Nisha ki Papa ne ek muskaan ke saath Gaurav ka swagat kiya.
Gaurav bhi bina kuch bole ghar ke andar aa jaata hai.
N. Dad:- Aur bataao...Kya chal raha hai aaj kal?
Gaurav:- Sab kuch thik hai.
Ek feenka sa jawaab diya Gaurav ne.
N. Dad:- Pareshaan dikh rahe ho!!!Koi baat hai kya?
Gaurav:- Baat hi kuch aisa hai Uncle...Kaise bataau kuch samajh me nahi aa raha hai.
Gaurav pareshaan hone ka dikhawa acche se kar raha tha.Karta bhi kyu nahi? Isse accha mauka shayad hi usse kabhi milta.
Baat ye tha ki Atul aur Nisha college life complete hone ke baad Ek Health Awareness Program ke liye ek gaanw gaye thhe 3 din ke liye...Jaha phone network tha hi nahi...3 din tak Atul aur Nisha se contact karna laghbhag naamumkin tha...Yahi mauka tha jitna ho sake utna jhuth bolne ka aur Nisha ki Papa ko Atul ke khilaaf bhadkaane ka...Nisha bhi yaha nahi thi jo apne Papa ko emotional ho kar kisi tarah apne Papa se apni baat manwaati.
N. Dad:- Befikr ho kar bolo...Kya baat hai?
Gaurav:- Wo Atul ne kuch kaha tha gaanw jaane se pehle.
N. Dad:- Mujhe bhi bata sakta tha...Khair tum bolo...Kya kaha tha Atul ne?
Abb Nisha ki Papa bhi thoda serious ho gaye thhe.
Gaurav:- Shaadi se pehle kuch conditions.
N. Dad:- Puri baat to bataao?
Abb Gaurav ki baat se wo chhidhne bhi lage thhe jo Gaurav chaahta tha...Nisha ki Papa ko thoda bahut andaaza toh ho gaya tha lekin wo Gaurav ki munh se sunna chaahte thhe.
Gaurav:- Dahej...40 lakhs ki.
N. Dad:- What?
Unki aawaj me gusse ke saath saath hairaani bhi tha.
Gaurav chup raha.
N. Dad:- Lekin Atul ne toh pehle ye baat kabhi nahi kaha tha...Aur naa hi aisi baat tumhare parents ke saath hua tha.
Gaurav:- Ye sab toh mujhe pata nahi Uncle...Lekin jaane se pehle Atul ne ye baat mujhe aapko bataa dene ke liye kaha tha.
Nisha ki Papa kuch nahi kehte...Abhi bhi wo hairaani me kuch soch rahe thhe.
Gaurav:- To kya mai haa samjhu Uncle?
N. Dad:- Bilkul nahi.
Gaurav:- (badbadaate hue) Pehle bhi bola tha Atul ko inse rishta mat jod...Lekin maanta hi nahi.
Gaurav ne dhire se badbadaate hue kaha aur wo kaafi tha Nisha ki Papa ki kaano tak pahunchne me.
N. Dad:- Kya matlab?
Gaurav:- Kuch nahi...Lekin aap ko problem kya hai? Sirf 40 lakhs ki hi to baat hai.
N. Dad:- 40 lakhs to dur ki baat hai...Mai 40 paise bhi nahi dunga...Mai dahej jaisi cheejoo ki sakht khilaaf hun.
Nisha ki Papa ne sakht aawaj me kaha.
Gaurav:- Lekin ye Nisha ke liye hi to hai? Aakhir faaida Nisha ko hi to hoga.
N. Dad:- Aur wo kaise?
Gaurav:- Atul ye paisa aage ki padhaai ke liye maang raha hai...MS karne ke liye...Aap hi sochiye jab wo Neurosurgeon banega toh kitna paisa kamayega aur kitni acchi tarah se Nisha ka khayal rakhega?
N. Dad:- Maine iss liye iss rishte ko sehmati nahi diya tha ki Atul baad me jyada yaa kam paisa kamayega...Sirf iss liye kyu ki Atul ke roop me maine Nisha ke liye accha jeevansaathi dekha tha.
Aur Atul ko kya jarurat padne laga paison ka padhaai ke liye? Itna accha student hai...Mehnat karega to full scholarship mil jaayega usse.
Gaurav:- Aap hi sochiye...Itna accha student hai kyuki aaj tak padhaai me mehnat karte aaya hai...Abb mehnat karte karte thak gaya hai wo...Abb usse aur nahi hoga.
N. Dad:- Jis din insaan mehnat karna band kar de...Uss din se uska koi mol nahi rehta...Aur aise insaan kisi kaam ke nahi...Jindagi me sukh aur dukh dono pal aate hain...Aise insaan dukh ke pal ka saamna kaise karenge jab wo itni jaldi haar maan lenge.
Atul ko apnaane ki ek vajah ye bhi tha ki wo ek mehnati ladka hai.
Gaurav:- Bas uncle aap apne gyan apne paas hi rakhiye...Aur mera bhai ka aur beizzati mat kijiye...Mai bardaast nahi kar paaunga.
Aap bas itna bata dijiye aapko Atul ka shart manjur hai ya nahi?
N. Dad:- Bilkul nahi...Mai ek baar Atul se baat karunga...Agar uska yahi shart hai to ye rishta khatm.
Nisha ki Papa bhi abb kaafi hadd tak gussa ho gaye the.
Gaurav:- Aap hamaare beizzati kar rahe hai?
N. Dad:- Jaisa tum socho.
Nisha ki Papa ne Gaurav ke bilkul karib aa kar bole aankho me aankh daal kar.
Gaurav apna ek mukhya paasha fenk deta hai.
Wo khinch kar ek thappad Nisha ki Papa ko maarne hi wale thhe ki Nisha ki Papa bich me hi uske haath ko pakad lete hai.
N. Dad:- Bacche ho tum...Nadaan samajh kar chhid raha hu...Warna.
Itna keh kar Nisha ki Papa Gaurav ke haath ko marodne lagte hai...Gaurav dard me karaahne lagta hai.
N. Dad:- Haddiyon ko lakdi ki tarah tod dunga.
Itna keh kar wo Gaurav ko dur dhakel dete hai.
N. Dad:- Nikal jaao abhi...Warna mujhe dhakka maar kar bhi nikaalna aata hai.
Gaurav bhi jaane lagta hai...Jab wo gate me pahunchta hai tab.
N. Dad:- Aur haan...Jab Atul waapas aa jaaye toh ek baar bhej dena mujhse baat karne ke liye.
Gaurav waha se chala jaata hai...Usse apna beizzati se koi fark nahi padta...Wo apna kaam kar chuka tha.
Ghar se baahar nikalte hi wo Ravi ko message kar deta hai. "Maine apna kaam kar diya hai...Abb tumhara baari."
Fir Gaurav jaata hai apna aakhiri aur sabse jaruri kaam ko anjaam dene.
Wohi Nisha ki Papa abhi bhi hall me baithe thhe paresaan aur kuch sonchte hue...Tabhi piche se Nisha ki Maa aati hai lunch ready karne ke baad.
N. Mom:- Kya hua? Aap itne pareshaan kyu hai? Aur wo Gaurav? Kya keh raha tha? Baatein toh unchi aawaj me kar raha tha.
[Friends aane wale week mai thoda free hun...Aur koshish karunga jyada se jyada updates post karne ki...Jitna jaldi aap sab ka reviews aayega utna jaldi updates post hoga kyuki mujhe reviews ka wait karna nahi padega.
Thoda pehchanne ki koshish karte hue Nisha ki Papa bole. (Nisha ki Papa aur Ravi ki Papa ke bich thoda jaan pehchaan hai)
Ravi:- Mai thik hun Uncle...Aap kaise hai?
N. Dad:- Mai bhi thik hun...Tum yaha?
Ravi:- Atul se milne aaya tha...Wo nahi hai toh waapas jaa raha tha.
N. Dad:- Abhi gaanw gaya hai...Ek health Campaign ke liye.
Ravi:- Haan...Abhi pata chala...Accha Uncle...Chalta hun abhi.
N. Dad:- Aise kaise? Pehli baar hamaare ghar aaye ho...Chaai naasta karke hi jaana padega.
Ravi:- Are nahi Uncle...Fir kabhi.
Lekin Nisha ki Papa ke saamne wo kaise tik sakta tha...Aur Ravi ka toh plan bhi yahi tha.
Aakhir usse kaamyabi mil hi gaya Nisha ki Papa se baat karne ki...Karib 20 minute se wo Atul ke ghar ka chakkar laga raha tha ki ek baar wo Nisha ki Papa ki najro ke saamne aa sake aur ye kahe ki wo Atul se milne aaya tha.
N. Dad:- Abb to tum bhi Doctor ban gaye ho Nisha aur Atul ke saath hi...Aage ka kya plan hai?
Ravi:- Abhi kuch months rest karunga aur fir duty join karunga.
Fir aise hi baat cheet hota hai Ravi aur Nisha ke Papa ke bich.
Ravi:- Bahut khushi hui ye jaan kar ki Atul aur Nisha ki shadi hone wala hai.
Ravi ne ye baat to keh diya lekin uski aawaj se hi uska dard pata chal raha tha...Aur wo ye sab jaan bujhkar kar raha tha...Nisha ki Papa ko bhi ye ajeeb lag raha tha.
N. Dad:- Dono pyar karte hai ek dusre se...Aur mujhe bhi Atul sahi laga Nisha ke liye.
Ravi:- Accha kiya aapne Uncle...Aaj bhi college wale Atul aur Nisha ko jab yaad karta hun toh aisa lagta hai ki dono "Made for Each Other" hain.
N. Dad:- College main!!!Kya sabhi ko pata tha unke baare mein?
Ravi:- Shayad hi koi aisa ho jisse pata nahi...2nd year se Internship tak dono saath thhe ek dusre ke saath...Kabhi kabhi toh Atul ko dekh jalan bhi hota tha.
Ravi abb apne mudda par aa raha tha.
N. Dad:- Jalan?
Ravi:- Uncle please bura mat maaniyega mai jo bhi kehne wala hun.
Ravi darne ki acting karte hue bola.
N. Dad:- Bolo.
Ravi:- Pyar toh mai bhi bahut karta tha Nisha se...Wo thhi hi itni acchi...Khair mera kismat hi kharab tha...Atul ne mujhse pehle apne pyar ka ijhaar kar diya.
Lekin fir bhi Nisha ke liye khush hun...Atul usse bahut pyar karta hai...Shayad mujhse bhi jyada.
Ravi apna har ek chaal sambhal kar chal raha tha...Usse ye bhi khayal rakhna tha ki Nisha ki Papa ko uss par kahi shakh naa ho jaaye agar ekdum se Atul ka buraai karne laga toh.
Nisha ki Papa kuch der tak chup hi rahe...Fir kuch sonchte hue.
N. Dad:- Tumse bhi jyada?
Ravi:- Haan Uncle...Atul ka pyar bahut hi khas tha Nisha ke liye.
Jab Nisha ne usse mana kiya toh wo ekdum paagal jaisa ho gaya tha...Din bhar Nisha ki yaadon mein nashe me rehta...Cigarette aur Daaru mein duba rehta.
Aur jab Nisha ne uske pyar ko haan keh diya...To woh Nisha ka acche se khayal rakhne laga...Kabhi kabhi over protective bhi ho jaata...Agar Nisha ko koi pareshaan karta toh Atul uska haddiyaan tod deta tha...Kabhi koi pareshaani nahi hone deta tha Nisha ko.
Aur to aur kabhi Nisha agar college bhi nahi aati toh usse tab tak chhain nahi aata jab tak uska Nisha se baat nahi ho jaata...Har 5 minute me phone calls aur messages.
Itna junoon tha Atul ka pyar me Nisha ke liye...Aaj kal toh log 2 mahine tak pgar nibhaa nahi paate...Lekin Atul...Wo 4 saalon se...Ussi junoon ke saath abhi tak pyar karta aaya hai aur aage bhi karta rahega.
