Hot Sex Stories - Haunted ~~ " Game Of Rings "

[sexstories]

" mei batati hun ki hum kyun use dhund rahe hain " awaz anshika ki thi jo shreyas ke sath aa khadi hui thi " iske liye apko hamari kahani sunni padegi " usne shreyas ki taraf dekhte hue inspector sharma ki taraf nazar modh li.

Kai baar jaan dena vala jaan bachane se jada bada mana jata hai. Kahani sunne vale to bahut hote hain par samjhne walle jaldi nahi milte aur kuch kahaniya to banti hi kisi ki kurbani par hai. Aise thi hamari kahani jisme madad to bahut mili par hume har bar uski kurbani deni padi. Anshika ne kahani khatam ki to sharma ne paya ki uske sharir ke rongte khade ho chuke hain. Andhere sath hi thand ka prakop badh chuka tha. Police station mein itni khamoshi kabhi nahi mehsus ki hogi kisi ne.

" to aap .. logon ko lagta hai vo baba se koi connection " sharma puchte hue ruka.

" pata nahi keh nahi sakte par puri kahani mein ek hi umid dikhi to usi ko dhundte hue aa gaye shayad kuch mil jaye. Kya vasta hai un mauton ka mujhse aur is kahani se. Aur agar nahi bhi hai to vo log mar kyun rahe hain aur kaun hai vo jo us ring ko logon tak pahuncha raha hai ? " shreyas ne sharma ke sawal ke jawab ke sath ek sawal aisa khada kiya jo kadiyan mila sakta tha.

" agar hume vo mil gaya to is case ki sabhi kadiyan mil jayegi " ajay ko sawal jaise sahi laga. " sir hum usko dhund sakte hain kya pata vo "

Anshika ne ajay ko bich mein rok dia " mujhe nahi lagta ki use hume kuch bhi milega "

" kehna kya chahti ho anshika ? " shreyas puchte hue kuch aur kehna chahta tha par ruk gaya.

" Tumhare sapne shreyas. Kya unhone kabhi tumhe us ring ki pehchan karane ke sanket diye ? " anshika ki baat sahi thi. Shreyas ne aisa kabhi socha hi nahi tha. Vo dimag par zor dalne laga lekin use is bare mein kuch bhi yaad nahi aya aur usne nah mein sar hila dia. " iska matlab yahi ki hume kahani jis disha mein le jana chahti hai hume us taraf jana chahie. " shreyas anshika ki baton ko samajh raha tha.

" inspector hume us awaz ko khojna hoga ek wahi rasta bacha hai hamare liye " shreyas ki baat par sharma ne hami bhari aur ajay ko ishare se samjha dia ki kya karna hai.

Shreyas anshika ki godhi par sar rakh kar laita hua soch mein duba hua tha. Anshika uske sar par hath ferte hue usi ko dekh rahi thi. " tumhe lagta hai anshika inspector us awaz ko khoj payenge "

" tumse sikha hai shreyas ki kosish ka koi na koi parinam milta hai "

" par sirf awaz se kaise "

" tum ho shreyas, tumhare pas sab kuch hai "

" matlab ? " vo uth baitha.

Anshika kuch sochne lagi " shreyas jab tumhe ye sapne ane shuru hue aur tumne us raat mujhe bataya ki tumhe sab yaad aa chuka hai usi baton se mujhe suja ki jo kahani tumse kuch keh rahi hai usi mein tumhari har problem ka solution hoga. Agar tum awaz sun sakte ho to ho sakta hai tum uska chehra bhi "

" par kaise " shreyas ke bolte hi usne uska sar phir apni godhi mein rakh dia. " ankhein band karke socho shayad yaad aa jaye " shreyas ne wesa hi kiya aur vo ankhein band karke sochne laga.

" sir apko kya lagta hai shreyas ki kahani sach hai " ajay aur sharma der raat jeep se ghar ki taraf chal rahe the. Thand ke sath kohra kafi tha isliye gaddi baht dhimi gatti par thi.

" Kahani sachi thi ajay. Hum police wale bhale hi in sab mein na manne par insan ki ankhon ki sachai ko jarur padh lete hai aur unki ankhein sach keh rahi thi" sharma ki nazar samne hi jami hui thi.

" yani apne vo awaz suni thi ?"

" han ajay vo bhi bahut karib se par jab mene vahan dekha tha to koi bhi nahi tha na jane kya hua us aurat ka "

" hum use dhundenge kese ? "

Sharma koi jawab deta use pehle uska phone bajne laga " hello, han shreyas ji .. han mein sun raha hun "

" vo budhi aurat hai inspector umar 60 se 70 ke bich hi hogi, chehra mujhe yaad nahi ki mein use bata paun " Shreyas ne hamesha sapno mein mauton ko hi dekha hai jude vo log ya kisse kabhi dekhe nahi par phir bhi vo awaz jo sharma ko sunai di vo uske dimag mein thi aur usi ki wajah se ek pehchan uske dimag mein ban ayi thi " kya apko isse madad milegi ? "

" bahut had tak hum use jald se jald dhund lenge, befikar rahie " sharma ne phone katt dia.

" kya hua sir ? "

" shreyas ne kuch hadh tak us aurat ka hulia bataya hai. Ajay kal apne khabri lagao chota sa sheher hai hume vo mil hi jayegi "

" ok sir " dhime raftar se jeep kohre ki chadar mein kho gayi.

Kahani ka ye vo daur tha jiske liye shreyas bechain tha itna ki agle do din beet gaye par vo soya nahi. Na jane kitni bar usne bich bich mein police station ke chakar lagaye aur kitni hi baar phone kiya. Par kudrat ke imtehan ne uski bechaini ko khatam nahi hone diya. Reh-reh kar usme dimag mein kuch sawal the jinka jawab use samajh nahi aa rahe the. Kaun si shaitaini shakti hai vo jo logon ko maar rahi hai ? Aur kyun vo mujhse judi hai ? . Vo ek baat bar-bar dahura raha tha taki use is baat ke sawal ka jawab mil jaye. Aisa usne kuch adhura chhod dia jo kahani mein laut aya ? Vo soch raha tha ki uska phone bajne laga.

" inspector " vo itna bol kar sunta raha aur uski nazar anshika par gayi jo abhi-abhi bathroom se nikli thi. Anshika ki nazar usi par thi, shreyas ne phone rakh dia.

" kya hua shreyas ? "

" hume vo mil gayi anshika. Vo yahin hai isi sheher mein "

 

[sexstories]

" kese mili inspector ? " shreyas aur anshika police station mein baithe the. Chai table par rakhi is sard mausam mein thandi hoti jaa rahi thi.

" apke huliye ke mutabik humne apne khabriyun se puch-tach karwai tab hume ek aurat ke bare mein pata chala " Sharma jawab dekar chup hua.

" par vo aurat wahi hai jise aap dhund rahe vo keh pana mushkil hai " Ajay bol kar chup hua aur shreyas ke bolne ka intezar karne laga.

" kahan hai vo ? " shreyas kuch soch kar bola.

" isme thodi problem hai shreyas ji " sharma ki awaz mein ghambhirta jhalak rahi thi.

" Problem? kesi problem ? "

" Us budhi aurat jesa apne uska huliya bataya uske mutabik kafi logon ne use ilake mein dekha hai par koi nahi janta ki vo kahan rehti hai. Humne un sbhi jagah par khoja jahan vo dekhi gayi par kisi ko nahi pata vo kahan rehti hai " Sharma ki baat shreyas ko ajeeb lagi kyun ki agar vo mili nahi to use ye kyun kaha ki vo mil chuki hai. Aur agar vo nahi mili to kahani ka mujhse juda rishta kaun batayega.

" par " shreyas soch mein tha tab ajay ki baat sun kar vo apni soch se bahar aya " par hume ye bhi pata chala hai ki use hospital ki taraf jata dekha gaya hai jahan humne abhi tak check nahi kiya hai "

" Kesa hospital? " shreyas ne ajay ki taraf dekha jo sharma ko dekh raha tha mano usne batane ke liye mana kiya ho. " kesa hospital inspector sharma " shreyas ne sawal sharma se kiya. Sharma ek pal use dekhta raha aur phir usne batana shuru kiya.

" Ek mental asaylum jo takreeban 100 saal pehle angrezo ke samay banaya gaya tha lekin pichle 50-60 salon se vo khandar pada hai. Kehte hain us samay vahan koi hadsa hua tha puri building mein aag lag gayi thi. Khabron ke mutabik aag itni badhi aur bheesadh thi ki us waqt wahan maujud har insan us aag ki chapet mein akar mara gaya kisi ke bhi zinda hone ki koi khabar nahi thi. Uske baad " sharma yahan ruka, batate hue uska dil bhi zoron se dhadak raha tha.

" uske baad " anshika ke sawal par vo use dekhte hue bola.

" Uske baad wahan jo koi bhi gaya vapis nahi lauta. Kuch saal pehle us hospital ki marmat karne ka kaam chalu hone wala tha lekin na jane kya hua pehle din jo majdur wahan kaam karne gaye vo lapata ho gaye. Jab unhe khojne ke liye team bheji gayi to vo bhi kabhi vapis nahi ayi. Dhire-dhire logon ke bich baat badh gayi sabko ye lagne laga ki us jagah par bhoot-pret ka saya hai jo logon ko vapis nahi ane deti. Iske baad kayi log aur aye jo bhooton ko pakdne ka kaam karte hain aur unme se koi bhi zinda vapis andar se bahar nahi aya " sharma ne sans ikhati ki " vo jagah officially Haunted hai isliye vahan koi nahi jatta, hum bhi nahi "

" kahan hai vo hospital " shreyas sharma ki baat khatam hote hi bola.

" Sheher se thoda uppar pahadi par bana hai lekin aap vahan nahi jaa sakte vo jagah officially bandh hai aur vahan jana allowed nahi hai "

" par us aurat ko usi raste dekha gaya tha na jatte hue aur aap logon ne har jagah dekh liya hai sivai us jagah ke "

" lekin " sharma kuch bolta use pehle shreyas ne rok dia.

