Atul:- Mujhe kya hoga...Hamesha ki tarah fit and fine.
Ajay:- To fir ye laal aankhein? Aur class mein bhi soo raha tha?
Atul:- (Muskura kar) Ek aashiq ho kar dusre aashiq ki dil ki baat nahi samajhta?
Ajay:- Matlab?
Atul:- Ye haseen raat ke baad ki dardnaak subah hai jo kisi aashiq ko manjur nahi.
Ajay:- Abey...Sidhe bol...Baat ko kyu ghuma raha hai.
Atul:- Kya aashiq banega re tu? Itni si baat bhi nahi samajh paata.
Ajay:- Aur mat chaat yaar dimaag.
Atul:- Accha thik hai...Tera chhota sa dimaag aur nahi chaatunga.
Mera jo haal hai...Haal nahi behaal hai...Isse medical language me insomnia (inability to sleep) kehte hai.
Atul ne bas itna hi kaha tha ki waha maujood sabhi dost Atul ko chinta bhari najro se dekhne lage...Bas Nisha hi muskura rahi thi.
Dusre table me baitha Ravi bhi Atul ko ghur raha tha.
Ravi:- (In his mind) Kitna padhta hai.
Ajay:- Kya bhai? Kaise?
Atul:- Sab ishq ki kamaal hai yaar...Raat ki neend udaa deti hai aur din ka chhain.
Anjali:- How romantic? Aur ek hai Ajay jisse romance ka R bhi pata nahi?
Ajay:- Accha ji...Abb ye bhi bata do ki 10 baje se pehle hi kaun soo jaata hai? Weekend me dating ke liye mana kaun karta hai? Aur bataau?
Anjali:- Are are...
Ajay:- No pangaa with true aashiq.
Anjali:- Tumhe to baad me dekhungi.
Ajay:- Lekin pyar se.
Ajay ki iss andaaj me Anjali sharmaa gayi.
Atul:- Abey bewkoof...Tujhe itna bhi nahi pata, "Open flirting is not allowed in college territory."
Ajay:- Aisi bakwaas rule to kahi nahi suna...Tu apni story continue kar.
Atul:- Hua ye ki ham dono yaani ki Mai aur meri Nishu...Puri raat...Subah ke 5 baje tak phone aur chatting karte rahe.
Atul ne muskuraate hue kaha.
Ye sunte hi Ravi ko alne dil me kuch chubhta sa mehsus hua.
Ajay:- Abey paagal hai kya...Subah ki 5 baje tak.
Atul:- Dil fir bhi nahi bhara...Dil to kar raha tha ki baatein karta hi jaau
Aur saala ye college time...Mood off kar diya.
Ajay:- 5 baje tak kaisi baatein?
Atul:- Ishq, Pyar aur mohobbat...Lekin tum jaise unromantic log ye baat nahi samajh paaoge.
Anjali:- Atul, how dare you?
Anjali ki iss gusse ki jhutha naatak par Atul muskura kar bola.
Atul:- Madam, ye baat mujhe nahi apna iss bewkoof aashiq ko samjhaaiye.
Ajay:- Abey mujhe kyu fasa raha hai?
Ajay bhi darne ki acting karte hue bola.
Atul:- Chalo Nisha...Chalte hai.
Ajay:- Ruk saath me hi jaayenge class.
Atul:- Tum log jaao.
Ajay:- Aur tu.
Atul:- Dating...17th dating.
Ajay:- Pyar hua 2 month bhi nahi hua...Aur janaab ka 17th dating.
Atul bas muskurata raha.
Ajay:- Aur class?
Atul:- Badi badi pyar me chhoti chhoti class ko bunk maarna padta hai.
Ajay:- Tu nahi sudhrega.
Atul:- Sudharna kisse hai? Mujhe to ishq ke rang me ranng jaana hai.
Fir Atul aur Nisha waha se jaane hi wala tha ki.
Ravi:- Atul Atul.
Atul:- Hmm.
Ravi:- Ek question tha.
Atul:- Bol?
Ravi:- Hepatitis topic ke baare me.
Fir Ravi question puchta hai aur Atul explain kar deta hai.
Ravi:- Itna kaise padh leta hai?
Atul:- Concept bro...Concept.
Ravi:- Sahi hai...Lekin kuch aur topic hai Liver ka jo mai detail me samajhna chaahta hu.
Atul:- Fir kabhi...Liver to apna hi organ hai...Abhi mai jaa raha hu...Kal shaam me library me aa jaana.
Atul mud kar jaane hi wala tha ki.
Ravi:- Ek aur baat.
Atul piche mudta hai.
Ravi:- (Hichkicha kar) Kya mujhse dosti karega?
Ek pal ke liye to Atul ko vishwas hi nahi hua...Fir Ravi ka face dekh kar jor jor se hasne lagta hai.
Atul:- Kisi kide (insect) ne to nahi kaat liya tujhe?
Ravi:- Nahi yaar...Socha bahut ho gaya...Chhoti chhoti baato par bhi kya ladna aur jhagadna...Saath rahe to padhaai se le kar har cheej me help ho jaayegi.
Atul ek baar fir Ravi ko gaur se dekhta hai...Wo serious hi dikh raha tha...Aur na jaane kyu Atul ko usme sachaai bhi dikha.
Atul aur Nisha abb waha se nikal jaate hai...Ajay aur Anjali ko dono ka pyar dekh bahut accha lag raha tha.
Wahi Ravi ko dil me dard mehsus hota hai...Aur naa chaahte hue bhi aankhein bharne lagti hai.
Ye kaha aaye hai hum?
Nisha utsaahit ho kar boli.
Atul:- Tumhaari natural beauty dekh dekh kar bore ho gaya to socha nature hi ghum le.
Nisha:- Bakwaas joke.
Atul:- Tum me aaj kal itna khoya hu ki sense of humor hi bhul gaya hu.
Nisha:- Ek aur bakwaas joke.
Atul:- Ye joke me kya rakha hai...Tum bas mera aur iss nature ka maja lo.
Fir Atul bhi chaaro taraf dekhne lagta hai.
Saamne ek chhoti si nadi thi...Nadi me ghutna bhar ki paani tha...Aur waha ka nakaara...Hare aur ghane jungle ki bich se gujarti wo nadi jab bhi kisi patthar par takraati to waha ka shaant vatavaran me gunj rahi aawaj dil aur dimaag me sukoon paida kar rahi thi.
Waha ka thandi hawaaein aur panchhiyo ka geet sangeet dil khush kar raha tha.
Nisha:- Wo sab to thik hai...Par ye bataao tum hamaarai chatting ki baatein sab ko cheekh cheekh kar kyu bata rahe thhe?
Atul:- Aakhir unhe bhi to pata chale hamaari pyar ki gehraai...Meri aahiqui, tumhari deewangi...Hume hamaara pyar ko ek mishaal banana hai...Abhi to bahut junoon, paagalpan baaki hai hamaare pyar me.
Nisha:- Jo akshar jyada bolte hai wohi saath chhod dete hai.
Atul:- (Nisha ki aankho me dekh kar) Agar mai saath chhodne wala hoa to tumhe mujh par vishwas nahi hota...Agar vishwas nahi hota to pyar nahi hota..Agar pyar nahi hota to mujhe itni cute and beautiful gf nahi milti.
Nisha kuch der Atul ko dekhti hai fir uski hontho me muskaan aa jaati hai.
Isse pehle wo kuch samajh paati...5 sec ke liye dono khud ko hawa me mehsus karte hai aur fir chamm ki aawaj.
Nisha:- Nahi...Nahi..Mujhe chhodo...Mujhe paani se dar lagta hai.
Nisha nadi se baahar nikalna chaahti thi.
Nisha:- Please haath chhodo.
Jawaab me Atul haath ko aur bhi kas ke pakad leta hai.
Atul:- Ye haath chhodne ke liye pakda nahi hai...Jindagi bhar saath nibhaane ke liye pakda hai.
Nisha:- Mujhe dar lag raha hai.
Atul:- Ham hai to kya dar hai.
Fir Atul Nisha ko pyar se dekhta hai.
Atul:- Bharosha hai na mujh par.
Nisha bas sir ko haa me hilaa deti hai.
Atul:- To fir chalo.
Nisha bhi Atul ki aankho me aankhein daale saath chal deti hai nadi ki beech me.
Fir Atul thoda dur jaata hai.
Nisha bas Atul ko hi dekh rahi thi ki paani ki kuch cheenta wo apne chehre pe mehsus karti hai.
Jab usse samajh me aata hai to jhuttha gusse se Atul ko dekhti hai...Atul uss par hansne lagta hai fir paani ki aur bhi bauchaar kar deta hai.
Fir hona kya tha Water War...Dono ek dusre par paani ki bauchaar karte hai...Dono hans rahe the, muskura rahe the aur iss pal ko jee rahe thhe.
Fir jab dono thak jaate hai to ek dusre ko dekh pyar bhari muskaan se ek dusre ko dekhne lagte hai.
Nisha achanak se paani ki bauchaar karne hi wali thi ki uska pair (leg) fisal jaata hai.
Nisha:- Ouch.
Atul hadbada kar Nisha ke paas jaata hai aur usse sambhalne lagta hai.
Atul:- Kya hua? Chhot to nahi laa.
Fir Atul Niaha ko sahi salaamat dekh usse apne baaho me bhar leta hai.
Kuch der aise hi ek dusre ke pyar ko mehsus karne ke baad dono ek dusre ko dekhte hai...Dono abb aankho se ek dusre ko pyar jataane lagte hai...Fir dhire dhire dono ka chehra ek dusre ke behad paas aa jaata hai.
Tabhi Nisha apna chehra ghuma leti hai aur muskuraane lagti hai.
Atul:- Please.
Nisha:- Nahi.
Atul:- Please.
Nisha:- Nahi...No means no.
Atul:- Ye to ham jaise aahiq ke liye naa insaafi hai.
Nisha:- No means no.
Nisha ko Atul ki haalat par hansi aa raha tha.
Atul:- 2 mahine hi gaye...Lekin ek baar bhi nahi.
Nisha:- Ye to pehle hi samajh lena chaahiye tha...Mujhse pyar kiya hai to mera nakhra bhi uthaana padega.
Atul:- Sab kuch uthaaunga...But ek kiss.
Nisha:- Abhi nahi.
Atul ki ummeed abb kuch badhne lagi.
Atul:- Lekin kab?
Nisha:- Abhi nahi...Fir kabhi.
Atul ne bas itna hi suna tha ki wo Nisha ko apne baaho me bhar kar pura ek chakkar ghumaata hai.
Ha..Aur puri karo iski jidd...Abhi se chocolate, ice cream, biscuits aur na jaane kya kya...Ghar ka khaana to dekhta bhi nahi.
Khaane do na yaar...Baccha hi to hai...Abhi nahi khayega to kab khayega.
Yahi keh keh kar iski daant kharaab karwa doge.
Fikar kyu karti ho? Jab iska Baap aur Maa dono hi doctor hai...Dekh lenge dono mil kar.
Accha ye sab chhodo...Kal hamaare bete ka birthday hai...Pehli baar bolna sikha hai...Iska ye birthday dhoom dhaam se manayenge...Tumne sabhi dost aur relatives ko contact to kar liya hai na?
Ha sabhi ko bula liya hai lekin Atul ko chhod kar.
Naam mat lo uss kamine ka...Abb wo mera dost nahi.
Achanak se Ajay ke chehre me gussa ki bhaaw aa gaya.
5 saal...5 saal ho gaye hai...Ek baar bhi usne mujhe yaad kiya? Nahi na...To fir mai kyu yaar karu...Uss kamine ko bhul jaana chaahta hu.
Ajay gusse me bolta hi jaa raha tha.
