Hot Sex Stories - Haunted ~~ " Game Of Rings "

[sexstories]

" apne bache ko marne ka gum tum kabhi nahi samajh sakte " amb ke jawab se shreyas ko apne sawal karne ka tarika malum hua. Chehre par aye tanav ko usne hataya aur apni jagah par baith gaya. Amb ne uspar se nazar hatai aur unhe jhuka lia " mujhe malum nahi tha ki sam mar chuka hai, humne us raat wahi kiya jo jaruri tha. Sam ko zameen ke niche gaadh diya taki uski vo shaitani ruh hamesha wahin kaid hokar reh jaye. Kuch salon baad vo jagah kabristan mein tabdeel kar di gayi aur hamare alawa dunia ke liye bhi sam panch saal ki umar mein mar chuka tha " usne ek gehri sans khinchte hue chhodi " Sam ke jane ke baad harsh ke sharir par pade ghav dhire-dhire guruji ki chatr-chaya mein theek to hone laga lekin na vo kuch bolta tha aur na hi use kuch yaad aa raha tha. Shayad use pyar aur sneh ki jarurat thi lekin mei jab bhi uski taraf dekhti mujhe sam hi nazar ata isliye jab mujhe shilpi mili to mene harsh ko use de diya is umeed mein ki vo pyar aur sneh jo mei nahi de sakti thi vo use shilpi jarur degi bas use kuch isliye nahi bataya kyun ki mei nahi chahti thi vo mere bete ko ek shaitan ki nazar se dekhe " amb ki jazbaton ko shreyas bhali batti samjhne laga. Bangle mein hue hadse ne jo kiya uski wajah se ek bete ko use khud marna pada aur dusre ko khud se alag karna pada.

" harsh ko dene ke baad mei kabhi vapis nahi gayi aur khud ko guruji ke chatr chaya mein saunp dia " amb ne apni baat khatam ki aur hath jod kar uppar ki taraf dekhne lagi " har har mahadev "

" par apko kese pata ki sam mar chuka hai? " puri baat sunte hue shreyas ne sawal kiya aur phir shabdon ko asan karke dubra pucha " apko kab malum hua ki sam mar chuka hai, guruji ne bataya ki apse galti hui hai ? "

" nahi gurji ko to pata hi nahi ki sam mar chuka hai aur na hi mujhe malum tha " shreyas ki ankhein hairani mein badi ho gayi, vo kabhi amb ki taraf to kabhi anshika ki taraf dekhne laga kyun ki vo bhi shreyas jitni hi confuse thi.

" lekin apne hume bataya ki sam mar chuka hai? aur abhi aap keh rahi hai na hi apko pata tha aur na hi guruji ko to phir kaise? " shreyas ne apni uljhan bhari nighaon se jawab ki umeed mein amb ki tarf dekha.

" usne bataya mujhe " vo phir fusfusane wale lehaze mein boli.

" kisne ? " shreyas halka sa aage jhuka par shayad sawal ka jawab uske pas tha " sam ne? " uska dil zoron se dhadakne laga tha.

" han... " amb ki bhi dil ki dhadkan tez thi " kuch waqt pehle kitna dhang se yaad nahi par takreeban ek saal pehle " vo bol kar chup hui aur purane waqt mein ja phunchi. Baat kareeb ek saal pehle ki hai, guruji ke bhawan se ane ke baad aksar mein ghat par der tak baith kar dhayan kiya karti thi aur baki din ki tarah us raat bhi mei mahadev ke dhayan mein khoi hui thi, thandi hawa ka jhonka mere chehre par padh raha tha. Andhera hone ki wajah se ghat khali ho chuka tha aur ghat se thodi dur mandiro mein aarti chal rahi thi. Vatavaran bhakti mein leen tha aur mei bhi us bhakti mein leen thi ki usi waqt " maaaaa " kano mein jaise hawa kuch kehti hui nikal gayi aur meri ankhein khudba khud gayi.

Ankhein khuli to na mere pas koi tha aur na hi dur dur tak koi maujud tha. Bharam samajh kar mene phir apni ankhein band ki " ooommmmmmm " Mei prmathma mein ek baar phir leen ho gayi aur jaise hawa ne rukh badal diya. Samne behti hawa ek dum shant ho gayi aur ab vo mere piche se behne lagi, kuch kehna cha rahi thi.

" maaaa " hawa mere balon ko uda kar tan ko chutte hue kano mein ghusi jiske ghuste hi mene turant apni ankhein kholi aur dayein aaur apni nazare ki jis taraf se hawa ne dastak di thi. Itna lamba waqt guzar chuka tha us baat ko isliye zehan mein prabhu ke alawa ab kuch nahi bacha tha. Mujhe wahan koi nai dikha par laga to aisa hi tha ki koi mujhe usi taraf se bula raha hai. Kuch pal jab wahan koi nahi dikha to mene apni nazar wapis modhi aur jaise hi samne ki to ankhein hairani mein haki baki reh gayi. Sam ukhdu hokar theek mere chehre ke samne baitha tha, uska chehra puri tarah se kala padh chuka tha jaise murdon ka ho jata hai. Ankhein kali aur bade kanche jaisi jo choti badhi ho rahi thi, muskurane ki wajah se uske dant dikh rahe the jo saddh chuke the, vo meri aaur gaur se dekh raha tha jaise mujhse kitna pyar karta ho.

" maaaaaaa " awaz kisi bache ki nahi thi balki us awaz ke piche ek aisi awaz thi jaise koi sadiyun se soya hua shaitan jaga ho. Man mein shradha ka bhav lene ke baad bhi us pal mere rongte khade ho gaye. Ankhon par vishwas nahi ho raha tha, shayad mera hi bhram tha ye soch kar mene ek baar ankhein band kar prabhu ka naam liya aur phir unhe khola jahan ab koi bhi maujud nahi tha. Sardi ke mausam mein bhi pasina mere mathe par tha, sansein itni zor se chal rahi thi ki laga kitni fulh gayi ho. Mei apni jagah se khadi hui aur kuch sidi utar niche ayi aur apne dono taraf dekhne lagi, koi bhi maujud nahi tha. Aksar sardi mein ganga nandi mein dubki sham se pehle hi laga lete hai log isliye is samay bhi koi nahi tha nadi mein. Par phir bhi nadi ke pani mein ek halchal thi jo aksar logon ke dubki lagane par hoti hai. Samne koi nahi tha par pani mein banti lehre to kuch hi dikha rahi thi.

" hari om, hari om " dekhne ki chahat se mei nange paun hi dhire-dhire sidiyan utarne lagi, thande pani ne pairon ko chuha to sansein aur tezz ho gayi. Lavzon par sirf mahadev ka naam tha par uske sath nadi ka sanata jaise kano mein gunj raha tha. Kabhi bhi ganga nadi mein mujhe is tarah ki ashanka nahi hui thi par kuch pal pehle dekha drishye man mein anjane pal ki dastak de raha tha. Jal mere ghutno tak pahunch chuka tha par nadi mein ayi silvate abhi bhi mujhse thoda dur thi. Mene pairon ko uthaya aur dhire-dhire aage badi aur jal mere sine tak aa pahuncha. Mei uske bilkul kareeb aa khadi thi lekin wahan ab jal ek dum shant tha jaise kuch hua hi na ho. Kuch pal pehle harkat yahin hui thi par ab kahin nahi thi, thand badan mein chadh rahi thi lekin mahadev ne jaise uska ehsas hone se rok rakha tha, kareeb ek minute mei wahi khadi rahi aur phir ganga mata ko pranam karke mud kar jane lagi lekin agle hi pal mere per jaise andar kisi chiz se takraya aur mei jal ke andar ja ghusi. Andhera aur jal ke prabhav ke sath achanak hui is prakriya mei mujhe sambhalne ka mauka hi nahi mila, na hi mei kuch dekh payi. Mei jal se bahar ane lagi lekin kisi ne mujhe niche hi pakad liya. Vo hath mere galle par the aur mujhe niche hi khinch rahe the, mei jal ke bheetar chatpatane lagi. Sans bhi dhire-dhire lena mushkil hota jaa raha tha, vo chiz mere galle ko puri tarah se jakdi hui thi aur tabhi ganga nadi ke pavitra jal ke niche ek pal ke liye mei bilkul sthir ho gayi, na chatpatana aur na hi galle par koi pakad mehsus hona aisa laga mano mein apna sharir chhod baithi hun, sansein rok baithi hun lekin agle hi pal ek chehra jo behad khatarnak tha vo itni zor se dahada ki mei fulhi hui sanson liye jal se bahar aa nikli.

Bahar atte hi mere sarre veham dur ho gaye, itne waqt baad vo vapis aaya tha ek hi jhatke mein usne mujhe sab samjha diya. Mera pura sharir thand se kanpne laga ek pal ke liye mujhe laga mei wahin jal mein dub jaungi lekin mujhe chote pandit ne dekh liya aur vo nadi se mujhe bahar le aye.

" matta aap itni der andar kya kar rahi thi "

" vo vapis aa gaya hai, vo vapis aa gaya hai, vo vapis aa gaya " kanpte hue honth bas yahi keh rahe the.

" kaun vapis aa gaya hai mata " chote pandit mujhe bhawan tak le jaa rahe the.

" vo nahi aa sakta, kaise aa sakta hai vo vapis "

" matta kaun nahi aya hai mujhe apki baat kuch samajh nahi aa rahi " chote pandit abhi tak uljhe hue the.

" vo vapis aa gaya jo kabhi nahi aa sakta tha " mera pura sharir kanp raha tha " us...usne.. bataya mujhe abhi ganga nadi ke andar... " sehmi hui si mene chote pandit ko ek shaitani shakti ke bare mein bataya jo mere piche padi hai par unhe ye nahi bataya ki vo kaun hai kyun ki guruji ne kisi ko bhi is barre mein batane se mana kiya tha taki uska prakop uspar na padh jaye. Meri baat sun kar unhe yahi laga ki mene apna beta harsh shilpi ko isliye hi diya taki uspar us shakti ka koi prkop na pade.

" mahadev, mahadev, matta ye aap kya bol rahi hai, is pavitra jal mein kaise koi shaitani shakti aa sakti hai "

" mei nahi janti chote pandit mujhe abhi guruji se milna hai "

" lekin aap unse nahi mil sakti, vo abhi tak apne dhyan se bahar nahi aye hain "

" aisa nahi ho sakta mera beta harsh khatre mein hai mujhe use batana hoga " mei bad-badai jo chote pandit nahi samjhe. Mene fauran harshit ke ghar phone lagaya lekin number nahi laga, na hi harshit aur shilpi ka koi phone laga. Mujhe ye baat unhe batani behad jaruri thi kyun ki agar sam apni shaitani shakti ke sath kisi tarah vapis aa gaya hai to is bare mein unhe pata hona jaruri tha. Mene akhir khud hi delhi jane ka faisla kiya lekin na jane kaise us raat ke baad meri tabiyat bigadne lagi, khoon ki ultiyan hone lagi aur har dum pet mein dard rehne laga. Isliye phir mene chitti likhni ki sochi aur usme bangle se lekar sam tak hue sabhi hadson ke barre mein bataya aur yahan tak ye bhi ki vo ab vapis aa chuka hai aur harsh ki jaan ko khatra hai. Mene chitti likhi aur chote pandit ke hath unhe delhi janne ko kaha. Meri bigadti halat ko dekh mei samajh chuki thi ki mei ab jada din jee nahi paungi lekin marne se pehle vo sach shilpi tak pahunchna behad jaruri thi lekin jab chote pandit vapis laute to unke pas ek buri khabar thi.

" matta vahan ab koi nahi rehta " meri halat itni bigad chuki thi ki mei ab dhang se bol bhi nahi paa rahi thi. Jo halat harsh ki hui thi mere sath bhi wahi hoti ja rahi thi, sharir ke kai hisson mein mere vo kalle nishan padhne lage the aur shayad bahut si chizen bhulne bhi lagi thi. Agar ye baat mei bhool gayi to shayad sab kuch khatam ho jata isliye har dum bas prabhu ka naam hi jeeva par hota. Lekin mei kisi ko bata bhi nahi sakti thi isliye chote pandit ko mene chitti ki baat mujhse karne ke liye mana kar diya tha. Badi himmat karke mene ek kagaz aur pen lekar unhe likh kar batane ki kosish ki.

" mujhse koi bhi baat mat kijeye, jo bhi apke pas hai use apne pas rakhie " chote pandit ne meri likhi hui baat ko man hi man pada aur han mein sar hila dia. " chitti kisi tarah bhi mujhe shilpi ko bhijwani hai behad jaruri hai " iske baad unhone mujhse koi dusra sawal nahi kiya aur mene unhe mere pas ane se saaf maan kar diya. Mei janti thi ki sam ka asar mujhpar hai aur vo mujhe har halat mein rokne ki kosish karega isliye mei nahi chahti thi ki vo meri baat sunne ya phir chote pandit ko kuch kare aur jis baat ka dar tha us raat wahi hua.