Ravi ki baat sunne ke baad Nisha ki Papa soch me pad gaye...Pehli baar Ravi ne jhuth bola tha aur uska asar wohi hua jo Ravi chahta tha...Wo andar hi andar bahut khush tha lekin baahar se khud ko normal dikha raha tha.
Fir kuch det aise hi baatein kar wo waha se nikal jaata hai.
Cheeni bhi jyada khaane se kadwa lagne lagta hai...Yahi baat Nisha ke Papa ke saath ho raha tha...Pyar bhi itna jyada paagalpan jaisa lagne lagta hai...Ek dar sa baith gaya tha unke man me.
Kal Gaurav aur aaj Ravi...Lekin abhi bhi isse sach maan nahi paa rahe thhe...Jis Atul ko wo jaante thhe wo to ekdum alag hai.
Lekin dono ki baat se unpar ye asar jarur pada ki unka bechaini badh gaya Atul se milne ki...Ek baar wo fir se Atul ko acche se jaanna chaahte thhe samajhna chaahte thhe.
After 1 Day
Aaj Gaurav bahut khush tha...Jo wo chahta tha wohi hua...Uska aakhiri chaal bhi kaamyab raha...Aakhir dono ghar me jhagda karwaane me wo safal raha.
Kuch der pehle hi Atul aur Nisha ke Papa ke bich bahut kaha suni hua.
Nidhi:- Papa aapne bahut galat kiya?
Gusse me Nidhi boli...Usse aur dekha nahi jaa raha tha.
A. Dad:- Kya? Maine galat kiya? Sab kuch dekhte hue bhi tu yahi keh rahi hai.
Nidhi:- Sab kuch dekhte hue...Dikhaai to aapko kuch nahi de raha hai...Yaa fir aap sach dekhna hi nahi chaahte...Dekhte bhi wohi hai jo aap dekhna chaahte hain.
A. Dad:- Jara tameej se baat kar.
Nidhi:- Mai abb aapse nahi darti.
Bina kisi dar ke Nidhi ne jawaab diya.
Kuch der toh Atul ki Papa Nidhi ko gusse se dekhte rahe fir.
A. Dad:- Accha tu hi bol maine kya galat kiya? Wo iss rishte ki dum par Gaurav par haath uthaaye toh mai chup rahunga kya? Rishte ki aad par unhe manmaani karne nahi de sakta.
Nidhi:- Unhone Gaurav par haath uthaya mai ye maan nahi sakti...Bilkul bhi vishwash nahi hai mujhe Gaurav par...Acche se jaanti hun isko...Aur agar haath uthaya bhi hoga toh isne hi kuch kiya hoga.
Gaurav ko gusse se dekhte hue Nidhi boli.
Gaurav:- Di...Aap kuch jyada hi...
Gaurav isse aage kuch bolta usse bich mei rok kar.
Nidhi:- Atul se iss liye bach jaata kyuki Atul tujhe apna sa bada soch kar chhod deta lekin mai...Mujhe jyada sochna nahi padega tere kaan ke niche do thappad lagaane me.
A. Dad:- Bas karo tum log...Hamesha ladte rehte ho ek dusre ke saath...Pareshan ho gaya hu ye sab dekh kar...Kuch nahi keh raha hu iska matlab ye nahi ki tum sab apne manmaani par utar aao.
Nidhi:- Papa...Aap ek baar unse (N. Dad) fir baat kijiye.
A. Dad:- Bilkul nahi...Abb ye rishta khatm ho chuka hai...Mere liye Atul aur Gaurav barabar hai...Ek ke liye dusre ke saath anyaay nahi karunga...Aur isme toh unka hi galti hai.
Pehle Gaurav par haath uthaate hai aur fir mana karte hai iss baat se...Mujhe aise jhuthe logo se koi rishta nahi rakhna.
Nidhi:- Waah...Itni aasani se rishta khatm...Ek baar bhi Atul se baat kiya aapne?
A. Dad:- Mera beta hai wo...Agar acche se samjhaunga toh maan jaayega wo.
Nidhi:- Baccha nahi hai wo...Jo ek lollipop de kar usse baat manwa lenge.
A. Dad:- Itna bada bhi nahi hua ki ghar ka faisla wo lene lagega?
Nidhi:- Aap dekhte rahoye...Wo aapka iss faisla ko manna toh dur sunega bhi nahi...Agar wo sahi hai toh kisi ko sunta bhi nahi...Aur baat yaha uske pyar ka hai !!!
A. Dad:- Kuch bhi ho...Mai apna faisla nahi badlunga...Jab tak wo aa kar Gaurav se maafi nahi maang lete.
Nidhi:- Toh aap intejaar karte rahiye uss pal ka...Jo iss janm me toh kabhi nahi aayega.
Baat ka garma garmi badhta dekh.
A. Mom:- Band karo tum log aise jhagadna.
Nidhi:- Maa dekhte rehna aapka ye pyar dono ke liye...Yahi vajah banega jab ye ghar ko tod kar rakh dega...Aap bhi jaante hai Gaurav galat hai...Aur iss vakt Papa bhi...Aur aapka ye bhram aur intejaar ki Gaurav badal jaayega...Dekhte rahiye aapke saamne kya se kya ho jaayega...Aur fir aap akele pachtaate rehna.
Fir itna keh kar Nidhi waha se chali jaati hai...Itna toh wo samajh chuki thi ki uski baat se kisi ko kuch fark nahi padega...Bas abb usse Atul ka intejaar tha...Ussi par bharosha tha ki wo sab kuch thik kar dega.
Dusri taraf Atul ka Papa...Unhone man bana liya tha iss rishte ko todne ka...Bahut acche se apna khel khela tha Gaurav ne...Atul ki Papa ka bas yahi galti tha ki wo hamesha Gaurav par bharosha karte aaye the aur aaj bhi unhone yahi kiya...Unke saamne Nisha ki Papa ekdum galat thhe aur Gaurav sahi jaisa Gaurav ne unhe dikhaya.
Gaurav ka itne saalo ka mehnat rang laaya tha...Apne Papa ka vishwash jitne ki liye usne kayi saalo se mehnat kiya tha taaki unko Atul ke khilaaf kar sake.
Atul ke khilaaf toh aaj bhi nahi thhe...Lekin haalaath aisa ban gaya tha ki wo iss baar Atul ka saath nahi de sakte the yaa fir dena hi nahi chaahte thhe...Unhe yakin tha Gaurav par ki Atul ka ye choice galat hai.
Atul:- (Papa ki aankho me dekh phone me) 2 minute me pahunchta hun.
Fir itna keh kar Atul waha se jaane laga.
Gaurav:- Abb toh aapko bhi aankhein dikhaane laga hai.
Atul ki kaano tak bhi ye baat pahunch jaata hai.
Atul:- Tu bas apna ulta ginti suru kar...Iss baar tujhe mujhse koi nahi bachayega...Papa bhi nahi.
Atul ne kaafi gusse me kaha...Lekin wo waha se nikal gaya...Ye vakt gussa dikhaane ka nahi haalaat ko samhalne ka tha.
N. Dad:- Aao Atul...Tumhara hi intejaar ho raha tha?
Atul:- Ye aab kya ho raha hai Uncle?
N. Dad:- Yahi toh mai tumse puchna chahta hun.
Atul:- Mujhe kuch samajh me nahi aa raha hai...Achanak se...
N. Dad:- Tumhare Papa aur Bhaiya ne kuch nahi bataya tumhe.
Atul:- Unki taraf se mai maafi maangta hun...Aur aapko yakin dilaata hun aage se aisa kuch nahi hoga.
Atul darte darte bola...Kisi tarah usse Nisha ki Papa ko manaana tha.
N. Dad:- Aur kitni baar yakin dilaaoge?
Ek gussa tha Nisha ki Papa ki aawaj mein...Jawaab me Atul chup hi raha...Kya jawaab deta?
N. Dad:- Pichli baar bhi yahi kaha tha tumne...Apne ghar walon ko le kar bhi aaye...Lekin abb kya hua? Ekdum se unhone apna rang badal liya.
Ek najar gusse se Atul ko dekhte hue.
N. Dad:- Unka hamesha se yahi hai...Chhoti chhoti baaton me ladna aur apne jidd me add jaana...Tum dono ke pyar ke khaatir maan gaya tha mai iss rishte ke liye ye soch kar ki wo log bhi tumhare khaatir badal jaayenge...Suru me laga bhi tha ki wo badal gaye hai...Lekin achanak se...
Itna keh kar wo ruk gaye...Gusse se chehra pura laal ho chuka tha...Atul ko samajh me nahi aa raha tha ki kya kahe? Paas me baithi Nisha bhi kaafi dar gayi thi.
Atul:- Uncle aap ek baar bharosha kar lijiye....
N. Dad:- Bharosha karta hun...Issi liye Nisha ka haath tumhare haath me dene ka faisla kiya tha.
Tumhare baare me kaafi baatein suna hai...Lekin kisi bhi baat par yakin nahi kiya...Jaanta hu mai tum kaise ho...Bharosha tum par nahi tumhaare pariwar par nahi kar sakta.
Atul:- Ek baar aur koshish karta hun...Mujhe yakin hai wo maan jaayenge.
N. Dad:- Chhote bacche hai kya wo? Jo tum do chocolates doge aur wo maan jaayenge...Acche se jaanta hun unhein...Tum bhi jaante ho.
Iss baar Atul chup raha...Kuch jawaab nahi tha uske paas.
N. Dad:- Beta tumhe bura lag sakta hai...Lekin abb aur der karna sahi nahi hoga...Behtar yahi hoga tum is rishte ko bhul jaao.
Kathor ho kar iss baar Nisha ki Papa ne faisla liya...Atul aur Nisha buri tarah se chaunk gaye...Unhe ummeed nahi tha ki ye faisla itna jald wo le lenge.
Atul:- Lekin...
N. Dad:- Mai uss ghar me apni beti ko nahi bhej sakta jaha usse apnaane wala koi nahi ho.
Atul:- Lekin mai hun naa...Mere rehte Nisha ke saath kuch galat nahi ho sakta.
N. Dad:- Tum apna gharwalon ko chhod sakte ho?
Iss sawal se Atul chaunk gaya tha...Wo kuch soch hi raha tha ki.
N. Dad:- Jhuth bilkul mat bolna.
Atul kuch bol nahi paaya.
N. Dad:- Abhi tumhe pata nahi hai family chalana itna bhi aasaan kaam nahi jitna tum sochte ho...Vakt ki kami...Paiso ki maang...Ghar walon ke bich man mutaaw...Sab ke apne apne apne iccha...Kaam ka tension...Kuch pata hi nahi hai.
Abhi jo bade bade baatein kar rahe ho naa...Ye karunga wo karunga...Jald hi pata chal jaayega expectation aur reality ke bich jameen aasmaan ka fark...Aur aise me suruwar hoga dono ke bich man mutaaw...Ek dusre se man bhar jaayega aur chhoti chhoti baato mein ladaayi.
Aise me jarurat hote hai pariwar ke...Wo aise maahaul banaate hai ki jhagda khatm ho aur koi pareshaani naa rahe...Kuch iss tarike se pariwar ko le kar chalenge ki sab kuch thik rahe aur khushiyan rahe...Lekin kya tumhare pariwar me aisa sambhav hai?
Unka toh pehla hi koshish rahega Nisha ko tumhare life se nikaal fenkne ki...Aur tum bhi patni aur pariwar dono ko ek saath le kar chal nahi sakte...Nisha ke saath jhagda hua toh dhire dhire unke saath ho jaaoge?
Itna keh kar wo chup ho gaye aur Atul ko dekhne lage...Atul chup hi tha...Atul unki baato se kuch hadd tak sehmat tha lekin usse khud par bhi bharosha tha ki wo aise haalaat aane hi nahi dega.
