Atul:- Soch raha hu...Propose kaise karu...Kabhi vakt aur jagah sahi nahi hota to kabhi himmat hi nahi kar paa raha hu.
Pyar karna aashaan hai propose usse bhi mushkil.
Nisha:- Sidhe jaa kar bol do apni dil ki baat...Pyar kiya to darna kya?
Atul:- Ye sabhi dialogue film me hi acche lagte hai...Yaha hakikat me bahut fat rahi hai.
Nisha:- Kya baat hai? Kabhi kisi se nahi darne wala Atul ki baato me aaj dar?
Atul:- Insaan hu yaar...Bhoot pret aur pyar se dar lagta hai.
Nisha:- Mountain dew peeyo aur suru ho jaao...Dar ke aage jeet hai.
Atul:- Kya tum bhi...Meri help karne ki jagah mera hi majaak udaa rahi ho.
Hmm...Idea!
Nisha:- Kya idea?
Atul:- Mountain Dew se yaad aaya...Kajal ko dhokhe se vodka pila deta hu...Fir karta hu propose...Agar inkaar bhi karegi to nashe me gussa nahi hogi...Mujhe bahut dar lagta hai yaar uske gussa se.
Fir Atul Nisha ki taraf dekhne lagta hau...Nisha usse hi ghur rahi thi.
Atul:- Kaisa laga mera idea?
Nisha:- Bakwaash.
Abb Nisha se raha nahi jaa raha tha...Atul ki help karne ke liye uss par kya beet rahi thi ye sirf wohi jaanti thi...Lekin naa jaane kyu wo bhi Atul ke saath majaak karne lag gayi thi.
Anjaane me hi dono ka dosti itna gehra ho gaya tha ki Nisha ke liye Atul ka saamne rehna hi kaafi tha...Haalaath jaisa bhi ho Atul ka saath aur Atul ki baaton me aise kho jaati ki wo apna saara dukh dard bhul kar bas saamne chal rahe pal me jeene lagti thi.
Atul:- Please help karo naa.
Nisha:- Tum majaak kar rahe ho naa?
Dil se ek dua nikli ki Atul haa bol de.
Atul:- Nahi...Sach me pyar karta hu Kajal se.
Nisha:- Lekin aisa lag to nahi raha hai...Tum tabhi se majaak hi kar rahe ho...Abhi propose karne ki baat kar rahe thhe...Fir ussi baat ka majaak bana rahe thhe?
Atul:- Wo to bas dil ka dar ko halka karne ke liye...Abb serious hu.
Fir achanak se Atul serious dikhne laga aur saath hi Nisha ko yakin.
Kuch der ki khaamoshi ko tod kar Atul ne kehna suru kiya.
Atul:- I think...Itne vakt ho gaye ham dono ko saath me...Abb to ek dusre ko acche se jaante bhi hai...Pata nahi ye dosti kab pyar me badal gayi...Shayad Kajal mujhe pehle se hi acchi lagti thi...Lekin uss vakt ye ehsas kabhi nahi hua...Jab se pyar ko jaana hai, mehsus kiya hai tab pata chala "I love her. I love her so much."
Really its wonderful feeling...Bata nahi sakta din raat bas Kajal ke baare me hi sochna, uski fikr karna...Chhoti chhoti khushiyon me jeena.
Thanks a lot Nisha...Agar tum mujhe pyar ke baare me nahi bataati to shayad hi kabhi mujhe iss baat ka ehsas hota...You are my bestesttttt friend...Thanks a lot.
Atul excitement me bole jaa raha tha aur uski har baat Nisha ki dil me chubh rahi thi.
Nisha:- Mai kaise help kar sakti hu?
Atul:- Pyar to karta hu but abhi bhi jyada kuch pata nahi...Kajal ko kaise propose karu...Impress karu ye sab acche se jaanta nahi.
Please bataao na...Ladkiyo ko kya jyada pasand aati hai...Kaise wo impress hoti hai...Unki kya khwahish hoti hai ki koi unse aise propose kare.
Nisha:- Lekin mujhe kya pata Kajal ki choice kya hai?
Atul:- Tum apne baare me bataao...Yaa fir generally kisi ladki ki baare me...Sample samajh kar koshish karunga.
Nisha:- Ok thik hai...Raat me bataaungi...Tumhe kya karna hai?
Dil par patthar rakh kar Nisha ne haa keh diya...Ye baat wo bhi jaanti thi ki Atul uski pasand ki har cheej karega lekin fir bhi uska kabhi nahi ho paayega...Wo jaanti thi ki uski dil kis tarah se tootegi fir bhi wo taiyaar ho gayi...Shayad Atul ki khushi ke liye.
Atul ne ek baar fir Nisha ko excitement me gale laga liya.
Atul:- Thanks...Thanks a lot...Mujhe pata tha sirf tum hi mujhe help kar sakti ho.
Nisha:- Accha abb chalti hu...Ghar me kuch kaam hai.
Fir Nisha waha se nikal jaati hai...Atul kuch sochte hue usse piche se dekhta rehta hai jab tak wo Atul ki aankho se ojhal naa ho gayi...Usse thoda ajeeb bhi lag raha tha...Aur khud se hi ek sawaal "Kya wo sahi hai yaa fir sahi kar raha hai?"
Jiska jawaab abhi bhi usse pata nahi tha.
Ye sab kya chutiyapa hai?
Gusse se Ajay ne Atul ko pucha...Tab usse yaad aaya.
Atul:- Kya hua?
Ajay:- Tujhe nahi lagta tu kuch jyada hi badal gaya hai?
Atul:- Hmm...Sach me bahut badal gaya hu...I am in love...May be that's why.
Ajay:- Kis se? Kajal se?
Atul:- Yes bro.
Ajay:- Tujhe ye galatfehmi kyu ho raha hai?
Atul:- Kya galatfehmi?
Ajay:- Tujhe lagta hai tu Kajal se pyar karta hai?
Atul:- Haa.
Ajay:- Lekin tum dono ko dekhne se aisa bilkul bhi nahi lagta.
Atul:- Ye tu kaise keh sakta hai?
Ajay:- Common sense naam ki bhi koi cheej hoti hai...Notice kar raha hu 2 months se jab se tour se waapas aaye hai...Pyar jaisa kuch hai hi nahi tum dono ke bich.
Atul:- Abb tujhe mere baare me mujhse jyada pata chal gaya?
Ajay:- Jab tujhe khud ke baare me hi pata nahi to obviously mujhe hi jyada pata hoga...Agar pata hota to tu aise khud ko hi dhokha nahi deta.
Atul kuch jawaab nahi deta...Bas Ajay ko hi dekhta rehta hai.
Ajay:- Meri baat maan...Abb aur khud se jhuth mat bol...Maan le ki tu Nisha se pyar karta hai...Aur ye dikh bhi raha hai.
Atul:- Nahi aisa kuch nahi hai aur nahi ho sakta.
Ajay:- Kyu nahi ho sakta?
Atul:- Kyu ki Nisha kisi aur se pyar karti hai...Aur wo meri sirf best friend hai...Mai sirf Kajal se pyar karta hu.
Fir itna keh kar Atul bhi apne ghar ke liye nikal jaata hai...Ajay sirf dekhta hi reh jaata hai aur uski munh se itna hi nikalta hai.
"Bewkoof...Iska kuch nahi ho sakta."
Room me pahunch kar Atul 2 cigarette nikaal kar jalaa leta hai.
Atul:- Ye sala pyar bhi pata nahi kya hai...Kabhi kabhi to lagta hai pyar se jyada chutiyapa aur kuch nahi.
Nisha se kuch aur kehna chaahta hu kehta kuch aur hu...Ajay ki sawaalo ka jawaab dene ki himmat nahi.
(Cigarette ko dekh kar) Kajal proposal accept kare yaa naa kare lekin drugist jarur bana dega ek din.
Jab se pyar ka ehsas hua hai 2 months se har roj cigarette peene laga hu...Har weekend ghar walo se chhupa kar vodka...Pata nahi ho kya raha hai aur kyu ho raha hai.
At 10 pm
Baar baar Atul Nisha ki chhat ki taraf hi dekh raha tha...Aaj Atul se Nisha ka intejaar kiya bhi nahi jaa raha tha...Issi intejaar me chhat ki kayi chakkar kaat chuka tha wo.
Jab usse raha nahi jaata to chhat ke ek kone me jaake cigarette jala leta hai...Ek...Do...Teen...Chaar...Paanch.
Atul!!!
Picche se gusse se bhari Nisha ki aawaj se wo waapas hosh me aaya.
Nisha ko dekhte hi Atul ki hontho me muskaan aaya.
Atul:- Aa gayi tum.
Nisha ke paas jaa kar Atul ne bahut pyar se kaha.
Nisha:- Ye sab kya hai?
Atul ki haath ki taraf ishaara kar ke Nisha ne pucha.
Atul:- Oh ye to...Aise hi.
Fir Atul cigarette fenk deta hai.
Nisha Atul ko ghur rahi thi...Yaa fir Atul ko samajhne ki koshish kar rahi thi...Naa jaane kitni badlaaw aa gaya tha Atul me.
Nisha:- Kab se?
Atul:- Bas kuch hi din.
Nisha:- Kyu?
Atul:- (In his mind) Pyar me haara hu...Aisa lag raha hai jindagi se hi haar gaya hu...Seh nahi paa raha hu ye dard...Nahi jee sakta aise jhuthe muskaan ke saath...Nahi jee sakta aise jhuthi umeed ke saath ki tum sirf meri ho...Mere liye bani ho aur mai tumhare liye.
Dar hai ki kahi pyar me haar naa jaau...Yahi dar sukoon se jeene nahi de raha hai.