" Mujhe vahan jana hoga bhale hi vo jagah kesi bhi ho. Aap bas mere jane ka intezam kar dijiye "

" mei aisa nahi kar sakta ye jante hue ki vahan koi adrishye shakti hai jo logon ki zindagi chinn rahi hai " sharma ko phir shreyas ne rok dia.

" Ye kahani meri zindagi se kahin jada uppar hai shayad aap nahi samajh payenge. Is waqt mere liye us aurat ko dhundna jaruri hai aur kuch nahi "

" Par agar vo vahan nahi mili to ? " ajay ne phir wahi sawal kia.

" to phir agar wahan ki kahani sachi hai to mei vapis nahi lautunga " Dono uski baat sun kar hairan ho gaye. Koi kuch nahi bola aur phir shreyas uth kar bahar nikal gaya.

Subah ka mausam tha par thand apne pure jor par thi. Kohre ki chadar hawa ke sath behte hue mano kuch kehna cha rahi thi. Vo khada apni soch mein tha jab anshika uske sath aa khadi hui.

" mei bhi tumhare sath chalungi aur ye mera faisla hai " Usne ek pal anshika ki taraf dekha. Vo ye baat pehle se janta tha par phir bhi dil ki baat kehne se khud ko roka nahi.

" ek bar tumhe le jakar bahut dard de chuka hun aur agar is bar "

" us dard ne mujhe tumse milaya hai shreyas. Parchai hun ab to is zindagi ke sath hi jaungi " Usne shreyas ka hath tham liya. Pyar ka asli matlab tabhi samajh ata hai jab vo aise waqt mein sath ho jab tum sabse mushkil raste par chal rahe ho. Shreyas ne anshika ka hath majbuti se tham liya. Vishwas aur pyar ki kahani mein naya mod ane wala hai aur ye abhas shreyas ko man hi man hone laga tha.

Shreyas ne nazre piche ki jahan sharma aur ajay khade unhe hi dekh rahe the. Sharma jese shreyas ki ankhon ko padh chuka tha usne han mein sar hilaya aur shreyas apni manzil ki aaur chal pada.

Dhire-dhire hi sahi gaddi manzil ki taraf badh rahi thi. Khamoshi ne jaise unke dil mein ghar kar liya tha. Kareeb adhe ghante ke baad manzil unke samne thi. Hospital kafi badha tha. Jadatar har jagah ki deewarein kalli padh chuki thi aur kai jagah se tut bhi raha tha. Main gate par bada sa board laga tha aur vo band tha. Baarish se board par bhi jang lag chuki thi.

" mei gate kholta hun " shreyas ne gaddi ka darwaja khola aur apne kadam zameen par rakh diye. Hawa ki awaz uske kano mein padh rahi thi. Vo gate ke nazdeek aya aur board padne laga jo gate par laga hua tha.

" Is jagah par asadharan ghatividuyun ke hone ka anuman hai. Jagah surakshit na hone ke karan bandh kar di gayi hai. Andar jana mana hai. Rasta band hai vapis jaiye " shreyas board padh raha tha ki eka-ek uski nazar hospital ki building ke sishe par gayi. Jiske piche koi tha jo usi ki taraf dekhta hua hath mein ek toy liye sishe par apna sar zor-zor se maar raha tha. Shreyas ko pehle uska veham laga lekin phir usne thoda dhayan se dekha tab paya ki sach mein koi patient tha jo zor-zor se sar sishe par mar raha tha.

" shreyas "

" ehh.. ha.. " anshika ke kandhe par hath lagate hi vo chaunk pada.

" kya hua ? "

" vo " usne anshika se nazar hata kar us taraf vapis dekha to vahan kuch nahi tha. " kuch nahi "

" kab se awaz laga rahi thi. Koi hai ? " usne apni nazre band gate se idhar udhar ghumai par koi nahi dikha.

" nahi " usne gate ka lock khola aur use dhakka dekar khol dia. Uski awaz dono ko chubi aur kuch der vahan gunjti rahi. Dono gadi mein vapis ja baithe aur phir usne gaddi andar laa khadi ki.

" ajeeb si bechaini hai idhar " Anshika utarte hi boli. Shreyas ne koi jawab nahi dia kyun ki use bhi wahi mehsus hua tha. " mein andar jane ka rasta dekhta hun " Shreyas ne dhakka dekar jab hospital ka gate kholne ki kosish ki to vo khula nahi. Anshika abhi gadhi ke pas hi khadi thi.

" dono darwaje bandh hai fir aur agar vo budhi aurat yahan " shreyas building ke abhi us taraf hi gaya tha ki tabhi use " aaaahhhhhhhhh " anshika ki cheekh sunai di. " anshika " vo ghabrate hue vapis dauda.

 

[sexstories]

Dono gaddhi se utare aur hospital ke darwaje ki tarafh badhe. Charon aur sukhi padi tehniyun ne gher li thi. " ajeeb si bechaini hai idhar " anshika ne shreyas jaisa hi mehsus kiya. Vo bina kuch bole anshika ka hath thame aage badha. Usne darwaja par dhakka diya par vo nahi khula.

" band hai " usne takat laga kar kholne ki kosish ki par vo nahi khula.

" shreyas kya pata rasta kahin aur se ho. Itni badhi jagah hai rasta us taraf se bhi ho sakta hai " usne ishara kiya.

" hmm " shreyas ko anshika ki baat sahi lagi. " theek hai tum yahin tehro mei dekh kar ata hun aur "

" chinta mat karo mujhe kuch nahi hoga " anshika ne shreyas ki baat puri ki. Shreyas anshika ko chhod kar dusri taraf chal pada. Maidan bahut badha tha vo ye sochte hue aage badha use ek aur gate dikha par vo bhi bandh tha. Khidki ki unchai zameen se uppar thi isliye vo vahan se bhi nahi jaa sakta tha. " Dono gate bandh hai to vo aurat yahan kese aati jati hogi. Aisa to nahi ki vo yahan ho hi nahi ? "

Anshika usi darwaje ke pas khadi thi ki tabhi use ek ahat sunai di. Vo koi awaz thi jo darwaje ke piche se aa rahi thi. Awaz sun anshika ka dil zoron se dhadkne laga vo darwaje ke pas ayi aur kaan laga kar dhayan se sunne lagi. Awaz bahut dhimi thi isliye uske liye samajh pana mushkil tha. Awaz jane ki jigasaya mein anshika ne hath se handle ko pakad kar niche kiya to vo ek awaz ke sath khul gaya. Khulte sath hi vo ek jhatke se piche hui. Darwaja thoda khul gaya tha, uske chehre par pareshani aur halka dar badha. Par sathi hi andar se ane wali awaz tez ho gayi. " kaun hai " uske muh se nikla aur vo ek kadam aage badhi. Aage badh kar usne darwaje ko dhakka dia aur vo ek ajeeb si awaz ke sath khul gaya. Samne corridor tha, roshni mein halka halka hi dikh raha tha lekin usk alawa vahan koi maujud nahi tha. Kisi ko na dekh vo aage badhi aur usne dusra darwaja bhi dhakka de kar khol dia. Vo thoda sa khula aur phir ruk gaya. Anshika ne apne hathon ke zor se use piche kiya lekin vo fir bhi piche nahi gaya. Jab vo piche nahi gaya tab uska dhayan usi awaz par vapis gaya jo theek usi darwaje ke piche se aa rahi thi. Dekhne ki jigasya mein usne intezar nahi kiya aur usne apne kadam andar rakhe. Uski sansein bahut tez ho gayi thi, kuch purani yadein taza hui phir bhi usne apni nazrein darwaje ke piche ghuma di.

Vahan ek ladki baithi apne baal kaat rahi thi usne apna chehra utha kar anshika ki taraf kia. Chehra bilkul safed tha aur ankhein ek dum nili mano din mein ek chudail uske samne baithi ho. Vo ladki use dekh kar hansi aur usi ke sath usne apni jali hui jaban bahar nikal di. Vo is pal ko dekhte hi chillai " aaaaaah--hhhhhhhhhhhhh "

Anshika ke chillane ki awaz sunte hi shreyas fauran vapis ane ke liye daudha. Vo bhagta hue anshika ke pass aya to dekha vo chillati hui piche ki taraf ho rahi thi.

" anshika "

" shreyas " vo uski bahon mein aagayi. " anshika kya hua " vo sawal karta use pehle uski nazar samne khule hue darwaje par gayi. Jo darwaja use khul nahi raha tha vo ab khula hua tha. Ye dekh shreyas samajh gaya ki hospital ki kahani sach hai. Uppar se anshika ka yun dara hua dekh vo aur ghabra gaya " anshika kya hua kya dekha tumne " usne anshika ko khud se alag kia.

" shreyas andar... vo ladki, vo bahut darwani thi shreyas " vo anshika ki ghabrahat saaf dekh raha tha.

" darne ki jarurat nahi mei hun tumhare sath " usne anshika ko bahon mein bhar liya. Dono kuch pal yun hi khade rahe aur jab use laga anshika theek hai tab usne use khud se alag kiya. " anshika tum theek ho " usne uska chehra tham lia.

" hmm "

" hospital ki kahani sachi lagti hai. Mei chahta hun tum vapis chali jao. Sham hone se pehle kuch nahi mila to mei vapis aa jaunga " vo ye baat police station mein hi kehna chahta tha.

" nahi agar is jagah mein kuch hai tum hum dono sath jayenge. Tum nahi the isliye dar gayi thi. Sath hote tab kisi bhi chiz ka dar nahi bhale hi vo koi bhatkati ruh hi kyun na ho " anshika apne faisle par adh chuki thi.

" par "

" pyar mein akela chhodna kahan likha hai shreyas. Tumhe umid hai ki vo budhi aurat yahin hogi ? " usne shreyas ki baat ko bich mein rok kar kaha.

" pata nahi anshika. Agar tumne kuch dekha hai to yahan jarur kuch hai aur aise mein vo aurat yahan kyun hogi ? " shreyas ka sawal sahi thi.

