S
StoryPublisher
Guest
Vo kabhi kabhi idhar udhar dekha ke chala rahi thi ki achanak usne dur se kisi aadami ko ladkhadate bich raste me aate dekh liya usne apane pav se jordar break lagayi fir bhi vo car itani full speed me thi ki barabar vo aadami jo ladkhadakar ek hath se kuchh pakadane ki koshish me laga tha us hath se hi jakar sat gayi. Us aadami ke hath par audi car ka age ka hissa aa gaya tha aur anjane me vo use pakadkar letata ja raha tha. Audicarwali ladki ko uska chehra najar nahi aa raha tha. Kyuki full lights se achanak ek hath usne apane chehre par le liya tha aur dusre hath se vo apana sir nauch raha tha. Fir vo niche baithkar apana sir nicha kar ke shayad ulti kar raha tha.
Audicarwali kuchh pal ke liye baithi hi rahi fir achanak uska dhyan us aadami ne pahna huye shirt par gaya aur vo usne apani seat se ucha uthkar us aadami ko pahchan ne ki koshish ki aur vo chehra dekhkar pahchan gayi. Vo fauran niche utari aur usne dekha ki Jay ke muh se khun bah raha hai to usne apane hatho ke sahare usko pakada. Lekin jay girata ja raha tha to usne apani puri taqat se Jay ko kandhe aur pav se pakada aur dhire dhire car me bitha liya. Tab tak Jay behosh ho chuka tha. Audicarwali pahle muskurai aur fir pichhe soye huye Jay ke samne dekhkar ankhe fad fadkar aur apane dat bhichkar do gali boli aur bhayanak speed se age chal di. Achcha huva ki us samay tak ek bhi vehicle bich me nahi aya tha.
**********
Jay gehri soch me duba huva tha aur usi waqt ek courier aya, Jay ne sign kar ke le liya aur baju ke table par rakh diya. Achanak gehri soch se vo kuchh bahar aya tha aur andar ja ke kitchen se pani piya aur apane liye thodi se chay banayi aur cup hath me liye fir vo drawing room me vapas aya. Usne table par pada courier me sender ki jagah dekhi to sirf well wisher likha tha aur courier aya tha London se. Jay ko bada ajib laga ki Nishi ko koi courier bheje aur vo bhi London se. Fir use yad aya ki bich me kuchh sal Nishi vaha rah chuki hai to shayad koi relative hoga aur kuchh bheja hoga. Aur usne apana dimag kahi aur le jane ki koshish kari. Lekin kuchh na kuchh uske dimag ko nahi jach raha tha. Fir use laga ki kafi samay se vo nirash hokar baitha hai, isiliye shayad aisa hoga. Aur vo chay ka cup thodi der vaha rakhkar yu hi drawing room me thoda tahalane laga. Tahalte tahalte jab ek bar fir se uska dhyan us courier par pada to achanak uski sixth sense ki ghanti baj uthi aur vo yad karne laga ki aisa kuchh usne pahle bhi kahi dekha huva hai.
Vo yad karne ki koshish karne laga aur uske dimag me zataka laga aur usne fauran vo cover uthaya. Bilkul vaisa hi cover tha jab jail me jailor khan use diya karta tha. Usne fauran vo cover khola aur usme ek chiththi nikali. Computer par type ki gayi thi aur likha tha.
‘Miss Nishi,
Muje yakeen hai ki jab Jay jail se chhutega tab sab se pahle shayad aap hi hogi jo usko milegi. Agar nahi, fir bhi jaha mile yah kuchh pages hai uski bikhari padi huyi zindagi ke. Please us tak pahuchane ka kasht kare. Aap ka bhut upkar hoga Jay par aur ham par.
Thanks,
1 well wisher……’
Jay sirf chauk hi nahi balki uttejana ke mare uske heart beat badh gaye aur uski sanse achanak tez huyi, hath kapane lage aur usne fauran us cover me rakhe kuchh pages ko dekha aur use yad aya ki jaha tak use aaj tak covers mile the vaha tak ki kahani me uske pitaji Kishorilal Juangarh se nikalkar Jodhpur nikale the us tak hi pata thi. Age kya huva vo aaj tak kisi ko malum nahi tha. Jay janta tha uske ma-bap zinda nahi hai. Fir bhi vo itihas jan ne ko utsuk tha aur mansik svarup se taiyar bhi.