Nisha:- Tum bhi naa...Buddhu ho ek number ke.
Nisha hanste hue boli...Makshad ek hi tha...Atul ko bhi hasaana aur iss ghutan se baahar nikaalna...Lekin Atul alag hi duniya me jee raha tha...Kuch bhi fark nahi pada uske bhaaw me.
Nisha:- Pehle propose karo...I am sure...Kajal jarur haa kahegi...Lekin tum kuch jyada hi dar rahe ho...Itna bhi pessimistic kya hona?
Nisha bhi abb yahi dua kar rahi thi ki kaash Kajal haa keh de...Propose se pehle hi Atul ka ye haal hai to agar usne naa keh diya to Atul ki kya haal hoga...Abb yahi dar Nisha ke dil aur dimaag me chaa ne laga.
Nisha:- So Mr. AK!!! Tabhi aap kya kar rahe thhe?
Atul:- Kya kar raha tha?
Nisha:- Kuch foonk rahe thhe?
Atul:- Ohh Cigarette...Wo to bas aise hi...Tension me.
Nisha:- So tension ka treatment cigarette hai...Mujhe to laga tha anti-anxiety drug hai?
Atul:- Kya tum bhi....
Atul isse aage kuch bolta usse pehle hi...
Nisha:- Ye aakhri baar tha...Aage se kabhi maine kabhi smoking karte dekha naa to....
Atul:- To tum se chhupaa kar smoking karunga.
Nisha:- Matlab smoking karoge? Agli baar pata chala na to jaan se maar dungi?
Atul:- (In his mind) Pehle hi mar mitaa hu.
Gusse me bhi tum khubsurat lagti ho.
Dhire se hi sahi dil ki baatein bolne se Atul khud ko rok nahi paaya.
Nisha:- Samajh gaye naa...Agli baar smoking kiya to mujhse bura koi nahi hoga.
Atul:- (In his mind) Agar itni pyar se kahogi to kuch bhi karunga.
Apne room me aa kar.
Atul:- (To himself) Kyu har raat ka ant (end) itni pyari nahi ho sakti? Kyu saccha pyaar ka yahi anjaam hota hai? Dil me dard, aankho me aansu aur jindagi bhar ki tanhaayi.
Majbur bhi iss tarah hu ki Nisha ko apni dil ki baat bata bhi nahi sakta...Bata nahi sakta kitna pyar karta hu mai usse? Pal pal toot raha hu.
Kitna khus tha mai...Kisi se pyar karne ka socha hi nahi tha...Bas jee raha tha...Abb pyar hua bhi to kisse? Nisha se? Ye jaante hue bhi ki wo meri kabhi ho hi nahi sakti ... Kya kismat hai?
Next Day
Aa gaya tu?
College pahunchte hi Ajay mil gaya...Fir dono saath me class jaate hai.
Atul:- Aaj kya ho gaya hai sab ko? Sab idhar udhar kar rahe hai?
Ajay:- (Kuch der Atul ko ghur kar) Aaj result hai.
Atul:- Ohh Haa...Bhul gaya tha.
Ajay:- Tujhe kya matlab result ki...Sure shot pass jo hai.
Atul:- Pass hona badi baat nahi hai.
Ajay:- Wo tere jaise ke liye?
Atul:- What tere jaise? Gf, Pubg aur Fb se baahar nikal...Mujhse accha marks laayega.
Ajay:- Bhai aaj to chhod de...Hamesha taana maarta rehta hai.
Atul:- Kaam hi aisa karta hai.
Fir dono sabhi dosto ke saath result lene jaate hai.
Atul:- Are waah...Pass ho gaya.
Ajay:- Lekin tujhse ye expect nahi tha...Kya kaha tha tujhse? Kuch bhi kar lekin Ravi se picche mat aana...Lekin tujhe beizaaati karwaane ki kuch jyada hi shaukh hai.
Atul:- Kya fark padta hai...Mujhe knowledge se matlab hai ranking se nahi...Expectation jitna tha marks bhi utna hi hai.
Fir dhire dhire sabhi ka result pata chalne lagta hai.
Nisha abhi bhi result lene ke liye taiyaar nahi thi.
Atul:- So Miss Nisha...Mujhe to bahut samjha rahi thi ki dar ke aage jeet hai...Boliye mountain dew kaise peena chaahengi..Can me , Glass me ya Plastic me?
Nisha:- Tum chup raho...Pehle hi ghabraahat ho rahi hai aur tum ho ki majaak udaa rahe ho.
Ajay:- Aa gaya kamina.
Ravi ko aata dekh Ajay ne Atul se kaha.
Ravi:- Agli baar dekh lunga.
Atul:- Matlab tune top nahi kiya?
Ravi:- Nahi 3rd...Agli baar dekhunga.
Atul:- Best of Luck.
For Ravi gussa me waha se chala jaata hai...Har baar Atul se haarne se uska frustration bhi badhta hi jaa raha tha.
Atul ko to result se kuch khaas matlab nahi tha lekin Ajay sabhi ka result pata kar raha tha.
Itnr me Nisha daud kar aayi aur sabke saamne Atul ko gale laga liya.
Nisha khushi ke maare kuch bol to nahi rahi thi lekin uski marksheeet sab kuch bol rahi thi.
Atul:- Congrats Miss Topper.
Atul ki khushi ka bhi koi thikaana nahi tha...Itna khush tha wo Nisha ke liye ki usse apne topper hone par bhi nahi hota.
Duniya jahan se bekhabar Atul Nisha ko baahon me utha kar pura ek chakkar ghumaata hai...Bina kisi parwah ke ki kaun kya sochega aur samjhega.
Pal bhar ke liye apne dard aur gham ko bhul kar dono ek dusre me hi khoye thhe...Ek dusre par bahut pyar aa raha tha...Lekin kisi me taaqat nahi tha ki dil ki baatein jubaan tak laa sake.
Atul:- To bataiye Miss Nisha...Shubh muhurth...Kab propose karna hai?
Nisha:- Shubh muhurth?
Atul:- Hmm...Agar sahi muhurth me propose karunga to propose accept hone ki accha chance rahega.
Nisha:- Kuch bhi!!!
Atul:- Tum shubh muhurth par viswash nahi karti?
Nisha:- Lekin tumhari baato par nahi...Propose karne ke liye kaun shubh muhurth dekhta hai.
Atul:- Agar koi nahi dekhta to mai dekhunga...Let me start the trend...I am the trendsetter.
Nisha:-
Tumhara kuch nahi ho sakta.
Atul:- Issi liye to tumhaare sharan me aaya hu...Tum hi paar kara do meri naiya.
Nisha:- Abb kitna...Pichhle do weeks se help kar hi rahi hu...Abb to Kajal ke saamne hero bhi ban gaye ho...Aur abb tak tumhe confident bhi ho jaana chaahiye.
Atul:- Sab kuch thik hai...Issi liye to abb shubh muhurth ka intejaar kar raha hu.
Nisha:- Jitna jald ho sake abb jaldi se propose kar do.
Atul:- Kal hi kar du kya?
Atul ki iss baat se Nisha ki dil jor jor se dhadakne laga...Kal se Atul usse dur ho jaayega...Lekin iske liye wo pehle se hi taiyaar thi...Abb to Atul ki khushi me hi wo apna khushi dhund rahi thi.
Nisha:- Kal?
Atul:- Kyu? Koi problem hai kya?
Nisha:- Jara apne shakal aayine (mirror) me dekho?
Atul:- Wo to roj dekhta hu...Kasam se bahut handsome hu.
Atul apni hi taarif kar ke khud hi khush ho raha tha ki.
Atul:- Ouch...Kya kar rahi ho?
Nisha:- Yahi bata rahi thi.
Atul:- Lekin meri daadhi (beard) kyu khinch rahi ho...Ouch!!!
Nisha:- Yahi to bata rahi hu...Thoda stylish bano...Stylish hair cut karo...Daadhi banaao...Stylish outfit me stylish andaaj me propose karo...Ye pal tumhaare jindagi ki yaadgaar pal banne wala hai.
Atul:- No way...Daadhi shave nahi karunga.
Nisha:- Shave karne ko kisne kaha? Mai to trim karne ke liye keh rahi thi.
Atul:- Lekin ek dar hai.
Nisha:- Abb kaisa dar?
Atul:- Mai agar aur handsome ho jaaunga to dar hai ki kahi tum hi mujh par fidaa ho gayi to.
Ek baar for Atul ki baat Nisha ko chubh gayi.
Nisha:- Shakal dekhi hai apni...Mera bf tum ka kisi se koi comparison hi nahi...Laakhon me ek hai.
Nisha ne Atul ki aankhon me dekh kar ek pyari muskaan ke saath kaha.
Abb iss baar jalan ki baari Atul ka tha...Yahi wo dard tha jo Atul se sahaa nahi jaa raha tha.
Atul:- (In his mind) Aakhir mujh me aisi kya kami hai?
Atul:- Accha to abb chalta hu...Raat bhi bahut ho gayi hai...Abb kal milta hu new look ke saath.
Itna keh kar Atul waha se chala gaya...Nisha bhi udaash ho kar waha se jaane lagi...Atul gate ke paas jaa kar ruk gaya...Aur Nisha ko kuch der piche se dekhne laga...Aankhein kab bhing gayi pata hi nahi chala...Fir isi ko apna kismat samajh kar apne room me chala gaya.
Room me pahunchte hi wo bahut bechain mehsus kar raha tha...Neend to uski aankho se kosho dur tha...Room ki kayi chakkar lagaane ke baad bhi jab usse raha nahi gaya to ek cigarette jalaane laga...Achanak se fir Nisha aur uski baatein yaad aane lagi...Fir kya tha...Atul ko ek second bhi nahi laga cigarette fenkne me.