Kya yaar? Itna hi kamjor dosti tha hamaara...Jo ek jhatke se toot gayi.
Jaise hi ye aawaj Ajay aur Anjali ne suna...Dono ekdum se picche mud gaye.
Aur apne saamne Atul ko dekh hairaani me ek dusre ki shakal dekhne lage.
Atul ke chehre me muskaan tha...Khushi ka muskaan...Apne bicchde hue dosto se milne ka khushi.
Atul...Tu yaha...Kab Kaise?
Ajay ko yakin hi nahi ho raha tha...Wo daudte hue Atul ke paas gaya...Aur usko kaske gale laga liya.
Atul:- Abb kaha gaya tera naarajgi?
Ajay:- Tujhse kab tak naraaj reh sakta hu yaar...Bas shikayat tha...Tu mujhe apna dost kehta tha...Kya mai iss laayak bhi nahi tha ki 5 saalo me ek baar bhi tu milne nahi aaya...Milna to dur ki baat hai ek phone bhi nahi kiya.
Itni jaldi mujhe bhul gaya.
Atul:- Bhul to mai khud ko gaya tha...5 saal sirf tanhaayi me bitaa diya...Yaadon ke sahaare khayalon ki duniya me...Naa hi jeene ki khwahish aur naa hi maut ki parwaah...Bas jee raha tha kisi tarah.
Yaha tak ki mai khud ko hi bhul gaya tha...Tujhe kaise yaad karta...Aur jab thoda bahut jeene laga hu aur waapas hosh me aane laga hu to dekh aaj yaha iss haalat me hu.
Ajay:- Itna pyar? Aakhir kab tak?
Atul:- (Ajay aur Anjali ko dekh kar) Tum dono ek saath kyu ho?
Ajay:- Pyar karte hai.
Itna keh kar Ajay chup ho gaya...Atul ka sawal wo samajh gaya.
Atul:- Mai bhi to pyar karta hu.
Ajay:- Lekin kyu...Abb to tum dono saath nahi ho...Nisha ki shadi ho gayi...Tujhe bhi aage badh jaana chahiye.
Atul:- Pyar kiya hai yaar...Koi majaak nahi...Kya mera pyar Nisha ki shaadi tak hi tha...Sacche dil se pyar kiya tha...Aur jab se pyar kiya hai tab se hi mai Nisha ka ho gaya tha hamesha hamesha ke liye.
Bhale hi kismat ne ham dono ko alag kar diya lekin aaj bhi mere dil se Nisha ko nikal nahi paaya hai...Pyar karne se rok nahi paaya.
Ajay:- Aakhir kab tak issi dard me jeeta rahega?
Muskuraate hue Atul ne kaha.
Atul:- Pyar kamjor dil waalo ke liye nahi hai...Jo ye soch kar pyar karte hai ki uska pyar ka future hai ya nahi.
Pyar hua pyar kiya...Har haal me pyar ke saath chala pyar ko nibhaya...Aur har paal jeeya...Aur jab vakt aaya to apne hi pyar ke liye usse alag bhi ho gaya.
Kisi ne sahi kaha tha Pyar ka maltab har baar paana nahi hota.
Aur wo jindagi bhi kya jindagi jisme dard naa ho...Abb to aadat si ho gayi hai dard me jeene ki.
Ajay:- Kab tak?
Ajay bhi Atul ki haalat dekh tadap utha.
Atul:- Ek din. Uss ek din ka hi intejaar kar raha hu.
Atul ne vishwash se bhare aawaj me to kaha lekin wo khud bhi jaanta tha ki ye ek jhutha dilaasa ke alawa kuch nahi.
Ajay bas Atul ko hi dekhe jaa raha tha...Bilkul bhi nahi badla tha uska dost...Jitna toota hua wo picchle 5 saal se tha utna hi aaj hai...Munh se bol to kuch aur hi bol raha tha lekin aankhein...Aankhein to kabhi jhuth nahi bolti.
Anjali to Atul ko iss haalat me dekh bhi nahi paa rahi thi...Atul aur Nisha ki judaai ke wo lamhe...Sochte hi rooh kaamp rahi thi...Bas ek dard bhari najro se wo Atul ko dekh rahi thi.
Atul ko dekh Ajay ek baar fir puraani yaadon me kho gaya.
Ajay:- Are sambhal khud ko...Kya kar raha hai?
Atul:- Kisko sambhalu? Aur kyu?
Ajay:- Mar jaayega...Itna piyega to?
Atul:- Mar jaane de yaar...Kuch nahi rakha iss jindagi me...Iss taklif se raahat to mil jaayegi.
Ajay kuch nahi bola...Bas Atul ko hi dekhe jaa raha tha.
Atul:- Jaa raha hu mai yaha se?
Ajay:- Kaha?
Atul:- Bahut dur...Nafrat si hone lagi hai mujhe iss jahah se...Kahi dur chala jaana chaahta hu...Jaha shayad do pal ki chhain mile.
Ajay:- Jaldbaazi kar raha hai...Chal ek baar fir Nisha ki ghar chalte hai...Ek baar fir manayenge.
Atul:- Tujhe kya lagta hai...Maine koshish nahi kiya...Abb to aakhiri ummeed bhi toot gayi hai...Nisha bhi shaadi ke liye taoyaar ho gayi.
Kisse...Ravi se.
Uss Saala ne kaha tha ek din wo mere saamne se Nisha ko le jaayega...Aur aaj ho bhi raha hai.
Haar gaya hu mai...Sab se...Apno se...Apne pyar se...Aur uss Ravi se bhi...Ek pal bhi abb yaha reh nahi sakta...Ghutan se hone lagi hai.
Atul ne do ghoont pee kar bola.
Atul:- Sun ek baat dhyan se...Mai kal hi yaha se jaa raha hu...Dosti ke haq se kehta hu mujhe kuch din akela chhod de...Kabhi milne ki koshish mat karna...Phone bhi mat kar...Aur ye bhi pata lagane ki koshish mat karna ki mai kaha hu.
Kuch din akela rehna chaahta hu...Aur tera dosti par bharosha bhi hai...Jis din sab kuch thik hoga uss din mai khud hi tujh se milunga.
Ajay:- Mai aisa nahi karunga.
Atul:- Dost hai tu mera...Tera dosti par vishwash hai...Mere bharosha ko kabhi tootne mat dena.
Itna keh kar Atul waha se chala gaya...Aankho me aansu aur hontho pe bottle...Ajay se ye sab dekha nahi jaa raha tha...Atul ke saath saath wo bhi toot gaya tha.
Wo aur Anjali saath thhe to Atul ki vajah se...Dono ke ghar walo se baat kar ke manane me kaamyaab hua tha Atul...Lekin wo...Wo chaah kar bhi kuch nahi kar paa raha tha...Aaj pehli baar wo apne dosti ko itna bebas dekh raha tha.
Atul ko rote hue jaate dekhne ke alawa wo kuch kar nahi paa raha tha.
Aur aaj bhi wohi haal tha...Sirf aur sirf Atul ko majbur hi dekh sakta tha.
Ajay:- Aur bata kaha hai aaj kal, kya kar raha hai? MBBS tak hi ya fir aage bhi badha?
Ajay darte hue Atul ki jawaab ka intejaar karne laga...Usse dar tha ki kahi Atul ye naa keh de ki Ishq me Devdas ban kar wo puri duniya se alag apni hi duniya me jee raha hai...Daru aur nasha ki duniya.
Atul:- MD in General Practice kiya hai.
Ajay:- MD wtf? Tujhe to surgeon banna tha na...Hamesha se Surgeon banna chaahta tha...Fir achanak se MD.
Atul:- Haalaath kab kya karne par majbur kar de ye koi nahi jaanta.
Haalaath to aise thhe ki padhna to dur apna kaam bhi acche se kar nahi paa raha tha...Har vakt udaasi, tanhaaiyan aur wo dard ishq me bicchadne ki...Bataa nahi sakta yaar.
Fir meri life me aayi Shreya...Yaa fir ye samajh le ki jindagi ki ek mod me Shreya mili...Jisne mujhe aage badhne ki himmat di...Ek bhatke hue mushafir ko manjil ki raasta dikhaya.
Ye ehsas dilaya ki aakhir mai kaun hu, mera kartavya (duty) kya hai...Shreya aur baaki gaanw walo se jo apna pan mila, pyar mila, ijjat mila...Issi vajah se jindagi me thoda bahut aage badh paaya.
Ishq ka jakhm to dil me tha hi aur abhi bhi hai lekin wo pyar wo apna pan ek marham ki tarah tha...Jo uss jakhm ko bhar to nahi saka par kuch raahat to jarur di.
Ye pyar, ye apna pan hi to tha jisne ek junoon dil me paida ki...Inn sabhi log ki karj ko chukaane ki.
Sirf MBBS kaafi nahi tha...Socha MD bhi karna padega...Aur knowledge hogi...Aur acche se ilaaj karunga.
Uske baad din me ek doctor aur raat me ek student...Jiska makshad tha aur bhi accha doctor banna aur sabhi jarurat mand ka ilaaj karna...Raat bhar mehnat karta tha.
Kayi baar to lagta tha abb mujhse nahi hoga...Aur padh nahi sakta...Yaa fir abb padhne ki himmat hi nahi hai.
Lekin Nisha ki wo yaadein...Jo mujhe hamesha aage badhte dekhna chaahti thi...Bicchadte vakt bhi rote hu boli thi, "Atul tum aage badhte rehna, mujhe khushi hogi...Dekh to nahi paaungi lekin kahi se sun saku yahi khwahish hai...Tumhari khushiyan, safalta hi meri sapna aur khwahish hai...Please meri yeh khwahish jarur pura karna."
Nisha ki yahi baatein, wo aanshu mujhe har vakt har pal majbur karta raha.
Shreya...Uski motivation uska hausla...Yahi sab kuch tha jisne mujhe aage badhne ka raasta dikhaya.
Surgeon banna ek sapna tha lekin Physician ban kar ek alag hi satisfaction mila...Surgeon banta to shayad 10 ya 15 jindagi bacha paata...Lekin physician ban kar bahut logo ki jindagi bachane ke saath saath jindagi jeene ke tarika me sudhaar laane me safal raha.
Meri jindagi kisi ke liye kaam to aaya bas yahi sukoon baaki hai...Bas yahi sukoon aur Nisha ki saath bitaaye haseen yaadein...Issi vajah se hi to abhi tak jee raha hu.
Ajay aur Anjali puri dhyan se Atul ki ek ek baatein sun rahe the.
Ajay:- Ye Shreya kaun hai? Kahi tu...
Atul:- Nahi nahi...Aisa kabhi soch bhi nahi sakta...Pyar to sirf Nisha se hi karta tha aur karta rahunga.
Ha Shreya ke liye dil me alag hi jagah hai...Bahut izzat karta hu uska...Ek saccha dost hai wo jisne mujhe jindagi ke sabse mushkil vakt me jeena sikhaya...Aage barhne ki himmat diya...Ek anjaan ke liye usne itna kuch kiya.
She is really great yaar...Bahut respect karta hu usko aur hamaara friendship ko.
Atul ki baat se Ajay ko yakin ho gaya ki Atul Nisha se aage kabhi kisi ke baare me soch nahi sakta yaa fir sochna hi nahi chaahta.
Kuch der sabhi chup rahe...Kabhi kabhi ek dusre ko dekh lete lekin kya bole kisi ko kuch samajh me nahi aa raha tha.
Atul ko dekh dono yahi soch rahe the ki "Aakhir kaisa insaan hai Atul...Itna sab kuch ho jaane ke baad bhi kaise apne jindagi ko kisi ki sewa me bita sakta hai...Naa hi koi swaarth aur naa hi koi apni khwahishein...Bas apna gyan aur shakti jaruratmando ki bhalayi me istemaal kar raha tha."
