Agle din dono as usual college aate hai aur Sonal aage utar jaati hai aur chalte chalte college aajati hai.
Sonal jab college aati hai toh Payal usse puchti hai.
Sonal: Humdono saath hi aaye hai par main thoda pehle utar jaati hu.
Ishita: Kisliye. Jab aap dono ek hi jagah se aate hai toh aisa kyo.
Sonal: Kyoki main nhi chahti log chaar baate banaye ke Professor ek student ke saath jaana aana karte hai.
Payal: Hmm baat toh sahi hai. Waise bhi kuch logo ko toh ek bahana hi chahiye dusro ko pareshan karne ke liye.
Sonal: Isiliye main college se thodi durr utar jaati hu aur wahi se uthh jaati hu. Chalo ab.
Phir yeh teeno sabke paas aake baith jaate hai.
Sonal: Kyaa baat hai Neha aaj itna saj sawar ke aayi ho kahi jaana hai kyaa.
Neha: Nhii kahi nhi jaana hai. Bas aaj mera mann kiya isiliye just thoda sa extra touch up diya hai.
Vishal: Par tumhe aaj jo bhi dekhega woh tumhare pichhe pagal hojayega. Mann mein. Haaye kitni sundar lag rahi hai. Kahi meri hi nazar naa lag jaaye. Pata nhi kab yeh mere pyaar ko samjhegi.
Neha: Toh hojaane do mujhe kyaa hai. Bas mere saamne nhi aane se hi hua. Agar mere saamne aaya toh sidha Hospital mein jaayega. Mann mein. Mujhe sab se kyaa bas jinke liye itna sajna hua hai woh dekhle toh meri mehnat ka fal mil jaayega.
Idher Ishita kal se Neha ko aur uske expression ko dekh rahi thi aur usko uska yeh behaviour thoda ajeeb laga par usne ignore kiya kyoki woh uske baare mein achhe se jaanti nhi thi. Par uske mann mein ek shakk paida hogya thaa.
Neha: Chalo sab class ka time hogya hai. Raj Sir ka class start hone wala hai.
Ishita: Aree chalte hai chalte hai. 2 mins late hone se Raj sir humhe khaa nhi jaayenge. Woh itne bhi strict nhi hai. Yeh bol hasne lagti hai.
Ishita ke saath baaki sab bhi hasne lagte hai par Neha ko Ishita ki baat achhi nhi lagi par woh kuch bhi nhi bolti aur chup hojaati hai.
Phir sab apne apne class mein jaane lagte hai. Neha kuch jyaada hi jaldi jaa rahi thi. Jo Ishita ke shak ko badha raha tha.
Payal: Ishu kyaa soch rahi hai.
Ishita: Payal mujhe abhi thoda confusion hai ekbaar clear hojaane de phir bataungi. Bas itna samaj le mera jo confusion hai woh sach hua toh bahot bura hoga.
Payal: Kyaa bol rahi hai. Kuch samaj aaye aisa bol.
Neha aaj bhi first bench mein hi baithi thi. Aur baaki sab apne apne jagah pe.
Thodi der mein Raj aajata hai. Raj ko dekhte hi Neha ki chehre mein ek muskurahat aajati hai jo Ishita saaf dekh paa rahi thi.
Raj: Good Morning Everyone.
Sab: Good Morning Sir.
Raj: Main tum sab se kuch puchna chahta hu umeed hai jawaab sach sach doge tumlog.
Sablog Raj ko dekhne lagte hai.
Raj: Main jo padha raha hu jaise padha raha hu kyaa usme tumlogo ko koi problem hai. Kyaa main tumlogo ko thikk se topic samjhaa nhi paa raha hu.
Raj ke sawaal pe saare students chupp hojaate hai kyoki unko pata tha Raj kisliye yeh puch raha hai.
Raj: Kal jab maine tumlogo se pucha ke subah jo maine padhaya tha kya usme koi doubts hai koi question hai toh tumlog sab chup chaap the sivaay 2 jan ke. Aur jab maine tumsab ka usi topic ke upar test liya toh itna kharab result.
Agar tumsab ka topic clear tha toh test itna kharab kyo hua iska answer chahiye mujhe tumsab se. Aur agar topic clear nhi tha toh jab maine pucha tha toh tumsab chup kyo the. Mujhe tumsab ke answers chahiye.
Sabhi students ka sir nichhe jhukk jaata hai.
Phir Raj woh answer sheets nikalta hai aur ek ek karke naam bolta aur puri class ke saamne unnsab se sawaal karta hai toh sabka sir nichhe jhukk jaata hai.
Raj: Main last time yeh chiz dekh raha hu. Agli baar se aisa nhi hona chahiye. Main tumlogo ko jo samjha raha hu jo sikha raha hu yeh chiz future mein tumhare hi kaam aayega. Accounts koi easy subject nhi hai jisko ratta maara aur yaad hogya.
Agar thikk se doubts clear nhi hue toh exam mein fail hojaoge. Main phir se bolta hu agar kisi ko topic mein kahi bhi koi bhi problem hai toh mujhse discuss karo. Main apni taraf se puri koshish karunga aage tumlogo ki marzi.
Raj jaise hi chup hota hai toh ek ladka uthta hai aur bolta hai.
Ladka: Sorry Sir. Next time se aisa nhi hoga. Aur aap jaise padhate hai jaise samjhate hai usse humhe koi problem nhi horaha hai.
Sab: Yes Sir next time se aisa nhi hogaa.
Raj: Thikk hai. Mujhe yehi umeed rahegi.
Phir Raj aage padhana start kar deta hai.
Sonal: Mann mein. Kisi bhi teacher ko students ke liye itna karte hue maine nhi dekha. Agar yeh chahte toh apni duty puri karke students ko unke haal mein chore sakte the. Par innhone aisa nhi kiya ulta sabko samjhaya. Jitne din jaa rahe hai utne achhe se inko jaan rahi hu. Interestinggg.
Neha: Mann mein. Main inke liye itna saj sawar ke aayi aur inhone ekbaar bhi meri taraf nhi dekha ulta aate hi sabko daantna start kardiya aur phir sidha padhai. Areee ekbaar toh dekhlo aakhir aapke liye hi itna saja hai maine.
Sonal ne toh wapas se apna dhyaan padhai ke upar laga liya tha par Neha ne nhi lagaya uska pura dhyaan sirf aur sirf Raj ke upar hi thaa.
Class khatam hone ke kuch der pehle Raj sabse puchta hai.
Raj: Toh aajka topic sabko samaj aaya.
Kuch students issbaar haath upar karte hai aur bolte hai unko thoda doubt hai.
Phir ek ek karke teachers aate hai aur padhane lagte hai.
Idher Shivam apni uss beizaati ke baad se iss group ko roj observe karta tha aur apna badla lene ke liye sochta rehta thaa. Aur usko ek idea bhi aagaya tha jisse woh unki izzat ka kabada karne wala tha.
Recess mein sablog Canteen mein baith ke lunch kar rahe the tabhi Shivam waha aajata hai.
Shivam: Hiii guyss.
Sablog Shivam ko waha dekh kar thoda shock hue the.
Varun: Oo. Mr. Boxer. Aaj phir se yaha.
Shivam: Woh main ussdin ke liye sorry bolne aaya tha. Ussdin mujhse galti hogyi mujhe maaf kardo.
Soniya: Kyaa baat hai aaj yeh Ganga ulti kaise behene lagi. Uss din ke tevar toh kuch aur hi the.
Shivam ko Soniya ki baat pe gussa aata hai par woh apne chehre mein nhi aane deta.
Shivam: Uss din sach mein mere se galti hogyi thi isiliye main aaj maafi maangne aaya hu.
Vishal: Achhi baat hai.