Der raat mei jaap kar rhi thi, ankhein aisi khuli hui thi mano kisi ne unhe khinch kar badi kar diya ho. Achanak hi mere kamre ka darwaja ' thhaaddddddddd ' jhatke mein khul gaya aur aisa mehsus hua ki koi darwaje par khada hai aur dhire dhire meri aaur aa raha hai lekin mene apna dhayan us taraf nahi kiya. Vo sayan mere kareeb aa khada hua aur mujhe dekhne laga. Ansu ankhon se utar aya, janti thi ant nikat hai isliye us ant mein mera dhayan sirf ishwar par tha. Mei zor-zor se mahadev ka naam lene lagi aur tabhi mera sharir hawa mein uthne laga, dhire-dhire vo hawa mein uthta gaya aur mei apne palang se uthte hue chatt ki aaur badhti gayi badhti gayi aur agle hi pal chatt se jaa takrai lekin abhi bhi koi mere badan ko piche se dhakka de raha tha aisa laga jaise vo chatt se mujhe daba dena chahta hai. Mera chehra aur mera sharir pisne laga muh se sirf " unggh unggghh " hi nikal paa raha tha jaise vo chahta tha ki mei apne ishwar ka naam na le sakun aur vo usme kayamab bhi ho chuka tha kyun ki mei ab apne parmatha ka naam lene mein saksham nahi thi.

" Mera ant najdeek tha lekin usi pal wahan chote pandit aa pahunche jabki unhe mene ane ke liye mana kiya tha. Jaise mera ishwar mujhe zinda rakhna chahta tha taki ek din aisa aye jab mei ye kahani khud bata sakun aur apne bete ko bacha sakun " amb ne chote pandit ki aaur dekhte hue apni baat khatam ki tab sabko samajh aya ki chote pandit ne us raat kya dekha tha, ek sawal unse bhi puchna baki tha par use jada jaruri amb ko kuch batana tha.

" mujhe apse ek baat kehni hai " shreyas soch raha tha ki vo ye baat kaise bataye " bhai ab hamare bich nahi raha " ye sunte hi amb ki ankhon mein jo dukh pasar raha tha vo usi pal beh nikla. Use sans lene mein dikkat si hone lagi. " bholenath ye tune kya kiya.. " shreyas uske dard ko samajh sakta tha, jo us raat hua uska dukh uske dil mein aaj tak dhadak raha tha, jis jagah use hona chahie tha us jagah uske bhai ne us raat le li thi jiski wajah se vo ab inke bich maujud nahi tha.

" sab bholenaath ki maya hai, mujhe laga usne isliye zinda rakha hai taki mei apne bete ko bacha sakun lekin shayad kahani sirf harsh ki thi hi nahi vo to use kahin jada aage nikal chuki thi " amb ek pal ke liye chup rahi " harsh ke sath aisa kya hua tha aur tum log sam ke sayein mein kaise aa gaye " amb jo ab tak sawalon ka jawab deti ayi thi usne ek sawal pucha. Uska sawal sun shreyas ne puri kahani ko sanchep mein batate hue khan aur neha ki ruh vapsi ke bare mein bata diya aur uske piche jo jo hua aur kaun kaun mara gaya sab kuch uske samne rakh diya.

" har har mahadev, tum bachon ne itna sab kuch saha hai " amb ka dil seham utha tha. Vo sochne lagi aur jaise baton ko jodne lagi, shreyas janta tha ki vo achanak se kya soch rahi hai aur vo kuch bolti use pehle shreyas bol utha.

" aap jo soch rahi hai wahi sawal mere pas bhi hai, hamare sath hue hadse ke baad humne bangle ki ruh ko khatam kar diya tha par saal bhar pehle sam ki ruh apse judi jiske baad aapke sath jo hua uski wajah se aap kisi ko kuch bata na saki aur usi dauran anshika ko usne chapet mein le liya shayad us anguthi ki madad se jo apne aap mein ek bahut bada rehsaye hai par abhi sawal ye hai ki use hamare bare mein kaise pata aur kya chahta hai vo humse? Kyu vo anshika ko chahta hai aur akhir itne saal baad vo vapis aya to aya kaise? " shreyas ne apne aur sabhi ke man mein chal rahe sawalon ko sabke samne rakh diya.

" is baat ka jawab mere pas bhi nahi hai beta, jis raat sam ne mujhe ganga nadi mein pakda tha usne bas itna hi kaha tha ki mene use maar diya tha taki hum use kaid kar sake lekin ab vo azad hai " amb ek pal ke liye ruki " mera yakeen karo vo chiz jo koi bhi hai vo bahut takatwar hai shayad pehle se kai jada guna " amb ki baat mein vo dehshat maujud tha jisne sabhi ke dilo mein dar ki ek aisi lehar chhodi ki uska asar unke chehre ki udi hui shaksiyat par nazar ane lagi. Shreyas kuch pal chup baitha amb ko dekhta raha.

" kahan gadda tha apne sam ko ? "

 

[sexstories]

Bhai sare sawal aapne hi puch liye isliye mera v same hi sawal hai bs kuch extra wo ye ki ring to Anshika ne necklace ko galwa k bnwaya tha na to sam us ring se kese juda or Anshika pr kabza kese kiya

Lagbhag sare sawalo k jawab mil gye magar ring wala matter solve nahi hua sawal abhi bhi wahi hai readers ka v or Shreyas ka v

Meko ye ni samajh aa raha ki Sam alag ruh hai Khan nahi hai jesa hum starting me predict kr rahe the ki kahi ye Khan to nahi jo wapas aa gya. iski apni kahani hai jo ki khan Neha harsh sbke marne k baad suru hui

(Ha janta hu peda to pehle hi ho gya tha use maar kr dafna v pehle hi diya tha magar wo jaga to nahi or jb jaga to harsh 5 years pehle mar chuka tha Khan ki v ruh v part 2 ending)
Fir wo jaga 1 year before jo jesa ki Shreyas ne kaha wo wapas aaya to aaya kese part 2 me to Neha ki ruh ko Khan laya tha kahi isko v to koi ???

Khair bolna me ye chah ra tha ki jb Sam ki apni kahani hai to wo Shreyas ki madad se sabarwal bangle( part1) me jake rings lane wo v jis door se entry kri waha ring hai jis dande se shrey pr waar kiya us dande me ring hai or jis room me 3no villain ko mara gya uski chokat pr ring hai ye sb Shreyas k dimag me dalke wo rings magwaya use kese pta or wo un rings ka krega kya ( Khair ye to aap bta hi doge aage)

Me apni baat ko samjha nahi paya likhne me to samajh jao kese v or ans de do bhai

Baki waiting for next update

Keep writing keep rocking ?

 

[sexstories]

" kahan gadda tha apne sam ko ? "

" sheher se bahar jo kabristan mein tabdeel ho chuka hai lekin tum kya soch rahe ho " amb ne soch kar jawab diya aur sawal par apni baat khatam ki.

" burai andhere jitni gehri hoti hai aur dono ka ant hamesha roshni hi karti hai " shreyas apni jagah se khada hua " uska sharir hi uski shakti hai, uske sharir ko jalana hoga "

" kya ? " amb bhi khadi hona cha rahi thi lekin ho nahi payi to shreyas ne use sahahra dete hue palang se khada kiya " ye tum kya keh rahe ho ? "

" koi aaur chhara nahi hai "

" lekin agar uske sharir ko jalana hi hota to guruji ne us waqt use jalane kyun nahi diya " nidhi sawal karti hui apni jagah se khadi hui.

" kyun ki unke liye vo zinda tha par vo hai nahi, ab vo ek aisi shaitani takat hai jiski takat uske sharir se judi hai jaise har buri shakti ki judi hoti hai "

" shreyas par guruji ne kuch to socha hi hoga " nidhi ne ek baar phir toka.

" socha hoga nidhi jarur socha hoga par guruji nahi jante ki sam kaid nahi balki mar chuka hai aur abhi hum unse nahi mil sakte, shreyas sahi keh raha hai har baar us shaitan ko unke sharir se hi haraya gaya hai, abhi tak hume yahi lag raha tha ki ye ruh khan ki hai balki aisa nahi hai, sach to kuch aur hi nikla " anshika ne apni baat mein bahut si batein spasht kar di. Baat uski bilkul theek thi, ek pal socha bhi gaya lekin tab bhi theek hi lagi.

" anshika sahi keh rahi hai, aap mujhe sam ki kabar tak le chaliye "

" mei to tumhare sath us kabristan mein dubara kadam nahi rakh sakti par han guruji ne jin do logon ko mere sath bheja tha vo tumhari madad kar denge. Chote pandit " amb ne shreyas ki taraf se nazar hatate hue pandit ki taraf ghumai to usne amb ko aage kehne se rok diya.

" pandit ramphal aur pandit dayawan dono ab hamare bich is dunia mein nahi rahe matta " chote pandit ne ek raaz vo bataya jise amb vanchit thi.

" mahadev, kab hua aisa " amb ne apne dono kaan pakad liye.

" jis raat apke sath vo hadsa hua usi raat ko " chote pandit ko aaj se pehle malum nahi tha ki unki maut ke piche ka raaz kya hai par ab jab pata chal gaya tha to vo bhi ghabrane laga tha. Wahin sab uski baat sun kar chaunke hue the.

" jarur ye kaam sam ka hi hoga, bari-bari usne hum teeno se badla liya " amb ne ankhein ghumate hue kaha.

" koi baat nahi, hum khud khoj lenge aap befikar rahiye "

" nahi.. nahi tumhe uski shakti ka andaza nahi hai harshit " amb ne hath ke ishare se samjhane ki kosish ki.

" shreyas, aur han mujhe uski shakti ka bakhubi andaza hai " shreyas ne amb se kehte hue use theek kiya.

" maaf karna, tum bilkul us jaise hi pratit hote ho " vo ek pal ke liye ruki " theek hai jaisa tum chahte ho vaisa karne ki kosish kar sakte ho, mei tab tak guruji se milne ki kosish karti hun. Chote pandit tumhare sath rahenge tumhari madad ke liye " amb ne chote pandit ki taraf dekhte hue kaha to vo han mein sar hilane ke alawa kuch aur na kar paya.

" to kab karna hai ye kaam " nidhi kuch pal ki shanti ko todte hue boli.

" aaj der raat ko " shreyas ne uske sawal ka utar diya aur sochne laga.

Jo chahte the use pana behad mushkil aur khatarnak tha, sam apne hi sharir se juda tha aur uska sharir uski shakti ka jariya tha isliye vo sabko rokne ki puri kosish karega. Pehle to shreyas ne sirf khud jane ko kaha par anshika ko akele chhodne mein khatra tha isliye ant mein faisla hua sab ek sath jayenge, ek sath rahenge aur ek sath hi vapis ayenge.

Raat ke kareeb 2:30 baj rahe the, sadkein ek dum sunsan banjara ho chuki thi. Pairon ke badhte kadmo ki awaz un logon ke dwara utpan ho rahi ek matr awaz thi. Sadak par koi roshni maujud nahi thi, badhte hue kadam ke badaulat hi ankhein aage ka rasta dikha rahi thi jitni dur vo us andhere mein dekh sakti thi uske alawa sirf andhkar tha.

" har har mahadev, har har mahadev " chote pandit ke chehre par itna jada khauf tha ki ek pal vo sans lena bhool sakte the par bhagwan ka naam lena nahi.

" chote pandit "

" aaanhhhh " shreyas ne jab uspar hath rakh kar unka naam pukara to vo ghabrate hue had-bada gaye " kya hua aap theek to hain ? " shreyas ne unke chehre par chahe dar ki aaur dekhte hue kaha.

" ji.. jii theek hun " apne aap ko sambhalte hue vo bola.

" kya mei apse ek sawal puch sakta hun "

" ji "

" us raat jab aapne amb yani amba matta ko dekha to apne kya kiya jise unki jaan bach gayi " shreyas ke sawal karte hi vo drishye chote pandit ki ankhon ke samne aa gaya vo bhi aise samay mein jisme amb chatt se chipki hui thi.

" bas amba matta ka naam pukara aur mahadev ka jaap karne laga jiske baad vo achanak se niche aa giri aur uske baad unki vo halat ho gayi thi "

" hmm, kya aap vo jaap abhi bhi karenge jab mei kahunga "

" avashye " shreyas nahi janta tha par vo to abhi bhi man hi man wahi kar raha tha.

" ek aur sawal tha man mein, ap us raat vapis kyun aye the jabki amb matlab amba mata ne to apko mana kiya tha? "

" mei to unhe bas batane aya tha ki mene unka khat pahuncha diya hai "

" par apko hamara pata kaise mila ? "

" jab apke dilli wale ghar gaya to wahan mujhe ek chaukidar mila tha jisne kaha tha yahan se pehle jo rehte the vo chhod kar jaa chuke hai par shayad vo meri baat ka mehtav samajh sakta tha isliye usne mujhe kaha ki uske pas ek sahab ka number hai jinhone ye ghar becha tha lekin vo use mil nahi raha tha "

" fir ? "

" ab itni badi dunia mein ye khojna to asan nahi tha isliye bholenath par hum ye karye chhod kar vapis aa gaye. Par jaise hi aye hume us chaukidar ka phone aya jisne vo number khoj liya tha. Bas yahi baat hum din mein amba matta ko batane aye the lekin unhone humari baat puri nahi suni "

" number se kaise khoja ? "

" janne walle ka koi sarkari daftar mein hai unhone number se us ki puri jankari niklwa li jisme uska naam pata sab kuch tha "

" Dhruv kya yahi naam tha? " shreyas ne sunne ke baad kuch sochkar naam liya. Pandit naam sun kar sochne laga aur agle pal use yaad aa gaya " han yahi naam tha, hume laga vo isi ghar mein rehte the tabhi becha hoga to jo mata ne khat bheja hai vo usi se hi rishta rakhta hoga aur yahi puchne ke liye hum us raat mata ke pass aye the lekin mata us din ke baad kuch bol hi na saki isliye ek din humne usi pata par vo khat bhej diya bhale hi is baat ko hum nahi jante the ki humara bheja hua khat sahi jagah pahuncha hai ya nahi. Uske baad waqt yun hi beet gaya, amba matta ne jo kaam hume saunpa tha vo humne pura kar diya tha ab vo kitna sahi tha kitna nahi vo hume aaj hi pata chala " pandit itni safai se baat bata raha tha ki vo us waqt ye bhool gaye ki vo kahan jaa rahe hain aur kis samay jaa rahe hain. Dar uske chehre par tab aya jab unhone awaz suni.