Wow Handsome!!! Unbelievable!
Atul ki new look dekh Nisha excited ho kar ek dum se boli.
New haircut...Straight hair with gel, Trimmed beard...Sun glasses, Leather jacket, grunz jeans and leather shoes...Aur saath me perfumes.
Ek Pal ke liye to Nisha ko vishwash hi nahi hua ki ye Atul hai.
Atul:- Kaisa lag raha hu?
Nisha:- Kajal to tumhaare look dekh kar hi haa bol degi...Itna handsome lag rahe ho.
Atul:- Done...To fir kal hi propose karunga Kajal ko.
Nisha:- Best of luck.
Atul:- Thank you.
Jaise hi Atul waha se jaane wala tha tabhi,
Nisha:- Atul!!!
Atul:- Hmm.
Nisha:- Sach me pyar karte ho naa Kajal se.
Bebasi se bhara ye sawaal.
Atul:- Haa...Lekin tum ye kyu puch rahi ho.
Aur utni hi bebasi me diya hua jawaab.
Aur fir dono chal pade ek aur mushkil raat gujaarne...Jiski agli subah naa jaane kya lekar aane wali thi unki jindagi me.
Next Day in Park
Atul saj dhaj kar taiyaar tha...Puri planning kar liya tha kaise Kajal ko propose karna hai.
Atul...Atul...Kaha ho tum?
Ye aawaj sunte hi Atul ek ped (tree) ke picche chhup gaya...Aur suru kar diya apna planning ka pehla step.
Kajal Atul ko hi dhund rahi thi...Jab kuch der dhundne ke baad bhi Atul nahi mila tab wo soch me pad gayi...Atul yaha hai bhi ya nahi.
Ek baccha Kajal ke paas aaya aur ek card de kar chala gaya.
"You are looking beautiful."
Ye padhte hi Kajal fir se chaaro taraf dekhne lagi...Tabhi dusra bachcha aaya...Wo bhi Kajal ko card de kar chala gaya.
"My first friend (girl) in this college."
Fir issi tarah baar baar bachche Kajal ke saamne aate rahe aur usko card dete rahe.
"A special one."
"Our friendship is priceless and always will be."
"I want to confess something to my caring and motivating friend.'
"Until few weeks ago, I thought it is just friendship. Only true friendship. Nothing else."
"Now I feel something different. Kuch kuch hone laga hai."
"I think I am in love."
"Yes I love you."
Cards padhte vakt Kajal ki bhaaw teji se badalne laga...Abb wo Atul ka aur intejaar nahi kar paa rahi thi...Wo idhar udhar daud kar Atul ko dhundh rahi thi.
Tabhi saamne ke ped se Atul baahar aaya...Face Hat se cover tha...Baaki ka get up same tha jisse Nisha ke saamne try kiya tha.
Bina der kiye Kajal Atul ke paas pahunchi...Dhire dhire Atul ne apna chehra uthaya...Atul ki hontho me aisi muskaan tha ki Kajal bhi ek pal ke liye Atul ki muskaan me kho gayi.
Fir agle hi pal.
Kajal:- Ye sab...Ye sab...
Atul:- Ha ye sach hai.
I love you.
Bahut dino se tumhe apna dil ki baat kehna chaahta tha lekin dar tha ki kahi tum inkaar naa kar do.
Lekin aaj nahi...Aaj sab kuch kehna chaahta hu...Apni dil ki baat...Apni feelings...Sab kuch.
Kajal:- Par...
Atul:- Tum ne to bataya bhi nahi...Tum bhi mujhse pyar karti ho naa? Kya tum jindagi ki iss safar me mera saath dogi.
Atul ummeed bhari najro se Kajal ko dekh raha tha.
Kajal:- Mai...Mai kisi aur se ppppyar kkarti hu.
Kajal ne darte hue hi sahi par Atul ki aankho me dekhte hue kaha.
Atul:- Pplease abhi mmajaak mat karo.
Atul ka jubaan bhi uska saath nahi de raha tha.
Kajal:- Nnahi...Mmai majaak nahi kar rahi hu.
Atul khud do kadam piche hat gaya...Usse samajh me nahi aa raha tha ki ye sab uske saath hi kyu hota hai!!!
Achanak se aage aa kar Kajal ke kandhe ko pakar kar.
Atul:- Meri aankho me dekh kar kaho...Kya tum mujhse pyar nahi karti?
Kajal:- Nahi...Nahi karti.
Abb Atul se raha nahi gaya...Wo wohi jameen me ghutno ke bal gir gaya...Aankho me abb aansu aa gaye.
Kajal:- Atul...
Atul:- Please tum jaao abb...Mujhe akela chhod do.
Kajal:- Lekin tumhe aise kaise.
Atul:- (Gusse se) Ek baar me sunti nahi ho...Just go.
Kajal:- Nahi...Mai tumhe iss haal me...
Atul:- Taras khaa rahi ho tum mujh par...Just go...Jaao yaha se.
Atul ka gussa dekh iss baar Kajal bhi dar gayi.
Kajal:- Please apna khayal rakhna.
Itna keh kar Kajal waha se chali gayi...Atul ki haalat par usse bhi bura lag raha tha aur man hi man wo bhi dua kar rahi thi ki Atul khud kk sambhaal sake.
Kajal ke jaate hi Atul se raha nahi gaya...Pehle to jameen me wo punch maarta raha...Aur jab tak jakhmi naa ho gaya tab tak maarta raha.
Fir baccho ki tarah rone laga...Apni kismat aur apni haalaath par.
Kyu? Kyu mere saath hi aisa hota hai? Pyar karna gunaah hai kya? Kitne sapne thhe? Kitne armaan thhe? Lekin hua kya? Kaanch ki tarah dil toot gaya...Jo abb kabhi nahi judega...Sab kuch khatm ho gaya...Sab khatm.
Tu hi mera saccha dost hai...Dost hi to dost ke kaam aate hai?
Atul:- Ghar me hu...Aaja yaar..Jaldi se aa...Akela ho gaya hu mai...Baatein karni hai...Please aa jaa.
Fir Atul ek cigarette jala kar chhat me jaata hai.
Chhat me kuch hi der hua tha ki.
Atul.
Kaan me ye tej aawaj padte hi.
Atul:- (With smile) Aaj sach me chhadh gayi hai...Nisha wo bhi iss vakt...Sach me chhadh gaya hai.
Atul!!!
Gusse se bhari iss aawaj se Atul Nisha ki taraf palta.
Atul:- Are Nisha tum...Matlab tum sach me ho.
Nisha:- Ye sab kya hai...Mana kiya tha na tumhe.
Atul:- Aaj pee lene do...Aaj gham ko bhula lene do.
Itna keh kar Atul chup ho gaya...Nisha ke man me jo dar tha wo abb aur badh gaya.
Nisha:- Kya hua? Bolo Kajal ne kya kaha?
Atul:- Kya kahegi? Aur kyu kahegi?
Nisha:- Saaf saaf bolo.
Atul:- Thukra diya mujhe...Mere pyar ko...Kya kya sapne dekhe thhe...Lekin ek pal me thukra diya mujhe.
Fir Atul ladkhadaate hue Nisha ke paas pahunch gaya.
Atul:- Sharif insaan banna hi duniya ka sabse bada paap hai...Kabhi bhi dhokha khaa jaate hai aur koi bhi dhokha de dete hai.
Ham jaise jitne bhi sachcha pyar kyu naa kare ham sirf best friend hi bante hai...Aur baazi koi aur maar jaata hai?
Bas bahut ho gaya sharaafat...Agar ladki pataana hai to I have to be badass.
Nisha:- Ye tum kya bol rahe ho.
Atul:- Sach bol raha hu...Aur yahi accha hai...No one cares about true love...And no one will see it...Dekhna bhi nahi chaahte.
Aaj mujhe khud ki baat me sacchaai dikh rahi hai...Pyar se bada chutiyapa aur kuch nahi...Be single and love yourself.
Atul baahar se bhale hi gussa tha lekin andar se toot chuka tha...Upar se daaru ki nasha...Kuch bhi bole jaa raha tha...Bas apna dard ko bhulaane ki koshish kar raha tha.
Saamne Nisha ka bhi haal kuch thik nahi tha...Naa hi apne dil ki baat bol paa rahi thi...Aur naa hi Atul ko iss haal me dekh paa rahi thi...Bas kisi tarah Atul ko sambhaalne ki nakaam koshish kar rahi thi.
Atul...In some person there is third tributary of portal vein? What is that?
Rahul sir ki question se jaise Atul hosh me aaya.
Atul:- Sir question?
Rahul sir question repeat karte hai.
Atul:- I don't know sir.
Dr. Rahul:- Dhyan kidhar hai? Anyone?
Rahul sir ne bas itna hi kaha tha ki...
Ravi:- Inferior mesenteric vein.
Dr. Rahul:- Right...Aur Atul tera dhyan kidhar hai...2-3 classes se dekh raha hu tujhe...Koi problem hai kya?
Rahul sir abhi bhi Atul ko gusse se dekh rahe the.
Abhisekh (Ravi's friend):- Bhai sahab ko class aane ki fursat mile tab na...Pichle 1 months se classes bunk kar rahe hai...Aapka aur kuch selected teacher ka hi class attend kar rahe hai.
Lagta hai 2nd topper hone ka kuch jyada hi ghamand ho gaya hai...Itna simple question ka answer nahi de paata hai...Kaisa topper hai?
Ek to pehle se hi mood off aur upar se ye sab...Abb Atul ka khud par koi kaabu nahi tha.
Atul:- Khuda meherbaan to gadha pehelwaan...Abhi accha time nahi chal raha hai to tujhe bhi mauka mil gaya bhonkne ka.