Sonal: Aur hum woh baat usi din bhul gaye the ab tum bhi bhul jao.
Shivam: Thank you. So kyaa ab hum friends bann sakte hai.
Varun: Ek baat bata. Tu isse hi dosti karne ke pichhe kyo padha hai. Uss din bhi tu iske pichhe hi tha aur aaj bhi.
Shivam: Issbaar main sirf inse nhi tumsab se dosti karna chahta hu.
Vishal: Dekh tere liye abhi humare mind mein negative thoughts hi hai isiliye hum tujhse dosti nhi karna chahte.
Soniya: Aur ab please humhe lunch karne do.
Shivam: Thikk hai. Yeh bol waha se chala jaata hai.
Sonal: Ab harjagah aise kuch ladke hote hi hai. Ab inke wajah se hum jeena toh nhi chorr sakte naa. Aur jab tak yeh saamne se kuch nahi karta isko simply ignore karo.
Varun: Baat toh sahi hai.
Idher itna kuch hogya tha par Neha toh jaise waha hoke bhi waha nhi thi woh apne mein hi ghumm thi.
Soniya: Nehaa tujhe kyaa hua hai. 1st day se dekh rahi hu tera dhyaan kahi aur hi rehta hai.
Vishal: Haa Neha. Main bhi dekh raha hu. Kyaa hua hai tumhe. Tumhari tabiyat toh thikk hai naa.
Neha: Haa main thikk hu.
Vishal: Woh toh tum bol rahi ho par mujhe nhi lag raha hai. Tumhare dil-o-dimaag mein kuch aur hi chal raha hai. Tum humse bol sakti ho. Hum dost hai tumhare.
Varun: Kyaa baat hai bhai tujhe Neha ke dil-o-dimaag ke baare mein bahot pata hai kabhi humare baare mein bhi bata diya kar. Hum bhi dost hi hai tere dushman nhi.
Varun ki baat sunke jaha Vishal jhep jaata hai wahi baaki sab hasne lagte hai.
Vishal: Aisa kuch nhi hai. Woh toh Neha ko har waqt kuch sochte hi dekhta hu isikiye aisa bola.
Varun: Sharati andaaz mein. Achhhaaa aisaa kyaaa. Achha hua bata diya nhi toh main apni hi theory lagane wala tha. Yeh bil hasne lagta hai.
Neha: Varun tum toh ho hi over smart. Har chiz mein apni faltu theory lagana toh tumhari aadat hai.
Varun: Aree madam Smart toh hu hi par yeh over nhi too smart bolo.
Neha: Apna sir pitte hue. Iski toh beizaati karke bhi koi faiyda nhi. Pata nhi kis mitti ka bana hai yeh. Har baat ka jawaab hota hai iske paas.
Varun: Tareef ke liye shukriyaa.
Vishal: Ayee Varun tu chup kar aur Neha tum batao aakhir baat kya hai.
Neha: Mann mein. Aree kitna mast iss Varun ke chakar mein baat tal gayi thi par Vishal ne phir se wahi baat cherr di. Ab kaise bolu main ke mujhe Raj Sir se pyaar hogya hai. Aur aaj unke wajah se hi main dukhi hu.
Soniya: Lo yeh phir sochne lagi. Kyaa madam pyaar hogya hai jo baar baar kisi ke khayalo mein khoti jaa rahi ho.
Soniya ki baat pe jaha Neha jhepp jaati hai wahi Vishal pareshan hojaata hai.
Neha: Ghabraate hue. Nhi nhi aisa kuch nhi hai.
Varun: Toh itna ghabra kyo rahi ho jaise Soniya ne tumhari koi chori pakad li hai. Phir CID style mein bolta hai kuch toh garbar hai Daya. Kuch toh garbar hai.
Vishal: Mann mein. Kyaa sach mein Neha ko kisi se pyaar hogya hai. Par aise kaise hosakta hai achanak se. Jaan na pehchan aur pyaar hogya.
Neha: Ayee CID keede chupp kar. Aur aisa kuch hai woh toh Soniya ne achanak se yeh sawaal pucha toh main ghabra gayi.
Neha ki baat jaha sab shant hogaye the wahi Vishal ke mann mein darr baith gaya tha toh Ishita ka shakk aur gehra hogya tha.
Ishita: Mann mein. Kahi main jo soch rahi hu woh sach toh nhi. Agar waisa hua toh yeh achha nhi hoga. Naahi Neha ke liye aur naahi Bhabhi ke liye.
Sonal: Chalo ab class ka time horaha hai.
Neha: Haa chalo warna yeh Varun aise hi pakata rahega.
Phir sab apne apne class ki taraf rawana hojaate hai aur chutti hone tak class karne lagte hai.
Par Neha ke dimaag mein aaj kuch aur hi chall raha tha. Woh chutti hone ke kuch der pehle hi washroom ka bahana karke class ke nikal jaati hai aur Raj ke cabin ki taraf nikal padhti hai.
Neha Raj ke Cabin ke paas aake dekhti hai ke Raj andar hi hai aur kisi se phone mein baate kar raha hai.
Neha: Himmat karke. May I come in Sir.
Raj darwaaze ki taraf dekhta hai aur andar aana ka ishara karta hai.
Raj: Achha main baad mein baat karunga. Ab chutti hone wali hai toh mujhe nikalna hoga. Yeh bol call cut kardeta hai.
Raj: Haa bolo.
Neha: Sir woh mujhe aaj ke topic mein 2 doubts the toh kyaa main abhi puch sakti hu.
Raj: Hmm. Thikk hai. Par abhi toh sabki class chal rahi hai toh tum waha kyo nhi ho.
Neha: Woh sir main washroom ke liye gayi thi toh phir mujhe yaad aaya ke abhi woh doubts puch leti hu aur class mein kuch khaash nhi horaha hai toh...
Raj: Hmm. Thikk hai. Bolo kyaa doubts hai.
Phir Neha jaan muzz ke aise sawaal puchti hai jisme thoda time lage.
Raj Neha ki soch se anjaan uske doubts ko solve karne lagta hai.
Idher Raj Neha ke doubts ko solve kar raha tha toh Neha apna dhyaan unn answer pe naa deke Raj ke chehre ko ghuree ja rahi thi.
Neha: Mann mein. Haaye kitne smart hai. Jee karta hai inko aise hi dekhti rahu. Par attitude bahot hai. Ek khubsoorat ladki subah se saj sawar ke inke saamne khadi hai par yeh hai ki unko dekh hi nhi rahe hai. Aree ekbaar dekh kar thodi si tareef hi kardo.
Raj: Toh yeh thaa tumhare questions ka answers. Samaj aaya.
Neha: Jii sir. Samaj gayi. Aap bahot achhe se samjhate hai. Isme koi shakk nhi ke aap apni batch ke topper the. Sir agar aap mind nhi karee toh ek baat puch sakt hu.
Raj: Hmm pucho.
Neha: Kyaa aap mujhe Accounts ki tuition denge college ke baad. Woh kya hai naa mera accounts thoda weak hai. Aur aap bahot achhe se padhate aur samjhate hai toh isse meri bahot madad hogi. Pleaseeee sirr. Pleaseeee.
Raj: Sorry. Par mere paas time nhi hota hai. Aur main koi professional teacher nhi hu.
Phir Raj pichhe ghumke apna bag pack karne lagta hai tabhi uske mobile mein Shruti ka call aata hai.
Raj: Back pack karte hue hi. Good Afternoon Didi. Kaisi hai aap.
Shruti: Good Afternoon Mr. Darpok.
Raj: Kyaa Didi aap bhi. Lagta hai bhabhi ne aapko sab bata diya hai.
Shruti: Haa. Par naam mast mila hai tumhe.
