Phela pyar-koi jeeta koi hara

[StoryPublisher]

Part-20

Sava saat baje the jab suraj aur radhika dono neelima ke ghar mein dakhil hue.

Ghar mein thodi gehma gehmi thi.

ek ladki jo shayad updesh ki koi rishtedar hi thi dono ko dekh muskari.

Haath jode fir ander bhaagi.

Ladki oonchi awaaz mein: neela bhabi suraj babu aa gaye.

Yeh wahi ladki thi suraj ko yaad aya jo pichli baar suraj ka haath pakad ander le ke gayi thi.

Radhika suraj ke peechhe chalti hui: already a popular figure here. Bacho tak ko naam pata he tera.

Suraj ne peechhe mud ke dekh smile di radhika ko.

Itne mein neelima ki jethani nikal aai kitchen mein se.

ku ke kitchen rooms ke aage thi.

Suraj ne smile di haath jode aur badhai bhi.

Fir radhika ki aur mudte hue pehchan karvai.

Suraj: radhika yeh neelima ki jethani aur mamma ji ki beti bhi. Aur didi yeh he meri dost radhika delhi se.

Neelima ki jethani: aao ji aap itni dur se aaye. Dhan bhaag hamare. Aap ka tahe dil se swaagat he.

Dono galle mili Radhika ne uss ko badhai di tayi maa ban jane ki.

Itne mein hi neelima bhi nikal aai room se.

apni wahi man-mohak adda se smile de ghoorti hui suraj ki aur badhi.

Ek halka sa hug hi de saki wo suraj ko ku ke uss ki jethani ke saath kuch aur aurte jo room se nikli thi wo bhi wahi thi.

Suraj ne neelima ko mamma ban jane ki badhai di.

Fir uss ki najar jab radhika pe padi to radhika ne smile de baahein fela di.

Dono ese mili jese barso se bichhdi do saheliya mil rahi ho.

Suraj ne waha pe baaki sab ladies ko haath jod ke wish ki.

Wo sab suraj ko pehchanti thi. sab ne smile dete hue haath jode.

Radhika ne neelima ko baahon mein liye hi: neelu bahut bahut badhai ho sunil ki.

Neelima ne thanks kaha.

Suraj ki najar jab radhika aur neelima pe padi to dekha ke radhika neelima ke gaal choom rahi thi.

wo smile diye bina aur kuch na kar saka.

Suraj ne beena ka poochha to neelima ne kaha ke wo updesh ke saath kuch samaan lene gayi he.

Yeh teeno ek room mein chale aaye jaha se neelima nikli thi.

baaki ki ladies doosre room mein chali gayi.

Aur jethani apni favourite kitchen mein ghuss gayi.

Room mein aate hi suraj radhika ko aankh maar: do chaar pappiya meri aur se bhi le leti.

Yeh neelima ne bhi sun liya.

Neelima ne aankhon mein kaha ek lagau gi.

Suraj ne hass ke gaal aage kar di.

Radhika: oye yeh kya?

Suraj: iss ne jo kaha ke ek lagau gi.

Radhika: iss ne kab kaha?

Asal mein radhika ko laga ke suraj ne pappi dene ko gaal aage kithi.

par yaha to suraj kuch aur hi keh raha tha.

Suraj: poochh lo iss se.

Yeh sunte hi neelima sharma gayi.

Teeno baat itne dheeme se kar rahe the ke bahar koi na sun paye.

Radhika: ku neelu yeh sach keh raha he?

Neelima sharmati hui: ji.

Radhika heran ho uthi ku ke wo dono ke saath thi fir neelima ne yeh kab kaha?

Radhika aur neelima bed pe aa bethi.

Suraj waha rakhi ek chair pe beth gaya.

Radhika ne munna ka poochha to neelima ne kaha ke wo ooper apne dada ke room mein so raha he.

Kuch hi der mein neelima ki jethani jis ka naam bala tha wo chai le aai tray mein.

Uss ke peechhe peechhe wahi ladki khaane ke samaaan ki plates dusri tray mein le aai.

Radhika ne uss ladki ke tray table pe rakhte hi uss ko baajoo se pakad apne kareeb kheencha.

Radhika: haaye kini sohni kudi suraj.

Fir neelima se radhika ne poochha ke yeh kaun he to neelima ne bataya ke do ghar chhod ke rehti he.

Unn ki dur ki rishtedar bhi he.

Rishte se usski nanad lagti he.

Radhika uss ko seene bheench: mujhe to yeh pehli najar mein bhaa gayi. Main ladka hoti to iss ko bhagaa ke le jaati.

Yeh sunte hi sab hass diye.

Tab bala hassti hui.

Bala: yeh to apne suraj babu ki diwani he.

Suraj ne herani se dekha fir uss ko kheench apni baahon mein bhar liya.

Suraj: kya sachi tu meri diwani he.

Kehte hi suraj hass diya aur uss ko saamne khada kar dekhne laga.

12-13 saal ki wo ladki.

Teekhe nain nakash, halki neeli aankhein.

Gora rang, dubli patli najuk si kali jesi.

Suraj ke saamne khadi sharma rahi thi.

Suraj fir se: bata na tu meri diwani he.

Wo sharmati hui najre jhukka ke: ji suraj babu.

Suraj jor se hass ke: oye teri sachi.

Uss ladki fir se wese hi sharmate sar haan mein hila diya.

Suraj: meri iss diwani ka naam kya he.

Wo badi hi adda se boli: chinki.

Radhika: haye jinni sohni onna sohna naam.

Suraj: mere saath chale gi Chandigarh mere ghar.

Chinki sharmati hui: haan

Suraj: chal fir ghar bol aa main suraj babu ke saath ja rahi hu.

Chinki: main badi ho jau fir aap mujhe doli mein le ke jana apni dulhan bana ke.

Kehte hi wo suraj ke kandhe pe apna muh chhuppati hee hee kar hass di.

Baaki sab bhi hass diye jor se.

Suraj ne uss ko baahon mein bhar uss ke gaal choom liye.

Suraj: haye ri meri chotti si dulhan.

Chhotti si masoom bachi ke bholepan pe fidda ho gaye the suraj aur radhika.

Radhika neelima aur bala ne to chai pi li thi par suraj ki chai chinki ki masoom baaton mein kho ke thandi ho gayi table pe padi.

Bala: chinki tere suraj babu ki chai to thandi ho gayi.

Chinki jhat se chai le kitchen mein gayi aur garam kar lai.

Suraj chai peene laga to chinki uss ke paas hi beth gayi.

Kuch der baad updesh aur beena aa gaye.

Suraj aur radhika dono unn se mile aur congrats kaha.

Beena ne dono ko pyar diya.

Uss ne sara laya samaan updesh se le bala ko de diya aur kaha ke wo check kar le kuch reh to nahi gaya.

Updesh ne suraj ke peechhe chinki ko khade dekha to hass ke bola

Updesh: kyu chinki rani mil gya tujhe tera suraj raja.

Chinki sharma ke suraj ke peechhe chhup gayi.

Beena hassti hui: yeh to subah se pagal hui padi he jab se pata chala ke iss ke suraj babu aa rahe he.

Sab hass rahe the aur chinki chehra dono haathon mein chhupaye sharmati hui hass rahi thi.

Updesh: kya chinki ab chehra chhupaye kyu khadi ho?

Chinki badi masoomiyat se: mujhe lajja aati he.

Yeh kehte hue wo bhaag gayi room se bahar.

Sab fir jor se hass diye.

Updesh hasste hue: arey suraj bhai aap ko nahi pta yeh kitni diwani he aap ki. Roj mere paas aa ke bole gi bhaiya mujhe bhabi ki godd bharai ki cd lga do. Aur fir aap ke naach dekh wese hi naache gi tv ke saamne khadi ho.

Suraj aur radhika hasste hue heran the.

Neelima : itna hi nahi. Yeh aap ko dekh dekh kafi dance steps seekh bhi gayi he.

Sab waha kuch der bethe chinki ki baatein karte rahe.

Ooper se jab munne ki rone awaaz aai to chinki hi bhaag ke munna ko le aai.

Neelima munna ko dhood pilane lag gayi.

Suraj aur updesh uth ke bahar ke door ke paas bane drawing room mein aa bethe.

Thodi hi der mein updesh ka bada bhai aa gaya.

Wo suraj se mil ander chala gaya.

Idhar radhika jo neelima ke paas bethi thi.

hole hole suraj aur uss ke milne kahani batane lagi.

Kuch der baad hi chinki unn ko bula ke ander le gayi.

Munna ab radhika ki goddi mein tha.

Suraj radhika ke paas bed pe hi aa betha aur munna ko apni goddi mein le uss se khelne laga.

Neelima dheeme se radhika ke kaan mein: bacho ke poore expert lagte he raju.

Suraj ne dono ko dekha aur ek smile di.

Suraj ke kehne pe radhika ne suraj aur munna ki kuch pics click ki.

Fir suraj ne radhika aur munna aur fir saath neelima ki pics bhi click kar li.

Neelima ke kehne pe radhika ne apne cell se uss ko poori family ki pics dikhai.

Saath hi apni aur suraj ki kuch selfies bhi jo Chennai mein li thi.

Updesh bhi ab tak room mein aa suraj se uss ke kaam ka poochhne laga.

Itne mein beena room mein aa updesh se kehne lagi ke thoda samaan abhi aur lana baki he.

Wo abhi mile to le aao.

Suraj ne kaha wo jata he saath gaadi mein le aate he.

Beena ne munna ko suraj se liya aur doosre room mein chali gayi.

Suraj updesh ke saath chala gaya.

Suraj saath mein chinki ko bhi le gaya.

Ab room mein sirf radhika aur neelima bethi thi.

Neelima jis ne abhi radhika aur suraj ki pics jaldi jaldi mein dekhi thi.

fir se radhika ka cell le dekhne lagi. Iss baar thode gaur se.

Pics dekhte hue neelima ne radhika pe ek najar daali.

Neelima: didi ek baat puchhu?

Radhika: jarur.

Neelima: suraj aap ko kese lagta he?

Radhika ne yeh sun ek pal neelima ko dekha fir smile ke saath: tu esa ku poochh rahi he?

Neelima bade pyar se: batao na didi.

Radhika: wo to pagla he itna achha ke kisi ko bura lag hi nahi sakta.

Neelima: raju bhi shayad aap ko pasand karte he aur aap ke lgta he kafi close bhi aa gaye he

Yeh sunte hi chonki radhika: oye tu kehna kya chahti he. Khul ke bata.

Radhika ne haath nachaya bolte bolte.

Neelima: didi main chahti hu ke aap dono shadi kar le.

Radhika: wat?

Neelima: yes didi. Aap kahe to main baat karti hu raju se. wo mera kehna kabhi nahi modhe ge.

Radhika hass ke neelima ko kheech apne galle laga uss ka gaal choomte hue: do u think we are in some sort of relation. Neelu kya do chaar pics saath mein lene se ya kuch din saath mein ghoomne se tujhe kya lagta he hum close aa gaye.

Radhika ek pal ruki fir uss ki aur dekh boli: neelu tum ko shayad pata nahi I m married. I m older than suraj by 5-6 years.

Neelima heran ho: aap married. Par lagti nahi. Na mangal sutra. Na sindoor.

Radhika najre jhukka badi udaas si ho: mera divorce ho chukka he.

Neelima ko ek dhakka laga: ku kese? Aap jesi pyari ladki ko ku chhod diya?

Radhika ne dheere dheere apni aur robby ki story suna di.

Sab sun ke neelima: chhii pyar mein laalach.

Fir uss ne radhika ko kheench apne seene se laga liya: sorry didi. I m really sorry for u.

Radhika smile de ke: its okk yaar sab chalta he. I m happy ke kameene se jaldi chhutkara mil gaya.

Fir kuch pal soch ke: neelu tujhe lagta he suraj ki shadi ki bahut jaldi he.

Neelima ek aah bhar ke: haan didi main chahti hu ke raju ki shadi jaldi ho jaye. Unn ki shadi hogi tabhi vo thoda apne dil pe lage ghaav ko bhar paye ge. Jo maine diye he.

Radhika: I know neelu. I can understand your concern. Tujhe kya koi najar aata he jo teri jagah le sake.

Neelima: meri jagah lene ko ek se badh ke ek he iss duniya mein. Mujh se kahi achhi. Meri hi do friends jyoti aur geeta ko bhi kaha he maine raju ka khyal rakhne ko. Par raju he kisi ko apne kareeb aane hi nahi de rahe.

Radhika: ek ladki he neelu jo tere raju ke kareeb aa sakti he. Ya yu kaho kareeb aa bhi rahi he.

Neelima sunnte khushi se uchhli: kya? Kaun he wo didi?

Neelima ke chehre pe khushi aur herani ke mile jule bhaav the.

Radhika ne cell ko khol neelima ko parul ki kuch pics dikhai.

Neelima pics dekh bahut hi khush ho rahi thi.

Chahkti hui boli: yeh to badi hi sweet he didi. Kisi pari ke jesi.

Radhika hass ke: yeh pari jesi nahi. Pari hi he.

Neelima: kya iss ka naam pari he.

Radhika: iss ka naam to parul he par suraj ne iss ko pari naam diya he. Jese tum ko neelu.

Neelima: oh didi main raju se kahu gi ke wo iss se jhat se shadi kar le.

Radhika: nahi neelu abhi tum suraj se koi baat na karna. Main chahti hu ke suraj poori trah pehle ready ho.

Neelima: agar raju ko pasand he to…….

Radhika batane lagi ke abhi parul ki study chal rahi he. Uss ki b.com ka final year he.

Radhika ne bataya ke wese parul suraj ko pyar karne lagi he.

Parul ka pyar love at first sight wala pyar he.

Uss ki maa ko bhi suraj pasand he.

Par wo ek tamil he.

Uss ki study poori hone par wo apni mummy aur bhai se baat kar apne papa se baat kare gi.

Radhika ne yeh bhi bataya ke parul ke papa ke suraj ke papa saath business links he.

So acha rahe ga ke dono ki shadi ka proposal parul ke papa ki aur se aaye.

Radhika ne yeh bhi kaha ke agar suraj apni neelu ki jagah kisi ko de sakta he to wo pari he.

Fir radhika batane lagi ke parul ko suraj se milane ke liye hi shayad ooper wala suraj ko Chennai le gaya tum se juda hote hi.

Radhika jo dono ke dil ka haal janti thi wo sab neelima ko batati chali gayi.

Radhika ant mein: neelu suraj ek baar ghaav kha chukka he. Main nahi chahti uss ko fir se koi aur ghaav mile. Hum ko bada soch samajh ke chalna hoga. Dheeraj rakhna ho ga. Iss baar agar suraj ka dil toota to fir duniya koi taakat uss ko jodh nahi paye gi.

Neelima: I don’t think didi ke ab esa kuch hoga. Parul ek ameer ghar ki beti he iss baar aunti (suraj ki maa) ke paas koi reason nahi hoga inkar karne ka.

Radhika: nahi neelu. Suraj esa nahi sochta. Uss ka kehna he ke auntie nahi maane gi itni asani se. ku ke suraj ki badi behan kitty ke in laws se bahut rishte aaye hue he suraj ke liye.

Neelima jis ko ek umeed ki kiran najar aai thi fir se dhoomil hoti najar aane lagi.

Uss ko ese nirash hote dekh radhika ne uss ke dono haath apne haatho mein tham kaha.

Radhika: arey nirash ku hoti he pagli. Main tere raju ke saath ab kuch galat hone na dugi. Mujhe pe vishwas rakh.

Neelima ne nam aankhon se ek halki si smile de radhika ko dekha to radhika ne uss ko seene se bheench uss ki aankhein saaf ki.

Kuch pal baad bala room mein aa gayi yeh kehte hue: chalo ji khana to ready he. Bas ab intezaar he khane walo ka.

Neelima ne munne ka poochha to bala ne bataya ke uss ko beena ne sula diya.

Neelima halke gusse se: mummy bhi na iss time sula deti he uss ko. Fir aadhi raat ko uth wo sab ko preshan karta he.

Radhika hass ke: sab bache ese hi karte he.

Kuch der baad updesh aur suraj chinki ke saath aa gaye.

Unn ko dekh bala uthi.

Kehne lagi: chalo ab jaldi se sab betho main khana lagati hu.

Fir wo chinki ka haath pakad: chal maharani apne dulhe raja ko khana khila.

Sab hi yeh sun hass pade.

Updesh: arey bhabi iss ko aaj apne dulhe raja ke saath hi khane do na.

Bala hassti hui: devar ji bas daal ke lana he. Khaye gi ye suraj ji ke saath hi.

Neelima: didi bhaiya (neelima ka jeth) ko bhi bula lo.

Bala jaati jaati: tere jeth ji to kab ke kha ke so bhi gaye. Subah ki pooja ki tayari unn ke jimme he na.

Sab wahi bed pe hi jamm gaye dinner ke liye.

Bala aur chinki bhi aa bethi unn ke saath.

Chinki bahut khush ho khana kha rahi thi ku ke wo suraj ke saath ek hi plate mein kha rahi thi.

Abhi wo kha hi rahe the ke chinki ki maa aa gyi.

Bala uss ko aate dekh: lo dulhe raja teri saasu maa bhi aa gayi.

Yeh sunte hi sab hass diye.

Chinki bechari jhemp gayi.

Chinki ki maa hassti hui: main bhi kahu yeh ladki abhi tak aai ku nahi. To iss ke suraj babu aa hi gaye.

Suraj aur radhika ne chinki ki maa ko wish ki.

Chinki ki maa ne kaha ke khana khate hi aa ja ghar.

Sab ko sona he.

Bala fir se hassti hui: aaj chinki apne dulhe raja ke paas hi soye gi.

Sab fir jor se hasse.

Chinki sharmati hui: ese thodi na hota he. Jab main dulhan banu gi tab.

Chinki ki maa maathe pe haath maar: hey ram………lonthi hoti ja rahi he par akal dhele bhar ki nahi iss ko.

Bala: rehne de bhabi tere se jayada akal he. Dekh to laakhon mein ek chunna he iss ne tere liye jawai.

Fir ek hassi goonji kamre mein.

Chinki ki maa jane ko palti: chal khana kha aa jana.

Bala: bhabi tu so ja befikar ho yeh mere saath so jaye gi aaj yahi.

Chinki ki maa ruk ke: arey bala yaha kaha tum tang hovo gi iss ke saath. Itne mehmaan. Tum apne mehmano ko udhar bhej de.

Bala: nahi bhabi yeh to hotel mein ruke he wahi sove ge. Chinki mere paas padh jaye gi.

Chinki ki maa: chal fir thik he.

Kehte wo chali gayi.

Suraj aur radhika bhi khana kha uth gaye jane ko.

Giarah bajne wale the jab dono hotel pahuche.

Kapde change kar bed mein aa ghusse.

Suraj: hasste hue: Yaar jaha jata hu koi na koi drama ho hi jata he. Par yaha to yeh kamaal hi ho gayi. Wo 12-13 saal ki chinki.

Dono hi hassne lage.

Radhika: suraj iss ko kehte he kachi umar ka kacha pyar. Yeh ladki kahi bhi rahe. Tujhe kabhi na bhoole gi.

Dono safar se thakke hue the.

Bed pe padhte hi so gye.

Subah saat baje neelima ke phone ne jagaya dono ko.

Dono uth ke ready hone lage.

Suraj ne jo coat pant pehna wo last year neelima ne hi uss ko birthday pe gift diya tha.

Suraj ne radhika ko bataya. suraj ne aaj yeh suit pehli baar pehna tha.

Nau baje tak ready ho neelima ke ghar pahuch gaye.

Ku ke neelima ka order tha nau baje pahuchne ka.

Nashta kiya.

Dus baje pandit ji aa bethe.

Sava girah tak pooja kar pandit ne bache ke naam ki ghoshna kar di.

Naam……..Sunil singh parmar.

Uss time neelima suraj ko dekh rahi thi.

fir sab aaye mehmaan bache ko gifts aur shagun dene lage.

Sab se last mein radhika aur suraj ne apne gifts diye.

Radhika ne saath mein ek shagun ka lifafa bhi diya.

Jis ko neelima ne lene se inkar kiya to radhika ne daant ke uss ko chup karva diya.

Suraj ka gift pack sab se chotta tha.

par koi na jaanta tha ke yeh sab se mehnga he.

Bala ne sab gifts uthaye aur utha ke neelima ke room mein rakh diye.

Fir wahi pe music shuru ho gaya.

Kuch ladke ladkiya naachne lage.

Chinki ke kehne pe updesh ne khaas taur pe Punjabi beat songs lagva diye.

Punjabi beats pe chinki suraj ka haath pakad le aai naachne ko.

Suraj pehle to light steps le raha tha par chinki ko naachte dekh wo thoda josh se naachne laga.

Suraj ne chinki ke saath khoob enjoy kiya.

Suraj ne radhika aur updesh ko bhi kheench liya to radhika ne neelima ko kheench liya.

Beech mein ek samay esa bhi aya jab suraj aur neelima jodi bana ke naache.

Dono ko ek saath ese naachte dekh radhika sochne lagi dono ki jodi ese lagti he jese bane hi ek duje ke liye ho.

Par takdeer ne dono ko ek hone na diya.

Ek baje tak naach gana chalta raha.

Updesh aur uss ka bhai sab mehmano ko dekhne lage ke koi khana khaye bagair na jaaye.

Kareeb do dhai baje tak lagpag sabhi mehmaan chale gaye khana kha ke.

Suraj aur radhika jo neelima ke room mein aa bethe the unn se bala ne aa ke poochha ke khana kab khana he to suraj ne kaha thoda ruk ke khate he.

Sabhi room mein aa gaye.

Ab sirf ghar ke log hi the aur saath mein updesh ki dono behne.

Bala bed pe beth sab ke gifts khol ke dekhne lagi.

Neelima ne jhat se radhika ka gift utha ke khola.

Kuch ache se toys aur bade hi pyare suit the sunil ke.

Sab ne bahut tareef ki.

Fir neelima ne aage ho suraj ka gift utha liya.

Jese hi wo packet khola to kaamp hi to gayi thi wo.

Updesh ko dikha neelima boli: yeh dekhiye.

Updesh heran ho: arey yeh kis ne diya

Neelima ne suraj ki aur ishara kiya: innho ne.

Updesh ne suraj ki aur dekha jo paas hi khada muskra raha tha: nahi suraj bhai yeh sab hum nahi le sakte.

Suraj updesh ki kamar mein bajoo lapet: chain to meri aur se munna ke liye aur yeh neelima ke liye papa ne bheja he.

Suraj ne chain set ki aur ishara kar kaha.

Room mein sabhi ke muh khule ke khule the.

Updesh aur neelima suraj se behas karne lage khas kar neelima ke set ke liye to suraj ne kaha.

Suraj: thik he tum ne hi to papa se papa kehne ka hak maanga tha to tu hi apne papa ke iss pyar ko lauta dena waha aa ke.

Yeh sun dono ko chup rehna padh gaya.

Itne mein chinki aa gayi sunil ko goddi mein liye.

Aate hi boli: chaliye suraj babu apne haatho se phenao sunil ko apni pyari bhent.

Yeh sunte hi bala ne poochha updesh se: wo video aur camera wale he ke chale gaye.

Updesh bahar gaya aur dono ko le aya.

Neelima munna ko goddi mein le ke beth gayi to suraj ne sunil ko chain pehna di.

Chain pehna ke suraj locket sab ko dikhate bola: S for sunil, U for updesh aur N for Neelima aur peechhe sun ki pic yani ke main suraj. Arey bhai kahi aap dene wale ko bhool na jaaye.

Yeh sunte hi sab hass diye.

Radhika chaini set ka dibba lete hue: chal suraj yeh uncle ka gift bhi tu hi pehna de.

Suraj ek pal jhijka fir chaini utha ke neelima ke gale mein pehnane laga. Radhika ne dono jhumkiya neelima ke kaan se laga sab dikhai.

Radhika: dekho yeh iss ko kitna pyara lag raha he poora set.

Yeh sari moments ki video recording ke saath photos bhi click ho rahi thi.

video wale ne ek baar bed pe bikhre saare gifts ko shoot kiya.

Fir jese hi suraj ne sunil ko uthaya to photographer pic lene laga.

Room mein hi kuch pics neelima, updesh ke saath suraj aur radhika ki bhi li.

Fir bala bol padi: arey dulhe raja apni dulhan ko to bhool hi gaye.

Yeh sun sab hass diye.

Suraj ne chinki ko godd mein utha kuch pics di.

Radhika ne bhi chinki ke saath alag pics karvai.

Teen baj gaye jab sab ne lunch kiya.

Lunch ke baad suraj ne neelima aur updesh se vida maangi to neelima gusse se: arey kahi nahi jana. Aaye ho to do teen din ruko ab. Kal aap ko ghoomne le ke jaye ge.

Sab ke jor dene pe dono ek din aur rukne ko ready ho gaye.

Bala chai bana ke unn ko de late gayi apne room mein ja.

Wo sunil ko apne saath hi le gayi jo ke so raha tha.

Chinki bhi apne ghar chali gayi.

Ab room mein chaaro the.

Updesh ne radhika aur suraj ko araam karne ka poochha to radhika hass ke.

Radhika: hum yaha rest karne ko thoda ruke he.

Updesh bhi smile de wahi beth gaya.

Updesh thoda serious ho: suraj bhai aap ne bahut jayada hi kar diya. Hum to itna karne ka kabhi soch bhi nahi sakte na hi hamari aukat he itni.

Radhika: updesh bhaiya esa sochte hi ku he aap. Kya pata kal ko iss se kahi jayada karne ki position mein ho aap. Waqt badlte der nahi lagti.

Radhika fir ek pal ruk: by the way aap kaam kya karte he?

Updesh apne kaam ke baare mein batane laga ke wo ek aluminium decorator ke saath kaam karta he. wo contractor he theke leta he updesh waha ja ke kaam karta he.

Updesh ke paas interior decoration ka diploma bhi tha ek saal ka.

Radhika ke kehne pe uss ne apne kuch works dikhaye jo uss ke cell mein the.

Rooms ke, office ke, kitchens ke kafi achhe designs the.

Suraj yeh sab dekh: arey to aap yaha iss chotti jagah pe ku bethe he. Yaar Chandigarh aayie na aap ko to bahut kaam mil sakta he.

Neelima jhat se: nahi nahi hamare paas jitna he kaafi he.

Asal mein neelima ke dil mein ek darr tha ke updesh agar Chandigarh kaam kare ga to suraj se milna hota rahe ga.

Kahi kabhi uss ke aur suraj ke pyar ka updesh ko pata chal gaya to kya hoga.

Wo apni jagah sahi thi.

Neelima ki baat sunte hi updesh thoda mayoos sa najar aaya.

Radhika ne note kar liya.

Radhika: neelima tum yeh kya keh rahi ho. Tum dono ke liye kaafi hoga. Par kya sunil ke liye kaafi he. Kal ko ho sakta he tumari beti ho jaye. Dono bacho ki studies, higher education kya uss ke liye kaafi hoga. Thoda socho neelima.

Suraj: haan neelima updesh bhai mein bahut talent chhupa he iss ko waste mat hone de.

Neelima dheeme se: chalo dekhte he. Yeh try kare koi order mila to chale jaaye.

Radhika: delhi ka ek order to main abhi de sakti hoon.

Updesh aur neelima heran ho dekhne lage radhika ko.

Radhika hass ke: ese kya dekh rahe ho dono. Suraj ke papa delhi office khol rahe he. Uss ki incharge main hoon. Jaate hi mujhe office dhoondna he. Uss ke interior ka thekka main aap ko deti hu.

Suraj uchhal ke: wow radhika u r genius darling.

Keh to gaya darling par doosre hi pal wo jhemp gaya.

Radhika hass ke: hum dosto mein yeh sab chalta rehta he.

Fir wo updesh ki aur haath bada ke: to fir deal pakki updesh bhaiya.

Updesh haath mila: aap ko inkar karne ka swal hi peda nahi hota. Fir suraj bhai ka kaam to main har haal mein karu ga.

Chaaro kaafi der tak waha bethe baatein karte rahe.

Beech mein sunil utha to neelima doosre room mein uss ko dhood pila ke le aai.

Chhe baje neelima ne kitchen mein ja chai banai. Bala bhi uth chukki thi.

chinki bhi araam kar ke aa chukki thi.

Chai pee ke neelima uthi aur sunil jo so gaya tha uss ko beena ke paas chhod aayi.

Radhika suraj ko boli chalo sab thoda ghoom ke aate he.

Sabhi uth gaye jaane ko.

Chinki uth ke bala ke paas kitchen mein chali gayi.

Radhika bahar aa bala ko boli ke wo bhi chale to bala boli ke wo ghoom aaye tab tak wo khana banaa legi.

Fir radhika ne chinki ka haath pakad kaha: tu chal hamare saath.

Chinki thoda ghabrati hui bala se: chachi main jau. Maa maare gi to nahi.

Bala pyar se: arey haath to laga ke dikhaye bhabi.

Chinki chal di unn ke saath.

Bahar aa car ko dekh chehki.

Neelima se aa boli: chhotti chachi main beth jau aage suraj babu ke saath.

Updesh hass ke: haan haan ku nahi.

Suraj driving seat pe bethte hue: chinki tum jeans nahi pehnti.

Chinki : mere paas he hi nahi.

Sab baatein karte chal pade.

Updesh unn ko ek temple dikhane le gaya.

Pahadi ko kaat ke bana temple bahut khoobsurat tha.

suraj aur radhika ne waha kai pics click ki.

Fir ek chhotte se restaurant mein sab ne halke snacks liye.

Waha se nikal hi rahe the ke suraj ki najar ek readymade shop pe padi.

Suraj sab ko le shop mein ghussa.

Uss ne chinki ko do jeans top aur ek coat aur ek jacket le ke di.

Aur ek naya school bag bhi dusri shop se.

Chinki inkar karti rahi par neelima ne kaha tu darr mat teri maa se main baat kar lugi.

Ghar aa radhika aur neelima bala ke paas kitchen mein ja ghussi.

Suraj ke kapde le ke deneke karan chinki sehmi hui aur darri hui ci khadi thi kitchen ke door ke paas.

Bala uss ko ese dekh: ari tujhe kya hua ri.

Neelima: didi yeh iss liye ese he ku ke suraj ne iss ko naye fashion ke kuch kapde le diye.

Bala: arey to fir kya he. Tujhe to khush hona chahiye tere dulhe raja ne gift diya pehla.

Fir bala radhika se boli: yeh to kitne time se maa se ladh rahi he mujhe pant pani he pant pani he par wo he ke bache ki ichha poori karti hi nahi.

Suraj jo bathroom gaya hua tha.

waha se laut uss ne bala ki sari baat sun li.

Suraj ne updesh ko kaha ke wo chale chinki ki maa ko bol ke aaye ke wo iss ko daante nahi.

Radhika bhi unn ke saath chal padi.

Chinki ki maa ne jab darwaja khola to updesh ke saath suraj aur radhika ko dekh badi khush hui.

Uss ne jaldi se apne pati ko awaaz lagai. Sab ek room mein rakhe sofe aur chairs pe aa bethe.

Chinki ki maa ne kaha ke wo chai banati he.

Updesh ne kaha ke chai nahi.

Ghar dinner ban raha he.

Tab chinki ki maa ek plate mein dry fruit aur dusri mein kuch sweets daal layi.

Updesh ne kaha ke wo iss liye aaye he ke wo chinki ko daante nahi ku ke suraj ne uss ko kuch kapde le ke diye he.

Wo chinki ko aankh dikhate hue: ku ri ku liye tune.

Suraj: bhabi uss ne nahi liye maine le ke diya he jabardasti. Please aap kuch mat kehna uss ko.

Chinki ki maa ko samjhane mein kuch der lagi teeno ko.

Par aakhir wo maan hi gayi.

Kapde aur bag ghar chhod updesh ke kehne pe chinki fir se unn ke saath aa gayi.

Sab ne mil ke khana khaya.

Chinki khana kha ke chali gayi ku ke uss ko subah uth ke school jana tha.

Radhika aur suraj ne khoob pyar diya uss ko aur samjhaya ke wo khoob achhe se study kiya kare.

Suraj aur radhika ne dinner ke baad coffee pee tab wo hotel mein aa gaye.

Agli Subah jab wo neelima ke ghar pahuche to dus baj chukke the.

Jaldi se naashta kar wo charo nikal pade ku ke lunch ke baad unn ko wapas niklna tha.

Sunil ko neelima ne saath le liya.

Chaaro ek phadi ke peeche bani lake pe aa gaye.

Raaste mein jaha jaha updesh ne apna kaam kiya tha dono ko dikhata raha.

Lake pe bhi ek office uss ne banaya tha.

wo bhi dikhaya.

Wahi restaurant mein unn ho ne lunch bhi kiya.

Teen baje tak wo laute.

Updesh, neelima, bala, beena sab ne unn ko ek din aur rukne ka jor lagaya.

Par wo nahi maane.

Radhika ne suraj se dus hazaar le updesh ko dete kaha ke yeh uss ke kaam ka advance he.

Updesh ne bada manah kiya ke advance ki koi jaroorat nahi wo jarur kare ga kaam.

Par Radhika ne ek na suni.

Suraj ne jana tha to vidai ke time pe to neelima ne aansuon se hi deni thi.

Vidai le dono hotel mein aaye.

Samaan uthaya car mein rakha aur chal pade.

Phone kar ke rani ko keh diya ke wo dinner ghar aa ke hi kare ge.

Raat dus baje wo pahuch gaye.

Idhar updesh aur neelima dono dinner kar ke bed pe bethe hue the.

Updesh: neela tum suraj ko itne saalo se janti ho kabhi tum ne uss ko gaur se dekha he.

Neelima thodi seham kar: ji kya matlab aap ka.

Updesh: kabhi tum uss ki aankhon mein jhaank ke dekhna. Kitni udaas si he uss ki aankhein.

Neelima: main kuch samjhi nahi aap kya kehna chahte he.

Usse yaad aya ke updesh yeh baat pehle bhi kar chukka he.

Updesha: neela ho na ho uss ke dil mein koi dard he. Jis ko wo bahar nahi aane deta. Par uss ki aankhein saaf batati he. Saaf najar aata he ke kisi ne iss ki bhavanao ko gehri thes pahuchai he.

Neelima bas khamosh reh gayi.

Updesh: tumare aur bhi dost he. Par yeh sab se alag. Dikhne mein khush par ander hi ander ek ghutan liye hue he.

Neelima kya batati apne pati ko ke uss ko yeh sara dard sari ghutan ussi ki di hui he.

Wo bathroom jaane ke bahane uthi aur waha ja deewar se lag ke ro di.

Room mein aate hi lights off ki aur late gayi.

Der tak wo sone ka bahana kar aansoo bahati rahi.

Jab thodi aankh lagi to sunil uth gaya.

Idhar Ghar aa suraj aur radhika ne dinner kia. Wo jaldi so gaye ku ke thakke hue the.

Radhika Chandigarh teen din ruki.

Wo subah hi suraj ke saath office chali jati.

Uss ne khud saari website upgrade kar di.

Online clients ko kese handle karna he wo uss ne sab waha kaam karne walo sikha diya.

Radhika ne hari ko bataya ke wo delhi office khulte hi sara online communication apne haath mein le legi.

Uss ne suraj ko bhi sab sikha diya.

Jitne din radhika waha rahi har raat wo dinner khud banati office se aa ke.

Hari ke liye jindgi ke kuch ek sukhad anubhavo mein se ek tha yeh.

Thursday afternoon mein hari ne radhika ko apne office mein bulaya. Saath hi suraj ko bhi.

Suraj se radhika ka appointment letter sign karva radhika ko dete kaha ke wo check kar le.

Radhika heran reh gayi.

Last salaray se hari ne package mein achi khaasi badat di thi.

Fir hari ne radhika ka bank account number liya.

Aur ussi pal ek month ki salary uss ke account mein daal di.

Radhika ko jab sms aaya deposit ka to wo heran ho uthi.

Radhika: uncle yeh kya kiya aap ne?

Hari hass ke: arey tum ko pakka kiya kahi tum waapas ja ke mood na change kar lo

Radhika: kya uncle aap bhi na………..

Suraj khada ho: congrats miss radhika sharma for joining us.

Radhika ne bhi khade ho haath milate: thank u boss.

Suraj: oye saali yeh boss voss nahi chale ga. Samjhi.

Hari saali word pe chonk gaya.

Jhat se suraj ko daant ke: suraj mind ur tongue.

Suraj ko ab ehsaas hua ke wo papa ke saamne radhika ko saali bol gaya.

Sar khujate hue: sorry papa.

Radhika hass ke: uncle jab tak hum do chaar gaali na de ek doosre ko hame khana hajam nahi hota.

Hari: tum aaj kal ke bache bhi na.

Fir teeno hass diye.

Dono ne hass ke ek jappi daal li.

Hari ne bhi hasste hue uth ke dono ko galle laga liya.

Radhika ne hari se kaha ke wo jese hi office ki jagah milti he unn ko call kar degi.

Hari ne kaha thik he wo khud aa jaye ga location dekhne.

Friday ko radhika laut gayi subah hi.

 

[StoryPublisher]

Part-21

radhika ke rukne ke dauran kanta ne kabhi uss se baat karne ki koshish na ki.

Agar radhika ne thodi koshish ki bhi to kanta ne koi khaas interest na dikhaya.

Suraj ne jesa kaha tha apni maa ke baare mein wo thik wesi hi thi.

Uss ne ek baar bhi suraj se pichhle char panch dino mein phone kar ke na yeh poochha kabhi ke wo kaha he aur na hi yeh poochha ke uss ne khana khaya ke nahi.

Iss baat se wo be-hadd dukhi thi ke kya koi maa esi bhi ho sakti he.

Radhika ne delhi aate hi office ka sab ko jaldi se dhoondne ko kaha.

Radhika ko ghar aa ke pata chala ke unn ka ooper ka flat april se khali ho raha he.

Radhika ne jhat se keh diya papa ko ke fir to suraj ke rehne ki problem solve ho gayi.

Ab wo flat rent pe nahi denge.

Ghar mein sab ne radhika ki baat ka samarthan kiya

Next week radhika ne moti nagar se thoda aage hi ek naye bane mall mein office dekha.

Wo office mall ke fourth floor pe tha.

Wo dekhne ke baad radhika balcony mein neeche ka view lene lagi.

Uss ko na jaane kya soojha ke wo lift ki jagah seeriyo se neeche chal di.

Har floor ka jayaja leti wo ja rahi thi.

first floor pe uss ki najar ek office pe padi jis ke bahar likha tha for sale.

Wo office ke ander gayi.

Ek 40-42 saal ka aadmi betha tha.

uss ne batya ke wo US shift ho raha he so wo sale kar raha he.

Price bhi uss ne kaafi reasonable batai.

Radhika ne apna number de ke kaha ke kaha wo subah uss se baat kare gi.

Uss ne aas paas ke kuch offices se price ka idea le liya.

Uss ne ghar aate hi hari ko office ka bataya.

Hari ne kaha ke office ki baat to jach rahi he par suraj ke rehne ka kya hoga.

Tab radhika ne kaha ke unn ka ooper ka flat khali ho raha he.

To suraj unn ke saath hi rahe ga.

Hari khush ho bola ke chalo fir uss ke roti pani ki chinta bhi khatam hui.

Hari agle roj hi delhi ke liye nikal pada subah paanch baje.

Saade Dus baje poore hari radhika ke ghar aa gaya tha.

kavita, mitali, manish aur radhika ke papa sab ja chukke the.

Radhika ne uss ke aane pe hi nashta kiya.

Radhika ki maa se mil bahut khush hua hari.

Baara baje poore wo radhika ko le mall aa gaya.

Radhika ne dono office dikha diye.

Ek jo rent pe tha aur doosra jo sale pe tha.

Hari ko apna lena jayada achha laga.

Hari ne deal final kar ek laakh ka cheque de kaha ke wo suraj chopra ke naam se documents ready karvae.

Jese hi documents ready ho jaye ge.

Wo suraj ko bhej de ga full and final payment ke saath.

Radhika ne hari ko congrats kaha to hari ne uss ke sar pe haath rakh: this is all due to you beta.

Fir wo radhika ko ghar chhod apne kaam pe nikal gaya.

Radhika aur uss ki maa ne lunch ka jor diya to hari ne kaha ke wo dinner ke liye aaye ga ta ke ghar ke baki logo se mil sake.

Hari apne saare kaam nipta ke saade aath radhika ke ghar aa gaya.

Poore parivar se mil unn ka pyar dekh wo bahut khush hua.

Khana kha bhavuk ho bola: bahu ke haath ka bana khaane mein apna hi anand he.

Kavita: uncle ghar bhi aap ka bahu bhi aap ki. Jab dil kare aa jaya kijiye.

Radhika ki maa: haan haan bhai sahib.

Hari smile dene lage.

Kareeb pone baraa baje the jab hari ne sab se ijaajat maangi.

Sab ne kaha rukne ko par hari ne kaha fir kabhi.

Jaate jaate hari ne radhika, kavita, mitali, suhan sab ko kuch na kuch diya.

Radhika ki maa bol padi: Bhai sahib aap yeh mat kijiye aap ne radhika ke liye jo kiya uss ke hum sabhi pehle hi aap ke bahut abhaari he.

Hari: na na behan ji yeh to kahiye hi mat. Radhika beti ne jo mujh pe ehsaan kiya he suraj mujhe wapas la ke de uss ke liye main iss ko apna sab kuch de du to wo bhi kam he.

Radhika: uncle wo to mera farz tha.

Hari: beti farz apno ke liye hote he. Kisi ajnabi ke liye kuch karna insaniyat he. Mujhe khushi he ke suraj ko esa parivar mil gaya jo uss ke apno se badh ke uss ka khyal rakhne wala he. ese lagta he ke jarur aap sab ka suraj ke saath koi pichhle janam ka rishta he.

Kavita: uncle suraj he hi esa jaha jata he sab ka dil jeet leta he. sab ko apna bana leta he.

Hari ka galla bhari ho chala tha: ab mujhe koi chinta nahi kavita bahu. Kal ko mujhe kuch ho bhi gaya to aap sab ho uss ke liye.

Radhika yeh sunte hi lipat gayi hari se: na uncle esa mat kahiye. Abhi aap ki bahut jaroorat he suraj ko bhi aur hum sab ko bhi.

Mitali jo kab se chup khadi thi aage aa boli: haan uncle abhi to meri shadi karni he aap ne. mere nanhe munne khilane he.

Hari ne aankhein saaf kar mitali ko seene se laga liya: haan haan.

Mitali fir se: uncle jese ajay devagan do ghoro ki savari karta he wese hi mera beta do do nana ki savari kare ga ghora bana ke.

Yeh sun sab hi jor se hasse.

Radhika ki maa: yeh ladki kabhi nahi sudhre gi.

Hari: arey behan ji yeh ronak he apne ghar ki. Suraj jab bhi yaha se ho ke jata he to iss ki baatein suna suna khoob hassata he mujhe.

Mitali: mamma jab meri shadi ho gayi na to sab se jayada tum hi rovo gi yaad kar kar.

Mitali ne sab ke chehro pe hassi la di thi.

Hari sab ko bye bol chal pada.

Radhika ne uss ke jaate hi suraj ko call laga bata diya ke uncle abhi abhi nikle he.

Deal ka pehle hi wo aur hari dono bata chukke the.

Hari subah chhe baje ghar pahucha.

Uss ne ghar pahuchte hi radhika ko watsapp kar diya ke wo pahuch gaya he.

Esa karne ko radhika ne hi kaha tha.

Radhika ne next morning uth ke updesh ko call kar ke kaha ke office final ho gaya he.

Papers sign karne ke liye jab suraj ne ana hoga wo ussi din suraj ke saath hi delhi aa jaye.

Papers ready the.

Coming Monday ko suraj ne ana tha delhi.

Radhika ne suraj se kaha ke wo apne saath hi updesh ko bhi leta aaye.

Updesh ne kaha ke wo Saturday ko Chandigarh aa jaye ga.

Fir Sunday lunch ke baad dono chale jaye ge.

Issi beech radhika ne do teen interiors walo ko bula unn se estimate le liya.

Updesh Saturday ko neelima sunil aur saas ke saath panchkula wale ghar aa gaya.

Suraj teen baje ghar se nikla.

Neelima ki maa ke ghar aa chai pee ke wo dono chaar sava chaar tak nikal pade.

Raat ke pone dus wo radhika ke ghar the.

Sab suraj ko mil bade khush the.

Mitali to khaas kar.

Wo baar baar suraj se lipat rahi thi: haye mera veera ab mere paas rahe ga.

Updesh bhi bahut khush hua radhika ke parivar se mil ke.

Dinner kar sabhi so gaye.

Agli subah poore dus baje wo log office pe the.

Updesh ko sara kaam smjhaya radhika aur suraj ne.

kuch updesh ne apni suggestions bhi di.

Updesh ne estimate banaya aur bata diya.

Radhika badi heran thi.

wo updesh ko poochhne lagi ke kahi uss se koi chook to nahi hui.

To updesh hass diya.

Radhika ne doosre aluminium walo ke estimate updesh ko dikhate kaha ke yeh dekho baki sab ne uss se double ya uss se bhi jayada ka estimate diya he.

Updesh ne hasste hue kaha ke yeh to poori loot he.

Aam tor pe wo wholesale rate se dus ya bees percent extra lagate he.

Par innho ne to fifty se bhi adhik lagya he aur labour bhi bahut adhik lagai he.

Tab suraj ne kaha wo material la ke kaam shuru kar de.

Suraj ne uss ko material laane ke saare pese se thode adhik de diye ta ke mushkil na aaye.

Updesh apna fitting wala samaan pehle hi le ke aya tha waha se.

radhika ne office ki ek key updesh ko de di. Uss ko pata tha yaha wholesale market kaha he.

Suraj ne uss ko taxi se jaane ko kaha to updesh ne kaha wo metro se saare raaste janta he.

Suraj ne uss ko metro station pe drop kar diya.

Suraj aur radhika courts ki aur chal pade.

Raaste mein radhika ne kaha ke updesh ko thoda trained karna pade ga.

Yeh bahut rise kar sakta he.

Baaki sab ne iss kaam ko poora karne ke liye ek week kaha tha.

par yeh kehta he ke samaan aane ke baad sirf teen din ka kaam he.

Kachehri ka kaam nipta registry ke papers le suraj aur radhika ne full and final payment ka draft party ko diya.

Tab chaar baj rahe the.

Waha se nikal ke suraj ne sab se pehle papa ko call ki.

Radhika ne badhai di to hari hass ke bole ke badhai ki asal hakdaar wo he.

Uss ka sapna poora kar diya delhi office ka.

Fir wo waha se seedha ooperwale ka shukrana karne ko Gurdwara Bangla Sahib ko chal diye.

Waha maatha tek aur sarbat ke bhalle ki ardas kar wo ghar ko chal pade.

Raaste mein radhika ne updesh ko call ki.

Updesh ne bataya ke wo material buy kar tempo mein office ja raha he.

Samaan rakh ke wo ghar aaye ga.

Suraj ne poochha ke wo aaye lene to updesh ne kaha ke wo pahuch jaye ga.

Ghar aate aate dono ko saade chhe baj gaye.

Saat baje tak kavita aur mitali aa gayi.

Suraj ne radhika ki maa ko registry ke papers dete kaha ke auntie yeh apne paas rakh le.

Wo jab yaha koi locker le ga tab le le ga.

Radhika: arey iss ko Chandigarh le ja ke ghar rakhna na.

Suraj: nahi yaar tu nahi jaanti waha mom ko pata chal gaya to panga ho jaaye ga.

Sab heran ho gaye.

Suraj: mom pehle to khush thi ke papa ka sapna poora ho raha he. Par kitty di ne pata nhi kya keh diya. Mom ne panga khada kar diya he. Unn ko ab yahi kaha he ke yaha office rent pe liya he.

Radhika to kanta se mil chukki thi.

wo uss ke sabhaav ko achhe se jaan gayi thi.

Kareeb saadhe saat baje updesh aa gaya.

Uss ke haath mein ek sweets ka dabba tha.

uss ne aate hi radhika ke maa ke paon chhooe.

Updesh: maasi ji ashirwad dijiye. Aaj mujhe jindgi ka apna pehla contract mila he.

Radhika ki maa: jeete raho beta. Sada unnti karo. Khoob phoolo phalo.

Fir uss ne dabba khol sab ka muh meetha karvaya.

Kavita chai banane kitchen mein chali gayi.

Suraj suhan ko le ke beth gaya.

Mitali aur radhika bhi uss ke aas paas aa bethi.

Radhika ki maa ke poochhne pe updesh batane laga ke uss ki maa wo chotta tha tabhi chal basi.

Abhi ghar mein pita ji he.

Bada bhai aur bhabi aur unn ke do bache.

Do behne he dono shadi shuda.

Ek sab se badi aur dusri number teen pe uss se badi.

Uss ki baaton se pata chala ke wo apne bhai aur bhabi ko bahut maanta he.

Sab ne chai pee.

Itne mein uncle aur manish bhi aa gaye.

Unn dono se milne ke baad Suraj aur updesh ooper chale gaye kapde change karne.

Suraj to jhat se neeche aa gaya par updesh ruk gaya kyu ke wo neelima se baat kar raha tha.

Suraj neeche aa betha sab se baatein karne laga.

Kuch der baad suraj ka cell baja.

Call neelima ki thi.

Suraj bahar ko bhaga.

Neelima ki call thi it means updesh kabhi bhi neeche aa sakta tha.

Neelima ne bataya ke updesh bahut khush he.

Kyu ke yeh uss ka first independent work he.

Suraj ne kaha ke wo uss ko Chandigarh mein aur kaam le ke dega.

Uss ki kaafi pehchan he.

Saath hi yeh bhi kaha ke neelima uss ko samjhaye ke wo margin bada ke chale.

Neelima ne kaha ke wo baaki sab se jyada margin hi lega.

Par wo suraj se to nahi na le sakta.

Suraj: I want to see u rise. Main tab tak chain se nahi bethu ga jab tak updesh ke paas apna ghar aur apni gaadi nahi aa jati.

Neelima: raju aap khush rahe hamesha to main samjhu gi mujhe sab mil gaya.

Itne mein mitali bahar aa gayi.

Poochhne lagi kaun he.

To suraj ne ishare se bataa diya ke neelu.

Mitali bacho ki tarah uchhlne lagi meri baat karao.

Suraj ne uss ko phone de diya.

Mitali: hi neelu bhabi.

Neelima chonki neelu bhabi naam se: kaun?

Mitali: bhabi main mitali. Aap ki sab se pyari aur nyari nanad mitali.

Neelima: oh radhika didi ki chotti behan.

Dono kuch der baatein karti rahi aur mitali apni chatpati baaton se neelima ko hassati rahi.

Phone band hua to dono hasste hue ander aa gaye.

Updesh abhi bhi neeche na utra tha.

Kareeb sava nau baje updesh neeche aya.

