Ajay:- Aaj Nisha tujhe bulaa rahi thi baat karne ke liye toh kyu mana kar diya tune?
Atul:- Kyu baat karu mai?
Mai itne dino se usse bula bula kar thak gaya hu...Kabhi usne meri baat suna? Phone, Messages, Facebook, Whattsapp har jagah...Lekin usne kabhi nahi suna.
Aur aaj wo bula rahi hai toh mai jaau baat karne? Koi chance hi nahi.
Atul ka gussa tha ki badhta hi jaa raha tha.
Ajay:- Samjha kar bhai!!!
Atul:- Mai samjhu? Samajhne ki jarurat usse hai.
Ajay:- Agar aise hi ego pyar ke bich me aata raha to pyar pyar nahi rahega.
Atul:- Ego...Ha bahut ego me hu...Vajah sirf wo hai.
Thak gaya hu manaate manaate...Bina galti ke bhi kayi baar sorry bol chuka hu...Kayi baar usko manaane ki chakkar me apna self respect tak giraa diya hai...Abb isse jyada kya kar sakta hu mai?
Aur karunga bhi nahi...Samjhaya usse jaata hai jisko kuch samajh me aaye.
Aur tujhe kya lagta hai? Usne mujhe kyu bulaya hoga? Mera do chaar galti aur dikha degi...Aur fir kuch baatein sunaa kar chali jaayegi.
Ajay:- Yaar mujhe lagta hai kuch galatfehmi ho raha hai...Tum dono ko hi mil kar isse dur karna hoga?
Atul:- Kuch galatfehmi nahi hai...Bakwas baatein sochne ki aadat ho gayi hai uski...Har baar shak.
Wohi kehti thi pyar me shak nahi hona chaahiye...Lekin abb wohi shak kar rahi hai.
Mai to kab se koshish kar raha hu usse baat karke samjhaane ki lekin wo hi hai ki shak ki dukaan apne saath le kar ghum rahi hai.
Shak bhi aisa ki abb mera usme interest nahi raha...Abb mera Preeti ke saath chakkar chal raha hai.
Gussa to itna aa raha hai ki.....
Gusse me Atul isse aage bol bhi nahi paa raha tha.
Ajay:- Yaar shaant ho jaa...Gussa thuk de yaar.
Iss baat par Atul kuch der Ajay ke liye ghoorta hai aur.
Atul:- Tu jaanta hai mai jaldi gussa nahi hota aur ho bhi jaau to control kar leta hu...Lekin iss baar out of control hai.
Naa tere kehne se aur naa hi mere chaahne se kuch hoga...Bas dar hai ki kahi kuch galat naa kar baithu.
Ajay bhi samajh gaya ki Atul ko kuch der shaant chhod dena chaahiye.
Laghbhag 15 minute tak dono me se kisi ne kuch nahi bola...Dhire dhire Atul ka gussa kam hone laga.
Gussa kam hote hi...
Atul:- Yaar hamesha hi ham ladke hi galat kyu hote hai?
Ekdum se Atul ki aawaj me badlaaw aa gaya...Aawaj bata raha tha ki wo kitna toota hua hai.
Atul:- Kitna kuch karte hai ham apne pyar ke ehsaas dilaane ke liye...Lekin aakhir me doshi bhi ham hi ban jaate hai.
Jab se pyar karne lagte hai toot kar pyar karte hai...Aisa lagta hai ki wohi humara duniya hai...Har khushi ussi ke paas rehne me dhundhte hai...Usko special feel karaane ki har ek koshish karte hai.
Mere saath bhi to aisa hi hua tha...Aur saath hi hamesha ek alag sa dar...Nisha kisi aur ke saath pyar karti hai...Iske baawjud bhi mere pyar me kabhi koi kami nahi aaya...Dar aur dil me dard ke saath bhi usse pyar karta raha.
Propose bhi ham ladke hi karte hai...Agar wo pyar ko thukra de to devdaas ban jaate hai aur apnaa le to khud ko duniya ka sabse khush kismat insaan khud ko hi maanne lagte hai.
Aur fir suru unke nakhre...Wo bhi ham jhel lete hai bade pyar se...Aur fir apni taraf se pyar ka ijahaar karne ke liye naye naye surprises dete rehte hai...Paagalpan ki hadd se gujar jaate hai.
Middle class family se hu...Pocketmoney bhi limited hi hota hai...Kitni baar khud se hi compromise kar ke gift kharidta hu Nisha ke liye...Wo kabhi maangti to nahi lekin apni khushi ke liye ye sab karta hu uske manaa karne ke baawjud...Accha lagta hai yaar...Usko surprise dena, gift dena...Apne pyar ko naye naye tarah se ehsaas karaate rehte hai...Uski ek muskaan...Ek khushi ke liye na jaane kya kya kar jaate hai...Wo bhi pyar se.
Itna sab karne ke baawjud bhi mai kabhi ye nahi sochta aur nahi chaahta ki Nisha bhi mere liye itna kuch kare...Bas wo bhi mujhse hamesha pyar karti rahe aur jindagi ki safar me hamesha saath chale...Yahi khwahish hai.
Bas yahi to chaahte hai ki wo bhi mere saath kadam se kadam kandhe se kandha mila kar chale...Hamesha vishwash kare...Kabhi galat ho jaau to daant kar samjhaaye...Sukh aur dukh har vakt me saath de.
Yaar agar wo saath de naa to uske liye har cheej bhula du...Itna pyar karta hu usse...Lekin yaar...Abb to wohi shak kar rahi hai
...Jab mera koi galti hi nahi hai...Jindagi bhar saath nibhaane ki kasam khaane wale do kadam bhi saath nahi nibhaa paaye.
Ajay Atul ki baat dhyan se sun raha tha...Atul par to aankh band karke wo vishwash karta tha...Lekin kahi na kahi usse ye bhi lag raha tha ki Nisha bhi galat nahi ho sakti.
Ajay:- Toh abb aage kya karega?
Atul:- Kar bhi kya sakta hu...Wo kabhi kuch sunne ke liye taiyar nahi hai.
Ajay:- Aise kaise chalega?
Atul:- Mujhe bhi lagta hai abb kuch bhi possible nahi hai.
Ajay:- Fir?
Atul:- Fir kya...Alag ho jaayenge.
Gusse me Atul ne kaha.
Ajay bhi chup ho gaya...Wo jaanta tha ki Atul gusse me bol raha hai lekin jo bhi bola tha wo saaf dikha raha tha ki baat kaha tak pahunch gaya hai.
Atul:- Agar iss haal me usne mujhe chhod diya naa...Toh mai usse kabhi maaf nahi kar paaunga.
Iss baar emotional ho kar Atul ne kaha.
Ajay:- Bhai mere liye...Ek baar aur apna self respect giraa de...Ek baar aur try kar Nisha ko samjhaane ki...Itni aasaani se alag kaise hone ki soch sakta hai...Do teen mahine laga tujhe pyar ka ijahaar karne me...1 saal se bhi jyada ka relationship aur alag hone ki baat wo bhi do teen dino me?
Kabhi kabhi apno ke liye ego aur self respect bhul jaa yaar...Shayad baad me pachtaana naa pade.
Atul Ajay ki baat ke baare me soch hi raha tha ki usse saamne se Nisha nikalti hui dikhi.
Nisha ko dekhte hi kabhi usse pyar aata to kabhi gussa...Lekin kuch hi pal baad usne jo dekha usse uska gussa kayi guna jyada badh gaya.
Chhat me aate hi Nisha gusse se boli...Atul to pehle se hi gusse me tha...Fir bhi apna gussa dabaate hue.
Atul:- Mujhe ye Ravi thik nahi lag raha hai.
Nisha:- Toh?
Atul:- Kya toh? Usse dur raha karo.
Nisha:- Tum kaun hote ho mujhe ye salaah dene wale.
Nisha to gusse me bole jaa rahi thi lekin uski ye baat se abb Atul khud par aur control nahi kar paaya.
Atul:- Mai kaun hu? Abb ye mat kehna ki ham dono alag ho gaye hai aur abb wo pyar bhi nahi raha.
Gusse me Atul ki aawaj bhi tej ho raha tha.
Nisha:- Ha abb nahi raha pyar...Nahi karti hu tum se pyar.
Atul abb Nisha ki aankho me dekhte hue...
Atul:- Sach bol rahi ho?
Nisha kuch jawaab deti isse pehle Atul ek baar fir se...