"To kabhi uski kismat par rona aata...Kaise kismat itna nirdayi ho sakta hai...Ek insaan se uski saari khushiyan, chehre ka raunak, dil se dhadkan aur jeene ki vajah chheen sakta hai...Kaise ek insaan ko jindaa laadh bana sakta hai."
Atul:- Nisha ke baare me kuch jaante ho?
Ajay:- Nahi.
Atul:- Anjali tum bhi nahi?
Ek dard bhari aawaj me Atul ne pucha.
Anjali:- Nahi...Jaise tum ne hamse contact tod diya usne bhi hamse contact tod liya...Kitna samjhane ki koshish ki...Lekin wo nahi maani...Bahut jiddi hai...Kasam bhi de diya ki ham dono uski jindagi me loi dakhal andaaji naa kare.
Samajh sakti hu dil toota hai...Kya beet rahi hogi uss par lekin iss tarah se dosti tod lena...Bahut khudgarz ho gayi hai wo.
Anjali ki baatein sun Atul muskuraane laga.
Atul:- Khudgarzi...Haa sahi hai...Aise me insaan apni gham aur tanhaaiyon bhulaane ke liye puri duniya se rishta tod leta hai...Mujhe hi dekh lo.
Kuch sochte hue Atul aur bhi muskuraane laga.
Jiddi...Bahut jiddi hai...Jidd me wo meri ek nahi sunti tumhari baat kya maanegi.
Khair jaha bhi rahe khush rahe...Yahi dua karte aaya hu aur karta rahunga.
Ek baar fir sab khamoshi me ek dusre ko dekhne lage.
Atul:- Accha chalta hu...Tum dono se milne aaya tha...Dono ko saath dekh bahut khushi hui.
Hamesha aise hi khush raho ek dusre ke saath...Jindagi me chhoti chhoti ladaiyan to hoti rehti hai...Pyar se sambhal lena...Judaai ka dard bata nahi sakta...Bas mehsus kiya hai...Kabhi aisi haalaath aane bhi mat dena.
Atul fir apni jagah se utth gaya.
Ajay:- Aate rehna yaar.
Atul:- Ohh shit...Tum dono ka beta ka naam kya hai?
Anjali:- Raj.
Atul:- Aaunga...Aur agli baar jab aaunga Raj ke liye 2 taklet aur 3 aait cleam jarur laaunga.
Atul ne muskuraate hue Raj ki taraf dekh kar kaha.
Raj khushi me uchalne laga.
Jaate vakt Atul Raj ke sir par pyar se haath ferta hai.
Atul:- Chehra Anjali par gaya hai aur aadat Ajay par.
Fir Atul waha se jaane laga.
Ajay aur Anjali bhi gate tak aaye drop karne ke liye...Aur kas kar ek dusre ka haath pakad liya...Ek dusre se man hi man kabhi ek dusre se alag naa hone ki baat keh rahe thhe.
Raaste me chalte hue Atul bahut khush najar aa raha tha...Khush hota bhi kyu naa...Aakhir uske dono dost khush thhe ek dusre ke saath.
Bhale hi khushi se Atul ka abb dur dur tak koi rishta nahi tha...Lekin dusro ki khushiyon me khush hona wo sikh gaya tha.
Aur issi khushi me wo apne ghar pahunch gaya...Jaha ghar ke andar jaate hu uski khushi excitement me badal gayi.
Hairaani ke saath wo bola"Shreya."
Sorry for delay friends...Aaj 12:00 am me hi update post karne wala tha as birthday gift...But dosto ke bich busy ho gaya aur abb update post kar raha hu.
Shreya:- Bas kuch der pehle...Lekin aap ko kya matlab Dr. Sahab...Aapko to kaam se fursat mile tab na.
Atul:- Are aisa kuch nahi hai.
Fir Atul Shreya ko sabse milaane lagta hai.
Pehle hi uske najar apne Papa aur Bhai par padta hai...Bura sa shakal bana kar wo apna chehra ghuma leta hai.
Atul:- Shreya...Ye hai meri Maa aur meri Di.
(To Mom and Sister) Ye hai Shreya...Meri dost...Sabse acchi aur sacchi dost...Aaj jo kuch bui hu bas issi ki vajah se hu.
Jab apne hi apno ko barbaad kar de to bahut kam hi aise log hote hai jo paraya ho kar bhi apno ke jaise saath nibhaate hai.
Atul ki iss baat se kuch der ke liye maahaul pura shaant ho jaata hai...Uska bhai sir jhukaaye khada tha to Papa muskura rahe thhe...Apne haalaath par...Lekin iss muskaan ke picche ki dard shayad hi koi samajh sakta tha.
Nidhi:- Jaanti hu...Maine hi bulaya hai.
Atul:- Aapne? Lekin kaise?
Nidhi:- Tu to apna alag hi duniya me jeeta hai...Kisi se kya lena dena tujhe?
Ye yaha issi sheher me aayi thi aur subah se phone kar rahi thi...Tu phone ghar me hi chhod kar pata nahi kaha gaayab ho gaya tha.
Baat kiya to pata chala teri dost hai...Yahi bula liya.
Atul:- Sahi kiya...Sorry Shreya...Kahi baahar gaya tha.
Shreya:- Abb ye sorry bich me kaha se aa gaya...Mana kiya hai naa kabhi bhi sorry bolne se...Itna to jaanti hu ki Dr. Saahab aap kitna busy insaan hai.
Atul:- Tum jab tak Dr. Saahab bolti rahogi utna hi sorry bolta rahunga...Maine bhi to tumse kitni baar kaha hai ki mujhe sirf Atul hi kaho.
Aur rahi baat busy ki to...Chaahe kitna bui busy rahu apno ke liye vakt nikaal hi leta hu.
Nidhi:- Ha ha sab pata hai...Kitna vakt nikalta hai...5 saal se bula rahi hu...Aur abb aaya hai...Ye dekhne ke liye ki teri Di jindaa bhi hai yaa.
Di aur bui kuch bolta usse pehle hi Atul ne Di ka munh band kar diya.
Atul:- Nahi...Aisa aage kabhi sochna bhi mat.
Atul achanak se gussa ho gaya...Chehre me dar aur gussa ka mila jula bhaaw tha...Dhire dhire aankho se aansu behne lage.
Atul:- Please Di aisa kabhi sochiye bhi mat...Abb mera aap sab ke alawa hai hi kaun...Aap sabhi ke liye hi to jeena chaahta hu aur aap sabhi ki khushi me hi to apna khushi dhundhta hu.
Abb aap hi aisi bolengi to mera kya hoga?
Jaanta hu bahut der kar diya yaha aane me...Lekin aap to jaanti hai na mai kaise haalaath se gujar raha hu.
Nidhi:- Mai to majaak kar rahi thi.
Atul:- Mujhe aisa majaak pasand nahi.
Atul gusse me bol kar dusri taraf mud gaya.
Kuch der aise hi khaamoshi chaayi rahi...Kisi ko kuch samajh me nahi aa raha tha ki kya bole.
Atul:- Maa ye kya? Jab aap ka beta aaya tha tab to bahut khatirdaari kiya tha aapne...Lekin beta ki dost...Uska bhi to khaatirdaari kijiye?
Shreya tum bhi jaa kar fresh ho jaao.
A. Mom:- Ohh...Bhul hi gayi thi.
Atul ki Maa Shreya ko apne saarh le jaati hai aur Atul bhi waha se jaane hi wala tha ki wo kuch mehsus karta hai.
Achanak hi wo Preeti ki taraf dekhta hai jo Shreya ko ghur rahi thi.
Atul gusse se Preeti ki taraf delhta hai...Atul ka ye gussa dekh Preeti bhi dar jaati hai...Ek baar bhi aankhein utha kar Atul ko dekhne ki himmat nahi kar paa rahi thi.
Atul:- Wo meri dost hai...Sirf dost...Kuch buddhi jiwi hai jo baato ki tarah tarah ka matlab banane ka expert hai.
Itna keh kar Atul apne room me chala jaata hai.
Gaurav:- (To Preeti) Aise hazaaro ladkiya hongi jisse Atul tumse apna accha dost maanta hoga...Nisha se competition kar rahi thi na tum...Nisha gayi Shreya aayi hai...Shreya jaayegi to koi aur aayega...Aur tum sirf competition karte reh jaawogi.
Ye competition se kuch nahi hone wala...Pyar kiya tha to tumhe Atul ke dil me apne liye Atul ke dil me alag pehchaan banana chaahiye tha...Lekin tum to...Khair chhodo.
Abhi bhi acche se samjha raha hu...Atul ko bhul jaao aur jindagi me imaandaari se aage badho.
Preeti:- Salaah bhi kaun de raha hai...
Preeti ye keh kar hasne lagti hai...Jawaab me Gaurav bhi hans kar kehta hai.
Gaurav:- Jindagi bahut accha sabak sikhaata hai...Maine bhi sikh liya...Tum me apna hi roop dekhta hu...Mujhe samjhaane wala koi nahi tha.
Tum bhi andhakaar ki raasta me mat chalo...Yahi kehna chaahta tha.
Baaki tumhaari marji...Jab sapno ki duniya se hakikat me aao to ye mat kehna ki aakhir ye sab tumhaare saath kyu ho raha hai? Tumhaare paas abhi puri jindagi baaki hai?Ek mauka nayi tarike se nayi jindagi ki shuruwat karne ki...Baaki tumhaari marji.
Shreya:- Ye sab kya tha Atul? Koi apne ghar walo ko itna kehta hai? Wo bhi ek anjaan ladki ke saamne?
Atul:- Accha...Ye jyada ho gaya...Wo log itna bhi sun nahi sakte.
Do baatein unko itna chhubhta hai to socho 5 saal...5 saal har ek pal mujhe kitna chubha hoga...Sirf mai hi jaanta hu kaise maine khud ko sambhala hai.
Atul gusse me chilla kar bola...Fir jaise hi ehsas hua.
Atul:- Sorry sorry...Wo Papa aur Bhai ka gussa tum par nikal gaya.
Shreya:- Aakhir wo tumhaare Papa aur Bhai hai?
Atul:- Kaisa Papa aur kaisa bhai? Sab ke sab matlabi hai.
Fir achanak se Atul ki aankho me aansu aane lage.
Atul:- Tumhe lagta hai maine unko ek anjaan ladki ke saamne itna sunaya ye galat hai.
Lekin uska kya.
Mera Engagement tha uss din...Engagement kaho yaa fir ek saajish.
Uss din sabhi mehmaano ke bich mera pyar aur Nisha ka itna majaak banaya dono ne ki kya bataau...Wo bhi mera gair maujudgi me...Khoon to itna khaula tha ki kya bataau kaise sambhala tha khud ko? Wo to Maa aur Di ki vajah se chup ho gaya warna pata nahi kya kar baith ta?
Tum sochti ho ki mai galat kar raha hu...Lekin unn dono ko kya kahogi...Jiski vajah se mere jindagi ke 5 saal andhera me doob gaya aur abhi bhi andhera me hi hai...5 saal maine tanhaayi me gujaar diya...5 saal tak khoon khaulta raha aur mai kuch kar bhi nahi paaya.
Sirf mai hi nahi unhone jo bhi kiya usse Nisha ko bhi sehna pad raha hai...Unki ek galti...Aur sajaa 2 parivaar ko.
Kya kehna chaahogi tum? Mujhe sab kuch chup chaap sun lena chaahiye...Aise hi chup baithna chaahiye...Kya mai aankho me patti baandh kar inko abhi bhi inka marji karne du?
