Agle din naashte ke baad Deepak sabse bolta hai.
Deepak: Woh mujhe kuch bolna hai.
Vijay: Haa bolo naa kyaa bolna hai.
Deepak: Woh maine Sonal se kuch waqt pehle pucha tha ke woh aage kya karna chahti hai. Toh usne mujhe bola tha woh masters karna chahti hai. Toh maine usse bola ke Jaipur mein koi achha college nhi hai aur agar woh chahe toh yaha mumbai se apno padhai puri kar sakti hai. Toh Sonal ne kal haa kardi hai.
Deepak ki baat sunke sabke chehre mein ek khushi aajati hai. Sabse jyaada toh Raj ke chehre pe thi. Aur uski khushi chupaaye nhi chupp rahi thi. Uski aankho mein khushi ke aansu tak aagaye the.
Deepak: Toh agar aaplogo ko koi problem naa ho toh kyaa Sonal yaha rehke apni padhai puri kar sakti hai.
Savitri: Aree yeh Sonal ka ghar hai. Woh jitne din chahe yaha reh sakti hai. Woh aaram se yaha rehke apni padhai puri kar sakti hai aur uske yaha rehne se humhe bahot khushi hogi.
Deepak: Thikk toh main uske college ka dekhta hu. Yeh baat usne Raj ko dekhte hue kahi thi. Jo indirectly Raj ko bata raha tha ke ab ek achha sa college dhundhna hoga.
Sonal: Par main aisi halat mein kaise jaungi.
Aarav: Didi abhi college mein time hai. Abhi yaha exams chal rahe hai. Aur tab tak toh aapke paurr thikk hojayenge.
Swati: Aur ek kaam kar tab tak tu apne revisions karle baithe baithe.
Sonal: Hmmm. Par meri books.
Deepak: Uski chinta tum mat karo. Woh ghar se aajayenge. Saath hi tumhara samaan bhi aajayega.
Sonal: Jii.
Meera: Sonal ab tum apne kamre mein jaao aur jaake apni dawaiyan leke aaram karo.
Sonal: Jii.
Phir Sonal waha se chali jaati hai. Sonal ke jaate hi sablog Raj ki taraf dekhte hai.
Smita: Raj ab kyaa karega. Ab toh Sonal bhi yaha rukhne ke liye maan gayi hai. College ka kyaa karna hai.
Ragini: Aur college mein Sonal ka dhyaan kaun rakhega. Pehle toh Payal aur Ishita thi aur Aarav bhi tha.
Aarav: Issbaar bhi main hi karunga badi mummy. Bhabhi ko colllege Raj bhaiya chorr denge aur lene jaane ki jimmedaari meri jaise pehle thi.
Raj: Nhii. Tu ab office jaayega.
Aarav: Par bhaiya phir bhabhi.
Raj: Teri bhabhi ka main dekhlunga. Aur tu bhi aayega office aur waha Yash ke saath saara kaam sikh.
Nandini: Raj kyaa chal raha hai tumhare dimaag mein.
Raj: Abhi tak confuse hu bhabhi. Par jo soch raha hu agar woh kaam kiya toh Sonal college mein akeli nhi rahegi.
Sab: Matlabbb.
Raj: Kuch kaam karne hai woh hojaaye phir bata dunga.
Phir Raj waha sablogo ko confusion mein chorke office ke liye nikal jaata hai.
Aarav: Yeh bhaiyaa abhi yaha kyaa bolke gaye. Kuch samaj nhi aaya.
Savitri: Usne bola hai toh kuch soch ke hi bola hoga. Tumlog itna mat socho.
Phir sablog bhi apne apne kaam mein lag jaate hai.
Raj office mein apne cabin mein baitha bahot derr se kuch soche jaaraha tha. Tabhi waha Yash aata hai.
Aadmi Yash ko ghurr ke dekhta hai toh Yash wahi chup hojaata hai.
Yash: Sir yeh yaha ek jaruri kaam se aaya hai.
Aadmi: Hmm. Haa Raj bolo kyaa kaam thaa.
Raj: Mujhe ek help chahiye.
Aadmi: Kyaa baat hai sab thikk hai naa.
Phir Raj uss aadmi ko kuch baate batata hai aur usse woh bhi batata hai jiske liye woh yaha aaya tha.
Yash aur woh Aadmi Raj ki baat sunke usko shock hoke dekhta hai aur samajne ki koshish karta hai jo Raj ne usse bola woh practical hai bhi yaa nhi.
Aadmi: Tum jaante ho tum kyaa bol rahe ho.
Yash: Haa Raj. Tu jo bol raha hai woh soch samaj ke bol raha hai naa.
Raj: Haa main jo bol raha hu soch samaj ke bol raha hu. Maine bahot sochne aur samajne ke baad hi yeh faisla kiya hai.
Aadmi: Per Raj yeh possible nhi hai.
Raj: Bilkul possible hai. Agar aap chahe toh. Aur phir aap hi bolte the naa ke mujhe yeh kaam karna chahiye isme mujhse achha aapki nazar mein koi nhi.
Aadmi: Woh main aaj bhi bolta hu. Tumhari success dekh kar main aaj bhi kehta hu isme tumse achha meri nazar mein koi nhi.
Raj: Toh pleasee meri help kardijiye.
Aadmi: Mujhe thoda time chahiye Raj. Mujhe issbaare mein sochna thoda sochna hoga.
Raj: Thikk hai. Aap mujhe soch ke bataiye. Umeed hai aapka jawaab haa hoga. Ab hum chalte hai.
Phir dono waha se nikal jaate hai.
Yash: Tu kya pagal hogya hai. Yeh andar abhi tune kyaa kiya.
Raj: Yehi ek raasta hai Yash.
Yash: Par yeh karke hogaa kya. Kyaa yeh karne se sabkuch thik hojayega.
Raj: Mujhe pata hai yeh karne se sabkuch thik nhi hoga. Par kuch toh thikk hoga.
Yash: Aur waha kyaa hogaa.
Raj: Uske baare mein bhi soch liya hai. Uske liye tu hai naa.
Yash: Aree you serious.
Raj: Haaa. Aur phir jab meri jarurat padegi main rahunga waha pe.
Yash: Tune ghar mein baat ki.
Raj: Aaj raat mein karunga.
Yash: Dekhle kyaa karega. Par mujhe nhi lagta isse kuch hoga.
Raat ko jab Raj ghar aata hai toh dekhta hai waha sab hai sivaay Deepak ke. Kyoki woh 2 din ke liye Jaipur chala gaya hai.
Raj: Papa Bade Papa mujhe aaplogo se kuch baat karni hai.
Vijay: Haa bolo.
Raj: Akele mein.
Ashok: Kyaa baat hai Raj.
Raj: Thodi jaruri hai.
Vijay: Hmm. Thik hai. Tum pehle khaa lo phir baat karte hai.
Phir Vijay Ashok aur Raj teeno ghar ke bahar garden mein aajate hai aur tahelte hue baat karne lagte hai.
Vijay: Haaa Raj bolo kyaa baat hai.
Raj: Woh actually maine ek faisla kiya hai.
Ashok: Kaisa faisla.
Phir Raj unndono ko saari baat batata hai aur woh baat bhi batata jo usne subah uss aadmi se ki thi.
Dono Raj ki baat sunke hairaani se Raj ko dekhte rehte hai. Unhe bhi samaj nhi aaraha tha ke woh Raj ko kyaa bole.
Ashok: Raj tum jo bol rahe ho soch samaj ke bol rahe ho naa.
Raj: Haa papa maim jo bhi bol raha hu woh soch samaj ke bol raha hu. Maine bahot soch vichaar karke yeh faisla liya hai.
Vijay: Par yeh karne se kuch hogaa.
Raj: Bade Papa iski koi surety nhi hai ke sab thik hojayega. Par yeh karne se sab kuch naye jaisa hosakta hai.
Vijay: Aur agar nhi hua toh.
Raj: Chup chaap baithe rehne se toh yehi achha hai naa. Aur agar meri kismat ne chaha aur mera pyaar sachha hai toh ekdin jaisa socha hai waisa hojayega.
Ashok: Unhone kyaa kaha.
Raj: Unhone kaha hai soch ke batayenge. Aaplog kyaa kehte hai.
Ashok aur Vijay kuch der sochte hai aur har pehlu pe nazar ghumate hai phir bolte hai.
Dono: Thikk hai jaisa socha hai waisa karo. Hum tumhare saath hai. Bas humhe humara parivaar wapas se pehle jaisa chahiye.
Raj: Thank You. Aur main puri koshish karunga.
Dono: Isme koshish nhi. Apni puri jaan laga do.
Raj: Jiiii.
Dono: Ab chalo chalke so jaao.
Phir teeno andar aajate hai jaha hall mein hi sablog baithe hue the.
Savitri: Hogyi baap bete mein baat.
Raj: Haa Dadi hogyi.
Ragini: Aisi bhi kyaa khaash baat ki jara humhe bhi batao.
Raj: Ek kaam baaki hai woh hojaaye phir bata dunga. Nhi toh aap bade papa se puch lijiyega woh shanti se sab bata denge.
Nandini: Raj tum aisa kyaa kar rahe ho.
Raj: Bas hai kuch khaash. Chaliye Good Night. Aur Aarav kal se office.
Aarav: Jii Bhaiya.
Phir Raj apne kamre mein chala jaata hai par jaane ke pehle ek baar achhe se Sonal ko dekh leta hai.
Nandini: Woh kuch nhi. Raj ke office ka ek kaam hai bas usi ke baare mein baat horahi hai.
Sonal: Oooo.
Phir Raj Aarav ke saath apne office nikal jaata hai aur baaki sab apne kaam mein lag jaate hai.
Raj office mein apna kaam kar raha tha tabhi uske paas ek call aata hai.
Raj: Hello.
Saamne se woh aadmi jisse Raj milne gaya tha woh bolta hai.
Aadmi: Raj.
Raj: Jii boliye. Kyaa socha aapne.
Aadmi: Kya tum sach mein yeh karna chahte ho.
Raj: Jiii.
Aadmi: Toh kabse aana chahte ho.
Raj: Khushi se. Matlab aap maan gaye.
Aadmi: Aree tumne pehli baar mujhse koi help maangi hai aur yeh mere liye itni bhi koi badi baat nhi hai.
Raj: Thank You Thank You Thank You so much.
Aadmi: Par ek shart hai.
Raj: Kaisi shart.
Aadmi: Tumhe jo bhi diya jaayega tum woh chup chaap loge. Bhale hi tum apne personal kaam ke liye aarahe ho.
Raj: Par...
Aadmi: Koi par war nhi. Agar manjurr hai toh bolo.
Raj: Thikk hai jaisi aapki marzi.
Phir dono ke beech thodi baate hoti hai jisme woh dono har chiz discuss karlete hai. Aur phone cut hojaata hai.
Yash: Toh tujhe permission mil gayi.
Raj: Haaa.