Atul:- Agar ye sach hai to mujhe bhi aaj se tumse koi matlab nahi...Mai bhi hamaare rishte ko iss tarah se tod lunga ki kabhi jutt nahi paayega aur naa hi jutne dunga.
Khud ki kasam khaata hu kabhi mud kar tumhe dekhunga bhi nahi...Har wo photos aur yaadein jalaa dunga jisme ham dono saath ho.
Fir tumhari jindagi tumhe mubaarak aur mera jindagi mujhe.
Itna keh kar Atul chhat ki chakkar lagaane lagta hai...Frustration me deewal par mukka marta to kabhi apne hi baal nochne laga...Gussa apne charam par tha.
Atul:- Bahut seh liya...Lekin abb aur kis hadd tak...Gussa sirf tumhe hi nahi aata...Aaj jo gussa dekh rahi ho naa...Yahi gussa...Aisi gussa me sirf "Me and Myself"...Baaki kisi ki mujhe parwah nahi aur koi matlab bhi nahi.
Abb Atul apna aankhein Nisha ki tarah uthaa kar.
Atul:- Jaldi jawaab do...Faaltu ka time nahi hai mere paas.
Nisha Atul ko dekh kar ekdum se dar jaati hai.
Atul ka chehra aur aankhein gusse me bilkul laal ho gaya tha...Chehra pura paseena me bheenga hua aur aankhein usko hi ghurta hua.
Atul:- Jawaab do.
Laghbhag dahaadte hue Atul bola.
[Sorry friends...Jyada likh nahi paaya...Abhi thoda busy hu aur aaj update dene ka bola tha iss liye ek baar fir update ka jhalak likh kar hi post kar raha hu...Next update kal tak complete kar ke post karunga.
Abb aap bataaiye Nisha ka jawaab kya hoga?
And sorry for short update (glimpse)...Will complete it by tomorrow.
Chhat me aate hi Nisha gusse se boli...Atul to pehle se hi gusse me tha...Fir bhi apna gussa dabaate hue.
Atul:- Mujhe ye Ravi thik nahi lag raha hai.
Nisha:- Toh?
Atul:- Kya toh? Usse dur raha karo.
Nisha:- Tum kaun hote ho mujhe ye salaah dene wale.
Nisha to gusse me bole jaa rahi thi lekin uski ye baat se abb Atul khud par aur control nahi kar paaya.
Atul:- Mai kaun hu? Abb ye mat kehna ki ham dono alag ho gaye hai aur abb wo pyar bhi nahi raha.
Gusse me Atul ki aawaj bhi tej ho raha tha.
Nisha:- Ha abb nahi raha pyar...Nahi karti hu tum se pyar.
Atul abb Nisha ki aankho me dekhte hue...
Atul:- Sach bol rahi ho?
Nisha kuch jawaab deti isse pehle Atul ek baar fir se...
Atul:- Agar ye sach hai to mujhe bhi aaj se tumse koi matlab nahi...Mai bhi hamaare rishte ko iss tarah se tod lunga ki kabhi jutt nahi paayega aur naa hi jutne dunga.
Khud ki kasam khaata hu kabhi mud kar tumhe dekhunga bhi nahi...Har wo photos aur yaadein jalaa dunga jisme ham dono saath ho.
Fir tumhari jindagi tumhe mubaarak aur mera jindagi mujhe.
Itna keh kar Atul chhat ki chakkar lagaane lagta hai...Frustration me deewal par mukka marta to kabhi apne hi baal nochne laga...Gussa apne charam par tha.
Atul:- Bahut seh liya...Lekin abb aur kis hadd tak...Gussa sirf tumhe hi nahi aata...Aaj jo gussa dekh rahi ho naa...Yahi gussa...Aisi gussa me sirf "Me and Myself"...Baaki kisi ki mujhe parwah nahi aur koi matlab bhi nahi.
Abb Atul apna aankhein Nisha ki tarah uthaa kar.
Atul:- Jaldi jawaab do...Faaltu ka time nahi hai mere paas.
Nisha Atul ko dekh kar ekdum se dar jaati hai.
Atul ka chehra aur aankhein gusse me bilkul laal ho gaya tha...Chehra pura paseena me bheenga hua aur aankhein usko hi ghurta hua.
Atul:- Jawaab do.
Laghbhag dahaadte hue Atul bola.
Kuch der to Nisha Atul ko dekhti hi rahi...Dar ke saath saath usse hairaani bhi ho rahi thi...Kya ye wohi Atul hai jisko wo jaanti hai...Itna gussa!!!Itna gussa wo bhi apne liye.
Nisha:- Abb apni galti chhupaane ke liye gusse ka sahara lo.
Shikayat bhari aawaj me Nisha ne pucha.
Itna gussa ke baawjud bhi Atul hans pada.
Atul:- (Laughing in Anger) Bewkoof hi rahogi...Aur bewkoofi ki koi ilaaj nahi.
Nisha:- Ha bewkoof hi to hu...Tumse pyar kiya aur andha viswash kiya...Aur meri hi bewkoofi ka sazaa mil rahi hai jis haal me aaj me hu.
Atul bas chup hi raha...Gussa to bahut aa raha tha...Lekin kar bhi kya sakta tha.
Nisha:- Kya Preeti itni acchi hai?
Thoda sa dard ke saath Nisha ne pucha.
Atul:- Wo bhi bewkoof hai tumhari tarah.
Nisha:- Aur ham dono ko bewkoof banane wale...Tum apne baare me kya kahoge?
Atul:- Mai bhi bewkoof tha...Jo tumse pyar ho gaya...Tumse dosti bhi nahi karna chaahiye tha.
Nisha:- Aa gayi naa dil ki baat jubaan par...Waise abb mai tum dono ke bich nahi aaungi.
Atul:- Mere baare me toh itna kuch bol rahi ho...Khud ki shakal bhi toh dekho aayine me...Mujhe jalaane ke liye Ravi se baat cheet badha di.
Nisha:- What?
Atul:- Jab baat apne par aa gayi toh? Waise baat tumhaare jhuthlaaane se jhuth nahi ho jaayega.
Nisha:- Kya jhuth? Maine kab mana kiya ki aaj wo mujhse baat nahi kar raha tha? Tumhari tarah jhuth toh nahi bolti.
Atul:- Toh maan rahi ho ki mujhe jalaane ke liye ye sah kar rahi ho.
Nisha:- Tumhe jalaane ke liye...Kya abb yahi kaam baaki reh gaya hai mere paas?
Ek baat kaan khol kar sun lo...Bhaad mein jaao tum aur Ravi.
Wo toh Ravi kuch kaam ki baat kar raha tha warna mujhe usse koi matlab hi nahi.
Atul:- Tum chaahti ho ki mai sach maan lu?
Nisha:- Jarurat nahi...Jo sochna hai socho...Mujhe koi matlab nahi...Aur mai sahi hone ke baawjud ye saabit nahi karungi.
Atul:- Exactly...Mujhe bhi jarurat nahi khud ko sahi saabit karne ki.
Dono ka gussa aur ego charam me pahunch gaya tha...Naa hi dono ek dusre ke saamne jhukna chaahte thhe aur naa hi ek dusre par vishwash kar paa rahe thhe.
Kuch der baad.
Atul:- Tumne jawaab nahi diya? Kya sach me abb tum mujhse pyar nahi karti...Abhi jawaab do...Apna apna raasta chun lenge.
Nisha kuch der Atul ko dekhti hai aur fir.
Nisha:- Tumse nafrat nahi kar paa rahi hu...Lekin jald koshish karungi.
Kuch sochne ke baad.
Atul:- Tumhe toh shayad hi kabhi samjha paaunga...Agar samajhna hota to pehle hi samajh jaati...Khair karti raho nafrat...Aur saabit kar dena "Mera pyar tumhare liye sabse bada bhool tha, Galat tha mai ki pyar ke raaste chal pada"
Faisla tumhare haath me hai...Mujh par yakin karna ya naa karna...Agar kabhi yakin ho bhi jaaye to itna late mat kar dena ki tab tak mai hi badal jaau...Mai mai naa rahu.
Pehli baar Atul apna gussa bhul kar emotional ho gaya.
Fir wo waha aur reh nahi paaya...Kya baatein karta aur baaton ka matlab hi kya tha.
Dono apne apne room ki taraf jaane lage...Nisha ki aankho me aansu thaa to Atul ki aankhon ka bhi waisa hi haal tha...Uski bhi aankhein nam ho gaya tha.
