Dr. Sameer...Aapka choice hamesha se galat raha hai.
Nisha ne aate hi ye kaha.
Sameer:- Shayad.
Nisha:- Aap ko apne aas paas saccha pyar karne wala koi dikhta hi nahi...Galat logo se ummeed laga baithte hai aur jab aapki ye ummeed pura nahi hota to iljaam dusro par.
Aur kya lagta hai ye alcohol sab kuch theek kar dega? Jo aaj kal fir se peene lage hai?
Sameer:- Thik to nahi karta...Lekin ghum ko bhulaane me madad karta hai.
Abhi bhi Sameer ki baaton me koi bhaw nahi tha.
Sameer:- Waise abb kaun mujhse pyar karne lagi hai?
Sameer ne iss andaaz me kaha ki jaise wo isse bhi ek majaak samajh baitha hai.
Nisha:- Neha.
Sameer:- Neha
Hairaani me Sameer ki munh se nikla.
Nisha:- Haan...Lekin aapko dusro se kya matlab? Ek alag hi duniya bana liya hai aapne...Aur sirf wohi hota hai jo aapki marji.
Neha...Uski aapke liye pyar kisi se chhupa nahi...Bas aap hi hai yaa to samajh nahi paaye yaa fir samajhna hi nahi chaahte.
Sameer:- Mujhe kya pata tha ki wo pyar karti hai mujhse...Kabhi kuch kaha bhi nahi...Bas pichhe padi rehti hai aur majaak karti rehti hai.
Nisha:- Jaruri nahi ki kehne par hi aap ko samajhna chahiye...Kuch baato ki samajh aapko bhi hona chahiye?
Sameer:- Lekin mere dil me uske liye koi feeling nahi hai?
Nisha:- Aur wo kyu?
Sameer:- Kyu ka kya matlab? Nahi hai to nahi hai.
Nisha:- Aur mere liye tha.
Sameer:- Haan...Vajah bhi to bataya tha.
Nisha:- Neha...Kuch pata bhi hai aapko uske baare me? Wo dil ki kitni acchi hai...Logon ki khaas kar patients ki kitna care karti hai.
Jab wo patients ki itna care karti hai to apne saas sasur ka kyu nahi karegi.
Iss baat ne Sameer ko sochne par majbur kar diya.
Nisha:- Agar pyar nahi hai to bilkul mat kariye pyar...Pyar jabardasti nahi hota hai.
Lekin pehle logo ke baare me acche se jaaniye, samjhiye aur fir koi decision liya...Bas aise nahi ki pgar nahi hai to nahi hai.
Abb Sameer sach me gehraai se sochne laga...Usko Nisha ki baat sahi lagne laga.
Nisha waha se jaane hi wali thi ki Sameer ne usse rok kar pucha.
Sameer:- Ek baat puchna chaahta tha...Jo kayi din se mere dimaag me chal raha tha.
Sameer ne darte hue pucha.
Nisha:- Haan puchiye.
Sameer:- Aakhir aap Ravi ke saath khush kaise reh sakti hai? Bahut hi ghatiya insaan hai wo.
Nisha:- Ravi!!!Mujhe kya jarurat pad gayi uske saath rehne ki.
Sameer:- Lekin Ravi aapka husband hai naa?
Sameer ne bhi hairaani se pucha.
Nisha:- What? Kya bakwas kar rahe hai aap...Mai uss se shaadi karungi...Kabhi nahi...I am still unmarried.
Sameer ke liye ye bahut hairaani ki baat tha...Wo Nisha ko apne saath aane ki bol kar chala gaya Dr. Sourav ke cabin me.
Sourav:- Kya hua? Tu abhi iss vakt...Kuch kaam tha.
Sameer:- Tune kaha tha ki Ravi aur Nisha Husband Wife hai.
Sourav:- Haan...Pata karne par yahi pata chala...Maine Nisha ki ek classmate, Vikash se ye pata kiya.
Sourav bhi hairaan tha.
Nisha:- Ek baar Vikash se baat karwaiye meri...Uss bewkoof ne kaise dekh liya hamaare shaadi ko...Haan shaadi tay hua tha...Lekin maine baad me mana kar diya.
Nisha:- Jaruri to nahi ki shaadi tay hone ka matlab shaadi ho jaana hi hai.
Sourav:- Sorry.
Wo Nisha ka gussa dekh darne laga tha...Aaj tak Nisha ko itna gussa kabhi nahi dekha tha...Shayad Ravi ki naam se Nisha ka gussa aaj aasmaan ko chhu raha tha.
Nisha:- Mai Atul ke alawa kisi aur ke baare me soch nahi sakti...Aaj tak ussi ki yaad me hi jee rahi hun aur aage bhi...Please abb aap dono ye pyar aur shaadi ki baat mat kijiye.
Aur Dr. Sameer aap...Aap ko kya lagta hai sirf aapko hi love failure hua hai...Aap ki hi life me pareshaani hai...Sabhi ki life me apni apni pareshaani hoti hai...Iska matlab ye nahi ki peena suru kar de aur jindagi ko aise hi tabaah kar de.
Sameer ne kuch jawaab to nahi diya lekin uski jubaan se sirf itna hi nikla.
Sameer:- Atul!!!
Nisha:- Atul?
Sameer:- Nahi...Aapka Atul nahi...Mai kisi dusre Atul ke baare me soch raha hun...Bahut hi ajeeb tha wo.
Fir Sameer Atul ke baare me kuch aur baatein kehta hai...Lekin Nisha...Wo hairaani se Sameer ko dekhne lagi
Sab kuch match ho raha tha Sameer ke bataye hue Atul aur uske Atul ke bich.
Apna mobile on karke Atul ka 5 saal puraana photo dikhaya usne Sameer ko.
Jawaab aur bhi chaukaane wala.
Sameer:- Haan ye wohi hai.
Abb ek gehri khaamoshi chhaa gaya tha sabhi ke bich...Baat kaha se kaha pahunch gaya tha.
Nisha chup thi...Lekin dil me bahut saare sawal ghum rahe thhe...Dabaa hua pyar fir ubhar aaya tha.
Nisha:- Kaisa hai mera Atul?
Abb Nisha ki aankho se bhi aansu aane lage...Aur dil me salaamati ki dua.
Aaj man kar raha tha Atul ke baare me aur bhi jaanne ka.
Sameer:- 3 saal ke laghbhag hua hai mujhe Atul se mile...Mai uss vakt jis hospital me kaam karta tha waha Atul ne join kiya tha as a MD Student.
Hum dono me waise koi khaas dosti ya baatein bhi nahi hota tha...Hum dono hi apne life me iss tarah se khoye hue thhe kisi se koi matlab hi nahi hota tha.
Wo physician banne ki taiyaari kar raha tha aur mai Surgeon.
Lekin usme sabse jyada pasand mujhe iss baat ka tha ki wo sabhi ko izzat deta tha...Baat bahut kam karta tha lekin jitna bhi karta tha acchi baatein karta tha.
Sabse pehle mujhe kisi ka appreciation ussi se mila tha...Aaj bhi yaad hai uski baat.
"Sameer sir...You are a great surgeon...Kabhi kabhi dekha hai aap ko surgery karte hue...Accha knowledge hai aapke paas...Baaki se bilkul alag...Chhoti chhoti baato par bhi accha focus rehta hai aapka aur bahut hi careful ho kar aap apna kaam karte hai.
Mera bhi sapna hua karta tha kabhi surgeon banne ka...Jindagi ne ek aisi mod par laa khada kar diya ki abb physician banne jaa raha hun...Lekin khush hun...Shayad bahut logon ke kaam aaunga...Agar surgeon banta to bilkul aapki tarah."
Sameer:- Marks ke hisaab se average student...Haan lekin bahut talented tha...Kam padhta tha lekin jitna jarurat hota tha utna padh leta tha...Practical knowledge bahit accha tha jo bahut jaruri hai.
Uska life bhi mera jaisa hi tha...Padhne mein kaide man lagta.
Nisha:- Aapke jaisa?
Sameer:- Haan usne kaha tha ki uska bhi pyar safal nahi hua hai...Bilkul alag tha...Aur ussi me khush tha.
Nisha:- Lekin abb wo akela nahi hai... Laghbhag 2 saal pehle shaadi ho gayi hai. (Aarav ke baare me sochte hue...Mall ka wo incident jab Atul, Shreya aur Aarav saath thhe)
Sameer:- Nahi...2 mahine pehle usse mila tha...Ek kaam ke silsile me...Lekin tab bhi uska koi shaadi nahi hua tha.
Sameer ne kuch sonchte hue kaha.
Nisha ko to ek pal ke liye yakin hi nahi hua...Wo ek baar fir uss mall ke incident ko sochne lagi...Atul ne to kaha tha ki uska shaadi Shreya se ho chuka hai? Lekin.
Shayad Dr. Sameer sahi hai..."Acche se Atul ka wo expression karne lagi...Shayad wo kuch chupaana chaahta tha." Abb Nisha ko bhi ye baat sahi lagne laga.
Dil ki dhadkan ek dum se tej ho gaya...Dimaag ne to jaise kaam karna hi band kar diya tha...Hajaar sawaal uske dimaag me chal rahe thhe.
"Pata nahi Atul kis haal me hoga?" Ye sawaal abb Nisha ko pareshaan kar raha tha..."Khush bhi hoga yaa uski tarah hi tanhaai me puri jindagi kaata hoga?"
Nisha:- Are you sure?