" bhulo mat vo aurat tumhare sapne mein ho rahi ghatnaon ki shakti ko pehchanti hai to kya pata vo yahan ki shaktiyun ko bhi janti ho " anshika ki baat sahi bhi ho sakti hai aur galat bhi. Agar wo budhi aurat itni takatwar hai to shayad vo mere sapnon ke bare mein bata paye. Shreyas bas isi soch mein tha ki vo andar jaye ya nahi kyun ki uske sath uske pyar ki zindagi judi thi. Par vo apne sapno ki hakikat janna chahta tha aur iske alawa koi aur rasta bhi nazar nahi aa raha tha.

" theek hai par dhayan rahe tum mera hath nahi chhodogi. Chahe jo bhi ho jaye " shreyas ki baat sun anshika ne hami bhari aur shreyas uska hath apne hath mein thame andar jane ke liye aage badha. Anshika andar ghusne se pehle halka ghabrai par shreyas ke ehsas ne usko darne nahi dia. Vo dono andar aa khade hue, andar ab vo ladki nahi thi jise anshika ne dekha tha. Barhal vahan koi bhi maujud nahi tha. Farsh par mitthi hi mitthi thi aur corridor ki us gehrai mein halki roshni ke sath ek andhera kayam tha.

Shreyas anshika ko lekar aage badha. Corridor ki mithi par badte dono ke kadam wahan ek lauti awaz thi. Vo dhire-dhire chalte hue aage badh rahe the. Dono ke sine mein ek ajeeb si khamoshi aur dar tha jo ek dusre ke liye tha. Samne kya hai Kuch bhi pata nahi chal paa raha tha aur aisa lag raha tha mano ye corridor kabhi khatam hi nahi hoga. Shreyas ne socha agar vo budhi aurat hogi to shayad is shanti mein uski awaz sun le isliye vo chillaya.

" koi hai " anshika ne uski taraf dekha. Uski sansein tez chal rahi thi. Uski awaz gunji par jawab mein kuch nahi aya vo ek baar phir chillaya " koi hai " aur is baar chillate hi pura corridor atmaon se bhar gaya jinki nazar un dono par hi thi. Koi doctor tha to koi pateint, koi zameen par baitha tha to koi chalta hua ruk kar unki taraf dekh raha tha. Ye dekhte hi anshika ne apna chehra shreyas ke sine mein chupa liya. Vo man hi man 'jai mata di' ka laap lene lagi. Shreyas ki nazar abhi samne khade doctor par thi jo ek patient ke sath tha aur eka-ek jab use mehsus hua ki ek nazar bilkul theek pass hi hai tab usne apni nazar us taraf ghumai. Vo ek bacha tha jo vahan uske badal mein baitha use hi ghur raha tha. Shreyas ne uska chehra dhayan se dekha, adha chehra jal chuka tha usme lage kide us jhakam par ghum rahe the. Shreyas ko apni taraf ghurta dekh vo bacha muskuraya jiske baad shreyas ki dil ki dhadkan aur tez ho gayi. Uske danton se khoon rista hua bahar girne laga. Vo janta tha anshika behad dari hui hai isliye usne anshika ka hath aur majbuti se pakad liya. Aur phir ek nazar piche ki aur dali jahan vo darwaja jise andar aye the vo bandh padha tha uske alawa piche bhi wahi atmayein maujud thi. Ek patient jo strecher par baitha use hi ghur raha tha. Uske hath per jale hue the aur vo apni niii ankhon se use hi ghur raha tha.

Achanak ek awaz hui jisne use dara dia aur usne apni nazar samne ki taraf kar li. Kuch hi duri par use kannch laga ek lakdi ka darwaja dikha jo shayad apne aap khula tha jiski awaz uske kano mein padhi thi. Vo sabhi atmayein shreyas ko hi dekh rahi thi. Vo ek baat samajh gaya tha isliye usne bina unki taraf dekhe anshika ko lekar dhire-dhire aage badhne laga. Use bas us darwaje tak pahunchna tha, jaise jaise vo aage badhta vo nili ankhein jo uske sath khadi thi vo use jata dekhti rahi. Aur phir vo us darwaje ke paar jaa khada hua.

 

[sexstories]

" amma kya aap janti hain mein kaun hun aur apke pas kisliye aya hun " shreyas ne sawal kiya. Anshika uske pass aa khadi hui thi.

" hmm tere bare mein aur iske dard ke bare mein bhi " amma ki awaz kafi bhari thi. Uska ishara anshika ki taraf tha. Koi kuch kehta use pehle amma ne anshika ka hath majbuti se pakad liya, dono ghabra gaye " is ladki ko us ruh ne behad dard dia tha uska dard aaj tak iske zehan mein hai " anshika ki ankhein jese us pal mein kahin khoti gayi. Shreyas samajh gaya ki amma ko sab pata hai yani uske sawalon ka jawab unke pas tha.

" to kya aap janti hain mere sapne ke bare mein ? " vo kuch nahi boli " apko pata hai kaun vapis aaya hai " usne agla sawal kiya par vo phir kuch nahi boli " kaun hai jo mujhse abhi bhi juda hai ? " uska tisra sawal sun amma ne anshika ka hath chhoda aur phir mud kar jane lagi. Shreyas ne anshika ki taraf dekha aur phir uski taraf jo sidiyan utar kar niche jane lagi thi.

" amma " usne awaz lagai par vo nahi ruki. Shreyas duvidha mein khada raha phir anshika ne dhire se chalne ko kaha to use khayal aya ki vo shayad apne sath chalne ke liye bula rahi ho. Lekin sidiyun par andhera tha aur shayad andar aur bhi andhera tha.

" anshika niche andhera hai " vo janta tha ki us raat ke baad se anshika andhere se ghabrane lagi hai.

" tum ho mere sath " usne uska hath pakad liya. Shreyas ne ek gehri sans khinchi aur anshika ka hath tham kar sidiyun se utarne laga. Vakai sidiyun se utarne ke baad sirf andhkar tha. Thand kuch jada hi thi, sans lete hue dono ke muh se dhuain nikal raha tha. Tabhi dono ko ek awaz ayi jo samne ek andhere se ayi thi. Dono andhere ke andar chal diye, har pal aisa lag raha tha mano koi unko hi ghur raha ho ya chalti hawa ke sath koi unhe chutte hue nikal raha ho.

Kuch dur chalne ke baad dono ki nazar amma par padhi jo ek kamre ke gate par khadi unki taraf hi dekh rahi thi. Unhe dekh vo kamre ke andar jaa ghusi.Shreyas aur anshika bhi piche piche kamre ke andar ghus gaye. Kamra bahut bada bhi nahi tha par kafi kuch tha wahan, ek taraf jal rahi aag ek palang aur bahut sa saman kuch zameen par rakha tha aur kuch bandh pada tha. Andar ghuse to dekha vo aag ke pas khadi thi unhone hume dekh kar palang ki taraf baithne ka ishara kiya. Do pal hum yun hi khade dekhte rahe aur phir palang par ja baithe. Thand ke sath ek ajeeb si khamoshi vahan maujud thi. Amma us aag ke pas baith gayi jisme unhe kafi samay laga phir apne kampte hathon se glass uthaya aur usme jug se kuch dal kar hamari taraf badhaya. Mei apni jagah se khada hua aur unke hath se lekar baith gaya. Glass shayad kab se dhule nahi the, chote chote kide unki dali hui chai mei gir rahe the. Kamre mein do laltain dono deewaron par lagi hui bich-bich mein lub-jhup ho rahi thi. Shanti ne jaise hume kaid kar liya tha.

" amma " shreyas bola

" tere man mein chal rahe har sawal ko janti hun mei. Ye andhkar dekh raha hai ? " vo bol kar chup hui. Kuch aisi batein ko vo pehle bhi sun chuka tha. " insan ab insan nahi raha, shaitan ne uski jagah apna ghar bana liya hai " vo hamari taraf ghurte hue boli.

" kya aap us shaitan se vakif hai ? " anshika ne sawal kiya.

" agar tum ye janna chahti ho ki vo kaun hai to tum galat jagah aye ho " pehle hi sawal ke jawab ne jaise umid todi aur bahut se prashno ko janam dia.

" to aap nahi janti vo kaun hai ? " shreyas ne sawal kiya. " par aap humare bare mein janti hai kaise ? " vo shuru se baat karna chahta tha.

" 105 saal se bahut dard mehsus kiye hain. Iski tarah kuch aise hi sapne liye zindagi bitai hai mene " amma ne shreyas ki taraf dekhte hue kaha. " Ye uppar walle ki kripa thi ya sharap nahi janti par tumhari kahani jaisa dard kabhi mehsus nahi kiya " vo zameen par rakhe matke ke andar ek dande se pisti hui boli.

" amma aap yahan kitne waqt se hain ? " anshika ne sawalon ko mod dia.

" 8 sal ki umar mein maa-baap ek sharap samajh kar chhod gaye the tabse yahin hun " amma ki baat sun kar dono chaunk pade.

" yani ki aap yahan ke hadse ke waqt maujud thi ? " anshika ne agla sawal kiya.

" han aur us hadse ke ghav aaj tak hai " amma ne apne chehre ki aaur ishara karte hue bataya.

" kya hua tha amma, vo hadsa yahan par kaise ? " sawal shreyas ki taraf se tha.

" bhayanak aag, kese lagi kyun lagi mujhe nahi pata par us waqt mein apne kamre mein kaid thi jab logon ke chillane sath vo aag mere darwaje tak aa pahunchi. Bahar ane ke liye mei khub chillai par koi madad karne ke liye nahi tha. Aag ki tapat kya hoti hai malum hai ? " vo sawal karke chup hui par hamare pas koi jawab nahi tha " shayad uppar walle ko abhi mujhse koi adhura kaam karwana tha isliye usne bas is chehre ko jalaya aur zindagi chhod di. Bahut waqt laga dia tune " vo phir apne pisne wale kaam mein lag gayi.

" par yahan kyun vo bhi itni sari ruh ke bich mein " kuch der baad amma ki baat sun anshika ne sawal kiya.