Raj: Yeh sab uss Ms. Pagal ki karamat hai. Ab uske liye Darpok kyaa kuch bhi banna padhe toh banunga. Yeh bol pichhe ghumta hai toh dekhta hai Neha abhi bhi wahi khadi hai. Ek min Didi hold karna.
Raj: Doubts solve hogye naa.
Neha: Jiii.
Raj: Toh ab tum jaa sakti ho. Haa didi boliye.
Neha waha se khisak leti hai par jaate jaate Raj ki ek baat woh sunn leti hai.
Raj: Didi ab agar uske liye nhi karunga toh kiske liye karunga. Aur yeh toh bas college hai. Agar woh kahi aur bhi jaati toh main uske pichhe pichhe jaata .
Raj ki yeh baat Neha ke dil-o-dimaag mein ek dhamaka kardeti hai aur woh sochne pe majbur hojaati hai.
Neha: Yeh Sir ne abhi kyaa bola. Kyaa maine jo suna woh sahi suna. Woh yaha college mein kisi ke pichhe aaye hai. Kiske pichhe aaye hai Sir. Aur uska inse kyaa lena dena hai.
Kyaa Sir yaha apne kisi special ke liye aaye hai. Nhiii nhiii main bekaar mein yeh sab soch rahi hu. Par Sir ne jo kaha woh kyaa tha. Aur phir unhone woh kyaa bola ke uske liye Darpok kyaa kuch bhi banna padhe toh banunga iska kyaa matlab hua. Aur yeh Ms. Pagal yeh kaun hai. Kyaa Sir iss Ms. Pagal ke liye hi yaha pe hai.
Par inka usse kyaa rishta hai yeh pata lagana hoga aur woh bhi jald se jald. Kahi derr naa hojaaye.
Yehi sab sochte hue woh waha se dheere dheere jaa rahi thi tab tak Raj bhi pichhe se phone mein baat karte hue uske paas se nikal jaata hai.
Raj ko jaate dekh Neha bhi uske pichhe pichhe jaane lagti hai aur uski baate sunne ki koshish karti hai par kuch khaash sunne ko nhi milta.
Aise hi Raj baat karte karte parking mein aajata hai apni car ke paas.
Raj: Achha didi ab rakhta hu. Uski class khatam hochuki hai toh woh aane hi wali hogi toh mujhe yaha se thoda durr jaake wait karna hoga.
Shruti: College se durr kisliye. College se hi kyo saath nhi aate.
Raj: Ab uska order hai. Aur woh nhi chahti ke koi humhe saath dekh kar 4 baate banaye. Isiliye woh college ke thoda durr se utarti aur charti hai. Aur sach bolu toh isme bhi ek alag hi maza hai.
Shruti: Achhi baat hai. Thik hai jao wait karo. Byeee.
Raj: Byeee.
Phir Raj call cut kardeta hai.
Idher Neha ne Raj ki boli hui saari baate sunn leti hai jisse uska shak pura pakka hojaata hai aur jaise hi Raj call cut karta hai Neha thoda chipp jaati hai jisse Raj usko naa dekh paaye. Raj bhi apni car start karke waha se nikal jaata hai.
Neha: Yaani uss waqt main jo soch rahi thi woh sahi thaa. Raj Sir ki life mein koi special one hai aur uske liye hi woh yaha pe aaye hai. Yeh bolte hue uske aankho mein thodi nami aajati hai.
Par chahe jo bhi ho main unko apna bana ke rahungi. Main aise haar nhi manungi. Sabse pehle toh mujhe uss ladkinke baare mein pata lagana hoga jiske liye Raj sir yaha pe hai. Phir usse main apne tarike se niptungi.
Abhi Neha yeh bolti hi hai ke tabhi kandhe pe koi maarta hai aur bolta hai. Kisse nipatne ke baare mein soch rahi hai.
Neha pichhe ghum ke dekhti hai toh usse waha sab khade milte hai. Aue kandhe pe maarke puchne wali Soniya thi.
Soniya: Haa toh madam kisse nipatne ke baare mein socha jaaraha hai. Aur tu wapas class mein kyo nhi aayi. Kaha bhatak rahi thi.
Soniya ke sawaal pe Neha kyaa bole usko samaj nhi aaraha hota hai. Woh sochne lagti hai ke woh kyaa jawaab de.
Neha: Woh toh mera aur class karne ka mann nhi kar raha tha isiliye main wapas class mein nhi gayi.
Neha ke aisa bolne se Soniya Varun aur Vishal ko shock lagta hai.
Vishal: Neha tumhari tabiyat toh thikk hai naa. Tumhe aur class karne ka mann nhi kar raha tha. Jo ladki boring se boring class bhi mann laga ke karti hai uska mann nhi kar raha tha. Yeh baat hajam nhi horahi hai.
Soniya: Ekbaar ko toh yeh Varun bhi sudhar jaaye toh humhe utna shock nhi lagega jitna teri iss baat se laga hai.
Soniya: Mujhe dusra chahiye bhi nhi yeh ek hi kaafi hai ab tum chup raho aur Neha tu bol.
Neha: Aree kyaa itni si baat ko itna khinch rahe ho.
Varun: Yaar Vishal ek kaam karte hai isko kisi doctor ke paas le jaate hai. Iss college ki hawa paani mein kuch garbar hai kyoki jabse yeh yaha aayi hai behki behki baate kar rahi hai.
Vishal: Mujhe bhi yehi lag raha hai.
Neha: Tumlogo ka naa dimaag kharab hogya hai. Tumlog yeh faltu ki baate sochte raho main chali ghar. Byeee. Yeh bol Neha waha se khisak leti hai.
Raj: Woh chutti hone ke kuch der pehle tumhare friend circle mein wih ladki hai naa Neha woh aayi thi mere cabin mein.
Sonal: Nehaa aapke cabin mein. Achanak kisliyee.
Raj: Haa woh usko kuch questions mein doubts tha isiliye aayi thi. Maine pucha class nhi hai toh boli class mein kuch khaas nhi horaha tha toh woh waha se nikal gayi.
Sonal: Ajeeb hai. Ulta last class mein toh achha hua thaa. Aur bahot interesting bhi tha.
Raj: Choro. Ab uski marzi usko nhi karna hoga class.
Sonal: Hmmm. Hosakta hai.
Thodi der mein dono ghar aajate hai.
Smita: Raj tu aaj apna tiffin le jaana bhull gaya.
Raj: Haa Mummy aaj bhul gaya tha. Par maine abhi thodi der pehle khaa liya hai.
Smita: Sonal beta yeh sach bol raha hai naa.
Sonal: Jiiii. Inhone abhi thodi der pehle hi kuch sandwiches khaaye hai. Aur kal se inka tiffin mujhe de dijiyega. Main inka tiffin le jaungi.
Idher Neha jabse apne ghar pahonhi thi woh Raj ki baato ko hi soche jaa rahi thi.
Neha: Chahe kuch bhi hojaaye. Main haar nhi maanungi. Woh ladki chahe jo bhi ho usko pichhe hatna hoga. Aur uska pata lagane ke liye mujhe ab Sir pe nazar rakhni hogi. Ekbaar uss ladki ka pata chal jaaye phir usko main dekh lungi. Phir Sir sirf mere honge.
Idher Vishal apni socho mein hi gumm thaa. Tabhi uske paas Varun ka call aata hai.
Varun: Kyaa kar raha hai.
Vishal: Kuch nhi tu bata.
Varun: Pehle tu bata Neha ko kyaa hua hai woh aisi harqat kyo kar rahi hai.
Vishal: Abee main nhi jaanta. Mujhe toh Soniya ki baat hi sahi lag rahi hai. Shayad usse kisi se pyaar hogya hai.