Sameer:- Yes.
Fir Nisha waha aur nahi ruk saki.
Kuch hi ghanto ke baad Nisha ki Papa Atul ke ghar me thhe...Unhone bhi confirm kar liya ki Atul ka shaadi sach me hua nahi hai.
Atul se contact karne ki koshish kiya to jawaab mila "Mobile is switched off." Kuch der sochne ke baar Nidhi ne Shreya ko call kiya to pata chala "Atul abhi gaanw me nahi hai."
Bahut ajeeb haalat ho gaya tha...Sabhi ko Atul ke liye fikr ho raha tha...Kaafi dar bhi gaye thhe ki achanak Atul kaha chala gaya.
Atul inn baato se anjaan ki uske ghar wale aur Shreya uske liye fikr kar rahi hai, wo abhi bhi apne hi tlaash me bhatak raha tha.
Ajay se baat karke usne Nisha ka pata lagaana bhi chaaha...Lekin sehar ki kisi bhi ghar me Nisha aur uski family nahi mile...Naa hi kisi bhi hospital me...Aur sabse chaunkaane wali baat.
Ravi ka address mila lekin ye bhi pata chala ki Ravi ki shaadi kisi aur se hua hai...Usse kuch pucch bhi nahi sakte thhe kyuki wo 2 din se sehar se faraar tha.
Atul ke liye Nisha ko dhundne ki har ek tarika bekaar saabit ho raha tha.
Anjali aur Nisha ki contact bhi abb nahi tha...Khud Nisha ne hi sab kuch tod diya tha akele rehne ke liye sabhi se dur.
Aaj saalo baad Atul ne social media khola to 100 se bhi jyada msg thhe bahut log ke...Lekin jo jaruri thhi uska ek bhi nahi...Nisha bhi social media se bahut pehle hi dur ho gayi thhi.
Lekin Atul abhi bhi haar maanne ko taiyaar nahi tha.
Ek hafta ho gaya lekin koshish jaari tha...Aaj bhi wo Nisha ke saath jaha jaha ghuma tha uss jagah par jaata sirf ek ummeed ke saath..."Kahi to kabhi bhi wo milegi?
"
Khud ki haalat se be parwaah ho kar abhi bhi Nisha ki fikr tha usse...Bas ek baar milna chaahta tha...Bas ek baar.
Aur ussi ek baar ke liye usne apna haalat aisa bana liya tha ki Ajay se dekha bhi nahi jaa raha tha.
Dar to bahut lag raha tha Ajay ko...Lekin Atul ko rokne ki himmat usme bhi nahi tha...Bas apni taraf se puri koshish kar raha tha apne contacts se sehar ke baahar bhi Nisha ko dhundne ki...Lekin usse bhi niraasha hi haath laga tha.
Atul aur Nisha dono ka haal wohi tha...Milne ke liye bekarar thhe...Lekin majbur thhe...Itni koshish ki baawjud bhi abhi bhi ek dusre se dur thhe.
Bahut besabri se intejaar tha uss pal ka...Lekin kismat? Kya iss baar saath degi jo kabhi dono ko paas laata hai to kabhi dur le jaata hai?
Aise hi ek din raat ke 9 baje Atul ek gali se thak kar nikal hi raha thha ki uska saamna uss insaan se hua jisko wo dil bahut izzat karta tha.
Wo bhi hairaan thhe Atul ko aaj iss haalat me dekh kar.
Rahul sir bhi hairaani se Atul ko dekh rahe thhe.
.
.
.
.
.
.
Dr. Rahul:- To ye baat hai? Ek baar mujhse baat kar leta.
Rahul sir Atul ko apne ghar me laane ke baad bole.
Atul:- Sir aap jaante hain Nisha ke baare me.
Atul ne ummeed bhari aawaj me kaha...Pyase ko kua mil gaya ho...Kuch aisa hi haal tha Atul ka.
Dr. Rahul:- Haan.
Abb to khushi ka thikaana nahi tha...Murjhaya chehra me achanak se khushi ka lehar aa gaya.
Atul:- Bataiye naa sir...Jaldi.
Dr. Rahul:- Ruk aadha ghanta...Bataata hun.
Shayad Rahul sir bhi Atul ka majaa lena chahte thhe.
Atul:- Please sir...Aur intejaar nahi ho raha hai.
Atul ka bechaini bhi badhta jaa raha tha.
Dr. Rahul:- Aadha ghanta to tujhe intejaar karna hi padega...Abhi mai bhi bhul chuka hun address.
Hospital jaana padega...Yaad hai wo din jab Nisha ki Papa ka accident hua tha aur wo admit hue thhe.
Bas uss din formality ke liye address puccha tha...Report me likha hai...Jo abhi yaad nahi.
Abb Atul ne gusse me apna sir pitaa...Ye baat wo soch nahi saka...Nisha ki talaash me usne kitna kuch kiya tha...Lekin ye chhoti si baat bhul gaya tha.
Atul ka bechaini itna badh gaya tha ki wo bhi sir ke saath hospital gaya.
Address ek gaanw ka tha...Address pata chalne ke baad.
Atul apna haath jod kar.
Atul:- Bahut bahut shukriya sir...Sab kehte hai guru bhagwaan samaan hote hai...Aapne mujhe gyan dene ke saath saath jindagi ki ek makshad bhi de diya.
Aaj Rahul sir ke liye Atul ke dil me izzat kaafi badh gaya tha...Rahul sir ko dekhte hue uski aankho me ek aansu aa gaya.
Lekin iss aansu me ek khushi tha, ek ijjat tha.
Dr. Rahul:- Viva (Practical exam, Interview jaha teacher question puch kar students ko mark dete hai) ke vakt hamesha tujhe all the best kaha hai...Aaj jindagi ki imtihaan me bhi all the best...Jaa jee le apni jindagi...You deserve it.
Rahul sir ne Atul ko gale laga kar kaha...Wo bhi khush thhe aaj Atul ko itne dino baad khush dekh kar.
Rahul sir se vidaa le kar Atul Ajay ko ek call center se phone karke bulaata hai.
Ajay:- Haan bhai bol.
Atul usse sab kuch bata deta hai.
Ajay:- To abb kya karna hai?
Atul:- Ye le 20 rs.
Ajay hairaani se Atul ko dekhta hai.
Atul:- Koi baat nahi...Rakh le...Kaam aayega auto se jaane me.
Itna keh kar Atul Ajay ki haath se bike ki keys chheen leta hai.
Kuch der to Ajay Atul ko bas dekhta raha...Jab samajh me aaya to wo bhi Atul ke saath hasne laga.
Aaj Atul ko khush aur puraane andaaj me dekh usse bhi bahut accha laga.
Ajay:- Mai bhi saath chalta hun.
Atul:- Nahi...Aaj mere aur Nisha ke bich koi nahi.
Ajay bhi samajh gaya ki Atul ko rokna uske bas ki nahi hai.
Ajay:- Accha...Aaram se jaana.
Fir nikal padta hai Nisha ki gaanw ke liye...Bike ki speed karib 100 km/hr tha...Jald se jald wo Nisha ke paas jaana chaahta tha...Usse aaj jee bhar kar dekhna chahta tha...Dil me utth rahe hajaar baatein karna tha...Ek baar fir dil aur dimaag se bas apne Nishu ka banna tha.
Karib 5 minute baad Ajay ka phone aaya.
Ajay:- Dhire jaayega to jarur pahunchega...Agar tej jaayega to bata nahi sakta...Ye baat Dr. Atul ko Atul se kehna chaahiye...Prevention is better than cure.
Fir Ajay phone cut kar deta hai.
Atul:- Kameene mujhe hi mera dialogue suna raha hai.
Ajay ki baat Atul ko sahi laga...Wo speed ko 100 se 60 me giraa deta hai.
Aur karib 10 minute baad wo pal aaya jab dono hi 5 saal aur 6 mahine intejaar kar rahe thhe.
Nisha Nisha...Chillate hue Atul ghar ke andar ghusha...Abb usse aur raha nahi gaya.
Nisha bhi ye sunte hi daud kar hall mein aa gayi...Kaise bhul jaati iss aawaj ko jisse sunne ke liye uske kaan taras gaye thhe.
Dono hi ek dusre ke aamne saamne aa gaye thhe...Kya pal tha wo?
Dono bas ek dusre ko hi dekh rahe thhe...Dil ka dhadkan kaafi tej ho gaya tha...Dil me pura pyar bhar aaya...Aankhein...Aankho ko to ek sukoon mil gaya tha...Itna sukoon ki wo bardaast ke baahar ho gaya tha...Dhire dhire dono ki aankhein bheeng gaye.
Bas dono puri duniya bhula kar ek dusre me kho gaye thhe...Kisi se unhe koi lena dena nahi tha...Naa hi gate kholne wale Nisha ke Papa se aur naa hi Atul ki aawaj se hall mein aayi Nisha ki Maa se.
Bas dono ek dusre mein hi khoye thhe jaise 5 saal ki aankh aur dil ka pyas abhi mitaa lena chaahte thhe.
Papa mai ye shaadi nahi karungi?
Thods virodh aur gusse mein Nisha boli.
N. Dad:- Lekin kyu?
Nisha:- Mujhe Ravi bilkul bhi pasand nahi hai...Infact mai shaadi hi nahi karna chaahti kabhi bhi.
Nisha ki Papa bas Nisha ko dekhe jaa rahe thhe hairaani se.