Nahi ye ho nahi sakta...Pata nahi mai kaise apne gussa ko rok raha hu...Agar gusse ka baandh toot gaya to pata nahi kya kar baithunga?
Shreya bas Atul ko hi dekh rahi thi...Kabhi uske dard ko to kabhi uske gusse ko.
Atul ke bhai aur Papa ko dekh kar aur thoda bahut jaanne ke baad wo itna to samajh gayi thi ki sirf wo hi dono iss khel me shaamil nahi hai...Koi to aur bhi hai jisne khel ka shuruwaat kiya hai aur anjaam bhi diya hai.
Agar Atul ko uske baare me pata chala to? Jab wo apne Baap aur Bhai ko maaf nahi kar paaya to uska kya haal hoga? Aur Atul ka ye khatarnaak gussa?
Ye to pehle sochna chahiye thaa na...Tumne ek kaha tha...Ek hi milega.
Itna bhi kya nakhra dikhaa rahi ho...Please.
Accha...Nakhra dikha rahi hu...Wo to dikhaaungi...Pyar karne se pehle sochna chahiye tha na.
Pyar koi soch samajh kar karta hai? Ye to ho jaata hai...Agar sochne samajhne lagta to shayad hi mau tumse pyar karta...Aur tum paagalo ki tarah mere piche padi rehti.
Acha...Mai tumhaare piccche paagal thi yaa tum mere piche?
(Kuch der sochne ke baad) Ham dono...Please yaar Nishu...Bahut man kar raha hai...Please one more kiss.
Nisha:- Noo..
Atul:- Pleaseee.
Fir kuch der aur tadpaane ke baad Nisha haa me ishara kar deti hai.
Atul:- Yes yes.
Fir dono premi jodi ek dusre ke hontho me kho jaate hai puri duniya ko bhula kar chaandni raat me chaand ki roshni me.
Khuli aasman ke niche ghar se kaafi dur sunsaan jagah me aise chhup chhup kar dono apni jindagi ko pure maje se jee rahe the.
Nisha:- Bas bas...Saans to lene do.
Tej saansein leti hui Nisha boli.
Atul:- Lo...Jitni saans lena hai..Lo.
Lekin ye mat bhulna ki tumhari har saans aur had dhadkan me mai hu.
Atul ki iss baat par Nisha muskurati hai.
Nisha:- Bad joke.
Atul kuch nahi bolta...Bas Nisha ko hi dekhe jaa raha tha.
Nisha:- Aise kya dekh rahe ho?
Thoda sharmate hue Nisha boli.
Atul:- Aaj tum bahut khubsurat lag rahi ho.
Nisha:- Jhutha.
Atul:- No my birthday girl...Aaj sach me tum bahut khubsurat lag rahi ho.
Nisha:- (Thoda sharmaate hue) Ye to tum roj kehte ho.
Atul:- Kyu ki tum aur bhi jyada khubsurat hoti jaa rahi ho.
Nisha:- Tumhe kaise pata?
Atul:- Bas dil ne kaha.
Nisha:- Aur kya kya kehta hai tumhara dil?
Atul:- Bahut kuch...Jindagi bhar mujhe meri Nishu ko pyar karna hai, uska khayal rakhna hai, usko duniya bhar ki khushiyan dena hai...Itna pyar ki aaj tak kisi ne kisi se bhi nahi kiya ho.
Jindagi bhar ek dusre ke saath rehna hai...Saath dena hai...Jindagi bhar ke liye.
Aur aur aur...Yahi muskaan (Nisha ki smile ko dekh kar) hamesha apne Nishu ki face me dekhna hai.
Nisha se abb raha nahi gaya...Wo achanak se Atul ke gale lag gayi.
Nisha:- Itna pyar?
Atul:- Bahut jyada...Ye to kuch bhi nahi hai...Shabdo me bata nahi sakta kitna pyar karta hu tumse.
Fir Atul bhi Nisha ko apne baaho me bhar leta hai.
Kuch der aise hi ek dusre ke pyar ko mehsus karne ke baad...
Atul:- Are mai to bhul gaya...Chalo dinner karte hai.
Fir Atul dono ke liye dinner ready karta hai.
Atul:- Tumhare pyar ne mujhe cook bhi bana diya.
Nisha:- Abhi to aur bhi bahut kuch karna baaki hai mere liye.
Atul:- Kuch nahi karunga...Ye to birthday tha tumhara isi liye.
Nisha Atul ko gusse se ghurti hai to Atul bhi darne ki acting karta hai.
Ek chammach khaate hi.
Nisha:- Not bad.
Atul:- Ye kya yaar...Itni mehnat se banaya hai...Raat bhat youtube dekh kar...Aur tum ho ki.
Atul ki iss baat par Nisha ko hansi aa gayi.
Nisha:- (Hanste hue) Aree...Mai to majaak kar rahi hu...Sach me bahut tasty hai.
Nisha ki iss baat par Atul bahut khush ho jaata hai.
Fir dono khaane lagte hai...Dono ka najar khaane se jyada ek dusre ki aankho me tha.
Nisha:- Thanks a lot Atul...Thanks for making my birthday so special.
Atul:- You are most welcome.
Fir Atul apni hi yaado me kho jaata hai.
Raat ke 12:00 am me Nisha ko sabse pehle wish karna...1 ghante tak phone me hi pyar bhari baatein karna...Subah dosto ke saath college me birthday celebrate karne ke baad last ke kuch lecture bunk karke itna intejaam karna...Dinner aur Music.
Dinner khatm karne ke baad Atul ek gaana baja deta hai aur dono ek dusre me kho kar naachne lagte hai.
Dil ka dariya beh hi gaya Ishq ibadat ban hi gaya Khud ko mujhe tu sonp de Meri zaroorat tu ban gaya
Baat dil ki nazron ne ki Sach keh raha teri kasam Tere bin ab na lenge ik bhi dam Tujhe kitna chahne lage hum
Tere bin ab na lenge ik bhi dam Tujhe kitna chahne lage hum Tere saath ho jayenge khatam Tujhe kitna chahne lage hum
Baat dil ki nazron ne ki Sach keh raha teri kasam Tere bin ab na lenge ik bhi dam Tujhe kitna chahne lage hum
Tere saath ho jayenge khatam Tujhe kitna chahne lage hum Tujhe kitna chahne lage hum
Iss jagah aa gayi chahatein ab meri Chheen loonga tumhe saari duniya se hi Tere ishq pe haan haq mera hi toh hai Keh diya hai ye maine mere Rabb se bhi
Jis raaste tu na mile Us pe na ho mere kadam
Tere bin ab na lenge ik bhi dam Tujhe kitna chahne lage hum Tere saath ho jayenge khatam Tujhe kitna chahne lage hum Tujhe kitna chahne lage hum
O...
Tujhe kitna chahne lage hum...
[Song Credit:- Kabir Singh Movie Soundtrack]
Nisha:- Atul
Atul:- Hmm
Nisha:- Abb ham fir kab milenge...Aise hi sabse dur...Sirf ek dusre ke saath.
Atul:- Jab tum chaho...Waise bhi ham to roj hi date par jaate hai.
Library...Abb ye study ki jagah romantic spot ban chuka hai...Haatho me book lekin aankhein, dil aur dimaag sirf ek dusre par.
Lecture ke vakt bhi padhaai kam ishq jyada.
College ke baad...Ek aur romantic spot...Hamaara chhat...Jaha ghanto tak ek dusre ke saath baatein karte hai.
Aur fir sote vakt hamaara mobile...Good night...Good morning wish karne ke liye.
Har vakt to ham dono ek dusre ke paas hi hote hai.
Nisha:- Wo to hai...Fir bhi aise baahar ghumna firna.
Atul:- Jab tum chaho...Mai to har vakt taiyar hu.
Nisha:- (Kuch sochte hue) Hamaari study par koi effect nahi padega?
Atul:- Aaj tak pada hai kya? Knowledge aur result bhi accha hi hai...Jyada padhna jaruri nahi...Jaruri ye hai ki kya padh rahe hai aur kaise padh rahe hai.
Pehle ek hi baat ko 10 baar padhte the...Abb 1 baar...Lekin padh rahe hai aur samajh bhi rahe hai.
Padhaai apni jagah aur pyar apni jagah...Dono ko saath le kar chalenge...Jab ek dusre ke saath vakt bitaayenge tab sirf pyar...Aur jab parhte hai uss vakt sirf padhaai.
Jis din aisa lage ki hamaara padhaai me asar pad raha hai tab iss baat ko sochenge.
Abhi to saath vakt bitaayenge, saath padhenge aur bahut saari mastiya karenge.
Nisha bhi Atul ki baat se sehmat ho gayi.
Achanak hi Atul ki dimaag me ek baat aaya.
Atul:- Nisha...I think we should break up?
Nisha:- What?
Atul:- Sahi to suna tum ne!!! Break up.
Nisha samajh nahi paa rahi thi ki Atul ko aakhir ho kya gaya hai.
Atul:- Suna hai junior batch me bahut hi khubsurat ladkiya hai...Tumse break up karne ke baad hi to unn par line maar sakta hu.
Lekin Atul ki aankh aur uski hansi uska jhuth chhupa na saka.
Nisha:- Accha...To ye suna hai tumne...Fir Nisha Atul ki kaan (ear) khinchne lagti hai.
Atul:- Ouch...Kya kar rahi ho...Dard ho raha hai.
Nisha:- Tumhara kaan khinch kar nikaalnhi deti hu...Naa rahegi kaan aur naa sun paaoge tum bakwas
Atul:- Sorry sorry...Mai to majaak kar raha hu.
Nisha:- Lekin mai majaak nahi kar rahi hu.
Nisha abhi bhi gusse me thi.
Atul:- Sorry...Please.
Atul aise hi Nisha ko manaata raha aur fir Nisha kuch der baad pighal hi gayi.
Kaan chhodne ke baad Nisha Atul se munh fer kar gusse se dusri taraf dekhne lagti hai.
Atul:- Mai to tumhaare gussa ka deewana hu...Gusse me jab tum mujh par apna haq jatati ho to bahut accha lagta hai.
Nisha:- Tumhe ye majaak lag raha hai...Kitni baar kaha hai hamaare pyar par koi majaak mat karo...Wo bhi aisi.
Atul ko samajhne me der nahi laga ki Nisha ko uski ye baat kitna bura laga hai.
Wo Nisha ko apne baaho me bhar leta hai aur uski peeth par apna haath ferne lagta hai pyar se.
Atul:- Sorry Nishu...Abb se aisa majaak nahi karunga. .
.
.
.
.
.
.
.
.
. Dr. Sahab aap kahi kho gaye hai?
Shreya ki aawaj sunte hi Atul hosh me aaya.
Atul:- Kya din thhe wo...Aur aaj kya din hai.
Afsos bhari aawaj me Atul ne ye baat kaha.
Saamne dekha to shaam ho gayi thi...Yaadon me khone ke baad vakt ka pata hi nahi chala.
Atul:- Abb hame waapas laut chalna chaahiye.
Shreya bhi Atul ke saath chalne lagti hai.
Shreya:- Atul tumhara pyar ka koi jawaab nahi? Itna pyar koi kisi se kaise karta hai?
Kya kabhi iss pyar me koi jhagada kabhi hua ya nahi?
Atul:- Ha hua tha ek baar...Pyar me kab gussa aur musunderstanding ho gaya pata hi nahi chala.
(In his mind) Misunderstanding.
Ye sochte vakt Atul ke dimaag me ek chehra chhap gaya...Preeti...Aur fir chehre me achanak se gusse ke bhaaw aa gaye.
After reaching home
Ghar pahunchne ke baad fresh ho kar Atul niche hall me aaya...Shreya pehle hi ek sofa me baithi thi...Atul bhi uske paas aa kar baith gaya.