Suraj ne poochha ke kaha reh gaya tha to updesh batane laga pehle neelima se baat ki, fir bhai se fir bhabi aur uss ke baad dono behno se.

Fir wo hass pada aur bola: haan sach bhai aap ki dulhan se bhi baat hui. Bahut yaad kar rahi thi aap ko.

Sabhi jaha heran the wahi radhika hass di suraj aur updesh ke saath.

Aur fir jab radhika aur updesh ne chinki ka bataya to sabhi hass hass duhre ho gaye.

Radhika ne suraj se poochha ke uss ne parul se baat ki to yeh sunte hi suraj ne cell nikal parul ko call laga di.

Uss ko delhi mein office kholne ka batya to parul bahut khush hui.

Fir parul ne kaha ke iss weekend pe shayad uss ke papa delhi aa rahe he kisi kaam se.

suraj ne parul se baat khatam hote hi hari ko yeh news de di.

Hari ne kaha thik he agar esa he to wo subah iyer se baat kar le ga.

Agar wo aa raha he to uss ko inauguration pe invite kar lega.

Hari ne kaha ke wo Sunday ko mahurat ki soch raha he.

Saath hi kaha ke radhika ko do pc lene ka keh dena.

Suraj ne jab pc ki baat ki to manish ne kaha ke pc wo le ke de ga.

Raat ko dus baje sab ne dinner kiya.

Updesh to dinner ke baad ooper ja ke so gaya ku ke uss ne kaha ke wo subah aath baje nikal jaye ga.

Suraj neeche betha raha kuch der baatein karta.

Fir wo mitali aur radhika ke saath ooper aa gaya.

Thodi der baad kavita coffee le aai.

Uss ne office jana shuru kar diya tha so wo jayada der na bethi.

Mitali bhi jaldi hi so gayi ku ke uss ko bhi subah niklna hota tha.

Radhika kuch der suraj ke paas bethi rahi.

Dono ab business pe karte rahe.

Agli subah suraj aur radhika giarah baje nikle.

Seedha pehle manish ke bank gaye.

Waha suraj ne apna saving aur current account dono khulwa liye.

Current account khulte hi suraj ne hari ko bataya to hari jhat uss mein 5 lacs transfer kar diye Chandigarh ke account se.

Bank manager ne suraj aur radhika ko cabin mein bula thanks kaha aur coffee bhi pilai.

Suraj ne locker ka poochha to manager ne kaha jese hi koi khaali hoga to pehle wo uss ko dega.

Saath hi manager ne kaha ke uss ke liye bas ek chotti se fd karva dena 5 years ki.

Suraj ne kaha no problem aur fir wo waha se nikle manish se mil ke office ki aur chal diye.

Hari ne phone kar ke radhika ko kaha ke Sunday ka mahurat final kar liya he.

Wo waha se kisi pandit ka arrange kar le.

Radhika ne kaha wo sab arrange ho jaye ga.

Catering ke liye uss ke bhai ka friend jeeta singh he.

Suraj uss din ruk agle din Chandigarh aa gaya.

Aane se pehle wo kuch cash de aya radhika ko saath hi ek cheque de diya sign kar ke uss ko jitni jarurat ho niklva le.

Updesh Thursday raat tak apna kaam poora kar laut gaya.

Radhika ko uss ka kaam bahut pasand aya.

Radhika ne uss ko payment apni marji se di.

Market rate se chahe kam thi par jitney updesh ne banaye the uss se kahi adhik the.

Radhika ne updesh ko samjhaya ke wo shuru shuru mein paon jamane ke liye market rate se kam charge kare.

Par apna margin achha khasa rakhe.

Suraj ne mahurat ke liye updesh aur neelima dono ko invite kiya par neelima kanta ke saamne nahi jana chahti thi.

Par uss ne updesh ko bhej diya.

Suraj Saturday ko subah hi aa gaya delhi.

Updesh ko wo sath le aya.

Office aa check kiya.

Sab kuch perfect tha.

Hari aur kanta afternoon ke baad nikle.

Wo dono kanta ki ek cousin ke yaha ruke.

Kitty to nahi aai par uss ka husband jarur aa gaya hina aur uss ke pati ke saath hi.

Wo sab hina ke pati ke relatives ke yaha ruke.

Pooja ki samagri suraj ne Saturday sham ko hi la ke office mein rakh di thi.

Suraj aur radhika ne updesh ke saath mil ke poore office ko saja diya Saturday sham ko hi.

Suraj ne prem, jyoti aur geeta ko khaas kar ghar ja ke invite kiya tha delhi aane se pehle.

Par prem ne sirf aane ki haami bhari kyu ke geeta aur jyoti ne study kaaran sorry bol diya.

Sunday ko subah nau baje suraj aur radhika mitali aur updesh ko le aa gaye.

Kuch der baad hi hari aur kanta bhi aa gye.

Suraj ne hari ko thoda side pe le ja ke updesh se milvaya aur introduce karvaya.

Hari updesh se mil ke bahut khush hue.

Manish bhi baaki sab ko le apni car mein dus baje aa gaya.

Pandit ji ne apni karvai saadhe dus baje shuru kar di.

Suraj, hari, kanta, hina, hina ka pati aur kitty ka pati pooja pe beth gaye.

Radhika ko bhi hari ne jor de saath bitha liya.

Manish, updesh aur radhika ka baaki privar sab host ki tarh aane wale mehmano ka swagat karne lage.

Kanta ka cousin aur uss ki wife bhi aaye the.

Hina ke pati ke jaha wo thehre the unn ke ghar se bhi do log the.

Guests mein hari ke kuch clients the jo delhi, sonepat aur panipat se the.

Kul mila ke total 45-50 log the.

Guests sabhi office ke bahar rakhi chairs pe bethe the.

Sab ko aate hi cold drinks serve ho rahe the.

Poore saadhe giarah pooja khatam hui.

Suraj aur hari uthe aur sab se milne lage.

Hari sab se suraj aur radhika ko introduce karvata gaya.

Fir suraj ki najar sab ke peechhe bethe prem pe padi to wo uchhal pada.

Kyu ke uss ke paas jyoti aur geeta bhi bethi thi.

Suraj bhaga unn ki aur: oye saalo tum sab kab aaye.

Suraj teeno se galle mila.

Hari teeno ko jaante the achhe se.

teeno aa ke hari se mile.

Fir aage badh ke kanta aur hina ko bhi mile.

Kyu ke unn ko bhi jante the teeno.

Fir suraj ne radhika se introduce karvaya teeno ko.

Sab ek doosre ko name se to jaante the par mil pehli baar rahe the.

Fir achanak radhika uchhlti boli: suraj wo dekh kaun?

Jidhar radhika ne ungli ki suraj ne udhar dekha to wo bhaga uss aur cheekhta hua.

Suraj: papa…. papa…. iyer uncle and auntie.

Radhika kabhi iyer se nahi mili thi par parul ki mummy ko to achhe se janti thi wo.

Uss ko pehchan gayi wo.

Suraj ne aage ho iyer se jhuk ke pyar liya to iyer ne uss ko baahon mein bhar liya.

Radhika parul ki mummy se galle aa lagi.

Fir radhika ne haath jod ke iyer ko Namaste ki.

Aur suraj mrs. iyer se lipat gaya.

Mrs. iyer suraj mera beta mera beta keh seene se laga pyar karne lagi.

Hari bhi waha aa gaya.

Iyer aur hari badi garamjoshi se mile.

Hari ne fir mrs. iyer ka bhi swagat kiya.

Hari dono ko kanta ke paas le gaya.

Patni, beti aur dono damado se milvaya.

Suraj ke saath jaha radhika, uss ki poori family, prem, jyoti aur geeta host ki tarah sab ko attend kar rahe the.

Wahi kanta aur hina ese behave kar rahi thi jese wo guest ho.

Mrs. iyer kuch der ander kanta ke saath bita ke radhika ke paas chali aai.

Tab radhika ne apni family se uss ko milvaya.

Radhika ki mummy ne mrs. iyer ka khaas tor pe thanks kiya ke uss ne radhika aur suraj ke liye jo itna kuch train pe la ke diya.

Mrs. iyer heran thi ke suraj ki maa kanta ne esa kuch jikar na kiya.

Kyu ke sach to yeh tha ke uss ne jo bhi kiya tha suraj ke kaaran kiya tha.

Uss ko thoda atpata laga par fir sochne lagi ke shayad uss ke out of mind ho gaya ho.

Hari ne aane wale saare guests ka thanx kiya aur unn se kaha ke ab wo suraj aur radhika se contact kare har kaam ke liye.

Ek client jo gurgaon se tha wo hari ke paas aa bola: chopra sahib yeh interiors kaha se karvaya bahut achha he.

Hari: sir yeh sab inn bacho ne kiya he aap radhika se poochhe.

Fir hari ne radhika ko bula uss se baat karne ko kaha.

Radhika ne keh diya ke yeh hamare khaas he mr. updesh jo Chandigarh he se unnho ne hi kiya.

Uss client ne cost poochhi to radhika ne jo pay kiya tha uss se kuch bada ke bata diya.

Wo client: very cheap very cheap. Aap apne interior ko kehna ke mujhe contact kare.

Radhika ne jhat se updesh ko milva diya.

Uss client ne next day hi updesh ko aane ka keh diya ke wo aaye.

Office almost ready he wo design aur rate bata de to wo kal hi final kar dega.

Updesh bahut khush ho gaya.

Coffee aur snacks le baki sab guests chal diye.

Hina, uss ka hubby aur kitty ka hubby bhi chal padhe kuch hi der baad.

Sab ko iss baat ki herani hui ku ke kanta bhi hari se keh ke unn ke saath hi nikal gayi.

Suraj ne roka bhi mom ko ke iyer auntie aai he wo kya soche gi.

Par kanta na ruki.

Hari ne iyer couple ko Chandigarh chalne ka kaha to iyer ne sorry bolte kaha ke kal uss ki koi meeting he ministery level ki to fir next time wo jarur aaye ga.

Mrs. iyer: bhai sahib hum to bas aap ki khatir aaj aa gaye nahi to inn ko kal subah flight se ana tha aur sham ko wapsi thi.

Hari: thank u bhabi ji.

Mrs. iyer suraj ko galle laga: thank u to aap suraj ka kare. Mujhe to iss ka pyar kheech laya. Fir yeh bhi idea tha ke radhika beti bhi hogi yaha.

Radhika: auntie aap parul ko bhi le aati.

Mrs. iyer : uss ke exams he na next month wo to ab subah se sham sirf study.

Fir hari ne dono ko kaha ke chalo fir aaj ka lunch to hamare naam.

Fir wo radhika se bole ke koi acha hotel he aas paas.

Tab radhika aage ho: uncle lunch hotel mein kyu? Ghar chale aap sab.

Kavita: haan haan uncle aap ki bahu ke hote hotel mein kyu?

Hari: beta wo esa he ke hotel mein iyer sahib ki thodi sewa ho jaaye gi. kuch drinks aur non veg.

Yeh sunn ke kavita aur radhika to chup ho gyi.

Par Mrs. iyer jhat se boli: na na bhai sahib. Bacho ki khushi se badh ke thode he drinks aur non veg.

Iyer hass ke: chalo ho gaya decide. Jo high command ka fesla wo hi hamara.

Sab hass diye.

Suraj aur radhika ne jaldi se office band kiya.

Jeet singh apna saman sametne laga.

Manish apne mummy papa aur kavita ko le nikla.

Prem, jyoti aur geeta ne ijaajat mangi to radhika aur mitali dono ne bola ke bina lunch ke nahi jana.

Updesh aur mitali jyoti geeta aur prem ke saath chal diye.

Chopra aur iyer ek saath ho liye to suraj ke saath radhika aur mrs. iyer the.

Kavita ne ghar aate hi kitchen sambhal li.

Radhika, jyoti, geeta, mitali sab uss ke saath ho gayi.

Radhika ki mummy suhan ko le mrs. iyer ko le ke kavita ke room mein aa bethi.

Prem thoda rest karna chahta tha to updesh uss ko le ooper chala gaya.

Suraj, iyer, radhika ke papa, manish aur hari ke saath drawing room mein aa betha.

Thodi der baad wo uth jab kitchen mein gaya to mitali jhat se bol padi: hello kidar aa gaye. Chalo chalo yeh ladies department he. Pata nahi yaha chugliya chal rahi he.

Kitchen mein sab ki sab hass di.

Suraj hassta hua kavita ke room mein aa betha.

Mrs. iyer jo bed pe bethi thi aram se.

Suraj ne aate uss ki goddi mein sar rakha aur let gaya.

Suraj: auntie aap ne to aa ke mera dil khush kar diya.

Mrs. iyer ne uss ka sar apne seene se bheencha aur baal sehlane lagi.

Mrs. iyer: sach kahu kisi aur ka programme hota to main kabhi na aati. Parul ke papa ne kaha bhi ke main bore ho jau gi waha. Par maine kaha mujhe nahi pata mujhe to bas apne bęte ko milna he.

Suraj: so sweet of you auntie.

Sab ladkiyo ne mil ke do ghante mein poora lunch tayar kar liya.

Mrs. & Mr. iyer aur hari bade khush hue itna lajeez lunch kar ke.

Mrs. iyer hari se: ku bhai sahib kya hotel mein drinks aur non veg ke saath itna mazaa aata jo yaha aa raha he.

Hari: sach mein bhabi ji yeh mazaa to kahi nahi jo ghar ke khaane mein he.

Lunch karne ke baad prem ne chai ki farmaish kar di.

Ta ke raaste mein uss ko neend na aaye.

Chai peete hi wo chal pade.

Suraj, radhika, kavita, updesh aur mitali ne teeno ko bye kaha bahar aa ke.

Kareeb panch baje hari bhi utha jaane ko to uss ke saath hi mrs. & mr. iyer bhi uth gaye.

Radhika aur uss ki family ne dono ko dinner ke liye rukne ka kaha par wo ab hotel ja ke araam karna chahte the.

Hari ne kaha ke wo dono ko apni gaadi se drop kar deta he hotel.

Par suraj ne kaha ke wo jaaye ta ke time pe pahuche ghar.

Unn dono ko wo chhod aaye ga.

Saath hi suraj ne hari se kaha ke wo aur radhika kal ka din mrs. iyer ke saath gujare ge ku ke mr. iyer ke jaane ke baad wo akeli padh jaaye gi.

Hari ne no problem kaha aur sab se vida le chal diya.

Thodi der baad suraj aur radhika iyer couple ko chhodne chale gaye.

Saath hi mrs. iyer ke saath kal ka programme bhi set kar liya.

Agli subah updesh aath baje hi nikal gaya gurgaon ke liye.

Saadhe dus baje suraj aur radhika mrs. iyer ke paas hotel ja pahuche.

Tab tak iyer ja chukka tha.

uss ko ab chaar baje lautna tha.

Raat ko saat baje ki flight thi unn ki Chennai ki.

Suraj ne mrs. Iyer ko kaha ke wo jab aa hi gaye he to do chaar din ruk ke jaaye.

Uss ke ghar Chandigarh chale.

Tab mrs. iyer ne ek dhamaka karte kaha ke aaj unn ka pahuchna jaruri he ku ke parul ka happy birthday he.

Yeh sunte hi suraj aur radhika ne parul ko call kar wish di.

Suraj ne wish karte time parul se kaha ke agar wo saath aai hoti delhi to dono kal mil ke Sunday ko apna birthday manate.

Parul, radhika aur mrs. iyer koi kuch na samjha.

Tab suraj ne bataya ke parso means Saturday ko uss ka birthday tha.

Radhika ke liye yeh ek aur bada jhatka tha.

Suraj ne kisi ko bataya tak nahi tha abhi tak.

Aur Saturday ko wo radhika ke saath tha.

Suraj aur radhika dono ne mrs. iyer ko parul ke liye gift le ke diya.

Mrs. iyer ne suraj ko galle laga wish kiya aur ek gift bhi le ke diya.

Dono mrs. iyer ko delhi dikhate rahe.

Lunch unn ho ne bahar hi kiya.

Mrs. iyer ne do teen baar suraj ki mom ki baat chhedi ke wo itni jaldi kyu laut gayi.

Radhika ne bahana banaa diya ke uss ki tabiyat thik nahi thi.

Suraj mom ka jikar aate hi har baar chup reh gaya.

Yeh baat mrs. iyer bade dhayaan se note kar rahi thi.

Pone chaar baje wo log hotel laut aaye.

Savaa chaar ke kareeb iyer bhi aa gaya.

Tab tak suraj aur radhika wahi the.

Suraj ne kaha ke wo unn ko car se airport chhod aaye ga.

Par iyer ne bataya ke uss ke liye uss ki association ki aur se sab arranged he.

6 pm pe mrs. and mr. iyer ko niklna tha.

radhika ne mrs. iyer ki poori help karvai packing mein.

Suraj aur radhika unn ke jaane ke baad hi ghar ke liye nikle.

Mrs. iyer wese to bahut khush thi sab se hi mil ke.

Par uss ke dil mein kahi na kahi nirasha thi kanta ko le ke.

Yeh uss ki baaton se saaf jhalak raha tha.

Suraj aur radhika kareeb saadhe saat patel nagar radhika ke ghar aa gaye.

Suraj ne pehle socha ke hari se baat kare iss bare mein par wo fir yeh soch chup reh gaya ke iss se mom aur papa ke beech jhagda ho jaye ga.

Suraj ka mood thoda iss baat ko le ke kharab tha.

par uss ne iss ka kisi se jikar na kiya.

Saadhe aath baje hari ne phone kar ke batya ke sham ko hotel se nikal iyer aur mrs. iyer dono se baat hui thi.

wo dono suraj aur radhika ki aav bhagat se kaafi haapy the.

Fir hari ne yeh bhi kaha ke mrs. iyer ne yeh poochha tha ke uss ki mom jaldi kyu chali gayi.

Yeh sunte hi uchhla suraj.

Suraj: papa to aap ne kya kaha?

Hari: yaar main kya kehta? Maine bahana banna diya ke ghar pe kisi ko ana tha raat ko to iss liye wo jaldi laut gayi.

Suraj ne hari se to kuch na kaha par khud soch mein doob gaya ke parul ki mummy kya sochti hogi mom ke baare mein ke jis ke bęte ka itna kiya wo itni berukhi se pesh aai.

Par ab ho kya sakta tha.

teer Kaman se nikal chukka tha.

Raat ko saade nau parul ne phone kar ke bata diya suraj ko ke uss ke mummy papa aa gaye he ghar.

Parul ne kaha ab wo apna birthday ka cake kaate gi.

Parul ne yeh bhi kaha ke kitna acha hota agar wo bhi uss ke saath hota.

Idhar radhika ne ghar aate hi sab ko bata diya ke parso suraj ka birthday tha aur aaj parul ka he.

Mitali to suraj ke peechhe hi padh gayi ke party de wo.

Suraj ne hass ke kaha ke wo jo chahe la ke khila dega.

Tab kavita ne kaha wo apne devar aur devrani ke birthday ki khushi mein suji ka halwa khilaye gi sab ko.

Kavita ke haath ka bana halwa sach mein bahut lajwab tha.

Suraj ne halwe ki ek pic kheech parul ko watsapp kar di.

Parul ne jhat se reply kar poochha ke yeh kya he

To suraj ne reply diya ke kavita bhabi ne suji ka halwa banaya dono ke birthday ki khushi mein.

Parul ne sad smiley de kaha ke uss ko bhi khana he.

Suraj ne reply diya ke come.

Parul ne kaha wo jaldi hi aaye gi.

Kuch der baad Radhika ne suraj ko updesh ka poochha to suraj ne call laga di updesh ko.

Par uss ka cell band aa raha tha.

Radhika ne bataya ke uss ne bhi thodi der pehle try kiya tha tab bhi band tha.

suraj ko fikar hui to uss ne neelima ko call laga di.

Neelima ne bataya ke updesh wapas Chandigarh aa raha he.

Uss ne chhe baje bus li thi.

jab baat hui thi tab keh raha tha ke battery low he aur wo charger waha radhika ke ghar bhool aya he.

Suraj ne gurgaon ke order ka poochha to neelima ne kaha ke baat poori na ho payi battery low hone ke kaaran.

Par jese wo khush tha lagta he shayad kaam ban gaya he.

Neelima ne kaha ke wo subah baat karva degi.

Saath hi kaha ke wo fikar na kare.

Suraj ne neelima se kaha ke wo updesh ke pahuchte hi watsapp kar de.

Neelima ne kaha thik he.

Fir kuch der idhar udhar ki baat ke baad call end ho gayi.

Dinner lag chukka tha.

dinner kiya.

Raat ko wo baraa baje tak so gaya.

Agle din se suraj aur radhika ne delhi ke office se operation shuru kar di.

Radhika ne online ka saara bhaar khud pe le liya.

First week to koi khaas order na aya.

Par march end hone tak orders aane shuru ho gaye.

Hari ke paas jitna stock tha wo teji se maal send kar godown khali karne laga.

Hari ki life mein first time yeh hua tha ke 31st march ko godown almost khali tha.

Radhika ke experience ka uss ko bharpoor benefit mil raha tha.

radhika ek time pe do teen clients easily attend kar leti.

Ek phone pe baaki net pe chat ke jariye.

Suraj uss ki yeh khoobi dekhta rehta tha.

Aur sochta rehta ke kitni intelligent he.

Saath hi sochta saala robby duffer tha jis ne itni intelligent patni ko chand rupeyo ke lalach mein kho diya.

Radhika china ki products pe poori najar rakh rahi thi.

aur saath hi hari aur suraj ko yeh bhi bata rahi thi ke international market mein jaane ke liye apni products mein kya kya improvement ho sakti he.

Wo iss ke liye manufacturers se baat bhi karne lagi jis se hari maal leta tha.

wo log bhi radhika ki dur andeshi ka loha maan gaye the.

Radhika sach mein hi ek bahut talented ladki thi.

jo males se unees to katai nahi par ikees jarur thi.

april ki first ko radhika ke ghar ka top floor khali ho gaya.

Suraj ne apne hisab se waha furniture le rakhva liya.

Mainly do hi rooms use mein aaye.

Ek drawing room aur doosra bedroom.

April start of new year hone ke kaaran kuch thanda raha.

Iss ka fayda radhika ne poora uthaya.

Jo jo products mein uss ne improvement karvai thi wo sab website ko upgrade kar daal diye.

Pehle hari net pe jo price quote karta tha wo with tax hoti thi.

par radhika ne iss system ko change kiya.

Uss ne cost plus taxes as per applicable kar nayi prices quote karni shuru kar di.

Iss se new customer ko ese lagta ke price kam he.

Jab ke prices same thi.

Radhika ne ek aur kaam kiya.

Har order ke saath fifty percent advance lena shuru kar diya.

Iss se payement fassne ka darr bhi kam ho gaya.

May aur june mein kaam ne fir se teji pakad li.

Aur teji esi pakdi ke supply karni mushkil hone lagi.

Pehle haal yeh hota tha ke maal godown mein rehta tha.

jab bhi order milta to hari maal bhej deta.

Par ab maal aane se pehle hi order aya hota.

Radhika iss baat ka bhi khayal rakhti ke kaun sa maal kitna he.

Ussi hisaab se order accept karti.

Wo uss party ka order kabhi na leti jin ki payment pending hoti.

Kuch ek parties ne iss ke liye hari ko call bhi ki.

Par hari wahi reply deta jo radhika ne sikha rakha tha.

Wo party se kehta ke ab kaam uss ke bacho ke haath he.

Wo kuch nahi kar sakta.

Iss se ek yeh fayda bhi hua ke jo parties payment late karti thi wo bhi ab time pe payment dene lagi.

Radhika ne jaldi hi yeh understand kar liya ke south ki payment baki jagaho se better he.

Uss ne south mein kaam jayada badha diya.

Suraj ke paas bhi ab sar khujane ko time nahi tha.

wo shuru mein to har week Chandigarh chala jata tha.

par ab wo kai baar ek week chhod ke jaane laga.

Udhar updesh jis ka doosra order gurgaon ka tha.

uss se uss ko kafi fayda mila.

Wo beech beech mein delhi ka order leta par jyada kaam Chandigarh ya aas paas ke lene laga.

Chandigarh mein uss ko suraj aur prem ki pehchan se poora benefit hua.

Updesh bhi kafi teji se rise karne laga.

Suraj ke saath prem bhi uss ko order dilane mein har mumkin help karta.

Hari ne dheere dheere money management sari suraj ke haath de di.

Sari payments suraj ke delhi accounts mein hi aati.

Wo sirf suraj se wahi pese leta jitney uss ko jarurat hoti.

Suraj ne kai baar kaha bhi ke wo esa kyu kar raha he to hari uss ko chup kara deta yeh keh kar ke wo jo bhi kar raha he. Kuch soch ke hi kar raha he.

March mein jab mrs. & mr. iyer aaye the to thoda hint de gaye the ke 3-4 months ke ander hi wo apne bęte rachit ki marriage plan kar rahe he.

Jis pe sab ko ana he.

July mein iyer ka suraj aur hari dono ko phone aa gaya ke rachit ki shadi wo September mein kar rahe he aur sab ko ana he.

Idhar suraj April se hi radhika ke khali hue flat pe shift ho gaya.

Radhika ki family ke laakh inkar karne ke bawjood flat ka rent every month dene laga with electricity bill.

Kyu ke ooper ke flat ka meter alag tha.

fir suraj to bina ac ke reh nahi sakta tha.

Haan roti aur sara khane peene ka sharma parivar ne kuch bhi lene se inkar kar diya.

Uss ka bhi kese karna he suraj achhe se janta tha.

Suhan ab bada hone laga tha.

suraj ke saath wo sab se jayada ghul mil gaya tha.

Koi nahi keh sakta tha ke suraj iss family se alag he.

Updesh ne ab Chandigarh mein hi ek flat alag se rent pe le liya wahi panchkula mein hi beena ke flat ke paas kyu ke may se neelima ka bhai apni poori family ke saath maa ke paas aa gaya tha.

Updesh ke liye ab rent dena mushkil nahi tha.

wo neelima ki har chhotti badi wish uss ke kehne se pehle hi poori karne laga.

Updesh ko jab bhi delhi ka order milta to wo raat suraj ke paas ja ke hi rukta.

Updesh ke waha rukne se neelima ko thoda darr bhi lagta ke kahi bhoole se suraj ke muh se kuch esi baat na nikal jaaye jis se updesh ko kuch pata chal jaaye.

Uss ne kai baar updesh ko roka bhi.

Par updesh ko hamesha ek baat satati ke aakhir kaun sa wo gham he jo suraj ko ander hi ander khata he.

Suraj har Saturday ko drinks leta.

Agar wo Chandigarh aata tab bhi aur nahi aata tab bhi.

Chandigarh to uss ka saath hari tha.

par delhi mein kabhi manish aa jata saath dene aur jab kabhi updesh rukta Saturday ko to wo saath deta.

Kehte he ke daaru ke nashe mein kabhi na kabhi bhavna mein beh insaan dil ki ugal hi deta he.

Par suraj ne esa bhoole se bhi kabhi updesh ke saamne na kiya.

Parul ka result aa gaya b.com final year ka.

wo iss baar Chennai mein third aai.

Jyoti ki masters in physics complete ho gayi.

Geeta ki b.ed. final stage pe thi.

result awaited tha.

geeta ki maa ab poori tarah thik ho chuuki thi.

Suraj ko radhika ke parivaar se poora pyar mil raha tha.

par fir bhi wo apne ghar ko miss karta.

Kabhi wo radhika, kabhi kavita, kabhi mitali aur kabhi radhika ki maa ki goddi mein sar rakh ro deta ke wo iss ghar mein janma ku nahi.

Wo aksar khud ko dosh deta ke yeh jarur uss ke pichhle janam ke kisi bure karam ki saza he jo wo iss janam mein bhugat raha he.

Delhi mein aa chahe uss ne pichhle teen chaar mahino mein hi radhika ki help se apne kaam ko jameen se asmaan tak pahucha diya tha.

par wo fir bhi Chandigarh ko miss karta.

Kai baar wo sochta kya kare ga itna pesa kamaa ke.

Kis ke liye wo kar raha he.

Kyu kar raha yeh sab jab uss ke dil mein koi sakoon hi nahi he.

Uss ko pesa nahi jeene ke liye apno ka pyar chahiye tha.

wo pyar jo begaane to har dum dete par apne nahi.

Khaas kar apni kokh se janam dene wali uss ki apni mom.

Bas uss mein kami yeh thi ke wo mom ke kehne par dikhawe wali jindgi nahi ji pa rha tha.

uss ke liye iss duniya mein koi gareeb ameer nahi tha.

Wo sab ko baraabar manta tha.

agar uss ne apni mom ke anusar jindgi jee hoti to neelu naam ka pyar kabhi uss ki jindgi mein aata hi na.

Neelu aaj uss ki nahi kisi aur ki thi kisi ke bache ki maa thi.

par fir bhi wo uss ke liye apne dil mein bas chukke pyar ko bhool nahi pa raha tha.

Uss ko ek purani film ka gana aksar yaad aa jata jab bhi wo akela ooper apne flat mein raat ko sota.

“jindgi ka safar he yeh kesa safar, koi samjha nahi koi jana nahi.”

Insaan aage badh jata he par uss ke beete din, beete saathi, beete pal hamesha uss ki yaadon mein ek parchai ban uss ke saath chalte he.

Kyu wo yeh sab bhool nahi pata.

Uss ka dil chahta ke wo fir se laut jaaye.

Chahe neelu nahi hogi.

Uss ka yaar prem to uss ke paas hoga.

Uss ki dost uss ki hone wali bhabi jyoti se wo mil paye ga.

Uss se baate kare ga.

Geeta ke saath mil ke wo uss ko chhede gi.

Uss ko jyoti ki maa ke haath ke pakore, makke ki roti aur sarson ka saag yaad aate.

Uss ko mom yaad aati jo uss se sada khaffa rehti.

Uss ko rani yaad aati jo suraj baba suraj baba kar uss ki har chotti se chhotti baat ka khayal rakhti.

Kai baar suraj ko lagta ke wo jarur ek din paagal ho jaye ga.

Radhika jis se wo har baat kar leta tha.

uss ne suraj ko jab ese tadpte dekha to uss ne kaha ke wo har week fir se Chandigarh jana shuru kar de.

Jab dil kare wo ek do din extra ruk jaya kare waha.

Radhika ke kehne par hi suraj ne apni alto fir se Chandigarh rakh di.

Delhi ke liye uss ne ek nai gaadi le li.

Ab wo har week Saturday evening shatabdi se Chandigarh nikal jata aur Monday morning wapas aata.

Iss se uss ke kaam ko koi khaas farak na pada.

Jab kabhi bhi kanta ne kisi function pe jaane ke liye kaha to wo specially aane laga Chandigarh.

Iss se suraj jo thoda upset hota ja rha tha uss se uss ko khud kaafi rahat mehsoos hone lagi.

Udhar kanta bhi fir se khush rehne lagi yeh soch ke chalo uss ka beta ab uss ka kehna maan-ne laga he.

Hina to maa ki iss khushi se khush thi.

par kitty uss ke dil mein abhi bhi ek shanka thi ke iss ke peechhe suraj ki jarur koi mansha he.

Uss ne apni yeh shanka kanta pe zahir bhi ki.

Par iss baar kanta kitty ki baaton mein na aai.

August mein iyer ne hari aur suraj dono ko rachit ki shadi ki dates bata di.

Shadi September ke last week mein thi.

Mrs. iyer ne suraj ko to invite kiya hi.

par kanta ko uss ne alag se call kar invite kiya.

Parul ne suraj ko jab call ki invitation ki to suraj ne kaha ke wo ya papa dono mein se ek aa sakte he.

Parul ne radhika ko bhi invite kiya.

Par radhika suraj ke bina jaane ko ready na thi.

Finally suraj ke kehne pe hari aur kanta dono gaye.

Jo chaar din ke liye wo Chennai gaye.

Unn dino suraj Chandigarh ruka.

Inn hi chaar dino mein wo prem, jyoti, geeta aur neelima ke ilava bhi kuch purane dosto ko mila.

Jab hari aur kanta laut ke aaye to suraj ka dil na kar raha tha wapas delhi jaane ko.

Par kaam ki khatir uss ko jana pada.

Hari aur kanta jab se Chennai se laute the to bahut khush the dono hi.

Kanta ne suraj ko bataya ke kya shaandar shadi thi.

bade bade log aaye.

Par iyer family ne unn ko poori importance di.

Kanta ne hi bataya ke Parul to har pal uss ke saath hi rahi.

Kanta ko parul be-had pasand aai thi.

Hari ne bataya ke sab suraj ko bahut miss kar rahe the.

Parul agar suraj ke na jaane se roothi hui thi to wo uss ke mom-papa se mil ke khush bhi bahut thi.

Mrs. iyer bhi kanta se mil ke bahut khush ho gayi.

Uss ne waha apne sab relatives aur pehchan walo se kanta ko milaya.

Itna hi nahi uss ne khud kanta ko poori tawajo di.

Parul jo ab tak sirf radhika ko hi khul ke yeh keh rahi thi ke wo suraj se pyar karti he.

Ab wo suraj se bhi dheere dheere apne pyar ka ijhaar karne lagi.

Suraj ko sab samaj to aa rha tha par jaan bhooj ke anjan bann ke chup reh raha tha.

 

[StoryPublisher]

Part-22

Par ek din….. wo Saturday ka din tha.

sham ka time tha.

suraj Chandigarh aya hua tha.

Parul ne suraj ko call kar baaton baaton mein uss ko keh hi diya ke wo uss ko bahut pyar karti he.

Apne pyar ka khul ke izhaar karti hui Parul boli: suraj kya aap mujhe apni jindgi ka hissa banaye ge. Kya main iss layak hu ke aap mujhe apne dil aur jindgi dono mein jagah de sako.

Suraj ek pal ke liye khamosh reh gaya.

Parul ke iss achanak swalo kya jawab deta wo?

Parul: aap kuch keh kyu nahi rahe?

Parul ki awaaz kaamp uthi thi ab suraj ki iss khamoshi se.

Suraj: parul tum kya ho mere liye. Tumari jagah kya he meri jindgi mein. yeh main shayad shabdo mein na keh pau.

Parul kuch samjhi aur kuch na samjhi.

Suraj: parul esa koi bhi fesla karne se pehle jaruri he ke tum mere baare mein kuch jaan lo.

Parul: main to bas itna jaanti hu suraj ke main aap se bahut pyar karti hu.

Suraj: par tum ko yeh bhi jaan-na hoga ke tumare iss pyar ke badle mein main tum ko wahi pyar lauta pau ga ya nahi.

Parul: main kuch samjhi nahi suraj aap ke kehne ka matlab kya he?

Suraj: ab main tum ko kese samjhau parul? Bas yu samjah lo ke jis suraj ko tum itna pyar karti ho uss ke baare mein yeh to jaan lo ke wo tumare pyar ke kabil he bhi ya nahi.

Parul: aap saaf saaf kahe suraj aap kehna kya chahte he? Dekhiye mera dil betha ja raha he.

Parul ke dil ki dhadkan suraj ki paheliyo se sach mein badh gayi thi.

Suraj: parul bas yu jaan lo ke yeh suraj jo he na iss ko ek grehan laga he. Tum ne sirf iss suraj ki chamak ko dekha he. Iss ko lage grehan ke baare mein tum kuch nahi jaanti.

Parul heran ci ho boli: grehan? Kaun sa grehan? Kesa grehan?

Parul ka jaha dil dooba ja raha tha.

wahi suraj kuch samajh na pa raha tha ke wo parul se kya kahe kese kahe.

Suraj: main tum ko kuch watsapp karta hu jis se tum sab samajh jao gi.

Parul: please mujhe kahiye na kya baat he.

Parul ab ro di thi.

Suraj ne call kaat di bina kuch kahe.

Suraj ne call end hote hi kuch pal socha.

Parul ne fir call ki to suraj ne bas itna kaha parul main tum ko kuch bhej raha hu tum mujhe kuch time to do.

Keh kar suraj ne call fir kaati.

Uss ne apne cell mein pics check ki.

Neelima ke saath jo uss ki college time ki pics thi wo dhoond raha tha.

Par fir yaad aya ke dono ki wo pics neelima ke kehne pe kab ka delete kar chukka tha.

Uss ke paas agar neelima ki pics thi to wo sab godd bharai ki rasam ki ya fir sunil ke naam karan ke time ki thi.

Suraj ne parul ko kuch pics send ki jo jyoti aur prem ne kheenchi thi jab wo neelima ko sahara de car mein bitha raha tha ya utar raha tha.

Kuch aur pics uss ne wo send ki jis mein sunil ko goddi mein liye wo neelima aur radhika ke saath tha.

ya fir neelima ki goddi mein sunil tha saath mein updesh aur radhika the.

Uss ne wo pics bhi send ki jis mein wo sunil ke galle mein chaini daal raha tha jab sunil neelima ki goddi mein tha.

Ek pic aur send ki jis mein suraj neelima ko chain pehna raha tha.

Parul yeh sab pics dekh kuch na samajh pai thi.

uss ne watsapp kiya.

Parul: yeh sab kya suraj. Aap ke saath yeh kaun he?

Suraj ne reply kiya: meri neelu.

Parul: neelu kaun neelu?

Suraj: meri jaan, mera pehla pyar, meri jindgi, mere jeene ki tammana.

Yeh padhte hi parul kaamp uthi.

Fir kaampte haath se uss ne ek aur message kiya: aur yeh bacha?

Suraj: yeh hamara sunil.

Parul ke ooper jese hazaaro bijliya giri.

Uss ko laga ke uss ko kisi ne bahut uchai se neeche dhakel diya ho.

Pathar ci bani wo bed pe beth gayi.

Apne room mein bilkul akeli thi wo.

Yeh sab kya ho raha he uss ke saath.

Wo ek shadi shuda aadmi, ek bache ke baap ke saath pyar kar bethi.

Agar suraj married he to uss ne apni patni ka kabhi jikar kyu nahi kiya?

Apne bache ke janam ke baare mein kuch bataya ku nahi.

Suraj ne sab chhupaya kyu?

Itna bada dhokha??

Fir uss ko radhika ka khayal aaye.

Radhika ne bhi to kabhi suraj ki shadi ka jikar na kiya?

Radhika ko sab pata tha to uss ne parul ko roka kyu nahi. jab parul ne radhika ko bataya tha ke wo uss ko pyar karne lagi he.

Parul ke dil mein achanak suraj aur radhika ke liye nafrat peda ho gayi.

Uss ko iss ka jawaab chahiye tha radhika se.

Parul ne ussi pal radhika ko sari pics send ki.

Pics send karne ke baad parul ne kuch messages bheje.

Radhika didi yeh sab kya he?

Suraj shadi shuda he.

Unn ka ek bacha he.

Yeh sab kyu nahi bataya mujhe?

Aap ne esa kyu kiya mere saath?

Kis baat ka badla liya mujh se?

Main agar aap ki sagi behan hoti tab bhi kya esa hi karti mere saath?

Mere dil ke saath itna bada khilwad………. Kyu kyu kyu?

I hate u didi?

Aap didi kehlane ke layak hi nahi ho.

Behan ke naam pe ek gaali ho.

Jitni nafrat dikha sakti thi parul uss ne apne har message mein dikhai.

Jis time parul yeh message kar rahi thi.

uss time pe radhika office se aa ke chai pi rahi thi.

uss ka cell ooper uss ke room mein charging pe tha.

Chai peeene ke thodi der baad jab wo ooper aai to cell ki bell suni.

Uss ne cell uthaya.

Dekha suraj ki call thi.

Radhika ne cell on kar hello kaha.

Suraj ne radhika ko parul ke saath hui call pe baat aur wats app pe hui sari baat bata di.

Radhika to gusse se chilla padi: suraj tum pagal ho kya? Parul ko kuch kehne se pehle mujh se to poochh lete. Pata nahi wo kya soch rahi hogi. Kya beet rahi hogi uss pe. main baad mein baat karti hu pehle parul se baat kar lu.

Radhika ne ussi pal call band ki.

Cell pe watsapp ke itne saare msg dekhe to msg check kiye.

Sab parul ke hi the.

Pics dekh aur messages pad radhika tadap uthi.

Suraj ko gaali di: saala kutta behan chod kuch na sochta he na samjhta he.

Radhika ne jhat se parul ko call lagai.

Parul ne call on karte hi sari nafrat udhel di radhika pe.

Radhika: parul meri baat to sun. mujhe kuch kehne to de.

Par parul thi ke chup hi na ho rahi thi.

Tab radhika gusse se: parul na to suraj ki shadi hui he aur na hi yeh bacha uss ka he.

Yeh sun parul khamosh reh gai ek pal.

Fir boli: didi par yeh pics aur suraj ne jo kaha wo sab.

Radhika: main batati hu tum ko sab. Par tu dheeraj rakh. Aaj main tum ko sab clear kar ke rahu gi. Main tum ko kuch pics send karti hu pehle wo dekh. Fir baad mein tum ko call karti hu.

Radhika ne call end kar parul ko joginder nagar mein jo updesh aur neelima ki sunil ke saath pics thi ghar ya temple mein li hui wo send ki.

Fir radhika ne jyoti ko call kar neelima aur updesh ki shadi ki pics send karne ko kaha.

Jyoti ne poochha ke iss time yeh pics ki kya jaroorat pad gayi to radhika ne kaha ke wo baad mein bataye gi pehle pics send kare.

Jyoti ne jo pics uss ke paas thi wo send kar di.

Radhika ne wo sari pics parul ko bhej di.

Itne mein jyoti ka phone aa gaya radhika ko.

Jyoti: didi iss time yeh pics. Koi problem?

Radhika: haan jyoti bahut bada panga ho gaya. Tujhe parul ka pata he?

Jyoti: haan didi wo Chennai wali.

Radhika: haan wahi. Suraj ne uss ke mind mein ek confusion create kar diya.

Yeh keh radhika ne brief mein suraj ka kiya sab bta diya.

Jyoti: oh no. suraj ne pagalpan.

Radhika: jyoti main tere se baad mein baat karti hu. Pehle parul se baat karu. Uss ke dil ke bharam dur karne he. Nahi to wo pagli.

Jyoti: ya didi very right.

Phone band hote hi radhika ne parul ko call ki.

Fir wo uss ko suraj aur neelima ke bachpan ke pyar ke baare mein batati chali gayi.

Shuru se end tak sab batane lagi.

Yeh bhi bata diya ke wo Chennai kyu aur kese pahucha.

Aur yeh bhi bata diya ke suraj pehli baar uss ko train mein hi mila tha.

Sab baat clear kar radhika boli.

Radhika: tu khud soch parul agar suraj shadi shuda hota to kya office ki opening mein uss ki patni aur bacha na aate. Tere mummy papa to aaye the waha. Waha kya unn dono mein se kisi ne dekha unn ko. Ya fir kisi ne kabhi iss baat ka jikar kiya ke suraj ki patni he bacha he. Tu khud bhi mili he suraj ke mom papa se kya unn ke mukh se suna ke unn ki bahu ya pota he.Parul neelu se main maanti hu suraj bahut se bhi badh ke pyar karta he. Par jitna yeh pyar sach he. Utna hi yeh bhi sach he aaj tak suraj ne neelima ko chhooa tak nahi. Neelu suraj ka ateet he parul. Par uss ki pari uss ka vartman uss ka aaj he.

Parul heran ci ho: pari?

Radhika: haan parul wo tum ko yaad kar tumhe pari ke naam se pukarta he.

Parul heran ci hoti hui: sach didi.

Radhika: haan meri jaan. Suraj ne mujhe khud kaha tha ke agar bhagwan ne ek haath se uss ki neelu ko chheen liya he to lagta he doosre haath se uss ne pari ko bhej diya mere liye. Neelu ki jagah agar suraj kisi ko de sakta he to wo he uss ki pari. Pari yani tum.

Parul ro di yeh sunte hi: mujhe maaf kar do didi. Maine aap ko pata nahi kya kya keh diya gusse mein?

Radhika: arey pagli tujhe behan kaha hi nahi maana he dil se. tera bura sochne se pehle main marr na jau.

Parul: na didi esa mat bolo.

Radhika aankhein saaf karti halke muskra di: nahi marti re pagli. Mujh abhi tum dono ko ek karna he. Suraj ko uss ki pari se milana he. Parul ko uss ka suraj dilana he.

Parul: didi parul ko uss ka surya.

Radhika : surya?

Parul: haan didi main akele mein unn ko surya keh kar ke bulati hu. Jab main tanhai mein unn se baat karti hu.

Fir ek pal ruk ke: didi main neelu to nahi ban sakti par mera vada he aap se. apne surya ko itna pyar de gi yeh pari. Jitna kabhi kisi ne kisi ko na diya hoga.

Jis time pe radhika parul se baat kar rahi thi ussi time pe jyoti ne suraj ko call kar uss ki khabar li.

Jyoti bahut gusse mein thi.

uss ne kaha ke suna tha ke premi pagal hote he par bewakoof hote he yeh uss ko aaj pata chalaa.

Jyoti ne yeh bhi kaha ke mana ek baar takdeer ne uss ko thukraya he.

Par ab wo to takdeer ko na thukraye.

Jyoti ne kaha ke jo uss ne parul se kaha meri neelu hamara sunil iss ka meaning thoda gehrai se soche to uss ko khud pata chal jaye ga ke uss ne kitna galat bol diya.

Iss ka matlab kya niklta he.

Suraj ne kaha ke wo abhi parul ko call kar sab clear ka dega.

Tab jyoti ne kaha ke wo fikar na kare.

Radhika sab kuch clear kar degi.

Jyoti ne bata diya ke uss ko yeh sab radhika se hi to pata chala he jo uss ne parul ke saath kiya he.

Suraj ne jyoti se kaha wo yeh baat kisi aur se na kare.

Neelima se bhi nahi.

Suraj yeh maan gaya ke uss se ek bahut badi bhool ho gayi.

Wo to bas neelu ki jagah apni jindgi mein batana chahta tha.

par yaha to uss ne kuch aur hi kar dala.

Suraj ne ek do baar call lagai parul ko uss ka cell busy tha.

fir radhika ko try kiya wo bhi busy thi.

Suraj ne dekha ke hari bar room mein aa betha he.

Wo bhi uth ke paas ja betha.

Dono drinks karne lage.

Suraj ko kahi khoya dekh hari ne poochha ke kaya baat he to suraj kuch nahi keh ke taal gaya.

Wo do peg le chukka tha.

teesra abhi abhi banaya hi tha.

Uss ka cell baja.

Parul ki call thi wo bhi video.

Suraj hari ko dekh: papa parul calling from Chennai.

Yeh sun hari ne ek gehri smile di.

Suraj cell le apne room mein aa gaya.

Suraj ne room mein aa peg bed ke paas rakhe table pe rakha aur call on kar li.

Suraj: hello parul. Please wait a mint main headphone laga lu.

Yeh bol uss ne rack pe rakhe headphone attach kar liye

Suraj cell ki screen ki aur dekh smile de bola: sorry parul I cudn’t communicate wisely with u. main kehna kuch aur chahta tha. keh kuch aur diya.

Parul roni si surat bana: aur maine sara gussa radhika didi pe nikal diya.

Suraj: tumari khoobsoorat aankhon mein aansoo dene ka doshi hu main parul.

Parul smile de ke: acha he issi bahane meri aankhon ki sari gandgi nikal gayi.

Yeh sun suraj ne bhi ek smile di.

Parul: raju ki neelu bahut hi sweet he. Aur raju-neelu ka sunil bhi cute baby.

Suraj: thank u parul.

Parul: par surya ki pari itni sunder nahi. He na?

Yeh har ladki ya aurat ki habit hoti he ke wo apni khoobsoorti ki praise kare na kare.

Par wo hamesha chahti he ke doosra jarur uss ki praise kare.

Khaas kar wo jis ko wo pyar karti he.

Issi liye parul ne apni tulna neelima se kar di.

Suraj thoda heran ho: surya ki pari? Kaun surya, kaun pari?

Parul thodi si narajgi dikha: lo ji ab aap apni pari ko bhool bhi gaye abhi se.

Suraj smile de: to radhika ne tum ko yeh bata diya ke main tum ko pari ke naam se yaad karta hu.

Parul bhi smile de: yup, aur main aap ko surya keh ke aap se akele mein baat karti hu.

Suraj: oh really parul. Tum akele mein mere se baat karti ho? kab?

Parul: jab main akeli hoti hu. Jab main aap ke sapno mein kho jaati hu. Jab main aap ke khyalon mein kho jaati hu.

Suraj uss ke chehre ko dekh hass diya jese wo aankhein band kar bol rahi thi.

jese ab bhi kisi sapne mein ho.

Suraj: O madam ab to aankhein khol do. Yeh sapna nahi yaar. We are talking in real.

Issi beech rani dinner ka poochhne aai ke kab karna he.

Suraj ne uss ko kaha abhi aa raha hu.

Suraj : parul tum ne dinner kar liya.

Parul: abhi thoda ruk ke karu gi.

Suraj: agar ijaajat ho to main kar lu. Papa waiting for me.

Parul: ya my surya u r allowed.

Bol ke parul hass di.

Suraj: bye take care. Have a nice dinner.

Parul: u too sweet heart. Love u my surya.

Iss se pehle ke parul kuch aur kehti ya karti phone pe.

suraj ne call kaat di.

Uss ne peg uthaya ek hi saans mein khatam kiya aur bahar aa ke ek aur peg bana dinning table pe aa betha.

Hari dinner kar rahe the.

Suraj ko bethta dekh bole.

Hari: kafi lambi baat chali parul se.

Suraj: yeah papa.

Hari: suraj parul kesi lagti he tum ko.

Suraj: achi lagti he papa.

Hari: sirf achi ya uss se aage?

Suraj samajh to gaya ke papa ka kehne ka matlab kya he par fir bhi anjan ban bola.

Suraj: papa uss se aage ka meaning kya?

Hari uss ke sar pe haath fer: ullu I mean do u feel love for her.

Suraj ne smile de najre jhuka li: don’t know papa.

Hari: tu kahe to main iyer se karu baat.

Suraj: nahi papa pehle aap mom se baat kar lo.

Hari: fir ban chukki baat. Yaar ek mujhe teri maa ki samajh nahi aati. Jab hum Chennai se aaye the to teri maa parul parul karti thakti nahi thi. par kuch din baad hi poori tarah se badal gayi. Ab parul ke jikar tak se chidhne lagi he.

Suraj: papa I know y this happened.

Hari thoda chonk ke: y?

Suraj: yeh sab kitty di ke karan hua.

Hari: kitty ke karan wo kese?

Suraj: kitty di mera rishta apne in laws mein kisi ke saath karna chahti he. Teen chaar ladkiya he unn ke mind mein. Kitty di ne mom ko bhadka diya he parul ke against.

Yeh sach bhi tha.

kitty ne hi kanta ko dhamki di thi ke agar suraj ka rishta uss ke in laws mein se jo ladkiya uss ne batai he unn ke siva kisi aur se kiya to wo apni aur mayke ke saath har rishta todh legi.