Shayad dono mehsus kar rahe thhe...Unka future abb jyada nahi hai...Aaj nahi to kal wo din aa hi jaayega.
Din beet gaya, hafta beet gaya aur mahina bhi beet gaya lekin agar kuch badla nahi tha to Atul aur Nisha ki beech ki duriyan, unki haalaat, gussa aur ego.
Khush to dono me se koi nahi thhe...Lekin ek dusre ko hamesha khush dikhaane ki koshish karte...Jaise unhe ek dusre ke bina koi fark nahi padta.
Dur jaa nahi sakte thhe aur paas aana bhi nahi chaahte thhe...Dil me dard aur dimaag me ego...Bahut ajeeb sa haalaat ho gaye thhe dono ke bich.
Dr. Rahul:- Kya baat hai Atul? Fir se puraane wale form me...Accha laga tujhe aise dekh kar...Concepts aur knowledge hai...Bas regularity maintain karna!!
Atul:- Jarur sir...Abb samajh me aa gaya...Padhaai hi sab kuch hai...Baki sab bakwas aur bekar hi baatein hai...Totally time waste.
Atul ki aawaj me ek alag hi frustration tha...Aur ye jawaab sun kar Nisha ka gussa aur bhi badh gaya.
Rahul sir ko bhi ajeeb laga Atul ki ye baat...Lekin class me hone ki vajah se iss vakt unhone ignore kar diya...Fir kabhi Atul se iss baare me baat karne ka soch kar aage padhaane lage.
Ajay:- Kya baat hai yaar? Tune toh aaj kamaal kar diya?
Atul:- Meri baat chhod...Tu bataa aaj kal tera padhaai kyun down ho raha hai?
Ajay:- Abhi male reproductive system chal raha hai naa.
Atul:- Toh?
Ajay:- Abb apna hi organ hai...Kyu itni mehnat se padhna?
Atul:- Toh fir liver aur kidney kya tere chacha ki organ hai?
Irritate ho kar Atul ne jawaab nahi diya.
Ajay:- Aisa nahi hai...
Atul:- Fir?
Ajay:- Kya yaar? Tu hamesha padhaai ki baatein hi kyu karta hai?
Atul:- Toh fir kis baare me baatein karu?
Bewafaayi ki baare me...Pyar ke baare me...Jo sirf meethi jehar ka kaam karta hai...Aisi bakwas baaton ke liye mere paas time nahi hai.
Abhi bhi kehta hu...Vakt rehte hi sudhar jaa...Padhaai par bhi thoda dhyan de...Warna pachtaate rahega...Padhaai hi kabhi hamse bewafaayi nahi karta.
Ajay:- Accha toh yeh baat hai.
Ajay hanste hue bolta hai...Lekin uski hansi jyada der tik nahi paaya.
Atul:- Hans kyu raha hai?
Gusse se Atul ne pucha.
Atul:- Dekh bhai...Mere paas faaltu baaton ke liye time nahi hai...Jaa raha hu.
Itna keh kar Atul waha se chala jaata hai.
Ajay:- Yeh nahi sudhrega.
Atul aur Nisha se bhi jyada agar koi pareshan tha toh wo tha Ravi...Dono ke bich kuch hadd tak duriyan banane me wo safal toh jarur hua lekin isse jyada kaamyaab wo nahi ho paa raha tha.
Nisha usse apne paas aane ki koi mauka de nahi rahi thi...Fb par message ko ignore karna...Kahi baahar chalne ki baat ko aasani se reject kar dena aur kabhi baatein karta toh ek line ki answer me baatein khatm kar dena.
Aur dusri taraf Atul...Usse toh jaise Preeti se nafrat hi ho gaya tha...Har wo raasta usne band kar diya tha jisse Preeti uske paas aa sakti thi, usse baatein kar sakti thi.
Yahi baatein Ravi ko pareshan kar raha tha...Frustration aur Gusse me rehne ki alawa wo aur kuch kar bhi nahi paa raha tha.
Ajay:- Bhai yaar...Please abhi nahi hai.
Laghbhag request karte hue Ajay ne kaha...Atul ka gussa toh kam nahi hua...Lekin wo chup hi raha.
Udhar Nisha aur Anjali ki bich bhi aise hi haalaat thhe.
Fir chaaro dost Ajay ki car me nikal jaate hai ek safar ke liye...Unka safar rukta hai sehar se kaafi dur ek neeli se jheel ke paas.
Car se utarte hi Atul Ajay ko kheench kar thoda dur le jaata hai.
Atul:- Ye sab kya hai?
Gusse se Atul ka naak laal ho gaya tha aur saansein bhi kaafi tej ho gaya tha.
Ajay:- Karna pada? Warna tu nahi aata.
Atul:- Hajaar baar bola hai...Jhuth mat bolna...Bardaast nahi hota mujhse.
Cricket khelne ki bol kar yaha le aaya...Aur wo bhi uske saath.
Kasam se yaar...Tujhe unke saamne beizzat nahi karna chaahta warna tera kya haal karta mujhe hi pata nahi.
Atul ka gussa tha ki kam hone ka naam nahi le raha tha...Dusri taraf Ajay...Dimaag ko bilkul thanda rakh kar sab kuch sunte jaa raha tha.
Ajay:- Bas aaj mere liye.
Atul:- Kya tere liye? Waise bhi koshish bahut baar kar chuka hu...Lekin samajh me aaye tab naa....
Gusse me Atul se bola bhi nahi jaa raha tha.
Dusri taraf Anjali bhi Nisha ko kisi tarah mana leti hai.
Sabhi ek saath jheel ke kinaare aa jaate hai...Kuch der baithne ke baad Ajay aur Anjali dono ko akela chhod waha se chale jaate hai.
Atul aur Nisha akele reh jaate hai...Lekin duriyan aisa ho gaya tha ki dono ek dusre se baatein karna to dur ek dusre ki taraf dekh bhi nahi rahe thhe.
Atul wohi baith kar jheel me patthar fenkne lagta hai...Patthar fenkna ek bahana tha, wo ye jataane ki koshish kar raha tha ki wo waha bore ho raha hai.
Nisha bhi ye baat samajh jaati hai...Aur frustration me waha se chali jaati hai.
Jab kuch der baad wo waapas aati hai tab Atul ka haal dekh kar hairaan reh jaati hai.
Atul patthar fenkna band kar chuka tha...Aur wo kahi khoya hua lag raha tha...Aur isse bhi hairaani ki baat....Paas me hi pada Atul ki mobile me ek sad song baj raha tha...Aur gaana ki tarah hi Atul ka chehra bhi murjhaya hua tha.
Ek gaana, Do, Teen, Chaar...Jab aise hi sad songs bajte rahe tab Nisha aakhir me bol hi padi.
Nisha:- Agar chaaho to maafi bhi maang sakte ho?
Nisha ki iss baat se Atul ekdum se hosh me aaya...Nisha ki aane ki usse ehsas hi nahi hua...Lekin usne kuch jawaab nahi diya.
Nisha:- Kuch bol kyu nahi rahe ho?
Atul:- Ek baar keh diya naa...Bakwas baaton ki jawaab nahi dunga.
Abb Nisha bhi chup ho gayi...Wo bhi wohi kuch dur me baith gayi.
Achanak Atul waha se utth kar kahi chala gaya.
Nisha wohi baithi rahi...Kuch der baad mobile me phone aaya...Ringtone se pata chal gaya ki mobile Atul ka tha.
Atul baahar chala gaya thha to Nisha phone utha kar check karti hai...Aur phone ke screen me jo dikha usse uski gussa saatwe aasman me pahunch gaya.
Phone Preeti ka tha.
Password to pata tha Atul ka mobile ka...Wo Atul ka mobile check karne lagti hai.
Jab Atul waapas aata hai tab.
Nisha:- Aakhir yeh sab kab tak chalta rahega?
Iss baar Nisha ki aawaj me dard tha.
Atul:- Jab tak tumhe realize nahi hoga.
Nisha Atul ko dekhti rehti hai chehre me bina kisi bhaaw ke.
Atul:- Koi jabarjasti nahi hai...Tumhara decision hai soch samajh kar lo.
Yeh kabhi mat sochna ki tumhari vajah se mera ye haal hai...Jab sacche dil se ehsas ho jaaye to aa jaana...Taras kabhi mat khaana...Waise bhi vakt ke saath saath sambhal jaaunga.
Bas itna yaad rakhna.
Tumhaare aane se pehle bhi mai apni jindagi me khush tha...Aaj bhale hi nahi hu...Lekin yakin hai ki kal tumhare jaane ke baad bhi khush rahunga.