" sabke dard mujhse jude hain vo mujhse hi keh sakte hain "

" to phir vo log kaise mare jo yahan aye ? "

" sshhh " unhone chup hone ka ishara kiya hume samajh nahi aya kyun. " ek tumhare piche hi baitha hai " unke kehte hi dono ke dil ki dhadkan behad tez ho gayi. Vo dono fauran khade hokar palang ke piche dekhne lage par wahan koi bhi maujud nahi tha.

" tum dono abhi tak nahi samjhe tumhare pas waqt bahut kam hai " amma ki baat sun kar hum mude vo theek hamare samne khadi thi. Ek pal ke liye dono hi uski ankhon mein dekh ghabra gaye.

" samay nahi matlab ? par hamara kya rishta hai in kahani se aur kyun aa rahe hain mujhe vo sapne ? " shreyas sawalon se tang aa chuka tha use jawab chahie the isliye vo ukhdi awaz mein bola

" vo vapis aa gaya hai... " unke bolte hi dono ke sharir ke rongte khade ho gaye.

 

[sexstories]

" kya bola apne ? " shreyas bol utha " aisa nahi ho sakta " vo manne ke liye tayar nahi tha. Ab vo ye manna ye liye tayar nahi tha ki khan ki ruh vapis aayi ya phir uski koi galti ki vajah se aisa hua hai.

" uska khatma ho chuka hai amma, vo vapis nahi aa sakta " anshika ne bhi shreyas ka paksh liya.

" janti.. hun.. janti.. hun par teri kahani usi jagah se judi hai " vo apni jagah par baith gayi.

" kahani khatam ho chuki hai amma. Mujhe apse ye janna hai ki mere sapne hum dono se kaise judde hain. Kyun mene anshika ko us bangle mein dekha jiska ab koi vajud nahi hai " shreyas ne vo baat keh di jo usne anshika se bhi nahi kahi thi.

" mujhe ? " anshika ne sawaliya nazaron se pucha. Shreyas ki sansein jo chadi hui thi anshika ke sawal par dhimi ho gayi, usne nazrein uski tarf modhi. Fir usne us raat ke sapne ko bataya jis din uski awaz vapis ayi thi. Anshika uski batein sunte hi samajh gayi ki vo itna kyun dara hua hai aur kyun vo in sapno ke piche bhag raha hai.

" tumne ye baat mujhe pehle kyun nahi batai ? "

" kyun ki mei dar gaya tha anshika, jis kahani ko hum salon pehle piche chhod aye hai vo hamare piche kaise aa sakti hai " shreyas ne apni pareshani zahir ki.

" usne tumhara picha chhoda nahi vo har raat tere sapne mein ata hai " amma bol padhi.

" vo kaun amma ? " shreyas ne sawal par zor dala. Ek pal kamre mein thandi hawa ke sath khamoshi cha gayi.

" ek aisa shaitan jisne insan ke bich apna ghar bana liya hai " vo bol kar chup hui aur matke mei dande se kutne lagi. Bar bar wahi jawab sun shreyas pareshan hone laga.

" lagta hai in sapno ka raaz kabhi nahi jaan paunga. Vo log marte rahenge " shreyas bas itna hi bol paya.

" tu kamjor ho gaya hai " amma ne uski taraf dekha " tu jo janna chahta hai agar jaan bhi gaya to kabhi ladh nahi payega. tu kamjor ho gaya hai " bol kar vo hans di. Hansi se unka chehra aur bhi jada khatarnak ban raha tha. Amma theek keh rahi thi, mei shayad kamjor jo gaya hun. Vo jhakham aaj bhi dil mein hai unka bhoj, unka dard mano daba chuka ho mujhe. Mei bas in sapno ko khud se alag karke ek chota sa sansar banana chahta hun apne pyar ke sath bas aur kuch nahi. Isliye mujhe farak nahi padta vo kaun hai kaun nahi bas mujhe is ladai ka hissa nahi banna ab aur nahi. Sochte hue shreyas palang par bed gaya. Anshika uski uljhan, takleef samajh uski is duvidha ko dekh paa rahi thi isliye vo uske pass aa baithi.

" shreyas "

" agar mei apne pyar ke bare mein soch raha hun to isme kya galat hai anshika " uska galla bhari ho gayi. Ansu ankhon par the par vo nikal nahi paa rahe the. Vakai mein jab dard bhi ansu ban kar na nikle tab use jada kamjor insan koi nahi hota.

" nahi tum galat nahi ho " anshika ne apna hath shreyas ke hath par rakha

" Trishti, avinash, milan, bhai sab, sab " vo kuch bolna cha raha tha par awaz uska sath chhod rahi thi, " har din vo mere samne hote hain aur mei har din unhe marta hua dekhta hun is bhoj se kaise niklun ? " shreyas ko itni takleef mein dekh anshika ki ankh se ansu aa nikle. " ek hi vajah bachi hai jine ki aur vo ho tum "

" kamjor ho gaya hai tu nahi jeet sakta shaitan se, jaa chala ja vapis tujhe meri koi jarurat nahi " anshika kuch kehti use pehle amma bol padhi.

" amma shreyas takleef mein hai shayad aap nahi samajh sakti ki us raat ne humse kya chinna hai " anshika shreyas ke paksh se boli.

" to le ja tu ise aur chhod de iske dard mein " vo chillai " vo shaitan takat ikhati kar raha hai aur jis din vo takat ikhati kar lega us din bahut der ho chuki hogi. Ja le ja ise aur hone do khatam insan ko us shaitan ke niche. Ja le ja, jaao " amma bolte hue apni lathi ke sahahre bahar nikal gayi.

" apne kaha kahani mujhse judi hai isliye vo vapis aya hai " shreyas kamre ki dehaliz par khada tha. Kamjor insan hi sabse jada takatwar ban sakta hai. Aur jab us takleef mein apka pyar apke sath ho to takleef ek aisi himmat banati hai jiski shakti ke aage har kisi ko jhukna padta hai khud bhagwan bhi us dard se jeet nahi pata.

Andhere mein amma nahi dikhi, andhkar ke alawa kuch dikh nahi raha tha. Usne apni nazrein piche ki aur ek jhalak anshika ki taraf dekha aur phir jaise hi usne nazre samne ki use ehsas hua ki bagal mein vo khadi use hi dekh rahi hai. Vo unhe dekh ek kadam piche hua aur kamre ke andar ghus gaya. Amma kamre mein ayi, uske hath mein kuch tha, vo aag ki taraf badhi aur usne usme vo dal dia jise aag thodi bhadak gayi.

" vo shaitan kaun hai mujhe nahi malum par vo tujhse juda hai iska jawab tujhe hi khojna hai " vo apni lathi ki madad se apne saman mein kuch khojne lagi.

" kaise ? " shreyas ne pucha.

" tu nahi kar payega, koi nahi kar payega " unhone jhuk kar apna saman utha liya.

" aisa kya hai jo nahi ho sakta " shreyas ke puchte hi vo uski taraf mud gayi aur unki ankhein shreyas ki ankhon se jud gayi.

Thodi der tak kamre mein jalti aag ka shor hi pasra hua tha.

" Shaitan kaun hai kahan se aya koi nahi janta, vo kis maksad se aya hai abhi rehashmye hai. Tujhse kyun juda hai iska jawab bhi abhi kahin nahi hai. Kya vakai koi nayi shakti hai jisne is baar insaniyat par kabza kiya hai. Agar aisa hai to tujhe ek anokhi shakti mili hai us jagah se us raat ke baad tabhi to tujhe vo sapne ate hain. Lekin agar aisa nahi hai to vo kaun hai jo tune apni kahani mein adhura chhoda ya phir tu us kahani se abhi vakif hi nahi hai. Na hi tere pas koi naam hai na hi koi chehra sirf tere sapne hai aur sapno mein vo dard jo tujhe yahan tak khinch laya hai " vo ek pal ruki aur phir dhimi awaz mein boli " Aur ab wahi dard is shaitani shakti ko pehchanne ke kaam ayegi " amma theek hamare samne baithi thi. Kuch batein samajh ayi kuch abhi bhi anchui thi lekin itna samajh ane laga ki vo shakti jo koi bhi hai uske bare mei har koi anjan hai.

" apke kehna ka matlab hai shreyas ko jawab sapno mein milega ? " anshika ne kuch pal chup rehne ke baad sawal kiya.

" nahi " amma ne ungli se ishara kiya " sapne se tumhe uski takat pata chali hai aur us takat ka zariya "

" anguthi " shreyas amma ki baat samjhte hi bola. Amma ajeeb si awaz karti hui han mein sar hilane lagi.

" aur wahi anguthi uski kamjori banegi " vo muskurai.

" par kaise ? " anshika ne pehla sawal kiya. " aur agar wo uski kamjori hai to vo hume kese milegi ? vo to " anshika ko bich mein rok shreyas ne uski baat khatam ki.

" usne aisi jagah chupa rakhi hogi jahan koi usse dhund na paye " uska dimag ab kahani se judne laga.

" haan... haann.. " vo phir usi tarah boli. " hume use khojna hoga. Aur use khojne ka sirf ek hi rasta hai "

" kya ? " shreyas ki ankhein amma ki batein sunte-sunte badhi hoti chali gayi.

 

[sexstories]

" kya lagta hai tumhe kya vakai kahani use judi hai " anshika ke sawal par shreyas ki soch aur gehrati gayi.

" agar ye pata chal jata to shayad hum ye khoj patte ki vo vapis kaise aya " shreyas soch kar bola. Use abhi bhi lag raha tha ki kahani kahin na kahin us raat se judi hai.

" par kaise shreyas? kaise " anshika chidte hue boli " tumne baba ke bataye mutabik uske sharir ko khatam kar dia tha. Aur tumne khud apne samne uske sharir ko khatam hote dekha tha to phir vo vapis kaise aa sakta hai. Ek shaitani ruh ki shakti uski takat uske sharir se judi hoti hai aur jab tumne uska sharir hi nasht kar diya to phir kaise vo vapis aa sakta hai ? " anshika kahin se bhi galat nahi thi lekin phir bhi mujhe na jane kyun lag raha tha ki ye shakti usi se judi hai bhale hi vo na ho. Shreyas apni soch mein khoya hua tha.

