Romance वेवफा थी वो complete

[StoryPublisher]

#118

Main pichhle 2 ghante se iss kamre mein band tha…….yeh koyi lock-up nahi tha aur jahan tak main samajh raha tha , yeh Raj Nagar ke SSP office ka ek room tha ………….par meri position kisi kaidi ke jaisi hi thi ………

Jiss officer ne mujhe Hospital mein pakda tha ……..uska naam Akhilesh tha ………SP ki rank thi , aur Kamal ke baad iss case ka charge uss hi ke paas tha ……. Hospital se wo mujhe seedha yahin le kar aaya tha …….aur yahan laakar iss kamre mein band kar diya gaya tha ……………mere paas maujood saara saaman , jimein 3 mobile phones bhi they , unn logo ne apne paas rakh liye they …….

Yeh ek chhota sa kamra tha ………jo shaayad kisi store ki tarah use hota tha ………ek side mein kuch racks rakhi huyi thi , jin mein files lagi huyi thi ……..aur ek side mein , ek badi si table ke oopar kuch boxes aur ek purana sa type-writer ………..

Kamre ke beech mein 2 chairs rakhi huyi thi , jin mein se ek par main baitha huya tha …….aur mere saamne waali dossri kursi abhi khaali thi ………..mujhe Hospital se yahan laakar , bina kuch kahe iss kamre mein band kar diya gaya tha ……..aur tab se abhi tak yahan sifr ek sipaahi aaya tha , mujhe paani dene ke liye ………….

Fir kamre ka darwaaza khula aur maine Akhilesh ko kamre ke andar aate huye dekha ……..uske saath ek SI bhi tha , jisko usne haath ke ishaare se hi baahar rukne ko kaha aur kamre ke darwaaze ko band kar ke mere saamne waali chair par aakar baith gaya…….

Kuch der ki khamoshi ke baad usne hi baat shuru ki ……………

“Kaise haal hain aapke Mr.Rajiv Chaudhary ………….!!”

Maine kuch nahi kaha ………..sirf kuch seconds uski soorat ko dekhta raha ……..fir bola “ mujhe yahan kyon rakha gaya hai SP saahab ??..............”

“yeh sawaal aap mujhe se pooch rahe hain ??...........aapko nahi maloom ki aap ne kya kiya hai ??” usne meri taraf dekhte huye kaha ………

“ maine kuch nahi kiya hai !!..........mera yakeen maaniye , mere oopar job hi ilzaam lagaye jaa rahe hain , wo sab jhooth hain ……………” maine uski aankhon mein jhaankta huya bola …………….

“ aur iss hi liye aap Raj nagar se faraar ho gaye they …kyon ??.........aur ab waapas bhi aaye to bhes badal kar ?? ……….agar aap bekasoor they to aapko saamne aakar , apne aap ko be-gunaah saabit karna chahiye tha “ usne mujhe ghoorte huye kaha ………..wo lagbhag meri hi umar ka, ek sakht chehre wala insaan tha ……….

“main manta hoo ki yahan se bhaagna meri galti thi , par mere paas uss samay koyi aur raasta nahi tha ………….saari situations mere khilaaf thi …..aur koyi bhi saboot mere paas nahi tha , khud ho begunaah saabit karne ka ………” main ek ek shabd par jor dete huye bola …………pehle ki taraf uss ke chehre ko dekhte huye …….

Kuch seconds tak wo meri aankhon mein aankhen daale huye , mujhe ghoorta raha …….aur fir bola “ ab tum kya samajhte ho ….situation tumhaare favour mein ho gayi hai …?? “

“ poori tarah to nahi ………par Chaudhary saahab ke bayaan dene ke baad , tum bhi yeh maan jaaoge ki main be-gunaah hoon ……” maine uski baat ka jawaab diya ……

“bas yahi ek baat hai . jiski wajah se main ruka hua hoon Rajiv Saahab…………..main khud bhi yahi wait kar raha hoon ki Chaudhary saahab bayaan dein ………….iss hi liye maine abhi tumhe arrest show nahi kiya hai …………sirf main , aur meri team ke kuch log hi yeh jaante hain ki tum yahan ho…………….” Fir wo uth kar khada ho gaya aur aage bola ………” tum dua karo ki Chaudhary saahab ka bayaan tumhaare favour mein ho……mujhe ummed hai ki kal subah ham unka bayaan le lenge …………. “ keh kar wo kamre se baahar nikal gaya aur fir darwaaze ko band kar diya gaya …………..

main fir se iss kamre mein akela reh gaya …………….kuch sawaal baar bar mere dimaag mein ghoom rahe they ……….par jawaab dene waala koyi maujood nahi tha …….

Kamal ka phone kyon nahi aaya tha …? ……who iss samay kya kar raha tha …….?

SP Akhilesh ne mujhe kaise pehchan liya ……….? Jabki pichhle do din mein , main hazaaro logo ke saamne se guzra aur koyi bhi mujhe nahi pehchaan paya …….

Chaudhary saahab ne abhi tak bayaan nahi diya tha ……..par agar kal wo bayaan denge to , kya wo mere favour mein hoga ……..?

Inn sawaalon ko man mein liye huye hi main saari raat kaat di …………beech mein mere liye ek baar khaana bhi laaya gaya tha , par meri to bhookh aur pyaas dono hi gaayab ho chuki thi ………..mujhe bas ab intezar tha ……….Chaudhary saahab ke bayaan ka aur Kamal ke waapas aane ka …………….raat ko mere sone ke liye wahan ek bistar bhi laga diya gaya ..........par main uss ke oopar sirf let hi paya , neend to meri aankhon se koso door thi

subah ho chuki thi ……….main intezar kar raha tha ki jaldi se SP Akhilesh yahan aaye aur mujhe yeh bataaye ki Chaudhary saahab ne kya bayaan diya hai ……..is beech ek sipaahi aaya tha , aur mujhe baahar nikaal kar wahin office mein bane huye bathroom aur toilet tak le gaya tha ………. Thoda sa fresh hokar , main waapas uss hi kamre mein aa gaya …………aur fir se ek lamba intezar shuru ho gaya ……….

1 ghanta , 2 ghanta aur yun hi time beet-ta raha ……….mere andar mayoosi badhti hi jaa rahi thi ………….aur saath hi saath gussa bhi ……….meri nigaah mein, main bilkul nirdosh tha , aur tab bhi mujhe iss kamre mein band kar ke rakha gaya tha ……..

fir kamre ka darwaaza khula ………….mere dil ki dhadkane SP Akhilesh ko dekh kar tez ho gayi thi……….mujhe poora yakeen tha ki wo ab Mr.Chaudhary ka bayaan le aaya hoga aur saari baaten clear ho gayi hongi …………

______________________________

 

[StoryPublisher]

#119

wo kamre ke andar aa gaya …….aur mere saamne waali kursi ke oopar baith gaya ……..uske peechhe peeche ek SI bhi andar aa gaya …….uske haath mein ek chair thi , usne chair ham dono ke paas hi daal di aur uspar baith gaya ………..

main baari baari se dono ki soorat dekhta raha …………iss ummeed ke saath ki wo jo kuch bhi kahenge , mere favour mein hi hoga …………..fir Akhilesh ne baat shuru ki ……………

“ Rajiv ……………ab hamein tumko arrest dikhana hi padega ……….isliye tum apna statement likhwa do ……………” fir usne SI ki taraf dekhte huye kaha “ Sameer , tum Rajiv ka statement note kar lo ……….fir do-pahar ke baad ham inko court mein pesh kar denge …………”

uski yeh baat mujhe chaunkaane ke liye , ya yun kahiye darrane ke liye kaafi thi …………maine unn dono ki soorat ko ek ek baar aur dekha aur fir Akhilesh se swaal kiya ….

“Kya matlab hai aapka SP saahab !!…………..ab tak to Mr.Chaudhary ne bhi apna bayaan de diya hoga …………….!!..........fir aap mujhse kya poochhna chahte hain ..??

“Ji haan …….Mr.Chaudhary ne apna bayaan de diya hai “ usne ek lambi saans lekar kaha …….aur fir aage bola “ aur aapko jaankar dukh hoga ki unko nahi maloom ki unke oopar kisne hamla kiya tha ……………..unka kehna hai ki wo apne oopar goli chalaane waale ka chehra nahi dekh paaye ……….”