Kanta ke liye bęte ki khushi ya uss ki jindgi se kahi badh ke apni beti kitty ki khushi aur zid pyari thi.

Hari kuch pal sochne ke baad bole: yeh kitty ki nature poori tarah apne mammon pe gayi. Totally greedy he wo.

Maamma ka jikar aate hi suraj ko kuch yaad aa gaya wo bola: sach papa chhote mamma ji ke bęte ki abhi nayi nayi shadi hui he na. wo suna he apni bahu ko bahut tang kar rahe he.

Hari: haan yaar pata mujhe bhi chala he. Wo shayad ek do baar maar peet ki baat bhi suni he mene.

Suraj: papa mera ek dost jo unn ke area mein hi rehta he. Uss ne kaha tha ke agar yahi haal raha to wo sab ek din ander jaaye ge. Ladki wale kafi strong party he.

Hari: yaar sab kameene he. Maine to teri maa ko saaf keh diya he ke main iss baar uss ke bhaiyo ki koi help nahi karu ga.

Fir hari hass ke: ab to mere paas he bhi kuch nahi help karne ko. Maine sab tere haath mein de diya he. And I know u ll do nothing for them.

Suraj bhi hass diya: never papa.

Fir hari ne suraj se kaha ke wo do din yaha rukke. Monday nd Tuesday ko.

Kyu uss ne ek plot dekha he mohali mein 500 yards ka nayi colony ban rahi he. Uss ka final karna he.

Suraj yeh sun: papa aap le lijiye. Maine kab roka he aap ko.

Hari: yeh plot tere naam se lena he and I don’t wanna to disclose this to your mom. Uss ko pata chala to wo kitty ko bataye gi. Aur kitty ka tere ko pata hi he.

Suraj ne kaha thik he papa.

Main subah radhika ko keh duga ke main Tuesday ko ya Wednesday ko aau ga.

Suraj to raat ko so gaya.

Uss ne sone se pehle cell check na kiya.

Watsapp pe parul ne ek msg kiya tha: kya surya ki pari raju ki neelu se baat kar sakti he?

Agli subah uth ke suraj ne yeh msg dekha jis ka reply uss ne filhal pending kar diya.

Bas parul ko good morning ka msg kiya.

Fir uss ne radhika ko call kar bata diya ke uss ko thoda kaam he so do din late aaye ga.

Radhika ne kaha no problem.

Agle din suraj ne hari ke saath ja ke plot dekha.

Yeh plot mohali kharar road pe tha.

Hari ne ussi time biana de deal final ki.

Jis colonizer se plot liya uss ne kaha ke Wednesday ko agar full payment ho jaaye to wo registery same day karva dega.

Iss ke saath hi uss ne kaha ke mohali phase vii mein wo flats bhi bana raha he.

suraj aur hari ne waha ja ke flats bhi dekhe.

Location achi thi.

hari ne do flats ground floor pe hi final kar liye.

Ek suraj ke naam aur ek kanta ke naam.

Kanta ke naam jaan bhooj ke hari ne ek flat liya ta ke bahane se wo uss ki kuch fds cash karva sake.

Wednesday day ko plot ki registery suraj ke name se ho gayi.

Hari ne mohali ke ek bank mein ek naya account khulvaya dono baap beto ke naam wahi ek locker le plot ke papers wahi rakh diye aur keys suraj ko de di.

Jo do flats liye the unn ka possession next month milna tha tabhi sari payment karni thi.

Colonizer ne hari ko ek sujhav diya ke wo plot ki chaar divari karva ke uss mein chotte chotte kuch rooms banva ke unn ko up, bihar se aane wali labour ko rent pe de.

Iss se uss ka plot safe bhi rahe ga aur income se rooms banvane ka kharcha bhi nikal aaye ga.

Hari ko yeh sujhav bada achha laga.

Uss ne apne ek contractor friend ko bol rooms ki construction shuru karva di.

Dus din ke ander hi rooms ban gaye.

Chhe rooms banva sab ko rent pe de diya.

Suraj jab bhi aata Chandigarh to prem, jyoti aur geeta se jarur milta.

Geeta ki b.ed. to complete ho chukki thi par uss ko abhi tak koi achhi job nahi mili thi.

Geeta ne ghar mein kuch bacho ko tution deni shuru kar di.

Jis se uss ko thodi income to hone lagi par ghar mein jagah kam hone ke kaaran wo apna kaam itna bada na pa rahi thi.

Jab suraj ko iss ka pata chala to suraj ne apna naya flat jyoti ko de diya institute kholne ko.

Geeta ka kaam achha chal nikla.

Suraj ne flat ka rent lene se inkar kar diya.

Par jyoti ne jabran uss ko rent dena shuru kar diya.

Idhar ghar mein ab suraj ki shadi ki baat jor pakdne lagi.

Hari ne jab kanta se parul ke baare mein baat ki to kanta ne saaf inkar kar diya.

Par hari ne saaf saaf keh diya ke suraj ki shadi hogi to suraj ki marji se.

jaha wo kahe ga.

Ek baar uss ne suraj ki na maan galti kar di. Par ab wo esa nahi kare ga.

Iss karan kanta aur hari mein jhagda din ba-din badne laga.

Ek Sunday ko jab suraj ghar mein tha to kanta ne suraj ki shadi ko le ke fir jhagda shuru kar diya.

Uss time kitty aur hina bhi aayi hui thi.

Kanta ne kaha ke wo dekhti he suraj ki shadi parul se kese hoti he.

Abhi uss ke bhai jinda he.

Kanta ne jese hi yeh kaha to suraj bhadak gaya.

Suraj: mom har baar tum apne bhaiyo ki dhamki deti rehti ho. Kaun ci badi topp he wo. Yeh bhaiyon ki dhamki kisi aur ko dena. Ek ek ko janta hu main kitne pani mein he wo.

Kitty suraj ko ese dekh bhadak gayi: suraj mom se kese baat kar raha he tu.

Suraj: di please iss mein aap na hi pade to achha hoga. This is question of my life.

Wo fir se kanta ko dekh bola: mom aap jin bhaiyon ke dum pe uchhlti he sada. Wo kitne bade surme he sab jaanta hu main. Aap bhool gayi wo din jis din hum sab wahi the unn ke ghar. Gaon vale maarne aaye the maama ko. Haath mein relover le ke bhi kaamp raha tha maama. Goliya tak nahi bhar pa raha tha. wo to main waha tha. unn gaon walo mein se mere kuch dosto ne mujhe pehchaan liya to sab ko rok diya. Nahi to maame ka fesla ussi din ho jata.

Yeh sunte hi kanta hi kya kitty ki bhi sitti pitti gum ho gayi thi.

Hari jo paas betha sab tamasha dekh raha tha.

Wo bola: kanti tujhe ab samjhna ho ga beta ab jawan ho gaya he. Uss pe apni mann manni karni chhodni hogi.

Kanta jo sab sun rahi thi ek dum fir se foot padi: aaj tak iss ne apni har mann maani ki he. Main aankh band kar chup nahi rahu gi. Iss ki shadi wahi hogi jaha main kahu gi.

Suraj: sorry mom this is my life. Ek baar aap ki zid ke kaaran mujh se meri neelu chhin chukki he. Par ab nahi.

Hari: I am with u my son.

Kitty: papa aap yeh keh rahe he?

Hari: haan kitty and this is final.

Kitty: to fir thik he papa agar esa hua to main apne saare naate iss ghar se todh lu gi.

Hina jo ab tak chup thi boli: di yeh aap kyu keh rahi ho. Aakhir hamare papa he yeh.

Kanta gusse se: agar meri beti ka iss ghar se rishta toota to main bhi yeh ghar chhod dugi.

Suraj hass ke: mom aap ek baat batao?

Kanta uss ki aur dekhne lagi sawaliya najro se.

Suraj: mom kya main aap hi ka beta hu. Ya fir kahi aap mujhe utha ke to nahi lai kahi se.

Kanta aur hari dono cheekhe: suraj.

Suraj papa ke paas aa ghutno ke bal beth bola: papa aap hi batao fir mom mere saath esa kyu karti he. Kyu meri har khushi inn ko zehar lagti he. Kya maa esi hoti he. Inn ho ne kitty di aur hina di ki har khushi poori ki. Jab pyar kiya unn dono ko kiya. Kya koi pal esa bata sakte he jab unn ho ne mujhe pyar se baat ki ho. Kabhi mere saath laad kiya ho. Kabhi mujhe apne seene se lagaya ho. Kyu papa kyu? Mere saath yeh sotela behave kyu.

Kehte kehte suraj baap ki goddi mein sar rakh ro diya.

Hari bhi apne aansoo na rok saka.

Kanta ko dekh bola: kanti kya he tere paas iss baat ka jawab koi?

Kanta waha se uthi aur apne room mein ghuss gayi.

Kitty aur hina bhi uss ke peechhe chali gayi.

Suraj ki baaton ka kanta pe to koi asar na hua par hari ne jarur apne dil se laga liya uss ke har ek shabad ko.

Ussi raat uss ko heart attack aa gaya.

Kanta ne apne pati ki iss halat ke liye seedha seedha suraj ko dosh de diya.

Suraj hari ke theek hone tak Chandigarh hi raha.

Beech mein ek do baar wo delhi chakkar laga aya.

Delhi mein sab radhika sambhal rahi thi.

so uss ko jayada problem na hui.

Parul ko jab pata chala hari ka to uss ne ussi time phone kar suraj se baat ki.

Radhika bhi beech mein ek Sunday chakkar laga gayi.

Radhika se kanta bahut buri tarah pesh aai.

Kanta ne esa kyu kiya. Yeh koi na samajh na paya.

Neelima aur updesh bhi aaye hari ko hospital mein hi milne.

Uss time kanta waha nahi thi.

Kanta ke bhai aaye par sirf mehmano ki tarah aaye aur poochh ke laut gaye.

Haan prem, jyoti aur geeta mein se ek har dum suraj ke saath raha jab tak hari hospital the.

Prem to har raat suraj ke paas hospital hi ruka tha.

Mrs. and mr. Iyer bhi almost daily call karte rahe suraj ko.

Iyer ne har baar suraj ko yeh kaha ke agar kisi cheej ki jarurat he to wo bataye.

Mrs. iyer ne do teen baar kanta ko call ki.

Kanta ne uss se bade ajeeb tareeke se baat ki.

Ek baar jab mrs. iyer ne ye poochha ke aakhir hari ko attack aya ku to kanta ne apne lehje mein yeh keh diya ke jis ka beta suraj jesa nalayak ho uss ko ek na ek din to attack aaye ga hi.

yeh sun mrs. iyer ke dil ko gehra dhakka laga.

Uss ke baad fir uss ne kanta se koi baat na ki.

Wo fir baat karti to sirf suraj se

Hari thik hua to suraj fir se delhi aa gaya.

Parul ko uss ne saaf keh diya ke wo uss ke sapne dekhne chhod de.

Uss ne yeh bhi kaha ke mom uss ke saath rishte ke liye raji nahi.

Jab tak wo nahi maane gi wo shadi nahi kar sakta uss ke saath.

Parul ne ab iss ke liye apne ghar walo ka saath lene ka fesla kar liya.

Uss ne bhai rachit aur bhabi shivani se baat apen mamma papa tak pahucha di.

Mrs. iyer ko to suraj shuru se pasand tha.

Iyer ne bhi koi aitraaj na kiya.

Par haan mrs. Iyer kanta ki nature se thodi worried thi.

Yeh baat uss ne pati se bhi ki.

Par iyer ne iss baat ko lightly liya.

Ek din uss ne hari ko call kar baaton baaton mein ishara de diya.

Iyer ne kaha ke wo chahta ke business ke bahane wo dono dost to pehle hi ban chukke he.

Kyu na iss dosti ko rishtedari mein badal diya jaaye.

Hari sab samajh gaya.

Bade hi pyar se bola ke iyer sahib parul jesi bachi jis ghar mein bhi jaaye gi waha khushiya hi khushiya bhar de gi.

Par yeh khushiya shayad uss ke naseeb mein nahi he.

Hari ne kaha ke wo to khud yahi chahta he.

Par uss wife aur betiya shayad iss rishte se khush na ho.

Reason sirf itna he ke wo tamil he.

Iss pe iyer ne kaha ke uss ko herani hui ke aaj ke zamaane mein bhi hari ka parivar esi soch rakhta he.

Iyer ne yeh bhi kaha ke jaha tak wo janta he shayad suraj bhi iss rishte se khush he.

Hari ne kaha ke yeh baat uss ko pata he.

Par parul uss ko apni kisi beti se kam pyari nahi.

Parul ko shadi ke baad koi takleef ho yeh wo shayad sehan nahi kar paye ga.

Iyer ne hari ki bhavanao ki kadar ki aur saath hi kaha ke thik he wo 4-6 months le le agar wo apni wife aur betiyo ko manna paya to.

Nahi to ek baras ke ander ander uss ka irada beti ke haath peele karne ka he.

Iyer ne yeh bhi kaha ke rishta ho na ho par dono ki dosti aur business wese hi chalta rahe ga.

Jab iyer ne apni wife ko sab bataya to wo apne aansoo rok na payi.

Uss ke dil mein ek darr tha jo kanta ko le ke wo sach nikla.

Aur parul uss ne to ro ro bura haal kar diya.

Rachit apni behan ka yeh haal dekh khud ko rok na paya.

Uss ne suraj ko phone laga diya.

Suraj ne bas itna hi kaha ke agar rachit ke saamne yeh sawaal aa jata ke ya pyar aur ya fir parivar to wo kis ko chunta.

Rachit ke paas iss baat ka koi jawab nahi tha.

Suraj ne rachit se kaha ke wo parul se meri aur se maafi maange.

Wo jo sazaa kahe gi wo bhugtne ko tayar he.

Jis din iyer se baat hui hari ki uss ne fir se kanta se baat ki.

Par kanta to tas se mass na hui.

Coming Saturday ko jab suraj ghar aya to fir se parul ki baat chali to kanta bhadak gayi fir se.

Kanta: uss manhoos ko main apni bahu kabhi savikar na karu gi. Jis ka naam lene bhar se hi mere pati ko attack aa gaya. Wo kameeni madrasan.

Suraj cheekh ke: mom bas. Aap ko agar parul nahi manjoor to main kabhi shadi hi nahi karu ga. Aap ko problem meri shadi ko le ke he na. to aaj se yeh chapter close.

Yeh kehte hi suraj ne car ki keys uthai aur bahar nikal gaya.

Hari dukhi sawar mein: kanti tu pata nahi ku apne hi bęte ki khushiyo ki dushman ban bethi he. Tu dekh lena kabhi khush nahi reh paaye gi.

Kanta: huh

Wo apne room mein ja bethi.

 

[StoryPublisher]

Part-23

Suraj ghar se nikla aur seedha jyoti ke ghar chala aaya.

Abhi jyoti ke papa aur bhai na aaye the.

Suraj ko dekh jyoti pehle chehki par fir uss ka utra chehra dekh wo darr gayi.

Jyoti: suraj kya hua.

Suraj bina kuch bole halke kadam uthata drawing room mein aa gaya.

Jyoti ki maa saamne sofe pe bethi tv dekh rahi thi.

Wo chalke uss ke paas aya.

Ghutno ke bal beth auntie ki goddi mein sar rakh wo siskne laga.

Dono maa beti heran aur preshan.

Jyoti ki maa suraj ke sar pe haath ferne lagi: suraj beta kya hua?

Jyoti bhi suraj ke paas neeche bethi uss ki peeth sehlane lagi: suraj kuch to bol.

Suraj to bas hichkiya le le ke rota hi ja raha tha jyoti ki maa ki goddi mein chehra chhupaye.

Kafi der baad jab uss ki siskiya thodi kam hui to jyoti ki maa ki goddi mein chehra chhupaye hi wo bola: auntie mujhe maut kyu nahi aati. Esi jindgi se to maut bhalli.

Yeh sunte hi dono maa beti tadap uthi.

Jyoti ki maa ne uss ko kheech ke seene se laga liya: na mere bache esa nahi kehte. Tujh jese bęte ko to meri bhi umar lag jaaye.

Yeh bol uss ne suraj ka maatha choom liya.

Dono maa beti ko parul ke karan ghar mein peda hui problem ka pata tha.

Jyoti ki maa: mujhe to kanta ki samajh nahi aati. Wo teri dushman kyu ban gayi he. Main poochhti hu uss se.

Yeh keh uss ne jyoti se cell manga to suraj ne uss ko rok diya: Nahi auntie please aap esa na kare mere karan aap buri bane yeh main kabhi na chahu ga. Auntie aap ko aap ke iss bęte ki kasam he please aap mom se kuch nahi kehna. Na ab aur na hi baad mein kabhi.

Yeh kehte suraj ne apne chehre se aansoo saaf kiye.

Jyoti ki maa: to fir tu bhi sunn. tu bhi ab roye ga nahi aur na hi kabhi marne ka soche ga.

Suraj ek udasi bhari smile de ke: dil bhara hua tha. maa ki goddi mein aa ke ro ke dil halka ho gaya. Aap bhi to meri maa jesi he. Kahiye he na.

Jyoti ki maa uss ko fir se seene se chipka: haan haan beta. Jesi jyoti wesa tu. Chal ja ke muh dho main chai banati hu tere liye.

Suraj: thik he auntie.

Bol ke suraj utha.

Washroom mein muh dho ke chehra saaf kar ke kitchen mein hi aa gaya.

Jyoti bhi wahi aa gayi. Teeno baatein karne lage.

Chai peene tak suraj kafi normal ho chukka tha.

kuch hi der mein jyoti ke papa aur bhai aa gaye.

Dono ke saath beth suraj kuch der baatein karta raha.

Apne business ke baare mein batata raha.

Fir uth ke chalne laga to jyoti ki maa aur jyoti ne dinner ka jor diya to suraj ne kaha ke aaj nahi fir kabhi.

Jyoti uss ko gate tak chhodne aai.

Aur seedha ghar jaane ko kaha.

Suraj ne ghar aate jyoti ko call kar bata diya ke wo ghar aa gaya he.

Uss time raat ke saadhe nau bajne ko the.

Hari bar room mein betha drink kar raha tha.

Suraj uss ko drink karte dekh bola: papa aap ko doctor ne roka tha drinks nahi leni.

Hari: yaar doctor se baat ho gayi he meri. Non-veg totally band he. Drinks main weekend pe hi leta hu bas pehle ki tarah.

Suraj: fir thik he papa. But u need to be careful.

Hari: don’t worry beta.

Suraj ne apne liye ek peg banaya aur peeta hua room mein ghuss gaya.

Kapde nikal change karne laga.

Change kar wo bahar aa gaya fir aur hari se business ki baat le ke beth gaya.

Udhar parul jo thoda sambhli thi uss ne radhika ko call ki.

Radhika parul ki call dekh ooper apne room mein aa gayi.

Parul ne pichhle kuch dino mein jo kuch hua bata diya.

Radhika: parul tu iss tarah toote gi to suraj ka kya hoga.

Parul aankhein bhar: main khud ko kese sambhalu didi.

Radhika: kuch bhi kar parul par khud ko sambhaal. Suraj ke liye. Wo ek baar pehle bhi toot chukka he. Ab yeh second time bhi esa hota he to pata nahi kese handle kare ga wo.

Parul aankhein saaf kar: aap batao didi main fir kya karu.

Radhika: bhagwan pe bharosa. Wo itna to nirdai nahi ho sakta ke har baar suraj ke saath hi bura kare.

Parul: main koshish karu gi didi.

Radhika: be a strong girl parul. Suraj se ek dost ki tarah pesh aa. Tu nahi jaanti uss ko ab hum sab ki bahut jarurat he.

Parul: main poori koshish karu gi didi.

Radhika: tu khud ko busy rakha kar. kabhi akeli mat raha kar.

Parul: mera kisi se baat karne ka dil nahi karta didi.

Kehte hue Parul fir se ro di.

Radhika: tu fir se ro di.

Parul: sorry didi.

Itne mein parul ko kisi ki awaaz aai.

Uss ne radhika ko kaha ke uss ki bhabi bula rahi he.

Shayad dinner lag gaya.

Radhika: to ja meri pari dinner kar.

Dono ne bye ki aur take care bol call band kar di.

Radhika preshan thi ke wo kya kare.

Kese inn dono ke liye kuch kare.

Par uss ko koi raasta na soojh raha tha.

Idhar hari apne do pegs le ke dinner kar ke room mein sone chala gaya.

Suraj ne jab drinks mein apna last peg banaya to rani ko khana lagane ko kaha.

Dinner kar ke wo bhi so gya jaldi hi.

Next day Sunday ko suraj jayada der ghar raha hi na.

subah hi uss ne hari se keh diya ke wo ab parul ke baare mein mom se koi baat kare hi na.

Wo pehle kuch der apne purane dosto ke saath ghooma.

Unn ke saath bahar hi lunch kiya.

Fir afternoon mein wo geeta ko milne chala gaya.

Raat ko wo jab ghar aya to nau baj chukke the.

Thodi der tv dekha.

Fir dinner kar so gaya jaldi.

Ku ke subah uss ko delhi jana tha wapas.

November end ho chukka tha.

sardi ka mosam fir se shuru ho gya tha.

suraj ne radhika ko kaha ke sardi ke karan wo papa pe jayada kaam ka bojh nahi daalna chahta so delhi ka office wo dekhe akeli.

Wo Chandigarh rahe ga ab jayada.

Radhika ne kaha thik he.

Suraj Chandigarh week mein chaar ya paanch din rehta.

Beech mein ek do din ke liye wo delhi ja aata.

Hari ab subah barah baje ke kareeb hi office jata.

Paanch baje tak suraj uss ko ghar bhej deta.

Udhar updesh ka kaam kaafi badh chukka tha.

radhika aur suraj ne jese uss ko bataya tha wo ussi tarah se kaam karne laga.

Suraj aur prem ki suggestion maan ke uss ne bank loan le ek flat khareed liya.

Jitna wo rent deta tha.

uss se thoda jayada ki uss ne instalment karva li.

Suraj ne to yeh bhi badi koshish ki ke updesh bank se loan na le uss se pese le le.

Par updesh nahi maana.

Prem ne bhi suraj ko samjhaya ke esa karne se updesh ke mann mein koi shanka na utpan ho jaaye to sab samajh ke suraj fir chup kar gaya.

Suraj aur prem ke kaaran updesh ko loan asaani se mil gaya.

Updesh ne flat panchkula mein hi liya.

Idhar geeta ka institute achha chal nikla tha.

geeta ne kai baar koshish ki ke wo suraj ka wo pesa lauta de jo uss ne uss ki study aur maa ke ilaaj pe kharch kiye the.

Par suraj ne lene se inkar kar diya.

Suraj ne kaha ke uss ko pesa lautane se achha he wo kisi gareeb ladki ki help kar de ya kisi widhwa gareeb ke bache ko free mein pada de.

Yeh sun geeta ke dil mein suraj ke liye izzat aur badh gayi.

Suraj ke Chandigarh rehne ke kaaran hari pe kaam ka burden almost nil ho chukka tha.

Wo jab ghar aata jaldi to kai baar kanta na hoti to time paas karne ke liye apne purane dosto ke saath sham ko walk pe jaane laga.

Kabhi kabhi neelima se phone pe baat bhi karne laga tha.

uss ko neelima se baat kar bada achha feel hota.

Radhika se to aksar baat karta hi rehta tha.

Parul se wo jaan bhooj ke baat na karta.

Wo nahi chahta tha ke uss masoom ka dil dukhe.

Ek din uss ke dimaag mein kuch aya.

Wo walk pe tha.

Park ke ek kone mein beth ke uss ne radhika ko call ki.

Radhika call on karte: hello uncle kese ho aap.

Hari: main thik hu beta. Tum kesi ho?

Radhika: main bhi thik hu uncle.

Hari: tere paas koi he to nahi.

Radhika: no uncle. Kahiye kuch kaam he kya?

Hari: yes beta ek urgent baat karni he.

Radhika: hukam uncle.

Hari radhika ko kuch samjhane lagaa.

Radhika yes uncle thik he uncle jesa aap kahe ge uncle karti rahi.

Last mein aa hari bole: beta main tum pe utna hi trust karta hu jitna suraj pe. issi liye sab responisibilty ab teri he. Kal ko mujhe kuch…………

Radhika ruansi awaaz mein hari ko beech mein toka: nahi uncle esa mat kahiye. Yeh main nahi sunn sakti.

Hari hass ke: beta yeh ek esi sachai he jis ko koi jhuthla nahi sakta. Tu meri beti nahi just like mera beta he. So please dil chotta nahi karte beta. Bas maine jo kaha he uss ka khyal rakhna. Meri khushi ke liye. Aur suraj ki jindgi aur bhallai ke liye.

Kuch pal aur baat kar hari ne call end kar di.

Ek din suraj delhi gaya hua tha to hari ne neelima ko phone kar kaha ke ek baar wo uss ko milna chahta he.

Agle din sunil ko maa ke paas chhod neelima hari ko milne office aa gayi.

Hari uss ko mil bahut khush hua.

Uss ke saath hi beth lunch kiya.

Neelima ne inkar kiya jab lunch ko to hari ne kaha ke kya wo ek baar apne papa ke saath beth ke lunch nahi kar sakti.

Yeh sun neelima ke paas inkar ki koi gunjaish hi na thi.

Hari ka yeh pyar pa ke uss ko apne papa ki yaad aa gyi kuch pal ke liye.

Suraj kyu ke ab jayada time Chandigarh hi rehta tha to kanta jab bhi uss ko kahi kisi party mein jaane ko kehti to wo chala jata.

Wo waha dabba ke drink karta.

Jo bhi ladkiya milti unn se flirt karta.

Kissing karna haath ferna yeh uss ke liye ab aam ho gaya tha.

Agar koi uss ko propose karti to wo hass ke unn ko saaf keh deta ke dekho yaar yeh sala love shove, shadi vadi apne liye banne hi nahi.

For a change agar One night ka love karna he to bolo.

Yeh sunte hi sab bhaag jati.

Haan ghoomne firne ke liye koi kehti to unn ko wo ghumata par ussi ki car mein.

Suraj ki yeh bhi koshish rehti ke saali kharcha bhi wahi kare.

Kitty ke inlaws mein jitni bhi thi sab se thoda bahut flirt kar chukka tha ab wo.

December gujra new year aa gaya.

Iss saal 31st night uss ne prem, jyoti aur geeta ke saath celebrate ki.

Naya saal aa gaya.

Lohri aai.

Uss ne lohri updesh ke ghar patange udha ke manai.

Neelima, geeta, prem, jyoti sab the waha.

Din mein patangbaazi aur raat ko dabbaa ke daaru pi aur khoob masti ki.

Neelima ko dukh hua uss ko ese peete dekh.

Par wo sab ke saamne kya kehti.

January end najdeek tha.

ek din wo delhi gya hua tha.

uss ko hari ki call aai.

Suraj: yes papa.

Hari: yaar wahi hua jis ka darr tha.

Suraj: kya hua papa?

Hari: tere chotte maama, maami, uss ki beti, jawai aur bęte sab ko police ne dhar liya he.

Suraj chonka sun ke: kis jurm mein papa.

Hari: unn ho ne bahu ko jalane ki koshish ki. Wo bhagwan ki kirpa se bach gayi he. Wo PGI mein yahi he. Par uss ke parents ne complaint kar inn sab ka name le diya.

Suraj: papa iss baar aap na kisi ki koi help kare ge. Aur na hi kahi jaye ge. Mom, kitty di ya hina di jo chahe kare. But aap nahi.

Hari: hina ka pati to bilkul na kare ga. Uss ko pehle hi wo log pasand nahi.

Suraj: I know papa. He hates them coz of their criminal thinking and corrupt nature. Aur iss baar mom kuch bhi kahe aap ne kahi nahi jana. And I m coming there right now.

Suraj ne ussi pal ek taxi hire ki aur Chandigarh ko chal diya.

Radhika ko sab bata diya.

Suraj ko jesa idea tha kanta pati pe jor de rahi thi ke wo kese bhi kar ke uss ke bhai ki bail ka arrange karvaye.

Hari ka ek hi reply tha ke ab uss ke haath kuch bhi nahi.

Saara kaam sara pesa suraj ke haath he.

Jo karna he ussi ko karna he.

Suraj jab pahucha to kanta ne uss ko kaha.

Par suraj ne saaf inkar kar diya.

Kaha ke jo kare bada maama kare.

Uss ki kaafi pahuch he.

Wo ab na khud kuch kare ga aur na hi papa ko karne dega.

Kanta per patakti kitty ke ghar chali gayi.

Uss ke jaate hi hari suraj se bola ke yaar moka acha he agar iss help ke badle kanta teri parul se shadi ke liye maan jaye to deal buri nahi hogi.

Suraj yeh sunnte hi thoda soch mein padh gaya.

Uss ko ese sochta dekh hari ne poocha: kya sochne laga.

Suraj : papa kisi ki majboori ka fayada na uthana yeh aap hi ki seekh he. To ab yeh kya thik hoga.

Hari suraj ko galle laga: I m so proud of u ke tujhe meri seekh yaad he. But ek baar thoda thande dimag se soch. Jo jese chalta he uss ke saath wese hi chalna chahiye. And u know well every thing is fair in love nd war.

Suraj sochne laga ke papa bol to thik rahe he. Aur yeh ek golden chance he papa ko kuch khushi dene ka. Pari ki khushi poori karne ka. Aur sab se badi baat. Uss ki apni khushi.

Suraj bola: thik he papa jesa aap thik samjhe.

Kapde change kar ke kuch der baad kanta room se bahar nikli.

Uss ne hari ke paas aa fir se apne bhai ki baat karte hari se request ki uss ki help ki.

Suraj pehle hi uth ke room mein ja chukka tha.

Kanta ki baat sunn ke hari kuch soch mein padh gya.

Kuch pal ruk ke hari bola: thik he kanti main bail karva deta hu. Par uss ke liye meri ek sharat he jo tum ko maan-ni hogi.

Esa pehli baar ho raha tha ke hari ne kuch karne ke liye koi sharat rakhi ho kanta ke saamne.

Issi liye ek baar to kanta chonki.

Par fir khud ko sambhal ke boli: kesi sharat.

Hari: bahut hi mamooli ci sharat he. Main bail karva dunga par badle mein tum suraj aur parul ke liye haan kar do.

Yeh sunnte hi kanta pe jese bijli ci giri.

Wo uchhal ke boli: wat?? Suraj aur parul ki shadi? Yeh to clear cut black mail he.

Hari ek gehri smile dete hue bola: black mail he to black mail hi sahi.

Kanta khud ko buri tarah fassa mehsoos karne lagi.

Aankhein bhar ke boli: aap to ese na the. Meri majboori ka aap fayda utha rahe he. Yeh to sarasar galat he.

Hari fir se wahi smile dete hue: wo mujhe nhi pata. Ab decide tum ko karna he kanti. Bail tabhi hogi. Jab parul iss ghar ki bahu bann jaaye gi.

Kanta buri tarah jhunjlati hui uthi aur apne room mein ja ghussi.

Idhar suraj jo apne room mein betha sab sunn raha tha.

Wo sochne laga ke kya papa ki planning successful hogi. Kya mom maan jaaye gi.

Uss ke mann mein ek shanka ci thi.

Next day suraj to apne time pe office chala gya.

Hari ne office jaane se pehle kanta se fir poocha ke uss ne kya decide kiya.

Kanta kuch na boli. Par chehre se wo saaf preshan najar aa rhi thi.

Hari afternoon mein jab aaya to kanta ghar pe na thi.

Rani ne hari ko bataya ke wo kitty ke ghar gyi he shayad.

Raat ko dinner se kuch hi der pehle wo ghar lauti.

Tab tak suraj bhi aa chukka tha.

Hari ne mokka dekh fir se poocha ka fesla.

Kanta buri tarah bhadak ke boli ke wo black mail nhi hogi.

Suraj ki shadi uss ki pasand ki ladki hogi.

Hari ko jo ek asha ki kiran najar aayi thi wo bhi buri tarah se toot gyi.

Asal mein kanta agar khud ko koi fesla karna to wo shayad haan kar deti.

Par uss ko to har kaam kitty se pooch ke karna hota tha.

Aur kitty ke liye uss ki zid se badh ke kuch na tha.

Uss ne wahi baat fir se dohra di ke suraj ki shadi hogi to uss ki marji ki ladki se.

Verna wo apna rishta sab se todh degi.

Suraj ko jiss baat ka darr tha wahi hui.

Agle din suraj ko uss ke school time ke ek friend ki call aai.

Uss ka ghar suraj ke maama ke ghar ke paas hi tha.

uss friend ne jo bataya uss se suraj pe jese aasmaan gira.

Uss friend ki sister ne suraj ke maama ki bahu ke saath jo hua jese hua.

Sab uss ladki ne apne cell ke cam mein qaid kar liya tha.

Yeh video suraj ke dost ki family ne electronic media mein dene ka fesla kar liya.

Suraj ke dost ne sorry kehte hue kaha iss gunah ke liye achha hoga ke suraj ya uss ki family apne maama ka sath na de.

Kyu ke koi bhi ab suraj ke maama ko bakshne ke mood mein nahi he.

Suraj ne bhi saaf keh diya wo log jo karna chahe wo kare.

Suraj ko ab apne maama se kuch lena dena nahi he.

Suraj kuch din tak Chandigarh hi ruka.

Uss ke liye sab se eham thi hari ki health.

Par hari ka sapna tha bahu.

Jo uss ko apni patni ki zid ya yun kahe ke beti ke kaaran toot-ta dikh rha tha.

Aur kanta aur kitty thi ke tass se mass na ho rahi thi.

yeh koi nahi samajh pa raha tha ke aakhir kanta apni kokh se janme bęte ki khushiyo ki dushman kyu ban bethi thi.

Maa ki mamta pe ek aurat ke eham ki zid ka bhaari hona shayad hi kahi dekhne ko milta ho.

Par yeh to sach he ke ek aurat agar kisi zid pe aa jaye to fir to uss ke aage ooper wala bhi be-bas ho jata he.

Agar iss duniya mein mom se bhi naram kuch he to aurat ka dil.

Khaas kar maa ka dil.

Par yeh bhi ek sach he pathar se bhi kathor kuch he to wo he ek aurat ki zid.

Suraj yeh jaan chukka tha ke mom uss ki shadi parul se hone nahi degi.

Ek baar neelu ko kho ke jo dard uss ne saha tha.

wese hi dard se wo fir se gujar raha tha.

par iss baar uss dard ko sehne ki himmat shayad uss ko ooper wale ne de di thi.

iss ka main kaaran tha hari.

Uss ke papa.

Par wo yeh bhi jaanta tha ke uss ke papa ki khushi kis baat mein he.

Uss ke papa ka sapna kya he?

Wo papa ka sapna to poora karna chahta tha.

par majboor tha.

Majboor tha mom ki zid ke kaaran.

Wo jaanta tha agar mom ki ichha ke virud wo shadi kar bhi leta he to mom aur kitty di uss ki patni ka jeena dubhar kar degi.

Iss ka sirf ek hi ilaaj tha ke wo shadi kar ke Chandigarh ki jagah delhi ya kahi aur rehta.

Par apne papa se dur rehna uss ko gawara nahi tha.

Aur wo yeh bhi janta tha ke mom aur papa ke beech laakh problem sahi par papa mom ke bina ek pal nahi jee paaye ge.

Ek attack to pehle hi aa chukka tha uss ke papa ko.

Iss se wo aur bhi darra hua tha.

Kitna majboor tha suraj.

Uss ko apni preshani ka koi hal najar na aata.

Agar koi hal tha to wo tha mom ki baat maan le.

Par iss ke liye na to uss ka dil raji tha aur na hi uss ke papa.

Uss ne finally yeh hi fesla kiya ke thik he agar parul ki family uss ki shadi kahi aur karti he to uss ko koi problem nahi.

Abhi usski umar hi kya he? Neelu gayi to parul aai. Ab jab parul jaaye gi to koi aur aa hi jaye gi.

Uss ke dimag mein ek dost ki kahi baat yaad aai jis ko aksar ladkiya thukra deti thi.

Uss ka wo dost kabhi nirash na hota.

Bas hass ke itna hi kehta har baar: tu nahi to aur sahi…….aur nahi to aur sahi……

Uss ko sochte sochte achanak hassi aa gayi.

Fir wo sochne laga arey yaar nahi koi aaye gi to bhi koi problem nahi.

Iss duniya mein kitne log jo shadi ke bina rehte he.

Wo bhi reh lega to fir kaun sa pahad toot padhe ga.

Neelu ko jab uss ne khoya tha to uss ki jindgi mein radhika chali aai samjhane.

Par iss baar to wo khud hi apne aap ko samjha raha he.

Suraj chopra kitna samajhdar ho gaya he yaar.

Wo khud ki tareef kar fir se hass diya.

Yeh sab wo ek raat ko bed pe late ke sochta raha.

Next day uss ne hari ko kaha office mein jab uss ke paas betha tha: papa abhi meri umar hi kya he. I think abhi mujhe shadi ka na soch apne kaam pe dhayan dena chahiye.

Jab wo yeh keh apni chair pe ja betha to hari ke honto pe galib ka ek sheyar aa gaya: dil ko behlaane ke liye galib yeh khayal achha he.

Par suraj ne jesa kaha wesa hi kiya.

Wo kaam mein ab pehle se bhi jayada doob gaya.

Next week wo Kolkata gaya naye customers ki talash mein.

Issi bahane uss ne waha apne kaam ki shuruat bhi kar di aur saath hi wo banerjee family se bhi mil aya.

Uss ne khoob enjoy kiya waha.

Atul to busy tha par radhika bhabi, tripti aur kunal ne uss ka khoob dil lagaye rakha.

Mrs. banarjee ko wese to radhika se har news mil rahi thi suraj ke baare mein.

Par jis tarah uss ne suraj ko relaxed dekha uss se wo heran to thi par saath hi khush bhi.

Uss ne yeh baat jab radhika ko phone pe batai to radhika ne uss ko kaha.

Radhika: pata nahi didi suraj ne sach mein waqt ke saath samjhauta kar liya he ya fir uss ne har dard, har gham ko peene ki adaa seekh li he.

Radhika ke jehan mein Punjabi shayar shiv kumar batalvi ki wo najam ghoom gayi.

“jaach menu aa gayi gham khaan di.”

Suraj Kolkata se laut ke seedha delhi aya.

Radhika aur ghar mein sab ko waha ki sunnata raha.

Baat baat pe kehta ke radhika bhabi ke saath khoob mazze kiye.

Radhika ne dheere se kaan mein poochha: kese mazze??

Suraj uss ka kehna samajh gaya par sab ke saamne uss ko kuch na keh saka.

Haan jab akeli hui to jarur bola.

Suraj: saali teri sui sirf wahi ja ke ku atak jaati he. Kitna ulta soch leti he tu.

Sunte hi radhika jor se hass di.

Aur uss ko tang karti boli: tu hi keh raha he baar baar mazze liye mazze liye.

Suraj: to mazza kya sirf wahi hota he? ghoomna firna, khana peena yeh sab mazza nahi hota?

Mitali ke aane pe unn ko topic change karna pada.

Coming Saturday wo Chandigarh aa gaya.

Uss ki herani ka koi thikana na raha jab raat ko dinner pe kitty aur hina with family aa dhamki.

Raat ko dinner se pehle drinks ka daur chala.

Hari, suraj aur uss ke dono jeeja bethe pee rahe the.

Kanta, kitty aur hina bhi wahi bethi thi.

Sabhi hassi majak kar hass rahe the.

Kitty ke dil mein na jaane kya aaya.

Suraj ko taunt maar poochhne lagi: last time tu Chennai gaya tha waha wo madrasan mil gayi. Iss baar Kolkata gaya to kya koi bengalan na mili jis se tera tanka bhidha ho.

Yeh sun sab hass diye.

Suraj ne kitty ko dekha fir uss ke hi lehje mein bola: di, madrasan ho ya bengalan ya fir koi rah chalti bhikharan. Tanka to ussi se bhidhe ga jo iss dil ko kabool hogi.

Suraj ne apne right hand se apne dil ki aur ishara karte kaha.

Iss bar hina ka pati, hari aur suraj to jor se hasse.

Hina aur kitty ke pati ne halke se smile di bas.

Par kanta aur kitty ka muh bann gaya.

Hina ka pati hasste hue: sach he saale sahib …… dulhan wahi jo piya mann bhaaye…. Baaki sare khasma nu khaaye.

Fir se hina ke pati ke saath suraj aur hari jor se hasse.

Kanta aur kitty na kuch keh payi thi aur na hi uth ke ja saki thi. hina ke pati ke darr se.

Hari ne jab kanta aur kitty ka utra chehra dekha to rani ko awaaz di dinner lagane ko kaha.

Sab ne mil ke pehli baar dinner kiya.

Kitty aur hina ke jaane ke baad suraj jaldi hi room mein aa so gaya.

Suraj aur radhika ki mehnat se kaam aur jor pakdne laga.

Hari ki bimari ke karan jo thodi raftar mein kami aai thi wo fir pakad mein aa chukki thi.

Hari ki sehat bhi ab pehle se behtar rehne lagi thi.

Udhar updesh bhi teji se tarkki kar rha tha.

joginder nagar mein uss ka bada bhai jo pehle nokri karta tha uss ne bhi apna kaam shuru kar liya tha updesh ki madad se.

Hari jab bhi kehta neelima uss ko aa ke mil jaati.

Sunil aur suhan ab bade hone lage the.

Sunil poori tarah updesh jesa dikhta tha.

suhan manish aur kavita dono ki mili juli copy tha.

suhan suraj ka laadla tha.

ab jab suraj Chandigarh aya hota to suhan kai baar uss ke liye rota tha.

Aur jis din suraj laut ke delhi aata to suhan uss raat to jarur hi suraj ke saath sota.

Idhar jyoti ki masters completion ke najdeek thi.

prem ne bhi apni mehnat se kaam kaafi bada liya tha.

Geeta ka institute achha chal raha tha.

geeta aur jyoti ke hathe jis din suraj akela chadh jata to bas fir suraj ko to uss din dono mil ke naani yaad kara deti.

Suraj jab bhi Chandigarh aata kisi aur se mile na mile jyoti ki maa se jarur milne jata.

Neelima ke ghar wo tabhi jata jab updesh waha hota.

Parul se uss ki baat cheet jo kuch time ke liye band ho gayi thi fir se shuru ho gayi.

Suraj ne to kisi tarah dil ko samjha liya tha.

par parul ke liye pehle pyar ko bhool pana asaan nahi tha.

uss ke dil ko to jese poori umeed thi ke uss ka surya jarur uss ko mil ke rahe ga hi.

Par pehla pyar haar chukke suraj ko iss baar bhi haar saaf najar aa rahi thi.

aur wo iss haar ka saamna karne ke liye tayar betha tha.

wo bhi hass ke.

Naye baras ke teen months ja chukke the.

April chal raha tha.

31st march ke burden ke baad suraj kaafi relaxed tha.

Chandigarh aya hua tha kuch din ke liye.

Hari aur kanta club ki ek party mein gaye the.

Saturday ka din tha.

raat ke aath bajne ko the.

Prem ke saath beer pee ke abhi wo ghar aya tha.

beer pee ke uss ko khaas mazza na ata tha.

Aa ke kapde change kiye.

Bathroom gaya.

Fresh ho ke rani ke paas kitchen mein aya.

Poochha kya bana rahi he to uss ne kaha mutton.

suraj poochh ke bar room mein aya.

Apne liye ek peg banaya.

Rani ko pata tha ke suraj ko mutton mein ya kaleji pasand he ya fir mutton tikka.

Uss din kaleji kaafi thi.

so wo ek badi katori bhar masala kaleji le aai.

Saath mein papad aur salad aur pudine ki chatni.

Suraj aaj room mein beth ke hi peene laga.

Abhi ek hi peg liya tha ke parul ki call aa gayi.

Uss ki call dekh suraj chehka: hi pari, kesi ho?

Suraj ab aksar parul ko pari kar ke hi bulane laga tha.

aur parul uss ko surya keh ke bulati.

Parul udas si ho ke: pari apne surya ke bina jesi ho sakti he wesi hi he.

Suraj kuch na keh paya.

Parul fir se: kya kar rahe ho aap surya?

Suraj poori masti se: poochhna kya khud hi dekh lo na yaar. Yahoo pe aa jao.

Yeh bol suraj ne apna laptop uthaya aur on kar diya.

Jab tak lappy on hota suraj doosra peg bana peene laga.

Yahoo on hote hi dono ne apne cams khol diye.

Suraj ko cam pe dekhte hi parul: ab batao kya kar rahe the.

Suraj ne apna peg uthaya aur do ghoont bhar ke uss ko peg dikhaya.

Parul thoda gussa dikha: drinks?

Suraj mithun style maar ke: koi shak.

Parul : gande bache. Aap peena chhod kyu nahi dete surya?

Suraj dharmendra ka ek gaana gaane laga: duniya mujhe se kehti he ke peena chhod de. Yeh kyu nahi kehti ke zalim jeena chhod de…… jeena chhod de…..

Yeh sunte hi parul tadap uthi.

Wo cam pe hi ro di par boli kuch na.

Suraj abhi bhi poori masti mein tha.

Rajesh khanna style mein bola: pushpa I hate tears re.

Parul rote hue: aap ko masti soojh rahi he aur yaha meri jaan pe bani hui he. Aap ko kya pata yaha kya ho raha he. Papa mere liye rishta dhoond rahe he.

Suraj: arey yeh to khushi ki baat he iss pe ek jaam ho jaye.

Yeh bole suraj ne ek naya peg banaya aur cheers kar peene laga.

Parul rote rote gusse mein aa gayi: haan haan aap manao khushi. Meri agar shadi ho gayi to kya karo ge aap. Tab bhi cheers karna.

Suraj raj kumar style mein: jani tu nahi to aur sahi…….aur nahi to aur sahi.

Parul: thik he fir jao aap kisi apni aur ke paas. Mujhe nhi baat karni aap se. I hate u….. I hate u….

Yeh bol parul ne cam off kiya aur sign out kar gayi.

Suraj pari parul parul pari pari……. Chilata reh gaya.

Par ab der ho chukki thi.

Suraj apne sar pe haath maar: maa yavya rua ti na kudi. Bhain deni deya hor kar masti. Bhosdi da……..(maa yahve rula di na ladki. Behan deni ke aur kar masti….. bhosdi ka…..)

Khud ko gaali dete ne cell utha liya parul ko call karne ko.

Ladki jab naraj ho to pehli call ko attend kare yeh to ho hi nahi sakta.

To fir bhalla parul kese yeh prampra todti.

Pehli call no reply.

Doosri call no reply.

Teesri call ka bhi wahi hasher.

Suraj jhunjla utha.

Parul ne call na uthai to ek sache ashiq ki tarah suraj bhi bechain ho utha.

Par fir dimag mein mardon wali akad aa gayi.

Punjabi tha to punjabiyat dikha khud se bola.

Suraj budbudaya: vade saali tel le ke bhande ch. Hun main koi call ni karni.

Yeh budbudata suraj bathroom mein ja ghussa.

Su su karta sar khujata sochraha tha ab kya kare.

Punjabi tha par tha to aashiq hi.

Sochne laga Naraj kiya he manana to pade ga hi.

haan sach radhika ko bolta hu.

Doosre pal nahi yaar uss ko kaha to wo saali bhi mujh pe hi bhadke gi.

Abhi yeh soch hi raha tha ke cell baj utha.

Su su karte karte cheekha: kaun he be saala su su to karne do.

Daaru ka asar bola tha yeh.

Rani jo suraj se dinner ka poochhne ka aai thi.

yeh sunte hi bahar khadi jor se hass di.

Suraj ander se free ho bahar ayaa.

Rani abhi bhi wahi khadi hass rahi thi.

uss ko dekh rani ne apni hassi roki aur dinner ka poochha.

Suraj ne kaha dus mint baad laga do.

Fir cell uthaya.

Call parul ki hi thi.

suraj ne call back ki.

Call on karte hi parul: kaha the.

Suraj: su su kar raha tha. dekho gi kya?

Parul: waaaaaaaaaaattttttttttttttt?? Besharam…….sharam ka ghatta.

Suraj hass ke: jaan sharam to ladkiyo ka gehna he aur hum ladko ka gehna he besharmi.

Parul bhi sun ke hass di.

Suraj hassi sun bade hi mohak andaz mein dil pe haath rakh: haye oye maar suteya sohniye tere haasse saanu.

Parul : aap bahut bure ho surya. Pehle rulate ho fir hassaate ho.

Suraj thoda sanjeeda ho: yaar tu har baat dil pe mat liya kar. U know peene ke baad main thoda masti ke mood mein aa jata hu.

Parul: aap ki yeh masti ek din meri jaan le legi.

Suraj fir hass ke: jaaneman jaan to teri main hu.

Parul samaj gayi ke iss time suraj se baat karne ka koi fayda nahi he.

Better he wo morning mein hi baat kare.

Uss ne dinner ka bahana kar call band kar di.

Kuch der baad parul ne dinner kiya mamma aur bhabi ke saath.

Kyu ke aaj uss ke papa aur bhai bangluru gaye the kisi kaam se.

Par preshani ke kaaran parul dinner thik se na kar pai.

Yeh baat mrs. iyer ko pata chal gayi.

Uss ne parul se to kuch na poochha par beti ke dil ka haal wo jaanti thi.

Jab rachit out of city hota to raat ko parul apni bhabi shivani ke paas hi soti.

Dono mein khoob pyar tha.

sagi behno se bhi badh ke.

Parul shivani se chipak ke let to gayi par apne dil ki wo juban par na lai.

Mrs. iyer beti ko preshan dekh vichlit thi.

uss ko neend na aa rahi thi.

uss ne cell utha ke suraj ko call laga di.

Suraj bhi ab tak dinner kar bed peaa chukka tha.

sone ki tayari mein tha.

lights bhi uss ne rani ko bol off karva di thi.

Cell baja.

Nashe mein tha par itna bhi nahi.

Parul Mom yeh naam flash hota dekh wo bechain ho utha.

Jaldi se phone on kiya.

Suraj: Namaste auntie. Kesi ho aap?

Mrs. iyer: main thik hu beta. Tum kese ho?

Suraj: acha hu auntie.

Mrs. iyer: dinner kar liya?

Suraj: ya auntie. Aur aap ne?

Mrs. iyer: ya beta maine bhi kar liya.

Suraj ek pal ruk ke: aur parul ne auntie?

Mrs. iyer: haan beta uss ne bhi kiya he magar……

Suraj: magar kya auntie?

Mrs. iyer: ab tum se kya chhupau beta. Bahut bechain he wo. Na thik se kuch kha pati he na hi so pati he. Bahut ziddi aur chidh-chidhi si ho gyi he. Har baat pe jawab dene lagti he. Shivani uss ko kitna pyar karti he. Par aaj wo uss se buri tarah ladh padhi. Bechari shivani badi bhabi ho ke bhi kuch na boli. Bas sara din udas si aur chhup chhup ke roti rahi.

