Hot Sex Stories - Haunted ~~ " Game Of Rings "

[sexstories]

Bhai kya hi kahu iss update k bare me jitna v kahunga km hai

Shreyas bhi half possessed ho gya tha Anshika ki tarah kya hi scene tha ye creativity ka koi jawab nahi dimag to tb chakraya jb Anshika ne uske sine pr hath rakha jaha dil dhadak hi nahi raha tha ek pal k liye meko lga

Shreyas abhi bhi mra hua hai (part 2 k end of last update k past k anusar ) or shaitan ne bs uske andar koi ruh daal di hai jisse wo ab tak jinda ho or abi dil ka dhadhkna bnd mtlb ruh ka nikal jana or piche reh jana Shreyas ka mrit sharir (I know ye meri fantasy hai but feel hua aesa to likha diya)

[color=rgb(84,]tum resort se judi thi sirf isliye hi nahi usne anguthi ke zariye tum par kabza kiya balki vo tumhe chahta hai anshika, hume laga tha usne tumhe asalyum mein isliye chhoda kyun ki vo tumse apne kaam karwa raha tha balki usne tumhe isliye chhoda kyun ki vo tumhe pana chahta hai wahi dard dena chahta hai jo bangle mein sonia ko diya gaya " shreyas ka sharir bolte hue pura kanp utha,

bhai tumhe pana chahta tha anshika, vo to uski achai thi jab usne mera sath diya lekin khan ki ruh ne uspar kabza karke uski achai to wahin nasht kar di thi isliye uska ansh jab sam se juda to ... to vo apni purani icha mein vapis ja lauta jo vo tumse us waqt chahta tha vo ab pura karna chahta hai " shreyas ke honth kanp rahe the shayad ek aur baat thi dil mein par use kehne mein jhijhak raha tha " vo tumhe kabhi vapis nahi ane dega anshika kyun ki use wahi chahie jo vo marne se pehle chahta tha, vo tumhe kabhi nahi chhodega, kabhi nahi
[/color]
Bhai ye padhke to rongte khade ho gye sach me ek baar ko part2 ka wo waqt meko yaad aa gya jb harsh planing kr raha tha kisi tarah Anshika ko pane ka to ab to wo shaitan hai kya kya nahi kr sakta wo

Mere questions ka answer isi me mil gya meko ??
Lekin shaitano k plans v bde rangile hote hai seriously ab wo Anshika ko sonia ki tarah pana chahta hai dard dena chahta hai hadh hai

[color=rgb(184,]anshika nahi... me... mei.. nahi rakh sakta[/color]

Iss line k dard ko me ache se feel kr sakta hu iss type ka moment meri life me v aa chuka hai jb only cast ki wajah se mujhse mera pyar dur hua or usne yahi kaha tha tum apna khayal rakhna bhul jana etc or mene lagbhag Shreyas ki tarah kaha tha ki nahi me nahi reh sakta tumare bina yahi wajah hai jo me aapki kahani se itna deeply juda hu

[color=rgb(247,]shreyas ne behad aram se uski ungli se vo anguthi nikal li jiska abhas hote hi anshika chaunki uthi thi.

Usi din Subah

" ye kya keh raha hai bacha " guruji hairani bhari nighaon se shreyas ko ghur rahe the.

" mei sahi keh raha hun guruji " shreyas ankhon se bata raha tha ki vo faisla karke aya hai.

Abhi ka Samay

Shreyas ne ek pal anshika ke hath se nikali anguthi pakde rakhi aur phir uski ankhon mein dekhte hue apni ungli mein dal li.[/color]

Bhai kuch to bda hone wala hai sach me

Are baba Anshika jayegi ki ni jayegi re
Meko aese confuse nahi krne ka (baburao)

Let's see kya hota aage full to suspanse me marenge hum next update tak

Waiting for next update

Keep writing keep rocking ?