“par unhone yeh to bataya hoga ki jab unke oopar hamla hua tha , main unke aas-paas nahi tha ……….aur yeh bhi ki……..” main laghbhag cheekhta huya bola aur iss hi liye usne meri baat beech mein hi kaat di …………

“ meri baat poori to sun lo mere bhai ………, Mr.Chaudhary abhi apna poora statement nahi de paaye hain , doctors ne bataya hai ki wo kamjori ki wajah se jyada baat nahi kar paayenge ……..iss liye ham log kal do-bara koshish karenge , unse baat karne ki ………….par ham tumhe yahan bhaut jyada der tak aise nahi rakh sakte hain, aur agar kisi news reporter ko tumhaari maujoodgi ke baare mein maloom pad gaya to hamaare liye jawaab dena mushkil ho jayega ………………” usne mujhe poori baat samjhayi …….

Main kuch seconds chup raha aur fir bola …….” Main apna bayaan dene ke liye tayyar hoon SP saahab ……..par kya aap mujhe kal tak ki mohlat de sakte hain ?? “

“ Wo kyon ?? ……kya aap chahte hain ki main kal Mr.chaudhary ka statement lene tak wait karoon ??” usne meri aankhon mein jhaankte huye sawaal kiya …..

“Ji haan …….wo bhi , aur uske alaawa mujhe kal tak Kamal ke bhi waapas aane ki ummeed hai …….” Main kaha………..pehli baar maine Kamal ke aane ka jikar uss se kiya tha ………

“ kya matlab !!.........Kamal sir kahan se waapas aayenge ?? …..wo to chhutti par gaye huye hain na ..?? “ usne chaunkte huye sawaal kiya ………..

“ ho sakta hai ki usne aap logo ko yahi bataya ho …….par wo kisi aur kaam se gaya hai ………..iss case se related kuch tehkikaat karne ke liye …” main usko samjhaya …..

agle kuch seconds wo chup rehkar meri taraf dekhta raha ……aur fir apne saath waale SI ko ishara kar diya ……………SI wahan se uth kar baahar nikal gaya ………aur jaate jaate darwaza band kar diya ……

fir Akhilesh meri taraf dekhta huya bola ……….” Rajiv ……..mujhe maloom hai ki aap Kamal sir ke achchhe dost ho ……shaayad yahi wajah hai ki maine abhi taka apse koyi bhi galat baat nahi ki hai ………..yeh jante huye bhi ki aap iss case ke mein accused hain, maine aapse jabardasti kuch bhi bayan nahi liya hai…….par main bahut jyada der tak yeh sab nahi kar paaoonga ……….”

“ aap yeh bhi dekhiye ki mere khilaaf aapke paas koyi bhi saboot puri tarah se pakka nahi hai ……..aapne khud hi bataya ki Mr.Chaudhary ne yeh kaha hai ki wo apne oopar hamla karne waale ko nahi pehchante hain……..!!” maine usko samjhaane ki koshish ki …….

“uske alaawa bhi bahut saare sabot hai aapke khilaaf ………..Mr.Chaudhary ke room mein se mile aapke photographs ? ……..unke mobile se aapke number par ki gayi akhiri call …….? “ usne mujhse poochha ………

“photographs to unke oopar goli chalaane ke baad bhi wahan plant kiya jaa sakte hain SP saahab ……….aur phone call ke baare mein aapko Kamal ne bataya hi hoga ……wo call main receive nahi ki thi “ maine apni agli daleel pesh ki ……..

“sorry Rajiv ………….aap sirf yeh prove kar sakte hain ki call aapke number par receive nahi huyi ..........aapne baat nahi ki ,yeh aap prove nahi kar sakte hain ……..ho sakta hai ki aapne hi apne kisi doosre number par call divert ki huyi ho “ usne meri aankhon mein jhaankte huye kaha ……….

Uska kehna sahi tha ……….wo doosra number main use nahi kar raha tha , yeh baat kaise saabit ho sakti hai ……..fir wo hi aage bola …..

“ chaliye ek baar ko maan bhi lein ki aapne Mr.Chaudhary ke oopar hamla nahi kiya , aur bank vault ke robbery case se bhi aapko alag kar dete hain ………fir bhi aapke oopar ek ilzaam to rehta hi hai ………..Neeraj Verma ke murder ka …….aap kaise prove kar sakte hain ki aapka uske khoon mein koyi haath nahi tha ……….? “ usne thodi tez awaaz mein apne akhiri baat poori ki ……….meri aankhon mein jhaankte huye …………….

Uski yeh baat bhi sahi thi …………main ek saath itne saare cases mein fansa huya tha ki , mujhe sirf ek hi cheez iss musibat se baahar nikaal sakti thi …….aur wo thi , asli mujrim ki pehchaan …………..main kandhe uthate huye , bebasi se uski taraf dekha ………………..

Fir wo apni seat se uth kar khada ho gaya ………..aur bola “ main aaj shaam tak ka wait aur karoonga Mr.Rajiv ……….agar Kamal Sir waaps nahi laute to , fir majbooran mujhe aap par apne pulisiya hath-kande apnane padenge ………..” keh kar wo fir se room se baahar nikal gaya…..

______________________________

 

[StoryPublisher]

#120

Main fir se akela reh gaya ……..aur iss baar pehle se jyada niraash bhi …….jitna be-sabri se main Kamal ka intezar kar raha tha ………uske aane mein ho rahi deri , mujhe utna hi jyada pareshaan kar rahi thi ………………

Fir uske baad shaam ka tak samay maine wahin baithey baithey kaata …………ek ek minute jaise ek ek saal ke baraabar beet raha tha ………………subah se do-pahar , fir shaam , aur uske baat raat hone ko aayi ………iss beech 3-4 baar sirf ek sipaahi iss kamre mein aaya tha ……..ek baar khaana dene ke liye …….2 baar paani ke liye aur ek baar chay lekar …………iske alaawa mujhe 2 baar bathroom ke liye yahan se baahar nikaala gaya tha

Raat ke kareeb 9 baje honge jab fir se kamre ka darwaaza khola gaya ……..ek baar fir se Akhilesh aur uske saath ek SI tha ………….wo dono seedha mere paas aaye aur fir Akhilesh ne kaha …………

“Rajiv…………….main jitna samay aapko de sakta tha , utna de chukka hoon …….ab aap apna bayaan likhwaayein ……….aur dhyaan rakhiyega ki agar aapne hamaare saath sehyog nahi kiya to hamein majbooran aapke saath jor-jabardasti karni padegi ……………” usne dhamkaate huye yeh baat kahi aur fir mere jawaab ko sune bagair kamre se baahar nikal gaya ……………….

Uske baad ke kuch ghante mere liye kisi bure sapne ke jaise saabit huye ……….shaayad meri jindagi ka sabse kharaab samay ………..mujhe wahan se nikaal kar ek doosre kamre mein le jaaya gaya ……..yahan sirf ek badi si table aur uske dono taraf 2 chairs padi huyi thi ………….kamre mein bilkul andhera tha , bas table ke oopar ek bada sa bulb latak raha tha……

Mere aur uss SI ke alaawa wahan 3-4 hawaldaar bhi they ……………SI ne mujhe ek chair par baitha diya aur khud mere saamne baith kar mujh se sawaalat karne shuru kiye ………..Neha ke baare mein , Neeraj ke baare mein , vault ki robbery ke baare mein , Mr.Chaudhary ke oopar huye hamle ke baare mein aur fir aakhir mein meri faraari ke baare mein …..jo bhi kuch mujhe yaad tha, main batata chala gaya …..shuru mein main kamal ka jikar nahi kar raha tha …….fir jab usne sakhti se poochhna shuru kiya to mujhe majbooran uske baare mein bhi batana pada…..

