Kavita k jane k baad vivek k liye mano kuchch bhi baki nahi reh gaya tha... par usne apni maa k liye khud ko sambhalna sikh liya tha...
Kavita ne use bada karne me kaphi mehnat ki thi...
aur uss mehnat ka maan rakhne k liye usne apne aap ko saambhale rakha...
Wo udas tha hatas tha par wo apne kaam par jata...
apne kaam ko hi usne jindagi maan liya... har
subah wo kaam pe chala jata aur shaam me ghar aata... din me kaam ki wajah se to use kuchch pata na chalta...
Par ghar par aane k baad use apni zindagi ki tanhayi ka ehsas hota... wo kabhi t.v dekhkar apne man ko behlata ya kabhi gane sunkar... par dil k andar k dard ko na khatam kar pata...
Ab to uske paas do logo ko yaad karne ki wajah thi...
eak kavita jo iss duniya ko chchodkar jaa chuki thi
aur eak pihu jo kahan hai ye tak vivek ko pata nahi tha...
Samay nikalta raha... vivek shuruaat se hi eak shant ladka tha...pihu k uski jindagi me aane se wo kuchch khula par uske jane k baad wo dobara apne gum k sath shant ho gaya...
Jo uski zindagi me shuruaat se use samajhne wali maa thi jisse wo kuchch baaten karta tha wo bhi ab use chchod jaa chuki iska asar uske vyaktitva par bhi ho gaya... bank me wo apne boss ko kabhi kaam me shikayat ka mouka na deta par wo wahan kisi se koi baat tak nahi karta tha...
Bus wahan jata apna kaam karta aur phir ghar wapas aa jata... uska jeevan mano eak routine me bandh kar reh gaya tha... aur aage bhi kuchch badalne ki ummid nahi thi...
Par ye "ummid" ki dor kabhi bhi nahi tutti... jeevan kab kis or karvat le le kisko kya pata... kavita ko gaye ab do saal ho chuke the... vivek jaisa uske jane k baad tha waisa hi gum sum tha... aur na hi ab uske jeevan me koi badlav aane ki ummid thi...
26 saal k ho chuke vivek k baare me sirf sochti thi to uski maa yahan tak khud use apna khayal na tha...
to wo kya apne zindagi me badlav ya shaadi k baare sochta... samay pehle ki tarah hi tha...
par tabhi niyati ne eak aisa khel khela jiski vivek
ko ummid hi nahi thi... vivek ko jis ramtekri ko
chchode 5 saal ho chuke the... use wahan wapas jana pada... uska transfer wahan k naye branch me ho gaya tha...
Vivek ne apne transfer ko rukwane ki bahot koshish ki par aisa ho na saka... eak pal uske man me vichar bhi aaya noukri chchodne ka par use apni maa ki yaad aa gayi jisne use yahan taak pahunchne me kya kuchch nahi kiya tha...
Aur akhir use 5 saal baad usi jagah wapas jana pada...
jis jagah ko kabhi usne bade hi dukhi man se
chchoda tha... aur jab nikla tha to usne socha tha ki wahan kabhi wapas nahi jaega...
ramtekri ka naam sunte hi use andar se uss thandi me bhi garmahat ka ehsas ho gaya...
wo jaldi se apni jagah se utha aur fresh hone
chala gaya... uss din ka dard wo khud nahi samajh paa raha tha...
Itne saalon me wo ramtekri ko apne seene me
kaid kar zindagi ko jiye jaa raha tha... par
achanak se uska wahan jana uske liye bilkool
alag baat thi...
Insaan ki zindagi bhi badi ajib hoti hai... jab tak
jahan rahe wahin k rahe par jab kisi jagah ko
chchoda to wo kitna alag sa lagne lagta hai...
Fresh hone k baad vivek khidki se taktaki lagae
ramtekri k rasto ki haryali ko dekh raha tha...
Uske man me uss waqt kaphi udhedbun chal rahi thi...
ramtekri k aane ki baat sunane se pehle uska
dil naam k liye dhadakta tha... par wo train k
bahar jhankte waqt apni uss dhadkan ko mehsoos kar raha thi...
Uski dhadkano me eak dard tha... eak ehsas jo usne kabhi mehsoos kiya tha... maa ka jana aur phir uss jagah par wapas aana jahan kabhi uske pyaar ki haar hui thi... bada hi kasmkas bhara safar raha vivek ka... aur akhirkar ramtekri bhi aa gayi...
Thand zoro par thi iss liye vivek ne eak kala
rang ka overcoat dal rakha tha...wo apne sath
kuchch saman hi laya tha... baki ka saman
truck se baad me wahan pahunchne wala tha...
vivek jaise hi station se bahar pahuncha eak
thandi hawa k jhoke k sath mano yaadon ka eak
samundar uske samne aa khada hua...
wo galiyan wo fizae jinko chchodne k baad vivek ne kalpana bhi chchod di thi unhe paane ki uske samne thi... par thi kavita, uske bachpan se jawani tak k safar aur uske dil ki dhadkan pihu ki yadon k sath...
usne bahar nikalkar eak auto liya... bank k
liye sidha nikal gaya... uske bank ki or jane
me eak khas baat thi wo auto k bahar nahi dekh
raha tha... karan tha ki uske andar himmat nahi
ho paa rahi thi apni yaadon ko phir se apne karib mehsoos karne ki...
Bank me pahunchne k baad uske boss ne use eak hotel me rehne k liye kaha aur use eak weak ka off de diya taki wo wahan settle ho sake...
wahan se vivek sidha eak hotal me chala gaya...
ramtekri pahunchne se uss kamre tak k safar ne
hi vivek ko tod kar rakh diya...
wo kamre k bed par apni saason ko tham khud
k ask ko aaine me dekh raha tha... uske aas paas sari fizaen gunj gunjkar uske dil ko jhakjhor rahi thi... aur akhir kar uske aankho ne bhi jawab de diya...