 

[sexstories]

Kahan se suru karun samhaj hee nahi aa raha

Bahaut hee emotional update the

Jaise hee Shreyas chillaya toh laga ki ye kya hua....kuch toh gadbad hai....aur jab pata laga ki vo bhi Anshika ki tarah

Aakhir ye chakkar kya hai...ek gutthi sulajhti hai toh dusri khadi ho jaati hai....Jab Anshika ne Shreyas ke dil par haath rakha toh vo dhadak nahi raha tha....toh iska kya matlab ho sakta hai....ye ek bahaut bada aur ahem sawal hai

...kya vo shaitan har waqt unke saath hee hai...aur agar hai toh kaise hai vo..?

Pyar pyar aur pyar....bas yahi dekhne ko mila...puri Haunted mein...kahin par kisi ka pyar adhura reh gaya...toh kahin par pura toh hua lekin tab bhi adhura reh jaane ki kagar par khada hai

Uske baad Shreyas ne ye baat confirm kari ki vo sab log jo mare vo kisi vaisi jagah hoke aaye the

....Lekin uske baad

Rongte khade ho gaye ye padh kar

....Anghuthi ka raaz aise khulega...ye toh kabhi socha bhi nahi tha

....Shaitan Anshika ko chahta hai...ye baat soch kar hee darr lagta hai

....Harsh Anshika ko chahta hai...isi vajah se uska ansh abb vo iccha puri kar raha hai

...kya hoga abb

Pyar par bharosa...isi vajah se Anshika aur Shreyas aaj tak saath hain...lekin kab tak

.....kyun ho raha hai ye sab inke sath

...bechara Shreyas

Jaa toh rahi hai Anshika Shaitan ki duniya mein..aur aisa lag raha hai jaise sab uski marji se hee ho raha ho...taki Anshika vahan jaaye aur vo uski ho jaaye

Guruji...

....kuch karo Guruji

....Shreyas aur Anshika

Kya hoga agar aisa kuch hua

Aakhir vo time bhi aaya...jab Anshika ko jana padega...Shreyas ke liye sabse muskil hoga ye waqt

Kya kahun iske baare mein...sach mein rona aa gaya

...most emotional lines

Ye kya hua...kyun hua...kya hoga abb

Shreays ne vo anghuthi khud pehan li....aur uss din Guruji se kya baat kari usne

Iss baat ne ek aur bada sawal kahda kar diya hai...

Story bahaut hee ahem padav par hai...kab kya ho jaaye kuch nahi pata

......Lets c kya hota hai..

Waiting for next

 

[sexstories]

Shreyas ne ek pal anshika ke hath se nikali anguthi pakde rakhi aur phir uski ankhon mein dekhte hue apni ungli mein dal li.

" shreyas ye kya... k...k..iya " anshika ne behad dhimi awaz mein ruk-ruk kar kaha par shreyas bina kuch bole use alag hua aur thoda piche ho gaya. Hairani mein anshika ki nazre shreyas ke uppar se utar hi nahi rahi thi. Nidhi aur amb bhi thode pareshan the ki kya chal raha hai, kisi ko nahi pata tha ki akhir hua kya hai lekin bahut jaldi hi unki pareshani hairani mein badal gayi kyun ki uske baad jo samne hua use ankhein aisi khuli reh gayi jaise palke jhapkana hi bhool gayi ho.

Anshika kuch kehti use pehle shreyas ke chehre par muskan ayi lekin jaldi hi vo muskan chhoti hoti chali gayi, use aisa lagne laga jaise pet andar se khinch raha ho, sans chhodni ki jagah vo gehr-gehri sans lene laga jiski awaz saaf sunai de rahi thi ' siuhh siuhh siuhh ' naak se sans andar khichte hue uski naak sikudti aur pet ki nas khinch jatti jiske sath hi vo achanak se ghunte ke bal baith gaya. " shreyas... " usko girta dekh anshika bhi niche baithi aur shreyas ke kandhe par hath rakh kar use uppar dekhne ke liye chillane lagi lekin shreyas ne sar jhukaye rakha, uska hath farsh par tha jise uska sharir zameen par girne se bacha hua tha, reh-reh kar uska sharir jhatke khane laga.