Varun: Toh tu kyaa jhakk maar raha hai. Usse bol kyo nhi deta.
Vishal: Kaise bolu yaar. Agar usne bura maanke dosti todd di toh.
Varun: Aur agar nhi bolega toh hosakta hai kisi aur tab kisi ki hojayegi. Tab kya karega.
Vishal: Pata nhi yaar.
Varun: Meri maan bol de. Kam se kam tere dil pe yeh boj toh nhi rahega ke tune koshish nhi ki.
Vishal: Dekhte hai. Bahot jald bol dungaa.
Varun: Bahot achhe.
Phir dono idher udher ki baate karke phone rakh dete hai
Agle din sablog baithke nashta kar rahe the tabhi Aarav achhe se taiyaar hoke nichhe aata hai.
Smita: Tu office nhi jaa raha hai kyaa aaj.
Aarav: Nhii woh aaj thoda dosto ke saath bahar jaa raha hu.
Nandini: Dosto ke saath yaa Payal ke saath.
Payal ka naam sunke jaha Aarav sharma jaata hai wahi Sonal thodi hairaan hoti hai.
Nandini: Dekho toh kaise sharma raha hai. Chalo aao nashta karlo phir jaha jaana hai jaa sakte ho.
Aarav: Nhii bhabhi. Late hogya hai. Aur waise bhi nashta bahar hi hai.
Nandini: Achhi baat hai. Par khaali pet toh bahar nhi jaane dungi. Lo pehle juice pi lo.
Phir Aarav Juice pi ke waha se nikal jaata hai.
Baaki sab apna nashta karke apne apne kaamo mein lag jaate hai.
Nandini kitchen mein kaam kar rahi thi tabhi Sonal waha aati hai.
Sonal: Kya kar rahi ho bhabhi.
Nandini: Bas lunch ki taiyaari. Tum yaha kyaa kar rahi ho. Kuch chahiye kyaa.
Sonal: Kyaa main bina kisi kaam ke kitchen mein nhj aasakti.
Nandini: Aisi baat nhi hai. Yeh bhi tumhara hi ghar hai. Achha bolo kyaa kaam hai.
Sonal: Main bore horahi thi toh socha yaha aapki thodi help kardu. Isse mera bhi time pass hojayega aur aapka kaam bhi jaldi hojayega.
Nandini: Achhi baat hai. Par agar tumhare professor ne dekhliya ke tum yaha kaam kar rahi ho toh woh kuch bolenge nhi.
Sonal: Professor honge woh college mein. Aur waise bhi woh mere se darte hai. Mr. Darpok. Yeh bol hasne lagti hai.
Sonal ki baat sunn Nandini bhi has deti hai.
Phir dono milke kaam karne lagte hai.
Sonal: Bhabhi ek baat puchu.
Nandini: Hmm pucho.
Sonal: Yeh Aarav jis Payal se milne gaya hai kyaa iss Payal ko main jaanti hu.
Nandini: Tumhara shak ekdum sahi hai. Aarav usi Payal ke paas gaya hai. Dono ka rishta tay hogya hai. College ke baad hi dono ki shaadi kardenge.
Sonal: Ooooo. Payal ne kabhi bataya nhi. Isiliye woh kal bol rahi thi uska aaj dusra plan hai. Toh kyaa arrange marriage hai.
Nandini: Nhiii. Yeh dono toh school time se ekdusre se pyaar karte hai. Par ghar mein yeh baat bolne se darte the. Phir himmat karke dono ne confess kar hi diya.
Sonal: Greattt.
Nandini: Waise tumhe bhi koi pasand hai kyaa.
Sonal: Nhii bhabhi aisa kuch nhi hai. Par pata nhi kyo mujhe kabhi kabhi kisi ka chehra sapne mein dikhta hai par woh bahot jyaada dhundla hota hai. Uska chehra samaj hi nhi aata.
Nandini: Ab sapna hai aur hum sapne mein kyaa kuch nhi dekhte. Waise Hosakta hai woh ladka hi tumhara soulmate ho.
Sonal: Pata nhi woh kaun hai. Aur agar woh hi mera soulmate hota toh mujhe uska chehra saaf dikhta. Aise dhundla nhi dikhta.
Nandini: Achha woh choro yeh batao tumhe kaisa ladka chahiye.
Sonal: Mujhee aisa ladka chahiye jo mujhe aur mere pyaar ko respect kare. Mujhe har tarah se support kare. Apne se bade aur choto ko pyaar kare. Apne kaam mein humesha apna best de. Aur sabse important mujhe hadse jyaada pyaar karee.
Nandini: How Sweet.
Sonal: Achha aapki shaadi ko kitna waqt hogya.
Nandini: Bas kuch mahine ke baad hi 2 saal hojayega. Mann mein. Tumhari shaadi ko bhi toh 1 saal hone wala hai Sonal.
Sonal: Waaahhh.
Phir dono aise hi baat karte hue kaam karne lagte hai.
Idher Aarav ghar se nikal ke sidha ek restaurant mein gaya jaha Payal uska wait kar rahi thi.
Payal: Aur thoda late se aajate hai. Sidha lunch hi karte. Breakfast ki kyaa jarurat hai.
Aarav: Aree meri jaan maaf kardo. Woh toh bhabhi ne rokh liya tha. Warna main kabka aagaya hota.
Payal: Haa apni galti ka dosh meri didi upar do. Sach bolo naa ke late se uthe the.
Aarav: Haste hue. Meri jaan kitni intelligent hai. Haa main late utha tha par bhabhi ne bhi rokh liya tha.
Payal: Thikk hai thikk hai. Jaao maaf kiya.
Aarav: Thank You. Ab bolo kuch khaaogi.
Payal Aarav ko ghurr ke dekhti hai.
Aarav: Samaj gaya khaaogi.
Phir Aarav waiter ko bula ke dono ke liye khaane ka order deta hai.
Aarav: Aur batao kaisa jaa raha hai college.
Payal: Achha jaa raha hai. Aur tumhara office.
Aarav: Yash bhaiya toh jaise mere se apni koi dushmani nikal rahe hai. Baat baat pe kaam pakda de rahe hai. Raj bhaiya ke saath saath unka kam bhi karna padh raha hai.
Payal yeh sunn hasne lagti hai.
Aarav: Tumhe hasi aarahi hai.
Payal: Toh aur kyaa karu. Bolte waqt tumhara chehra kitna funny dikh raha tha.
Aarav Payal ki baat se chidd jaata hai. Yeh dekh woh phir se hasne lagti hai.
Thodi der mein unka order aajata hai toh dono khaane lagte hai.
Aarav: Achha yeh batao College mein bhaiya bhabhi kya ek dusre ke kareeb aarahe hai.
Payal: Aree kaha. Ulta bhabhi ne toh Bhaiya ko boldiya hai woh unko college se thodi durr drop karde kyoki woh nhi chahti ke koi unndono ko ek saath dekh kar chaar baate karee.
Aarav: Yeh Bhabhi bhi kamaal hai. Bas bhagwaan kare unki yaadash jald se jald wapas aajaye.
Payal: Haaa.
Aarav: Aur Raj bhaiya ki class achhi lag rahi hai naa.
Payal: Aree pucho mat. Kyaa mast padhate hai. Unke samjhane ka tarika bahot achha hai. Isse hi pata chalta hai woh kyo apne time ke topper the.
Raaste mein dono ekdum shant the koi kuch nhi bol raha tha. Thodi der baad Sonal hi baat start karti hai.
Sonal: Waise aap apna family business chorke yeh professor kyo bann gayee.
Raj: Bas aise hi. Aur kisne kaha maine family business chora hai.