Mrs. Iyer ki yeh baat sun ke suraj ko dukh bhi hua aur dhakka bhi laga.

Suraj: auntie wo paas he to main uss se baat kar lu.

Tab suraj ko mrs. iyer ne bataya ke aaj wo teeno females he ghar pe. baap beta bangluru gaye he.

Suraj ko yeh baat parul pehle bata chukki thi.

Dono kaafi der tak baatein karte rahe.

Mrs. iyer ke poochhne par ke koi hope he kanta ki ke wo yeh rishta saweekar kar legi.

Iss ka Suraj koi thik se jawab na de paya.

Mrs. iyer ne apni beti ki khushi ke liye yeh tak keh gayi ke agar wo haan kar deta he to parul ke papa ko keh ke alag se koi business shuru karva ke de sakti he.

Agar wo chahe to kahi aur ja ke reh le. Abroad kahe to uss ka bhi arrange ho jaye ga.

Iss pe suraj ne kaha ke uss ki mom kesi bhi he par wo apni mom ko bahut pyar karta he.

Agar wo mrs. iyer ki baat maan leta he to iss ka asar uss ke papa pe pade ga.

Wo kese apne papa ko bęte aur patni ke beech baant sakta he.

Suraj ne fir kaha ke wo apne maa-baap ka akela sahara he. Haan agar wo apne maa baap ka akela beta na hota to wo jarur esa soch sakta tha.

Suraj ne yeh bhi kaha ke wo apni khushi ke liye apne mom-papa ko dukh nahi de sakta.

Last mein suraj bola: auntie main nahi chahta ke parul ko koi bura bhalla kahe ya koi bad-dua de. Auntie rishto mein agar ek baar daraar padh jaaye to fir bharni bahut mushkil hoti he. Aap to samjhti he ke saas-bahu ka rishta agar shuru hi nafrat se hoga to fir dono ek chhat ke neeche wo kitne din tak reh paye gi.

Mrs. Iyer ek aah bhar ke: main jaanti hu beta rishto mein agar draar padh jaaye to chahe bhar jaaye par uss ke nishan sada rehte he.

Uss ne kaha to na suraj se par apna time yaad aa gaya kyu ke parul ke mom-papa ne bhi love marriage ki thi.

wo bhi ghar se bhaag ke.

Iss se jo uss ke aur maayike walo ke beech jo daraar padi uss ko wo aaj na mita pai thi.

Suraj: auntie I know parul bahut achhi he. Wo jis ki jindgi mein jaaye gi uss ki jindgi khushiyo se bhar de gi. Par shayad wo khushnaseeb main nahi.

Mrs. iyer: chal beta thik he jo ooperwale ne likha hoga to wo hi ho ke rahe ga.

Suraj: ek baat puchhu auntie. Parul ki shadi kisi aur se hone ke baad bhi kya main aap ka beta rahu ga.

Mrs. iyer jo ab tak khud pe kaaboo pa ke bethi thi. yeh sunte hi sisak padi.

Mrs. iyer bahut hi pyar se: tu mera beta he aur hamesha rahe ga. Mera ashirwad aur pyar tujhe utna hi mile ga sada jitna parul aur rachit ke liye he.

Good night bol kar dono ne call kaat di.

Suraj kuch der leta leta sochta raha.

Fir uth ke toilet gaya aur aa ke so gaya.

Agle din Sunday ko karib subah 11 baje suraj ko parul ne fir se call ki.

Parul ne uss ko rote rote kaha ke uss ka bhai aur papa kal bangluru uss ke liye ek rishta dekhna gaye the.

Saath hi parul ne kaha ke unn ko ladka pasand he.

Parul: surya main marr jau gi par kisi aur ke liye main soch nahi sakti.

Suraj: nahi pari essa nahi kehte. Kya pyar ka matlab sirf Milan hi he. Agar hamari shadi na hui to kya pyar marr jaaye ga.

Parul: surya aap ki yeh pari tann aur mann dono se sirf aap ki he.

Suraj: pari meri pyari pari main kese samjhau tum ko?

Parul: kuch kijiye surya.

Suraj: tu hi bata kya karu?

Parul: kyu na hum dono bhaag ke shadi kar le?

Suraj kaamp utha ander se: pagal ho gayi ho kya tum:

Parul roti hui: haan haan main pagal ho gayi hu.

Suraj: agar hum esa karte he to ek baar soch ke dekho tumari family pe kya gujre gi. Tumare papa ki kitni badnami hogi. Kya issi din ke liye auntie ne tujhe paal poss ke itna bada kiya he. Rachit ke dil pe kya gujre gi jab uss ko yeh pata chale ga.

Parul: mujhe kuch nahi pata surya.

Suraj: pari tum itni selfish ho maine kabhi socha bhi na tha. jaanti ho tumari mom mujhe apna beta maanti he. Main unn ki mamta ke saath esa khilwad kabhi nahi kar sakta.

Parul: to fir main kya karu surya?

Suraj: pari main tera dard samjhta hu. Tum jis dard se pehli baar gujar rahi ho wo main pehle bhi seh chukka hu. Pyar ke naam ko badnaam na karo. Ek baat kahu pari. Agar ooper wale ne hum ko ek karna he to wahi koi na koi raasta nikale ga. Nahi to hum dono bhi ussi tarah dost bann ke rahe ge jese aaj main aur neelu he.

Fir suraj ne uss ko shivani ke saath ladai ke liye daanta.

Uss ne kaha ke agar tum mujhe sachi mein pyar karti ho to kisi ka dil mat dukhana. Khaas kar unn ka jo tere apne he aur tujhe pyar karte he.

Parul ne rote rote call disconnect kar di.

Suraj ke dil mein ek darr beth gaya ke kahi yeh parul kuch ulta seedha na kar le.

Uss ne ussi pal rachit ko call ki.

Rachit ko parul ki call ke baare mein bataya to rachit ne kaha.

Rachit: suraj agar tum tayar ho to main tumara aur parul ka saath duga.

Suraj: rachit agar meri jagah tum hote to tum maa ya pyar mein kis ko chunte?

rachit bhi apni maa se bahut pyar karta tha iss liye wo chup reh gaya.

Suraj ne rachit se kaha wo log parul ko ek pal bhi akela na chhode.

Shivani ko kahe ke wo uss ke paas rahe sada.

Mrs. iyer ne aakhri koshish ki kanta ko call kar ke.

Uss ne saaf saaf kaha kanta ko ke agar uss ki koi demand he to wo uss ki har demand poori kare gi.

Par kanta ne saaf inkar kar diya iss rishte se.

Next week mein Iyer ne phone kar hari ko kaha ke wo majboor he.

Ek acha rishta aaya he wo yes kar raha he.

Hari ne bhuje mann se iyer ko badhai di.

Saaath hi kaha ke kya hua agar parul uss ki bahu na ban pai par wo uss ki beti to hamesha he.

Wo uss ki shadi mein aaye ga.

Hari iss baat se be-hadd dukhi ho utha ke uss ke bęte ka dil ek baar fir se toot raha he.

Parul ki mangni kar di gayi.

Suraj apna pehla pyar Neelu to kab ka haar chukka tha.

Aur ab parul bhi apna pehla pyar surya haarne ja rahi thi.

Har samay chehkne aur mehkne wali pari si najuk parul jese murjha gayi thi.

wo mangni ke baad na kisi se mili aur na hi hassi.

Wo bas akeli apne room mein band rehti.

Akeli padhi roti rehti.

Dheere dheere uss ne khud ko halaat ke ooper chhod diya.

Rachit ki mangni se shadi tak ke time jaha ghar khushiyo se bhara bharaa rehta tha.

wahi parul ki mangni ke baad se hi ghar mein jese matam sa chhaya hua tha.

Suraj fir se jayada time Chandigarh hi rehne laga.

Kyu ke hari ne factory jana bahut hi kam kar diya tha.

wo sirf do teen ghante hi office jaate.

Chandigarh mein saara kaam ka bojh suraj pe hi tha ab.

Parul ki mangni ko aath dus din beete ho ge ke Chandigarh mein ek ghatna ghatti.

Suraj ke godown mein short circuit se aag lag gayi.

 

[StoryPublisher]

Part-24

Hari agar uss time ghar pe hota to shayad suraj yeh khabar chhupa jata par yeh ghatna din ke time hui jab hari office mein hi tha.

Aur aag lagte hi khabar office tak pahuch gyi.

Iss se pehle ke damkal ki gaadiya aa ke aag pe kaabu paati uss se pehle hi saara maal sadh ke raakh ho gya.

Kyu ke sara maal PVC aur plastic ka tha so maal ke jalne mein time bhi na laga.

Yeh khabar aane ke time suraj bank gaya hua tha.

Uss ko yeh news godown pe kaam karne wale ek kaame ne di thi phone kar.

wo wahi sab kuch chhod ke office ko bhaga.

Uss ko papa ki fikar thi.

wo nahi chahta tha ke hari tak yeh khabar pahuche.

Par hari ko pata chal gaya tha tab tak.

Jab suraj office pahucha to apne ac office mein chair pe betha hari paseene se lath path tha.

wahi hua jis ka suraj ko darr tha.

Hari ko doosra attack aa gaya.

Uss ne waha pe ruke hue hari ke driver aur ek kaam karne wali lady ko awaaz di.

Kyu ke baaki staff godown ko ja chukka tha.

Unn dono ki help se suraj ne hari ko car mein litaya aur khud hi car le ke hospital ko bhaga.

Raaste mein uss ne ghar kanta ko, fir dono behno ko aur prem ko call ki.

Doctors ne hari ko check kiya to bataya ke raaste mein hi third attack aa gaya tha.

iss se pehle ke wo treat kar paate he expired.

Tab tak sab pahuch chukke the waha.

Prem ne jyoti aur geeta ko khabar di aur saath hi neelima aur updesh ko bhi.

Jyoti ne radhika ko khabar kar di delhi.

Wo uss time delhi ke office mein thi.

radhika ne ghabra ke suraj ko call laga di.

Radhika ki call dekh suraj: arey tum ko kis ne bataya. Papa is very strong man. Kuch nahi hoga unn ko. Bas thodi ghabrahat hui thi. main hospital le aya hu. Thodi der tak ghar le jau ga.

Suraj ki yeh haalat dekh jaha radhika sann reh gayi.

wahi suraj ke paas khada prem bhi chonk pada.

Prem ne suraj se phone chheen liya.

Kaan se laga hello ki to radhika awaaz pehchan gai.

Radhika: prem yeh suraj.

Prem: aap fikar na kare main ab iss ke paas hi rahu ga.

Radhika ne phone band kar sab se pehle ghar call ki maa ko.

Uss ko hari ki maut ke saath suraj ka haal bataya rote rote.

Idhar Chandigarh mein hari ke sab jaan pehchan walo ko khabar milne lagi.

office ke logo se ya prem aur jyoti se.

kitty aur hina ke pati bhi waha pahuch chukke the.

Sham paanch baje tak hari ke shareer ko hospital se saari formalities poori kar ghar laya gaya.

Poore ghar mein hahakar machi hui thi.

Kanta, kitty, hina jaha ro ro bura haal kar rahi thi apna.

Wahi waha har mard aur aurat ki aankhein nam thi.

par suraj ek pathar sa bana bas papa ki laash ko dekh raha tha.

uss ke chehre pe na koi dukh ke bhaav the aur na hi aankhon mein aansoo the.

Udhar delhi mein ek aur durghatna ghatti.

Radhika jo office mein thi.

thoda sambhli to khud hi activa le ke ghar ko chal padi.

Office uss ne waha rakhe ladke se band karva chabi purse mein rakh li.

Uss ki aankhon ke saamne agar hari ka chehra tha to kaano mein suraj ki paaglo ci awaaz.

Kaash wo kisi tarah udh ke suraj ke paas pahuch pati.

Yahi sochti wo activa chalati hui ja rahi thi.

uss ko nahi pata chala kab uss ko chakkar aya.

Aur uss ki activa paas se gujar rahe ek truck se ja takrai.

Wo ussi pal behosh ho gayi girte hi.

uss ke sar aur pet mein buri tarah chot aai thi.

kisi ne ambulance ko phone kiya.

Wahi paas police walo ne uss ki activa se gire purse se cell nikal ghar call kar di.

Pehli news suraj ke papa ki death.

Dusri news radhika ka accident.

Rakhika ki maa ka to ro ro bura haal ho gaya.

Uss ne jhat se pati, manish, kavita aur mitali ko khabar di.

Sabhi daudte hue ghar aaye.

Fir bhi delhi ki traffic mein aane ko waqt to lagna hi tha.

sab se pehle mitali aai.

Uss ne aate hi radhika ke cell pe call lagai.

Yeh cell abhi bhi ussi police wale ke paas tha jis ne accident ki news di thi.

policeman ne hospital ka name bata diya.

Jo jyada dur nahi tha.

Kavita yeh information pehle hi ussi policeman se le ke seedhi hospital hi ja rahi thi.

Thodi der mein sab hospital pahuch gaye.

Radhika ki maa ko pados ka ek ladka apne scooter pe le gaya.

Mitali ghar suhan ke paas ruk gayi thi.

Sab se pehle radhika ki maa hi pauchi waha.

Police wala bhalla aadmi tha.

uss ne radhika ki maa ko purse aur cell diya.

Saath hi yeh kaha ke madam ki activa thane mein mil jaaye gi.

Itne mein baaki sab bhi aa gaye.

Doctor ne bataya ke khoon bahut beh chukka he.

Wo koshish kar rahe he poori.

Kavita ke paas jyoti ka number tha uss ne jyoti ko radhika ke accident ki khabar di.

Yeh sunte hi jyoti ko bhi ek aur jhatka laga suraj ke papa ki maut ke baad.

Uss ne prem aur geeta ko khabar di.

Radhika ki family ke liye mushkil yeh thi ke koi Chandigarh jaaye ya nahi.

Finally fesla yeh hua ke radhika ke papa jaaye raat ko.

Ku ke sanskar subah dus baje tha.

Raat ko radhika ki maa aur bhabi ghar chali gayi.

Manish wahi ruk gaya raat ke liye.

Idhar Chandigarh mein sab suraj ke liye preshan ho rahe the.

Kyu ke wo ro nahi raha tha. bas bejaan pathar sa bana betha tha.

Jese hi andhera hone laga to prem ne jyoti aur geeta se kaha ke wo ghar jaaye.

Geeta ke papa aa gaye the.

Wo unn ke saath chali gayi.

Jyoti akeli apni activa se gayi ghar.

Jyoti ki mom ne subah jaane ka socha tha.

par jab jyoti ne ghar aa suraj ka haal bataya to wo khud ko rok na payi.

Pati ko phone kar bataya ke wo chopra niwas ja rahi he.

Jyoti ko ghar chhod wo akeli auto se aa gayi.

Jab wo aai to saamne pehle kaanta ko dekh uss se mili.

Kuch der uss ko dilasa deti rahi.

Fir uss ne najar utha idhar udhar dekha to ek kone mein suraj prem ke saath najar aa gaya.

Wo waha gayi.

Prem ke saath mil suraj ko hari ki laash ke paas le aai.

Chehre pe se safed chaddar hataa roti hui boli: suraj tere papa chale gaye.

Suraj ne kuch react na kiya.

Jyoti ki mom ne teen chaar baar yahi kaha.

Par suraj pe kuch asar na hua.

Yeh dekh wo vichlit ho uthi aur suraj ki peeth pe ek thappad maar jor se boli: suraj tere papa chale gaye.

Iss ka bhi koi asar na hota dekh wo jor se kai thappad suraj ki peeth pe marti aur uss ko jhinjhodti hui cheekhne lagi: tu rota ku nahi. Ro tu…. anaath ho gaya he tu…... Tu mere paas aa ke maut maangta tha na dekh tere papa ki maut ho gayi.

Suraj jese neend se jaga ho: nahi nahi auntie ye nahi ho sakta.

Jyoti ki maa ne uss ko kheech ke seene se laga liya: yeh ho chukka he suraj.

Suraj: nahi auntie yeh nahi ho sakta. Mere papa mere papa mere papa………….

Aur fir jese ek baandh jo kahi ruka hua tha suraj ke seene pe wo toot gaya……..

Jyoti ki maa se lipta wo buri tarah hichkiya le le ro diya.

Kanta, kitty, hina ya waha bethe aur rishtedaaron ka Rona jo kuch time se tham sa gaya tha sab ka.

Ek baar fir se shuru ho gaya.

Suraj kafi der tak jyoti ki maa ke seene se laga pehle rota raha fir siskta raha.

Aakhir hina ke pati ne prem se kaha ke wo suraj ko le ke uss ke room mein le jaaye.

Par suraj ab tak kuch sambhal chukka tha.

wo khud hi utha.

Washroom mein ja ke muh dhoya.

Wapas aa prem se aur hina ke pati se poochhne laga ke sanskar ka kya programme banaya he.

Fir staff ke do teen jo log the unn se poochha ke sab ko bataa diya ya nahi.

Jyoti ki maa ne jab thoda uss ko thik dekha to uth ke fir se kanta ke paas gayi.

Mil ke ghar jaane ko chal di.

Suraj ke paas aai to suraj ek baar se uss ke galle lag ke ro diya.

Jyoti ki maa dilasa deti hui: beta tujhe to ghar mein sab ko sambhalna he ab. Aur sara kaam bhi tere jimme he.Tu dil chhotta kare ga to kese chale ga. Ooper wale ki marji ke aage chalti he kisi ki. Bas mera bacha ab nahi rona.

Aur fir wo chal di.

Suraj ne jab uss ko akele jaate dekha to prem se kaha ke wo uss ko chhod aaye.

Prem jaldi hi uss ko chhod aya.

Hina ke pati ne raat ko chai ka arrange kiya.

Chai peete peete suraj ko parul ka khyal aaya to uss ne prem se kaha: prem wo Chennai iyer uncle ko khabar di radhika ne ke nahi.

Yeh kehte hi suraj ne room mein ja ke cell uthaya.

Dekha uss pe kai missed calls thi.

par yeh to ab time nahi tha ku ke giarah baj chukke the raat ke.

Uss ne radhika ko call kar di.

Radhika ka cell ab kavita ke paas tha.

kavita suraj ki call dekh preshan ho uthi.

Wo kya kahe gi suraj ko.

Suraj to pehle hi preshan hoga.

Uss ko aur preshan karna thik na hoga.

Kavita ne call hi na uthai.

Suraj prem se: yaar radhika phone nhi utha rahi.

Prem aur jyoti ne pehle hi baat kar li thi ke suraj ko abhi radhika ki khabar nhi deni.

Yehi soch prem bola: oh ho sakda train ya bus ch hove te so gayi hove.

Suraj ko prem ki baat wajib lagi.

Wo janta tha ke radhika ne sab ko bata diya hoga.

Aankhon aankhon mein sare parivar ne raat nikal di.

Udhar manish ne poori bhag daud kar doctor ne jitna blood kaha wo arrange karva diya.

Subah saat baje nurse ne kaha manish ko ke wese to ab khatra tal chukka he.

Baki doctor aa ke bataye gi.

Manish ne kavita ko phone kiya ke ab koi aa jaye.

Wo sari raat so nahi paya.

Maa ko kavita ne baad mein aane ka kaha ku ke wo bhi preshani mein sari raat so na payi thi.

mitali ko utha wo pone aath tak akeli hi hospital aa gayi.

Manish uss ke aate ghar chala gaya.

Kareeb saadhe aath doctor aai.

Check kiya radhika ko.

Fir kavita ko ander bula ke kaha: abhi behosh he but out of danger. Yeh aap ki??

Kavita: meri nanad he. Badi nanad.

Doctor ne kuch medicines likh ke di aur chali gyi.

Radhika ke papa Chandigarh suraj ke ghar kareeb aath baje pahuche. Funeral ka time dus baje tha.

Neelima updesh ke saath seedha funeral site pe pahuchi.

Uss ne sar pe dupatta le halka sa ghoongat nikal dupatte ke ek kone ko daanto mein daba liya ta ke kanta ki najar se wo bach sake.

Suraj ke galle lag ke wo bahut roi thi.

Suraj ne jab radhika ke papa ko akele dekha to radhika ka poochha to unn ho ne kaha ke radhika ki tabiyat achanak khrab ho gayi iss liye wo aa nahi pai.

Suraj samjha shayad wo sadma jhel na pai hogi.

Wo abhi tak accident se anjan tha.

Suraj ne radhika ko yeh poochhne ko call kar di ke Chennai bataya ke nahi.

Radhika ke phone pe uss ki call kavita ne attend ki.

Kavita ne kaha ke radhika abhi davai le ke soi he.

Suraj ne kaha ke wo radhika ko kahe uthne pe agar Chennai nahi bataya to call kar ke inform kar de Iyer uncle ko.

Kavita ne khud hi call kar di Iyer ho.

Wo bhi to mil chukki thi iyer se.

Bataya ke wo radhika ki bhabi bol rahi he aur fir suraj ke papa ki death ka bata diya.

Mr. Iyer ne ussi pal suraj ko call kar di.

Kuch hi pal baad mrs. iyer ki call bhi aa gayi.

Parul uss ke paas hi thi. uss ne bhi baat ki suraj se.

wo bechari itni ci umar mein kya kehti bas roti rahi hari ko yaad kar kar.

Delhi ke kuch ek khaas clients jin ko radhika ne office se niklne se pehle bata diya tha.

Unn mein se kai funeral pe aaye the.

Kyu ke hari ne sab se achhe relation bana rakhe the.

Poore parivar mein suraj ki haalat sab se tarasyog thi.

Funeral ke baad wahi chothe aur antim kiriya ki tareekh bata di gayi.

Ek week baad sikh reeti riwaj se antim kiriya ka din fix hua.

Accident ke do din baad radhika ko hosh aya.

Hari ki kiriya ki rasam mein jaane layak to nahi thi wo par uss ki zid ke aage sab ko jhukna pada.

Wese to kiriya pe delhi se bahut log aaye.

Radhika ke saath aane wale bhi bahut log the.

Ek manish ki car aur saath mein ek innova.

Manish ki car mein uss ke papa, mummy aur kavita the.

Mitali aur suhan ko kavita ki mom ke paas chhod ke aaye ghar.

Innova mein radhika ke saath mrs. & Mr. Iyer aur Kolkata se Mrs. Radhika Banerjee the.

Suraj jo thoda sambhla tha inn do teen dino mein inn sab se mil fir foot foot ke ro diya.

Radhika ke sar pe pattiya dekh wo aur bhi dukhi ho utha ke uss ko accident ka bataya kyu nahi.

Antim kiriya ke baad agle din suraj pehli baar office gaya.

Office mein hari ki tasveer pe lagi phoolon ki maala ne fir uss ki aankhein nam kar di.

Office ke logo ne aa ke uss ko chup karaya.

Unn ho ne bataya ke insurance wale aaye the.

Wo saari reports banna ke le gaye he.

Umeed he ke insurance claim jaldi settle ho jaaye ga.

Fir wo bank gaya.

Bank walo ne bataya ke insurance claim ke aate hi wo purana account close kar ke naya khol de ge.

Tab tak saari operations band rahe gi. Kyu ke Chandigarh ke account mein hari ke signatures chalte the.

Uss ne wapas aa ke office mein poochha ke kisi party ko cheque to nahi diya hua.

Hari ki yeh policy thi ke wo kisi ko post dated cheque kabhi na dete the.

So koi cheque pending na tha.

Fir wo godown check karne gaya.

Waha to sirf har corner mein raakh ke dher ya fir adh-jala samaan tha.

itna shukar tha ke iss haadse mein kisi insaani jaan ka koi nuksaan na hua tha.

jo teen char log kaam karne wale the wo sab sahi salamat the.

Insurance ka agent hari ka khaas tha.

aane wale teen din mein hi uss ne sab settle karva diya.

Next day suraj ne bank ja sab formalities complete ki aur sara pesa naye account mein transfer karva diya.

Bas agar kuch tha to hari ka saving account jis pe nomination kanta ki thi.

Locker ki nomination bhi kanta ki hi thi.

par suraj jaanta tha ke uss mein office ke kuch papers ke siva kuch na hoga ku ke sab fds to hari ne plot lene time tudwa li thi.

Suraj ne ghar aa kanta se baat ki aur kaha uss ko ek baar bank chalna hoga.

Par kanta ne kaha ke wo tehrvi ke baad hi kahi jaye gi.

Hari ki tehrvi ke din hindu reeti riwaj se ghar ke logo ne hi aakhri rasme nibhai.

Kitty aur hina abhi tak maa ke paas hi thi.

Hari ki maut ke baad se hi teeno maa beti kahi na gayi thi.

yeh wo mauka tha jab kitty suraj ke virudh maa ke dil mein zehar bharti rahi.

Kitty shayad jaanti thi ke baap ki maut ke baad sab kuch suraj ke haath mein hoga.

Aur ab wo na kisi ki sunne ga aur na hi maane ga.

Uss ki bas issi soch ne uss ke ander ke zehar ko juban pe la diya kanta ke saamne.

Kanta tehrvi ke agle roj pehli baar subah yoga pe gayi.

Waha sab uss ki saathi ladies uss ke paas jamma ho gayi.

Jese ke aurto ki aadat hoti he wo fir se hari ki baat le ke beth gayi.

Wo to apni aur se hamdardi kar rahi thi kanta ke saath.

Do teen ne poochh liya ke aakhir itni chotti age mein attack kese ho gaya hari ko.

Kanta pehle hi kitty ke ugle zehar se bhari bethi thi.

uss ne dabi juban mein sara dosh apne bête suraj pe madh diya.

Sabhi aurtein ghor kalyug ghor kalyug kehne lagi to yeh jyoti ki maa jo wahi thi sehan na kar pai.

Wo dukhi ho bol uthi: kanta ab to bakash de apne bête ko. Kyu itna ganda ilzaam laga rahi he.

Kanta jo jyoti ki maa ko wese hi pasand nahi karti thi.

ooper se hari ki maut ke din jo pyar dikhaya tha uss ne suraj ke liye sab ke saamne uss se wo aur bhi chidh chukki thi.

Kanta bade hi gusse se: wo mera beta he mrs. dhamija. Tu uss ki jayada sagi mat ban. I know teri najar kaha he.

Jyoti ki maa heran ho: kya matlab he tera?

Kanta: I know tu apni beti ko suraj ke peechhe laga…….

Jyoti ki maa cheekh padi: shut up kanta. Doosre pe tohmat lagane se pehle apne gireban mein jhaank.

Kuch aurtein dono ko chup karvane lagi.

Par beti pe baat aati dekh jyoti ki maa ke tann badan mein aag lag chukki thi.

Wo kehne lagi: kanta yeh to sunna tha poot kapoot ho jaate he. Par maa bhi kabhi ku-maa ho sakti he yeh tum ne dikha diya. Pesa to aaj he kal nahi he….. kal gaya to parso fir aa jaaye ga….. par yaad rakh kanta beta ek baar jo tum ne kho diya fir kabhi nahi wapas pa sake gi.

Fir jyoti ki maa ne jo kanta ko aaina dikhaya sab ke saamne to kanta ke liye waha se jaane ke siva koi chara na bacha tha.

Kanta ke dil-o-dimaag pe jyoti ki maa ki baaton ne jalti pe tel ka kaam kiya tha.

Kanta ke ghar aane se pehle hi suraj office ke liye ja chukka tha.

uss ka kaam badh gaya tha kyu ek to office itne din se band tha.

doosra order bhugtane ko maal nahi tha.

Aur udhar radhika bhi acciedent ke kaaran delhi office na ja pa rahi thi.

verna wo sara kaam sambhal leti.

Suraj ek ek kar sari parties ko phone karne laga ke aag lag jaane ke karan wo kuch din tak koi order nahi le sakta.

Naye order wo tabhi accept kare ga jab uss ke paas supply ke liye naya maal aaye ga.

Ek do parties ne teen panch ki to suraj ne jhat se keh diya ke thik he wo unn ka advance abhi wapas kar deta he.

Aur uss ne esa kiya bhi.

Ussi din uss ne sab ka advance lauta diya.

Kuch ek parties ne yeh kaha bhi ke wo advance wapas na kare.

Next order mein adjust ho jaye ga.

To suraj ne kaha ke ab sab orders naye sire se lega wo.

Shayad abhi suraj apne sar pe koi burden nahi rakhna chahta tha.

wo nahi chahta tha ke kal ko koi uss ke baare mein yeh kahe ke hari chopra ya uss ke ladke ne uss se pese le order nahi bhugtaya.

Yeh baat uss ke dimag mein ku aai yeh wo bhi nahi janta tha.

shayad uss ke dil mein koi anjana sa darr tha ke abhi shayd kuch aur bura ho sakta he.

Kanta ne subah ghar aa ke pehle to kisi se kuch na kaha bas chup chap apne room mein padi roti rahi.

Par hina aur kitty ne jab jor de ke poochha tab kanta ne sab ugal diya.

Iss ka asar yeh hua ke sham ko jab suraj ghar aya to uss ke aate hi ghar mein ek toofan khada kar diya kitty ne.

Yeh toofan esa bhayanak tha jis ne suraj ki jindgi mein jo thoda bahut bacha tha uss ko bhi ujaad diya.

Kanta aur kitty ne to yaha tak keh diya ke ab uss ke saath unn ka koi rishta nahi.

Kanta gusse se boli: main ab tere saath ek chhat ke neeche nahi reh sakti. Main kitty ke saath rahu gi. Tujhe jyoti ki maa mein apni maa najar aati he to ussi ko rakh le yaha apni maa bana ke.

Yeh kehte hue kanta uthi aur kitty se boli: chal kitty mera ab iss ghar se koi lena dena nahi.

Suraj: nahi mom yeh aap ka ghar he. Papa ne yeh aap ke liye banaya tha. aap ko mujh se problem he to main hi yaha se chala jata hu.

Kitty: haan mom agar koi jaaye ga iss ghar se to yeh. Aaj se iss ka hum sab se koi rishta nahi. Sab rishte papa ke saath hi jal gaye.

Suraj gusse aur dukh se bhara hua waha se nikal pada.

Kissi ne uss ko rokne ki koi koshish na ki.

Uss ko bahar jaate dekh kitty fir se boli: tujhe office jaane ki bhi koi jaroorat nahi. Hum dekh le ge papa ka kaam bhi.

Suraj jab ghar se nikla to uss ko kuch samaj na aai ke wo kaha jaaye.

Wo car mein kuch der idhar udhar ghoomta raha.

Fir ek wine shop pe car rok uss ne ek RC ki botal khareedi.

Raat hone ko thi.

uss ne ek ghatia se ahate pe aa ke do peg lagaye.

Jab wo pee raha tha to radhika ka phone aya.

Uss ne phone on kar radhika se bas itna hi kaha kal ko baat kare ga abhi busy he.

Wo waha se nikla.

Wo soch raha tha ke ab kidar jaaye.

Sharab pee ke car drive karna uss ko pasand nahi tha.

wo mohali mein enter hua to kuch aage chal uss ko ek hotel najar aya.

Wo hotel ke ander car laya.

Waha ek room le ke ruk gaya.

Socha ke kal decide kare ga uss ko kya karna he.

Hotel mein aa ke wo kafi der tak beth ke peeta raha.

Dinner kiya aur so gaya.

Agli subah jab utha to dus baj chukke the.

Chai pee toilet gaya.

Jab bahar nikla to uss ko yaad aya ke uss ke paas na towel he na brush aur na hi koi kapda.

Wo waha se nikla market gaya do teen jodi kapde aur towel, brush etc. khareeb hotel aa gaya.

Ready ho ke nikla.

Car mein bethte hi uss ki najar apne briefcase pe padi to uss ko check kiya.

Uss mein uss ke banks ki cheque books aur kuch documents the.

Ek dil kiya ke wo office ja ke rakh aye.

Par fir kitty ki awaaz kaan mein padi jo uss ne kal raat kahi thi.

Wo mohali wale bank ki aur chal diya jaha uss ka ek locker tha.

uss ne sab kuch uss bank ke locker mein rakha.

Sirf ab uss ke paas kuch tha to banks ke atm cards ya locker ki keys.

Pehle uss ke dimag mein aya ke wo delhi radhika ke paas chala jaaye.

Par uss ko sirf ekaant chahiye thi.

wo na kisi se milna chahta tha aur na hi baat karna chahta tha.

Issi karan uss ne subah se ab tak na koi call attend ki aur na hi kisi se baat ki.

Wo wapas hotel aa gaya.

Betha fir se peene laga.

Lunch kar so gaya.

Sham ko aankh tab khuli jab andhera hone wala tha.

kuch der betha ese hi sochta raha pichhle kuch dino mein jo jo hua tha.

uss ko laga jese papa ke saath uss ki life khatam ho gayi ho.

Uss ki soche tab tooti jab pocket mein rakha phone vibrate hone laga.

Suraj ne phone vibration pe kar rakha tha kal raat se hi.

Phone nikala dekha prem ki call thi.

uss ne phone bed pe fenk diya.

Kuch der baad prem ki fir call aai.

Uss ne yeh call bhi na li.

Fir uss ne sari missed calls check ki.

Prem, jyoti, radhika, kavita sab ki kitni missed calls thi.

kuch ek uss ke clients ki bhi thi.

kuch watsapp msgs the.

Par uss ki mom, kitty ya hina ki koi call na thi.

Haan hina ke pati ki jarur do missed calls thi.

Suraj ne sab ko ignore karte hue.

Phone switch off kar diya aur sim nikal pocket mein rakhe purse mein daal diya ta ke kisi ko yeh pata na chal sake ke wo kaha he.

Suraj ne uth ke tv on kiya.

Waiter ko call kar kuch khaane ko mangwaya aur fir se drink karne laga.

Dinner kar wo so gaya.

Subah jab uss ki aankh khuli to aath baj rahe the.

Sar bhari bhari tha.

hota bhi ku na kal dopehar se wo drink kar raha tha.

Uss ne ek lemon soda mangwa ke piya chai ki jagah.

Tab ja ke uss ko kuch rahat mili.

Ek baar uss ke dil mein aya ke wo ghar ja ke dekhe ke kya mahaul he.

Par fir uss ne yeh irada badal diya.

Wo utha uth ke naha dho nashta kiya.

Issi beech uss ke kapde dhul ke laundry se aa gaye.

Uss ne gande kapde diye dhone ko.

Ready ho bahar nikla.

Car ke mirror mein chehra dekha dadhi thi chehre pe halki halki.

Suraj ne kuch socha fir cell nikal apna sim nikala aur daal ke cell chalu kiya.

Sab se pehle uss ne prem ko call lagai.

Prem call ke milte hi cheekha: maa I yahvya kithe aa. (maa yahve kaha ho)

Suraj: ethe I haan yaar. (yahi hu yaar)

Prem : eh ki siapa pe gya. Tu mere kol kyu ni aya jad gharo nikleya ci ta. (yeh kya panga padh gaya. Tu mere paas kyu nahi aya jab ghar se nikla tha)

Fir prem ne jo suraj ko bataya uss ne suraj ka dimag khraab kar diya.

Prem ne bataya ke kal sham ko wo uss ki kothi gya tha.

kanta aur kitty ne uss ki bahut insult ki aur saath hi jyoti pe bahut ganda ilzaam lagaya ke wo suraj ko uss ki daulat ki khatir pataa rahi he.

Aur bhi bahut kuch kaha jyoti ke baare.

Prem ne yeh bhi bataya ke ghar ke sab nokro ko do din mein waha se jaane ka order mil chukka he aur unn ki kothi ke bahar for sale ka board taang diya gaya he.

Suraj ne prem se kaha ke wo sham ko uss se mile ga.

Abhi ek do kaam he wo nipta le.

Prem se baat kar suraj ne radhika ko call ki.

Radhika ne bhi khaas news di suraj ko.

Radhika ne bataya ke kal subah kitty aur kanta office gayi thi.

jese hi kitty ne office staff ko yeh kaha ke suraj ka ab iss company se koi lena dena nahi he to sab ne ek saath mil ke resign kar diya.

Kitty aur kanta fir bank gayi.

Unn ki najar company ke account pe thi.

par wo account suraj pehle hi band karva chukka he iss liye dono tilmilai to bahut par kuch kar na pai.

Office kyu ke suraj ke papa ke name pe he so kanta aur kitty ab uss ko bechne ki tayari mein he.

Yeh sab sunn suraj: to mom ko pesa chahiye na. thik he main sara pesa niklva ke de deta hu. Aur bhi jo chahiye wo bhi de duga.

Radhika: nahi suraj yeh galti kabhi na karna. Mujhe uncle pehle hi bataa chukke the ke kitty ki najar unn ke pese pe he. Auntie sab kuch kitty ko de degi aur auntie ke haath kuch na lage ga.

Fir jo hari ne kaha tha uss ko brief mein radhika ne bataa diya.

Suraj ke paon ke neeche se jameen hi to nikal gayi thi.

Radhika: suraj meri maan tu yaha aa ja.

Suraj: thik he main aa jata hu kal hi. aaj jara prem se mil lu.

Suraj jo ab tak sirf dukhi tha.

uss ke dil mein ek nafrat ki lehar peda ho chukki thi kanta aur kitty ke liye.

Kitty ke liye khaas kar.

Ek baar to uss ne fesla kar liya ke wo kal hi chala jaaye ga delhi.

Par fir uss ne socha ke abhi do chaar din aur ruke ga yaha.

Abhi yeh soch hi raha tha ke cell baja.

Call kanta ki thi.

mom ki call ko dekhte hi uss ke dil mein ek umeed jagi.

Cell on kar: hello mom

Udhar se: kitty here. Kaha he tu?

Kitty ki awaaz mein talkhi thi.

Suraj: kyu ab kese yaad aa gayi meri.

Kitty: yaad aur tumari my foot. Yeh bata company ke account ka sara pesa kaha he. Kis kis randi ko diya tumne.

Suraj ko bhi gussa aa gea: di shut up.

Kitty: shut up ke bache ghar aa. Ek ek pese ka hisab de. Nahi to 420 ke case pe jail jaane ki tyari kar.

Suraj hass ke: di aap ko jo karna he kar lo.

Yeh kehte hue suraj ne call kaat di.

Iss se pehle koi aur call aati suraj ne cell off kar diya.

Uss ko gussa aa raha tha ke pese ke liye uss ke apne itna gir sakte he.

Wo kuch soch hotel wapas aya.

Aate aate raaste mein ek bag buy kiya.

Packing ki.

Hotel se check out kiya.

Sab se pehle uss ne car bazaar aa ke car sale kar di.

Esa iss liye kiya ta ke kisi ki najar mein na aaye wo.

Fir uss ne ek second hand bike khareedi.

Helmet liya.

Sar pe ek scarf aur muh pe ek rumal bandha aur helmet pehan wo chal pada.

Apne ghar gaya.

Bahar for sale ka board padhte hi uss ki aankhein chhalak gayi.

Wo sadak ke doosre kinare khada tha.

uss ko rani bacho aur saas ke saath niklti dikhai di.

Rani ro rahi thi.

dil to chaha ke wo uss ke paas jaye par na jaa saka.

Wo abhi kisi ki najar mein nahi anaa chahta tha.

Waha se chala to office gaya.

Office locked tha.

uss ke dil mein ayaa ke jyoti se ek baar mil le.

Par jyoti ke liye uss ne jo prem se sunna tha uss se uss ki himmat na hui jyoti ke paas jaane ki.

Uss ko bhookh mehsoos hui.

Kahi beth ke khana khaya.

Uss ke dil buri tarah dukhi tha aur toot bhi chukka tha.

papa ke jaane ke baad uss ko yeh din dekhne pade ge.

Yeh to uss ne khawabo mein bhi na socha tha.

Khane ke baad uss ko papa ke advocate ki yaad aai.

Uss ne socha ke aaj to abhi andhera hone ko he kal wo unn se mile ga.

Andhera hone tak wo wapas mohali laut aya.

RC ki bottle khareedi.

Wahi ek achhe se chicken corner pe aa ke beth peene laga.

Teen peg pee chukka tha tab uss ko khayal aya ke hotel to wo chhod chukka he.

Yeh soch ke utha wo ke ab pehle kisi hotel mein room le fir wahi ja ke aur peeye ga.

Drink kar ke shayad hi kabhi uss ne drive ki hogi.

Wo dheere dheere chal pada.

Jab pee ke utha tha to raat ke pone nau baj chukke the.

Wo hole hole chal pada.

Mohali bus stand ke paas se gujar raha tha.

road khali thi so uss ne speed bada di.

Crossing pe saamne se ek truck aata dikhai diya.

Uss ko aage se cross karne ke liye suraj ne speed aur bada di.

Aage ek auto ja raha tha jis ko wo pehle dekh na paya truck ki headlights ki tej roshni ke kaaran.

Aur jab achanak auto pe najar padhi to.

Auto se takrane ko bachate bachate suraj ki bike side pe lage ek bijli ke pole se ja takrai.

Wo uchhla aur gira.

Sarr road se ja takraya.

Sarr pe lagaya helmet jameen pe ja gira.

Auto wale ne laakh bachane ki koshish ki.

Fir bhi auto ka pichhla ek tyre suraj ki left leg ke ooper se gujar gaya.

Auto wale ne auto roka.

Uss mein ek hi sawari thi ek mard.

Dono bhaage suraj ki aur.

Suraj jor jor se krah raha tha dard se.

Auto ki swari ne paas aa jab suraj ko dekha thoda dhyan se to wo uchhal pada.

Auto wale se bola: bhai yeh to apne ghar ka hi banda he.

Uss ne auto wale ki madad se suraj ko auto ki pichhli seat pe litaya.

Suraj bhalle takleef mein tha.

aur nashe mein bhi tha.

fir bhi uss mard ko pehchan gaya.

Wo geeta ka baap tha.

Suraj dard mein hi bola: uncle hospital le ke chalo meri taang.

Geeta ke papa ne uss ko auto wale ki help se auto ki pichli seat pe litaya.

Auto wale ne geeta ke papa ko bethne ko kaha.

Par geeta ke papa ne bike uthai.

Jald hi wo paas ke ek hospital mein aa gaye.

Suraj ko admit kiya gaya.

Doctor ne sab se pehle uss ko pain killer ka heavy dose diya.

Jis se uss ko pains se thodi rahat mili.

Geeta ka papa wahi tha abhi.

Suraj ne uss ko bulaya paas.

Apna atm card de pese nikalne ko kaha.

Geeata ke papa card lene se jhijke.

Par koi chaara bhi nahi tha.

uss ke paas itne pese the nahi.

Yeh baat suraj ne samjhte hue suraj ne jabran card geeta ke papa ko diya.

Suraj ka ilaaj shuru ho gaya.

X-ray kiya to pata chala ke fracture he left leg mein ghutne se neeche.

Sar bach gaya helmet ke kaaran.

Geeta ke papa ne bataya ke geeta apni maa aur behan ke saath apne maama ke yaha gayi he wo kal sham tak aaye gi.

Uss ne suraj se uss ke ghar ka number maanga ke wo uss ke ghar khabar kar de.

Suraj ne kaha ke iss ki koi jaroorat nahi.

Geeta aaye to uss ko bhi kehna ke wo ghar pe kisi ko khabar na kare.

Bas prem ko bata de.

Asal mein suraj ka apna cell jo jeans ki pocket mein tha.

iss accident se damage ho gaya tha.

kuch der baad hi uss ko behoshi ka injection diya gaya.

Jis se wo so gaya.

Agli subah ko suraj ki leg pe plaster laga diya gaya.

Sham tak suraj ke kehne pe geeta ke papa ne bike jo thodi bahut damage hui thi.

wo uss ne thik karva li.

Sham ko paanch baje tak geeta apni maa aur behan ke saath laut aai.

Geeta ke papa ne uss din chhutti le li thi.

Geeta ke papa ke paas ek bike dekh sab ne poochha ghar mein yeh kis ki he to uss ne sari baat bata di.

Geeta yeh sunnte hi ghabra gai.

Papa ne beti ko santavna de ke kaha ke wo thik he bas leg mein fracture jarur he.

Geeta papa ke saath ussi pal hospital aa gayi.

Geeta ko is baat ka jara bhi ilam na tha jo suraj ke saath pichhle dino mein Hari ki death ke baad kya hua tha.

Suraj ke kehne pe hi geeta ne prem ko call ki.

Accident ke naam se prem bhi ek baar ghabra gaya.

Wo ussi pal hospital ka pata poochh ke nikla.

Suraj ne socha tha ke akela prem aaye ga.

Par uss ke saath jyoti aur uss ki maa ko dekh suraj ko badi herani hui thi.

Suraj ke dil mein darr peda hua ke pata nahi jyoti ki maa kya kahe gi uss ko.

Par uss ne aate hi suraj ko seene se laga pehle pyar kiya aur fir maatha choom liya.

Fir thoda sa gusse se boli: tu mere paas nhi aa sakta jab ghar chhoda tha. kya main teri maa nahi.

Suraj: auntie mom ne jyoti ke liye jo kaha uss se darr gya tha main.

Jyoti ki maa: pagle ese kanta ke kehne mein tera kya kasoor. Tujhe nahi jaanti main ya apni beti ko nahi jaanti main.

Suraj ki left leg pe plaster, sar , right elbow aur left hand pe dressing thi.

Uss ki yeh haalat dekh dono maa beti baar baar aankhein saaf kar rahi thi.

Prem ne poochha geeta ke papa se ke doctor kya kehta he iss ko chutti kab tak mile gi.

Geeta ke papa ne kaha ke bas do din ke baad mil jaye gi.

Par iss ko abhi ek month lag jaye ga thik hone mein.

Prem: jad tak tu thik ni hunda mere kol mere ghar rahe ga. Sunea na? (jab tak tu thik nahi hota mere ghar rahe gat u. sunna na?)

Geeta: please prem suraj ko main apne paas rakhu gi. Tum ko apna business dekhna he aur jyoti ke abhi final exam chal rahe he. Par main free hu. Classes dubara july ya august mein shuru hoti he. So please.

Jyoti ki maa: thik keh rahi he geeta. Fir iss ka ghar bhi hospital ke kareeb he. Suraj ko check up ke liye ana jana easy rahe ga. Aur hum sab aate jaate rahe ge.

Prem aur jyoti geeta ki bhavna ko samjh gaye.

Fir prem poochhne laga ke akhir yeh sab hua kese?

Suraj dukhi mann se: mere koi bure-karam saamne aa gaye mere.

Jyoti ki maa ne tadap ke uss ko seene se laga liya: tu esa soch bhi kese sakta he suraj. Yeh kis ke bure-karam he hum sab jaante he. kare koi bhare koi.

Suraj: auntie please mom ya mere kisi family member ko kuch pata na chale. Aur haan mom ne ya kitty di ne jyoti aur mujhe le ke jo anaap shanaap baka he uss ke liye main aap dono se haath jodh ke maafi maangta hu.

Jyoti ki maa: nahi beta unn ki chotti soch ke liye tu kyu maafi maange. Mujhe jitna vishwas jyoti pe he. Uss se kahi adhik tum pe he. Tum sab ki dosti ka yu samjho imtihaan he yeh. Aur I know tum sab ki dosti ke beech esi chotti chhotti baatein kabhi na aaye gi.

Kuch der aur ruke teeno waha se fir chale gaye.

Geeta ne suraj se kaha ke dinner le aati he.

Suraj ne bataya ke khana peena sab hospital wale hi dete he.

Geeta ne zid ki raat wahi rukne ki par suraj ne geeta aur uss ke papa dono ko ghar bhej diya yeh bol ke waha nurses kaafi khyal rakhti he har patient ka.

Yeh to sach he ke private hospitals charges agar tikka ke lete he to patient ka khyal poora rakhte he.

Khaas kar jab patient suraj jesa smart aur ameer ho to nurses ka wo chaheta ban hi jata he.

Its business friends.

Agli subah geeta ki maa aur chhotti behan aarti milne aai.

Kuch der baad geeta bhi aa gayi.

Suraj ne prem ko abhi neelima ko batane se rok diya.

Kyu ke suraj uss ko preshan nahi karna chahta tha.

Din mein jyoti bhi aai aur prem bhi.

Next day Sunday tha.

Sunday sham ko suraj ko chutti mil gayi.

 

[StoryPublisher]

Part-25

Prem apni car se suraj ko geeta ke ghar chhod gaya.

Bahar ke room mein pehle hi geeta ke mamma aur papa sote the.

Ander do rooms the.

Ek mein aarti aur jyoti dono soti thi.

teesra jo geeta ke bhai ke jaane ke baad khali pada tha.

uss ko achhe se saaf kar suraj ko diya gaya.

Peechhe wale dono rooms ka bathroom common tha.

Suraj ne apna cell prem ko thik karvane ko diya.

Par saath hi uss ne ek naya cell bhi mangwa liya prem ko bol ke.

Udhar radhika jo suraj ko call kar kar ke preshan ho uthi thi.

aakhir Sunday sham ko uss ne jyoti ko call kar li.

Jyoti se accident ka sun uss ke paon ke talle se jameen khisak gayi.

Wo ab kaafi thik ho chukki thi.

Monday ko subah wo nikli delhi se.

wo yeh soch ke aai thi ke suraj ko har haal mein delhi le ke jaaye gi.

Par geeta aur uss ke parivar ki sewa bhavna aur suraj ke prati pyar dekh uss ne yeh vichar tyag diya.

Suraj ne radhika se kaha ke wo abhi office na khole.

Par radhika ne kaha ke yaha Chandigarh ka office band hone ke kaaran uss ka office kholna jaroori he kyu ke kuch payments jo ruki hui he unn ko nikalna he radhika ko.

Suraj ne radhika ko rok diya ke wo uss ke accident ka jikar kisi se na kare aur na hi koi naya order le.

Sab baatein samajh ke mangal ki sham ko radhika laut gayi.

Geeta poori lagan se suraj ki sewa kar rahi thi.

time pe davai, khana har baat ka wo khyal rakhti.

Suraj kai baar uss ke esa karte dekh aankhein bhar leta to geeta bhavuk ho uss se lipat jati.

Kai baar to bhavna mein beh ke maatha aur gaal bhi choom leti.

Geeta aur aarti der raat tak uss ke paas bethi rehti.

Geeta aur suraj chahe Dono dost the par jawan bhi the.

Chahe suraj ke dil mein geeta ke liye dosti se badh kuch nahi tha par geeta ke dil mein ek chahat jarur thi suraj ke liye.

Geeta to suraj ko bahut pehle se pasand karti thi.

par wo neelima ke karan apni bhavnao ko khol na pai thi kabhi.

aur neelima ki shadi ke baad to uss ne apne dil ki keh hi di thi suraj ko.

Fir suraj ne mushkil time mein uss ki help ki thi iss se wo aur bhi suraj ki aur jhukne lagi.

Suraj ki jagah koi aur hota to shayad wo geeta ki chahat ko bhunna chukka hota.

Par suraj to bana hi kisi alag mitti ka tha.

kisi ki bhavnao se khelna uss ke syllabus mein hi nahi tha.

Aaj agar wo geeta ke ghar mein reh raha tha to sirf apni taang tootne ke kaaran.

