Phela pyar-koi jeeta koi hara

[StoryPublisher]

Pehla Pyar - Koi Jeeta Koi Hara

Part-40

Suraj bed ke kareeb aya.

Bed pe beth ke uss ne ghoonghat uthaya dheere se.

muh dikhai ki rasam nibhate hue suraj ne parul ko diamond ka necklace pehna diya khud apne haathon se.

Fir uss ne parul ke haathon ko haathon mein le apne honto se choom liya.

Uss ke baad suraj ke hont parul ke chehre ke aur bade pehle uss ki band aankhon ko chooma.

fir wo uss ke gaal aur honto ko choom bola: pari ankhein kholo na.

Parul ankhein band kiye hue hole se: uuunnnhuuuu…..

Suraj: kyu??

Parul dheeme se hi: mujhe lajja aati he.

Suraj shararat se: lajja aati he ya meri shakal itni bhayanak……….

Iss se pehle suraj kuch aur bol pata.

Parul ne jhat se aankhein khol uss ke honto pe haath rakh aage kuch aur na bolne diya.

Parul bade hi pyar se ghoor ke boli: khabardar mere surya ke liye kuch kaha to.

Suraj hass diya.

Parul apne galle mein suraj ke daale necklace ko dekh: haaye kitna pyara he yeh!

Suraj smile de: yeh iss liye pyara he kyu ke meri pari ne iss ko pehna he.

Parul: kaha se liya yeh?

Suraj: Chandigarh se laya tha. laya to apni dost parul ke liye tha. par iss ki takdeer dekho meri jaan pari ke galle ki shobha bana.

Yeh sunte hi parul suraj se lipat gayi.

Suraj pehle khud bed se utra.

Fir uss ke dono haath thaam hole se parul ko bed se utar liya.

Parul ki kamar mein baahein daale apne se lagaye wo parul ki peshani pe kisses karte hue uss ko room ki window ke paas le aya.

Bahar samandar ka haseen najara dekh dono hi khushi se jhoom jhoom ke ek doosre se lipatne lage.

Dur samander aur gagan raat ke andhere mein ek hote lag rahe the.

Ese hi ek hone ki aaj ki raat thi surya aur pari ki.

Room mein halka halka romantic music chal rha tha.

kabhi sirf hindi songs ki dhunne aur kabhi hindi songs jese do dil mil rahe he magar chupke chupke…… ya fir…. Mile mile do badan….. khille khille do badan……. Pyar ke do pal kahi kho na jaaye….. etc. etc.

Ese kai songs mahaul ko behad romani banane lage the.

Yeh raat thi.

do pyar karne walo ke Milan ki raat.

Do pyar karne walo ke tann aur mann dono ko ek karne wali raat.

Do rooho ke Milan ki raat.

Jism do par aatma ek.

Dil do par dhadkan ek.

Dono ke cell pe kai chahne walo ki wishes aa rahi thi first night ki.

Par dono ek doosre mein itna leen the ke unn ko inn ki koi khabar hi na thi.

Pyar bhare gaane, unn ki dhunne, room mein phoolon ki mehak aur timtimati halki roshniyo ke beech kab yeh do pyar karne wale ek hue.

Dono ka kab Milan hua yeh to inn ko bhi pata na chala.

Bina kuch kahe bina kuch sunne bina koi jubaan khole bas aankhon aankhon mein baatein karte dono ki hi raat inn pyar ke lamho mein kho ke gujrne lagi.

Surya apni pari ke najuk se tann ko phoolon ki tarah apne pyar mein apne mein sametne laga.

Aur parul uss ko to jese duniya ki har khushi mil gayi thi apne surya ke pehlu mein aa ke.

Surya ke saath ek ho rahi pari ko milne wala har dard bhi ek sukhad ehsaas de raha tha.

Pyar mein leen yeh raat kab gujri kab subah hui dono ko maloom hi na padha.

Agli subah December mahine ki pehli tareekh.

Dus bajne ko the jab suraj ki aankh khulli.

Parul uss se chipki hui so rahi thi.

uss ke hilte hi parul ne bhi aankhein khol di hole se.

Reshmi blanket ke ander khud ko suraj ki baahon mein paate hi buri tarah lajjati hui suraj ki baahon mein simat gayi.

Suraj ne uss ke gulab si pankhudiyo se honto ko choom ke morning wish ki.

Parul ke reshmi badan ki mehak se suraj fir se madhosh hone laga tha.

Parul sharam ki maari najre tak na utha pa rahi thi.

Itna sab ho jaane ke baad bhi yeh lajja dekh suraj bhaav vibhor ho utha.

Pichhli raat ko gujra ek ek pal dono ko jindgi ke sab se sunehri palo se bhi sunder lag raha tha.

Suraj ne bed ke corner se utha ke pehle apna night gown pehna fir parul ko uss ki nighty di panne ko.

Parul reshmi blanket se bahar na aa pa rahi thi suraj ke saamne.

Suraj ne yeh sab samjhte hue pehle uss ko dekha fir uss ke honto ko choom utha aur bathroom mein chala gaya.

Jab lauta to parul ne nighty to pehan li thi par wo abhi bhi bed mein hi thi.

uss ka chehra uss ki haalat bata raha tha.

Suraj ne jhat se uss ko baahon mein utha liya aur bathroom mein le gaya.

Bathroom ke floor pe uss ko utar suraj ne bath tub mein garam pani ki tap khol di.

Aur bola: pari garam pani mein beth jao kuch der. Araam mile ga.

Parul: ji

Suraj: betho bhi.

Parul halki si ruansi awaaz se: aap jao na pehle.

Suraj: aaye haaye abhi tak sharam baaki he meri pari ki.

Parul fir se sharmati hui: please surya aap jao na.

Suraj jaate jaate: agar jarurat padi to mujhe awaaz de lena.

Hassta hua wo bahar aa gaya.

Hotel ka phone utha uss ne 505 dial kar do chai ko kaha.

Kuch hi der mein wo dono girls chai ki trolly le dakhil hui room mein.

Chai ke saath shaandar biscuits, fruit cake aur chocolate thi.

Dono ne morning wish ki suraj ko.

Chai unnho ne ek side pe pade sofe ke saamne table pe rakh di.

Suraj ko unn ho ne sofe pe aane ko kaha.

Suraj sofe pe aa betha.

Ek cup chai bana ek girl ne chai serve ki.

Doosri tab tak blanket sametne lagi.

Jo suraj ko biscuits serve karte hue chor najro se bed ko dekh rahi thi.

dono ki najre milte hi dono ek doosri ko ishare karti smile de rahi thi.

Suraj to bas apne hi khyalo mein gum sum tha.

uss ka khyal to parul mein tha.

Dono ne jaldi se fir bed sheet, cushions aur blanket sab change kar diya.

Room ki safai ke liye unn ho ne ek safai karne wali lady ko call kiya.

Laundry girl aa ke sab gande kapde le gayi.

Safai wali ne mopping ki aur wo bhi chali gayi.

Tab ja ke kaafi der baad parul bathroom se nikli.

Suraj uss ko dekhte hi uss ki aur lapka.

Parul ne nighty to wahi pehni hui thi.

par sar pe towel lapet rakha tha.

kyu ke wo naha ke aai thi.

Suraj ne parul ke rokne ke baawjood bhi uss ko bahon mein utha ke sofe pe la bitha diya.

Ek girl ne jhat se uss ko garm garm tea serve ki.

Suraj ab khud bathroom mein ja ghussa.

Jab lauta to dekha ek ladki parul ke baalon ko dryer se sukha rahi thi.

Parul ke kaale ghanne lambe baalon ko dekh wo unn mein khone laga.

Suraj ne window khol di.

Kabhi wo Bahar samundar ko dekhta to kabhi parul ko.

Khilli khilli dhoop samandar ki khoobsoorti aur bada rahi thi.

Par uss se bhi khoobsoorat uss ko khulle baalon mein apni pari lag rahi thi.

Jab bhi suraj parul ko dekhta to wo uss ko dekhte hi smile deti sharma jati.

Issi beech parul ka cell baja.

Shivani ki call thi.

Suraj ne bed ke paas padhe side table se cell utha ke parul ko de diya.

Parul shivani se baat karti hui bhi suraj ko hi dekh rahi thi.

Suraj smile deta kuch der baad bathroom mein nahane ghuss gaya.

Jab wo naha ke lauta to dekha dono girls parul ke paas khadi uss se baatein kar rahi thi.

Suraj ko dekhte hi dono smile de ke ek side pe hat gayi.

Suraj ne unn mein se ek ko apna cell de ke unn dono ki ese hi pics lene ko kaha.

Suraj har lamha ek yaad ke roop mein qaid karna chahta tha.

kareeb saadhe giarah baje dono ne nashte ka kaha.

Abhi wo nashta kar hi rahe the ke shivani ki fir call aa gayi parul ke cell pe.

Parul ne bataya ke wo nashte ke baad ready ho ge.

Beech beech mein dono ke cell pe calls lagatar aa rahi thi.

Kabhi jyoti to kabhi babita, kabhi radhika to parul ki cousins ki.

Prem ne bhi call ki suraj ko, hina aur uss ke pati ki call bhi aai.

Hina ne to lambi baat ki parul se.

Hina se baat kar ke parul bahut khush hui thi.

Jab parul ready hone lagi to suraj ne uss ko baal khule chhodne ko kaha.

Saath hi suraj bola: pari apne baal kabhi kaatna mat.

Parul ke baal the bhi to bahut lambe.

Jo uss ki kamar ke neeche jaate koohlon ko chhoo rahe the.

Saadhe barah ke aas paas rachit aur shivani aa gaye dono ko lene.

Parul dono ke galle lag gayi.

Shivani dheere se parul ke kaan mein: raat ko jayada tang to nahi kiya tere surya ne.

Yeh sunte hi parul sharma gayi buri tarah se.

Dono girls ne parul ki help ki ready hone mein.

Unnho ne hi saari packing bhi ki.

Chalne se pehle suraj ne fir se dono ko ek ek hazar diya.

Dono ab to aur bhi khush ho gayi.

Dono Suraj se boli: aap dono fir kab aaye ge sir?

Suraj smile de ke reh gaya.

Kyu ke wo jaanta tha fir ana to hoga nahi.

Suraj ne reception pe aa ke bill manga to receptionist rachit ko dekh smile de boli: already done sir.

Suraj rachit se: wat is this rachit bhai?

Rachit hassta hua: come my sweet jija ji.

Wo dono girls unn ko rachit ki car tak chhodne aai.

Rachit ne car ko ghar ki aur bada diya.

Ghar ke aage car jese hi ruki to parul saamne mamma papa ko dekh goli ki teji se niklne lagi car se.

Shivani ne uss ka haath pakad uss ko roka.

Itne mein ek maid ne sarso ka tel gate ke dono aur daala.

Tab shivani ne parul se kaha: ab suraj bhaiya ke saath ander jana.

Dono ek saath gate ke ander daakhil hue.

Saamne hi mrs. & mr. iyer ke saath babita, parul ki bhua ki ladki, chacha ki ladki aur ladka, maasi aur ghar ke sabhi nokar khade the welcome karne ko.

Suraj ne mr. iyer ke aage jhuk ke paon chhoone chahe to uss ne suraj ko ooper kar galle laga liya.

Issi beech parul maa ke gale lag rone lagi.

Mr. iyer suraj se alag ho smile de bole: ab kyu roti he ab to tujhe tera surya mil gaya na.

Yeh sunte hi parul smile deti apne papa ke paas aa galle lag gayi.

Suraj ne aage ho apni saas ke paon chhoone chahe to uss ne mera bacha keh suraj ka maatha choom galle laga liya.

Rachit shararat se: arey yaar mere bhi to paon chhoo. Main bada saala hu tera.

Suraj hasste hue: jarur jarur bhaiya.

Jese hi suraj jhukne laga to rachit ne hasste hue uss ko galle laga liya.

Rachit se alag ho suraj shivani ki aur bada: bhabi aap nahi ashirwad degi. Aap bhi to badi ho.

Jese hi suraj shivani ke aage jhukne laga to shivani ghabrati hui kai kadam peechhe hati: na na na…..

Sab hass diye.

Ab dono baari baari baki sab se mile.

Abhi yeh log ander aa hi rahe the ke pinki ki call aai suraj ko.

Suraj: hello pinki kesi ho?

Pinki: fine sir. Shadi Mubarak ho aap ko.

Suraj: thank you pinki.

Pinki: sir may I talk to parul mam.

Suraj: y not pinki sure.

Suraj ne cell parul ko de: lo mere office mein kaam karne wali ek ladki pinki se baat karo.

Parul: hello

Pinki: shadi Mubarak ho mam.

Parul: thank you ji.