Wo soch me pad gaya ki akhir ye kyon ho raha hai...
kya uski zindagi me aisa hi hona tha... jis chiz ko wo chahta hai wo use milti nahi aur usse door ho jatii hai... aur jis chiz se wo door bhagta hai wo uske paas aa jati hai...
Ramtekri aur vahan ki yaaden vivek k liye anmol
thi par vivek unse dubara rubaru nahi hona chahta tha...
wo apne man me khud ki niyati k baare me soch
raha tha jiske baare me shayad usne sochna bahot pehle band kar diya tha...
Vivek ne wo pura din aur phir raat uss hotal k
kamre se bahar gae bina hi nikal di... uska man
bahar jane ka nahi ho raha tha
par use bahar to nikalna hi tha... wo kab tak
hotal me rukta... akhirkar dusre din wo bahar nikla...
Bahar nikalne se pehle usne kuchch socha nahi ki wo bahar jaakar kaise react karega usne khud ko usi niyati k hawale chchod diya jo use wahan layi thi...
Neele rang k sweatshirt aur black jeans me vivek awara panchchi ki tarah dil me dard liye
idhar udhar ghumne laga...
wahan ki har galiyan use pihu aur kavita ki
yaad dila rahi thi...kabhi kirane ki dukan par
to kabhi hotal k table me har jagah se koi na
koi yaad judi hui thi...
dil ko to apna kaam karna hi tha...aankho k
jariye usne khud ko shaant karna shuru kar
diya... par dil k iss baat se dard to vivek ko
hi ho raha tha...
Uske kadam uske na rahe wo apne school apni
har yadon me behne laga... wahan ki thandi
fizaen jo use dard de rahi thi wo achank se
mano eak mithe se ehsas me badalne lagi...
uska man usse har uss jagah par jane k liye
kehne laga jahan usne apne zindagi k kitne
hi pal bitae the... ye insaan ki fitrat hi hoti
hai ki yaaden chahe achchi ho ya buri apni
or khich hi leti hai...
Vivek apne school, college, uss aam k ped
k paas jisme se wo eak baar gir gaya tha
sab jagah jane laga... wo bus unhe dekhta
aur phir agli yaad ki or chal nikalta...
Wo jab wahan aaya tha tab usne tai kiya tha ki
wo pihu k ghar ki or nahi jaega par wahan ki fizao ki hawaon me behkar akhir wo apne dil par
kabu na rakh paya...
Jab uski najar uss gali par padi jahan uski
wo servent quater tha aur pihu ka ghar bhi
vivek andar se sihar utha...
Uska man eak baar hua ki wahan na jae... akhir dil to uska hi dukhne wala tha... par wo apni
bhavnao k samne haar gaya...
Vivek dheme kadmo se apne dil ki dhadkan ki or
jane laga...uska sharir kaamp raha tha aur
dekhte dekhte wo kab pihu k ghar k samne aa gaya use khud bhi na pata chala...
Kabhi apne dil ki dhadhkano ko chchod apni maa k sath bujhe hue man se uss jagah ko chchod vivek wahan se nikla tha...
uss jagah me pahunchne bus se vivek ki dhadkane tezi se doudne lagi... wo khud apne dil par bhi kabu nahi rakh paa raha tha...
wo taktaki lagae samne ki or dekh raha tha...
pehle to usne apne man ko sambhala aur phir uska dhyaan asal me sammne jo tha uski or gaya...
Wahan ab pehle jaisa kuchch bhi nahi tha...ghar to tha par ab usme wo rangat na thi... samne ka garden bhi ujda pada tha...
Vivek ko ye bada hi atpata laga...wahan ki halat
se lag raha tha mano ab uss ghar me koi rehta hi nahi hai... vivek ne man me socha ki shayad
jeevanlal ne ye ghar chchod diya ho...
uske dil me iss baat se eak khayal aaya ki kitni
alag hoti logo ki zindagi... wo jahan ko chchod
kar kabhi jana nahi chahta tha aur uss ghar k log use yunhi chchodkar chale gae...
Phir uska dhyaan gaya uss servent quater me jahan wo apni maa k sath raha karta tha... wahan ki har chiz use apne bachpan apni maa k mehnat aur pihu k sath bitae har pal ki yaad dila rahe the...
Uske man me ye hi khayal aa raha tha ki pihu ab
kaisi hogi... ab tak to uske chchote chchote
bachche bhi ho chuke honge... uske samne pihu
ka masoom chehra ghumne laga...
ye wo hi jagah thi jahan usne pihu ka bachpana,
uski chanchalta, masoomiyat sab kuchch dekha tha...
Vivek kuchch der ghar ki or dekhta raha...uske
man ko isse sukun mil raha tha par akhir kab tak wo wahan khada reh sakta tha...jaise hi wo jane k liye muda pichche se koi use apni or aata dikha...
Use pehle to pata na chala ki wo koun hai par paas aane par vivek ne use pehchan liya...purane kapde, dadhi badhi hui jeevan lal waisa nahi lag raha tha jaisa wo pehle dikhta tha...
wo bus chup chap khada raha jise dekh jeevanlal ne usse phir se kaha...
Jeevanlal: vivek kya soch rahe ho... aao andar...
jeevanlal ko vivek anadar aane k liye taal na saka vivek ko kuchch bhi samajh me nahi aa raha tha ki jeevanlal usse itne pyaar se kaise pesh aa raha hai...
jeevanlal ko vivek ki duvidha samajh me aa gayi
aur usne usko bataya ki wo usse kabhi naraj
nahi hua tha na hi usne unhe ghar se nikala...
usne bataya ki wo janta tha ki vivek kabhi
bhi kisi k dil ko dukhane wala kaam nahi
karega aur jab uss din phool,mobile aur card
wali baat usne kavita ko jaa k batayi tab kavita
ne hi kaha tha ki ab unka yahan rehna thik
nahi aur usne khood ghar ko chchod diya...
vivek ne jab ye suna to wo hairan reh gaya...dono me baaten hone lagi...vivek ne jeevanlal ko kavita k swargwas k baare me bataya...use kavita k baare me sun kar dukh hua...