Nisha:- Maine aapki baat ko maana...Aapki ijjat rakha ki Atul ke saath bhaagne ki socha bhi nahi...Aur kabhi aapse virodh bhi nahi kiya iss rishte ko thukraane ke liye...Aap apni jagah sahi thhe...Aur aaj mai apni jagah sahi hun.
N. Dad:- Lekin aise kaise chalega?
Nisha:- Abb aap jabardasti karenge to mai kuch nahi kahungi...Abb aap par depend karta hai ki aap apni beti ki baat maanenge yaa fir ek egoist Papa ki tarah apne ego pura karne ke liye jabardasti meri shaadi karwayenge.
N. Dad:- Nahi...Koi jabardasti nahi karunga...Teri marji se hi sab kuch hoga...Bas mai tere khushi ke liye....
Nisha:- Kaisi khushi? Wo khushi jo shaadi karne ke baad mai puri tarah se mar jaau...Wo khushi?
Nisha ki Papa ko abb kuch samajh me nahi aa raha tha.
Nisha:- Mar to ussi din gayi thi jab Atul se alag ho gayi...Aur aaj Atul sab kuch chhod kar chala gaya hai...Abb aur sehne ki himmat nahi hai mujhme.
Aapka maan rakha...Aapko Atul ka pariwar sahi nahi laga aur shaadi ke liye mana kar diya...Maine kuch nahi kaha...Pata nahi maine sahi kiya yaa galat.
Lekin abb mai shaadi karna hi nahi chaahti hun...Kisi se bhi nahi.
Pyar ka ye kaisa jaadu tha ki aaj ek beti apne hi baap se lad rahi thi pyar ke maamle mein.
Nisha ki Papa kuch bol nahi paa rahe thhe...Uss vakt to unhone socha Nisha dhire dhire samajh jaayegi...Aur wo Nisha par koi jabardasti bhi nahi karna chaahte thhe.
Tumne shaadi ke liye mana kar diya?
Dard bhari aawaj me Ravi ne pucha.
Nisha:- Haan.
Bina kisi bhaaw mein Nisha ne jawaab diya.
Ravi:- Lekin kyu?
Nisha:- Tum mujhe bilkul bhi pasand nahi ho...Tum jaise ghatiya insaan ko dekhna tak pasand nahi karti shaadi to dur ki baat hai.
Ravi:- Lekin kyu? Bahut pyar karta hun yaar tumse? Aakhir mujh me aisa kya nahi hai jo Atul mein hai?
Nisha:- (Hanste hue) Atul se khud ko compare kar rahe ho.
Nisha ki ye hansi Ravi ki dil me chubh gaya...Aaj fir Atul se chhota meshsus kiya usne...Wo kuch bol nahi paaya.
Nisha:- Sabse badi baat...Atul mujhe sirf pyar nahi karta hai...Wo mujhe respect bhi karta hai...Mera har feeling ka respect karta hai...Ek baar usse mana kar diya iss shaadi ke liye...Mera majburi samajh kar wo ye bhi maan gaya.
Aur ek tum ho jab pasand naa hone ke baawjud jabardasti koshish karte rehte ho...Yaha tak ki itna bada saajish bhi kar diya.
Ravi:- Please ek baar pyar kar lo...Jindagi bhar khush rakhunga tumhe.
Ravi abb gidgidaane laga tha.
Nisha:- Har kuch bheekh me nahi milta...Kuch cheejein haasil karne ke liye uske laayak hona padta hai...Tum jaise ghatiya insaan pyar ke laayak?
Nisha abb waha se jaane hi wali thi ki.
Ravi:- Mujhe jabardasti karna bhi aata hai.
Abb Ravi ke paas aur koi raasta nahi tha.
Nisha:- Aur mujhe Ajay se baat karna bhi aata hai.
Ajay ka naam sunte hi Ravi chup ho gaya...Kuch himmat hi nahi bacha.
Nisha:- Tumhara haalat Ajay ka naam sun kar thik waisa hota hai jaisa bhooton ka bajrang bali ka naam sun kar.
Ravi:- Ajay...Ajay...Ajay ke alawa hai hi kaun tum logo ke paas.
Nisha:- Shukr manaao Atul ke baare me socha nahi...Agar Atul ko pata chal gaya to wo tumhe yahi jinda gaad dega.
Itna keh kar Nisha waha se chali gayi...Jindagi me waise bhi itna tension tha aur aise me wo kab tak uss bewkoof se baat karti rehti.
Bas Ravi khud ko haara hua mehsus kar Nisha ko jaate hue hi dekh saka.
Nisha ki Papa ne bhi kuch koshish kiya Nisha ki rishta ke liye...Ek do rishta bhi dekha unhone lekin Nisha apne jidd me addi rahi.
Pyar ka ek aisa shiddat aur junoon tha ki wo Atul ko kabhi bhula bhi nahi paa rahi thi...Ulta pyar aur bhi badh raha tha.
Nisha ki Papa jabardasti nahi karna chahte thhe aur Nisha bhi maanne ke liye taiyaar nahi thi.
Wo kuch kar nahi paa rahe thhe aur Nisha ko aise dukhi dekh bhi nahi paa rahe thhe.
Apna faisla ko badal kar Nisha ko bin bataye wo Atul ke ghar bhi gaye lekin Atul tab tak waha se dur chala gaya tha.
Atul ke ghar walo ne bhi unhe Atul se milne ki har raasta band kar diya tha.
Nisha bhi dhire dhire as a doctor duty karne lagi aur baad me MD ki taiyaari...Vakt beet raha tha lekin uska Atul ke liye pyar nahi.
Jab uska ghar me ghutan badh raha tha Atul ki yaad mein to uske parents Nisha ko le kar apne gaanw shift ho gaye...Fir Nisha wahi paas ke sehar me kaam karne lagi.
Nisha ne ghar ki kharcha apne kandhe par utha liya...Apne parents ka acche se khayal rakhti lekin uska dard aur ghutan uske parents se bhi anjaan nahi tha.
Wo bhi majbur thhe aur aise hi chamatkaar ke intejaar me thhe jo aaj jaa kar pura hua.
Nisha bas yahi sab soch rahi thi tabhi...
Atul abb aur khada nahi reh paaya...Itne dino ki thakaan ki vajah se wo niche jameen me gir gaya.
Nisha bhi bina der kiye pahunch gayi Atul ke paas...Usse sambhaalne.
Kuch der se Atul ko lagatar aasmaan ko ghurte dekh Nisha ne pucha.
Dono ko chhat par aaye to kaafi der hua tha lekin abhi tak ek dusre se koi baat nahi kiya tha dono ne.
Aaj dono bas khaamoshi ko jee rahe thhe dono...Iss me chhupa pyar ko...Dono ek dusre ke saath aur paas thhe...Yahi kaafi tha dono ke liye.
Nisha ki iss sawaal se Atul ka dhyan tutaa.
Atul:- Bas aasamaan ki inn taaro ko dekh raha hun.
Jab bhi pehle dekhta to aisa lagta ki ye sabhi mil kar mujhe chhidhaa rahe hai...Mere haalat par hans rahe hai...Lekin aaj...Aaj inki chamak dekh lag raha hai ki ye mere khushiyon ka swagat kar rahe hai.
Ye kehne ke baad Atul ka muskaan aur bhi badh gaya...Abb wo apni najar aasmaan se hataa kar Nisha ko dekhne lagta hai.
Nisha:- Superstitious!!!
Atul:- Haan superstition to hai...Jaise tumhe khone ke baad fir se paana bhi to ek superstition hi to hai.
Atul ki iss jawaab par Nisha sirf smile hi kar paayi.
Nisha:- Waise sunaa hai tum abhi bhi single ho...Shreya se divorce ho gaya kya Mr. AK?
Atul:- Kya tum bhi? Uss din misunderstanding hua tha iss vajah se wo sab karna pada.
Waise tum aur Ravi uss din saath kaise thhe?
Nisha:- Wo din hi panouti tha...Ek project tha...Team me kuch doctors ke alawa wo Ravi bhi tha unfortunately...Project complete hone ke baad mall me gayi thi kuch shoppoing karne ke liye...Ravi picche hi pad gaya...Haar maana nahi tha usne...Manaane ki koshish kar raha tha uss din bhi.
Jaise hi mai usko ignore kar ke mall se baahar nikli to wo bhi aa gaya...Aur saamne tum aur Shreya.
Atul:- Bataya kyu nahi uss vakt tumne?
Nisha:- Kuch bataati usse pehle hi tum ne ye shock de diya ki tum aur Shreya ne shaadi kar liya hai aur Aarav tum dono ka beta hai...Fir kya bataati? Mai tum dono ke life me dakhal nahi dena chaahti thi.
Atul:- Saala Ravi!!!! Uska acche se khabar lunga.
Atul ke munh se gusse me nikla.
Nisha:- Usko side hataao...Uss ke do din baad public me uska aise insult kiya ki dobaara munh dikhaane ka himmat bhi nahi kar paaya.
Atul ne kuch jawaab nahi diya iss baat ka...Bas man mein soch liya Ravi ko sabak sikhaane ka.
Nisha:- Agar uss din wo galatfehmi naa hoti to?
Atul:- Shayad kismat se jyada aur vakt se pehle kuch nahi milta.
Nisha:- Bada philosopher ban gaye ho.
Atul:- Haan tumse bichhadne ke baad kuch jyada hi philosophy jhaadne laga hun life ke baare me.
Atul ne daant dikhaa kar kaha.