Pinki: wese to mam main yeh news sir ko bhi de sakti thi. but fir dil kiya ke aap hi ko du.

Parul thodi soch mein pad ke: ji kahiye?

Pinki: mam aap sir ke liye bahut lucky lagti he. aap ke sir ki life mein aate hi first export ka order mila he. big order of 25000 dollars ka.

Parul khush hoti hui: great news. Lijiye apne sir se baat kijiye.

Uss ne cell fir se suraj ko de diya.

Suraj export order sunnte hi uchhal pada.

Wo itna khush hua ke sab ke saamne hi parul ko baahon mein bhar choom liya.

Suraj ke esa karne par ek baar sabhi heran ho uthe.

Par sabhi ne jab yeh khushi ki news sunni to wo samaj gaye suraj ki bhavna.

Sabhi iss news ko sunte hi khush ho uthe.

Fir divya ne bhi pinki se cell le suraj ko congrats kiya.

Saath hi uss ne bhi parul se baat ki.

Chai ke baad parul apni cousins aur babita ke saath apne room mein chali aai.

Wahi uss ko radhika ne call kar export order ki bhadai di.

Radhika ki call khatam hote hi ek unknown number se call aa gayi parul ko.

Parul ne thodi heran ho call attend ki.

Udhar se neelima thi.

Bahut lambi baat hui dono ke beech.

Neelima to bas ek hi baat keh rahi thi.

Tu jaldi se aa ja.

Tadap rahi hu tujhe dekhne ko.

Parul ko phone pe mehsoos ho raha tha ke neelima ki aankhein bhar rahi thi baar baar uss se baat karte hue.

Idhar suraj neeche iyer aur rachit ke paas betha tha. mrs. Iyer, shivani ke saath saath parul ki maasi bhi wahi thi.

Iyer ne baat chhedi: suraj beta maine parul ko shadi pe ek car gift karne ka socha hua tha. New one buy ki he. But ab wo yaha se to bhej nahi sakta. Aap waha Chandigarh ke kisi dealer ka bata do jis se aap gaadi lete ho. To main order kar uss ko payment send kar deta hu.

Suraj bade gaur se mr. iyer ko sun raha tha.

Suraj smile de bola: papa parul ab meri patni he aap ki beti hone ke saath saath. Uss ko car chahiye to ek kya main do le duga. Par please ab aap ne keh diya fir nahi.

Iyer: but beta yeh main apni khushi se.

Suraj: papa jis din main parul ki koi khushi poori na kar pau ga. Tab aap keh dijiye ga. Maine pehle hi aap se kaha tha ke mujhe sirf aur sirf parul de dijiye aur kuch nahi.

Mrs. iyer: beta ek baar hum ko hamari khushi ke liye.

Suraj: mom aap ki khushi mere sar aankhon pe. aap ke gift se kahi badh ke aap dono ka pyar aur aashirwad chahiye. Mere paas kis baat ki kami he. abhi dekhiye na pari kitni lucky he mere liye. Uss ke waha pahuchne se pehle hi itna bada order mil gaya. Wo bhi export ka. Kya ab bhi aur kuch chahiye mujhe.

Yeh bol suraj uth ke mrs. iyer ke paas ja betha aur bola: mujhe aap se kuch nahi chahiye mom. Bas aap ka pyar bhara haath chahiye hamesha se mere sar pe. kya iss se keemti ho sakta he kuch?

Mrs. iyer ne bhavuk ho ke suraj ko seene se bheench liya.

Rachit: papa hum ne jo pese inn ko gift karne wali car pe kharach karne the. Unn se next month kuch greeb ladkiyo ki shaadi kar dege.

Suraj uth ke rachit se lipat gaya.

Khush hote bola: yeh hui na baat bhaiya. Unn gareeb logo ka kitna bada aashirwad mile ga hum sab ko.

Shivani: suraj bhaiya agar aap jese har kisi ki soch esi ho to na jaane kitne gareebo ka bhala ho jaaye.

Suraj: wese bhabi iss ke liye badhai ke patar to aap ke miya rachit ji he.

Shivani bade garv se apne pati ko dekhne lagi.

Lunch ke baad suraj aur parul ghoomne nikle.

Unn ke saath babita aur parul ki dono cousin sister aur cousin brother bhi the.

Sab jab raat ko laute to bahut khush the.

Parul ke teeno cousins to ghar aa suraj ki hass mukh nature se bahut khush the.

Parul chahti thi ke babita dinner unn ke saath hi kare.

Par babita nahi maani.

Rachit aur shivani uss ko ja ke chhod aaye.

Agle din raat ko babita aur uss ki mom ke invitation pe parul aur suraj ne dinner babita ke ghar kiya.

3rd December tak suraj aur parul wahi ruke Chennai mein.

Khoob ghoome.

Khoob enjoy kiya.

Suraj parul ke saath iyer ke uss dost ki shop pe fir gaya jo sarees ka whole saler tha.

Waha se uss ne radhika, kavita, jyoti, mitali, geeta aur neelima sab ke liye sarees li.

Apni dono behno aur mom ke liye bhi.

Saath hi parul ke liye kuch Punjabi suits bhi purchase kiye.

Shop wale ne ek shaandar suit apni aur se parul ko gift kiya.

Jis ke liye suraj inkar na kar paya jab shopkeeper ne kaha ke yeh wo apni beti ko de raha he.

Next day 4th ko subah giarah baje unn ko flight leni thi.

sab ne aankhon mein aansoo liye aur honto pe smile liye dono ko vidai di.

Airport pe mrs. & mr. iyer ke ilava rachit, shivani aur babita bhi aaye the.

Suraj ne chalne se pehle kaha ke may be next Saturday ko wo reception rakhe Chandigarh mein.

Saath hi yeh bhi kaha ke waha wo sirf aashirwad dene aaye.

Koi khechal na kare.

Sham ko saadhe chaar baje ke kareeb unn ki flight land ki Chandigarh ke airport pe.

welcome ke liye prem aur jyoti ki ilava hina aur hina ka pati, geeta aur jyoti ki maa bhi aaye the.

Neelima updesh aur sunil ke saath aai thi.

Suraj ka driver uss ki apni car le ke aaya tha.

Wo uss ko phoolon se saja ke laya tha.

sabhi parul ko mil ke bahut khush ho rahe the.

Parul ne jyoti ki maa ke paon chhooye to uss ne bahut pyar se bhara aashirwad diya.

Suraj ne jab hina aur uss ke pati se milvaya parul ko to.

Parul hina ke paon chhoone ko jhukki par hina ne jhat se uss ko galle laga liya.

Fir jab wo hina ke pati ke paon chhoone lagi to wo peechhe hat ke bola: na na parul behan hum sikh bahu beti se yeh nahi karvate. Bas haath jodh ke wish kare aap. Jese apne bhai ko karti he.

Hina ka pati hina ke saath suraj ko yeh bol nikal gaya ke wo mom ko le ke mohali pahuchta he.

Sab se milne ke baad suraj uss ko neelima aur updesh ke paas le ke gaya.

Updesh ko uss ne haath jode aur neelima ne to uss ko baahon mein bhar bahut pyar kiya.

Uss ka maatha gaal choome.

Wo kuch der to itni bhavuk hui ke kuch bol hi na pa rahi thi.

Parul ne uss ke galle lage lage kaha: didi kya kuch kahe gi nahi apni chhoti behan se.

Neelima: kya kahu main. Jo khushi tum ne mujhe di he uss ke liye mere paas shabad hi nahi he.

Parul: fir bhi kuch to kaho na didi.

Neelima uss ko jor se bheench: ab to tu sada hi mere paas he. kahu gi na bahut kuch kahu gi. Bas aaj mujhe tu khud ko dekhne de jee bhar ke. Tu ese hi mere seene se lagi reh ta ke mere seene ko thandak mil jaaye.

Yeh bol neelima fir parul ko choomne lagi..

Parul ko neelima ka pyar pa ke umeed se jayada khushi ho rahi thi

Sabhi apni apni gaadiyon mein bethne lage.

Rani ke pati ne dono ko dekh haath jode aur badhai di.

Rani ka pati: suraj baba aap ne shaadi kar jo khushi di he hum sab ko wo keh nahi sakte. Kaash aaj malik hote to………

Yeh kehte kehte uss ka ghalla bhar aya.

Suraj ne uss ko aagge ho galle se laga liya.

Aankhein saaf kar rani ke pati ne parul ko jhuk ke wish ki to parul bol padi.

Parul: nahi driver kaka aap jhukke nahi. Aap bade he aashirwad de.

Rani ka pati: yeh to aap ka badhapan he maalkin.

Parul ne fir toka uss ko: nahi driver kaka. Malkin nahi…….parul

Rani ka pati: thik he parul bibi. Aap ka swagat he. hum sab ko bade maalik ya suraj baba ne kabhi nokar nahi samjha. Ghar ka hissa maante he. aap hum sab ki shoba he parul bibi.

Driver ne car ka darvaja khol suraj aur parul ko ander bithaya.

Raaste mein suraj ne bataya ke uss ko pehle dai maa ne aur fir baad mein rani ne pala he.

rani aur driver kaka ke ilava ab koi aur purane kaam karne wale ka nahi pata ke wo kaha he.

Tab rani ka pati bola: suraj baba bade maalik ki gaadi chalne wale bhappa ji mile the. Do roj pehle ki baat he. wo bade maalik ki maut ke baad kuch der sadme mein rahe. Jab maine bataya ke aap ne shadi kar li he to keh rahe the ke suraj baba ko kehna ke mujhe yaad rakhe agar nai gaadi li to parul bibi ke liye.

Suraj khush ho: yeh to bahut acha he. taya ko kal hi bula lo gaon se. Parul ke liye maine gaadi to leni hi he.

Hari ka driver ek Punjabi tha.

Uss ki age hari ke lagpag hi thi.

par sabhi ghar mein uss ko bhappa ji kehte the.

Suraj uss ko taya kehta tha.

wo kharar ke paas hi ek gaon mein rehta tha.

hari ne jab se car li thi wo tab se uss ka driver tha.

uss ke apne bęte ab kaafi padh likh ke achhi jobs pe the.

Wo kehte the ke driver ki job chhod de.

Par wo kehta ke uss ke bache aaj jo bhi he hari ke kaaran he.

hari ne uss ke beto ko padhane mein bahut help ki thi.

issi liye wo bhi chup kar jaate.

Hari ki maut ke baad jo kuch suraj ke saath hua uss se bhappe ko aur bhi gehra dhakka laga tha.

Uss ko ese sadme dekh uss ke beto ne khud hi kaha ke ese ghar mein bethne se to acha he ke wo fir se driver ki nokri hi kar le kahi.

Par bhappe ne kaha ke agar wo kaam fir se kare ga to sirf suraj ke paas hi.

yeh sab chopra family se uss ke lagaav ke karan tha.

Idhar suraj aur baaki sab jab mohali ke liye nikal rahe the.

Udhar uss time Hina aur hina ka pati kanta ke flat ja pahuche.

Hina ke pati ne kanta ko mohali chalne ko kaha to kanta ne saaf inkar kar diya.

 

[StoryPublisher]

Pehla Pyar - Koi Jeeta Koi Hara

Part-41

Idhar suraj aur baaki sab jab mohali ke liye nikal rahe the.

Udhar uss time Hina aur hina ka pati kanta ke flat ja pahuche.

Hina ke pati ne kanta ko mohali chalne ko kaha to kanta ne saaf inkar kar diya.

Kanta ke inkar karte hi hina ka pati samjhane laga: mom waha mere mummy aur dad bhi honge. Aap ke rehte saas ki rasme koi aur kare to mummy dad kya soche ge. Aap shadi pe nahi gayi. Mummy pehle hi iss baat se khaffa he. maine kisi tarah unn ko jhooth bol samjhaya ke flight mein seat na mili.

Kanta: to beta ek baar fir se meri khaatir jhooth bol do. Keh dena mai thik nahi hu.

Hina ka pati gusse se: sorry mom ab main jhooth nahi bol sakta. Aur haan agar aap nahi gayi to main samajh luga aap mere saath bhi koi rishta nahi rakhna chahti. Jo maa bźte ki na hui wo damaad ki kese ho sakti he. baaki hina ko khud sochna hoga uss ko pati chahiye ke maa.

Kanta tadap uthi: nahi beta esa mat kaho.

Hina jo ab tak khamosh thi bol uthi: mom aap sada kitty di ki zid ke aage jhukti aayi he. aap ke liye lagta he kitty hi aap ki sagi he na main aur na suraj.

Kanta ro di: hina tu to na bol ese.

Bźti aur damaad ne koi option hi na chhodi thi kanta ke liye.

Wo jese bethi thi wese hi chal di.