Jeevanlal: vivek apno ko khona kaisa lagta hai
mai janta hoon...rajshri bhi mujhe chchodkar
chali gayi... uski aankho me aansu the...
vivek: haan uncle par khud ko sambhalna to
padta hi hai...
Jeevanlal: haan beta tumne sahi kaha... vivek tumhare pita aur kavita mere parivar ki tarah the... jab tumhare pita jinda the tab mujhe kabhi bhi bhai ya dost ki kami mehsoos nahi hoti thi... unka sapna tha ki wo tumhe bahot achche se padhaenge... akhri pal me unhone mujhe
tumhara dhyaan rakhne k liye kaha tha...
Jeevanlal ki baate badi hi emotional thi vivek k
liye... sach baat thi wo jeevanlal hi tha jisne
vivek k school college sab ka kharch uthaya tha...
Jeevanlal: vivek mujhe aaj bhi afsos hota hai ki
uss din tum dono ko yahan se jana pada...
Vivek: nahi uncle aap aisa mat kahiye... unn baton me galti to meri hi thi... wo itna kehkar chup ho gaya...
Jeevanlal: galti beta galti insaan se nahi waqt se hoti hai jo humare samne kya kya le aata hai...
dono aise baaten karte rahe...vivek ka dhyaan ghar k andar bhi jaa raha tha...ab wahan na waise saman na waisa mahoul...
Ghar me eak bhi noukar bhi nahi dikh raha tha ...
sab kuchch bada hi atpata sa lag raha tha...
Par tabhi vivek ka dhyaan diwar par lagi
eak tasvir par gaya aur wo use dekhta hi reh gaya...
wo tasvir thi uske dil ki rani uske armano ki
sehzadi pihu ki jisme wo badi hi pyari muskaan
liye hue thi...
Vivek ka dil uss tasvir ko dekh mano tham sa gaya...
tasvir dekhne k baad usne apne aap ko bahot roka par khud ko jeevanlal se pihu k baare me puchchne se rok nahi paya...
Vivek: uncle pihu kahan hai aajkal ab to uske bachche bhi ho gaye honge... usne banavati hasin haste hue kaha...
Vivek ne jaise hi ye kaha jeevanlal uski or dekha
vivek ki najre uski or hi thi... jeevanlal kuchch
der khamosh rehkar waise hi raha uski aankho
me eak udasi thi...
kuchch palon ki khamoshi k baad usne vivek
se kaha...
Jeevanlal: mai soch hi raha tha ki tumne ab tak
pihu k bare me nahi pucha...beta ab tumhe kya
batau...samay kab kya dikhaye pata hi nahi
chalta...
uske baad jeevanlal ne vivek ko jo baat batayi usse
vivek shocked reh gaya...
Jeevanlal: vivek tumhe to pata hai ki college k
turant baad pihu ki shaadi mere business partner kishan k ladke se ho gayi thi...mai ajit ko pasand nahi krata tha phir bhi pihu aur rajshri k aage mujhe jhukna pada...
Shaadi k shuruaati dino me to sab thik raha par dhere dhere ajit apne asli roop me aane laga...business me mera share bahot jyada tha usi ko pane k liye ajit ne pihu se pyaar ka natak kiya tha...aur use mentally aur physically harash karne laga...
jeevanlal ye kehte kehte ro pada...usne hume majboor kiya ki mai apna business uske naam kar doon...pihu ki khushi k liye maine ye kar bhi diya phir bhi usne pihu ko pareshan karna band na kiya...
Jo pihu ghar par princess ki tarah rehti thi use usne noukar se bhi badtaar jindagi di...
Vivek ne jab ye sab suna to eak pal uska khoon khoul gaya par agle hi pal uska dil joro se dhadakne laga ki kahin pihu ko kuchch ho to nahi gaya...jeevanlal ne aage kehna jari rakha...
jeevanlal: pihu bahot masoom ladki thi vivek...par ajit k vehsipan uski maar se wo haari nahi usne apni niyati ko swikar kar sab kuchch jhela...
mai usse kehta bhi tha ki wo ajit ko chchod de
par wo waisa na karti... aur uske dwara diye
dukho ko sehti rahi...
Par kehte hain na har chchiz ki eak sima hoti hai...
ajit ki maar aur do baar miscourage hone ki wajah se pihu ka shirir uske dukh sehne layak na raha aur uss vehshi ne use chchod diya...
innn sab baaton ko sun vivek ka man vichlit ho gaya uski aankho se lagatar aansu beh rahe the...
Vivek: uncle pihu thik to hai na...
usne runsi awaz me jeevanlal se puchcha...
Jeevanlal ne eak thandi saans li aur sofe me pichche tikte hue kaha...
Jeevanlal: vivek agar sans lena thik hona hota hai to haan wo abhi thik hai...use bone marrow aplasia hua hai jisme sharir me blood cell banana kam ho jata hai...kabhi wo chal nahi pati kabhi chalte chalte behosh ho jati hai...
Itna kehkar wo sisakne laga...inn sari baaton se vivek andar tak se sihar utha tha...use samajh me nahi aa raha tha ki wo ye kya sun raha hai...bus uske seene me eak dard
sa uth raha tha...
Jeevanlal: pls vivek pihu ko maaf kar dena wo achchi hai bus raah bhatak gayi thi...use bhi baad me uss chiz ka pachchtava hua aur usne mujhe kaha bhi tha ki tum uska kitna khayal rakhte the aur usne tumhara dil dukhaya...
Vivek uski baaton ko bus sunta hi jaa raha tha...
Vivek: uncle pihu abhi kahan hai...
Jeevanlal: upar wale kamre me hai eak nurse aati hai
aajkal uski tabiyat thik nahi hai aur usse bistar se utha bhi nahi jaa raha...