Tumse aage bhi bahut kuch hai jindagi me.
Itna keh kar Atul waha se aage badh gaya Nisha ki jawaab ki parwaah kiye bina.
Ek khaamoshi na jaane kitni der se dono ke bich thha...Dono paas hote hur bhi paas nahi thhe.
Laghbhag aadha ghanta se dono chhat par hi chal fir rahe thhe...Najar ek dusre se dur aur kabhi kabhi dono ki aankhein mil bhi jaata to agle pal hi dusri taraf dekhne lag jaate thhe.
Aise hi kuch der baad Atul ki mobile me phone aaya...Phone number dekhte hi wo irritate ho gaya.
Iss baar wo phone pick kar ke kuch der baatein karta hai.
Kiska phone thha?
Achanak se Nisha ne pucha phone cut hote hi.
Atul:- Preeti.
Itna keh kar Atul chhat se nikal gaya.
Iss baar Nisha ke facial expression me jyada fark nahi aaya.
Atul:- Kya hai? Kyu bulaya?
Coffee shop me pahunch kar irritation me Atul ne pucha.
Preeti:- Baithiye naa.
Atul ka gussa ka parwaah kiye bina hi Preeti boli.
Atul:- Aisa kya jaruri baat tha jo phone me nahi ho sakta hai.
Preeti:- Kyu? Sirf kaam ke vakt hi aapko bula sakti hu.
Atul ki taraf pyar se dekh kar muskuraate hue Preeti ne pucha.
Lekin Atul par iss muskaan ka koi asar nahi hua.
Atul:- Faltu ki baat ke liye mere paas time nahi hai wo bhi tumhare liye...Pehle hi bahut time waste kar chuki ho.
Atul ka gussa badhta hi jaa raha tha.
Preeti:- (Slowly) Itna gussa!!! Aapka issi gussa par hi to pyar aata hai.
Atul:- Kuch kaha tumne?
Preeti:- Nahi.
Atul:- Aise hi chup rehna tha to bulaya hi kyu? Aur time waste mat karo.
Preeti:- Bata du.
Atul:- Haa jaldi.
Preeti:- Sach me bata du.
Abb Atul se raha nahi jaa raha tha...Lekin gusse me kuch react bhi nahi kar paa raha tha.
Preeti bhi Atul ki haalat samajh gayi.
Preeti:- Accha bata hi deti hu...Actually ye bataane ki baat nahi hai...Dikhaane ki baat hai.
Itna keh kar Preeti apne bag se ek diary nikaalti hai aur Atul ko deti hai.
Preeti:- Aapki aankho me dekh kar bol nahi paaungi...Issi liye jo bhi mere dil me hai woh sab diary me likh diya hai.
Atul diary padhne lagta hai...Jaise jaise wo aage aage padhte jaata hai uski aankhein hairaani me failta jaata hai...Hairaani ke saath saath gussa bhi badhta jaa raha tha.
Puri diary padhne ke baad wo Preeti ko aise dekhne laga jaise usse vishwash nahi ho raha hai.
Preeti:- Jaanti thi...Yahi reaction hoga aapka...Hairaan ho gaye naa.
Mai ye bhi jaanti hu ki aap bhi mujhse pyar karte hai...Bas bataa nahi paa rahe hai...Issi liye maine hi aapko pehle propose karne ka socha.
Aur haa...Mera pyar iss letter me likhe gaye shabd se kayi gunaa jyada hai.
I Love you
...You are my first and last love...Dear Atul.
Abhi bhi Atul hairaani se Preeti ko dekh raha tha.
Preeti:- Kya hua? Bahut gussa thhe aap...Aur abhi se haalat patli ho gayi...Abhi se yeh haal hai to baad me kya hoga Mr.
Atul ki majaak udaane ki andaaz me Preeti boli.
Atul:- Bas karo.
Gussa aur hairaani me Atul otna hi bol paaya.
Preeti:- Kya hua?
Atul ka gussa dekh Preeti bhi hairaan reh gayi.
Atul:- Himmat kaise hui tumhari?
Preeti:- Aap himmat nahi kar paaye...Issi liye maine hi....
Atul:- Ye jaante hue bhi ki mai Nisha se pyar karta hu...Tum aisi letter aur bakwas baatein soch bhi kaise sakti ho?
Abb Preeti ka bhi hairaani badhta jaa raha tha.
Preeti:- Aapka to Nisha di se break up ho gaya hai naa.
Atul:- Pyar me kabhi kabhi ladaai to hota rehta hai...Lekin break up...Aisa soch bhi kaise liya tumne.
Preeti:- Majaak kar rahe hai naa aap.
Preeti aur bhi jyada confuse hoti jaa rahi thi...Dil chaah raha tha ki kaash Atul keh de..."Haan yeh majaak hai."
Atul:- Tum meri lagti kya ho jo mai tumse majaak karu...Aur haan...Aisi bakwas baatein kabhi sochna bhi mat.
Preeti:- Kya aap mujhse pyar nahi karte?
Abb Preeti ki aawaj bhaari hone lagi...Itna sajaya sawara sapna achanak se toot jo gaya tha.
Atul:- Kabhi nahi...Aur socha bhi nahi.
Preeti:- Toh fir aapka wo mujhe library me padhaana...Itni mehnat se ghanto tak padhaana...Nisha di se jhuth bol kar...Wo sab kya tha?
Atul:- Kabhi soch bhi nahi sakta...Tum uss baat ka yeh matlab nikalogi.
Tum me mujhe ek acchi student dikhti thi...Issi liye tumhe padhaata tha...Mera aadat hi hai koi mujhse kuch puche ya padhaane ko bole mai manaa nahi karta...Lekin tum aur tumhara dimaag...Huh.
Preeti ki aankho me aansu ki kuch boond aa gayi.
Preeti:- Aap jhuth bol rahe hai?
Preeti abhi bhi koshish kar rahi thi...Khud ko sacchai se dur karne ki.
Lekin agle hi pal.
Preeti:- Ye ye...Kya kar rahe hai aap?
Tab tak Atul uska diary ka wo page faad kar uski taraf fenk chuka tha.
Atul:- Prove kar raha tha...Mai sach bol raha hu ya jhuth.
Abb Preeti ko bhi yakin ho gaya...Usse hi galatfehmi tha...Sacchai ye tha ki uska pyar ek tarfa tha.
Atul:- Dekho Preeti...Mai tumhe hurt karna nahi chaahta...Ek tarfa pyar ka dard mai jaanta hu...Please jitna jaldi ho sake mujhe bhul jaao...Aur apna dhyan padhaai ya fir kisi aur cheej me lagaao.
Mai Nisha ke alawa kisi ke baare me soch bhi nahi sakta...Agar Nisha meri life me naa hoti toh bhi tumhaare baare me nahi sochta.
Atul apni taraf se samjhaane ki puri koshish kar raha tha...Lekin Preeti...Woh to apne gham ki sansaar me khoyi hui thi.
Preeti:- (Slowly to herself) Ravi sir ne mujhse jhuth kyu bola?
Iss baar Atul ne Preeti ki baat sun liya.
Atul:- Ravi? Ravi ne kya bola?
Preeti:- Yahi ki aap mujhse pyar karte hai.
Abb Atul ko samajhte der nahi laga...Saara khel Ravi ka hai...Shak to pehle bhi tha uska Nisha ke paas jaane ki koshish dekh...Lekin abb confirm ho gaya...Wohi tha jo dono ke saath double game khel raha tha.
Abb Atul ka gussa control me nahi tha.
Wo waha se nikal gaya...Preeti piche se Atul Atul chillati rahi...Lekin Atul gusse me uski koi baat sune bina hi waha se nikal gaya.
Atul:- (In his bike) Kya karu uska? Usko to apna dost maanne laga tha...Apna secret bhi share karta tha...Lekin kamine ne peeth piche baar kiya...Itna kamina hoga socha nahi tha.
Saale ko uske ghar me ghus kar maarna padega?
Fir Atul apna bile aage badhaata hai.
Atul:- Nahi nahi...Abhi gusse me hu...Shayad ye faisla galat hai...Kal usko college me dekhta hu.
Fir Atul wapas apne ghar me aata hai.
Jab wo chhat me pahuncha to dekha ki Nisha abhi bhi chhat me hai.
Atul Nisha ke paas jaata hai.
Atul:- Sorry.