Raaste mein hina ka pati: sorry mom maine kuch jayada hi hard words use kar diye. Maine apni juban se kabhi kuch nahi manga aap se. Par main yeh kabhi nahi chahta ke koi aap ki ya papa ki aur ungli uthaye.

Peechhe bethi kanta ne pyar se damaad ke sar pe haath rakh diya.

Kanta ko dekh rani ne to aage ho uss ke charan chhoo liye.

Aankhein bhar boli: maalkin ab jo aai ho to fir kabhi na hum ko chhod ke jana. Suraj baba sada yaad kar kar rota he aap ko.

Kanta thode kadwe swar se: kyu rota he. jinda hu main marr to nahi gayi.

Rani: esa mat bolo maalkin. Aap ko meri bhi umar lag jaaye.

Kanta: chal chal thik he. ab ander chal ke rasmo ki tayari kar.

Pinki aur divya wahi thi bahar gate ke paas.

Wo kanta ko dekh heran thi.

Soch mein padh gayi kya yeh aurat sach mein suraj ki maa he?

Ghar ke ander hina ke saas sasur pehle hi aaye bethe the.

Kanta unn se mil ke unn ke paas hi aa bethi.

Tabi uss ka cell baja.

Call kitty ki thi.

wo jhat se uth ke haal room ke ek corner ki aur chali gayi.

Kitty: kaha ho mom main aap ke paas aayi aur aap gayab ho.

Kanta: kitty wo main.

Kitty: mom kahi aap suraj ki kothi to nahi ho.

Kanta dabbe sawar mein: kitty hina ke pati ke kehne pe majbooran mujhe aana pada.

Kitty: mom maine aap ko roka bhi tha. aap abhi ke abhi niklo waha se. main aa rahi hu aap ko lene.

Kanta sunnte hi kaamp uthi: nahi kitty tu mat ana. Main aa jaugi jaldi.

Kitty behad gusse mein: mom aap aa rahi ho ke………..

Iss se pehle ke kitty kuch aur kehti kanta ne call kaat di aur cell switch off kar purse mein daal liya.

Preshan ci ho wo wapas aa bethi.

Itne mein bahar band baaje aur dhol ki awaaz sunai di.

Hina ka pati sab se bola ke bahar chale wo log aa gaye.

Sab main gate ki aur chal diye.

Poora ghar lights se jag mug kar raha tha.

rani ne aage ja main gate pe dono aur tel choeya.

Hina aur hina ke pati ne kanta ko haal ke door pe rukne ko kaha.

Jo log airport gaye the unn mein ab prem ki mummy aur papa bhi shamil ho gaye the.

Jyoti ke papa, bhai, Geeta ke mummy papa aur aarti pehle hi ghar aaye bethe the.

Sab gate se chal ke main haal room ke darwaje tak aa gaye.

Haal room ke darwaje par aa rani ne fir se tel choeya.

Kanta ko dekh suraj bhavuk ho utha tha.

hont kaamp uthe: mom.

Suraj aur parul ne ek saath ander daya paon rakha.

Hina ne kanta ko pooja ki thali de aarti utarne ko kaha bźte aur bahu ki.

Aarti utarne ke baad pani vaarne ki rasam hui.

Prem ki mummy, jyoti ki mummy, hina ki saas aur hina, jyoti sab ne mil ke paani vaar banne di maaye geet gaya.

Uss ke baad suraj aur parul ne jhuk ke paon chhoye mom ke.

Kanta ne dono ke sar pe haath to rakha par boli kuch na.

Saamne pade sofe pe suraj aur parul ko bithaya gaya.

Hina ke pati ne mithai ka dabba khol kanta ko dono ka muh meetha karvane ko kaha.

Hina ne ek jewelery box jis mein ek diamond set tha kanta ko dete kaha: mom yeh apni bahu ko……

Kanta ne dekhe bina wo box parul ki godd mein rakh diya.

Parul ne fir se uth ke kanta ke paon chhooye.

Dabbe se mithai utha kanta ke honto ke paas le gayi.

Na chahte hue kanta ko wo barfi ka tukda muh mein daalna pada.

Kyu ke hina aur uss ka pati wahi the.

Fir hina aur uss ke pati ne parul ko ek gold set bhent kiya.

Sabhi apne laaye gifts ya shagun parul ko dene lage.

Hina ke pati ne kanta ko hina ke paas hi sofe pe bitha diya.

Kanta ka chehra ese tha jese wo kisi matam pe aai ho.

Uss ke dimag mein yeh tha ke kitty ko pata chal gaya uss ke aane ka.

Wo ab uss se ladhe gi. Kanta ko pata tha ke wo yaha aa ke buri tarah se fass gyi he.

Ek aur agar kitty thi to doosri aur iss baar hina aur uss ka pati tha.

Jab dene dilane ki rasam poori hui to sab ko cold drinks aur snacks serve hone lage.

Prem ne sab ko keh diya tha ke dinner kiye bina koi na jaaye ga.

Naye mehmaan ki khushi mein drinks ka bhi poora parbandh tha.

Kanta bahane se uthi waha se aur chal di.

Suraj jis ki najar kanta pe hi thi.

jhat se utha.

Hall room ke main door pe aa ke Kanta ka haath pakad: mom ab aap aa gayi ho to kabhi mat jana. Chalo main tum ko tumara room dikhata hu.

Kanta ne haath chudda liya jhatka de ke: main yaha tere liye nahi aai. Wo main sirf hina ki khushi ki khatir aa gayi. Mera yaha rukne ka na koi irada he aur na hi shonk he koi.

Suraj ghutno ke bal aa maa ki tango se lipat ke sisak utha: nahi mom mat jao mujhe chhod.

Kanta: suraj ab drama chhod aur jaane de mujhe.

Hina ka pati jo yeh sab dekh raha tha suraj ko kandhe se pakad utha ke bola: suraj jaane de mom ko. Inn ki kismat mein agar bźte aur bahu ka sukh nahi likha to tu kya kar sakta he.

Kanta damaad ke mukh se yeh sunte kaamp uthi.

Fir hina ka pati kanta se: thank you mom aap ne mera maan rakh liya. Chaliye mere saath main aap ko bhejne ka parbandh karta hu.

Suraj nam aankhon se maa ko jaate hue dekhta reh gaya.

Hina ke pati ne bahar aa apne mummy dad ke driver se kaha ke wo kanta ko uss ke flat pe chhod aaye.

Kanta uss ke saath chali gayi.

Jese hi kanta haal room ke gate se nikli suraj bathroom mein ja ghussa.

Waha uss ne apna gubhar aankhon se nikala fir wo muh dho ke bahar aa gaya.

Prem ne rani ke pati se drinks ke liye glass laane ko kaha.

Parul ne jyoti jo uss ke paas hi bethi thi uss ko bol prem ko bulaya.

Parul: prem bhaiya thodi der ruke ge. Maine abhi tak papa ka ashirwad nahi liya.

Prem bhavuk ho utha: haan haan bhabi kyu ni.

Fir uss ne suraj ko pukara jo rani se baat kar raha tha.

Prem: oye edar aa. ja jaa ke pehle bhabi nu papa da ashirwad dua. (oye idhar aa. Ja jaa ke pehle bhabi ko papa ka ashirwad dilwa.)

Suraj jhat se parul ki aur gaya.

Parul se bola: chalo ji. Papa ooper mandir mein he unn ki tasveer.

Suraj parul ka haath thaam ooper chal diya.

Hina aur uss ka pati bhi saath aa gaye.

Jyoti, geeta aur neelima bhi chal padi unn ke peechhe.

Sabhi ooper banne mandir mein aa pahuche.

Waha hari ki photo pe chadhi phoolon ki maala dekh parul apne aansoo rok na payi.

Parul dukhi mann se boli: papa ese to nahi dekhna chahti thi main aap ko.

Hina ki aankhein bhi chhalak padi.

Parul ko seene se laga ke: pagli rote nahi. Aaj papa jaha bhi hoge bahut khush hoge ke tu unn ki bahu he.

fir hina ne suraj ko kheech galle se lagya: tum ne papa ka sapna poora kar hi diya mere sohne veer.

Suraj nam aankhon se: di papa to chale gaye. Par mom ko bolo na aa jaye mere paas.

Hina: tu fikar mat kar. yeh he na parul dekh lena yahi le ke aaye gi jald hi mom ko yaha. Mujhe poora yakeen hone laga he apni iss chotti si bhabo pe.

Peechhe khadi jyoti, geeta aur neelima ki aankhein bhi chhalak rahi thi.

Hina ka pati: papa di aatma nu kyu dukhi karde ho yaar saare athru waha ke. Khushi da moka he. papa da ashirwad lena ci na mil gaya. Chalo hun thalle sare. (papa ki aatma ko kyu dukhi karte ho yaar sabhi aansu baha ke. Khushi ka moka he. Papa ka ashirwad lena than a mil gaya. Chalo ab neeche sabhi.)

Sab ek ek kar ke neeche chal padhe.

Seediyo se neeche utarte hue parul poora haal room dekh rahi thi.

Suraj jo uss ka haath thaame hue tha apne haath mein.

Uss ko ese dekhte hue bol pada: kyu madam ghar pasand nahi aya kya?

Parul smile de: ghar to shaandar he. bas ek kami he.

Suraj heran ho: kya?

Parul: wo haal room ke gate ke saamne jo painting he na waha papa ka ek poster lagana he bada sa. Aur mujhe ek aluminium ki seedi chahiye utni oonchi.

Suraj: uss ka kya karna he madam:

Parul: arey kya papa ki photo pe wo plastic ke phool nahi chahiye mujhe. Main daily apne haathon se unn pe taaje phoolon ki mala lagaya karu gi. Ta ke unn ke ashirwad ki mehak sada hum sab pe bani rahe.

Hina ka pati jo unn ke aagge chal raha tha sunte hi ruk ke bola: yeh hoti he saale sahib ghar ki asal lakshmi.

Suraj ne ussi pal updesh ko bula parul ki farmaish bata di.

Updesh hass ke: bhai sahib yeh baat to mujhe neela ne bhi kahi thi ke uncle ki tasveer yaha chahiye. Yeh soch ghar ki lakshmiyon ki hi ho sakti he hum ki nahi.

Lakshmi se suraj ko yaad aya.

Wo oonche sawar mein bola: arey yeh to mera lady luck he jiju. Shadi ke do din ke ander hi export ka bada order mila he pehla.

Yeh sun sabhi khushi se taali bajane lage.

Sab jese hi neeche aa ke bethe to prem champagne ki botal utha laya bar room se.

sabhi ke pegs bann gaye.

Ladies ko sharbat serve kiya gaya.

Champagne ke khatam hote hi black label ki bottles aa gayi.

Saath mein music pe dance karne lage sab.

Next day Sunday tha so kisi ko koi jaldi na thi.

pinki aur divya ko jaldi jana tha.

unn ko dinner karva ke rani ka pati suraj ke kehne pe giarah baje tak chhod aya.

Baaki sab ko ek baj gaye jaate jaate.

Geeta ke papa aaye to bike pe the geeta ki maa aur aarti ke saath.

Par suraj ne kaha ke wo bike subah le jaaye.

Unn ko bhi rani ka pati chhod aya tha car mein ja ke.

Sab ke jaane ke baad suraj ne parul ko unn ka room dikhaya.

Fir kuch soch ke wo parul ka haath pakad uss ko room se bahar laate bola: yaar pari tum ko maine ghar ke sab se important member se to milvaya hi nahi.

Parul heran ho: kis se surya?

Suraj jo thode nashe mein tha: arey yaar chal to sahi.

Rani ko pukara: rani darling. Rani jaan kidar ho tum.

Rani jo kitchen mein bethi khana kha rahi thi jhat se bol uthi: aai suraj baba.

Suraj hass ke: yeh aur iss ka kitchen dono ek doosre ka saath nahi chhodte.

Suraj parul ko le kitchen mein aa gaya.

Rani neeche bethi khana kha rahi thi.

Suraj: garmi ho sardi ho yeh yahi neeche beth ke hi khaye gi. Jab tak sabhi kha na le yeh khaati nahi.

Fir wo parul ko dekh bola: pari yeh he rani. Meri maa bhi behan bhi dost bhi girl friend bhi vaghera vaghera sab kuch.

Parul sunte hi hass di: aap ki jo bhi ho par main to rani kaki hi kahu gi.

Rani jo khana beech mein hi chhod chukki thi.

uthne lagi to parul ne toka: nahi rani kaki khana beech mein nahi chhoda karte. Ann ka apman hota he.

Rani: dekha suraj baba meri parul bibi kitni samajhdar he. kahi milti tum jese budhu ko esi lugai.