Yash: Achhi baat hai.
Phir dono apna apna kaam karne lagte hai.
Aise hi 20 din guzar jaate hai. Inn 20 dino mein Sonal ka pairr thikk hochuka tha aur woh pehle ki tarah chalne phirne lagi thi.
Raj ne Sonal ka admission ek college mein karwa diya tha. Par yaha bhi Ishita aur Payal ne apni dosti nibhayi aur Sonal ke saath uske college mein hi admission liya. Dono ka hi bachelor degree hogya tha isiliye dono ne hi master degree ke liye apply kiya. Sonal aur Ishita ne Interior Designing se masters mein aur Payal M.Tech mein. Aarav ab roj office jaata aur thoda bahot kaam bhi karta.
Swati bhi pregnent hogyi thi woh bahot khush thi aur uske liye bhi sab bahot khush the sabse jyaada toh Yash khush tha. Par Swati ko ek baat ka dukh tha ke woh apni iss khushi ke baare mein Sonal ko nhi bata paayi.
Udher Rajesh ne apni biwi aur bete ki maut ke sadme mein mental asylum mein hi suicide karliya tha apne haath ki nas kaat ke.
Deepak Meera aur Samar wapas Jaipur chale gaye the. Kyoki unka ab koi kaam nhi tha Sonal ab thikk thi aur apna college phir se start karne wali thi naye tarike se. Swati bhi Jaipur ka bolke apne ghar aagayi thi. Jaha pe ab woh sirf aur sirf aaram karti thi.
Sonal ke college start hone ke ek din pehle woh apni saari taiyaari kar rahi thi. Tabhi Nandini uske kamre mein aati hai.
Nandini: Kyaa kar rahi ho Sonal.
Sonal: Bas kal college ka pehla din hai toh usi ki taiyaari kar rahi hu.
Nandini: Hmm. Waise tumhe pata hai humlogo ne bhi isi college se apni padhai ki hai.
Sonal: Achhaaaa. Yaani main aaplogo ke college mein jaa rahi hu. Yaani ek tarah se aap meri senior hui.
Nandini: Bilkul. Waha tumhe bahot achha lagega.
Sonal: Toh aap mujhe uss college ke baare mein waha ke teachers ke baare mein kuch bataiye naa.
Nandini: Uss College ke baare mein kyaa hi kehna. Uss college ke wajah se hi toh aaj main aur Karan saath hai wahi humari mulakat hui phir dosti hui aur kab yeh dosti pyaar mein badal gayi pata hi nhi chala. Aur aaj dekho wohi pyaar ki nishani hai humdono ka Kartik.
Waha tumhe shayad Raju bhai milenge. Humare time woh waha peon the. College mein kisi bhi tarah ki help ki jarurat ho toh sidha unse contact karna woh karwa denge.
Waha tumhe shayad professor Kumar milenge. Jo nature se bahot friendly hai par agar ekbaar tum unke radar mein aagayi toh woh bahot strict hai.
Aise hi woh Yash inke radar mein aagaya tha kyoki usne galti se inki gaadi jisse woh apna beta maante the usse thokk diya tha jiske baad unhone iska jeena mushkil kardiya tha. Hardin class meim sabse pehle Yash ki taang khinchte phir aage ki class karwate.
Sonal: Aapki baate sunke toh mera mann aur bhi jyaada exicted hogaya hai. Ab toh mujhse kal ka intezaar bhi nhi horaha hai.
Nandini: Waise tumhe yaha achha toh lag raha hai naa. Koi problem toh nhi hai naa.
Sonal: Nhi bhabhi mujhe yaha achha lag raha hai. Bas kabhi kabhi aisa lagta hai jaise main iss ghar mein pehle bhi aachuki hu. Aur Raj ka jo kamra hai uss kamre ko dekh kar aisa lagta hai jaise main uss kamre ke kone kone se waakif hu. Woh kamra mujhe bilkul apna sa lagta hai.
Nandini: Mann mein. Tumhara kamra tumhe apna sa hi lagega naa. Aur uss kamre ke kone kone se waakif kyo nhi hogi tum aakhir tumne uss kamre ko ek time mein apne haatho se sazaya tha.
Sonal: Kyaa hua bhabhi aap kyaa sochne lagi.
Nandini: Aah kuch nhi. Woh bas tumhara ek weham hoga. Achha tum apne bag ko achhe se pack karlo. Main chalti hu Kartik uth gaya hogaa.
Yeh bol Nandini waha se chali jaati hai.
Sonal bhi apna kaam khatam karke padhne baith jaati hai.
Raat ko Smita Raj ko bolti hai.
Smita: Raj.
Raj: Jiii.
Smita: Kal se Sonal ko college le jaane aur le aane ki jimmedaari tumhari.
Sonal: Aree iski koi jarurat nhi hai. Unhe pareshani hogi phir unka office bhi toh hai. Main akele chali jaungi.
Smita: Bilkul jarurat hai. Tum iss jagah ko thik se jaanti tak nhi ho. Aur abhi kuch din pehle hi tum bed rest se uthi ho aise mein akele kisliye jaana. Aur tum Raj ke office ki bilkul bhi tension mat lo. Iska office samaj lo wahi hai.
Sonal: Matlab.
Smita: Matlab tumhe kal samaj aajayega. Ab tum yeh sab choro aur kal se padhai start horahi hai toh uspe dhyaan do.
Agle din subah Sonal jaldi se uth ke naha ke apne college ke liye taiyaar hojaati hai aur kamre ke bahar aajati hai.
Nandini: Good Morning.
Sonal: Good Morning.
Nandini: So ready for the college.
Sonal: Yess.
Nandini: Dhyaan se jaana aur koi bhi problem ho toh Raj se boldena.
Sonal: Par woh waha thodi naa honge.
Nandini: Tum college jaao sab samaj jaogi.
Sonal wahi khadi sochne lagti hai.
Phir sab dining table mein baithke nashta karne lagte hai. Raj ki nazar baar baar Sonal ke upar jaarahi thi aur usse Sonal ke college ka pehla din yaad aaraha tha.
Thodi der baad sabka nashta complete hojaata hai toh Raj bolta hai.
Raj: Sonal.
Sonal: Jii.
Raj: Chale.
Sonal: Ji chaliye.
Smita: Raj dhyaan rakhna.
Raj: Jiii.
Phir dono nikal padhte hai college ki taraf.
Raaste mein Sonal Raj se puchti hai.
Sonal: Raj.
Raj: Hmm.
Sonal: Ek baat puchu.
Sonal ki baat sunke Raj ko hasi aajati hai.
Sonal: Kyaa hua aap has kyo rahe hai.
Raj: Woh tumhari baat sunke mujhe kuch yaad aagaya. Koi tha jo humesha koi bhi baat bolne ke pehle mujhse permission jarur leta hai. Bas wohi yaad karke hasi aagayi.
Sonal: Achhaa. Kaun tha woh.
Raj: Sonal ki taraf dekh kar. Tha koi bahot khaash. Par meri badkismati usko ab yeh sab yaad nhi hai.
Sonal: Matlabbb.
Raj: Aah kuch nhi choro. Tum bolo kyaa puchna tha.
Sonal: Woh aap kaam kyaa karte hai.
Raj: Kyo shaadi karni hai. Yeh bol woh Sonal ki taraf dekhta hai.
Raj ki baat sunn Sonal ko pata nhi kyaa hota hai woh ekdum se kisi soch mein chali jaati hai aur phir achanak se dard se chillane lagti hai.
Sonal ki chikh sunn ke Raj ko tension hojaati hai aur woh side mein gaadi rokk deta hai.
Raj: Sonal Sonal kyaa huaa. Tum thikk ho naa.
Sonal: Aahh meraa sirr pata nhi achanak se dukhne laga.
Raj: Ghabrate hue. Tumne apni dawaiyan li.
Sonal: Haa li thi.
Raj: Ek kam karo. Apne sir dard ki dawai wapas se lo. Aur wapas ghar chalo.
Sonal: Nhiii. Main thikk hu. Ghar wapas jaane ki jarurat nhi hai.
Raj: Are you suree.
Sonal: Haaa main thikk hu.
Phir bhi Raj ko tension horahi thi par woh control karke gaadi chalane lagta hai.
Thodi der baad Sonal bolti hai.
Sonal: Aapne thodi der pehle kyaa kaha tha.
Raj: Woh toh maine aise hi mazaak kiya tha. Bura laga ho toh I am Sorry.
Sonal: Koi baat nhi. Par agli baar dhyaan rakhiyegaa.
Raj: Hmmm.
Sonal: Waise aapne bola nhi aap kya kaam karte hai.
Raj: Aaj khud dekh lena. Yeh bol car rokh deta hai.
Sonal: Yeh car kyo rokh di.
Raj: Tumhe college jaana tha naa. Toh tumhara college aagaya.
Sonal: Ooo. Thank You.
Raj: Hmmm. Chalo.
Sonal: Aap kaha jaa rahe hai.
Raj: Woh mujhe yaha ke principal se thoda kaam hai. Aur phir yeh mera bhi college hai toh thoda sabse mil bhi leta hu.
Sonal: Ookkk.
Phir dono car se utar se andar jaane lagte hai toh achanak se beech mein hi Payal aur Ishita aajati hai.
Payal aur Ishita: Good Morning.
Raj aur Sonal: Good Morning.
Raj: College ghumm liya.
Dono: Aapko kaise pata.
Raj: Bas tumdono ke rag rag se waakif hu.
Dono hasne lagti hai.
Raj: Tum dono Sonal ko bhi college ghumao. Main principal sir se mil leta hu.
Dono: Thikk hai. Chaliye didi.
Phir dono Sonal ko leke apne raaste le jaate hai. Tabhi Raj Payal ko bulata hai.
Raj: Payal sunna jara.
Payal: Raj ke paas aate hue. Jii bhaiya boliye.
Raj: Sonal ka dhyaan rakhna. Abhi raaste mein achanak uske sir mein dard horaha tha.
Payal: Aap bilkul chinta mat kijiye. Humdono bhabhi ka achhe se dhyaan rakhenge.
Raj: Hmmm. Agar koi problem ho toh mujhe bula lena.
Payal: Jiii.
Phir Raj principal ke office chala jaata hi aur Payal Ishita aue Sonal ke paas.
Ishita aur Payal Sonal ko college ghumane lagti hai aur thodi der baad teeno canteen mein aake baith jaate hai.
Ishita: Didi aapko pata hai Ishant Bhaiya Yash Bhaiya Raj Bhaiya Karan Bhaiya Nandini Bhabhi Shruti bhabhi sabhi nhi issi college se padhai ki hai.
Sonal: Haaa kal hi mujhe bhabhi ne bataya tha. Aur ab humlog bhi isi college se padhenge.
Payal: Waise Raj bhaiya bata rahe the raaste mein aapke sir mein dard horaha tha.
