaayenge uske baad. Tab tak tum aaram karo.
Sonal: Thikk hain.
Tabhi room ke gate kholke Swati andar aati hai jisne apna look change karke shaadi ke pehle wala karliya tha.
Swati: Sonallllll.
Sonal: Didiii.
Swati bhaag ke aati hai aur Sonal ke dheere se gale lag jaati hai.
Swati: Kaisi hai tu. Thikk hai naa. Tujhe pata hai main kitni darr gayi thi. Agar tujhe kuch hojaata toh mera kyaa hotaa.
Sonal: Mainn thikk hu di. Aur aaplogo ke rehte mujhee kuchh nhii hogaa dii.
Meera: Swati Sonal ko chorr do usse takleef horahi hogi.
Swati: Haaa. Sorry Sonal tujhe lagi toh nhii naa.
Sonal: Nhi di main thikk hu.
Phir Sonal ki nazar darwaaze pe padhti hai toh usse bahot saare anjaan log dikhte hai usk hi dekh rahe the.
Sonal: Mummy Papa yehlog kaun hai. Pehle kabhi nhi dekhaa.
Deepak: Tum inhe bhul gayi Sonal. Tum inhe bachpan se jaanti ho. Pehle humare saath Jaipur mein rehte the phir yehlog Mumbai aagaye.
Bahar aate hi Swati rone lagti hai.
Swati: Rote hue. Mujhse Sonal ki yeh halat nhi dekhi jaati.
Yash: Swati sambhalo khud ko. Aise rone se kuch nhi hogaa.
Swati: Kaise sambhalu Yash. Aaj hi usko hosh aaya hai aur woh sawaal puchne lagi hai jiska humare paas koi jawaab nhi hai.
Meera: Swati aise mat ro. Humhe ab Sonal ke saare sawaalo ke jawab taiyaar karne honge. Yeh tum bhi jaanti ho aur hum bhi jaante hai Sonal chup baithne walo mein se nhi hai.
Swati: Jaanti hu Mummy. Aur yehi chiz ka darr hai mujhe. Kahi Sonal ko saamne koi aisi baat naa nikal jaaye jisse usse problem ho.
Meera: Humhe sambhalna hoga. Aur Raj Sonal ke waise behaviour ke liye main tumse maafi maangti hu.
Raj: Aaplog aisa naa bole. Sonal patni hai meri. Uska pura haq hai mujhpar. Usne mujhe jo bhi bola hai woh sab anjaane mein bola hai. Abhi humhe issbaat ke upar dhyaan dena chahiye ke Sonal ko kyaa batana hai aur kaise batana hai.
Phir sablog baithke taiyaari karne lagte hai ke Sonal ko kyaa batana aur kaise batana hai.
Idher Sonal andar room mein Raj ke baare mein hi soch rahi thi.
Sonal: Kaun thaa woh. Aur kaise mujhe touch kar raha tha mere permission ke bina. Jaise main uski biwi hu. Agli baar agar mujhe touch karne ki koshish bhi ki toh maardungi usse.
Sonal ki nazar mein Raj ka impression uss harqat se thoda down hogya tha. Aur ab Sonal Raj ko naa pasand karne lagi thi. Kyoki usko lag raha tha woh jaanmuzz ke usko touch kar raha tha jo usko bilkul bhi pasand nhi hai. Kaha pehli hi nazar mein usko apna sab kuch maan baithi thi aur ab ussi insaan ko woh naa pasand karti hai.
Sonal: Par main yaha hospital mein kaisi aayi. Mujhe kuch yaad kyo nhi hai. Dimaag mein jyaada jorr bhi nhi de sakti doctor ne mana bhi kiya hai. Aur woh aunty woh kitni achhi thi unhone jab mujhe chuaa toh aisa laga jaise meri Mummy ne mujhe chuaa hai.
Par woh sablog kaun the. Papa ne kaha tha wohlog Kapoor Uncle ke gharwale hai. Par main unhe pehchan hi nhi paayi. Kitne saal pehle dekha tha unhe.
Yeh sab sochte hue bhi Sonal ka dhyaan baar baar Raj ke touch ki taraf jaaraha tha jo usse bahot pareshan kar raha tha. Woh yeh accept nhi kar paarahi thi.
Thodi der baad Raj Deepak Karan Nandini doctor se milne jaate hai.
Raj: Doctor kaisi halat hai ab Sonal ki.
Doctor: Woh physically jaldi recover hojayengi. Par mentally kuch keh nhi sakte.
Deepak: Hum usse ghar kab tak le jaasakte hai Doctor.
Doctor: Aaplog chahe toh usse ghar le jaasakte hai. Par jaisa maine kal kaha tha unke dimaag mein jyaada pressure naa padhe uska khayak rakhna hoga.
Doctor: Thikk hai. Aur yeh dhyaan rakhiyega ke abhi woh apne pairon mein koi jorr naa de.
Nandini: Aap chinta naa kare. Iska dhyaan main rakhungi ke Sonal ke pairon mein koi jorr naa padhe.
Doctor: Thikk hai toh main discharge paper taiyaar karwata hu. Aaplog unhe ghar le jaaye aur woh medicines time to time dete rahiye.
Raj: Thank You doctor. Kyaa aapka number mil sakta hai agar kabhi koi emergency aagayi toh...
Doctor: Yeah Sure why not. Phir doctor Raj ko apna card de deta hai.
Raj: Thank You Doctor.
Phir sab waha se nikal jaate hai.
Raj: Bhaiya aap Jijaji ke saath milke ghar jaane ki taiyaari kijiye. Bhabhi aap jara Sonal ko ready karwa dijiye. Main Hospital ka bill payment karke discharge paper leke aata hu. Yeh bol Raj chala jaata hai.
Nandini sidha Sonal ke kamre mein jaati hai jaha pehle se hi Savitri Smita Ragini Meera Shruti Payal Ishita aur Swati baithe hue the. Aur inhone apna apna intro Sonal ko de diya tha. Jaise hi Nandini room mein enter karti hai toh Sonal bolti hai.
Sonal: Aap kaha gayi thi bhabhi.
Nandini yeh sunke ek pal hairan rehti hai aur sochti hai ke Sonal ko sab yaad aagaya. Par agle hi pal woh haqiqat mein aajati hai.
Nandini: Main doctor ke paas gayi thi. Unhone chutti de di hai ab chalo ghar chalte hai.
Thodi der baad Raj discharge paper leke andar aata hai tab tak Sonal taiyaar hogyi thi. Sonal ki nazar jaise hi Raj ke upar padhti hai toh usko bahot gussa aajata hai.
Sonal: Tumm. Tumhari himmat kaise hui yaha aane ki. Niklo bahar. Mummy aap isse abhi ke abhi bahar nikaliye.
Sonal ke aise behaviour pe sab log shock hojaate hai. Jo Sonal kabhi Raj se aankhe utha ke baat nhi karti thi woh aaj usse aise baat kar rahi hai.
Smita: Kyaa hua Sonal. Tum isse aise kyo baat kar rahi ho. Tum janti ho yeh kaun hai.
Sonal: Chachi ji yeh ek badtameez insaan hai. Mujhe touch kar raha tha meri permission ke bina. Aur mere haatho ko kas ke pakde hue tha. Shakal se toh shareef hai par harqate bilkul bhi shareef nhi hai. Aur tum abhi tak yehi khade ho. Maine kaha naa niklo bahar.
Sonal ki baat pe sab Raj ko ghurr ke dekhte hai jaise puch rahe ho yehsab kyaa hai.
Sonal: Raj hai toh main kyaa karu. Naam Raj hone se kya yeh koi mahan bangaya. Aur main kisi Raj ko nhi.......
Abhi Sonal ne itna hi bola tha ke usse kuch yaad aata hai aur woh ghurr ke Raj ko dekhti hai aur usse pehchan ne ki koshish karti hai. Par jab Sonal ne Raj ko ghurr ke dekha toh usko thoda ajeeb lag raha tha aur uske sir mein halka sa dard hua.
Sonal: Aaahhhhh mera Sir.
Sonal ke aise bolne se sabko tension hojaati hai khaash karke Raj ko. Woh Sonal ke paas aana chahta tha par aa nhi paaya.
Swati: Kyaa hua Sonal. Sir dard kar raha hai.
Sonal: Haa di. Halka sa sir dukh raha hai aur ajeeb lag raha hai. Aisa lag raha hai jaise main isse bahot baar mil chuki hu.
Smita: Aree Sonal yeh Raj hai mera beta. Tumdono bachpan mein kitna khelte the. Aur tumne sahi toh kaha tum isse bahot baar milchuki ho. Ab itne saal baad dekh rahi ho upar se tumhare sir mein chot hai isiliye yaad nhi raha hoga aur dard horaha hoga. Tum jyaada jorr mat do apne dimaag mein.
Smita ne baat ko toh sambhal liya tha par Sonal ki baat se Raj ki aankho mein thodi nami aagayi thi.
Sonal jab sunti hai ke Raj kaun hai toh usse thoda sa jhatka lagta hai aur usse thoda sa pachtava hota hai ke usne Raj ke saath thodi badtameezi kardi.
Sonal: Kyaaa yeh Rajjj hai.
Smita: Haaa. Ab kuch yaad aaya.
Sonal: Nazre nichhe kiye hue. I am Sorry. Main aapko pehchan nhi paayi aur naajaane kya kya boldiya.
Raj: Nam aankho se. Tumhe sorry bolne ki koi jarurat nhi hai. Yeh mera bad luck hai ke tum mujhe bhul gayi ho. Yeh bolte hue Raj ki aakho se 2 boond aansu ke nikal jaate hai.
Raj ke bolne ka matlab sabko samaj aagaya tha ke woh kyaa bolna chah raha hai.
Sonal: Main samjhi nhi.
Raj: Choro. Yeh batao tum kaisi ho ab.
Sonal: Abhi thik hai. Bas thoda sir bhaari hai.
Raj: Jaldi thikk hojayega. Chalo ghar chalte hai.
Sonal: Par mere pairr.
Raj: Agar permission ho toh main touch kar sakta hu tumhe.
Sonal: Nazre nichhe karke. Main apne kiye pe sharminda hu. I am sorry.
Raj: Maine kaha naa tumhe sorry bolne ki jarurat nhi hai. Waise bhi galti meri thi mujhe tumhe uss tarah touch nhi karna chahiye tha. Par kya ab main tumhe touch kar sakta hu.
Sonal: Jiii.
Phir Raj Sonal ko apni godd mein utha ke wheel chair mein achhe se baitha deta hai aur phir uski chair ko dhakel ke hospital ke bahar lejaane lagta hai. Baaki sab bhi unke pichhe pichhe chalne lagte hai.