Vivek uske baad upar pihu kamre me aa gaya...wahan pahunchkar usne jo dekha uske hosh udd gaye...pihu bed par leti hui thi...uska chehra bilkool utar gaya tha...aankho k niche dark circle...sharir behad kamjor...na phele ki tarah chamak...jagah jagah nishan jo uske upar bite dino ki gawahi de rahe the...
Vivek ki najar jab uss par padi to wo wahin darwaze par tik gaya...uski saanse chad gayi...dil joro se dhadak utha...
Vivek kampte kadmo se pihu k paas pahuncha aur bed k kinare khade hokar use dekhta raha...aur tabhi uski aankho se eak dard bhare pyaar k ask ki boond galo se hote hue pihu k haant me ja giri...
Jiske ehsas se pihu ne apni aankhe kholi wo apni aankhe puri tarah nahi khol paa rahi thi...usne dhyaan dekar dekha to samne dhundhli najro se bhi pehchan gayi...
Pihu: vivek tum... uski awaz behad kamjor lag rahi thi
Vivek ne jhookkar use chup rehne ko kaha aur uske sar k baal ko apne haant se sehlaya...vivek ko apne samne aur khud ko iss roop me dekhta dekh pihu ki aankhe bhi bhar gayi...use aaj bhi yaad tha ki usne vivek k sath akhri samay me kaisa suluk kiya tha...
Kuchch der dono eak dusre ki or aise hi dekhte rahe...
pihu ne phaphakti awaz me vivek se bus itna kaha...
pihu: vivek sorry...
aur wo zor se rone lagi...
vivek ne jab ye dekha to uska dil bechain ho
gaya...uski chchti si pihu uske samne itne din
baad aur ro rahi thi...
vivek ne uske sar k baalon ko sehlaya aur use
chup hone ko kaha...
Vivek: chup ho jaao pihu tumhari koi galti
nahi thi...galti meri thi maine hi humare riste
ko dosti se jyada samjha...
Pihu: par maine tumhe kitna kuchch kaha tha vivek...
Vivek: shhh...chup kaha na...agar tum chup nahi hui to mai sach me naraj ho jaunga... aur yahan se humesha k liye chala jaunga...
pihu: vivek mujhse to jindagi hi naraj ho gayi hai... tum bhi naraj hoge mujhse...
pihu ki ye baad vivek k dil ko chchalli kar gayi...
Vivek: aisa nahi kehte pihu ab mai aa gaya hoon na dekho tumhe kaise thik kar deta hoon...
Ye hui inki dusri mulakat...sach hai samay insaan ko kya kya nahi dikhata...kabhi kabhi jiski usne kalpana bhi na ki ho...vivek ka wapas aana kya koi nayi kahani ki or ishara tha...pihu ki jindagi me itne dard aa gaye the jiski vivek ne kalpana bhi nahi ki thi...
Insaan k jeevan me har din eak saman nahi rehta...
kabhi dhoop to kabhi chav... kabhi sabhi chize
achchi lagti hai to kabhi khud ko bhi insaan nakar deta hai...
Ye jeevan hi aisa hota hai...eak gane ki kuchch
panktiyan yahan likh raha hoon aap sab ne suni
hogi...
Ye jeevan hai iss jeevan ka
yahi hai yahi hai rang roop
thode gum hai thodi khushiyan
Yahi Hai Yahi Chaon Dhoop
Yeh Na Socho Isme Apni Haar Hai Ke Jeet Hai
oose Apna Lo Jo Bhi Jeevan Ki Reet Hai
Yeh Zid Chodo, Yuh Na Todo
Har Pal Ek Darpan Hai
Yeh Jeevan Hai...
jeevan ko darsate iss gane ka saar yahi hai ki zindagi jina hii padta hai chahe khushiyon ki bahar aaye ya gum k badal...
Vivek k jane k baad se hi pihu ko iska ehsas hone laga... dard to usne bhi vivek ko diya par use bhi wo dard mila ajit se...
Jab bhi ajit use dukh deta uska dil rota aur harbaar use vivek ki yaad jarur aati... wo roti khud ko kosti... par bechari kuchch kar ka pati...
bus eak aas k sath jeeti k eak din ajit usse achcha bartav karbne lagega par waisa na hua... choti si jaan thi apne pita ki par ajit ne uss phool k armano ko kuchal k rakh diya...
Vivek k paas bhale hi paise kaam the ya nahi the par uske paas eak dil tha... nahi to pihu se door jane se pehle wo bhi usse sawal puchch sakta tha ki akhir uske sath khiloune jaisa bartav kyon...
Par usne pihu ki khushi k liye usse doorie bana li...
Pyaar kya hota hai? mai kehta hoon pyaar ka naam sirf dena hota hai jisme ashiq apne premi ko uski khushi k liye apni zindagi de deta hai... bina kuchch puchche bina kuchch kahe...
Vivek ne aisa hi kiya tha ye baat jab pihu ko samajh aayi tab tak kaphi der ho chuki thi... par eak baat aur hai pyaar jab bhi mile achcha hi hota hai...
Vivek wapas aaya pihu ki zindagi me wapas se bahar lane k liye... uske jakhmo par apne sneh ka marham lagane k liye... aur apne pyaar phir se zindagi dilane k liye...
Uss shaam jab vivek pihu se mila... wo lagatar pihu se milne aane laga... infact kuchch din k baad to usne samne wale servent quater me hi shift kar liya... jahan wo apni maa k sath rehta tha...
Jeevanlal ne use apne ghar par hi rehne ko kaha par vivek ne mana kar diya aur apne purani jagah par hi rehne laga...
Pihu ki viran ho chuki jindagi me vivek ne pyaar bhare ehsas ki eak baar phir se bahar la di...wo uska har cheez me khayal rakhta...
use ghumane le jata...use movie dikhata...uske sath baaten karta...uske liye khana banana...yahan tak jab uski tabiyat jyada kharab hoti to uske sar ko dabana...use bathroom tak k liye help karna...