" lagta hai pahunch gaye hum " nidhi ne kaha jo anshika ke sath ek jagah khadi thi. Shreyas bhi usi taraf dekh raha tha, andhera hi andhera tha aur uske sath behti hui vo hawa jo khule kabristan mein maujud thi. Dar ki ek lehar sabhi ke sharir mein dhadakne lagi.

" hari om, hari om, bholenath " pandit ne mushkil se thuk andar kiya. Shreyas bhi ghabraya hua tha, vo janta tha jitna asan uska kehna tha use kahin jada himmat chahie thi lekin jab usne anshika ki taraf dekha to sab kuch bhool gaya. Usne dimag mein pehle se hi sab kuch tayar kar rakha tha.

" theek hai to mei andar jaunga aur sirf mei hi andar jaunga " shreyas ki baat anshika ko hairan kar dene wali lagi aur nidhi ne bhi uska samarthan kiya.

" nahi shreyas tum akele kaise "

" anshika mene har baar tumhari baat mani hai lekin abhi nahi, koi nahi janta ki tumhare uppar kis tarah ka prakop hai aur kisi ko le jakar mei uski zindagi khatre mein nahi daal sakta " shreyas ka matlab ant tak atte atte nidhi par ja pahuncha tha " aur vaise bhi mei chahta hun tum anshika ke sath raho " usne nidhi se kaha aur phir chote pandit ki taraf dekha, to pandit ko laga ki vo use apne sath chalne ke liye kahega.

" mei andar nai jaa sakta beta, adharam ho jayega " vo shreyas se pehle hi bol utha.

" nahi panditji apko mere sath nahi ana, bas mera vo kaam karna hai jo mene abhi apko kaha tha, aap abhi wahi jaap hamare liye karenge jo aapne us raat kiya tha " shreyas ki baat sunte hi pandit ne chain ki sans bhari aur han mein sar hila diya.

" theek hai, dekho kabristan badha hai aur mei nahi janta use kis jagah gadda gaya hai to ho sakta hai mei tumhari ankhon se ojhal ho jaun lekin " anshika ko usne sawal karta dekha to usne use ishare se puri baat sunne ko kaha " andhera bahut jada hai aur mei uska fayda uthaunga jaise hi mei torch ko wave karun to samjhna ki hume kuch mila hai ya phir nahi mila aur mei vapis aa raha hun " shreyas ne torch ko wave karke unhe dikhaya " aur agar mei torch ko on off karun to samjhna kuch gadbad hai aur tum sab yahan se dur ho jaoge lekin panditji aap apne mantr chalu rakhenge taki us shakti se bachne mein asani ho " shreyas ne usi tarah dikhate hue torch band karke pocket mein dal di.

" lekin shreyas agar kuch galat hua to hum to bahar nahi khade reh sakte na ye tum kya keh rahe ho " anshika ghabarahat mein boli

" anshika sahi keh rahi hai shreyas, ye kabristan hai bhulo mat yahan par har tarah ke insano ko dafnaya jatta hai " nidhi shreyas ka koi jawab deta use pehle.

' aaaaauunnnnnnnnnnnnnnn-nnnnnnnnnn ' na jane kahan se kutte ke rone ki awaz us mahol ko aur darwana bana gayi. Shreyas vaise hi sabhi ke ghabraye hue chehron ko samjhane ki kosish kar raha tha uppar se ye awaz bata rahi thi jaise dar ko bhulana mat vo tumhare sath har kadam par hai.

" shreyas tum akele nahi jaaoge "

" anshika mei akele nahi jaunga, mere sath tumhare bholenath ki kripa rahegi, panditji " shreyas ne pandit ko awaz lagai to use yaad aya ki shreyas ne rudraksh ki mala mangwai thi. Pandit ne nikali aur uspar ek path karte hue shreyas ke hath mein de di. Shreyas ne use apni kalai par bandh liya.

" befikar raho kuch nahi hoga " shreyas ne anshika ka hath majbuti se pakda aur uski taraf dekhte hue chhod kar saman utha liya. Anshika ki ankhein ghabrai hui thi aur unme pada ansu bhi gahbrate hue ankhon mein hil raha tha.

" dhayan se... " halki awaz mein anshika bas use yahi keh payi aur shreyas ne apne kadam utha kar kabristan mein rakh diye. Kadam rakhte hi kabristan ki khamoshi jaise uske kano ko chhute hue nikli. Hawa ko koi dekh nahi sakta lekin na jane kyun kabristan ki hawa jaise use behti hui dikhai de rahi thi. Har taraf kabar hi kabar thi, dil mein koi dar na ho to bhi mahol aisa darwana tha jo dehshat lane ke liye kafi tha. Shreyas ne ek baar piche dekha, nidhi ne anshika ka hath pakda hua tha aur anshika ki nazar shreyas par hi thi.

" har-har mahadev " shreyas ne beshak halki awaz mein naam liya par vo ache se janta tha ki isi shakti ke badaulat uska pyar zinda tha. Usne pocket se torch nikali aur use jala kar dhire-dhire aage badhne laga aur sabse dur jane laga.

Usne ruk-ruk kar ache se sabhi kabar par likhe naam ko pada lekin abhi tak use sam ki kabar nahi dikhi thi. Hawa ki chadar har badhte kadam ke sath moti hoti jaa rahi thi, itni jada khamoshi thi ki behti awaz mei bhi awaz thi. Use har dum aisa lagta mano koi piche-piche uske chalte hue najdeek aa raha ho lekin vo ek baar bhi piche nahi mudda. Dil itna zoron se dhadak raha tha ki uski wajah se mathe par aya pasina behte hue niche ane lagta.

Vo ek-ek karte hue naam padh raha tha aur aage badh raha tha, ab vo itni dur nikal gaya tha ki piche khade teeno ki nazron se ojhal ho chuka tha lekin andhere mein jalti torch ki ek matr roshni se andaza lagaya ja sakta tha ki vo kis disha ki aaur badh raha hai. Achanak shreyas ke kadam ek jagah jakar ruke, usne roshni se pathar ki aaur dhayan se dekha.

" Sam " usne naam ko man mein liya jiske sath uska janam aur maran din likha hua tha. Vo jo dhund raha tha use mil chuka tha. Kabar milte hi shreyas ne gale se thuk niche utara aur uske pass ja khada hua. Zameen se kuch foot uppar pathar ki chadar bichai gayi thi. Abhi tak shreyas ko kuch bhi aisa mehsus nahi hua tha jise lage ki vo shakti use rok rahi hai jo bhi dar ya khauf tha man mein vo sirf kabristan mein hone ka abhas tha.

Shreyas ne torch band ki aur anshika nidhi ko jo ek matr roshni ati nazar aa rahi thi vo bhi andhkar mein kho gayi. Vakai bahut hi jada andhera tha mano chand ki roshni bhi kabristan ko vanchit rakhti ho aur aisi jagah mein vo itni raat ko aa khada hua tha ye jante hue bhi ki vo unka ghar hai jahan bina unki izazt ke koi kadam nahi rakhta.

Shreyas apne sath ek bada hathoda aur favda lekar aya tha. Usne favda niche rakha aur ' hari-om ' bolte hue hathode ko utha kar kabar par de mara. ' khaaaatttttttt '
Hatode ki maar padte hi kabar par darar padne lagi aur shor gunj utha jiski awaz anshika tak aa pahunchi.

" use kabar mil gayi " vo bud-budai lekin itni shanti mein nidhi aur pandit dono ne suni joki kabristan se ati awaz ko sun kar samajh chuke the.

Shreyas ne vapis hatoda uthaya aur niche de mara, darar thodi badi hui aur phir ek-ke baad ek shreyas kabar ke alag-alag hisson par hatoda marta chala gaya. Chehra pura pasine se tar-batar ho chuka tha isi mein usne apni palkon par aye pasine ko pocha aur hatoda utha kar kabar par mara to vo chatak kar alag ho gayi. Usne hatoda choda aur ek ek kar pathar ko hatate hue parat par sirf mitti chhod di jiske niche sam ki laash hone wali thi. Ek pal vo ruk kar sans lene laga jo ki kafi ukhdi hui thi, usko apni pith par bhi dard ho raha tha par jada samay kharab na karte hue usne favda uthaya aur mitti par de mara ' kaacchhhhhhhhhhh ' mitti se favda laga to ek awaz phir uske kano mein padi aur jaise vo awaz wahan bas gayi. Alag-alag jagah se vo khodta gaya aur kuch der mein usne gehra gadda kar liya tha. Kapde aur chehre par mitti lag chuki thi aur vo adha us kabar ke andar khada tha, sansein chadi hui thi lekin kaam abhi adhura tha. Usne ek baar phir favda mara aur uspar mitti ikhati karke bahar fainki.

" kitni nee...che hai " hanfte hue usne khud se sawal kiya aur ghutne par hath rakh kar khada ho gaya. Pasina uske sharir se tapkta hua kabar ki mitti ko gili karne laga. " aouuffffffff " sans chodte hue usne phir khodna shuru kiya aur kuch der tak vo khodta raha aur ab vo gadda lagbhag uski lambai jitna gehra ho chuka tha jise dekh uske man mein shanka badhne lagi " itna gehra gadha to koi nahi karta, kuch gadbad hai " vo zor-zor se hanf raha tha tabhi ek behti hui hawa uske sharir ko chhute hue nikli aur ek kanpan uske purre sharir mein daud padi.

" uska sharir isme hai hi nahi " abhi sochne ka waqt nahi tha aur sabko sachet karna jaruri tha. Shreyas ne fauran torch ki aaur nazar dali jo usne wahin kahin chhodi thi agle hi pal uski nazar uspar gayi jise dekhte hi vo bahar ane laga. Abhi vo bahar ata use pehle vo torch apne aap jal gayi aur jalte sath hi vo on/off hone lagi. Shreyas ki ankhein hairani mein badi ho gayi vo fauran torch ki aaur bada.

" torch on off ho rahi hai nidhi " anshika itne andhere mein jal bujh rahi light ko dekhte hi boli, nidhi bhi usi pal ko dekh rahi thi. Pandit ne jaise hi ye dekha usne apna jaap karna shuru kar diya. " shreyas musibat mei hai, mujhe uske pas jana hoga " anshika jaise tayar hi thi andar jane ke liye par nidhi ne fauran uski kalai pakad li.

" nahi anshika tum nahi jaa sakti "

" kya bol rahi ho nidhi, shreyas musibat mein hai bhul gayi usi ne kaha tha ki "

" janti hun " nidhi ne anshika ko bich mein roka " par anshika tum nahi jaa sakti vo bhi uski jagah socho kahin agar tum " nidhi jo kehna chahti thi vo nahi keh paa rahi thi par anshika samajh gayi ki vo uski shaitani anguthi ki baat kar rahi hai " mei jati hun shreyas ke pass "

" par tum "

" kuch nahi hoga mujhe chinta mat karo aur na hi shreyas ko, tum bas panditji ke sath raho mei shreyas ko lekar laut rahi hun, promise tum andar nahi aaogi chahe kuch bhi ho jaye " nidhi ne anshika ka hath chhoda aur vo tezz kadmo se andar ki aaur badh chali.

" nidhi dhayan rakhna " anshika ka dil zoron se dhadak raha tha, uski bechaini is kadar badh gayi thi ki uski sansein sirf sans lene mein hi fulne lagi thi ' jai mata di jai mata di ' usne apne hath jod liye aur udhar pandit rudraksh ki mala ko liye ek-ek rudraksh ko ungliyun ke niche dabaye mahadev ka jaap kar raha tha, dar aur khauf uske mathe se fisalta hua niche ane laga.

Shreyas torch ko band karne ki kosish kar raha tha lekin vo bar-bar band khul ho rahi thi, akhir jab vo band nahi hui to usne yahan se hi jane ka faisla kiya. Abhi usne socha hi tha ki use apni aaur hawa ke sath kuch aur ata hua mehsus hua. Usne fauran apne badhte hue dil ki dhadkno ke sath torch ko samne ki taraf kiya taki samne se atti chiz ko dekh sake lekin usi pal torch band ho gayi. " abhi tak jal bujh rahi thi " usne band khol karna cha lekin vo band hi padi rahi aur vo chiz bilkul uske najdeek aati jaa rahi thi yahi soch shreyas ki bechaini badhne lagi, vo torch par zor-zor se marte hue use chalu karne ki kosish karne laga aur tabhi

" shreyas " awaz sunte hi vo ghabra gaya aur torch uske hath se niche gir gayi. Usne apni nazre samne ki " nidhi.. tum yahan " nidhi uske samne andhere se bahar atti dikhi.

" han shreyas vo tumhari torch ki light on off ho rahi thi isliye dar ke marre anshika yahan ane wali thi par mene kisi tarah use roka "

" nahi nidhi use mene nahi kiya vo apne aap ho rahi thi aur abhi on hi nahi ho rahi " shreyas ne torch ki taraf ishara kiya to vo ek dum se jal gayi aur dono ghabrate hue ek-ek kadam piche ho gaye.

" jab tumne nahi to ki to apne aap kaise " kehte hue uski nazar khudi hui kabar par gayi.