Hospital ke bahar aake Raj Sonal wapas god mein utha leta hai aur dhyaan se gaadi mein baitha deta hai aur Sonal ke agal bagal Smita aur Meera baith jaati hai.
Sonal: Thank You meri itni help karne ke liye.
Raj bas halke se smile kardeta hai aur jaake driving seat mein baith jaata hai aur gaadi ko Kapoor House ki taraf ghuma deta hai.
Gaadi mein Raj baar baar Sonal ko dekh raha tha saamne lage mirror mein se jo Sonal dekh leti hai aur usko yeh bilkul bhi achha nhi lag raha tha. Aur yeh chiz Sonal ki nazro mein Raj ka impression aur down kar raha tha.
Sonal: Mann mein. Yeh kaise mujhe dekhe jaa raha hai. Mujhe laga tha yeh achhe insaan hai par iske liye meri pehli soch hi sahi thi yeh bahot hi besharam insaan hai.
Thodi der mein sablog ghar mein aajate hai. Raj gaadi se utar ke Sonal ko godd mein lene lagta hai toh Sonal usko gusse se ghurr rahi hoti hai. Par woh kuch nhi bolti.
Raj Sonal ko godd mein utha ke achhe se wheelchair mein baitha deta hai aur usko andar lejaane lagta hai.
Sonal jaise jaise andar jaa rahi thi usko ajeeb sa lagne lagta hai. Usko aisa lagta hai jaise woh iss ghar ko achhe se jaanti hai aur bahot baar aachuki hai. Woh ghurr ghurr se harchiz ko dekh rahi thi.
Main door pe Smita pehle Sonal ki aarti utarti hai uske baad usko andar aane deti hai.
Andar aane ke baad bhi Sonal ghar ko ghure jaa rahi thi usko yeh ghar bilkul apna sa lag raha thaa.
Smita: Sonal beta kyaa dekh rahi ho.
Sonal: Yehh gharrr. Aisa lag raha hai jaise main yaha pehle bhi kai baar aachuki hu. Iss ghar ke har kone se waakif hu. Par thikk se kuch yaad nhi aaraha hai.
Sonal ki baat sunne ke baad sablog thode udaas hojaate hai.
Swati: Woh tu abhi hospital se aayi hai aur thaki hui bhi hai naa isiliye aisa lag raha hogaa. Tu jaa jaake thoda rest karle.
Sonal: Hosakta hai.
Smita: Raj jao Sonal ko uske room mein le jao woh nichhe wala.
Raj: Jiii.
Phir Raj Sonal ko uss room mein le jaata hai aur bed mein achhe se baitha deta hai. Aur bahar aane lagta hai.
Sonal: Suniyee.
Raj: Haa bolo koi kaam hai.
Sonal: Kuch puchna tha sach sach batayenge.
Raj: Hmm pucho.
Sonal: Aap mujhe gaadi mein ghurr kyo rahe the. Inkaar nhi karna maine pure raaste yeh notice kiya hai. Dekho mujhe yeh sab pasand nhi hai. Aap mere papa ke dost cum bhai ke bete hai isiliye main aapki iss harqat ko leke gharwalo ko kuch nhi bolungi par aage se aisa mat kijiyega. Warna mujhe gharwalo ko sab bolna padega.
Raj: Main tumhe jaanmuzz ke nhi ghurr raha tha. Tumhare sir mein chott lagi hai raaste mein thode bahot gaddhe the jiske wajah se tumhe problem horahi hai yaa nhi bas wahi dekhne ke liye tumhe dekh raha tha aur tumhe laga main tumhe ghurr raha hu.
Mujhe pata hai tumhe kyaa pasand hai kyaa naa pasand hai. Aur main aisa koi kaam nhi karunga jo tumhe pasand nhi. Agar tumhe kisi bhi chiz ki jarurat ho toh Bhabhi ko yaa Mummy ko kisi ko bhi bula lena.
Yeh bol Raj waha se chala jaata hai par tab uski aankho mein thode aansu bhi the.
Pichhe Sonal bed mein baithi bas Raj ko jaate hue dekh rahi thi aur soch rahi thi ke woh kitna galat soch rahi thi Raj ke baare mein. Usne uski kitni madad ki aur woh usse galat samaj ke kitna kuch bol baithi.
Sonal: Maine unhe phir se bura bhala keh diya jabki woh toh meri parwaah hi kar rahe the. Yeh sab uss Vicky ki wajah se hua hai. Waha woh mujhe jiss tarah se ghurta hai chune ki koshish karta hai uski wajah se mujhe harkoi uski tarah hi lagta hai. Aur isi wajah se main Raj ko galat samaj baithi. Mujhe unse maafi maangni chahiye. Agli baar jab mere saamne aayenge tab maafi maamg lungi.
Par unhe kaise pata hai mujhe kyaa pasand hai kyaa naa pasand hai. Hum toh bahot saal baad mile hai aur woh toh mujhe achhe se jaante bhi nhi hai phir unhone aisa kyo kaha.
Sonal: Kuch nhi bas yehi soch rahi thi ke main hospital mein kaise pahonchi kyaa hua tha mere saath.
Meera: Betaa tumhara ek accident hogya tha Jaipur mein aur uski wajah se tumhare sir mein chott aagayi thi. Jiske treatment ke liye hum tumhe yaha Mumbai leke aaye.
Swati: Par treatment ke baad tu Coma mein chali gayi thi. Aur kal tujhe hosh aaya hai. Isiliye tujhe sabkuch ajeeb lag raha hai.
Sonal: Par mera accident hua kaise. Mujhe toh yaad bhi nhi hai. Mujhe toh bas itna pata hai ke main ghar se mandir jaane ke liye nikli thi. Phir kyaa hua mujhe kuch yaad nhi.
Swati: Mandir se ghar aate waqt hi tera accident hogya tha. Aur ab tu innsab ke baare mein mat soch. Tu thik hai humare saath hai yehi humare liye bahot hai.
Sonal: Main kitne dino se Coma mein thi.
Swati: Tu 9 mahino se Coma mein thi. Aur kal tujhe hosh aaya hai.
Sonal yeh sunke shock hojaati hai.
Sonal: Kyaaaaa 9 mahine. Matlab itne mahino se main behosh thi.
Swati: Haaa. Aur ab tu tension mat le. Ab tu thikk hai. Par apne dimaag mein jyaada jor mat dena aur jyaada kuch sochne ki jarurat nhi hai.
Sonal: Thikkk hai.
Smita: Chalo ab tum aaram karo. Kisi bhi chiz ki jarurat ho toh humhe bula lena. Thikk hai.
Sonal: Jiii.
Phir charo waha se bahar aajate hai aur Sonal aaram karne lagti hai.
Idher Raj Sonal ke kamre se nikalne ke baad sidha apne room mein jaata hai aur jaldi se fresh hoke ready hoke Karan ke kamre mein aata hai.
Raj: Bhaiyaaa.
Karan: Haa Raj bol. Sonal thikk hai naa.
Raj: Woh thikk hai. Par ab woh thikk nhi rahega jisne meri Sonal ke saath aisa kiyaa hai. Aapko CCTV footage mila.
Karan: Haa mil gaya hai aur wahi dekhne main jaa raha hu.
Raj: Main bhi chalunga.
Karan: Chall.
Yash: Main bhi nhi bol hum bhi chalenge.
Raj: Yash tu.
Yash: Haa main. Aur akele akele jaa raha tha. Main bhi chalunga tere saath.
Phir teeno nikal padhte hai police station ki taraf.
Udher Ranjeet ko bhi pata chal gaya tha Sonal bachh gayi hai par yeh nhi pata tha ke uski yaadast chali gayi hai.
Ranjeet: Gusse se chillate hue. Aaaahhhhhhh itni planning ke baad bhi sab kuch barbaad hogya.
Rajesh: Kyaaa huaaa kyo chilla raha hai.
Ranjeet: Woh Sonal bachh gayi hai.
Rajesh: Kyaaaa. Itne bure accident ke baad woh bachh kaise gayi. Kyaa tujhe pura yakeen hai ke Sonal bachh gayi hai.
Ranjeet: Haaa mere uss aadmi ne dekha hai Sonal ko Hospital ke bahar woh bhi zinda.
Rajesh: Humhe laga tha Sonal ki maut se Raj puri tarah se barbaad hojayega. Par nhiii. Iss baar bhi hum naakaam rahe. Pehle toh ek kaam kar uss aadmi ko bol kahi chupp jaaye. Kyoki ab Raj aur Karan pagalo ki tarah iss baat ka pata lagayenge.
Ranjeet: Chorungaa nhii uss Rajj ko. Jaan se maardungaa usse. Yeh bol woh waha se kahi chala jaata hai.
Idher yehteeno police station aate hai aur Karan ke cabin mein chale jaate hai.
Karan: Maine jo CCTV ki footage mangayi thi woh do.
Hawaldar: Jii Sir.
Phir Hawaldaar woh CCTV ki footage laake Karan ko deta hai aur teeno woh footage dekhne lagte hai.
Footage mein Karan dekhta hai Raj aur Sonal jabse uss aashram ke andar gaye the ek gaadi waha khadi thi.
Raj: Bhaiyaa yehi hai woh gaadi.
Yash: Bhaiya iske driving seat pe zoom kijiye shayad driver ka pata chal jaaye.
Karan Driving seat pe zoom karta hai toh dekhta hai ek aadmi gaadi mein baitha hua hai par uski shakal nhi dekh paate kyoki usne apni shakal ko mask aur kaale chashme se dhakka hua tha.
Karan: Saale ne toh apne chehre ko dhakka hua hai kuch samai nhi aaraha hai. Aur aisi jagah khada hai ke gaadi ka number nhi aadha dikh raha hai.
Yash: Aage jaane se shayad dikh jayega.
Thodi der baad jab Raj aur Sonal waha se bahar aate aur phir Sonal wapas andar jaati hai aur apna mobile leke bahar aati hai aur jaise hj road cross karne wali hoti hai tabhi woh gaadi Sonal ko takkar maarke nikal jaati hai.
Yeh scene wapas dekh ke Raj ki halat kharab hojaati hai uske aankho se aansu behne lagte hai.
Raj: Dekha bhaiyaa mere aankho ke saamne meri Sonal ke saath kyaa hogya aur main kuch naa kar saka.
Raj jaldi se uthta hai aur video ko aage pichhe karke achhe se dekhne lagta hai jisse unko gaadi ka number miljaata hai.
Yash: Chalo gaadi ka number toh mil gaya.
Karan: Haa par mujhe pura yakeen hai gaadi chori ki hogi. Kyoki yeh saare kaam aksar aise hi kiye jaate hai. Phir bhi gaadi ko khojta hu shayad usse kuch mil jaaye.