" ladki sahi keh rahi hai har shakti ki takat uska sharir hota hai bina uske vo bekar hoti hai. Chahe vo achi shakti ho ya buri. Tujhe lagta hai jis ruh ne akhri baar kabza kiya tha vo fir vapis lauti hai " amma kuch der ke liye bahar gayi thi, andar atte hi boli.

" dimag manna nahi chahta amma, par dil kuch aur hi keh raha hai. Un sapno mein jo bhi log mare unka mujhse koi natta nahi hai par phir bhi vo mujhse jude lekin hamari kahani to humse isliye judti hai kyun ki usme hamara rishta juda hota hai. Sonia shrey ki harshit papa aur shilpi maa se aur unke doston se aur phir mujhse aur anshika se " vo bol kar ek pal chup hua " dhruv papa se maa se " na jane kyun naam lete hue uski ankhon se ansu aa nikle. Pura pariwar kho chuka tha vo. Jo dukh sine mein dhadak raha tha vo apnon ke khone ka tha. Anshika ne use kuch nahi kaha vo samajh chuki thi ki shreyas kya mehsus kar raha hai. Uske subakne ki awaz ek matr awaz thi jo us khamoshi mein sunai de rahi thi.

" agar tujhe lagta hai ki ye wahi ruh hai to shayad mere pas ek rasta hai uska pata lagane ke liye " amma kuch soch kar boli. Shreyas aur anshika ki ankhein amma se jud gayi. Unhe ek umid dikhi shayad shreyas ki ankhon mein vo ummid jada thi. Par anshika nahi chahti thi ki kahani us jagah se jude vaise hi vo jagah bahut dard jhel chuki thi aur dard de chuki thi.

" par "

" par kya amma ? " shreyas faural bola.

" mujhe kuch aisi chiz ki jarurat padegi jo vahan se judi ho " amma ke sawal ka jawab hamare pas tha lekin vo jo mang rahi thi vo chiz hamare pas nahi thi.

" shreyas tum gaye the to tum kuch ? " anshika ko sawal ajeeb lag raha tha par phir bhi usne puch liya.

" yadein itni buri hai tumhe lagta hai mei kuch aur laa sakta hun unke alawa " shreyas ne fauran jawab dia aur usne umeed chhod di. Uske pas aisa kuch nahi tha jo uski madad kar sake. Abhi vo nirash hua tha ki use apni hi kahi baat yaad aa gayi. Yaadein, jo vo wahan se laya tha jisne use aisa yaad dilaya jise uska hal nikal sakta tha.

" mere pas hai " shreyas ke bolte hi anshika ki ankhein hairani mein badhi ho gayi.

" kya ? "

" anshika vo chiz jo mujhe us jagah se mili thi aur khan ki ruh ne di thi " usne apna per dikhaya jispar charon taraf kalle nishan the jaise khoon ka prabhav us jagah band ho chuka ho.

" shreyas ye nishan "

" khan ne diye the anshika, us raat jab mein uski laash ko resort se bahar nikal raha tha us waqt usne mere isi per ko apne hathon se jakda tha " uski ankhon mein umeed aa gayi. Vo nahi janta tha ki ek buri yaad use ek din uski zindagi se jude kisi sach ko samne lekar ayegi " ise aap hamari madad kar payegi na ? " shreyas ne amma ki taraf dekha aur amma ne han mein sar hila dia.

Dono ek taraf baithe amma ko dekh rahe the. Amma table par ek katore ke andar pani dal kar mantr padhne lagi. Phir unhone hath mein liye dhatu ko masla aur uska churra panni ke andar dal dia. Pani mein vo chiz jaise hi mili uske andar badlav ane lage aur vo pani se badal kar ek dusre dhatu mein tabdeel ho gaya jiske baad uska rang badal gaya. Amma ne apni do ungli usme dali aur jab bahar nikali to vo ek gaadhe pratdath mein tabdeel ho gaya tha. Unhone shreyas ko hath aage badane ko kaha. Usne apna hath aage badhaya aur amma ne uske hateli par us padarth se do nishan bana diye. Phir unhone chaku se un nishan par kaat dia. Shreyas ko halka sa dard utha par vo sehan kar gaya. Khoon hateli se behta hua bhare katore mein girne laga. Amma ne ungliyun ko gatore mein ache se ghumaya aur mantr padhne lagi.

Anshika ki nazar unpar hi thi par use mehsus hua ki shreyas kuch bol raha hai usne nazar uski taraf ghumai " shreyas... shreyas.. " vo ghabrate hue uske kandhe ko hilane lagi. Shreyas bol nahi raha tha balki badh-bada raha tha, usko hallucinations ho rahe the yani vo ek aisi dunia mein tha jahan use har tarah ki chizen dikh rahi thi. Ek taraf vo bangle mein sonia ke samne khada milta to agle pal resort mein trishti ko marte dekhta. Use sans lene mein takleef hone lagi, thand mein bhi pasina uske chehre se beh raha tha. Har kuch second mein vo apna sar jhatka, ankhein chad chuki thi, sharir kanpne laga.

" amma.... kuch kijeye... shreyas... " anshika chillai, par amma ankhein band kiye apne mantr mein khoi hui thi. Shreyas piche ki taraf nidhal hokar gir gaya aur uska sharir kanpne laga. Anshika uske galon ko thap-thapate hue chilla rahi thi. Shreyas ki ankhon ke samne dhruv aya phir uske purre sharir se khoon nikalne laga aur uski shakal shaitni ruh mein tabdeel ho gayi. Fir shakal anshika mein badal gayi jiske baad jaise hi usne apni ankhein kholi usme alag hi shaitan dikha jisne achanak se apna muh khola aur shreyas ghabrate hue ankhein khol baitha.

" unhhhh huhhh.. " uski sansein bahut tez chal rahi thi.

" shreyas tum theek ho shreyas " dhundli ankhon se parda hata to anshika ki asliyat uske samne ayi.

" anshika "

" tum theek ho " vo to ro hi padhi thi.

" haann unnnhh " usne uthne ki kosish ki to anshika ne usko madad karke baitha dia. Amma abhi bhi mantr padh rahi thi. Shreyas ka chehra pasina se bhara tha jise anshika apne hath se pochne lagi.

" kya ho gaya tha tumhe "

" hallcunation shayad par mei theek hun " usne apni sansein durust ki " Janti ho tumhari awaz mujhe tab bhi sunai de rahi thi jab charon taraf andhera tha " dono ek pal ek dusre ki ankhon mein dekhne lage. Nafrat aur bure waqt mein bhi jab awaz pyar ki sunai de to umeed hamesha sath dikhti hai. Achanak se hui awaz se dono ki nazre ek dusre se hat gayi.

Amma ka mantr shayad pura ho chuka tha, unki nazar katore par hi jami hui thi " agar iska rang kala hua to samajh ki jis ruh ne tumhe us jagah par jakda tha ye wahi hai varna " abhi vo itna hi boli thi ki katore ke andar pade padarth mein halchal hone lagi. Mano koi uske andar ho. Ek pal ke liye sabhi ki dhadkene tez ho gayi, teeno gaur se dekhne ke liye uske thoda kareeb ane ke liye badhe ki achanak se us padarth ke andar ek shaitani akriti ban gayi aur vo uppar ki taraf uth kar chillane laga.

" aaarrgghhhhhhhhhh " us akriti ki nazar shreyas aur anshika par hi thi aur vo unhe hi dekh kar dahad raha tha. Anshika ne chillate hue shreyas ke piche nazar chupa li par shreyas use gaur se dekhta raha vo janta tha ki ye ek mayajal hai. Vo kuch pal use dekhe chikkhta raha aur phir shant hokar vo padarath katore mein vapis usi tarah aa gaya jaisa hona chahie tha. Kuch pal yun hi beet gaye sab ek dum shant agle pal mein kuch hone ki ummed mein mano abhi kuch aur hona baki hai.

" rang nahi badla " anshika ne khamoshi ko toda. Shreyas ko jaise yakeen tha kahani use judi hai par aisa nahi hua to use ek tassali mil gayi. Par agle hi pal uska rang badal gaya aur kalla ho gaya.

" noo.. ye nahi ho sakta " anshika fauran boli aur is baar shreyas ka dil aise dhadka mano kuch galat ho gaya ho. " shreyas ye kaise possible hai " abhi anshika itna hi boli ki jis table par bowl pada tha vo hilne lagi.

" ye kya ho raha hai " vo boli par shreyas ne uska hath pakad liya. Table hilne lagi aur dekhte-dekhte bowl mein se dher sarre kidde nikal kar bahar aane lage.

" aaaaaahhhhh " vo chillai aur usne per uppar kar liye kuch hi pal mein vo kide kamre ke charon taraf utar kar kahin gayab ho gaye aur bowl khali ho gaya. Shreyas ne amma ki taraf dekha.

" ye wahi ruh hai wahi shaitani ruh gay " vo ek pal bol kar chup hui " aur is baar vo behad khatrnak hai kyun ki.. kyun ki vo tumhe janti hai lekin tum use nahi " mano unki awaz mein kuch tha jise sun shreyas ke rongte khade ho gaye.

Shreyas ko jis baat ka dar tha vo chuka tha, use lag raha tha ki khan ki hi ruh vapis ayi hai par kaise ye apne aap mein ek rehasye tha. Usne us raat ki har baat yaad ki aur ant tak usne wahi kiya tha jo baba ne use bataya tha. Par agar uski vapsi hui thi to itne salon baad hi kyun? Kya rehasaye hai is kahani mein.

" agar khan vapis aya hai to phir tumhe vo sapne kaise aa rahe hai. Vo apni takat aur kamjori tumhe kyun dikhana chahta hai ? " anshika boli.

" shayad isliye kyun ki khan ki parchai mujhse judi hai " shreyas ka ishara uske per ki taraf tha.