" kuch nahi hai nidhi uski kabar mein kuch nahi hai vo kabar khali hai " shreyas ne usko kabar ki taraf dekhte hue paya to vo bol pada.

" yani sam ki lash uski kabar mein nahi hai " nidhi fauran bol padi.

" nahi..... " shreyas thodi unchi awaz mein bola to nidhi ghabra kar uski taraf dekhne lagi " nahi nidhi naam mat lo uska, shaitani shakti ka naam uske ghar par nahi lena chahie "

" kk..k.yaa " nidhi hadh se jada ghabra gayi.

" uski maujudgi wahan khinchi chali ati hai, hume aur nahi rukna chahie jaldi chalo " shreyas ne nidhi ka hath pakda aur jald se jald vahan se use le jane laga. Vo kuch hi kadam aage badha tha ki piche se hawa ke jhonke ne dono ko hi dara dia ' huuuhhhhaaaaaaaaaaaaaaaaaaaaa ' hawa jaise kuch kehna cha rahi ho dono se. Nidhi ke baal hawa mein piche se ud gaye aur shreyas ka santulan bigad gaya.

" nidhi jaldi " dono ruke jarur the lekin shreyas nahi muda par nidhi mudh gayi aur uska hath shreyas se chhut gaya. Hath alag hote hi shreyas fauran nidhi ki taraf palta aur usi waqt vo jaise hi uska hath pakdne gaya achanak se nidhi ka per ek adrishye shakti ne khincha aur vo niche gir gayi.

" aaaaaaaaaaaaaahhhhhhhhhhhhh " nidhi cheekhi aur shreyas ne jo hath aage badhaya tha use pakadne ke liye vo hawa mein hi nikal gaya sab kuch ek hi pal mein ho gaya tha.

Nidhi jaise hi zameen par giri us shakti ne use ghasit liya jise nidhi fisalti hui shreyas ki nazar se dur ho gayi. Shreyas uski taraf badh kar use pakdta use pehle nidhi ka sharir fisalta hua usi kabar mein ja gira jahan shreyas ne khoda tha. " nidhii... " cheekhte hue shreyas us taraf badhta use pehle jitni mitti usne khodi thi vo kabar mein bharne lagi aur jab tak shreyas kabar tak aya tab tak kabar mitti se bhar gayi aur nidhi uske andar sama gayi.

" nidddhiiiiiiiiii " shreyas kabar ki mitti ko hathon se hatate hue chillaya.

 

[sexstories]

Bhai bahut hi shandar update or long bhi

Imagination krke rongte khade ho gye

Itni sari baate amb Shreyas or baki sb ne Anshika k samne kr li Shreyas pyar me kuch jyada hi pagal hai

Anshika or shaitan jude hue hai wo hai to kahi or but Anshika k roop me yahi hai amb ne kaha tha jb wo Anshika ko dekh k dari thi or kone me beth gayi thi fir b sari bate usi k samne ki gayi very good ek baat pr aapne kafi jor diya usko highlight v kiya Anshika wali baat

socha hoga nidhi jarur socha hoga par guruji nahi jante ki sam kaid nahi balki mar chuka hai aur abhi hum unse nahi mil sakte, shreyas sahi keh raha hai har baar us shaitan ko unke sharir se hi haraya gaya hai, abhi tak hume yahi lag raha tha ki ye ruh khan ki hai balki aisa nahi hai, sach to kuch aur hi nikla " anshika ne apni baat mein bahut si batein spasht kar di. Baat uski bilkul theek thi, ek pal socha bhi gaya lekin tab bhi theek hi lagi.

Iss baat pr iss baat ka jrur kuch lena dena hai meko lag ra hai baki pta ni

Yr Sam ne nidhi ke sath hi aesa kyu kiya
Scene kuch shaapit movie ka hai usme v aese hi kuch hota hai

Yaha do bate hai ya to Shreyas ne pehle hi body nikal li kyuki wo janta tha ki sari bate Anshika k through Sam sun ra hai

Ya fir Sam ne sb sun liya or apni body waha se hata di

Yaha pr Anshika jrur possessed hogi or scene create kregi meko lag ra hai baki pta nai

Chotepandit ka role kuch khas hone wala hai

Let's see what happens next

Waiting for next update

Keep writing keep rocking ?

 

[sexstories]

" aap andar nahi jaa sakte " bhawan ke duar par khade do admi mein se ek ne kaha aur shreyas ko andar jane nahi diya.

" mujhe abhi guruji se milna hai " shreyas ne phir sawal dahuraya jo vo kareeb kuch der se dauhrate hue andar jane ka prayas kar raha tha. Uski halat teetar-bitar thi, kapde miti se mele ho rakhe the, baal bikhare hue the aur chehre ka pasina mitti ke sath niche aa raha tha.

" mei apko kitni baar keh chuka hun ki vo apse nahi mil sakte, aap " usme se ek admi ab itna hi keh paya aur shreyas ne sabar khote hue us admi ko dhakka diya aur darwaja khol kar andar ghus gaya. Andar ghuste hi vo ek bade bhawan mein aa ghusa, jahan ek mithi sugandh maujud thi aur roshni ke naam par bade bade diye aur mombatiyan lagai hui thi. Bahar khada admi piche se akar shreyas ko bahar khinchne laga par agle hi pal bhawan ke ek kone se amb bahar nikali aur uski nazar shreyas par padhi jo do logon ke sath jhadap mein maujud tha.

" suniye aap log " amb ne jaise hi awaz di vo jhadap band ho gayi aur sabhi awaz ki disha mein dekhne lage. Shreyas ki nazar amb se takrai jo uske kareeb aa pahunchi thi.

" amba matta " vo dono shreyas ko chhod ek jagah sar jhuka kar kahde ho gaye " Ye mehman guruji se milne ki zid kar rahe the aur phir hume dhakka dekar andar ghus aye isliye hum inhe rokne ki kosish kar rahe the " unme se ek admi ne kaha aur shreyas turant bol pada.

" guruji se milna behad jaruri hai " uski sans abhi bhi ukhdi hui thi.

" par aapki ye halat hui kaise " usne shreyas ki kharab halat ki taraf dekha aur uski taraf dekhte hue uski nazar piche ki aaur gayi, jahan chote pandit ke sath anshika dikhi jo nidhi ko sahara dete hue andar laa rahi thi. Uski halat ko dekh amb samajh gayi ki kuch bahut bura hua hai. Nidhi ka purra sharir mitti se sana hua tha aur uski ankhein adhi band - adhi khuli hui thi mano sharir mein jaan hi na bachi ho.

" inhe fauran aram kaksh mein lekar jaiye, jaldi " amb ne adesh dete hue kaha to vo dono anshika ko ek taraf le jane lage. Shreyas ek pal unhe jatte dekhta raha uski sansein bahut tez chal rahi thi, usne agle pal amb ki taraf nazar ki " mujhe guruji se milna hai "

" par aap logon ki ye halat hui kaise? kya hua tha wahan? kya vo shaitani ruh " amb ko itna bol kar hi rukna pada.

" sam ka sharir uski kabar mein hai hi nahi " jitni hairani se usne kaha tha use kahin jada hairani amb ke chehre par thi.

" mahadev, aisa nahi ho sakta, ye tum kya keh rahe ho " amb ne shreyas ki taraf dekha aur phir chote-pandit ki aaur jo yun hi bas khade hue the.

" tabhi apse keh raha hun ki mujhe guruji se milna hai, unse milna behad jaruri hai "

" par aise kaise ho sakta hai, sam ko khud mene apne hathon se dabaya tha, tumhe koi galat femi hui hai, tum uske mayajaal mein fans gaye ho " amb jis tarah baat ko nikar rahi thi uski stithi ko shreyas samajh sakta tha lekin sach badla nahi jaa sakta tha.

" nidhi ko usne apni kabar mein kaid kar liya tha " vo ek pal ke liye chup hua, uske honth kamp rahe the " mayajaal vo nahi jo aap soch rahi hai, balki mayajaal vo hai jisse aap sab anjaan hai, mene use apni ankhon se dekha hai " shreyas ke hath kanp rahe the mano jaise sab uthal-phutal ho chuka hai.

" kya dekha tha tumne? kya hua tha? " amb ne apne hathon ki muthi banate hue sine mein dabai, uski sansein zoron se chal rahi thi " kya hua hai tum logon ke sath "
amb ke sawal karne par shreyas ek pal use ghurta raha jaise har baat ikhati kar raha ho.

Nidhi jaise hi zameen par giri us shakti ne use ghasit liya jise nidhi fisalti hui shreyas ki nazar se dur ho gayi. Shreyas uski taraf badh kar use pakdta use pehle nidhi ka sharir fisalta hua usi kabar mein ja gira jahan shreyas ne khoda tha. " nidhii... " cheekhte hue shreyas us taraf badhta use pehle jitni mitti usne khodi thi vo kabar mein bharne lagi aur jab tak shreyas kabar tak aya tab tak kabar mitti se bhar gayi aur nidhi uske andar sama gayi.

" nidddhiiiiiiiiii " shreyas kabar ki mitti ko hathon se hatate hue chillaya. " nahi, nahi, nahi... " vo tezi se mitti ko hath se khodte hue hatane laga. Vo hathon ka istemal aisa kar raha tha jaise koi machine ho lekin koi fayda nazar nahi aa raha tha jitni vo khodta utni mitti uspar vapis jama ho jati aur ye baat use ab tak pata nahi chali thi.

" niddhiii.. mei tumhe nikal lunga himmat rakhna " uski ankhein bhar ayi, ek pal uske doston ka khona samne aa gaya aur jaise Avinash uske samne khada use keh raha ho ki mei to mar gaya par meri behen ke sath aisa na ho shreyas. Dil mein ye baat usne khud utpan ki thi jiske atte hi uski ankh se ansu beh nikle aur ek pal usne khodna band kar diya aur ankhon se ansu girne laga. Insan pareshan tabhi hota hai jab vo apni zindagi ke dard ko phir usi tarah jita hai jaisa vo jee chuka ho. Ab ya to vo haar sakta tha aur apni dosti ko wahin chhod sakta tha ya phir us dard ko himmat mein badal kar kosish kar sakta tha.

Ek pal shreyas yun hi baith gaya, har badhta pal use nidhi se dur kar raha tha. Miti ko hathon mein bharte hue uski nazar us pathar par gayi jo kabar par naam ke sath uske andar dhansi hui thi. Bar-bar us naam ko padte hue shreyas ko gussa ane laga aur usi gusse mein vo apni jagah se khada hua vo us pathar ko kabar se nikal fenkna chahta tha. Usne us pathar ko pakda aur dam laga kar use bahar khinchte hue nikalne ki kosish karne laga.

" arrgghhhhhhhhhhhhh " vo itni majbuti se use uthane ki kosish kar raha tha ki uske sharir ki sari nasein aur unme daudta khoon uski chamak chhod raha tha. " argghhh "
dant piste hue usne aur zor lagaya aur pathar ko mitti se bahar khinchna shuru kar diya. Pathar mitti se dhire-dhire bahar aya aur uske bahar nikalte hi ek adrishye chehra jaise hawa se banaya gaya ho. Vo shreyas ki aaur badhte hue dahda " haaaaaaaaaaaaaaaaaaaaaaaaaaaaa " us awaz mein itni takat thi ki shreyas hawa mein udta hua piche jaa gira aur kalai par bandhi rudraksh ki mala tut kar vahan bikhar gayi. Shreyas piche gira aur usne girte hi apni nazar samne ki to vo chehra badha ho gaya tha aur kabar ke uppar hi tha jise dekhte hi shreyas ki ankhein hairani mein itni badhi ho gayi mano usne kuch aisa dekh liya ho jo uske zehan mein basa hua tha. Ek hi pal mein vo uske samne se ojhal ho gaya. Shreyas apni jagah se khada hua aur ek kadam aage badh kar use khojne laga jaise vo use vapis dekhna chahta ho lekin agle hi pal use nidhi ka khayal aya. Vo fauran kabar ke pas aya jiske pass atte hi kabar ki mitti waise hi ho gayi jaisi usne khod kar chhodi thi.

" nidhii... " shreyas fauran kabar mein kuda aur usne nidhi ke chehre ko apne hathon se uthate hue sabse pehle uski sansein dekhi, agle hi pal jab use pata chala ki sansein chal rahi hai to uski jaan mein jaan ayi. Nidhi behosh thi aur uska sharir mitti se bhara hua tha. Shreyas ne uske chehre aur naak kaan ke pass se miti hatai aur use utha kar kabar ke bahar rakh diya phir khud bahar akar usne uska sar uthaya aur apni goad mein rakhte hue uska gaal thapthapane laga.

" nidhi utho.. nidhi " uski thodi kosish mein hi use nidhi ki ankhein hilti hui dikhi, bas uske liye itna sanket kafi tha. Usne nidhi ko apni goadi mein uthaya aur kabristan se bahar nikal gaya.

" hari om bholenath kya cha raha hai tu " amb ne shreyas ke chup hote hi kaha, use abhi tak yakeen nahi ho raha tha ki jis jagah usne sam ko gadda tha us kabar mein uski lash thi hi nahi. " aise kaise ho sakta hai " man mein uthe sawal ko usne puch hi liya.

" mei jaan chuka hun ki vo vapis kaise aaya hai " shreyas ka galla sukh chuka tha

Amb use hairani mein ghurne lagi " kaise? "

" voo " shreyas itna hi keh paya ki agle pal anshika ne awaz lagai " nidhi ko hosh aa gaya hai " uski baat sunte hi shreyas us taraf dauda aur kamre mein jaa khada hua jahan nidhi laiti hui thi aur ab uski ankhein bhi khuli hui thi. Shreyas uske pas jaa baitha aur usne uska hath pakad liya.