N. Dad:- Tumhare aur Nisha ke bich kabhi jhagda hua hai?
Atul:- Haan ek baar...Lekin sab kuch theek ho gaya.
N. Dad:- Toh kya guarantee hai ki aage nahi hoga? Jab pehle chhoti si baat par jhagda aa sakta hai toh aage? Aage toh pahad jaisi badi chunauti hoga?
Atul kuch bolne hi wala tha ki.
N. Dad:- Jaanta hun...Tum kya kehna chaahte ho...Apni pyar ki taakat bataaoge...Mujhe bharosha dilaane ki koshish karoge.
Karta hun tum par bharosha...Lekin tumhare Pariwar par nahi.
Ek typical baap ki tarah mujhe bhi apni beti ki khushiyan chahiye...Uska accha sa sasural ho...Usse pyar karne aur usko samajhne wala pati ho aur thoda bahut paise ho jisse jindagi hansi khushi beet sake.
Lekin sasural hi sahi nahi hai toh kya kar sakta hun? Sasural wale bhi aise hai ki iss shaadi ko rokne ke liye saajish karte hai...Jhuthi jhuthi afwaah failaa kar ladte jhagadte hai...Unhe apne bete ka khushi se matlab nahi toh bahu se kya hoga?
Fir Nisha ki Papa Atul ko dekhne lage...Usse kuch naa bolta dekh.
N. Dad:- Chalo ek mauka deta hun...Unhe manaao Nisha ko apnane ke liye...Khushi ke saath.
Agar mujhe iss baar fir unn par shak hua to samajh lena?
Fir Atul utthta hai aur Nisha ko dekhta hai...Wo kaafi dari hui thi...Atul aankho se hi bharosha dilaata hai ki wo sab kuch thik kar dega.
Atul:- Unhe jarur manaunga Uncle.
Usne Nisha ki Papa ki aankho me dekh kar toh keh diya...Lekin iss baar khud uski baaton me woh confidence nahi tha.
Fir ek aakhiri koshish karne nikal gaya Atul apne ghar.
[Note:- Friends flashback 3 ya 4 update tak hi hai abb...Waise toh 10 updates lag jaate...Lekin aap sab ki demand ko sochte hue fast karunga...Saath bane rahiye.]
Ek darti hui aawaj me Nisha boli...Paas hi baitha Atul udaas aur niraash tha.
Nisha:- Tum itna chup kyu ho?
Atul:- Kar bhi kya sakta hun...Jab apne hi saath nahi de rahe hai.
(Ek lamba saans le kar) Thak gaya hun mai...Maan hi nahi rahe hai...Yaa fir maanna hi nahi chaahte hai...Papa toh apne hi ego me hai ki tumhare Papa ko kameena Gaurav se maafi maangna chahiye.
Aur tumhare Papa hai ki mere Papa ke maane bagair kuch sunna hi nahi chaahte.
Nisha:- Toh abb kya karenge?
Nisha ki aawaj me dar tha...Atul bhi chup hi raha...Dono ke shakal me dar ka saaya saaf dikh raha tha.
Atul:- Ek idea hai?
Atul ne keh to diya tha lekin khud soch me pad gaya ki Nisha maanegi yaa nahi.
Nisha:- Kya?
Atul:- Chalo bhaag chalte hain.
Nisha kuch der tak toh Atul ko hairaani se dekhti rahi aur fir.
Nisha:- Tum paagal to nahi ho gaye?
Atul:- Toh kya kar sakte hai? Unhe hamaari koi matlab nahi toh ham kyu rakhe?
Nisha:- Ye tum kaisi behki behki baag kar rahe ho? Ye possible nahi hai.
Atul:- Paagal...Haan shayad ho raha hun...Tumse bicchadne ki dar mein...Abb mere paas koi raasta nahi hai...Kya karna hai kuch pata nahi...Agar tum nahi mili toh sach me paagal ho jaaunga.
Atul ka dar bhi badhta hi jaa raha tha...Usse apna andhakaar bhavisya abhi se dikhne laga tha...Jisse aage usne kabhi dekha tak nahi tha...Abb toh wo ye sochte hue bhi kaampne laga tha.
Nisha:- Lekin bhaag kaise sakte hai? Ye unke vishwaas ke saath anyay hoga...Aaj tak Papa ne meri har khwahish maana hai...Mere liye tumhe pehli baar me hi apna liya..Ek aur mauka bhi diya tumhe...Aaj bhi tumse milne dete hai iski vajah bhi unka vishwaas hai.
Tum hi bataao mai kaise bhaag sakti hun? Unka vishwash ka kya hoga? Unka pyar ka?
Atul:- Jab tum mere saath khush rahogi toh unhe bhi ek din samajh me aa jaayega hamaara pyar.
Atul Nisha ko samjhaane ki har ek koshish kar raha tha lekin Nisha samajhna hi nahi chaahti thi.
Atul:- Tum mujhse pyar toh karti ho naa?
Nisha:- Bahut...Issi liye abhi bhi vishwash hai ki tum kuch raasta jarur nikaal loge...Please Atul...Nikaal lena.
Yehi aakhiri aawaj tha jo Atul ki kaano me pada...Fir dekhte hi dekhte Nisha Atul ki aankho se ojhal ho gayi.
Atul wohi khada khud ko haara hua mehsus kar raha tha...Khud ki lachaari par bahut gussa aa raha tha...Lekin kuch kar bhi nahi paa raha tha Nisha ko khud se dur jaata hua dekhne ke alawa...Jindagi ke ek aise mod par wo khada tha jaha se usse sirf apna haar hi dikh raha tha.
N. Dad:- Mujhe Atul par abb shak hone laga hai?
Nisha ke ghar aate hi unhone kaha.
N. Dad:- Kahi tumhe bhagaa kar le jaane ka toh nahi soch raha hai?
Nisha:- Nahi Papa.
Darti hui Nisha ne kaha.
N. Dad:- Agar bhaagne ka socha toh bhi tum azaad ho.
Apne Papa ki ye baat sun Nisha bilkul hairaan ho gayi.
N. Dad:- Mai koi villain nahi banunga tum dono ke liye...Lekin ye baat bhi yaad rakhna ki uske baad tumhara aur mera rishta hameaha ke liye khatm.
Ye kaafi tha Nisha ki ek pal ki khushi ko dar me badalne ke liye.
N. Dad:- Fir ek baap ka apni beti par se vishwash uth jaayega...Wo pehli baar sochne par majbur hoga ki kaash uske ghar me beti ki jagah bameta paida hota.
Kabhi tujhe humne bojh nahi maana...Utne hi pyar se tujhe paala hai jaise ek baap apne bacche ko paalta hai...Teri har ek khwahish puri kiya hai...Hamesha vishwash kiya hai ki tu hamaare sir ko garv se uncha karegi.
Beta yaa fir beti...Unn par hi pariwar ka izzat tika rehta hai...Abb hamaara izzat tere haath me hai.
Agar fir bhi tu Atul ke saath hi jaana chaahti hai toh mai kuch nahi kar sakta hun...Hamesha pyar se paala hai...Itna himmat nahi aayega ki abb tere hi khilaaf karne ka sochu.
Papa ki baat sunne ke baad Atul ki do chaar baat abb Nisha ki dimaag se puri tarah nikal gaya...Abb bas wo dua hi kar sakti thi ki shayad Atul abb bhi kuch chamatkaar kar de.
N. Dad:- Maine aisa koi bhi faisla nahi liya hai jo jaan bujh kar tujhe takleef de...Shayad tujhe abhi galat lage lekin dhire dhire tu samajh jaayegi...Mujhe Atul se koi pareshaani nahi hai bas uske pariwar se hai.
Aur bina Atul ki pariwar ke maane mai kabhi teri shaadi Atul se nahi karwaunga.
Ek park me hatash nirash ho kar Atul chakkar laga raha tha...Kabhi wo gussa hota toh kabhi dil me ek asehniya dard uthtaa.
Nisha ki intejaar me 15 minute se wo park ka idhar udhar chakkar laga raha tha.
Atul:- Aa gayi tum.
Thoda gussa ke saath Atul ne pucha.
Atul:- Anyway Congratulations.
Be man se Atul ne kaha...Nisha bas Atul ko dekhti hi rahi.
Nisha:- Ye tum kya keh rahe ho?
Atul:- Toh kya kahu? Mujhe chhod kar mat jaao...Mujhse shaadi kar lo warna mai mar jaaunga...Yeh kahu? Yeh toh pehle bhi keh chuka hun.
Abb toh tumhari shaadi hone jaa rahi hai wo bhi Ravi se...Congratulations toh banta hi hai...Congrats once again.
Atul ki aawaj me gussa ke saath saath kadwaahat tha.
Nisha kuch nahi boli...Wo bhi iss baat se bahut dukhi thi...Iss baar Atul ko bhi Nisha ka dard dikhta hai.
Atul:- Mai bhi naa...Jis chehre me khushi dekhna chaahta hu ussi ko dard de raha hun.
Atul ki aawaj me gussa ke saath saath dard bhi tha...Gussa khud par aur dard Nisha ke liye.
Nisha:- Please sambhalo Atul khud ko.
Atul:- Kaise sambhaalu? Itna pyar karta hun ki tumse bicchadne ki soch bhi nahi sakta...Sambhaal nahi paa raha hun.
Nisha bhi kuch nahi bolti...Abb dono ke bich ek khaamoshi tha...Dono bas ek dusre ke dard hi mehsus kar rahe thhe...Aur ek lachaari bhi...Kuch naa kar paane ki.
Atul:- Ek baat pucchu?
Nisha:- Haan.
Atul:- Tumhare Papa khud ko bahut bada gyani vidhwaan samajhte hai...Duniya ka har acchaai buraai se waakif hai...Insaan ko acche se samajhte hai.
Lekin Ravi...Usko pehchaane me aise murkhata kyu kar rahe hai? Kya wo uska chhal ko dekh nahi sakte? Kya itna andha ho gaye hai wo?
Atul ka har ek lafz me gussa aur nafrat tha...Usse koi fark nahi pad raha tha ki Nisha uske saamne hi hai aur wo uski Papa ka hi beizzati kar raha hai.
Nisha:- Please Atul Papa ke baare me...
Atul:- Kyu naa kahu? Uss insaan jo mera jindagi barbaad kar raha hai uske baare me aisa kyu naa bolu...Itna hak to hai mera.
Nisha:- Pata nahi Ravi ne kya jaadu kar diya hai.
Kehte hai Ravi bahut accha ladka hai...Mujhse pyar bhi karta hai...Accha khaasa family hai...Mera ek baat sunna nahi chaahte.
Nisha ne bhi niraash ho kar kaha.
Atul:- Dil toh kar raha hai unhe iss baat soch ka sabak mile...Lekin kis kimat par?
Tumhaari...Bilkul bhi nahi...Unka galat hone ka matlab tumhara dard...Bas yahi aa kar unka galat saabit hone ka duaa bhi nahi kar sakta.
Nisha:- Tumhare ghar wale nahi maan rahe hai kya?
Thodi der baar dard bhari aawaj se Nisha ne pucha...Shayad abhi bhi ummeed tha.
Atul:- Bilkul nahi...Papa apne jidd par hi adde hai...Andhe ho gaye hai...Mera khushi toh dikhta hi nahi...Maa aur Di bhi koshish kar rahi hai...Lekin wo...
Gusse me Atul chup ho gaya.
Aur wo kameena Gaurav...Man karta hai ki jaan se maar du uss kameene ko.
Fir ek baar maahauk me khaamoshi chhaa gaya...Dono ke dard ka khaamoshi...Abb toh Atul ki aankho se aansu bhi behne laga tha.
Nisha:- Roo kyu rahe ho?
Atul:- Abhi se humaara bhavisya dikh raha hai...Haar gaya hu mai...Kuch nahi kar paaya aur naa hi kuch kar sakta hun.