Phir Karan ek inspector ko bulata hai aur bolta hai.
Karan: RTO se pata karo yeh gaadi kaha hai aur jaao iss gaadi ko iske maalik ke saath yaha utha ke laao jaldi se jaldi.
Inspector: Yes Sir. Yeh bol woh inspector apne kaam mein lag jaata hai.
Karan: Raj itna toh pakka hai yeh sab pehle se plan kiya hua tha aur iske liye jisne bhi yeh kiya hai usko achhe se pata tha tu kaha kaha jaane wala hai usko tere har location ki khabar thi.
Kyaa tune kisi ko apne plans ke baare mein bataya tha yaa kuch aisa dekha ho jo tujhe ajeeb laga ho.
Raj: Bhaiya plan ke baare mein Bhabhi ko bataya tha aur innsab ki taiyaariyon mein maine aisa kuch notice hi nhi kiya.
Karan: Kuch toh miss horaha hai Raj. Dimaag mein jorr de. Soch aisa kuch ajeeb jo pichle kuch dino mein tujhe ajeeb laga ho. Kyaa koi tujhe pareshan kar raha tha koi pichha kar raha tha aisa kuch hua tha.
Raj apne dimaag mein jorr dene lagta hai toh usse yaad aata hai ke kuch din pehle usne ek aadmi ko harjagah dekha tha jaha jaha woh gaya tha par usne woh ignore kiya tha.
Raj: Haaa jisdin main Sonal ke liye surprise plan kar raha tha uss din maine ek aadmi ko har uss jagah notice kiya tha jaha jaha main gaya tha. Par maine uss baat ko itna seriously nhi liya tha.
Yash: Shayaf usi aadmi ne yeh kiya hai. Tujhe kyaa uska chehra yaad hai. Saale ka sketch banake dhund nikalenge.
Raj: Nhii mujhe uska chehra thik se yaad nhi hai. Par agar aur ek baar dekhunga toh shayad pehchan jaunga.
Karan: Tu uss din kaha kaha gaya tha.
Raj: Main uss din ek hotel mein gaya tha Mandir mein gaya tha anaath aashram old age home innsab jagah pe gaya tha par hotel ke andar gaya tha.
Karan: Hotel chall waha se jarur kuch na kuch milega.
Phir teeno waha se hotel ki taraf nikal jaate hai aur thodi der mein hotel aajate hai.
Hotel ka Manager Raj ko dekhte hi uske paas aata hai aur bolne lagta hai.
Manager: Yeh sab kyaa hai Sir. Uss din aapne saare arrangements karwaaye special dinner ready karwaya par aap aaye hi nhi aur naahi phone receive kiyaa.
Karan: Woh sab baad mein dekhenge. Par pehle mujhe aapke hotel ka CCTV footage dekhna hai jis din yeh yaha pe aaya tha.
Manager: Kyaa baat hai Sir. Kuch hua hai kyaa.
Karan: Sab pata chal jaayega. Pehle mujhe footage dikhao.
Manager: Jii Sir. Aaiye.
Phir teeno Manager ke saath server room mein jaate hai.
Manager: Mujhe 3 din pehle ki sham ke waqt ki CCTV footage dikhao.
Operator: Yes Sir.
Phir operator saamne lage Monitor mein 3 din pehle ki sham ke waqt ki CCTV footage dikhata hai.
Karan: Thoda fast forward kar aur uss waqt se start kar jab yeh(Raj) yaha aaya tha aur iske nikalne ke baad stop karna.
Karan ne jaisa bola Operator ne waisa hi kiya.
Karan: Raj dhyaan se dekh kaun tha woh aadmi kyaa yaha pe tujhe dikh raha hai.
Raj dhyaan se monitor mein dekhne lagta hai. Par usse woh aadmi nhi dikhta.
Raj: Bhaiya woh aadmi toh mujhe nhi dikha.
Karan: Tune thikk se dekha naa.
Raj: Jii bhaiyaa.
Karan: Thikk hai. Aage play kar.
Operator waisa hi karta hai.
Raj phir se monitor pe dekhne lagta hai. Tabhi usko dikhta hai ke Raj ke nikalne ke baad ek aadmi andar aata hai aur ek waiter ko pakad ke usko kuch paise deta hai aur Raj ke plan ki information leta hai par unndono ke baat karne ki awaaz sunai nhi deti.
Raj: Bhaiyaaa yeh hai woh aadmi.
Karan: Stop kar. Aur uss aadmi ke upar zoom kar.
Operator waisa hi karta hai. Par uska chehra side se dikh raha tha.
Karan: Tujhe pura yakeen hai yehi hai woh aadmi.
Raj: Haa bhaiyaa.
Karan: Kuch bhi kar par mujhe iss aadmi ka chehra chahiye.
Operator 3-4 angle ka use karke uss aadmi ka chehra monitor pe le aata hai.
Karan: Isse print kar.
Operator uss aadmi ka chehra print kar deta hai.
Yash: Uss waiter ko jara yaha bulana jisne iss aadmi se paise liye the.
Manager: Jii Sir.
Kuch der mein woh waiter waha aajata hai.
Waiter: Aapne bulaya sir.
Yash: Tu idher aa. Aur iss photo dekh. Isse jaanta hai.
Waiter uss photo ko dekhta hai toh usko yaad aajata hai.
Waiter: Haa sir. 3 din pehle yeh sahab aaye the. Inhone mujhse pucha tha ke thodi der pehle yeh(Raj) sahab aaye the woh kyo aaye the. Maine batane se mana kardiya tha toh unhone mujhe bola woh police se hai agar nhi bataya toh jail mein daal denge. Isiliye maine unhe bata diya tha.
Yash: Aur tujhe usne paise kis baat ke diye the.
Waiter: Unhone bola unhe meri aadat achhi lagi ke main kisi ko bhi kisi ko baat nhi batata. Isiliye unhone mujhe inaam diya tha jo sirf 500 the.
Yash: Thikk hai tu jaa. Saala bahot hi chalak aadmi tha.
Karan: Dekhne se toh ek gunda lagta hai. Jaldi hi pakda jaayega.
Raj: Manager kal nhi aa sake uske liye sorry. Aapka jitna bhi bill hua hai boliye main payment kardeta hu.
Manager: Main samaj sakta hu. Jarur koi problem hua hoga.
Phir Raj waha se payment karke nikal jaata hai.
Hotel se bahar aate hi Karan uss photo ko harjagah forward kardeta hai aur uss aadmi ko jald se jald pakadne ko bolta hai. Aur apne kuch khabri ko uski photo bhej deta hai.
Raj: Bhaiyaa ab kyaa karenge.
Karan: Maine iss aadmi ko khojne ke liye apne logo ko laga diya hai jald hi yeh pakda jayegaa. Filhal toh tu Sonal ka dhyaan rakh.
Raj: Hmmm.
Phir sab ghar aajate hai.
Ghar aate hi waha baithe sablog inlogo ko pakad lete hai aur sawaal puchne lagte hai.
Karan aur Yash ne badi mushkil se sabko shant karwate hai.
Karan: Yeh accident pehle se hi kisi ne plan kiya tha.
Meera: Par koi meri Sonal ko kyo maarna chahega. Uski toh kisi se koi dushmani bhi nhi thi.
Payal: Haa Jiju. Bhabhi ka toh college mein bhi koi problem nhi tha. Phir koi kyo unhe maarna chahta tha.
Karan: Yehi chiz toh pata lagana hai. Humhe ek aadmi ki talash hai jo kuch din pehle Raj ka pichha kar raha tha shayad usine yeh kaam kiya hai. Maine uski photo har jagah faila di hai bahot jald woh pakda jayegaa.
Phir sablog shant baith jaate hai.
Raat ko khaane ke waqt Nandini Raj se puchti hai.
Nandini: Raj kuch socha hai Sonal ko kaise yaha rokhna hai. Kyoki jaise hi woh chalna start karegi woh wapas Jaipur jaana chahegi.
Smita: Kal puri raat soya nhi hai tu thik se. Aur phir aaj ka pura din bhi aaram nhi kiya. Abhi jaake chup chap so jaa. Dimaag ko aaram milega toh aage kya karna hai yeh samaj bhi aayega.
Meera: Smita thikk keh rahi hai Raj. Tum jao jaake aaram se so jaao. Sonal ki chinta mat karo.
Raj: Sonal ne khaana khaaya.
Nandini: Maine usse khila diya hai dawaaiyan bhi de di hai aur woh so bhi gayi hai. Ab tum thik se khaoo aur jaake so jaao.
Raj: Hmmm.
Phir sablog chup chaap khaane lagte hai.
Dinner ke baad Raj dheere se Sonal ke kamre mein jaata hai toh dekhta hai Sonal gehri neend mein so rahi hai.
Raj Sonal ke paas baith jaata hai aur dheere dheere uske sir ko sehlaane lagta hai.
Raj: Tumhari yeh halat karne wale ko main chorunga nhi Sonal. Bahot jald woh pakda jayega. Meri kismat bhi kitni ghatiya hai. Main jisse bhi pyaar karta hu woh mujhe chor ke chala jaata hai. Pehle Megha se pyaar kiya toh woh mujhe humesha ke liye chor ke chali gayi phir tumse pyaar hua toh tumhi mujhe bhul gayi. Par main haar nhi maanunga. Tum bhul gayi toh kyaa hua. Mujhe toh sab yaad hai naa. Main tumhe kabhi akela nhi chorunga. Harwaqt tumhare saath rahunga. Aur dekhna ekdin tum phirse mujhse pyaar karne lagogi. Yeh bol woh Sonal ko sir ko chum leta hai. Phir waha se bahar aajata hai.
Raj: Mere khayal se abhi kuch din kisi ko Sonal ke saath raat ko rukhna chahiye. Agar usse jarurat padhi toh.
Swati: Tum chinta mat karo Raj. Jab tak Sonal ke pairr thik nhi hojaate uske saath main rahungi. Tum jaao jaa uski ke aaram se so jaao.
Phir Raj apne kamre mein aake fresh hoke sone lagta hai. Par aaj usse ussi ke kamre mein akelapan sa mehsus horaha tha dumm ghutt raha tha.
Raj: Kaha har raat Sonal ke saath baate karte hue uske pure din ke baare mein jaante hue sota tha aur jab tak woh apne pure din ke baare mein bata nhi deti naa khud soti naa mujhe sone deti par ab shayad woh kabhi nhi hogaa. Yehi sab sochte hue Raj sone ki koshish karta hai par tabhi uske dimaag mein ek khayal aata hai aur woh jhatt se apna mobile nikal ke kisi ko kuch msg karta hai aur phir so jaata hai.