Usne turant chay khatm ki aur cover ke andar ka cover nikalkar padhane laga. Prathmik do pages me to jaha tak vo janta tha vo hi jankari di gayi thi ki jab Jodhpur se achanak phone aya to Kishorilal vaha fauran dauda gaya tha kyuki vaha Bansi ki transport co. ke truck me se smuggling ka mal pakada gaya tha aur use giraftar kar ke jail me rakha gaya tha. Isiliye Kishorilal fauran vaha chala gaya tha. Fir Jay ne age padhane ki shuruat ki………
Kishorilal sochate huye ghar pahucha to Krishna ghar par hi thi. Upar ke room se niche aa rahi Krishna Kishorilal ko dekhate hi daud ke niche aani chahi, lekin Kishorilal ne use dekhate hi ishare se aram se niche aane ko kaha kyuki Krishna ko fir se akhari din ja rahe the. Krishna ne niche aakar hi Kishorilal ko namaste kiya aur boli,’’Bhabhi kaisi hai ?’’
Kishorilal bola,’’Vaha sab thik hai, lekin muje yaha ka hal sunao.’’ Itana kahkar Kishorilal ne uske aur Bansi ke bich jo bat huyi thi vo sankshipt me batayi aur fir kaha,’’jaldi se batao iske pahle ki Vicky aa jaye, ta ki mai kuchh age ka plan kar saku.’’
Krishna ne ek lambi sans li aur fir bolna shuru kiya,’’Bansi bhaiya ko chhuda lo.’’ Aur Krishna ro padi. Kuchh der tak Kishorilal ne use rone diya aur fir jab Krishna shant huyi to age boli,’’Muje pata nahi tha ki Bansi bhaiya itana kuchh janc chuke hai, varna mai use pahle hi chetavani de deti. Muje pata tha ki ek na ek din ye (Vikram) ham sab ko kahi ka nahi chhodanewale. Jis din se aap ne use vo agreement se azad kiya hai tab se un paiso ne hamari zindagi haram kar ke rakhi hai.’’
Kishorilal,’’Lekin huva kya vo to batao ? aur aaj tak muje bataya kyu nahi ?’’
Krishna ne ankhe uthakar lachar svaro me kaha,’’kitanibar bhai kitanibar aap use sudharane ka mauka doge aur kitanibar vo bachate rahenge. Aap ko pata nahi ki kis dal dal me vo faste ja rahe hai.’’
Kishorilal ne kaha,’’Vo mera dost hai, muje ham dono ke pitaji ke vachan ko nibhana hai, isiliye mar kar bhi mai use sudharane ki koshish karta rahunga aur iske liye bar bar use mauka de raha hu.’’
Krishna,’’Lekin bhaiya is bar shayad vo nahi bach payenge, kyuki ab mai thak chuki hu. Mai use samaja samaja kar har chuki hu. Lekin use meri bhi kadar nahi hai. Kabhi kabhi vo muj par hath bhi utha lete hai.’’
Kishorilal vahi sofe par baith gaya aur bola,’’Muje age sunao agar kuchh aur jyada janti ho to.’’
Krishna,’’Jyada to mai nahi janti, lekin ye Khengarsinh aur Rameshvar ne in ko(Vikram ko) fasa ke rakha hai.’’
Kishorilal,’’ye Khengarsinh kaun hai ?’’
Krishna,’’Maine use bahut kam bar dekha hai, lekin jo suna hai us se vo bahut khatarnak kisam ke aadami hai. Sare bure dhandhe unhi ke karan ye kar rahe hai.’’
Kishorilal,’’Lekin uski pahechan kaise huyi Vicky ko ?’’
Krishna,’’Business ke mamle me mai jyada dakhal nahi deti, lekin Bansi bhaiya ne jo aap ko Bijali ke bare me bataya usi ke bad shayad Khengarsinh in ko (Vikram) blackmail kar raha hai aur Rameshvar bhi uske sath shamil hai.’’
Kishorilal,’’Lekin itani daulat to Vicky hashil kar chuka tha ab age kuchh kya karne ki jarurat thi ?’’
Krishna,’’Bhaiya agar aap us agreement se inko (Vikram) azad nahi karte to ye naubat hi na aati, lekin fir musibat aap par aa jati.’’