Nisha bhi kuch nahi boli...Kya bolti aur kya himmat deti Atul ko? Jab wo khud Atul se sehmat thi.
Atul:- Kabhi socha nahi tha sapne bhi sach hote hai...Aur mera badkismati hai ki jindagi ke sabse dardnaak sapna sach ho gaya.
Nisha:- Atul please tum khud ko sambhaalo...Tumhe dekh kar dar lagne laga hai...Kahi tum kuch ulta sidha...
Atul Nisha ki honth par ungli rakh deta hai.
Atul:- Paagal lag raha hun naa mai abhi...Haan paagal hi toh hu...Tumhare pyar me paagal...Tumhe khone ki himmat nahi aur issi dar me kar raha hu ye paagalpan.
Lekin daro mat...Tumhara pyar tumhara aashiq hu mai...Koi aisa kadam nahi uthaunga jo tumhe sharminda kar de mujhse pyar karne ke liye.
Nisha ko samajh me nahi aa raha tha ki kya kahe...Atul ki deewanapan par garv hona chahiye yaa fir hakikat par rona chahiye.
Atul:- Nisha tum khush too ho naa iss shaadi ke liye?
Nisha:- Tum toh jaante ho naa?
Atul:- Haan...Mai bhi kya puch raha hun...Par tum khush rehna sikho...Jindagi bhar toh aise dukhi reh nahi sakti...Aur mai tumhe aisa dekhna bhi nahi chaahta.
Nisha:- Ye tum???
Atul:- Sach keh raha hun...Ye tum bhi jaanti ho ki abb shayad hi kuch baat bane...Aise me...Khushi abb tumhe dusri cheej me dhund lena chahiye...Mai bhi toh yahi chaahta hu tum hamesha hi khush raho...Yahi dua karunga mai.
Atul ki baat par hairaani hone laga tha Nisha ko...Aawaj me dard hi dard tha lekin dua sach tha...Shayad abb Atul bhi haar maan chuka tha.
Nisha:- Aur tum?
Atul:- Mai...Kuch sochs nahi abhi tak...Mera jindagi aur sapne tum tak hi simit tha...Abhi kuch socha nahi.
Nisha:- Tum bhi...
Atul:- 1 minute...1 minute.
Bich me hi rok kar Atul ne kaha.
Atul:- Tumhe mera kasam hai ki mujhe koi kasam nahi dogi.
Aur jaha tak mera shaadi ki baat hai...(Gale ka rudraaksh ko chhute hue) Kasam Bhole baba ki...Tumhare alawa maine kisi ke baare me socha hi nahi aur naa hi sochunga.
Nisha:- Ye tumne kya kar diya?
Atul:- Tumne kaha tum apne Papa ki baat maanogi aur unke khilaaf nahi jaaogi...Maine tumhara iss baat ka samman kiya aur maan liya....Please tum bhi meri ye baat maan lo.
Nisha:- Lekin kaise...Tumhe dard me aise chhod du.
Atul:- Shaadi ke alawa bhi bahut kaam hai...Jisse khush reh sakte hai...Aur shaadi se toh mere gharwalon ko bhi matlab nahi.
Waise bhi Doctor hun...Apne kaam bhale hi naa aaun...Kisi aur ke aa jaaunga.
AndLove is not Everything...There are lots of thing which I will explore.
Meri fikar mat karo...Koshish karunga khush rehne ki...Bas tumhe bhulaa nahi paaunga aur kisi aur ke baare me shaadi nahi kar paaunga.
Nisha:- (In her mind) But for meLove is everything...Happiness, sadness and all the emotions...Majburi hai ki tumhare saath nahi reh sakti.
Atul:-Aaj tak tumheKasamdiya tha...Saath nibhaane ma...Hamesha pyar karne ka...Tumhe khush rakhne ka aur saath nibhaane ka...AbbKasamdeta hu tum aage khush rahogi...Mere liye apne liye mere bina.
Nisha:- Tum bhi khush rehna.
Atul:- Jarur.
Jhuthi muskaan ke saath Atul ne kaha...Shayad aakhiri ke pal me wo Nisha ko khushi ke saath bidaa karna chaahta tha.
Aakhiri ke har ek baat Atul apne dil par patthar rakh ke bol raha tha...Na jaane kaha se itna himmat aa gaya tha usme...Shayad Nisha...Uski khushi...Uske khushi ke liye itna kuch bol diya tha usne.
Abb dono ke bich fir se khamoshi chhaa jaata hai...Aakhir ke pal...Dono bas ek dusre ki maujudgi ko mehsus kar rahe thhe...Shayad hi ye pal unki jindagi me fir se kabhi aaye...Apne jindagi ke aakhri pal jee rahe thhe dono.
Dil to chaahta tha ki vakt hi ruk jaaye...Dono bas ek dusre ko hi dekhte rahe aur kabhi alag hi naa ho...Lekin ye hakikat tha jo unki chahat ki duniya se bilkul alag tha.
Vakt apne raftar se chalta gaya aur dono ke aakhiri pal bhi aa hi gaya.
Nisha:- Accha Atul...Chalti hun abb...Raat hone lagi hai.
Iss baar Nisha apna dard rok nahi paayi.
Atul:- Hmm thik hai...Aur mera Kasam yaad rakhna.
Nisha ek najar Atul ko acche se dekh leti hai aur uska chehra apne dimaag me kaid kar dusri taraf mud jaati hai...Aur waha se daud kar jaane lagti hai.
Atul bhi Nisha ko tab tak dekhta raha jab tak wo uske aankho se ojhal naa ho gayi...Ek lamha ko kaid kar liya usne bhi...Yaado ke jariye apne jeene ki sahara.
Atul:- (In his mind) Tum hamesha yaad aaogi.
Nisha:- (In her mind) Khud ko sambhal lena Atul...Mai bhale hi tumhare paas nahi hun...Mera pyar hamesha tumhare saath rahega.
Raat mein bhi dono ek dusre ke karib ho kar bhi alag thhe...Koi baat nahi hua.
Unka chhat jo hamesha dono ki khushi aur pyar ki gawaah tha aaj wo shaant tha...Naa jaane kitne hasin aur pyar bhare pal waha beete thhe...Lekin abb wo hamesha ke liye shaant tha...Tanhaai me badal gaya tha...Hamesha ke liye.
Aaj fir se ek premi jodi alag ho gaye baaki ki jodi ki tarah...Ek majburi ke saath.
Fir issi tarah dono hamesha ke liye alag ho gaye...Aaj agar mulaakat hota hai toh sirf ek dusre ke yaad mein...Ek pyar ke saath...Adhuri mohabbat ke saath.
Ye sab kya ho raha hai yaar? Kuch dino me Nisha ki shaadi hone wali hai?
Ajay bahut gusse me tha...Atul kuch nahi bola.
Ajay:- Tu kuch sun bhi raha hai yaa nahi?
Atul:- Haan sun raha hun tera bakwas tabhi se.
Irritate ho kar Atul ne jawaab diya.
Ajay:- To fir aise chup kyu hai? Kuch kyu nahi kar raha hai? Aise kaise Nisha se alag ho sakta hai?
Ajay ka gussa tha ki badhta hi jaa raha tha.
Atul:- Tujhe kya lagta hai...Maine koshish nahi kiya hai...Ek mahine se paagalo ki tarah idhar udhar bhatak raha hu...Kabhi apne ghar...Kabhi Nisha ke ghar...Papa aur Nisbmha ki Dad ko manane ki har ek koshish kiya hai...Lekin koi manna hi nahi chaahte.
Thak haar kar Mandir bhi gaya hu...Ek aakhiri ummeed ke saath...Shayad uparwale ko hi taras aa jaaye...Lekin pata nahi kis janm me itna paap kar diya ki sab kuch galat hi ho raha hai.
Shayad galti bhi mera hi tha...Gaurav ka vakt rehte kuch nahi kiya aur Papa ka vishwas kavhi jeet nahi paaya.
Aur aakhiri koshish...Nisha ko bhagaane ki...Lekin usne bhi mana kar diya...Ek baar nahi sau (100) baar koshish kiya...Lekin wo nahi maani...Shayad wo apni jagah sahi bhi thi aur mai galat...Lekin dil me jo dard utth raha hai naa wo sahi galat kuch dekh nahi raha tha.
Har ek koshish kiya lekin fir bhi kuch nahi kar paaya...Aur abhi thak haar kar tere saath hun.
Ajay:- Toh fir mujhe apna raasta apnaana padega.
Atul:- Tera raasta?
Ajay:- Jaake sidhe Nisha ki Papa ko dhamki deta hu...Chal saath chalte hai...Dekhta hu kaise nahi maante hai wo?
Ajay kuch alag hi josh me tha.
Atul:- Paagal hai kya...Wo nahi maanenge...Itna to jaanta hun unhe...Mar jaayenge lekin apna jidd nahi chhodenge.
Aur aise me Nisha mujhse nafrat karne lagegi ki mai uski Papa ko dhamkaane gaya.
Ajay:- To fir? Tere Papa?
Iss baad Ajay thoda darte hue bola...Atul ke saamne hi uske Papa ke baare me bolna...Itna aashan bhi nahi tha.
Atul:- Koshish karle...Lekin wo bhi apne jidd nahi chhodenge.
Bina kisi bhaaw ke Atul ne jawaab diya.
Ajay bhi abb khud ko laachar mehsus karne laga.
Ajay:- To fir kya karu?
Atul:- Kuch nahi.
Atul bas sir jhukaye baitha raha...Ajay sirf Atul ko dekhta raha.
Ajay apne yaado ki duniya me chala gaya aur sochne laga ki kaise Atul ne apni taraf se puri koshish karke uske aur Anjali ki shaadi karwaya tha...Kaise usne dono ke pariwar walon ko samjhaya tha.
Aur aaj ka Atul...Apne hi pariwar walon ko manane me naa kaamyab tha...Aur gussa to Ajay ko khud par aa raha tha ki wo Atul ke liye kuch bhi nahi kar paa raha tha.
Aaj wo bhi majbur ho gaya tha.
Ajay:- Ek baar try karte hai naa yaar.
Abb Ajay ki aawaj me majburi saaf dikh raha tha.
Atul:- Josh apni jagah hai aur hakikat apni jagah...Har koshish kar chuka hu...Abb kuch nahi ho sakta.
.
.
.
.
.
Ajay:- Aage kya karne ka socha hai?
Abb Ajay ne bhi haar maan liya...Usse dar tha ki Atul kahi koi galat kadam naa uthaa le.
Atul:- Bas yaar yaha se chala jaana chahta hu...Hamesha hamesha ke liye. Iss jagah se dur inn logon se dur.
Atul ki aawaj me aba nafrat tha...Usne kehna jaari rakha.
Atul:- Nisha ki shadi apni aankho se dekh nahi paaunga...Har pal marta jaa raha hun...Saha nahi jaa raha hai ye dard.
Ek anjaan gaanw me apna posting karwaya hai...Baaki ki jindagi wohi jiyunga...Waise bhi abb jindagi ka koi bharosha nahi hai.
Ajay:- Aise kaise? Apna family aur career?
Atul:- Kaunsa family aur kaunsa Career?
Wo family...Jisne mujhe jeete jee maar diya...Mera Papa jinhone mujhe apna beta kabhi samjha hi nahi...Aur mera Bhai jo hamesha mujhe dushman maanta aaya hai.
Sirf Maa aur Di hi hai mera shubh chintak...Lekin jab bhi Papa aur Bhai ko dekhta hun to dil aur dimaag me nafrat chhaa jaati hai...Unke saath nahi reh sakta...Unke shakl se hi nafrat ho gaya hai.
Bas Maa aur Di ki contact me rahunga...Phone ke jariye...Kabhi jarurat pada to mil bhi lunga.
Aur Career...Kya faaidaa aise career ki jab jeene ki koi vajah hai hi nahi.
Ajay:- Aise kaise sab kuch chhod kar chala jaayega?