" dara diya tha tune " nidhi uski baat sun muskura di aur phir khans padi " aram se " shreyas ki awaz galle mein hi dab rahi thi " mujhe maaf kar do nidhi " nidhi kuch kehna cha rahi thi par shreyas ne use mauka nahi dia " agar aaj tumhe kuch ho jata to shayad dost shabad se puri tarah se vanchit ho jata. Sabko to kho hi diya hai mene aur aaj tumhe bhi kho deta to " bolte hue uske honth kanp-kanpa rahe the, vo iske aage kuch nahi bol paya. Anshika ne piche se uske kandhe par hath rakh liya, ek pal ke liye vo sab kuch bhul gaya. Abhi-abhi vo apne ek aur dost ko khone se bacha tha, ek pal man mein aya ki vo kyun juda is kahani se jisme itne dard maujud hai. Harshit ne jin jin ko khoya uska bhoj kaisa raha hoga ye use ache se samajh aa raha tha.

" bhagwan ab aur nahi " dil ki tees uthi to ankh se ansu bhi beh nikla. Anshika ki ankhon mein bhi ansu the aur nidhi jo himmat dikhana chahti thi vo bhi ro padi.

" shreyas, jo hua jo hoga usme tera koi kasoor nahi " nidhi ne uske hath par apna hath rakha aur badi shaleenta se kaha. " mei theek hun aur ye mat bhool ki tune hi mujhe bachaya hai " nidhi ne apni baat khatam ki to shreyas ek pal yun hi baitha use dekhta raha aur phir uska hath chhod apni jagah se khada ho gaya.

" guruji kahan hai ? " nazar darwaje par khadi amb par thi. Amb ek pal uske chehre ko ghurti rahi " aao " itna keh kar vo mudi aur shreyas uske piche-piche chal diya. Dono chal kar bhawan ke akhri hisse mein pahunche aur dayein aaur mudh gaye jahan ek bhawaye darwaja tha. Amb ne use utna khola jitne mein vo ghus sakti thi aur vo andar chali gayi. Shreyas ek pal khada raha aur phir vo bhi andar ghus gaya. Usne jaise hi andar kadam rakhe man ke vichar hi badal gaye sukun uske tez dhadkte dil mein bas gaya. Samne ek bade pathar par guruji baithe the jinke sar par lambe-lambe baal aur dadhi bhi behad lambi thi jo pathar ke niche tak aa rahi thi. Kamre ke dono taraf behad kam roshni mein diye jal rahe the.

" guruji ? " sawal liye vo ek kadam aage badha.

" han jo abhi tak dhyan mein hai aur mei nahi janti ki vo kab bahar ayenge " amb unse thodi dur ghunte ke bal hath jode baithi thi. Shreyas ko ek pal laga jaise use vo baba dikh rahe ho un guruji mein jo kuch isi tarah us maula ali ke darga mein baithe the jab usne khan ke sharir ko unke charno mein rakha tha. Vo sirf uske man ka bhav tha sachai nahi lekin wahi bhav use ye ehsas dila rahe the jaise baba guruji sab ek ho. Abhi uske man mein itna hi tha ki achanak guruji ne apni ankhein khol li.

" guruji " unko dekhte hi amb ne dandvatt pranam kiya aur piche anshika, nidhi ko liye chote pandit ke sath andar ayi. Chote pandit ne jaise hi guruji ki khuli hui ankhein dekhi usne bhi amb ki tarah hi unhe pranam kiya.

" har-har mahadev guruji " amb aur chote pandit ikhate hi bole.

" har-har mahadev " jis tarah ka tez us chehre par tha usi tarah ki awaz bhi thi. Ankhein shreyas par hi jami hui thi aur shreyas bhi unhe hi dekh raha tha.

" apka dhyan todne ke liye maffi chahte hain guruji lekin haalat kuch aise the " amb bol kar chup ho gayi.

" tum logon ne mera dhyan nahi toda is bache ne dil se yaad kiya isliye tuta hai " guruji ne shreyas ki taraf hath se ishara kiya " aur mei janta hun ki tum kiski baat kar rahe ho pichle kuch salon se dhyan mein rehne ke baad bhi mujhe sabki khabar hai "

" mujhe maaf kijeye guruji mei vo nahi kar payi jaisa apne kaha tha " amb hath jod kar baith gayi.

" niyati ko koi nahi rok sakta balika aur vaise bhi jo usne likha ho use hum insan kya badlenge, ye to hona hi tha "

" lekin guruji uska sharir bhi us jagah par nahi hai ye kaise mumkin hai "

" malum hai aur ye bhi malum hai ki vo kahan hai aur kaise vapis aya hai, jo bhool tumse hui aur jo bhool us raat hui uska abhishap hai vo shaitan " guruji apne usi lehaze mein bole jise sun rongte khade ho gaye.

" par kaise guruji ? vo kaun aur vo sharir kaise gayab ho sakta hai ? " sabhi ke man mein uth rahe sawal ko amb hi puch rahi thi baki sab maun khade the.

" Tun uske sharir ko khoj rahe ho, tum uski ruh khoj rahe ho kyun ki tumhe lagta hai ki vo ek ruh hai jiske sharir ko tum khatam karke use chutkara paa loge jabki aisa bilkul nahi hai kyun ki na to us shaitani shakti ke pas koi ruh hai aur na hi koi sharir vo ek shaitan hai, ek shaitan jiska ghar ye sansar nahi hai "

" par aise mein hum use kaise khoj payenge ? " guruji ki baat par sabhi hakke-bakke the. Kisi ke pas, kisi ke pass koi bhi jawab nahi tha yahan tak ki shreyas ke pas bhi nahi.

" dhundne ki jarurat hi nahi hai vo hum sab ke bich hai " guruji ne amb se apni ankhein hatai aur samne ki taraf kar di. Sabhi unki nazron ka picha karte hue us taraf dekhne lage.

" shreyas " anshika ne jab guruji ki nazar ka picha kiya to uske muh se bas yahi nikla aur use aisa laga mano uski zindagi wahin ruk gayi ho. Shreyas ke chehre par ek ajeeb sa tehrav tha aur vo guruji ko bas dekhe jaa raha tha.

 

[sexstories]

Meko pta tha nidhi bach jayegi
Wo moment jo aapne darshaya bahut hi senti tha

To Shreyas ne uss ruh ko dekh hi liya ye acha hua magar meko Shreyas jadugar lagne lga hai har baat use koi v baat incident k baad pta chal jati hai amma wali baat v use pta chal gi jb wo shaitani dunia se lauta metro wale hadse se lauta tb v usko pta chal gya shaitan ka plan or wo Anshika ko lagbhag possessed kr chuka hai or ab ye nidhi wala scene or fir shreyas ka ye kehna

[color=rgb(184,]mayajaal vo nahi jo aap soch rahi hai, balki mayajaal vo hai jisse aap sab anjaan hai, mene use apni ankhon se dekha hai[/color]

Or ye..

[color=rgb(184,]" mei jaan chuka hun ki vo vapis kaise aaya hai " shreyas ka galla sukh chuka tha[/color]

???

Wese ab or v interesting lag ra hai padhne me or kuch had tak meko lag ra hai iss baar shaitan ko hatane Shreyas usi ki dunia me na jaye jo ki meko isss baat se lag ra hai

[color=rgb(184,]" Tun uske sharir ko khoj rahe ho, tum uski ruh khoj rahe ho kyun ki tumhe lagta hai ki vo ek ruh hai jiske sharir ko tum khatam karke use chutkara paa loge jabki aisa bilkul nahi hai kyun ki na to us shaitani shakti ke pas koi ruh hai aur na hi koi sharir vo ek shaitan hai, ek shaitan jiska ghar ye sansar nahi hai "[/color]

Bhai wese to guruji k aane se meko bahut Rahat mili hai ki finally koi to help krne wala aa gya upar se use sb pta hai jo ki unhone khud kaha hai

[color=rgb(184,]malum hai aur ye bhi malum hai ki vo kahan hai aur kaise vapis aya hai, jo bhool tumse hui aur jo bhool us raat hui uska abhishap hai vo shaitan "[/color]

Bhai guruji ki iss line se to dil dhak se reh gya

[color=rgb(184,]dhundne ki jarurat hi nahi hai vo hum sab ke bich hai " guruji ne amb se apni ankhein hatai aur samne ki taraf kar di. Sabhi unki nazron ka picha karte hue us taraf dekhne lage.[/color]

Bhai last ka para padh kr lag ra hai ki kuch to gadbad hai ab tak ki kahani k anusar guruji ne jisko dekha sbko yahi lagega ki wo Anshika hai but story itni simple to hai ni kuch na kuch to twist hai iss last para me

[color=rgb(184,]" shreyas " anshika ne jab guruji ki nazar ka picha kiya to uske muh se bas yahi nikla aur use aisa laga mano uski zindagi wahin ruk gayi ho. Shreyas ke chehre par ek ajeeb sa tehrav tha aur vo guruji ko bas dekhe jaa raha tha[/color]

Wese Bhai aaj ka update suru hone se pehle khatam ho gya

Waiting for next update

[color=rgb(84,]Thank u bhai jo apne iss type ki life changing story likhi or likh rahe ho sach me dil se keh ra hu[/color]

Keep writing keep rocking ?

 

[sexstories]

Kaafi bhadiaa update

..jo socha vo nahi hua...aur jo nahi socha vo ho gaya

Kal ke update mein laga ki Nidhi toh gayi

....lekin lagta hai kal ki apne beech hui baat jada hee asar kar gayi

[color=rgb(84,]" par aapki ye halat hui kaise " usne shreyas ki kharab halat ki taraf dekha aur uski taraf dekhte hue uski nazar piche ki aaur gayi, jahan chote pandit ke sath anshika dikhi jo nidhi ko sahara dete hue andar laa rahi thi.[/color]
Jo koi nahi kar sakta...vo tu karta hai...ek scene mein Nidhi ki aisi death jisse laga ki vo gayi...lekin fir kitne bhadia tarike se ye explain kara ki vo kaise bachi

...kamal ki skill hai ye.
[color=rgb(84,]Shreyas piche gira aur usne girte hi apni nazar samne ki to vo chehra badha ho gaya tha aur kabar ke uppar hi tha jise dekhte hi shreyas ki ankhein hairani mein itni badhi ho gayi mano usne kuch aisa dekh liya ho jo uske zehan mein basa hua tha. Ek hi pal mein vo uske samne se ojhal ho gaya.[/color]
[color=rgb(0,]Samhaj se bahar hota jaa raha hai sab maamla...pehle vo ruh attack karti hai...aur fir achanak se gayab ho jaati hai...kya chakkar hai ye

Uske baad shreyas ka baar baar ye kehna ki vo jaan chuka hai ki vo vapas kaise aaya...kuch toh hai jo ajeeb hai

Finally Guruji se milna ho hee gaya...yahin hain iss baar sab karta dharta..lagta hai ye hee suljhayenge puri kahani

[/color]
[color=rgb(84,]" Tun uske sharir ko khoj rahe ho, tum uski ruh khoj rahe ho kyun ki tumhe lagta hai ki vo ek ruh hai jiske sharir ko tum khatam karke use chutkara paa loge jabki aisa bilkul nahi hai kyun ki na to us shaitani shakti ke pas koi ruh hai aur na hi koi sharir vo ek shaitan hai, ek shaitan jiska ghar ye sansar nahi hai "[/color]
[color=rgb(0,]Kaafi gehri aur sochne vaali baat bol gaye guruji...unke kahe anusaar agar na vo ruh hai aur naa hee uska koi sharir hai...toh fir vajood kya hai uska

...koi toh aisi chej hogi hee na jisse vo judi hai...shayad Ring

[/color]

Guruji ka ye kehna ki "vo hum sabke beech hai"

...hila diya isne...matlab kya hoga abb

Aur fir Anshika ka Shreyas kehna....do baat ho sakti hain...ya toh sab Shreyas ko ghur rahe hain isliye usne bola....ya fir sab usse ghur rahe hain isliye usne bole ghabrahat mein

Anyways...kahani kaafi ahem mod par hai...apne ko roj update mangta

Waiting for next

 

[sexstories]

" zindagi se zindagi judi hai baba hamesha mujhse yahi baat kehte the " shreyas itna hi bol kar chup ho gaya. Guruji ka uski taraf ishara karne ke baad har koi uski hi taraf hairat mein dekh raha tha. Anshika ko to guruji ki baat par vishwas nahi ho raha tha lekin shreyas janta tha jo vo keh rahe hain uske piche kitna sach hai.

" shreyas ? " anshika ne uske kandhe par hath rakha. " guruji kya keh rahe hain? tum bolte kyun nahi ki aisa kuch nahi hai " vo anshika ki baat sun kar chup khada raha. " kyun nahi bol rahe ki shaitan tum nahi mei hun, usne mujhpar kabza kiya hai batao sabko " anshika ne uski taraf se nazar hata kar guruji ki aaur dekha.

" guruji sahi keh rahe hain anshika " shreyas ne itne rukhe pan se kaha ki usne anshika ko ek pal ke liye wahin khada rakha jis jagah vo khadi thi. Guruji ki baat sunne ke baad sabhi hairan the lekin shreyas ke muh se sun kar to aisa laga jaise sabhi sans lena hi bhul gaye ho.