" shreyass.... " anshika chillai aur uske baad shreyas ne apna sar uppar uthaya jise dekhte hi anshika jis tarah baithi thi usi tarah baithi reh gayi. Shreyas ka chehra is waqt pura lal ho chuka tha mano sara khoon uske chehre par utar aya ho, muh khula hua tha aur dant samne ki taraf khil kar aa rahe the mano vo kitni takat laga raha ho, dekhte hi dekhte chehre par nason ki lakeer banni shuru ho gayi aur pura chehra un lakreeno ke piche chup gaya. Uska chehra anshika ke chehre se behad kareeb tha isliye anshika uski thandi sanson ko apne chehre par mehsus kar paa rahi thi. Vo chillana chahta tha lekin awaz jaise khoon mein mil gayi thi aur andar hi dab rahi thi tabhi vo chehra aisa ho gaya tha par agle hi pal vo chillaya ' aaaaaaaaaaaaaaaaaahhh aaaaaaaaaaaaaaahhh ' jo chekh usne daba rakhi thi vo nikal gayi aur anshika uski shakti ki wajah se piche ki taraf gir gayi aur gole se bahar aa gayi. Shreyas ke chillane ki awaz ke sath kamre mein anchayi hawa maujud ho gayi aur sabhi ke chehre par padne lagi. Shreyas ko dard mein chillata dekh, anshika furti se aage badhne ko hui aur usi pal guruji ne amb ko ishara kiya jise samajh amb ne anshika ko pakad liya aur use aage jane se rok diya.

" shreyas.. shreyas.. " dari sehmi anshika chillaye jaa rahi thi usne is baat par dhayan nahi diya ki use pakad liya gaya hai. Achanak se kamre mein maujud hawa band hui aur shreyas ne chillana band karte hue apna sar vapis jhuka liya. Kamre mein ek pal ke liye khamoshi cha gayi jaise sab kuch sahi ho gaya hai lekin ankhein kuch aur hi dikha rahi thi, shreyas ka sharir abhi bhi jhatke kha raha tha jaise uske sharir ke andar koi hal-chal chal rahi ho. " shreyas tum theek ho " anshika ka man sehma hua tha uska kya wahan maujud har kisi ki yahi halat thi. Vo aage jana chahti thi lekin amb ne use pakad rakha tha, ek pal anshika ne uski aaur dekha aur kaha ki usse chhode lekin usne na mein sar hila diya. Nazre phir shreyas ki aaur muddi jahan Shreyas mein Koi halchal na pakar sabhi ke man ko jaise tassali mili aur khas kar ki anshika ko, uski sansein is waqt sabse jada tez thi. Usne wahin baithe-baithe jhuk kar shreyas ke chehre ki taraf dekhne ki sochi aur sochne sath hi vo niche jhukne lagi aur abhi usne jhuk kar dekhne ki kosish kari hi thi ki usi pal

Shreyas ne chillate hue apna sar uthaya aur is baar uske chehre ke piche ek badlav nazar ane laga ' aaaaaaaaaaaaaaaaaahhhh aaaaaaaaahhhhhhhhhhhh ' awaz shreyas ki nahi thi aur na hi samajh aa rahi thi ki kiski hai kyun ki kabhi vo ek dum bhari ho jati to kabhi ek dum patli jaise hazaron awazein uske andar se bahar aa rahi ho. Chehre ke badlav mein aisa laga mano uske chehre se kuch bahar aa raha ho aur wahi takleef uske muh se nikal rahi ho aur phir hua bhi kuch aisa hi. Shreyas ke chehre ki khaal halki halki fatne lagi aur usi dauran hawa mein ek chehra bahar nikla jo juda usi ke chehre se hua tha. Hawa mein bahar atte hue us chehre ka akar bar-bar badal raha tha aur dekhne par saaf nazar aa raha tha ki vo chilla raha hai dahad raha hai bas awaz shreyas ke galle se aa rahi hai. Kuch ek do pal vo chehra hawa mein raha aur phir shreyas ke chehre se ja chipka jise dekhne ke baad sabhi apni jagah par seham uthe. Uske chehre ka haal badalne laga aisa laga jaise ek chehre ke piche kayi chehre ho kyun ki kabhi koi ek ankh niche ki taraf ati dikhti to kabhi ek ankh uppar, naak kabhi dayein aur jati to kabhi bayein aaur, honton ka jaise namo nishan mitt raha tha. ' guuuuuu guuuuu guuuu aaaahhahhhhhhhhhh ' chatt ki taraf dekhte hue shreyas itni zor se dahda ki uska sina kafi badh gaya aur uske kapdon mein chirne ki awaz ayi jiske baad vo samne se fatte gaye. Awaz ka shor itna jada thi ki hairani mein sabhi ghbaraye hue ek sath aa khade hue, kewal guruji apni jagah baithe shaitan ki shakti ko ghurte hue gehri sansein le rahe the. Shreyas ka yun cheekhna sabhi ke dil ko pathar bana chuka tha, ankhon ke samne manjar hi kuch aisa tha. Aur tabhi Kamre mein rakhi har chiz hilne lagi, farsh par pada rudraksh, jal rahe diye jo bhujte aur phir jal uthte, kamre mein roshni hoti aur phir andhera cha jata aur phir roshni vapis aa jati. Us shakti ka andaza guruji ko tab hua jab unki baithak jo ek bada pathar tha vo bhi hilne laga ye mehsus karte hi guruji ne mantr padne shuru kiye lekin uska koi asar nahi ho raha tha.