Atul:- Jaane ka man kisse hai? Lekin majburi bhi koi cheej hota hai.
.
.
.
.
.
.
Ajay ko bhi abb samajh me nahi aa raha tha.
Atul:- Accha dost apna khayal rakhna.
Itna keh kar Atul utth gaya.
Ajay:- Kuch der aur baith.
Atul:- Nahi yaar...Man nahi kar raha hai.
Ajay:- Kab jaa raha hai?
Atul:- Aaj shaam ko...Tere saath contact me rahunga.
Ajay ko ye sab dekh accha to nahi lag raha tha lekin Atul ko rok bhi nahi paa raha tha...Aakhir kya keh kar rokta?
Wo bas Atul ko jaate dekhta raha...Dono ke dosti ka har pal Ajay ki dimaag me ghumne laga...Gussa bahut aa raha tha usse khud par ki wo Atul ka kuch help nahi kar paa raha tha...Wo bhi aaj Atul ki tarah hi majbur tha.
Bas wo bhi lachaari se Atul ko jaate hue dekhta raha.
A. Dad:- Aao Atul...Bilkul sahi vakt par aaye ho...Tumhare rishte ki hi baat chal raha tha.
Atul ne saamne dekha to Preeti aur uski family tha...Lekin Atul ne bina koi parwah kiye.
Atul:- Maa...Aaj aakhiri chaai bana dijiye apne haath ka...Pata nahi ye mauka fir kab mile.
Atul ki aankho me aansu ki kuch bund aa gaye...Wo Nisha ke saath saath Maa, Di aur Ajay ko bhi miss karne wala tha.
Nidhi:- Ye kya keh raha hai tu?
Atul:- Please rokna mat di...Jaa raha hu abb hamesha ke liye...Ek nayi jindagi ke aur.
Atul ki ye baat sabhi ke liye hairaani ka tha...Lekin sabse bura Maa aur Di ko laga.
A. Mom:- Kaha jaa raha hai tu? Aur kaisi baat kar raha hai?
Atul:- Iss baar mat rokiye Maa...Iss jagah aur ghar se kaafi dur jaa raha hu...Raha nahi jaayega iss ghar me jaha apne hi dushman ho.
Atul ye kehte kehte kaafi toot gaya tha.
Atul:- Lekin aap dono se hamesha contact me rahunga...Aap dono hi to hai jisse mai abb apna keh sakta hun.
Fir kisi tarah Atul ne dono ko manaa hi liya...Dono maanne ke liye taiyaar to nahi thhe lekin Atul ki jidd aur dard ke saamne dono ko maanna hi pada...Lekin unke liye ye kisi sadma se kam nahi tha.
Fir Atul apna bag pack karke niche aa jaata hai aur chaai peene lagta hai.
Bahut mushkil vakt tha Atul ke liye...Dil bhaari hota jaa raha tha aur aankho se aansu ki bund tapakne laga tha.
Jab wo nikalne hi wala tha tab
Nidhi:- Vakt par phone karte rehna.
A. Mom:- Jaha bhi tu rahe tu hamesha khush rehna.
Bhaari man se dono ne kaha.
Abb Atul nikal hi raha tha ki.
P. Dad:- Ye sab kya ho raha hai?
Ye baat sunte hi Gaurav Atul ke raaste ke saamne aa jaata hai.
Atul:- Hatt jaa saamne se.
Gaurav:- Mai bhi dekhta hun tu kaise jaata hai.
Atul abb kuch kehta nahi...Ek punch sidha uske naak par maar deta hai...Jindagi bhar ka nafrat aaj aag ugalne ko taiyar tha.
Gaurav 2 meter dur jaake ruka.
Atul uski taraf badhne hi wala tha ki uske Papa bich me aa gaye.
Atul:- Aap saamne se hat jaaiye...Warna ye haath aap par naa utth jaye?
Atul ne gusse me kaha...Baat kahi se bhi jhutha nahi lag raha tha...Aur ye sabut tha ki wo apne Papa se kitna nafrat karne laga tha.
Papa bhi raaste se hat gaye hairaani ke saath...Aakhir kaun baap apne hi aulaad se aisi baat sunn sakta hai? Ye gehra sadma tha unke liye.
Atul abb Gaurav par baras padta hai...Bina dekhe sir aur chhati par mukkon ki andha dhun barsaat kar deta hai.
Gaurav bhi khud ki bachaau karne ki haalat me nahi tha...Usse bachaane ke liye Amit (Preeti's brother) aaya lekin uska bhi wohi haal hua jo Gaurav ka ho raha tha.
Atul Gaurav ko aaj jaan se hi maar deta agar Maa bich me nahi aati...Ek baar fir Atul majbur ho gaya.
A. Mom:- Tujhe meri kasam!!!Chhod de isse.
Darte hue Atul ki Maa boli tab Atul ko bhi chhodna pada.
Atul:- (Gussa aur Dard me bhi hanste hue) Maa aapka yahi pyar aur mamta hi hai jisne aaj iss kameene ko aisa bana diya...Dekhna ek din...Aap bahut pachtayengi...Beta galat hai ye jaanne ke baawjud aapne kuch nshi kiya...Ye jhutha ummeed ki sab kuch thik ho jaayega aur sabhi pariwar ek saath rahenge...Aapki issi galatfehmi mujhe sabi se alag kar raha hai aur aage naa jaane kya hoga.
Atul se gussa me abb aur kuch kaha bhi nahi jaa raha tha...Wo waha se jaane hi wala tha ki.
A. Mom:- Ye behosh ho gaya hai.
Darte hue wo boli...Sabhi aa kar Gaurav ko dekhne lagti hai...Sach me khoon se lathpath wo behosh tha.
Atul usse baahar se hi check karne ke baad.
Atul:- Papa...Aap hamesha naraaj thhe naa mujhse ki mai Doctor banne jaa raha hun...Aaj usai vajah se aapka sabse pasandida beta marne se bach raha hai...Isse Epidural hemorrhage hua hai...Sir ki sabse kamjor haddi yaani ki Temporal bone of pterion region me chot laga hai...Aur Middle meningeal artery fatne ki vajah se ye haalat hai...Kisi neurosurgeon ko dikha dijiye...Bach jaayega.
Itna keh kar Atul waha se nikal gaya.
Ek baar picche mud kar apne ghar ko dekha aur fir Nisha ki ghar ko.
Acche se le kar har bure yaad ek baar fir dimaag me ghumne laga...Lekin aakhir me thak haar kar rote dil ke saath wo waha se nikal gaya...Ek nayi safar me.
Aur yahi se suruwat hota hai safar Dr. Atul ki...Jiske bhavisya me abhi bhi bahut kuch hona baaki tha.
Shreya ki khushi ka koi thikaana nahi raha...Atul ne jis tarah se kaha tha usse to lag raha tha ki 1 mahine se pehle Atul waapas nahi aayega...Bas abhi 2 din hua tha ki Atul waapas laut aaya.
Atul:- Aur ghut nahi sakta khud mai...Socha tumhe sach sach bata du.
Atul abhi bhi khud me hi uljha hua tha.
Shreya:- Kaisa sach?
Shreya ke liye ek nayi hairaani ki baat tha ye.
Shreya:- Papa kuch galat bol gaye kya?
Atul:- Nahi.
Shreya:- To fir.
Atul:- Abhi yaha nahi...Shaam me milna taalab ke paas.
Atul ne aas paas aate jaate logo ko dekh kar kaha...Wo sabhi ke saamne ye baatein keh nahi paa raha tha.
Shreya ka hairaani bhi badhta jaa raha tha...Atul ki aankhon me ek ajeeb sa uljhan dikh raha tha jaise wo kisi gehri soch mein ho...Itna to wo samajh gayi ki kuch bahut jaruri baatein hai.
Shreya ne bas haa me sir hilaa diya.
At Evening.
Shreya:- Abb to bataao...Kya baat hai?
Shaam ke 6 baje dono taalaab ke paas akele thhe...Shreya ko Atul ki baatein jaanni thi toAtul abhi bhi uljhan me tha ki apne dil ki baat kaise hai...Usse pata tha ki Shreya ka reaction kya hone wala hai...Thoda dar bhi raha tha wo.
Issi dar me wo idhar udhar tehel raha tha.
Shreya:- Bataa bhi do.
Shreya se aur raha nahi jaa raha tha.
Atul bhi abb apni aankhein band kar leta hai aur darte hue kehta hai.
Atul:- Please Shreya...Mujhse itna pyarmat karo...Bardaast nahi kar paa raha hu.
Atul ne darte hue aankhein khola aur Shreya ko dekha...Shreya bhi hairaani se Atul ko hi dekh rahi thi.
Shreya:- What???
Atul:- Ek baar pehle bhi galti kar chuka hun jo Nisha ka pyar dikha nahi...Abb wohi galti dohraa nahi sakta tumhaare pyar ka najar andaaz karke tumhe jhutha aasha nahi de sakta.
Shreya:- Mai tumse pyar nahi...
Atul:- Please jhuth mat bolo.
Shreya iss baar chup rahi.
Atul:- Mai bhi yahi chahta hun ki tum mujhse pyar naa karo...Lekin chahne se kya hota hai...Dil par aakhir kiska bas chalta hai?
Shreya:- Aakhir kyu? Nisha di to tumhara past thi naa...Kabhi future ke baare me nahi sochoge tum?
Shreya ki iss baat ka Atul ne koi jawaab nahi diya...
Shreya:- Sach kaha tumne...Pyar karti hun tumse...Bahut pyar karti hun...Pata nahi kab aur kaise tumse pyar karne lagi kuch pata hi nahi chala...Aage bhi karti rahungi bas ek haa ke intejaar me.
Mai tum par koi dawaab nahi daalungi...Agar kabhi man badal jaaye to aa jaana mere paas...Jindagi ke aakhiri vakt tak tumhara intejaar karungi.
Jo dar tha wohi sach saabit hua Atul ke liye...Wo ye to jaanta tha ki Shreya usse pyar karti hai lekin itna pyar? Abb Atul ko bhi dar lag raha tha.
Atul:- Please request samajh kar maan jaao...Agar tum itna pyar karogi to tumhara gunehgaar ban jaaunga...Aisa pyar thukraane ki.
Please samajhne ki koshish karo...Mai tumhe kisi bhi haal me apnaa nahi sakta.
Atul ko apne haalaat par bahut gussa aa raha tha...Lekin saath me wo majbur bhi tha.
Shreya ko ye sab dekh bahut rona aa raha tha lekin roo bhi nahi paa rahi thi.
Shreya:- Kyu? Nisha di ko diya hua uss kasam ki vajah se...Ki tum unke alawa kisi aur ke baare me nahi sochoge?
Atul:- Baat sirf uss kasam ki nahi hai...Pyar ka taakat ke saamne Kasam kuch nahi hai...Nisha to mujhe maaf kar hi degi...Bhole naath bhi maaf kar denge shayad mera khushi ke liye.
Lekin wohi pyar tumse kar nahi paaunga aur kar nahi sakta.
Aaj bhi Nisha mere dil me hai...Dil ki gehraayi me hai...Kabhi bhula nahi paaunga aur bhula nahi sakta...Shayad iss janm bhi kam pad jaaye...Itna pyar karta hu mai apni Nishu se.
Aur aise me tumhare saath kaise aage badh sakta hu...Naa hi mai taiyaar hu aur naa hi tumhe wo khushiyan aur pyar de paaunga jiski jarurat aur ummeed tumhe apne Pati se hogi.
Shreya chup hi rahi...Wo kuch bol nahi paa rahi thi...Waise bhi bolne se kuch hone wala bhi to nahi tha.
Atul:- (To himself) Bahut gussa aata hai khud par...Hamesha koshish kiya tha ki kisi se itna bhi naa juddne ka...Lekin yaha to itna bada galti kar baitha.