" k...kya... ? " anshika ne shreyas ki taraf dekha aur uske muh se bas itna hi nikla. Uski ankhein kyun bhari thi ye batane ki jarurat nahi thi. Shreyas ek pal chup raha aur phir usne bolna shuru kiya.

" Baba ne mujhse kaha tha ki mujhe har kadam sahi chalna hai varna phir koi aisi anhoni hogi jise phir kahani adhuri reh jayegi aur mujhse wahi anhoni hui jis bhool ki baat guruji ne kahi " uski baat abhi tak koi nahi samjha par kisi ne koi sawal nahi kiya kyun ki vo sab shreyas ke muh se sunna chahte the.

" yaad hai tumhe vo raat jab tumhe laga tha ki tumne mujhe kho diya hai aur meri sansein band ho gayi thi " Anshika is baat ko kaise bhul sakti thi jab vo shreyas ko apni goad mein liye baithi thi aur use uthane ki kosish kar rahi thi par vo nahi uth raha tha. Us paal ko yaad karte hi anshika ne han mein sar hilaya " vo meri zindagi ka yun achanak se vapis ana uske piche ki wajah koi aur nahi balki wahi ruh thi jiska janam meri ek bhool ki wajah se hua " shreyas ne itne dheme aur rukhe pan se kaha ki sabka dil zoron se dhadakne laga. Anshika kya, kya nidhi aur kya hi amb, sab bechaini se use dekhne lage jaise chahte ho ki vo kuch kahe.

" Bhai, anshika, us raat khan ki ruh ne uspar kabza kiya tha jispar kabza karte hi vo pehchan gaya ki vo kaun hai aur kya hai, vo us khoon ko pehchan gaya tha anshika aur mujhe ab samajh aya ki resort mein use kyun kuch nahi hua kaise vo har chiz se bachta raha " shreyas ne jaise hi ye baat kahi sabhi ki ankhein hairani mein badi ho gayi " us raat jab mene khan ke sharir ko nasht kiya us waqt vo bhai ke sharir mein thi aur ho na ho bhai par khan ki ruh ne wahi asar kiya jo sam ne kiya tha isliye jab khan ke sharir ka ant hua tab usne bhai ke sharir se uski ruh ko to nasht kar diya lekin uska jo ansh bhai se juda tha vo us raat sam ke mare hue sharir se jaa mila aur tabhi sam ka janam hua vo us kabar se bahar aa nikla aur hum sab ke bich ek aise shaitan ne janam liya jo na hi insan hai aur na hi koi ruh " shreyas ke bolte sath hi sabhi ke rongte khade ho gaye, dil zoron se bhagne laga. Shreyas ki ankhein sochte hue zoron se hilne lagi uska dar jo use itne waqt se lagta aya tha vo aaj sach jo ho gaya tha " meri hi bhool ki wajah se hua ye sab, mene hi bhai ko kahani se joda tha " usne phir anshika ki aaur dekha " guruji jis bhool ki baat kar rahe the vo mujhse hi hui thi anshika " shreyas bata kar chup hua to khamoshi is kadar badh gayi ki ek dusre ke sanson ki awaz wahan tehar si gayi aur phir vo khamoshi sabhi ko katne lagi. Kuch pal shanti bani rahi, koi kuch nahi bola sabhi ki nazre shreyas ke chehre par thi aur uski nazar farsh par thi.

" zindagi se zindagi judi hai baba ne hamesha mujhse yahi kaha isliye mene maan liya ki us raat mere bachne ki wajah tum ho anshika " uski nazar abhi bhi farsh par hi thi jahan jalti roshni ki parchai ban rhi thi " tumhara pyar tha, vo zindagi isliye mili kyun ki tum use judi thi " shreyas ka galla baithne laga " lekin mujhe tumhara pyar nahi balki vo shaitan vapis lekar aya " kehte hue uske ankh se ansu ek jhatke mein utar aya. Vo vishwas jo pyar ka use juda tha, kahani se juda tha, jise vo hamesha se sochta aya tha vo ek jhatke mein tut gaya. Anshika ki ankhein bhi ro di thi par farak itna tha ki vo abhi tak hairan thi, pareshan thi, uski ankhein itni lal ho chuki thi mano dil dard mein khoon ke ansu rona chahta hai par beh sirf wo pani jaisa hi raha tha.

" nahi shreyas.. tum galat keh rahe ho vo tumhe vapis nahi laya hai " anshika jis tarah nakar rahi thi use sun shreyas hairan nahi tha lekin sach wahi tha jise vo jhutlata bhi to kaise " bolo tum sahi nahi ho " anshika han sunna chahti thi lekin shreyas ne nah mein sar hila dia jise dekh anshika ne apni ankhein band kar li aur muh par hath rakh rone lagi jaise koi bacha rota hai. Shreyas ki himmat nahi hui ki vo apni nazar utha kar use dekh sake, use bhi is baat ka vishwas na hota lekin jab kabristan mein usne harsh ka chehra us shaitani chehre ke piche dekha to vo tabhi samajh gaya ki sam aur harsh dono ek hi hai, shakal se bhi aur khoon se bhi.

" to hum sab sahi soch rahe the, ye ruh khan ki hi hai " nidhi ne anshika ko sambhalte hue kaha.

" nahi " shreyas ne fauran jawab diya " khan ki ruh to usi din nasht ho gayi thi nidhi par bhai ko apne kaid mein karte hi uski wahi halat ho gayi jo sam ne bachpan mein ki thi isliye jaise hi uska sharir nasht hua uska ansh sam se ja juda. Vo ruh khan ki nahi hai nidhi aur na hi sam koi atma hai vo ek shaitan hai aur mei uska rakhwala " shreyas ne is baar nazre uthai to uski ankhon mein vo takleef aur dar hil raha tha.

" lekin tum ek shaitan kaise ho sakte ho, mei nahi man sakti " nidhi ne ek baar phir sawal kiya. Shreyas ne anshika ki aaur dekha usne rona to band kar diya tha par vo besudh hue nazre jhuka kar khadi hui thi.

" mei shaitan nahi hun nidhi lekin us raat mujhe meri zindagi lautane wala mera pyar ya koi bhagwan nahi tha balki ek shaitan tha " vo behad dhimi awaz mein bol kar chup hua. " isliye vo hume janta tha lekin hum usse nahi tabhi usne mujhe chuna taki mei uski dunia mein jakar uski kamjori use lakar de sakun bas vo mauka talash raha tha jo mauka use anshika ke zariye mila jab usne apni anguthi banwai " jawab dekar shreyas anshika ke pas gaya aur usne use apni bahon mein bhar liya, jo dard dono mehsus kar rahe the use sirf wahi samajh sakte the.

" kesi kamjori? kaun si baat kar rahe ho tum ? " amb ne sawal kiya kyun ki vo us baat se anjan thi. Sawal usne shreyas ki taraf dekh kar kiya tha lekin shreyas shayad anshika ke dard mein is kadar kho chuka tha ki usne kisi baat par dhayan nahi diya. Nidhi ne shreyas ki taraf dekha jo ek anjani soch mein tha islye usne amb ke sawal ka jawab diya, kaise us shaitan ne anshika ko apne vash mein karke shreyas ko shaitani dunia mein bhej kar un anguthi ko hassil kiya.

Amb nidhi ka jawab sun kar hairat mein padh gayi " bholenath aise kaise kar sakta hai vo " sawal usne khud se hi kiya par jawab guruji ne dena shuru kiya.

" tumse jo bhool hui uski wajah se amba " guruji ki baat sunte hi amb unki taraf mudi aur usne hath jod liye " jo anguthi humne tumhe di thi vo us shaitani takat ko rokne ke liye di thi lekin tumhara usko marna jiski wajah se uska sharir to khatam ho gaya par uski shaitani takat us anguthi mein sama gayi aur aaj wahi anguthi uski sabse badi takat hai jiske chalte vo apni ichaon ko pura kar raha hai lekin vo koi atma nahi hai jiska khatma hum kar sakein " guruji ke kehne ka matlab tha ki us din jab sam mara to uski shakti us anguthi mein sama gayi aur jab harsh ka sharir khan ki ruh se nasht hua tab vo sam se jaa mila. Anguthi ki kali shakti aur harsh ke ansh ne sam ko vapis zinda kiya par is baar na hi vo insani roop mein zinda hua aur na hi shaitani ruh mein.

" to vo hai kya ? " amb ne sawal kiya jiska shayad jawab pehle bhi mil chuka tha lekin ab shayad matlab samajh ane wala tha.

" vo shaitan hai jo tumhare bete ko apni dunia mein le jaa chuka hai aur har un sabhi logon ko bhi jiski maut is bache ke sapne mein ayi " guruji ne shreyas ki aaur ishara karte hue jawab diya jise sunte hi sabhi ke rongte khade ho gaye. " isliye na hi uska koi astitv hamari dunia se bacha hai aur na hi uska sharir, use sirf hamari aur apni dunia ka ek rasta chahie tha jo "

" jo un anguthi mein tha jise mene lakar diya " shreyas ne jaise guruji ki baat samajh li thi, uski hairani is waqt utni hi thi jitni baki sab ki. Guruji ne han mein sar hilaya aur hath uppar ki aaur uthate hue bole jaise unka yahi andaz tha.

" tumhari sabhi batein sahi thi sivai ek ke, usne tumhe isliye nahi chuna kyun ki vo tumhe shaitani dunia mein le ja sake balki jahan vo tumhe lekar gaya tha vo to shaitan ki dunia thi hi nahi "

" kya ? " uske muh se fauran nikla jiske baad vo bolna bhi cha raha tha to bol nahi paya. Sach kya hota hai use aaj malum hua tha kyun ki aisi khamoshi usne kabhi bhi apne sharir ke andar mehsus nahi ki thi. Anshika bhi kabhi shreyas ki taraf dekhti to kabhi guruji ki taraf.

" kudrat hamesha burai aur achai ke uppar bani hoti hai " guruji ne batana shuru kiya " jis anguthi ko mene diya tha vo bhi usi kudrat ke karishme se judi thi lekin jab shaitan ne uspar kabza kiya to vo tut kar tukdon mein bikhar gayi taki uski takat kam ho sake lekin use sab malum tha amba ke dusre bete ke ansh se use sab pata chal chuka tha isliye vo tumhe bhi janta tha aur tumhari kahani ko bhi isliye tum tak pahunchne ke liye usne apni takat badhani shuru ki aur un sabhi logon ko mara jiski maut tumne apne sapne mein dekhi aur zariya tumhari ardhangni ko banaya jiske baad usne tumhe apne mayajaal mein uljha kar un shaktiyun ka grehan kiya jiski use jarurat thi " guruji ne muthi bandh karte hue apni baat kahi aur ek pal chup hokar shreyas ki ankhon mein dekhte rahe " vo takat sirf tum khoj sakte the kyun ki sirf tum hi kahani ko jante the, uske dard ko uske pyar ko jante the isliye us raat usne tumhe zinda kiya taki tum uski takat use lauta sako " guruji ki baat khatam hote hi shreyas ko aisa laga jaise uske per jabav de jayenge par abhi kuch aur sunna baki tha.

" guruji akhir vo chahta kya hai? aur usne anshika par kabza kyun kiya? mujhe usme sam ki jhalak dikhti hai " amb ne guruji ke chup hote hi sawal kiya.

" kyun ki uska pyar adhura reh gaya tha "

" kiska "

" tere dusre bete ka uska ansh bhi to ab ise mila hai "

" kya matlab ? " is bar sawal shreyas ki aaur se tha.

" tumhe laga ki is bachi ne us shaitan ki madad ki aur tumse sab karwaya asal mein to ye is bachi ka pyar tha tumhare prati jisne uski takat ko rok rakha hai varna vo to kab tak use apne sath le gaya hota jaise vo bakiyun ko le ja chuka hai " guruji ka ishara us anguthi ki aaur tha jo anshika ki ungli mein thi. Ye vo dusri baat thi jisme sab galat sabit hue the, sabko lag raha tha ki anshika shaitan se judi hai asal mein juda to khud shreyas tha. " aur ab iske pas jada waqt nahi hai, kal vo kali andheri raat hai jab vo apni takat ko ikhata kar apni dunia ka rasta khol dega aur uske sath is bachi ko tujhse dur le jayega vo bhi hamesha hamesha ke liye " bas ye sunte hi shreyas ke per ladkhada gaye aur vo ek dum se vahin gir gaya, jis baat ka use dar tha, jise rokne ke liye usne itna dard saha tha aaj wahi uski galti ban kar anshika ko use dur kar raha tha.

" shreyas " anshika fauran uske sath baith gayi aur uska chehra apni taraf moda lekin uski ankhein jhuki hui thi, vo anshika ki aaur dekh hi nahi paa raha tha.

" meri taraf dekho shreyas dekho, dekho " anshika ke bar-bar kehne par shreyas ne anshika ki taraf nazar uthai aur uski ankhein ro padi.

" mene jo bhi kiya sirf tumhe bachane ke liye hi kiya, mujhe nahi malum tha ki meri wajah se hi tum " vo bas itna hi keh paya aur ansu aise beh nikle jaise dil se koi bacha rota hai. Zindagi mein maa se usne hamesha yahi sikha tha ki pyar kaise karna hai aur aaj usi ki wajah se vo apne pyar ko kho raha tha.