Suraj yeh sun ke wahi rani ke paas pero ke bhaar beth ke bola: yeh samajhdar lugai dhundi bhi to issi bhudu ne hi he rani ji.

Teeno hi hass diye.

Rani parul ki khilkhilati hassi sun uss ko dekh boli: suraj baba parul bibi hassti kitna pyara he. ooper wala inn ki hassi barkrar rakhe ese hi sada.

Itne mein bahar ka main gate khulne ki awaaz aai.

Rani ke pati ne car ander ki aur gate ko lock kar car ki chabi keys hanger mein latka ke ander aa gaya.

Suraj aur parul ko rani ke paas dekh hass diya.

Hasste hue bola: to suraj baba parul bibi ko rani sahiba se milvane laaye he.

Sabhi hass diye.

Fir rani ka pati bola: shukar he aaj kitne mahino ke baad hum ne suraj baba ko ruh se hasste dekha he parul bibi. Aap to inn ki hi nahi poore ghar ki ruh ban ke aai ho. Verna yeh hamara suraj baba to bas ek bejan si murat ban ke reh gaye the yaha. Aur yeh ghar ghar na ho sirf makaan tha.

Suraj galle mein baah daal ke lipat gaya rani ke pati se.

Rani: dekha parul bibi esa insaan mile ga aap ko kahi. Suraj baba To ameer gareeb mein, chotte bade mein koi farak nahi rakhta. Hamare bade sahib bhi to ese hi the.

Hari ke naam bhar se sabhi ek pal ke liye udas ho gaye.

Rani ka pati: par ab hum kabhi udaas na hoge. Bade maalik ki khushi jo poori kar di apne suraj baba ne.

Kuch pal aur ruk ke Suraj aur parul fir room ko chal diye.

Rani ka pati jaate jaate bola: rani aane se pehle parul bibi ko lock ka system bata dena.

Dono hi room mein aa bethe.

Itne mein rani bhi khana khatam kar room mein aa gayi unn ke.

Dono ko bed pe bethe dekh wo halke se smile deti room ke corner ki aur gayi.

Jese uss ne ek dori kheechi to dono par jese phoolon ki barsaat si hone lagi.

Dono herani se uchhle.

Suraj: arey rani yeh sab kese hua?

Rani hassti hui: yeh sab neela bibi ke pati updesh babu ka kamaal he.

Yeh bol ke hassti hui wo chal di.

Parul ko bula ke auto lock ka system samjhaya ander se.

rani gayi to parul lock kar ke ander aa gayi.

Room mein aate hi suraj ne parul ko baahon mein bhar liya.

Jappi pappi kar ke wo cupboard ki aur gayi.

Keys waha rakhe apne purse ke paas rakh di.

Fir dono ek doosre se lipte bed pe aa gaye.

Jab tak sabhi the ghar mein tab tak to koi baat na thi.

par sab ke jaane ke baad parul ko kaafi sardi mehsoos hone lagi thi.

Chennai aur Chandigarh mein sardi ka zameen asmaan sa farak tha.

suraj ke saath rajai mein ghuss ke uss ko kuch rahat mehsus hui.

Parul ki awaaz mein bhi thodi kampan thi kyu ke ab wo saree mein nahi nighty mein thi.

Kaampti awaaz mein hi parul boli: surya yaha to thandi bahut he. mere paas to garm kapde hi nahi kese nikle ge yeh thandi ke din.

Suraj hass ke: jaan aap fikar kyu karti he. aap ki thandi bhagane ke liye hum he na. jab tak thandi rahe gi. Hum aap ke saath din raat yahi bed pe rajai mein ghusse rahe ge.

Parul chonk ke: kyaaaaaaaaaaaa?

Suraj jor se hassa to parul sharmati hui uss ke pehlu mein simat gayi.

Suraj ne uss ko jor se bheench liya apni baahon mein.

Fir wo utha aur room warmer ko on kar uss pe temperature set kar wapas aa gaya.

Parul ko fir se baahon mein le bola: kal hum market chale ge. Poora din apni pari ke liye dher saari shopping kare ge.

Parul: nahi ji kal aap office jaye ge. Kitne din ho gaye office gaye.

Suraj hass ke: yaar kal Sunday he.

Parul thodi jhemp ke suraj se lipat gayi.

Next subah uthte hi suraj ne sab se pehle hari ki ek pic updesh ko send ki mail se.

Fir uss ko call kar ke yaad kara diya poster lagane ka.

Updesh hass ke: bhai sahib neela raat se teen baar remind karva chukki he.

Suraj bhi hass diya.

Fir Updesh ne kaha ke Tuesday tak ho jaaye ga sab kaam.

Naashte ke baad suraj parul ko le ke nikla.

Suraj ne parul ko yaha ke latest fashions ke dhero kapde aur joote le ke diye.

Woolen cloths ki har variety saath mein hand gloves aur scarf bhi.

Lunch bhi ek hotel mein hi kiya.

Sham ko jab dono ghar laute to kafi thak chukke the ghoom ghoom ke.

Next day subah pehle suraj office gaya.

Kuch der ke liye parul bhi waha chali aai.

Divya, pinki aur rashmi ke saath dosto jese pesh aai wo.

Rashmi ko to uss ne keh diya ke wo uss ko dheere dheere kar sab accounts sikha de.

Ta ke kal ko agar kabhi wo jaaye to peeche naya accountant dhoondne tak suraj ko koi preshani na ho.

Baad dopehar ko hari ka purana driver bhappa ji jis ko suraj taya kehta tha wo aa gaya.

Parul se mil wo bahut hi khush hua.

Suraj ne rani ke pati ko ek gatekeeper cum chowkidar bhi arrange karne ko keh diya.

Sham ko suraj parul ko le ke thoda ghoomne ko nikal gaya.

Saath hi uss ne jyoti ko kisi ache boutique ka poochha.

Jyoti ne mohali mein hi ek ka bata diya.

Jo ek shandar designer thi.

Suraj parul ko le ke boutique wali ke paas chala gaya.

Wo to suraj ko dekhte hi pehchan gayi.

Kyu ke wo bhi uss ki purani class mate thi dasvi tak.

Uss ko jab pata chala ke parul Chennai se he to.

Wo hass ke boli: suraj aap sharmeele to shuru se hi the. Par itne hoge yeh nahi pata tha ke bhabi ke liye aap Chandigarh se Chennai udhan bhar lo ge.

Teeno hi hass padhe.

Agle din wo ghar aa gayi apni ek worker ko le ke parul ki measurements lene.

Suraj ne kanta ko reception ke liye bataya to kanta ne saaf inkar kar diya ke wo nahi aaye gi.

Suraj ne bhi zid mein aa ke yeh fesla kar liya ke wo tab tak koi function na kare ga jab tak maa ghar nahi aati.

Suraj ne phone kar ke Chennai bata diya ke filhal wo reception nahi kar raha.

Suraj ne honeymoon ke liye parul ko poochha ke kaha chalna he.

Parul ne heaven of earth Kashmir jaane ki ichhaa jatai.

Suraj ne kaha ke waha wo new year pe jaye ge.

Suraj uss ko hongkong le gaya honeymoon ke liye.

Waha se wo seedha Chennai laute.

Do din waha ruk ke wo wapas aa gaye.

Dono ke wapas aate hi suraj ne office jaane laga fir se.

Wese pinki ne yaha aur radhika ne delhi mein poora kaam sambhal rakha tha.

Suraj ne shadi ki khushi mein sab ko ek ek special increment de di.

Suraj ka yeh good luck tha ke uss ka staff uss ka poora saath deta tha.

Sab ko pata tha ke suraj ki nai nai shadi hui he.

Iss liye sardi ka mosam hone ke bawjood sabhi apna kaam nipta ke jaate.

Suraj ne rani ke pati ki duty laga di thi ke sardi ke dino mein wo har subah teeno ko office bhi le ke aaye aur chhod ke bhi aaye raat ko.

Issi karan teeno hi pinki, divya aur rashmi jara bhi na jhijkti der tak office mein kaam karne se.

Unn ho ne kabhi overtime bhi demand na kiya.

Suraj unn ko saal mein ek ki jagah do baar bonus deta iss mehnat ke badle.

Suraj ki absence mein maal bhejne ki jimmevari ab poori tarah pinki ne khud hi apne kandho pe le li thi.

Suraj jab se hongkong se lauta tha har doosre ya teesre din kisi na kisi ke ghar invited rehta dinner ke liye.

Hongkong se laut coming Saturday ko suraj delhi gaya tha parul ko le ke.

Waha wo Monday tak ruka.

Mitali aur kavita dono ne hi chutti le li thi unn ke aane pe.

Sab mil ke khoob ghoome.

Suraj parul ko le ke Gurdwara Bangla Sahib maatha tikaane le ke gaya.

Parul ne waha ja ke bada sakoon mehsoos kiya.

Dharmik asthan koi bhi ho kisi bhi dharam ka ho waha ja ke sakoon milta hi he.

Idhar ghar mein Driving ke liye rani ka pati to tha hi.

Rani ke pati ne chowkidar cum gateman bhi dhoond diya tha.

Suraj ko taya ka bhi bahut sahara mila tha.

Kyu ke wo bhi godown ka kaam sambhal leta tha.

December ke last mein suraj new year manane parul ko Kashmir le gaya.

Kashmir ghoom ke bahut khush hue the dono.

 

[StoryPublisher]

Pehla Pyar - Koi Jeeta Koi Hara

Part-42

Naya saal aa gaya.

Naya saal ek aur khushkhabri le ke aya.

Hina umeed se ho gayi.

Suraj ka kaam jo ab tak south mein Chennai tak hi seemat tha ab south ke aur shehron mein bhi felne laga.

Kyu ke jese hi logo ko yeh pata chala ke suraj iyer ka damaad he to unn ko iyer ke kaaran poora vishwas ho gaya.

Kyu ke iyer ki apni image as businessman bahut achi thi.

Fir suraj ne apne work ke style se bhi sab ko impress kiya.

Suraj advance tabhi leta jab wo maal supply karne ki position mein hota.

Export ke order ki intime supply se same company ne ek aur order de diya saath hi saath.

January ke first week mein suraj ne ek nai car le li parul ke liye.

Chandigarh mein Chennai se traffic kam hone se ab parul khud bhi drive kar sakti thi.

Idhar parul ne jab pehli baar kitchen mein kadam rakha to wo sweet dish bana ke suraj se zid kar ke kanta ke flat pe le ke gayi.

Suraj khud uss ko saath le ke gaya.

Subah ka time tha iss liye suraj jaanta tha ke kitty ke waha hone ka koi scope na hoga.

Kanta ghar aaye bête bahu ko iss ke liye kese inkar karti.

Fir uss ke jehan mein kahi na kahi hina ke pati ki kahi baat yaad thi ke mom ki kismat mein agar bête aur bahu ka sukh he hi nahi to koi kya kar sakta he.

Bête aur bahu ko dekh kuch pal ke liye kanta ka dil pighal gaya.

Uss ne na sirf bahu ke chonke chadhne ki rasam ka sam-maan kiya.

Par iss ke liye uss ne apne galle mein padhi ek sone ki chain bhi nikal parul ko pehna di.

Waha kaam karne wali bai jab sab ke liye chai bana ke le ke aai to kanta ne purse se kuch note nikal dono par se vaar ke bai ko dete kaha ke yeh uss ke beta aur bahu he.

Suraj ko hina ki kahi yaad aa gayi ke ek din parul hi wapas le ke aaye gi mom ko ghar.

Suraj ko behan ki baat pe yakeen sa hone laga.

Jab yeh khabar kitty tak pahuchi to wo bahut bigdhi kanta pe.

Idhar kitty ke sasural mein dheere dheere sab ko khabar lag gayi ke suraj ne shadi kar li.

Kuch ek ne to kitty se shikwa bhi kiya ke uss ne bhai ki shadi ka bataya kyu nahi aur na hi reception pe bulaya.

Kitty kya kehti wo to bas chup reh jaati har ke kehne pe.

Feburary tak jab parul ke mamma papa ko yakeen ho gaya ke suraj ab koi function nahi kare ga.

To iyers ki poori family aa gayi milne Chandigarh.

Wo suraj ki poori family ke liye gifts laaye the.

Parul ke liye to suraj ne kuch bhi laane se saaf rok diya tha.

par wo fir bhi kanta, kitty aur hina ke liye gold ke sets aur saath mein sab ke liye shandar kapde laaye.

Hina aur kitty ke patiyon ke liye bhi kapde aur kitty ke bacho ke liye ek lifafe mein cash daal ke laaye the.

Suraj ne hina ke pati se baat ki to wo kanta ke flat pe uss time hina ko le ke aa gaya jab suraj unn sab ko kanta ke flat pe le ke aya.

Kanta ne hina ke pati ke kaaran bade ache se sab ko welcome kiya.