Pihu ne shuru shuru me to use mana kiya par jab usne paya ki vivek ab bhi pehle ki tarah hi use bholepan k sath apna manta hai to wo mana na kar payi...
Wo bus use niharte rehti...man me sochti ki usne kya kho diya tha...agar usne uss velentine day par agar apne dil k kone se uthti awaz ko sun liya hota to aaj vivek k sath uski jindagi bahot alag hoti...
Par gaya hua waqt wapas nahi aata... jo samay aane wala hota hai wo apna hota hai usme hum apne liye kkuchch soch sakte hain... pihu ne bhi kuchch tai kiya tha aur uske liye wo sahi waqt ka intzaar karne lagi...
achchi ho gayi thi aur wo ghar k bahar garden me tehel rahi thi...
vivek ne wapas aa jane k baad garden ko bhi sawar tha pihu usi k lagae phool poudho ko
bachcho ki tarah dekh rahi thi...
Jeevanlal ne uski or dekha aur vivek jis servent quater me rehta tha wahan chala gaya... vivek uss waqt pihu k kapdo ko press kar raha tha...
Usne jeevanlal ko dekha to use baithne ko kaha aur khud uske samne aa kar baith gaya...
Jeevanlal: vivek mai tumse kuchch kehna chahta hoon beta...
Vivek: haan kahiye uncle...
Jeevanlal: vivek tum to jante ho pihu ne ajit k karan kya kuchch nahi saha hai... jise yaad kar aaj bhi mera dil ro uthta hai...
Vivek: uncle sach kahun khoon to mera bhi khoulta hai aur man karta hai ki ajit ko jaakar jaan se maar doon... par pihu ne mujhe apni kasam di hai ki mai use uski halat me chchod doon...
Jeevanlal: haan beta mare hue ko kya maroge...
ajit ne pihu k sath jo kiya uski saja wo cancer
ka marij ban khood bhugat raha hai... bhagwan
humare achche bure sab karmo ka phal yahin de deta hai...
Vivek: phir bhi uncle ye dil nahi manta...
Jeevanlal: vivek inn sab baaton me jaoge to dil
hi dukhi hoga... aur waise bhi ajit ne pihu ko
talak de hi diya to ab usse pihu ka kya wasta...
aur ab agar ajit ko dubara usne apne paas paya to usse pihu ka hi dil dukhega...
Vivek: par uncle usne jo kiya...
Jeevanlal: beta maine tumse kaha na usne jo kiya uski saja use mil rahi hai... kal hi maine suna ki uska cancer last stage me pahunch raha hai...
Vivek uski baat sun kar chchup ho gaya...
Jeevanlal: beta mai tumse kuchch aur hi baat karne aaya hoon...
Vivek: boliye na uncle...
Jeevanlal: beta aaj mai apni beti ko dekhta hoon
to mujhe uske liye bahot dukh hota hai... mai janta hoon ki mai tumse kuchch jyada mang raha hoon par kya tum pihu ka haant tham sakte ho...
Jeevanlal ki ye baat sun vivek kuchch der tak
uski or dekhta raha phir khamoshi se usne
apna sar niche kar diya...
Jeevanlal: vivek agar tumhe isse samaya hai to koi baat nahi... haan mai janta hoon ki pihu talakshuda hai aur usne tumhare sath galat bhi kiya tha... agar tum nahi chahte to koi baat nahi...
Jeevanlal ne nirash hote hue vivek se ye kaha...
par tabhi vivekk ne uske iss baat ka jawab diya...
Vivek: uncle ye aap kaisi baat kar rahe hai... aap
mujhse puchch rahe hain ki mai pihu ka haant thamunga ya nahi... aisa lag raha hai jaise kisi insaan k haanto me chand ko rakhne ki baat ho...
Jeevanlal: vivek mai samjha nahi...
Vivek: uncle mai to kab se yahi chahta aaya hoon...
apko to sab pata hi hai... aur pihu to wo rajkumari hai jiska haant koun nahi thamna chahega...
Vivek ki ye baat sun jeevanlal khush ho gaya...
Jeevanlal: vivek tumhe pata nahi hai aaj tumne
iss budhe baap k upar se kitna bada bojh halka
kar diya...
Vivek: uncle pihu mere liye bojh nahi hai...
wo to aisi khushi hai jo jeevan me bahar le aaye...
Jeevanlal: mai aaj bahot khush hoon beta... mai abhi pihu ko jaakar ye baat batata hoon...
Jeevanlal wahan se jane laga par tabhi vivek ne
use roka...
Vivek: uncle pls abhi pihu ko ye baat jaake mat
kahiye...
Jeevanlal: kya hua beta...
Vivek: uncle abhi pihu jiss halat me nahi hai ki
sahi phaisla le sake... abhi wo puri tarah se thik
nahi hui hai... mujhe galat mat samajhiye par
mai chahta hoon ki wo jab bhi koi phisla le bina
kisi dabav me le... mai unse thik hone ka intzaar
karna chahunga... baki agar apko abhi batana to apki marzi ko bhi nahi talunga...
Vivek ki iss baat ko sun jeevanlal ne uske
haant ko pakad kar kaha...
Jeevanlal: vivek tumhe maine uss din kyon nahi rok liya beta... tumhari samajhdari tumhara sidhapan sach me bahot achche ho tum...
usne aage badhkar vivek ko apne gale se laga liya...
aaj vivek aur jeevanlal dono khush the par iss khushi ko share karne wale wo dono bus nahi the...
Pihu bhi bahar se unki baate sun rahi thi...
uska dil vivek ki baat sun emotions se bhar
gaya aur uske dil me halka sa eak dard hua jo
vivek k liye uske dil me pyaar ka tha...
Usne man me socha ki vivek aaj bhi usse utna hi pyaar karta hai jitna pehle... ab wo usse kabhi
door nahi hogi... uske masoom chehre par aansu to the par sath me eak pyaar bhari muskaan bhi thi...