" par itne waqt baad "

" tumne kaha ki 1 sal se mujhe vo sapne aa rahe hain aur us raat ko 5 saal ho chuke hain. Anshika is baar ye kahani kuch alag batana cha rahi hai. Kuch hai jo hum jod nahi paa rahe hain. Kuch hai jo hum nahi jante aur shayad koi nahi janta. Koi aisi anhoni jiska hume gyan nahi hai. Varna khan ki ruh ka vapas ana mujhe to kuch samajh nahi aa raha " shreyas pareshan hote hue bola.

" iska sirf ek hi rasta " amma uske chup hote hi boli.

" kya ? " anshika boli.

" ye shaitni ruh wahi hai to iski takat usi jagah se judi hai jahan se is kahani ki shuruwat hui "

" sabarwal mansion ? " anshika ne bich mein roka.

" han wahi bangla jise kahani ki shuruwat hui aur "

" aur kya ? "

" uski kamjori bhi hume wahi milegi "

" par aap itne yakeen se kaise keh sakti hai ki uski kamjori wahin hogi " shreyas ka sawal sahi tha.

" kyun ki, shaitan apni kamjori ko har dum apni takat ke piche rakhta hai " vo budbudai mano sirf hume sunana chahti ho.

" yani hume ooty jana hoga par ? " anshika ko itna hi sawal karke chup hona pada. Kyun ki vahan koi bangla tha nahi to dhunde kaise.

" nahi " amma ne har soch wahin rok di " use dhundne ke liye tumhe uski dunia mein jana hoga " unhone wahi baat dubara kahi jo vo akhri baar keh kar kamre se bahar nikli thi.

" mei tayar hun " shreyas fauran bola.

" shreyas ? " anshika ne use roka " ye tum kya bol rahe ho " shreyas uski baat ka jawab deta use pehle amma bol padhi.

" ye itna asan nahi ladke, koi bhi aaj tak aisa nahi kar paya hai. Behad dard hai usme " vo kuch aur batana chahti thi lekin shreyas ne jaan kar bich mein rok dia.

" dard to pehle se hi juda hai mujhse " usne ek gehri sans bhari " mei tayar hun, kya karna hai mujhe " usne bina jane bas ha kardi. Na hi usne anshika ke sawlon ka jawab dia na use kuch kehne ka mauka dia. Anshika ek pal use dekhti rahi phir bina kuch bole kamre se bahar nikal gayi. Shreyas janta tha jis ladai ko usne chuna hai uske piche kai faisle galat lagenge. Shayad ek faisla usne apni pichli kahani mein galat liya tha jiski vajah se aaj use aur uske pyar par phir ye musibat ayi hai aur vo apne pyar ko musibat se dur karne ke liye har dard ko jhelne ke liye tayar tha, vo janta tha ki agar galti use hui hai to uski saza use hi milegi. Vo apni jagah se utha aur kamre se bahar nikal gaya.

 

[sexstories]

Shreyas kamre se bahar nikla to dekha anshika vahin kuch duri par khadi thi. Vo janta tha ki anshika use naraz hai isliye uske pass ja khada hua. Dono na jane andhere mein kya dekh rahe the lekin nazar unki wahin par thi.

" anshika " shreyas ne baat shuru karni chahi

" nahi shreyas " vo chup hui aur phir boli " tumhe koi hak nahi aise faisle lene ka jab tumhe pata hai ki ab tum akele nahi ho " anshika bol kar chup hui. Uski sansein tez thi aur shreyas unhe saaf mehsus kar paa raha tha.

" mei tumhare pyar ko jaan nahi payi kya iske liye tum mujhe kabhi maaf nahi kar paoge ? " anshika ne akhir shreyas ki taraf dekh liya jo uski taraf tabse dekh raha tha jabse usne ye baat shuru hi ki thi. " kya meri saza kabhi khatam nahi hogi " uski ankhon se ansu nikal hi aya jinhe shreyas ne apne hath mein tham liya.

" nahi anshika " bas vo itna hi keh paya aur anshika ne uska hath apne chehre se jhatak diya.

" saza hi dene jaa rahe ho aur vo bhi itni badi " usne sans khinchi aur boli " kyun ? "

" anshika kuch nahi hoga " shreyas bola par uska koi fayda nahi hua.

" aap nahi jante shreyas " vo unchi awaz mein boli, shaayd pehli dafa tha. Uski sansein tez thi, ankhein lal aur muh se thand ka dhuain nikal raha tha aur vo bas ek nazar shreyas ko hi dekhe jaa rahi thi. " 5 saal se apki awaz sunne ke liye taras rahi thi aur jab mujhe laga ki ab shayad mein apne pyar ko sun paungi, use samajh paungi, do pal use theek se dekh paungi, vo mujhse hi dur jane ke liye keh raha hai aur ek baar bhi usne mere liye nahi socha. Jis dard ko salon se dur karne ki soch rahi thi vo usi pyar ko dard dene jaa raha hai " vo bachon jese ro padi, is bar ek sath itne ansu shreyas nahi sambhal sakta tha. Anshika rote hue uske sine se aa lagi. Shreyas ki ankhein bhi bhar ayi thi, vo janta tha anshika panch salon se uska intezar kar rahi thi. Uski mehnat, lagan aur pyar ki vajah se hi vo aaj khada tha.

" mei apke bina nahi reh sakti shreyas, ek baar kho chuki hun phir se nahi kho sakti " vo rote hue boli. Shreyas na hi use rota hua sehen kar paa raha tha na hi uske dard ko. Vo kabhi nahi chahta tha ki aisa mod uski zindagi mein kabhi aye, vo khush tha bina awaz ke, bhale hi usme vo khud se shikayat karta tha ki vo apne pyar ko bata nahi sakta ki vo use kitna pyar karta hai par kam se kam uski ankhon mein is tarah dard to nahi tha.

" anshika janti ho jab mujhe apse pyar hua tha tab ye soch kar nahi hua tha ki mein apko kho dunga, han do pal ke liye mene apko nakaar jarur diya tha par apko takleef mein dekhte hi samajh gaya tha ki is pyar ko koi alag nahi kar sakta aur kabhi nahi. Mujhe apke andar jine ki vajah dikhti hai, kaise kyun nahi janta bas dil itna janta hai ki apke aage ane wali har takleef mujhme se guzregi aur apke pas atte-atte vo ek khushi mein badal jayegi. Maa ne yahi pyar diya aur khud ki takleef ko apne aage rakh hamesha hume khushi di. Mere liye aap wahi pyar ho jo meri maa ke liye mei tha " shreyas usko sine se jode hue tha, anshika bich bich mei roti par awaz nahi ane deti ye sochkar ki shreyas ko aur takleef hogi par use ye nahi pata tha bina awaz bhi vo uske rone ko sun sakta tha, dil se. Anshika use alag nahi hona chahti thi vo bas yahi chahti thi ki uska pyar uske sath rahe ya phir vo uske sath jaye par akela na chhode. Shreyas khud ke dard aur takleef ke sath apne man mein anshika ko khone ke dar ki wajah se uski ankhon mein ansu nahi dekh sakta tha. Usne soch liya tha ki use kya karna hai.

Kai baar halat insan ki zindagi ke aage is kadar aa jata hai jahan use apni khushi, pyar ko takleef pahunchani padh hi jati hai. Ise mei bebasi kahun ya phir ek aisa rishta jo itna kareeb hota hai ki uske aage pyar se badhkar kuch aur nahi hota.

" kya faisla kiya tune ? " amma ne pucha. Vo dono usi kamre mei amma ke samne baithe the. Unke sawal ke baad kuch pal shanti rahi. Anshika abhi bhi uski bahon mein thi, shreyas ne ek pal uska chehra dekha, ankhein aur naak abhi bhi lal thi. Usne faisla kar liya tha.

" mei nahi kar sakta " usne apna faisla sunaya.

" kamjor ho gaya hai tu janti thi mein, kamjor ho gaya hai tu " amma ki baat mei akrosh tha.

" mera shreyas kamjor nahi hai amma " vo iske aage kuch kehti use pehle anshika bol padi. Vo shreyas ke sine se alag hui aur uski taraf dekha " mei janti hun ki vo mana kyun kar raha hai " phir usne amma ki taraf apni nazrein ki " shreyas ka pyar uske dard se kahin jada hai amma. Ek bari mei bhi samajh nahi payi thi par aaj waqt hai jab mei uske dard ko samjhu, aap tayari kijeye mei janti hun mera shreyas mujhe kabhi nahi chhodega " vo bol shreyas ki ankhon mein dekhne lagi. Kabhi hans deti to kabhi dar uske chehre ko gher laita.

Ye vo daur tha jahan na chahte hue bhi faisle lene padh rahe the. Kahani apne us manzar par thi jahan na rasta pata tha aur na hi raste mein milne wali takleefon ka. Ek umid thi jo ek dusre ke pyar ke dor se judi thi shayad usi ke chalte is dard ka samna karna tha.

" theek hai par yaad rakh ise karna asan nahi hoga " amma ne akhri chetavni di. Vo nahi jante the ki kya karne wale hain, kya khojna hai, kaise khojna hai par itna pata chal chuka tha kuch aisa unke samne ane wala hai jiski shayad aaj tak kisi ne kalpana bhi nahi ki hogi. Shreyas anshika ko lekar apni jagah se khada hua aur amma ke ishare se unke sath kamre se nikal kar us andhere mein khota chala gaya.

Dono ek kamre mein khade the jahan shayad pateint ko bandh kar rakha jata tha, deewaron par chain ke huk lage hue the, khoon ke dhabbon ke sath deewarein kali padh chuki thi. Ek pal ke liye aisa laga mano vo pateint unki ankhon ke samne us chain se bandhe ho aur khoon se deewaron par apni ungaliyun se kuch likh rahe ho.

" prakriya ke liye kuch saman ki jarurat padegi " amma ki awaz ne dono ka dhayan toda.

" kaise saman ki jarurat hai hum jakar le ayenge " shreyas uski taraf dekhte hue bola.