Shreya:- Tumhara koi galti nahi hai Atul...Jab tumse pehli baar mili thi yaa fir jaana tha to tumse nafrat karti thi...Aur ye pyar...Ye cheej hai hi aisi...Pata nahi kab kis se ho jaaye.
Jab tum yaha aaye thhe yaha ek doctor ke roop me...Tumhari aadat par bahut gussa aata tha...Tum sabhi se chhupa kar cigarette aur daaru peete the...Lekin meri najro se bach nahi sake...Gussa to bahut aata tha ki ek doctor jo dusro ko ye sab naa istemaal karne ki salaah deta hai wo khud hi iske nashe me hai.
Upar se tumhara attitude...Tumhaara kam bolna...Aisa lagta tha ki tum me bahut attitude hai.
Lekin dhire dhire tumhaare baare me khayal badalne laga...Insaan kaise bhi ho lekin Doctor bahut badhiya thhe...Gaanw walo ke saath saath mera bhi vishwash jeet liya tumne...Wo patient se baat karne ka tarika...Unka taklif samajhna, unhe haushla dena aur dawaai ke baare me acche se jaankari dena...Sach me tumhare roop me bahut acche doctor ko dekha maine...Aur ye baat isse bhi saabit hota hai ki tumhare aane ke baad gaanw ka swasthya me kitna badlaaw aaya hai.
Aur jab doctor nahi sirf Atul ko jaana...Toh tum se pyar ho gaya...Aakhir ek insaan kaise itna bardaast kar sakta hai? Itna dard me ho kar bhi dusro ke liya itna kuch...Har vakt har pal marij ke liye taiyar rehte ho apne haal ka parwah kiye bina...Sabse pasand tumhari ye baat lagi ki tum Nisha di se itna pyar karte ho...Itna kuch hone ki baawjud.
Socha jab tum kisi se itna pyar kar sakte ho aur sabhi ka itna khayal rakhte ho to mujhse pyar karoge to mera kitna khayal rakhoge?
Shayad thoda swarthi ho gayi hun...Par maamla pyar ka hai.
Atul:- Sach kahu toh tum meri bahut acchi dost ho...Aisa dost jo dhundne se bhi nahi milta...Mera mushkil vakt me tumne mujhe bahut support kiya hai...Mai tumhari iss dosti ka karj shayad hi kabhi chuka paau...Lekin pyar? Shayad nahi kar paaunga.
Ek dost ki naate, jab bhi tumhe mera jarurat pade bula lena...Sab kuch chhod kar aa jaaunga...Bahut khaas dost ho tum meri...Ajay aur Nisha ke baad.
Abb tak Shreya bhi samajh gayi thi ki Atul usse kabhi pyar nahi kar paayega.
Shreya:- Thik hai...Koi baat nahi...Tum mujhse pyar nahi karte...Kabhi dawaab nahi daalungi...Pyar jabardasti nahi ho sakta aur mai aisa chaahti bhi nahi.
Lekin mujhse ye mat kehna ki tumse pyar naa chhod du...Ye tum bhi jaante ho ki aisa ho nahi sakta.
Kuch der sochne ke baad.
Atul:- Haan sahi keh rahi ho...Pyar chaah kar hota nahi aur naa chahne se pyar nahi hoga aisa bhi nahi hai...Mai khud mehsus kar chuka hun.
Please tum jindagi ke saath aage badhte rehna.
Shreya:- Please...
Atul:- Please...Mere liye hi sahi...Warna sabse bada gunehgaar mai khud ko hi maanunga ki meri vajah se tum bhi aage badh nahi paa rahi ho...Kabhi khud ko maaf nahi kar paaunga.
Shreya:- Lekin tum...
Atul:- Mai...Mera kya hai? Mai to ussi din mar gaya tha jab Nisha se alag hua tha...Aaj jaise taise jee raha hu jindagi ki baaki ki farj nibhaane ke liye...Aur mere liye tum bhi iss haal me rahogi...Ye mere liye sabse dukh ki baat hoga...Tum jindagi me aage badhogi, khush rahogi toh mujhe bhi khushi hoga.
Atul abb haath jodne tak ke liye majbur ho gaya tha...Shreya ka man toh nahi kar raha tha par...
Atul:- Please...
Atul ki iss request par Shreya bhi pighal gaya...Haal hi Atul ka kuch aisa tha.
Shreya bas "haa" me sir ko hilaati hai.
Atul:- Ek request aur hai.
Shreya ne bas aankho se hi pucha, "Kya?"
Atul:- Yaad hai uss din tumhare Papa ne mujhe bulaaye thhe.
Asal me uss din mujhse ye puccha tha unhone ki, "Mai tumse shaadi kar lu."
Aur issi vajah se mai gaanw chhod kar gaya tha ye soch kar ki kuch din vakt lunga taaki khud ko taiyar kar lu tumhe manane ke liye aur unhe mana karne ke liye...Jo shayad yaha gaanw me tumhe dekh kar khud ko taiyar nahi kar paata.
Kya tum hi unhe mana kar dogi...Mujhse bahut mushkil hoga.
Shreya dard ki aansu pee kar ek baar fir sir ko haa me hilaa deti hai.
Atul ke dil me Shreya ke liye izzat fir badh gaya tha...Bas Atul ke liye wo kitna kuch kar rahi thi...Atul ko garv tha ki usse itni accha dost mila hai...Lekin ek afsosh bhi tha ki wo apna iss dost ki sabse badi iccha ko kabhi pura nahi kar sakta.
Dusri taraf Shreya bhi Atul ke baare me soch rahi thi. "Aakhir kaisa insaan hai...Jo khushi se hi dur bhaagta rehta hai...Hamesha dard me hi rehta hai aur rehna chahta hai...Kya pyar me itna dard jhelte hai log ki unhe dard se hi pyar ho jaata hai?"
Shreya:- Ek baat pucchu.
Atul:- Haan.
Shreya:- Tumne kaha tha ki Ajay aur Nisha di ke baad mai hi tumhara sabse acchi dost hu...Kajal ka kya hua?
Ek sawal Shreya ke man me aaya...Kajal ka jikr Atul ne apne kahani me bahut pehle hi band kar diya tha.
Bina kisi bhaaw ke Atul ne jawaab diya.
Atul:- Wo bas dost hai...Close friend nahi.
Ye to maine bataya tha ki usko propose karte vakt usne bataya ki wo kisi aur se pyar karti hai.
Uske baad wo apne bf ke saath hi busy rehne lagi...Bas uske baad "hi", " hello" wale hi friend rahe hum log.
Sahi bhi hai...Wo khud me aur apne bf me busy rehne lagi...Aur mai Nisha me...Aur aaj ye haal hai ki hum dono contactless hai.
Fir dono me kuch baat nahi hota...Karte bhi kya? Maahaul tha hi aisa.
Fir dono waha se chale gaye.
Atul ki dil me Shreya ke liye izzat aur badh gaya tha to Shreya ke liye Atul ke baare me soch kar hairaani aur apna pehla pyar adhura reh jaane ka dard.
After 5 months
Jaanti ho Nishu...Issi din ka intejaar kar raha tha mai.
Atul ka khushi ka koi thikaana hi nahi tha...5 saal se jyada ho gaye thhe...Aaj issi pal ka toh intejaar kar rahe thhe dono.
Nisha:- Abhi kuch mat bolo.
Atul ke kandhe me apna sir rakh kar boli...Wo bas iss pal ko mehsus karna chaahti thi.
Atul bhi bas Nisha ko apne baaho me mehsus karta raha.
Ajeeb khaamoshi tha dono ke bich...Dono apne aakhiri mulaakat me bhi khaamosh thhe...Uss khaamoshi me dard tha jis vajah se dono se kuch bola nahi jaa raha tha.
Lekin aaj...Khushi ki khaamoshi...Itna khushi ki dono bolna hi bhul gaye thhe.
Bas aankhon se hi baat kar rahe thhe.
Kuch der baad.
Nisha:- Mujhe vishwash tha tum sab kuch thik kar doge ek din.
Atul:- Kaise nahi karta? Iss jindagi ko tumhare naam kar chuka hun...Tumhare khushi ke liye kuch bhi.
Atul ki baato me aaj kuch jyada hi pyar tha...Shayad dobaara milne ki khushi.
Nisha:- Humara pyar bhi kitna ajeeb hai naa? Vakt ke saath pyar kam hone ki jagah aur bhi badhta chala gaya.
Atul:- Saccha pyar hai madam...Vakt to kya duniya ki koi bhi taakat humaare pyar ko rok nahi sakta...Aur kisi cheej ko khone ke baad hi hume uss cheej ka kimat ka pata chalta hai.
Jawaab me Nisha bas Atul ko dekhti hai mushkuraate hue.
Nisha:- Aise kya dekh rahe ho?
Atul ki aisi pyar bhari najar se Nisha ko abb sharm aane laga tha.
Atul:- Ussi khubsurat chehra...Wohi adaah...Jisne mera dil chura liya tha...Mera raato ki neend aur din ki chhain chura liya tha...Jiski ek jhalak ke liye pura jamaana beet gaya.
Wohi meri pyari Nishu ko...Jiski mil jaane se mera jeevan safal ho gaya.
Nisha ki chehre ki khushi se yahi lag raha tha ki usko Atul ki taarif bahut pasand aa rahi hai.
Nisha:- Abb aapki umar ko aisi baatein sobha nahi deta hai Mr?
Nisha Atul ki side ki safed baal ko sehlaati hui boli.
Atul:- Abhi to jawaan hu...Jawani mein aisi baat nahi karunga to kya budhaape me karunga...Abhi umar hua hi kya hai? 26 saal ka hi to hun.
Nisha:- 26 saal
Atul:- Haan...26 saal ka hi to hun...Jab tumse alag hua tha...Aur aaj mai apni jindagi ka suruwaat kar raha hun to ussi vakt se suru karna chahta hun jaha se hum alag hue thhe.
Jamaana ek taraf aur humaara pyar ek taraf.
Atul ki baaton me aaj kuch alag hi josh tha.
Nisha:- Tumhari baatein aaj bhi waisi hi hai.
Atul:- Pyar bhi waisa hi hai...Haan ye alag baat hai ki tum moti ho gayi ho...Pehle jaisi hot and attractive nahi rahi...Lekin aaj bhi tumhe waisa hi pyar karta hun jaisa pehle karta tha.
Nisha:- You...
Fir Nisha Atul par mukkon ki barshaat karne lagti hai
...Atul ko aaj isme bhi majaa aa raha tha...Shayad issi ki to kami tha uski jindagi me.
Fir aise hi dono ke bich masti aur chhedkhaani chalta hai.
Nisha:- Abb kya soch rahe ho?
Atul:- Apni khushiyon ke baare me soch raha hun...Sach me aaj bahut khush hun.
Nisha:- Kitna khush?
Atul:- Wo shabdon me bayaan nahi kar sakta...Bas itna samajh lo ki mera bejaan aur bematlab ki jindagi me waapas khushi ban kar aayi ho...Ek baar jeene ki icchaa jaag uthi hai...Tumhare saath...Har pal aakhiri pal tak.
Really love you a lot.
Atul ne Nisha ki baal ko pyar se sehlaate hue kaha.
Fir dono ki bich khaamoshi chhaa jaati hai...Pyar aur khushi ki khaamoshi.
Nisha:- Aage ka kya socha hai?
Atul:- Kuch khaas nahi...Shaadi, Suhaag raat aur bacche.
Nisha:- You...
Ek baar fir mukkon ki barsaat hota hai Atul par.
Nisha:- Mujhse pitne me majaa aata hai kya tumhe?
Atul:- Tumhara hi hun...Tumhara har adaah mujhe bhaati hai...Pyar bhi aur maar bhi.
Abb Nisha ki haath apne aap ruk jaati hai...Aur pyar se wo Atul ko dekhne lagti hai.
Atul:- Waise abhi kuch jyada socha nahi hai...Abhi pyar ke kuch pal saath jiyenge aur fir shaadi.