Har guzarte pal ke saath uske questions tede hote jaa rahe they …….aur mere liye unka jawaab dena kathin …………..jaise jaise pooch-tachh aage badh rahi thi , uske lehze mein sakhti aati jaa rahi thi ………..charo logo ne mujhe , charo side se ghera hua tha …………….SI mujhe sawaal karte karte aap se tum aur tum se tu par ka baa gaya , mujhe bhi maloom nahi pada ……………2 ghante ke marathon poochhtachh mein agar usne kuch nahi kiya tha to wo tha mere oopar kisi tarah ka bal-prayog ……….usne mujhe haath bhi nahi lagaya tha ………aur shaayad iss ki instruction usko oopar se dee gayi thi …………

2 ghante baad bhi wo mere jawaabo se poori tarah satisfied nahi tha , wajah yahi thi ki wo chahta tha ki main wo saare gunaah kabool kar loon , jo maine kiye hi nahi they ………….fir wo uth kar kamre se baahar nikal gaya ……..mujhe unn logo ne peene ke liye pani diya ……..aur fir 5 minute baad hi SI waapas aa gaya ………usne ek hawaldaar ko ek kone mein bulaya aur kuch samjhaya …………..

thodi hi der ke baad main badi hi ajeeb si condition mein uss chair ke oopar baitha huya tha ……………..mere dono haatho ko kursi ke hattho se baandh diya gaya tha , meri gardan mein ek kapde ka fanda bana kar iss tarah daala gaya tha ki wo gardan mein thoda sa loose tha ……….fande mein ek rassi bandhi huyi thi , jo oopar ek kunde se bandh di gayi thi ………..ab iss stithi mein agar main apni gardan ko thoda sa bhi neeche karta , to fanda meri gardan mein kasne lagta tha …………kul milakar main gardan ko bahut jyada hila-dula nahi sakta tha ………….chhat se latke huye bulb ko off kar diya gaya tha , aur ek tez roshini ka lamp mere chehre ke bilkul saamne , table ke oopar rakh diya gaya tha……………

kul milakar yeh mujhe torture karne ka police ka tareeka tha ………mujhe maloom tha ki saari raat mujhe yeh torture sehna padega , aur aisi haalat mein bahut saare log wo gunaah bhi kabool kar lete hain , jo unhone nahi kiye hote ……………

wo sab log kamre se baahar nikal gaye ……….mujhe akele iss musibat ka saamna karne ke liye chhod kar ……….mujhe maloom tha ki kal meri haalat iss se bhi jyada buri hone waali hai …………..aur main apne aap ko iss ke liye tayyar karne ki koshish kar raha tha

mere dimaag mein apni guzari huyi jindagi ek film ki tarah ghoomne lagi thi ……….Raju se Rajiv , aur uske baad Rajiv Chaudhary ban-ne ke liye maine jitni mehnat ki thi ………..aur jitna time mujhe laga tha ………..waapas neeche aane mein sirf kuch hi din lage …………sirf ek bewafa ki munhabbat ne aaj mera yeh haal kar diya tha ki main khud bhi samajh nahi paa raha tha ki kal mera kya anjaam hone waala hai …………

bulb ki tez roshini ki wajah se meri aankhe band thi , apni gardan ko main theek se hila nahi paa raha tha ……..aur oopar se lamp se paida ho rahi garmi ki wajah se mera poora shareer paseene mein bheeg chukka tha ……….

Kuch ghanto tak mein yeh sb sahan karta raha …….jab tak mere shareer aur dimaag ne mera saath diya …….beech beech mein wo lamhe bhi aaye jab main oopar waale se maut ki dua maangi ...............fir mujhe khud bhi nahi pata laga ki kab main behoshi mein doobta chala gaya …………….

Pata nahi kitni der ke baad main waapas hosh mein aaya …………..maine apne hath paanv ko seedha karne ki koshi ki , aur mujhe ashcharya huya jab maine aaram se apne haatho ko faila liya ………….maine dheere se aankhen kholi , aur aankh khulte hi mere saamne Kamal ka chehra dikhayi pada ………….maine fir se aankhon ko band kar liya ………..”shaayad main koyi sapna dekh raha hoon …” maine socha aur fir kuch second ke baad do-bara aankho ko khola ……….

Nahi ……….yeh sapna nahi tha …………Kamal waakayi mere saamne khada huya tha …………maine apne charo taraf nigaah ghamayi ………main kisi hospital ke room mein tha , bistar ke oopar leta huya tha ……… Kamal ke alawa kamre mein ek nurse aur ek hawaldaar mujhe dikhayi de raha tha …………….

Maine Kamal ki taraf sawaaliya nigaah se dekha ………..wo mere paas , palang ke side mein rakhe huye ek stool par aakar baith gaya ……..aur fir mere haath par apna haath rakh kar bola …………..

“Sorry yaar ………….mujhe der ho gayi ………par kya karta , mujhe Indore se delhi , Mumbai aur fir dehradoon bhi Jaana pada ………..par ab sab kuch theek hai ……….hamaara mujrim, hamaare saamne aa chukka hai ………..aur kuch hi der mein wo police ke kabje mein hoga …………………”

“ kaun hai wo……………..????” main achanak poochha …………….

Fir usne jo naam bola ………..uss ko sun kar to mere ashcharya ka thikaana hi nahi raha …………………….mujhe khud bhi uss par ek do baar shaque huya tha …….par uska naam Kamal ke munh se sun kar mujhe bada ajeeb sa laga ............mein abhi bhi samajh nahi paa raha tha ki usne aisa kyon kiya hoga………

Fir Kamal uth kar khada ho gaya ………….aur bola ….” Main abhi jaa raha hoon ………….tum thodi der aaram karo , aur chaho to apne ghar bhi jaa sakte ho ………….ummeed hai ki tumhara yeh Bittu ab tak police ki custody mein aa gaya hoga …………main koshish karta hoon ki wo kuch bataaye ……..fir kal main saari kahhani tumhe uske munh se hi sunwaane ki koshish karoonga ……………."

Keh kar wo kamre se baahar nikal gaya ……….main usko jaate huye dekhta raha , jab tak wo meri aankhon se ojhal nahi ho gaya …………..

______________________________

 

[StoryPublisher]

साथ बने रहने के लिए धन्यवाद दोस्तो

 

[StoryPublisher]

#121

Saari pareshaniyan , saari musibatein …….maano ek hi pal mein door ho gayi thi …….Kamal ke jaane ke kuch hi der ke baad , ek doctor ne mera check-up kiya aur mujhe ghar jaane ki permission de di ………….

Fir police ke 2 constable , mujhe apne saath , ek police jeep mein baitha kar mere ghar le gaye ………wo dono mere saath saath bilkul kisi bodyguard ki tarah chal rahe they aur unhone mujhe mere flat tak chhoda …….waapas jaate samay unmein se ek ne mujhe Sorry bhi kaha ……….shaayad yeh un logo mein shaamil tha , jo kal raat mujhe interrogate kar rahe they …………

Mere flat ki haalat bata rahi thi ki mere bhaagne ke baad wahan par police ne talashi li hai ………..saara samaan apni jagah par hi tha , par sab kuch ajeeb si haalat mein tha ………..ast-vyast …………..maine bed ki ek side ko saaf kiya aur fir wahan late gaya …………kuch der yun hi araam karne ke baad mujhe bhookh lagne lagi thi ……..maine restaurent mein phone kar ke lunch ka order diya aur bathroom mein nahaane ke liye ghuss gaya ………….

1/2 ghante ke baad main dining table par baitha huya lunch kar raha tha ……..saath hi saath mere dimaag mein uss ki soorat ghoom rahi thi ………..kisi had tak masoom dikhne waala yeh shakhs , gunehgaar bhi ho sakta hai ?…..mere dil yeh maane ko tayyar nahi tha ……………..

lunch ke baad mein waapas bistar par aakar late gaya ……….maine TV on kar liya aur News channels ko dekhne laga …………abhi bhi kuch channels Mr.Chaudhary ke baare mein news dikha rahe they , unmein yeh to bataya jaa raha tha ki Mr.Vijay Chaudhary ko hosh aa gaya hai , par mere baare mein ya uss ke baare mein koyi kahabar nahi thi ……………shaayad police ne yeh sab baaten abhi disclose nahi ki thi ………

kuch mere oopar haavi thakaan ka asar tha , kuch police ke torture ka aur kuch doctors ki di huyi medicines ka ……….main jaldi hi neend mein doobta chala gaya ………aur uske baad to mano neend ka ek daur sa shuru ho gaya ………..main der sham tak sota raha , fir uthne ke saath hi mujhe dobara bhookh lagne lagi ……..kuch der yun hi balcony par baithey rehne ke baad , maine fir se khaane ka order de diya ……………aur fir khaana khaane ke baad main do-bara bistar ke hawaale ho gaya …………..

subah meri neend der se hi khuli ………aur wo bhi mobile ki awaaz se ………maine number check kiya , Kamal ka phone tha ……….maine call receive kar li

“Hello ……………”

“Hello Rajiv ……….ab kaise ho dost ??” usne poochha ………….uski awaaz bata rahi thi ki wo iss samay bahut khush hai …………

“Much better ………….tum batao Kamal ……….kahan tak pahunche ?? “ maine sawaal kiya ……………

“mere kaam poora ho chukka hai dost ………11 baje Police headquarter aa jaao ……….wahin tumhaari mulakaat uss se karwaaoonga , aur saari kahani bhi sunaaoonga …………” usne kaha ………..