Agle din subah sablog Sonal se milke uska haalchaal puchte hai par Raj uske kamre ke andar nhi aaya tha woh bahar se hi chupp ke Sonal ko dekh raha tha. Kyoki woh nhi chahta tha ke kisi bhi reason se uski image Sonal ki nazar mein kharab ho.
Par idher Raj ke naa aane se Sonal ko thoda bura lagta haj aur usko andar hi andar thoda guilty feel bhi hota hai par woh kuch nhi bolti.
Phir sablog apne apne kaam mein lag jaate hai. Raj Ishant aur Yash apne apne office chale jaate hai. Karan police station nikal padhta hai Payal aur Ishita bhi apne college chali jaati hai aur baaki sab bhi apne apne kaam mein lag jaate hai.
Shruti: Mummy ab humhe bhi apne ghar jaana chahiye. Swati yehi rahegi jab tak woh chahe.
Dopahar ko sablog Sonal ke kamre mein baithe hue the aur usse baate kar rahe the.
Meera: Sonal beta tumne aage kya socha hai.
Sonal: Pata nhi mummy. Kuch samaj nhi aaraha hai.
Smita: Kyaa tum aage padhna chahti ho yaa phir koi job karna chahti ho.
Sonal: Exams dene ke baad toh maine yehi socha tha ke aage padhai bhi karungi. Par shayad ab woh possible nhi hai.
Smita: Woh kyo bhala.
Sonal: Woh itne mahino ka gap hogya hai. Aise mein phir se study start karna....
Smita: Agar tum chahti ho toh aage ki padhai aaram se karo.
Meera: Haa beta. Tum jaisa chahti ho waisa hi hoga. Aur waise bhi tumne apne college se top kiya tha uske liye tumhe yaha ke ek achhe college mein padhne ka mauka mila tha jiske liye tumhare papa bhi maan gaye the. Agar tum chaho toh yaha rehke padh sakti ho.
Smita: Haaa Sonal. Agar tum yaha rehke padhai karti ho toh humhe bahot khushi hogi.
Sonal: Mujhe thoda time chahiye. Main abhi thikk se decide nhi kar paarahi hu.
Meera: Koi baat nhi. Tumhe abhi koi jarurat nhi hai faisla karne ki. Pehle tum thikk hojao. Phir dekhenge kyaa karna hai.
Rajesh aur Ranjeet abhi puri tarah se shant hogye the. Kyoki unhe pata tha khatra unke upar bhi hai. Par woh shant baithne ke saath saath Raj se badla lene ke dusre tarike bhi soch rahe the.
Idher Karan ne harjagah uss aadmi ki khoj suru kardi thi. Uske khabri bhi jagah jagah uss aadmi ko khojne mein lage hue the.
Karan ko woh gaadi mil gayi thi jisse Sonal ka accident hua thaa.
Karan: Kiski gaadi thi woh. Aur kaha se mili.
Inspector: Sir woh gaadi chori thi ki jiski report bhi likhawayi gayi thi. Aur gaadi humhe jungle ke paas se mili thi. Kisine waha pe hi chorr diya thaa.
Karan: Hmmm. Matlab jisne bhi yeh kiya hai usne puri taiyaari ke saath yeh sab kiya tha. Koi fingerprint mila. Yaa aisa kuch jisse yeh pata chale ki kisne kiya hai yeh sab.
Inspector: Haa sir check kiya hai. Gaadi kisi bhi aisi jagah nhi gayi hai jisse shak ho. Yeh rahi unn jagah ki list. Yeh bol ek paper Karan ko pakda deta hai.
Karan: Hmmm. Thikkk hai. Uss aadmi ka kuch pata chala.
Inspector: Khojj chal rahi hai sir. Usko jarur pata chal gaya hai ke hum usko khoj rahe hai isiliye shayad woh underground hogaya hai.
Karan: Usko dhundho. Ekbaar agar woh mil gaya toh hum uss insaan ko bhi pakad lenge jiske kehne pe yeh kar raha tha.
Inspector: Sir kyaa aapke bhai ki biwi ka koi dushman tha kyaa.
Karan: Nhiiii. Woh toh yaha kisi ko jaanti bhi nhi thi. Ek stalker tha jisko kuch waqt pehle hi jail hochuki hai. Abhi Karan yeh bolta hai tabhi usko kuch yaad aata hai.
Tumhe yaad hai kuch waqt pehle hum 2 baap beto ki talash kar rahe the jo kahi chupp gaye the.
Karan: Haaaa. Main ek chance le raha hu. Kahi yeh bhi innhone hi toh nhi kiyaaa.
Inspector: Hosakta hai Sir. Par inko dhundenge kaha. Yeh toh tab se hi chupe hue hai.
Karan: Ek kaam karo. Inn sabhi location ke aas paas civil dress mein ghumo aur dekho koi aisi jagah hai kyaa jaha yehlog chupp sakte hai aur haa uss jungle ke aas paas bhi dekho.
Inspector: Thikk hai sir.
Karan: Aur haa jail mein ek aurat hogi jisko maine lagbhag 1 saal pehle arrest kiya tha jhoothe rape case mein jara dekho toh uski saza kab tak hai woh inn baap beto ke saath hi aayi thi.
Inspector: Thikk hai sir main dekh kar bolta hu.
Yeh bol woh inspector waha se chala jaata hai.
Aise hi 2 din guzar jaate hai. Inn 2 dino mein Sonal ki halat mein bahot sudhar aaya tha par woh abhi bhi wheel chair ka hi istemaal kar rahi thi. Par inn 2 dino mein Sonal ke jaagte hue Raj kabhi bhi uske saamne nhi aaya tha woh humesha iske sone ke baad hi aata aur kuch der baate karke chala jaata. Par isse Sonal ko thoda aur guilty feel hota hai kyoki woh usse maafi nhi maang paayi thi.
Idher Karan ke ek khabri ne usko call karke bola ke usne uss aadmi ko dekha hai woh roj raat ko ek bar mein aata hai.
Karan: Tujhe pura yakeen hai ke tune uss aadmi ko hi dekha hai.
Khabri: Haa sahab. Pura 100 takka apun uss aadmi ko hi dekhela hai. Woh 2 raat se 10:30 baje ek bar mein aarela hai.
Karan: Akela aata hai yaa kisi ke saath aata hai.
Khabri: Akela hi aata hai Sahab.
Karan: Thikk hai. Mujhe address bhej aur raat ko udher hi rehna.
Khabri: Jii Sahab.
Raat ko Karan 3 Hawaldaar ko civil dress mein leke uss khabri ke bataye address pe chala jata hai.
Karan: Haa bol kidhar hai woh.
Khabri: Abhi tak aaya nhi hai sahab. Aane wala hi hoga.
Karan: Thikk hai. Tumsab(Hawaldar) yehi alag alag table mein baith jao aur ek jan bahar raho. Aur tu(Khabri) mere saath idher baith.
Phir sab log apne apne jagah mein baith jaate hai.
Thodi der mein ek aadmi andar aata hai jisne apna chehra toh mask se chupaya hua tha par andar aate hi mask hata deta hai.
Khabri: Sahab woh dekho woh aagaya.
Karan: Thikk hai. Tu nikal. Tera paisa tere ko mil jayega.
Khabri: Jii Sahab.
Phir woh khabri waha se nikal jaata hai aur Karan waha baithe 2 Hawaldaar ko ishara karta hai.
Karan ka ishara paate hi dono Hawaldaar uss aadmi ke paas jaake baith jaate hai.
Aadmi: Kyaa hai bee. Kisse puch ke baitha idher. Chal nikal.
Par dono hawaldaar uski baat ko ansuna kardete hai. Jisse uss aadmi ko gussa aajata hai.
Aadmi: Abee ab tu kaun hai be. Mera Saala hai kyaa jo Sasuraal leke jaayega.
Karan: Tera baap hu main. Yeh bol ek thappad maarta hai uss aadmi ko jisse uska saara nasha utar jaata hai. Aur waha baithe aadmi tamasha dekhne lagte hai.
Aadmi: Tu jaanta hai tune kispe haath uthaya hai. Tujhe yehi zinda gaar dunga. Tu jaanta nhi hai apun ko. Yeh bol woh aadmi Karan ko maarne ke liye haath uthata hai toh Karan uska haath pakad ke ek aur jorr dar thappad maarta hai.
Karan: Le chalo saale ko. Bahot garmi hai saale mein. Jail mein achhe se saari garmi ko thanda karunga.
Phir dono hawaldaar uss aadmi ko leke nikal padhte hai. Karan bhi usko jail mein daalke ghar aajata hai aur sidha apne kamre mein jaata hai jaha Nandini Karan ki taraf peeth karke kuch kaam kar rahi thi aur Kartik so raha tha.
Karan sidha jaake Nandini ko pichhe se apni baahon mein leta hai.
Karan: Kyaa kar rahi ho sweetheart. Abhi tak soyi nhi.
Nandini: Aapke ladle ka kapde thik se rakh rahi thi. Aur aaj itna pyaar aaraha hai kyaa baat hai.
Karan: Pyaar toh humesha hi aata hai par tum karne ki kaha deti ho aur agar kabhi chance mil gaya toh yeh shaitaan(Kartik) karne nhi deta.
Nandini: Karan ki taraf palat kar. Achhaa ji. Toh chalo aaj pyaar karte hai. Aaj toh yeh bhi so raha hai.
Abhi Nandini yeh bolti hai ke tabhi usko ek gandh aati hai.
Nandini: Gusse se aur hairani se. Aapne sharab pi hai.
Karan: Shock hoke. Aree marwaogi kya. Dheere bolo. Agar kisi ne sunn liya naa toh iss ghar se daana paani cut hojayega.
Nandini: Matlab sach mein pi hai. Choro mujhee aur niklo room se bahar aur aaj ke baad mujhse yaa mere bete se baat tak nhi karna.
Karan: Aree meri jaan maine aisa kuch nhi kiya hai. Raj ka pichha karne wale ko pakadne ke chakar mein yeh gandh aarahi hai.
Nandini: Matlabbb.
Karan: Matlab uss aadmi ko pakadne ke liye mujhe ek bar mein jaana padha tha toh isiliye tumhe yeh gandh aarahi hai.
Nandini: Matlab woh aadmi pakda gaya.
Karan: Haaa. Ab kal subah usse baatcheet karunga. Filhal toh main apni biwi ki duty mein hu.
Nandini: Pehle jaaiye jaake change kariye. Mera dum ghutt raha hai.
Karan: Haa baba jaata hu. Yeh bol Karan jaldi se jaata hai aur fresh hoke bahar aata hai aur wapas se Nandini ko apni baahon mein le leta hai.
Nandini: Kyaa baat hai aaj toh bahot romantic horahe hai aap.
Karan: Ab jab baahon mein itni khubsoorat biwi ho toh banda apne aap romantic hojaata hai.