Fir geeta ki family bhi to uss ki sewa kar ke khush thi.

Kyu ke yeh ek behtreen mokka tha suraj ke kiye ehsaano ka kuch bhoj utarne ka.

Suraj unn ki khushi aur apni majboori ke liye waha ruka hua tha.

Din mein to geeta ko kuch na hota wo normal rehti.

Par raat ke khane ke baad jab wo suraj se baatein karti uss ke paas bed pe beth tab wo apne dil pe kaaboo na rakh pati.

Suraj ko iss baat ka ehsaas tha. Issi liye aarti jese hi son eke liye jaati to suraj ko bhi bhej deta sone.

May beet chukka tha june shuru ho gaya tha.

neelima ko bhi aakhir pata chal gaya ke suraj ka accident hua he.

Wo jyoti ke saath ussi din aa gayi milne.

Kyu ke updesh delhi mein tha do teen din se kaam ke silsile mein.

Neelima ne updesh ko bhi suraj ki khabar de di.

Neelima jab aai geeta ke ghar to suraj se khoob jhagdi ke itni badi baat ho gayi aur suraj ne usse batana to door. Prem aur jyoti ko bhi rok diya uss ko batane ko.

Suraj ne badi mushkil se shaant kiya uss ke gusse ko.

Jyoti ne geeta ko aankh maar poochha: oye itne din se tere paas he yeh kuch kiya viya ke ni.

Geeta uss ka matlab samjh bura sa muh bana boli: yaar yeh to haath tak ni rakhne deta. Verna main to kab ki………….

Neelima ne ghoora dono ko aur fir jyoti se boli: sharam nhi aati tujhe kameeni.

Jyoti badi besharmi se: jinne kiti sharam ohde futte karam……..

Geeta aur jyoti dono hass di.

Suraj thoda gussa dikhate: dekh le neelu tere saamne bhi ab shuru ho gayi dono.

Neelima dono ko ek ek lagati hui: tum sudhar jao dono kammeeniyo.

Par wo kaha rukne wali thi.

dono tang karne lagi suraj ko.

Neelima tang aa gyi to uss ne bed se neeche jhuk ke ek jutti uthai aur boli: kuttiyo tum dono ko jo aag lagi he uss ko to main thandi karti hu.

Jutti dekh dono hassti hui bhaagi waha se uth ke.

Geeta aur jyoti ki chhed chhad tab tak jari rahi jab tak aarti chai na le aai.

Do din baad jab upesh wapas lauta to neelima uss ke saath fir aai milne.

Updesh ne bhi narajgi jatai ke iss mushkil ki ghadhi mein suraj unn ko kyu bhool gaya.

Wo suraj se kehne laga ke aaj jo bhi unn ke paas he wo sab suraj ke kaaran hi he.

Tab suraj ne kaha nahi yeh sab to neelima uss ki kismat mein le ke aai he.

Yeh neelima aur sunil ka good luck he jo wo rise kar raha he aur ya fir uss ki apni mehnat.

Abhi uss ko aur rise karna he.

Ek din unn ke paas apni car hogi, badhiya ghar hoga.

Updesh ne uss se wada liya ke jab kabhi bhi suraj ko jarurat ho to unn ko bhoole nahi.

Do din baad suraj ka plaster khul gaya.

Leg poori thik ho chukki thi.

Doctor ne khaas nirdesh de kaha ke bas dus din khaas khyal rakhna he.

Doctor ne ek oil dete kaha ke dus din roj subah sham iss oil se massage karni he aur jayada ghoomna firna nahi.

Leg pe koi jor nahi daalna aur driving bhi nahi karni kuch din.

Massage ke liye jab doctor ne kisi maalish wale ka arrange karne ko kaha to Suraj ne kaha ke itna sa kaam wo khud kar lega.

Par doctor ne kaha ke achha hoga agar wo kisi se karvaye kyu ke massage ke time pe fractured taang seedhi rakhni hogi.

Doosra tel thoda lage ga bhi jese suiya chubhti he.

Prem aya tha car le ke.

Ghar chhodte time uss ne Geeta se kaha bas dus din aur iss ullu ko bardashat kar lo.

Sab yeh sun ke hass diye.

Geeta suraj ko dekh hole se bud-budai: main to iss ullu ko saari umar bardasht kar lu. Yeh mane to sahi.

Sone se pehle raat ko geeta jab tel le ke aai maalish karne ko to suraj jhijak ke bola: yaar tu rehne de main kar lunga khud hi.

Geeta hass ke: leg ki maalish karni kahi aur nahi.

Suraj buri tarah jhemp gaya.

Geeta jese jese maalish karne lagi.

Uss ke narmo najuk haatho ki garmi se suraj ke badan mein ek sihran peda hone lagi.

Geeta maalish karte karte geeta uss ke chehre ko dekh rahi thi.

Uss ke dekhte hi suraj sharam ke maare aankhien jhuka leta.

Geeta uss ko sharmate dekh hass di.

Geeta ki hassi sun suraj ne poochha: hass ku rahi he?

Geeta: tujhe sharmate dekh.

Suraj: pagal.

Geeta fir se hassti boli: haaye oye teri blushing.

Suraj shorts pehne hue tha.

Geeta ko shrarat sooji.

Uss ne suraj ki jhangh pe chikoti kaat di.

Suraj iss achanak hue hamle se ek baar tadap utha.

Fir jaangh ko sehla ke bola: maaru ga.

Geeta hass ke: to maar le roka kis ne he.

Iss double meaning dialogue se suraj buri tarah bokhla gaya.

Uss ne chup rehna hi behtar samjha.

Doctor ke kahe anusar geeta ne massage ki.

Ab har subah raat jab geeta suraj ki leg ko geeta massage karti to suraj ka bura haal ho jata.

Massage chahe paon aur ghutne ke beech hi karni hoti fir bhi kai baar geeta apna haath jaan bhooj ke suraj ki raan pe le jaati.

Raan pe haath ke padhte hi suraj buri tarah sihar jata.

Ander se to geeta bhi hil jaati.

Uss ka dil chahta ke wo suraj se lipat jaaye.

Par wo esa kabhi kar na pati kyu ke ghar pe koi na koi to hota hi.

Wese bhi ghar mein kisi ko na pata tha ke wo suraj ki massage karti he.

Wo to sab yahi samjhte the ke suraj massage khud karta he.

Suraj sochta ke shukar he ghar pe koi na koi na hota he.

Verna kuch bhi gadbadh ho sakti thi.

Itne din tak plaster laga rehne se suraj ki taang jo lagpag sunn si ho gayi thi.

massage ke kaaran ab uss mein kafi hadd tak jaan si laut aai thi.

Dus din poore hote hi suraj ne fir check up karvaya.

Doctor ne fully okk kar diya sab kuch.

Pichhle ek month se suraj ke paas bas do jodi kapde aur koi 3-4 shorts aur tshirts thi.

wo bas unn pe hi gujara kar raha tha.

uss ne geeta se poochha ke geeta ki classes kab tak shuru honi he.

Geeta ne bataya ke uss ka institute august se start hoga.

Suraj ne kaha ke agar ek room wo uss ko de de to wo wahi se apna kaam fir se shuru karna chahta he.

Geeta hass di aur fir boli ke poora flat uss ka he jab wo kahe ga wo uss ko mil jaye ga.

In fact geeta 4 rooms ke flat mein se sirf 2 rooms hi use karti thi.

jab uss ne suraj ko yeh bataya ke do rooms khali he unused to suraj ne final kiya abhi ek room mein wo rahe ga.

Doosre ko office banaye ga.

Fir uss ko yaad aya ke uss ka laptop to office mein hi tha.

Uss ne pehle radhika ko call lagai.

Uss ko bataya ke wo ab thik he.

Kal se kaam shuru kar dega.

Radhika ne kaha ke parties wait kar rahi he kab wo fir se kaam pe laute ga.

Saath hi radhika ne yeh bhi bata diya ke uss ne pending payments almost sab mangva li he.

Suraj ne kaha ke abhi wo pesa wahi rehne de.

Uss ke paas yaha pesa he.

Kal wo pehle nai car lega.

To radhika ne kaha ke wo apni car jo delhi mein he wo aa ke le jaye.

To suraj ne kaha ke wo delhi mein rakhe car apne paas.

Fir radhika se kuch baat kar uss ne prem ko call ki.

Prem se uss ko jaankari mili ke unn ki kothi abhi biki nahi he.

Prem ko hina ka pati mila tha.

wo suraj ka poochh raha tha.

hari ki will ki ek copy hari ke advocate ke paas he.

Wo bhi suraj se milna chahta he.

Suraj ke dimag mein pehle yeh aya ke wo apne new kapde le.

Par fir uss ne socha ke uss ke itne kapde pade he waha kyu na koshish kare ke wo kapde uss ko mil jaaye.

Uss ne yeh soch ke hina ke pati ko call laga di.

Suraj ne uss ko kal milne ka kaha par hina ke pati ne uss ko aaj hi sham ko ghar aane ka kaha.

Sham hote hi Wo bike le ke hina ke pati se milne chala gaya.

Wo suraj se mil ke jitna khush tha utna hi dukhi bhi tha jo kanta ne kitty ke behkave mein aa ke suraj ke saath kiya.

Hina jo abhi tak suraj ke accident se anjaan thi.

Wo bhai ke galle lag ke ro di.

Uss ne suraj se maafi maangi ke uss ko nhi pata tha ke kitty ke liye bhai se badh ke pesa he.

Hina ke pati ne uss ko yakeen dilaya ke wo uss ke saath he.

Agle din suraj hina ke pati ke saath ja advocate se mila.

Advocate ne kaha ke will ke according poora business suraj ko milta he.

Kothi kanta ke name he.

Agar wo suraj ke saath ussi kothi mein rehti he to ghar ki jimmewari suraj ki hogi.

Verna kanta jaha chahe waha rahe.

Wo chahe to kothi bech sakti he.

Office ka will mein koi jikar na tha.

Hina ke pati ne kaha ke office kaam ka hissa he to yeh bhi suraj ko milna chahiye.

Par suraj ne office maa ko dene ka decide kiya par iss sharat se ke ek to ghar mein se suraj ko uss ke saare kapde aur uss ka samaan lene diya jaaye.

Dusra papa ki car uss ko mile teesra office mein se saare pc’s aur hari aur suraj ka laptop uss ko de diya jaaye.

Hina ke pati ne beech mein padh ke sab suraj ki ichha anusar settle karva diya.

Wese bhi pc’s aur laptops se kitty ya uss ke pati ko kuch na mila tha ya yu kahe ke kuch samajh na aya tha.

Kyu ke radhika ne sab systems ko lock karva diya tha password par.

Passwords sirf hari, suraj ya operators ko pata the.

Website ko radhika delhi mein bethi control karti thi.

Teen din ke ander hi. suraj ko sara samaan mil gaya.

Suraj ne uss ke baad hina ke pati ko call kar ke kaha ke mom jab bhi chahe uss ke paas aa ke reh sakti he.

Wo apne kharche ke liye jitna pesa kahe gi wo bhi unn ko deta rahe ga.

Par hina ke pati ne kaha abhi wo mom ko esi koi offer na de.

Pehle apne kaam ko restore kare.

Suraj ne jo flat geeta ko diya tha uss ke do rooms jo khali pade the unn mein se ek ko temporary office aur doosre ko apna bed room bana liya.

Suraj ne apne plot ko visit kiya.

Waha pe jo rooms labour ko de rakhe the rehne ko unn ko uss ne jaldi se jaldi khali karne ka keh diya.

Fir uss ne hari ki pehchan ke ek contractor ko contact kiya.

Uss ko kaha ke uss ko jitni jaldi ho sake ghar bana ke de.

Contractor ne jesa suraj ne kaha uss ke anusar naksha ready kar paas karvaya aur fir kaam shuru kar diya.

Sab se pehle main road ki aur ek office aur plot ke pichhle ek corner pe 2 rooms with kitchen bathroom ka set bana diya servants ke liye.

Fir main ghar ki construction shuru ho gayi.

Suraj daily aa progress dekhne laga.

Saath hi suraj ne industrial area mein ek chotta sa godown rent pe le maal ka order de diya.

Suraj ne radhika ko phone kar pehla order Chennai se iyer ka lene ko kaha to radhika ne kaha ke yeh nek kaam wo khud kare.

Subah 11 am ka time tha.

Iyer sahib office mein bethe the.

Cell baja jo table pe pada tha.

unn ho ne cell utha ke dekha to suraj ka name flash hote hi ek pal to jese unn ko yakeen hi na hua tha. aankhein jhapki fir dekha.

Sach mein suraj ki hi call thi.

Cell on karte Iyer: hello.

Suraj: namskar uncle.

Iyer: thanks to Almighty. Tumari awaz to sunn-ne ko mili beta. Kaha rehte ho? Jab bhi call karo to cell band. Radhika beti se poochho to kehti he uncle jaldi hi baat karva du gi. Where are u son?

Suraj: sorry uncle. I was on bed for last one month. I met with an accident. My left leg got fractured.

Iyer chonk ke: wat? All this happened to u and u never tried to inform me. Even radhika didn’t told any of us.

Suraj: sorry uncle maine hi roka tha radhika ko.

Iyer: mera to chal thik he beta but u know teri auntie ko kitna bura lage ga. She always worried for you.

Suraj: uncle wo maa he na. maa na worry kare gi to kaun kare ga. Main khud unn se baat kar unn ke sab shikwe dur kar duga.

Iyer bhavuk ho ke: ya I know my dear. She loves you like rachit and parul.

Suraj: acha uncle maine kaam fir se start kar liya he. Aap ka koi order.

Iyer: wow that’s great Mr. Chopra junior. Idhar mera bahut sa kaam ruka pada he. Bahar se maal aata bahut late he aur costly bhi. But thank god you started it again.

Suraj: I m starting now with your order.

Iyer: so sweet of you my son.

Suraj: to uncle aap apna order mail kar de. Main tab tak auntie se baat karu.

Suraj ne pehle radhika ko call ki.

Uss ko iyer ke order ka bataya.

Fir uss ne Mrs. Iyer ko call laga di.

Mrs. iyer pehle gussa hui.

Fir royi fir dher sara pyar kiya phone pe hi.

aur fir suraj se wada liye ke wo jab bhi time mile to ek baar Chennai aa ke mil jaye.

Suraj ne rachit, shivani aur parul ka haal chaal poochha.

Par uss ne parul se baat karne ki ichha jahir na ki.

Haala ke dil uss ka kar raha tha parul se baat karne ko.

Iyer ki mail radhika ko kuch hi minto mein mil gayi.

Umeed se badh ke bada order tha Iyer ka.

Suraj ne godown pe phone kar maal check kiya.

Jitna maal pada tha uss ko turant bhejne ka order diya.

Saath hi sabhi manufacturers ko naye orders de diye.

Suraj ne apne purane staff ko contact kiya.

Wo sab ab apni apni nai position pe set ho chukke the.

Suraj ne ek known job consultant ko call kar ke kuch 2-3 bande bhejne ka kaha.

Apni requirement aur package bata diye.

Abhi tak kyu ke geeta free thi ussi se wo kaam chala raha tha.

par jaldi hi geeta ka apna kaam bhi start hone wala tha.

so uss ko naya staff chahiye hi tha kyu ab wo naye office se working start karne ja raha tha.

updesh ne sab kaam chhod suraj ka office pehle ready kiya saare interiors kar ke.

finally ek ladki mil gayi suraj ko.

Issi beech suraj do baar delhi chakkar laga aya tha.

delhi wo sirf Sunday ko hi jata tha.

aur radhika ko yeh clear kar diya ke delhi ka office ab fully uss ke jimme he.

Saath hi uss ne radhika se yeh bhi keh diya ke wo apna top floor flat fir se rent pe de de.

Jab radhika ne furniture ka poochha to suraj ne thoda gussa dikhate kaha ke neeche jo old furniture he kya uss ke saath hi chipki rahe gi wo.

Radhika kya kehti.

Suraj ne jab plot pe peechhe ke servant rooms ready ho gaye to rani ko call ki.

Rani ne suraj ki call dekhi to khushi se ro di.

Suraj ne uss ko kaha ke wo jaha bhi he waha kaam chhod uss ke paas chali aaye.

Rani suraj ko inkar kese kar sakti thi.

wo apne pati ke saath aai thi.

suraj ne uss ke pati se poochha ke wo kya karta he to uss ne kaha ke wo abhi ek taxi stand pe driver ki job kar raha he.

Rani ke pati ne ussi pal kitty ki job se jawab de diya tha jab kanta ne rani aur baki sab nokro ki chutti ki thi.

suraj ne uss ko poochha ke wo waha salary pe he kya?

To rani ke pati ne kaha ke jab koi round aa jaye to uss hisab se.

Suraj ne kaha ke wo bhi ab kahi aur nahi bhatke.

Uss ko bhi wo wahi rakhta he.

Uss ko suraj ne ban rahe ghar ki nigrani pe rakh diya abhi ke liye.

Uss ko poore samaan ka khyal rakhna tha.

sath hi suraj ne keh diya ke wo ghar poora hote hi ek aur car le lega.

Fir suraj ne rani aur uss ke pati ko kaha ke sham tak wo samaan le aaye.

Ek din subah giarah ka time tha.

suraj ne office mein kaam karne wali ladki jis ka naam divya tha.

uss ko apne cabin mein bula poochha ke consultant ne koi aur employee bheja ke nahi.

Divya: no sir.

Suraj: divya tumari koi pehchan mein ladka ya ladki.

Divya: sir abhi to koi nahi najar mein. Par ek ladki do teen baar job ke liye chakkar laga gayi he. Seems to be needy.

Suraj thode se gusse se: kamaal he yaar bataya to karo.

Divya: but sir aap ne kaha tha na accounts knowing chahiye. So I was hesitant.

Suraj: wo to chahiye hi but ek general bhi chahiye like u. kab tak tum sara bhojh dhovo gi.

Divya: esi koi baat nahi sir. I can manage.

Suraj tareef bhari nigah se divya ko dekh ke: I know u can manage. But mujhe to sab ka sochna he na. call her.

Divya: okk sir. I call her right now.

Suraj: tell her I m sitting here till 1 pm. If she can come.

Ek ghante ke ander wo ladki aa gayi.

Divya ne bataya to suraj ne kaha: send her in.

Suraj laptop pe busy tha.

Ladki: come in sir.

Suraj bina uss ko dekhe: please be sitted.

Suraj kuch pal busy raha laptop pe.

Fir jese hi usse ehsas hua ke wo ladki abhi bhi khadi he.

To uss ne sar uthaya aur ladki ko dekha.

Suraj uss ko dekhte hi chonka: tum.

Wo ladki jo saamne khadi thi. uss ka to chehra peela zarad padh chukka tha.

Wo ladki koi aur nahi pinki thi.

Wahi pinki jo dolly aur avani ki friend aur high society call girl thi.

Suraj ek jhatke se utha: pinki tum yaha job ke liye. How? why?

Pinki suraj ko dekh buri tarah ghabra gayi thi.

suraj ko laga yeh abhi ke abhi ro degi.

Suraj ne fir thoda jor de ke kaha: pinki I say sit down.

Suraj ne awaaz de peon ka kaam karne wali lady ko fridge se cold laane ko kaha.

Wo jhat se gayi aur do glasses mein cold drinks de ke bahar apni jagah pe beth gayi.

Itne mein suraj ko ek client ki call aa gayi.

Suraj ne call lete ishare se pinki ko cold lene ko kaha.

Suraj ki jab baat khatam hui to wo bhi cold lene laga.

Pinki ab kuch sambhal chukki thi cold peeneke baad.

Suraj: haan to pinki madam aap job ke liye aai ho?

Pinki ke honto pe ab ek fikki si smile aa gayi: main kese job kar sakti hu sir? Jaha jaati hu waha pehle meri bad-kismti mera ateet pahuch jata he.

Suraj: pinki job karna koi buri baat to nahi. But one simple question y do u need a job?

Pinki ne ek thandi aah bhari: mr. suraj main jab aap se mili thi tab kesi thi aap to jaante hi he. But kyu thi wo nahi jaante? Tab wo meri majboori thi but ab nahi he. Yeh high society call girl jo ek raat ke hazaaro charge karti thi. aaj sirf do izzat ki roti kamaane ke liye dar dar bhatak rahi he. Thokre kha rahi he. Kya samaaj he yaar hamara wah!!

Bade hi zahreele andaz mein pinki ne jab yeh kaha to suraj ke dil mein teer ki tarah lagi pinki ki har baat.

Suraj: pinki tumahri majboori mujhe dolly ne bata di thi. tumari mom aur tumare sotele pita.

Pinki thoda heran hui.

Fir boli: suraj ji meri majboori jaante sabhi he par samjhta koi nahi. Takdeer mujhe jis gandgi mein dhakela aaj main uss se niklna chahti hu. Par wo ek Punjabi ki kahawat he na, “randi ta randepa katna chahundi he par mushtande ni katan dende.” (ek widhwa to widhwa jeevan jeena chahti he par kuch galat najar wale mard uss ko esa karne nahi dete.) Wahi aaj mere saath ho raha he. Mujhe ek raat ke aaj bhi har koi pandra bees hazar tak dene ko tyar he. Par dus baraah hazar mahine ki nokri koi nahi de raha.

Suraj: pinki mujhe jab dolly ne tere baare mein bataya tha ke tum iss daldal mein kyu aur kese fassi ho to maine uss din bhi dolly se kaha tha ke agar main kabhi kuch kar saku pinki ko iss gandgi se bahar nikalne ko to wo mujhe bataye.

Yeh sunte hi pinki fatti fatti aankhon se suraj ko dkhne lagi.

Suraj: tum ko job chahiye pinki to samjho tum ko job mil gayi. But bas ek baar yeh bataa do ke kya tumari mom aur sotela baap tumare kaam karne mein koi rukawat to nahi daale ge.

Pinki: marre hue log rukawat nahi daal sakte sir.

Suraj : wat?

Pinki: yes sir. Wo ek accident mein maare gaye dono.

Suraj: oh so sorry.

Pinki: don’t say sorry for such people sir.

Suraj ne intercom se divya ko bulaya.

Suraj: divya meet your new collegue miss pinki. Please prepare her appointment letter.

Divya jaane lagi to suraj uss ko rok ke bola: thanx divya aaj tere kaaran do purane friends mil gaye. Me and pinki are old friends. Yeh kafi achi aur respected family se he. Aaj majboori mein iss ko job karni padh rahi he.

Divya smile de ke chali gayi.

Pinki wahi bethi haath jodh ke ro di.

Suraj: please pinki don’t cry.

Kuch der baad pinki sambhli.

Fir zehreeli smile de boli: kis respected family se hu main sir?

Suraj: pinki apne real papa ko yaad karo. Tum unn ki beti ho bas.

Pinki ki aankhein fir se chhalak padi: suraj aaj ke zamane mein aap jese log bhi he. Herani ke saath khushi bhi hui.

Kuch hi der mein divya appointment letter le aai.

Salary jitni pinki ne sochi thi uss se kuch jayada hi di suraj ne.

after six months aur badhane ka wada bhi kiya.

Suraj ne divya ko kaha ke wo abhi se pinki ko kaam bata de.

Kya karna he kese karna he.

Kuch der baad suraj uth ke chala gaya.

Divya pinki ko batane lagi ke suraj sir bahut hi nek aur saaf dil insan he.

Wo akeli iss office mein ek month se he suraj ke saath.

Par uss ne kabhi ek najar utha ke nahi dekha divya ko.

Pinki dil hi dil mein sochne lagi ke kaash har insaan ki soch suraj jesi ho.

Suraj ki nai kothi badi teji se ban rahi thi.

udhar suraj ka kaam ek baar fir se teji se chal pada.

Purane sabhi clients lagpag unn ke saath fir judh chukke the.

Delhi office ki poori controlling radhika ke paas thi.

Radhika beech mein do teen baar Chandigarh aa ke pinki aur divya ko sara kaam samjha gayi thi.

suraj ne accounts ke liye bhi ek ladki hi rakh li.

Name tha rashmi.

Rashmi ke papa ek firm mein accounts manager the.

Rashmi commerce graduate thi.

papa ke karan wo accounts ki expert ban gayi.

Pinki ek Sunday ko market mein dolly se mili.

Lambe arse baad dono saheliya mili thi.

pinki ke saath uss ke behan aur bhai bhi the.

Pinki ne dolly ko bataya ke kese uss ki maa aur sautele baap ki ek car accident mein death ho gayi.

Unn ki death ke baad uss ne purane sab kaam chhod diye.

Behan aur bhai ko wapas apne paas le aai he.

Jab pinki ne yeh bataya ke har aur se nirasha ke baad suraj ne uss ko izzat ki jindgi jeene ka moka diya to dolly khush ho uss se lipat gayi.

Dolly: pinki suraj sach mein bahut acha insaan he. Jo uss ne mujhe kaha tha wo kar ke dikhaya.

Dolly ne suraj ki love story aur maa ke ghar se nikaalne ka bhi bataya.

Suraj ke sath esa hua yeh sun pinki ko bhi bada dukh hua.

Dolly ne pinki ke poochhne pe hi bataya ke avani USA chali gyi he.

Next month uss ki shadi hone wali he wahi.

Pinki ko jaane se pehle dolly ne hug kar kaha: pinki we r now friends in a real manner. Jab dil kare aa jaya karna milne.

Saath hi uss ne kaha ke wo jaldi aaye gi uss ke office suraj ko surprise dene.

August se geeta ka institute fir se shuru ho gaya tha.

Jyoti ki masters complete ho gyi.

Wo college mein job karna chahti thi.

jyoti ke papa ne kisi ki help se uss ko ek college mein ad-hoc basis pe lagva diya.

Wo saath hi m.phill karne lagi.

Ghar mein jyoti ki mamma chahti thi ke ab jyoti ki shadi kar di jaaye.

Par jyoti maan nahi rahi thi.

idhar prem ki mamma kuch bimar rehne lagi.

Ghar mein badi beti ki shadi ke baad wese bhi wo akeli mehsoos karti.

Wo bhi prem ki shadi ka jor dene lagi.

Prem aur uss ke papa jab poochhte ke uss ko problem kya he?

Acha khaati peeti bimaar kyu padhi he to.

To prem ki mummy bas ek hi jawab deti: ghar sara din ikali reh reh ke bimar na hova ta hor ki hou? (ghar mein sara din akeli reh reh ke bimar na hou to aur kya hoye ga.)

Prem ke papa: bhaliye lokke bahar ja kittya partiya kar, saheliya bana jive hor janaaniya kardiya. (bhagyawan bahar ja, kitty parties kar, saheliya bana jese aur aurtein karti he.)

Prem ki mummy halke gusse se: dekho ji eh saare kam metho ni hunde. Na metho kise di chuggli honi te na hi partiya shartiya ch ja jua khel hona te na hi eh khasma nu khaani sharab peeti jani. (dekho ji yeh saare kaam mujh se nahi hote. Na mujh se kisi ki chuggli ho gi aur na hi parties mein ja ke jua khela jaaye ga. Aur na hi yeh khasma ko khaani sharab pee jaaye gi.)

Prem: mummy ji tussi daso fer ki ilaaj kariye thoda. (mummy ji aap batao fir kya ilaaj kare aap ka?)

Prem ki mummy puttar ko galle laga: dekh sohneya. Jassi ta ci paraya dhann oh ta gayi apne ghare. Hun menu meri asal dhi meri nuh rani leya de. Kujh ohde nal hassu, galla karu, ladu ta aape thik ho ju. (dekh sohneya jassi to thi paraya dhann. Wo to gayi apne ghar. Ab mujhe meri asli beti meri bahu rani la de. Kuch uss ke saath hassu gi, baatein karu gi, ladhu gi to khud hi thik ho jau gi.)

Prem ke papa hass ke: tu ta pehla hi darrai jani aa ohnu ladai da naa le le. (tu to pehle hi darra rhi uss ko ladai ka name le ke.)

Prem ki mummy hass ke: lao ji nuh sass hove ya maa dhi hove jnaniya da ladna ta ohna da janam sidh adhikar aa. Jassi nal ni ci ladhdi main. Par fer vi reh vi ni ci hunda ohde bina. (lo ji saas bahu ho ya maa beti ho. Aurto ka ladna to unn ka birth right he. Jassi ke saath nahi ladhti thi main. Par fir bhi raha bhi nhi jata tha uss ke bina.)

Prem: papa oh kahawat bhul ge: nuh sass ladhiya….mudh iko chokke vadhiya. (papa wo kahawat bhool gye saas bahu ladh ke fir bhi ek hi rasoi mein ja ke ek saath mil ke kaam karti he.)

Yeh sunn ke teeno hass diye.

Prem ne jab yeh baat suraj se ki ke mummy shadi ke liye jor de rahi he.

to agle hi din suraj ne unn ke ghar aa prem ki mummy se kaha ek rishta he uss ki najar mein agar wo kahe to baat chalaye.

Prem ki mummy ne kaha thik he.

Prem ke papa ne kaha ke kudi sohni ho aur kuch nhi chahiye.

Suraj hass ke: uncle sohni ta raj ke he bas iko problem he. (uncle sohni to wo bahut he bas ek hi problem he.)

Prem ke papa: oye je sohni he ta fir ki problem vi? (oye agar sohni he to fir kya problem?)

Suraj: uncle oh na hindu he. (uncle wo na hindu he.)

Prem ke papa: oye hindu ne oh? (oye hindu he wo?)

Suraj: ji uncle. Par apne prem nu badi pasand he oh. Eh ta ohnu pyar karda. (ji uncle. Par apne prem ko bahut pasand he wo. Yeh uss ko pyar karta he.)

Prem ke papa prem se jo saamne hi najre jhukaye betha tha: oye bhen deni deya tenu pyar karna vi aunda kanjra? (oye bhain deni ke tujhe pyar karna bhi aata he kanjra?)

Sabhi hass diye to prem jhemp sa gaya.

Prem hasste hue Bola: bas papa kar hi leya aapa apne style ch. (bas papa kar hi liya apne style mein.)

Prem ki mummy: vai hindu he ta koi gal ni bas sohni jive oh tuhade nal kudi jyoti he na ohde vaang hove. (bhai hindu he to koi baat nahi. Bas sunder jese tumare saath ladki he na jyoti uss ke jesi ho.)

Suraj taali maar: auntie fer ta bann gi gal. (auntie fir to bann gayi baat)

Uth ke wo prem ki mummy ke paas ja uss ke galle lag kaan mein bola: auntie ji oh jyoti vaang ni jyoti hi he. (auntie jo wo jyoti jesi nahi jyoti hi he.)

Prem ki mummy suraj ka maatha choom ke: haye ve suraj puttra tu ta kaleje mere thand pa ti.

Prem ke papa: oye kaleje thand hune na pa. pehla eh ta soch jyoti de budha-budhi nu gal kaun karu. Manau kaun? (oye kaleje thand abhi mat paa. Pehle yeh to soch jyoti ke maa baap se baat kaun kare ga. Manaye ga kaun.)

Prem: papa jinhe mere budha-budhi nal gal kiti ohi karu. Mera veera…..suraj. (papa jis ne mere maa baap se se baat ki wahi kare ga. Mera bhai suraj.)

Prem ke papa: je eh karu fer ta thik aa. Fer ta umeed vi aa gal ban ju. (agar yeh baat kare ga fir to thik he. Fir to umeed he ke baat ban jaaye gi.)

Prem ki mummy hass ke: te je thode dono pe-putt cho kise gal kiti ta chann chadh jana. (aur agar tum dono baap bęte mein kisi ne baat ki fir to panga hi pade ga.)

Suraj hass ke: oh kida auntie. (wo kese auntie.)

Prem ki mummy: ehna gal gal te maa di bhen di karni. Jyoti de maa pe kehna assi ni deni ehna kanjra nu kudi. (inn ho ne baat baat pe maa ki behan ki karni. Jyoti ke maa baap ne kehna he hum ne nahi ladki deni inn kanjro ko.)

Sabhi waha pe hass diye.

Tab suraj ne kaha ke bas jyoti ka ek sapna unn ko poora karna hoga ke jyoti ko college mein professor lagne ke liye abhi study jari rakhni he.

iss pe unn koi aitraz na hua. Unn ke liye beti ho ya fir bahu dono ek samaan he…har ek ko apna sapna poora karne ka poora hak tha.

Prem ki maa achanak bhavuk ho uthi: suraja je sachi jyoti aa gi meri nuh bann ke meri ta joon tar ju. Kudi soorto seerto lakha cho ik aa. (suraj agar jyoti sach mein aa gayi meri bahu ban ke to meri jindgi sudhar jaaye gi. Ladki surat se dimag se laakhon mein se ek he.)

Prem ke papa: bhaliye loke hou ta ohi jo oss nu manjoor hou. (bhagwane ho ga to wahi jo uss ko manjoor hoga.)

Fir wo suraj se bole: yaar surja tu ik vaar ta dil khush kar ta. Chal aj fer party sharty ho je. (yaar suraj ek baar to tum ne dil khush kar diya. Chal aaj fir party sharty ho jaaye.)

Yeh sunte hi prem ki mummy ne maatha peet liya: thonu ta bas peen da bahana chahida. Sharam karo kuj hun bachea nal beh ke peo ge? (aap ko to bas peene ka bahana chahiye. Sharam Karo kuch ab bacho ke saath beth ke peeyo ge?)

Prem ke papa: oye sohneyo, makhano, malai de duneyo…. Putta nu jad peo di jutti aan lag je ta oh putt ni yaar ho jaande ne. (puttro ko jab baap ki jutti poori aane lage to wo puttar nahi dost ho jaate he.)

Suraj: nahi uncle rehan deo. Pehla rishta final ho je. Fer jarur kara ge party sharty. Te naale main ghar vi jana. (nahi uncle rehne do. Pehle rishta final ho jaaye. Fir pakka kare ge party sharty. Aur mujhe abhi ghar bhi jana he.

Prem ke papa: oye eh ghar ni. Tu bahar betha ki? Mere li ki prem te ki suraj. Kade kita farak. Yaar tu ta dil hi todh ta. (oye yeh ghar nahi. Tu bahar betha he kya? Mere liye kya prem aur kya suraj? Kabhi kiya farak? Yaar tum ne to dil hi todh diya?)

Suraj ne prem ke papa ko naraj hote dekha to uth ke unn ke paas aa betha: na uncle eho ji koi gal ni. Papa to baad hun tusi hi ho. (nahi uncle esi koi baat nahi. Papa ke baad abhi aap hi ho)

Prem ke papa ne suraj ka haath thaam ke kaha: acha chal ik gal das tu kade apne peo naal beh ke ni piti. (acha chal ek baat bata tum ne kabhi apne baap ke saath beth ke nahi pee.)

Suraj: piti he uncle kai vaar. Sach kaha menu sab to vad mazza hi papa nal beh ke aanda ci. Assi peo putt di jagah dost ci hun. (pee he uncle kai baar. Sach kahu mujhe sab se jayada mazza hi papa ke saath beth ke hi aatta tha. Baap bęte ki jagah dost the ab hum.)

Suraj bhavuk hota chala gea papa ko yaad kar.

Prem ke papa apni wife se: sun lea hun. (sun liya ab)

Prem ki mummy hass ke: changa ji tussi jite te main haari. Peeo ji peeo. Raj raj peeo. (thik he ji aap jeete main haari. Peeyo ji peeyo. Pet bhar ke peeyo.)

Prem ke papa ne pese dete dono ko kaha ek botal aur do teen chicken le aao.

Prem ne kaha pese he.

To prem ke papa hass ke: pata menu mere done putt kamau putt ne. par aj mere valo. (pata he mujhe mere dono bęte kamane wale bęte he. Par aaj meri aur se.)

Prem: papa main ta sirf beer peeu.

Prem ke papa: ku tenu daaru hajam ni hundi. (kyu tujhe sharab hajam nhi hoti)

Prem: papa main daaru oss din peeu jis din mere veere suraj da viah hou. ( papa main daaru uss din peeu jis din mere bhai suraj ki shadi hogi.)

Prem ke papa: aah kiti sache yaara wali gal. (yeh ki sache dosto wali baat.)

Sabhi hass diye.

Suraj aur prem chal diye.

Dono ke jaane ke baad prem ki maa kisi soch mein doob gayi.

To prem ke papa ne uss ko ese beth dekhe poochha: ku sohneyo tussi kithe gawach gaye. (kyu sohniye tum kaha kho gayi.)

Prem ki maa dukhi ci ho ke: menu ta apne suraje te bada aanda ji. Sachi kaha te dil valoondhar janda jad ehdi maa baare sochdi aa. Heere varge putt di kakh kadar na paai oss. (mujhe to apne suraj pe taras aata he ji. Sach kahu to dil tadap uthta he. Here jese bęte ki jara kadar na ki uss ne.

Prem ke papa: soch ke ta mera dil vi bada dukhi hunda. Par ki kar sakde aa aapa. (soch ke to mera dil bhi bada dukhi hota he. Par kya kar sakte he hum.

Prem ki maa: tussi thik kehnde ho ji. (aap thik kehte ho ji.)

Dono pati patni kuch der bethe suraj ki baatein karte rahe.

Fir wo prem ki baat karne lage ke kahi jyoti ka privar na maana jyoti ke rishte ko to tab prem kahi dil pe na laga jaaye.

Yeh sunte hi prem ke papa: chal nahi manne ta na ci. Prem nu aapa dove pyar naal sambh la ge. Wese menu ni lagda ke prem suraj vaang enna dil te la lu. Baaki jo rabb nu manjoor. Ohi bhalla karu sab da paalan-haar. (chal nahi maane to na sahi. Prem ko hum dono pyar se sambhal le ge. Wese mujhe nahi lagta ke prem suraj ki tarah ese dil pe lega. Baaki jo rabb ko manjoor. Wahi bhalla kare ga sab ke paalan-haar.)

Kuch der baad prem aur suraj laut aaye.

Prem ki maa uth ke kitchen mein chali gayi salad kaatne ko.

Prem ne teen glass nikal liye.

Do mein whisky aur apne liye beer daal li.

Teeno beth cheers kar peene lage.

Saath hi hasste hue gappe haankne lage.

Prem ki maa unn ki sunn kitchen se kabhi hass deti to kabhi koi comments de deti.

Prem ki maa ko pata tha ke uss ke pati ko drinks ke saath kache pyaz ki egg bhurji pasand he.

Jese uss ne garm garm bhurji ki teen plates rakhi table pe to prem ke papa ne khush ho ke uss ka haath pakad apni aur kheecha.

Prem ke papa: oye gharwali hove ta tere vargi. Esse khushi ch ik chummi ta de de sohniye.

Prem ki mummy sharmati hui: sharam karo ji jawan putt samne bethe ne. (sharam kariye ji jawan bęte saamne bethe he.)

Prem ke papa: oye jinne kiti sharam oss de futte karam. (oye jis ne ki sharam uss ke foote karam)

Prem ki maa: budhe ho chale par aadtan haje vi mundeya waliya. (budhe ho chale par aadtein abhi bhi ladko jesi.)

Prem ke papa: oye budha hou tera pe. hun ta chummy le ke rehni. (oye budha hoga tera baap. Ab to pappi le ke hi rahu.)

Prem ke papa ne uth ke prem ki maa ko baahon mein bhar gaalon pe kiss kar hi diya. Wo bechari sharmati hui kitchen mein bhaag gayi. Suraj aur prem jor se hassne lage dono hi.

Prem ke papa gaane lage Punjabi singer gudass mann ka ek geet: dil hona chahida jawan umra ch ki rakheya….

Suraj aur prem taalia bajane lage.

Prem ke papa kuch der baad beth fir se peene lage.

Prem ke papa: yaar sachi kaha ta pyar karan da mazaa hi asli pajah di umar de kol ja ke aanda. (yaar sachi kahu pyar karne mazza hi asli pachas ki umar ke paas ja ke aata he.)

Suraj: sach kahu jab aap aur auntie ese pyar kar rahe the to mujhe bada acha laga.

Prem ke papa prem se: yaar tera te jyoti da love shav kive te kad to. (yaar tera aur jyoti ka love shav kese aur kab se.)

Prem ki jagah suraj ne bataya dono ke baare mein.

Prem to itna open tha apne papa se ke uss ne yeh tak bhi bataa diya ke jyoti to unn dono se itna pyar karti he ke dono ke saath shadi karne ko raji thi.

prem ne jab yeh kaha ke wo aur suraj ek doore ko sauten sauten kehne lage the.

To Yeh sunte hi sab hass diye jor se.

Prem ki maa kitchen se nikal aai.

Wo maathe pe haath maarti boli: koi haal ni ji aj kal de nianeya da. Sharam haya ta jamma ni reh gi ehna ch. (koi haal nhi ji aaj kal ke bacho ka. Sharam hayaa to bilkul nahi reh gayi inn mein.)

Suraj: ni ni auntie esa kuj vi nahi he. Eh ta prem ne eve hi gal banaa li. Jyoti meri bhabi he te oss nu apni bhabi banaan li main poori waah la du. (nahi nahi auntie esa kuch bhi nahi he. Yeh to prem ne ese hi baat banaa li. Jyoti meri bhabi he aur uss ko apni bhabi banane ke liye poora jor laga du ga.)

Prem ki maa ne suraj ko aa ke baahon mein bhar liya bethe bethe ko: putt viah oss da prem naal hoye ya tere naal banu ta meri nuh hi. (beta shadi uss ki prem se ho ya tere se. bane gi to meri bahu hi.)

Suraj: auntie mere li sochna vi na. gal ta karan da swal hi ni hunda. Oh prem di he. Mere yaar prem di jyoti. (auntie mere liye sochna bhi nahi. Baat karne ka to swal hi nahi hota. Wo prem ki he. Mere yaar prem ki jyoti.)

Prem ki maa ne uss ke gaalo ko choom: baba ji tere varga putt sab nu den. (baba ji tere jese beta sab ko de.)

Prem maa ki aur smile deta hua: ku mummy ji mere varga ni. (kyu mummy ji mere jesa nahi.)

Maa ne uss ko bhi aage ho choom liya: haan haan thode dona varga. Mere ta raam lakhan ho tussi dove. (haan haan tum dono ke jesa. Mere to ram-lakhan ho tum dono)

Prem ke papa ek naya peg bana ke uthate hue: aah mere dove sher puttran di yaari de naam. (yeh mere sher beto ki dosti ke naam.)

Suraj raat ko wahi soya prem ke saath.

Prem pehle jaga.

Prem ko subah uthte hi shararat sooji.

Uss ne soye hue suraj ke saath jappi daal ke ek selfie le jyoti ko watsapp kar di.

Saath hi Uss ne jyoti ko watsapp kiya: raat ko hum dono ek saath ek hi bed pe.

Saath hi yeh suraj ko bhi bata diya.

Suraj uthte hi hassa aur bola: chal saath mein nahate he aur ek selfie waha ki le send karte he uss ko.

Aur unn ho ne esa kar bhi diya.

Jyoti uss time pe college pahuchi thi jab uss ne yeh pics aur prem ka watsapp padha.

Uss ne jhat se prem ko reply kiya: zaalimo mujhe nahi bula sakte the kya? Kitna mazza aata tum dono ke beech mein main.

Khoob masti ki teeno ne watsapp pe poora din.

Jyoti ne dono ki pics geeta aur neelima tak ko send kar di.

Iss se aur bhi jayada masti karte rahe sabhi.

 

[StoryPublisher]

Part-26

Subah naha dho nashta kar nikla tha prem ke ghar se suraj.

Flat pe ja ke kapde change kiye.

Aur office aa gaya.

Wahi uss ne jyoti ko call ki.

Pehle dono ne khoob hassi majak kiya phone pe subah ki pics ko le ke.

Fir suraj ne poochha ke uss ke papa raat ko kitne baje aate he.

Jyoti ne bata diya.

Jyoti ne jab yeh poochha ke koi kaam he to suraj ne kaha haan.

Jyoti ne bahut poochha kya kaam he to suraj ne kaha uss ke matlab ka nahi.

Suraj ko aaj raat dinner bhi wahi karna tha.

jyoti ki mamma ko jab pata chala ke suraj ne aana he to uss ne khud hi suraj ko phone kar dinner ka keh diya.

Dinner ke during hi suraj ne poochha: uncle jyoti ki shaadi ka kya socha he aap ne.

Jyoti halke gusse se boli: mujhe nhi shaadi karni abhi.

Jyoti ki maa bhi gusse se: to kya saari umar yahi bethi rahe gi hamare sar pe.

Jyoti: mujhe pehle apna career banana he mamma. Study complete karni he.

Jyoti ki maa: teri study to complete honi nhi. Abhi m.phil kar rhi he. Fir ugc kare gi.

Jyoti: to fir kya he iss mein.

Jyoti ke papa hass ke: tum bhi kamaal ki ho yaar dono. Baat suraj ne mujh se ki aur jagdhne tum lag gayi dono.

Fir jyoti ke papa jyoti se: Jyoti beta hum agar shadi kare ge teri to tere sasural walo se yeh clear nd open kahe ge jo tere sapne he unn ko poora karne de wo.

Fir wo suraj se: haan beta tu bata. Teri najar mein koi rishta he achha.

Suraj: ji uncle he. Maine kal hi unn se baat ki. Jyoti ki life ki planning bhi bata di. Wo raaji he.

Jyoti jhat se samajh gayi ke suraj prem ki baat kar raha he.

Kyu ke last night wo wahi prem ke ghar tha.

Uss ka gussa jata raha.

Uss ne sharma ke najre neechi kar li.

Jyoti ki maa: beta wo ladka he kaun?

Suraj: auntie wo mera hi dost he. Bahut hi pyara dost he. Aap bhi to jaanti he uss ko. Shayad uncle ne bhi dekha hoga.

Jyoti ka bhai uchhal ke: mujhe pata chal gaya mamma. Suraj bhaiya prem bhaiya ki baat kar rahe. He na suraj bhaiya??

Suraj smile de: ya.

Jyoti ki maa: par wo to sikh he suraj beta?

Suraj: to kya hua auntie? Mere papa bhi to sikh family se hi the. Auntie prem jyoti se pyar karta he. Aur jyoti bhi uss ko like karti he.

Jyoti ke papa: kya yeh sach he jyoti?

Jyoti ka bhai: I know papa suraj bhaiya sach keh rahe he. Di likes him very much.

Jyoti ke papa bête se: tu chup reh na yaar.

Fir wo suraj se: wo karta kya he. Family mein kaun kaun he?

Suraj ne sab bataa diya.

Jyoti ke papa: thik he beta main ek do din mein teri auntie se baat kar ke tujhe batata hu.

Suraj dinner khatam hone pe utha waha se.

jaane se pehle jyoti ki mamma aur papa se bola: auntie ji, uncle ji ek request he aap se. sirf prem ke sikh hone ke kaaran iss rishte se inkar mat karna. Kahi esa na ho do pyar bhare dilo ko fir ek baar tootna pade.

Jyoti aur uss ki maa tadap uthi yeh sunn.

Gate pe jyoti ka bhai aa bola suraj se: bhaiya aap fikar na kare. Main manaa luga mamma papa dono ko.

Suraj ne uss ko baahon bhar liya.

Next day dopehar ko hi jyoti ke papa ne suraj ko call kar ke keh diya ke do din baad Sunday ko sham ki chai pe bula le prem ke parents ko.

Suraj ko delhi jana tha Sunday ko par uss ne radhika ko call kar bata diya ke ek urgent kaam ke kaaran wo nahi aa paye ga.

Sunday ko sham chaar baje suraj aa gaya.

Wo apne saath geeta ko bhi le ayaa.

Poore paanch baje prem aur uss ke mummy papa bhi aa gaye.

Jab dono aur se poori baat final ho gayi to jyoti ke papa bole prem ke papa se: singh sahib aap ki koi demand?

Prem ke papa: veer ji tussi bhave meri maa bhain ik kar lo. Menu ratta bura na lagu. Par rab da vaasta je…. mudh ke eh gaali na dena. (bhai sahib aap chahe to meri maa behan ek kar lo. Mujhe jara bhi burra na lage ga. Par rabb ke liye fir yeh gaali mat dena.)

Prem ki maa: veer ji assi ta jholi add ke dhi mangan aaye haan. Je kaho ta eh jo tin kapde paaye ehna ch hune le jaane aa. (bhai sahib hum to jholli fella kar beti maangne aaye he. Agar kaho to innhi teen kapdo mein abhi le jaate he.)

Suraj: na auntie ji main ta apne veer da viah poore gaaje vaaje nal karu. Jyoti hun meri bhabi ban gi. Aive thodi le ke jaani. (na auntie ji main to apne bhai ki shadi poore band baaje se karu. Jyoti ab meri bhabi ban gyi. Ese thodi na le ke jaani he.)

Jyoti to sharam ke maare mari ja rahi thi.

Sharam to prem ko bhi raha tha.

Jyoti ki maa: haan ji hum bhi poore chaav se bheje ge apni laadli ko.

Prem ke papa: dekho vir ji assi sikh ta vese kundli shundli ch koi vishwas ni rakhde. Je tuhanu koi shanka he ta aah rahi saade prem ki kundli. (dekho bhai sahib hum sikh to wese kundli shundli mein koi vishwas nahi rakhte. Agar aap ko koi shanka ho to yeh lijiye prem ki kundli.)

Yeh bol prem ke papa ne ek paper jyoti ke papa ki aur bada diya.

Jyoti ke papa: bhai sahib jaha dil mil gaye waha kundliyo ka kya kaam. Mujhe bhi inn mein koi vishwas nahi. Mere aur jyoti ki maa ke liye kisi ne kaha tha ke inn ki kundli nhi milti iss liye yeh shadi nahi tikke gi. Par hum ne sab galat sabit kar diya.

Prem ke papa jhat se uthe: ta aao ji fer pao jaffi. (to aao ji fir pao jappi.)

Jyoti ke papa ne bhi uth ke jhat se jappi pa li.

Prem ki mummy: aao behan ji aapa ku pichhe rahiye. (aao behan ji hum kyu peechhe rahe.)

Prem aur jyoti ki dono ki maao ne bhi ne bhi jappi pa li hasste hue.

Prem jo suraj ke paas betha tha hole se suraj ke kaan mein: main vi paa laa. (main bhi paa lu.)

Suraj hass ke: paa la rokeya kis aa. (paa le roka kis ne he)

Prem ke papa ne sun liya: tu sabar kar kuj din kaka.

Sabhi hass diye.

Prem ka papa ka ishara paate hi sweets ke dabbe lene chala gya.

Jyoti ke papa ke kehne pe jyoti ka bhai bhi saath chala gya.

Unn kea ate hi roke ki rasam adda kar di gyi.

Prem ki maa jyoti ko seene se lagati hui: lao ji hun eh meri dhi tuhade ghar amaanat he meri ehna de ferre hon tak. (lo ji yeh meri beti aap ke ghar amaanat he meri inn ke ferre hone tak)

Fir shadi ki baat chal padi to prem ke papa ne kaha.

No mangni no shagun sirf shadi wo bhi jaldi.