Sharmindgi ke saath Atul ne kaha...Iss baar apne ego ki parwaah nahi tha usse...Bas ek dar tha...Kahi wo apna Nishu ko kho naa de.
Nisha:- Kya hua?
Iss baar Nisha ne bhi thoda darte hue pucha...Atul ka haalath bhi thik nahi lag raha tha.
Atul:- Tum par gussa hone ke liye?
Nisha:- Hua kya hai?
Atul:- Abhi bataane ki haalat me nahi hu...Ek aisi baat pata chala hai jo shayad pehle hi pata chal jaana chaahiye tha.
Bas tumse maafi maangna chaahta tha.
Fir Atul wapas apne room me chala gaya...Aur koshish karta raha apna gussa shaant karne ki.
Dusri taraf Nisha...Pehle hi usne Atul ke mobile me jo dekha tha uss vajah se confused thi...Aur abb Atul ka ye haalath...Usse bhi samajhne me der nahi laga ki kuch to galat hua hai.
Abb usse bhi intejaar thaa to Atul ka jawaab ka...Abb wo bhi Atul se baat karna chaahti thi apna gussa aur ego bhula kar...Atul ke liye...Kuch der pehle Atul ka jo haalat tha Nisha se wo dekha nahi jaa raha tha.
Raat to bahut ho gaya tha...Lekin Nisha abhi bhi apni soch me hi gumm thi...Atul ka haalat usse bahut ajeeb lag raha tha...Usse bhi samajh me nahi aa raha tha ki Atul ke saath kya ho raha hai.
Aise me usse Atul aur Preeti ka chat yaad aaya.
Preeti:- Hi.
No reply.
Preeti:- Hello.
No reply.
Preeti:- Kya aap abhi bhi naraaj hai?
No reply.
Preeti:- Sorry...Aage se acche se padhungi.
No reply.
Preeti:- Messages seen aa raha hai...Lekin aap reply bhi nahi kar rahe hai.
No reply.
Kuch dino baad.
Preeti:- Hello.
No reply.
Preeti:- Abb to seen bhi nahi aa rahaa hai...Kya aap sach me naraaj hai?
No reply.
After 7 days.
Preeti:- Please agar message padh rahe hai to reply kijiye...Aapka help chaahiye padhaai me...Baaki sab padh liya hai khud se...Lekin Lung Cancer samajh me nahi aa raha hai.
Atul:- Please yaar...Abb mujhe inn sab cheejo me mat ghasito...Tum apna time waste to kar hi rahi ho aur saath me mera bhi.
Preeti:- Finally reply aaya...Lekin sach me iss baar padhna chaahti hu lekin kuch samajh me nahi aa raha hai...Aap agar help kar dete toh.
Atul:- Acchi baat hai tum padhna chaahti ho...Lekin iske liye Pathology department se contact karo.
Preeti:- Agar aap hi padha sakte hai toh?
Atul:- Nahi abb wohi galti nahi karunga...Pehle hi iska result dekh chuka hoon...Aur waise bhi students ko padhaane ki reponsibility unka hai mera nahi.
Preeti:- Unse pucchne me dar lagta hain.
Atul:- Toh main kya kar sakta hoon? Padhna tumhe hain...Pucchna tumhe hi padega...Aur kab tak aisi bakwas reason se darti rahogi...Koshish karo aisi dar hataane ki...Agar aisi hi reasons se darti rahi toh tumhari life bahut hi bekaar hai.
Preeti:- Please aap hi padha dijiye naa.
Atul:- Ek baar bola naa nahin.
Tumhe padhaya wohi mera sabse bada galti tha...Sochta tha ki lecture me kuch baatein samajh me nahi aaya hoga...Issi liye concepts deta tha...Par mujhe kya pata tha ki tum ekdum se zero ho aur kabhi padhne ki koshish bhi nahi karti.
Sabse acche se professors hi padhaate hai...Unka kaam hi hai padhana...Wo experienced, hone ke saath saath expert bhi hain.
Agar sach me padhna chaahti ho toh unse contact karo...Mujhe nahin.
Main sirf help kar sakta hu kaise padhna hai aur kya padhna hai as a senior...But padhaane ka kaam mera nahi hain.
Preeti aage bhi koshish karti rahi Atul ko manaane ki...Lekin Atul ne koi reply hi nahi diya.
Aise hi.
Atul:- Stop irritating me...Otherwise you will be in my blocklist.
Fir iske baad naa Preeti ka message tha aur naa hi Atul ka.
Ye chat padh kar Nisha ko bahut khushi hui...Jo wo soch rahi thi Atul aur Preeti ke baare me woh bilkul hi galat tha...Khaas kar Atul ka Preeti ko block karne ki dhamki.
Saari naarajgi to ek pal me hi dur ho gayi thi...Lekin Atul...Uska gussa aur ego...Atul ka gussa tha hi itna ki wo kisi bhi haalat ne jhukna nahi chaahta tha...Toh fir Nisha bhi kaise?
Kuch issi soch me dono ka duriyan kam hone ki naam hi nahi le rahi thi...Pehle galatfehmi aur fir ego ki ladaayi.
Lekin abb...Nisha ko koi parwaah nahi tha...Bas abb wo kisi bhi tarah Atul se baat karna chaahti thi...Usse iss haalat se baahar nikaalna chaahti thi.
Next Day at Lunch time.
Jaise hi Atul ne Ravi ko canteen me dekha...Usne jor se apna mutthi ko bhincha...Chehra gusse se laal ho gaya tha.
Ajay:- Abhi nahi yaar.
Ajay ne Atul ko rokte hue kaha.
Atul ka gussa me koi fark nahi pada.
Ajay:- Baad me...College me lafda ho jaayega.
Fir Atul na chaahte hue bhi jaise taise khud par control karne ki koshish karne laga.
After College.
Ek cigarette jala kar Ajay ne Atul ki taraf badhaya.
Ajay:- Le bhai ek foonk maar aur sab tension bhul jaa.
Atul:- Mai nahi peeta...Bas uss time peeta tha uske baad kabhi nahi.
Ajay:- Kya baat hai? Pyar kya mila tu toh cigarette hi bhul gaya.
Atul:- Cigarette kya cheej hai...Jarurat pada to tujhe hi bhul jaaunga.
Ajay:- Yahi hai tera dosti.
Ajay ne dukhi hone ki acting ki...Lekin Atul ko kuch fark nahi pada...Wo abhi bhi gusse me tha aur kisi cheej ki intejaar me.
Atul:- Apna yeh overacting band kar...Aur jaldi bula uss kamine ko...Aadha ghanta se wait kar raha hu.
Baat bhi sahi tha Atul ka...Aadha ghanta se dono Ajay ka intejaar kar rahe thhe cricket ground me...Itna intejaar karne ke baad Atul ka frustration aur bhi badhta jaa raha tha.
Ajay:- Bol raha tha pahunch raha hai.
Ajay ka bas itna kehna tha ki dono ko dur se Ravi aata hua dikha.
Ravi:- Aaj tum dono hi cricket khelne aye ho? Baaki sab kidhar hai?
Atul:- Chhuti par bhej diya hai...Aaj special game hai tere aur mere bich.
Ravi:- Kya keh raha hai tu? Kuch samajh me nahi aa raha hai.
Atul:- Samajh me aayega kaise...Jab tu apna dimaag kisi aur cheej par laga raha hai.
Abb Ravi ko thoda bahut samajh me aa raha tha...Ek najar Atul ko dekha...Uska chehra gusse me laal tha.
Atul:- Taiyaar ho jaa...Warna ye mat kehna ki maine tujhe mauka nahi diya sambhalne ka.
Fir Atul aage badh kar puri dum laga kar ek kick Ravi ke chest par maarta hai.
Ravi girte girte bacha.
Ravi:- Ye kya kar raha hai.
Atul ka agla baar...Ek jordaar punch Ravi ke face par.
Ravi ne ek do baar koshish ki palatwar ki...Lekin Atul ke saamne uska kuch nahi chala...Agle 3 minute me Atul ne Ravi ka haalat kharaab kar diya aur saara frustration kick aur punch se nikaala.
Ravi ka naa jaane kya ho jaata agar bich me Ajay na aata.
Lekin Ajay ko side hata kar fir do kick Ravi par vaar kiya Atul ne.
Iss baar Ajay Atul ko khinch kar.
Ajay:- Abb bas...Paagal ho gaya hai kya? Agar iss kuch ho gaya toh?
Atul:- Toh ho jaane de...Dharti ka ek bojh kam ho jaayega...Saale ko jaan se maarne ka man kar raha hai.