Kishorilal chaukkar bol utha,’’Muj par kyu musibat aati ?’’
Krishna,’’Jyada to mai kuchh nahi janti, lekin ek bar maine sharab ke nashe me inke muh se sun liya tha aur meri samaj me itana aya ki jo maharaja ki daulat unhone mere sasur ko di thi aur usne ek agreemene kar ke isko (Vikram) ko bhi bandh liya tha to dusri aur us jaydad me Rameshvar aur Khengarsinh dono hissa mang rahe the.’’
Ab sachmuch chaukane ki bari Kishorilal kit hi, usne turant react kiya,’’Lekin vo jaydad se un logo ka kya lena dena ?’’
Krishna ne najar nichi dal di aur dhire svar me boli,’’Vo muje kya malum bhaiya ?’’
Kishorilal Krishna ko kuchh der dekhata raha aur fir dhire se bol utha,’’Krishna kya bat sirf itani si hai ?’’
Krishna ne najar jukaye rakhi aur fir Kishorilal age bola,’’Ye bat to mai Bansi se sun ke bhi aa raha hu ki ve log Vicky ko blackmail kar rahe hai, lekin jo bat aap Bansi ko bhi nahi bata sakti hai vo bat mai sun ne aya tha. Aur agar muje sachchai pata nahi chali to mai age kya kar sakunga ? Isiliye mai fir se ek bar kahta hu ki muj se kuchh mat chhupao.’’
Krishna ne fir bhi ankhe nahi uthayi aur uski ankho se lagatar ansu bah rahe the. Kishorilal kuchh der yu hi khada raha aur fir bola,’’Krishna hamare pas waqt bahut kam hai. Please muje jaldi batao agar batana chahti hai to.’’
Krishna is bar fir se khulle muh se ro padi aur rote rote hi usne blast kiya,’’Bhaiya inki (Vikram) Bijali se ek bachchi bhi hai.’’
Kishorilal ke dimag par sach me bijali giri. ‘’Kya ?’’ Kishorilal bol utha aur avesh me usne Krishna ke kandho ko hachmachaya aur bol utha,’’Kya bat kah rahi hai ?’’
Krishna ne rote rote hi apani najar dusri aur kar di aur bolti rahi,’’Jo bat sunkar bhi aap hairan hai, mai use jel rahi hu Bhaiya, inki biwi hote huye bhi kab se jel rahi hu.’’ Krishna siskiya le rahi thi.
Kuchh der dono shant rahe aur fir Kishorilal ne puchha,’’Vo bachchi kaha hai ?’’
Krishna ne kaha,’’Pata nahi hai muje, kai bar maine kaha to muje ye batate nahi hai aur jab bhi puchhati hu to chillate hai, marte hai muje. Ab bachche bhi dhire dhire bade ho rahe hai,isiliye maine puchhana bandh kar diya hai.’’
Tab Kishorilal ko yad aya aur usne Krishna ko puchha,’’Hamare bachche kaha hai ?’’
Krishna ne kaha,’’Dono so rahe hai.’’
Kishorilal ne kuchh der bad kaha,’’Vicky kaha hai is waqt ?’’
Krishna ne kaha,’’Vo in dono ko samajane gaye hai ki Bansi ko nirdosh chhod diya jaye, kyuki maine aaj atmahatya ki dhamaki di hai. Agar Bansi ko sath lekar vapas nahi ayenge to mai apani jan de dungi aisa maine inko kah diya hai.’’ Apane ansu pochhate huye Krishna ne kaha.
Kishorilal ki ankhe fat gayi aur bol utha,’’Ye tune kya kiya ? ye chal tu khud Vicky ki thi ki vo khud gunha Kabul karega aur Rameshvar aur Khengarsinh ko saja hogi aur Bansi aur tum bach jayenge aur vo sare bure dhandhe chhod dega.’’
Krishna fikka haskar boli,’’Vo chal meri thi bhaiya in ki(Vikram ki) nahi.’’
Kishorilal ke liye ye dusra blast tha. Usne turant kaha,’’kya? tu khud hi Vicky ko jail me bhejana chahti thi ta ki tum aur Bansi bach jao?’’