Mrs. iyer ne sab laaye gift kanta ko de ke bata diya kya kis ka he.

Kanta ne bhi shivani ko khaali haath na jaane diya.

Hina ke pati ne sab ko ghar aane ka kaha to iyer ne kaha ke iss baar to time ki kami he.

Next time jarur aaye ge.

Mrs. iyer ne hina ko pyar dete kaha: jab suraj aur parul maama maami bane ge to wo jarur aaye ge unn ke ghar badhai dene.

Kanta ne jaan bhooj ke kitty ko gifts teen din baad diye jab uss ko pata chala ke iyer parivar wapas chala gaya.

Jis baat ka kanta ko darr tha wahi hua.

Kitty sare gifts le ke suraj ki kothi pe chali gayi.

Gate ke bahar hi khade ho ke uss ne suraj ko bahar bula liya aur saare gifts uss ke saamne patak ke laut aai.

Jaate jaate wo bol gayi: yeh biksha tu apne paas hi rakh. Esi bheekh se tu mujhe nhi khareed paaye ga.

Kitty ke iss pagalpan ka jab kanta ko pata chala to pehli baar uss ne mehsoos kiya ke kitty ne bahut galat kiya he.

Parul ab jab bhi kabhi suraj ke saath niklti to wo kai baar zid kar ke kanta ke flat pe chali jaati suraj ko le ke.

Kanta jo shuru shuru mein parul se koi khaas baat na karti thi.

Par baad mein dheere dheeere uss se khul ke baat karne lagi thi.

Parul ka masoom chehra aur sabhaav ka bholapan dheere dheere kanta ke dil mein jagah banane laga.

Iss se suraj ko kanta ke laut aane ki umeed aur badh gayi.

Parul ko jab wo pehli baar Chennai rachit ki shaadi pe mili thi kanta.

tabhi uss ne kuch der ke liye hi sahi bahu ke roop mein uss ka sapna to dekha hi tha.

aur fir hari ki to antim saans tak yeh ichha thi ke parul hi uss ki bahu banne.

Kahi na kahi wo ab mehsoos karne lagi ke parul se achi ladki shayad suraj ke liye koi aur na hoti.

Jo ke kitty ke itne galat behave ke baad bhi uss ka itna karti he.

Shayad issi karan se kanta ne na sirf parul ko bahu roop mein ab savikar kar liya tha.

Balke parul ko wo bahu aur beti ki tarah se pyar bhi karne lagi.

Agar hina umeed se thi to jyoti ki yeh good news to hina se bhi pehle mil gayi thi suraj ko.

Par Jyoti to abhi bacha nahi chahti thi.

Jab uss ne yeh prem ki mummy se kaha to uss ki saas ne bhi keh diya ke jesi uss ki khushi.

Par yeh baat prem ki mummy ne kitne dukhi mann se kahi thi iss ka kuch ehsaas ho gaya jyoti ko.

Uss ne esa koi bhi kadam uthane se pehle apni mamma se baat kar li ke wo kahi yeh galat to nahi karne ja rahi.

Jyoti ki maa ne yeh sunnte hi buri tarah daant diya jyoti ko ke yeh to wo galat hi nahi bahut bada gunah karne ja rahi he.

Esa karne se ek to uss ke inlaws ka dil dukhega jo ke uss ko beti se badh ke pyar karte he aur doosra wo ek maa ho ke apne pehle hi bache ki jaan lene ka gunah karne ja rahi he.

Jyoti ki maa ne yeh bhi kaha ke kal ko uss ke apne chhote bhai Deepak ki patni esa soche to kya beete gi uss ke dil pe.

Jyoti samajh gayi ke wo kitni badi galti karne ja rahi thi jhat se prem ki mummy ke paas aa boli ke wo esa nahi kare gi.

Saath hi uss ne maafi bhi maangi ke uss ne esa karne ka socha hi kyu?

Uss ne maa se badh ke pyar dene wali saas ka dil kyu dukhaya?

Prem ki mummy to khushi se jhoom uthi.

Jyoti ko seeneke laga ke pyar kiya.

Suraj aur parul march ke mid mein ek baar fir Chennai gaye.

Suraj ko thoda kaam tha south mein to wo parul ko saath le gaya.

Parul ko khush dekh ke iyer family bahut khush thi.

Khaas kar jab parul ne yeh bataya ke wo dheere dheere apni saas ke dil mein jagah banane mein kamyab ho gyi he.

Hina aur uss ke pati ki to wo pehle hi tareef kar chukki thi.

Fir unn dono se to wo sabhi mil bhi liye the.

Teen char din waha ruk ke dono laut aaye.

Suraj ne parul se kaha bhi ke wo chahe to kuch din ruk jaaye waha.

Kyu ke mrs. iyer ka dil tha ke beti rahe kuch din uss ke paas.

Par parul nahi maani.

Uss ne maa se kaha ke suraj ko bachpan se hi nokro ke haath ka khana mila he.

ab parul nahi chahti thi ke wo aur nokro ke haath ki roti khaye.

Kyu ke kitchen mein cooking saari ab apne haath se karti parul.

Mrs. iyer fir kuch na boli.

Uss ko garv hone laga beti ki soch pe.

Har week mein do teen baar prem-jyoti aur suraj-parul ek saath dinner karte hi the.

Kabhi prem ke ghar aur kabhi suraj ke ghar.

Kai baar neelima aur updesh bhi aa jaate inn ke saath.

Geeta bhi kabhi kabhi aa jati.

Parul, neelima, geeta aur jyoti to aksar phone pe baatein karti hi rehti.

Shopping karne bhi sab ek saath hi jaane lagi thi.

Kabhi kabhi geeta ke paas time na hota to wo na aa pati students ki study ke kaaran.

Geeta aur jyoti jab bhi dono neelima ko saath le suraj ke ghar aati.

Tab neelima aur parul ke saamne hi suraj ki taang kheechne se baaz na aati.

Parul to hass deti. Par neelima kabhi kabhi chidh jaati aur dono ko gaaliya dene se na chookti.

Parul ne jyoti aur neelima ke ilava jyoti ki mamma ki help se bahut saari Punjabi dishes banana seekh li.

Non veg items ke liye parul prem ki mummy ya fir prem ki behan jassi ki help leti rehti.

Suraj heran tha ke parul daily daily nayi dishes kaha se seekh leti he.

yeh to uss ko uss din pata chala jab uss ke haath parul ki diary lag gayi jis mein recipies note ki hui thi.

Parul ab kanta se milne akeli hi chali jaati thi.

kanta bhi khush ho jaati parul se mil ke.

Agar kuch din parul na jaati kanta se milne to kanta fikar karne lag jaati.

Wo phone kar ke pooch leti parul se ke wo thik to he na.

Kitty bhi jaan chukki thi ke parul aati he.

issi karan wo kanta se jab bhi milti ladhne lag jaati.

Par kanta ab iss baat ko thoda ignore karne lagi.

Asal mein ab uss ko parul ka anaa acha lagta.

Kanta jab bhi hina ke yaha jaati to phone kar ke parul ko bhi bula leti wahi.

Kanta ka parul ki aur jhukna jaha suraj aur hina ko bahut acha lag raha tha.

wahi kitty iss se kuch jayada hi preshan hone lagi.

Kitty ab parul se itna jal bhunn chukki thi ke uss ne parul ke virudh ulti seedhi baatein karni shuru kar di kanta se.

Kitty kabhi kehti ke parul ek din suraj ko ya to Chennai le jaaye gi ya fir suraj ka sara pesa loot paat ke bhaag jaye gi.

Fir wo yeh bhi kehne lagi ke parul jadu tona karti he.

ussi jadu ke karan uss ne kanta ko bhi apne jaal mein phaans liya he.

jese pehle suraj ko phaansa he.

Kanta ne kitty ki yeh baat hassi mein taal deti.

Kanta ab daily ek do baar parul se baat kar leti phone pe.

Kabhi kabhi wo suraj se bhi baat karne lagi thi.

Agar suraj call karta to bhi kanta na sirf uss ki call attend karti balke bahut hi ache se baat karti.

Parul jab bhi Chennai maa se baat karti to saas se ache ho rahe rishto ka jikar jarur karti.

Mrs. iyer iss se bahut khush hoti.

April mein students ke exam ke baad ab geeta ki shadi ki tayari hone lagi.

May ke doosre week ki date fix thi pehle hi.

Suraj aur prem ne aage ho saari jimmevari le ke shadi ka kaam poora karvaya.

Geeta ka bhai bhi aya tha apni patni ke saath.

Par wo sirf time ke time aya aur chala gaya ek mehmaan ki tarah.

Geeta chali gayi doli mein beth.

Geeta ki shadi ke kuch din baad hi parul ko phone aya Chennai se ke wo bhua banane wali he.

parul ne jab suraj ko bataya to wo uss ko Chennai le gaya.

June mein suraj ne china jaane ka programme bana liya.

Ek to kaam aur saath mein parul ko ghumana.

Uss ne prem aur jyoti se bhi kaha par jyoti ki pregrancy ke kaaran wo na ja paaye.

Fir uss ne neelima updesh aur radhika arun se bhi kaha.

Radhika to na maani par updesh raaji ho gaya.

Parul ko china jaane ki khushi ke saath hi neelima ke saath jaane ki aur bhi khushi hui.

Ek week ke iss trip mein jaha sab ne khoob enjoy kiya.

Wahi suraj aur updesh ko apne kaam mein bahut benefit mila.

Dono ko kuch naya seekhne ko mila jo abhi india mein nahi tha.

Waqt teji se gujrne laga.

Parul ke paas jab bhi thoda free time hota to wo office chali aati.

Commerce graduate to wo thi hi.

issi liye rashmi ki help se wo accounts poori tarah seekh gayi.

Suraj ka saath pa ke parul be-had khush thi.

suraj kaam mein busy hone ke bawjood uss ko ghumane ke liye time nikal hi leta.

Parul ko kabhi kuch maangna hi na padhta.

Suraj uss ko har badi chotti cheez uss ke bina kahe hi le deta.

July ke last mein jyoti ne ek sunder bête ko janam diya.

Prem ki mummy ne uss din khushi mein apna sara purse hospital mein hi khaali kar diya.

Bache ke sava mahine ke hote hi prem ki family ne shandaar party ki.

Uss mein radhika, geeta dono hi apne patiyo ke saath aai thi.

geeta shadi ke baad pehli baar mil rahi thi sab se.

Geeta aur jyoti ne khoob taang kheechi waha bhi mil ke suraj ki.

Wo bhi neelima aur parul ke saamne.

Neelima aur parul bhi khoob hassti rahi mazze le le.

August ke teesre week mein hina ne ek sunder beti ko janam diya.

Hina ki saas to itni khush thi ke daadi bann ke uss ne bachi ke sava mahine ki hote hi ek shandaar party di.

Uss ke liye beti kisi bête se kam na thi.

Uss party mein sab se badi koi attraction thi to parul.

Parul ne to jese sab ka dil hi jeet liya tha.

kitty ke ander irsha to pehle hi thi parul ko le ke.

Sab ki juban se parul ki tareef sun ke wo aur bhi jal bhunn gayi.

Khaas kar uss ko aur bhi takleef tab hui jab uss ke sasural mein aaye hue logo ne bhi khoob tareef ki parul ki.

Kanta bhi khush ho rahi thi bahu ki tareefein sun sun.

Kitty ne baad mein apni saari bhadhaas kanta pe nikal di uss ke flat pe ja ke.

Uss ne yaha tak keh dala ke uss ki bad-dua lage gi aur parul ko kabhi bacha naseeb na hoga.

Kanta ka dil tadap utha apni beti se yeh sab sun.

Wo bhi uss bahu ke liye sun ke jo kisi ke liye bura sochti tak na thi.

Issi bahu ne uss ke vansh ko aage badhana tha.

Uss ko daadi kehlaane ka sukh dena tha.

Pehli baar wo raat bhar dukhi ho ke roti rahi.

Dil hi dil mein pati ko buri tarah miss karti rahi.

Jo kanta abhi tak suraj ko hari ki maut ka jimmevar samjhti thi.

Aaj uss ko mehsoos ho raha tha ke hari ke liye uss ki beti kitty jimmevar he ya wo khud.

Wo ooper wale se dua karti rahi ke suraj aur parul uss ko jaldi hi daadi banna de.

Suraj aur parul ki marriage anniversary aane wali thi.

Dono ne ek baar ja ke kanta se kaha ke agar wo ghar aa jaye to wo ek grand party kare ge.

Par kanta ne bête bahu ko seene se laga ke kaha ke wo abhi ghar nahi aa paye gi.

Par wo party pe jarur aaye gi aur raat bhi ruke gi unn ke paas.