Fir Atul Ravi ki taraf badhne hi wala tha ki Ajay ek baar fir bich me aa gaya...Ajay ke saamne iss baar Atul bhi kuch nahi kar saka.
Atul ek baar Ravi ko dekhta hai aur fir agle hi pal nafrat se dusri taraf dekhne lagta hai.
Atul:- Nafrat ho gaya hai isse...Saala dost ke naam par kalank hai...Kitna accha dosti ho gaya tha.
Sochta tha galat tha mai jo isse ghamandi sochta hu...Kitna accha dost hai...Helping, caring aur supportive...Bas padhaai me ghamand hai.
Lekin kya pata tha iska mukhauta (mask) ke piche ka asli chehra...Itna ganda soch...Apne hi dost ko dhokha.
Atul Ajay ko dekhta hai...Wo bhi Ajay ko nafrat se dekh raha tha.
Atul:- Aur mai iski baat me aa gaya...Iski baato se hi Nisha par gussa karne laga...Itna bhadka raha tha ye kamina ki agar iski baat me puri tarah aa jaata to naa jaane kya kar baithta.
Fir bhi iski baaton kaa hi asar hai jo aaj mai Nisha ko naa samajh paaya aur naa samjhaa paaya.
Atul ka itna kehna tha ki usse Ravi ka hasne ki aawaj sunaai diya.
Ravi:- Everything is fair in love and war...Tujhse dosti kaun karega? Mai iss liye tum logo ki paas aaya tha ki mai Nisha ke karib ho paau.
I love her...Aur uske liye mai kuch bhi kar sakta hu.
Atul:- Agar love and war me sab kuch fair hai to sunn le...War me mai itna unfair ho jaaunga ki tu soch bhi nahi sakta.
Kaminapan me tera bhi baap hu...Bas bina vajah kisi ko pareshan nahi karta...Abb tune mujhse panga liya hai naa...Dekh kaise tere life ka band bajaata hu.
Fir Atul Ajay ke saath kuch der aise hi apna frustration nikalta hai aur dono waha se chale jaate hai Ajay ko ussi haal me chhod kar.
Ajay:- (To himself) Aur nahi...Bahut baar haraya hai Atul tune mujhe...Padhaai me, Pyar me aur aaj fight me bhi...Lekin jindagi ki aakhiri ladaai me mai tujhe haraunga...Aise haraunga ki tera jindagi hi tera dushman ban jaayega...Bin paani ki macchli ki tarah ho jaayega tu...Har jagah bhatakte rahega apna adhura pyar ki yaad me.
Nisha sirf meri hai...Chahe uski marji se yaa marji ki khilaaf.
Ye kehte hi Ravi ki chehre par ajib si muskaan tha.
Nisha:- Hamesha itna kate?
Atul:- Purana Atul jo laut aaya hai...Abb fir se practice kar raha hu late hone ka aur tumse daant sunne ke liye.
Atul ki chehre me ek alag hi khushi tha...Nisha se itne dino baad pyar se baat karne ki.
[Note:- Next few updates will be romantic before the tragedy starts.]
Atul aur Nisha dono fir ussi dhaabe par aaye thhe.
Atul:- Tumhara favourite place!!
Nisha:- Kisne keh diya? Yeh mera favourite place hai.
Atul:- Toh fir chalo...Mandir chalte hai.
Nisha:- Abb fir kisne keh diya ki mandir mera favourite place hai.
Atul:- Yahi do jagah toh hai hjaha tum mujhe le chalti ho.
Nisha:- Accha toh tumhe mera favourite place jaanaa hai?
Atul:- Haan bataao.
Nisha:- Woh kal bataungi...Sorry, le chalungi.
Atul:- Kal hi kyu? Aaj kya problem hai?
Nisha:- Mentally prepare hone ke liye time de rahi hu...Kal band bajne wali hai tumhari.
Nisha hanste hue boli.
Bas yahi hansi...Issi hansi ko toh wo itne dino se dhund raha tha...Nisha ki hansi me alag si jadoo tha aur uski yahi hansi yahi adaa...Jis par naa jaane Atul kitni baar mar mitaa tha.
Nisha:- Hello!!! Kaha kho gaye? Ready rehna kal ke liye.
Atul:- Woh toh kal hi dekhenge.
Tabhi chaai naasta aa gaya.
Nisha:- Bahut pasand hai naa tumhe chaai?
Atul:- Haan bahut pasand hai...Sirf chaai hi nahi...Coffee, cigarette, daaru kuch bhi kitna bhi pilaa do...Pee lunga.
Atul ne hanste hue kaha...Usse pata tha Nisha ka jawaab kya hone wala hai.
Nisha:- Bahut din se pitte nahi ho naa? Chalo ghar fir bataati hu.
Jawaab me Atul sirf muskuraata hai.
Fir dono naasta karne lagte hai.
Atul:- Kya baat hai? Aisi hasmukh chehre me yeh udaasi.
Nisha:- Soch rahi thi picchle do mahine ke baare me...Kya se kya ho gaya?
Atul:- Haan bahut ajeeb time tha...Fir bhi accha hi hua.
Nisha:- Accha hua?
Achanak se Nisha ki chehre par hairaani ke bhaaw aa gaye.
Atul:- Accha sabak mila hume...Abb hamara pyar aur bhi majbut hoga...Vishwash itni aasani se tootega nahi.
Nisha:- Kya aisa hona jaruri tha?
Atul:- Jaruri toh nahi tha...Lekin abb sab thik ho gaya hai...Unn dono ka asli chehra saamne aa gaya.
Iss baar Atul ki aawaj me thoda gussa tha.
Nisha:- Ek request hai tumse.
Atul:- Request kyu? Khul kar bataao kya baat hai?
Nisha:- Agar mai kabhi gussa ho jaaun to mujhe sambhaal lena issi tarah...Bahut pyar karti hu tumse...Khona nahi chaahti...Issi liye tumhara aur Preeti ki najdeeki pasand nahi aa raha tha.
Atul:- Fikr mat karo...Aage se kabhi aisa hone nahi dunga.
Aur mujhse dur kabhi ho bhi nahi sakti tum...Puri jindagi jhelna jo hai.
Nisha:- Jhel lungi...Bas kabhi dur mat jaana.
Atul:- Ek request mera bhi hai?
Nisha:- Abb tum bhi request kar rahe ho!!!
Atul:- Baat yeh hai ki tum bhi mujh par vishwash karna...Tumhe dhokha dene ki kabhi soch bhi nahi sakta.
Tumhe hamesha manaane ki koshish karta raha...1 mahine tak koshish karta raha...Naa jaane kitni baar apna ego aur self respect down kiya...Tab bhi tum nahi maani...Aur fir mai bhi control nahi kar paaya...Aur itna kuch ho gaya.
Bachpan se hi ego aur self respect bahut hai...Kabhi kisi ke saamne jhukta nahi...Sirf tumhare liye...Aage bhi taiyaar hoon...Bas tumhara vishwash aur saath chaahiye.
Nisha:- Sorry...Abb aage se aisa nahi hoga.
Atul:- Sorry ki jarurat nahi...Bas aage hum dono samajhdaari se aage badhe...Yahi kaafi hai.
Fir dono kuch der tak aona gile sikwe mitaaate rahe.
Nisha:- Waise baat kya hai? Aaj kal kuch jyada hi padhaai kar rahe ho?
Atul:- Padhna padta hai Madam...Topic hi kuch aisa hai.
Ye sunte hi Nisha ke chehra ekdum se laal ho gaya...Atul baat kar raha tha Reproductive System ki.
Nisha:- Kya tum bhi?
Atul:- Waise yeh system hai bahut interesting...Bahut majaa aa raha hai padhne me...Especially Female Reproductive System.
Atul ki har baat ke saath Nisha ki haalath kharab hoti jaa rahi thi aur yeh dekh Atul ko aur bhi majaa aa raha tha.
Nisha:- Bas karo.
Atul:- Abhi toh padhna suru hi kiya hai...Tum kehti ho bas karo.
Nisha:- Mera matlab tha aisi baatein karna band karo.
Atul:- Waise padhne ke liye keh rahi ho toh bhi no problem...Waise bhi theory me kuch khaas majaa nahi aa raha.
Nisha sharm se aur laal hoti jaa rahi thi.
Atul:- Kya hum practical kar sakte hain?
Iss baar Nisha Atul ko ghoorti hai.
Nisha:- Kya?