Jyoti ki mamma ne kaha ke itni jaldi kese hoga.

To prem ki mummy ne kaha simple marriage.

Prem ke papa: shadi aap jese chahe. Hindu riti ya sikh riti se humme koi aitraj nahi.

Jyoti ke papa hass ke: bhai sahib ab jyoti singhni bann-ne ja rahi to shadi sikh riti se hi honi chahiye na.

Aur fir do weeks baad ke Sunday ki shadi fix ho gayi.

Khushi ke maare suraj ki aankhein chhalak gayi.

Suraj prem se: le mere veer main apna vada poora karta. (le mere bhai maine apna vaada poora kar diya.)

Prem ne uss ko dekha to aankhon mein aansoo dekh chonka: oye par tu ro kyu rea va. (oye par tu ro kyu raha he.)

Sab ki najar suraj pe padi.

Suraj ne jhat se khade ho pocket se rumal nikal aankhein saaf ki.

Jyoti ki maa tadap ke suraj ke paas aa uss ko seene se laga: kya hua mera bachaa.

Suraj: kuch nahi auntie wo bas khushi mein aansoo aa gaye. Itne dino baad ek khushi naseeb hui he na issi liye.

Kehte kehte suraj ki aankhein fir se chhalak gayi.

Jyoti ki maa: sab ko khushi dene wale ko ooper wala pata ni kyu itne dukh deta he.

Jyoti ki maa ne uss ko choom liya.

Prem ki mummy se bhi suraj ka rona dekha na gaya.

Uss ne bhi paas aa suraj ki peshani ko choom liya.

Prem ki mummy: eh ullu he I eda da. Dukhi hove ta te rona hi ess. Khush hove ta vi ro penda. (yeh ullu he hi esa. Dukhi ho tab to rona hi he iss ne. khush ho tab bhi ro deta he.)

Geeta aur jyoti ki aankhein bhi nam ho gayi.

Suraj ne jyoti aur prem ki dono maao ko ek saath galwakdi daal li.

Suraj: jis ke paas aap jesi do do maaye ho wo bhalla ku dukhi hoga.

Dono ne hi ek saath uss ke gaalo ko choom liya.

Fir suraj ne alag ho sab ke saamne hi neelima ko call kar bataya prem aur jyoti ke rishte ka.

Neelima uss din joginder nagar gayi hui thi.

Uss ke baad suraj ne prem ki badi behan ko call kar di.

Prem ki behan jasmeet: oye suraj kida aj tenu didi di kitho yaad aa gayi. (oye suraj kese aaj tujhe didi ki kaha se yaad aa gayi.)

Suraj: didi khushkhabri. Apne prem veer da rishta final ho gaya. Tussi bas savere aa jo. Viah di sari tayari tussi hi karni. (didi khushkhabri. Apne prem bhai ka rishta final ho gaya. Aap bas subah hi aa jao. Shadi ki saari tyari aap ne hi karni he.)

Jasmeet sunte hi khushi se uchhli: sachi kithe. Kad? Kudi kaun? (sachi kab? Ladki kaun?)

Suraj: didi oh saade nal padhdi ci na jyoti. (didi wo hamare saath padti thi na jyoti.)

Jasmeet: ohi sohni ji. Tuhade sab to layak hundi ci jehdi. (wahi sohni ci. Tum sab se layad hoti thi jo?)

Suraj: haan didi ohi.

Jasmeet: chal tu phone rakh main mummy nal gal kara. (chal tu phone band kar main main mummy se baat karu)

Jasmeet ne jhat se apni mummy ko call laga di.

Jasmeet: mummy tussi daseya hi na. kad chali gal? (mummy aap ne bataya hi na. kab chali baat?)

Maa: jassi eh sab suraj ne keeta. Oss hi do char dina ch final karva ta. Tenu dassan ya bulan da moka hi na laga. (jassi yeh sab suraj ne kiya. Uss ne hi do chaar din mein final karva diya. Tujhe bataane ya bulane ka moka hi na mila.)

Jasmeet hass ke: koi na mummy. Jyoti kar ke main maaf kar ta. Main ta aap soch ri ci ke tuhanu kaha jyoti li par darrdi ci ke oh hindu kudi pata ni tussi ya oss de mummy papa yes karan ke na. (koi na mummy. Jyoti ke karan maine aap ko maaf kar diya. Main to khud soch rahi thi aap ko kahu jyoti ke liye. Par darrti thi ke wo hindu ladki he. Pata nhi aap ya uss ke mummy papa maane g eke nahi.)

Maa khushi se: suraj ne sab nu manna lea. (suraj ne sab ko manna liya.)

Jasmeet: suraj mera veer ta jadugar aa mummy jadugar. Prem nu kehna menu jyoti da number dave. Main apni bhabo nu pucha ta sahi ohnu prem pasand he vi ke nahi. (suraj mera bhai to jadugar he mummy jadugar. Prem se kehna mujhe jyoti ka number de. Main apni bhabi se poochhu to sahi ke uss ko prem pasand he bhi ke nahi.)

Maa: tu jyoti naal hune gal kar la. Mere kol hi aa. Haje assi hune ta roka kita. Te naale tu kal hi aa ja kudi le ke. Do hafte nu Sunday da viah va. (tu jyoti se abhi baat kar le. Mere paas hi he. Hum ne abhi to roka kiya. Aur saath hi tu kal hi aa ja beti ko le ke. Do hafte baad Sunday ki shadi he.)

Jasmeet ne thik he kaha fir wo jyoti se baat karne lagi.

Idhar jyoti aur prem ke papa shadi ka final karne lage.

Prem ke papa: veer ji sikh riti naal viah ta din da hunda. Savere baraat aau. Halka fulka naashta. Lava te fer lunch. (bhai sahib sikh riti se shadi to din ki hoti he. Subah baraat aaye gi. Halka nashta. Fir fere aur lunch.)

Jyoti ke papa: lunch veg rakhe ke non veg.

Iss pe prem ki mummy bol padi: na veer ji lunch ta veg hi rakhna. (nahi bhai sahib lunch to veg hi rakhna.)

Fir wo apne pati se: aapa ji sham nu reception rakh laiye ni ta khaan peen wale aive muh vatt-de firu. (hum ji sham ko reception rakh le. Nahi to khaane peene wale bekar mein naraaj ho ge.)

Akhir mein yeh final hua ke shadi mein dono aur se sirf ghar ke log hi hoge.

Sham ko reception combine hogi.

Prem ke papa ne kaha ke daaru ka sara kharcha sara wo khud kare ge.

Jyoti ke papa ne kaha ke peene wale to kuch unn ke bhi he. Wo bhi half half.

Prem ke papa hass ke: maharaj saade ne saare drum. Tuhade hone kul mila ke veeh teeh. Main daaru da bojh ni je pana tuhade te. Eh mera aakhri fesla. (maharaj hamare to sabhi drum he. Aap ke kul mila ke bees tees hon ge. Maine daaru ka bojh aap par nahi pana. Yeh mera aakhri fesla he.)

Iss ke baad yeh bhi fesla hua ke wedding card jesi cheezon pe no fizool kharcha.

Laayi hui sweets mein se Prem ke papa ne do dibbe jyoti ke papa ko dete hue.

Prem ke papa: lao veer ji pehla invitation tuhanu sabna nu saade valo viah da. (lijiye bhai sahib pehla invitation aap sab ko hamari aur se shaadi ka.)

Jyoti ki maa: par bhai sahib yeh to pehle ladki waale dete he ladke walo ko.

Prem ki mummy: ta fer bhain ji eh sadi dhi jyoti de viah da bulava tuhade puttar prem nal. Hun thik he. (to fir behan ji yeh hamari beti jyoti ki shadi ka bulava aap ke bête prem ke saath. Ab thik he ji?)

Yeh kehte hue prem ki maa ne jyoti ke sar par haath rakh diya.

Jyoti ki maa galle lag gayi prem ki mummy ke: behan ji mere paas ab kuch bacha hi nahi kehne ko.

Iss ke baad prem ki mummy ne ek dabba suraj aur ek geeta ko diya.

Fir wo dono se boli: chalo ghar hun raat di roti kha ke jana.

Jyoti ki mamma: nahi behan ji aaj yeh dono khana yahi khaye ge. Aur aap bhi khana kha ke hi jana.

Suraj: sorry meri dono maao. Meri ek aur maa bhi he. Geeta ki mamma. Unn se wada kar ke aaya hu ke aaj raat khana unn ke paas khau ga. Bahut din ho gaye unn ke haath ki nahi khayi.

Dono hi pyar de suraj ko galle lagane lagi.

Prem aur uss ke mummy papa ke jaate hi jyoti ki mamma jyoti ko galle laga ro di.

Jyoti ki mamma: meri laado ab bas chand dinno ki mehmaan he iss ghar mein.

Jyoti aur geeta ke aansoo bhi nikal aaye.

Suraj, jyoti ke papa aur bhai Deepak teeno ko chup karane lage.

Suraj: auntie yeh kaun sa dur ja rahi he. Issi city mein to he. Jab aap kahe gi aa jaya kare gi. Wo bhi akeli nahi aap ke bête prem ke saath.

Jyoti bhavuk ho suraj ke galle lag gayi: tu bhi aya kare ga na.

Suraj: tujhe kabab mein haddi pasand to aa jaya karu ga.

Geeta: agar yeh haddi na hoti to yeh kabab kabhi pakta hi na.

Yeh sunnte hi sab hass diye.

Jyoti buri tarah sharma gayi.

Kuch der baad suraj aur geeta waha se nikal pade.

Wo jab geeta ke ghar pahuche to geeta ki family bahut khush hui prem aur jyoti ka sunn.

Wo sab ache se jaante the dono ko.

Geeta ki maa: main to yahi dua karti hu koi acha sa ladke mil jaaye to hum bhi geeta ka viah kar de ab.

Geeta bura sa muh bana: mamma aap kyu tang aa gayi abhi se mujh se.

Geeta ki maa: nahi geeta jo kaam time pe ho jaaye acha hi he.

Kuch der dono maa beti behsti rahi iss topic pe.

Geeta ke papa: kyu paagalo ki tarah behas rahi ho. Jab hona hoga to ek pal bhi na lage ga.

Suraj dinner ke baad flat mein aa gaya.

Wahi se uss ne radhika ko prem aur jyoti ki news de di.

Kapde change kar suraj bed pe aa leta.

Wo bed pe leta sochne laga.

Jyoti aur prem ke baare mein.

Uss ki soche college life ki aur chali gayi.

Jab wo prem, jyoti, geeta aur neelima ek saath padhte the.

Tab neelima sirf neelima na ho uss ki neelu thi.

Neelu uss ki jaan…. Uss ki mohabbat…. Uss ka pehla pyar…..

Fir uss ki soche aur peeche jaane lagi.

School ke dino ki aur.

Tab prem unn se nahi mila tha.

Par prem jesa hi uss ka dost tha ek aur.

Yaaro ka yaar guri… guri urf gurvinder singh.

Mohali Shehar ke ek ameer sikh parivaar ka beta.

Dikhne mein acha khaasa sehatmand.

Suraj se kahi adhik lamba aur tagda.

Jis school mein suraj ne sixth class mein entry li.

Guri, neelima, jyoti, geeta pehle se hi wahi padhte the.

Suraj jab naya naya dakhil hua sixth mein tab uss ko seat ek back bench pe mili.

Wo shuru se ek behad shy bacha tha.

Kyu ke wo naya tha issi liye baaki bache uss se bahut kam baat karte.

Guri ki ginnti class mein nalayak bacho mein hoti thi.

issi karan wo back bench pe hi kuch aur nalayak bacho ke saath betha karta tha.

Suraj ko school mein aaye ek mahina hone ko tha par uss ki interaction abhi kisi se koi khaas na hui thi.

Class mein kul chaar rows thi.

do rows boys ki aur do rows girls ki.

Har bench pe do students hote the.

Girls kuch kam thi.

issi liye girls ki row mein last ke dono benches pe boys ne kabjaa kar rakha tha.

jo chaar ladke unn pe betha karte the guri unnhi mein se ek tha.

Ek din subah subah pehle hi period mein guri ko principal ke office mein bulaya gaya.

Uss ki complaint aai thi ke guri ne kal chutti ke baad apne hi saath bethne wale sikh ladke ko peeta tha.

Principal madam ne guri se poochha ke uss ne iss ko peeta to guri ne bina jhijak kaha yes mam.

Principal ke poochhne pe ke kyu peeta to guri ne bataya ke iss ne aage bethne wali ek ladki anu ke saath gandi harkat ki thi.

asal mein iss ladke ne agle bench pe bethne wali anu ke peechhe pencil ghusedh di thi.

yeh wo pehle bhi kai baar kar chukka tha.

guri aur anu ke kehne ke bawjood bhi yeh rukka nahi.

Anu ne bhi office mein aa ke jab yeh confirm kiya to complaint karne wale ladke ke saath aaye uss ke pita sharmsar ho gaye sab ke saamne.

Principa madam ne guri ko samjhaya ke beta aage se koi baat ho to kisi se maar peet nahi karni.

Mujhe complain karo ya apne kisi teacher se.

Guri yes mam bol class mein aa gaya.

Ussi time uss ladke ko warning di gayi ke fir se uss ne koi aisi harkat ki to uss ko school se nikal diya jaaye ga.

Uss ladke ke father ne ladke ki harkat ke liye sorry feel ki.

Saath hi principal ne khud class mein aa ke sab boys ko warn kiya ke koi bhi ladka agar kisi ladki se buri harkat kare ga to uss ko seedhe school se rusticate kar diya jaaye ga.

Fir uss ladke ki seat change ki gayi.

Anu ke kehne pe uss ladke ki jagah guri ke saath suraj ko bitha diya gaya.

Kyu ke suraj ki image class mein ek seedhe saade ladke ki bann chukki thi.

Guri ki habit thi ke wo teachers ke padhane ke time bhi baatein karta rehta tha.

uss ne suraj se bhi baat karne ki koshish ki.

Par suraj ko yeh achha na laga.

Recess time pe suraj ne guri se saaf keh diya ke wo teacher ke rehte uss se class mein baat na kare.

Guri iss se uss ka majak udhane laga ke lao ji ek aur aa gaya padhaku hamari class mein.

Fir guri ne toppers se kaha ke wo iss padhaku se bach ke rahe.

Wo sabhi hass diye

Asal mein guri ko laga tha ke suraj bhi back bencher hone ke kaaran ussi ke jesa nalayak he.

suraj abhi class mein naya tha.

uss ko abhi khud ko prove karna tha.

yahi karan tha ke wo guri ke majaak udhane pe bhi bura na maan raha tha.

bas smile de deta.

56 ki class mein do teen groups the paanch ya chhe bacho ke.

Inn mein sabhi class ke toppers the.

Baaki bacho ka koi group nahi tha.

Girls mein front benchers vishali, kirti, jyoti aur neelima thi.

boys mein front benchers mein manoj naam ka ladka tha jo inn chaaro ladkiyo ke saath ek group mein tha.

yeh group sab se top ka aur main toppers ka tha.

manoj class ka topper tha.

kirti number do pe thi fir karamvar jyoti, neelima aur vishali thi.

baaki class mein koi na tha jo inn paancho ko compete kar pata.

manoj ko neelima ek aankh na bhaati thi.

kyu ke wo ek sadharan parivar se thi.

baaki sab ki tarah ameer nahi thi.

Geeta anu ke saath ek hi bench pe betha karti thi.

kyu ke geeta bhi neelima ki tarah ameer nahi thi.

issi liye neelima aur geeta ki bhi achhi dosti thi.

Idhar jyoti aur neelima shuru se hi best friends thi.

neelima ke kaaran hi jyoti aur geeta mein bhi achi dosti thi.

Half yearly exam hue.

Exam ke during kirti thoda bimar padh gayi thi.

issi karan wo iss group mein peechhe khisak gayi iss baar marks lene mein.

Jyoti, neelima aur vishali ke peechhe.

Jab class in charge madam ne class ke half yearly result announce kiya tha to uss ne announce kiya first manoj.

Second jyoti, third neelima.

Fourth ….. fourth pe aa madam ruki…… any guess students who is fourth.

Kirti vishali ka haath khada karti boli: vishali mam.

Madam: no

Kirti fir khud hi khadi ho gayi: me

Madam smile deti hui: no.

Ab to poori class mein pin drop silence thi.

sab bache ek doosre ka muh dekh rahe the.

Madam ne smile de fourth standing ka naam pukara: suraj veer singh chopra.

Apna naam sunnte hi suraj khada ho gaya.

Poori class clapping karne lagi.

Sab herani se suraj ko dekh rahe the tareef bhari nigah se.

Madam: come here suraj.

Fir wo toppers ko chetavani dete hue boli: look toppers aap ko compete karne ko ek aur aa gaya he. u know he is not only fourth in class in total marks. But he topped in maths too. He secured first position in maths too securing 92 marks leaving manoj the topper much behind by 8 marks.

Manoj ke 84 marks the.

Manoj jo dil mein kadhvahat bhare betha tha suraj ke 4th aane pe aur maths mein uss ke top karne pe.

madam ka order sunnte hi ander se jal bhunn gaya jab madam ne yeh announce kiya ke kal se suraj manoj ke saath bethe ga front bench pe.

Manoj ke saath bethne wale ladke ne to object na kiya par manoj ne jhat se uth khada ho bola: madam yeh fir kaha bethe ga. He is my best friend.

Madam: this is my order manoj. Where he sits I will decide.

Manoj bechara wahi beth gaya.

Teacher se keh bhi kya sakta tha.

Suraj hole se chal diya apni seat ki aur.

Uss ko jaate dekh madam: suraj beta apna prize to lete jao.

Yeh bol madam ne apne purse se ek chocolate nikal suraj ko di.

Aur saath hi uss ko baahon mein bhar uss ke gaal pe kiss kiya.

Kiss se suraj buri tarah sharma gaya.

Aur apni seat ki aur aa gaya.

Madam ne baaki sab toppers ko bhi chocolate di.

Suraj jese hi apni seat pe aya to anu ne uss ko dekh kaha hole se Mr. Shy.

Wese to saari class ke bache heran the suraj ke topper bann jane pe first hi exam mein.

Par sab se jayada heran tha guri.

Recess ke time pe pehle suraj akela lunch karta tha.

par aaj guri ne uss ke saath mil ke dono ka lunch share kiya.

Suraj ne apni prize mein mili chocolate bhi uss se share ki.

Suraj ko sab toppers ne congrats kiya siva manoj ke.

Lunch kar ke sab students bahar ground mein aa khelne lage.

Suraj bhi jaane laga to guri ne uss ka haath pakad uss ko rok liya.

Guri: beh na yaar. Kal ta tu agge manoj kol behna. (beth na yaar. Kal se to tu aage manoj ke paas bethe ga.)

Suraj: yaar je tu promise kare ke teacher de teaching time tu talking nahi kare ga ta main nahi jau agge manoj kol. (yaar agar tu promise kare ke teacher ke teaching ke time tu talking nahi kare ga to main nahi jaau ga aage manoj ke paas.)

Guri: yaar madam da order he tenu jana hi pena. Naale mere naal beh ke ta tu vi nalayak bann jana mere vaang. (yaar madam ka order he tujhe jana hi padhe ga. Aur fir mere saath beth ke tu bhi nalayak bann jaaye ga mere jesa.)

Suraj hass ke: kyu tu mere naal behan te mere vaang layak ni ban sakda. (kyu tu mere paas beth ke mere jesa layak nahi ban sakta.)

Guri uchhal hi to pada tha uss ki yeh baat sun.

Guri: is this possible?

Suraj: ya yaar. Bas tu jad madam teach kare dhyan dea kar. je kujh samaj na aave ta free time mere to samaj lea. (ya yaar. Bas tu jab madam teach kere to dhyan diya kar. Agar kuch na samaj aaye to free time mere se samajh liya.)

Guri ne khush ho suraj ko jappi daal di: oye ik tu sardar ik main sardar….baki sab nu kar dena bekar. (oye ek tu sardar ek main sardar……. Baki sab ko kar dena bekar.)

Suraj ne haath aage kar: promise?

Guri ne haath mila: pakka promise.

Aur fir yaha se shuru hua dono ka yaraana.

Agle din jab suraj fir se wahi back bench pe betha to madam ne aate hi tokka ke wo aage manoj ke paas kyu ni betha.

To suraj ne request ki uss ko wahi betha rehne de.

Sab heran the.

Kyu ke har student front benches pe bethna like karta tha.

par yeh suraj back bench pe bethna chahta he.

manoj ne class mein yeh baat udha di ke yeh layak nahi he.

guri ke saath mil ke iss ne cheating se top position haasil ki he.

kyu ke guri cheating master maana jata tha class mein.

Baaki sab ko bhi yakeen sa hone laga manoj ke kahe pe.

Par sixth ke final result mein suraj ne sab ko galat saabit kar diya.

Manoj ne top to kiya.

Par maths mein suraj hi topper raha.

Final standing mein manoj ke baad second kirti thi, third jyoti aai aur suraj neelima ko peeche chhod fourth fir fifth neelima aur vishal sixth position pe thi.

baki sab students ki percentage inn sab se kaafi peechhe thi.

Teachers ko heran kiya tha iss baar to guri ne.

points pe paas hone wale guri ke total 59 percent marks the.

Sab teachers ne kaha ke jarur guri ne cheating ki he.

suraj ko jab yeh pata chala to wo bura maan gaya.

Uss ne seedhe ja ke principal madam se keh diya ke guri ne koi cheating nahi ki.

Wo chahe to guri ko test kar le.

Principal ne guri ke sabhi papers niklva guri se kuch sawal kiye har subject ke.

Guri ne jhat se sabhi answers thik thik sunna diya.

Yaha tak ke do sums maths ke jab karne ko kaha to guri ne wo bhi jhat se solve kar diya.

Baaki teachers bhi wahi the.

Sab ne khush ho ke suraj aur guri dono ki jamm ke tareef ki.

Principal mdam ne next class ke pehle din jab best achievers ke awards dene the to manoj ko sixth ka yeh award milne ki poori umeed thi.

kyu ke wo topper tha.

Par jab principal madam ne suraj ka name announce kiya to sab heran reh gaye.

Principal ne kaha ke suraj ek to naya he aur pehle hi saal yeh toppers mein aa gaya.

Doosra main reason yeh he ke iss ne guri jese ladke ko bhi apne rang mein rang ke aage badhaya he.

poore school ne suraj ke liye clapping ki.

School mein ab nayi prampara shuru kar di gayi ke classwise best achiever ab uss ko diya jaaye ga jo toppers list mein rehte hue apne saath kisi nalayak bache ki help kar uss bhi layak bacho ki list mein laaye ga.

Fir principal ne guri ko bula ke usski tareef mein bhi clapping karvai.

Guri ab tak jo basketball ka player hone ke naate iss school mein tikka tha.

wo yeh tareef pa ke bahut hi khush tha.

uss ne jab ghar ja ke apni family ko result card dikhya to sab ne uss ko bahut pyar kiya.

Guri ne jab yeh kaha ke uss ki success ke peechhe uss ka best friend suraj he to uss ki mummy ne jhat se kaha ke wo iss Sunday ko suraj ko lunch pe bulaye.

Guri ne ussi time cycle uthai aur suraj ke ghar aa gaya.

Wo bahar se to suraj ka ghar kai baar dekh chukka tha.

par ander pehli baar aya tha.

Gate pe hi bahadur ne uss ko rok ke poochha ke kis se milna he to guri ne bataya ke wo suraj ka dost he.

Bahadur ander bhaga: suraj baba aap ka dost aya he.

Suraj bahar bhagta hua aya: arey guri.

Guri aur suraj dono ek saath bole: ik tu sardar ik main sardar….. baki sab nu kar dena bekar.

Fir dono dost jaffi pa ke mile.

Suraj bahadur se: bahdur uncle yeh mera yaar guri he. iss ko kabhi gate pe rokna nahi.

Bahadur hass ke: jo hukam suraj baba.

Suraj guri ko ander le aya.

Apni mom aur dono behno se milvaya.

Guri ne jab kanta ke pao chhooye to kanta ne uss ko galle laga ke pyar kiya.

Fir guri ne kanta se poochha ke kya wo suraj ko next Sunday apne ghar lunch pe le ja sakta he.

yeh sunte hi kanta hass ke poochhne lagi kis khushi mein to guri ne reason bata diya.

Kanta ne allow kar diya.

Kitty aur kanta ne fir guri se uss ki family ka poochha to guri batane laga.

Coming Sunday ko guri baara baje hi aa gaya apne papa ki car mein.

Suraj pehli baar guri ke ghar gaya.

Guri ka ghar mohali mein tha.

Guri ki mummy ne pyar se suraj ko galle laga pyar kiya.

Guri ke papa bhi wahi the.

Guri ke ek bada bhai aur fir uss se chotti behan thi.

uss se chhotta guri aur fir guri ki sab se chotti behan.

Wo kisi aur school mein 5th mein padhti thi.

guri ka bada bhai 10th ke baad hi pita ke saath business mein chala gaya tha.

guri ki badi behan plus two mein padhti thi.

guri bachpan se laadla hone ke karan thoda bigadh gaya tha.

khel kood mein jayada ruchi rehti thi uss ki.

Pehli baar itne ache marks aane se ghar mein sabhi khush the.

Wo poora credit suraj ko de rahe the.

Sab ne ek saath hi lunch kiya.

Lunch ke baad suraj ko le ke guri aur uss ki dono behne lake pe chale gaye.

Sham ko wo suraj ko ghar chhodne gaye.

Suraj sab ko ghar le gaya.

Hari, kanta, kitty aur hina sab se guri ki behne mili.

Hari ko guri bahut hi pasand aya.

Shayad uss ke sikh hone ke karan kyu ke agar uss ka ek aur beta hota to wo uss ke baal na katva ke sikh banata.

Wo to guri ko bula bhi guri sardar ji kar ke raha tha.

Guri aur suraj ne sab ke saamne kaha: assi hun pakke yaar aa. Best friends.

Fir dono ne sab ke beech mein khade ho ke jab ek saath shaandar action se kaha: ik tu sardar, ik main sardar…..baki sab nu kar dena bekar.

To yeh sun sabhi bahut hasse.

Chhotte chhotte bacho ki kuch baatein dil ko chhoo jati he.

hari aur guri ki badi behan ko yeh baat sach mein hi chhoo gayi thi.

Chai ke baad guri ki didi ne sab ko ghar aane ka invitation diya.

Aur fir wo waha se chal pade.

Jaate jaate guri ki didi jis ko suraj kuch jayada hi pasand aa gaya tha.

uss ne khoob pyar kiya seene se laga suraj ko.

Suraj ab week mein ek baar to jarur jata guri ke ghar.

Agar nahi jata to guri ki didi uss se phone kar ke ladai karti ke wo aya kyu nahi.

Suraj jis ko apni behne kitty didi aur hina didi itna pyar nahi karti thi.

wo bhi guri ki didi ka pyar pa ke bahut khush hota.

Idhar school mein 7th class mein aate hi toppers group mein sabhi girls jyoti, neelima, vishali aur kirti suraj ko apne group mein lena chahti thi.

par manoj iss ke virudh tha.

manoj ko ignore kar ke sab ne suraj ko apne group mein shamil hone ko kaha.

Suraj ne group mein shamil hone ko ek sharat rakhi ke guri bhi uss ke saath aaye ga.

To manoj ko bahana mil gaya group se alag hone ka.

Guri se jyoti aur neelima ko koi problem na thi.

par vishali aur kirti ko guri pasand nahi tha.

so unn ho ne bhi yeh group chhod diya.

Unn ki jagah neelima ne geeta ko shamil kar liya.

Geeta ke kehne pe unn ho ne anu ko bhi saath mila liya.

Chahe sab abhi chotte bache the.

Par anu ke dil mein shuru se suraj ke liye soft corner tha.

kaaran uss ki family kuch jayada hi forward type thi.

Ab seventh mein main do group the.

Manoj, vishali aur kirti aur unn ke saath do average students ek ladki aur ek ladka.

Idhar doosra group tha suraj, jyoti aur neelima toppers.

Average students mein anu aur geeta ke saath guri.

Anu aur geeta kuch better thi guri se.

Dono groups ke students school time se ek ghanta pehle aa jaate.

Aur apne apne group se mil ke study karte.

Iss sab ko dekh school ke teachers bahut khush the.

Kyu ke inn ki dekha dekha seniors bhi ese groups bana ke study karne lage.

Sab students mein jese hodh ci mach gayi thi apni performance better karne ki.

Guri inn mein sab se jayada mehnat karta kyu ke sham ke time wo basketball khelne bhi aata.

Seventh ke final results mein manoj ka group baazi maar gaya.

Iss se jyoti aur neelima ko thodi nirasha hui thi.

tab suraj ne sab ko honsla dete kaha ke unn sab ki percentage to pehle se better he na.

unn ho ne jayada mehnat ki to wo aage nikal gaye.

Iss mein nirash hone ki kya baat he.

tab guri ne ek dhamaka karte kaha ke manoj ne dono average students ko cheating karvai thi issi liye wo aage nikal gaye.

Iss pe bhi suraj hass ke bola ke koi baat nahi.

Magar wo log cheating nahi kare ge.

Unn ka asli test to 10th ke exams mein hoga.

Jab board exam hon ge.

Aur tab koi bhi cheating bhi na kar paye ga.

Eighth mein fir se dono groups ne study shuru kar di.

Class mein ab kuch aur groups bhi ban chukke the.

Eighth ke half yearly exams. mein ek baar fir se manoj group aage raha.

Iss se inn ki chinta aur badhne lagi.

Tab guri ne kaha: yaar aapa baki subjects te enna jor laande ha languages te jor ta laande hi ni. Je baaki subjects de naal Punjabi te hindi te vi jor dita jaave ta percentage vadh sakdi he. (yaar hum baki sab subjects par to itna jor lagate he par languages par jor lagate hi nahi. Agar baaki subjects ke saath Punjabi aur hindi par bhi jor diya jaaye to percentage badh sakti he.)

Baat to guri ki thik thi.

par problem yeh thi ke Punjabi hindi mein sabhi weak the.

Tab guri ne kaha ke har Sunday ko do ghante sabhi uss ke ghar aya kare to uss ki didi unn ko Punjabi teach kar diya kare gi.

Jyoti ne kaha ke wo apni mamma se hindi ki tips le hindi mein help kar diya kare gi.

Aur guri ke iss suggestion ka result bhi nikla.

Wo eighth ke final mein manoj group se kahi aage nikal gaye.

Ninth class mein sab ko hue abhi ek month hi hua tha ke neelima ke papa ki death ho gayi.

Wo apne papa ki badi laadli thi.

uss se wo kafi jayada aahat hui thi.

ek to wo log pehle hi aarthik taur pe thik thak the ooper se papa ki death.

Neelima ko ab yeh chinta hone lagi thi ke next year uss ki study ke liye help books ka kya hoga.

Jab yeh baat uss ne jyoti se ki aur fir jyoti ne guri se ki to.

Guri aur suraj ne mil ke neelima ko yakeen dilaya ke wo help books ki chinta na kare.

Wo sab uss ke saath apni books share kare ge.

Aur dono ne iss ke liye apni pocket money save kar uss ko alag se help books le di.

Iss ke liye jyoti ne bhi help ki.

Ameer baap ke bache the sabhi.

Pocket money achi khasi milti thi.

save karna koi problem na thi.

Yeh sab dekh neelima ro di.

Guri uss ko daant ke bola: roni kyu he neela. (roti kyu he neela)

Neelima rote rote boli: aap sab ne mujh gareeb ke…….

Guri iss se thoda gusse mein aa gaya: aah dosta ch ameer gareeb kitho aa gaya? Main koi enna akal vala ta he ni ke ess baare kuj kaha. Menu ta bas laga Jive meri nikki bhain ove tu he meri neela bhain. (yeh dosto mein ameer gareeb kaha se aa gaya? Main koi itna akal wala to he nahi ke iss bare mein kuch kahu. Mujhe to bas laga jese meri nikki behan wese hi tu neela behan.)

Nikki guri ki chhoti behan ka naam tha.

Neelima ne guri ko ese dekha jese uss ko guri pe yakeen na hua ho.

Uss ko jyoti ne ek side pe le ja ke chup karvaya.

Guri ne yeh sabat karne ke liye ke uss ne neelima ko dil se behan maana he rakhi ke din uss ke ghar pahuch gaya rakhi banvane.

Uss ke esa karne se neelima ki khushi ka koi thikana na raha.

Agle din jab uss ne yeh baat apne friends jyoti, geeta aur suraj ko batai to sab ke dil mein guri ke liye ek khaas jagah ban gayi.

Ab sabhi teens age mein aa chukke the.

Anu ka jhukaav lagatar suraj ki aur badh raha tha.

wo study ke time suraj se chipak ke bethne ki koshish karti.

Guri yeh sab note karta.

fir guri ki najar ek din neelima pe bhi padi.

Guri ne note kiya ke Neelima anu ko buri tarah dekh rahi hoti jab anu suraj se chipkne ki koshish karti.

Par suraj pe anu ke ese bethne ka koi asar na hota.

Uss ke chehre pe koi reaction na aata.

Jab yeh log 9th mein aaye to suraj mein ek change aai.

Wo ab najar chura ke neelima ko dekhne laga tha.

suraj ko esa karte hue kisi ne pakda tha to wo fir tha guri.

Tab tak yeh sab 10th mein ho chukke the.

Guri ne hi neelima ko ek alag najar se suraj ko dekhte paya tha.

Suraj ab anu ke jawan ho rahe jism se duri banane laga tha.

inn sab mein anu hi thi jis ka jism sab se teji se bharra tha.

uss mein yeh bharav to 8th se hi aane laga tha.

par 10th tak to wo poori jawan lagne lagi thi.

10th mein aa ke sab ne Sunday ko bhi saath mein mil ke study ka programme bana liya.

Har Sunday kisi ek ke ghar.

Lunch ke baad sab ikathe hote.

Teen char ghante wahi study karte ek saath mil ke.

Ab teen char ghante rukna hota to chai snacks to chalne hi the.

Jab wo pehli baar neelima ke ghar aaye to waha to chai ke liye na to ghar mein dhang ki crockery thi aur na hi neelima ki maa ke paas itne pese the ke wo sab ke liye ache snacks mangwa paati.

Iss se baaki sab ko to koi farak na pada.

Par anu ne jaroor naak muh sikod liya.

Sham ko jab ghar jaane ke liye neelima ke ghar se nikle to anu dheere se suraj ke kaan mein boli: yaar main to aage se na aau gi yaha.

Suraj: kyu?

Anu: yaar sadhe hue glass mein chai aur ghatiya se biscuit. Mera to jee kharab ho gaya.

Suraj ko gussa aa gaya: tujhe pata bhi he anu? Uss ke papa nahi he ab. Bhai akela kamane wala he. auntie logo ke kapde seeti he tab ja ke ghar chalta he. neelima ko kese padha rahe yeh log tu nahi jaanti. Unn ho ne jitna kar sakte the kiya he na.

Anu: yaar fir bhi kuch standard to chahiye hi na.

Suraj: miss anu jaha ghar mein roti ki mushkil ho waha standard nahi pyar dekha jata he.

Guri aur jyoti dono ko behas karte dekh unn ke paas aa gaye.

Jab dono ne poochha ke kya hua to suraj ne sab bata diya.

Guri hass ke: yaar anu tere ghar mein gande tel se bane pakoro se to yeh biscuit bahut ache the. Aur jo dip dip wali chai pilai thi tum ne uss mein chinni to thi nahi. Aur dhood bhi dabbe wala powder ka tha.

Yeh sunnte hi anu to jese ro hi di thi.

uss ke liye ab bhaagne ke siva koi chara na tha.

jyoti aur suraj dono hi hassne lage the.

Issi beech geeta aur jyoti bhi waha aa gayi baatein karti hui.

Wo poochne lagi ke kya hua to teeno ne baat taal di.

Agle din school mein suraj ne anu ko pyar se samjhaya ke dosti mein kabhi onnch neech ameeri gareebi nahi aani chahiye.

Sath hi uss ne thode sakht words se kaha ke agar uss ki soch esi he to fir wo acha hoga ke unn ke saath mat aya kare.

Suraj ke liye anu ne sorry bol diya sab ko.

 

[StoryPublisher]

Part-27

Agli baar jab neelima ke ghar sab ko ana tha to suraj kuch der pehle hi nikla tha ghar se.

wo har Sunday ko study karne papa ki car se jata tha.

wo raaste mein jyoti ko uss ke ghar se pick karta tha.

ghar se niklte hi uss ne papa ke driver jinn ko wo taya kehta tha bola: taya koi crockery ki shop khuli hogi.

Driver ne kaha wo dekh lete he.

jyoti ke ghar tak koi shop na mili.

Jyoti ko le ke wo aage bade.

Ek shop pe aa driver ne car rok di.

Suraj ne jyoti ki help se chai ke mugs ka ek set buy kiya.

Wahi paas ki ek bakery se kuch snacks buy ki.

Jyoti heran ho: yeh kis liye suraj?

Suraj: yaar wo last time anu ne jo muh bana liya tha.

Jyoti: par neela ko bura lage ga.

Suraj: mujhe neelima ne hi to bola tha. Uss ne pese bhi diye the.

Jyoti chup kar gayi.

Yeh jaante hue bhi ke suraj jhooth bol raha he.

uss ko thoda gussa bhi aya tha.

Neelima ke ghar pahuchte hi suraj jaldi se sab samaan le ke ander bhaaga.

Waha guri pehle hi mojood tha.

neelima uss se ladai kar thi.

Suraj dono ko dekh: arey tum dono ladh kyu rahe he.

Guri hass ke: yaar chotti bhain aa. Ladan nu dil kita ess da ta main keha tu ladh la.

Neelima gusse se: yeh dekho suraj yeh kya utha laya he guri. Meri gareebi ka majak udhane. Mummy ko pata chala to pata kitna daanten gi wo.

Suraj ne dekha ke table pe chai ke 6 glasses ka ek set aur saath mein kuch snacks rakhe the.

Suraj: guri chal teri daant ho gayi. Ab meri baari he.

Yeh kehte hue suraj ne apna samaan bhi table pe rakh diya.

Yeh dekh wo dono dost hass diye.

Unn ke saath saath wahi ek charpai pe bethi geeta bhi hass di.

Neelima maatha pakad ke geeta ke paas beth gayi.

Jyoti bhi ab tak aa gayi thi waha jo aate hi bathroom mein ghuss gayi thi.

Aate hi geeta se boli ke yeh sab ese kyu rola pa rahe the?

To geeta ne hasste hue saari baat bata di ke dono hi yeh sab le ke aaye.

Suraj aur guri hasste hue bahar aa gaye room se aur uss room mein aa bethe jaha sab ko padhna tha.

Jyoti: guri ka to chal maana wo behan kehta he neela ko. Par suraj kyu pese kharach karta he iss pe? kis baat ki ameeri dikhata he. mujhe jhooth bola ke neela ne pese diye he yeh sab laane ke.

Yeh sunnte hi geeta ko gussa aa gaya jyoti pe: yeh kya bol rahi he jyoti? Dosto ke beech kesi ameeri kesi gareebi? Teri juban se yeh sab sunn ke dukh hua jyoti.

Jyoti jhunjla gayi: yaar mere kehne ka matlab yeh nahi tha. main to bas wo.

Jyoti ko samaj na aya ke wo kya kahe.

Itne mein anu aa gayi to sab doosre room mein beth ke study karne lage.

Kuch hi der baad neelima ki maa aa gayi.

Wo kisi ko kapde dene gayi thi. jo uss ne seeye the.

Uss ko dekhte hi neelima uth ke ander chali gayi.

Uss ne maa ko sab bata diya ke guri aur suraj ne yeh sab apni marji se kiya he.

sab ke saamne uss ko daante nahi.

Beena ne beti ko seene se laga ke kaha ke yeh sab uss ke dosto ka achapan he.

maa ke yeh bol sun neelima ke dil se saara darr jata raha.

Beena ne kuch hi der mein sab ko chai bana suraj ke laaye mugs mein di.

Saath hi saare ke saare snacks bhi.

Guri itne snacks dekh ke hasste hue bola: auntie assi koi pettu thode haan. (auntie hum koi pettu thode he.)

Beena hass ke: le ke aaye ho to khao ab.

Sab ne ek ek patties le baaki sab neelima ko rakh aane ko kaha.

Study ke baad beena ne kaha ke wo aur chai banati he.

snacks khatam kar ke jao.

Anu ne kaha uss ko thodi jaldi he.

wo apni kinetic se aati thi so nikal gayi.

Par baki sab ruk gaye.

Guri ne kaha auntie ab aur chai ka dil nahi he.

yeh keh ke wo utha aur bhaag ke ek badi pepsi le aya.

Sab ab snacks pepsi ke saath enjoy karne lage.

Jab sab kha pee jaane lage to beena suraj aur guri se boli: beta aaj jo tum dono ne kiya thik he. par aage se wo esa na kare.

Guri: auntie neela meri bhain he. oss rishte tussi mere mummy ji. Ki ik puttar da enna vi hak nahi. (auntie neela meri behan he. Uss rishte se aap meri mummy ji. Kya ek bête ka itna bhi hak nahi.)

Beena aankhein bhar ke: beta ek gareeb maa ka…….

Iss se pehle ke beena kuch aur keh pati.

Suraj ne uss ko tok diya.

Suraj: bas auntie aur kuch mat kehna. Maa kabhi gareeb nahi hoti. Uss ki sab se badi daulat to uss ka pyar aur mamata hoti he. kya aap hum ko pyar nahi karti. Kya hum aap ke bache nahi.

Ek 15-16 saal ke bache se yeh sab sun ke beena tadap uthi.

Kheech ke suraj ko seene se laga ke boli: haan beta haan tum sab mere bache ho.

Beena ke esa karte hi suraj ki aankhein bhi nam ho gayi.

Aur dono ke saath saath neelima ki aankhein bhi nam ho gayi.

Ek maa ke mamta bhare seene se lage suraj ki aankhon mein kyu aansoo aaye yeh koi na samaj paya tha.

Jyoti ko yeh dikhava laga tha suraj ka.

Udhar geeta heran thi guri ke saath saath ke suraj auntie ke gale lag roya kyu.

Sab nikle waha se.

Waqt aage bada.

10th ke final exam aaye aur khatam ho gaye.

Suraj ke exams hote hi suraj ki badi behan ki shadi ho gayi.

Suraj ne apne kuch friends ko invite kiya tha.

apne group ke ilava vishali aur kirti ko bhi.

Aur ek do dosto ko bhi.

Sab ko herani aur khushi hui jab unn ki ek class mate aur ek ninth ki girl ladke walo ki aur se thi.

suraj ne unn dono ko hari aur kanta se milvaya.

Yeh dono hi suraj ke hone wale jeeja ki cousin sisters thi.

shadi day time ki thi. kyu ke sikh reet se ho rahi thi.

yeh dono ladkiya baar baar suraj se lipat rahi thi yeh keh ke suraj we are now relatives.

Neelima ke chehre ke bhaav guri note kar raha tha.

neelima subah ki chai ke baad hi ferre hone se pehle hi nikal gayi.

Uss ke jaane ke karan jyoti aur geeta bhi chali gayi.

Suraj ko bahut bura laga tha.

khaas kar neelima ka jana.

Uss ne guri se poochha bhi ke wo sab itni jaldi kyu chali gayi.

Par guri kuch na keh paya.

Agle din guri neelima ke ghar gaya.

Monday ka din tha.

neelima ka bhai to kaam pe gaya hua tha.

beena silai machine pe bethi kisi ka suit sil rahi thi.

guri ne neelima se ishara kar doosre room mein chalne ka kaha.

Neelima tv dekhne ke bahane guri ke saath doosre room mein aa bethi.

Room mein aate hi neelima: bolo bhaiya kya kehna he?

Guri: neela behan apne iss bhai se sach sach kehna ek baat.

Neelima: poochho bhai?

Guri:sach kaho gi na.

Neelima: haan bhaiya vada.

Guri: tum kal shadi se jaldi kyu chali aai.

Iss sawal se neelima chonk padi fir kuch soch ke boli: bhaiya wo mujhe waha ghabrahat si hone lagi thi.

Guri smile de ke: jhoothi.

Neelima ka dil dhadka.

Wo pal bhar kaampi.

Guri dheeme se: tum ko iss baat ka bura laga ke koi aur suraj ke kareeb hone ki koshish kar raha he.

Neelima buri tarah kaampi ab.

Guri: maine tujhe behan kaha hi nahi maana bhi he. bol yeh sach he na.

Neelima ke hont kaampe: bhaiya main.

Guri: neela meri pyari bhaine. Main aj da ni kafi samay to note karda aa rea. Shayad athvi to hi. tussi dove dil hi dil vich ik duje nu pasand karde ho. Par keh koi vi nahi reha. (neela meri pyari behan. Main aaj se nahi kafi time se note karta aa raha hu. Shayad aathvi se hi. Tum dono dil hi dil mein ek doosre ko pasand karte ho. Par bol koi bhi nahi raha.)

Neelima ki aankhein nam hone lagi: nahi bhaiya esa kuch bhi nahi he.

Guri: je nahi ta kha meri kasam. (agar nahi to kha meri kasam.)

Yeh bol guri ne neelima ka haath apne sar pe rakh diya.

Neelima ne jhat se haath peechhe kheech liya.

Guri hass ke: kyu bhaiya di jhoothi kasam ni na kha hoi. (kyu bhaiya ki jhoothi kasam nahi na kha payi.)

Neelima waha se uth ke bhaag gayi aur bathroom mein ghuss gayi.

Waha ja ke wo muh mein dupatta dabaa ke rone lagi.

Guri ne tv band kiya aur beena ke paas aa betha.

Kuch der baad neelima ka dil jab halka hua thoda to wo bahar nikli.

Beena ke kehne par uss ne chai banai.

Teeno ne chai pee.

Guri jab jaane ko utha to neelima uss ko bahar chhodne ke bahane bahar aa gayi.

Ab wo smile de ke sharma rahi thi guri se bhi.

Guri ne jaane ke liye apni cycle uthai aur bola: kuj kehna ke main java. (kuch kehna he ke main jau.)

Neelima najre jhuka ke: bhaiya jab koi aur suraj ko dekhe to mujhe jara bhi acha ni lagta.

Guri ne pyar se uss ke sar pe haath rakhte kaha: jhalli.

Guri ke jaane se pehle hi neelima ander bhaag gayi.

Guri waha se seedha suraj ke ghar gaya.

Waha suraj ki behan kitty shadi ke baad fera daalne aai thi.

guri koi baat na kar paya tab.

Raat ko uss ne ghar se phone kiya suraj ke ghar.

Abhi tak unn ho ne mobile nahi liye the.

Landline pe hi call ki thi guri ne.

Guri: ki chalda. (kya ho raha he.)

Suraj:kuj ni yaar. Hune didi gayi he. haje kuj relatives ne ghar. (kuch nahi yaar. Abhi didi gayi he. Abhi kuch relatives he ghar pe.)

Guri: je kal time mile ta aa ji. (agar kal time mila to aa jana)

Suraj: thik he dekhu ga kal.

Phone band ho gaya.

Agle din sham tak jo guest reh gaye the wo bhi chale gaye.

Raat ko hari jab office se ghar lauta to suraj drawing room mein sofe pe leta tv dekh rha tha.

Hari ne jab bête ko bore hote dekha to uss ko kaha ke result aane tak wo free he to kahi ghoomne chala jaaye.

Tab suraj ne kaha ke uss ko bike chahiye.

Agle din subah hi suraj ko ek nai bike aur saath hi ek naya cell bhi le diya uss ke papa ne.

Bike lete hi suraj seedha guri ke ghar gaya mohali.

Uss time sirf guri ki mummy thi ghar pe.

Suraj ne khush ho ke uss ko nai bike aur cell dikhaya.

Wo hass ke kehne lagi ke guri bhi kai din se apne baap ke peechhe pada he bike aur cell ke liye.

Guri ki mummy ne bataya ke wo apne papa ke paas factory hi gaya hua he.

Suraj ne udhan bhar di bike pe unn ki factory ki aur.

Guri ander apne papa ke paas betha tha muh fula ke.

Suraj uss ko dekh: oye tenu ki hoeya eda betha. (oye tujhe kya hua ese betha he.)

Guri apne papa ki aur ishara kar: mere bapu ji nu puch. (mere bapu ji se pooch)

Wo jab naraj hota tha to papa ko kabhi bapu ji ya peo ji kehta tha.

Suraj: uncle ki ho geya. (uncle kya ho gaya.)

Uss ke papa hass ke: hona ki yaar. Pichhe peya bike mang reya te naale mobile vi. (hona kya he yaar. Peeche pada hua he. Bike maang raha he aur naya mobile bhi.)

Suraj: ta fer le deo na uncle. (to fir le do uncle.)

Guri ke papa: le dau jarur le dau. Jidan tu layi osse din le du. (le du ga jarur le du ga. Jis din tu lega ussi din le du ga.)

Suraj taali maar ke: aah lo uncle meri bike di chaabi te naale cell vi. (yeh lo uncle meri bike ki chabbi aur saath mein cell bhi.)

Uss ke papa bhi hass diye.

Itne mein guri ka bada bhai aa gaya hassta hua: papa suraj ta bike le vi aya navi. (papa suraj to bike le bhi aya nayi.)

Guri ke papa: te cell vi.

Guri ka bhai: chalo fer papa deo ess nu vi pese. (chalo fir papa do iss ko pese.)

Guri ke papa: tu eda kar bank to pese kadva ke ess nu bike le de te cell de pese de de. Te fer otho aanda hoeya sariye da order de aai. Te ohnu kanjar nu kahi maal thik bheje. Nahi maa yah deni je hun maal kharab aya ta. (tu ese kar bank se pese niklva ke iss ko bike le de aur cell ke pese de de. Aur fir waha se aata hua sariye ka order dete aana. Aur uss kanjar ko bolna ke maal thik bheje. Nahi maa chod deni agar ab maal khrab aya to.)

Guri ke bhai ne guri ko bhi same model same color ki bike le di jo suraj ne li thi.

mobile ke liye pese de uss ka bhai chala gya.

Dono iss time mohali mein hi the.

Kyu ke guri ka ghar aur factory dono mohali mein the.

Dopehar hone ko thi dono ko bhookh lagi thi.

dono guri ke ghar aa gaye.

Guri maa se lipat ke: mummy meri navi bike. (mummy meri nai bike.)

Maa ne choom ke guri ko seene se laga liya.

Fir wo kitchen mein chali gayi roti banane.

Dono guri ke room mein aa bethe.

Wahi baaton baaton mein guri ne neelima ka jikar chhed diya.

Wo jese jese suraj ke dil ko tatol raha tha.

wese wese suraj ke dil ki dhadkan badhne lagi thi.

jab suraj kuch na khul ke bol paya to guri thoda bhadak utha.

Guri: tu mann kyu ni lenda ke tenu neela nal pyar he. (tu maan kyu nahi leta ke tujhe neela se pyar he.)