Shreyas chillate sath apni jagah se khada hua par ek jagah khada na reh saka, uske sharir mein chal rahi halchal ek pal ke liye use aage le ati aur phir agle hi pal use piche dhakel deti. Uska hath apne chehre par tha aur vo apna hath aise mal raha tha jaise chehre se kuch hatana chahta ho. ' baaaaaahahhhaaaaaaaaaaaaaaa ' chehra jhuka kar sabhi ki aaur dekhte hue vo dahhda aur usi pal uska sharir fisalte hue bayein aur badha mano use kisi ne wahan khinch diya ho. Bayein aur jatte hi vo deewar se takraya.

" shreyasss.. " amb se azad hone ki kosish karte hue anshika chillai, uski ankh se ansu gir raha tha. Nidhi ne bhi use majbuti se pakad liya tha. Abhi shreyas bayein taraf takraya aur phir fisalta hua dayein taraf itni tezi se aya mano kisi ne furti se use khinch liya ho. Dayein aur atte hi vo deewar se zor se takraya aur takrate hi niche girne laga lekin vo zameen ko chutta use pehle vo fisalta hue phir bich mein aya aur uppar chat se jaa chipka. Sabhi ki nazre chatt par thi jahan par shreyas chipka hua tha aur abhi abhi apne chehre se ladh raha tha. Ek pal ke liye vo wahin raha aur phir tezzi se zameen ki aaur aya use itni tezi se niche ata dekh ek cheekh anshika aur nidhi ke muh se fauran nikal gayi kyun ki vo agar itni tezi se zameen se takrata to uska sar fatt jata. Guruji ka bhi dil ek pal ke liye tezzi se dhadak utha aur jaise hi shreyas zameen ke najdeek aya vo ruk gaya, zameen se kuch hi inch uppar uska sharir hawa mein lehrane laga. Par jaise abhi kuch aur baki tha jab sabko laga ki ab shreyas ke sath kuch theek hoga usi dauran uska sharir hawa mein ghumta hua piche darwaje se zoron se takraya aur phir zameen par gir kar fisalte hue vapis usi gehre mein aa pahuncha aur sharir bejaan padh gaya.