Wo wahan se jaldi se chali gayi wo vivek k samne abhi nahi jana chahti thi kyonki usne vivek k mooh se jo suna wo uski bhi marzi thi...
par aaj wo khush thi jis pyaar ko usne thukraya
phir usi k liye wo tarsi wo aaj uske jeevan me
wapas aa gaya hai par abhi use thoda sa intzaar
karna hoga zindagi aur apne pyaar ko pura karne k liye...
par wo aaj khush thi bahot din baad use dil k andar se khush hone ka karan mila tha... usne garden k bich jaakar apni baahen phailakar apni khushi ka ijhaar kiya...------------------------------------
Vivek mahan nahi tha bus eak sachcha insaan tha...
aur uski isi sachchayi ne use dubara apne pyaar
k shayad karib le aaya...
Vivek aur pihu dono hi apne dil ki baaton ko eak
dusre se share karna chahte the par dono hi kinhi karan se ruke hue the...
Vivek chahta tha ki pihu puri tarah mansik aur
sharirik roop se theek ho jae tab wo use apne dil k haal ko dubara batae...kyonki agar wo abhi aisa karega to shayad pihu sahi faisla na le paye...
Yahi haal pihu ka tha wo chahti thi ki vivek ko
wo uss roop me mile jis roop me usne use chchoda tha...
dhere dhere pihu k shrir me blood cells badhne lage...
uska ilaz ab vivek karvata tha...dusre sheher me
Sudhir naam k eak docter k paas...
Sudhir kasyap jis hospital ka docter tha wo uske
pita kedar kasyap ka hi tha... sudhir sheher ka
jana mana docter tha...
Jitna achcha wo docter tha utna hi achcha insaan bhi... insaaniyat uske andar bahot achche se thi...
garibo ka muft me ilaz , unhe muft me dawayi sab deta tha...
Pihu ka bhi ilaz usne bahot hi achche se kiya...
jaise jaise din beette gaye Vivek aur pihu ka
sudhir se eak docter k sath dost ka bhi rista
ban sa gaya...
Wo jab bhi ilaz k liye jate sudhir unhe station
pick karwane aur unhe chchodne k liye apni gadi bhejta...
Dhere dhere sudhir ko kuchch khud pihu se aur kuchch vivek se pihu ki purani jindagiyon ki kadvahat ka pata chal gaya...
Pihu k dukh bhari dastan sun Sudhir ka dil pighal gaya wo pihu k dard se judne laga... ya ye kahen wo pihu ko pasand karne laga...
Sudhir saaf man ka tha wo apne dil pe koi bhi baat nahi rakhta issliye jab use ehsas hua ki use pihu achchi lagti hai usne sidhe hi pihu se baat kar li...
uss samay vivek medicine lene bahar gaya tha...
Sudhir: pihu ji pls agar aap bura na mane to mai
apse eak baat kehna chahta hoon...
Pihu: haan sir kahiye...
Sudhir: pls meri baat ko galat mat lena par tum mujhe achchi lagti ho...aur agar tumhari marzi ho to mai tumse shaadi karna chahta hoon...
itna kehkar wo chup ho gaya...jab usne pihu ko bhi chup dekha to usne baat badalne k liye kaha...
Sudhir: pihu itna stress mat lo maine to bus apne dil ki baat kahi hai...agar tumhe ye nahi manjoor to mai bura nahi manunga.... nahi tumhe iske karan agli baar se jyada injection lagunga...//cdn.jsdelivr.net/gh/twitter/twemoji@latest/assets/svg/1f601.svg
Uski iss baat par dono hi husne lage...uske baad pihu ne uski or dekhte hue kaha...
Pihu: nahi sir mujhe bilkool bura nahi laga...aap bahot hi sachche aur achche insaan ho... aur apne sidha hi mujhse ye kaha ye mujhe aur bhi achchi baat lagi...par sir meri jindagi me pehle se koi hai jise mai kab se apna maan chuki hoon... aur meri jo ye jindagi hai wo usi ki den hai...
Sudhir ne jab ye suna to uska dil baith gaya par wo samajhdar tha...usne ye samne na aane diya...
Sudhir: oh to ye baat hai... chalo ye janm aap unki hui waise koun hai wo lucky man... agar aap batana chaho to batana...
Pihu: sir apne pyaar ko kya chchupana aur waise bhi itne dino me humari dosti to ho hi gayi hai... wo vivek hai ...
Sudhir: koun vivek... i knew it yaar...mujhe laga to tha...wo bahot achcha hai pihu tumhe bahot khush rakhega...
Pihu: haan sir mujhe pata hai...eak baar maine
waise bhi use khokar bahot badi galti ki thi...
maine uske sath galat bhi kiya par usne wapas
aakar mere sare dard mujhse le liye...
pihu aur sudhir aise hi baaten kar rahe the...
par unhe nahi pata tha ki cabin k bahar vivek
bhi unki baaten sun raha hai...
Usne jab ye sab suna uski aankho me aansu aa gaye...
jiske liye wo itna tadpa aaj usi k mooh se apne liye pyaar bhari baaten sun wo andar se gadgad ho gaya...
Wo chah raha tha ki andar jae aur pihu ko apni
baahon me le le par usne abhi aur intzaar karna
thik samjha...
Samay bhi kitna ajib hota hai... aaj Vivek aur pihu ko pata tha ki jisse wo pyaar karte hain wo bhi use pyaar karta hai... par sirf apne pyaar ko safal roop se pane k liye dono intzaar kar rahe the...
Par uss din k baad jab vivek ne jaan liya ki pihu
k dil me bhi wo aa chuka hai to uska intzaar karna mushkil hone laga... aur hota bhi kyon na wo iss pyaar ko mehsoos karne k liye kitna tadpa jo tha...
har din mano use aur masoom pihu ko baraso ki
tarah lagta par wo intzaar karte apne pyaar ko puri tarah pane k liye bus yahi prathna karte ki pihu jald se jlad dhik ho jae taki wo dono eak dusre ko apna pyaar dikha saken...