Nandini: Achhhaaa jii.
Karan: Haan ji. Yeh bol Karan Nandini ko jaise hi kiss karne jaata hai tabhi Kartik rona suru kardeta hai.
Nandini yeh dekh Karan se alag hoti hai aur jaake Kartik ko sambhalne lagti hai. Karan waha thaga sa khada reh jaata hai.
Nandini: Hogyaa aaj ka pyaar. Ab so jaaiye. Yeh bol hasne lagti hai.
Karan: Saale se baap ki khushi dekhi nhi jaati. Kitna achha bhala mood aur chance dono tha par isko sehan nhi huaa.
Nandini: Heyyy mind your language. Khabardaar mere pyaare se bete ko kuch bola toh.
Karan: Aur tumhara yeh pyaara sa beta jo tumhare pyaare se pati pe julm kar raha hai uska kyaa.
Nandini yeh sunn hasne lagti hai. Phir thodi der aise hi pyaar bhari baate karne ke baad dono so jaate hai.
Raghu: Nhi sahab. Main toh ek sidha sadha majdur hu. Mujhe kyo laaya hai yaha pe.
Karan: Inspector.
Inspector: Yes Sir.
Karan: Jara iss sidhe saadhe majdur ka mobile dena.
Inspector: Yeh lijiye Sir.
Karan: Isko check kiya hai naa.
Inspector: Yes Sir. Aur yeh rahi pichle kuch waqt ki call history. Iss ek number pe sabse jyaada baar baat hua hai.
Karan: Haa toh Raghu ab tu apne aap batayega yaa main apne tarike se muh khulwau.
Raghu: Sahab aap kyaa bol rahe ho mujhe kuch samaj nhi aaraha hai.
Karan: Ek Thappad maarte hue. Yeh number kiska hai.
Raghu woh number dekhte hi shock hojaata hai. Usko samaj aajata hai ke Karan kyaa puch raha hai.
Raghu: Ghabraate hue. Yehhh yehh mere dost ka number hai sahab.
Karan: Tere dost ka number hai. Tera dost tujhe kitne paise deta hai dusro ka pichha karke uspe nazar rakhne kaa.
Raghu Karan ki baat sunke buri tarah se ghabraa jaata hai jo Karan ko saaf samaj aaraha thaa.
Raghu: Darr aur ghabrahat mein. Main Samjha nhi sahab. Aap kya bol rahe ho.
Karan iss baar pure gusse mein ek jorrdaar Thappad Raghu ko maarta hai jisse Raghu ke honth fatt jaate hai aur khoon nikalne lagta hai.
Karan: Ab agar tune sab kuch nhi bataya naa toh tujhe yehi zinda gaar dungaa.
Raghu: Darr aur dard mein. Main kuch nhi jaanta Sahab. Aap mujhe bina wajah maar rahe ho. Main toh ek mamuli sa majdurr hu.
Raghu ke iss baat pe Karan ka gussa aur badh jaata hai aur woh paas khade inspector ke haath se uska danda leke Raghu ko maarne lagta hai.
Karan ke harr maar pe Raghu jorr jorr se chikhne lagta hai par Karan nhii rukhtaa. Aakhir mein jab Raghu ki sehanshilta uska saath chorti hai toh bolta hai.
Raghu: Aur mat maaro sahab. Main sab sach batata hu. Mujhe aur mat maaro. Main sab bataungaa.
Karan: Chall bata.
Raghu: Mujhe uss aadmi(Raj) ke upar nazar rakhne ko bola tha aur uski pal pal ki khabar pahonchane ko bhi bola gaya tha.
Karan: Kisne bola tha aur kyaa kyaa khabar di tune.
Raghu: Main uska naam nhi jaanta sahab. Usne kabhi apna naam nhi bola. Aur main toh uss aadmi(Raj) ki har khabar uss tak pahonchata tha. Ke woh kyaa karta hai kaha jaata hai kisse milta hai sabkuch. Kuch din pehle hi maine usko bola tha ke woh apni patni ke liye ek bade hotel mein party de raha hai aur waha usko apne pyaar ka izhaar bhi karne wala hai.
Karan yeh sunte hi usko ek aur thappad maarta hai jisse woh zameen mein girr jaata hai
Karan: Aage bol.
Raghu: Uske baad mere ko uska phone aaya tha ke uss aadmi ki biwi ka accident hogya hai mujhe uspe nazar rakhni hai ke woh ladki zinda hai yaa marr gayi hai aur yehi khabar mujhe usko deni hai. Toh maine usko boldiya tha ke woh ladki zinda hai.
Raghu: Sahab main toh humesha usse ek hi jagah pe milta tha jaha woh mujhe mera paisa deta tha aur dikhne mein thikk thakk hai lamba chouda banda hai sahab. Uske saath humesha ek budhha aadmi rehta tha dikhne mein toh dono baap bete lagte the.
Karan: Dekhega toh pehchan lega.
Raghu: Haa Sahab.
Karan: Inspector apne sketch artist ko bulao aur isse undono ka sketch banao aur uss jagah ka address lelo.
Inspector: Yes Sir.
Phir Karan waha se nikal jaata hai aur apne cabin mein aake baith jaata hai.
Karan: Iss Raghu ki baat se toh mera shak sahi horaha hai. Kahi iske pichhe woh Rajesh aur Ranjeet toh nhi. Bas ekbaar sketch banjaayega toh yeh bhi confirm hojayega.
Kuch der baad Inspector woh sketch leke andar aata hai.
Inspector: Sir Sketch taiyaar hai aur bahot hi shocking hai.
Karan: Kyaa wohdono hi hai.
Inspector: Yes Sir. Yeh dekhiye.
Karan woh sketch dekhta hai yoh uski aankhe gusse se laal hone lagti hai.
Karan: Woh address mila.
Inspector: Yes Sir.
Karan: Yeh address kya unn location mein se kisi ke saath match horaha hai kya jaha jaha woh gaadi gayi thi thi.
Inspector: Nhii Sir. Unn location ke aas paas ka bhi nhi hai. Iss jagah pe jyaada tar farmhouse hai aur kaafi shant ilaaka hai.
Karan: Thikk hai. Chalo chalte hai uss area mein.
Phir Karan uss address ki taraf nikal padhta hai.
Idher Raj apne office mein baitha kaam mein mann lagane ki koshish kar raha tha par uska dhyaan baar baar bhatak raha tha jo saamne baitha Yash dekh raha tha.
Yash: Kyaa baat hai Raj. Kyaa soch raha hai.
Raj: Sonal ke baare mein soch raha hu Yash. Sonal ki nazar mein meri image buri hogyi hai. Usko lagta hai meri harqate uss Vicky ki tarah hai. Iss wajah se woh mere se sahi se baat nhi karti aur isiliye main kuch dino se uske saamne bhi nhi jaaraha hu.
Yash: Sab thikk hojayegaa Raj. Aur agar tu uske saamne nhi jaayega usse baate nhi karega toh usko apne pyaar ka aihsaas kaise karwayega. Maan le uski yaadast aayi hi nhi toh kam se kam tumdono naye sire se toh apni zindagi jee sakte ho. Aisa samaj lo tumdono ki shaadi hui hi nhi hai aur tu usse pehli baar mil raha hai. Isiliye Sonal ke jyaada se jyaada paas reh uski nazar mein jo galat impression hai usko sahi mein badal. Usse phir se dosti kar pyaar kar.
Raj: Bol toh tu sahi raha hai. Main koshish karta hu.
Abhi koi kuch bolta ke tabhi Raj ke phone mein ek msg aata hai jisse padhte hi Raj ki aankho mein ek alag hi chamak aajati hai aur woh uth ke waha se jaane lagta hai.
Yash: Oyee kaha jaa raha hai.
Raj: Ek bahot jaruri kaam hai. Samaj le jisne meri Sonal ke saath yeh kiya hai woh kaha hosakta hai iska ek raasta mila hai.
Yash: Whattttt. Tujhe kaise pata chala. Aur sabse badi baat tujhe pata hai kisne kiya hai yeh kaam.
Raj: Mujhe exactly nhi pata. Maine bas tukka lagaya hai. Tu rukh main aata hu.
Yash: Main bhi chalta hu. Par pehle Karan bhaiyaa ko boldete hai.
Raj Karan ko phone lagate hue waha se nikalne lagta hai par Karan phone nhi utha raha tha.
Raj aur Yash bhi nikal padhte hai uss address ki taraf jo Raj ke mobile mein aaya tha.
Thodi hi der mein Raj aur Yash uss jagah pahonch jaate hai jaha ka address Raj ke mobile mein aaya thaa.
Yash: Abee main tujhe kab se puch raha hu tu batata kyo nhi. Tujhe kispe shak hai aur tujhe yaha ka address kisne diya.
Raj: Tu kuch der shant nhi reh sakta kyaa. Kab se bak bak kiye jaa raha hai. Ekbaar unhe pakad lu phir apne aap pata chal jayega.
Yash: Par tu yaha dhundega kaisee. Yaha toh kitne saare ghar hai.
Raj: Yeh tune ki kaam ki baat. Kuch toh sochna padegaa.
Abhi Yash kuch bolta tabhi usko waha ek gaadi aate hue dikhti hai.
Yash: Abee woh dekh ek gaadi aarahi hai.
Raj: Yehh toh bhaiyaa ki gaadi hai. Par woh yaha kaisee. Unhone toh mera call tak nhi uthaya.
Idher Karan jab Raj aur Yash ko waha dekhta hai toh woh bhi hairaan hojaata hai.
Karan: Tumdono yaha kyaa kar rahe ho.
Raj: Hum toh yaha ek jaruri kaam se aaye the par aap yaha kya kar rahe ho aur aapka phone kaha hai kab se try kar raha hu aap utha hi nhi rahe.
Karan: Aree main toh yaha tere kaam se hi aaya tha aur mera phone silent hai. Par kisliye call kar raha tha.
Raj: Mera kaam matlab. Aur main toh aapko yehi bulane ke liye call kar raha tha.
Karan: Matlabb.
Yash: Matlab yeh bhaiya ke isse pata nhi kaise yeh pata chala hai ke Sonal ka accident karne wala yaa karwane wala yaha chupaa hua hai aur yeh usse pakadne aaya hai.
Karan Yash ki baat sunke shock hojaata hai.
Karan: Tujhe kaise pata chala woh kaun hai aur yaha chupaa hua hai.
Yash: Main bhi kab se ye puche jaa raha hu par yeh batata hi nhi.
Raj: Woh bhaiya mujhe ek jan pe shak tha. Aur kuch din pehle hi meri mulakat ek detective se hui thi toh maine usko uss aadmi ke baare mein sabkuch pata lagane ko kaha tha. Toh abhi usne mujhe msg karke yaha ka address diya.