“Theek hai Kamal ……….main pahunch jaaoonga …….” Main kaha aur fir call disconnect kar di ………….

Main khud bhi bahut jyada excited tha ……….uski bewafai aur Namak-haraami ki wajah jaan-ne ke liye …………..bahut saare aise sawaal they , jo mere dimaag mein ghoom rahe they …….aur main unka jawaab jaan-ne ke liye betaab tha ………..

Kuch hi der mein main tayyar hokar Police headquarter ki taraf drive kar raha tha …………unn sab baaton ke baare mein sochta huya , jo mere saath pichhle kuch hafto mein huyi thi ………agar sab kuch planned tha , jo bhi mere saath hua …….to usne bahut jyada dimaag iss saari planning mein lagaya hoga ……..aur wo akela iss saare khel ke pechhe tha , yeh bhi main maan-ne ke liye tayyar nahi tha ………koyi na koyi jaroor tha , jo iss saare khel mein uska madadgaar raha hoga ………

20 minute ki drive ke baad meri gaadi Police headquarter pahunch gayi …………gaadi ko parking mein lagaane ke baad main utar kar reception tak pahuncha , wahan Kamal ke baare mein poochhte hi ek orderly mujhe saath lakar , 2nd floor ki taraf chal diya ………wahan ek bade se room mein chhod kar wo waapas laut gaya aur main room ke andar aa gaya ………

yeh ek conferene room tha …………do half round tables , room ke dono side mein padi huyi thi ……..ek side ki table bilkul khaali thi ……aur ek side waali par kuch log pehle se maujjod they ……..lagbhag sabhi logo ko main pehchanta tha ……..Priya, Nidhi , Sharad aur Anil chaudhary ke alaawa, Rajnagar ke Police Commissioner and unke saath ek aur police officer wahan maujood they ……….doosre officer ko main nahi jaanta tha , par unki wardi bata rahi thi ki woj bhi DCP rank ke they ……………

maine sabko alag alag abhivaadan kiya ………..Commissioner saahab aur DCP ne mujh se haath milaya aur main unke barabar mein hi khaali padi kursi par baith gaya …………Sharad aur Priya ne mujhe dekh kar munh doosri taraf ghama liya tha .........Anil Chaudhary ko maine sar ko halke se jhuka kar namaste ki , jiska jawaab unhone bhi usi andaaj mein diya……….aur Nidhi, uske chehre par wahi sadabahaar muskurahat thi ……

yeh table iss tarah bani huyi thi ki , sabhi log ek doosre ka chehra dekh sakein …….sabhi log chup-chap baithey huye they aur ham sabhi ko ek hi aadmi ka intezar tha ……. hamaara intezar kareeb 5 minute ka baad khatam huya , jab Kamal ne uss room ke andar entry ki ………..aur uske peechhe peechhe kuch log aur they ………….SP Akhilesh , ek Inspector , kuch constables aur unke beech mein wo………iss saare khel ke sutradhaar ……….mera apna assistant , Karan ……..

______________________________

 

[StoryPublisher]

#122

Karan aur Akhilesh saamne waali table ke peechhe padi huyi chairs par baith gaye ……..baaki policemen unke peechhe hi khade rahe ….. aur Kamal …wo table ke aage aakar khada ho gaya tha ……… ………….Karan ki soorat bata rahi thi ki Kamal ne uss se kitni jyada poochhtachh ki hai , aur kis tarah ki hai ………

Chaudhary family ke sabhi logo ke chehro par, Karan ko iss haalat mein dekhkar , ashcharya ke bhaav aa rahe they ………..aur sabse jyada chakit shaayad Sharad tha ……..usne turant Kamal se sawaal kiya …………..

“yeh sab kya hai SP saahab ……………..Karan ko aapne arrest kiya hua hai ??”

“Ji haan Sharad babu ……..” Kamal ne jawaab diya ……..” aur aapko jaankar aashcharya hoga ki Mr.Chadudhry ke oopar hamla karne waala yahi hai ……….uske alaawa Neha verma ki maut ki wajah bhi yahi hai ………..iss hi ne Neeraj verma ko maara tha , aur Bank vault ki robbery ki planning bhi iss hi ne ki thi …………….”

“unbelievable….!!.............are u sure officer …?? “ Sharad ka munh khula ka khula reh gaya tha …………” kya aap jaante hain ki aapko inn sab baaton ko prove bhi karna padega ………? “

“I know Mr.Sharad………….main abhi aapko sab kuch bataoonga ……..jo isne mujhe bataya hai ….filhaal , uss se pehle main aapko ek chhoti se kahani sunaoonga …..ek love story …………”

sab log chup-chap reh kar uski soorat dekh rahe they ………….usne ek lambi saans li , aur thoda sa aage aa gaya ……..dono tables ke beech main , aur fir bolna shuru kiya ……

“yeh kahani shuru hoti hai aaj se kareeb 12-13 saal pehle ……………Indore ke Shivaji Nagar mein rehne waali ek ladki , Neha …………..jo uss samay shaayad 11th class mein padh rahi thi ……….jab uski mulaakat Bittu se huyi ………..Bittu uss se kareeb 2 saal bada tha , Graduation kar raha tha ………..Neha ke andar wo saari khoobiyan thi , jo koyi bhi ladka ek ladki mein dekhta hai ……….wo sundar to thi hi , padhne mein bhi theek-thaak thi , uske pita ek sarkaari officer they ……..aur doosri taraf Bittu , ek sadharan shakl-soorat ka maalik , uske pita ek dukaan chalaate they , ek chhoti si dukaan ……..bas ek sabse badi khoobi thi uske andar , uska tez dimaag ………….”

“jaisa ki iss umar mein hota hai , dono mile ………aankhen chaar huyi aur uske baad dono ke dil ek ho gaye ……………..ghar se school jaate samay ya dosto ke ghar jaane ke bahaane , ek doosre se milne lage …………..dheere dheere dono ka pyar gehra hota ja raha tha …………aur fir wahi huya , jo aksar iss tarah ki love stories mein hota hai ………….pehle Neha ke bhai ko , aur fir uske Pita ko Bittu ke baare mein pata chal gaya …………..Neha ke oopar bandishein lagaayi jaane lagi , usko samjhaya jaane laga ………par dono ke beech pyar kam nahi huya , jab bhi mauka milta tha , dono milte they aur saath jeene marne ki kasmein khaate they ………iss hi wajah se Neha ke bhai aur Bittu ki 1-2 baar ladaayi bhi huyi thi......”

“ fir Neha ke pita ne apna transfer Indore se dehradoon karwa liya …………..dono premi juda ho gaye ………..unn dino, aaj ki tarah na to mpbile phones they , aur na hi internet …………dono ke bat karne ka ek hi jariya reh gaya tha , love letters aur greeting cards……………”

“Time beet-ta raha …………Bittu ki padhayi poori ho gayi ………..wo Indore se Mumbai aa gaya , naukari ke liye ………….wahan usne 2-3 jobs ki ….kuch kuch mahino ke liye …….fir uske haath ek badi naukri ka mauka laga , lakshmi groups mein ………..uss samay lakshmi group aaj ki tarah itna bada nahi tha , fir bhi ek kaafi reputed naam tha ……….Lakshmi group ke Delhi office mein Biitu ko job mil gaya …………..aur uski tarakki ka ek naya safar shuru ho gaya……”

Kamal ne ek baar ruk kar sabki taraf dekha ……….sab log bade gaur se uske chehre ko dekh rahe they ………..fir who aage bola “ ab tak aap log samajh hi gaye honge ki Bittu aur Karan ek hi aadmi ke 2 naam hain ……………….”

“iss beech Neha ke pita ne uski shaadi ek army ke captain Neeraj verma se kar di ………Naha ne apni taraf se poora virodh kiya , iss shaadi ke khilaaf …….par jaisa ki aksar hota hai, uske pita ne uski baat nahi maani……..wo uss samay graduation kar rahi thi , jab uski shaadi Neeraj se ho gayi thi …………..shaadi ke kuch dino ke baad Neeraj ki posting border par ho gayi aur Neha wahan akeli reh gayi ………….ab Neha kisi aazad panchhi ki tarah ho gayi …………….Karan ke saath uska pyar , aur jyada mukhar ho gaya ……………..Karan aksar weekend mein Dehradoon aa jaata tha , aur fir dono wahin par milte they ………………..”