Nisha:- Aur agar aur bhi jyada bicchadte to vidhwaan ban jaate.
Bura munh bana kar Nisha boli.
Atul:- Philosophy jaaye bhaad mein mujhe to sirf tum chahiye.
Itna keh kar Atul Nisha ko apne baaho mein khinch leta hai...Nisha bhi sambhal nahi paati aur Atul par gir padti hai.
Nisha:- Ouch!!!Kya tum?
Fir Nisha ki najar Atul par padti hai...Atul pyar se uski aankho me dekh raha tha.
Aankho ki ye pyar badhte badhte kab honthon tak pahunchta hai pata hi nahi chalta hai.
Dono aaj itne saalo ki pyas mitaa rahe thhe...Pyar ka ye roop aur bhi badhte jaa raha tha...Aur dhire dhire dono ek dusre par toot padte hai.
Pyar ka ye nasha abb Atul ke sir par chaddh chuka tha...Wo aur abhi aage badh raha tha ki.
Nisha:- (Kaan me) Shaadi ke baad.
Pata nahi kaisa jaadu tha Nisha ki aawaj me...Atul pighal gaya...Kuch der aise hi kiss karne ke baad.
Atul:- Tumhaari yahi adaa...Kahi mar naa jaau tumhare pyar me.
Ek santushti ke saath Atul bola.
Nisha:- Fir marne ki baat?
Atul:- Sorry sorry...Aadat se majbur hun.
Nisha:- Waise kis adaa ki baat kar rahe thhe?
Nisha ne pyar se pucha...Shayad apna taarif sunne ka bahut man kar raha tha itne saalo baad Atul se.
Atul:- Tumhari ye pyari pyari baatein!!! Kabhi bhi kuch bhi manwa hi leti hun...Tumse chahe kitna bhi gussa ho jaaun lekin tumhari ye pyari baatein aur khubsurat sa chehra dekh pighal hi jaata hun.
Nisha jawaab me sirf mushkuraati hai.
Atul:- Waise mai tumse naaraaj hun.
Nisha:- Naraaj kyu?
Atul:- Hamesha mai bolta hun aur tum sunti ho...Mera bhi to dil hai...Aur ye dil chahta hai tumhari baatein sunne ko...Tumhari icchaa jaane ko...Unhe pura karne ki har ek koshish karne ko.
Nisha:- Accha to ye hai tumhari shikayat...Abhi pura kar deti hun...Bolo kya sunna chaahte ho?
Atul:- Humaara love story ka suruwaat mere propose karne se hua tha...Aaj hum fir mil rahe hai? Tum propose karo iss baar mujhe.
Nisha kuch soch hi rahi thi ki...
Atul:- Kuch aise propose karo ki dil khush ho jaaye...Koi ghisa peeta puraana line nahi.
Nisha:- To suno.
Atul:- Sunaao.
Atul bahut hi excited tha.
Nisha:- Whenever I see you, I feel you, Oxytocin (love hormone) is synthesized in my anterior hypothalamus and released from posterior pituitary to circulation. And my intensity of love for you increases to multiple times.
Nisha ne muskuraate hue kaha to Atul kuch der hairaan reh gaya...Jab kuch samajh me aaya to wo bhi muskuraane laga.
[Oxytocin name ka ek hormone hota hai humaare body me jo pyar, emotion jaise feeling ke vakt kaafi jyada release hota hai humaare body se.]
Atul:- Oh ho...Meri doctor biwi.
Itna keh kar Atul fir Nisha ko kas kar gale laga leta hai.
Atul:- Sach me dil ke saath saath har ek ang (organ) khush ho gaya.
Nisha:- Abhi tumhari biwi nahi hun.
Atul:- Koi baat nahi...Ho jaaogi...Iss propose sunne ke baad to aur ruka hi nahi jaa raha hai.
Nisha kuch nahi bolti...Lekin khush bahut thi...Wo bhi to yahi chaahti thi.
Fir dono aise hi ek dusre se pyar bhari baat cheet karte hai...Itne dino ki gile shikwe bhi mitaa rahe thhe aur saath hi aane wale din ki sunhare sapne.
Nisha:- Abb neend aa rahi hai...Mai jaa rahi hun sone.
Atul:- Ye kya yaar? Itne dino baad mile hai...Aaj ki raat humaari hai...Aaj puri raat ek dusre ke saath rahenge meethi meethi baatein karenge.
Aur fir dono apni baatein jaari rakhte hai...Dhire dhire Nisha Atul ki baaho mein sir rakh sone ki koshish karti hai.
Atul bhi usko side se baaho mein bhar leta hai...Ek najar Nisha ki face pad daalta hai...Aaj alag hi sukoon mil raha tha jiska wo 5 saalo se intejaar kar raha tha...Dhire dhire wo Nisha ki baalo par haath fer kar usse sulaane lagta hai.
Nisha bhi dhire dhire neend ki aaghosh me chali jaati hai...Atul ki kandha par sir rakh wo sukoon ke saath soo gayi thi.
Atul kabhi soo rahi Nisha ko pyar se dekhta to kabhi aasmaan me dekh uparwala ka shukriya adaa karta.
Abb story 3 updates aur baaki hai...3 ya 4 din me story complete ho jaayega...Aap sab aise hi saath bane rahiye.
[Friends aaj hi next story start kiya haiEk Bhool 2...Uss story me bhi jarur saath dijiye jaise aap sabhi ne mere sabhi stories me diya hai...Link niche hai.
Atul:- Puraane Atul banne ki koshish kar raha hun...Aur aisa kabhi hua hai kya ki mai dating me time par pahuncha hun.
Nisha:- Aao abhi puraana Atul bana deti hun.
Atul:- Kaise?
Nisha:- Peet peet kar...Yaad hai naa puraana Atul ko kitna peet ti thi mai.
Nisha ki iss baat par Atul kuch der bura saa munh banaata hai aur fir.
Atul:- Manjur hai...Tum kaho to jaan de dun maar khaana kaun si badi baat hai.
Nisha kuch der Atul ko gusse se dekhti hai aur fir sach me peetne lagti hai.
Nisha:- Hamesha marne ki baat...Kya issi liye iss din ka intejaar kar rahi thi mai?
Iss baar Nisha ki aawaj me sach me gussa tha.
Atul :- Sorry sorry...Kabhi kabhi kuch jyada hi romantic ho jaata hun...Aage se nahi.
Atul Nisha ko apni baaho me bhar kar kehta hai.
Atul:- Ye kya hai?
Ek box ko dekhte hue Atul ne kaha jo abhi Nisha ne bag se nikaala tha.
Nisha:- Aankhein band karo.
Atul aankh band kar leta hai aur Nisha Atul ke gale mein kuch baandh deti hai.
Nisha:- Abb kholo.
Aankh kholne par Atul dekhta hai ki wo ek golden chain tha...Jo iss chaandni raat mein aur bhi chamak raha tha.
Atul:- Ye ?
Atul sach me surprised tha...Usse kuch bola bhi nahi jaa raha tha.
Nisha:- 3 saal pehle kharida tha...Dekhte hi pasand aa gaya...Socha tum par achha lagega...Aur kharid liya...Bas dukh issi baat ka tha ki uss vakt tumhe de nahi paayi.
Ye sunte hi Atul ne fir se Nisha ko gale laga liya...Iss baar uski aankhon mein aansu aa gaye...Khushi aur Pyar ke aansu.
Atul:- Main bahut khush kismat hun ki tumne mujhe pyar kiya...Itna pyar ki shayad hi mai deserve karta hun.
Nisha Atul ki honth par ungli rakh deti hai.
Nisha:- Tum hi kehte ho naa ki pyar haisiyat dekh kar nahi kiya jaata.
Atul:- Pyar mein bhul jaata hun.
Muskuraa kar Atul ne kaha.
Kuch vakt aise hi pyar bhari baat karne ke baad.
Atul:- Nishu ek baat samajh me nahi aaya...Aaj humari dating tumne yaha kyu select kiya?
Aur waise bhi yaha issi ground mein naa jaane kitni raatwin beeti hai tanhaayi ke...Aankho me aansu liye chaand ko dekhte hue hajaaro raatein bitaaye hai.
Socha aaj issi chaand ke niche khushi ke pal bitaau...Ghum ke har ek pal ka hisaab barabar karna hai...To socha aaj se hi suruwaat karu.
Nisha ki ye baat Atul ke dil ko chhu gaya...Yaa fir yun kahe ki Atul ke dil ki baat Nisha ne keh di.
Uska kahani bhi to aisa hi tha...Har vakt ek khaalipan...Ek dard...Ek tanhaayi...Khaalipan me hi to jeena sikh gaya tha wo bhi...Aur naa jaane kitni raat chaand ko bheegi aankhon se dekh raatein gujaara tha.
Aur aaj...Sab kuch usse mil gaya...Uski dil ki dhadkan aur aankho ki sukoon...Uski Nishu...Aaj uske paas thi...Hamesha Hamesha ke liye.
Atul:- Tumhara pyar ka koi jawaab nahi...Aur aaj jis tarah se tumne apna pyar jataya uska to mai deewana ho gaya.
Atul ki aankho mein bhi abb deewanapan jhalak raha tha.
Nisha bas muskuraate hue Atul ko dekhti hai.
Kuch der baad Atul ke dimaag me ek sawaal aata hai.
Atul:- Waise tum yaha iss gaanw mein kaise?
Nisha:- Tumhare jaane ke baad mera bhi man waha nahi lagta tha...Bheed bhaad wale uss jagah se kahi dur bhaagna chaahti thi.