Suraj: nahi guri esi koi gal ni yaar. (nahi guri esi koi baat nahi yaar.)

Guri: oye bhain deni deya menu jhooth. (oye bhain deni ke mujhe jhooth.)

Suraj: nahi yaar sachi.

Guri: kha meri yaari di soh. (kha meri yaari ki kasam.)

Suraj ki to jese jaan nikal gayi.

Wo yaari ki jhoothi kasam kese khata.

Guri: oye khoteya main do saal to note karda aa rea thonnu dona nu. Yaar pyar he ta he. darr kahda. Pyar kita koi qatal ta ni. (oye khote main do saal se note karta aa raha hu tum dono ko. Yaar pyar he to he. Darr kahe ka. Pyar kiya he koi katal to nahi.)

Suraj najar jhukkaye betha raha chup bed pe.

Guri uss ko jappi pa ke: saaleya oh vi tenu pyar kardi aa. (saale wo bhi tujhe pyar karti he.)

Uchhla suraj sunte hi: you mean oh vi menu.

Guri hass ke: haan oye mereya yaara. Ishq di agg brabar lagi dove paase. (haan oye mere yaar. Ishq ki aag barabar lagi dono aur se.)

Fir dono baatein karne lage neelima ki.

Guri ne bataya ke kese kese jab bhi koi uss ke kareeb aati thi ladki to neelima ko bura lagta tha.

Guri ki maa ne bulaya to dono dinning haal mein aa bethe.

Dono khana kha ke chal diye.

Guri ko naya cell lena tha.

guri ne suraj wala hi cell liya bas iss baar color different tha.

wahi suraj ne ek aur naya cell le liya simple sa. Jitne pese uss ki pocket mein the utne ka.

Guri: aah keehde li. (yeh kis ke liye.)

Suraj: bas eve hi. (bas ese hi.)

Guri samaj gya ke yeh uss ne neelima ke liye liya he.

Guri: chaliye fer naale muh mitha karva aaiye naale tu cell de di. (challe fir muh bhi meetha karva aaye aur saath mein tu cell bhi de dena.)

Suraj: kithe? (kaha)

Guri uss ki peeth mein ghoonsa maar: ban na kanjra chal hun. (ban mat kanjra chal ab)

Suraj sharmate hue: chal fer.

Dono chal diye.

Raaste mein ek sweet shop se barfi ka dabba liya guri ne.

kuch der baad hi dono neelima ke panchkula ke flat pe aa gaye.

Gate neelima ne hi khola.

Guri uss ko dekhte hi: neela bhain dekh assi dona ne navi bike lai. (neela behan dekh hum dono ne nai bike li.)

Neelima khush ho: oh really. Congrats to both of u

Neelima ne yeh keh dono se haath milaya.

Guri neela ke kaan mein: suraj nu ta jaffi pa ke vadhai de de. (suraj ko to jappi pa ke badhai de de.)

Neelima sharmati hui ander bhaag gayi.

Guri aur suraj bhi uss ke peeche aa gaye.

Guri beena ko barfi ka dabba dete hue: auntie ji sanu dona nu ashirwad deo. Assi navi bike le li. (auntie ji hum dono ko badhai do. Hum dono ne nai bike li.)

Beena ne dono ko baari baari sar pe haath fer ashirwad diya.

Fir guri ne dabba khol sab ka muh meetha karvaya.

Neelima maa ke kehne pe chai bana lai.

Chai pee ke guri ne neelima se kaha ke chalo chhat pe chalte he.

neelima dono ke saath chhat pe aa gayi.

Aur chhat pe aate hi suraj ne haath mein pakda cell ka dabba jo ek liffafe mein band tha neelima ki aur kiya.

Neelima: yeh kya he?

Guri hass ke: mobile tere liye yeh laya he.

Neelima haath peechhe kheech: na na main na lugi. Mamma se kya kahu gi?

Suraj: kis ne kaha he auntie ko batana. Iss ko chhipa ke rakhna kuch din tak. Jab tak yeh purana na ho jaaye. Jab purana hoga to auntie se keh dena second hand liya he sasta sa.

Neelima: arey main kese chhipau gi.

Guri hass ke: oye meri bholi behan log to pyar mein pata nahi kya kya chhupa jaate he. tu ek cell nahi chhupa sake gi.

Pyar word sunte hi neelima sharam se laal ho gayi.

Suraj ne dabba khol ke cell nikala.

Sim bhi wo sath laya tha.

sim daal uss ne cell on kiya.

Sim wo activate karva ke laya tha.

saath mein balance aur sms pack bhi dalva diya tha.

uss ne sab neelima ko bata diya.

Neelima: par main karu gi kis ko?

Guri apna cell nikal ke: menu…. Hor kihnu karna? (mujhe…… aur kis ko karna he.)

Neelima ne pehle guri ko dekha fir suraj ki aur dekhne lagi.

Guri: chal yaar kyu tang karda meri bhain nu? De apna number ohnu. (chal yaar kyu tang karta he meri behan ko? De apna number uss ko.)

Uss ke kehte hi suraj ne smile de apni pocket se cell nikala.

Fir ek contact ko dial kiya.

Call ussi pal neelima ke cell pe flash hui.

Suraj ne uss ko number feed karne ko kaha.

Neelima ne kaampte haathon se number save kar liya.

Guri hass ke: kya baat he yaar. Tuhade dona da jawab nahi. Ik duje de naam ta rakhi firde ho pyar ch. Par juban nal kehnde nahi. (kya baat he yaar. Tum dono ka jawab nahi. Ek doosre ka naam tak rakha hua he pyar mein. Par juban se kehte nahi.)

Asal mein guri ne suraj ko number dial karte time dekh liya tha aur fir neelima ko suraj ka number feed karte time.

Dono chonke: kya?

Guri ne dono ko ek dusre ke cell open kar dikhaye.

Suraj ne neelima ka number Neelu ke name se save kiya tha jab ke neelima ne suraj ka number Raju ke name se.

Dono hi buri tarah sharma gaye.

Dono ko ek dusre ke cell wapas kar guri chhat ke banere par ja khada hua.

Aasman ki aur dekh budbudaya aankhein band kar: hey Baba ji menu pata he ehna da pyar tuhade naam vaang sacha he. ehna de pyar di laaj rakhna. Kade ehna de pyar ch na kise nu aan dena te na hi ehna nu juda karna. (hey baba ji mujhe pata he inn ka pyar tumare naam ki tarah sacha he. Inn ke pyar ki laaj rakhna. Kabhi inn ke pyar mein kisi ko mat aane dena aur na hi inn ko juda karna.)

Yeh kehte kehte sher dil guri ki aankhein nam hoti chali gayi.

Aur idhar suraj aur neelima ek dusre ke saamne khade haathon mein haath daale ek dusre ki aankhon mein dekhne lage.

Suraj ke hont kaampe: neelu

Neelima ke hont kaampe: raju.

Yahi name to dono ne apne apne cell mein feed kiye the.

Dono kareeb pandra mint tak ese hi ek dusre ki aankhon mein khoye khade rahe.

Shayad wo aur bhi ese khoye rehte agar guri dono ko aa ke hilata na.

Unn ko yeh tak na pata chala ke guri ne kab pyar mein khoye dono pagal premiyo ki pic apne cell mein qaid kar li.

Guri: oye kithe ho tussi dove. (oye kaha ho tum dono.)

Dono jese neend se jaage ho.

Dono ke honto se ek saath nikla: kithe…… (kaha)

Fir dono ne hi sharmate hue pyar bhari smile dete hue najre jhukka li.

Neelima jhat se bhaag ke neeche chali gayi.

Guri hass ke: chal bharava apna kam khatam te thodi aashqi chaalu. (chal bhai apna kaam khatam aur tumari ashqi shuru.)

Dono dost neeche aa gaye.

Dono ne beena se vida li.

Beena abhi tak kapde seene mein hi busy thi.

neelima dono ko gate tak chhodne aai.

Dono ne bike start ki.

Guri ne apni bike modh li.

Neelima ne gate ke peeche khadi ho chehra nikala bahar.

Fir idhar udhar dekh apne right hand ki index finger se apne honto ko kiss kar kiss udha di suraj ki aur.

Suraj ne bhi guri se najar bacha ke esa hi kiya.

Guri bike pehle hi modh chukka tha.

Dono hi iss baat se anjan the ke bike ke review mirror se dono ko dekh raha tha.

Suraj ne bhi bike modhi aur dono chal diye.

Dono dheere dheere chal rahe the.

Guri hass ke: tussi dove ki sochde ho tuhadi flying kiss meri to chhupi rahi. (tum dono kya sochte ho ke tumari flying kiss mere se chhuppi rahi.)

Suraj chonk ke: ki? (kya)

Guri: saaleya eh do do review mirror kahde li ne. main sab dekh leya. (saale yeh do do review mirror kis liye he. Maine sab dekh liya.)

Suraj: kanjra tenu sharam na aai apni bhain nu kiss kardea dekh. (kanjra tujhe sharam na aayi apni behan ko kiss karte dekh.)

Guri: tu eh kyu bhulda ke oss bhain nu oss de pyar tak pahuchan wala main hi aa. (tu yeh kyu bhoolta he ke uss behan ko uss ke pyar tak pahuchane wala main hi hu.)

Suraj: guri tu mere li rabb to vi vadh he yaar. Yaar tenu thanx kehna yaari di toheen hou. (guri tu mere liye rabb se bhi badh ke yaar. Yaar tujhe thanx bolna yaari ki toheen hogi.)

Guri: chal chal hun vada philosopher na ban. Der ho ri. Ghar mummy fikar kardi hou. Eh na hove bike di khushi ch aj juttiya pe jaan. (chal vhal ab bada philosopher mat bann. Deri ho rahi. Ghar mummy fikar karti hogi. Essa na ho bike ki khushi mein aaj joote padh jaaye.)

Suraj: yaar tu lucky he tere ghar fikar ta karda koi. Ethe ta koi ni jis nu eh fikar hove main haan kithe. (yaar tu lucky he tere ghar fikar to karta koi. Yaha to koi nahi jis ko yeh fikar ho main hu kaha.)

Guri ko suraj ka esa kehna bada ajeeb sa laga.

Par wo chup reh gaya.

Dono ne ab speed bada di.

Suraj ki kothi ke bahar aa dono ruke.

Suraj: chal aa ja ik ik cold.

Guri: nahi yaar now getting late.

Fir dono dost neeche utre.

Guri thoda bhavuk ho: suraj vada kar neela nu kade chhade ga nahi. (suraj vaada kar neela ko kabhi chhode ga nahi.)

Suraj uss ke gale lag ke: veer jindgi de saah band hono baad vi eh pyar edda hi rahu. (bhai jindgi ki saansein band hone ke baad bhi yeh pyar ese hi rahe ga.)

Guri: oh ik gareeb vidhwa maa di dhi aa yaar. Tere bina marr ju. (wo ek gareeb widhwa maa ki beti he yaar. Tere bina marr jaaye gi.)

Suraj: tu ki sochda main oss bina jinda reh pau hun. (tu kya sochta he main uss ke bina jinda reh pau ga ab.)

Dono dosto ne ek doosre ko kai baar chooma jor se jappiya daal.

Guri gaya to suraj ne horn maara ghar ke gate pe aa ke.

Bahadur ne horn sun gate se jhanka: arey suraj baba aap. Yeh bike?

Suraj hass ke: ander to aane do. Papa ne nayi le ke di he.

Bahadur ne jaldi se gate khola.

Suraj ne bike la ke park ki.

Mom ki car nahi thi means mom aur hina di ghar pe nahi he.

suraj ne helmet utar ke bike pe hi taang diya aur ander chal diya.

Aaj wo bahut hi khush tha.

uss ka dil chah raha tha wo jor jor se cheekhe.

Aur cheekh cheekh ke sab ko bata de ke uss ko pyar ho gaya he.

pichhle do dhai saal se wo apne dil mein liye iss pyar ke ehsaas ke saath jee raha tha.

par aaj tak wo keh na paya tha yeh teen magic words.

Par aaj uss ne bina kuch kahe bina kuch sune uss ne aankhon hi aankhon mein apne pyar ka izhaar kar diya.

Kitna pyara dhang tha pyar ke izhaar ka.

Aaj agar wo yeh sab kar paya to sirf uss ke jaan se pyare dost guri ke kaaran.

Guri uss ko ooper wale ka bheja hua koi farishta lag raha tha.

wo to kisi rabb se kam nahi tha uss ke liye.

Suraj dua kar raha tha ab guri ke liye.

Ke ooper wala uss ko sada khush rakhe.

Itne mein rani chali aai uss ko chai ka poochhne.

Par suraj ne inkar kar diya.

Rani ne fir jaate jaate poochha: suraj baba juice nikal du.

Suraj ne kaha chal le aao.

Rani ke jaate wo bathroom mein gaya.

Waha se aa ke wo kapde change karne laga to cell ka khayal aya.

Pocket se cell nikala.

Check kiya to dekha ek sms tha.

jhat se inbox dekha.

Khushi se cheekh utha.

Sms neelima ka tha.

Sms: mera raju.

Bas itna hi likha tha.

uss ne jhat se reply kiya: meri neelu.

Cell rack pe rakh ke wo kapde change karne laga.

Har kapda utarne ke baad wo cell check karta kahi reply aa to nahi gaya.

Par har baar nirasha hi haath lagti.

Itna bhi na socha ke sms aaye ga to beep to baje gi hi.

Kapde change kar wo bed pe beth gaya.

Rani juice le aai.

Uss ne juice peete time bhi teen chaar baar cell check kar liya.

Fir uss ko khyal aya pata nahi uss ka sms gaya bhi ke nahi.

Uss ne ek baar fir se sms resend kar diya.

Reply ki wait mein uss ne dus bara baar wahi sms repeat kar diya.

Aakhir mein reply aa hi gaya.

Neelima: pahuch gaye aap ghar raju.

Suraj: haan neelu

Iss bar jhat se reply aya: aap ne itne sms kyu kiye ek se raju?

Suraj: tera reply na aya mujhe laga shayad mila na ho.

Neelima: raju mera reply na aaye samj liya kare ke mere paas koi he.

Suraj: thik he meri neelu

Neelima: mera raju kya kar raha he?

Suraj: apni neelu ko yaad. Aur meri neelu kya kar rahi he?

Neelima: kitchen mein cooking aur apne raju ko yaad.

Suraj: kya bana rahi he meri neelu kitchen mein?

Iss ke baad reply aana fir se band ho gaya.

Suraj samajh gaya ke uss ke paas he ab koi.

Itne mein rani aa gayi khali glass lene.

Rani uss ke haath mein mobile dekh ke boli: acha to suraj baba ne naya mobile bhi liya he. bike bhi li aur rani ko bataya tak nahi. Thik he suraj baba. Bahut achi baat he.

Rani roothne wali adda dikhati glass le chali gayi.

Suraj khud: oh teri yaar sachi main rani ko batana to bhool hi gaya.

Pehle esa kabhi na hua tha.

wo har baat rani ko sab se pehle bataya karta tha ke uss ne yeh naya liya wo naya liya.

kyu ke koi aur tha hi kaha ghar mein jis se wo apni khushi share kar pata tha.

papa office hote the.

Mom aur didz se kuch share kar ke haasil na hota tha kuch.

Par aaj bhoola to sirf iss liye ke uss ke ander inn dono cheezo se jayda khushi apne pyar apni neelu ki thi.

Par neelu se mili khushi abhi wo kisi ko bantna nahi chahta tha.

Wo utha aur uth ke rani ke paas aa gya kitchen mein.

Uss ke peechhe aa khada ho bola: Sorry rani I am really sorry.

Wo rani se yeh keh maafi maangne laga.

Par rani to shayad jayada hi rooth gayi thi.

wo kuch na boli.

Uss ko pata tha rani ko kese manana he.

Wo rani ke galle mein baahein daal jhool gaya hamesha ki tarah.

Uss ke gaal ko choom: cholly. Dekho tum rootho gi to main roti nahi khau ga. Tum ko acha lage ga ke tera suraj baba bhookha soye.

Rani hass di: shaitan kahi ka. Tum ko sab pata he ke rani tum se jayada der roothi reh hi nahi sakti.

Yeh bol rani ne bhi uss ka gaal chooma aur wo khush ho wapas room mein laut aya.

Aate hi uss ne cell uthaya bed se.

dekha ek missed call flash ho rahi thi cell pe.

check kiya neelu ki call thi.

oye teri yeh bol uss ne call back kar diya.

Neelima ne ek hi bell pe call le li.

Neelima: kaha the aap raju?

Suraj: neelu wo rani rooth gayi thi uss ko manane gaya tha kitchen mein.

Suraj baat karta karta bahar lawn mein aa gaya.

Neelima janti thi ke rani uss ke ghar mein kaam karti he.

Neelima: acha wo kyu rooth gayi.

Suraj hass ke: apni neelu ke kaaran uss ko batana bhool gaya ke bike aur cell liya he naya.

Neelima bhi hass di: to wo maan gayi?

Suraj: haan

Neelima: kya kaha uss ko manane ko

Suraj: sorry.

Neelima: bas itna kehne se maan gayi kya?

Suraj: ya

Neelima hass di fir: par main to nahi manu gi raju itna kehne se.

Suraj hass ke: main apni neelu ko kabhi roothne hi nahi dunga.

Neelima: par main to roothi hui hu apne raju se.

Suraj hass ke: meri neelu kyu roothi hui he?

Neelima: kyu ke mere raju ne ek baar bhi bike pe bethne ko kaha hi nahi.

Suraj: oye teri kitna gadha hu mein?

Neelima tunak ke: khabardar mere raju ko gadha kaha to.

Suraj hass diya.

Bola: cholly

Neelima: pehli baar tha maaf kiya. Fir se esi galti na ho.

Suraj: jo hukam janab ka.

Neelima khilli khilli si awaaz mein: yeh hui na ache bacho wali baat.

Suraj: acha to bolo meri neelu kab bethe gi bike pe.

Neelima: jab mera raju kahe ga?

Suraj: abhi aau?

Neelima halki ci ghabrati hui: nahi nahi abhi nahi.

Suraj: fir kal?

Neelima: kal ki kal……

Iss line ko adhoora chhod boli wo: lagta he mamma aa gayi. Bye.

Aur iss ke saath hi neelima ne call kaat di.

Suraj ko ese achanak call katne se nirasha to hui par wo kar bhi kya sakta tha.

iss mein uss ka bhi koi kasoor nahi tha.

yeh umar hoti hi esi he.

aur neelima ki bhi majboori thi.

wo ek ladki jo thi.

Suraj dheere dheere kadmo se chalta ander aa gaya.

Kuch der wo aa ke room mein betha raha.

Fir wo utha aur drawing room mein aa ke tv dekhne laga.

Sava aath baje hari aa gaya.

Suraj ne aate hi papa ko thanx kiya mobile aur bike ke liye.

Hari hass ke: yaar ek baar call kar ke papa se baat to kar leta. Apna naya number de deta.

Suraj sar khujata hua: sorry papa wo bas aaj friends ke saath hi……

Hari: ha ha……. I know iknow iss mein tera kya kasoor? Iss age mein esa hi hota he.

Fir hari ne rani ko chai laane ko kaha.

Aur suraj ke paas hi sofe pe aa betha.

Hari: chal apna number de.

Hari ne apna cell nikalte kaha.

Suraj: papa aap ka number.

Hari jor se hass ke: tera kuch ni ho sakta. Baap ka number tak nahi pata.

Suraj jhemp ke wahi hari ki goddi mein sar rakh ke late gaya aur bola: sorry papa main bhool gaya.

Hari: ha ha……number hi bhoola he na…….kahi baap ko to nahi bhool gaya.

Suraj jhatke se utha aur hari ke galle mein baahein daal: le papa aap bhi koi bhoolne ki cheez ho?

Hari hass ke: chal shukar he.

Suraj: kya papa aap bhi na …..

Fir suraj ne hari ka cell le apne number dial kar apne cell pe miss call maar di.

Suraj: papa yeh mera number he.

Yeh bol wo apne cell pe papa ka number save karne laga.

Hari ne uss ke ese hi bethe bethe ek pic kheech li apne cell se.

suraj apne cell mein itna khoya hua tha ke uss ko iss ka koi pata na chala.

Rani ne chai di to hari chai peeta peeta apne room mein chala gaya.

Suraj ne guri ko issi beech ek sms kiya.

Itne mein suraj ne porch mein kanta ki car ki awaaz suni to wo uth ke uss ki aur lapka.

Suraj chehkte hue: mom mera naya cell.

Kanta: thik he thik he.

Suraj ne kanta ke galle mein dono baahein daal di aur fir bola: mom mujhe nayi bike bhi le ke di papa ne.

Kanta thodi kheej ke: to main kya karu?

Kanta ne uss ke dono baajoo pakad jhatke aur aage badh gayi.

Suraj ne uss ka haath pakad minnat ci ki: mom ek baar meri nayi bike to dekh lo.

Kanta ke peechhe hina thi wo boli: tu mom ko tang kyu kar raha he. najar nahi aata mom ka mood thik nahi he.

Yeh bol ke hina ne jabran suraj ke haath se kanta ka haath chhudwa diya.

Asal mein kanta kuch friends se milne gayi thi.

wahi uss ki ek friend ne uss ke suit ka nukas nikal diya jo uss ne naya khareeda tha recently.

Bas issi kaaran uss ka mood off tha.

Maa aur behan ke iss behave se suraj ko rona aa gaya.

Wo aansoo bahata hua apne room mein aa gaya.

Hari ne yeh sab dekh sun liya tha apne room se hi.

jaha wo kapde change kar raha tha.

uss ne bahar aa dekha to suraj najar na aya to wo suraj ke room mein chala aya.

Suraj waha bed pe ondhe muh leta ro raha tha.

hari uss ko pyar karta hua apne saath drawing room mein le aya.

Kuch der baad kanta apne room se nikli kapde change kar ke.

rani ko awaaz de boli ke uss ka dinner laga de.

Hari patni se: yaar kanti beta agar chaav se dikha raha he kuch to ek baar dekhne mein chala jaaye ga tera kuch?

Kanta: dekhiye ji abhi mera mood bahut off he. I don’t wanna to talk with anyone. Please……….

 

[StoryPublisher]

Pehla Pyar - koi jeeta koi haara

Part-28

Itne mein hina chali aai waha.

Aate hi boli: papa aap ne iss ko bike le di. Kare ga kya? Awaragardi hi na. wo bhi unn do takke ki ladkiyon ke saath. Jo kitty di ki shadi pe aayi thi. dekha tha na aap ne. dressing tak ki sense nahi thi kisi ko bhi.

Apni friends ke liye yeh words sunte hi suraj gusse se kaamp utha.

Hina se bol padha: shut up di. How dare u to insult my friends.

Tadhaak!! Hari ka haath ghooma aur suraj ke chehre pe ek jhannatedar tamacha de maara hari ne.

Hari gusse se laal ho: ese baat karte he apni badi behan se.

Tamache se ek baar to suraj sunn ho gaya tha.

Kanta bhi gusse se: this is wat u deserve.

Hari uss ko baalon se pakad: say sorry to hina.

Suraj hole se: sorry di.

Yeh bol ke wo hole hole apne room ki aur chal diya.

Hari apne study room mein chala gaya.

Kanta aur hina wahi beth gayi dinner ki wait mein.

Na kanta ko taras aya bête ki pitai hone pe aur na hina ke chehre pe koi dukh tha bhai ke liye.

Haan kitchen mein khana pakka rahi rani ki aankein jaroor nam thi.

Papa se maar kha suraj apne room mein aa bed pe ondhe muh leta fir se rone laga.

Kanta aur hina dinner kar rahi thi.

jab hari study room se nikla.

Wo bar room mein aa drinks karne beth gaya.

Apne do peg lete hi uss ne bhi rani ko dinner ka bol diya.

Kanta aur hina dinner kar apne apne room mein ja ghussi.

Hina jaate jaate bol gayi rani ko ke dus baje uss ko dhood de de.

Dono maa beti ke jaane ke kuch der baad hari ko yaad aya to uss ne rani se poochha ke kya suraj ne dinner kiya?

Rani ne kaha ke wo uss ko abhi deti he.

rani ko pata tha ke jis din suraj ko maar padti thi uss din suraj badi muskil se khana khata tha.

hari ke jaane baad rani suraj ke room mein aayi.

Rani: chalo suraj baba khana kha lo.

Suraj wese hi pada rota raha.

Rani ne badi mushkil se pyar kar kar ke uss ko khane ke liye manaya.

Fir bhi suraj ne sirf ek hi roti khayi.

Rani ander hi ander bahut dukhi thi.

par wo to ghar ki sirf ek nokar thi.

kar bhi kya sakti thi.

Hina ko dhoodh de uss ne suraj ko bhi dhood diya.

Suraj abhi bhi bed pe pada sisak raha tha.

rani dukhi mann se gayi waha se.

jaate jaate suraj ko dhood peene ka bol gayi.

Subah ke nau baje rahe the.

Suraj abhi tak so raha tha.

rani chai le ke aai.

Suraj ko awaaz di.

Par wo bas karwat badal fir so gaya.

Rani chai wapas le gayi.

Raat ka dhood bhi wese hi pada tha.

rani wo bhi le gayi.

Hari apne time pe nikal gaya.

Kanta ka programme tha kahi jaane ka.

wo ready ho rahi thi.

uss ne hina ko bhi ready hone ko kaha.

Kyu ke hina aaj kal exams de ke free thee.

Giarah baj rahe the.

Kanta ne rani se poochha ke suraj utha ke nahi.

Rani ne kaha ke nahi.

Kanta gusse se: utha uss nawabzade ko.

Rani fir chai le ke gayi.

Suraj ko awaaz di.

To suraj badi mushkil se seedha hua.

Uthna chaha par uth na paya. Badan ka har hissa dukh raha tha.

Rani uss ka laal ho raha chehra dekh ghabrai.

Aage ho uss ka badan chhooa to kaamp gayi.

Badan tapp raha tha.

Rani bhaagi kanta ke room mein: mem sahib suraj baba ko to bukhar he.

Kanta maathe pe bal daal: tujhe to hamesha esa hi lagta he.

Fir kanta paas khadi hina se: hina beta aap ja ke dekho to.

Hina ne suraj ka aa ke maatha check kiya.

Wo bhi worried ho kanta se aati boli: mom uss ko to sach mein temperature he.

Kanta ke maathe pe fir se bal aa gaye.

Ek drawer se kuch tablets nikal rani ko dete boli: suraj ko kuch thoda khila pila ke yeh do tablets de dena. Bukhar kam na hua to teen ghante baad fir se de dena.

Fir wo hina se boli: chalo beta hum log late ho rahe he.

Rani ko dil mein bahut gussa aa raha tha.

par wo be-bas thi. kya karti.

Rani ne unn ke jaane ke baad dhood chai banai.

Saath mein kuch rusk aur biscuits le suraj ke room mein aai.

Badi mushkil se uss ko utha thoda khila pila pai.

Uss ke kuch der baad uss ne kanta ki di dono tablets de di.

Tablets khaane ke kuch der baad suraj fir se so gaya.

Do ghante baad suraj fir utha.

Ab ke paseene se tar tha wo.

shayad davai ke asar se bukhar toota tha uss ka.

wo kafi weakness feel kar raha tha.

utha na gaya fir bhi kisi tarah bathroom gaya.

Waha se free ho ke aya to fir nidhal ho bed pe late gaya.

Rani jo thodi thodi der baad uss ko dekhne aa rahi thi.

uss ko bathroom se niklata dekh haal poochhne lagi.

Suraj kuch na bol paya tha.

rani fir se dhood mein chai ki pati daal saath mein bread le aai khane ko.

Kuch der ruk ke uss ne suraj ko davai ki dusri dose de di.

par iss baar davai ne bhi koi asar na kiya.

Suraj ko shaam hone tak bukhar aur tej ho gaya tha.

rani ne ghabra ke kanta ke mobile pe phone kiya ghar se.

kanta na kaha ke wo abhi busy he disturb nahi kare

tab rani ne hari ko call laga di.

Hari sunte hi ghar aa gaya.

Suraj ko car mein le wo doctor ke paas aa gaya.

Doctor bahut gusse hua hari ko ke itni strong dose ek bache ko de ke maarna he kya?

Hari preshan ho utha apne bête ko le ab.

Doctor uss davai ki baat kar raha tha jo kanta ne di thi.

hari ko khud pe gussa aa raha tha ke uss ne suraj ko maara hi kyu?

Kitna khush tha wo jab uss ne uss ko bike aur mobile le ke diye.

Par raat hote hote uss ki saari khushi ko jese najar lag gayi kisi ki.

Doctor ne kuch khaas instructions ke saath medicine de di.

Saath hi warn kiya ke in future wo apni marji se koi davai na de uss ko.

Uss raat ko kanta jab aai to hari ne achi khaasi class le daali patni ki.

Kanta ko pehli baar wo aise bola tha.

kanta ko laga ke yeh sab suraj ke kaaran hua he uss ke saath.

Next day hari khud ghar pe raha.

Office gaya bhi to bas do teen ghante.

Teesre din ja ke suraj kuch thik hua.

Saturday ka din tha.

lunch ke time pe jab hari ko vishwas ho gaya ke suraj ab kaafi hadh tak normal he tab ja ke wo office gaya.

Wo jaate hue bol gaya rani se ke wo koi aur kaam na kare.

Bas uss ko suraj ka khyal rakhna he.

Hari ke jaane ke baad suraj ko apne naye mobile ki yaad aai.

Uss ne idhar udhar dekha.

Saamne rack pe mobile pada tha.

uss ne dekha battery dead thi.

uss ne charging pe laga diya.

Idhar Wednesday ki raat ko jab fir se neelima ne sms kiya to koi reply na aya.

Uss ne chupke se chhat pe ja ke call laga di.

Do teen bells ke baad hi call khud hi katt gayi.

Fir jab dubara call lagai to phone switch off aane laga.

Agle din bhi uss ne kai sms kiye.

Kai calls ki.

Par har baar na to sms ka reply mila aur na hi call mili.

Wo preshan ho uthi.

Poora din uss ne preshani mein nikal diya.

Friday ko bhi wahi haal tha.

haar ke uss ne guri ko call laga di.

Guri jo do din se apne maama ke ghar jalandhar aya hua tha apni mummy ke saath.

Uss ne bhi bataya ke wo bhi kai baar call kar chukka he suraj ko.

Aur sms bhi kar chukka he par koi contact nahi ho pa raha.

Guri ne kaha ke wo Saturday ko dopehar tak aaye ga wapas.

Fir jaaye ga uss ke ghar.

Par neelima ko chain kaha.

Suraj ke ghar to wo gayi thi par har baar guri ke papa ki car mein.

Uss ko na to raasta pata tha aur na hi address pata tha.

dopehar ko jyoti ke ghar aa gayi.

Jyoti ka bhi haal neelima jesa hi tha.

ghar ka na raasta pata tha na address.

Jyoti uss ko ese preshan dekh poochhne lagi ke aakhir baat kya he?

tab neelima ne uss ko bataya ke do din se suraj na sms ka reply kar raha he.

na hi uss ka mobile mil pa raha he.

tab ja ke jyoti ko pata chala ke suraj aur guri dono ne bikes aur mobile le liye he.

aur saath mein neelima ko bhi ek mobile le diya.

Jyoti ko thoda gussa aa gaya.

Wo neelima se boli: neela dekh tujhe warn kar rahi hu. Tu suraj ke kisi chakkar mein na aa jana. Tu bahut bholi he. tu nahi jaanti inn ameerzado ko yeh tere jesi gareeb ladkiyon ko pehle apne jaal mein phassa lete fir uss ko use kar kisi gande tissue paper ki tarah fenk dete he.

Neelima kaamp ke: esa mat bol. Mera raju esa nahi he.

Jyoti: tera raju bhi ussi mitti ka bana hua neela. Jis mitti se baaki sab bane he. Wo kisi aur ke saath gulcharre udha raha hoga. Aur tu uss ke liye marri ja rahi he.

Jyoti ke inn bolo ne khasa asar daal diya neelima ke dilo dimag pe.

Uss ki aankhon ke aage wo scene aane laga jab study ke time anu chipak ke beth jaati thi suraj ke saath.

Toote hue dil ke saath wo laut aai ghar.

Uss ko laga uss ke pyar ka gharaunda ret ka nikla jo hawa ke ek jhonke se hi toot gaya.

Uss ne soch liya ke wo suraj ka diya mobile lauta degi.

Uss se kabhi koi baat na kare gi.

Wo baki ka din preshan rahi.

Raat ko bhi ache se so na pai.

Saturday Shaam ke char baje the jab suraj ne cell ko fir se on kiya.

Uss pe neelima aur guri ke msgs the.

Uss ne poore msgs padhe bina neelima ko sms kiya.

Sms1: kesi he meri neelu.

Sms2: meri neelu naraj hogi mujh se. hona bhi chahiye. Gussa aa raha hoga.

Sms3: tera raju majbur tha neelu. Kuch esi urgency padh gayi thi. cell band ho gaya low battery ke kaaran.

Sms4: papa ke saath bahar jana padh gaya tha. cell ghar chhoot gaya jaldi mein.

Abhi wo msgs kar hi raha tha ke rani ki awaaz aai: suraj baba aap ka dost aya he.

Suraj: ander bhej do.

Guri ko gate ke ander aate hi bahadur se pata chal gaya ke suraj pichhle teen din se bimar padha he.

Guri ander aate hi suraj ko jappi daal mila: oye tu bimar kive pe gaya. Ki hoeya tenu. (oye tu bimar kese padh gaya. Kya hua tujhe.)

Guri ke peechhe rani khadi thi boli: hamare suraj baba ko koi khushi raas nahi aati guri baba. Iss liye najar lag gayi kisi ki.

Suraj hass pada: eh ta eve santi ho jandi yaar. Bas ho geya bukhar. (yeh to ese hi santi ho jaati yaar. Bas ho gaya bukhar.)

Fir suraj ne rani ko juice laane ko kaha.

Rani ke jaate hi guri hole se: yaar tenu pata neela kini preshan tere li. (yaar tujhe pata he neela kitni preshan he tere liye.)

Suraj: main hune sms kite ohnu. Par yaar tu oss nu meri bimari da na dassi eve preshan hou. (maine abhi sms kiye uss ko. Par yaar tu uss ko meri bimari ka mat batana. Ese hi preshan hogi.)

Guri uss ko jappi daal: aashiq hove ta tere verga mere yaara. (aashiq ho to tere jesa mere yaara)

Guri jayada der na betha waha.

Juice pee ke chala gaya.

Kyu ke wo thakka hua tha.

Suraj ke liye bhi jayada der bethna mushkil ho raha tha kamjori ke kaaran wo bhi late gaya.

Uss ne cell check kiya ke koi sms to nahi aya.

Jo ke nahi tha.

uss ne aankhein band kar li.

Suraj ko iss baat ka jara bhi ilam nahi tha jyoti ke kehne pe neelima ke jehan mein shakk ka zehar unn ke pyar ke panpne se pehle hi apna asar dikha chukka tha.

Guri ghar aate hi apne room mein aa betha.

Uss ne cell nikal ke neelima ko sms kiya.

Sms: hun ta khush he na meri bhain apne raju de sms pa ke. (ab to khush he na meri behan apne raju ke sms pa ke.)

Thodi der baad guri ko neelima ka sms aya: bhaiya agar ho sake to kal do se teen ke beech aap aur suraj ghar ana please.

Guri ka reply: okk

Agle din guri ne suraj ko call kar ke uss ka haal chal poochha to suraj ne bataya ke uss ko raat ko thoda bukhar fir se ho gaya tha.

shayad abhi infection baaki he.

Guri neelima ke ghar jaane se pehle suraj ke ghar gaya.

Uss time dopehar ke dedh baj rahe the.

Lobby mein hi hari bethe the.

Guri unn se mila fir suraj ka poochha to hari ne kaha ke wo ander apne room mein he.

Guri ander aa gaya.

Suraj aankhein band kar leta tha.

guri hole se uss ke paas aa gaya.

Guri ke kadmo ki awaaz sunn ke suraj ne aankhein khol di.

Uss ne suraj ko bataya ke neelima ne dono ko bulaya tha.

suraj hole se bola ke uss ki to haalat nhi jaane ki.

Guri akela hi chala gaya.

Do baj chukke the jab guri neelima ke ghar pahucha.

Uss ke pahuchne se pehle hi suraj ne neelima ko yeh sms kiya tha ke wo kitty di ke ghar aane ke karan nhi aa paye ga.

Guri ne bhi yahi kaha neelima se suraj ke kehne pe.

kuch der beena ke paas bethne ke baad neelima guri ko doosre room mein le aai jaha tv rakha tha.

tv on kar diya neelima ne ta ke doosre room mein beena tak unn ki baat na sune.

Guri: haan bol neela koi khaas kam ci saanu dona nu bula leya. (haan bol neela koi khaas kaam tha jo hum ko bula liya.)

Neelima ne suraj ka diya cell guri ke haath mein de kaha: bhaiya aap yeh suraj ko wapas de dena.

Guri chonka: ki gal ho gi neela. (kya baat ho gayi neela.)

Neelima: bas bhaiya jitna suraj ne khelna tha khel liya mere dil se.

Guri: ki matlab? (kya matlab?)

Neelima: guri bhaiya meri izzat itni sasti nahi jise wo yeh ek mobile ya kuch ek gifts de ke khareed sake.

Guri: tu ki keh rahi he neela? (tu kya keh rahi he neela?)

Neelima: bhaiya aap bhi uss ke saath mil gaye. Aap ne to rakhi bandwai thi mujh se. fir bhi aap ne uss farebi ka saath diya. Kitty didi to Friday se honeymoon pe gayi hui he fir wo kese aa sakti he aaj ghar. Yeh khud hi uss ne hum dono ko bataya tha. bhool gaye kya aap.

Yeh sunnte hi guri khamosh reh gaya.

Uss ne najre jhuka li.

Neelima ne fir jo jyoti ne uss ko kaha tha suraj ke baare mein wo sab suna diya.

Yeh sab sunte hi guri ke paon talle se jameen khisak gayi.

Uss ko yakeen na ho raha tha jo neelima keh rahi thi.

Guri ne akhirkar uss ko chup kara ke kaha: bas neela bas tu bhain bharaa de rishte te jo kaalikh malni ci mal ti. Menu ni pata tere dil ch eh sab kive te kyu aya. Main tenu apniya sagiya bhaina vaang hi bhain maneya par tu eh jo gaali diti menu ehnu sun ke pata ni main ethe kyu betha. Te baaki rahi suraj di gal. haan main tenu jhooth boleya. Par kyu boleya es li changa hove ga je tu khud suraj di kothi ja ke pata kar lave ke oh pichhle tin chaar din to kithe ci te kis nal gulchharre udha reha ci. Main vada kita ohnu ke tenu sach ni dasna. Yaar de vaade li main jaan vi vaar sakda. Te eh mobile tu oss nu aap hi wapas kar di. (bas neela bas tum ne behan bhai ke rishte pe jo kalikh potni thi pott di. Mujhe nahi pata yeh tere dil mein kyu aur kese aya. Maine tujhe apni sagi behno ci hi behan maana tha. Par tum ne yeh jo gaali di mujhe yeh sun ke bhi pata nahi kyu main yaha betha hu. Aur baaki rahi suraj ki baat. To haan maine tujhe jhooth bola. Par kyu bola iss liye acha hoga agar tu suraj ki kothi ja ke khud pata kar le ke wo pichle teen char din kaha tha aur kis ke saath gulchhare udha raha tha. Maine vaada kiya he uss se ke tujhe sach nahi batana.. yaar ke vaade ke liye main jaan bhi de sakta hu. Aur yeh mobile bhi tu uss ko khud hi lauta dena.)

Fer guri ne waha ek copy pe pen ke saath suraj ke ghar ka address aur ghar ka landline number likh ke dete kaha ke wo khud ja ke ya phone kar ke pata kar le sach kya he.

Uth ke jaane se pehle guri: neela jo tohmat tu mere te lai. Oss baare kise naal gal na kari kise nu. Nahi ta bhain bharaa de rishte te loka da yakeen hi uth ju. (neela jo ilzaam tum ne mujh pe lagaya he. Iss ke baare mein kisi ko na batana. Nahi to behan bhai ke rishte se logo ka yakeen hi uth jaaye ga.)

Guri ek pal bhi na ruka fir.

Uth ke chal diya.

Beena se bhi bina mile chale gaya.

Neelima to bas fatti fatti aankhon se uss ko jaate dekhti reh gayi.

Uss ka dil teji se dhadak utha tha.

kahi jyoti ke kehne mein aa ke uss ne koi galti to nahi kar di.

Par fir jo jyoti ne kaha wo sach nahi to sach kya he.

wo kafi der tak sochti rahi.

Beena ke pukarne pe uss ki soche tooti.

Uss ne jaldi se wo paper jis pe suraj ka address aur ghar ka number likha tha uss ko chhupaya aur saath hi cell bhi.

Sham ke chhe baje the.

Neelima chupke se chhat pe aa gayi.

Uss ne kuch soch ke suraj ke ghar ka number milaya.

Kuch der bell jaane ke baad kisi aurat ki awaaz aai.

Wo aurat koi aur nahi rani thi.

Rani: hello

Neelima: hello kya yeh chopra niwas ka number he.

Rani: ji haan aap kaun?

Neelima: main preety. Suraj ke saath padhti hu.

Rani: oh to seedha bolo na aap hamare suraj baba ki dost ho.

Neelima ko suraj ne bataya tha ke ghar mein sab nokar uss ko suraj baba kehte he.

Neelima: kya baat ho sakti he suraj se.

Rani: preety bibi wo to so rahe he.

Neelima ko ek jhatka laga iss time sone ka matlab.

Rani fir se: kahiye kuch kaam he kya?

Neelima: wo parso aaye the ghar aur aaj sham paanch baje aane ka fir vada kiya tha. aaye nahi to socha phone kar ke poochh lu.

Rani heran ho: kya baat kar rahi ho preety bibi. Suraj baba to budhvar raat se bimar pade he. unn se to utha bhi na jata fir wo kese aa gaye aap ke ghar parso.

Neelima ko laga jese wo chakkar kha ke gir padhe gi.

Wo mushkil se khud pe kaabu pa ke: kya aap sach keh rahi ho wo bimar he.

Rani: arey main bhalla kyu jhooth bolu gi. Wo bhi hamare suraj baba ke liye.

Neelima: kya guri ko pata he ke suraj bimar he.

Rani: haan wo guri baba to kal bhi aya tha aur aaj bhi din mein.

Ab aur kuch kehne sun-ne ko kya bacha tha.

neelima ne call kaat di.

Aur wahi chhat ke farsh pe beth ke ghutno mein sar de ke rone lagi.

Kitni der tak wo wahi bethi roti rahi.

Jyoti ko kosti rahi.

Khud ko kosti rahi ke uss ne jyoti ki baat ko kyu dil pe le liya.

Fir kuch rona thamma to guri ko call laga di.

Guri ne call na uthai.

Neelima ne sms kiye ek nahi kai: guri bhaiya apni iss bewakoof behan ko maaf kar do. Aap ko meri kasam. Meri rakhi ki kasam. ek baar please maaf kar do na. main bahut buri hu bahut gandi hu. Bhai behan ke rishte ko gaali di. Ek baar maaf kar do na bhaiya.

Guri uss time so raha tha.

wo sms uss ne raat ko uth ke dekhe.

Neelima ke paschatap ke aansoon ka ehsaas guri ko har sms mein ho raha tha.

Guri ne ussi pal reply kar diya sms se: je tu pagal he ta jaruri nahi main vi pagal aa. Tu galat fehmi da shikar hoi. Teri galt fehmi dur hoi. That’s all. Main tere naal naraj nahi aa. Tu meri bhain he te sada rahe gi. (agar tu pagal he to jaruri nahi main bhi pagal hu. Tu galat fehmi ka shikar hui. Teri galat fehmi dur hui. That’s all. Main tere se naraj nahi hu. Tu meri behan he aur sada rahe gi.)

Kuch hi der baad neelima ne reply kiya: love u bhaiya.

Monday sham tak suraj kaafi thik ho chukka tha.

raju aur neelu ke pyar ka silsila jo suraj ki bimari aur neelima ki galatfehmi ke kaaran ruk gaya tha wo fir se shuru ho gaya tha.

iss galatfehmi ne neelima ke dil mein pal rahe pyar ko ek nayi uchai de di thi.

beech manjhdaar mein kuch der ke liye dol rahi kashti ko ek safe kinara mil chukka tha.

suraj ne uss se sach iss liye chhupaya tha ke uss ko koi takleef na ho.

Yahi soch soch ke neelima ka dil apne raju ki mann hi mann pooja karne laga tha.

Tuesday ko subah uthte hi neelima ne suraj ko milne ki ichha jahir ki sms se.

suraj ne kaha ke wo ghar aa jata he.

to neelima ne sms se kaha ke ghar nahi kahi bahar.

To dono ne rock garden milne ka programme bana liya.

Kareeb saadhe giarah dono thik time pe waha pahuch gaye.

Dono ki yeh first date thi.

Subah hone ke karan waha rush bhi nahi tha.

Ek tanhai mein aate hi dono ek corner mein beth gaye.

Wahi pe beth ke neelima ne poori baat bata di.

Jo jo jyoti ne uss ke liye kaha aur jo galatfehmi jyoti ki baaton mein aa ke uss ne apne dil mein paal li aur fir jo jo guri se uss ne kaha.

Last mein neelima boli: raju main jyoti se kabhi baat nahi karu gi.

Uss se dosti bhi todh dugi.

Suraj ne bade pyar se uss ko dekha.

Fir uss ka haath apne haathon mein le ke kaha: neelu ek galti tum ne pehle ki. Jyoti ki baaton mein aa ke. Ek galti tum fir karne ja rahi ho. Jyoti se dosti todhne ki baat kar ke.

Neelima yeh sunte hi chonk padhi.

Suraj ki aur swaliyo najro se dekha.

Suraj smile de: jyoti teri kaun he neelu. Teri friend. Teri ek tarah se best friend. He na.

Neelima heran ho suraj ko dekh rahi thi bas.

Suraj: neelu jyoti apni jagah sahi he. uss ne jesa baaki ladko ko dekha, samjha, jana. Wesa hi uss ne mujhe samajh liya. Iss mein uss ka kasoor kya he neelu? Uss ne tum se jo kaha tere bhalle ke liye. Main to kahu ga uss ne ek achi dost hone ka saboot diya. Haan uss ki yeh galti jarur he ke wo abhi tak mujhe nahi samajh payi aur na hi samjhne ki koshish kar rahi he. Par iss ka matlab yeh nahi ke uss ne tujhe kuch galat kaha ya tere liye bura socha.

Fir suraj uss ke haath choom ke bola: neelu jyoti ki najar mein main bhi wesa hu jese sab he. ab meri yeh jimmevari he ke main khud ko uss ki najro mein sabat karu. So tum please na uss ko kuch kaho gi aur na hi uss se dosti todho gi. Tum guri se khuch mat kehna jyoti ke baare mein. Guri ke liye to jyoti ne kuch galat nahi kaha. Wo to tum ne khud hi soch liya.

Suraj bol raha tha aur neelima sunn rahi thi.

suraj ki har baat uss ke dil pe gehra asar chhod rahi thi.

Suraj fir bola: jyoti aage chal ke bhi tum ko keh sakti he. par ab tum ko mujh pe yakeen rakhna he. apne pyar pe yakeen rakhna he. rakho gi na.

Neelima suraj ko ek tak dekhe ja rahi thi.

Suraj: bolo rakho gi na yakeen.

Neelima: haan raju main rakhu gi. Khud se bhi jayada yakeen ho gaya mujhe. Aap pe bhi aur apne pyar pe bhi.

Fir wo suraj ke chehre ko dono haathon mein le ke boli: raju aap bhi wada kijiye mujh se koi baat chhupaye ge nahi.

Suraj: thik he wada kiya kuch nahi chhupau ga. Aur tum bhi wada karo kabhi mujh se rootho gi nahi.

Neelima: nahi roothu gi. Agar rooth gayi to aap mujhe pehle pyar se manana. Fir bhi na maani to ek thappad maarna.

Suraj: sach mein maaru kya?

Neelima: haan.

Suraj: kha lo gi kya maar?

Neelima: haan

Suraj: kese?

Neelima gaal aage kar boli: lijiye aap maaro main dikhati hu kese khaau gi.

Yeh bolte hi neelima ne jor se aankhein bheench li.

Jese wo sachi mein thappad khaane ko tayar thi.

Suraj ne jhat se uss ke gaal ko choom liya.

Neelima heran ho aankhein kholi: yeh thappad tha kya?

Suraj ne neelima ko ab baahon mein bhar fir se uss ke gaal ko choom ke kaha: neelu ko to raju ese hi thappad maare ga.

Neelima ne chhui mui ci ho suraj ki goddi mein apna chehra chhupa liya.

yeh inn dono ka pyar mein pehla kiss tha.

kuch der wo sharmai hui ese hi bethi rahi.

Aur suraj haathon ki ungliyon se uss ke gaal aur baal dono sehlata raha.

Kuch der baad neelima seedhi ho: raju chale.

Suraj ne inkar mein sar hila diya.

Neelima: ab mil liya. Saare gile shikve dur kar liye. Ab aur kya karna he?

Suraj: abhi to mujhe apni neelu ki goddi mein sar rakh ke letna he. sona he.

Kehte hue suraj sachi mein neelima ki goddi mein sar rakh late gaya.

Neelima: arey arey raju aap ke kapde gande ho jaye ge saare.

Par suraj pe iss ka koi asar na hua.

Makhmal ke gaddo pe sone wala suraj aaj raju ban apni neelu ki goddi mein sar rakh pathar ki seedhi pe leta tha.

Neelima: raju yeh pathar.

Suraj ne lete lete uss ke galle mein baahein daal kaha: yeh to fir bhi pathar he neelu. Teri goddi ho to kaanto ka bistar bhi phoolon se naram lage ga mujhe.

Neelima ne bade hi pyar se pehle suraj ko dekha fir uss ko apne seene se bheench liya.

Neelima ke badan ki khushbu se suraj madhosh hone laga.

Uss ki aankhein band hone lagi.

Suraj ke masoom aur bholle chehre pe neelima ko itna pyar aa gaya ke wo khud ko rok na paai.

Uss ka chehra suraj ke chehre pe jhukne laga.

Aur tab tak juhkta chala gaya jab tak neelima ke honto ne suraj ke honto ko chhoo na liya.

Yeh dono ka pyar mein pehla honto ka chumban tha.

Iss chumban mein kuch tha to bas pyar bhari mehak aur pyar bharra ehsaas.

Neelima ne suraj ke honto ko choom jab chehra thoda ooper kiya to suraj ne aankhein khol di.

Jese hi dono ki najre mili to bas fir dono hi ek dusre ki aankhon mein khote chale gaye.

Do pyar karne walo ke liye waqt jese ruk gaya tha.