“1-2 saal tak aise hi chalta raha …………….. fir achanak hi Neeraj ko Army se nikaal diya gaya …………usne sharaab peekar apne seniors ko gaaliyan di thi , aur apni post par maujood apne saathiyon ke oopar goliyan chala di thi ………..Neeraj waapas dehradoon aa gaya ………….aur Neha ki Karan ke saath mulaakatein band ho gayi ……….”

“iss prem kahani mein ke khaas baat yeh thi ki , jahan Neha ka pyar shuru se aakhir tak ……..poori tarah Karan ke liye samarpit tha …wahin Karan ke pyar ke maayne , waqt ke saath badalte rahe ………….Karan ke andar ek bhookh badhti jaa rahi thi ……..paise aur naam ki bhookh …………uska promotion ho gaya aur usko nayi posting dehradoon mein hi de di gayi …………ab ek baar fir se dono ke milne ka raasta saaf ho gaya ……………Neha apne pati se chhup chhup kar , Karan se milne lagi ………………Neeraj bhi ab private companies mein job karne laga tha ……………..aur Neha ko bhi talaash thi , kisi naukri ki …………..”

“fir Karan ke dimaag mein jaldi ameer banne ka ek idea aaya …………..Delhi mein rehte huye , uski dosti kuch aise logo se huyi thi jo farji documents banwaane ka kaam karte they ……….usne apne unn dosto ki madad se apne liye kuch nakli identity documents banwa liye ………….Sandeep Singh ke naam se ……….fir usne iss naye naam ke saath ek company ko registred karwaya ………….ek chit-fund company …………….S.N.Finance servises ”

“Neha ko usne apne iss khel ka raajdaar banaya ………..usne wahan ke local papers mein vacancy nikaali aur interviews ke baad Neha ko company ki director ke taur par appoint kar liya ……………….fir Neha ne apne pati Neeraj ko bhi iss company mein kaam karne ki salaah di …………Neeraj ka bhi interview huya , aur usko bhi appoint kar liya gaya …………………agle ek saal tak yeh company logo ke paise invest karwaati rahi ……….shuruaat mein poori imaandaari se logo ko unka paisa , with interest waapas bhi kiya gaya ………….Karan ne ek aur bhi kaam kiya , usne papers mein Neeraj ko iss company ka partner show kar diya ……..”

“Fir ek saal ke baad …………..Karan ka transfer Raj Nagar kar diya gaya ……….uske saath hi wo , logo ka jama kiya huya , kareeb 40 lakh rupiya , apne saath lekar gaayab ho gaya …………sirf Neha ko yeh baat maloom thi ki , Karan kahan hai ………………logo ki shikayat par police ne case file kiya , unhone Sandeep singh ki talaash ki , par iss naam ka koyi aadmi hota to milta na ……..uske diye huye documents mein uska address Delhi ka tha , jahan uske milne ka koyi sawaal hi nahi tha ……….Police ne Sandeep Singh ko faraar ghoshit kar diya …….uske tata-kathit partner Neeraj ko arrest kar liya gaya …….aur Neeraj ki patni , aur company ki diector hone ke naate Neha ko bhi ……………”

“Karan ko Neha ki giraftaari ki khabar mili ………..usne parde ke pechhe rehte huye , Neha ki rihayi ke lie paisa kharch kiya ……….police ko paisa khilaya ……aur Neha 3 mahine mein hi baahar aa gayi…………..uske baahar aane ke baad , Karan se uski mulaakatein fir se shuru ho gayi …………….par ab usne ek aur kaam kiya , apne pati ka ghar chhod kar , apne pita ke ghar aa gayi …………..Karan yahan Raj nagar mein apni naukri karta raha , aur Neha wahan Dehradoon mein apne pita ke ghar rehti rahi ………dono , jab bhi dil karta tha mil lete they …………..”

“ 1 saal se bhi jyada time tak jail mein rehne ke baad , Neeraj baahar aa gaya ………aate hi usne Neha se milkar shikayat ki …..Neha ne uski jamaanat ki koyi koshish nahi ki thi , isliye wo Neha ke oopar naaraj huya ……….fir dono mein jhagda huya aur dono ke raaste alag-alag ho gaye ……………..Neeraj delhi chala gaya , naukri karne ke liye aur Neha wahin dehradoon mein reh kar MBA karne lagi …….”

“time beet-ta chala gaya …………Karan apne kaam mein bahut hoshiyaar tha , aur sincere bhi ……….uski tarakki hoti chali gayi ……..aur fir usko Lakshmi banks mein Deputy General Manager ki post mil gayi ………….wo bahut khush tha , usko lagne laga tha ki ek din wo iss se bhi badi kursi par baithne mein kaamyaab ho jaayega ……aur iske liye wo poori mehnat se kaam karne laga ……….aur imaandaari se bhi...”

______________________________

 

[StoryPublisher]

#123

“fir Karan ki jindagi mein ek aur shakhs ki entry huyi ……..uska naam bhi main abhi thodi der mein aapko bataoonga ………..jahan pehle Karan , Lakshmi group mein badi post paane ke sapne dekh raha tha , ab iss naye shaksh se milne ke baad uske sapno ne aur jyada vistaar le liya ………usko lagne laga ki agar wo chaahe to Lakshmi group ka ek hissa uska ho sakta hai……..”

“par uske baad tumhaari entry iss kahani mein huyi Rajiv ………..” Kamal ne meri taraf dekhte huye kaha ………..” tum apni padhayi poori karke waapas India aa gaye …….Chaudhary saahab ne aate hi tuhe bank ka project saunp diya ……apne dimaag aur mehant se tumhe bahut kam samay mein wo kar dikhaya , jo baaki log saalo-saal bhi nahi kar paate …………..tumko Lakshmi Banks ka vice chairman bana diya gaya …………aur Karan wahi ka wahi reh gaya , jahan wo tumhaare aane se pehle tha …………..usko kahin andar yeh lagne laga ki uski tarakki ke beech mein tum deewar ban ke khade huye ho …………….”

“par bank vault mein dakaiti aur Uncle ke oopar hamla ??.........iss sab mein Karan ka kya involvement tha SP saahab …….??” Yeh sawaal Sharad ne kiya ………..uske chehre par hairaani ke bhaav saaf dikhayi pad rahe they ………aur mujh samet , wahan maujood sabhi logo ke chehro par yehi bhaav they …………….jo Kamal ke dwara sunayi jaa rahi kahani ko sun kar apne aap hi aa gaye they ………

“main abhi wahan tak aane waala hoon Sharad ………..bas thodi der aur “ Kamal ne kaha aur fir table ke oopar se gilaas utha kar paani piya aura age bolna shuru kiya ……

“Iss beech Neeraj ko Karan aur Neha ke rishte ke baare mein maloom chal gaya ………..usne Dehradoon mein unn dono ko milte huye apni aankhon se dekha , aur usko yeh samajhne mein der nahi lagi ki Karan aur Neha ne milkar usko bewkoof banaya hai ……….usko unn dono ke rishte ke baare mein poori tarah se nahi pata tha , bas usne yahi samjha ki uski patni ne paise ke liye uss se be-wafayi kar ke Karan ka haath thama hai ……….”

“unn dino Neeraj ki finantial position bhi sahi nahi thi ……..uski private naukri mein uske kharche bhi nahi ho paa rahe they ………iss liye usne iss mauke ko bhunaane ki sochi ………..wo Neha se mila , aur uske saamne ek shart rakh di ……….ki agar wo usko 25 lakh rupiye de de to , wo usko divorce de dega …….aur uski jindagi se hamesha ke liye chala jayega …….”

“Neha ne yeh baat Karan ko batayi …………Karan ke paas haalanki paise they , aur wo Neeraj ko paise de kar , Neha ko aazad karwa sakta tha ………par usko yeh manjoor nahi tha ………usne Neha ke through Neeraj ko yeh message diya ki , kuch time ke andar wo paiso ka intezam kar dega ……….fir Neha ne Karan ke kehne par , apne pita se baat ki ……….usko yeh maloom tha ki Mr.Vijay Chaudhary aur uske pita ek saath kaam kar chuke hain …………aur achchhe dost hai ……….Neha ke pita ne Mr.Chaudhary se baat ki aur Neha ki naukari Lakshmi groups mein lagva di …….”