Ishita: Whattt. Toh didi aap aayi kyo. Aaj rest karleti. Abhi kuch din pehle hi toh aapki tabiyat thik hui hai.
Sonal: Aree main thikk hu. Pata nhi kyo achanak se sir dard karne laga. Aur Raj ne meri chugli kardi tumhare saamne. Yeh sab achhi baat nhi. Mere peet pichhe meri baate karna.
Payal: Areee nhii didi. Unhe bas aapki fikar thi isiliye unhone mujhe bas aapka khayal rakhne ke liye bola tha aap galat samaj rahi ho.
Sonal: Phir bhi unhe aisa nhi karna chahiye.
Abhi koi kuch bolta tabhi pure college mein ek announcement hota hai.
All the students gathered at the assembly hall immediately. I repeat All the Students gathered at the assembly hall immediately.
Announcement hote hi saare students assembly hall ki taraf jaane lagte hai.
Ishita: Yeh pehle din hi assembly hall mein kyaa kaam hai.
Sonal: Chalo chalke dekhte hai. Hosakta hai welcome karne ke liye bulaya ho.
Phir yeh teeno bhi baaki sabke saath assembly hall ki taraf jaane lagte hai.
Thodi der mein pura assembly hall students se bharti padha tha. Saamne stage ke upar saare teachers khade the. Aur sablog kuch na kuch baate kar rahe the.
Tabhi stage mein lage podium ke upar principal aate hai aur bolna start karte hai.
Principal: Good Morning to all of you my dear students.
Saare student saamne se Good Morning wish karte hai jisse woh hall kaanp uthta hai.
Principal: I am Professor Kumar the Principal of this college and I welcoming all of you.
Principal ka naam sunke Sonal ko Nandini ki baat yaad aati hai aur woh dheere se bolti hai.
Sonal: Dheere se. Oo toh yeh hai professor Kumar. Par ab toh yeh principal bangaye hai.
Principal: Ab aapsab ko yaha bulane ka main reason. Pichle kuch time se humare mein jo koi Accounts ka teacher nhi hai. Jiski mujhe complaint bhi mili hai. Toh aaj aapsab ki woh problem solve hogyi hai. Iss saal se aapsabko aapka naya Accounts teacher milne wala hai.
Principal ki baat sunke bahot saare students khush hojaate hai aur saath hi kuch students udaas hojaate hai kyoki teacher ke nahi rehne se woh period free hojaata tha par ab waisa nhi hoga.
Principal: So with a big round of applause please Welcome Mr. Raj Kapoor your new Accounts Teacher.
Principal ki baat sunke pure hall mein taaliyan bajne lagti hai par Sonal ke shock ki koi seema nhi thi. Usko apne kaano mein yakeen nhi horaha tha ke usne jo suna kkyaa woh sahi suna.
Principal ke bolne ke baad stage mein Raj aajata hai. Raj ko dekh kar Sonal ki aankhe hairaani se badi hojaati hai.
Sonal: Yeh Raj yaha kyaa kar rahe hai.
Ishita aur Payal: Kaisa laga surprise.
Sonal: Surprise. Matlab tumlogo ko pata tha. Isiliye woh aaj College mein aaye aur principal se milne gaye.
Dono: Haste hue. Haa humhe pata tha. Infact humhe kal hi bola gaya tha. (Jhooth). Toh humne socha kyona aapko surprise diya jaaye.
Sonal kuch nhi bolti bas saamne stage ki taraf dekhne lagti hai.
Raj: Thank You all of you and specially principal sir jinhone mujhe iss kaabil samjha ke main yaha padha saku.
Principal: Students Raj ne isi college se apni padhai puri ki hai aur yeh apni batch ke college topper the.
Principal ki baat sunke sab ekbaar phir se taali bajane lagte hai aur issbaar Sonal bhi taali bajati hai.
Principal: Raj aaj se aap sabki Accounts classes lenge aur aajse yeh Accounts Department ke HOD honge. Aur ab aapsab apni apni classes mein jaa sakte hai. Kuch der mein aapki classes start hongi. Thank you.
Phir saare students apni apni classes mein chale jaate hai.
Saare teachers Raj ke paas aake usko welcome karte hai aur thoda hii hello bhi karte hai.
Raj: Thank You Sir. Aapne meri bahot madad ki.
Professor Kumar: Raj. Isme Thank You ki koi jarurat nhi hai. Ab tum jao aur apna department sambhalo.
Raj: Jii Sir.
Phir Raj waha se apne cabin mein aajata hai.
Idher Sonal aur Ishita apne class mein aur Payal apne class mein chali jaati hai.
Ishita: Toh didi kaisa laga surprise.
Sonal: Bahot jorr ka laga. Mujhe laga nhi tha Raj ek professor hai. Isiliye ghar mein bhabhi bol rahi college mein koi bhi problem ho toh unhe bolne.
Ishita: Jiii. Aur ab unhe Raj nhi Sir kahiye. Yaha woh humare teacher hai.
Sonal: Hmmm.
Thodi der baad class mein teacher ki entry hoti hai.
Teacher: Good Morning Students.
Sab: Good Morning Sir.
Teacher: Tum sab mera naam toh jaan hi gaye hoge. Par main aur ekbaar apna intro de deta hu. Mera naam Raj hai. Aur main aaj se tum sab ko Accounts padhaunga.
Sab: Yes Sir.
Raj: So aaj tum sab ka first day hai. Saath hi mera bhi first day hai. Toh hum aaj ke din ki suruaat intro se karte hai. Ab tumlog ek ek karke apna intro do.
Phir saare students ek ek karke apna intro dena start karte hai. Jab Ishita aur Sonal ka turn aata hai toh Raj unki taraf hi dekhta rehta hai.
Ishita ko Raj ke saamne apna intro dete waqt thodi hasi aarahi thi par woh control karti hai. Same Raj ka bhi yehi haal tha.
Dheere dheere sabka intro hojaata hai.
Raj: Greattt. Aaj ka time toh lagbhag khatam hone ko hai. Toh padhai kal se hi start hogi. Par main tumlogo se ek baat clear deta hu. Mujhe meri class mein kisi bhi tarah ka koi disturbance nhi chahiye. Agar kuch samaj nhi aaraha hai toh baar baar pucho.
Par bina matlab ka mera aur mere class ka time waste nhi karna. Meri class achhi nhi lag rahi toh chup chaap baithe raho. Attendance apne time pe mil jayega.
Par phir bhi kuchlog hote hai jo apni harqato se baaj nhi aate toh unke liye main itna hi kahunga ke unn kuchlogo ki wajah se agar baaki students jo padhna chahte hai unko problem hua tumhare Internal ke marks mere haath mein hai. Aur higher authority ko handle karna mere baaye haath ka khel hai. Is that clearrr.
Sab: Yes Sir.
Raj: Good. Aur iss baat ka dhyaan rakhna. Aur yeh mat samajna yeh naya hai kuch din uchalega phir chup hojayega.
Phir class ki bell baj jaati hai aur Raj bahar chala jaata hai.
Raj ke bahar jaane ke baad kuch students Raj ke attitude achha laga toh kuch students ko woh pasand nhi aaya khaash kar last mein bole gaye baat ko leke.
Ishita: Mujhe nhi laga tha yeh itne strict honge. Mujhe laga tha mera accounts aaram se nikal jaayega.
Sonal: Tum soch rahi thi yeh ghar ke hai toh help kardenge right.
Ishita: Haa maine toh yehi socha tha. Par inka attitude dekh kar toh mujhe yakeen hogya hai yeh ulta meri jyaada band bajayenge .
Sonal Ishita ki baat sunke hasne lagti hai.
Idher unke aas paas baithi kuch ladkiyan bhi Raj ko leke hi baat kar rahi thi.
Ladki 1: Haayee kitna handsome banda hai. Kya attitude hai kyaa style hai bilkul boyfriend material hai yeh.
Ladki 2: Aree boyfriend nhi yeh toh husband material hai. Agar yeh haa kare toh abhi inse shaadi karlu.
Ladki 3: Bilkul bas inki koi girlfriend naa ho.
Ladki 4: Haaa sahi kaha. Warna inke style aur attitude pe toh naa jaane kitni ladkiyan mar miti hongi.
Sonal aur Ishita unki baate sunn rahe the. Jaha Ishita ko unki baate sunke hasi aarahi thi wahi Sonal ko naajaane kyo unki baate achhi nhi lag rahi thi.
Ishita: Mann mein. Bechari ladkiyan. Yeh nhi jaanti yeh jinke sapne dekh rahi hai woh toh kisi aur ke hochuke hai woh bhi bahot pehle. Aur yaha bhi unke unke liye hi aaye hai.
Sonal: Mann mein. Yeh ladkiyan yaha padhne aati hai yaa apne teacher pe line maarne aati hai. Aur yeh Raj ko bhi kyaa jarurat hai itna smart banke aane ki. Par main yehsab kyo soch rahi hu. Unki life woh jaane main kyo yeh sab soch rahi hu.
Ishita: Kyaa hua didi kyaa soch rahi ho.
Sonal: Aah kuch nhi. Lagta hai yaha tere bhaiya ki bahot si deewaaniyan banne wali hai. Apne bhaiya ko bolna thoda bach ke rahe.
Ishita: Mann mein. Par woh toh aapke deewane hai bhabhi.
Sonal: Ab tum kyaa sochne lagi.
Ishita: Kuch nhi. Bas aapki kahi hui baat hi soch rahi thi.
Abhi yehlog baate kar hi rahe the dusre teacher aajate hai aur woh bhi sabse sabka intro leke thoda padhate hai.
Aise hi recess tak teachers aate hai aur intro leke thoda padha ke nikal jaate hai.
Payal: Bas thoda bahot intro hua. Raj bhaiya bhi aaye the class lene. Kyaa superb attitude thaa unka. Mujhe nhi laga tha padhai ko leke woh itne strict hai.
Ishita: Sahi kaha yaar. Maine toh kal hi soch liya tha Accounts padhne ki jarurat nhi padhegi Raj bhaiya dekh lenge. Par ab lag raha hai woh mere se jyaada mehnat karwayenge.
Payal: Same maine bhi yehi socha tha. Aur tere akele se nhi main bhi line mein hu.
Sonal: Tumdono yehi toh galti kar rahe ho. Samajlo agar unki jagah koi aur hota aur woh anjaan hota tab toh tumhe hi padhna padhta na. Toh waisa hi samajlo naa.
Dono: Tab bhi shayad jyaada nhi padhna padhta.
Sonal: Woh kaise.
Dono Sonal ko dekh kar sararat bhari smile karne lagti hai. Sonal dono ki smile ka matlab samaj jaati hai.
Phir teeno baith ke apna lunch karne lagte hai. Tabhi waha kuch seniors aajate hai aur intro ke naam pe ragging karne lagte hai.
Ishita: Dheere se. Woh dekho seniors. Intro ke naam pe ragging.
Sonal: Apna lunch karo. Unpe jyaada dhyaan mat do.