Papa ko bhi laga ek din ki waha se shift ho jaana chaahiye...Aur fir hum apne dada ji ki iss gaanw aur ghar me aa gaye.
Aur yaha aane ke baad ek vajah bhi mil gaya jeene ki...Khud ke liye aur apni family ko support karne ke liye paas hi ki choti si sehar ke hospital me kaam karti hun.
Aur thoda bahut paiso se gaanw walo ki ilaaj.
Tum bhi to waha gaanw mein wohi karte ho naa...Jab tum itna accha kaam kar sakte ho to mai kyu nahi?
Pyar karti hun tumse aur tumhara har acchaayi aur har buraayi ko apnaya hai.
Atul ke dil me Nisha ke liye pyar aur bhi badh raha tha...Pyar ke saath izzat bhi...Aaj Atul ki najar me Nisha ka pyar bahut mahaan tha.
Atul:- Itna pyar?
Nisha:- Kyun? Pyar karne ka aur jataane ka copyright tum ladko ke paas hi hai?
Atul:- Nahi...In fact, right (hak) to love is for all organisms from anaerobic bacteria to human beings.
Kuch der ghurne ke baad.
Nisha:- Kuch jyada philosophy nahi jhaad diya?
Atul:- Pyar mein kabhi kabhi bakwaas bhi karne lag jaata hun.
Nisha:- Accha to fir ye bataao...Ki pyar mein tum kya nahi karte ho?
Atul:- Tumhari khushi ki dua maangna nahi bhulta.
Nisha jawaab mein sirf muskuraati hai.
Dono aise hi hansi majaak kar rahe thhe ki Atul ko kuch yaad aata hai.
Atul:- Maine jaate vakt tumhe ek Kasam diya tha jo tumne nahi nibhaya?
Nisha:- Kya kasam?
Atul:- Tumhe khush rehne ka...Lekin tumhari jindagi mein bhi meri tarah dard hi dard tha.
Maine to apna kasam nibhaya ki kabhi shaadi karunga lekin tumne?
Nisha:- Maine bhi nibhaya hai...Tumne kaha tha khush rehne ke liye.
Aur meri khushi issi mein tha ki tumhare yaado mein jeena...Tumhare baare mein sochna...Tum se pyar karna...Tumhara intejaar karna.
Har pal tumhe apne aas paas chaahti thi...Hakikat me naa sahi yaado mein hi sahi.
Atul kuch bol nahi paaya...Bas Nisha ko apne saamne mahaan dekh raha tha.
Nisha:- Waise tum galat thhe uss vakt?
Atul:- Kaise?
Nisha:- Tumne kaha tha..."Love is not Everything."
Muskuraate hue
Atul:- Wo to bas tumhara himmat badhaane ke liye keh diya tha...Ye nahi chaahta tha ki mere yaado mein tum apna jindagi barbaad kar lo
Nisha:- Lekin pyar ki gehraayi me utar kar dekho...Sabse jaruri cheej pyar hi lagega...Apno ka saath aur apno ki khushi...Issi ke liye to hum jeete hai...Love is mental and physical satisfaction and a way of happiness...Iske saamne bahut kuch feenka pad jaata hai.
Atul:- Not exactly, "Love is everything" but Love is the best ever emotion and most important component of life.
Mere liye bhi...Bahut kuch haasil kiya life mein...Higher degree, Fame, Respect aur paise kamaane ka bade bade mauke lekin pyar ke saamne ye cheej kuch bhi nahi laga.
Hamesha pyar ko talaashta raha aur wo talaash tumhare milne se puri ho gayi...Aur saari khushiyan waapas mil gaye.
Jindagi me har ek cheej jaruri hai...Sahi vakt me sahi cheej..Lekin pyar, apno ka saath, aur physical and mental satisfaction hi mujhe bhi sabse jyada jaruri laga...Agar ye sab hai to aur kisi bhi jarurat ko puri kar sakte hai.
Ye keh kar Atul ne Nisha ko dekha jo Atul ki baat par sehmat najar aa rahi thi.
Atul ne khamoshi ko tod kar kaha...Kaha kuch der pehle sab khush thhe Atul aur Nisha ko saath dekh kar...Lekin Atul ki iss baat ne sabhi ko niraash kar diya...Khaas kar Atul ke Papa ko.
Atul:- Sirf aap dono.
Iss baar Atul ne Gaurav aur Papa ko dekhte hue kaha jo jakhm me namak daalne ka kaam kar raha tha.
Fir se ek khamoshi chhaa gaya...Maa aur Di bhi kuch bol nahi paa rahe thhe aur Gaurav aur Papa kuch bol nahi sakte thhe.
Atul:- Di, kya Nisha aapke room mein reh sakti hai kuch din ke liye?
Nidhi:- Haan...Jarur.
Bas itna hi bol paayi Nidhi...Kaha wo sasural se Atul ko milne aayi thi...Uski khushi dekhne aayi thi itne saalo ke baad lekin Atul...Wo Atul ke liye khush to bahut thi dono ko saath dekh kar lekin Atul ki ye kadwi baat...Ye baaton me bhi alag hi dard tha.
Atul fir apne room ki taraf jaane hi wala tha ki.
Gaurav:- Bhai.
Himmat kar ke Gaurav ne Atul ko rokne ki koshish ki.
Atul waapas mud kar Gaurav ko ghurta hai.
Gaurav:- Kam se kam Papa ko bhi bula leta.
Atul:- Mujhe fir se shadi nahi tudwana hai.
Papa ki taraf dekhte hue Atul ne kaha.
Gaurav:- Tujhse ye ummeed nahi tha.
Niraash aawaj me Gaurav ne kaha.
Atul:- Accha, Bura ka gyan de bhi kaun raha hai?
Atul hanste hue bola.
Gaurav:- Haan bura tha mai...Lekin iska ye matlab nahi ki aur bhi galtiyan karu aur kisi ki galti par chup rahu ye soch kar ki kabhi mai bhi galat tha.
Atul ne kuch nahi kaha.
Gaurav:- Maanra hun maine tere saath galat kiya hai...Nafrat karta tha tujhse...Lekin Papa...Unki kya galti?
Atul:- Galti unka nahi...Mera tha...Maine hi kuch jyada expectation kar liya tha unse...Ye expectation ki ek pitaa ko unke santaan ki prati farz nibhaane ki...Lekin shayad ye kuch jyada tha.
Puch Papa se...Kabhi wo mere kisi success ke liye khush thhe? Kabhi mera kisi iccha ko dil se pura kiya? Puch.
Hamesha tujhe hi apna beta maana hai unhone...Ye galat nahi...Apne beta se pyar karna galat nahi...Lekin bhedbhaaw?
Puch? Ye biased hai ya nahi? Puch?
Atul ki aawaj me jamaane bhar ka gussa tha...Bolna to aur bhi chaahta tha wo lekin bola nahi.
Gaurav:- Mujhe puchne ki jarurat nahi.
Ye sun Atul gusse mr bhi muskuraata hai ye soch kar ki Gaurav ke paas uske sawaal ke jawaab nahi hai.
Gaurav:- Kyu ki mai jaanta hun kitna pyar karta hai ye tujhe...Dekha hai, mehsus kiya hai...Puchne ki jarurat nahi hai.
Hamesha chaaha maine tere liye Papa ke dil me nafrat paida karu...Tera galtiyan dikha kar bahut baar tujh par gussa hone ke liye majbur karne ki...Lekin Papa me kabhi badlaaw nahi aaya...Ye jitna pyar mujhse karte hai utna tujhse hi karte hai.
Atul:- Tera ye joke itna bakwas hai ki mujhe hansi bhi nahi aa raha hai.
Gaurav:- Agar tu Papa ko galat samajhta hai to tu bhi galat hi hai.
Atul kuch nahi bola...Bas gusse se Gaurav ko ghurta raha.
Gaurav:- Papa ko tu jaanta hi hoga...Wo kabhi jyada baatein nahi karte...Bas jarurat ki hisaab se...Tujhe lagta hai ki Papa tere utna karib nahi thhe...To mai pucchta hun ki tune Papa ke karib jaane ki koshish kabhi kiya?
Atul iss sawal par kuch bol nahi paaya.
Gaurav:- Mai jaata tha...Haan makshad alag tha...Lekin fir bhi jaata tha...Issi liye tujhe lagta hai ki Papa sirf mujhse hi pyar karte thhe.
Lekin maine khud ko special kabhi feel nahi kiya iss maamle mein...Wo tujhse fir bhi utna hi pyar karte thhe.
Atul abb Gaurav ki baat seriously sunne laga.
Gaurav:- Aur tera MBBS mein admission ki vakt !!! Haan tera aur Papa ke bichaar alag thhe...Tera complaint ye tha ki Papa tere wish ke khilaaf hai.
Tu apni jagah sahi tha...Lekin Papa bhi galat nahi thhe...Unhone apne time ke struggle dekha hai...Unhe laga ki tu business ko continue karke accha khasa paisa kama sakta hai.
Tu chahta to Papa ko acche se samjha sakta tha...Lekin ek do baar samjhaya...Papa convinced nahi hue to apne dimaag me ye baat set kar li ki Papa teri wish pura karna nahi chaahte aur unhe aur samjhane ki koshish hi bekaar hai.
Atul abhi bhi bas Gaurav ki baat sun raha tha.
Gaurav:- Ek baat kahu...Agar jitna time tu Nisha ko deta tha usse aadha Papa ko deta to aaj baat aur hoti.