Sonal: Aap office ki jagah college jaate hai. Office ka koi kaam toh karte nhi isiliye maine aisa socha.
Raj: Aisa nhi hai. Main bhi office jaata hu. Par kabhi kabhi.
Sonal: Aur aapke naa jane se aapka kaam kaun karta hai.
Raj: Bas aise hi mann nhi lag raha tha ghar mein toh socha thoda office ka chakar hi laga lu. Tumhe mere sang aana achha laga naa.
Sonal: Agar achha nhi lagta toh ghar mein hi bol deti naa. Aur sach bolu toh aisa lagta hi nhi hum kuch din pehle hi mile hai aisa lagta hai hum bahot waqt se ek dusre ko jaante hai aur bahot achhe se jaante hai.
Raj: Yeh toh achhi baat hai naa.
Sonal: Haaa. Waise aaj sabne bahar ghumne jaane ka plan banaya thaa.
Raj: Sabne matlab.
Sonal: Aree woh college mein.
Raj: Achha. Toh kyaa hua gaye nhi tumlog.
Sonal: Sach bolu toh mera mann nhi tha unke saath jaane ka. Bhale hi woh dost hai aur bahot achhe log hai par unke saath uss hadd tak ka lagav nhi hua hai. Aur waise bhi har roj ghar ke bahar jaana bhi achha nhi lagta isiliye mana kardiya.
Raj: Samjhaa. Toh kyaa main yeh samjhu tumhara mere saath uss had tak ka lagav hogya hai isiliye tum mere saath bahar ho.
Sonal: Ghurte huee. Aapko bas flirt karne ka mauka chahiye naa.
Raj: Sach bolu toh itni beautiful aur masoom ladki bagal mein ho toh flirting apne aap hojaati hai.
Phir dono chupp chaap baith jaate hai thodi der baad Achanak se Raj gaadi rokh deta hai.
Sonal: Kyaa hua gaadi kyo rokh di.
Raj: Saamne dekho.
Sonal saamne dekhti hai toh waha Pani Puri wala baitha hua tha.
Sonal: Pani Puri.
Raj: Haaa. Khaaogi.
Sonal: Abhiii.
Raj: Haaa abhiii.
Sonal: Aapko khaane ka mann hai.
Raj: Tumhara hai toh mera bhi hai.
Sonal: Matlab aapko mann hai aur aap woh mere upar dhaal rahe hai.
Raj: Chalogiii.
Sonal: Achha thikk hai. Chaliye chalte hai.
Phir dono gaadi ke utar ke Pani puri wale ke paas jaate hai aur pani puri khaane lagte hai.
Idher yeh dono bekhabar pani puri khaa rahe the udher kisi ki nazar inpe padh jaati hai aur woh inndono ko eksaath dekh kar shock hojaata hai. Par inke paas naa aake wahi se chala jaata hai.
Idher yehlog bhi pani puri khaake ghar ki taraf nikal padhte hai.
Udher jisne inndono ko eksaath dekha tha woh apne ghar pahonch indono ke baare mein hi sochne lagta hai.
Kyaa maine jo dekha woh sahi dekha. Kyaa maine Raj Sir aur Sonal ko eksath pani puri khaate hue dekha. Kyaa woh eksaath waha pe the yaa phir anjaane mein saath the.
Lekin agar woh eksaath the toh phir Sonal ne humhe kabhi bataya kyo nhi. Agar Sonal unhe personally jaanti hai aur dono saath ghum rahe the toh hosakta hai dono dost ho yaa phir dosti se jyaada kuch hai.
Agar Sonal jaanti hai toh iska matlab Payal aur Ishita bhi jaanti hai. Agar aisa hai toh innlogo ne humhe yeh baat kyo nhi batayi. Ab inke upar nazar rakhni hogi. Dekhte hai aur kya kya hota hai.
Agle din subah College jaane ke liye dono ready the.
Raj: Sonal chalee.
Sonal: Jii chaliye.
Phir dono college ki taraf nikal padhte hai.
Thodi der baad dono college ke paas pahonch jaate hai.
Raj: Milte hai class mein.
Sonal: Aap bhul rahe hai Mr. Darpok college mein hum dost nhi student aur teacher hai. Humari dosti yaha se start hoti hai aur yahi pe kuch ghanto ke liye break lagta hai.
Raj: Mujhe yaad hai Ms. Pagal par class mein toh hum milenge hi. Bhalei hi rishta kuch aur ho.
Sonal: Aapse baato mein jitna mushkil hai. Byeee. Yeh bol Sonal haste hue college ki taraf nikal jaati hai. Aur Raj usko jaate hue dekhne lagta hai. Kuch der baad woh bhi college ki taraf nikal padhta hai.
Sonal college mein aake sidha canteen mein jaati hai jaha baaki sab baithe hue thee.
Sonal ko dekhte hi waha baithe ekjan ko kal sham ki baat yaad aajati hai aur woh Sonal ko ab shaki nazar se dekhne lagta hai.
Sonal: Good Morning.
Sab: Good Morning.
Phir sab waha kuch der baithke baate karne lagte hai uske baad apne apne class mein chale jaate hai.
Jisne Raj aur Sonal ko eksaath dekha tha woh apne mann mein sochta hai.
Agar dono ke beech kuch hai toh class mein dono mein se kisi na kisi ki nazar toh ekdusre pe hi rahegi. Ab inke upar nazar rakhni hogi.
Thodi der mein Raj class mein aajata hai. Aur aate hi Raj ne ek galti kardi.
Raj ne class mein enter karte hi sidha Sonal ki taraf dekha jo uss insaan ne dekhliya jiski nazar starting se hi inndono ke upar thi.
Phir Raj ne padhana start kiya par Raj hardin ki tarah padhate padhate Sonal ki taraf dekhta hai jo woh insaan notice kar raha tha.
Raj hardin hi Sonal ki taraf dekhta tha par koi notice nhi karta tha par aaj notice karliya gaya tha. Jisse uss insaan ka shakk badhta jaa raha tha aur woh mann mein soch raha tha.
Mera shakk sahi jaa raha hai. Raj Sir ki nazar baar baar Sonal ki taraf jaa rahi hai par Sonal dhyaan padhai mein hi hai. Dekhte hai yeh aage aur kya kya karte hai.
Idher Neha puri class mein sirf aur sirf Raj ki taraf hi dekhe jaa rahi thi par Raj ka dhyaan toh kahi aur hi tha. Jisse woh mann aur udaas horaha tha.
Phir dheere dheere Raj ki class khatam hoti hai aur baaki teachers bhi padhake nikal jaate hai.
Recess ke time sablog canteen mein aake lunch kar rahe the tabhi Sonal ko kuch yaad aata hai aur woh waha se uthke jaane lagti hai.
Ishita: Didi aap kaha jaa rahi hai.
Sonal: Woh mujhe ek kaam yaad aagaya hai. Thoda urgent hai. Tumlog baitho main abhi aati hu. Yeh bol Sonal waha se nikal jaati hai.
Sonal ka aise waha se nikalna uss insaan ko sochne pe majbur kardeta hai. Phir woh bhi ek bahana karke waha se nikal jaata hai.
Idher Sonal canteen se sidha Raj ke cabin mein aajati hai.
Sonal: May I come in sir.
Raj: Haa aao Sonal. Bolo kyaa kaam hai.
Sonal: Andar aake ek nazar pure cabin mein ghumati hai phir bolti hai. Aap apna tiffin mere paas hi bhull gaye the toh woh hi dene aayi hu. Yeh lijiye aapka tiffin aur khaa lijiye.
Raj: Bas aise hi. Aur waise bhi mujhe pata tha tum yeh dene jarur aaogi.
Sonal: Aur agar main naa aati toh.