Dono: Hmmm.
Tabhi unn seniors mein se ek ladke ki nazar inpe padhti hai.
Ishita jab dekhti hai ke woh ladke unke paas hi aarahe hai toh woh chupke se Raj ko ek msg karti hai aur likhti hai. Bhaiya Canteen Senior Ragging Help.
Ladka 1: Hiii girls. Can we sit here.
Sonal: Sorry bhaiyaa. Par kyaa aaplog dusri jagah baith jaayenge.
Sonal ke aise uss ladke ko bhaiya bolne se uske dost hasne lagte hai saath hi Ishita aur Payal ki bhi hasi nikal jaati hai.
Ladka 2: Kyaa baat hai. Khubsoorati ke saath dimaag bhi hai. Beauty with brains. Bahot kam dekhne ko milta hai. Chalo ab jaldi se apna intro dena start karo.
Payal: Kyo aap koi professor ho jo hum aapko intro de.
Ladka 3: Lagta hai seniors se baat karne ki tameez nhi hai. Intro toh dena padega.
Sonal: Hum intro dena jaruri nhi samajte. Humhe jaha intro dena tha hum de chuke hai. Agar humara intro janna hai toh jaake professor se pucho woh bata denge.
Ladka 1: Bahot bolti hai. Lagta hai ab inko batana padega asli intro kisse kehte hai.
Tabhi pichhe se awaaz aati hai Jara mujhe bhi batao. Jara main bhi jaanu ke asli intro kisse kehte hai.
Sab uss awaaz ki taraf dekhte hai toh ladko ke chehre ka rang udh jaata hai toh Ishita aur Payal ke chehre mein khushi aajati hai.
Ladka 1: Aree sir aap yaha.
Raj: Haaa main yaha. Kyo nhi aana chahiye thaa.
Ladka 2: Aree nhi sir kaisi baate kar rahe hai. Yeh toh aapka hi college hai.
Raj: Hmm. Haa toh tum(Ladka 1)mujhe batao asli intro kisse kehte hai. Jara mujhe bhi toh pata chale.
Ladka 1: Aree Sir main toh aise hi mazaak kar raha tha.
Raj: Yeh sab excuses kisi aur ke saamne jaake dena. Mere nhi. Tumlogo ki age cross kiye mujhe jyaada time nhi hua hai.
Ladka 2: Sorry Sir.
Raj: Intro lena hai toh kaaiyde se lo. Senior ho iska matlab yeh nhi ke uss position ka galat use karoge. Senior hone ka matlab hota hai Junior ki help karna unke saath apne experiences share karna naaki intro ke naam pe ragging karna.
Sab: We are sorry sir. Hum aage se aisa nhi karenge.
Raj: Hmm. Jaao jaake apna lunch karo.
Phir woh ladke waha se chale jaate hai. Par Raj ke waha pe aane se waha kuch students jama hogye the.
Ishita: Thank You bhaiya. I mean Sir.
Raj: Thikk hai.
Sonal: Waise aapko beech mein aane ki jarurat nhi hai. Hum students hai aur students ko unki problem khud hi solve karni chahiye.
Raj: I Know. Par mujhe bulaya gaya tabhi main aaya. Aur mujhe tumhara attitude pasand aaya aur tumhare sochne ka tareeka bhi.
Sonal: Aur kisne bulaya aapko.
Ishita: Sorry didi. Woh unlogo ko humari taraf aata dekh main darr gayi thi isiliye maine hi.....
Sonal: Ishita agar yeh yaha ke professor nhi hote tab tum kya karti. Tab tum khud unka saamna karti ki nhi. Yeh yaha hai iss baat ka faiyda mat uthao.
Ishita: Sorry Didi. Sorry Sir.
Raj: Koi baat nhi.
Sonal: Waise aapne lunch karliyaa.
Sonal ki baat sunn Raj ko woh dinn yaad aajate hai jab Sonal office mein call karke aise hi lunch ko leke pucha karti thi. Aur woh din yaad aate hi Raj ki aankho mein thodi nami aajati hai.
Raj: Nhi bas jaake karunga. Tumlog apna lunch karo. Main chalta hu. Yeh bol Raj waha se nikal jaata hai.
Phir yeh teeno bhi apna lunch karne lagte hai.
Idher Canteen mein baithe 4 jan bahot derr se inki taraf hi dekh raha the jabse woh ladke uski taraf aaye the.
Woh inke baat karne ke tarike se bahot impress hua thaa. Woh waha baithe hue inko dekhe jaa rahe thee.
Kuch der baad woh uthke innlogo ke paas aate hai.
Ladka 1: Hii I Am Vishal.
Ladki 1: And I am Neha.
Ladka 2: I am Varun.
Ladki 2: I am Soniya.
Teeno inn charo ko dekhte hai par kuch bolti hai.
Neha: Don't worry hum koi intro lene nhi aaye hai. Humara bhi 1st day hai aaj toh bas dosti karne aaye hai.
Payal: Hiii.
Soniya: Kya hum baith sakte hai.
Sonal: Yeah sure.
Phir charo inke saath baith jaate hai.
Varun: Waise I must say tumhare baat karne ka tareeka bahot kamaal hai. Tumne unn ladko se phir uss Sir se ekdum nidarr hoke baat ki.
Sonal: Thank You.
Neha: Waise tum teeno ne apna naam nahi bataya.
Ishita: Mera naam Ishita hai yeh Payal aur yeh Sonal didi.
Soniya: Hey humara naam kitna match karta hai Sonal Soniya. Lagta hai humari dosti achhi jamegi. So friends. Yeh bol Sonal ki taraf haath badha deti hai.
Sonal: Friends.
Phir baaki sab bhi ekdusre se haath milake friendship karte hai.
Varun: Waise tumsab kaunsa branch se ho.
Payal: Main M.Tech. Aur yeh dono Interior Designing.
Soniya: Greattt. Main Neha aur Varun bhi Interior Designing mein hai aur yeh Vishal M.Tech mein.
Ishita: Chalo achha hai. Waise tum charo kya ekdusre ko jaante ho.
Vishal: Haa humne saath mein hi apna graduation complete kiya hai toh hum 3 saal se ekdusre ko jaante hai. Aur shayd tum teen bhi ek dusre ko jante ho.
Payal: Yeahh hum ek dusre ke relatives hai.
Neha: Oo tabhi Ishita ne Sonal ko didi kaha.
Ishita: Haaa.
Sonal: Chalo chalte hai class ka time hogya hai.
Phir sab apne apne class ki tarah jaane lagte hai.
Vishal- Isko computer bahot pasand hai. Aisa keh sakte hai computer iska pehla pyaar hai. Saara din computer mein baitha coding karta rehta hai. Aur saath mein state level boxing champ hai. Yeh mann hi mann Neha se bahot pyaar karta hai par bol nhi paaya aajtak.
Neha- Isko designing ka bahot shauk hai isiliye isne apna career interior designing ke upar choose kiya. Swabhav se thodi shant ladki hai. Vishal ko sirf apna achha dost maanti hai usse jyaada kuch nhi.
Soniya: Yeh thodi chanchal behaviour ki ladki hai. Har waqt masti karna iski aadat hai par dil ki bahot saaf hai. Kisi ko jyaada der naraaz nhi hone deti. Varun se dil hi dil mein bahot pyaar karti hai par darti hai Varun inkaar naa karde isiliye usko bolti nhi hai.
Varun- Yeh thoda mazakiya kism ka ladka hai. Khel khud pasand hai. Jisme Cricket kuch jyaada hi pasand hai. Isiliye apne purane college ka ek bahot achha player tha. Padhai mein jyaada interest nhi hai. Maa baap ke gusse ke chalte padhai kar raha hai. Soniya ko apni best friend maanta hai usse jyaada kuch nhi.
Raaste mein Ishita puchti hai.
Ishita: Waise tumlogo ko recess ke pehle class mein nhi dekha.
Neha: Woh mera aur Soniya ka thoda documents verification ka kaam baaki tha isiliye hum class mein nhi aapaaye.
Ishita: Achha. Toh hogya naa sab.
Neha: Haa sab hogyaa.
Class mein aake Sonal aur Ishita apni jagah pe baith jaate hai. Par issbar inke agal bagal woh teeno bhi baithe hai.
Kuch der mein professor aate hai aur baaki sabki tarah intri leke padhane lagte hai.
Varun jisko innsab mein koi interest nhi tha woh class mein baithe baithe masti karne lagta hai. Soniya yeh dekhti hai toh usko gusse se ghurti hai aur padhai mein dhyaan lagane ko bolti hai.
Phir kuch der baad college over hojaata hai toh sab bahar niklne lagte hai.
Ishita: Didi aap kaise jaayengi.
Sonal: Raj ke saath hi jaana hai. Agar woh nhi jaa paaye toh auto ya Cab se chali jaungi.
Ishita: No way. Mere hote hue aap Cab ya auto se kyo jaayengi. Main hu naa main le chalungi.
Sonal: Canteen jaana tha kyoki Raj ne mujhe 10 mins ke baad bahar aane ko bola tha. Par waha pe unn charo se baat karne mein hi time nikal gaya isiliye ab waha jaake kuch nhi hoga.
Payal: Oooo.
Phir teeno bahar aake wait karne lagte hai thodi der mein hi Raj waha aajata hai.
Ishita: Good Afternoon Sir aap yaha kaisee.
Raj: Bas ghar jaa raha tha toh socha Sonal ko lift de du.
Ishita: Sirf inko kisliye.
Raj: Meri marzi. Sonal chale.
Sonal: Jiii.
Raj: Aur tumdono class mein padhai mein dhyaan dena. Agar kuch bhi garbar ki naa toh kadi se kadi punishment dungaa.
Dono masti masti mein bol toh gayi par baad meim unhe dhyaan aaya unhone kyaa boldiya.
Raj bhi unndono ke bhabhi bolne se darr jaata hai aur Sonal ko dekhta hai jo unn teeno ko hi ghurr rahi thi.
Sonal: Abhi tumdono ne kyaaa bola. Kisse complaint karoge.
Dono Raj ko dekhti hai toh Raj unko gusse se ghurr raha hota hai.
Sonal: Bolo abhi kya bola tumdono ne. Bhabhi se inki complaint karoge. Tumdono inhe bhaiya bolti ho matlab inki patni se complaint karoge. Matlab yeh shaadi sudha hai.
Raj Sonal ke sawaal ka kyaa jawaab de samaj nhi aaraha thaa.
Raj: Mann mein. Kyaa kismat hai meri. Meri patni hi mujhse puch rahi hai woh kaha hai.
Sonal: Tumdono bolo.
Raj: Sonal woh actually yeh dono....
Sonal: Hmm yehdono kyaa boliyee.
Ishita: Didi woh hum Raj bhaiya ki patni ki baad nhi kar rahe the. Hum Nandini bhabhi ki baat kar rahe hai. Inki toh abhi tak shaadi nhi hui hai.