Karan: Aur tujhe kispe shak hai.
Raj: Ranjeet pe. Kyoki usne pehle bhi mere upar jaanleva humla kiya hai toh hosakta hai issbaar usne Sonal pe attack kardiya.
Karan: Hosakta hai nhi. Usi ne kiya hai. Kal raat tera pichha karne wala aadmi pakda gaya tha aur aaj subah usko 2 dande maare toh sab kuch boldiya hai aur usne dono baap bete ka sketch bhi banwa diya tha aur usine humhe yaha ka address diya hai.
Par mujhe ek baat samaj nhi aarahi hai jisse hum police wale itne time se nhi khoj paaye usse tere iss detective ne kaise khoj nikala.
Raj: Bhaiya actually iss detective ne Ranjeet ko ekbaar yaha tak apni gaadi mein lift di isiliye usko pata chala aur usne mujhe bata diya.
Karan: Toh chal chalke dekhte hai uss Ranjeet ko.
Yash: Par bhaiya itne saare ghar mein se kaunse ghar mein jaayenge.
Phir sablog Karan ke saath ek ghar ke paas aate hai.
Karan: Tumdono yehi ruko. Hosakta hai uske paas koi hatiyaar ho. Inspector apni position lo. Aur dekho ghar ke andar jaane ka koi dusra raasta hai kyaa.
Inspector aur Hawaldaar ghar ke charo taraf faill jaate hai aur achhi tarah se check karte hai toh unhe pichhe ki taraf se ek darwaza dikhta hai.
Inspector ishare se bolta Karan ko yeh baat bolta hai. Toh Karan uss taraf jaata hai.
Karan: Ek kaam karo 2 hawaldaar yaha ruko agar woh yaha se bhaagne ki koshish kare toh unhe pakadlena.
Phir sab aage ke darwaaze ki taraf jaate hai.
Karan: Hawaldaar(Jo Civil dress mein tha) bell bajao aur dekho wohlog hi hai yaa nhi.
Hawaldaar bell bajata hai toh kuch der baad ek aadmi gate kholta hai.
Aadmi: Ji kahiyee.
Aadmi ki awaaz sunte hi Karan bahar aata hai toh dekhta hai yeh koi aur aadmi hai.
Woh aadmi police dekhte hi thoda ghabra jaata hai.
Aadmi: Jii sahab kahiyee. Kyaa hua hai.
Karan: Aadmi ko pakadte hue. Inspector pure ghar ki achhe se talashi lo. Aur dekho woh dono kamine kaha hai.
Inspector hawaldaar ke saath jhatt se andar ghusta hai aur ghar ko achhe se check karne lagta hai.
Karan: Ghar mein aur kaun kaun hai.
Aadmi: Sahab ghar mein aur koi nhi hai. Main iss ghar ka caretaker hu. Yaha main aur meri biwi rehte hai jo market gayi hai.
Karan: Sach sach bata warna tu bhi jail ke andar jaayega.
Aadmi: Sahab main kyo jhoot bolunga. Agar aapko yakeen nhi hai toh aap dekh lijiye.
Tabhi Inspector bahar aata hai aur bolta hai sir yaha koi nhi hai. Pura ghar khaali hai sirf ek kamre mein kuch kapde hai aur kitchen mein thoda khaane ka samaan hai.
Aadmi: Main sach keh raha hu Sahab. Yaha sirf main aur meri biwi hi rehte hai jo iss ghar ki dekhbhal karte hai.
Karan: Yeh ghar kiska hai aur yaha ka maalik kaha hai.
Aadmi: Sir yeh ghar Sharma Sahab ka hai aur woh toh london mein rehte hai 6 months mein 1 baar aate hau family ke saath.
Raj: Par bhaiyaa uss aadmi ne yeh ghar aur mere detective ne toh yehi area bola tha.
Karan: Yehi toh samaj nhi aaraha hai. Shayad uss aadmi ne mujhe jhoothi khabar di hai. Phir Karan Rajesh aur Ranjeet ki photo uss aadmi ko dikhata hai aur puchta hai.
Karan: Kyaa inndono ko yaha kabhi dekha hai pichle kuch mahino mein yaa dino mein.
Woh aadmi uss photo ko dhyaan se dekhta hai phir bolta hai.
Aadmi: Haa sahab. Iss budhhe aur iss jawaan ladke ko maine inn kuch dino mein bahot baar dekha hai yaha. 2-3 baar toh iss ghar ke aaspaas bhi ghumte hue dekha hai. Maine ekbaar pucha bhi tha toh bola tha isko iss area mein ek ghar lena hai toh wohi dekh raha hai.
Phir Karan Raghu ka photo dikhata hai aur puchta hai isko dekha hai.
Aadmi thikk se dekha hai aur bolta hai haa sahb 1-2 baar inn dono ke saath isko bhi dekha hai.
Inspector: Matlab sir woh Raghu sach bol raha tha. Ranjeet ne usko jaanmuzz ke yeh ghar dikhaya hoga jisse agar Raghu kabhi pakda jaaye toh humhe ghumra kar sake. Aur Raj ji ke detective ne jo iss Ranjeet ko lift di thi woh bhi sach hi hai.
Karan: Hmmm. Saale ne bahot hi chalaki se issbaar yeh sab kiya hai. Usko pata tha hum kaise bhi karke usske baare mein pata laga lenge.
Yash: Bhaiyaa hum toh wapas ghum fhirr ke phir se wahi aagaye jaha se start kiya tha.
Raj: Nhii Yashh. Pehle humhe pata nhi tha yeh sab kisne kiya hai par ab humhe pata hai.
Karan: Haa Yash. Aur abhi bhi humare paas ek option hai unn tak pahonchne kaa.
Dono: Kaun sa option.
Karan ekbaar uss aadmi ko dekhta hai aur phir waha se wapas apne car ki taraf aata hai aur waha bolta hai.
Karan: Inspector uss aurat ke baare mein kyaa pata chala. Kab uski rihaai horahi hai. Uska Beta aur Pati usko apne paas jarur bulayenge aur tabhi saalon ko pakdenge.
Inspector: Sir kal hi uski rihaai hai.
Karan: Greattt. Ek kaam karo uske pichhe ek lady constable ko uske pichhe laga do civil dress mein. Aur usko boldena ek pal ke liye bhi woh uski nazro se ojhall naa ho paaye. Kal unn saalon ko pakad ke rahenge.
Inspector: Yes Sirr.
Karan: Raj Yash ab tumdono jaao. Main bhi nikalta hu.
Phir sab waha se nikal jaate hai.
Raat ko jab Raj ghar aata hai toh woh dekhta hai aaj Sonal apne kamre mein naa hoke bahar hall mein sabke saath baithi hui hai.
Sonal ko aise sabke saath baat karte dekh kar Raj ko achha lagta hai. Woh wahi khada Sonal ko haste muskurate dekh raha tha tabhi Smita bolti hai.
Smita: Aree Raj aagaya. Waha kyo khada hai.
Smita ki awaaz sunke Sonal darwaaze ki taraf dekhti hai toh usko waha Raj khada dikhata hai. Itne dino baad Raj ko dekh kar Sonal ko ek ajeeb si khushi milti hai par woh iss khushi ka matlab samaj nhi paati. Par iss khushi ke saath saath usko thoda dukhh bhi hota hai uske behaviour ko leke.
Sonal: Mann mein. Aaj itne dino baad Raj mere saamne aaye hai. Aaj toh inse maafi maang hi lungi jisse mere dil mein jo guilt hai woh durr hojayega. Warna yeh guilt mujhe chainn se jeene nhi de raha hai.
Idher Sonal Raj ko dekh kar yeh soch rahi thi udher Raj Sonal ki taraf dekh bhi nhi raha tha jisse Sonal ko thoda bura lagta hai par filhal woh iss chiz ko ignore kardeti hai.
Nandini: Raj jaldi se jao fresh hojao. Dinner ready hai.
Raj: Ji bhabhi.
Phir Raj apne kamre mein chala jaata hai aur Sonal usko jaate hue dekhte rehti hai.
Thodi der baad Raj fresh hoke nichhe aata hai aur dinner karne baith jaata hai aur chup chaap dinner karne lagta hai. Par itne waqt mein usne ekbaar bhi Sonal ki taraf naahi dekha tha aur naahi usse baat karne ki koshish ki thi. Jo Sonal ko lag rhaa tha uske dil mein ek anjaana sa dard paida kar rahi thi jisko woh samaj nhi parahi thi. Par asal baat toh yeh thi ke jabse Raj ghar aaya tha woh mauka milte hi Sonal ko mann bharr ke dekh leta tha aur Sonal ki nazar uspe parti uske pehle hi apni nazre hata leta tha.
Dinner khatam hojaane ke baad Raj hall mein baith jaata hai aur Sonal ko bina pata chale usko dekh raha tha. Thodi der baad Sonal bhi apni wheelchair jo ab woh khud hi chala paa rahi thi usko leke Raj ke paas aajati hai.
Sonal waha baith baith Raj ke akele hone ka intezaar kar rahi thi aur kuch der mein hi Raj waha akela baitha rehta hai.
Sonal: Rajjjj.
Raj Sonal ki awaaz sunke uski taraf dekhta hai toh paata hai Sonal nazre nichhe kiye hue thi.
Raj: Haa bolo.
Sonal: Woh actually mujhe aapse kuch kehna tha.
Raj: Haa bolo.
Sonal: Wohh actually woh main aapse woh kehna chahti thi ke woh...
Raj: Kyaa huaa bolo.
Sonal: Ek gehri saans leke. Woh actually I Am Sorry. Mujhe aapke saath waisa behave nhi karna chahiye tha. Maine aapko galat samaj liya jabki aap meri madad hi kar rahe the. Please mujhe maaf kardijiye. Uss din ke aad mere dil mein ek bahot bada guilt tha ke maine aapko galat samajha jiske baad se main aajtak chain se nhi reh paayi.
Itna sabkuch Sonal ek hi saans mein boldeti hai aur Raj usko bas dekhte reh jaata hai.
Kuch der tak jab Raj ka koi reply nhi aata toh Sonal nazre uthake dekhti hai toh paati Raj usko hi dekhe jaa raha hai.
Sonal: Rajjjj. Rajjjj.
Raj: Haaa. Haaa main sunn raha hu.
Sonal: I Am Sorry.
Raj: Muskurate hue. Tumhe Sorry kehne ki koi jarurat hai. Main samaj sakta hu tumne jaanmuzz ke mujhe wohsab nhi kaha hoga.