“Kya Chaudhary saahab ko maloom tha ki Neha ek baar jail bhi jaa chuki hai …? “yeh sawaal jo mere dimaag mein bahut samay se tha , maine uss se poochha liya ……

“Haan Rajiv ……………Neha ke pita ne khud yeh baat Mr.Chauahary ko batayi thi ……..unko yeh lagta tha ki unki beti ko bila-wajah iss case mein fansaya gaya tha , aur yahi baat unhone Mr.Chaudhary ko bhi kahi thi ………….khair , Mr.Chaudhary ne Neha ko apne yahan naukri de di ………..”

“ tab tak bank vault ko banaane ka koyi plan nahi tha …………Karan ka Neha ko yahan bulaane ka sirf ek hi maksad tha ……….blackmailing ……..par kiski , yeh abhi decide nahi tha ………..uski nigaah mein 2 shikaar they ………ek tum Rajiv aur doosra Sharad ……………aur yahan se uss shakhsh ka role bhi shuru ho gaya …….jo iss saare khel mein Karan ka madad-gaar tha …………pehle Neha ne 1-2 baar Sharad ke oopar dore daalne ki koshish ki ………..par unhe mayoosi hi haath lagi …..Sharad ne Neha ki koshisho ka koyi response nahi diya ………fir Neha ko tum nazar aaye …..usne koshisk ki , tumhe apne husn ke jaal mein fansaane ki ……aur tum to jaise tayyar baithey they ………uske jaal mein fansne ke liye ……….” Usne akhiri mein meri taraf dekhte huye vyangya se kaha ……….maine kuch nahi kar saka , sivaaye sharminda hone ke ………….

“ Karan aur Neha ka iraada tha ki wo tumhaare aur Neha ke kuch photographs aur videos banayenge ……….jo unhone Shimla mein ,aur tumhaare flat mein bana bhi liye .........iss beech Neha ne tumhe apni dukh-bhari kahani bhi sunayi ……aur yeh bhi bataya ki uska pati divorce ke liye 25 lakh rupiye maang raha hai ………tum bhi apne dil ke haathon majboor they dost , ek dum se hi maan gaye ….aur usko paise dene ke liye tayyar bhi ho gaye …………unn logo ka iraada pakka tha , aur shaayad wo tumse paise le bhi lete …….par iss beech kuch aisa huya , jisne Karan ki planning ko change kar diya……”

“ Karan , apne parents se milne Mumbai gaya ……………..wahan uski mulaakat Babloo se huyi ………….Babloo uska purana dost tha ……… pehle Indore , aur fir Delhi mein wo log saath saath ghamte rehte they ……………pichhle kuch saalo mein Babloo ne apraadh ki duniya mein apna sikka jama liya tha …………uska ek chhota sa gang bhi ban gaya tha …………….Karan ko uss se milne ke baad ek aur plan sujha …………….usne Babloo ko offer diya ki wo usko Bank vault ko lootne mein help kare ……….badle mein wo Babloo ko loote huye gold ka 60% dene ke liye tayyar tha ………………kyon ki Karan ne bank vault ko khud hi banwaya tha , aur wo Rajiv ke saath uski planning mein bhi involve tha ………..wo yeh baat achchhi tarah se jaanta tha ki alarm aur cameras ko kaise bekar karna hai………”

“Mumbai se waapas aate hi Karan ke liye ek aur nayi musibat shuru ho gayi ………..Neeraj ke lagataar phone aane lage , uski demand bhi ab 40 lakh ki ho gayi thi ……………..ab Karan ne ek aur plan banaya ………Neeraj ki maut ka ……………” Kamal meri taraf dekhta huya aage batane laga

“ usne Neha ke through , tumhe Sanajy Nagar mein ek khaali makaan mein bulwaaya …………tum wahan pahunche aur Neha ne tumhe apne saath kuch der ke liye busy kar liya …………..uss se pehle hi Karan ne Neeraj ko bhi wahin bula liya tha , paise dene ki baat keh kar ..........usne Neeraj ko sharaab pilvayi aur fir wahin lekar pahunch gaya , jahan tum aur Neha thay ………….jiss samay tum aur Neha ghar ke andar they ………..Neeraj aur Karan , ghar ke baahar maujood they ……….Karan ne Neeraj ko bataya ki , tum aur Neha andar kya kar rahe ho ………nashe mein hone ke kaaran Neeraj ko yeh baat sun kar gussa aa gaya , usne tumhe gaaliyan deni shuru kar di …………fir Karan ne Neeraj ko wo revolver diya , jo usne baahar khadi huyi tumhaari gaadi mein se nikaala tha …………Neeraj ghar ke andar aaya , tumhe aur Neha ko ek saath dekha ……..aur fir tum dono ke beech thodi si ladayi bhi wahan huyi …………..jiss samay tum Neeraj ke oopar pistol taane khade huye they , uss hi samay Karan pichhle darwaaze se andar aaya aur tumhaare sar ke oopar chot kar ke tumhe behosh kar diya …………fir tumhaari hi pistol se usne Neeraj ko goli maar kar uska khoon kar diya ………………..kehne ki jaroorat nahi hai ki ghar ke andar pehle se hi cameras fit they , aur wahan huyi ek ek ghatna ke photographs le liye gaye …………….jiska use baad mein tumhe blackmail karne ke liye kiya gaya ……………” poori baat kehne ke baad wo ruka , fir se ek baar table ke oopar se gilaas utha kar paani piya aur fir ek kursi ke oopar baith kar aaram karne laga ………..

sab log lagataar uski soorat dekhe jaa rahe they ……….mere man mein abhi bhi bahut saare sawaal they , aur shaayad wahan maujood sabhi logo ke man mein bhi ……….ham sab Kamal ki taraf dekh rahe they …….ki kab wo aage bola shuru karega aur sabke dimaag mein uth rahe sawaalo ko shaant karega ………

fir Sharad ne hi sabse pehle poochha ………” par agar Uncle ke oopar hamla bhi Karan ne hi kiya hai , to uski kya wajah thi ………??”

Kamal fir se apni seat se utha aur Sharad ki taraf dekhta huya bola …….”Mr.Chaudhary ke oopar hamla karna , Karan ki majboori thi ………..dar-asal wo uss shakhs ke baare mein jaan gaye they , jo iss saare khel mein Karan ka madad-gaar tha ………………..Mr.Chaudhary ne iss hi liye ,uss din Rajiv ko phone kiya tha ……….par phone par unki baat Karan se huyi …….Karan Rajiv se pehle wahan pahunch gaya aur Mr.Chaudhary ko goli maar di ……………”

“kaun hai wo ……….?? Karan ka saathi …………” “ maine poochha ……..aur baaki sab bhi Kamal ki soorat dekh rahe they …………

“Wahi Rajiv ……………..jiske handbag ke through Bank vault ke andar pistol gayi thi ……………….jiss ne tumhe internet par Neha aur Sharad ke so-called love scenes dekhne ke liye majboor kiya tha …………aur ek baat , Mr.Chaudhary ke oopar huye 2 fires mein se ek usne hi kiya tha …………..” Kamal muskurate huye bola ………

“paheliya kyon bujha rahe ho Kamal ?? “ Sharad ne jhallaate huye kaha …….” Uska naam batao…..”

“wo iss kamre mein , aapke barabar waali seat par hi majood hai Mr.Sharad ……” Kamal ne daant peeste huye jawaab diya ………..aur ham sabhi ne chaunk kar Sharad ke barabar waali seat ki taraf dekha ………………..wahan jahan Priya baithi huyi thi …………………

______________________________

 

[StoryPublisher]

#124

“yeh kya bakwaas hai Officer ……….” Priya cheekhi …………..” tum pagal to nahi ho gaye ho ??”” aur fir khade hokar , Kamal ke oopar jhapti ………..par Sharad ne aage badhkar usko pakad liya …………….wo kuch der yun hi khadi rahi aur Sharad ki pakad se chhootne ka prayas karti rahi , kas-masati rahi…………

“ shaant rahiye Miss.Priya …………….aapke saathi , Karan ne hamein sab kuch bata diya hai ………… “ Kamal ne pehle Priya ki taraf dekhte huye kaha aur fir Karan ki taraf dekha ………..Karan bhi Priya ki hi taraf dekh raha tha , uski aankhon mein niraasha aur be-basi saaf dikhayi pad rahi thi …………..

“bechare ne bahut koshish ki , jiss se uske munhe se aapka naam na nikle …………..par ham logo ke paas aise bahut se tareeke hote hain ,jinn se ham sab kuch kaboolwa lete hain…….”

Priya kuch seconds khade rehkar Karan ko ghoorti rahi ……………fir Sharad ne usko wapas uski kursi ke oopar dhakel diya…….