Ishita ki baat sunke Raj ke jaan mein jaan aati hai.
Raj: Haaa yehdono bhabhi ki baat kar rahe the. Aur kaha tum meri shaadi ki baat leke baith gayi. Ab chalo bahot late hogya hai aur tumdono bhi ghar jao.
Dono: Jiii Bhaiyaa. Byee didi. Yeh bolo dono waha se jaldi se khisak leti hai.
Raj: Tum gaadi mein baitho main abhi aata hu.
Sonal: Kaha jaa rahe hai.
Raj: Parking mein shayad mera rumaal waha girr gaya. Tum baitho main abhi aata hu.
Sonal: Jiii.
Phir Raj waha se parking mein aata hai jaha Ishita aur Payal sir jhukaaye khadi thi.
Dono: Sorry Bhaiyaa. Humse galti hogyi. Hum flow flow mein Bhabhi ke saamne hi unhe bhabhi bol baithee.
Raj: Tum dono ke flow flow ke chalte aaj meri halat kharab hogyi thi. Yeh toh achha hai Sonal ne issbaare mein jyaada socha nhi warna phir uske sir mein dard hota.
Dono: We are Sorry bhaiyaa. Hum aisi galti phir nhi karenge. Hum aage se dhyaan rakhenge.
Raj: Hmm. Thikk hai. Ab aaram se ghar jao.
Phir woh dono waha se nikal jaati hai aur Raj bhi waha se nikal ke apni car ke paas aajata hai.
Raj: Toh chalee.
Sonal: Jiii.
Phir dono ghar ki taraf nikal padhte hai. Raaste mein Raj Sonal se puchta hai.
Raj: Toh kaise gaya pehla din.
Sonal: Achha thaa. Humare naye dost bhi bane.
Raj: Achhi baat hai.
Sonal: Aapka din kaisa raha.
Raj: Mera bhi din achha raha. Kuch purane teachers abhi bhi hai unse dobaara milke baat karke ek alag hi aihsaas mila.
Sonal: Ooo. Achha hai.
Raj: Waise tumlogo ke naye dost ke naam kyaa hai.
Sonal: Vishal Neha Soniya Varun. Vishal M.Tech mein hai aur baaki teen Mere aur Ishita ke saath hai.
Raj: Chalo achhi baat hai.
Sonal: Woh mujhe aapse ek baat kehni thi.
Raj: Hmm bolo.
Sonal: Woh main chahti hu ke College ke logo ko yeh naa pata chale ke humlog ekdusre ko jaante hai. Aur agar woh humhe aise saath dekhenge toh kuch na kuch baate banegi. Aap samaj rahe hai naa main kyaa bolrahi hu.
Raj: Hmm main samaj raha hu. Toh tum bolo main kyaa karu.
Sonal: Woh agar hum alag alag college aaye aur jaaye aur college mein Teacher Student jaisa hi behave kare toh achha hai.
Raj: Baaki sab thikk hai. Par tumhara akele aane jaane ke liye koi nhi maanega.
Sonal: Uske liye bhi maine kuch socha hai.
Raj: Aur woh kyaa.
Sonal: Hum ghar se saath niklenge. Aap mujhe college ke paas hi utar dena phir waha se main chalke aajaungi. Aur chutti ke baad wahi se wapas se saath chalenge. Isse kisi ko pata bhi nhi chalega.
Raj: Hmmm idea achha hai. Thik hai toh phir aisa hi karte hai.
Sonal: Jii. Yeh bol Sonal apne kamre mein jaane lagti hai toh Nandinj usko rokhti hai.
Nandini: Waha kaha jaarahi ho Sonal.
Sonal: Apne kamre mein bhabhi.
Nandini: Woh ab tumhara kamra nhi hai. Waha toh tum bas isiliye thi ke tumhe sidiyan na chadni padhe. Par ab tumhare pairr thikk hogaye hai isiliye tumhara samaan upar ke kamre mein shift kardiya gaya hai.
Sonal: Par iski kyaa jarurat thi bhabhi. Main yaha thikk thi.
Nandini: Woh kamra guest room hai Sonal. Aur tum koi guest nhi ho balki humari family member ho. Isiliye ab koi sawaal jawaab nhi. Chalo tumhe tumhara naya kamra dikha deti hu.
Sonal bhi chup chaap Nandini ke saath chali jaati hai.
Nandini: Yeh hai tumhara naya kamra. Aaj se tum yehi rahogi. Pasand aaya. Phir mann mein bolti hai. Jab tak tumhari yaadash wapas nhi aajati.
Sonal: Yeh kamraaaa.
Nandini: Kyaa hua pasand nhi aaya.
Sonal: Nhi aisi baat nhi hai. Kamra bahot achha hai. Par bahot jaana pehchana lag raha hai. Pata nhi kyo iss ghar ki harchiz har kona mujhe bahot jaana pehchana lagta hai.
Nandini: Mann mein. Aakhir jaana pehchana kyo nhi lagega Sonal. Yeh tumhara ghar hai. Tum iss ghar ki dusri bahu ho.
Sonal: Kyaa bhabhi kyaa sochne lagi aap.
Nandini: Aah. Kuch nhi. Tum woh sab mat socho. Tum bas ab apne padhai mein dhyaan do. Aur agar kisi chiz mein problem ho toh bagal wala kamra tumhare teacher ka hi hai. Kabhi bhi help le lena.
Sonal: Jii.
Nandini: Chalo ab jaldi se fresh hoke niche aajao aur lunch karlo. Yeh bol Nandini nichhe chali jaati hai.
Sonal kamre ko phir se dekhne lagti hai par apni soch ko durr kar fresh boke nichhe aake lunch karleti hai.
Raat ko sab Sonal se uske college ke baare mein puchte hai aur surprise ke baare mein bhi puchte hai.
Agle din as usual Sonal aur Raj college ke liye nikalte hai aur jaisa decide hua tha waise hi Raj Sonal ko college se thodi durr utaar deta hai.
Raj: Yaha se akeli jaa paogi toh.
Sonal: Haa main yaha se chali jaungi.
Raj: Thikk hai. Toh chutti ke baad yehi milte hai.
Sonal: Hmmm.
Yeh bol Sonal waha se chali jaati hai. Aur Raj usko jaate hue dekhte rehta hai.
Raj: Sonal umeed yehi karunga ke jald se jald tumhe sab yaad aajaye. Bahot akela feel kar raha hu. Pehle jab tum harwaqt mere saamne thi mere paas thi tab mujhe uski kadar nhi thi. Aur ab uske liye tadap raha hu.
Yeh sab sochte hue hi Raj college pahonch jaata hai.
Idher Sonal jab college mein enter karti hai toh waha baithe 2 ladke baate kar rahe the unn mein se ek ladke ki nazar Sonal padhti hai aur usko dekhte hi woh hosh khoo baithta hai.
Dusra ladka kal ragging karne wale group mein bhi tha.
Ladka 2: Bhai yeh aapke hi class mein hai. Kal aayi thi. Humlog gaye the iske paas par bahot attitude hai isme. Hum aage badhte tabhi beech mein woh naya accounts ka teacher aagaya
Ladka: Abe main pehle din college kya nhi aaya lagta hai bahot kuch hogyaa.
Ladka 2: Haa bhai.
Ladka: Naam kyaa hai iskaa.
Ladka 2: Pata nhi bhai. Naam pucha toh bola jaake professor se puchlo.
Ladka: Hmm. Hari mirchi. Shivam ko Hari mirchi bahot pasand hai. Chal be chalke thoda hii hello karte hai.
Yeh bol Shivam uss ladke ke saath Sonal ke pichhe pichhe Canteen mein chala jaata hai jaha Sonal apne group ke saath baithi baate kar rahi thi.
Shivam: Abee yaha toh ek se badh ke ek hai. Lagta hai iss saal saari pariyan yahi aagayi hai.
Ladka 2: Lagta toh yehi hai bhai.
Shivam: Hiii. I am Shivam.
Sab Shivam ko aise dekhte hai jaise koi ajooba dekh liya ho.
Vishal: Hmm bolo kyaa kaam hai.
Shivam: Kaam tumse nhi inse(Sonal) hai.
Sonal: Hairaani se. Haa boliye kyaa kaam hai.
Sonal ki awaaz sunte ji jaise Shivam ghayal hojaata hai.
Shivam: Tumse dosti karni hai.
Sonal: Not interested.
Shivam: Hmm attitude. I like it. Abhi interest nhi hai. Hosakta hai baad mein interest hojaaye. Yeh bol Sonal ko ghurne lagta hai.
Sonal: Chalo class ke liye late horaha hai.
Shivam: Excuse me. Main yaha tumse baat kar raha hu aur tum ignore kar rahi ho.
Sonal: Maine ek baar boldiya hai mujhe koi interest nhi hai toh kisliye baat kar rahe ho. Now please excuse me.
Yeh bol Sonal jaane lagti hai toh Shivam phir se beech mein aajata hai.
Varun: Dekh bhai apni yeh chichhori harqat band karde. Warna bekaar mein peet jaayega.
Shivam Varun ki baat sunn hasne lagta hai.
Shivam: Abee tu jaanta hai main kaun hu.
Vishal: Kyo tujhe nhi pata tu kaun hai. Toh jaake apne dimaag mein ilaaz karwaa. Aur aise akele naa ghuma kar kahi kisine kidnap karkiya toh.
Vishal ki baat sunke sab hasne lagte hai.
Shivam: Yaha naye ho isiliye mujhe nhi jaante. Mera naam Shivam hai Shivam. Iss college mein har koi jaanta hai mujhe aur mere boxing ko.
Boxing ka naam sunke Varun Neha Soniya aur Vishal thoda muskura deta hai.
Varun: Le bhai Vishal yeh tere liye aaya hai tu dekh hum chalte hai. Chalo sab.
Sonal: Dekho yaha bekaar mein tamasha mat karo. Warna mujhe majburan principal ko complain karna hoga.
Shivam: Tamasha toh tum kar rahi ho. Main tumse dosti karne aaya tha. Par tum toh apna attitude dikhane lagi.
Sonal: Aur main tumse dosti karna nhi chahti. Thats it
Shivam: Aur woh kisliye.
Sonal: Ajeeb hai. Tumhe lagta hai koi dimaagi problem hai tabhi baat samaj nhi aati.
Abhi koi kuch bolta tabhi pichhe se awaaz aati hai
What happened what's the problem?
Sab pichhe ghum ke dekhte hai toh waha principal khada tha.
Principal: Tumlog yaha kyaa kar rahe ho. Class mein kyo nhi ho.
Principal ko dekh kar Shivam aur uske saath aaye uss ladke ke paseene nikalne lagte hai.
Shivam: Kuch nhi sir. Hum toh bas Hi hello kar rahe the.
Soniya: Achha Sir ko dekhte hi baat palat di. Jabardasti ki dosti se sidha Hii Hello.
Soniya ki baat sunke Shivam ab darr jaata hai.