Jo chutiya exam me pass nahi ho paata hai wo mujhe sikha raha hai kaise padhna hai.
Abhisekh:- Mai pass hou ya fail...Tujhe isse kya matlab?
Atul:- Exactly...Tujhe bhi kya matlab mera atrendance aur bunking ka.
Aur mujhe tujhse koi matlab nahi...Tu pass ho ya fail mare ya jeeye ya fir bhaad mai jaaye mujhe koi matlab nahi...Bas tu apna kutte jaise munh se bhonkna band kar.
Aur baat baat par apne baap se panga mat le.
Abhisekh:- Kuch jyada hi bol raha hai?
Atul:- Abhi sirf bol raha hu...Agar tu aise hi bakwas karta raha naa to pata nahi kya karunga.
Dr. Rahul:- Enough...Both of you get out...Class hai ye and both of you are students.
Fir dono baahar nikal jaate hai...Gate me pahunch kar.
Atul:- Sorry sir...But abhi bahut bura time chal raha hai...Class bhi sirf attendance ke liye attend kar raha hu...Aur frustration me pata nahi kya kya bol diya...Sorry sir.
Fir Atul waha se chala jaata hai.
Lunch Time
Anjali:- Itna gussa pehli baar dekh rahi hu Atul ko...2 months me bahut badal gaya hai...Ajay tum usse kyu nahi samjhaate?
Ajay:- Wo mujhe sunega? Mujhe bhi ignore karta hai aaj kal...Khud me hi khoya rehta hai...Alag hi duniya me jee raha hai wo...Agar thoda bhi irritate ho jaaye to dekh hi liya tumne.
Anjali:- To kya ham sab sirf dekhte hi rahe...Pyar me haara hai naa? Isse duniya thodi khatm ho jaati hai jaise Atul behave kar raha hai?
Ajay:- Pyar me haara hai...Itna halka mat lo iss baat ko...Maine bhi mehsus kiya hai iss dard ko...Kya gujra tha mujh par tumhaara uss majaak se.
Jeene ka koi makshad hi nahi rehta agar koi pyar me itna dub jaaye aur usko pyar naa mile...Koi khud ko nashe me barbaad kar deta hai to koi Atul ban jaata hai.
Fir bhi kuch to karna padega...Aise nahi dekh sakta mai Atul ko.
After Lunch
Jab Ajay aur Anjali chale gate tab...
Kajal:- Nisha ruko.
Nisha:- Kya hai?
Rukhepan ke saath Nisha ne jawaab diya.
Kajal:- Jaanti hu tum kyu naaraj ho abb tak mujhse?
Nisha:- Point par aao.
Kajal:- Mujhe bhi bahut dar lag raha hai Atul ki haal par...Please usse sambhaal lo.
Nisha:- Aur kuch.
Kajal:- Jaanti hu maine galat kiya...Par kya karti.
Confused thi mai pehle...Inkaar nahi karungi mai bhi Atul ki taraf attracted thi...Par koi hai jo mujhe pyar karta hai...Hadd se jyada...Amit...Lekin maine uske pyar ko seriously liya hi nahi.
Atul ke proposal ke 2 din pehle jab Amit ka accident hua to mujhe uski pyar ka ehsas hua...Amit ko khone ki dar se hi mujhe Amit ke liye pyar ka ehsas hua...Tab samajh me aaya mai apne sacche pyar ko thukraa kar apne attraction ki taraf bhaag rahi thi.
Bas ek galti ho gayi ki Atul ko indirectly hint deti rahi ki mai usse pyar karti hu...Aur issi hint ki vajah se shayad wo bhi mujhe pyar karne laga.
Galti kiya hai maine attraction ki vajah se lekin bahut der ho gayi thi...Iss galti ko sudhaar to nahi sakti thi par aur badhne se jarur roka.
Nisha chup hi rahi.
Kajal:- Accha meri baat mat maano...Par tumhe apne Atul ke liye to karna hi padega.
Achanak se Kajal muskura kar boli.
Nisha:- Apne Atul.
Kajal:- Kyu tum Atul se pyar nahi karti?
Nisha chup hi rahi.
Kajal:- Sab dikhta hai Madam...Jitna tum mujhe Atul ke saath dekh kar jalti thi utna hi mai bhi...Bas mere chehre se dikhta nahi tha.
Nisha bas Kajal ko dekh rahi thi.
Kajal:- Aaj bhi tumhaari aankho me Atul ke liye wohi pyar dikhta hai...Hats off to your love...Ye jaane ke baad bhi ki Atul ne mujhe propose kiya tumhara pyar me koi kami nahi aaya.
Ek baat aur kahungi...Nahi jaanti ki ye sach hai ya vaham lekin kabhi kabhi mujhe aisa bhi laga ki Atul tumse pyar karta hai.
Yahi mauka hai Atul ko samjhaao...Usko bataao ki tum usse kitna pyar karti ho.
Pyar naa sahi par dosti ki khaatir...Please Atul ko pehle jaise banaa do...Kahi gusse me wo khud ka hi koi nukshaan naa kar le.
Itna keh kar Kajal bhi waha se chali gayi...Reh gayi Kajal...Man me anek soch ke saath.
Kajal se to wo bhi sehmat thi...Wo bhi bataana chaahti thi Atul se ki wo kitna pyar karti hai usse...Par haalaath abb pehle jaisa nahi tha...Iss 1 mahine me naa jaane kitni baar dono me behas ho chuka tha...Ek do baar to jhagda hote hote bacha...Atul ka gussa dekh abb Nisha ko bhi dar lagne laga tha.
Kabhi Nisha ko Atul ke liye dar lagta to kabhi uss par gussa aa raha tha.
Atul:- Kyu bulaya mujhe yaha?
Ek restaurant me pahunch kar Atul ne kaha.
Ajay:- Kuch baat karni hai.
Atul:- Jaruri baat hai to bol...Faaltu cheej ke liye mere paas vakt nahi hai.
Ajay:- Pehle baith to sahi. Bol Vodka order karu ya beer.
Jawaab me Atul Ajay ko gusse se ghurta hai.
Ajay:- Tune peena suru kar diya hai to kya problem hai? Chal aaj peete hai tera sab frustration nikal jaayega.
Atul:- Maine peena ussi din chhod diya jis din Kajal ne mere propose ko inkaar kar diya...Last time ussi din peeya tha.
Ajay:- To aaj nahi peeyega?
Atul:- Nahi...Kyu mai dusro ke liye khud ko barbaad karu...Pyar me devdaas hone se kuch nahi hoga...Aage badhna jaruri hai.
And most important thing is "Love yourself." Kabhi dil nahi tootega.
Aur mai jab khud se itna pyar karta hu to cigarette aur daaru se kaise khud ko barbaad hone de sakta hu.
Ajay:- Acchi baat hai...Aur sahi bhi hai ki tune cigarette aur daaru chhod diya? Lekin kya tu sach me aage badh paaya hai?
Atul:- Off course.
Ajay:- Sach me?
Iss baar Atul chup ho gaya.
Ajay:- (Muskura kar) Acche se jaanta hu tujhe chutiye...Tu bhale hi kitna bhi gussa kyu naa ho lekin tu soft hearted hai...Jaanta hu kya beet raha hoga tujh par.
Atul:- Sirf tu hi jaanta hai yaar mujhe.
Iss baar Atul bhi emotional ho gaya.
Ajay:- Samajhte to sab hai tujhe...Par tera ye badla hua roop dekh darte hai.
Maine socha tujhe time deta hu...Shayad jald hi sab thik ho jaaye...Lekin tu akela hota jaa raha hai...Frustration aur gussa baat baat par ho jaata hai.
Atul bas Ajay ko hi dekh raha tha.
Ajay:- Abb tune agar kuch na bataane ki kasam tod diya hai to kuch puchu?
Atul:- Puch.
Ajay:- Kajal ko propose kyu kiya tune? Bas ye chutiyapa samajh me nahi aaya...Pura yakin ke saath keh sakta hu tu Kajal se pyar nahi karta hai.
Atul:- (Muskura kar) Matlab ye bhi pata chal gaya.
Ajay:- Teri nas nas se waakif hu...Abb vajah bata.
Atul:- Sach hai yaar...Kajal meri sirf friend hi hai...Pyar wali feelings kabhi tha hi nahi.
I love Nisha...Jab se pyar ko mehsus kiya hai tab se mai Nisha se pyar karta hu...Abb bhi karta hu aur hamesha karta rahunga.
Ajay:- Pata hai...Tu hi hai jo maanne ko taiyaar nahi tha...Sab dikhta hai yaar...Propose kyu kiya Kajal ko wo bol?
Atul:- Batata hu...Pehle hi bata deta lekin dar tha ki kahi tu jaa kar Nisha ko bata naa de...Pehle vaada kar.
Atul:- Nisha...Ye naam aur ladki pata nahi kab mere dil ke gehraayi me bas gayi...Kuch alag hi jadoo hai...Kabhi uski yaado me chehra muskaan se khil jaata hai to kabhi wo meri naa hone ki vajah se itna maayusi chaa jaata hai aur dil me itna dard uthta hai ki aaj mai iss haal me hu.
Mujhe pyar karna sikhaya...Pyar ka matlab bataya...Ehsaas karwaya ki pyar kitna hasin hai.
Aur mai samajh bhi gaya...Pyar ki ehsaas hote hi kuch special sa feel karne lagta...Har vakt Nisha ki yaado me muskuraata rehta...Uske saath hone ka sapna dekhta rehta tha...Aisa lagta mai kisi pancchi ki tarah udd raha hu iss pyar bhari duniya me...Aur ye duniya bhi kitni khubsurat hai...Aisa lagta meri har taraf hariyali aur khushiyali hai...Itna special feel kar raha tha mai khudko...Bata nahi sakta kitna khubsurat tha ye...Naye naye pyar ka rang jo chhadha tha.