" sab kuch yahin hai is jagah par bas tumhe meri madad karni hogi " amma ne shreyas ko kitchen ka rasta bataya jo yahan se kuch hi duri par tha. Vo bahar nikla, roshni ke naam par usne apne phone ki torch jala rakhi thi. Vo corridor ke kamron mein dekhte hue aage badhne laga. Bich bich mein ajeeb-ajeeb awaz sunai deti mano koi rakhi hui chizon ko istemal kar raha ho lekin usne awazon ka picha karna sahi nahi samjha. Har samay use kitchen tak pahunchte hue yahi lagta raha mano koi uske sath hi chal raha ho aur bich-bich mein uska hath pakad leta ho.

Usne darwaje par khadi tray trolly ko hataya aur andar ghusa. Wahin khade hue usne roshni ko sink ki taraf se dhire-dhire moda aur tabhi slap par baitha ek shaks shreyas ki taraf kuda jise shreyas ka per ghabrane ki wajah se piche trolly se takra gaye aur phone hath se gir gaya. Ek pal vo yun hi khada raha phir phone utha kar andar badh gaya. Kafi hadh tak chizen jali hui malum ho rahi thi usne drawer khole, almariyan kholi par use apne kaam ki chiz nahi dikhi. Akhir kafi der tak khojne ke baad use ek jagah dikhi jahan shayad uska saman ho sakta tha jise vo dhundne aya tha. Usne phone ki torch band ki aur mombati jala kar kitchen mein rakh di. Roshni ho gayi thi aur ab vo shayad aram se khoj sakta tha.

Kuch der baad jab shreyas bataya hua saman lekar vapis lauta to kamre mein lakdiyan jal rahi thi aur uske uppar koi bartan rakha tha jispar amma kuch garam kar rahi thi.

" ise bich mein laga de " amma ke kahe anusar usne bori mein bhara saman wahin chhoda aur table ko kamre ke bich mein laga dia.

" anshika tum theek ho " shreyas ne pucha jo wahin khadi kisi soch mein thi.

" hmm bas dil bahut ghabra raha hai shreyas " vo anshika ka koi jawab deta par amma ki awaz ne rok dia.

" ise kamre ke charon taraf laga do " amma ke kehne par unhone kamre ke charon taraf mombati laga di jo shreyas saman ke sath laya tha. Kamre mein ab roshni ho gayi thi par andhera jaise parchai ke roop mein unke sath hi tha. Amma jo kuch der pehle aag ke uppar kuch garam kar rahi thi ab unhone uspar kuch aur rakh rakha tha vo kya tha aur kyun tha ye janne ke liye dono unki taraf dekhne lage jise vo samajh gayi.

" shaitani dunia mein rehna asambh kyun hai janta hai ? " unhone sawal ke roop mein jawab dena shuru kiya " kyun ki uski yatna behad takleef se bhari hoti hai. Kehte hain bhagwan bhi shaitan ko alag-alag tarah ki yatnaye deta hai taki vo apne andar ke shaitan ko bhool jaye " vo bol kar chup hui " kuch aisi hi yatnaye hume di jati thi taki hum apni zindagi ko bhool kar ek badhhawas se zindagi jiye jisme na to dard bacha ho aur na hi us dard ka ehsas " vo apni jagah se khadi hui aur shreyas ke karib aa khadi hui.

" tujhe wahi yatna ko mehsus karna padega, jo tu karne jaa raha hai uske dard se koi bach nahi pata. Ek baar ye prakriya shuru hui to bich mein roki nahi jaa sakti, tu tayar hai " vo behad dhimi awaz mein boli. Shreyas ka dil asmanjas ke dhage mein fans chuka tha usne sans chhodte hue han mein sar hila dia.

Shreyas ne uppar ke kapde utare aur vo table par pet ke bal lait gaya. Thand aur tez sanson ki wajah se uske muh se dhuain nikal raha tha. Usne anshika ki taraf dekha jiski nazar usi par thi. Usne apna hath aage badhaya aur anshika ne use tham liya.

Jo hone wala tha vo dono ke liye andheka tha aur shayad pehli baar aisa tha kahani mein jab dard apne charam sima ko todne wala tha.

 

[sexstories]

Shreyas ne uppar ke kapde utare aur vo table par pet ke bal lait gaya. Thand aur tez sanson ki wajah se uske muh se dhuain nikal raha tha. Usne anshika ki taraf dekha jiski nazar usi par thi. Usne apna hath aage badhaya aur anshika ne use tham liya.

" shaitan se milne ki liye thand jhelni jaruri hai kya " bolte hue shreyas ke honth thand ke chalte kanp rahe the. Vo anshika ke chehre ki pareshani dekh paa raha tha, usne socha shayad vo uski baat sun muskura degi par aisa nahi hua. Shreyas ne uska hath aur majbuti se pakda " anshika mei jis bhi halat mein hun hath to nahi chhodogi na mera ? " shreyas ki baat sunne par anshika ne na mein sar hilaya. " pakka " fir usne han mein sar hilaya. Iske baad shreyas kuch kehta use pehle amma katora lekar vahan aa pahunchi.

" tujhe sirf ek hi chiz ka dhayan rakhna hai us shaitan ki kamjori us mayavi dunia mein dhundni hai iske alawa kuch nahi kyun ki agar use ye abhas ho gaya ki tu uski dunia mein hai to anarth ho jayega " amma ki baat sun shreyas ne hami bharte hue apna sar hilaya. " Vo kahin bhi chupi ho sakti hai aur ye bhi ho sakta hai ki usne apni shakti tukdon mein bant rakhi ho "

" shreyas ko kaise pata chalega ki usne us shakti ko khoj liya hai jo uske liye kamjori hai " anshika ne amma ko bich mein rok sawal kiya.

" agar isne aisa kar liya to ye apni dunia mein khud ba khud vapis aa jayega "

" aur agar nahi dhund paya to ? " anshika ka sawal aur uska dar ek dum sahi tha.

" to phir vo ruh jo hasil karne ayi hai use apne sath le jayegi "

" nahi, aisa nahi hoga mei use khoj kar hi lautunga, aap shuru kijeye " shreyas ne amma ka jawab diya aur anshika ki taraf dekhne laga.

" uppar wala tera sath de " amma ne ankhein band ki aur mantr padne shuru kar diye. Anshika ka hath shreyas ki hathon par majboot hota gaya. Ane wale samay ki chinta mein uske dil ki dhadkan tez ho chuki thi. Shreyas ka dil bhi zoron se dhadak raha tha. Ye pal aisi khamoshi mein dub gaya mano hawa bhi thehar si gayi ho. Agle hi pal amma ne mantr padte hue katore palta aur uske andar rakha padarth shreyas ki pith par girne laga

Halke garam chiz ko padhte hi shreyas ne jhatke se uske hath ko apne hathon mein majbut kar liya. Uski pith par vo padarath puri tarah se faila dia gaya. Amma ne mantr padhne band kiye aur dhime chaal se chalte hue piche jakar aag mein garam ho rahi vo pin-stick nikal layi. Pin aage se behad patli lekin lambi thi aur use adhe se thoda jada garam karke taap dia gaya tha jaise bhatti mein lohe ko tapaya jata hai bilkul usi andaz mein. Amma ke hath mein us lohe ki pin ko dekh anshika ghabra gayi.

" amma ye kya hai ? " amma ne uska koi jawab nahi diya. " shreyas ye to "

" ssshh anshika " shreyas ne use bolne se rok diya. " bas mere sath raho, kuch nahi hoga " anshika samajh chuki thi ki kya hone wala hai.Par vo kuch kehti use pehle amma ne pin ka garam hissa liya aur shreyas ki pith ke bichon-bich rakh kar use uske sharir ke andar ghonp dia.

" aaaaaaaaaaahhhhhhhhhhhhhhhhhh-aaahhhhhhhhhhhhhhhhhh " Sharir mein ghuste hi shreyas zoron se cheekh pada jiski gunj asalyum ke kone-kone tak felh gayi. Dard ki paribhasha uske chehre par chaye dard ko dekh kar hi samajh aa rahi thi. Sharir dard mein kanp utha. Jin hathon se usne anshika ke hath ko pyar se pakda tha vo ab dard mein kass liya gaya tha. Anshika ne apni nazrein fer li, vo na to ye cheekh sun payi aur na hi shreyas ke dard bhare chehre ko dekh payi. Vo ek pal ka dard shreyas bardasht karte hue gehri-gehri sansein lene laga. Par vo abhi bhi apne hosh mein tha jise dekh amma ne dusri garam pin ko pehli pin ke theek uppar thodi jagah chhod kar ghusane shuru kar diya.

" aaaaaaaaahhhhhhhh-hhhhhhhhh " ek aur dardnak cheekh aur vo pin Shreyas ki khal jalata hua andar utar gaya aur khoon ki chitte bahar aye aur phir pith par behte hue table par ikhata hone laga. Dard ki cheekh ke sath vo apna sar hilane laga. Anshika ko is baat ki umid nahi thi ki aisa bar-bar kiya jayega. Usne shreyas ki cheekh sunte hi uski taraf dekha.

" shreyas,shreyas " vo chillai. Koi bhi hota to apne pyar ko is halat mein dekh tut jata. Shreyas ke chehra pura lal ho chuka tha, muh se uska thook aur ankhon se pani nikal chuka tha. Dard ki seema apar star par use mehsus ho rahi thi. Anshika fauran ghutne ke bal baith gayi, shreyas ki ankhein halki chadi hui thi usne uska chehra hath mein pakda aur apni taraf kiya " shreyas, shreyas " par shreyas ne kisi tarah ki koi bhi pratkriya nahi ki. Anshika ki ankhein ro padhi thi vo vapis khadi hui aur amma ki taraf badhi lekin usne shreyas ka hath nahi chhoda.

" amma band kar dijeye mein apse vinti karti hun please chhod dijeye use, please, please... " anshika bolte hue roye jaa rahi thi. Amma anshika ke bolte hi ankhein khol use dekhne lagi.

" ladki mene pehle hi kaha tha hum prakiriya ko bich mein nahi rok sakte aur agar tune ise pura nahi hone diya to anarth ho jayega " amma chillai.