Krishna fir se fikka haste huye bol uthi,’’Jail jate magar zinda to rahete, ve log to inhe marne par tule huye the. Aur jail jate to army ki naukari turant chali jati aur in ke pas pahechan itani hai ki asani se chhut bhi jate aur hamari nayi duniya to shuru ho jati.’’
‘’Are vo jail me chala jata to kaun use chhudata aur kaise tumhari nahi duniya shuru hoti ? muje to kuchh samaj me nahi aa raha hai ki kaisa bevkuf plan hai ye?’’ Kishorila ab chilla utha tha.
Krishna ne kaha,’’Bhaiya vakilbabu ne kaha tha ki ve sirf do din me hi ise (Vikram) ko chhuda lenge aur fir Rameshvar aur Khengarsinh ko giraftar bhi karva lenge.’’
Kishorilal ne kaha,’’Are vo kaise sambhav hai ?’’
Krishna,’’Bhaiya maine bahut charcha ki thi vakil bhaiya se. usne yahi kaha tha ki koi aisa hal nikala jaye ki ye (Vikram) bach jaye aur baki dono usi gunah me sari zindagi jail me sadte rahe. Isiliye maine ye rasta apana ne ko ise (Vikram ko) kaha tha.’’
Kishorilal ne fir se bich me kaha,’’Lekin Krishna kam se kam muje to bataya hota, koi alag sa rasta bhi nikal lete na. Aur is plan se to agar Vikram palat jata hai to Bansi hamesha ke liye jail me sadta rahega.’’
Krishna ne kaha,’’Kitani bar aap ko pareshan karte rahe, ye yaha baithkar asho aaram kar ke sare gunah karte rahe aura aap bar bar apane parivar ko chhodkar yaha use sudharane daude chale aate. Akhir kab tak aisa chalta rahta. Isiliye maine ye faisla liya tha ki ise politics me jana hai to sirf yahi ek rasta hai ki uski army ki service chhutani chahiye aur vo dono kale nag ko hamesha ke liye jail ke andar hone chahiye to hi hamari zindagi aram se kat sakti thi. Isiliye maine aisa plan use bataya ki agar vo palat jate hai to Bansi bhaiya ke sath muje bhi jail ho jati hai kyuki transport co. me mai bhi hissedar hu, aur agar plan ke anusar ve karte hai to ham sab ko bachane ka chance rahega.’’
Kishorilal,’’Tum bhul rahi ho Krishna.’’
Krishna,’’Kya ?’’
Kishorilal,’’Krishna abhi tum ne hi kaha ki Vicky ki ek aur aulad hai aur usi ke nam par Rameshvar aur shayad Khengarsinh Vicky ko blackmail karte honge, man lo agar sara plan sahi ho jata hai to bhi Bijali aur unki bachchi ka kya ?’’
Krishna ne tisra blast kiya,’’Mai un dono ma-beti ko apanane ko taiyar thi.’’
Kishorilal kuchh sochkar fir puchha,’’To fir der kis bat ki hai? Vikram do din se Bansi se milne kyu nahi ja raha hai?’’
Krishna ne bola,’’Do din se ve dono kale nag ne in ko (Vikram ko) dhamaki de rakhi hai ki sara mal Vikram ya Bansi ne pakadvaya hai aur agar un dono ka nam khulega to ve log ham ko mar dalenge.’’
Kishorilal ne bich me hi bola,’’Lekin use kaise pata chala ki mal Vikram ne pakadavaya hai?’’
Krishna ne bataya,’’Police me un dono ki bhi sari pahchana hai, kisi ne bata diya hoga.’’
Kishorilal fikka haskar kaha,’’Ya fir Vikram khud plan se palat gaya?’’
Krishna ne ankhe uthakar Kishorilal ko dekha, unke chehre par jaise bahvishya zalak raha tha.
Krishna ne fir lambi aah bharakar kaha,’’Jo bhi ho bhaiya, jitana muje aata tha, mai khel chuki hu, mere liye, mere pati ke liye aur mere pati ke tin santano ke liye. Age ishwar ki maraji.’’
‘’Tin santan……..’’ sochata hi rah gaya Kishorilal…..