Atul:- Aeeee....
Gusse me chikha Atul.
Gaurav:- Sach baat hai ye...Aur waise bhi gu sirf unhi se baat karta tha jo tujhe pyar dikhate thhe...Maa, Di, Nisha aur tere dosto ke alawa kisi se tune kabhi time spend kiya hai?
Atul iss baar bhi kuch bol nahi paaya.
Gaurav:- Ghamand to tujh me tha...Iss baat ki ghamand ki tu sahi hai aur tujhe unki koi jarurat nahi jo tujhe matlab naa de.
Agar Papa ke saath thoda bahut time spend karta to pata chalta kitna pyar karte hai ye tujh se...Agar Papa me kuch kami hai to ye ki ye apne feelings ko acche se jaahir nahi kar paate.
Yaad kar...Tera pocket money...Tujhe lagta hoga ki ye tujhe Maa se milta tha...Lekin Papa hi Maa ko vakt se dete thhe...Ye keh kar ki tujhe koi kami nahi hona chaahiye...Bahut baar dekha hai maine khud hi...Tera har demand bike, laptop, Mobile, Internet, Sports, Tour...Kisi me bhi bina koi sawal kiye pura kiya hai.
Lekin tujhe...Tujhe to sabut chahiye.
Aur tujhe lagta hai ki unhe tera success se koi matlab nahi...Jab tu yaha se chala gaya tab maine kayi baar suna hai Papa ko apne dosto ke saath baat karte hue...Bahut taarif karte thhe ye teri acchaayi ki, teri success ki.
Lekin tu...Jab tak nahi sunega nahi dekhega vishwas nahi karega.
Aur Papa ka tere liye pyar ka ek aur example...Jab tunr Nisha se shadi ki baat Papa ko bataya...Kuch vakt lene ke baat ye maan gaye mere lakh bhadkaane ke baawjud...Tere liye apni dushmani tak bhula diya.
Atul:- Aur shaadi kisne toda tha?
Gaurav:- Papa ne...Lekin saamne kaun hai ye bhi to dekh...Mere plan ne Papa ko majbur kar diya ye faisla lene me.
Pehle bhi bata chuka hun...Ye hum teeno se barabar pyar karte hai.
Maine haalat aisa bana diya aur Papa ko bataya ki Nisha ki Papa ne mujhe unke ghar me maara aur Papa ko bhi bahut baatein sunaya.
Tere liye Papa mere saath galat nahi kar sakte thhe...Aur maine Nisha ki Papa ko villain ki tarah dikhaya...Aur ye bhi ki tujhe Nisha se bhi acchi ladkiyan mil jaayengi.
Warna Papa love marriage ke against nahi thhe...Maine bhi love marriage kiya hai aur Di ne bhi...Tera bhi hone wala tha...
Atul gusse se Gaurav ko dekhta hai ye sun kar ki usne saajish kiya tha dono ko alag karne ki...Ek baar fir wo pal yaad aa gaye.
Gaurav:- Aur Papa jitna pyar karte hai utna hi naaraj bhi hote hai...Jab maine ye sachaayi unhe bataya to unhone mujhe aaj tak maaf nahi kiya ye jaan kar ki anjaane me tere saath naa insaafi hua hai...Aaj tak sidhe munh kabhi Papa ne mujhse baat nahi kiya hai uss din ke baad.
Atul ko bhi realize hua ki usne bhi aaj kal Papa ko Gaurav ke saath baat karte nahi dekha hai.
Gaurav:- Agar tujhe lagta hai Papa itne galat hai to Maa aur Di se hi puch le.
Atul dono ko dekhta hai.
A. Mom:- Nahi wo shadi ke vakt wali baat ko chhod kar tere Papa galat nahi thhe.
Atul kuch bol nahi paya.
Gaurav:- Haan pyar dikha nahi paaye...Iska matlab ye nahi ki ye pyat hi nahi karte thhe...Pitaa hone ki har ek jimmedaari nibhaya hai Papa ne...Bas apna pgar jataa nahi paaye...Yahi kami thha Papa me aur aaj bhi.
Aaj bhi wo tujh se baat karne ki himmat nahi jutaa paa rahe hai.
Gaurav:- Tu hi soch...Samajhdaar hai tu...Kya Papa ki anjaane me hua galti itna bada tha ki unhe 6 saal ki naarajgi sehna chaahiye?
Pehle mai galat tha...Aur agar abb tune maaf nahi kiya to abb galat tu hoga.
Gaurav ki iss baat ne Atul ko sochne par majbur kar diya.
Gaurav:- Maa ka pyar ko to sabhi mahaan maante hai...Aur wo hai bhi...Lekin Pita ka pyar? Wo underrated hai...Aur kayi baar unhe sabut bhi dena padta hai.
Maa ki aansu to sab ko dikhta hai lekin Pita ke haatho ka ghaaw aur jakhm? Kya uska koi mol nahi.
Maa bacche ko pyar se paalti hai, pyar se bada karti hai...Lekin Pitaa...Wo bhi to har jimmedaari pura karte hai.
Maa ka pyar mahaan hai aur hona bhi chahiye...Lekin Pitaa ka pyar ko bhi kam nahi sochna chahiye...Aakhir yahi dono to hai jo hume ek behatreen jindagi dete hai.
Kabhi sochna iss baare me...Aur ye bhi ki Papa ne tere jimmedaari me koi kami rakha hai ya nahi?
Agar maaf kar sakta hai to maaf kar dena.
Itna keh kar Gaurav chup ho gaya...Uske aankho se bhi aansu aane lage.
Ghar me maujud sabhi ke haal waisa hi tha...Sab chaahte thhe Atul Papa ko maaf kar de...Aur shayad Atul khud bhi.
Kabhi socha nahi tha Gaurav ki baat usse sochne par majbur karega...Lekin aaj...Aaj to sahi baat kaha tha usne.
Ek najar Atul ne Papa ko dekha jo Atul ko aas bhari najro se dekh rahe thhe.
[Friends abb story mein 2 update aur baaki hai...Ye update thoda long ho gaya...Issi liye kal iska continuation update post karunga.]
Aap ne hamesha mujhe maaf hi kiya hai toh kya mai aapki ek galti maaf nahi kar sakta jo anjaane me hua aur usme kahi naa kahi mera bhi galti tha.
A. Dad:- Nahi tera galti nahi tha...Har bacche ka iccha aur hak hota hai ki uske Maa Baap usse bahut pyar kare aur uska khayal rakhe.
Lekin mai...Uss vakt thoda busy tha aur paiso ki jarurat mein kaam me itna vyast ho gaya ki tujh par utna dhyan nahi de paaya.
Mai excuse nahi de raha hun uss vakt mai galat tha...Busy hone ke baad bhi thoda vakt nikaalna chahiye tha...Jo nahi kar paaya aur uss vakt shayad samajh bhi nahi paaya.
Dhire dhire tu bada hota gaya...Tu apne Maa aur Didi ke karib tha jo hamesha tera khayal rakhti thi...Mai bas tera jarurat hi pura karta tha...Vakt nahi nikalta tha.
Gaurav ye khud mere paas aata tha...To iske saath baatein kar lets tha...Aur issi vajah se shayad tujhe laga ki mai sirf iss se pyar karta hun.
Pyar to sabhi ko karta hun lekin shayad dikha nahi paaya...Pehle se hi mai jyada baatein nahi karta tha...Shayad yahi mera sabse badi galti saabit hua...Pyar karna hi kaafi nahi jataana bhi padta hai.
Dhire dhire humare bich baatein aur bhi kam hone laga...Shayad baatein karne mein bhi jhijhak si hone laga tha...Mai bas ek pitaa ki jimmedaari ke roop mein tera jarurat pura karta chala gaya...Vishwash bhi shayad kam hota chala gaya hum dono ke rishte mein.
Aur dekhte hi dekhte anjaane me kya se kya ho gaya.
Atul:- Taali ek haath se nahi bajta...Mai bhi anjaane me hi sahi galti mein shamil tha...Aap mere paas nahi aaate thhe to mai bhi aapke paas nahi jaata tha.
Attitude problem...Shayad kuch jaldi hi ye baat dimaag mein baith gaya tha...Bahut pehle hi ye sochta tha ki agar koi mujhe ignore kare to mai bhi usse ignore karunga.
Aap ko bhi karne laga...Bas jarurat ki baatein hi karta tha aapse.
Shayad uss vakt attitude ko bhul kar thoda samajhdaari se kaam chalana chahiye tha.
Issi tarah dono Baap Bete apna gile shikwe dur karte hai...Dono ke dil se ek bojh utar gaya tha aur uski jagah liya tha sukoon ne...Ek khushi ne.
Gaurav:- Bhai ho sake to mujhe bhi maaf kar de.
Ek paschataap bhari aawaj me Gaurav ne kaha.
Atul bas usse ghurta raha.
Gaurav:- Iss maamle mein tujhe jor jabardasti nahi kar sakta...Kyu ki mai shayad uss laayak bhi nahi hun.
Gaurav:- Shayad aisa lag sakta hai tujhe...Lekin jo kuch bhi bolunga sach hi bolunga.
Gaurav ne ek lambi saans liya aur bolna suru kiya.
Bachpan se hi tu mujhe pasand nahi tha...Kabhi tujhe apna bhai maana bhi nahi...Hamesha se nafrat karta aaya hun.