Priya kuch der yun hi baithi rahi …………Sharad ne usko kas-ke pakda huya tha …….isliye wo kas-masati rahi ……..fir usne apna shareer dheela chhod diya , apna sar neeche jhuka liya aur rone lagi ……………….sab uski taraf hi dekh rahe they …….par ab sabki nazron mein ek hairaani aur nafrat si dikhayi pad rahi thi ………….

Fir Sharad ne Kamal ki taraf dekhte huye poochha………”Aap sach keh rahe hain na Officer ……..?? Priya ne hi uncle ke oopar goli chalayi thi ??......aap jaante hai ki aapki baat galat hone ka anjaam kya ho sakta hai ………….??”

“Ji haan Mr.Sharad …………maine jo bhi kuch kaha hai , poori tarah soch smajh kar hi kaha hai …………..aur yahi nahi , iske alaawa bhi inhone Karan ka kadam-kadam par saath diya ……………chahe wo bank vault ki robbery mein madad karna ho , chahe Rajiv ke dimaag mein aapke aur Neha ke baare mein galat fehmi bharna ho , aur ya fir Rajiv ko blackmail karne ki planning ho ………yeh har ek cheez mein Karan ke saath thi ………unki raajdaar thi …………”

“par har ek apraadh ke peechhe koyi wajah hoti hai Kamal ……….inhone aisa kyon kiya ??........kya tumhe maloom hai …??” yeh sawaal Police commissioner ne kiya ……..

“ Ji haan sir ………..kaafi had tak to maloom hi hai , jitna hamein Karan ne bataya ………” Kamal ne Commissioner ki taraf dekhte huye kaha aur fir sab ki taraf ek ek bar dekha aur aage bolna shuru kiya ……….

“ wajah wahi hai , jo Karan ke saath thi…………..Jealousy …….aur jo Neha ke saath thi …………….pyar , ishq , munhabbat ……………..Karan aur Priya kaafi pehle se ek saath kaam karte they ………tab , jab Priya ne naya naya iss company ko join kiya tha ………Karan company ka purana aur wafadaar employee tha aur Priya abhi company ke kaam ke baare mein samajh hi rahi thi …………Karan ka ek plus point tha , uska tez dimaag ……..jiss ka asar Priya ke oopar bhi pada ……..wo Karan ki taraf attract hone lagi …….aur dheere dheere inn dono ke beech ek rishta ban gaya ……….iss rishte ko aap Pyar bhi keh sakte hain……..aur pyar ke iss rishte mein saari had paar ho chuki thi …………jaisa ki hamein Karan ne bataya hai ……….” Akhiri baat Kamal ne Sharad ki taraf dekhte huye kahi …………jo kabhi Priya ki taraf dekhta tha , kabhi Karan ki taraf aur kabhi Kamal ki taraf ………………” aksar yeh dono saath saath company tour par jaate they ………aur jab kabhi Mr.Chaudhary shahar ke baahar hote they , tab Karan ki raatein adhiktar Lakshmi nivaas mein hi gujarti thi …………..”

“fir Rajiv ki entry Lakshmi group mein huyi …………….jaisa ki main pehle bhi kaha , Rajiv ne bahut kam samay mein wo mukaam haasil kar liya , jo baaki log kaafi samay baad bhi nahi kar paaye they ………..Priya ke liye to yeh aur bhi jyada pareshani ka sabab tha ………..ek taraf to wo Karan ke future ke liye pareshaan thi , aur doosri taraf apne khud ke future ke liye bhi………..Rajiv ke Vice chairman ban jaane ke baad to usko yeh lagne laga tha ki kahin uske pita , Mr.Vijay Chaudhary uske hisse ki jaaydaad bhi Rajiv ke naam na kar dein…”

“usne yeh baat Sharad se bataayi aur Karan se bhi ……………. Sharad ne to turant hi iska reaction bhi kiya , Mr.Chaudhary ke saamne apna virodh prakat kar ke ……..par Karan ne usko filhaal chup rehne ke liye aur mauka dekh kar , vaar karne ke liye kaha ………..wo dheere dheere Priya ko samjhata raha , ki kis tarah Rajiv ko neecha dikhaya jaa sakta hai…………fir usne Priya ko Neha ke baare mein bataya ……….Priya aur Karan ke liye , Neha ek mohre ki tarah thi …..jisko wo Rajiv ke khilaaf use kar rahe they …………Karan ne Priya ko yeh bataya, ki wo Neha ke jariye Rajiv ko blackmail karenge aur usko majboor kar denge , iss shahar aur company ko chhod kar chale jaane ke liye ………….Priya ne Karan ki baat maan li, aur uska saath dene lagi ………………..”

“yahan mein ek baar Sharad ka jikra bhi karna chahoonga ……..” fir Kamal ne meri taraf dekha aur bola ……..” Rajiv ..!! ………..tumhe achaanak yeh lagne laga tha ki Sharad ka behaviour , tumhaare prati ekdum change sa hota jaa raha hai …………darasal uss ke peechhe do wajah thi …………pehli wajah thi Nidhi ……………….mujhe nahi pata ki yeh baat tumhe maloom hai ya nahi , par yahan baithey huye , Chaudhary family ke har ek member ko yeh baat maloom hai ki Mr.Vijay Chaudhary ki yeh ichchha thi ki tumhaari shaadi Nidhi ke saath ho jaaye……..”

sunte hi maine chaunk kar pehle Nidhi ki taraf dekha , jo meri taraf hi dekh rahi thi …….par mujhe apni taraf dekhta paakar , usne munh ghama liya ………..fir main Sharad ki taraf dekha , jo iss samay apne sar ko jhukaaye huye baitha huya tha …………..Kamal ka bolna jaari tha ………

“jab Sharad ko tumhaare aur Neha ke rishte ke baare mein maloom pada ……….jo ki jaahir hai , Mr.Chaudhary ne hi usko bataaya hoga …………uske man mein , tumhaare liye gussa aana swabhavik hi tha ………….usko yeh bardasht nahi huya ki tumne usski behan ko thukra kar , ek doosri ladki ko apna jeevan sathi banane ka faisla kar liya hai …………aur fir iss aag mein ghee daalne ka kaam , Priya ne kiya ……..usne Sharad ke man mein yeh baat baitha di ki tum Lakshmi Banks ke oopar kabja kar sakte ho ………….kul milaakar , usne Sharad ke kandhe par rakh kar bandook chalayi thi, aur nishaana tum bane …………”

“Udhar………Karan ne tumhaare man mein , Neha aur Sharad ke liye shaque ke beez bone ka kaam kiya …………wajah sirf yahi thi , ki agar tuhaare saath kuch bhi bura hota hain , to tumhaara shaque sirf Sharad ke oopar jaaye ………….aur hua bhi aisa hi , tumhaara shaque Sharad ke oopar badhta gaya …………….fir ek teer Priya ne chalaya …….tumhe Sharad aur Neha ke so-called love scenes dikha kar ………….wo bhi ek sochi-samjhi planning ke saath …………tumhe yaad hoga Rajiv , uss shaam tumhaare paas Priya ka phone aaya tha , jab tum Club ki taraf jaa rahe they ………..tumne usko bataya ki tum iss samay kya kar rahe ho ………usne turant Karan ko phone kiya ……aur Karan , jo uss shaam pehle se hi Neha ko saath lekar tayyar tha , usne jaanboojh kar tumhaare saamne se apni gaadi nikaali …………wo gaadi , jo Sharad istemaal karta hai ................Sharad kyon ki uss samay shahar se baahar tha , isliye uski gaadi Priya ko aaram se mil gayi thi aur usne wo gaadi Karan ko di huyi thi…………….fir tumne uss gaadi ka peechha kiya aur gaadi ko Lakshmi nivaas mein jaate huye dekha …………………..uske baad Priya ne jaanboojh kar tumko Internet ke through cameras ki recording check karne ke liye kaha ………..jo do log tumhe internet par dikhayi de rahe they , wo Karan aur Neha they………….bas itna farak tha ki Karan ko yeh maloom tha ki tum unko dekh sakte ho , aur Neha iss baat se anjaan thi…………….yeh ek andhere mein chalya huya teer tha , jo sahi nishaane par jaakar baith gaya ………….par sirf kuch hi der ke liye ……..fir agle din tumhaari baat Sharad se ho gayi aur tumhe maloom pada gaya ki wo to uss din shahar ke baahar tha ……….tumhara shaque Sharad ke oopar se kuch samay ke liye hat gaya , aur Neha ke oopar se bhi …………….”