Unn ke aas paas kya ho raha he. koi aa raha he ya ja raha he unn ko koi khabar na thi.

Na bhookh na pyas….bas do jawan ho rahe dilo ki agar koi chahat thi to pyar.

Ikka dukka premi jodhe udhar se gujre bhi to inn ko ese khoeya dekh aage chale gaye apne liye kisi ekant kone ki talash mein.

Ek bajurag jodha bhi jo udhar se gujar raha tha dono ko dekhte hue aage nikal gaya.

Kuch der baad jab wo jodha lauta to fir se ese hi dono ko dekh aurat reh na pai.

Aurat dheere se apne mard se boli: yeh insaan hi he ya koi pathar ki murtein.

Mard ne aurat ko khamosh kara ke uss ke kaan mein sargoshi ki: yeh he do pagal premi. Sacha pyar karne wale. Deen duniya se bekhabar.

Aurat utsak ho: haaye main inn ko kareeb se dekhna chahti hu. Baat karna chahti hu.

Yeh bol jese hi uss aurat ne ek kadam unn ki aur badhaya to mard ne jhat uss ka haath pakad roka.

Mard bola: yeh paap he darling. Iss paap ke liye hum ko ooperwala kabhi maaf na kare ga. Do premiyo ko to ooperwala bhi disturb nahi karta.

Mard uss aurat ko jese kheenchta hua le jaane laga.

Wo aurat mudh mudh ke unn ko dekh rahi thi jaate hue badi hasrat bhari nigaho se.

Kuch hi der baad ek chotti si bachi popcorn bechne wali gujri udhar se.

wo bechari paap punn kya jaane.

Uss ko to bas do pese kamaane ke liye popcrn bechne the.

Dono ke paas aa boli: babu ji pocorn le lo na.

Iss bachi ke do baar kehne se dono jese neend se jaage.

Suraj jhat se utha aur uth ke beth gaya.

Bachi fir se: babu ji popcorn le lo na. Bhagwan aap ki jodhi salaamat rakhe.

Suraj ne uss masoom si bachi ko dekha aur fir kuch pese jeb se nikal bachi ko diye.

Bachi ne pese dekh do popcorn ke packet unn ki aur bada diye.

Suraj: popcorn tum kisi aur ko bech dena.

Bachi khush ho uthi.

Pese bhi mil gaye aur popcorn ke packet bhi bach gaye.

Wo dono ko duayein deti aage chali gayi khushi se uchhlti hui.

Neelima: raju ab chale.

Suraj ne pocket se cell nikal time dekha.

Dedh se ooper ka time tha.

Neelima time dekh: oh no raju chale. Mamma daante gi.

Dono bahar ki aur chal diye baahon mein baahein daale.

Ek jagah ruk dono ne ek jappi daali.

Kiss ki ek doosre ko.

Fir se chal diye.

Neelima ke inkar ke bawjood suraj ne do hotdog aur cold drinks liye.

Neelima: raju pehle hi der ho rahi he. fir bus bhi pata nahi kab mile gi.

Suraj: pagal ho gayi ho kya? Bike ko kya aag laga ke phoonkna he?

Kha pee ke dono chale.

Neelima ne duppate se chehre ko ache se dhaamp liya.

Kuch der mein suraj ne neelima ko panchkula ke bus stop pe chhod diya.

Neelima teji se uttar ke chal di.

Wo jaate jaate palat ke dekh rahi thi.

suraj wahi khada tha.

Uss ko ek purana hindi movie ka song yaad aa gaya.

Mudh mudh ke na dekh mudh mudh ke….. jindgani ke safar mein hum bhi tere humsafar he….. hoye….

Neelima jab apne ghar ki aur jaane wali road pe mudhi tab suraj waha se hilla.

Suraj bahut khush tha aaj.

Ek week ke baad uss ke chehre ki raunak fir se laut aai thi.

raat ko jab hari ghar aya to suraj ko khush dekh wo bhi bahut khush hua.

Jab wo drinks karne bar room mein aa betha to suraj ko bula ke apne paas bitha liya.

Hari: kesa he jawan?

Suraj: fine papa.

Hari: sorry beta uss din maine tum par haath uthaya.

Suraj: nahi papa. Aap mere papa ho. Hak he aap ka agar main galti karu to. Sorry to mujhe kehna chahiye. Maine di ke saath bad-tameezi ki.

Hari: galti hina ki bhi thi beta. Uss ne tera dil dukhaya tha. par u know main apni betiyo ko kabhi gussa nahi hota.

Suraj: koi baat nahi papa. Har insaan ka sochne ka apna najariya hota he.

Hari smile de: arey wah mera beta to sach mein bada ho gaya he yaar. Bas itna khyal rakhna beta. Koshish karo kabhi bado ke aage nahi bolo. Apni baat rakhne ke aur tareeke bhi hote he.

Suraj: ji papa. Main khyal rakhu ga.

Hari: my good boy.

Fir hari waha uss ko beth bahut kuch samjhata raha.

Issi beech suraj ka cell baja.

Hari ne kaha tab wo gaya call lene.

Call neelima ki thi.

jo ke baj ke band ho gayi.

Suraj ne cell uthaya aur lawn mein chala aya.

Hari smile de uss ko dekh raha tha jaate hue.

Lawn mein aate hi suraj ne call back kar di.

Neelima call le: kaha the raju aap?

Suraj: papa ke paas betha tha. unn ho ne maara tha na last week jis karan main bimar padh gaya tha. bas ussi liye wo mujhe pyar kar rahe the.

Fir suraj apne sar pe haath maar khud se bola kya bol gaya tu.

Neelima: kya uncle ne maara aur aap bimar padh gaye raju? Itna maara tha kya?

Suraj: arey nahi nahi yaar bas ek hi thappad maara tha. wo to bas main hi dil pe le gaya.

Neelima vichlit ci ho: kyu maara tha uncle ne aap ko? Aap ne jarur koi galti ki hogi.

Suraj: haan neelu galti to ki thi.

Neelima: mujhe batao na raju kya hua tha?

Suraj: bata duga jab milo gi tab bata duga.

Neelima: nahi raju abhi batao. Please.

Suraj: yaar promise karta hu next time jab milo gi to pakka bata du ga.

Yeh kehte hue suraj waha lawn me lage jhoole pe beth gaya.

Neelima apne ghar ki chhat pe thi.

dono mein fir pyar bhari baatein hone lagi.

Yeh baatein tab tak chalti rahi jab tak neelima ko uss ki maa ne awaaz de neeche na bula liya.

Call end karne se pehle hi dono ne ek doosre ko gud night kiss ki mobile pe hi.

Suraj ander aa gaya.

Dono ka pyar bhara safar dheere dheere aage badhne laga.

Daily calls aur sms hone lage.

Next week dono ek baar fir mile.

Iss baar rose garden mein.

Jese hi dono ekaant mein aa ek pedh ke neeche bethe.

To bethte hi neelima ne poochh liya ke hari ne uss ko kyu maara tha.

suraj sunte hi hass diya ke wo yeh baat bhooli nahi abhi tak.

Haar kar suraj ne sab sach sach bataa diya.

Neelima ka dil kaamp utha.

Uss ke ander ek darr sa peda ho gya suraj ki mom aur didi ki soch sunte hi.

Yehi darr se uss ke dil mein ek sawal utha jo wo chah kar bhi suraj se poochh na pai.

Par suraj ki pyar bhari baaton se aur uss ke pyar mein kho ke jaldi hi wo sab bhool gayi.

Uss raat ko jab wo sone liye bed par leti hui thi to sochne lagi.

Uss ko laga ke suraj ki life mein kahi na kahi jarur maa ke pyar ki kami he.

uss ko fir wo pal yaad aa gaya jab ek baar suraj uss ki maa ke seene se laga tha aur uss ki aankhein nam ho uthi thi.

Neelima ne sochte hue khud se kaha ke wo apne raju ko itna pyar de gi ke wo sab kamiya bhool jaaye.

Next week unn ka 10th ka result aa gaya.

Ek din pehle hi tv ki news mein yeh khabar aa gayi.

Subah nau baje tak sab school mein the.

School mein chahe summer vacations chal rahi thi abhi par poora staff aur 10th ke bacho ke kaaran poori chehal pehal thi.

result 100 percent tha.

bacho ki mehnat rang lai.

Sab ke sab first division mein paas hue the.

Merit list mein bhi kai bache jagah paa gaye the.

Jyoti ne school mein top kiya aur Chandigarh mein wo 5th position pe thi.

sab ko surprise karte hue suraj 2nd tha.

city mein wo 8th tha.

manoj ko 3rd position aai. City mein wo 12th tha.

neelima 4th thi.

fir kirti, vishali 5th aur 6th number pe.

sab ko heran kiya tha geeta ne wo 7th thi.

anu ke bhi eighty two percent marks the.

Guri ne bhi sab records todh 71 percent marks liye the.

Kya students kya teachers school mein sab khushi se naach rahe the.

Principal madam to itni khush thi ke uss ne jhat se apni pocket se sweets ke dabbe mangwa liye sab ka muh meetha karvane ko.

Neelima ko apne 4th aane se jayada khushi iss baat ki thi ke jyoti aur suraj top two the.

Par uss ki iss khushi mein khalal daala pehle anu ne.

jab uss ne suraj ko jor se hug kar congrats kaha.

Suraj ki najar uss time neelima pe thi.

anu ke hug karne ke agle pal hi suraj ne anu ko jhat se alag kar diya.

Par hadh to tab hui jab suraj ki behan kitty ke hubby ki cousin ne aa uss ko hug kiya.

Uss ne na sirf hug kiya but suraj ka gaal bhi choom liya.

Behan ke inlaws mein se hone ke karan suraj ko hug ka response bhi dena pada aur smile kar thanx bhi kehna pada.

Neelima ke liye yeh sehan karna mushkil ho raha tha.

yeh sab school ke ek room mein hua tha.

jali bhunni neelima room se bahar aa gayi.

(Dosto pyar mein irsha na ho yeh to hi nahi sakta na.)

Suraj ne bhi uss ko jaate dekh liya par wo ussi pal nikal na paya kitty ki rishtedar ladki ke karan.

Guri jo room ke bahar lobby mein khada tha neelima ko ese bahar aate dekh uss ki aur bada.

Guri: ki hoeya neela?

Neelima ek pillar ke paas aa: kuch nahi.

Par uss ka chehra aur jhukki jhukki aankhein bata rahi thi ke kuch baat to he.

Itne mein geeta bhi aa gayi waha.

Neelima ko ese dekh boli: kya hua tujhe?

Neelima chidh ke: kaha na kuch nahi.

Itne mein sweets aa gayi to sab ko haal mein bula liya gaya.

Principla madam ne position ke hisab se ek ek bache ko call kar apne haath se sweets di.

Toppers ka to uss ne apne haath se muh meetha karvaya.

Sab boys principal mam ke paon chhoo ashirwad bhi le rahe the.

Jab guri ki baari aai to uss ne pehle paon choo aashirwad liya fir khud hi muh khol diya.

Mam ne hasste hue uss ka muh meetha karvaya.

Jaate jaate bola: mam aap ka topper from bottom ek nalayak bacha.

Yeh sun sab hass diye.

Principal mam ne uss ko bula ke kaha: ab tu nalayak nahi layak bacha he. u know u r topper in Punjabi.

Yeh sunnte sab ne clapping ki.

 

[StoryPublisher]

Part-29

Fir jese sab jaane lage to 10th ki class in charge ne suraj ko awaaz lagai: suraj.

Suraj uss ke paas aa gya: yes mam.

Madam: we all are proud of u suraj. Jo trend aap ne shuru kiya tha yeh ussi ka result he ke aaj hamre school ka result itna acha aya he. ooper wala tere jesa beta sab ko de. Ur parents must be proud of u.

Yeh bol madam ne suraj ko seene se laga uss ki peshani pe ek halka sa kiss kiya.

Suraj ki aankhein nam hoti chali gayi.

Guri, neelima, jyoti, geeta ke saath kai aur students ne bhi suraj ki nam aankhon ko note kar liya tha.

par aankhon mein iss nami ka raaz samjha tha koi to sirf neelima.

Uss ko ab poori tarah se samajh aa chukka tha ke suraj aam bacho se jayada bhavuk aur mamta aur pyar ka bhookha insaan he.

par baaki aur koi nahi jaanta tha iss baare mein.

Guri aur geeta ke saath jyoti ne bhi suraj se poochha ke uss ko kya hua?

Kyu wo ro diya?

To suraj hass ke: yaar bas khushi se aankhein bhar gayi.

Par iss khushi ke peechhe ke dard ko sirf neelima hi dekh pai thi.

wo apni narajgi bhool ke suraj ko bade hi pyar se dekhne lagi.

Sabhi students dheere dheere kar bahar ki aur chal diye.

Guri ne apne group ke sab saathiyo se kaha ke wo kal ko sab ko treat dega.

Tab suraj aur jyoti bole ke toppers wo he issi liye treat wo dono de ge.

Guri hass ke: oye yaar tussi dove ta ci ge hi topper. Topper aa ke kehde jhande gad te. Jhande ta main gadde 71 percent marks le ke. (oye yaara tum donp to the hi topper. Topper aa ke kaun se jhande gaadh diye. Jhande to maine gaadhe 71 percent marks le ke.)

Neelima ne kaha ke chalo fir sab sharing kar ke party karte he kal.

Par guri nahi maana uss ne kaha ke kal uss ki aur se.

fir parso ya ek do din ruk ke baaki sab ki aur se.

Suraj ne call kar ke hari ko aur kanta dono ko apna result bata diya.

Kanta ne hass ke kaha: kis ki cheating kar ke second aa gaya.

Suraj ko yeh sunn ke bura to jarur laga par uss ne bhi hass ke taal diya.

Hari ne uss ko phone pe hi dher sara pyar aur ashirwad diya.

Hari: to fir jawan kya gift chahiye.

Suraj hass ke: papa aap ne pehle sab kuch le ke diya hua he to aur kya chahiye mujhe.

Next day guri ne treat di.

Uss ke baad do din chhod ke Sunday tha.

suraj ne papa se kaha ke uss ko gaadi chahiye ek din ke liye.

Uss ko friends ko party deni he.

Sunday ka din tha so hari ne allow kar diya.

Suraj ne abhi khud to seekhi nahi thi.

iss liye driver jis ko wo taya keh ke bulata tha uss ko saath le gaya.

Sab pinjore gaye.

Guri aur geeta uss ke ghar aa gaye.

Waha guri ne bike rakh di.

Anu bhi suraj ke ghar aa gayi thi apni kinetic se.

Sab nikle.

Pehle jyoti ko saath liya fir neelima ko.

Khoob enjoy kiya sab ne.

beech mein guri ne jyoti, geeta aur anu ko baaton mein esa uljhaya ke suraj aur neelima ko kuch der ekant mil gayi.

Jyoti ko to sab samajh aa gaya.

Par geeta aur anu ko kuch pata na chala.

Sab ne lunch bhi wahi kiya.

Jitna kharcha hua sab suraj, jyoti aur anu ne share kiya.

Geeta aur neelima ne bahut jor diya share karne ko par jyoti aur suraj bilkul na maane.

Geeta ne khush ho sab ko bataya ke uss ke papa ne bhi uss ko reward mein ek mobile le diya.

Ab sab ke paas mobile the.

Neelima ne bhi kuch roj baad apna mobile ghar dikhate kaha ke uss ne second hand liya he.

jab beena ne poocha ke uss ke paas pese kaha se aaye to neelima ne jhooth bol diya ke uss ne pocket money se bachaye the.

Plus one ke liye admission shuru thi.

jab sab ko yeh pata chala ke neelima aur geeta ne commerce aur guri ne arts opt karne ka fesla kiya he to sab ko bada dukh hua.

Neelima ne kaha ke uss ki mamma fee hi mushkil se de paaye gi to wo science ki costly books kaha se buy kare gi.

School mein top ke teen students ko scholarship announce hui.

Jyoti, suraj aur manoj.

Jyoti ne apne parents aur suraj ne papa se baat kar li.

Fir dono school principal madam ke paas aa gaye.

Dono ne apni scholarship neelima aur geeta ki favour mein surrender karne ke liye kaha.

Principal madam ne kaha ke iss ke liye unn ke parents ki consent chahiye.

Wo bhi personal visit kar ke de.

Jyoti ki mamma aur suraj ke papa dono ne yeh consent de di aa ke.

Suraj ne neelima ko jab yeh kaha ke wo books ki bhi fikar na kare to guri ne kaha ke wo uss ki behan he iss ke liye sara jimma uss ka.

Neelima ne ghar aa ke jab sab beena ko bataya to wo inn sab ko duayein deti thak nahi rahi thi.

Aankhon ko saaf kar boli: neela beta kaun kehta he ke bhagwan nahi he iss duniya mein. Dekh le tere yeh sab dost kisi bhagwan se kam he kya?

Beena ne khud inn sab ko neelima ke phone se call kar aate Sunday ko lunch ke liye invite kiya.

Sabhi bahut khush the.

Par suraj to kuch khaas hi khush tha.

suraj ke itna sab karne ke bawjood bhi jyoti ko iss ke peeche suraj ki dur-bhavna lagti.

Uss ke dimag mein jo ek shanka bethi hui thi uss ke karan wo hamesha neelima ko warn karti rehti.

Par neelima har baar uss ko ab hass ke jawab deti ke ek din wo uss ke raju ki har bhavna ko jaan jaye gi.

Jis din wo sach jaane gi to uss ko bhi suraj se pyar ho jaaye ga.

Idhar jab geeta ko suraj aur neelima ki love story ka pata chala to uss ne sab ke saamne dil pe haath mar kaha: haye re zalim tum ne to dil hi todh diya. Main to kab se najre gadhaye bethi thi tujh pe. par tujhe to yeh neela le udhi re.

Yeh sunn sabhi hass diye.

Fir geeta boli: chal neela bhi to meri best friend he. uss rishte se saali to hui na. saali bhi to aadhi gharwali hoti he.

Yeh bol geeta ne aankh daba di.

Ek bar fir sab hasse the.

Idhar guri ne anu ko samjhaya ke suraj ke sapne lene chhod de.

Haan wo chahe to guri haajir he.

anu bhi flirty type thi.

uss ne kuch din tak guri se flirt kiya.

Par fir uss ne ek aur ladke se dosti kar li.

10th ke ache result se school ki image city mein top ke schools jesi ban gayi.

Plus one mein iss ke teen section bane.

Ek science, doosra commerce aur teesra arts ka.

Naye kai students ne iss school ka rukh kiya.

Par school staff ne chunn chunn ke students liye.

Science section mein ikka dukka students ko hi liya gaya.

Commerce mein bhi dhyan rakha gaya selection ka.

Par arts mein dil khol ke le liye gaye.

Par uss mein bhi girls jayada.

Guri ne arts subjects rakhe the.

Iss karan uss ki to chandi ho gayi.

Deel daul uss ka pehle hi sports ke kaaran acha tha.

boys mein uss ki dhaak thi.

ooper se ameer baap ki aulad.

Har chothe din wo nayi gf ke saath najar aata.

Khoob masti karta.

Arts section mein guri ki agar sab se achhi dosti thi to bhashi se.

Yeh ek jatt sikh family ka ladka tha.

Guri jesa hi mast malang.

Guri ko bhangra ka shuru se shonk tha aur bhashi ko bhi.

Bhashi ke kehne pe Plus one mein uss ne bhangra team bhi join kar li school ki.

Yu to science students kam hi hissa lete he inn activities mein par uss ke jor dene pe suraj, neelima, geeta aur jyoti ne bhi join kar li.

Bhangra team mein teen ladke teen ladkiya aur thi.

yeh sab bhi guri aur bhashi ki hi pasand ke.

Guri hi iss team ka captain tha.

girls team ki leader ek nayi ladki thi.

wo ek rural background wali Punjab ke gaon ki ek jatti thi.

oonchi lambi guri ki poori takkar ki.

baad mein guri aur uss ka affair bhi shuru ho gaya par plus two mein ja ke.

Tab tak guri class ki har ladki se flirt kar chukka tha.

Ab study ke liye suraj, neelima, jyoti aur geeta main thi.

anu ne khud hi inn ka saath chhod diya.

Arts student hone ke bawjood sab study ke liye guri ko saath rakhte.

Kyu ke inn chaaro mein se koi na chahta tha ke guri padhai mein peechhe chhoote.

Guri bhi poora mann laga ke study karta tha ab.

Kitty ke inlaws mein jo uss ke pati ki do cousins thi wo dono hi har mumkin koshish karti ke wo suraj ke kareeb aaye.

Ek ab tenth mein thi.

aur doosri plus one mein.

Par uss ne commerce rakha hua tha.

suraj ne neelima ko samjha diya tha ke wo bura na maane kyu ke relatives hone ke kaaran wo unn dono ko jayada ignore nahi kar sakta.

Nahi to ghar mein problem ho jaye gi.

Aur koi agar kareeb ana chahti to suraj uss ko koi bhaav na deta.

Suraj aur neelima ke pyar ki charcha dheere dheere sab mein hone lagi.

Dosti to aur boys aur girls mein bhi thi.

par inn ki charcha jaha bhi thi khaas thi.

Plus one ke exams kareeb the.

Plus two ki farewell party ka din tha.

Saturday ke din yeh party rakhi gayi.

Jyada performances plus two ke students hi kar rahe the.

Skits, plays, group songs har performance ke baad jordar taaliya bajti.

Aur fir ek special item ki announcement hui.

Ek song pe…. ek romantic song pe perform karne ke liye neelima aur suraj ka naam announce kiya gaya.

Stage pe chaaro aur khoobsoorat aur dilkash kudrti najaro ki badi badi sceneries laga di gayi.

Curtain utha to saath hi music system pe song shuru hua.

Stage ke thik beecho beech do premiyo ki tarah baahon mein baahein daale suraj aur neelima khade lipsing karne lage.

Yeh song tha ek purani romantic movie pyar jhukta nahi se tha.

bol the:

“tum se mil ke na jaane kyu aur bhi kuch yaad aata he…yaad aata he…. aaj ka apna pyar nahi ……. Sadiyo ka yeh nata he ……. Yeh nata he……..”

jese jese song badhne laga dono ke badan thirkne lage.

Dono ek doosre mein khoye song pe perform karne lage.

Sab dekhne walo ko ek pal bhi yeh ehsaas na hua ke yeh to bas ek performance he.

sab ko ese hi lag raha tha jese sach mein do pyar karne wale apne dil ke arman rakh rahe he pyar mein khoye.

Esa lagta bhi kyu na.

yeh sach mein hi to the do premi.

Do ese premi jinn ko khuda ne banaya hi ek duje ke liye tha.

Aur yeh dono itna kho chukke the ek duje mein ke inn ko pata hi na chala kab song khatam hua aur kab music band hua.

Dono ko ese khoeya dekh dekhne wale bhi khamosh bethe dekhte rahe.

Iss umeed mein ke shayad ab aur bhi kuch hoga aage.

Poora haal khamosh tha.

iss khamoshi ko toda tha stage ke corner mein khadi music teacher ne taali baja ke.

Ek baar jo uss ne taali bajai to poora haal fir taaliyon se goonj utha.

Guri jo music teacher ke saath hi khada tha uss ne to bina kisi ki parwah kiye seetiya hi baja daali kayi.

Aur fir bhaag ke dono se ja lipta.

Aur liptaye hue dono ko stage ke peeche le gaya.

Iss ke baad plus two ke ek ladke ne class ki aur se sab ko thanx ki ek speech di.

Fir plus two hi ki ek ladki ne ek dance performance di.

Ek do aur performances ke baad pehle plus one ka bhangra plus giddha dance fir last mein plus two ke boys ke bhangra se function ka end hua.

Last mein ek tea party hui.

Jis mein teachers aur plus one nd two ke sabhi students the.

Har aur agar kisi ki charcha thi to suraj aur neelima ke romantic song ki.

Yaha tak ke principal madam bhi dil khol ke tareef kar rahi thi.

Principal madam ne music teacher ko bula ke poochha: performance of suraj and neelima was really awesome. Very realistic. How u made it so beautiful. Aap ne yeh sab kese possible kiya?

Music teacher: mam mujhe to khud herani ho rahi he. rehersal mein kitna jhijak rahe the yeh. Maine to iss item ko karne ka hi idea drop kar diya tha. but guri forced me. Convince kiya mujhe guri ne ke mam aap ek baar inn ko stage pe to aane do. Yeh dono phaadhu performance denge. Historic performance den ge. And they did it mam.

Principal madam: guri aur suraj mein bahut achi understanding he. they r best friends. God bless them both. But I m surprised how shy kids like suraj and neelima did it so beautifully this romantic song. They did as they are deeply in love.

Principal ke kehte hi principal aur music teacher dono hi hass di.

Plus one ke science ke students ko to ab poora yakeen ho gaya tha ke inn dono mein pyar he. Affair he.

kuch ek ki soch jyoti jesi thi ke suraj ne apni ameeri ke dum pe neelima ko fassa liya he aur ek din yeh uss ke saath khel ke kisi choose hue aam ki tarah fenk dega.

Par iss ka inn dono par kuch asar na hua.

Plus one ke exams hue.

Plus one mein baazi ek baar fir se manoj ke haath mein rahi.

Manoj first aya.

Fir jyoti, neelima, suraj, kirti, vishali aur geeta issi karam mein aaye.

Par iss result se yeh worried nahi the.

Kyu ke real test to plus two mein hona tha.

guri ki percentage thodi neeche khisak gayi.

Par uss ko iss se koi khaas farak na padha.

Uss ki apni activities wese hi jaari rahi jese plus one mein thi.

bhangra ki topper girl se ab uss ki khaas dosti thi.

Plus two mein aate suraj, jyoti, neelima aur geeta aur bhi serious ho gaye the study ko le ke.

Kyu ke inn chaaro ke saamne khaas aims the aage studies ko le ke.

Inn ke kehne par guri ko bhi study karni padhti.

Agar guri thoda dheela padhta to neelima uss ko daant bhi deti.

Neelima do teen baar guri ke ghar bhi ho aayi thi ab.

Guri ke ghar mein sab jaante the ke neelima ko guri ne muh boli behan banaya hua he.

issi liye guri ke ghar mein uss ko beti jesa pyar hi mila tha har baar.

Guri ki badi behan ko to suraj aur neelima ke rishte ka bhi pata chal chukka tha.

aur wo inn dono ke liye badi hi khush thi.

Idhar kitty ki dono nande suraj aur neelima ke baare mein ache se jaan gayi thi.

unn ho ne hi yeh baat kitty ko batai aur kitty se kanta ko pata chal gayi.

Kanta ko jis din pata chala to uss ne hari se baat kar di.

Hari hass ke bola: arey kanti tujhe to khush hona chahiye ke tere bęte pe ladkiya marrti he. ek se baat kare to doosri jalti he. yaar apna beta handsome he, study mein bhi bahut acha ja raha he to yeh normal he.

Kanta boli: mujhe iss baat se problem nahi he ke suraj ladkiyo se dosti karta he. par uss ko apna standard dekh ke chalna chahiye. Status ke lihaj se dosti karni chahiye. Ek widhwa aurat ki beti. Jis ka na koi family background na status, yaha tak ke uss ke paas dhang ke kapde pehnane ko nahi hote. Uss ke saath iss ka naam judna kaha tak munasib he.

Hari: yaar kanti tu samjhti nahi. Essi koi baat nahi he. wo ladki suraj ke ehsaan tale dabi hui he.

Kanta chonk ke: ehsaan kesa ehsaan.

Tab hari ne bata diya ke suraj ne apni scholarship uss ki help ke liye surrender kar di thi.

iss ki consent uss ne khud ja ke di thi.

Yeh sunte hi kanta bhadak uthi: itni badi baat ho gayi aur aap ne mujhe batai tak nahi hari.

Hari: arey tum to ese keh rahi ho jese maine koi gunah kar diya he.

Par kanta ko yeh baat hajam na hui thi.

uss ne hari ke saamne hi suraj se baat ki ke neelima naam ki ladki se uss ka kya rishta he.

ek pal to suraj maa ki juban se neelima ka naam sunte hi darr gaya.

Uss ne saaf taur pe keh diya ke wo sirf classmates he aur toppers hone ke naate ek saath study karte he.

iss pe kanta ne kaha ke wo uss ka saath chhod de.

Kyu ke uss ke karan suraj ka naam badnam ho raha he.

uss ko study karni he to kitty ki nanad ke saath mil ke kare.

Suraj hass diya: mom main science student hu aur kitty di ki nanad ek commerce student he. wo dono kese ek saath study kar sakte he.

Kanta thodi jhemp ke: chal wo to thik he par wo neelima ka saath mil ke study na kare.

Suraj ne maa se jaan chhudane ke liye keh diya: thik he mom.

Suraj aur neelima ke rishte ka saari class jaanti thi.

par kisi ki himmat na padhti inn ke baare mein kisi ko kuch kehne ki.

Kyu ke guri ka darr sab ke dil mein tha.

school mein wo sunny deol kar ke jaana jata tha apne deel daul aur garam mizaz ke kaaran.

sab jaante the ke suraj guri ka best friend he aur neelima ko uss ne behan banaya hua he.

fir suraj aur neelima ne kabhi school mein esi koi harkat bhi na ki thi jiss se unn dono ke baare koi kuch keh pata.

Shak to ab kai teachers ke dil mein bhi peda ho chukka tha.

par sab teachers jaante the iss age mein ladka aur ladki ke beech attraction ho hi jaati he.

khaas kar jab dono hi jayada time saath mein rahe.

Mil ke study kare. Fir yeh dono to bachpan se saath saath the.

Issi liye sab jaante hue bhi chup rehte.

Sab se badi baat yeh thi ke principal madam to suraj, neelima, jyoti, geeta aur guri ki school mein sab se badi fan bani hui thi.

kyu ke inn sab ke kaaran unn ke school ka naam city ke top schools mein aa gaya tha.

guri ki shandar game ke karan school city ke basketball tournament ke final tak aur Punjab state ke semi final tak ja pahucha tha.

Idhar jab kanta ko pata chala ke suraj aur neelima abhi bhi saath mein mil ke study karte he to uss ne fir se shor macha diya ghar pe.

suraj ne papa ke saamne bataya ke neelima ke karan uss ko chemistry mein bahut help milti he.

kanta ne suraj ko chemistry mein ki extra classes join karne kaha par suraj ne iss ke liye saaf inkar kar diya.

Pre-board exams mein suraj ne kamaal karte hue top kar liya.

Jyoti second, neelima third aai.

Manoj ek baar fir se pichhad ke fourth aya.

Ab final exams ko chand months hi bache the.

Study ke saath saath ab farewell function ki tayari bhi chalne lagi.

Studies harm na ho iss liye function mein hissa lene wale sham ko do ghante ke liye school jaate.

Music teacher, bhangra teacher ke saath mil ke guri saari planning kar raha tha.

students mein guri hi sab se mohri tha.

kuch items unn ho ne plus one ke students ke saath tayar ki.

Suraj ke kehne pe guri ne ek ek item mein kitty ki dono nando ko bhi add kar liya.

Suraj aur neelima ke liye guri ne ek special item sochi.

Kuch purane aur naye hindi movies ke romantic songs ko select kar uss ne ek dj wale se mil keek remix tayar karva liya.

Issi remix pe uss ko suraj aur neelima ko perform karvana tha.

wo chahta tha ke inn do pyar karne walo ko wo umar bhar ke liye yeh performance ek haseen tohfe ke roop mein dega.

Par yaha ek problem aa gayi.

Jab kitty ki nanad ko pata chala to uss ne zid pakad li ke wo yeh performance kare gi suraj ke saath.

Uss ne suraj se baat ki.

Par suraj ne kaha ke yeh sab guri kar sakta he ke kaun perform kare ga.

Jab wo guri ke paas gayi to guri ne saaf inkar kar diya.

Kitty ki nanad ne ghar jaate hi kitty ko phone kar keh diya ke wo suraj ko kahe ke uss ke saath yeh item kare.

Kitty ne jab kanta ko kaha to ghar mein kanta ne bakheda kar diya.

Kitty se kanta ko pata chal gaya ke guri ne kitty ki nanad ko lene se inkar kiya he.

kanta ne jab suraj se kaha to suraj ne saaf keh diye ke mom aap mere school ke maamle mein taang na adhaye.

Uss din sham ko suraj rehrsal pe na gaya kyu ke uss ka mood kharab ho gaya tha.

Guri ne call ki to suraj ne cell hi off kar diya.

Guri ne bike uthai aur suraj ke ghar aa gaya.

Itfak se jab guri suraj ki kothi pahucha to kanta car se nikal rahi thi kahi jaane ko.

Guri ko dekhte hi uss ne driver ko car rokne ko keh diya.

Car se bahar aate hi wo guri pe chadh bethi.

Achi khaasi insult kar di uss ne guri ki.

Saath hi bahadur se kaha ke iss ko kabhi ghar na ghussne de.

Ander apne room mein betha suraj iss baat se anjan tha.

guri tilmilata hua school wapas aa gaya.

Agle din jab suraj school gaya to guri ne kanta ka sara gussa suraj pe uttar diya.

Gusse mein guri bola: suraj teri thaan koi hor hunda ta main uss di maa bhain ikk kar denda. Oss di latt baah todh deni ci. Jo teri maa ne mere naal kita. (suraj teri jagah koi aur hota to main uss ki maa behan ek kar deta. Uss ki taange todh deni thi. Jo teri maa ne mere saath kiya.)

Suraj poochhta reh gaya ke aakhir hua kya?

Guri ne khud to kuch na bataya bas itna kaha ke ja ja ke apne bahadur se poochh lena.

Sabhi suraj se poochhne lage ke baat kya he par suraj ko kuch pata hota to batata.

Wo to khud heran tha. preshan tha.

Guri uss din school attend kiye bina hi ghar laut gaya.

Suraj pe gussa utar ke bhi uss ka mood thik na hua.

Jab wo ghar aya to mummy aur didi hi ghar thi.

uss ko itni jaldi laut aya dekh dono heran ho uthi.

Wo aate hi apne room mein ghuss gaya.

Didi ne uss ke peechhe aa ke poochha: ki gal guri jaldi aa gaya. Thik ta he? (kya baat he guri jaldi aa gaya. Tu thik to he na.)

Guri: haan didi.

Didi: fer tu jaldi kyu aa gaya?

Guri gusse se: aa gaya ta kehda pahad digg peya. Jao menu tang na karo. (aa gaya to kaun sa pahad toot padha. Jao mujhe tang mat karo)

Didi bhi gusse mein aa gayi: kanjra gal kive karda mere naal. Hoeya ki tenu? (kanjra baat kese karta he mere saath. Hua kya tujhe?)

Guri ko apni galti ka ehsaas ho gaya jhat se: sorry didi.

Didi: chal das fer ki gal ho gi. (chal bata fir kya baat ho gayi?)

Guri: please didi mera mood off aa. Main kujh ni gal karni hale. (please didi mera mood off he. Maine koi baat nahi karni abhi.)

Didi bed pe uss ke paas beth: le apni didi nu ni dasni. Mera sohna veera das na. (le apni didi ko ni batani. Mera sohna bhai bata na.)

Yeh bol ke didi ne uss ko kheech uss ka sar apni jholi mein rakh liya.

Behan ki goddi mein aate hi guri ka gussa pighal ke aankhon mein aa geya.

Didi heran ho: oye tu ro reha.

Fir didi hass ko: oye kite teri oss jatti nal ladai ta ni ho gi. (oye kahi teri uss jatti se ladhai to nahi ho gayi?)

Guri: didi oss nal ni. Suraj naal.

Yeh sunte hi didi to uchhal hi padi: ki keha suraj naal. Tera dimag ta ni khrab ho geya. Suraj kise naal ladhe main ni mann sakdi. Jarur tu hi kujh keha hona ohnu. Chal das ki gal hoi. (kya kaha suraj se. tera dimag to nahi kharab hua? Suraj kisi se ladhe main maan hi nahi sakti. Jarur tum ne hi kuch kaha hoga uss ko. Chal bata kya baat hui?)

Fir wo didi ko sab kuch batane laga jo jo suraj ki maa ne uss ko kaha.

Aur fir jo uss ne suraj se kaha.

Didi gusse se: guri tu jamma pagal aa. Kasoor sara oss di maa da te tu kadh ta suraj te. Pata ni oss da ki haal hona. Ki sochda hou oh. (guri tu pooar pagal he. Kasoor sara uss ki maa ka aur tum ne nikal diya suraj pe. Pata nahi uss ka kya haal hoga. Kya sochta hoga.)

Guri: didi auntie bhaave menu jo marji keh lendi main bura na mannda par jo ohna neela baare keha mere to jarr na hoeya. Didi meri bhain aa oh. Je tuhade ja nikki baare koi kuj kahe ta ki jarr lau main. (didi auntie chahe mujhe jo marji keh leti main bura na manta par jo unn ho ne neela ke liye kaha mere se sehan na hua. Didi meri behan he wo. Agar tumare ya nikki ke liye koi kuch kahe ga to kese seh lu ga main.)

Didi ki guri uss ko seene se bheench: haye oye mera sohna veer. Chal injh kari tu sham nu ja ke suraj nu mil vi aavi te sorry vi keh aavi. (haaye hoye mera sohna bhai. Chal ese karna tum sham ko ja suraj ko mil bhi ana aur sorry bhi bol aana.)

Guri: nahi didi main oss de ghar ni jana. Auntie ne bahadur nu keh ta ke menu ghar ni vadhan ni dena. (nahi didi maine uss ke ghar nahi jana. Auntie ne bahadur ko bol diya ke mujhe ghar nahi ghussne dena.)

Didi thode gusse se: kameeni. Tenu ik gal dassa guri. Tu suraj nu na dassi oss da dil dukhu. (kameeni…. Tujhe ek bat batau guri. Tu suraj ko mat batana uss ka dil dukhe ga.)

Guri heran ho : ki didi.

Didi: meri na ik saheli di maa suraj di maa di saheli aa. Meri saheli dasseya ke suraj di maa nal jad oss de bacheya di gal karo ta dhia di ta badi tareef karu. Par puttar de puchhan te hi aukhi ho jandi. Muh jeha bana bade ajeeb jawab dendi. Jive suraj to bura munda koi he hi nahi duniya ch. (meri ek saheli ki maa suraj ki maa ki saheli he. Meri saheli ne bataya ke jab bhi suraj ki maa se uss ke bacho ki baat karo to betiyo ki badi tareef kare gi. Par bęte ka poochhne par aukhi ho jati he. Bura sa muh bana ke bade ajeeb se jawab deti he. Jese suraj se bura ladka he hi nahi iss duniya mein.)

Guri heran reh gea yeh sun.

Didi dukhi si ho: menu ta bada taras aanda suraj te. Oss diya akhan to hi lagda jive pyar nu taras reha hove. Eh ta kuj din pehla hi pata laga ke oh maa de pyar nu tarasda. (mujhe to bada taras aata he suraj pe. Uss ki aankhon se hi lagta he jese wo pyar ko tarsta ho. Yeh to kuch din pehle hi pata chala ke wo maa ke pyar ko tarsta he.)

Guri ki mummy room mein aa: kaun tarsda maa de pyar nu? (kaun tarsta he maa ke pyar ko.)

Guri ki didi: suraj.

Guri ki mummy: haye haye oh kyu tarse maa de pyar nu. Sukhi saandi maa ohdi jindi aa. (haaye haaye wo kyu tarse maa ke pyar ko. Sukh se uss ki maa jeeti he.)

Guri ki didi: mummy oh hoi na hoi ik barabar aa. (mummy wo hui na hui ek barabar he.)

Aur fir guri ki behan ne jo apni saheli se suna tha sab bata diya.

Saath hi yeh bhi bata diya ke guri ne ladai ki suraj se.

Guri ki mummy yeh sunte hi: oye kutteya tenu sharam na aai inj karde nu. Main tenu veeh vaari keh deni aa. Ja marr etho daffa ho. Menu apni boothi na dikhai. Mera keha ta bura manneya ni. Te fer oss da kyu? Oh vi ta teriya maava vargi. (oye kutte tujhe sharam na aai esa karte ko. Main tujhe bees baar keh deti hu. Ja marr yaha se daffa ho. Mujhe apni shakal na dikhana. Mera kaha to bura maana nahi. To fir uss ka kyu. Wo bhi to teri maa jesi he.)

Guri ki didi: mummy tussi haje vi ni samajh rahe. Oss jo guri nu keha guri ne oss da bura ni manneya. Oh ta neelima lai jo ool jalool keh gayi oss da guri bura mann gaya. Te chahida vi he mummy. Dhi apni hove ya kise gareeb di hundi ta dhi hi he na. fer neelima vargi kudi kite labhdi aj kal. (mummy aap abhi bhi ni samjhe. Uss ne jo guri ko kaha guri ne uss ka bura nahi maana. Wo to neelima ke liye jo ulta seedha boli wo uss ka guri bura maan gaya. Aur chahiye bhi mummy. Beti apni ya kisi gareeb ki. Hoti to beti hi he na. fir neelima jesi ladki kahi milti aaj kal.)

Guri ki mummy ko ab samajh aayi saari baat.

Mummy aur didi ke samjane pe guri ko yeh samajh aa gya ke wo suraj ke saath bekar mein ulajh gya.

Uss ne socha ke wo chhutti hote hi school ja ke suraj ko sorry bole ga.

Idhar suraj guri ki baaton se behad preshan ho utha.

Wo itna to samajh gaya ke mom ne kuch kaha he guri se par kya kaha yeh wo nahi jaanta tha.

uss ka mood buri tarah kharab tha.

guri ne uss ke saath jab jhagda kiya uss time neelima, jyoti, geeta wahi pe thi.

kyu ke yeh sab subah jaldi chale aate the school studies ke liye.

Guri ki kahi baatein suraj ke dil pe ja ke lagi thi.

aur jab bhi wo koi baat dil pe leta to uss ki tabiyat kharab hone lagti.

Kyu ke jayada bhavuk hone ke kaaran wo sochta bhi adhik tha.

recess tak uss se bethna mushkil ho gaya.

Wo madam se chutti le ke ghar chala gaya.

Uss ne gate ke ander aa bike rakhi fir seeda bahadur ke paas gaya.

Uss se poochha to bahadur ne sab bata diya Suraj ko.

Suraj behad dukhi ho room mein aa gaya.

Mom se uss ko esi umeed na thi.

khaas kar jo uss ko neelima ke baare mein pata chala.

Jo uss ke liye mom ne kaha tha.

iss ka asar yeh hua ke raat hote hote uss ko bukhar ne jakad liya.

Hari ko aate hi pata chala ke suraj thik nahi he to suraj ko wo doctor ke paas le gaya.

Doctor ne davai de di.

Aur saath hi do teen din ka rest keh diya.

Hari ne doctor se poochha ke aakhir suraj ko bukhar kyu ho jata he baar baar.

Tab doctor ne kaha ke suraj ek extra sensitive bacha he.

Shayad iss ko wo care aur love nahi mila parents ka jo yeh deserve karta tha.

Ya jis ki jarurat har bache ko hoti he.

Iss se bacha ya to bahut ziddi ho jata he.

Uss ki zid uss ko galat raasto par bhi le ja sakti he.

Aur ya fir suraj ki tarah extra sensitive bann jata he.

Jis se wo sochta jayada he.

Jab uss ka koi dil dukhaye to wo depression mein bhi chala jata he.

Fir doctor ne kaha ke yeh ab age ki jis stage se gujar raha he waha iss ko extra care deni hogi.

Nahi to yeh kisi din deep depression mein ja ke extreme step bhi utha sakta he. like suicide attempt ya fir kisi nashe ki aur jhukaav.

Yeh sunnte hi hari kaamp utha.

Ghar aa ke uss ne poori baat kanta ko bol uss ko sakhti se kaha ke wo in future suraj ka poora khyal rakhe.

Kanta pe kuch din to iss baat ka asar raha par fir wo bhool gayi.

Udhar guri jab chhutti ke time pe school gaya to uss ko pata chala ke suraj recess mein hi chala gaya tha.

uss ne call try ki par suraj ka cell off tha.

wo cell daily on hi chhutti ke baad ghar aa ke karta tha.

kyu ke school mein to cell allowed hi nahi tha.

school aate time daily wo cell band kar aata tha.

Guri ke saath saath neelima bhi preshan ho uthi kyu ke cell off hone ke karan wo bhi koi baat na kar pai.

Agle din dopehar ko thodi tabiyat mein sudhar hua to suraj ko cell yaad aya.

Uss ne cell on kiya.

Guri, jyoti, geeta aur neelima sab ki missed calls aur sms the.

Uss ne sab ko sms kiya ke wo bukhar ke karan school nahi aa paya.

Sham ko sab ke saath uss ne khud call kar ke sab se baat ki.

Yaha tak ke guri se bhi.

Teen din baad wo school gaya.

Guri se saare gile shikwe to phone pe hi dur ho chukke the.

School mein guri ne milte hi uss ko baahon mein bhar liya.

Subah ka time tha.

class mein wo paanch hi the abhi.

Guri kuch pal ke liye jyoti aur geeta ko bahane se bahar le gaya.

Unn ke jaate hi neelima suraj se lipat gayi.

Dil ki udasi jab aansuon se kuch kam hui to suraj ne uss ko alag kar sab ko bula liya.

Pichhle teen chaar din mein jo jo study hui thi.

sab ne suraj ko bataa diya.

Chutti ke baad suraj ne guri se kaha ke wo ab kisi performance mein hissa nahi lega.

Guri ke aur baaki sab ke jor dene pe suraj maan to gaya.

Par uss ne neelima ke saath remix songs wali item se saaf inkar kar diya.

Guri ne neelima se kaha ke wo manaye suraj ko.

Neelima ne kaha: nahi bhaiya hum ko apne pyar ki numaiyash nahi karni. Pehle hi dekho mere raju ka kya haal ho gaya he. mujhe apne raju se jayada kuch nahi chahiye.

Guri bhi samajh gaya.

Next day Sunday tha.

suraj guri ke ghar gaya.

Subah giarah baje ka time tha tab.

Sabhi ghar pe hi the.

Guri ki mummy ne uss ko seene se laga ke uss ka maatha choom liya.

Guri ki mummy uss ko pyar karte boli: hun je guri tere naal ladheya na ta menu dassi. Lamma pa ke kuttu ehnu. (ab agar guri tere se ladha na to mujhe batana. Lamba pa pitai karu iss ki.)

Yeh sunte suraj ke saath guri bhi hass diya.

Fir sab se mil ke wo guri ke saath uss ke room mein aa betha.

Wo jese hi batane laga ke mom tak saari baat kese pahuchi to guri ki didi aa gayi.

Uss ko dekh suraj chup kar gaya.

Guri ki didi: oye chup kyu kar gaya. Mere kolo sharmanda kyu he? (oye chup kyu kar gaya. Mere se sharmata kyu he?)

Yeh keh guri ki didi ne kheench ke uss ko seene se bheench liya.

Guri ki didi: dekh mera sohna veera. Jive menu guri pyara ove hi tu. (dekh mera sohna bhai. Jese mujhe guri pyara wese hi tu.)

Guri: yaar didi nu sab pata he. (yaar didi ko sab pata he.)

Par suraj abhi bhi jhijak raha tha.

Guri ki didi uthi: chal je menu nahi dasna chahunda ta na sahi. (chal agar mujhe nahi batana chahta to na sahi.)

Suraj ne uss ka haath pakad liya: nahi didi tussi beh jo main dasda haan. (nahi didi aap betho main batata hu.)

Suraj batane laga ke yeh sab problem shuru hui uss ki behan kitty ki nanad se.

suraj ne poori baat bata khatam ki to guri ko gussa aa gaya.

Guri: ohna doha nu main hun kise item ch ni rakhna. (unn dono ko ab maine kisi item mein nahi rakhna.)

Suraj: nahi please guri tu edda na kari. Sara blame fer mere te aa jana.

Guri ki didi ne bhi yeh sunn guri ko rok diya esa karne se.

Guri uss time maan to gya par uss ne soch liya ke ab kya karna he.

Kitty ki dono nando se ese perform karvaya uss ne jis se wo dono sirf extras bann ke reh gyi.

Fir guri ki didi ne suraj ko seene se laga kaha: suraj mera ta dil karda main teri mom to ja ke tenu mang lava. Chhotta veer vi ta putta vaang hi hunda. Main tenu apna putt bana ke rakh lu. (suraj mera to dil karta he main teri mom se ja ke tujhe maang lu. Chhotta bhai bhi to to bęte jesa hota he. Main tujhe apna beta bana ke rakhu gi.)

Guri ki didi ke iss pyar ke ehsaas se suraj ki aankhein nam hoti chali gayi.

Guri ne jab yeh dekha to uss ko wo pal yaad aane laga jab neelima ki maa ke seene se lag suraj ki aankhein nam hui thi.

guri ko wo pal bhi yaad aaya jab class incharge ke seene se lagane par bhi suraj ki aankhein nam hui thi.

guri ko laga didi thik hi kehti he uss ke yaar ki jindgi mein maa ke pyar ki kami he.

jaha bhi thodi si mamata milti he iss ki aankehin bhar jaati he.

Kuch pal baad jab suraj didi se alag hua to wo aankhein saaf kar raha tha.

Didi: na mera veera roeya na kar. be strong. Je tu eda hi dil chhade ga ta apne pyar li ladhe ga kive. (na mere bhai roya mat kar. Be strong. Agar tu ese hi dil chotta kare ga to apne pyar ke liye ladhe ga kese.)

Suraj ko fir dono bhai behan idhar udhar ki baatein kar hassane lage.

Guri ki didi ne fir ek suggestion di suraj: suraj tu te neelima na paasport banva lo. Main next year Canada chali jana. Thode doha da study visa lua ke dona nu othe le ju. (suraj tum aur neelima na passport banva lo. Maine next year Canada chale jana. Tum dono ka study visa lagva ke dono ko wahi le jau.)

Suraj ko yeh baat bahut achi lagi guri ki didi ki.

Wo sochne laga agar sach mein esa ho gaya to fir uss ke aur uss ki neelu ki beech koi na aa paye ga.

Nikki bhi unn ke saath aa bethi.

Suraj ne lunch wahi kiya.

Sham ke chaar bajne ko the jab suraj waha se nikla.

Beech mein uss ko neelima ki call aayi thi.

tab uss ne bataya ke wo guri ke ghar he.

issi liye neelima kuch khaas baat na kar payi.

Suraj jab ghar pahucha to rani chai bana rahi thi.

suraj bhi chai ka keh apne room mein aa gaya.

Tabhi hari suraj ke room mein aya.

Uss ke haath mein kuch tonic ki bottles thi.

unn bottles ko dekh suraj ne poochha: papa yeh kya he.

Hari: beta yeh jo aap ko baar baar bukhar ho jata he na uss ke liye he. aap ke exams sar pe he. be careful for ur health.

Hari ne uss ko bataya ke kese aur kab leni he.

Hari yeh sab doctor ke kehne pe hi laya tha. jo suraj ko 6 months tak lene the.