Raj: Toh kyaa toh kuch nhi. College ke baad wahi coffee aur sandwich. Yeh bol hasne lagta hai.
Sonal: Aap mujhe Ms. Pagal bolte hai. Kabhi khud ko dekha hai aap bhi bahot bade wale pagal hai.
Raj: Ab darpok se pagal bhi hogya.
Sonal: Haaa. Ab baate band kijiye aur yeh khaa lijiye. Main chalti hu ab.
Phir Raj tiffin le leta aur Sonal waha se chali jaati hai.
Idher woh insaan bhi Sonal ke pichhe pichhe Raj ke cabin tak aata hai aur usko andar jaate hue dekh leta hai.
Yaani mera shak sahi tha. Sonal Raj sir ke cabin mein jaane ke liye hi waha se aayi thi. Yaani inndono ke beech kuch toh chal raha hai. Aur yeh toh confirm hai ke dono ekdusre ko pehle se jaante hai.
Phir kuch der baad Sonal ke Raj ke cabin se nikal jaane ke baad woh bhi waha se nikal jaata hai aur canteen mein aake baith jaata hai.
Sonal wapas se canteen mein aati hai toh Neha puchti hai.
Neha: Kaha gayi thi Sonal tum.
Sonal: Woh thoda personal kaam yaad aagaya tha toh woh hi karne gayi thi.
Sonal ki baat sunn woh insaan apne mann mein bolta hai. Haa aur woh personal kaam Raj Sir ke cabin mein tha yeh bhi bol do.
Phir sab apna lunch karke waha se apne apne class mein jaane lagte hai. Raaste mein Ishita Sonal se puchti hai.
Ishita: Didi aap kaha gayi thi abhi. Aur aisa kaunsa personal kaam yaad aagaya aapko.
Sonal: Aree main Raj ke paas gayi thi woh unka tiffin mere paas hi reh gaya tha toh wohi dene gayi thi.
Ishita: Unka tiffin aapke paas kaisee.
Sonal: Baad mein sab bataungi.
Idher inki yeh baat woh insaan bhi sunn leta hai aur usko yeh sunke shock bhi bahot bada lagta hai.
Sonal Raj Sir ko unke naam se bulati hai aur woh unke cabin mein unka tiffin dene gayi thi. Matlab dono ekdusre ko bahot jyaada hi achhi tarah jaante hai. Yehi sab sochte sochte woh class mein aajata hai aur apni classes karne lagta hai.
Phir chutti tak sabki class hone lagti hai. Pichli baar ki tarah issbaar bhi Neha koi bahana banake class khatam hone ke pehle nikal jaati hai. Par issbaar woh Raj ke Cabin mein naa jaake bahar hi wait karne lagti hai kisi aur iraade se.
Kuch der wait karne ke baad jab Raj apne cabin se ghar jaane ke liye nikalta hai toh Neha apne mobile mein dekhne ka bahana karte hue Raj ki taraf jaane lagti hai.
Jaise jaise woh Raj ke kareeb jaa rahi thi uski dil ki dhadkan badhte jaarahi thi hone wale situation ko soch kar.
Idher Raj apne hi khayalo mein ghum hokar chale jaa raha tha. Usko yeh aihsaas nhi tha ke koi uske saamne se aaraha hai.
Dono chalte chalte jaise hi ekdusre ke kareeb aate hai toh Neha jaanmuzz ke Raj se takra jaati hai aur girne lagti hai toh Raj usko pakad leta hai.
Raj ka ekhaath Neha ki kamar mein tha toh dusre haath se usne Neha ka ekhaath pakda hua tha. Toh wahi Neha ne apna ekhaath Raj ki kamar pe rakha tha toh dusra haath Raj ke haath mein tha.
Thik usi waqt Sonal waha aajati hai aur dono ko waise dekh leti hai. Dono ko uss tarah dekh kar Sonal ko bahot bada shock laga tha. Usko pata nhi kyo Neha ka Raj ke kareeb jaana bilkul bhi pasand nhi aaya.
Idher Raj ki nazar jaise hi Sonal pe padhti hai aur woh dekhta hai ke woh usse hi ghure jaa rahi hai toh woh jhatt se Neha se alag hojaata hai.
Raj ke aise achanak chorr dene se Neha apne hosh mein aati hai aur usko yeh bilkul bhi achha nhi laga aur woh Raj ke nazro ka picha karke dekhti hai Sonal ko waha khada paati hai jo unndono ko hi dekhe jaarahi thi.
Raj: Woh yeh Neha mujhse takra ke girr rahi thi toh maine bas isse bachaya thaa.
Sonal bina kuch bole unke saamne se nikal jaati hai par usse khud nhi pata chala kab uske aankho mein achanak se nami aagayi thi.
Sonal ke aise chale jaane se Raj ke mann mein ek darr sa paida hojaata hai. Usse darr lagne lagta hai ke ab Sonal kyaa sochegi kyaa kahegi. Kahi mushkil se ki hui dosti toot naa jaaye yeh sab hi woh soche jaa raha tha.
Neha: Thank You Sir. Aapne mujhe girne se bacha liya. Warna mujhe chott lag jaati.
Raj jo apne hi soch mein ghumm tha woh Neha ki awaaz se hosh mein aata hai.
Raj: Haa no problem. Yeh bol Raj waha se nikal jaata hai.
Idher Neha Raj ke jaate hi khushi se uchalne lagti hai.
Neha: Yes Yes. Mera plan kaam kar gaya. Jaisa maine socha tha bilkul waisa hi hua. Raj ke baahon mein aane ka kyaa idea nikala tha maine. Aur idea bilkul perfectly kaam kargaya. Par iss Sonal ne garbar kardi. Agar woh thoda late aati toh hosakta tha aur thodi der waise hi rehti.
Yeh bol uss situation ko yaad karke sharmaa jaati hai. Par tabhi usse kuch yaad aata hai.
Neha: Par yeh Raj Sir Sonal ko dekhkar itna darr kyo gaye. Aur usko explain kyo karne gaye. Phir apne aap hi bolti hai. Aree yeh toh common hai agar uss waqt Sonal ki jagah koi aur hota tab bhi Raj Sir waisa hi karte. Yeh sab sochte hue aur sharmate hue woh waha se nikal jaati hai.
Idher Sonal waha se sidhe washroom aati hai apna muh dhone lagti hai.
Sonal: Raj ko uss Neha ke saath uss halat mein dekh kar mujhe kyo dukh horaha tha. Raj ne toh kaha tha ke woh Neha ko girne se bacha rahe the. Phir mujhe kyo woh chiz achhi nhi lagi. Aur meri aankho se yeh aansu kyo nikal rahe the. Woh bas mere dost hai aur woh unki life hai woh jo chahe kare mujhe kyaa. Aur main issbaare mein itna kyo soch rahi hu. Mujhe yeh sab nhi sochna chahiye. Mujhe kyaa woh jo bhi karee unki marzi. Yahi sab sochte hue woh apne mann ko behla rahi thi. Par uske dimaag mein baar baar woh scene hi aaraha tha. Jo usse pareshan kiye jaaraha tha.
Kuch der waha akele rehne ke baad woh waha se nikalne lagti hai toh usko aihsaas hota hai ke uska mobile vibrate horaha tha. Woh mobile dekhti hai Raj ka phone aaraha tha.
Sonal phone receive karne hi jaati hai ke woh disconnect hojaata hai aur screen pe Raj ke naam se 5 missed calls show horahe the.
Sonal Raj ko call back karti hai toh Raj jhatt se call utha leta hai.
Raj: Sonal Sonal main sach keh raha hu. Main bas Neha ko bacha raha tha aur kuch nhi tha woh. Kuch toh bolo Sonal. Pleasee aise chupp mat raho.