" par vo mar jayega amma " anshika cheekhi, ro ro kar uske chehre par ankh ke niche laga kajal failne laga " shreyas mar jayega amma, vo mar jayega " ek bebas insan bana diya tha halat ne use. Na hi vo apne pyar ko marne ke liye chhod paa rahi thi aur na hi uske dard ko kam karne ke liye uske pas koi rasta tha " maa madad kar hamari, madad kar " usne chadti hui sanson se ankhein band karte hue kaha to use apne hathon mein shreyas ki ungliyun ka abhas hua. Vo fauran shreyas ke samne jaa baithi.

" aanshikaa.. " tut-ti hui awaz mein hi sahi, naam lete hue usne apni ankhein kholi aur turant usme se dard ka ansu niche aa gira. Vo use dekh dard mein muskuraya

" shreyas " usne fauran uska chehra hath mein thama. Shreyas ne apna hath badi mushkil se utha kar uske hathon ke uppar rakha aur chehre se uska hath hata kar pakad liya, jaisa usne kaha tha, hath na chhodne ke liye. Anshika samajh gayi ki ye pyar karne wala insan kabhi haar nahi manega bhale hi dard mein apni zindagi se hath kho baithe. Vo khadi ho gayi lekin usne uska hath nahi chhoda. Amma ne anshika ki taraf dekha aur phir ankhein band kar mantr padhte hue usne ek pin uthai aur pichli ghusai pin ki tarah ghusa di.

Us jalti pin ka ehsas hote hi shreyas ke sharir mein dard se cheekhne ki takat aa gayi, vo ek baar phir usi tarah chillaya aur phir pal bhar baad shant ho gaya. Uske baad ye silsala chalta gaya aur ek-ke baad ek pin amma uski pith se lekar kamar mein ghusati gayi. Anshika to tut chuki thi, usne ek nazar shreyas ki pith ki taraf ki to jahan jahan pin ghusi hui thi vahan-vahan uski khal jal chuki thi aur pith par khoon charon aur faila hua tha. Apne pyar ki dasha ko mehsus kar uski atma hi ro padi. Vo ek baar phir ankhein band karke rone lagi.

Dusri taraf, Shreyas mein ab takat nahi bachi thi, ankhon ke aage andhera cha chuka tha, uska dimag ab itna skasham nahi tha ki vo apne dard ko mehsus kar paye. Uska chehra nilla padh chuka tha aur vo apne sharir par se niyantran kho chuka tha. Bas ek baat uske dimag mein ghumne lagi jo amma ne use kahi thi.

Shaitaini dunia mein jane ke liye jis dard ko tujhe mehsus karna padega vo tujhe apni asal dunia se dur karne lagega. Tera dimag dhire-dhire tera sath chhodne lagega aur jab tu apne avachetan man mein pravesh karega tab hi tu uski dunia mein ghus payega. Jiske sath hi shreyas ke dimag mein alag-alag parchai ane lagi jaise vo waqt ki sabhi ghatnaon ko ek sath dekh paa raha ho.

Amma janti thi ye akhri pin hai jo vo uski pith mein ghusani baki hai aur agar ab bhi vo apni dunia nahi chhod paya to use hosh mein lana mumkin nahi hoga. Vo akhri hissa pith par wahin bacha tha jis jagah sine mein dil dadhakta hai. Amma ne mantr zor-zor se padhna shuru kiya aur us pin ko uski pith mein ghusana shuru kar diya aur akhir vo uski pith mein ghus gayi. Ek pal khamoshi rahi, amma shreyas ki chehre ki taraf dekhne lagi jo nidhal hokar padha tha. Lekin agle hi pal shreyas ne gehri sans khinchte hue apna sar uppar uthaya. Uski ankhein puri tarah se khul chuki thi jiske andar khoon utar aya tha aur chehre ki sari nasein dikhne lagi thi.

" aaaaaaaaahhhhh " anshika uska chehra dekhte hi dar gayi jiski vajah se uska hath shreyas ke hathon se alag ho gaya aur agle hi pal shreyas nidhal hokar vapis gir gaya.

Mujhe thand lag rahi thi, mene apna sharir bilkul sameta hua tha par jism se thand alag ho hi nahi rahi thi. Mein nivastra zameen par padha janne kahan bas kaanp raha tha. Ankhein kholna nahi cha raha tha lekin thand sharir ko aise chub rahi thi mano koi kante chuba raha ho. Mene kisi tarah apni ankhein kholi par vo dhundla-pan, vo andhera ankhon se hath hi nahi raha tha. Thand se mujhe sans lene mein dikkat hone lagi, mene dubara ankhein band ki aur phir kholi is baar dhundla pan nahi tha lekin roshni bhi nahi thi lekin andhera bhi nahi tha. Ankhein to khul gayi thi par is thand ka kya karun? Sharir se sari takat chinn rahi thi. Mene apna hath aage badhane ki kosish ki par jaise hi use mene apne sharir se bahar nikala to aisa laga mano usme jaan hi na ho. Mujhe thand lag rahi hai, bahut thand lag rahi hai, nahi seh paa raha tha mein ab aaur, koi ise kam karo. Mei chilla raha tha, khud ko samet raha tha, ro raha tha lekin thand kam nahi ho rahi thi. Mein ab hil bhi nahi paa raha tha ankhon ke aage dhundla pan cha chuka tha aur sharir mein kuch bhi mehsus nahi ho raha tha. Sans bhi khinch rahi thi phir dhire-dhire ankhein band ho gayi.

" amma ye kya ho raha hai.. " shreyas ka sharir table par pada zor-zor se hilne laga. " shreyas, shreyas " vo uska chehra pakad kar use uthane ki kosish karne lagi.

" nahi... nahi.... ye nahi ho sakta.... " amma badbadai " ladke ki sansein band hone wali hai "

" kya " anshika chaunkte hue khadi hui " nahi aap kuch kijeye, mera shreyas nahi chhodega mujhe " anshika ne uska hath pakad liya " shreyas please.. please vapis aa jao " vo rote hue boli ise jada vo kuch nahi kar sakti thi. Amma ne fauran mantr padhna shuru kiya aur phir bina waqt gawaye ek pin uske sharir se bahar khinch di.

 

[sexstories]

Kya update tha..

..ek ek scene imagine karte hee alag hee feeling aa rahi thi

..itna dard aur pyar ek saath

Bechara shreyas..uski halat dekh kar hee lag raha tha..ki vo jana nahi chahta..lekin vo janta hai ki jana jaruri hai

" tujhe sirf ek hi chiz ka dhayan rakhna hai us shaitan ki kamjori us mayavi dunia mein dhundni hai iske alawa kuch nahi kyun ki agar use ye abhas ho gaya ki tu uski dunia mein hai to anarth ho jayega "
[color=rgb(0,]Bcc..ye padhte hee aisa laga ki..agar kuch ulta seedha ho gaya toh kya hoga

..lekin ye haunted hai..kuch toh hoga hee

..ummed yahi hai ki vo uss chej ko lekar hee aaye

[/color]
[color=rgb(0,]Uske baad ek ek scene jaise jaise imagine karte gaya...shreyas ki peeth mein pin chubna aur uska dard mein cheekna..aisa lag raha tha sab kuch saamne hee ho raha ho..

[/color]
[color=rgb(0,]Sach mein pyar ki hee takat hai ye..jo shreyas itna bardast kar raha hai

[/color]
" par vo mar jayega amma " anshika cheekhi, ro ro kar uske chehre par ankh ke niche laga kajal failne laga " shreyas mar jayega amma, vo mar jayega " ek bebas insan bana diya tha halat ne use.
[color=rgb(0,]Bechari anshika..kuch bhi nahi kar paa rahi hai

..shreyas ko aise dekhne ke alawa..lekin ummed hai ki uska pyar jarur kamyab hoga

[/color]
[color=rgb(0,]Amma ji..kya kar rahi ho ye..sab kuch amma ke hee haton mein hai abb toh

[/color]
[color=rgb(0,]Itni jaldi toh nahi marega shreyas...lag raha hai ki vo pahaunch gaya hai uss duniya mein...aur isiliye sayad amma ko lag raha hai ki uski sansein gayi..bechari anshika

..sab thik ho jayega

[/color]
Horror, emotions, thrill, love sab kuch tha iss update mein...jahan ek taraf shreyas ki halat par daya aa rahi thi vahin amma jo kar rahi thi uska thrill bhi tha aur anshika ka pyar

...overall

Waiting for nxt

 

[sexstories]

Yr kya bolu iss update k bare me rula hi diya bhai aapne me part 2 se hi Shreyas ki tarah har chiz feel kr ra tha kyuki meri life me v pyar k kuch alag hi mayine the us waqt so ek tarah se me puri story me Shreyas ki jagah tha to aaj v meko wesa hi feel hua samajh sakta hu iss dard ko pichle part me uske pass kuch to tha like wo choti choti mala k moti the shayad jo gole k andar rehne k liye diya tha Shreyas ne sabko type pr iss part elme to use kuch pta hi nahi hai ki kon wapas aaya hai kya dhundhna hai anguthi hai bs uski help k liye kuch v nahi diya amma ne iss bar bahut mushkil hoga shayad sb khatam krna

Dusra shaitani dunia me thand bahut hoti hai ye mene pehle b padha hai or shayad movie me dekha v hai name yaad nahi to ye scene to hona hi tha but kuch jyada hogya ki handh jamne lga or wo bina kapdo k waha pahucha ye galat hai hmare hero k liye

Tisra amma ne kaha tha process bich me nahi rok sakte mana ki process pura ho gya tha but amma ne pin kyu nikala kya usse Shreyas wapas aayega nehhhh wo wapas aa gya to uska ilaz krwane me hi mahino nikal jayenge mtlb wo wapas nahi aayega to amma ne pin kyu nikala

Meri pyari Anshika bichari kuch ni kr sakti apne pyar k liye aaj meko wo waqt yaad aa gya jb resort me ek kmre me Anshika ko bandh kr rakha tha jb wo possessed thi tb uski aankh se aansu nikla tha

Baki update ka wait rahega possible ho to kal hai de dena PLZZ

Keep writing keep rocking