Haan do chaar logon se hisaab kitaab bhi barabar karna hai.
Atul:- Waise tumne bataya nahi tumne abhi tak shadi nahi kiya? Lekin kyu aur kaise?
Hairaani se Atul ne pucha.
Nisha:- Kyu? Tumhara hi pyar saccha hai...Tumhaari jaankaari ke liye bata du...Jitna pyar tum mujhse karte ho usse jyada....
Doctor Doctor....
Atul:- Ye Doctor doctor kyu keh rahi ho?
Abb Atul ki drishti (vision) kamjor hota jaa raha tha...Aur Nisha ki tasveer dhundhli padne lagta hai aur kuch hi pal me gaayab
.
Atul ka aankh khul jaata hai.
Ek pal ko to Atul ko kuch samajh me nahi aaya.
Lekin agle pal darwaaja khatkhataane ki aawaj se usse samajhte der nahi laga ki wo sapna dekh raha tha...Ek meethi sapna.
Time dekha to raat ke 2 baj rahe thhe.
Atul:- (In his mind) Itni raat ko?
Maayus ho kar wo aankh malte hie gate khol deta hai.
Gate me do log khade thhe...Ek ladka aur ek budha insaan...Shayad wo uss ladke ki pitaa the.
Ladka:- Maaf kijiye Doctor...Itni raat ko takleef diya.
Mere Papa ko chhati me bahut tej dard ho raha hai...Chhaati ke saath saath nichle daant me bhi dard ho raha hai...Ye seh nahi paa rahe thhe to aap ko takleef dena pada.
Atul ko kuch kuch samajh me to aa gaya tha...Wo kuch sawal aur puchta hai fir dawaai likh kar kehta hai.
Atul:- Ek dawaai ka naam likh raha hun abhi ke liye...Dawaai ki dukaan se le lijiye...Aur haan iss dawaai ko nigalna nahi hai...Bas jeebh ke andar rakh kar dabaana hai...Dard nahi hoga.
Kal hospital me inhe le kar aaiye...Baaki ki ilaaj wohi karunga...Aur haan...Tel wala khaana kam khaaiye jitna ho sake...Warna Heart Attack ka chance badh jaayega.
Fir wo dono Atul ko shukriya keh kar waha se chale jaate hai.
Atul bhi aa kar apne bed me baith jaata hai...Kaafi maayus tha wo...Unhe patient se koi problem nahi tha...Ye akshar uske saath hota aaya hai...Aur ye uska karm aur dharm bhi tha ek doctor hone ke naate.
Abhi bhi wo sapne me hi atka hua tha...Kitna accha aur pyara sapna aaya tha usse...Aur wo bhi bas kuch hi pal ke liye.
Apne rudraaksh par haath laga kar.
Atul:- Shayad aap hi nahi chaahte kuch pal ki khushi aur mile.
Fir udaas ho kar wo sone hi lagta hai ki ek baat uski dimaag me aata hai.
Atul:- (In his mind) Nishu...Abb to 6 mahine ho gaye tumhe dekhe...Pata nahi kyu aaj dil kar raha hai ki tumse milu...Tumse baatein karu...Apna dard baantu...Lekin shayad kismat...Kismat hi to saath nahi hai.
Ek minute...Aaj pehli baar koi accha sa sapna aaya...Warna hamesha khud ko haara hua, toota hua sapna dekhte aaya tha...Lekin aaj
Ek sapna aaya tha 10 saal pehle...Dard wali pehli baar aur wo sach ho gaya...Uss vakt vishwash nahi hua.
Lekin aaj 10 saal baad...Pyara sa aur khushi wala sapna...Kya ye bhi sach hoga?
(Dobara rudraaksha par haath rakh kar) Kaas...Kaash ye sach ho jaaye?
Atul bhi jaanta tha ki aisa kuch nahi hoga...Iss haalat me aur itne vakt ke baad to bilkul bhi nahi...Lekin dil ka ek kone me ummeed ki ek kiran tha.
Aur fir Atul sochne lagta hai ki agar ye sapna sach ho gaya to?
Iss baar Atul jaagte hue bhi sapne me kho jaata hai...Nisha ke saath...Nisha ke paas.
Kitna accha hota agar ye sab sach ho jaaye toh...Kaash sach hi hota.
Ye sab sochte hue Atul ki chehre me muskaan aa jaata hai...Khushi ki muskaan...Ummeed se bhari hui muskaan...Bahut vakt ke baad.
Pata nahi kya tha iss sapne me...Jisne Atul ki armaan achanak se badha diya tha?
[Aap sabhi ne agar pehle hi predict kar liya tha ye sapna hai to hats off...Agar nahi to mera likhna safal ho gaya
...Hint waise to diya tha...Sapna me sirf Atul ki feeling likha tha...Nisha ka nahi...Nisha ka sirf wohi expression dikhaya jo Atul ne mehsus kiya tha.]
Pehli baar aapko itna darte hue dekh rahi hu Dr. Sameer
Nisha muskuraate hue boli.
6 mahine se jyada vakt ho chuka tha...Abb Sameer aur Nisha ki dosti bhi kaafi badh gaya tha.
Sameer:- Darne ki hi to baat hai Dr. Nisha.
Ye kehte vakt bhi Sameer kaafi dara hua lag raha tha...Usse samajh me nahi aa raha tha ki baat ko kaha se suru kare aur kya kahe?
Nisha:- Kaisa dar?
Sameer:- Bahut ajeeb tarah ka dar hai.
Abhi bhi Sameer ka wohi haal tha...Ek dar jo dil me baith gaya tha pichhli baar...Ye abhi tak uske dil se nikal nahi paaya tha.
Lekin Nisha ko bin bataye bhi usse raha nahi jaa raha tha.
Nisha abhi bhi Sameer ko sawaliya najro se dekh rahi thi.
Sameer:- Kaise bataau kuch samajh me nahi aa raha hai...Kahi aap gussa ho gayi toh?
Nisha:- Agar issi tarah baat ko gol gol ghumaate rahe to jarur gussa ho jaaungi.
Aap bina dare boliye...Kya baat hai?
Nisha ne muskura kar kaha...Lekin thoda bahut to usse bhi samajh me aa raha tha...Wo man hi man dua kar rahi thi ki jo wo soch rahi hai kaash waisa naa ho.
Sameer ek najar Nisha ko dekhta hai aur fir himmat jutaa kar kehta hai.
Sameer:- Mai aapse pyar karne laga hu...Pata nahi kab aur kaise...Lekin jab se ehsaas hua hai mujhe apne dil ki baat tab se sirf ek hi baat jaanta hu...Aapse bahut pyar karne laga hu.
Sameer ne fir himmat jutaa kar Nisha ko dekha...Jis cheej ka dar tha Nisha ko aakhir hua...Usse kuch samajh me nahi aa raha tha ki kya kahe...Wo bina kisi bhaaw ke aise hi apni jagah pat khadi rahi.
Sameer:- Shayad aapki acchaiyan...Aap to jaanti hi hai...Mujhe hamesha apne Maa aur Papa ki chinta sataati rehti hai...Mujhe ek patni ka talaash tha jo mera parents ka bhi khayal rakhe.
Uss din jab aapko mere ghar me dekha...Shayad tabhi se...Aapne mera dil me jagah bana li thi...Fir dhire dhire jaise jaise aapko aur bhi acche se jaanne laga aapse pyar ho gaya...Aap me wo saari cheej dikha jo mujhe ek patni me chahiye tha.
Itna keh kar Sameer chup ho gaya...Aur Nisha ki jawaab ka intejaar karne laga.
Nisha:- Sorry Dr. Sameer...Mai kisi aur ki hun.
Itna keh kar Nisha waha se chali gayi...Wo abb kuch bhi kehne sunne ki haalat me nahi thi...Aur picche chhod gayi ek baar fir dil se haara Sameer ko.
Pehle pyar me dhokha aur dusre pyad me inkaar...Iss baar Sameer ka dil aise toota tha jo shayad hi fir kabhi jud paata.
After few days
Sourav:- (Sameer's friend) Pata chal gaya Nisha ke baare me.
Sameer:- Haan bata.
Sameer ne bina kisi bhaaw ke pucha...Waise bhi ye baat jaan lene se uska kuch hone wala bhi to nahi tha.
Sourav:- Dr. Ravi.
Sameer ne kuch jawaab nahi diya.
Bhaiya Amlodipine ki kuch tablet dijiye?
Haanfte hue Atul ne kaha...Chehre se kaafi dara hua lag raha tha.
Thodi der check karne ke baad.
Pharmacist:- Wo to khatm ho chuka hai...Kya hua? Kis liye?
Atul:- Mukhiya ji (Shreya's dad) ...Unka Blood Pressure kaafi badh gaya hai...Unhe sehar le jaa raha hun admit karaane...Yaha ilaaj ke liye jyada equipments nahi hai...Tab tak ke liye BP control karne tablet chahiye tha.
Atul ki aawaj me dar tha.
Pharmacist:- Atenolol dijiye...Wo bhi BP me accha kaam karta hai.
Dawaai naa milne ki vajah se wo kuch non - pharmacological measure ke saath ek gaadi me unhe sehar le jaate hai ek dua ke saath ki wo vakt par sehar pahunch jaaye.
Sehar pahunchte hi wo apne jaan pehchan ke Cardiologist se contact karke unhe admit kar deta hai.
Kuch der intejaar karane ke baad.
Cardiologist:- Abhi wo control me hai...Jyada late nahi hua...Supportive measures me hai wo abhi...Kuch der ke baad tum unhe le jaa sakte ho.
Aur haan...Jaate vakt dawaai le kar jaana...Stage 2 Hypertension hai...Dawaai regularly nahi liya to kabhi bhi complication badh sakta hai.
Atul:- Thank you Doctor.
Aur fir Atul Shreya ki Papa se mil kar kuch der coffee ke liye baahar chala jaata hai...Iss bhaag daud me kaafi thak gaya tha wo.
Issi thakaan ko mitaane ke liye wo coffee peene baitha hi tha ki uski najar side ke ek table lar gaya...Jise dekh Atul ki aankh gusse se laal ho gaya...Ek to itna tension aur upar se saamne ka najaara.
Najaara hi kuch aisa tha...Ravi kisi dusri ladki ke saath coffee pee raha tha...Dono muskuraate hue baatein kar rahe thhe...Aur unki baat cheet ko sun kar dono ki kareebiyan ki andaaza lagaya jaa sakta tha.
Ravi bhi Atul ki maujudgi se anjaan karke apne hi duniya me khoya hua tha.
Atul ki dimag me kayi tarah ke sawal aaye...Sabse gussa to usse iss baat par aa raha tha ki "Ravi Nisha ko dhokha de raha hai?"
Abb usse Nisha ka bhi khayal aaya...Wo kaha hogi...Kis haal me hogi? Ravi ke saath wo khush hogi bhi ya nahi?
Ek anjaana sa dar Atul ke dil aur dimaag me chha gaya Ravi ko aaj aise dekh kar...Aaj uska Nisha se milne ka bahut man kar raha tha...Uska haal chaal jaane ka.
Kuch pal se daba hua pyar fir ubhar aaya...Nisha ke liye usse fikr ho raha tha to Ravi ke liye gussa.
Wo Ravi ki baat ko sun raha tha usse khaa jaane wali najar se ghurte hue.
Kuch hi vakt me Atul ke dil aur dimaag me itne badlaaw aa gaya tha...Vakt ka ye kaisa khel tha ye to vakt hi jaane...Lekin ye to tay hai ki Atul ki ye utshukta aur fikr se naa jaane kitne badlaaw aana baaki tha sabhi ki jindagi me.
Sameer ka gussa Ravi ki har ek baat ke saath badhta jaa raha tha.
Aur ateet ki yaado me wo kho gaya.