Kanta ke dil mein abhi bhi shayd beti ke liye pyar bête se badh ke tha ya fir darr tha uss ki narajgi ka.

Suraj aur parul ne simple party karne ka vichar kiya.

Sirf ginne chunne khaas logo ko hi bulaya gaya.

Chennai se mrs. & mr. iyer ke saath rachit aur shivani to na aaye.

Kyu ke shivani maa banane wali thi.

par babita ne aa ke jarur surprise diya sab ko.

Radhika, arun, manish, kavita sab aaye the mitali, suhan aur baby ke saath.

Geeta bhi aai thi pati ke saath.

Local to sab ko ana hi tha.

kitty ke laakh rokne ke bawjood kanta aai thi.

wo sab se bahut hi khush ho ke mili.

Wo time se pehle hi aa gayi thi.

Aage ho sab ka welcome kar rahi thi.

Iss party mein jyoti ki maa se kanta ne sab gile shikwe dur kar liye.

Kanta ne jo jyoti ke liye jo kaha tha uss ke liye uss ne prem aur jyoti se alag se maafi maangi thi.

Sab ko herani to tab hui jab kanta ne neelima ko galle lagaya.

Kanta neelima ka maatha choom: mujhe maaf kar do beti. Maine bahut bura kiya tum sab ke saath. Main jaldi hi aau gi tumari mummy se maafi maangne.

Neelima jo apne aansoo daba na pai boli: nahi auntie aap mamma jesi he meri. Maa kabhi maafi maangti apne bacho se.

Kanta: yeh to tera badhapan he beti verna maine…..

Iss se pehle kanta aage kuch keh pati.

Neelima ne uss ko tok diya.

Neelima: bas auntie ab kuch na bole please. Jo ho gaya so ho gaya. Main suraj aur parul ke liye bahut khush hu.

Fir kanta ne sunil ko goddi mein le ke pyar kiya.

Mrs. iyer to kuch jayada hi khush thi kanta se mil ke.

Uss ko sab se pyar se milte dekh.

Cake kaatne ke baad abhi khana peena chal hi raha tha ke achanak parul ki tabiyat bigadh gayi.

Uss ko mitli ke saath thodi vomiting hui thi.

Parul ne kaha bhi ke aise hi bas ho gaya.

Par kanta kaha maani kisi ki.

Suraj ko bol lady doctor ko ghar hi bula liya.

Doctor ne jab check up kiya.

Tab room mein kanta aur mrs. iyer thi.

Lady doctor kaanta ki achi pehchan wali thi.

Lady doctor kanta se: congrats mrs. chopra. Aap daadi bann-ne wali he.

Yeh sunte hi kanta to khushi se lipat hi gayi parul se.

Mrs. iyer aur kanta dono ne ek doosre se galle mil ke bhadai di.

Aaj ki iss party ki khushi do-guni ho chukki thi.

Har aur se Mubarak mil rahi thi.

Kanta ne raat ko mrs. iyer se kaha: behan ji acha hoga agar aap kuch din yahi ruk jaaye.

Mrs. iyer ne uss ko kaha: behan ji aap ke rehte mujhe kya jarurat he rukne ki. Parul ab aap ki beti he.

Saath hi mrs. Iyer ne yeh bhi kaha ke wo ab laut aaye bête aur bahu ke paas.

Kanta ne kaha ke ho sakta he jaldi hi wo aa jaye. Par abhi wo yaha nahi aa paye gi rehne.

Saath hi yeh bhi kaha ke uss ke Chennai jane ke baad wo parul ka poora khayal rakhe gi.

Kanta uss raat sone se pehle khoob royi thi.

kitty ki zid ke chalte wo bête aur beti ke beech batt gayi thi.

wo samaj na pa rahi thi ke kya kare.

Mrs. iyer parul ke paas ek week ruki.

Kyu ke udhar shivani ka bhi aathva maah chal raha tha.

suraj aur parul saath hi challe gaye Chennai.

Kyu ke shivani ki godd bharai ki rasam honi thi.

kaha to mrs. iyer ne kanta ko bhi.

Par kanta ne kaha ke shivani ke bacha hone pe wo jarur aaye gi.

Godd bharai ki rasam ke baad suraj aur parul Chennai teen char din aur ruke the.

Kyu ke suraj ko kochi jana tha apne business ke silsile mein.

Parul jab lauti to kanta ussi din chali aayi uss ko milne.

Har doosre ya teesre din koi na aa hi jata parul ke paas.

Kabhi khud kanta, kabhi hina aur kabhi jyoti.

Jyoti jab bhi aati to wo neelima ko saath le aati.

Koi na aata to pinki, divya aur rashmi to thi hi uss ke paas.

Aur sab se badh ke rani.

Rani ka vash chalta to wo to parul ko bed se utrne hi na deti.

Par parul kitchen mein to jarur jaati teeno time.

Apne surya ke liye khana wo apne haath se banati.

January ke first week mein rachit ke yaha beti ne janam liya.

kanta vaade anusar rachit ki beti ke naamkaran ke mokke pe suraj aur parul ke saath gayi Chennai.

Suraj ki mom aur parul ki saas kanta se mil ke sabhi bahut khush hue.

Rachit aur shivani to kuch jayada hi khush hue kyu ke kanta unn ki shadi ke baad unn ki beti ki khushi ke time bhi shareek hui.

Kanta ko jo izzat-maan mili Chennai mein uss ko dekh wo ab pachhta rahi thi ke wo apne bête ki shadi pe kyu na aai yaha.

Par beeta waqt to kabhi laut ke nahi aata.

Kanta jab wapas aayi to kitty fir se ladhai karne aa gayi uss ke saath.

Kanta uss ko samjhane ki koshish ki ke wo bhi ab gussa thook de aur apne bhai se sulah kar le.

Par kitty gusse se bifri boli ke wo apne uss bhai ko kabhi maaf na kare gi.

Jis ke karan uss ke papa ki jaan gayi.

Jis ne dhokhe se papa ke saare pese aur business pe kabja kar liya.

Kanta ne kaha bhi ke hari ne to khud hi jaane se pehle sab kuch suraj ko de diya tha.

par kitty pe iss baat ka koi asar nahi hua.

Uss ne fir ek baar kanta ko dhamki dii ke jis din wo suraj ke paas gayi rehne ko ussi din se dono maa beti ka rishta khatam ho jaaye ga.

Do teen din baad jab kanta suraj ki kothi gayi to parul aur suraj se apna dard chhupa nahi payii jo uss ke dil mein kitty ke karan tha.

Dono ke jor dene pe uss ne bata diya sab kuch.

Suraj: mom kitty di ko mere business se problem he na. to thik he main sab kuch unn ko dene ko ready hu.

Parul: haan mom agar didi itne se hi khush he to surya unn ke naam kar dete he sab kuch. Hum sab aap ke flat mein reh le ge. Hamare liye aap ki khushi se badh ke nahi he ye pesa.

Kanta ne uss ko seene se laga ke choom liya.

Kanta boli: nahi beta yeh galti kabhi mat karna. Iss pe sirf tum dono ka hak he. kitty ke papa ne pehle hi sab de diya tha suraj ko. Dono betiyo ko unn ka hissa unn ki shadi pe de diya tha. aur fir maine kothi mein se bhi dono ko ek ek hissa de diya tha. mere paas bhi ab jo he uss pe sirf tum dono ka ya tumare hone wale bache ka hi hak he.

Kanta sakhti se suraj ko apni kasam de ke kehne lagi ke wo aage se aisa kuch soche ga bhi nahi.

Pehli baar kanta ne suraj ke saamne yeh sawikar kiya ke agar uss ne kitty ke behkawe mein aa ke zid na ki hoti to aaj uss ke papa unn sab ke saath hote.

Unn ke beech hote.

April ka month shuru ho chukka tha.

march ki closing ke baad sab kafi relaxed the.

Pichhla baras kaam ke lihaj se bahut acha gaya tha.

suraj delhi jaaye na jaaye uss ko koi fikar na rehti thi.

kyu ke radhika waha bahut ache se sara kaam sambhal rahi thi.

aur idhar Chandigarh office mein pinki ke saath divya aur rashmi ache se sab kaam dekh leti thi.

suraj agar sab pe poora vishvas karta tha to wo sab bhi poori imandaari se apna kaam karte.

Suraj ko ab godown chhota padhne laga tha.

issi liye suraj ne mohali mein ek bada godown khud hi khareed liya.

Iss ki payment ke liye uss ne apna mohali wala flat bech diya.

April ka teesra week tha.

kanta teen char din se aai na thi parul aur suraj ke paas.

Parul ko fikar hui to uss ne call laga di.

Kanta ne kaha ke uss ki tabiyat thodi thik nahi he.

parul ne suraj ko bataya phone kar ke.

Suraj uss time Patiala gaya hua tha kisi kaam se.

Parul ne rani ke pati se kaha ke wo uss ko mom ke flat pe le chale.

Kanta uss ke aane pe thoda gussa hui.

Par parul ne hass ke kaha: mom main kaun sa pedal aai hu yaha. Gaadi se hi to aai hu jo aap itna fikar kar rahi he.

Parul ne rani ke pati ko wapas bhej diya aur saath hi suraj ko keh diya ke wo mom ke yaha he.

wo wapas aa ke uss ko le jaaye.

Suraj ke aane tak parul ne dinner ready kar liya.

Kanta ne kaha bhi ke bai bana leti he dinner.

Par parul kaha sun-ne wali thi.

Raat ko dinner ke baad dono ghar laute.

Parul ne to kaha ke wo wahi ruk jaati he.

par kanta ne uss ko bhej diya wapas yeh bol ke wo ab better he.

Parul next day fir se nashte ke baad kanta ke yaha aa gayi.

Kanta ko ab bukhar to nahi tha par wo weakness feel kar rahi thi.

Parul to raat tak rukna chahti thi par kanta ne jabran uss ko lunch ke baad bhej diya.

Kyu ke uss sham ko kitty ne aana tha.

kanta nahi chahti thi ke kitty ko mile parul.

Agle roj subah fir se parul aa gayi.

Kanta ko halka bukhar fir ho gaya tha.

kanta ne parul se yeh baat chhupa li ke pichhli raat ko thik na hone ke bawjood kitty uss ko le gayi thi.

kyu ke kitty ki sasural mein koi function tha.

Parul jhat se uss ko doctor ke paas le gayi.

Doctor ne medicine dete kaha ke inn ko complete bed rest ki jarurat he.

koi exertion na kare.

Sath hi uss ne blood le liya.

Test reports uss ne next day deni thi.

Parul uss din bhi lunch ke baad aai ghar.

Wo rukna chahti thi par majboori thi kyu ke suraj ke ek client ki beti ki shadi thi sham ko.

Kanta ne uss ko jabran bhej diya yeh kehte hue ke jaha bhi jao dono ek saath jao.

Suraj parul ko le ke raat ko shadi ke liye gaya.

Wo ab functions pe hamesha hi rani ke pati ko saath rakhta kyu ke kai baar uss ko drink karni padh jaati.

Wo drink kar ke driving ke hak mein kabhi bhi nahi tha.

Unn ke pahuchne ke time tak baraat aa chukki thi.

jaimala ki rasam chal rahi thi.

Suraj ja ke ladki ke papa se mila.

Parul se introduce karvaya.

Ladki ke papa ne parul ko ashirwad diya.

Fir dono ko patni ke paas la milvaya.

Suraj aur parul dono ladki ko badhai de stage se neeche aa gaye.

Ek table pe beth snacks lene lage.

Table pe bethte hi suraj ne parul ko bataya ke ladka kitty ka dur ka devar he.

Kyu ke Suraj ne ladke ko dekhte hi pehchan liya tha.

Fir waha kitty ke inlaws ke kuch aur logo ko bhi dekh liya tha suraj ne.

Kitty ke in-laws mein se jo koi bhi suraj ko dekhne laga uss ko aa ke milne laga.

Kitty ki inlaws mein se do teen nande bhi aa ke mili.

Parul ko dekh sabhi ne kaha nice choice.

U both r making sweet couple.

Suraj nahi chahta tha ke uss ka saamna kitty se ho.

Issi liye suraj ne parul ko chalne ke liye kaha.

Parul ne jab dinner ka poochha to suraj ne kaha ke bahar karte he kahi.

Parul samajh gayi ke suraj kitty ke saamne nahi anna chahta.

Dono uth ke chal diye.

 

[StoryPublisher]

Pehla Pyar - Koi Jeeta Koi Hara

Part-43

Dono uth ke Abhi chand kadam hi chale the ke kitty ki bhua saas ki beti suraj ke paas chali aai.

Wo kuch der pehle hi suraj ko mil ke gayi thi.

wo suraj se poochhne lagi ke wo log kaha chal diye.