Dono kuch baatein karte isse pehle ghar ke main gate par kisi ne knock kiya.
Nidhi jaa kar gate kholti hai tabhi saamne khade shakhs ko dekh kar sabhi hairaan ho jaate hai.
Nisha ke Papa.
Jab wo andar aate hai tabhi Aarav bhi aa kar Atul ke paas baith jaata hai.
Nisha ke Papa ghar ke andar aate hi 3 shakhs ko dekhte hai...Atul, Shreya aur Aarav.
Aur issi najar ne unko kai saare sawaal ka jawaab de diya.
Nisha ki Papa ko saamne dekh Atul ek dum se chaunk gaya...Wo apni jagah se utth gaya aur Nisha ki Papa ko ghurne laga...Ek baar to usko vishwash hi nahi hua.
Lekin jab aas paas dekha to yakin karne par majbur ho gaya...Atul ke sabhi ghar wale chaunk kar Nisha ki Papa ko hi dekh rahe the.
A. Dad:- Aap yaha? Aaiye na...Baithiye.
Atul ki Papa khud gate tak jaa kar unko apne saath le kar aaye.
Atul ki Papa ki iss harkat sabhi ko ek baar fir se chaunkaane ke liye kaafi tha...Aaj tak dono ek dusre ko dekhna tak pasand nahi karte the lekin abhi jo hua usse dekh koi bhi vishwash nahi kar paa raha tha.
Atul bhi shaant sab kuch dekh raha tha...Shreya Atul ko dekh rahi thi aur jo raha tha usse samajhne ki koshish kar rahi thi.
Nisha ki Papa bhi Atul ki Papa ko hairaani se dekh rahe the...Aise badlaaw unko bhi vishwas nahi ho raha tha...Atul ki Papa ki aankho me paschataap saaf dikh raha tha...Aur ye dekh kar unki aankho me bhi wohi paschataap dikhne laga.
Vakt...Sabse balwaan...Sabse taaqat war...Kab kisko kya bana de? Kya karne par majbur kar de? Iska jawaab vakt ke paas hi hota hai.
Ye vakt hi tha jisne aaj sabhi ki jindagi badal kar rakh diya tha...Haalaath kya se kya ban gaya tha.
Yahi vakt tha jisne do insaan ko nafrat ki jagah paschataap ki aag me jalne par majbur kar diya tha...Har pal paschataap...Har pal dil me ek bojh.
Atul:- Uncle baithiye na.
Atul ne saamne ki sofa ki taraf ishara kiya.
Nisha ki Papa ke baithne ke baad hi Atul baitha.
Atul ki chhoti chhoti baaton ko wo gaur kar rahe the...Wohi sanskaar...Jo hospital me ek jhalak sa dikha tha...Aaj bhi wohi sanskaar...Ek baar fir khud se nafrat karne se rok nahi paaye Nisha ki Papa? "Kyu maine jaldbaazi kar di?" Bas yahi sawaal unko andar se khaye jaa raha tha.
Atul:- Di...Please chaai bana kar laaiye naa.
Atul ki iss baat sunte hi Nisha ki Papa ko ek jhatka sa laga...Jaise hi Atul ne ye mehsus kiya.
Atul:- Nahi nahi Uncle...Uss baat ka badla nahi le raha...Aap hamaare mehman hai...Aur mehmaan ka samman karna hamaara kartavya hai...Mai to wo baat bhul hi chuka tha.
Atul ki baat se unko thoda raahat mila.
Fir Atul ki najar Shreya par pada.
Atul:- Ye hai Nisha ki Papa...Bataya tha naa tumhe.
(To Nisha's Dad) Aur ye hai Shreya...Meri....
Atul iss e aage kuch bolta usse pehle...
Aarav:- Mai jaa raha hu khelne.
Fir Aarav waha se daud kar nikal gaya baahar khelne.
Atul ka dhyan Aarav par chala gaya aur wo Shreya ko introduce karana bhul hi gaya.
Nisha ki Papa jawaab sunna to chaahte the lekin puch nahi paaye...Atul ko sawaal karne ka himmat bhi nahi juta paa rahe the wo.
A. Dad:- Aap yaha? Koi mushibat to nahi hui aane me?
N. Dad:- Yaha ka address pata karne me thoda problem to hua tha...Lekin kisi tarah pata kar liya...Atul se ek baar milna chaahta tha.
Atul:- Mujhse? Koi khaas kaam?
Thoda hairaani ke saath Atul ne pucha.
(In his mind) Abb kya kaam baaki reh gaya?
N. Dad:- Uss din hospital admit karne ke liye thank you bolna chaahta tha.
Atul:- Isme Thank you ki kya baat hai Uncle...Agar aisa nahi karta to insaaniyat ki hatya ho jaata mujhse.
Aur ek doctor ho kar insaaniyat kaise bhul sakta hu?
Aap ki jagah koi aur hota to bhi mai uske liye yahi karta...Aur aap to Nisha ke Papa hai...Aap ko kaise chhod deta.
Nisha ki naam bahut hi pyar se liya Atul ne.
N. Dad:- Aaj bhi pyar karte ho Nisha se?
Nisha ki Papa Shreya ki taraf dekh kar bole.
Lekin Atul ek baar fir Nisha me aise khoya tha ki wo iss baat ko samajh hi nahi paaya.
Atul:- Karta rahunga...Aakhiri saans tak karta rahunga...Aur itna karta hu ki bayaan nahi kar sakta...Meri badkismati hai ki vakt rehte aapko yakin nahi dila paaya kitna pyar karta hu mai Nisha se...Uski khushi ke liye saari hadd paar kar sakta hu...Meri badkismati.
N. Dad:- (In his mind) Meri badkismati hai ki mai samajh nahi paaya...Samajhne ki koshish hi nahi kiya.
N. Dad:- Abb kya kar rahe ho? Bahut bade doctor ban gaye honge? Bahut taarif suna tha Nisha se...Padhne me bahut acche ho.
Atul:- MD kar liya...Aur logo ke ilaaj me kaam aa saku aise doctor ban gaya hu.
Nisha ne bhi apni study ko continue rakha na?
N. Dad:- Usne bhi MD kar liya hai.
Atul:- (In his mind) Thank god.
N. Dad:- Accha laga tumhe aage badhta dekh kar.
Nisha ki Papa ne ek najar Atul aur fir Shreya ki taraf dekh kar kaha.
Atul:- Jab saath dene wala koi apna ho to gham ko bhulne me vakt nahi lagta.
Yahi saath Shreya ki dosti se mili...Jindagi me aage badhne ki ek vajah.
Agar Shreya ka dosti aur saath naa hota to abhi iss ghar ke alawa aur kahi hota...Yaa to uparwale ke paas, yaa fir paagal khaana yaa fir koi rehabilitation centre.
Kismat se baar baar dhokha milne ke baad shayad kismat ko hi mujh par taras aa gaya...Aur Shreya meri jindagi ki ek mod par mujhe mili.
Atul khud ko majbut dikhaane ki har ek koshish kar raha tha...Ki wo aage badh gaya...Lekin uska dard uske alawa bhi sab mehsus kar rahe the...Aur sabhi uski tarah hi majbur the.
Aarav:- Papa mujhe chocolate chaahiye.
Ek jidd lekar Aarav fir ghar me waapas aaya...Pehle to wo Gaurav ke paas jaa raha tha lekin Atul ko dekh uski taraf aa gaya.
Aarav:- Mujhe chocolate khaana hai.
Atul:- Thodi der baad khaayenge.
Fir Atul ne kisi tarah usko mana liya.
Abb Nisha ki Papa ki baaki ka shak yakin me badal gaya...Sochne sajhne ke liye kuch baaki nahi tha...Aankho se dikhi aur kaan se suni baat ko unhone sach maan liya.
A. Dad:- Nisha kaisi hai?
N. Dad:- Ji wo bhi acchi hai...Khush hai.
Ye baat sunte hi Atul ki dil me ek meetha sa dard hua...Jo wo sunna chaahta tha ek baar fir sun liya.
N. Dad:- Accha to abb chalta hu...Atul se milne aaya tha...Atul ko aage badhta dekh bahut accha laga.
Nisha ki Papa se abb waha raha nahi jaa raha tha.
A. Dad:- Chaliye mai gate tak chhodh deta hu.
Fir dono saath chalte hai.
A. Dad:- Aap mujhse naaraaj to nahi hai naa.
N. Dad:- Naaraaj ho kar bhi kya hoga...Hamaara aapsi naarajgi se hi aaj ye haal hai.
Jo bhi hua aisa hona nahi chaahiye tha.
A. Dad:- Bahut galat hua...Apna ghamand aur nafrat ka shikaar apne hi bacche ho gaye.
N. Dad:- Khair abb dono khush hai apni jindagi me...Koshish karenge aage kabhi aisi galti naa ho.
N. Dad:- Accha abb izaazat dijiye.
Atul ki Papa aankho se hi izaazat dete hai...Bolne ki haalat me to wo bhi nahi the.
Uncle...Uncle.
Picche se chillate hue Atul aaya...Atul ki aawaj sun Nisha ki Papa ruk gaye.
Atul:- Aap bahut hi lucky hai...Nisha aapki beti hai...Aise bahut kam hi Pitaa hote hai jinhe aisi beti milti hai.
Aapki izzat aur samman ke liye usne apne pyar tak ko hi kurbaan kar diya...Hazaar baar manaya tha lekin ek baar bhi wo nahi maani...Kehti thi wo mujhse bhi jyada aapse pyar karti hai...Aapka izzar aur aapka pyar hi sab kuch hai uske liye...Jo aap kahenge wo wohi karegi.
Aisi thi Nisha...Ek beti ki farz nibhaane me usne kahi koi kami nahi rakha...Request hai aapse kabhi usko koi dukh hone mat dijiye...Khush aur muskuraati hui hi wo acchi lagti hai.
Itna keh kar Atul wapas chala gaya aur Nisha ki Papa bhi chale gaye.
Thodi dur aage badhne ke baad unki aankho me aansu aa gaye...Haar ki aansu...Ek Pitaa ki haar ki aansu.
Raat ke vakt chhat me Atul ko akele gumsum dekh Shreya boli.
Atul kuch bolta usse pehle hi...
Shreya:- Ye kya cigarette?
Atul ne apne paas 2 cigarette rakha tha.
Shreya:- Doctor ho kar cigarette...Galat baat hai na.
Pyar se dekhti hui Shreya boli.
Jawaab me kuch der Atul Shreya ko dekhta raha fir bola.
Atul:- Ye doctor bhi to aakhir ek insaan hi hai...Uska bhi dil hai...Usko bhi dard hota hai.
Shreya:- Lekin cigarette se dard kam to nahi ho jaayega...
Atul:- Pata hai...Lekin kuch der ke liye dard ko bhula deta hai.
Daru ko haath lagaye bahut saal ho gaye hai...Shayad 5 saal...Tab se issi cigarette ka hi saath hai...Wo bhi kabhi kabhi hi peeta hu...Jab dard bardast ke baahar ho jaata hai...Seh nahi paata hu tab.
Shreya:- To kya aaj bahut dard ho raha hai?
Atul:- Hadd se jyada...
Atul ne bas itna hi kaha tha ki Shreya Atul ki dono cigarettes chhat se niche fenk deti hai.
Atull hairaani se cigarettes ko girte dekhta reh jaata hai...Atul ka chehra dekh Shreya hasne lagti hai.
Atul bhi kuch der baad saath hi hasne lagta hai.
Atul:- Cigarette ko to dur kar diya...Lekin dil ka dard...Isse kaise dur karogi?
Shreya:- Agar kar diya to?
Atul:- Nahi kar paaogi.
Shreya:- Kar dungi.
Atul:- Challenge.