Aur pyar bhi itna karne laga tha Nishu se ki bata nahi sakta...Bas uski ek jhalak ke liye dil taras jaata tha...Jo banda sirf padhai ke liye hi college jaaya karta tha, important lecture ke vakt bhi sabse najre chura kar Nishu ki ek jhalak churaane laga...Bas issi se uska din ban jaata.
Nisha ke saath wo baatein, wo hansi majaak...Bata nahi sakta dil ko kitna sukoon deta hai.
Aur jab wo mere najro ke saamne nahi hoti tab phone, messages...Har wo koshish karta ki Nisha mere paas hi rahe...Jo banda hafte me ek pal ke liye fb me online aata uska ghar hi fb ban gaya tha.
Pyar ka rang jitna gadha hota jaa raha tha utna hi mera pyar aur paagal pan.
Itna keh kar Atul Ajay ko dekhta hai...Wo bahut dhyan se Atul ki baatein sun raha tha...Achanak hi Atul ka muskaan gaayab ho gaya aur fir udaas ho kar usne aage bolna suru kiya.
Atul:- Lekin sacchaai ka saamna hone me vakt nahi laga...Ek baar fir ehsaas hua ki Nisha ka bf hai...Jaanta to pehle se hi tha...Nisha ne bataya tha...Lekin pyar me andha iss baat ko bhul gaya.
Ajay:- Wtf? Nisha ka bf !!! Ye kya bak raha hai.
Atul:- Sach bol raha hu.
Ajay:- Mai nahi maanta...Wo hamaari dost hai...Agar aisa hota to hame pata chalna chaahiye tha.
Atul:- Tu sirf friend hai...Mai best friend...Ye baat sirf mujhe hi pata hai...Aur koi kisi se pyar karta hai to pure mohalle me halla nahi karta ki mai kisi se pyar karta hu ya karti hu.
Ajay:- Lekin maine to Nisha ki aankho me sirf tere liye pyar dekha hai.
Atul:- Sahi hai...Accha Opthalmologist (Eye specialist) banega...Aankhe dekh kar bimaari bata dega.
Atul chhidh kar bola.
Ajay:- Joke tha ye.
Atul:- Haa...Tere liye...Bada aaya dusro ki aankhein padhne wala.
Maine bhi Kajal ki aankho me apne liye pyar dekha tha...Lekin hua kya? Wo friendship hi tha...Jisse mai pyar samajh baitha tha.
Ajay:- Lekin Nisha ke case me ye nahi hai yaar...Accha ye bata...Sach me Nisha ne tujhe bataya ki wo kisi sir se pyar karti hai?
Atul:- Haa.
Ajay:- I can't believe this.
Atul:- But reality is beyond your belief and thought.
Ajay:- Kabhi tu kehta hai tu Nisha se pyar karta hai aur propose Kajal ko karta hai? Ye kya chutiyapa hai?
Atul:- Bata raha hu...Lekin tu hi bich me rok deta hai.
Pyar kitna haseen aur khubsurat hota hai ye to bata diya...Lekin ek tarfa pyar utna hi dardnaak hota hai.
Har pal ghut ghut kar marna padta hai...Ham kisi se be intehaah pyar karte hai aur wo kisi aur se pyar karta hai.
Naa jaane ss pyar ne mujhe kya kya dikhaya aur kya kuch karwaya...Bewada aur nashedi tak bana diya...Wo to vakt rehte sambhal gaya warna na jaane kya hota mere saath.
Lekin abhi tak dil ko sambhaal nahi paaya...Bhulaane ki kitni koshish kiya lekin aur bhi yaad aati hai...Dil se dard uthta hai har yaado ke saath...Wo to meri dhadkan ban chuki hai...Aise kaise itni aasaani se usse bhulaa sakta hu.
Abb to jab bhi Nisha ko dekhta hu dil aur aankhein dard aur aansu se bhar jaate hai...Khud ko haara hua mehsus karta hu...Bhagwaan se ek hi sawaal puchta hu....Aisa mere saath kyu hota hai? Kya saccha pyar karna koi gunaah hai?
Jis Nisha ke piche mai paagal tha uss par mar mitaa tha...Aaj ussi Nisha se dur bhaagta hu...Bhaagta hi aa raha hu...Lekin khud se bhi koi bhaag sakta hai?
College bhi aaj kal issi liye bunk karta hu ki Nisha se dur reh paau...Uske saamne hote hi mai apne feelings par kaabu nahi kar paata.
Ek do baar jaan bujh kar Nisha se bahas bhi kiya...Ladaayi bhi hua...Usse nafrat ho jaaye aur mai aage badh paau...Lekin nafrat to dur ki baat hai ulta uss par aur bhi pyar aata hai.
Aaj kal khud ke bebasi aur kamjori par itna gussa aata hai ki chhoti chhhoti baato par chhidh jaata hu...Gussa naak par rehta hai...Apna haar ko bardaast nahi kar paata...Pata nahi kab ye gussa mujhse kya karwa de?
Fir Atul Ajay ko dekhta hai.
Ajay:- Aur Kajal ko propose?
Atul:- Jab ehsaas hua ki Nisha meri kabhi nahi ho sakti aur maine khud haar maan liya...To socha aise to jee nahi sakta...Mujhe aage badhna hi padega.
Mujhe aisa lagne laga ki Kajal bhi mujhse pyar karti hai...Aur mai bhi usse apna best friend manta hu.
Shayad Kajal hi mere liye sahi rahegi iss gham se ubharne ke liye...Dhire dhire mujhe bhi Kajal se pyar ho jaayega...Aur vakt sab kuch thik kar dega.
Fir khud ko taiyaar kiya ki Kajal mujhe kisi haal me inkaar naa kare aur mai uske saath aage badh saku.
Lekin kismat ko mera khushi manjur hi nahi?
Kajal ne jab inkaar kiya to mai bahut roya tha...Aur meri har aansu me Nisha thi...Aage badhne ki ek aur vajah chheen gayi thi...Pata nahi Nisha ki bina kaise jee paaunga.
Tab se lekar aaj tak akele me kabhi rota hu to kabhi tanhaaiyo me raat gujaar leta hu.
Ajay:- Alag level ki chutiyapa hai ye.
Atul:- Jaanta hu...Lekin kuch kar bhi to nahi sakta.
Ajay:- Kyu kuch nahi kar sakta? Nisha ko jaake propose kar de?
Atul:- Paagal hai kya? Pehle hi bata chuka hu uska bf hai...Agar maine propose kar diya to wo kya sochegi mere baare me...Best friend samajh kar wo mujhe har baat bataati hai aur mai uska vishwas tod du...Abhi jaisa bhi hu uska best friend to hu.
Ajay:- To fir aise jee paayega? Bol?
Atul:- Nahi...Lekin fir bhi sambhal jaaunga...Vishwas hai mujhe.
Ajay:- Ek mahina ho gaya hai...Aur kab tak?
Atul:- Dil ka jakhm hai...Bharne ke liye vakt lagega.
Ajay:- Matlab tu Nisha se nahi bolega apni dil ki baat?
Atul:- Nahi.
Ajay:- To fir thik hai...Mai hi jaa kar Nisha ko sach bata deta hu.
Atul:- Vaada kiya tha...Aur khabardaar jo kuch bola to...Tera aur mera dosti yahi tak rahega.
Ajay:- Ye tere khushi ki baat hai...Mai sirf kehne ke liye dost nahi hu...Tu khus rahe yahi mai chaahta hu...Mai bataaunga to jarur chahe hamaari dosti rahe ya nahi.
Atul:- Meri aankho me dekh.
Jhuth nahi bol raha hu...Pehle hi mai paagal jaisa ho chuka hu...Agar tune kuch kiya to mai iss paagalpan me wo kar jaaunga ki tujhe jindagi bhar afsos rahega.
Atul ki iss baat se Ajay bhi dar gaya...Gusse me.
Ajay:- Ek baat bolu...Tera kismat jaisa hai waisa hi rahega...Nisha tujhe kabhi nahi milegi...Koshosh bhi mat kar tu.
Atul:- Ho gaya tera.
Ajay:- Haa ho gaya.
Itna keh kar Ajay bhi gusse se Ajay bill pay karne chala gaya.
Ajay:- (Thodi dur aage jaa kar) Par teri iss haaalat ke liye bahut bura lag raha hai.
Atul:- Humdardi ke liye shukriya.
Itna keh kar Atul restaurant se baahar nikal gaya.
Atul:- (In his mind) Saala mujhe sikha raha hai mujhe kya karna chaahiye...Iska kismat accha hai ki isko pyar aasani se mil gaya...Sochta hai ki pyar bahut aashaan hai...Mai Nisha ko propose kar dunga aur wo accept kar legi.
Pyar karta hu mai Nisha se...Mera bhi khwahish hai ki hamesha uske saath rahu...Lekin usko bhi to mujhse pyar hona chaahiye.
Jaanta hu ki iss pyar ka future nahi...Fir bhi bewkuf propose karne ke liye bol raha hai...Pyar ke saath saath izzat bhi chali jaayegi Nisha ke saamne...Galat naa ho kar bhi galat ban jaaunga uske saamne.
Ajay:- Ye Ravi bhi aaj kal kuch jyada hi ucchal kud kar raha hai...Nisha se friendship karne ka koi mauka nahi chhod raha hai!!!
Atul bhi canteen me gusse se Ravi aur Nisha ko dekh raha tha.