Kishorilal Krishna ke gaur mukh ko dekhata hi rah gaya aur usne dekha ki Krishna ke chehre par ek dridh nishchay jalak raha tha. Kishorilal man hi man us devi ko pranam kar gaya aur bol utha,’’Mai to sochata tha ki apane pati ko bachane ke liye patni kya kuchh nahi kar deti, lekin kya aisi bhi koi patni ho sakti hai ki apane pati ke sare bure dhandho ke bavjud sudharane ke liye ek aisa mauka bhi de sakti hai ?’’
Dono kuchh der khamosh rahe aur fir Kishorilal ne kaha,’’Thik hai tum aram karo, mai Vicky ko milne jata hu.’’
Krishna ne kaha,’’Lekin aap jayegne kaha ? muje khud nahi malum ki is waqt ve log kaha meeting kar rahe hai ?’’
Kishorilal ne kaha,’’Mai use kahi bhi dhundh lunga, lekin fir hal muje vakil babu se bhi milna padega. Aur ha jara savdhani se rahna, aaj ki rat badi jokhimbhari rat ho sakti hai ham sab ke liye.’’
‘’Aap bhi apana khayal rakhana bhaiya.’’ Krishna ne jate huye Kishorilal ke pichhe se awaz lagayi.
Aur Kishorilal bahar nikal gaya. Kishorilal ne turant ek cycle rickshaw kiya aur chal diya Vakil Sen ke pas.
Kishorilala fir se cycle rekshaw lekar police station pahucha aur usne dekha ki Vikram bayan likhava raha hai. Vikram ne sampurnatah bayan likhava diya ki kaise khengarsinh aur Rameshvar ne use fasaya tha aur kaise un logo ne Bansi ko fasane ka plan kiya tha. Sara bayan likhkar police Inspector ne Bansi ko azad kar diya aur Vikram ko giraftar kar liya. Vikram ne kishorilal ko kaha,’’KP jaise maine kaha tha vaise confess kar liya hai. Ab jab tak Rameshwar aur Khengarsinh giraftar na ho, tab tak Krishna, Bansi aur mere bachcho ki jimmedar teri hogi. Samne Kishorilal ne bhi bharosa dilaya ki jaise tu chahta hai vaisa hi hoga. Aur jab tak ve dono danav giraftar nahi ho jate, tab tak vo is shahar chhodkar nahi jayega. Vikram Kishorilal ke gale lag gaya. Dono ki ankhe nam huyi aur fir Bansi ne Vikram ke samne hath jodkar kaha,’’Baba mai isvar se prarthana karunga ki aaj ki jald se jald rihai ho jaye.’’
Vikram ne apane hatho se Bansi ke dono hath chhuye aur ankho se ha ka ishara kiya aur Kishorilal aur Bansi dono police station se bahar nikal gaye.
Kishorilal aur Bansi police station se nikalkar turant Vikram ke ghar par pahuche tab tak rat ke 12 baj chuke the. Dono ke ane se Krishna jo baichen baithi huyi thi aur uski ankh sofe par lag gayi thi vo jag gayi aur dono ne Krishna ko sari bat batayi. Krishna itana sunkar hi ro padi. Kishorilal aur Bansi dono ne use dilasa dilaya ki kuchh hi ghante ki bat hai. Jab Khengarsinh aur Rameshwar arrest ho jayenge tab Vikram ki rihai ho jayegi. Kuchh pal apana dil ulechane ke bad Krishna ne dono ko khana parosa. Dono ne khane se inkar kar diya. Lekin Kishorilal ko pata tha ki Krishna ne bhi kuchh nahi khaya hoga. Isiliye tino ne milkar ek dusre ko mushkil se khana khilaya. Fir tino sone ke liye alag alag kamare me jane lage. Krishna ne aur kamare saf nahi the to Vikram ka alag sa bedroom hi Kishorilal ko diya aur Bansi ne niche sofe par hi sona pasand kiya aur Krishna chali gayi apane master bedroom me jaha bachche soye huye the.