" mei janti hun shreyas " usne uske rote hue chehre ko apne hath se uthaya jo bar-bar jhuk raha tha, mano gunah kar baitha ho apne pyar se. Anshika janti thi is samay agar vo ro gayi to shreyas ko kabhi sambhal nahi payegi isliye usne apni ankhon mein aye ansu ko kisi tarah andar hi rok rakha " tumhare jaisa pyar to dunia mein koi nahi kar sakta shreyas, ye zindagi to tumne hi di hai aur ispar hamesha tumhara hi hak hai. Tumhari koi galti nahi hai shreyas " usne uska chehra apne sine se jod liya, bhala vo bhi ise jada kya kehti, dil uska bhi ro raha tha isliye nahi ki uske pas waqt kam hai balki isliye kyun ki vo use hamesha ke liye shreyas se dur ho jane wali thi. Uske dil mein wahi baat ayi, abhi to bas pyar shuru bhi nahi hua tha aur ant samne khada tha.

Dono ko yun dard mein dekh nidhi ke sath amb ke bhi ansu aa nikle the. Nidhi ki sans chadi hui thi aur usne usi ke sath apna sawal kiya " guruji par anshika hi kyun? "

Guruji nidhi ki bechaini ko samajh sakte the " kyun ki ye bachi us jagah se judi thi aur sirf yahi nahi jin-jin logon ne un jaghaon par apne kadam rakhe jahan koi pret-atma ka sayan tha, kisi shaitani shakti ka vaas tha un sabhi logon ne iska prakop jhela, vo anguthi par tab hi kabu rakh sakta tha kyun ki har buri pret-atma shaitani dunia se hi judi hoti hai aur usi ke jariye vo apni anguthi ki shakti un logon par azma sakta tha " guruji ne is baat se parda hata kar kahani ki ek matr paheli ko suljha diya jise sab shuruwat se khojte aa rahe the.

" to koi to tarika hoga na anshika ko ise bachane ka ? " sawal shreyas ki taraf se hona tha par kiya nidhi ne.

" ek tarika hai " guruji ki baat sunte hi shreyas jaise apne hosh mein aya aur vo fauran anshika se alag hote hue khada hua aur guruji ki taraf dekhne laga, sath mein usne anshika ko bhi apne sath khada kar liya tha. " is ladki ko uski dunia mein bhejna hoga aur agar isne kal andheri raat ke khatam hone se pehle uski shakti hassil kar li to ise vo kabhi nahi le ja payega "

" ye aap kya keh rahe hain ? anshika ko uski dunia mein vo bhi akele ? " shreyas hairat bhari nighaon se dekhte hue bol utha. Guruji ne kaha kuch nahi bas han mein sar hila diya. " nahi aisa nahi kar sakte, hum anshika ko uski dunia mein nahi bhej sakte " shreyas aise nakarne laga jaise uske pass kai aur raste ho.

" shreyas " anshika ne piche se uske kandhe par hath rakha.

" nahi anshika " usne anshika ka hath jhatak diya jise dekh vo chaunk padi kyun ki aaj se pehle usne aisa kabhi nahi kiya tha. " ye nahi ho sakta " vo gusse mein uski taraf dekhte hue bola shayad pehli baar vo is gusse ko dekh rahi thi.

" shreyas "

" nahi kaha na mene " achanak se shreyas ki awaz hi badal gayi aur wahan jal rahe sare sarre diye bhuj gaye aur ghup andhera cha gaya.

 

[sexstories]

Kya update tha bcc ? ? ....one of the most confusing update...2-3 baar padh kar samhaj mein aaya

Saare past ke raaz khul gaye almost...aur sab pata laga ki kaise, kab aur kyun hua tha sab..

Pichle update se hee lag raha tha ki sayad Shreyas mein hee kuch gadbad hai

...Lekin.......
Sabse pehle ye pata laga ki Shreyas ki ek bhul ki vahjah se ye sab hua tha...

Uske baad jo pata laga usne toh hila kar rakh diya

.....Khan ne jab Harsh ke sharir par kabza kara tha toh vo ye jaan gaya ki vo ek shaitan ka khun hai...aur isiliye jab Khan khatam hua toh harsh bhi hua...lekin uski ruh jispar pehle se hee shaitan ka vaas tha..usne Sam ko janam de diya

Sabko yahi lag raha tha ki ye Khan ki hee ruh hai...lekin aisa nahi tha...vo toh Anguthi ki kali shakti aur harsh ke ansh ne hee sam ko vapis zinda kiya

Uske baad Shreyas ka ye kehna ki vo uska Rakhwala hai..one of the most Important line

...shaitan ne baar baar uska istemaal kara hai

Shreyas ke sapne...vo sab bhi uss Shiatn ka hee maaya jaal tha

.unn sabb logon ka marna jo sapne mein dikhe aur iska jariya thi Anshika ....aur vo Anghuthiyan jo Shreays lekar aaya vahi ek matr rasta hai uss shaitan ke liye

Uske baad ek ke baad ek bomb futte gaye....Anshika ko kyun chuna...ye bhi pata chal gaya...lekin ek doubt hai ki Anshika ki uss Anghuthi ka kya connection hai uss ruh se

[color=rgb(84,]" to koi to tarika hoga na anshika ko ise bachane ka ? " sawal shreyas ki taraf se hona tha par kiya nidhi ne.[/color]
:

Pehle Shreyas....aur abb Anshika

...bhai soch samhaj ke likh...kya chahta hai

Jab Shreyas ka itna bura haal ho gaya tha toh Anshika ka kya hoga

Kuch toh jaadu karega Shreays

...aisa matt hone do

Anyways...waiting for next

 

[sexstories]

" to koi to tarika hoga na anshika ko ise bachane ka ? " sawal shreyas ki taraf se hona tha par kiya nidhi ne.

" ek tarika hai " guruji ki baat sunte hi shreyas jaise apne hosh mein aya aur vo fauran anshika se alag hote hue khada hua aur guruji ki taraf dekhne laga, sath mein usne anshika ko bhi apne sath khada kar liya tha. " is ladki ko uski dunia mein bhejna hoga aur agar isne kal andheri raat ke khatam hone se pehle uski shakti hassil kar li to ise vo kabhi nahi le ja payega "

" ye aap kya keh rahe hain ? anshika ko uski dunia mein vo bhi akele ? " shreyas hairat bhari nighaon se dekhte hue bol utha. Guruji ne kaha kuch nahi bas han mein sar hila diya. " nahi aisa nahi kar sakte, hum anshika ko uski dunia mein nahi bhej sakte " shreyas aise nakarne laga jaise uske pass kai aur raste ho.

" shreyas " anshika ne piche se uske kandhe par hath rakha.

" nahi anshika " usne anshika ka hath jhatak diya jise dekh vo chaunk padi kyun ki aaj se pehle usne aisa kabhi nahi kiya tha. " ye nahi ho sakta " vo gusse mein uski taraf dekhte hue bola shayad pehli baar vo is gusse ko dekh rahi thi.

" shreyas "

" nahi kaha na mene " achanak se shreyas ki awaz hi badal gayi mano usne nahi balki kisi aur ne kahi ho aur wahan jal rahe sarre diye bhuj gaye aur ghup andhera cha gaya. Ek pal ke liye sabhi ka dil kanp utha, aisi apar shakti ya to ek bahut bada vidhwan bhraman kar sakta hai ya phir koi shaitan. Anshika shreyas ke sabse jada najdeek khadi thi tab bhi uska chehra nahi dikh raha tha. Vo ek pal ke liye jhijki aur ghabrai bhi lekin phir bhi usne shreyas ka hath pakda aur behad dhimi awaz mein uska naam liya.

" shreyas " par samne se koi jawab nahi aya aur usi pal kamre mein dubara roshni laut ayi. Roshni ke atte hi gurji ne apni ankhein kholi, shayad unhi ki shakti thi jisne sabhi diye jala diye the. Anshika ko andhere se roshni hone ka farak hi nahi pada, kyun ki jo vo mehsus kar rahi thi shreyas se vo usne aaj se pehle kabhi mehsus nahi kiya tha. Shreyas gusse mein anshika ko ghure jaa raha tha jaise use koi matlab na ho.

" shreyas " is baar anshika ne uska hath pakda " tumhe kuch nahi hua hai, tum vo nahi ho jo vo tumhe banana chahta hai, tum mere shreyas ho " anshika uske aur najdeek ayi, ankhon mein abhi bhi shreyas ke gussa tha " maa ne tumhe jis tarah pyar diya hai tumne bhi mujhe usi tarah pyar kiya hai " anshika ne apna dusra hath uske dil ke uppar rakh diya jo is waqt dhadak hi nahi raha tha. Ye mehsus karte hi anshika ki ruh kanp uthi, uski ankh se ansu aa nikla, vo samajh nahi payi ki aisa kaisa ho sakta hai vo chahti thi ki cheekh kar sabko bataye lekin use apna ye faisla theek nahi laga aur hath hata liya " is dil mein sirf apno ke liye pyar hai unki izat hai, nafrat to kabhi ho hi nahi sakti, hai na ? " ansika ki nazar shreyas par hi jami hui thi. Sab is pal ko dekh khamosh the, sehme hue the.

" mei sada tumhare sath rahungi shreyas bhale hi jahan bhi rahun, tum mere dil mein dhadakte ho aur mei janti hun ki tumhare dil mein bhi sirf meri fikar hai, mere liye pyar hai to mei jahan bhi rahungi vo ehsas hamesha tumhare sath hoga, har dum, har pal. Tum hi kehte ho na is kahani mein jitna vishwas pyar par kiya gaya hai utna to khud par bhi nahi to tumhe bas apne pyar par vishwas karna hai, us ehsas par karna hai phir dekhna mei hamesha tumhari ankhon ke samne hi rahungi kabhi koi tumse mujhe alag nahi kar paya, karega bhi kaise kyun ki sharir marta hai par ehsas nahi " bolte hue anshika ke honth ladkhda gaye " vo to hamesha dil mein hi rehta hai " usne jaise hi apna hath phir uske dil ke uppar rakha to ek pal uski sansein bhi dhimi ho gayi thi par agle hi pal use mehsus hone laga ki vo dhadak raha hai. Mehsus karte hi anshika ne apni nazre uthai to shreyas ki ankh se ansu nikal aya tha, anshika fauran uske sine se jud gayi kyun ki uski zindagi vapis aa gayi thi.

Shreyas ko yaad nahi tha ki use abhi kya hua tha, use bas itna yaad tha ki anshika ko shaitani dunia mein jana hoga aur kisi ne bette pal mein hue vakye ka zikr bhi usse nahi kiya. Vo kaise han kare ye baat uska dil maan nahi raha tha aur kya kare jise anshika ko is kahani se alag kar sake dil iska jawab de nahi raha tha. Uske liye dono taraf ek aisi mushkil aan khadi hui thi jahan vo mana karke bhi apne pyar ko kho raha tha aur han karke bhi kyun ki vo samajh raha tha jab shaitan ka ek matr mayajal itna dardnak tha, itne khatron se bhara tha to asliyat kaisi hogi.

Shreyas khule asman ke niche sidiyun par baitha hua phone par baat kar rha tha " ji theek hai inpector, shukriya " usne phone katta aur apni naak se aye pani ko saaf karne laga, agle hi pal anshika uske bagal mein aa baithi. " guruji theek the anshika, vo sabhi log marne se pehle kisi na kisi aisi jagah par hokar aye the jahan kisi shaitani ruh ya bhoot-pret ka saya tha, shalini, mohammad, sehzad aur baki sab bhi, unki file mein kahin na kahin aisi jagah ka naam jarur maujud hai aur "

" aur mera resort se " anshika ne jo kaha vo shreyas ne man mein kaha tha par jaban par nahi laa paya " shreyas " usne uska hath pakda aur shreyas ne akhir apne dil ki baat samne rakh di jo vo soch kar hi kanp raha tha. Bolne se pehle hi uske honth kanp rahe the, ankhein rona cha rahi thi lekin ro bhi nahi paa raha tha. Kamjor insan ke sath aisa hota hai jab ansu ankhon mein chip jatte hain aur dil ka bhoj badh jata hai.

" tum resort se judi thi sirf isliye hi nahi usne anguthi ke zariye tum par kabza kiya balki vo tumhe chahta hai anshika, hume laga tha usne tumhe asalyum mein isliye chhoda kyun ki vo tumse apne kaam karwa raha tha balki usne tumhe isliye chhoda kyun ki vo tumhe pana chahta hai wahi dard dena chahta hai jo bangle mein sonia ko diya gaya " shreyas ka sharir bolte hue pura kanp utha, uske rongte khade ho chuke the, sochne se jada to batane mein takleef ho rahi thi. Anshika uski ankhon mein dekhte hue samjhne ki kosish karne lagi.

" bhai tumhe pana chahta tha anshika, vo to uski achai thi jab usne mera sath diya lekin khan ki ruh ne uspar kabza karke uski achai to wahin nasht kar di thi isliye uska ansh jab sam se juda to ... to vo apni purani icha mein vapis ja lauta jo vo tumse us waqt chahta tha vo ab pura karna chahta hai " shreyas ke honth kanp rahe the shayad ek aur baat thi dil mein par use kehne mein jhijhak raha tha " vo tumhe kabhi vapis nahi ane dega anshika kyun ki use wahi chahie jo vo marne se pehle chahta tha, vo tumhe kabhi nahi chhodega, kabhi nahi " shreyas ne apni nazar jhuka li aur phir subakte hue dhire-dhire rone laga. Anshika uske dard ko dekh khud ko nahi rok payi, uski ankhon se ansu aa nikle aur vo samajh gayi ki shreyas use jane se kyun rok raha tha, bhale hi uske zehan mein reh kar shaitan use mana karwa raha tha lekin phir bhi shreyas ka pyar uske andar zinda tha aur tabhi vo is baat ko nahi maan raha tha. Shreyas ne nazre jhukai rakhi aur phir apni us haar ko bayan kiya jise ladh kar vo anshika ko bachana chahta tha.