Sonal: Actually. Aapne sahi kaha. Meri soch kisi ki wajah se aisi hogyi hai. Woh actually Jaipur mein ek ladka hai Vicky. Jo by mistake papa ka business friend ka beta hai jo mujhe hardin ghurta rehta hai touch karne ke bahane khojta rehta hai. Jiski wajah se mujhe laga aap bhi waise hi hai isiliye maine aapko woh sab boldiya. Once again I Am Sorry.
Raj: Koi baat nhi. Par meri baat maano toh aise ladko ke baare mein apne ghar mein bata dena chahiye kyoki aise ladke mentally disturb hote hai kab kyaa kar jaaye kisi ko pata nhi chalta.
Sonal: Hmm aap sahi keh rahe hai. Par ab shayad aisa kuch nhi hoga. Kyoki main piche 9 mahine se coma mein thi aur Mumbai mein hu toh ab shayad woh mujhe bhul gaya hoga.
Raj: Haa yeh bhi hai. Waisee ab tumhari tabiyat kaisi hai. Sir mein dard nhi hota naa.
Sonal: Tabiyat bilkul thik hai. Bas ek baar yeh pairr thikk hojaaye toh wapas apne ghar chali jaungi.
Raj yeh sunke thoda udaas hojaata hai ke Sonal wapas Jaipur jaana chahti hai.
Raj: Hmm achhi baat hai. Toh aage ka kyaa socha hai.
Sonal: Socha hai Interior design mein masters karu aur phir ek achha sa start up open karu jaha ghar ka interior achhe se design kar saku. Par confuse hu ke kaha se karu.
Raj: Achha hai. Waise tumne jo socha hai woh bahot achha hai aur meri nazar mein ek bahot achha college bhi hai jaha se tum apna master complete karsakti ho.
Sonal: Achhha kaha pe.
Raj: Woh yehi Mumbai mein hai. Tum chaho toh yaha se apni padhai karsakti ho uske baad yaha pe tumhe apne start up ke liye achhe achhe projects bhi mil jaayenge.
Sonal: Thank You. Par yaha mumbai mein akele rehna possible nhi. Aur mummy papa nhi manenge.
Raj: Maine bas idea diya hai. Ab tum dekhlo kyaa karna hai.
Sonal: Okk Good Nightttt.
Raj: Good Nightt.
Phir Sonal waha se apne kamre mein chali jaati hai aur Raj wahi baitha kuch sochne lagta hai.
Tabhi waha Deepak aata hai.
Deepak: Kyaa hua kyaa soch rahe ho Raj beta.
Raj: Sonal ko yaha Mumbai mein rehne ka ek idea toh diya hai par darr hai kahi woh inkaar naa karde.
Deepak: Kyaa idea diya hai.
Raj: Sonal confuse hai masters kaha se karee. Toh maine usko yaha mumbai se karne ke liye idea diya hai. Par woh darr rahi hai gharwalo se itna durr rehne se. Aur kahi usko Jaipur mein hi koi achha college mil gaya toh woh yaha se chali jaayegi.
Deepak: Tum chinta mat karo. Sonal ko jaipur mein koi achha college nhi milega woh yehi rahegi tumlogo ke saath.
Raj: Woh kaisee.
Deepak: Woh main dekhlunga. Tum chinta mat karo. Jaao jaake so jaao.
Raj bhi bina kuch bole waha se chala jaata hai.
Thodi der baad Deepak Sonal ke kamre mein aata hai.
Deepak: Sonal.
Sonal: Papa aap aaiye naa.
Deepak: Kyaa kar rahi ho.
Sonal: Kuch nhi papa. Aap bataiye.
Deepak: Beta main puchna chahta tha ke tumne aage ko leke kya socha hai.
Sonal: Maine interior design mein hi masters karne ka socha hai. Par confuse hu kaha se karu.
Deepak: Maine itne mahino mein yaha tumhare liye ek achha college dekha hai. Agar tum chaho toh yaha se kar sakti ho. Woh college bahot achha hai.
Sonal: Par papa ghar se itni durr akele kaise rahungi main.
Deepak: Akeli kaha ho beta. Tum yehi Kapoor House mein rehna.
Sonal: Nhi papa yeh achha nhi lagta. Aur phir 1-2 din ke liye toh rehna nhi hai pure 2 saal ke liye rehna hai. Itne din kisi ke ghar mein rehna achha nhi lagta.
Deepak: Woh sab main dekh lunga. Tum bolo kyaa tum yaha padhna chahti ho. Koi force nhi hai bilkul tumhari marzi hai.
Sonal: Main soch ke bataungi papa.
Deepak: Tum aaram se socho. Koi jaldi nhi hai. Good Night.
Sonal: Good Night Papa.
Phir Deepak waha se chala jaata hai aur Sonal Deepak ki baato ko sochne lagti hai. Aur thodi der baad kuch faisla karke woh sone ke liye dheere dheere bed mein aati hai aur aaram se so jaati hai.
Agle din subah sab dining table mein nashta kar rahe the aur issbaar inke saath Sonal bhi thi. Sablog naashta kar rahe the tabhi Karan ko ek call aata hai.
Karan: Haa Bolo.
Saamne se koi kuch bolta hai.
Karan: Thikk hai main abhi aata hu. Yeh bol call cut kardeta hai aur bolta hai. Rajjj chall jaldi.
Raj: Jii bhaiya.
Phir dono aadha naashta karke hi jaldi se jikal jaate hai. Karan ko nikalte dekh unko ajeeb nhi lagta hai par Karan ke saath Raj ko nikalte dekh sabko ajeeb lagta hai.
Vijay: Nandini.
Nandini: Jii Papa.
Vijay: Beta Karan ka toh samaj aata hai par woh Raj ko apne saath kyo le gaya.
Thodi der mein jab dono police station pahonchte hai toh dekhte hai Ranjeet ki Maa jiska naam Reshma hai uski rihai hochuki hai.
Raj aur Karan gaadi se utar ke uske saamne se andar jaate hai aur woh dono ko gusse se ghurr ke dekh rahi thi par filhal woh koi panga nhi karna chahti thi isiliye chup hi rahi.
Karan: Inspector saari taiyaari hochuki hai.
Inspector: Haa Sir. Ek lady constable civil dress mein ready hai.
Karan: Good. Usko bol do ek pal ke liye bhi isko apne nazro se durr naa karee. Aur sambhal ke rahee.
Inspector: Yes Sir.
Phir woh inspector waha se chala jaata hai.
Idher Reshma police station se nikal ke waha se ek taxi karti hai aur nikal padhti hai apni manzil ki taraf aur uske pichhe pichhe woh lady inspector bhi jaarahi thi.
Takreeban 1 ghante ke baad Reshma taxi ko ek ghar ke bahar rokhti hai. Jo ki aisi jagah mein tha jaha bahot kam log hi rehte the.
Reshma taxi se utar ke charo taraf nazar ghuma ke dekhti hai jab usse yakeen hojaata hai ke koi uske pichhe nhi hai toh woh uss ghar ke darwaaze pe aake bell bajati hai.
Bell bajane ke kuch der baad ek aadmi darwaza kholta hai aur woh Reshm ko dekh kar khush hojaata hai.
Aadmi: Aakhir kaar aayi hi gayi tum.
Reshma: Woh toh aana hi tha. Ab jaldi se andar chalo. Agar kisi ne dekh liya toh musibat hojayegi.
Phir dono ghar ke andar chale jaate hai.
Lady Constable apni location Inspector ko bhej deti hai phir usko call karti hai.
Lady Constable: Sir maine aapko location bhej di hai. Rajesh ko maine dekha hai. Umeed hai Ranjeet bhi andar hi hogaa. Aaplog jaldi se aajaiye.
Inspector: Thikk hai tum waha pe hi raho aur nazar rakho hum thodi der mein aate hai.
Lady Constable: Yes Sir.
Phir Inspector Karan ke paas aata hai.
Inspector: Sir unka pata chal gaya hai. Humhe jaldi nikalna chahiye.
Karan: Greatt jaldi chalo. Aur woh arrest warrant bhi sang le lo.
Inspector: Yess Sir.
Phir Karan aur Raj nikal padhte hai uss location ki taraf. Inspector bhi kuch hawaldaar leke nikal padhta hai.
1 ghante ke baad woh log uss location pe pahonch jaate hai.
Karan: Kaha hai woh log.
Lady Constable: Sirr uss ghar mein hai.
Karan: Thikk hai. Inspector uss ghar ko gherr lo. Aaj woh bachh ke jaana nhi chahiye.
Inspector: Yes Sir.
Phir Inspector Hawaldaar ke saath ghar ko charo taraf se gherr leta hai. Aur Karan ko ishara karta hai.
Karan: Tum(Lady Constable) bell bajao.
Lady Constable bell bajati hai toh thodi der baad Reshma darwaaza kholti hai.
Reshma: Aap kaun aur kisse milna hai.
Lady Constable: Main teri saas. Tujhe sasuraal le jaane aayi hu.
Reshma: Matlab.
Karan: Matlab main samjhata hu.
Reshma Karan ko dekh kar darr jaati hai aur chillane hi wali hoti hai tabhi lady constable usko pakad leti hai aur uske muh ko band kardeti hai.
Karan: Agar chillane ki koshish karegi toh yehi thokk dunga. Phir Karan sabko leke andar aata hai toh dekhta hai Rajesh aur Ranjeet hall mein baithe baate kar rahe hai.
Karan: Karle jitni baate karni hai. Aajke baad tum dono baat karne toh kya kuch bhi karne ki halat mein nhi rahoge.
Rajesh aur Ranjeet Karan Raj aur baaki police walo ko dekh kar darr jaate aur pichhe ke raaste se bhaagne ki koshish karte hai. Jaise hi pichhe ka darwaaza kholte hai police unko pakad leti hai aur ghaseet ke unko andar leke aati hai.
Karan: Bahot bhaag liya aur bahot karli apni manmaani ab marte dum tak sadte rehna jail mein.
Ranjeet: Choro mujhee. Maine kaha choro mujheee.
Raj jo gusse se Ranjeet ko dekhe jaa raha tha woh ishare se hawaldaar ko bolta hai Ranjeet ko chor dene ko.
Jaise hi Hawaldaar Ranjeet ko chorta hai Raj Ranjeet ke seene mein ek laat maarta hai jisse woh durr jaake girta hai.
Raj: Tujhe aaj main nhi chorunga. Tune meri masoom si Sonal ko maarne ki koshish ki. Aaj tujhe yehi zinda gaar dunga. Yeh bol woh Ranjeet ke paas jaake usko maarne lagta hai. Kabhi laat kabhi ghushe usko andhadhun maarne lagta hai.
Raj apna saara gussa Ranjeet ke upar nikalta hai. Ranjeet ki halat kharab hochuki thi. Uske pure chehre se khoon beh raha tha.
Karan jaake Raj ko rokhta hai.