Shreya:- Accepted.
Shreya ne challenge to accept kar liya...Lekin usse pata nahi tha ki karna kya hai.
Shreya:- Accha ye sab chhodo...Ye bataao agar Nisha di hoti to wo bhi aise hi cigarette fenk deti naa.
Atul:- Paagal dikhta hu kya mai tumhe...Nisha ke saamne cigarette...Itna himmat mujh me...Kabhi nahi.
Maar maar kar haalat kharab kar deti wo...Aur jab Nisha saath hoti to cigarette ki jarurat hi kyu padti?
Atul puraani baatein soch kar muskuraane laga.
Shreya:- Kaha tha naa...Tumhara dard bhi dur kar dungi.
Atul:- Bas yaadein hi kaa to saath hai...Jo do pal ke liye muskaan hontho par laa deti hai...Warna ye jakhm...Isse koi bhar nahi sakta.
Atul ki aawaj me abb bhi dard jhalak raha tha.
Shreya:- (In her mind) Aaj bhale hi naa sahi...Lekin bahut jald tumhara jakhm bhi bhar dungi...Vaada hai tumse.
Atul:- Mai bhi apni iss kahani ko suna kar tumhe bore kar raha hu naa? Tum bhi soch rahi hogi ki kaisa insaan hai ye jo pyar me haarne ke baad aise jee raha hai jaise puri duniya hi khatm ho gayi hai.
Shreya:- Nahi...Jab bhi tumhaari kahani sunti hu to tumhaare liye dil me izzat aur bhi badh jaati hai.
Aaj ke vakt me saccha pyar bahut hi kam dekhne aur sunne ko milta hai...Aur jo bhi saccha pyar me haarte hai unko maine barbaad hote dekha hai...Paagal hote aur suicide karte dekha hai.
Lekin bahut kam hi aise log hote hai jo pyar sacche dil se karte hai, pyar ko nibhaate hai aur saath hi mushkil se mushkil vakt me khud ko sambhal lete hai...Pyar me hi kho kar baaki ki jimmedaari ko bhulte nahi hai.
I respect you as a responsible and talented doctor, a great lover and one of the honest and best people I have ever met.
Shreya ki ye baat sun kar Atul bhi khud ko muskuraane se rok nahi paaya...Wo ek pal me hi apne saare gham bhula kar khush ho gaya...Aur apna taarif kise pasand nahi aata?
Shreya:- Abb bolo? Kya soch rahe the tabhi?
Atul:- Kuch khaas nahi...Vakt ka khel...Bahut acche se khela hai vakt ne meri jindagi ke saath.
Aaj jo insaan aaye the Nisha ke Papa...Unko jo baat 5 saal pehle samajhna chaahiye tha...Wo aaj samajh rahe hai...Jab sab kuch khatm ho gaya? Barbaad ho gaya?
Ek baar fir Atul ki aawaj me dard tha...Bhale hi 5 saal ki baat thi...Lekin Atul ke liye to jindagi bhar ka deri ho gaye the...Hamesha hamesha ke liye wo apni Nisha se bicchad gaya tha.
Shreya:- Mujhe lagta hai ki wo kuch jaruri kaam se aaye thhe?
Atul:- Ye dekhne ke liye ki mai jinda bhi hu ya nahi...Unka uss faisla ne to mere rooh ko ussi vakt maar diya tha...Baaki hai to ye sharir...Bas yahi dekhne aaye honge.
Iss baar Atul ki aawaj me dard ke saath saath gussa bhi tha.
Atul ka ye gussa dekh Shreya bho soch me pad gayi...Dimaag me utth rahe sawaal usne puch hi liya.
Shreya:- Tumbe abhi tak unhe maaf nahi kiya?
Atul:- Mere maaf karne aur naa karne se kya ho jaayega...Beeta hua vakt to waapas nahi aa jaayega.
Bas unka izzat iss liye karta hu kyu ki wo Nisha ki Papa hai aur Nisha bhi unki izzat karti thi...Isse jyada kuch nahi.
Shreya:- To kya wo sab jhuth tha? Unko accident se bachana aur tumhaari baatein?
Atul:- Sirf ek hi jhuth bola maine...Ki mai apne jindagi me aage badh chuka hu aur khush hu...Agar ye jhuth nahi bolta to kya karta?
Unki paau me gir jaata aur rote hue kehta barbaad ho gaya hu mai? Kuch self respect abhi bhi baaki hai...Kisi tarah khud ko dikhaana tha ki mai bhi aage badh chuka hu.
Aur rahi baat unko bachaane ki to usme apna koi faaidaa nukshaan nahi dekha tha...Ek doctor hone ki naate mai apne kisi bhi dushman ko bachane ki koshiah karta.
Fir bhi wo meri Nisha ki Papa hai...Unko kaise kuch hone de sakta tha.
Atul ki ye baat sun Shreya bas Atul ko hi dekh rahi thi...Usse samajhne ki koshish kar rahi thi ki Atul jo bhi kar raha hai wo sahi hai ya nahi?
Aur Nisha ki Papa ke aane ke baad aur unki aur Atul ki baat sun kar usse aisa lag raha tha ki kuch to galat ho raha hai jo hona nahi chaahiye.
Atul:- Unke aane se ek baat to accha hua...Ye baat to pata chala ki Nisha apni jindagi me khush hai jo dua mai hamesha se karte aaya hu.
Sach me Nisha ki baare me jaan kar bahut sukoon mil rahi hai.
Ye kehte hi Atul ke hontho me ek muskaan aa gaya Nisha ki khushi ke liye...Kaisa pyar tha ye Atul ka? Jo har beet te vakt ke saath aur bhi gehra hota jaa raha tha ye jaante hur bhi iss pyar ka abb koi future hi nahi hai.
Saccha pyar...Shayad yahi vajah tha jo Atul apne parwah kiye bina Nisha ki khushi ka hi dua maangta tha...Uski khushi me hi khush ho raha tha.
[Note:- Sorry for no replies since last 2 updates...Will reply from tomorrow.]
Atul:- Gaanw me kaisa hai? Sab kuch thik to hai naa.
Shreya:- Abb jaake Dr. Sahab ko apne patients ka khayal aaya.
Atul:- Please bataao na...Sach me bhul gaya tha.
Shreya:- Abhi tak to sab kuch thik hai.
Atul:- Aur wo Akaash (Paas wale gaanw ka Doctor)...Wo acche se kaam kar rahe hai naa?
Shreya:- Ha...Wo hi sab sambhaal rahe hai.
Atul ne raahat ki kuch saans liya...Uski gair maujudgi me bhi sab kuch thik chal raha tha.
Shreya:- Aage ka kya socha hai?
Atul:- Kya socha hai? Matlab?
Shreya:- Yahi ki...Aage kabhi white coat pehnoge ya fir retirement lene ka soch liya hai?
Atul:- Bas kuch din aur...5 saal baad ghar aaya hu...Kuch din aur rehne ka soch raha hu...Maa aur Di ko accha lagega...Fir apna karmbhoomi waapas laut jaaunga.
Shreya kuch der se Atul ko notice kar rahi thi.
Shreya:- Aise baal par haath kyu fer rahe ho?
Atul:- Ye...Ye to bachpan se aadat hai.
Atul ne muskuraate hue kaha.
Shreya Atul ko abb aur bhi gaur se dekh rahi thi.
Atul:- Abb kya hua?
Shreya:- Bahut handsome ho.
Aise hi Shreya ne keh diya.
Atul:- What?
Hairaani se Atul ne jawaab diya.
Shreya:- Lekin ye safed baal...Color kyu nahi karte? Aur bhi handsome lagoge!!!
Atul ne koi jawaab nahi diya...Bas muskurata raha.
Shreya:- Kyu muskura rahe ho?
Atul:- Tum 17th insaan ho? Jisne ye sawal pucha mujhse.
Shreya:- To 17th baar jawaab bhi do.
Atul:- Aaj tak kisi ko sahi jawaab nahi diya...Bas keh deta "Aise hi."
Shreya:- Kyu?
Atul:- Agar sach batata to sab hans dete.
Shreya:- Aisi bhi kya vajah hai.
Atul:- Bahut saari.
Shreya:- Bataao kuch.
Atul:- First reason...Tum ye sawal Thala Ajith ke fan se puch rahi ho...Bahut pehle hi unse inspired hua tha...Tum jaise ho waise hi thik ho...Tum apna kaam dil laga kar karo...Logo ko accha lagega to wo jarur tumhe aur tumhaare kaam ka respect karenge...Mera maana hai ki log dusre log ka ijjat chehra se jyada unke kaam se karte hai.
Shreya:- 2nd reason.
Atul:- Abb iss budhaape me koi ladki to milegi nahi...Aur Ladki ki baap ko impress karne ki jarurat bhi nahi...Single hi aaya tha single hi marunga...Abb looks banaunga bhi to kiske liye?
Ye reason Atul ne majaakiya andaaj me kaha.
Shreya iss jawaab par Atul ko kuch der ke liye ghurti rahi.
Shreya:- Aur 3rd reason.
Atul:- Kisi ko kehna mat?
Shreya:- Nahi bataaungi...Abb bataao bhi?
Atul:- Mai bahut aalsi hu...Abb kaun itna time waste karega...Pehle hair color ki packet ko kholo...Uska solution banao...Baalo par lagaao, sukhaao...Itna time...Mujhse nahi hota.
Iss baar Shreya Atul ko hairaani se ghurne lagi.
Shreya:- To kya maine galat suna hai logo se...Dr. Atul ek mehnati doctor hai...Patient ke liye kisi bhi vakt haajir rehte hai aur kitne bhi vakt dete hai.
Atul:- Sahi suna...Lekin ye aadha sach hai.
Shreya bas Atul ko ghoor hu rahi thi.
Atul:- Tumne Dr. Atul ke baare me jo suna hai wo sach hai...Lekin Atul ke baare me nahi...Dr. Atul is responsible and careful doctor but Atul is just a random careless guy.
Agar koi bhi patient ko aadhi raat me bhi meri jarurat pade to puri dil se uski ilaaj me lag jaaunga chaahe mai khud hi kisi bhi haal me kyu naa rahu.
Lekin agar mujhe khud ki ilaaj karna pade to...5 min baad keh keh kar naa jaane kitna late kar deta hu.
Atul ne muskuraate hue kaha...Jaise usse khud ki laaparwahi pe garv tha.
Shreya:- Ye to galat hai naa...Jab tum patients ko salaah to dete hai lekin khud ke liye bhul jaate ho.
Atul:- Ek accha sa example deta hu...Ham jab bacche the aur school jaate the...Tab teacher hame kehte the hame apna nail chhota rakhna chaahiye bhale hi unki nail kitna bhi bada ho.
Aur jab kuch bade hue to teachers hame kehte the ki hame alcohol aur cigarette se dur rehna chaahiye...Lekin khud hi naa jaane kitni bottle aur kitne pack ek baar me khaali kar dete thhe.
Unka kaam tha samjhana aur gyan dena...Agar students samajhdaar hai to wo samajh jaayenge...Mere case me bhi aisa hi hai.
Aur aisa bhi nahi hai ki mai totally careless hu...Agar tej bukhaar hai to carelesseness me dawaai khaana to band nahi kar dunga.
Bas chhoti chhoti baato ke liye careless hu...Iska bhi alag hi maja hai.
Shreya:- Fir bhi ye galat hai...Tum kaise laaparwah ho sakte ho.
Atul:- Laaparwaah nahi banunga to kya karunga...Sambhaalne wali to bahut pehle hi chhod kar chali gayi...Sach kahu to akele me mai kya karta hu bas kuch yaad hi nahi...Bas khoya khoya rehta hu uss ki yaadon me.