" usne hamare sath ek aisa khel khela anshika jise mei pehchan nahi paya, usne mujhe chuna taki mein uske liye kaam kar sakun aur tumhe khud se alag kar dun " shreyas ne apni nazar utha kar anshika ki aaur dekha " jimmewar vo nahi hai balki mei hun "

" nahi shreyas nahi.. tumhe kaise pata hoga isme tumhari galti bilkul bhi nahi hai, khud ko dosh dekar dil se dard ko mat jodo, vo tumhare andar ki himmat tod dega " anshika ne use samjhte hue uske chehre ko apne hathon mein thama jisme shreyas apna chehra aise sehlane laga mano sabhi takleefon ka hal wahin ho.

" shreyas, anshika " nidhi ki awaz sunte hi shreyas apne sapne jaisi hakikat se bahar aya aur anshika ke sath us taraf dekha " guruji ne bulaya hai " vo bas itna hi keh saki aur ek pal un dono ko dekh andar chali gayi.

" mana kar dena anshika please.. vo tumhe vapis nahi ane dega " shreyas anshika se gidgdate hue bola. Anshika ko uski sithti dekh bilkul bhi acha nahi lag raha tha jee to uska yahi tha ki sab kuch chhod apne pyar ke dard ko alag kar de lekin niyati ke aage vo majbur thi.

" tumhe mujhpar bhrosa hai ? " anshika ne sawal kiya par shreyas wahi baat dahurata raha. " shreyas tumhe mere pyar par bhrosa hai ? " is baar shreyas shant hua aur uski taraf dekhne laga. Dil ke jhakham chehre par har taraf maujud the, uski naak fulti aur phir sikud jati jaise sanson ke jariye hi vo ansu rok raha ho. Vo janta tha anshika use shabdon mein fansa kar use mana rahi hai lekin na karke vo apne pyar ki izat to utar nahi sakta tha isliye usne han mein sar hila diya.

" to phir us pyar par bhrosa rakho, mei use kabhi dard nahi dungi hain na? " anshika janti thi use shabdon mein uljha kar manaya jaa sakta tha, janti to vo khud bhi thi ki uske sath kya hone wala hai lekin shreyas ko us dar se dur karna jaruri tha. Is taraf anshika ki aisi baton ka jawab shreyas ke pas nahi tha, vo mana karke bhi mana nahi kar paa raha tha. Vo janta tha ki anshika khud use bata rahi hai ki use jana hoga aur shayad vo vapis na aa paye aur vo khud uski izazt de raha tha. Is dard ke bhoj ne akhir uski sari himmat tod di. Bhale hi gunha usne nahi kiya tha par ab vo saza ke roop mein kaid ho chuka tha. Anshika use chup pakar apne sath lekar khadi hui aur bina kuch bole use andar le gayi.

Kamre mein sabhi maujud the, kuch pal ke liye guruji ne sabhi ko bahar jane ko kaha tha aur ab jab sab vapis aa gaye the to guruji ne ansihka ki aaur dekh sabse pehla aur eham sawal kiya.

" kya tum tayar ho " sawal ka jawab utna hi jaruri tha jitna zindagi aur maut ka niyam tha. Anshika ne ek pal shreyas ki taraf dekha, uski ankhein suj chuki thi, nazrein jhuki hui thi, vo janti thi ki aaj shreyas apni himmat haar chuka hai. Use ab ye ladai khud hi ladni thi aur apne pyar ko bachana tha, usne shreyas ki ungliyun mein apni ungliyan dal kar unhe sameta aur uski taraf dekhte hue guruji ki taraf dekhte hue boli.

" han guruji mei tayar hun " shreyas ko chhod sabhi seham gaye. Sirf himmat hi nahi chahie tha is kaam ke liye balki dard sehne ki shakti bhi chahie thi. Guruji jawab sun kar om bolte hue ankhein band karke ek pal ke liye sabhi ko khamoshi mein chhod gaye aur phir ankhein khol vo kuch kehte use pehle anshika ne unhe rok dia.

" guruji mera ek sawal hai ? "

" pucho "

" Agar mei kisi karran vash safal nahi hui to kya shreyas pehle jaisa ho jayega ? uspar to koi apatti nahi ayegi na ? " ek pal to guruji ne bhi maan liya ki ishwar se bahut badi bhool ho gayi inke pyar ko takleef dekar. Jo insan apni chinta se jada apne pyar ki chinta karta ho use to kudrat ki har khushi milni chahie na ki aisi takleef. Na chahte hue bhi nidhi ki ankh mein ansu tha aur shreyas ke dil mein gehra dard, ye sun kar to usne apni ankhein hi band kar li. Wahin anshika ko samajh nahi aya ki usne aisa kya sawal kar diya jisme sab use aise dekh rahe hain.

" agar aisa anarth hua to tu kabhi vapis nahi aa payegi janti hai na ? " guruji ne use yaad dilane ki kosish ki.

" ji.. par shreyas " lekin anshika ka pyar use kahin jada bada tha isliye apni fikar use kabhi thi hi nahi.

" ek baar use jo chahie vo mil gaya to is bache ki use koi jarurat nahi " jo jawab anshika sunna chahti thi use sun uske chehre par itne vyakul mauke par bhi muskan cha gayi.

" mei tayar hun guruji, kya karna hai mujhe " anshika ke muh se ye baat sunte hi shreyas ne uske pakde hath ko kas liya jise anshika uski taraf dekhne lagi. Shreyas ki ankhon mein tha ki vo use aisa karne ke liye mana kar raha hai, anshika samajh gayi par usne kuch nahi kaha aur apni ankhein band kar apne jazbaton par kabu patte hue nazar samne kar di.

" theek hai " guruji han mein sar hilate hue bole " kal jab vo apni takat ikhati karne apni dunia mein kadam rakhega hum tabhi uski dunia mein parvesh karenge taki uski shakti ko hassil kar sake, lekin yaad rahe jo hum karne jaa rahe hain vo is sansar mein kabhi pehle nahi hua " unhone apni ek ungli uppar ki taraf uthate hue kaha. " ishwar tumhari raksha kare aur kamyabi de yahi ashirwad mera tumhare sath rahega " guruji ki vanni mein itna zor tha ki usne sabhi ke dil ki dhadkano ko hadh se jada badha diya. Jahan ek dil mein hone wale pal ki ghabrahat thi wahin ek dil mein aaj ki raat bahut bhari thi. Ek-ek pal uski zindagi ka sukun chinta sa hua lag raha tha.

" anshika " nidhi ne anshika ke kandhe par hath rakha tab vo hosh mein ayi jo kafi der se shreyas ko dekh rahi thi. Shreyas behti ganga ke najdeek khada andhere mein na jane kis soch mein tha, dono mein se koi nahi janta tha. " pyar bhi kitna mushkil hai anshika jise chaho milta hi nahi " nidhi bhi shreyas ki taraf dekhne lagi.

" pyar mushkil nahi hota nidhi, use nibhana mushkil hota hai aur vo dekho " usne shreyas ki taraf hi dekhne ko kaha " nibhate hue us pyar ki kya halat ho gayi "

" mujhe tumhari bhi chinta hai aur use bhi hogi " nidhi bhi asmanjas mein thi ki kiski taraf rahe, dono apni jagah sahi the aur dono hi jagah koi aur charra nahi tha.

" use chinta nahi nidhi, vo mar chuka hai " is baar anshika ne nazar nidhi ki taraf modhi " vo pyar jise pane ke liye usne apna sab kuch kho diya aaj wahi uski baat na sun kar khud use dur jaa raha hai, vo mar chuka hai nidhi " anshika ne aisa jawab diya jiske baad nidhi koi jawab nahi de payi.

Puri raat shreyas yun hi pareshan raha, usne ek baar bhi anshika se baat nahi ki aur agli subah anshika ko amb apne sath le gayi, raat ki tayari ke liye. Guruji ne kuch batein anshika ko samjhane ke liye kahi thi, jitna unhe gyan tha us hissab se unhone shaitani dunia ke bare mein bata diya tha kyun ki us shaitan ne apni dunia khud banai thi to uske miyam,kayde chal sab usi ka nirman tha isliye vo apni takat se bhi us jagah ke bare mein nahi jante the ki vo kaisi hogi. Anshika pura din shreyas ki ek nazar ko talashti rahi aur jab bhi vo dikha usne ek baar bhi use baat nahi ki. Anshika andar hi andar tut si rahi thi is baat se aur phir vo waqt aya jo do zindaiyun ka nirnay karne wala tha.

Guruji ka wahi kamra jahan sab maujud the, sari tayari ho chuki thi. Kuch batein abhi tak sirf guruji ko hi malum thi ki uski duniya mein pahunchna kaise hai aur phir vapis kaise ana hai. Kamre mein pryapt roshni thi aur darwaje par rudraksh ki mala lapet kar use band kar diya gaya tha. Puri prakriya mein na koi andar aa sakta tha aur na hi koi bahar jaa sakta tha. Kamre ke bichon-bich ek bada sa gola bana hua tha jiske charon taraf om likha hua tha aur om naam ka chitr bana hua tha, kamre mei jagah-jagah rudraksh padha tha jispar roli ka tikka lagaya hua tha, use aise rakha gaya tha jise pura kamra om naam ke chitr ko ubhar raha tha.

" jao beti us chakr mein jao " guruji ne anshika ko chakr mein jane ka adesh diya to sab hosh mein aye jo is mahol mein kho chuke the. Anshika ne ek pal shreyas ki aaur dekha jo abhi bhi shant hi kahda tha. Anshika use kuch kehna chahti thi lekin vo shreyas ke haar jane wali halat dekh kuch nahi keh payi aur bina kuch bole hi us chakr ki aaur badhne lagi. Pahunchte sath hi usne jhuk kar om shabd ko apne hathon se chuhua aur chakr ke andar kadam rakha aur andar kadam rakhte hi vo mud kar sabhi ki taraf dekhne lagi. Uska dil ab badhte waqt ke sath tez ho chuka tha.

" prakriya shuru karne ka waqt aa chuka hai, dhayan rahe ek baar prakriya shuru hui to use rokna mumkin na hoga " guruji apni baat kehte use pehle shreyas bol pada.

" guruji " vo guruji ki taraf dekhte hue aur kuch bhi bolna chahta tha lekin usne phir apni nazar anshika ki aaur ki aur phir uski ankhein bharne lagi. Anshika use dekhte hi samajh gayi ki shayad jo dard usne samet kar khud mein hi chupa rakha hai vo ab bahar aa raha hai. Shreyas chalte hue anshika ke kareeb aya aur vo bhi us chakr ke andar jaa khada hua. Anshika guruji ki taraf thi aur shreyas uske samne darwaje ki taraf aa khada hua.

" anshika " honth uske abhi bhi kanp rahe the. Anshika ne shreyas ke dono hath mein apne hath dal diya.

" shreyas " ankhon se hi baat aur jazbat badalne ki kosish karte hue dono kuch pal yun hi ankhon mein dekhte rahe. Dono ki ankhon mein ansu the aur dono hi is dard se azad hona chahte the lekin azadi unke pyar mein kudrat ne likhi nahi thi. " shreyas tum apna khayal to rakhoge mujhse vada karo " anshika ki baat sun shreyas bikhar sa gaya, usne kabhi apne zehan mein nahi socha tha ki aisa kuch hoga isliye use saha nahi jaa raha tha. Sach kudrat ka tofa kabhi kabhi is tarah dard de jata hai ki apna bhi begana ho jata hai.

" anshika nahi... me... mei.. nahi rakh sakta... " shreyas rote hue bola " mera to chain bhi tum ho aur dard bhi tum hi ho tumhare bina to mei kuch nahi hun " shreyas ke kehte hi anshika apni naak sikodte hue ansu na ane ki zid kar baithi aur dono ek dusre ke sine se jud gaye. Ansu to shayad aaj kudrat ke bhi honge agar vo is pal ko dekh raha hoga kyun ki kudrat utna hi sacha hota hai jitna dunia mein pyar. Insan ki ankh mein ansu the taki un bundon ke roop mein apne ansu utar sake par dard kisi ka kam nahi ho raha tha balki usne to abhi shuruwat ki thi.

Anshika ne shreyas ko khud se alag kiya varna vo kabhi use alag nahi hone deta. Dono ke chehre bilkul nazdeek the, sanson mein dard tha. " i am sorry anshika " anshika janti thi ki vo apni galti ki maffi mang raha hai jo usne kiya bhi nahi tha. Anshika kuch kehna chahti thi lekin bas uske muh se uska naam hi nikla " shreyass " ankhein badi hui to ansu side se hota hua niche gir gaya. Shreyas uske chehre ko hi dekhta raha kyun ki abhi kuch pal pehle jab anshika use alag hui to alag hote waqt shreyas ka hath anshika ke bajun se hote hue uske hath par gaya aur jab vo dono ek dusre ki ankhon mein khoye hue the usi dauran shreyas ne behad aram se uski ungli se vo anguthi nikal li jiska abhas hote hi anshika chaunki uthi thi.

Usi din Subah

" ye kya keh raha hai bacha " guruji hairani bhari nighaon se shreyas ko ghur rahe the.

" mei sahi keh raha hun guruji " shreyas ankhon se bata raha tha ki vo faisla karke aya hai.

Abhi ka Samay

Shreyas ne ek pal anshika ke hath se nikali anguthi pakde rakhi aur phir uski ankhon mein dekhte hue apni ungli mein dal li.