Chhoti si umar me hi kuch aise dosto ka saath mila jo kisi ke bhi jindagi tabaah karne ke liye kaafi ho.
Chhote se bade har tarah ke dost thhe...Unke saath uthna baithna, badmaasi karna yahi sab mera kaam hota tha.
Unse hi suna tha ki ghar mein do bhai hona acchi baat nahi hai...Maa aur Papa ka pyar bant jaata hai...Paise aur sab kuch aapas mein bat jaata hai.
Aur jab tu paida hua tab ye baat sach bhi laga...Dekhta tha ki Maa ka dhyan mujh se jyada tujh par hai...Aisa lagta tha jaise Maa to mujhe bhul hi gayi hai...Aur jab tu thoda bada hua to mera khilauna bhi tera ho gaya.
Tabhi se wo baatein sach lagne laga...Acche se sahi galat samjhane wale kam thhe aur kaan bharne wale jyada.
Aur jab jawaani ke time me aaya tab ye duriyan bahut badh gaya...Pehle hi aise doston ka sangat mein kaafi bigadh chuka tha...Bahut jald cigarette, gaanja aur daaru bhi suruwaat kar diya tha.
Aur aise mein tera dakhal andaazi mujhe bilkul bhi pasand nahi tha...Har bit te din tujhse aur bhi nafrat hone laga tha.
Tu bhi mujhse nafrat karne laga...Tera mujhse naa darna aur har baat ka jawaab dena...Ye humaari dushmani ko kaafi aage le gaya.
Upar se dosto ki baaton ka asar ki Papa ki sabhi property hum dono mein divide ho jaayega...Issi vajah se Papa ke dil mein tere liye nafrat gholna suru kar diya aur tujhe ghar se nikaalne ka planning suru kar diya.
Lekin ussi vakt Riya se pyar ho gaya...Uski pyar mein itna andha tha ki kuch bhi kar leta tha bina soche samjhe...Mai to isse bahut pyar karta tha lekin ye mujhe kyu pyar karti hai aaj tak samajh mein nahi aaya...Naa hi iske paas paison ki koi kami tha aur naa hi kisi cheej ka.
Khair, ye chahti thi ki tera shaadi Preeti se ho...Iss liye ghar se nikaalne ka plan cancel kar tujhe Nisha se alag karne ki koshish mein lag gaya.
Atul:- To ab ek raat mein kaise badal gaya?
Gaurav:- Badlaaw ek raat ki nahi hai...Kayi saal ki hai.
Jab tu ghar chhod kar gaya to mai bahut khush tha...Sab kuch mere hisaab se chal raha tha.
Ek din Papa ko business mein bahut loss ho gaya...Haalath aisa tha ki ghar chalana bhi mushkil ho gaya tha.
Uss vakt...Mera wo koi dost mera kaam nahi aaya...Khushi mein to sab saath deta hai lekin gham mein? Ek pal mein pata chal gaya kaun apna hai aur kaun paraya !!!
Tu bhi itna dur chala gaya tha ki shayad hi kabhi wapas aata.
Sab kuch sikh gaya ussi pal mein...Ye bhi pata chala ki jindagi sirf saajish nahi hota hai...Aur jindagi itna aashaan bhi nahi jitna mai sochta tha.
Jab kaam karte gaya tab pata chala jindagi ko imaandaari se jeena kitna mushkil hota hai...Mushkil to hota hai lekin alag hi sukoon milta hai.
Kisi tarah apne ghar ko sambhaal raha tha...Aur ussi vakt Aarav ka janm hua...Soch liya tha ki isse galat raaste par jaane nahi dunga...Jo galtiyan khud kiya tha wo usse karne nahi dunga.
Ghar aur Aarav ko sambhalte sambhalte mujh mein bahut badlaaw aaya...Maa se baat karta to sirf ek hi baat pata chalta...Wo tujhe fir se iss ghar mein dekhna chaahti thi.
Tab jaake ehsas hua kitna bada galti hua hai mujhse...Tere saath hamesha galat kiya wo bhi dusro ke kehne par...Har baar mujhe khud ki hi galti dikhne laga...Nafrat sa ho gaya khud se ki be wajah tera jindagi tabaah kar diya.
Maine jis kisi ka bhi nukshaan kiya tha unn sab se maafi maanga...Papa se bhi sach keh kar maafi maang liya...Lekin mujhe maafi nahi mila.
Aur fir issi paschataap mein aaj bhi jee raha hun ek ummeed ke saath ki humaare pariwar mein sab kuch thik hoga...Abb nahi chahiye mujhe koi paisa koi property jo har cheej kharid sakta hai lekin khushi nahi, sukoon nahi aur naa hi chhain.
Mujhe tu chahiye Atul apne chote bhai ke roop mein...Bachpan to miss kar diya lekin jab dusra mauka mila to chahta hun abb bade bhai ka farz nibhaane ka.
Itna keh kar Gaurav chup ho gaya aur Atul ko dekh fir bola.
Gaurav:- Agar tu mujhe maafi ke laayak samajhta hai to please maaf kar dena.
Atul kuch der sochta raha aur fir Di ki taraf dekha...Shayad abhi bhi usse Gaurav par bharosha nahi tha aur aise hi fir wo Gaurav par vishwash karna nahi chahta tha.
Maa ki taraf dekha toh wo bhi ummeed bhari najron se Atul ko dekh rahi thi.
Di ki taraf se bhi ishara mein jawaab aaya ki Gaurav sach keh raha hai.
Atul kuch der soch hi raha tha ki usse ek phone aaya...Phone Ajay ka tha.
Wo phone pick karne baahat jaane laga...Raaste mein Gaurav ki kandha par haath rakh usne apna jawaab de diya.
Gaurav ne sukoon mein aankhein band kar liya...Maa ki bhi aankho se aansu aa gaye...Unka sapna pura ho gaya...Pura pariwar ek hone ka.
Atul:- Kaha hai wo?
Nafrat bhari aawaj mein Atul ne pucha.
Ajay Atul ko Ravi ke paas le gaya.
Gusse mein Ravi par do chaar mukkon ka barsaat kiya Atul ne...Fir bhi.
Ravi:- Kitna bhi maar...Lekin mujhe afsosh nahi...Khush hun ki tera itna vakt barbaad kar diya.
Atul bas usse gusse se dekhta raha...Andar hi andar wo kuch soch raha tha.
Ravi:- Ek baat bata...Aakhir mere pyar mein kya kami tha jo Nisha mujhe nahi tujhe pyar karti thi?
Iss baar Ravi ki baaton mein dard tha.
Atul:- Tujh jaise ghatiya insaan se kaun pyar karega...Tu insaan ghatiya, tera pyar ghatiya aur tera pyar ka choice bhi ghatiya.
Agar tu sach mein Nisha se pyar karta to uski khushi ke liye sochta...Uske pith piche saajish nahi karta.
Aur tu mera pyar se compare karta hai...Nisha jab suru mein mujhse baat nahi karna chahti thi to mai usse dur hi rehta tha...Hamesha uska respect kiya.
Tera pyar mein Nisha ke liye khushi aur sammaan hai hi nahi...Hamesha tune khud ka socha...Pyar nahi tera junoon tha ye.
Fir Atul chup ho gaya aur Ajay ko side mein bulaa kar.
Atul:- Abb isse aur mauka nahi de sakta...Agar mai kuch karne laga to ye pakka mar jaayega.
Tu hi kuch kar iska...Physically nahi mentally...Ek khauff bitha de iska dimaag me jisse ye kabhi ubhar hi na paaye...Aur kuch karne ka soche bhi nahi...Aur baad mein uss Rohit ka bhi. (Atul ka classmate jisne Nisha aur Ravi ki shaadi ki jhuthi photo Atul ko dikhaya tha.)
Iss baar Atul ki har ek baaton mein nafrat tha...Wo apne gunehgaar ko maaf karne ka mood mein bilkul bhi nahi tha.
[Abb bas ek short and sweet update baaki hai aur fir story complete.]
6 saal baad kaafi kuch badal gaya tha sabhi ki jindagi mein...Atul apne pure family ke saath gaanw shift ho chuka tha...Atul aur Nisha dono hi ussi hospital mein as a doctor kaam karne lage thhe.
Hospital ke alawa dono ka apna clinic bhi tha...Jaha free time mein dono kaam karte thhe...Iske alawa Gaurav ne bhi apna business suru kiya tha.
Kul milaa kar puri family sukh aur shaanti se jee rahe thhe...Pariwar mein sab kuch thik chal raha tha Gaurav aur Riya ko chhod kar...Abhi bhi dono mein khas jamta nahi tha.
Gaurav sirf 2 cheej ka hi intejaar kar raha tha aaj bhi...Ek yaa to Riya puri tarah se badal jaaye aur dusra yaa fir Riya usse chhod kar chala jaaye...Lekin dono mein se kuch bhi nahi ho raha tha aur naa hi Gaurav ko kuch khas matlab tha...Wo to Riya se iss tarah tang aa chuka tha ki abb wo ye bhi jaanna nahi chaahta tha ki Riya ke dil mein kya hai...Uska dhyan abb sirf Aarav, family aur business par tha.
Riya bhi abb pehle ki tarah Gaurav par hak jamaa nahi paa rahi thi aur naa hi apna kuch bhi marji chala paa rahi thi...Abb wo bhi sirf Aarav par hi dhyan deti thi.
Atul ke Papa aur Maa bhi apne bacchon aur pota poti ke saath vakt bitaate thhe.