" shreyasss.... " is baar anshika ne pakad chhuda li aur vo uske nazdeek pahunchi par jab usne gehre mein ghusne ki kosish ki to vo ghus na payi. Usne kosish ki par jaise koi cheez use rok rahi thi. Shreyas mehaz ek foot ki duri par hi hoga lekin vo uske najdeek nahi pahunch paa rahi thi. Usne ek pal piche guruji ki aaur dekha, ankh se nikla ansu abhi puri tarah nahi gira tha, shayad use umeed thi ki vo kuch karenge par unhone chehre ke bhav na badle jise dekh anshika samajh gayi aur ansu utar hi gaya. Usne apni nazre samne ki, shreyas karwat ke bal uske samne pith kiye laita hua tha, besudh, bejaan. Sans bhi chal rahi hai ya nahi kisi ko nahi pata. Anshika ne vapis aage janne ki kosish ki lekin vo adrishye deewar ne use wahin rok rakha tha " shreyas... ankhein kholo please, dekho meri taraf please aisa kabhi nahi hua jab tumne meri baat ka jawab nahi diya please please.. " anshika subakte hue boli, vo chah kar bhi uske pas nahi jaa paa rahi thi. " shreyas " is baar awaz itni dhimi nikli ki shayad us tak pahunchi hi nahi hogi. Bolte hue uski nazrein jhuk gayi aur bina awaz kiye ankhein band kare rone lagi. Nidhi ne apna muh hath se chupa rakha tha, shreyas ke sharir zinda nahi tha, sabke liye yahi satya tha " anarth ho gaya " guruji ko bhi yahi laga par agle pal shreyas ne gehri sans li aur pith ke bal laiite hue khasne laga ' ukhhunn-ukhunnnn '

" shreyas.. " chai mayusi achanak se raunak mein badal gayi aur anshika use awaz deni lagi. Shreyas sambhalte hue apni jagah se uth baitha aur phir usne anshika ki aaur dekha.

" ans..hik..a " behad dhire-dhire usne naam liya.

" shreyas.. shreyas.. " anshika ne hawa mein hi apne hath rakh rakhe the jaise deewar par rakhe ho. Uski ankhein band khul rahi thi isliye vo dhang se anshika ka chehra nahi dekh paa raha tha. Vo ek pal baad vapis pith ke bal lait gaya aur usne ankhein band kar li, ye dekh anshika ke chehre par ayi muskan hatt gayi.

" shreyas.. utho " gunjti awaz kano mein padi to uski ankhein khul gayi. Ankhein khulte sath hi awaz bhi saaf hui aur dhundla pan hatt gaya. Thodi mehnat lagi par shreyas apne pairon par aa khada hua.

" adhbhut " guruji ko jaise vishwas nahi ho raha tha aur na hi unhone umeed kari thi ki vo kahda hoga. Shreyas ko khada dekh anshika ke sharir mein khushi aur bekifiri ki lehar daud gayi. Yun to halat shreyas ki itni achi nahi thi, kapde fatte hue the, sharir halka jhuka hua tha mano kitna kamjor ho chuka ho, chehre par jagah jagah maas fatta hua tha, ankhein itni jada suji hui thi ki niche se ful chuki thi aur andar putliyun ke piche khoon utar aya tha. Ankhon ke theek samne anshika ko dekhte hue uski nazar amb se hote hue nidhi par gayi aur phir guruji par jaa ruki.

Usi din Subah

Guruji ankhein band kare dhyan mein baithe the aur phir unhone apni ankhein kholi aur samne shreyas ko khada paya jo na jane kab se wahan khada tha. Uski ankhon mein dekhte hue guruji bol hi uthe. " jo tu soch raha hai vo mei janta hun "

" achi baat hai guruji phir to jada samay nahi lagega "

" tu jo karna chahta hai vo niyati ke khilaf hai "

" niyati hamare khilaf ja sakti hai to kya hum use chunauti nahi de sakte guruji "

" mumkin nahi hai "

" mumkin hai guruji " guruji use aise dekhne lage mano har sawal ka jawab vo samajh kar aya tha " mei anshika ko nahi bhej sakta "

" iske alawa koi aur tarika nahi hai beta, uski dunia mein jakar sirf wahi us shaitan ko rok sakti hai "

" vo rok sakti hai guruji par mei use khatam kar sakta hun " shreyas ki baat sun guruji ki ankhein badi ho gayi " anshika ki anguthi par shaitan ne kabza kiya hai taki vo use paa sake lekin agar vahi anguthi uske pas nahi rahegi to ? "

" kehna kya chahta hai "

" vo anguthi mei pehnunga " ek pal ruk kar shreyas ne jab kaha to guruji unchi awaz mein bole.