Achanak se Atul ki aankho me aansu aa gaye...Fir agle hi pal.
Atul:- Sorry sorry...Pata nahi kya ho gaya tha...Khud ko rok hi nahi paaya.
Shreya:- Koi baat nahi...Hota hai...Jaruri bhi hai jo bhi dil me hai usse baahar aane do...Aise daba kar baatein rakhna bhi nahi chaahiye.
Fir kuch der tak dono ke bich khaamoshi chaayi rehti hai...Koi kuch bol nahi raha tha.
Fir Shreya kuch soch kar kehti hai.
Shreya:- Atul...Movie dekhne chale.
Atul:- Movie?
Thoda hairaani ke saath Atul ne pucha.
Shreya:- Kyu? Koi problem hai?
Atul:- Problem to nahi hai...But movie...Bahut time se dekhna chhod diya hai.
Shreya:- Kahi kasam to nahi khaya? Movie naa dekhne ki?
Atul:- Nahi aisi baat nahi hai.
Shreya:- Abb ye mat kehna ki movie pasand nahi...Tum ek actor ke fan ho.
Atul:- Ek time tha movie ka craze hadd se jyada tha...Jab jab pyar hua tha...Har din ek se do movies dekhta tha.
Uss time koi bhi aisa romantic and thriller movies nahi tha jo maine naa dekhi ho.
Lekin abb dhire dhire movies ka craze bhi khatm ho gaya.
Atul ki iss jawaab se Shreya bhi chup ho gayi...Abb wo jabardasti to le jaa nahi sakti thi.
Kuch der baad.
Atul:- Chalo.
Shreya:- Kaha?
Atul:- Movie dekhne.
Shreya:- Achanak se.
Atul:- Socha...Dekh hi leta hu...Bahut din baad dekh raha hu...Fresh bhi ho jaaunga.
At Cinema Hall
Shreya:- Ye kya romantic movie ki ticket!!!
Thoda hairaan ho kar Shreya ne pucha.
Atul:- Kyu? Tumhe pasand nahi.
Shreya:- Mujhe to pasand hai...Lekin tum kaise?
Atul:- Kabhi romance mera favourite genre hua karta tha movies me...Abb dekhne aaye hai to dekhenge...Aise darne se kya hoga.
Fir dono chale jaate hai andar movie dekhne.
Atul to movie dekh raha tha...Lekin Shreya kabhi movie to kabhi Atul ko.
Wo notice kar rahi thi ki Atul ka sirf ek hi emotion tha...Romantic scene me bhi aur Dard bhare scene me bhi...Wo sirf muskura raha tha.
Fark itna tha ki romantic scene me uska chehra muskaan se khil raha tha to dard bhare scene me muskaan me bhi dard ki lakeerein saaf dikh rahi thi...Dard me bhi muskuraana sikh gaya tha.
Aur yahi to uski jindagi tha...Bhale hi andar kitna bhi dard chupa ho baahar dikhaata sirf muskaan hi tha.
Shreya:- Kaisa laga movie?
Atul:- Bahut accha...Khud se hi relate kar raha tha...Wo pyar bhari baatein...Wo khubsurat pal ...Wo mastiyan...Wo ruthna manaana
.
Aur fir wo dard, wo tanhaiyan, wo bichhdan
.
Aisa lag raha tha meri hi jindagi mere saamne chal rahi hai.
Atul:- Aise kya dekh rahi ho mujhe? Kuch nahi hua hai...Abb to aadat ban chuki hai...Aise dard me jeene ki...Sambhaal lunga...Ye pehli baar thode hi hai.
Atul ne mehsus kiya ki Shreya uski iss haalat par shayad taras khaa rahi hai...Wo Shreya ke saath saath khud ko bhi samjha raha tha.
Samjha to raha tha...Lekin samajh paana itna aasaan bhi nahi tha...Dil ka dard itni aasani se kiski sunta hai?
Abb waapsi ki vakt Atul bhi kabhi kabhi Shreya ko dekhne laga...Aaj Shreya ne Atul ko ek baar fir se khud ko khud se mila diya tha.
Jo Atul shayad khud ko hi bhul gaya tha...Ek baar fir khud ki aadat, harkat, emotions sab se jaan pehchaan ho gayi...Sirf aur sirf Shreya ki baaton se.
Pehle to uska dil hi tha jo jarurat se jyada kaam karta tha dard sehne ka...Abb uska dimaag bhi jarurat se jyada kaam karne laga tha...Shak karne ka!!! Khud par aur Shreya par.
Nisha:- Wo raat bhar saath discuss karke padhne ke liye...Tumne hi to probable questions bataya tha aur exam me most of the questions wohi the.
Ajay:- Kya kya kya raat bhar discuss? Kaise? Library to 10:00 pm tak hi khulta hai aur kaise?
Atul:- Abe bewakoof, kabhi video chat ka naam suna hai?
Ajay:- Hadd hai yaar...Padhaai ke liye bhi video chat.
Atul:- Isse kehte hai technology ka sahi istemaal.
(Badbadaate hue) Padhai ke alawa aur bhi bahut kuch hota hai.
Atul ki ye baat paas baithi Nisha hi sunti hai...Aur wo Atul ko ghurne lagti hai.
Atul jawaab me bas muskura deta hai.
Ajay:- Kya baat hai? Pyar milte hi dost ko bhul gaya...Mere saath to 2 ghanta bhi nahi padhta aur Nisha ke liye puri raat?
Atul:- Tu kabse padhne laga...Tera to padhai ke saath saalo pehle break up ho gaya hai...Agar fir kabhi patch up hua to yaad kar lena.
Atul ki iss baat par sabhi hasne lagte hai.
Ajay:- Bhai thoda to izzat ka khayal kar...Hamesha taang khinchta rehta hai.
Atul:- Accha to abb se haath khinchunga.
Ajay:- Tu nahi sudhrega.
Atul:- Tere jaise dost ho to kaun sudhar sakta hai.
Ajay:- Tujhse to baatein karna hi bekaar hai.
Atul:- Teri baatein sunna hi bekaar hai.
Nisha:- Bas bas...Kaha ki baatein kaha le jaa rahe ho...Aur ye kaisa ghatiya argument hai?
Atul:- Ye baat iss bewakoof Ajay se pucho.
Ajay:- Nahi iss bewakoof Atul se.
Anjali:- Please abb nahi...Pehle hi bahut irritate kar chuke ho.
Fir Atul Ajay ko dekh kar hasne lagta hai...Aur Ajay bhi.
Ajay:- Accha ye bata...Kahi tu jaan bujh kar to second nahi hota?
Atul:- Nahi...Kabhi nahi...Mai hamesha apna best effort deta hu..Iss baar bhi diya...Aur marks bhi expectated hi tha...Mai apne result se khush hu.
But Nisha is excellent...Knowledge laghbhag same hi hai ham dono me...But Nisha ka writting skill...Koi jawaab nahi...Just excellent... Grammar se le kar word selection, description, hand writing aur writing ka sequence...Perfect.
Kabhi padhna Nisha ki answers and notes...Aur yehi wo area hai jaha mai Nisha ke aas paas bhi nahi...She deserves to top.
Aur kabhi competetion kiya bhi nahi maine...Padhne aaye hai...Knowledge jaruri hai...Baaki ki cheejein secondary hai...Khaas fark nahi padta.
Anjali:- Itna bhi taarif mat karo...Bechaari ki gaal laal ho gayi hai sharm se.
Ye sunte hi Nisha Anjali ko maarne lagti hai.
Tabhi Atul bahut der se shaant Ravi ki taraf dekhta hai.
Atul:- Koi baat nahi...There is always next chance and next tomorrow...Agli exam me mujhe hara dena.
Ravi:- Nahi yaar...Abb nahi...Abb mujhe bhi lagta hai marks ka competition faaltu ki cheej hai...Knowledge matters most.
Fir kuch der sabhi aise hi baatein karte hai...Jab ghar jaane ke liye sabhi canteen se nikalte hai tab.
Atul:- (In Nisha's ear) So Miss topper...Mujhe treat chaahiye.
Nisha:- Sure...Chalo baahar chalte hai ghumne.
Atul Sir.
Aawaj ki picha karte hue Atul ek ladki ki taraf muda.
Atul:- Yes.
Ladki:- Sir. Mai new batch se hu.
Atul:- Sir...Matlab kisi ne acche se ragging liya hai.
Atul muskuraate hue Nisha aur Anjali ki taraf dekhta hai...Dono naa me ishara karti hai.
Atul:- Naam kya hai tumhara.
[color=rgb(0,]Ladki:- Sir...[/color]Preeti[color=rgb(0,].[/color]
Atul:- Koi kaam tha mujhse?
Preeti:- Sir aapke baare me bahut taarif suna hai...Aap study me bahut acche hai.
Mujhe Pathology samajh me nahi aa raha hai...Aap kya mujhe kuch der ke liye padha sakte hai?
Ye sunte hi Atul muskuraane lagta hai...Issi topic ne kabhi uska bhi din ka chhain aur raato ki neend udaa diya tha.
Atul:- Ok...Kabse padhna chaahti ho?
Preeti:- Kya aaj se hi padh sakte hai?
Nisha:- (To Atul) Abhi to ham baahar jaa rahe hai.
Atul:- Thodi der baad chale jaayenge...Tum abhi ghar jaao mai jald hi aata hu...Fir saath chalenge.
Ek baar ke liye to Nisha Atul ko dekhti reh gayi...Aaj pehli baar Atul ne usko mana kar diya wo bhi kisi ladki ko padhaane ke liye.
Gussa to bahut aa raha tha usse...Lekin control karke wo waha se jaane lagi.
Atul:- (To Preeti) Tum library jaao...Mai aa jaaunga.
Preeti librari jaati hai air Atul Ajay ko ek kona me le jaa kar.
Atul:- Juniors ka ragging suru ho chuka hai...Tune bataya kyu nahi?
Ajay bhi kuch der hairaani se Atul ko dekhta hai.
Ajay:- Ham bhi ragging lenge?
Atul:- Ragging nahi interaction.
Ajay:- Fark kya hai?
Atul:- Ragging jitna extreme nahi hoga...Chutiyo wala task nahi denge...Jaise ki kisi ladki ko propose karo...Ladki wala role karo...Aur physical task bhi nahi dekhenge.
Sirf ye dekhenge mentally kitna strong hai...Patience kitna hai unme...Aur attitude kitna hai?
Ajay:- Kya ye sab jaruri hai?
Atul:- Bahut jaruri hai...Sirf first meeting ke liye...Uske baad to sabhi apna bhai hi hai...As a senior wo sabhi help karenge jo hamaari responsibility hai.
Fir kabhi bataunga ki ye interaction kyu jaruri hai.
Fir Atul bhi library chala jaata hai...Ajay bas Atul ki baatein hi soch raha tha.
Atul library to chala vaya Preeti ko padhaane ke liye...Lekin wo iss baat se saaf anjaan tha ki usne kis khatra ko aamantran (invitation) diya hai.
Ek taraf Nisha...Jo aaj pehli baar Atul se naraaj ho gayi thi...Aur dusri taraf ek mauka ka intejaar karta hua Ravi...Aaj usse thoda mauka to dikh hi gaya Nisha ki naarajgi me...Wo iss chingaari ko aag ka roop dene ka soch raha tha.
Kitni sahi shuruwaat hua tha Atul aur Nisha ka din? Wo result, Nisha ki top karna, Atul ki taarifein aur saath ghumne ka planning....Aur ant hua to Nisha ki naarajgi se.
Na jaane iss naarajgi ka shuruwaat aur Preeti se ye mulaakat, Atul aur Nisha ki pyar me kya asar padne wala hai?
Nisha:- Thoda sa late...Pure 1 hour se wait kar rahi hu.