Atul:- Abb mai kya kar sakta hu agar Nisha ko koi problem nahi hai to...Uski jindagi uski marji.
Lekin agar Ravi ki vajah se wo thoda bhi uncomfortable hui to sar fodd tunga saale ka Kasam se.
Jawaab sun kar Ajay hasne lagta hai.
Atul:- Has kyu raha hai.
Ajay:- Ek taraf keh raha hai tu Nisha ko bhulaane ki koshish karega...Lekin pyar bhi itna karta hai ki thodi si kya baat kar li tu to andar se jal gaya.
Atul:- Bhulne ki baat kisne kiya...Mai to pyar ke chakkar se dur rehne ki baat kar raha tha...Aur dur ho jaaunga bhi...Bas thoda vakt chaahiye.
Ajay:- Rehne de...Tujh se naa ho paayega.
Atul:- Dekhte hai.
Ajay:- Wo to dekh hi rahe hai.
Fir Ajay Atul par hanste hue class chala jaata hai...Atul kabhi Ajay ko gusse se dekhta to kabhi Nisha ko.
After College
Saala ye bike bhi...Petrol bhi abhi khatm hona tha...Sab chale gaye...Aur aaj paise bhi laana bhul gaya.
Mr. Ak...Koi problem?
Nahi...Sab thik hai.
Lekin mujhe aisa to nahi lag raha?
Tum apne kaam se matlab rakho...Pehle hi dimaag kharab hai.
Atul Nisha ki taraf dekhe hi gusse me bole jaa raha tha.
Dimaag kharaab!!!Ye kaise? Accha koi baat nahi...Beemari bataao fir dawaai ki naam bataati hu.
Atul gusse se Nisha ko dekhta hai...Lekin iska bhi ulta hi asar hua.
Nisha:- (hanste hue) Gusse me tum bilkul bandar lagte ho...Cute Monkey.
Atul gusse me waha se nikalne lagta hai.
Nisha:- Agar lift chaahiye to aa sakte ho.
Lekin Atul koi response nahi deta.
Nisha:- Sirf mai hi hu last college me...Fir paidal hi ghar jaana padega.
Lekin Atul fir bhi koi response nahi deta.
Nisha:- Accha ego problem...Yaad hai ek din jab mai college me akele reh gayi thi tab tum aaye the mujhe lene...Ussi ka hisaab barabar samjho.
Atul ko pata tha Nisha kitni jiddi hai...Behtar yahi tha ki chup chaap scooty me baith jaaye.
Atul:- Acche se chalaana.
Nisha:- Uski fikr tum mujh par chhod do.
Fir Nisha scooty chalaana suru kar deti hai.
Atul:- Marwaaogi kya...Itna fast kaun chalata hai...50 km/hr...Dhire dhire.
Nisha:- Kyu...Dar gaye?
Atul:- Mai to tumhara fikr kar raha tha.
Nisha:- Accha ji...Tab ye lo.
Fir Nisha scooty thoda aur fast kar deti hai...Aur Atul se baatein karti jaa rahi thi...Kisi bhi haal me wo Atul ka mood thik karna chaah rahi thi.
Picche baitha Atul gussa hone ki laakh koshish kar raha tha par ho nahi paa raha tha...Nisha ki baato ka bhale jawaab nahi de raha tha par mirror se chup kar muskura raha tha.
Dono ek dusre me hi khoye the ki achanak saamne se fast speed truck aa jaata hai...Nisha bhi sambhaal nahi paati.
Achanak se handle modte hi dono dur jaa kar girte hai...Kismat accha thi ki dono truck se bach gaye...Nisha kate hue ghaanso par girti hai...Haath thoda cheel gaya tha lekin jyada chot nahi aaya tha.
Atul dusri aur haath ke bal niche jameen me gir jaate hai...Haath aur ghutno me thida chot aata hai.
Atul:- Tum thik to ho naa.
Atul utth kar Nisha ke paas jaata hai aur usse bhi pyar se uthaata hai...Fir check karne lagta hai ki kahi chit to nahi lagi.
Sab kuch normal tha.
Atul:- Kyu? Kyu aisi paagalpan karti ho? Agar tumhe kuch ho jaata to?
Atul bhi ek dum se emotional ho gaya tha.
Nisha:- Kuch ho jaata to?
Atul:- To mera kya hota? Kaise jee paata tumhaare bina?
Nisha:- Kyu?
Atul:- Because I love you...Tum kabhi nahi samjhogi.
Atul ne dar aur haalat ke saamne jhuk kar ye bol to diya par bolne ke baad ehsaas hua usne kitni badi baat bol di hai.
Atul:- Tumhe ye license kisne diya? Chalaana to aata nahi...Aise hi logo ki vajah se road accident hota hai.
Fir Atul waha se jaane lagta hai.
Nisha:- Atul...
Atul:- Mujhe apni jaan bahut pyari hai...Kisi ki bewkufi me marna nahi chaahta.
Fir Atul waha se ladhkhadaate nikal jaata hai...Ye baat to usse bhi bata tha ki Nisha ko jyada chot nahi aayi hai...Wo aashaani se apna ghar aa sakti hai.
Lekin dusri taraf Atul ki baatein Nisha ki dil ko chubh gayi...Wo bas Atul ko dekhe jaa rahi thi...Aankhein aansu se bhar gayi thi.
At Home
Atul:- (To himself) Kya jarurat tha tujhe aisi bewkufi karne ki...Dhire dhire Nisha ki pyar ka paagalpan kam ho raha tha...Lekin dar, Nisha ko khone ki dar se jo dil me tha sab bol diya...Kyu khud par kaabu nahi kar paaya?
Lekin bahut galat kiya daant kar? Pata nahi kya kya bol diya...Propose karke ek galti to kar diya...Aur usko chhupaane ke liye dusri galti.
Pata nahi Nisha kya sochegi..Shayad nafrat karegi...Accha hai...Aage badhne ki ek vajah mil gayi...Uski nafrat se usse bhulaane ki koshish karunga.
Lekin kya usko bhula paaunga...Nahi yaar...Nahi ho paayega mujhse...Fir bhi aage to badhna padega.
Aur na jaane aise hi kayi feeling Atul ke dimaag me aa raha tha...Kabhi khud par gussa hota to kabhi khud par hi rona aata.
Atul:- Abb ye kya hai? Abb kyu bulaya?
Fir ek restaurant me Ajay se milte hi Atul bhadak gaya.
Anjali:- Maine bulaya hai.
Atul:- Tumne...Lekin kyu?
Anjali:- Ye bataane ke liye ki tum sabse bade bewkuf ho?
Atul:- What do you mean?
Anjali:- Kya tumhe Nisha ka pyar nahi dikhta?
Atul:- What? Nisha love me.
Anjali:- Ha buddhu...Lekin tumhe samajh me aata hi kaha hai?
Atul:- Kya? Kab aur kaise?
Achanak hi Atul ke chehre ki bhaaw badalne lage...Aur dil me ek aash.
Atul:- Lekin wo to kisi aur se pyar karti hai?
Anjali:- Accha to uska naam bataao.
Atul:- Wo to mujhe nahi pata...Usne bataya hi nahi.
Anjali:- Bahut baar bataya...Lekin tum jaan naa sake...Uska naam hai Atul.
Atul:- Lekin ye kaise...
Fir Atul sab batein yaad karne lagta hai...Abb Atul ko lagne laga ki Anjali sach keh rahi hai.
Atul:- Oh my God!!! Lekin Nisha ne kyu nahi bataya mujhe.
Anjali:- Tum bhi to pyar karte ho...To fir tumne kyu nahi?
Atul:- Mujhe laga ki wo kisi aur se pyar karti hai aur usko kahi kho naa du.
Anjali:- Yahi jawaab hai Nisha ki taraf se...Tum to pyar me naastik thhe naa...Fir kyu uski pyar ko apnaoge...Fir oyar hua to bhi kisse...Kajal se.
Iss baar Atul khud ke sar me do mukke maarta hai.
Anjali:- Indirectly usne tumhe kitni baar bataya ki wo tum se pyar karti hai...Lekin tum.
Fir Anjali wo sab kuch bata deti hai...Jisse Atul anjaan tha.
Atul:- Sach me bewkuf hu mai...Itna bada bewkufi.
Atul ko abb khud par hansi aa rahi thi aur gussa bhi.
Lekin dil hi dil wo bahut khus tha...Aaj uska ek tarfa pyar do tarfa jo ho gaya tha...Abb usse Nisha par aur bhi pyar aa raha tha...Abb usse aur raha nahi gaya...Wo waha se nikal gaya.
Ajay:- Oye...Ruk to?
Lekin Atul kuch sunne ki haalat me hi nahi tha.
Ajay:- Pyar mila nahi ki dosti bhul gaya...Kamina.
Atul apne ghar pahunchte hi sidha chhat me chala gaya...Iss ummeed me ki Nisha waha hogi...Lekin usse niraasha hi mila.
Phone kiya to pehle hi ring me cut...2,3 baar try kiya fir bhi same result.
Atul:- (With smile) Bas kuch aur der meri jaan...Tumhaara iss gussa ko pyar aur muskaan me badal dunga.
Abb kya hua? Mujhe kyu bulaya? Kya emergency hai wo bhi iss park me? Aur tum ho kaha?
Nisha gusse me phone me chilla rahi thi.
Atul fir saamne ek ped se baahar aata hai...Aur Nisha Atul ko dekhti reh jaati hai.
Wohi getup jo Nisha ne Atul ko suggest kiya tha Kajal ko propose karne ke liye.
Aur aaj Atul ka wo mushkaan...Ek pal bhi Nisha Atul se najar nahi hataa paa rahi thi.
Atul:- Good afternoon madam.