Principal: Jabardasti ki dosti. Matlabb
Varun: Matlab sir yeh college ka jaane maana student jisko yaha sab jaante hai aur saath hi iske boxing ko bhi yeh humari dost se jabardasti dosti karne ke pichhe padha hai jabki isne isko saaf mana kardiya tha. Aur ab humara raasta rokhe khada hai.
Principal: Haaa toh jara mujhe bhi batao kaun ho tum. Aur yaha college mein padhne aate ho yaa yeh chichhori harqate karne.
Shivam: Sorry Sir. Galti hogyi.
Principal: Don't say to me. Say to her and them. Aur agli baar aisi koi bhi complaint nhi aani chahiye.
Shivam: I am Sorry.
Principal: Now everyone go to your classes. And you be careful next time.
Phir sab apne apne class mein jaane lagte hai. Shivam innlogo ko gusse se ghurr ke dekh raha tha khaash kar Sonal Soniya aur Varun ko.
Shivam: Inhone mere khilaaf principal ko bola. Dekhlunga inhe.
Idher yehlog class mein jaate hue hasne lagte hai.
Varun: Uss Shivam ka chehra dekhne layak tha. Principal ke saamne kaise bhiggi billi ban gaya tha.
Soniya: Sahi kaha.
Ishita: Achha hua principal aagaye. Warna bekaar mein aur tamasha hota.
Varun: Aree kuch hota toh hum sambhal lete. Jab dosti ki hai toh dosti nibhayenge bhi.
Soniya: Waaah kyaa baat ki hai. Dil jeet liya tune mera.
Varun: Jo mere kisi kaam ka nhi. Yeh bol hasne lagta hai. Aur waha se bhaag jaata hai.
Varun ke saath baaki sablog bhi hasne lagte.
Soniya: Kyaa bola tu. Rukh tujhe abhi batati hu. Yeh bol Soniya bhi Varun ke pichhe bhaagne lagti hai.
Neha: Lo Yaha bhi inki nautanki start hogyi.
Sonal: Matlab.
Neha: Matlab yehdono harwaqt ekdusre se aisi hi ladte rehte hai. Jabse inko jaana hai harwaqt bas aisi hi ladte jhagarte dekha hai.
Vishal: Par ekdusre pe apni jaan chidakte hai.
Sonal: Matlab yeh dono pure Tom & Jerry hai.
Neha: Puri tarah se.
Vishal: Achha main chala class mein. Yeh bol Vishal nikal jaata hai.
Phir baaki sab bhi apne apne class mein chale jaate hai.
Thodi der baad Raj class mein aata hai aur padhane lagta hai.
Neha ki nazar jab Raj pe aaj achhe se padhti hai toh woh usko dekhte hi reh jaati hai.
Neha: Mann mein. Haayee yeh humare accounts teacher hai. Inko dekh kar toh mere dil ka balance sheet bigad gaya. Kitne smart and handsome hai yeh. Yeh jinki bhi kismat mein honge uski kismat mein toh sirf aur sirf Profit hi hoga. Loss ka column toh hoga hi nhi. Yehi sab sochte hue woh Raj ko dekhne lagti hai.
Raj ki nazar jab Neha pe padhti hai toh woh dekhta hai woh usko hi dekhe jaa rahi hai.
Raj: Hey you second bench corner seat stand up.
Neha ko toh hosh hi nhi tha. Woh toh Raj ko hi dekhe jaa rahi thi. Soniya Neha ko hilaati hai.
Soniya: Oyee uthh Sir bula rahe hai tujhe.
Neha: Haklaate hue. Yes Sir.
Raj: Abhi abhi maine jo samjhaya hai woh jara repeat karna.
Neha: Mann mein. Marr gayi Neha. Maine toh dhyaan hi nhi diya. Sir ke saamne aaj pehla impression hi down hogyaaa. Ab kyaa karu.
Raj: Whats your name?
Neha: Ghabrate hue: Nehaa.
Raj: Haa toh miss Neha. Jara bataogi class ke time pe tumhara dhyaan kaha tha. Main bahot se notice kar raha tha par tumhara dhyaan board mein naa hoke kahi aur hi tha.
Raj ke bolne se puri class Neha ko dekhne lagti hai.
Sonal: Mann mein. Hmm imteresting. Padhate toh achha hai. Aur saath mein puri class mein nazar bhi hai ke kaun kya kar raha hai. Aur abhi tak ek bhi sums mein halki si bhi garbar nhi hui hai.
Neha: Mann mein. Kardiya na apna pehla impression kharab. Ab woh kya soch rahe honge mere baare mein.
Soniya: Dheere se. Oyee dream queen kiske sapne dekhe jaa rahi hai. Apne khayalo se bahar aao warna issbar sidha class ke bahar dikhogi.
Soniya ki baat sunke Neha apne khayalo se bahar aati hai aur sums pe dhyaan dene lagti hai par uska chera pura utar chuka tha.
Kuch der baad class over hojaati hai.
Raj: So class aajke liye itna hi. Agar koi confusion hai koi doubt hai toh usko ready karke rakho recess ke baad ka pehla period mera hi hai toh usme clear kardunga. Is that clearrr.
Raj ke jaate hi Varun Soniya Ishita Sonal Neha se puchne lagte hai.
Soniya: Oo Madam kyaa hua tha. Kaha khoo gayi thi.
Varun: Mujhe laga tha main akela hi hu jisko padhne ka mann nhi kar raha tha par chalo mere saath ek aur add hua. Welcome to No Study Club Neha.
Soniya: Shut up Varun. Dekh nhi raha bechari ka chehra kaise utar gaya hai.
Ishita: Mujhe laga tha Sir strict hone ka mazaak kar rahe the par yeh toh sach mein hi strict hai.
Sonal: Kyaa hua Neha. Sir ki baat ka bura laga.
Neha naa mein gardan hila deti hai.
Soniya: Toh kyaa itne logo ke saamne aise tujhe daantna bura laga.
Varun: Aree usme kyaa hai tumhe pata hai naa mujhe sir ma'am pure class ke saamne kaise daantte the.
Soniya: Tu toh hai hi besharm.
Varun: Thanks for the complement sweetheart.
Soniya Varun ko aankhe dikhati hai toh woh chup kar jaata hai.
Ishita: Bolo na kyaa hua.
Neha: Woh Sir mere baare mein kyaa soch rahe honge. Unke saamne mera pehla impression down hogya.
Ishita: Aree itni si baat. Woh yeh sab kuch nhi soch rahe honge. Iss college mein kitne student hai dekhna recess tak woh bhul gaye honge.
Sonal: Haaa Ishita ne sahi kaha. Tum woh sab mat socho. Apna mood thik karo ab next class start hone wali hai.
Ishita ki baat sunke Neha ke mann mein ek aasha ki kiran jalti hai aur woh dheere dheere apna mood theek karti hai.
Phir recess tak professor aate hai aur padha ke nikal jaate hai.
Recess mein sablog Canteen mein baithke baate kar rahe hote hai par Neha ka dhyaan toh kahi aur hi thaa.
Vishal: Neha kyaa soch rahi ho.
Neha: Kuch nhii.
Varun: Aree kaise kuch nhi. Kab se dekh rahe hai sab tumhara dhyaan kahi aur hi hai.
Neha: Aisa kuch nhi hai.
Soniya: Kyaa tum abhi bhi Raj sir ke baare mein soch rahi ho.
Soniya ke muh se Raj ka naam sunte hi Neha ko khaashi aajati hai.
Neha: Nhii aisa kuch nhi hai. Main toh woh bhul chuki hai.
Vishal: Aisa kyaa hogya jo yeh Raj sir ke baare mein soch rahi hai.
Soniya: Woh Class mein madam ka dhyaan kahi aur tha Sir ne dekh liya toh thoda daant diya tha jiske wajah se inka mood off hogya hai.
Vishal: Achhaa. Aisa kyaa soch rahi thi Neha tum class mein.
Neha: Kuch nhiii.
Sonal: Aree choro naa. Hoga kuch jo woh nhi batana chahti hogi. Kyo force kar rahe ho sab.
Neha: Thank You Sonal. Waise Raj sir kitna achha padhate hai naa. Ek bhi sums unse halka sa bhi galat nhi hua. Aur kitna achha samjhate bhi hai.
Varun: Haa yeh toh hai. Par Strict hai bahot.
Neha: Itne bhi nhi hai. Ab agar padhai ke waqt kahi aur dhyaan rahega toh koi bhi gussa karega.
Ishita: Kyaa baat hai pehli baar mein bahot kuch jaan gayi ho.
Neha: Aisa kuch nhi hai. Ab jo sach hai woh toh bolna hi padega na.
Soniya: Baat toh sahi hai.
Idher yehlog baate kar rahe the udher Shivam inse thodi durr baithke inko hi gusse se ghurr raha thaa.
Shivam: Principal ke saamne meri izzat ka kabada kiya naa dekhlunga tumsab ko. Pure college ke saamne tumlogo ki izzat naa utaari toh mera naam Shivam nhi. Bas ek mauka mil jaaye phir dekhna main kyaa karta hu.
Neha: Aree chalo sab Raj sir ki class start hone wali hai.
Payal: Par unki class toh tumlog sabse pehle karte ho naa.
Neha: Haa par unhone bola hai abhi Recess ka baad ka pehla wohi lenge.
Payal: Par abhi time hai class mein.
Neha apni watch mein dekhti hai toh abhi bhi 10 mins baaki the.
Neha: Mann mein. Abhi bhi 10 mins baaki hai. Ab bas jaldi se yeh 10 mins khatam ho aur main jaake Raj Sir ko dekh saku. Aur ab koshish karungi unke saamne mera impression badh jaaye.
Phir jaise taise 10 mins khatam hote hai toh Neha jaldi jaldi class mein jaane lagti hai jisse dekh kar sablog thoda hairan the.
Soniya: Isse kyaa hua itni jaldi kyaa hai class mein jaane ki.
Ishita: Hosakta hai wapas se Sir ke contact mein nhi aana chahti ho. Subah ke baad.
Soniya: Pagal hai yeh ladki bhi.
Phir baaki sab bhi class mein aajate hai.
Jab sab class mein aate hai toh dekhte hai Neha ekdum first bench mein baithi hui hai.
Ishita: Yaha kyo baith gayi ho.
Neha: Woh bas aise hi. Ab sir ki nazar mein jo impression down hua hai usko up bhi toh karna hai naa.
Soniya: Greatttt. Dekho Varun sikho kuch isse. Ek yeh hai jo daant khaane ke baad saamne ke bench mein aati hai aur ek tum ho jo aur pichhe bhaag jaate ho.
Varun: Taaki aaram se pichhe so saku aur kisi ki nazar mein naa aau. Bolna hai toh pura bol.
Varun ki baat sunke sabko hasi aajati hai.
Soniya: Tera kuch nhi hosakta. Duffer kahi kaa.