Kishorilal Vikram me bedroom me bed par pada tha aur light abhi bhi chalu thi. Thaka huva Kishorilal ki ankho se nind kosho dur thi. Vo shuru se lekar abhi tak ka Vikram ka svabhav, uski harkate sab ke bare me gehrai se soch raha tha. Kuchh der tak sochane ke bad vo utha aur usne vo gangadhar (Vikram me pitaji) ki tasveer fir se dhyan se dekhi. Ek din tha jab vo tasveer kuchh tirachhi najar aa rahi thi. Aaj vo tasveer na jane kyu magar sidhi najar aa rahi thi. Ye vahi tasveer thi jis ke pichhe se Vikram ki ek personal diary mili thi aur usme se hi Sunanda ki tasveer mili thi aur kuchh urdu bhasha ke patra mile the. Kishorilal fir se utha aur us Gangadharbabu ki tasveer ko dhire se hilaya, lekin pichhe se kuchh nahi nikala. Kuchh der hilane ke bad Kishorilal ne Vikram ke drawers aur cupboard dekhane chalu kiye, lekin kahi kuchh aisa vaisa nahi mil raha tha. Kishorilal ko huva ki us din diary hath me aa jane se Vikram chaukanna ho gaya hoga aur apani sari chiz sambhalkar rakh raha hoga. Kishorilal fir se sabkuchh chhodkar vapis bed par aakar so gaya. Kuchh der sochane ke bad usne socha ki jo hoga vo dekha jayega, aur usne night lamp jalane ke liye aur main light off karne ke liye age badha.
Bed ki dayi aur ek bada sa switch board tha jaha aakar Kishorilal ne dekha to afarin ho gaya us switch board ko dekhkar hi. kyuki ye Vikram ki choice thi aur adbhut nakshikam kiya huva aur board kuchh yu banaya tha jaise koi ek kanya ka chehra ho. Ek ungali aur ek anguthe ki help se ek bachchi muskura rahi ho aisa 3D pose naksikam kar ke switch board me banaya huva tha.
Nak ke dono hole me do socket the jis ki do switch thi ankho ke upar. Do pankhe the room me uski do switch dikhai di jo thi chehre ke dono kan ki jagah. Total char lights thi jis ki alag alag char switch bar bar chalu bandh kar ke dekh li. vo charo switch bachchi ke chehre par alag alag jagah par thi. Ek bindiya ki jagah, dusri chehre par chhota sa tilt ha uski jagah, tisri chehre par ek ungali ka nishan tha uski jagah, chahuthi uski ungali ki bayi aur anguthe ki jagah. Kishorilal ko switch board kafi pasand aya, Kishorilal ko dekhkar hi hasi aa gayi ki Vikram ko shayad bachche pasand the aur iski vajah ye thi ki switch board me bhi ek ladki ka face ko banaya huva tha. Ladki ke chehrewale switch board me do ankhe me jo switch thi use on karte hi ladki ki ankhe juki huyi ho aisa 3D pariman najar aata tha. Nak ke dono hole par najuk do chhoti switch thi jise on karte hi ladki gusse aur hasya ka rup dharan karti thi. Ladki ke do hoth ki lali ko chute hi ek chhoti switch bahar aati thi jo ladki ke jibh ka 3D pariman banati thi aur use dayi aur bayi aur ghumate hi pankhe fast aur slow speed pakad lete the. Ladki ke daye aur baye gal khichate hi ek light aur ek night lamp operate kiya ja sakta tha. Kishorilal ko bada maja aya. Ye switch board aur sare kamare ki chhat ka rang, ronak, kuchh naya furniture etc naya lagaya huva tha.
Kishorilal hairat aur masti se us switch board rupi bachchi ke kabhi gal khichata to kabhi nak, kabhi hoth par masti karta to kabhi forhead par lagaye huye bindi ko sparsh karta. Alag alag switch ko operate karte hue alag alag lights aur pankhe chalu bandh ho rahe the. Kuchh minutes tak yu masti karne ke bad kishorilal man hi man khub hasa aur masti se bol utha,’’Vicky teri bachhi aur meri bahu ko dekhane ki bahut ichcha huyi hai yar, kya karu rat ho chuki hai varna abhi jakar dekh leta. Lekin yaha switch board me lagaya huva chehra kya meri bahu ka to nahi.’’ Fir khush hota huva Kishorilal ne us bachchi se switch on kar ke night lamp jala liya aur main lights ke switch off kiye aur akharibar masti ke sath us switch board rupi ladki ke nak ko pakada aur dhire se muskurata huva bola,’’You naughty girl.’’ Aur nak ko apani dono ungali se pakadkar thoda idhar udhar ghumaya aur ashcharya…