Suraj ne kaha wo ghar ja rahe he.

Kitty ki nanad: suraj I know aap ke aur kitty bhabi ke beech problem he. shayad bhabi ke kaaran hi auntie bhi aap se naraaj he. but abhi auntie ko aap ki jarurat he. she needs u. shayad bhabi ko pata na chala ke auntie thik nahi. Tabhi wo auntie ko yaha function pe le aai.

Suraj aur parul ke paon talle se zameen khisak gayi

Parul bol padhi: wat? Mom yaha? Unn ko to bukhar he. doctor ne sakhti se roka tha exertion ko.

Dono kitty ki nanad ke saath teji se waha gaye jaha kanta kitty ki bhua saas ke saath bethi thi.

shakal se hi pata chal raha tha ke uss ka bura haal he.

Dono ne bina kuch kahe kanta ko sahara de uthaya aur saath le chal padhe.

Uthte hue kanta ne kitty ki bhua saas ka thanx karte kaha: ab aap fikar na kare behan ji. Mera beta aur bahu mil gaye he.

Kitty ki bhua saas ne parul ko bade pyar se dekha aur uss ko pyar diya.

Jaate jaate suraj kitty ki bhua saas se bola: auntie please aap di ko bol dena ke mom ko main le gaya.

Kanta ko bukhar kaafi tej tha.

wo mushkil se chal pa rahi thi.

Suraj uss ko seedha doctor ke paas le gaya doctor ke ghar hi.

Doctor gusse hone laga ke rokne ke baawjood yeh excertion kyu kar rahi he baar baar.

Issi karan yeh normal fever ho na ho typhoid bann chukka he.

Uss ne yeh bhi kaha ke yeh subah jab blood report aaye gi to pata chal jaaye ga.

Doctor ne injection diya. Saath mein kuch medicines di.

Complete bed rest ki instructions di.

Suraj ko kitty pe gussa to bahut aya tha par abhi uss ko sirf maa ki fikar thi.

So wo chup raha.

Kanta ne inkar kiya par suraj aur parul jabran uss ko mohali kothi le gaye.

Ghar pahuch ke rani ka pati aur suraj utha ke kanta ko ander le ke gaye.

Kyu ke injection ke asar se uss ki palkein bhojil hone lagi thi.

Baaki Jo medicines doctor ne kahi thi wo de ke kanta ko sula diya.

Rani aur parul ne mil ke ghar hi dinner bana liya.

Agli subah saat baje the jab kanta ko thodi hosh aai.

Wo heran ho uthi.

Kyu ke parul uss ka haath pakde so rahi thi paas hi.

aur parul ke sath suraj bhi so raha tha wahi.

yeh dekhte hi kanta bhavuk ho uthi.

Jese hi kanta ne parul ke haath se apna haath kheencha to parul ne jhat se aankhein khol di.

Parul: mom kuch chahiye kya?

Kanta halki si smile de: mujhe toilet jana he beta.

Parul samajh gayi ke kanta se utha nahi ja raha hoga.

Parul: chaliye mom main le chalti hu.

Dono ki awaaz sun suraj bhi uth gaya.

Wo sahara de kanta ko bathroom tak le gaya.

Issi beech parul ne phone kar rani ko bhi bula liya.

Din mein kanta ne parul ke phone se hi hina ko call kar bula liya wahi.

Suraj kanta ke flat ki chabi le uss ke kuch kapde le aya.

Hina ko bahut gussa aa raha tha kitty pe ke wo kanta ko bukhar hote hue bhi pehle to jabran shadi pe le gayi fir uss ne maa ki ek baar bhi khabar tak na li.

Hina to sham hote wapas chali gayi.

Kyu ke bacha chhota hone ke kaaran wo jayada der ruk na payi.

Par jaate jaate suraj ko bol gayi ke wo ab mom ko apne paas hi rakhe.

Kanta ne do teen din baad hi jaane ki zid pakad li.

Par suraj ne uss ko poora thik hone tak nahi jaane diya.

Jyoti jab ek din aayi to kanta ko bimar dekh ke uss ne apni maa ko bata diya.

Agle din jyoti ki mamma chali aai kanta ki khabar lene.

Chai peete peete jyoti ki maa kehne lagi ke wo ab yahi aa ke rahe.

Parul ki tareef karte boli: mrs. chopra badi naseeb wali ho aap jo esi bahu mili. Iss haal mein bhi itni sewa wo bhi bina kisi shikan ke. Itna to aaj kal sagi betiya nahi karti.

Kanta yeh sachai jaan bhi chukki thi aur maan bhi chukki thi.

Udhar kitty ko uss ki bhua saas ne bata diya ke kanta ko bukhar ke kaaran suraj aur uss ki patni le gaye.

Suraj ke naam se hi kitty ke tann badan mein aag lag gayi.

Par wo kar bhi kya sakti thi.

Fir wo to shadi mein busy thi.

Shayad uss ke liye maa se jaruri shadi thi.

Do teen din baad jab wo shadi ke sab functions se free hui to uss ne kanta ko phone kiya.

Par kanta ka cell switch off tha.

Wo ussi pal kanta ke flat pe gayi.

Flat pe lock dekh wo aur bhi tilmila uthi.

Uss ne hina ko call laga di.

Hina se uss ki teekhi jhadhap ho gayi phone pe hi.

Hina ne kitty ko khoob khari khotti suna di.

Chhoti behan se insult karva ke kitty ki himmat na hui ke wo suraj ko call kare.

Ek week ki parul aur rani ki sewa ke baad kanta poori tarah theek ho gayi.

Parul ke kehne pe wo do teen din aur ruki waha.

Parul to bacho si ro di jab kanta apne flat mein jaane lagi.

Kanta hass di: mom bann-ne wali he fir bhi bacho ke jesi roti he.

Kanta ne seene se laga uss ko chup karvaya aur boli: tu fikar mat main aati jaati rahu gi na.

Fir kanta suraj se boli: suraj car to he mere paas tum ne dekhi he flat pe khadi he. bas ek driver arrange kar de beta.

Suraj ne rani ke pati ki duty laga di ke wo ek naya driver arrange kare aur naye driver ke aane tak wo mom ki car chalaye.

Next week hi rani ki ek maasi ka ladka aa gaya.

Rani ke pati ne hi call kar bulla liya tha uss ko gaon se.

Uss ki duty kanta ki car pe laga di gayi.

Kanta ke ghar jaane ke agle din hi kitty aa gayi.

Wo to aate hi ladhne lagi maa se.

haal chaal tak na poochha thik dhang se.

Yeh bhi na socha ke maa abhi abhi bimari se uthi he.

Kanta ko bhi gussa aa gaya.

Wo gusse mein baras padhi kitty pe: teri ghulam nahi hu main kitty. Main kaha jau. Kaha rahu iss ka fesla main karu gi tu nahi. Main teri maa hu. Tu meri maa nahi.

Kitty bhi gusse se boli: thik he mom to jao fir aap apne ussi laadle ke paas hi raho. I know uss ki najar tumare iss flat aur tumare pese pe he. yeh sab bhi ussi ke naam kar do.

Kehti hui kitty gusse mein hi chali gayi waha se.

Uss ke jaane ke kuch der baad kanta ne kitty ki baato pe thoda gaur kiya to wo akeli hi bethi smile dene lagi.

Kanta ne hina ke pati ko call kar ghar aane ko kaha hina ke saath.

Hina pati ke saath ussi raat ko aa gayi.

Kanta ne dono se kuch mashvara kiya jis ke liye dono ne khushi se haan kar di.

Next day hi kanta ne hina ke pati ke saath ja apna flat ki will, bank mein rakhe saare pese ki nomination suraj ke naam karva di.

Kanta ne hina aur uss ke pati se yahi mashvara kiya tha pichhli raat ko.

jis ke liye dono ne turant haan kar di thi.

kyu ke hina ke pati ka to pehle hi yeh kehna tha ke kothi mein se hina aur kitty ko pehle hi apna hissa mil chukka tha.

ab yeh sab suraj ke hisse ka tha.

Kanta ab khud almost daily suraj ke ghar chali jaati.

Parul ka poora dhyan rakhti.

Uss ke khaane peene ka khyal rakhti.

Fruit kaat ke apne haath se khilati.

Yaha tak ke lunch ke time pe roti bhi kanta khud pakane lagi.

Suraj to khushi se naach hi padha tha jab pehli baar uss ne mom ke haath ki bani roti khai.

Wo to zid pe adh gaya ke kanta apne haath se uss ko khilaye.

Kanta hassti hui boli: tum dono hi abhi bhi chhotte bache ho.

Parul kanta ka pyar aur mamta paa bahut khush thi.

Uss ne apne bed ke saamne diwar pe suraj ki bachpan ki kai pics lagva li thi kanta ke kehne pe.

kuch ek pics mein suraj apne mom aur papa ki goddi mein tha.

Parul jab bhi Chennai baat karti to kanta ki khoob tareef karti.

Kanta bhi mrs. iyer aur shivani se aksar baat kar leti.

June ka mahina shuru ho chukka tha.

June ke teesre week mein godd bharai ki rasam honi fix hui.

Iss rasam ke liye wese to sab ko phone kiye gaye.

Par neelima ke ghar kanta khud gayi.

Rani ka pati le gaya uss ko car mein.

Kanta akeli hi gayi thi.

Neelima to khushi se pagal ho gayi thi.

Kanta neelima ko le ke uss ki maa ke ghar bhi gayi.

Beena aur neelima ki bhabi ko invite bhi kiya aur apne kiye ki maafi bhi maangi.

Beena ko le ke kanta wapas neelima ke ghar aa gayi.

Raaste mein hi wo neelima se boli: beta main aayi hu to ab lunch kar ke hi jau gi tere haath ka.

Neelima to khushi se uchhal hi padi thi.

Neelima ne call kar ussi pal updesh ko bula liya.

Updesh sab kaam chhod ke ghar aa gaya.

Kanta ne lunch wahi kiya.

Neelima itni khush thi ke uss ne kitchen mein lunch banate time hi suraj, parul aur jyoti ko bataya kanta ke aane ka.

Kitty ko pehle to pata hi nahi tha ke parul ko bacha hone wala he.

Yeh to uss ko uss ki bhua saas ne bataya tha.

Kanta ne kitty ko call kar ke kaha ke purani baatein bhool ke godd bharai pe aa jaye.

Kitty gusse se bifri kanta ke flat pe aa gayi maa se ladhne.

Wo aate hi ladhne lagi.

Kanta ne bhi saaf saaf keh diya ke wo ab apne bête aur bahu ke bina nahi reh sakti.

Uss ne pehle hi bahut zulam kiye he suraj pe.

Ab wo uss ko har khushi de gi.

Kanta ne jab yeh kaha ke parul uss ko bahut badi khushi dene ja rahi he daadi bann-ne ki.

Tab Kitty gusse se bharri hui boli: mom jayada khush mat hovo. Meri bad-dua lage gi uss kameeni parul ko. Main dua karti hu jis ne mujh se meri maa ko chheena uss ko maa hone ki khushi kabhi naseeb na ho. Uss ka bacha peda hone se pehle…………….

Tadhaak …. Tadhaak …. Tadhaak…

Iss se pehle kitty kuch aur bakwaas karti kanta ka haath kai baar ghooma aur kitty ke chehre se ja takraya.

Kitty to iss shock se sunn padh gayi……….

Jindgi mein pehli baar kanta ka haath utha tha kitty pe.

Kanta cheekhi: tu itna gir sakti he kitty. apne chhotte bhai ke liye esi soch he tere dil mein. Tu peda hote marr jaati iss se to acha tha. meri kokh jal kyu na gayi tujhe peda karne se pehle. Teri zid, tere laalach, tere kameenepan ke chalte maine apna pati kho diya. Tu he sab se badi kameeni…….daffa ho ja yaha se……apni shakal kabhi mat dikhana mujhe.

Kitty kuch kehne lagi to kanta jor se cheekhi: shut up kitty ek word nahi bolna. Get lost from here. Nahi to bhool jau gi main ke tu meri beti he.

Kanta ke gusse se buri tarah se kaamp uthi thi kitty.

Pehli baar uss ne maa ka yeh roop dekha tha.

Kanta ka yeh bhayanak roop dekh kitty ne jana hi behtar samjha.

Kitty ke jaate hi kanta bed pe gir ke foot foot ke ro di.

Rote rote hi uss ne suraj ko phone lagaya.

Suraj to darr hi gaya maa ko phone pe ese rote dekh.

Suraj: mom kya hua?

Kanta: beta mujhe le ja aa ke. Main ab tum logo se dur nahi reh sakti.

Suraj ko vishvaas na hua tha.

Suraj kaampti awaaz se: mom…..