Nisha ki baat sun Atul ne muskuraate hue ek baar fir kaha.
Atul:- Sorry.
Nisha:- Abb ye peela daant kyu dikha rahe ho?
Atul:- Peela? Ye toothpaste company par abb case karna padega.
Nisha:- Bakwaas mat karo.
Atul:- To fir kya karu? Tum hi bolo.
Atul ne shararti aawaj me kaha.
Nisha jawaab me sirf ghoorti hi rahi.
Atul abb Nisha ke paas aaya aur Nisha ki kandhe me apna haath rakh kar pyar se bola.
Atul:- Naaraj ho mujhse?
Nisha apne kandhe se Atul ki haath hata kar.
Nisha:- Dur raho mujhse.
Atul:- Matlab sach me naaraj ho?
Nisha ki gaal par pinch karte hue Atul ne pucha.
Nisha:- Kitne be parwaah ho gaye ho tum...Pehle to galti karo aur fir abb ye majaak.
Atul ko samajhte der nahi laga ki Nisha sach me naaraj hai.
Atul apne ghootno me baith gaya.
Nisha:- Ye ye kya kar rahe ho?
Atul bina kuch jawaab diye Nisha ka ek haath apne haath me leta hai aur pyar se Nisha ki aankho me dekh kar.
Atul:- Sorry.
Nisha bas ghoore hi jaa rahi thi Atul ko...Atul ki iss harkat par Nisha ko uss par bahut pyar aa raha tha lekin itni jald wo apna gussa bhoolna bhi nahi chaahti thi.
Atul:- Sorry.
Nisha kuch nahi bolti...Lekin jab usse laga ki aas paas ke kuch log unhe hi dekh rahe hai tab.
Nisha:- Ye kya kar rahe ho...Utho.
Atul:- Sorry.
Nisha:- Utho...Sab dekh rahe hai.
Atul:- Sorry.
Atul ki muskaan bhi badhta hi jaa raha tha...Aur Nisha wohi bechain hoti jaa rahi thi.
Nisha:- Maine kaha naa utho...Ye kya kar rahe ho?
Atul:- Jab tak tum mujhe maaf nahi karogi...Mai nahi uthunga.
Nisha kuch der tak Atul ko ghoorti rahi.
Nisha:- Sab log dekh rahe hai.
Atul:- Dekhne do...Unhe bhi to pata chale ham dono me kitna pyar hai.
Nisha:- Pyar? Mai nahi karti tumse pyar.
Atul:- Accha ji.
Nisha:- Nahi karti matlab nahi karti.
Atul:- Abb to mai tab hi uthunga jab tum mujhe sab ke saamne kahogi..."I love you."
Nisha fir Atul ko ghoorne lagi...Abb wo bhi samajh gayi thi ki Atul bhi itni jaldi nahi maane wala.
Nisha:- Please.
Bahut hi Pyar se Nisha ne request kiya.
Atul:- No...First say 3 magical words.
Nisha:- Please.
Isa baar Nisha ne itna pyar se request kiya ki Atul bhi abb mana nahi kar paaya.
Atul:- Accha thik hai...Baad me bol dena...Lekin pehle mujhe maaf to karo.
Nisha:- Maaf kar diya.
Nisha ne bhi muskuraate hue kaha.
Abb Atul bhi utth gaya.
Nisha:- Paagal ho tum.
Atul:- Paagal hu issi liye to tumse pyar karta hu.
Nisha kuch der Atul ko ghoorti hai aur fir uski baato par muskuraane lagti hai.
Atul:- Mujhse pyar nahi karti...Agli baar aisi baat galti se bolna bhi mat...Tumhari ek "I Love You" sunne ke liye kaan taras jaate hai...Raat me sota bhi hu to sirf uss agli subah ki intejaar me jab tumse pyar ki do baatein kar saku.
Aur tum ho ki aisi baatein karti ho.
Atul ki baato me ek alag hi tadap tha...Aur shayad yahi tadap Nisha dekhna chaahti thi.
Nisha:- Aur tum...Tumhe to maja aata hai na mujhe pareshan karne me.
Nisha bhi ek dam se serious ho gayi aur jo baatein kuch dino se chubh rahi thi abb wo baatein uski hontho par aa chuki thi.
Atul:- Tumhe pareshaan?
Nisha:- Pichhle kuch dino se...Mujhe ignore karne lage ho...Jab mai kahi saath chalne ke liye bolti hu to tum dosto ke party me busy hote ho...Kabhi cricket...Kabhi study...Mere liye to vakt hi nahi.
Aur kabhi aa bhi jaate ho to itna late.
Aaj to hadd hi ho gayi...Uss junior...Naam kya tha...Ha Preeti...Uss Preeti ke liye mujhe ignore kar rahe the.
Atul kuch der ke liye ye baatein sun kar shocked reh gaya...Aisi chhoti chhoti baaton ko Nisha iss tarah se soch rahi hai usse andaaja hi nahi tha.
Nisha:- Kya hua abb...Kuch bol kyu nahi rahe ho? Kuch der pehle to pyar ki bahut baatein kar rahe the? Abb?
Atul:- Yaar socha nahi tha...Tum meri baaton ka ye matlab nikalogi.
Nisha:- To kya matlab nikaalu?
Atul:- Yaar sach me busy tha...Dost abb birthday party ke liye jidd kare to abb kya kar sakta hu...Dost hai...Aise kaise naa keh du...Aur coincidence ye hai ki tumhara phone bhi ussi vakt aata hai.
Aur rahi baat Cricket ki...Seniors aur Dost itna request karte hai ki reject kar bhi nahi sakta.
Aur padhaai...Kabhi kabhi to padhna bhi padta hai naa.
Nisha:- Aur wo Preeti.
Atul:- Baat sirf itni hai ki mai study ka bahut respect karta hu...Koi kuch sikhne aaye to mana kaise kar du...Knowledge baatne se hi badhti hai aur aisi knowledge ka kya faaidaa jo dusro ko sikhaane me kaam nahi aaye.
Topic bhi aisa tha uski jo shuruwaat me khud se padhna kisi ke liye bhi mushkil ho jaaye...Bas maine Preeti ki jagah khud ko rakh kar dekha...Mere time me seniors itne cooperative nahi thhe..Aur uss concept ko samajhne me laghbhag 1 month lag gaye the.
Nisha kuch nahi boli...Bas wo Atul ko dekhe jaa rahi thi.
Atul:- Tumhe mera late hona dikhta hai...Lekin mera surprise nahi dikhta...Jab jab late hota hu pipe se tumhaare room me chaddhne ke liye haath kaise cheel jaata hai wo nahi dikhta. (Atul apne ghaaw ka nishaan dikhaata hai)
Aur to aur tumhara wo kutta...Chor samajh kar do baar kaat chuka hai...Aur kaata bhi aisi jagah par naa kisi ko bata sakta hu aur naa kisi ko dikha sakta hu...Injection bhi sabhi se chup kar leta tha kisi ko shak na ho jaaye.
Atul ki iss baat par Nisha ko thoda hansi aa gaya.
Atul:- Please haso mat.
Atul abb serious ho gaya tha.
Atul:- Baat sirf ye hai ki aaj kal sab dikhana padta hai...Publicity karna padta hai...Tab hi lagta hai ki haa ye pyar karta hai warna nahi.
Nisha:- Nahi mera matlab ye nahi tha.
Atul:- Please abhi mujhe bolne do.
Tumhe lagta hai ki mai tumhe ignore karne laga hu...Lekin sacchai ye hai ki tumhe hi mai apna duniya maane laga hu...Tumhare liye kuch bhi kar sakta hu...Bas ek baar bol kar dekhna.
Agar tumhe mera wo party, cricket, kisi ko padhana pasand nahi to bol do...Aaj se sab kuch chhod dunga.
Nisha:- Nahi mera wo matlab nahi tha.
Fir Nisha Atul ko dekhti hai...Atul bas usse hi sun raha tha.
Nisha:- Jaanti hu tum mujhse bahut pyar karte ho...Lekin pyar ko jataya bhi karo...Accha lagta hai.
Aur agar koi problem hai to bataao...Samajh jaaungi yaar...Itna bhi naa samajh nahi hu.
Aaj bhi agar tum Preeti ko padhaane ki baat samjha kar kehte to naraaj nahi hoti lekin tumne sidhe jaane ko bol diya.
Bahut pyar karte ho tum lekin thoda jataya bhi karo.
Nisha ki iss baat par Atul kuch der sochta raha.
Atul:- Baat to sahi hai.
Atul ko ekdum se yaad aaya.
Atul:- Aaj to tumhara din hai...College topper Miss Nisha...Bhulo mat tumhara treat abhi pending hai.
Nisha:- Ohh haa...Bhul hi gayi thi.
Atul:- Aur ham yaha faaltu ki baat par debate kar rahe the.
Nisha:- Suruwaat tumne ki thi.
Atul:- Nahi tumne.
Nisha:- Tumne.
Atul:- Tumne.
Nisha:- Fir bahas karna chaahte ho.
Atul:- Nahi...Iss baar aapki prakop se mujhe koi bacha nahi paayega.
Fir aisi hi baatein karte hue dono hasne lagte hai aur ye bhi bhul jaate hai ki kuch der pehle dono ek dusre se naaraaj the.
At Cinema Hall
Atul:- To ye hai Madam ka treat.
Nisha:- Haa...Kyu pasand nahi aaya.
Atul:- Bahut pasand hai movies dekhna chalo.
Dono movie ka ticket lete hai...Treat Nisha ki taraf se tha to pay Nisha karti hai.
Movie suru hota hai aur dono movies dekhne me lag jaate hai.
15 minute bhi nahi hua tha ki Atul ko irritate feel hone lagta hai.
Himmat karke thodi der aur dekhne ki kosish karta hai...Movie aur bhi boring hoti jaa rahi thi.
Ek najar Nisha ki taraf dekhta hai...Usse bhi movie pasand nahi aa raha tha.
Atul dhire se apna ek haath Nisha ki kandha par rakh deta hai.
Nisha:- Kya kar rahe ho?
Atul:- Pyar?.
Nisha:- Yaha nahi.
Atul:- Fir kaha?
Nisha:- Kahi aur...Yaha nahi.
Atul:- To fir yaha kya karu?
Nisha:- Movie dekho.
Atul:- Isse accha ani aankhein fod lu...Ghatiya movie hai.
Atul ki kehne ki andaaj se Nisha bhi hans padi.
Nisha:- Tumhari hi pasand ki movie hai.
Atul:- Abb meri pasand kuch aur hai.
Itna keh kar Atul Nisha ki kamar pakad kar apni taraf khinch leta hai.
Achanak hui iss hamle se Nisha Atul ko gusse se dekhti hai...Fir aas paaas dekhti hai...Waha koi nahi tha.
Flop movie dekhne aate bhi kaun...Sirf kuch log front seats me thhe.
Dono fir movie dekhne lagte hai...Sirf aankhein hi movie dekh rahi thi...Dil aur dimaag bas ek dusre ki taraf tha.
Atul aise hi masti me apna honth Nisha ki gardan (neck) ke paas le jaa kar kiss karne lagta hai.
Nisha:- Kya kar rahe ho...Ohh...Gudgudi ho rahi hai...Chhodo.
Nisha Atul ko apne se dur karne ki koshish kar rahi thi...Lekin Atul par to iss vakt pyar ka junoon sawar tha.
Kuch der aise hi kiss karne ke baad Nisha Atul ko thoda dhakka de kar alag karti hai...Atul ko kuch samajh me aata usse pehle hi Nisha Atul par apne hontho se hamla kar deti hai.
Aur naa jaane kitne der tak dono hi pyar ki panchhi ek dusre ke pyar me doobe rahe.