Yunhi pyaar bhare ehsas k sath din nikalne lage...
pihu ki mansik aur sharirik halat me vivek k aane se bahot fara aa gaya tha...
Vivek to pihu k liye kisi bhi tak ka diwana tha...
par phir bhi use khushi hui ki pihu apne puarane
roop me wapas aane lagi thi...
wo chanchalta jiska vivek deewana tha...
wahi chehre ki rounak jise dekh achche
achcho ka dil pighal jae...pihu ne dhere
dheere wo sab wapas paa liya...
Ab unki baaten aankho hi aankho me hoti...dono ko pata tha ki chahat kitni hai samne wale k dil me phir bhi apne pyaar ko asli roop me pane ki khatir dono ne dilo ko tham k rakha tha...
inhi dino eak din pihu aur Vivek pihu k ghar
par akele beete kar rahe the... dono ki aankhe mili hui thi aur dono eak dusre me khoye samne wale ki aankho me pyaar ko mehsoos kar rahe the...
Isi bichch vivek ko apne pyaar apni pihu k sath
shararat karne ki sujh gayi... wo pihu k dil
ka haal janana chahta tha...
Vivek: pihu eak baat kehna tha tumhe...
Pihu: haan kaho na...
Vivek: kaise kahun pihu kuchch samajh me nahi aa raha hai...
Pihu: vivek tum mujhse sharma rahe ho...
usne pyari si muskaan k sath ye kaha...
Vivek uske bhole masoom chehre par muskaan ko dekh apne dil k badhti dhadkano ko rokta hua bola...
Vivek: baat hi kuchch aisi hai...
Pihu: tumhe jo bhi kehna hai bejijhak kaho...
Vivek: pihu pata hai jab mai sheher me tha to meri zindagi me eak ladki aayi thi...
Pihu ne jaise hi ye suna uske muskurate chehre me pareshani k bhav aa gaye...
Pihu: kya...?
usne chouukte hue kaha...
usne turant hi khud ko sambhalte hue kaha...
Pihu: mera matlaab koun thi wo...?
Vivek: thi eak jo sidhe mere dil me aa gayi thi...
par usne dil me aane k baad jane ka naam nahi liya...
Pihu: bahot achchi thi kya wo...
usne udas hote hue kaha...
Vivek: haan bahot pyari thi... sach me...
Pihu: kahan hai ab wo...
Vivek: mere dil me mai raat din usko apne samne hi pata hoon...
ye uske mooh se achanak se nikal gaya... usne turant hi baat ko palat te hue kaha...
Vivek: mera matlab mere dil ki aankho se hai...
Vivek k iss kasmkas bhari baat ko pihu ne bhamp liya aur wo samajh gayi ki vivek usse majak kar raha hai...
Pihu: bahot hi lucky hogi vivek wo jo tumhare dil me hogi...
usne vivek ki aankho me dekhte hue ye baat kaha...
Vivek bhi uski baaton se samajh gaya ki pihu ko
samajh me aa gaya hai ki wo uske baare me hi baat kar raha hai...
Dono eak dusre ki aankho me kho se gaye... aaj wo din vivek ko pancchmadi ki yaad aa gayi wahan bhi unn dono ne eak dusre ki aankho me aise hi dekha tha aur phir kiss kiya tha...
Vivek ki najar uss samay pihu k honto par gayi jo kaamp rahe the... pihu ka bhi yahi haal tha wo bhi khud ko vivek k andar sametna chahti thi...
Dono ki saanse tez chalne lagi... dono eak dusre k najdik bhi aane lage... par tabhi kisi ne darwaze par knok kar diya... wo jeevanlal tha...
Dono ne knok sunte hi eak dusre se najre hata li... pihu ka chehra lal h chuka tha aur wo apni saanso ko thamte hue zameen ki or dekh rahi thi... par vivek ab bhi pihu ko dekh raha tha...
Darwaze par jab dobara knok hua to vivek ne jaakar darwaza khola... jeevanlal use dekhkar khush hote hue bola...
Jeevanlal: vivek tum yahin ho... ao chalo sath me chai peete hain...
Vivek: nahi uncle abhi chalta hoon kuchch kaam yaad aa gaya hai...
Aur ye kekar wo wahan se chala gaya... pihu use jate dekhti rahi... usne man me socha ki vivek aaj bhi pehle ki tarah hi sharmila aur sidha hai... kaise wo uske pyaar ko pehle na samajh payi...
Pihu apne pyaar ko iss roop me dekhkar andar se khush ho gayi... uske dil me uss waqt vivek k liye beshumar pyaar aaya... uska man hua ki
wo abhi vivek k paas jae aur use apni baahon me le le...
Badi ajeeb baat hoti hai jo premi pyaar me hote hain unka dil bhi eak dusre k liye dhadakta hai aur unki soch bhi eak jaisi ho jati hai...
wahan se nikalne k baad pihu ka jo haal tha waisa hi vivek ka tha aaj agar jeevanllal na aaya hota to uske aur pihu k dil ki baat samne aana tai tha...
aisa hua to nahi par aaj use dobara wo wali feeling aayi jo 7 saal pehle aati thi...
Wo hi romanch wohi dil ka dhakna wohi sharir ka kampna... wo bhi pihu ki tarah bahot khush tha...
aaj uske pyaar k sath usne bahot achcha waqt jo bitaya tha... wo sadak par aglon ki tarah jhumne laga... uska pyaar bhale hi puarana tha par ehsas abhi bhi pehle pyaar k ehsas k hi the...
Pyaar jaisa maine kahani ki shuruaat me kaha tha kya hota hai... eak mitha sa dard bhara ehsas jise wo samajh sakta hai jisne wo kiya ho...