Sonal: Milke baat kare.
Raj: Main waha pe wait kar raha hu.
Sonal call cut kardeti hai aur waha se nikalke baaki sabke paas aati hai. Waha aate hi uski nazar Neha ke upar jaati hai toh aaj usse uske chehre mein ek alag hi khushi dikhai deti hai.
Neha: Sonal tumne jo dekha usko please galat nazariye se naa lena. Sir sach keh rahe the woh bas mujhe girne se bacha rahe the.
Sonal: I know. Aur mujhe aise explaination mat do.
Neha: Thank You. Warna mujhe lag raha tha kahi tum kuch galat naa samaj li ho.
Ishita: Neha galti se bhaiya se nhi takrayi thi balki woh jaanmuzz ke takraayi thi. Its a pre planned incidence.
Payal: Kyaa bol rahi hai. Usne bola naa woh sab anjaane mein hua tha.
Ishita: Main bhi yehi sochti agar maine pichle kuch samay mein Neha ke upar nazre naa rakhi hoti toh.
Payal: Puri baat batayegi. Mujhe kuch samaj nhi aaraha hai.
Ishita: Neha Bhaiya ko like karne lagi hai.
Payal: Kyaa bakwaas kar rahi hai. Dimaag toh thikane pe hai tera.
Ishita: Ekdum sahi jagah pe hai. Phir Ishita Payal ko wohsab kuch batati hai jo usne notice kiya tha. Jisse sunne ke baad Payal ke chehre mein bhi tension aajati hai.
Payal: Are you sure. Agar yeh sach hua tab yeh bahot badi problem hai.
Ishita: I am fully sure. Aur aaj jo hua woh bhabhi ne dekhliya hai. Bhale hi unhe kuch yaad nhi par kahi woh Raj bhaiya ko galat naa samaj baithe.
Payal: Aisa kuch nhi hoga. Bhaiya jarur baat ko sambhal lenge. Woh bhabhi se bahot pyaar karte hai. Dekhna woh sab thik kardenge.
Ishita: Hopefully aisa hi ho. Par humhe bhaiya ko bata dena chahiye. Jisse woh agli baar alert rahenge.
Payal: Hum jarur batayenge. Par pehle unhe bhabhi ke mann se yehchiz durr karne de.
Idher Sonal college se sidha Raj ke paas aati hai jo tension mein idher udher chakar kaate jaaraha tha.
Raj ki nazar jaise hi Sonal pe padhti hai toh jaldi se uske paas aata hai aur bolne lagta hai.
Raj: Sonal pleasee mujhe galat mat samajna. Woh sab anjaane mein tha. Main bas usse girne se bacha raha tha. Pleasee mujhe galat mat samajna.
Sonal: Aap mujhe itni explaination kyo de rahe hai. Yeh aapki zindagi hai aap jo chahe kare. Mujhe kyaa.
Raj: Nhii Sonal pleasee aisa mat bolo. Tum toh mujhe jaanti ho naa. Pleasee mujhr galat mat samjho.
Sonal: Main aapko kyo galat samjhungi Raj. Aap pehle shant hojaaiye. Aur yeh paani pijiye. Phir baat karte hai. Yeh bol apni pani ki bottle Raj ki taraf badha deti hai.
Raj bhi Sonal ki baat maanke thoda sa paani pi leta hai.
Sonal: Ab bataiye kyaa hua. Aur aap itna kyi ghabra rahe hai. Aur mujhe itna explaination kyo de rahe hai.
Raj: Kyoki tum meri dost ho. Aur main nhi chahta ke meri dost mujhe kisi bhi kaaran se galat samjhe. Pehle bhi tumne mujhe ekbaar galat samjha tha toh woh mere sehan nhi hua tha aur main nhi chahta dobara waisa hi kuch ho.
Sonal: Kyaa aap sach mein mujhe apna dost maante hai.
Raj: Sirf dost nhi sabse achha dost. Woh bhi pure dil ki gehrai se. Aur yeh dosti mere liye bahot maayne rakhti hai jisse main kisi bhi kimat mein khona nhi chahta.
Sonal: Agar aisa hi hai toh mujhe ekdum sach sach bataiye exactly kyaa hua tha.
Raj: Main yaha aane ke liye apne cabin se nikla. Main apne hi khayalo mein ghumm tha. Main aaram se chalte hue aaraha tha tabhi achanak se woh mujhse takra gayi aur usse girne se bachane ke liye main usse pakad liya tha aur wohi tumne dekha. Bas itna hi hua tha. Main ekdum sach bol raha hu. Humare dosti ki kasam.
Dosti ki kasam sunke Sonal ko Raj ke upar vishwaas hogya tha. Ab usse aur kuch nhi jaana tha.
Sonal: Bas aapko aur kuch bhi kehne ki jarurat nhi hai. Aur aaj toh aapne yeh dosti ki kasam khaa li. Agar baar yeh baat apne muh se naa nikaliye gaa.
Phir dono gaadi mein baith jaate hai aur ghar ki taraf jaante lagte hai.
Raj: Tumhe nhi pata main kitna darr gaya tha. Mujhe laga kahi tum mujhe wapas se galat naa samaj lo aur kahi humari dosti naa toot jaaye.
Sonal: Aap mujhse itna kyoo darte hai.
Raj: Kyoki main nhi chahta meri yeh dost ab kisi bhi wajah se mujhse naraz hoye ya mujhse durr jaaye.
Sonal: Maine aapka naam bilkul sahi diya hai. Aap sach mein bahot bade darpok hai. Mr. Darpok.
Raj: Mann mein. Ab insaan jisse jitna pyaar karta hai usse utna hi darta hai. Aur tum toh meri jaan ho. Tum agar mujhse durr chali gayi toh shayad main jee naa paunga.
Sonal: Ab bhul jaaiye uss baat ko. Aur main aapse dosti Kabhi nhi todungi aur naahi aapko kabhi galat samjhungi. Promisee.
Raj: Sachhi.
Sonal: Koi shakk. Yeh bol has deti hai. Aur phir mann mein sochne lagti hai. Ekdum pagal hai Raj. Main inhe galat naa samjhu baithu iss darr se kyaa halat banali thi apni. Aur mujhe yakeen dilane ke liye humari kuch dino ki dosti ki kasam bhi khaa li. Sirf ek dosti ke liye itna pagalpan Raj hi kar sakte hai.
Raj: Ab tum kya soch rahi ho.
Sonal: Kuch nhii.
Phir thodi der mein dono ghar aajate hai.
Idher Neha apne ghar mein aake khushi ke maare naachne lagti hai aur pagalo jaisi harqat karne lagti hai.
Neha: Haayee kitna khubsoorat pal tha woh jab main Raj Sir ki baahon mein thi. Uss waqt mujhe toh aisa lag raha tha jaise puri duniya rukh si gayi hai. Kaash aisa hojaata toh kitna achha hotaa.
Yeh sab pagalo jaisi baate sochte hue woh sapno ki duniya mein khoo jaati hai.
Raat ko sablog Nandini ke kamre mrin baithe kisi chiz ke baare mein baate kar rahe the. Aur iss meeting ki head Nandini bani hui thi.
Nandini: Toh tumlogo ne kuch decide kiya kaise kiyaa karna hai.
Nandini: Mummy aur Papa ki 30th marriage anniversary hai 25 dino baad toh uski hi taiyaari karni hai aur uske liye hi yeh secret meeting bulayi gayi hai.
Sonal: Wow that's greattt.
Nandini: Woh toh hai. Aur humhe unke liye kuch plan karna hai. Toh chalo sablog apne apne idea dena start karo.
Aarav: Kyo na humlog ek grand party organize kare aur usme saare rishtedaar aur dosto ko invite karee.