Karan: Bas kar Raj bas kar. Mar jaayega woh. Aur mat maar.
Raj: Mujhe chorr do bhaiyaa. Jaan le lunga main iski. Isne meri Sonal ko maarne ki koshish ki hai. Maardungaa isse main aaj.
Karan: Nhii Rajj. Yeh kaam tera nhi hai. Chorr de usse. Tujhe teri Sonal ki kasam chorr de usse.
Sonal ki kasam sunte hi Raj shant hojaata hai aur Karan ko dekhta hai.
Karan: Shant hojaa mere bhai. Isne jo kiya uski saza isse mil ke rahegi. Par gusse mein tu koi aisa kaam naa kar jisee tere pichhe Choti Mummy Sonal aur hum sab ko dukhh ho.
Karan ki baat sunke Raj puri tarah shant hojaata hai. Phir Karan adhmaare Ranjeet ko uthata hai aur usko ek thappad khinch ke maarta hai jisse woh wapas jaake nichhe girta hai.
Karan: Inspector arrest karo isse.
Inspector aake Ranjeet ko uthata hai aur uske haath mein hatkari lagata hai aur iss dauran Raj usko ghuree jaa raha tha.
Phir Karan aur Raj aage chalne lagte hai. Idher Inspector Ranjeet ko le jaane lagta hai. Par tabhi Ranjeet apni puri chalaki se Inspector se uski gun chinn ke usko dhakka de deta hai aur gun ko Raj ke upar point kardeta hai.
Ranjeet: Rajjjjjjj.
Sablog pichhe ghumm ke dekhte hai toh shock hojaate hai. Karan bhi apni gun nikal ke Ranjeet ke upar point kardeta hai.
Karan: Ranjeet gunn fhekk de. Tu chahe kuch bhi karle par tu bachega nhiii.
Ranjeet: Abeee chuppp. Mujhe pata hai main marunga. Par main akele nhi marunga. Mere sabse bade dushman iss Raj Kapoor ke leke marungaa.
Karan: Ranjeet main bol raha hu gun fhekk dee. Warna yehi tujhe thokk dungaa.
Ranjeet: Gun tu fhekk Karan. Warna tera bhai toh marega hi saath main tu bhi maregaa. Sunaa hai teri haseen biwi ne bete ko janam diya hai. Bechera iss umar hi anaath hogaa. Yeh bol hasne lagta hai.
Ranjeet: Rajjj. Tune mere har kaam mein apni taang adaayi. Main jiss project ko paana chahta usse tu chinn leta. Teri uss kamsin behen se thodi baat kyaa karli tune bharee bazaar mein meri beizaati ki. Tujhe tere parivaar ke saamne beizaat karne ki koshish ki par tere iss bhai ne tujhe bacha liya aur humsab ko jail meim daal diya.
Teri hi shaadi mein tujhe maarne ki koshish ki par tu bachh gaya. Phir baari aayi teri biwi ki. Manna padega badi haseen aur kamsin hai. Par saali woh bhi bachh gayi. Par aaj nhi aaj tujhe maar ke apna badla lunga.
Raj: Ranjeet tune apni gandi jabaan se meri biwi ke baare mein bolke apne din pure karliye. Aaj tu yehi maregaa.
Ranjeet: Jorr jorr se hasta hua. Mujhe pata hai main marunga. Par tujhe maarne ke baad. Yeh bol ek nazar sab pe ghumta hai aur goli chala deta hai.
Par idher ek nhi do goli chalti hai. Ek Ranjeet ke gun se aur dusri Karan ke gun se. Par chikhh sirf 1 jan ki nikalti hai.
Karan goli chalane ke baad Raj ki taraf dekhta hai toh shock hojaata hai. Kyoki waha Reshma apne pet mein haath diye khadi thi jisme se khoon bahe jaaraha tha aur uske aankho mein aansu the. Aur Raj woh side mein khada hua tha. Aur idher Ranjeet khoon mein lathpath zameen pe giraa hua tha aur uske seene se khoon bahe jaaraha tha.
Udher Rajesh jo kabse Hawaldaar ki giraft mein khada tha woh apni aankho ke saamne apni patni aur bete ki aisi halat dekh kar apna maansik santulan khoo baithta hai aur behosh hojaata hai.
Karan: Inspector jaldi se indono ko hospital leke jaao.
Inspector aake check karta hai paata hai Ranjeet marr chuka hai kyoki goli uske seene mein lagi thi.
Inspector: Sir yeh marr chuka hai. Goli seene mein lagi hai.
Karan: Whattttt. Aur yeh Reshma.
Lady Constable: Sir saanse chal rahi hai.
Karan: Jaldi se isko hospital leke jaao.
Phir Inspector Reshma aur Rajesh ko hospital bhejj deta hai.
Karan jaldi se Raj ke paas jaata hai aur usko gale laga leta hai.
Karan: Rajjj tu thikk hai. Tujhe kuch hua toh nhii naa.
Raj: Haa bhaiyaa main bilkul thikk hu.
Karan: Par yeh Reshma kaha se beeche mein aagayi.
Raj: Bhaiya jaise hi Ranjeet goli chalata hai main bachne ke side hojaata hu. Par mujhe nhi pata tha ke Reshma thikk mere pichhe hi khadi hai. Toh mere side hote hi goli Reshma ko jaa lagi.
Karan: Aur jaise hi usne tere upar goli chalayi maine bhi uspe goli chala di.
Raj: Par bhaiya woh marr gaya.
Karan: Tu tension mat le. Main sambhal lungaa. Tu ab aaram se apne office jaa. Main yaha dekh lungaa.
Raj: Sach na bhaiya koi problem nhi hai naa.
Karan: Nhii bhaii koi problem nhi hai. Tu aaram se jaa.
Raj bhi chup chaap waha se nikal jaata hai. Aur idher Karan Ranjeet ki laash ko dekhta rehta hai.
Inspector: Sirrr.
Karan: Hmm.
Inspector: Unko hospital bhej diya hai.
Karan: Hmmm. Ek ambulance bulao aur iski laash bhi bhijwao.
Inspector: Maine bula liya hai sir bas aati hi hogi.
Karan: Hmm.
Thodi der mein ambulance aajati hai aur Ranjeet ki laash ko leke waha se chali jaati hai. Phir Karan bhi waha se sidha hospital chal jata hai.
Karan: Doctor woh aurat kaisi hai ab.
Doctor: I Am Sorry. Par unhone raaste mein hi dum tod diya tha.
Karan: Whatttttt.
Doctor: Haaa. Woh already bahot kamzor thi. Aur phir goli lagne se khoon thoda jyaada beh gaya tha jiske wajah se unhone raaste mein apna dumm tod diya tha.
Karan: Aur woh aadmi.
Doctor: Shock ki wajah se apna dimaagi santulan khoo baithe hai.
Karan: Oooookkkkk.
Doctor: Aap inke parivaar walo ko bula lijiye.
Karan: Doctor yeh sab criminals hai. Aur pura parivaar yehi hospital mein hi hai jisme sirf ab woh aadmi bachha hai.
Doctor: Toh inki laash ka kyaa karna hai.
Karan: Aaplog inka kiryakaram kardijiyega. Aur uss aadmi ka kyaa karna hai.
Doctor: Usko toh mental asylum mein rakhna hoga.
Karan: Thikk hai. Toh kuch der mein hi mental asylum ke aadmi aake usko le jaayenge.
Doctor: Thikk hai.
Phir doctor waha se chala jaata hai.
Karan: Inspector kisi mental asylum mein call karke iska intezaam kar dena.
Inspector: Okk Sir.
Phir Karan aur Inspector bhi waha se nikal jaate hai.
Idher Raj waha se nikal ke sidha apne office aata hai jaha Yash uska kabse wait kar raha tha.
Yash: Achha hua saala marr gaya. Ab kabhi bhi tere ya Sonal ya kisi aur ke saath kuch nhi kar payega.
Raj: Hmmm.
Phir dono apna apna kaam karne lagte hai.
Raat ko dinner ke baad jab sab apne kamre mein chale jaate hai toh Sonal apne maa baap ke paas jaati hai.
Sonal: Mummy Papa.
Mummy: Sonalll. Tum yaha. Tumne kyo takleef ki beta. Abhi bhi tumhare pairr thikk nhi hue hai. Koi kaam tha toh humhe bula liya hota.
Sonal: Abhi main thikk hu Mummy. Woh mujhe kuch baat karni thi.
Deepak: Haa beta bolo kyaa baat karni hai.
Sonal: Woh aaplog mujhse kitne time se durrr ho.
Sonal ke sawaal pe pehle dono ekdusre ko dekhte hai phir bolte hai.
Dono: Hum samjhe nhi tum kyaa kehna chahti ho.
Sonal: Main kehna chahti hu ke main agar aaplogo se 2 saal durr rahu toh chalega.
Dono: Matlabbbb.
Sonal: Woh papa aapne pucha thaa naa ke main masters ke liye yaha pe college karna chahti hu yaa nhi.
Deepak: Haaa.
Sonal: Toh aapne mere liye jab yaha pe college choose kiya hi toh kuch soch ke hi kiya hoga. Toh main aapki baat nhi talungi. Agar aaplogo ko koi problem naa ho toh main yaha mumbai se hi masters karungi.
Dono Sonal ki baat sunke bahot khush hote hai par woh khushi dikhate nhi hai.
Meera: Sonal kyaa tum yeh apne mann se bol rahi ho.
Sonal: Mummy Papa ne mere liye jo bhi socha hai woh achha hi socha hoga. Papa ne jab mere liye yaha ke college ko choose kiya hai toh main yehi aage ki padhai karungi.
Deepak: Thikk hai toh main subah hi yaha pe baat karta hu. Par tum yaha pe rehlogi naa.
Sonal: Haa Papa. Yehlog bahot achhe hai. Yeh kuch dino mein innhone mera bahot khayal rakha hai. Ragini Chachi aur Smita Chachi mujhe Mummy jaisa pyaar deti hai. Bhabhi ek badi behen ki tarah mera khayal rakhti hai Aarav Chote bhai ke jaisa mujhe hasata hai mujhe bore nhi hone deta.
Aisa lagta hi nhi hai ke main innlogo se kuch din pehle mili hu. Balki mujhe toh lagta hai main innlogo ko bahot din se janti hu.
Meera: Tab toh achhi baat hai. Ab tum jao aur jaake so jao. Hum kal subah hi baat karenge.
Sonal: Good Night.
Dono: Good Night.
Phir Sonal waha se apne kamre mein aajati hai aur so jaati hai.
Meera: Sonal toh yaha rehne ke liye maan gayi hai.
Deepak: Haa. Achha hua. Warna hum soch rahe the usko kaise manayenge.