Fir usne kuch seconds ke liye chup hokar sabki taraf dekha ………..fir table ke oopar se gilaas utha kar paani piya aur ek lambi saans lekar aage bolna shuru kiya …..

______________________________

 

[StoryPublisher]

#125

“Uss samay tak Bank vault mein robbery ka plan inke dimaag mein nahi tha …….yeh log sirf tumhe black-mail karke , yahan se bhaga dena chahte they ………….aur agar aisa nahi hota , to tumhaare dimaag mein Sharad ke liye inhone nafrat ke beej to bo hi diye they …………tumhe yahi lagta ki tumhaare saath jo bhi kuch hua , wo sab Sharad ne kiya hai ………aur aisa hua bhi ………….”

“jaisa main pehle bataya tha………..bank robbery ka saara plan Karan aur Babloo ka tha ………..Karan ke paas wahan ki saari technical informations thi , usne babloo ke ek aadmi ko wahan lage huye cameras aur alarm system ki poori details de di thi ………jisne wahan entry karte hi , unn saare system ko bekaar kar diya ……….Karan ko hi master-password ke baare mein bhi maloom tha ………jo inhone tum se pooch liya tha ………….tumse phone par baat karne ki jimme-daari Babloo ki thi …………….tumhe kiye gaye adhiktar calls , usne hi kiye they ................taaki tum phone karne waale ki awaaz na pehchaan jaao …………..”

“bank robbery mein , Priya ke jimme sirf ek kaam tha ………..vault ke andar revolver pahuchana ……….jo usne robbery se ek din pehle kar diya …….jab wo Chaudhary saahab ke saath bank ke andar gayi thi ……….jaahir tha , security kitni bhi tight ho …..Mr.Chaudhary ki talaashi koyi nahi le sakta tha ………Priya ne iss hi baat ka faayda uthaya,……usne apne hand-bag mein revolvers ko rakha huya tha , aur wahan se baahar nikalte samay , isne apna bag wahin andar chhod diya …………..aur yahi baat Mr.Chaudhary ke oopar hamle ki wajah bani ………………”

uske itna kehte hi ham sab log uski taraf aur jyada gaur se dekhne lage ……….usne aage bolna jaari rakha ……….

“ darasal ………..bank robbery ke baad , jab Mr.Chaudhary tumhaare ghar aaye they ………uske baad wo seedha bank hi pahunche they……..aur fir Commissioner-saahab ke office ……….wahan unhe wo bag dikhaya gaya , jismen revolver rakhi huyi thi ……….bag dekh kar hi unhone usse pehchaan liya ……….unhone ghar waapas aa kar Priya se bag ke baare mein sawaal karne shuru kar diye ……..kuch der tak na-nukur ke baad , Priya ko yeh accept karna pada ki wo handbag uska hi tha ……..par yahan bhi wo ek game khel gayi ………usne Chaudhary saahab ko yeh bataya ki yeh sab usne Sharad ke kehne par kiya hai , tumhe neecha dikhane ke liye …………uski baat sun-ne ke baad Mr.Chaudhary kuch der ke liye jaise sakte mein aa gaye ……..unhe yakeen nahi ho raha tha ki unke apne bachche aisa kar sakte hain , aur wo bhi kisi ek aadmi se badla lene ke liye ……………..Priya ko laga ki uske pita ab yeh baat kisi ko nahi batayenge , isliye usne Karan ko saari baat phone par bata di …………lekin aisa nahi hua ……..kaafi der sochne ke baad , unhone tumhe inform karne ke liye tumhe phone kiya ………….”

“yahan tumhaari kismat kharaab thi Rajiv…………..unki pehli call tab aayi , jab tum shaayad kamre se baahar they ……aur phone tumhaare room mein rakha hua tha …….ho sakta hai ki tum uss samay Karan ke liye darwaaza kholne gaye ho ………..fir unhone kuch der ke baad tumhaara number try kiya …….. uss samay , fir tum room se baahar they , aur tumhaara phone Karan ke paas rakha huya tha ………..usne phone par Mr.Chaudhary ka number dekh kar samajh liya ki wo tumhe kyon phone kar rahe hain ………..usne call disconnect kar di , unn 2 calls ki details tumhaare phone se delete kar di …………. aur fir tumhaare phone par aane waale kuch numbers ko apne paas maujood ek doosre number par divert kar diya ……………uske baad yeh, tumse milkar tumhaare ghar se baahar nikal gaya …….”

“ yeh kuch hi door gaya tha ki Mr.Chaudhary ne fir se tumhe phone try kiya ………jo ab isne receive kiya ……….isne phone sun-ne ke baad , turant hi Priya ko phone kiya ………….Priya uss samay market mein hi thi , aur ghar ki taraf jaa rahi thi ……….Karan ke kehne par , usne Karan ko apne saath le liya ……………..karan ke paas uss samay tumhaare wo photo graphs bhi they , jinke jariye tumhe blackmail kiya jaa raha tha ……..aur Mr.Chaudhary ke naam likha hua ek letter bhi , jismen iss saare khel ka iljaam tum par lagaya gaya tha …………darasal , inn logo ka yeh plan tha ki uss din shaam tak yeh sab cheeje Mr.Chaudhary ke paas pahuncha di jaayein …………Priya ne karan se wo sab cheeje le li , yeh kehte huye ki ab inki jaroorat nahi hai ……..papa ko sab kuch maloom pad chukka hai ……………..fir , Priya ke kehne par , Karan uski gaadi mein chhip kar Lakshmi nivaas ke andar pahunch gaya …………….iss hi liye , jab hamne wahan ka entry record aur cctv ki recording check ki to hamein iske andar jaane ka pata nahi chal paaya …………………ghar ke members ki gaadiyan, gate ke paas nahi park hoti hai...........balki ghar ke peechhe bane huye garage mein jaati hai ”

“Lakshmi nivaas mein pahunchte hi Priya , Chaudhary saahab ke room mein chali gayi ………..aur iske peechhe peechhe hi Karan bhi …………..agar aap logo ko wahan ke baare mein jaankari na ho to main bata doon ki , Mr.Chaudhary ke study room ke do darwaaze hain ………ek to wahi jo saamne galiyaare mein khulta hai , aur ek chhota darwaaza side mein hai , jo uske barabar mein maujood unke bedroom mein khulta hai ………………..Study room ke doosre side mein hi Priya ka room hai …………………Priya ne unke Study room mein jaakar , apne pita se apne kiye ki maafi maangi aur unse waayda kiya ki wo aainda kabhi aisa galti nahi karegi …………..aur yeh bhi ki, wo abhi jaakar Rajiv se maafi bhi maang legi …………….Karan iss dauraan ,room ke baahar khada hua unki baaten sunta raa ……………Mr.Chaudhary ne Priya ki yeh baat nahi maani , wo jidd par ade huye they ki main abhi Rajiv ko bulakar saari baat clear karoonga , jo unke hisaab se wahan pahunchne hi waala tha ………….unhone tumhe phone karne ke liye apna mobile uthaya aur fir se ek baar tumhaara number lagane lage ………bas iss hi samay , Karan ne …….jo tab tak unke peechhe aakar khada ho gaya tha ………unke oopar goli chala di …………..soundproof kamre mein , goli ki awaaz dab kar reh gayi ………….yeh dono turant hi ghabra kar wahan se nikalne lage ………par fir Mr.Chaudhary ko tadapta hua dekh kar yeh log wahin ruk gaye ……….inhe darr lagne laga ki kahin ghar mein maujood koyi aur member wahan na aa jaaye , aur unka khel khul na jaaye ……….inko iss se bachne ke sirf ek hi raasta nazar aaya , Mr.Chaudhary ki maut ………..aur iss baar yeh kaam Priya ne kiya ………..usne revolver li , aur jameen par gire huye , tadapte huye Mr.Chaudhary ke oopar ek aur fire kar diya , iss baar unke seene par nishana laga kar ………………..”

Kamal kuch der ke liye saans lene ke liye ruka …………iss beeech maine dekha tha ki Akhilesh ne ek constable ko kuch kaha tha , aur wo kamre se baahar chala gaya tha ……….ab wo waapas laut aaya tha , aur uske saath Ladies police ki ek SI aur 2 constable bhi thi ………….unn teeno ne wahan maujood apne officers ko salute kiya aur fir dheere se aakar Priya ke peechhe khadi ho gayi …………..

______________________________

 

[StoryPublisher]

साथ बने रहने के लिए धन्यवाद दोस्तो