Nandini: Kyaa baat hai Aarav nice idea.
Sonal: Haa bhabhi yeh idea mast hai. Aisa hi karte hai.
Nandini: Raj tum kyaa kehte ho.
Raj: Party ka idea hi achha hai bhabhi.
Karan: Haa Aarav ka idea hi achha hai.
Nandini: Thikk hai phir humlog sab milke ek grand party organize karenge. Par karenge kaha. Ghar mein yaa bahar.
Raj: Bahar hi karte hai aur unko surprise denge.
Sonal: Haa nice idea.
Raj: Sonal ki taraf smile karke. Thank you.
Nandini: Achhi baat hai toh party mein kya kya karna hai yeh kal decide karenge. Kal Shurti aarahi hai toh uske aane ke baad decide karenge. Tab tak tumlog bhi sochte raho kya kya karna hai.
Raj apne cabin mein hai toh usko waha table mein uska lunch box dikhta hai jiske upar ek note bhi tha. Jisme likha tha. Jaldi se khaa lijiyegaa.
Yeh padhte hi Raj ke chehre mein wapas se ek muskurahat aajati hai. Aur woh apna mobile nikalke ek Thank you ka msg type karke Sonal ko bhej deta hai.
Idher Neha Fresher party ke liye kuch jyaada hi excited thi jabse usne suna tha ke Teachers bhi aane wale hai.
Neha: Mann mein. Iss fresher party mein main aise taiyaar hoke aaungi ke Raj Sir mujhe dekhte hi reh jaayenge. Unki nazre mujhse hatengi hi nhi. Bas mujhe unki nazre ekbaar mujhpe lagani hogi. Aur iss party mein toh main harwaqt unke kareeb hi rahungi.
Aur woh jo bhi Ms. Pagal hai jiske wajah se Sir mujhe dekhte tak nhi mujhse durr rehte hai usse Sir ko humesha ke liye alag karke apna bana lungi. Yehi sochte hue woh mann hi mann hasne lagti hai.
Dheere dheere Fresher Party ka din kareeb aane lagta hai aur sablog bahot excited the Party ke liye. Sablogo ki saari taiyaariyan hochuki thi.
Fresher Party ke ekdin pehle Shivam apne plan ko aur ekbaar achhe se prepare karleta hai jisse koi garbar naa ho aur woh pakda bhi naa jaaye.
Shivam: Soniya ab tu dekhna bahot maze le rahi thi naa tu mere. Bahot izzat ki baate kar rahi thi. Ab teri izzat aise uchlegi ke tu phir iss college mein nhi dikhegi. Aur tere baad uss Sonal aur Varun ki baari aayegi. Kal jitna enjoy karna hai karle phir toh tu royegi hi. Yeh bol woh kal ke baare mein sochke mann hi mann khush hone lagta hai.
Idher baakilog bhi fresher ko leke bahot excited the par koi tha jo thoda jyaada excited thi aur woh thi Neha. Usne toh soch rakha thaa iss fresher party mein Raj ka pura dhyaan khud ke upar rakhegi aur harwaqt uske saath hi rahegi.
Raat ko Sonal Raj se puchne lagti hai ke party mein kya kya program decide hua hai par Raj Sonal ko kuch nhi batata. Bas itna bata deta hai ke uske liye ek dare taiyaar kiya gaya hai so woh ready rahe.
Dare ke baare mein sunke Sonal ko halki tension hojaati hai aur woh sochne lagti hai ke kyaa dars milega kaisa dare milega agar woh naa kar paayi toh kyaa hogaa. Toh Raj usse jyaada tension lene se mana karta hai aur enjoy karne ko bolta hai.
Agle din Subah Raj aur Sonal party ke liye ready the.
Smita: Toh tumlog taiyaar ho apni fresher party ke liye.
Raj: Mummy meri nhi iss student ki fresher party.
Smita: Fresher toh tu bhi hai uss college mein bhale hi Teacher hai.
Sonal: Sahi kaha. Fresher toh yeh bhi hai. Par inhe koi dare nhi milega professor jo thehre.
Nandini: Matlab.
Sonal: Matlab mere liye ek dare taiyaar kiya hai aur mujhe shakk hai woh inhone hi kiya hai mujhe pareshan karne ke liye.
Raj: Kitni intelligent ho tum.
Sonal: Woh toh bachpan se hu. Yaani aapne hi mere liye dare banaya hai.
Raj: Sahi kaha. Dare toh maine hi banaya hai. Mujhe bahot darpok darpok bolti ho na. Ab dekhte hai kaun darpok hai.
Sonal: Achha mujhe challenge.
Raj: Yes. Dare complete karke dikhao warna main tumhe abse Ms. Pagal ke saath saath Ms. Loser bhi bulaunga.
Sonal: Ab toh main yeh dare jeet ke rahungi. Phir aapse niptungi. Mr. Bandar.
Raj: Bandar. Tumne mujhe bandar kaha.
Sonal: Haa bandar bandar bandar.
Raj: Agar main bandar toh tum bandariya.
Sonal: Bandariya nhi Sherni hu main.
Raj: Badi aayi Sherni. Bandariya kahi ki.
Smita: Achha achha ab ladna band karo. Itne bade hogye ho aur bachho ki tarah ladte ho. Chalo jaao college.
Phir dono Bandar aur Sherni matlab Raj aur Sonal nikal padhte hai college ki taraf.
Smita: Nandini kyaa yeh wahi Raj aur Sonal hai jo ekdusre se thikk se baat tak nhi kar paate the. Aur aaj ekdusre se kaise bachhon ki tarah ladh rahe hai.
Nandini: Ek tarah se yeh achha hi hai naa Choti Mummy. Isse inke beech ka pyaar hi toh badh raha hai. Aur bhagwan naa kare agar kabhi Sonal ki yaadash aayi hi nhi toh yeh dosti yeh pagalpan inhe kabhi alag nhi hone dega inhe humesha aise saath hi rakhega.
Nandini: Aaj toh ek aur naya naam de diya inhone apne aapko Bandar aur Sherni.
Smita: Haste hue. Yaadash jaane ke baad toh Raj ke saamne Sonal sach mein Sherni bann gayi hai. Aur Raj toh Bandar thaa hi.
Idher dono car mein chupp baithe the toh Raj bolta hai.
Raj: Toh challenge yaad hai naa Bandariya.
Sonal: Bandariya nhi Sherni. Aur main aapka banaya hua dare jeet ke rahungi. Aur agar main jeet gayi toh aapko yeh manna padega main Sherni hu aur aap bandar.
Raj: Aur agar haar gayi toh.
Sonal: Sawaal hi nhi uthta. Kyoki Sherni kabhi nhi haarti.
Raj: Dekhte hai. Phir mann mein bolta hai. Dare toh tum aaram se jeet jaogi. Ab main apni iss pyaari si Sherni ko haarne thodi dunga. Aur tumhari jeet ke liye main Bandar kyaa jo tum bolo woh bann jaau.
Thodi der mein dono College ke paas pahonch jaate hai toh Sonal car se utar jaati hai aur aage badhne lagti hai tabhi Raj Sonal ko awaaz deke bulata hai.
Sonal: Jii Kahiyee.
Raj: Tum aaj bahot khubsoorat lagrahi ho ekdum jaise swarg se koi apsara utar aayi ho. Yeh bol woh jhatt se apni gaadi aage bhaga deta hai.
Raj ke waise bolne se ekpal toh Sonal usko shock hoke dekhti rehti hai. Woh kuch bolti uske pehle hi Raj waha se nikal jaata hai aur woh usko jaate hue dekhte rehti hai. Phir Raj ki baato ko yaad karke muskura deti hai aur sharma jaati hai.