Nisha:- Tum...Yaha iss vakt aur kya emergency hai?
Atul:- Gussa thukiye madam...Aap jab muskuraati hai to bahut khubsurat lagti hai.
Nisha:- Bakwaas band karo...Aur bolo kyu bulaya?
Atul:- Aapki ek najar ke liye taras gaya tha...Socha jee bhar ke aap ko dekh lu.
Nisha:- Tumne jhuth bol kar bulaya.
Atul:- Jee haa.
Nisha:- Ye muskuraana band karo...Damn irritating.
Atul:- Agar jhuth nahi bolta to tum jaise aa jaati...Check karo apna mobile...Over 100 missed calls and messages...Kaun apne aashiq ko itna tadpaata hai yaar.
Nisha:- Stupid.
Fir Nisha waha se jaane lagti hai.
Atul:- Jaa rahi ho...Jo baatein sunne ke liye tum itne dino se tadap rahi thi wo sune bina hi chali jaawogi.
Atul ka itna hi kehna tha ki Nisha apni jagah par hi ruk gayi...Dil ki dhadkan bhi tej hone laga.
Wo bas Atul ki kadmo ki aawaj hi sun paa rahi thi...Piche se Atul ka haath apne kandha par mehsus karte hi Nisha ki aankhein apne aap band ho gayi.
Atul Nisha ke saamne jaakar ghutno ke bal baith jaata hai aur Nisha ki ek haath ko le kar chumta hai.
Nisha ki aankhein khulte hi ek gulaab ka phul Nisha ki taraf badhaate hue.
Atul:- I love you.
Aur ummeed bhari nigaahon se Nisha ki taraf pyar bhari najro se dekhte hue uski jawaab ka intejaar karne laga.
Nisha bas issi pal ko jee rahi thi...Na jaane kitne din kitne pal iss lamhe ka intejaar tha...Jo aaj jaake puri ho gayi...Aakhir kaar uske buddhu Atul ko akal aa gaya tha.
Atul:- Bol bhi do yaar...Kaan taras gaye hai tumhaari pyari aawaj se jawaab sunne ke liye...Bol do.
Nisha ki hontho me bhi muskaan aa jaati hai...Lekin agle hi pal.
Nisha:- Nahi...Tumhaara koi viswas nahi hai...Kabhi bhi saath chhod doge.
Atul:- Ye haath jindagi bhar ke liye pakda hai...Isse koi taakat mujhe nahi chhuda sakta.
Nisha:- Mai kaise vishwas kar lu?
Atul:- Meri aankho me dekho.
Nisha fir Atul ki aankho me dekhti hai.
Atul:- Dikh raha hai na meri aankho me tumhaare liye bepanaah pyar...Insaan jhuth bol sakta hai lekin aankhein nahi.
Nisha:- Mujhe tum par koi vishwash nahi hai.
Itna keh kar Nisha munh fer leti hai.
Atul:- (Smiling) Agar aisa hota to tum mujhse pyar karti hi nahi.
Nisha koi jawaab nahi deti.
Atul:- Please Nishu...Aur mat tadpaao yaar...Ek baar keh do naa.
Atul:- Please yaar...Jaanta hu maine tumhara dil dukhaya hai...Sajaa bhugatne ke liye taiyaar hu..Lekin aaj nahi yaar...Kaan taras gaye hai.
Mai to tumhara hi hu...Jab marji jo marji sajaa de dena lekin please yaar bol do...Apni dil ki baat.
Atul ki iss baat se Nisha ki chehre par fir se muskaan aa jaata hai...Wo Atul ko uthne ki ishaara karti hai.
Fir Atul ko kaske gale lagaati hai.
Nisha:- I love you too.
Atul:- Ek baar aur.
Nisha:- I love you too.
Atul:- Ek baar aur.
Nisha fir Atul se alag hoti hai aur kandhe par maarne lagti hai.
Atul:- Please yaar...Ek aur baar.
Nisha:- I love you too.
Atul:- I love you three...I love you so much.
Fir Atul Nisha ko kaske gale laga leta hai.
Na jaane kitni der dono ek dusre ki baaho me bandhe rahe...Dono ek dusre ki pyar ko mehsus kar rahe the.
Achanak hi Atul ko masti chadhne laga...Wo Nisha ki peeth (back) me ungliyan ferne laga.
Nisha alag ho kar Atul ki chhati par mukko ki barsaat karne lagi.
Nisha:- Bahut bure ho tum...Bahut rulaya hai tumne.
Atul:- Jaanta hu...Bewkuf tha mai...Jo tumhaare pyar ko samajh nahi paaya.
Nisha:- Agar fir se koi bewkufi kiya to bahut maarungi.
Atul:- Banda maar khaane ke liye taiyaar hai.
Nisha:- Matlab bewkufi karoge?
Atul:- Bewkufi tumhaare saath hi to karta hu...Tumhaare liye hi to karta hu...Hakk hai mera.
Nisha:- Lekin iss bewkufi ne bahut rulaya hai mujhe.
Atul:- Roya to mai bhi hu...Par kya karta samajh hi nahi paaya tumhara pyar.
Nisha:- Sach me tum emotionless ho.
Atul:- Jaisa bhi hu...Abb to sirf tumhara hu.
Tabhi aakash me bijli garajne ki aawaj aati hai...Nisha darte hue Atul ki baaho me samaa jaati hai.
Atul:- Kyu madam? Abhi se control nahi ho raha...Kuch jyada hi chipak rahi hai aap.
Nisha:- Bahut ghatiya jokes tha.
Ek baar fir Atul par mukko ki barsaat ho jaati hai.
Aur dekhte hi dekhte vaarish bhi suru ho jaati hai...Lekin dono ko iski fikr kaha...Bas lage hue thhe ek dusre ki baaho me.
Alag hote hi Atul Nisha ki bikhre baalo ko thik karte hue.
Atul:- Bahut khubsurat lag rahi ho.
Atul ka ye pyar aur najar dekh Nisha ka muskaan aur bhi badh jaata hai...Baarish ki paani me Nisha kich jyada hi khubsurat lag rahi thi aur uski muskaan...Wo to khubsurati ko chaar chaand laga raha tha.
Atul to bas ussi me kho gaya tha.
Nisha:- Chalo na baarish me bhingte hue ghumte hai...Kuch baatein karte hai pyar bhari.
Fir dono chal padte hai ek dusre ki baahon me baahein daale apne nayi jindagi ki suruwaat karne.
Dr. Rahul:- Nisha ki Papa ki taraf se patient party aaye hai.
Ye sunte hi Atul ki dhadkan ekdum se badh gaya.
Atul:- Nisha bhi?
Dr. Rahul:- Pata nahi...Sirf itna hi msg aaya hai...Jaa kar dekhne ke baad hi pata chalega.
Atul apni hi soch me kho gaya.
Atul:- Sir aapko abhi iss sun glass ki jarurat hai?
Table ka sun glass ki taraf ishaara karke Atul ne pucha.
Dr. Rahul:- Nahi? Lekin kyu?
Atul:- Mujhe jarurat hai aur ek mask bhi.
Rahul sir Sun glass aur surgical mask dete hai.
Atul apna chasma utaar kar wo dono lagata hai.
Atul:- Nisha pehchaan naa sake iss liye.
Dr. Rahul:- Ek baar mil to le...Itne dino baad mauka mila hai...Aise kaise jaane dega.
Atul:- Abhi aisi haalaath nahi hai sir...Khwahish to bahut hai...Dil me kayi armaan dabe hue hai lekin majbur itna hu ki sirf sapne dekh hi sakta hu...Hakikat kuch aur hi hai.
Fir Atul waha se nikalne hi wala tha ki.
Dr. Rahul:- 1 min.
Atul:- Jee sir.
Dr. Rahul:- Apna phone number bol? Iss baar gaayab hua to pata nahi kabhi mai tujhe yaad rahunga bhi ya nahi?
Atul:- Ye kaisi baat kar rahe hai sir aap? Aap to hamesha se mera inspiration thhe aur rahenge. Aap ke liye dil se izzat nikalta hai.
Fir dono phone number exchange karte hai...Aur Atul waha se nikalta hai.
Waha se nikalne ke baad Atul ka dhadkan uske kaabu me hi nahi tha...5 saal baad...Nisha ki ek jhalak...Atul taras gaya tha...Dil se ek hi dua nikal rahi thi...Kaas Nisha waha maujud hu.
Iss baar uska dua kaam kar gaya...Nisha ki Dad ki ward me Nisha bhi maujud thi.
Atul ek kone me khada Nisha ko hi dekhe jaa raha tha...Nisha ko dekhte hi aankhein achanak se chamakne lagi...Hontho par muskaan aur ekdum se dil khush ho gaya.
Nisha:- Aap bhi na Papa? Sambhal kar chalna chaahiye aapko? Ye yo bhagwaan ka shukr hai ki kuch nahi hua?
N. Dad:- Mai to sambhal kar hi chal raha tha lekin...
Nisha:- Bas bas...Jaanti hu kitna sambhal kar chal rahe the?
N. Dad:- Bahut kuch jaanti hai...Ye bhi ki mujhe jhuth bolte hue bhi pakad liya tune?
Nisha:- Fikr karti hu...Lekin aapko kya? Aapko to koi matlab hi nahi.
N. Dad:- Accha baba...Sorry.
Nisha:- Maafi tab hi milegi...Jab aap vaada karenge ki abb aise galtiya kabhi nahi karenge.
N. Dad:- Accha karta hu vaada.
Fir Nisha muskuraane lagti hai...Ye dekh Atul bhi saath hi muskuraane lagta hai...Kitna accha lag raha tha usse aaj Nisha ko hanste dekh.