Varun: Thanks for the compliment Madam. Yeh bol hasne lagta hai.
Sonal: Harchiz ko itni lightly kaise le lete ho.
Varun: Ek hi toh zindagi hai ab usme bhi kyaa gussa aur nazargi. Jeena hai toh hasi khushi jiyo. Khud bhi khush raho aur dusro ko bhi khush rakho.
Sonal: Bahot achhi soch hai tumhari.
Varun: Tareef ke liye shukriya.
Varun yeh bolta hai tabhi class mein Raj ki entry hoti hai toh sablog apni apni jagah mein baith jaate hai.
Raj: Toh kisi ko koi confusion yaa doubts hai toh bolo.
Raj ke bolne ke baad bhi koi haath upar nhi karta sivaay do jan ke.
Raj: Kyaa baat hai puri class mein sirf 2 jan ko hi doubts hai baaki sabko sabkuch samaj aagaya. Greattt. Agar aisa hi hai toh chalo ek test hojaaye subah ke sikhaye hue topic ke upar hi jisse mujhe bhi pata chal jaayega kisko kitna samaj aaya hai.
Raj ke aisa bolne se aadhe se jyaada class Raj ko aise dekhti hai jaise Raj ne unse unki dono kidney mang li hai.
Ishita: Bholi surat banake. Sir kyaa test lena jaruri hai. Aaj toh pehla din hi hua hai padhai ka.
Ishita ke bholi surat ko dekh Raj ko hasi aane lagti hai. Par woh control karta hai aur uske paas aake bolta hai.
Raj: Ishita. Agar tumlogo ko koi doubts koi question nhi hai subah jo padhaya woh samaj aagaya hai toh phir test dene mein kyaa problem hai. Iss test se tumlogo ko topic aur achhe se samaj aajayega.
Ishita Raj ke reply pe usko aise ghurti hai jaise bol rahi ho aap ghar mein milo phir batati hu aapko.
Raj: Toh chalo sab test ke questions likho. Aur time limit hai meri class khatam hone ke pehle tak.
Puri class mann maarke questions likhne lagti hai.
Raj: Sonal and Neha ab batao tumdono ke kya doubts hai.
Sonal ne apne apne doubts puchne start kiye par iss dauran jaha Sonal ki nazar completely apne copy aur book mein thi wahi Neha ki nazar sirf Raj ke upar thi.
Raj Sonal ke doubts sunke usko solve karwane lagta hai aur Sonal bhi achhe se samajne lagti hai.
Raj: Neha tumhara kyaa doubt hai.
Neha bhi jaldi jaldi 2-3 questions puch leti hai jiska answer usko pehle se aata tha par usne jabardasti waisa kiya.
Phir Raj Neha ke questions ka bhi answer de deta hai.
Raj: Toh tumdono samaj gaye.
Dono: Yes Sir. Thank you
Raj: Good ab jao jaake apna test do.
Phir dono apni jagah aajate hai toh test dene lagte hai.
Raj bhi class mein ghum ghum ke students ke paas jaake khada hojaata aur unke answers pe nazar ghumane lagta aur beech beech mein thodi bahot help bhi karne lagta.
Kuch der baad woh Sonal ke paas aake khada hojaata hai aur uske answers ke bahane usko dekhne lagta hai.
Ishita yeh notice karti hai toh table ke neeche ke Raj ke pairr mein maarti hai.
Raj Ishita ki taraf dekhta hai toh woh dheere dheere has rahi hoti hai.
Ishita ko haste dekh Raj jhep jaata hai aur waha se chala jaata hai.
Thodi der baad Raj bolta hai.
Raj: Okk students time up. Now stop writing.
Kuch students toh pehle hi likhna band karchuke the aur kuch likh rahe the toh woh bhi band kar dete hai.
Raj: Ishita saare answer sheets collect karke mujhe mere cabin mein de do.
Ishita: Yes Sir.
Phir Ishita pure class ki answer sheets collect karke Raj ke pichhe pichhe uske cabin mein chali jaati hai.
Cabin mein enter karte hi Ishita bolne lagti hai.
Ishita: Sir aap class mein kyaa kar rahe the. Meri bhabhi ke kyo dekhe jaa rahe the. Yeh bol hasne lagti hai.
Raj: Ishu college mein masti nhi.
Ishita: Come on Bhaiya. Aapki shakal uss waqt dekhne layak thi. Aisa laga jaise kisi ne aapki koi chori pakad li ho. Yeh toh achha hua woh maine dekha agar koi aur dekh leta yaa bhabhi dekh leti toh kyaa hota pata hai naa.
Raj: Hmm mujhe pata hai. Achha Sonal ne apni dawaiyan thik se li hai naa.
Ishita: Haa bhaiya aap chinta naa kare. Maine aur Payal ne bhabhi ko unki dawaiyan thik se khila di thi.
Raj: Thank You.
Ishita: Kyaa bola aapne. Humhe Thank You. Aap aao ghar mein phir dekhti hu aapko.
Raj: Achha sorry sorry. Ab jao.
Phir Ishita waha se chali jaati hai apne class ki taraf.
Jab woh class mein aati hai toh dekhti professor already aachuka tha.
Chutti ke baad Neha jaldi se class se nikalti hai aur washroom ka bahana karke Raj ke cabin ki taraf jaati hai par woh waha nhi thaa.
Idher Sonal ke mobile mein Raj ka msg aata hai ke woh uss jagah pe hi hai jaha usne rukhne ko bola tha.
Neha wapas se sabke paas aajati hai aur sabke saath chalne lagti hai.
Sonal: Achha main chalti hu byeee.
Ishita aur Payal dono Sonal se Raj ke baare mein puchte par usne unko ishare se hi chup karwa diya.
Sonal waha se nikal jaati hai aur kuch der mein Raj ke paas pahonch jaati hai.
Raj: Chalee.
Sonal: Jiii.
Phir dono ghar ki taraf nikal padhte hai.
Sonal: Sorry meri wajah se aapko wait karna padha.
Raj: Isme Sorry kaisa. Hum ek hi ghar mein rehte hai ek hi college mein jaate hai so itna toh kar hi sakta hu na.
Sonal: Phir bhi. Aap itna kar rahe hai kisliyee.
Raj: Ab dost ke liye itna toh kar hi sakta hu.
Sonal: Dost.
Raj: Haaa dost. Kyo main dost nhi bann sakta.
Sonal: Aisi baat nhi hai. Ban sakte hai. Par hum kab dost bane.
Raj: Hmm usi din se jisdin humne hall mein baithke baate ki thi. Maine toh usi din tumhe apna dost samaj liya tha. Par shayad tumne mujhe apna dost nhi samjha. Shayad mujhe thodi aur mehnat karni hogi apni image ko achhi banane ke liye.
Sonal: Aisi baat nhi hai. Par aapne kabhi dosti ka haath aage badhaya hi nhi. Isiliye mujhe laga aap abhi bhi mujhse naraz hai.
Raj: Tum abhi bhi woh baat leke baithi ho. Main toh kabka bhuk gaya hu ab tum bhi bhul jaao. Aur main tumse kabhi naraz ho hi nhi sakta.
Sonal: Woh kisliye.
Raj: Mann mein. Kyoki tum meri zindagi ho aur koi zindagi se naraz hosakta hai kyaa. Phir jorr se bolta hai. Kyoki tum meri dost ho. So friendsss. Yeh bol apna ek haatb aage badha deta hai.
Sonal: Ek pal Raj ko dekhti hai phir bolti hai. Soch lijiye Mr. Raj. Kahi yeh dosti mehengi naa padh jaaye.
Raj: Masti mein. Kyo aisa kyaa karne wali ho.
Sonal: Jyaada kuch nhi. Bas kabhi kabhi mujhe kulfi khilani hogi.
Raj Sonal ki baat sunke jor jor se hasne lagta hai. Raj ke saath saath Sonal bhi has deti hai.
Raj: Toh Ms. Sonal ko meri dosti manjurr hai.
Sonal: Manjurr hai. Par shart yaad rakhiyegaa.
Raj: Bilkulll. Jab bhi chahiye hogi tabhi mil jayegi. Toh chalo iss nayi dosti ko celebrate karte hai kulfi ke saath.
Sonal: Abhii nhii. Phir kabhi. Abhi ghar chalte hai bhabhi wait kar rahi hongi lunch ke liye.
Raj: Thikk hai toh yeh celebration udhaar raha.
Sonal: Thikk hai.
Raj: Waise ek baat bolu. Gussa toh nhi karogi.
Sonal: Ab dosti ki hai toh dost ki baat pe gussa kaisa.
Raj: Tum haste hue bahot achhi lagti ho. Humesha aise hi haste raha karo.
Sonal Pehle toh Raj ko ghurr ke dekhti hai jisse Raj thoda ghabra jaata hai.
Sonal: Gusse ka natak karte hue. Kyaa kaha aapne.
Raj: Ghabraate hue. Kuch nhi kuch nhi. Aur tumne kaha tha tum gussa nhi karogi.
Sonal: Iska matlab aap flirt karenge. Dosti kiye hue abhi kuch hi mins hue hai aur aapne flirting start kardi.
Raj: I am sorry. Yeh bol Raj ekdum chupp hojaata hai.
Sonal kuch der Raj ko dekhti hai aur phir jor jor se hasne lagti hai.
Sonal: Jara aaine mein shakal dekhiye apni. Ekdum safed hogya hai. Kitna darte hai aap. Yeh bol phir se jor jor se hasne lagti hai.
Raj: Confuse hoke. Matlabbb.
Sonal: Matlab main masti kar rahi thi aur aap kitna darr gayee. Yeh bol phir jor jor se hasne lagti hai.
Raj bhi samaj jaata hai ke Sonal ne usko bewakoof bana diya hai yeh soch woh bhi thoda has deta hai.
Raj: Tumne toh mujhe dara hi diya tha. Mujhe laga tum phir se mujhse naraz hogyi ho.
Sonal: Mujhe nhi pata tha aap itne darpok hai.
Raj: Heyy main koi darpok nhi hu. Woh toh bas tumhara gussa dekh kar thoda sa...
Sonal: Darr gaya tha Rightt. Yeh bol phir hasne lagti hai.
Raj: Achha achha ab chup karo. Haa main darr gaya tha.
Sonal kuch der chup chap baith jaati hai par kuch der baad phir hasne lagti hai.
Raj: Maine bola tha tum haste hue achhi lagti ho par itna bhi mat haso ke log pagal bolne lagee.
Sonal: Sorry Sorry. Par kyaa karu aapka woh chehra yaad aate hi hasi nikal jaati hai.
Raj: Haso haso kisi din mera bhi waqt aayega tab main hasunga.
Sonal: Achha sorry sorry ab nhi hasungi.
Kuch der baas phir Sonal ki hasi nikal jaati hai.
Raj: Kis pagal se dosti karli maine. Aree ab bas bhi karo.
Sonal: Aapne mujhe Pagal bola.