Baat unn dino ki hai jab Nisha ki shaadi Ravi ke saath tay hua tha...Khud se hi haara hua Atul...Apne ghum me sharab ki nashe me kuch jyada hi khatarnak plan kar raha tha...Ravi ko raaste se hataane ka...Aisa haalat karne ka ki wo jindagi bhar sochta rahe Nisha ke baare me hi sochna uski jindagi ka sabse bada bhool tha.
Jo sharab ki bottle abhi usne khali kiya tha ussi se Ravi ki sir par fodne ka soch wo chala gaya Ravi ke paas.
Ek restaurant me Ravi aur Abhisekh baithe thhe...Atul bhi chhup kar unke saath waha pahunch gaya tha.
Ravi:- Aaj party hai meri taraf se...Shaadi confirm hone ki party.
Abhisekh:- Congrats yaar...Tune aakhir karke dikha hi diya.
Ravi:- Sab dimaag ka khel hai bacchu.
Abhisekh:- Maan gaya yaar...Abb aage ki plan ko kab anjaam dega?
Ravi:- Aage ka plan?
Abhisekh:- Wohi...Atul ko raastw se hataane ki.
Ye sunte hi Atul ke kaan khade ho gaye.
Ravi kuch sochne ke baad.
Ravi:- Nahi iski jarurat nahi hai abb.
Abhisekh:- Kyu?
Ravi:- Nisha mil hi gayi hai mujhe...Abb baaki cheej se mujhe koi matlab nahi.
Abhi sirf shaadi ke baare me soch raha hun...Uske baad Nisha ka dil aur pyar bhi jeetna hai...Jaanta hu galat tarike se shaadi kar raha hu...Lekin Nisha ke bina jee bhi to nahi sakta.
Abhisekh:- Tu sure hai? Wo tujhse pyar karegi...Hamesha tujhse nafrat hi kiya hai usne...Kabhi tujhe line nahi diya...Suruwat me tujhse nafrat karti thi...Atul se dosti karne ke baad bhi Nisha kam hi baat karti thi.
Atul aur Nisha ki ladaayi ke vakt bhi tujhe kuch khas bhaaw nahi diya...Haan tune dono ke bich misunderstanding karwa diya...Lekin Nisha ke karib tu tab bhi jaa nahi saka.
To aise me wo tujh se kaise pyar karegi ye jaante hue bhi ki tune hi usse Atul se usse alag kiya hai?
Ravi:- Jaanta hu wo itni jald mujhse pyar to nahi karegi...Lekin shayad dhire dhire mera pyar dekh apna man badal le.
Uske bina man hi nahi lagta...Aisa lagta hai mar hi jaaunga uske bin...Wo mere paas rahe wo hi kaafi hai...Usse dekhte hi mera din ban jaayega.
Jaanta hun mai galat kar raha hun uske saath aisa kar ke...Lekin mai apne pyar ke malham se sab kuch thik kar dunga.
Atul ne itna hi suna tha ki wo waha se chala gaya.
Uss vakt to usne ye socha ki, "Ravi bahut galat insaan hai lekin Nisha se bahut pyar karta hai...Mera kismat me Nisha to waise bhi nahi hai...Gharwale maan hi nahi rahe hai...Aur Nisha ki Papa bhi maanna nahi chahte bina pariwar ke...Wo Ravi nahi to kisi aur se hi kara denge Nisha ki shaadi lekin mujhse nahi.
Shayad aisi haal me Ravi hi thik rahega Nisha ke liye...At least baad me Nisha khush toh rahegi."
Ye soch kar Atul apne dil me patthar rakh ke iss baat ke liye khud ko mana leta hai...Bahut buraa lag raha tha usse Ravi aur Nisha ke baare me soch...Lekin haalaat ke saamne usko ghutna tekna hi pada.
Aankho me aansu ke saath usne iss baat ko maan hi liya.
Aur aaj ka din...Ravi ko aisa dekh uska khoon ubal raha tha...Hajaar gaaliyan usne khud ko diya uss din ki galti ke liye.
"Aakhir ye hai Ravi ka pyar?"
Dusri taraf Ravi...Shayad Atul ki badkismati...Usne Atul ko dekh liya...Lekin kuch iss tarah se Atul ko dekha ki Atul andaaza nahi laga sakta tha iss baat ko...Dar to bahut gaya tha wo lekin fir bhi usne himmat se kaam lene ka socha.
Wo kuch kharidne ki baat keh kar aage counter par jaata hai...Aur ishara se uss ladki ko apne paas bulaya...Atul kuch samajhta usse pehle hi dono waha se bhaag gaye.
Atul ko ek pal to vishwash hi nahi hua...Wo unn dono ke paas jaata usse pehle dono bike se nikal gaye.
Atul bas dekhta hi reh gaya.
Atul ko Ravi ka ghar pata tha...Wo waha gaya uski talaash me.
Lekin waha pahunchne par dekha ki ghar me taala laga hua hai...Padosi se pucha to pata chala ki, "Ravi ki Papa ka death ho chuka hai aur Ravi apne family ke saath iss ghar ko bech kar kahi aur shift ho chuka hai."
Ravi ke nayi ghar ke baare me koi padosi bata nahi saka.
Atul ke liye ye hairaani ki baat tha...Aakhir itni badi ghar chhod kar usse kahi aur jaane ki kya jarurat pad gayi.
Hairani se bhi jyada wo dar gaya tha...Nisha ke liye...Nisha ke baare me soch kar.
Bina koi der kiye wo Nisha ke ghar chala gaya...Uski Maa aur Papa se milne.
Waha pahuncha to dekha uss ghar me bhi taala laga hua hai...Padosi bhi jyada kuch madad nahi kar sake...Itna hi pata chala ki bahut pehle wo iss ghar ko chhod kahi aur shift ho chuke hai.
Atul ke liye ye bahut bada jhatka tha...Inn 5 saalon me na jaane kitna kuch badal chuka tha...Haalaat ke saath saath insaan bhi badal gaye thhe.
Dil me dar baithta jaa raha tha...Nisha se mile to mile kaise? Usse kaise dhundhe.
Bahut sochne par bhi kuch jawaab naa mila.
Bahut gussa aa raha tha usse khud par, "Ek din Nisha mili thi usse lekin fir bhi uska address nahi pucha...Usse uski life me khush soch dakhal naa dene ke liye kuch bhi nahi pucha."
Lekin aaj Nisha ki talaash me wo har jagah bhatak raha tha."
Kahi se bhi koi hint nahi mil raha tha usse.
Saamne itna bada sehar tha...Abb Nisha ko dhunde to dhunde kaha?
Lekin haar maan jaaye Atul itna bhi kayar nahi tha...Usse Nisha se milna tha uska haal chaal jaanna tha har haal me...Aaj na jaane kyu Atul ke dil me Nisha ke liye pyar aur fikr bahut badh gaya tha.
Wo bas yahi chahta tha ki Nisha jaha bhi rahe khush rahe...Lekin aaj Ravi ko jis roop me dekha tha usse lag raha tha ki Nisha bahut mushibat me hai.
Nisha ko dhundne se pehle usne sehar me rehne wale gaanw ke ek aadmi ko phone kiya mukhiya ji ko waapas gaanw le jaane ke liye...Naa jaane usse yaha kitna vakt lagta.
Nisha ko dhundne ki chakkar me wo har wo jagah jaa raha tha jaha usne aur Nisha ne vakt bitaaye thhe iss ummeed me ki Nisha usse waha mil jaye.
Pehle to wo park gaya...Bahut der intejaar kiya...Lekin Nisha waha aayi hi nahi.
Fir Cinema hall...Waha bhi wohi haal tha...Jheel, Riverside, College, Library aur bhi bahut si jaagh lekin Nisha kahi nahi milli.
Fir dhire dhire Bus Station, Museum, Market...Lekin Nisha kahi nahi mil rahi thhi.
Atul ka haalat bahut kharab ho gaya tha...Pure sharir se paseena se bheeng gaya tha...Kapde gande ho gaye thhe...Sharir thak kar kamjor padne laga tha...Lekin fir bhi...
Fir bhi wo haar maanne ke liye taiyar nahi tha...Naa hi thakaan...Aur naa hi bhukh pyaas...Dil aur dimaag me ek hi cheej tha Nisha...Nisha ki talaash to uske liye uski jindagi ki aakhiri makshad ban gaya tha.
Raat ho gaya tha...Lekin Atul ka talaash abhi bhi khatm nahi hua tha.
Raat me bhi wo wohi park me gaya jaha wo aur Nisha kabhi kabhi raat me vakt bitaane jaate thhe iss ummeed me ki kahi Nisha mil jaaye.
Abb usse raha nahi gaya...Aankhein aansu se bhar gaya tha...Dil me ek dard tha jo badhta hi jaa raha tha.
Atul:- Please ek baar mil jaao yaar...Itna bhi naa tarsaao.
Fir Atul rone lagta hai...Aaj aansu tha ki rukne ka naam nahi le raha tha.
Atul:- Jaanta hun bahut der kar diya...Hamesha tumhare bure vakt me saath deta tha...Lekin iss baar itna bura vakt me saath dene aa nahi saka.
Bas ek baar mil jaao...Tumhari har ghum ko dur kar dunga...Kisi tarah tumhari jindagi ko khushiyon se bhar dunga.
Please Nishu...Ek baar mil jaao.
Iske baad Atul khud ko rok nahi saka...Fut fut kar wo rone laga.
Raat me intejaar karte karte wo park me hi soo gaya.
Agle din bhi wohi haal tha...Wo ussi jagah fir se gaya jaha wo aur Nisha saath me vakt bitaate thhe...Lekin natija wohi...Nisha kahi nahi mili.
Sharir ki kamjori to badhta jaa raha tha...Lekin hausla aur junoon? Wo bilkul bhi kam nahi hua tha aur naa hi shayad ho paata.
Iss bich Atul ne khud ka khayal rakhna bhi bhul gaya tha...Raaste me kuch bhi kharid kar khaa leta aur aage ki talaash jaari rakhta...Bilkul paagal premi ban gaya tha wo Nisha ki pyar me aur yaad me.
Sochne samajhne ki taakat bhi kam ho gaya tha...Jitna soch sakta tha usne wo sab kiya lekin Nisha fir bhi nahi mili...Aur usse jyada wo soch bhi nahi paa raha tha.
Aise hi talaash ke vakt usse ek khayal aaya aur wo...
Ye kya haal bana liya Atul tune?
Hairaani me Ajay ne pucha...Raat ke 10 baje apne ghar ke baahar Atul ko iss haalat me dekh wo bhi kaafi dar gaya tha...Pehli najar me to wo Atul ko pehchan bhi nahi paaya tha.
Atul:- Tera help ki jarurat hai yaar?
Atul ki baat se hi uska dard, laachari aur kamjori dikh raha tha.
Ajay ne bhi Atul ka haal dekh kar pehle usko ghar ke andar le aaya aur fir uske liye khaane ka order kar diya.
Pehle wo Atul ko fir se normal banana chaahta tha aur fir Atul ki baat sunna chaahta tha.
Atul ka ye haal dekh wo bhi bahut dar gaya tha...Itna to samajh gaya tha wo ki kuch to bahut galat hua hai.
Atul abhi kuch khaana peena nahi chaahta tha...Abhi bhi dil me Nisha ke liye fikr aur dar tha...Lekin Ajay ke saamne uska kuch nahi chal paaya.
[Friends ek jaruri baat kehna tha...Picchle 24 dino me maine 14 updates post kar diye hai...Thoda free aur study load kam hone ki vajah se...Lekin kal se Central Nervous System suru hone jaa raha hai...Aakhiri system...Aur medical field me ye sabse tough maana jaata hai aur mera favourite...So iss baar study ke saath compromise nahi kar sakta...Pehle ki routines ki hisaab se update post karunga...2 ya 3 din me ek update...Daily ki chance bahut kam hai...Waise bhi story 10 updates ke around complete ho jaayega.]