Kanta bilkhti hui: aa ja na mera bacha….iss se pehle ke teri maa ro ro ke marr jaye……. Le ja aa ke…….

Suraj buri tarah darr gaya.

Aankhein saaf karta hua: coming mom. Abhi aa raha hu.

Taya ko uss ne chalne ko kaha mom ke flat pe.

Wo uss time office mein tha.

Parul ko pata hi nahi tha ke suraj mom ko lene gaya he.

Suraj ke aane tak kanta ne khud ko sambhal ke apna jaruri saman pack kar liya driver ki help se.

Kitty ne aaj uss ko wo jakham diya….

Uss ke dil ko itna ghayal kar diya ke uss ne pakka mann bana liya ke ab wo bête bahu ke saath hi rahe gi.

Wo waha rahe gi jaha pyar he.

koi kisi ki kisi ke liye nafrat nahi.

flat ke papers, bank ke papers, jewellery aur locker keys uss ne har jaruri cheez apne purse mein rakh li.

Suraj ke aate hi uss ne sara samaan dono cars mein rakhva diya.

Flat ko lock karte uss ne suraj se kaha ke baaki ka samaan ek do din mein aa ke le jaaye gi.

Wo suraj ke saath aa bethi.

Dono cars mohali ke liye nikli.

Raaste mein suraj ne rone ka karan poochha to kanta bête ko seene se laga liya par boli kuch na.

Suraj ko laga ke shayad mom akelepan se ghabra gayi.

Andhera ho raha tha.

Parul kitchen mein dinner ki tayari kar rahi thi.

Wo heran ho uthi jab taya aur rani ka cousin dono drivers bags uthaye aaye.

Wo taya se boli: taya ji yeh kaun aya he.

Fir saath hi suraj ke saath kanta ko aate dekh khushi se cheekhi: moooooooooommmmmmmmmmmmmm……….

Parul ne bhagna chaha.

Par kanta ne rok diya parul ko wahi ke bhagna nahi.

Uss ne aage ho parul ko baahon mein bhar choom liya aur boli: tu tik ke nahi bethti jab dekho kitchen mein ghussi rehti ho. Issi liye aa gayi main tum ko seedha karne ko hamesha ke liye tere paas.

Parul ko to jese yakeen nahi hua tha.

Parul suraj ko dekh: surya sachi.

Suraj smile de: haan pari. Tera pyar kheench laya mom ko.

Kanta fir se parul ko choom ke kaha: sachi tu to jadugarni he jadugarni……. Tere pyar ka jadu kheench laya mujhe.

Kitchen ke darwaje pe khadi rani bhi khushi se ro di thi.

Rani ko dekh kanta: arey tu kyu dur khadi he rani. Mile gi nahi mujh se. main aa gayi ab tum sab ke paas.

Rani aage ho kanta ke paon chhoone ko jhuki to kanta ne uss ko bhi galle laga liya.

Fir wo rani ka kaan pakad boli: ab agar mujhe parul kitchen mein dikhi to tu pite gi mujh se.

Rani roti roti hass ke: main to rokti hu parul bibi ko par yeh to sunnti hi nahi. Apne surya ki roti apne haath se banane ki zid karti he.

Kanta: ab apne dono bacho ke liye roti main banaya karu gi.

Fir parul ko saath le kanta ander chal di.

Saamne hari ki tasveer dekh kanta khud ko rok na payi.

Aankhon mein aansoo aa gaye.

Haath jodh bilkhti hui boli: mujhe maaf kar dijiye hari. Kitty aur meri zid ne aap ko bahut dukh diya. Itna dukh ke aap to hum sab se rooth hi gaye hamesha ke liye. Aap ko kho ke bhi mujhe akal na aayi. Par dekhiye ab main laut aai hu. Apni saari bhoolein sudharne. Kitty ko aap please maaf kar dena. Uss ka laalach itna jayda badh jaaye ga maine socha bhi nahi tha. please mujhe maaf kar dijiye hari.

Kanta bacho ki tarah ro rahi thi.

Suraj kanta ke galle mein baah daal: mom papa hum teeno ko ek sa pyar karte the. Wo kabhi apne kisi bache se naraaj nahi ho sakte.

Kanta ne suraj aur parul dono ko seene se laga ke pyar kiya.

Fir wo boli: hari ki tasveer pe kabhi phoolon ki maala mat lagana. Wo hum sab ke saath he. mere dil mein jinda he wo. Tum dono ke pyar mein jinda he wo mere liye.

Suraj aur parul ne mom ki bhavna ki kadar karte hue vada kiya ke wo ab kabhi esa na kare ge.

Kanta ka room khol suraj ne saara samaan ander rakhwa diya.

Aansoo baha ke kanta ka dil kaafi halka ho gaya tha.

Parul ko to jese ab bhi vishwas na ho raha tha.

Wo kanta se lipat ke boli: mom ab aap mujhe chhod ke nahi jaaye gi na.

Kanta hassti hui apna purse khol ke kuch nikalti hui: yeh flat ki keys. Yeh rahe flat ke papers. Yeh le sab apne paas rakh. Na mere paas kuch hoga aur na hi main kahi jau gi.

Parul: na na mom yeh sab aap ka he. apne paas hi rakho aap.

Kanta uss ko seene se laga: mujhe to bas mere bache chahiye. Aur inn sab cheezo ka mujhe kya karna he.

Suraj jo wahi tha.

Uss ne kanta se sab le ke ussi room mein bane ek cupboard mein fix kiye hue locker mein rakh diya aur keys kanta ko de di.

Kanta ne ussi raat hina ko phone kar ke bata diya ke wo ab suraj aur parul ke paas he sada ke liye.

Hina be-had khush hui yeh sunnte hi.

Kanta agle din suraj ke saath ja ke baaki jo jaruri samaan tha wo bhi le aai.

Wo ab poori tarah se parul ka khyal rakhne lagi.

Do roj baad kitty ne phone kiya sorry bola aur poochha ke wo kaha he.

Kyu ke kitty uss time kanta ke flat pe aai thi.

Kanta ne saaf keh diya ke wo ab flat pe nahi balke suraj ke saath hi rahe gi.

Saath hi kanta ne kaha: main abhi apni beti parul ko fruit khilane mein busy hu so baad mein baat karu gi.

Yeh sunn kitty ko tej jhatka laga ke ab mom ke liye sagi beti se badh ke ho gayi bahu.

Baad mein kanta ne call kar Kitty ke dimag se har veham ko dur karte khud hi keh diya ke wo flat ko bech ke uss ke paas jitna bhi pesa he sab suraj ke hone wale bache ke naam karva degi.

Iss liye wo uss se ab koi umeed na rakhe.

Haan agar kitty ko maa se milna he to suraj ke ghar ana hoga.

Par kitty ne suraj se koi bhi rishta rakhne se saaf inkar kar diya.

Parul ki godd bharai pe suraj ne sab ko bulaya.

Kanta ke rokne ke bawjood suraj ne kitty aur kitty ke pati dono ko call ki.

Kitty ke pati ne to kuch na kaha par kitty ne bahut buri tarah inkar kar diya.

Suraj ne hasste hue kaha: di mujhe herani ho rahi he ke aap itni ghatiya soch ki maalik ho.

Yeh kehte hi suraj ne call end kar di.

Godd bharai mein sabhi aaye kitty ko chhod.

Kanta ne sab ke saamne apne purse se nikal do sone ke jadau kangan ka joda parul ke haathon mein pehna diya.

Kangan dekh suraj bola: yeh to kangan aap ke he fir yeh………

Kanta uss ko tok boli: yeh khandani kangan he beta. Teri daadi ne mujhe pehnaye the kitty ke time godd bharai pe. aaj main parul beti ko pehna rahi hu. Kal ko yeh parul apni bahu ko pehnaye gi uss ki pehli godd bharayi pe. samjha ullu……

Kanta ke yeh kehte hi sab hass diye.

Suraj jhemp ke sar khujane laga smile deta hua.

Chennai se mrs. iyer aur shivani apni nanhi gudiya ke saath aai thi.

Mrs. iyer delivery se pehle aane ka vadaa kar laut gai shivani ke saath.

Mrs. iyer ne jaate jaate kanta ke galle lag ke kaha: behan ji ab mujhe koi fikar nahi parul ki. kyu ke uss ki asli maa uss ki mom ab uss ke paas he.

Kanta bhi bol uthi: yeh sab aap ki achi soch aur aap ke ache sanskar hi he behan ji jo parul ke pyar ne mujh jesi pathar ke dil mein bhi mamta bhar di. Mere ache karam honge jarur pichhle janam ke jo parul jesi beti meri bahu ban ke mili mujhe.

 

[StoryPublisher]

Pehla Pyar - Koi Jeeta Koi Hara

Part-44 (Last part)

Aur fir wo lamha aa gaya jis ka kanta ko sab se jayada besabri se intezar tha.

Saat august ko sham se parul ko halki halki pains shuru hone lagi thi.

Mrs. iyer to teen-char din pehle hi aa chukki thi.

Parul ki pains ka pata chalte hi Kanta ne rani ko suraj ko bulane ko kaha.

Rani bhagi office ki aur.

Suraj Wahi office mein hi betha tha.

Kyu ke kanta ne uss ko pehle hi bol rakha tha pichle kuch din se ke wo kahi na jaaye.

Suraj ne bina ek pal gawaye car nikali.

Fir ander aa ke parul ko baahon mein utha liya aur car ki aur chal pada.

Parul pain mein thi fir bhi smile de boli: Surya ki Pari bhaari ho gayi na.

Suraj bhi smile de: meri Pari to pehle bhi phool ke jesi halki thi. aaj bhi phool ke hi jesi halki he.

Parul ne sharmate hue apna chehra suraj ki chhati mein chhup liya.

Suraj ne car ki pichhli seat pe parul ko litaya.

Kanta aur mrs. iyer bhi teji se kuch jaruri samaan le saath aa gayi.

Hospital admit karvaya gaya parul ko.

Kanta ne updesh ko call kar ke neelima ko hospital chhodne ko kaha.

Suraj heran tha ke mom ne neelima ko kyu bula liya.

Agle din 8th august ko subah dus baj ke kareeb parul ne ek sunder bête ko janam diya.

Bache ko nehla ke ek kapde mein lapet ke parul ke paas litaya gaya.

Ab time tha bache ko gurti dene ka.

Kanta bahar nikli room se aur neelima ka haath pakad room mein le aai.

Suraj bhi chupke se peechhe chala aya.

Dil machal raha tha bête ko dekhne ko.

Ek alag hi ehsaas ho raha tha uss ko papa hone ka.

Kanta ne neelima ko parul ke paas bed pe la ke bitha diya.

Aur bache ko utha ke neelima ki jholli mein dete boli: chal mera shona apni badi mom aur mom dono se le gurti.

Neelima ne chonk ke kanta ko dekha: nahi auntie iss ki badhi mom aap he.

Kanta: main to iss ki daadi mom hu. Badi mom tum ho.

Yeh keh ke kanta parul ko dekh boli: parul beta thik kaha na maine.

Parul ne smile de haan mein sar hila diya aur boli: haan didi mom thik keh rahi he. aap ko yeh sada badi mom kahe ga.

Parul aur neelima dono ne ek saath bache shehad chataya.

Neelima soch rahi thi ke pehla pyar haar ke bhi uss ne bahut kuch jeet liya.

Uss ki iss ek haar ke peechhe kitni badi jeet mil gayi uss ko.

Parul ci pyari ek chhotti behan aur chhotte raju ki badi mom hone ka maan.

Parul bed pe leti kabi apne pehle pyar surya ko nihar rahi thi.

Aur kabhi dono ke pyar ki nishani ko dekh rahi thi.

Jo neelima ki goddi mein tha.

Suraj kanta se chipka uss ke kandhe pe chehra tikka ke khada smile de raha tha.

Wo kabhi apne bête ko dekh raha tha jo abhi bhi apni badi mom ki goddi mein tha, kabhi neelima ko aur kabhi apni pari ko.

Suraj ke gaal ko kanta ne pyar se sehla ke dheeme se kaha: maaf kar dena beta apni mom ke karan tu apna pehla pyar haar gaya.

Suraj ne ek pal kanta ko dekha fir mom ka gaal ke choom bola: mom aap ko kis ne kaha main pehla pyar haar gaya. Mera pehla pyar meri mom mere paas he. Har bache ka pehla pyar to uss ki maa hoti he na………

Kanta ne bhaav vibhor ho suraj ko seene se laga liya.

Mrs. iyer, parul aur neelima smile deti hui pyar se dono maa beta (kanta aur suraj) ko dekhne lagi.…….

********IS THIS THE END********

********NO ITS NEW START****NEW BEGINNING******