Raj: Ab Pagal ko pagal nhi bolunga toh kyaa bolunga.
Sonal: Agar main Pagal toh aap darpok.
Raj: Main darpok nhi hu
Sonal: Haa toh main bhi Pagal nhi hu.
Raj: Tum ho.
Sonal: Toh aap bhi hai.
Isi baat pe inki behas chirr jaati hai jo sidha ghar tak aati hai.
Sonal ghar ke andar aati hai toh Nandini puchti hai.
Nandini: Kyaa hua Sonal aisi shakal kyo banayi hui hai. Kyaa kisi ne kuch bola hai.
Raat ko Sonal apne kamre mein padhai kar rahi thi tabhi Raj uske kamre mein aate hai.
Raj: Kyaa kar rahi ho Ms. Pagal.
Sonal: Padhai kar rahi hu Mr. Darpok. Ab aap toh thehre Professor. Par hum students ko toh padhai karni hogi naa. Bataiye kaise aana hua aaj mere kamre mein.
Raj: Kyaa aaj iss dost ke saath dinner ke baad walk pe chalne pasand karogi.
Sonal: Aaj achanak walk pe.
Raj: Bas aise hi mann kiya. Agar chalna chaho toh. Koi jabardasti nhi hai.
Sonal: Hmm thikk hai. Ab apne Darpok dost ke liye itna toh kar hi sakti hu. Waise kaha tak jaana hai.
Raj: Bas apne area ka ek chakar lagayenge aur wapas ghar.
Sonal: Thikk hai.
Raj: Okk toh dinner ke baad ready rehna.
Sonal: Okkk.
Phir Raj waha se nikal jaata hai aur Sonal padhne lagti hai.
Kuch der baad sab dinner karne lagte hai.
Savitri: Sonal yaha mann toh lag raha hai naa.
Sonal: Haa Dadi. Aisa lag raha hai yeh mera hi ghar hai.
Savitri: Yeh tumhara hi toh ghar hai Sonal. Tum jab tak mann kare tum yaha aaram se raho.
Sonal: Jii Dadi.
Phir sab dinner karne lagte hai.
Kuch der baad sabka dinner hojaata hai toh Sonal hall mein Kartik ke saath khelne lagti hai.
Raj: Chalee.
Sonal: Kuch der baad chale abhi main Kartik ke saath khel rahi hu.
Raj: Aake khel lena.
Sonal: Par tab tak yeh so jayega.
Raj: Achha ek kaam karo. Kartik ko bhi sang le chalo. Isse bhi ghuma laayenge.
Sonal: Sachhh.
Raj: Hmmm.
Sonal: Rukiye main bhabhi se puch ke aati hu. Yeh bol Sonal bhaag ke Nandini ke paas kitchen mein jaati hai.
Smita: Kyaa hua Sonal kuch chahiye kyaa.
Sonal: Woh chachi ji bhabhi se kuch kaam tha.
Nandini: Haa bolo.
Sonal: Woh Raj thoda walk pe jaana chahte hai toh unhone mujhse bhi chalne ke liye bola tha toh kyaa main Kartik ko sang le jaau.
Smita aur Nandini pehle ek dusre ko dekhte hai phir Sonal ko dekhte hai.
Nandini: Thikk hai le jao. Par dhyaan se jaana. Woh bahot pareshan karta hai.
Sonal: Jiii Thank You. Yeh bol Sonal waha se chali jaati hai.
Smita: Nandini yeh kyaa tha. Raj aur Sonal dono bahar walk pe jaa rahe hai.
Nandini: Haa Choti Mummy. Aaj hi dono mein bahot gehri dosti hui hai ek naye naam ke saath.
Smita: Sachhhh.
Nandini: Haa Choti Mummy. Raj aur Sonal phir se kareeb aarahe hai bilkul naye tarike se.
Smita: Yeh toh bahott achhi baat hai bhagwan karee dono jaldi se ek hojaaye. Waise kyaa naya naam diya hai.
Nandini: Mr. Darpok aur Ms. Pagal.
Smita: Yeh kaisa naam hua.
Nandini: Dono ne ek dusre ko yehi naam diya hai.
Smita: Kaiseee.
Phir Nandini Smita ko puri kahani batati hai jisse sunke Smita bhi hasne lagti hai.
Smita: Dono ke dono pure pagal hai. Par main bahot khush hu inki iss dosti se.
Idher Raj aur Sonal Kartik ko leke walk karne ke liye nikal jaate hai.
Sonal: Waise aaj achanak walk karne ki ichha kaise hui aapko.
Raj: Bas aise hi. Aaj mann kiya. Aur pehle koi saathi nhi tha. Par aaj se ek dost saath hai.
Sonal: Achhaa. Agar main mana kardeti toh.
Raj: Toh kya. Toh kuch nhi. Phir agle din try karta. Yeh bol hasne lagta hai.
Sonal bhi Raj ke baat pe has deti hai.
Sonal: Aap phir se flirt karne lagee.
Raj: Maine kaha Flirt kiya. Agar tum chahti ho toh main flirt kar sakta hu. Karu kyaa.
Sonal: Nhii koi jarurat nhi hai.
Raj: Waise college mein koi problem toh nhi hai naa.
Sonal: Abhi tak toh nhi hai. Baad ka pata nhi.
Raj: Achhi baat hai.
Sonal: Waise aapne abhi tak shaadi kyo nhi ki. Umar toh hogyi hai.
Raj: Mann mein. Shaadi toh kab ki hogyi hai. Par jisse hui usse hi yaad nhi hai.
Sonal: Kyaa hua kyaa sochne lage. Buraa laga ho toh Sorry.
Raj: Nhii nhii aisa kuch nhi hai. Bas koi achhi ladki hi nhi mili. College life mein ek thi jisse bahot pyaar karta tha par ek plans crash mein uski death hogyi.
Sonal: I Am Sorry.
Raj: Aree isme sorry kaise. Shayad meri kismat mein uska pyaar nhi tha. Aur waise bhi jab humne pyaar kiya tha tab yeh wada nhi kiya tha ke woh mujhse jyaada jiyegi yaa main usse jyaada jiunga. Humne toh bas Ishq kiya tha. Bepanaah Ishq.
Sonal Raj ki kahi hui baato ko sunke usse bahot impress hoti hai. Pyaar ko leke Raj ki yeh thought Sonal ko bahot pasand aayi thi.
Sonal: Aapko uski yaad nhi aati.
Raj: Yaad hum usse karte hai jisse hum bhul jaate hai. Aur Megha ko toh main kabhi bhula hi nhi. Woh humesha mere dil mein hai.
Sonal: Woh ladki bahot kismat wali thi ke usse aap jaisa pyaar karne wala mila
Raj: Meri choro apni batao. Tumne kisi se pyaar kiya hai kabhi. Yeh bol Sonal ko dekhne lagta hai.
Raj ki baat sunke Sonal ke dimaag mein kuch dhundli yaadein aajati hai. Jisse uske sir mein halka sa dard karta hai jiske wajah se uski aankhein band hojaati hai.
Raj: Sonal are you alrightt.
Sonal: Haa main thikk hu. Bas halka sa sir dard kar raha hai.
Raj: Achha chalo hum ghar chalte hai.
Sonal: Nhii thikk hai. Yaha achha lag raha hai. Thandi thandi hawa mein body ka saara stress khatam horaha hai.
Sonal: Mera bhi aap ki tarah hi hai. Kabhi koi aisa mila hi nhi jisse dekh kar dil ki dhadkane tez hojaaye. Jisse dekhte hi aisa lage ki isse achha mere liye aur koi ho hi nhi sakta. Aur phir meri nazar mein saare ladke ek jaise hi hote the. Isiliye main unse durr hi rehti thi.
Raj: Matlabbb.
Sonal: Matlab Jaipur mein mere college mein ek ladka tha Vicky bolke. Woh harwaqt mujhe touch karne ki koshish karta. Uski aankhe har waqt mujhe ghurti rehti toh uski wajah se meri soch ladko ko leke waisi hogyi thi. Aur usi chakar mein maine aapse badtameezi bhi kardi thi.
Raj: Ooo. Toh ab kyaa kehna hai tumhe ladko ke baare mein.
Sonal: Aapse Karan Bhaiya se Yash se Aarav se milne ke baad mere thoughts badal gaye hai. Isiliye toh maine aapki dosti bhi accept ki hai.
Raj: Khulfi khaana hai.
Sonal: Abhi itni raat ko.
Raj: Kisi ne mujhse kabhi kaha tha kulfi khaane ka koi waqt nhi hota jab mile tabhi khaalo.
Sonal: Hmmm nice words. Chaliye phir.
Phir dono waha se chalte hue ek kulfi wale ke paas aate hai.
Raj ek kulfi leta hai aur Sonal ki taraf badhata hai.
Sonal ke haath mein Kartik tha isiliye woh Kulfi ko pakad nhi paati.
Raj: Main khila du.
Sonal: Phir aap kaise khaayenge.
Raj: Tumhe khila dene ke baad khaa lunga.
Sonal Ek nazar Raj ko dekhti hai phir kuch sochne ke baad kulfi wale ko ek plate mein 2 kulfi kaat ke dene ko bolti hai.
Kulfi wala Sonal ke kahe mutabik waisa hi karta hai.
Sonal: Lijiye ab aap bhi khaa sakte hai aur main bhi khaa sakti hu.
Raj: Chalo Ms. Pagal ke paas dimaag bhi hai.
Sonal Raj ki baat sunn usko ghurr ke dekhti hai toh Raj apni nazre ghuma leta hai aur hasne lagta hai.
Phir Raj kulfi leta hai aur dono khaane lagte hai.
Kuch der baad kulfi khatam hojaati hai aur dono ghar ki taraf aajate hai.
Nandini: Kaha the tumlog. Kartik ne jyaada pareshan toh nhi kiya naa.
Sonal: Nhii Bhabhi. Kartik ne bilkul bhi pareshan nhi kiya aur yeh so bhi gaya hai.
Nandini: Chalo achhi baat hai. Chalo ab tumlog bhi so jao phir kal college hai naa.
Sonal: Jiii.
Phir Sonal Kartik ko Nandini ke god mein deke apne kamre mein chali jaati hai.
Nandini: Hmm toh aaj achanak yeh walk ka plan kaise ban gaya.
Raj: Woh college se ghar aate waqt Sonal ne kulfi khaane ki ichha jatayi thi uss waqt toh usne nhi khaayi. Par usne ichha jatayi thi toh mujhe toh pura karna hi tha isiliyr yeh plan banaya.
Nandini: Matlab.
Raj: Matlab ab agar usse sidha jaake bolta ke chalo kulfi khaane chalte hai toh woh nhi jaati isiliye walk ke bahana use kiya. Aur isi bahane thoda ekdusre se achhe se baat bhi hogyi.
Nandini: Achhi baat hai. Par apni excitement mein thoda control karna kahi koi problem naa hojaaye.