Atul:- Abb kis munh se bataau.
Atul sochne ki acting karta hai.
Nisha:- Kisi munh se nahi...Abb chup ho jaao.
Atul:- Please Nishu.
Abb Nisha ki aankhein hairaani me failti jaa rahi thi.
Nisha:- Yeh kya keh rahe ho?
Atul:- Wohi practical...Samjha karo.
Nisha Atul par mukkon ki barsaat karti hai...Fir aas paas dekhti hai...Uss vakt waha koi nahi tha...Fir Nisha chain ki saans leti hai.
Atul:- Jitna pyar se abhi maar rahi ho agar utne hi pyar se...
Atul isse aage kuch kehta usse pehle hi Nisha uski munh par apna haath rakh deti hai.
Nisha:- Please.
Nisha ne itne pyar se kaha ki ek pal ke liye Atul ka dil aur dimaag ne kaam karna hi band kar diya...Abb Atul ko bhi ehsas hua ki isse jyada nahi.
Atul:- (In his mind) Agar itna hi pyar se kahogi toh pyar kya jaan bhi de dunga.
Atul tabhi ek masti karne ka sochta hai...Wo Nisha ki ussi haath ko chumne chaatne lagta hai.
Nisha:- You???
Nisha jhuttha gusse dikhaate hue Atul ko maarne lagti hai...Atul bhi darne ki acting kar waha se bhaagta hai.
Hua ye tha ki Atul Nisha ki favourite cheej puri karne ki koshish me uske saath nikal gaya...Pehle dono gaye shopping par...Waha naa sirf Atul ka purse khali hua balki 5 ghante tak dimaag ka dahi bhi ho gaya.
Aur fir ussi mall me Nisha ke saath saath uski 3 saheliyon ke saath coffee session...Atul ka jo khinchaayi hua usse toh shayad hi woh kabhi apne life me bhul paayega.
Atul:- Aur woh saheliyon ke saath izzat ka kachra karwana jaruri tha kya?
Atul:- Yeh kya...Tum toh meri tarah hi jawaab dene lagi.
Nisha:- Intt (Brick) ka jawaab patthar se dena padta hai Mr.
Atul:- Bada khatarnaak kismat mili hai yaar.
Nisha:- Kismat ko nahi...Vakt ko koso...Kal tumhe fir mere saath shopping par chalna hai.
Itna kaafi tha Atul ki haalat kharab karne ke liye.
Atul:- Nahi nahi...Abb iss sharir me itni taaqat nahi.
Nisha:- Abb kya hua? Taarif karte toh thakte nahi thhe ki roj excercise karte ho...Cricket khelte vakt accha stamina hota hai.
Atul:- Exercise aur stamina gaya bhaad mein...Gf ke aage sab fail hai.
Nisha:- Abb pata chala mera power?
Atul:- Ji madam...Acche se.
Fir Atul ki ek mast sujha.
Atul:- Nishu...Wo jo saheli thi naa tumhari...Bich me baithi...Kya naam tha? Haan Nikita.
Nisha:- Haan toh!!!
Atul:- Bahut acchi lag rahi thi...Uski height, weight, shape...
Nisha:- Bas bas...Kehna kya chaate ho?
Atul:- Yahi ki woh bahut acchi lag rahi thi...Kaas tumse pehle wo meri life me aati toh...
Nisha:- Haan toh abhi kaunsa der hua hai...Bata du usko?
Atul:- Are nahi nahi...Saath me bahut khadus bhi hai...Agar usse pata chal gaya toh mujh bacche ki jaan le legi.
Atul ne darne ki acing kiya.
Nisha:- Abb aaye naa line par...Mujhe jalaane ki aisi cheap tricks use mat karo.
Atul kuch kehta usse pehle uski Papa ki tej aawaj uske kaano me aaya.
A. Dad:- Atul...Kaha hai tu? Jara niche aa.
Atul:- (In phone) Baad me baat karta hu.
Fir Atul phone cut karke niche chala jaata hai.
Niche uska pura family tha...Aur saath me chaar log bhi.
Jab wo apne Papa ke paas pahuncha toh usne dekha ki Gaurav usse dekh muskura raha tha...Usse mehsus ho raha tha ki kuch to gadbad hai.
A. Dad:- Samdhi ji...Ye hai hamara dusra beta Atul...Aur Atul ye hai Gaurav ke hone wale saas sasur (Preeti's mom and dad) aur tumhare bhi.
Aur ye hai Riya (point kar ke)...Tumhare hone wali bhabhi...Aur ye Amit...Inka chhota beta.
Atul ko unki aadhi baat hi samajh me aaya...Fir wo jaake Riya aur uski Maa Papa ka pair chhu leta hai.
Atul:- Papa...Mere bhi...Samjha nahi?
P. Dad:- Beta baat ye hai ki tumhare bhaiya ka rishta ho hi raha hai toh hamne socha ki tumhara rishta bhi meri chhoti beti Preeti se kara dete hai...Usse toh tum jaante hi honge...Tumhara hi college me padhti hai?
Atul:- Lekin...
P. Dad:- Abhi nahi...Jab tum dono ka padhaai complete ho jaayega...Tab ki baat hai...Abhi bas rishta fix hi kiya hai.
Atul ko samajh me nahi aa raha tha ki ye sab kya ho raha hai aur kyu ho raha hai.
P. Dad:- Toh tumhare taraf se haa samjhu?
Atul kuch bolta usse pehle hi.
A. Dad:- Haan...Maine sehmati de diya matlab mere beta ne bhi...Ye mere khilaaf kabhi nahi jaata.
Iss baat se Atul ka hairaani me moonh khula ka khula reh gaya...Lekin yeh vakt hairaan hone ka nahi tha...Samajhdaari se maamle ko niptaane ka tha...Warna baaton hi baaton me kya se kya ho jaata.
Atul:- Papa mai aapka har baat maanta hu...Aur aage bhi maanta rahunga...Aapka bahut izzat karta hu issliye.
Lekin ye baat nahi maan sakta...Dusri baar mana kar raha hu aapko...Ek career (study) ke liye aur abb apne life (marriage) ke liye...Sorry.
Fir Atul waha se nikal gaya...Papa ko aise waha chhod kar jaana usse accha toh nahi lag raha tha...Par wo abhi kuch bolne aur sunne ki haaalath me bhi nahi tha...Maamla aur bigadta isse pehle wo waha se nikal gaya.
Waha khada Gaurav iss baat se aur bhi khush ho gaya aur uska muskaan bhi aur badh gaya...Atul ko apne Papa ki khilaaaf jaate dekh uski khushi ka koi thikana nahi tha.
Atul waha se toh nikal gaya aane wale khatra se puri tarah anjaan ho kar...Ravi ki saajish se toh shayad woh bach gaya...Lekin Gaurav? Kya wo vakt rehte Gaurav ki shaatir dimaag aur uski saajish ko samajh payega jo ek slow poison ki tarah kaam kar raha tha?
Ajay:- Dekhte hi dekhte Basic Science complete hone ka time aa gaya...Pata hi nahi chala kab beet gaye ye din.
Atul:- Haan...Tujhe kaise pata chalega? Bahut busy rehta hain naa tu? Padhaai chhod baaki sab cheej mein.
Ajay:- Kya yaar tu bhi.....
Ajay kehte kehte ruk gaya...Saamne se aa rahi Preeti ko dekh wo aage bol nahi paaya...Usse dekh kar lag raha tha ki wo kaafi gusse mein hain...Uski chaal toh yahi bata rahi thi.
Preeti:- Atul.
Thoda tej aawaj me Preeti boli toh Atul aur Nisha dono uski taraf mood gaye...Jo kuch der pehle tak ek dusre ki taang kheench rahe thhe.
Preeti:- Tumne kal hamare rishte ki baat ke liye mana kar diya?
Preeti ki iss baat se toh Atul ko koi fark nahi pada...Lekin Nisha...Wo soch me jarur pad gayi...Kaisa rishta?
Atul ne kuch jawaab nahi diya.
Preeti:- Suna nahi tumne?
Atul:- Mai bakwas baaton ka jawaab dena jaruri nahi samajhta.
Preeti:- Meri baatein tumhe bakwas lag rahi hai?
Atul:- Tum ho hi bakwas.
Kuch der tak Preeti Atul ko gusse se dekhti rahi fir.
Preeti:- Aaj tum mere ghar aa kar Papa se maafi maangoge.
Jawaab me Atul Ajay ko dekh kar.