Nisha ki issi hansi ke liye hi to wo bhagwaan se din raat dua karta tha...Aur ye dekh Atul ka bhagwaan se saari shikayat khatm ho gaya.
Nisha ko bhi aisa lag raha tha ki koi to hai jo usse dekhte jaa raha hai...Koi apna sa...Ek khinchaaw.
Lekin jab wo Atul ki taraf dekhti hai to waha koi nahi tha...Nisha bhi ussi chhaaya ko dhundne lagti hai...Hospital ka har ek kona...Lekin usse naakami hi haath lagti hai.
Dil ek baar fir se bhaari ho gaya tha...Aisa lag raha tha jaise Atul fir uske paas aate aate usse dur ho gaya...Aankhein ek baar fir bheeng gayi.
Fir wo apne Papa ke paas aa kar.
Nisha:- Aapko kisne admit kiya?
Kuch der sochne ke baad.
N. Dad:- Thaa ekbhala insaan.
Waha se dur ek taxi me Atul abhi bhi muskura raha tha Nisha ko yaad karke.
Wohi chhoti chhoti baato par muskuraana, kisi tarah kisi ko bhi kiisi bhi baat ke liye mana lena, wohi pyari aur meethi si koyal si bol, wohi adaayen aur wohi khubsurati...Vakt ke saath Nisha ki khubsurti aur bhi badhta hi gaya...Aur ussi me Atul abhi tak khoya tha.
Inn sab se bhi jyada Nisha ki wo hansi...Wo khushi...Jiske liye Atul ne kayi din aur raat duaaon me gujaar diya tha.
Aaj Atul bahut hi jyada khus tha...Uska dua kaam kar gaya tha...Nisha ki ek jhalak se hi usse wo sukoon mil gaya jo wo 5 saalo se dhundne ki naakaam koshish karta aa raha tha.
Taxi Driver:- Sir change nahi hai?
Atul:- Koi baat nahi rakh lo.
Taxi Driver:- Thank you sir.
Taxi driver to khush ho kar waha se chala gaya par Atul ko uski khushi me bhi apna khushi dikh raha tha...Ek dum se ye duniya hi usse khushnuma lagne laga tha.
Ajeeb hai ye pyar...Kabhi pal bhar me hi saari khushiyan de deta hai
Thoda hairaani me ek Orphanage ke Manager ne pucha.
Atul:- Donation.
Manager:- Thank you sir. Lekin kya mai vajah jaan sakta hu.
Atul:- Kuch khaas nahi. Aaj bahut khus hu...To socha kuch donation kar du...Kisi ke liye bhala ho jaayega.
Baat ye hai ki...Ek din hamne decision liya tha...Ek bahut hi khaas insaan ke saath...Jab bhi ham bahut khus ya bahut dukh honge to kisi ke liye kuch accha karenge.
Khushi me aisa karne se khushi kayi guna badh jaayega aur dukh me bhi kuch to accha mehsus hoga.
Dukh me to kabhi kuch nahi kiya lekin aaj jab khush hu to socha ek chhoti si donation yaha de du.
Manager:- Nice thought sir.
Atul:- Ok sir...Mai chalta hu.
Aaiye aaiye damaad ji...Aaiye?
Laghbhag 50 yrs ke aadmi Atul ke aate hi utsaahit ho kar bole...Unhe dekh kar hi lag raha tha ki wo besabri se Atul ka intejaar kar rahe the.
Atul:- Damaad? Aur aap yaha?
Atul ghar me jaate hi dekhta hai ki pura fauj hi bin bulaaye mehmaan ki tarah tapak aaye hai.
Yaani ki Preeti ki Papa, Maa aur uska bhai Amit.
Ek najar sabhi ko gusse se dekh Atul waha se jaane hi wala tha ki.
P. Dad:- Are kaha jaa rahe ho? Baitho kuch der.
Atul ek najar sab ko ghur kar baith jaata hai...Saamne uske family bhi tha.
Atul:- Kya baat hai?
P. Dad:- Ghuma fira kar baat nahi karunga...Tumhara aur Preeti ka rishta tay kar diya hai...
Atul:- Rishta aur tay...What the hell? Aur kisse puchke?
P. Dad:- Abb umar ho gayi hai beta tumhaare shaadi ka.
Atul:- Kisse puchke?
P. Dad:- Aaj ke generation bhi na? Khud apni faisla leti hai. Tum dono ka rishta to 5 saal pehle hi tay ho chuki thi...Riya aur Gaurav ke shaadi ke hote hi tumhaara aur Preeti ka bhi tay ho chuka tha.
Atul:- Kisse puchke?
Atul ka aawaj tej hota jaa raha tha.
Amit:- Jaruri hai kya tujhse puchna.
Atul gusse me Amit ko ghur raha tha.
Amit:- Ghur kya raha hai...Doctor hai tu...Sirf ilaaj kar...Aise ghur mat.
Atul ka sir gussa se fatne hi wala tha.
Amit:- Pure 25 lakhs...Itna dahej...Tu puri jindagi doctori karta raha na to bhi tu jindagi bhar kama nahi paayega.
Agar mana kiya to jaan se jaayega.
Gaurav:- (In his mind) Pakka pitega aaj ye Amit.
Itna soch kar Gaurav muskuraane laga.
Atul:- Mai wo doctor nahi jo sirf dawaai ke bare me jaanta ho...Dawaai ke saath saath jeher ka bhi accha pehchaan hai.
Scissor (kaichi) ke saath saath talwaar bhi chalana aata hai jo gala (neck) kaatne me kaam aata hai.
Amit:- Tu nahi maanega...Tera akad kaise thikaane lagana hai ye mai acche se jaanta hu.
Itna keh kar Amit Atul ki taraf badhta hai...Wo kuch karta usse pehle hi Atul ek punch Amit ke munh pe maarta hai.
Amit ke naak se khoon behne lagta hai.
Atul:- Maine 100 se jyada jaan bachaya hai...Bhagwan mujhe 1 ya 2 khoon ke liye jarur maaf karega.
Saala mujhe maarne ki dhamki deta hai...Open challenge...Agar dum aur himmat ho to aa jaana kabhi bhi...Lekin itna jarur yaad rakhna ki tu do taango me ghar waapas jaa nahi paayega.
P. Dad:- Ye sab kya chal raha hai.
Atul:- Andhe to nahi hai aap...Dekh hi rahe honge sab kuch.
P. Dad:- Ham log yaha rishta ki baat karne aaye hai aur tum.
Atul:- Rishta ke saath saath mushibat ko bhi khatm karne.
P. Dad:- Lekin tumhaari problem kya hai?
Atul:- Bewkoof hi rahenge aap hamesha...Bahut baar keh chuka hu lekin aap samjhenge nahi.
P. Dad:- Accha wo ladki...Kya rakha hai uss ladki me?
Atul:- Jubaan sambhal kar...Nisha sirf ladki nahi jindagi hai meri.
Ye Preeti...Kya rakha hai isme...Akal naam ki to cheej nahi...Bewkoof, murkh...Aakhir beti jo aapki hai...Ghamand, jhuthi shaan aapki tarah aapki beti me bhi hai.
P. Dad:- Hey...Jara sambhal kar...Izzat se baat karo.
Atul:- Izzat...Boliye kaisa izzat chaahiye...Aapko laat maar kar nikaalu, thappad maar kar ya dhakka de kar.
Preeti ke Papa kuch der ke liye Atul ko gusse se dekhte hai.
P. Dad:- Mai apni beti ki khushi ke liye kuch bhi kar sakta hu.
Atul:-Aur mai apne pyar ke liye.
Fir Preeti ki family waha se nikal jaati hai...Jaate vakt Atul Amit ko ek baar fir ghurta hai.
Aur waha reh jaati hai Preeti aur Riya.
Preeti:- Maanti hu jo bhi Papa aur Bhaiya ne kaha galat hai.
Lekin aaakhir mujhme aisi kya baat nahi jo Nisha me hai?
Preeti ki baat sun Atul gusse me bhi hasne lagta hai.
Atul:- Naa samajh hi rahegi...Agar samajhti to kabhi mere picche padi nahi rehti.
Riya:- Tumne Papa ke saath bahut galat tarike se baat kiya.
Atul:- Bhabhi aapko aag se khelne ka bahut shaukh hai...Sambhal ke...Kahi jal kar raakh na ho jaaye.
Fir Atul waha se apne room chala jaata hai.
A. Dad:- (In his mind) Gaurav ki shaadi Riya se karana hi ek bhool tha...Inka family aur torture...Thak gaya...Accha kiya Atul ne jo aaj acche se beijjat kar ke nikaal diya.
Atul apne room me pahuchne ke baad purse se Nisha ki photo nikalta hai.
Atul:- Bahut khush hu mai jaan...Tumhe khush dekh kar.
Hamesha aisi hi khush raho tum...Jo khushi mai tumhe nahi de paaya wo kahi aur se hi sahi tumhe mil to raha hai.
Bhagwaan ka bhi shukra gujaar hu jinhone mera dua ka maan rakha aur tumhe wo saari khushiyan de di jo tumhe chahiye thi.
Aur mera kya...Mera khushiyan to tumhaari khushi me hai.
Aur jaanti ho aaj kya hua...Jo log hume alag karne ki saajish karte thhe aaj fir unhone wohi koshish kiya...Alag karna chaahte thhe tumse...Lekin kar sakte hai kya? Itna kamjor pyar hai hamaara? Nahi...Ye pyar to tumse puri jindgi bhar ke liye hai.
Once a lover, always a lover.
Itna keh kar Atul Nisha ki photo apne chhati se lagata hai...Ek baar fir uski aankhein bhar aaya...Iss bar aansu tha khushi ka...Nisha ki khushiyon ka.