Pihu aur vivek inn dono ki kahani bhi aam si thi...
par premi ko apni kahani khas lagti hai...
dono jab se dobara mile the mano bus eak dusre k hoke reh gae the... vivek apne kaam me jane se pehle aur kaam se wapas aane k baad pihu k paas hi rehta...
pihu bhi jab vivek ko apne paas na pati to bechain ho jati... jaise jaise din nikalta gaya wo dono bechain hone lage eak dusre se apne pyaar ka ijhaar karne k liye...
par chahe wo kitne bhi bechain hua unhone jo tai kiya tha usss faisle se nahi hate... dono jab bhi sudhir k paas jate to ye hi puchchte ki pihu kab thik ho jaegi...
Din nikalne laga... eak din dr.sudhir ne unse kaha
ki agar uske test k report normal aate hain to pihu puri tarah se thik ho jaegi...
Vivek aur pihu ki khushi ka uss din thikana na
raha wo dono harpal uss din ka intzaar karne lage...
har din pihu calender par tick karti aur sochti
agla din kab aaega... akhir use apne pyaar ko dikhana jo tha ki wo use kitna chahne lagi hai...
Yahi haal vivek ka bhi tha... wo har subah jab uthta to use lagta jaise use pihu k sath hospital jana hai
wo har din bus pihu k test ka normal hone ki bhagwan se prathna krta...
Aur akhir wo din bhi aa gaya...
Velentines day... haan jis din dono alag hue the uss din hi dono apne pyaar ki nayi shuruaat jo ho chuki thi use badhana chahte the...
Wo din aaya bhi uss din pihu k test k result aane
wale the...wo aur vivek sath me Dr. sudhir k paas gaye...
jab Sudhir ne unhe bataya ki ab pihu bilkool fit ho gayi hai to dono ki khushi ka thikana nahi raha...
dono ne pyaar se eak dusre ko dekha...jaise mano aaj aankho se hi ijhaar kar lenge apni mohabbat ka...
par shayad abhi kuchch baki tha...
Vivek ko sudhir ne kuchch ehtiyat k liye medicine lane k liye kaha...jab vivek unhe lene gaya to use eak phool ka dukan dikhayi di...usne socha ki pihu ko usi tarah
aaj apne dil ki baat batega jaise wo saat saal pehle eak karne wala tha...
Usne eak lal gulab aur paas ki dukan se eak card kharida...
phir hospital k liye jane laga...wo baar baar raste me card ki or dkhta aur apne aane wali jindagi k baare me sochkar khush ho raha tha...
Akhir hota bhi kyon na aaj uska pyaar jo usse milne wala tha...utsah me jab wo road cross kar raha tha tabhi uske haant se gulab ka phool choot gaya jise wo uthane k liye jaise hi utha eak car ne tezi se aakar use thokar mar di...
Eak din baad...
Vivek hospital k eak room me jindagi aur maut
k bichch jhool raha tha...uske bagal me pihu
use dekh ro rahi thi...
Usko jab se vivek k accident k baare me pata chala tha tab se uske aansu rook hi nahi rahe the...
ajab khel tha bhagwan ka eak din aise hi vivek
uske liye roya tha aur aaj jab wo usse pyaar
karne lagi thi to wo ro rahi thi...
Paas me jeevan lal bhi khada tha...tabhi sudhir
andar aaya jise dekh pihu ne rote hue usse puchcha...
Pihu: sir mera vivek thik to ho jaega na...
Jiske jawab me sudhir khamosh raha...
Pihu: sir pls bataiye aap chup kyon hai...
Jeevanlal: haan sir bataiye na vivek theek to ho
jaega na...
Sudhir: uncle kuchch bhi nahi keh sakte use agar agle kuchch ghanto me hosh na aaya to...
Wo itna kehkar chup ho gaya...uski ye baat sun
pihu sisak sisak kar apne masoom awaz me ro rahi thi... uska rona dekh koi bhi dukhi ho jata...
Usne vivek ki or dekha aur rote hue use badi masoomiyat se eak baat kahi...
Pihu: vivek pls itna mat dukh do mai seh nahi paungi...
tum to mere humdard mere sabse achche wale dost ho na
phir kya aaj apni pihu ko rota dekh tumhe achcha lag raha hai... itna ganda mat banao vivek mujhe ki mai khud se hi najjre na mila sakun...
Uska rona lagatar jari tha...
Pihu: mai janti hoon ki mai tumhare layak nahi par pls apni iss nadan pihu k liye wapas aa jao...
pls vivek pls... kya aaj tum apni pihu ko jeevann bhar ka dard dene wale ho...
Aur wo uske bagal me apna sar rakhkar roye jaa rahi thi...
aur tabhi uske sar par eak haant rakha jab usne uthkar dekha to vivek ka tha jo apni adh khuli aankho se uski or dekh raha tha aur usne bade hi dheere dard bhari muskurahat k sath apni humdard pihu se kaha...
Vivek: happy velentines day pihu...
Bus phir kya tha shuruaat hui eak nayi zindagi ki jisme tha sirf pyaar aur bus pyaar... aisa har
kisi k sath ho ye hota nahi hai... vivek aur pihu
dono ne jindagi me kaphi dard sahe par jab dono ko eak dusre me apna humdard mila pyaar pyaara lagne laga...
Pyaar me chahe kitne bhi dard mile... wo kam hai...
kyonki jab woo paas hota hai to uss dard k liye
humdard ka bhi kaam wahi karta hai...
-----------------------------
---------------------------
Pal.. do pal ki kyun hai zindagi
Iss pyaar ko hai sadiyan kaafi nahi
Toh khuda se maang loon
Mohallat main ek nai
Rehanaa hai bas yahaan
Ab door tujhse jana nahi...
Jo tu mera humdard hai
Jo tu mera humdard hai
Suhaana har dard hai
Jo tu mera humdard hai
Teri muskuraahate hain taakat meri
Mujhko enhi se ummid mili
Chaahe kare koi sitam ye jahaan
Enmein hi hai sadaa hifaajat meri
Zindagaani badi khoobsurat hui
Jannat ab aur kya hogi kahin
Jo tu mera hamdard hai
Jo tu mera hamdard hai
Suhaana har dard hai
Jo tu mera hamdard hai
------------------------------
As I said before this is end of story not the end of love...