Atul:- Abey hans naa!!! Itna accha comedy kar rahi hai.
Atul ki baat se toh nahi par uski andaaj se Ajay bhi hasne laga.
Preeti dono ko gusse se dekhne lagi.
Atul:- Agar aise hi aankhein baahar nikaalti rahi toh dekhti jaa...Eyes and head down.
Achanak se Atul ki chillane se canteen me maujood sabhi ka dhyan unn par hi aa gaya.
Abb Atul ke chehre me bhi gussa saaf dikh raha tha.
Preeti sabhi ko apne taraf dekh ek pal ke liye ghabra gayi...Lekin agle hi pal himmat kar ke.
Preeti:- Tum mere ho.
Atul:- Galatfehmi mein jeene wali bewkoof ho tum.
Fir Atul utth kar waha se jaane laga.
Preeti:- Aaj tak maine jo bhi chaaha hai har kuch haasil kiya hai...Chaahe wo chhoti si chhoti jidd ho yaa fir jindgi ke har bade faisla.
Tumhe to maine pyar kiya hai...Aise kaise chhod sakti hoon?
Atul:- Tumhare saath to dur ki baat hai...Tumhe apne aas paas dekhna bhi pasand nahi karta hoon main.
Preeti:- Kal tum Papa se toh mil hi chuke ho...Kal to unhone pyar se baat kiya tha...Agar fir bhi nahi maane toh...Tum unhe jaante nahi?
Abb sidha sidha dhamki sun kar Atul ka gussa bhi out of control ho gaya.
Atul:- Jaanna bhi nahi hai mujhe...Waise bhi dekhne me sukha hua haddi lag raha tha...Ek foonk maarunga toh naa jaane buddha kaha jaa kar girega.
Preeti:- Atul.
Atul:- Chup.
Preeti se kayi gunaa tej aawaj tha Atul ka.
Preeti bhi apni beijjati seh nahi paa rahi thi.
Preeti:- (To Nisha) Atul ko mera hi hona padega...Jab tak hamaari shaadi nahi ho jaati...Tum lage raho...Mauj masti ki gine chune din hai tumhare paas.
Nisha kuch bolne hi wali thi ki.
Atul:- Lagta hai tumne bahut experience kiya hai ye sab.
Ye keh kar Atul hasne laga...Saath hi kuch log aur bhi hasne lage.
Abb Preeti kuch bol nahi paa rahi thi.
Atul:- Jaanta hu yeh bolna nahi chaahiye tha...Waise bhi ladkiyon ka izzat karta hu...Par tum jaisi ki nahi...Aur himmat kaise hui teri meri Nishu ke baare me aisa bolne ki.
Fir Atul Nisha ke saath waha se jaane laga.
Jaate jaate mood kar.
Atul:- Jitna accha aur sharif samajhti thi tum mujhe utna hi bura bhi ban sakta hu agar jarurat pade toh.
Agar mera acchayi jaanna hai toh Maa, Di yaa fir Nishu se pucch lena...Agar buraayi jaanna chaahti ho toh jald hi tum aur Ravi jaan jaaoge agar aisa hi chalta raha toh.
Socha tha Ravi tumse aisa karwa raha hai...Tumhe acche se samjhaaunga...Lekin tum bhi kam nahi ho...Ek aisi jidd jo kabhi pura ho bhi nahi sakta...Apni limit me raho...Warna tum khud samajh jaaogi.
Fir Atul aur Nisha waha se chale gaye.
Atul ko inn baaton se koi parwah nahi tha...Preeti ka dhamki, uski bewkoofi...Atul ko iski koi parwah nahi tha...Bas agar ek hi pareshaani tha toh apne Papa ko samjhana, unki naarajgi door karna.
Nisha...Kuch kuch baatein toh woh samajh hi gayi thhi...Bas baaki ki baatein karne ke liye sahi mauke ka intejaar mein thi...Itni jaldi yeh sab kuch hona uski samajh mein bhi nahi aa raha tha.
Preeti:- Apna power se logo ko majbur karna...Aaj uski ye ghamand bhi toot gaya tha... Abb Atul ko paane ke liye kisi aur saajish ki taraf wo apna dimaag chalaane ki soch rahi thi.
Ajay...Usse vishwash tha apne dost par ki woh kuch galat hone nahi dega...Agar ho bhi gaya toh woh kis kaam ka?
[Note:- Sorry friends for late update...Abhi festival time me family ke saath busy tha...Issi vajah se delay hua...2 weeks baad exam hai...Exam preparation aur study me busy rahunga, issi vajah se aane wale 2 weeks tak regular post nahi kar paaunga...Fir bhi try karunga iss beech 4 or 5 update post karne ki...Stay tuned.]
Atul:- Haan wohi toh? Pata nahi kya ho gaya hai sabhi ko...Itni jaldi yeh sab.
Nisha:- Waise bhi child marriage sahi nahi hai.
Atul:- Kya? Kyya? Kya kaha tttumne?
Atul haklaate hue bola...Nisha bas uski haalath par hans rahi thi.
Atul:- Child...Baccha dekh rahi ho tum mujhe...Abb baccho ki umar nahi hai mera...21 ka ho chuka hoon...Yeh toh bacche paida karne ki umar hai.
Nisha bas hairaani se Atul ko dekhti rahi.
Atul:- Agar tum saath do to.
Nisha aas paas dekhte hue thoda gusse se Atul ko kehti hai.
Nisha:- Kya bol rahe ho? Koi sun lga toh?
Atul:- Toh sunne do na...Koi mera bigaad lega koi?
Nisha:- Accha tumhara koi bigaad nahi sakta?
Atul:- Are nahi nahi...Tumhare bare me nahi tha yeh.
Nisha:- Yeh sab chhodo? Yeh bataao tumne kya socha hai?
Atul:- Kis bare me?
Nisha:- Wohi shadi ke bare me?
Atul:- Mana toh kar diya na!!!
Nisha:- Are buddhu...Unki baat nahi kar rahi hu...Unse koi lena dena nahi hai...Mai toh hamare bare me baat kar rahi thi.
Atul:- Kuch der pehle aap hi child marriage ki against thi? Abb kya ho gaya? Khud hi early marriage ke liye uttawli ho rahi hai?
Nisha:- Abhi nahi...Lekin gharwalon ko bhi toh manana padega...Waise bhi hamare gharwalon ke bich accha relation nahi hai...Unhe manane ki baat kar rahi thhi.
Atul:- Ho jaayega aaram se...Bas dekhti jaao.
Nisha:- Kaise?
Atul:- Bahut aashaan hai.
Nisha:- Bataao bhi!!
Atul:- Ye pyar aur shaadi bas pataane ki game hai...Pyar ho gaya toh tumhe pataa liya...Abb shadi karna hai toh ghar walon ko pataa lenge.
Waise bhi do hi log ko pataane ki jarurat hai...Ek mera sasur aur ek tumhara sasur.
Atul ki baato me vishwash saaf jhalak raha tha.
Tum kuch kar kyu nahi rahe ho?
Gusse me Riya ne Gaurav se pucha.
Gaurav:- Apni taraf se toh koshish kar raha hoon naa...Abb Atul hi nahi maan raha hai toh kya kar sakta hu.
Riya:- Atul Atul...Aakhir kis baat ki akkad hai isse?
Gaurav:- Pata nahi...Agar kuch baat pasand naa aaye toh maanne ke liye taiyar hi nahi hota.
Riya:- Maanna padega...Uski shadi Preeti se hi hogi...Mai bas itna jaanti hoon.
Gaurav:- Koshish kar raha hu...Dekhte hain.
Gaurav:- (In his mind) Sala kaha fanss gaya...Kaha main uss Atul ko apne life se nikaal fenkna chaahta thha aur abb yeh...Yeh apni behen ko Atul ke saath set karaane ki koshish me lagi hui hain.
Yaar ek baar fir soch le.
Darte hue Abhisekh ne Ravi se pucha.
Ravi:- Kitna darta hai bey fattu? Sirf socha nahi abb decide kar chuka hu...Isse accha mauka nahi milega badla lene ke liye.
Ravi ki aankho mein abhi sirf gussa aur nafrat tha...Nafrat mein wo iss tarah paagal ho gaya tha ki abb uska makshad sirf ek hi tha...Badla.
Abhisekh kuch nahi bola...Abhi bhi usse dar tha ki kahi koi galat naa ho jaaye unke saath...Ravi ko naa wo samjha sakta tha aur naa hi mana kar paa raha tha.