Shreya ka bhi gaanw ke hi ek ladka ke saath shaadi ho gaya tha...Suruwaat mein kaafi mushkil hua usse aage badhna lekin Atul ke liye wo aage badh hi gayi apne dil ke aage majbur hone ke baawjud bhi.
Dhire dhire wo bhi apne life mein settle ho gayi aur apne pati ke saath khush rehne lagi.
Aaj bhi Atul aur Shreya ka dosti bahut hi khaas tha...Dono hi ek dusre ke ghar ke function mein shaamil hote aur jarurat padne par ek dusre ka saath dete.
Aur dono ek aur kaam mein ek saath hote...Shreya ki Papa par jor jabardasti karne ke liye...Kisi bhi tarah dono unko dawaai khilaa hi dete unke marji se yaa fir unke marji ke khilaaf
.
Nisha ke mil jaane se Atul ka khushi ka koi thikaana hi nahi tha...Shaadi ke 6 saal baad bhi Atul ka deewanapan mein koi kami nahi tha...Aaj bhi naye naye tarike se wo apna pyar Nisha ko jataata tha...Uski har khwahish pura karta tha...Nisha se alag hone ke baad jaanta tha wo ki Nisha kya ehmiyat rakhti hai uski jindagi mein...Agar kabhi dono mein ladaai hota bhi to dono pyar se ek dusre ko manaate.
Shaadi hone ke baad dono kabhi kabhi Nisha ki gaanw bhi jaate thhe waha ki jarurat mand logon ki sewa karne.
Atul aur Nisha ki social life bhi kaafi accha chal raha tha...Atul ka dosti Ajay, Shreya aur Aamir se kaafi gehra ho gaya tha to kabhi kabhi wo Rahul sir se bhi mil leta...Kabhi kabhi Kajal se bhi baatein ho jaata tha phone mein.
Wohi Nisha ka Anjali se dosti fir se kaafi accha ho gaya tha aur College ke kuch aur friends ke saath bhi.
Dono hi apno mein aur dosto ki khushi dekh bahut khush thhe.
Aise hi ek din apna duty khatm karne ke baad Atul apne ghar aata hai.
Gate mein pahunchte hi usse hairani hota hai.
Atul:- Ye aap?
Nisha ki Papa ko apna samaan ke saath dekh wo hairaan tha.
N. Dad:- 2 din reh liya...Abb jaane ki soch raha hun...Tumse milne hospital hi aane wala tha.
Atul:- Kuch din aur reh lete.
N. Dad:- Fir kabhi aaunga?
Atul kuch bolta usse pehle hi.
N. Dad:- Ye mat sochna ki tumhe aise hi chhod dunga...Time time par supervision karta rahunga tumhara...Bhulna mat tum bhi ek beti ka pitaa ho...Mujhse bhi accha parwarish karna hoga tumhe Meera ka.
Baat to unhone mushkuraate hue kiya lekin unki baaton mein ek dhamki bhi tha...Atul bhi muskuraate hue.
Atul:- Niraash nahi karunga
Muskuraate hue Atul ne jawaab diya.
Fir wo apne Sasur ke paas aa kar unke pair chhu kar unhe vidaa karta hai.
Papa mai dawaa nahi khaungi!
Ek pyari si aawaj mein Meera apne Papa ki taraf aate hue boli.
Atul:- Kaun khila raha hai meri pyari si beti ko dawaa?
Atul ne Meera ko apni baaho mein utha kar pucha.
Meera:- Maa.
Naraajgi bhari aawaj mein Meera ne kaha aur Nisha se munh fer liya.
Atul:- Ye galat baat hai Nishu...Meera dawaa nahi khayegi.
Meera:- Thank you Papa.
Atul:- Wohi dawaa mai Meera ko injection laga kar dunga.
Ye sunte hi Meera Atul par toot padti hai...Aur jor jor se Atul ki kandhon par mukko ki barsaat karne lagti hai.
Meera:- Papa aap bahut bure hain...Doctoe hai to kya injection laga denge...Maa aap acchi hai...Bahut acchi hai...Sweet mom.
Meera ki baat aun Nisha , Atul ke saath ghar ke sabhi hasne lagte hai.
Atul:- Agar dawaa nahi khaaogi to bukhar se theek kaise hogi tum...Aur theek nahi hui to ice-cream kaise khaogi?
Ice-Cream sunte hi.
Meera:- Mai khaungi dawaa.
Baat ke saath saath Meera ki aawaj bhi badal gayi.
Nisha:- Aur Harsh (Atul ka chhota beta) ke saath kaun khelega?
Abhi chalne aur muskuraane ki koshish karte hue Harsh ki taraf dekh Meera boli.
Meera:- Mai.
A. Dad:- Aur apne Dada ke saath Tv kaun dekhega?
Meera:- Mai.
A. Mom:- Aur Dadi ki kahani kaun sunega.
Meera:- Mai.
Gaurav:- Aur maine jo dairy milk laya hai wo kaun khayega?
Meera:- Mai.
Riya:- Aur mere saath shopping par kaun chalega?
Meera:- Mai.
Aarav:- Mere saath ludo kaun khelega?
Meera:- Nahi bhaiya...Mai aapke saath ludo nahi khelungi...Aap hamesha beimani karke mujhe hara dete ho.
Munh fulaate hue Meera boli.
Fir issi tarah manaa kar Atul Meera ko dawaai khila deta hai.
Ghar ka maahaul khushaal tha...Aarav aur Meera ki vajah se sabka man laga rehta...Harsh ka parwarish mein bhi sabhi bahut dhyan dete thhe.
At Night
Meera aur Harsh soo chuke thhe.
Nisha:- Kya soch rahe ho?
Atul:- Kuch khaas nahi...Kal Meera ko school mein admission karaane ka soch raha hun.
Nisha:- Kya banane ka plan hai Meera ko? Doctor yaa Engineer?
Atul:- Kuch nahi...Meera wohi banegi jo wo decide karegi...Bas hume basic education dena hai aur acche sanskaar ke saath parwarish karna hai...Baaki iski life hai...Yahi faisla karegi apni jindagi ki.
Fir Atul Harsh ko dekh kar muskuraata hai.
Nisha:- Kya soch rahe ho?
Atul:- Soch raha hun...Bada ho kar ye kitna maar khayega mujhse.
Nisha:- Khabardaar jo mere bete par haath uthaane ka socha bhi to.
Iss baar munh fulaane ka baari Nisha ka tha.
Atul:- Agar badmaashi karega to maar to khayega hi!!!
Nisha:- Nahi ye koi badmaashi nahi karega.
Atul:- Majaak kar raha tha...Atul Jr. hai ye...Mujhse bhi aage jaayega ye.
Harsh ke sir ko sehlaate hue Arul ne kaha...Aur fir Meera ko dekhte hue.
Atul:- Hum dono ko mil kar inn dono ka hi acche se parwarish karna hoga.
Nisha bhi sehmati mein sir hilaa kar.
Atul:- Aise kya dekh rahi ho?
Nisha:- Kuch nahi...Bas soch rahi thi...Aaj bhi hum dono shaadi ke fere mein liye hue har kasam ko nibhaa rahe hai...Bas yahi dua hai ki aage bhi hum dono ke bich aise hi pyar rahega.
Atul:- Are kyun nahi? Abhi toh humaara pyar ko next level mein le jaana hai.
Atul ne confidence ke saath kaha...Aur Nisha ko apne baahon mein bhar liya.
Atul:- Thanks Nisha for loving me and making my life special.
Itna keh kar Atul ne pehle Nisha ke sir ko chuma aur dhire dhire uska honth Nisha ki taraf badh gaya.
Sabse pehle to aap sabhi ka bahut bahut shukriya mera ye story padhne ke liye...Aur story bhar saath bane rehne ke liye.
2 saal lag gaye story ko likhte likhte...Agar xossip band naa hota toh aur bhi jald complete ho jaata...Khair...Xossip ka adhura kaam yaha pura kar diya...Xp ke members jo story ko padh nahi paaye site band hone se ummeed hai unn dosto tak bhi jald pahunch jaaye ye story.
Aaj thoda ajeeb jarur lag raha hai ki ye story complete ho gaya hai...Aur abb ye story aur likh nahi paaunga...Bahut yaadein judaa hai iss story ke saath aur aap sabhi ke saath...Lekin story complete karne ke liye proud bhi feel kar raha hun...Aur kaafi khush hun ki aaj tak sabhi stories ko complete kiya hai.
Abb story complete ho chuka hai to aap sabhi ka comments ka intejaar jarur rahega ki story aap sab ko kaisa laga...Apna comments jarur dijiye.
Agar mujhe hi comment karna ho to yahi kahunga ki ye story mere liye bahut khaas hai...Kuch parts accha likhne mein kaamyaab raha to kuch parts aur accha likh sakta tha...Maine apni taraf se puri koshish kiya hai aap sab ke liye aur khud ke liye bhi ek accha story likhne ki.
Aakhir mein ek baar fir se shukriya adaa karunga unn sabhi readers ka jinhone mera story ko padha, saath diya aur aage likhne ka hausla bhi badhaya...Xp se le kar xf tak ka safar aap sabhi ke saath bahut accha raha...Story ke har pal aur har vakt saath bane rehne ke liye bahut bahut shukriya.
Aap sabhi ke saath se hi mai aaj stories likh paa raha hu...Uske liye bahut bahut dhanyabaad.
Ummeed hai aap mera new story EK Bhool 2 mein bhi jarur saath denge.