" asambhav " vo ek pal shant rahe " tujhe malum hai ki tu kya keh raha hai "

" janta hun " shreyas ne guruji ko bich mein roka " janta hun ki mei kaun hun aur ye bhi janta hun ki agar us anguthi ko mene pehna to kya hoga lekin jaise bakiyun par usne kabza kiya usi tarah mei bhi unhi pret dunia mein kadam rakh chuka hun isliye majburan use mujh par kabza karna hoga "

" tere mein aur bakiyun mein farak hai tuje vo khud laya hai aur agar tu uske aur ladki ke bich aya to vo anguthi tujhe "

" kha jayegi guruji " shreyas ne phir baat puri ki aur bol kar vo muskura pada " samajh to usi din gaya tha jab anshika ke piche use mehsus kiya tha " vo bol kar ek pal shant hua, nazrein kahin aur thi jaise man kahin aur hota hai " aur ab agar mene use bhej diya to jo vo chahta hai vo use mil jayega guruji "

" kudrat ki bhi apni leela hai usne kuch aur soch rakha tha par tu usko chunauti dena chahta hai "

" pyar se badhi to kudrat bhi nahi guruji, anshika ki jagah mei jaunga aur apko meri madad karni hogi "

" tu maut ko dastak de raha hai agar tune us bachi ki anguthi pehen li to na jane kya hashr karega vo shaitan tera "

" anguthi se vo logon ko kabza karke unhe mar kar apni dunia mein le jata hai lekin aap jante hain ki ek marre hue ko marra nahi jaa sakta " shreyas ne guruji ki ankhon mein dekhte hue kaha to guruji kuch keh na sake shayad jo vo samjhana chahta tha vo samajh chuke the. " apko bas mera sath dena hoga taki mei uski dunia mein jaa sakun "

" aisa tumne kyun kiya, shreyas " [ Abhi ka samay ]

Anshika ki awaz sun shreyas ki soch tuti aur vo anshika ki aaur dekhte hue ek kadam aage badha bas itna hi to fasla tha dono ke bich " kyun kiya tumne aisa " dono bilkul kareeb aa khade hue the, uska hath dekh shreyas ne bhi usi tarah apna hath badhaya aur uske uppar rakh diya lekin bich mein bani adrishye deewar ke chalte ek dusre ko chu na sake. " bolo kyun kiya tumne " anshika ki bhari ankhein dekh shreyas muskura diya lekin uski ankhon ke dard ko dekh nahi balki use is kahani se azad karne ki khushi mein. Uske honth sukh chuke the aur mans fatt kar safed padh chuke the.

" mei tumse bahut pyar karta hun anshika isliye " pehli dafa aaj shreyas ne apni dil ki baat jaban par rakhi thi jo mauka vo pichle panch salon se khoj raha tha use nahi pata tha ki use vo aaj is roop mein milega. Shreyas ke muh se sun anshika tut gayi aur bhar-bharti hui rone lagi. Kuch kehna chahti thi lekin jazbat ne jaise jakad rakha tha, vo khud shreyas ki awaz vapis ane ke baad uske muh se yahi sunna chahti thi, zindagi mein bhale hi ek dusre se pyar tha par vo bedardi jaise lafzon ke khone ki wajah se kahin dil mein bas chuki thi. Aur kudrat ka khel dekho jab lafz aye to dono ko kareeb lakar bhi dur kar rakha tha.

" mei bhi apse bahut pyar karti hun shreyas " kisi tarah shreyas ko usne apne dil ki baat jawab ke roop mein kahi aur bechain ho gayi ek baar chunne ke liye. Ek baar usko apni bahon mein lene ke liye " please nahi.. pleasee nahi.. " vo rote hue bolti gayi " tum mujhe chhod kar nahi jaa sakte shreyas... " usne ek pal ke liye sans khinchi " hume chhod kar nahi jaa sakte " anshika ki ye baat sunte hi shreyas jaise ek pal use dekhta raha aur phir samjhte hi muskurate hue rone laga mano gum aur khushi dono ek sath havi ho gaye ho. Usne apni nazar jhukai aur hath ko khisakta hua vo anshika ke pet tak le aya par chu na saka.

" hume mat chhodo shreyas " anshika ne phir wahi lafz kahe to khushi ke sath dukh ke ansu uski ankhon se behta hua bahar aa nikla. Vo janta tha ki anshika maa banne wali hai aur use ye baat tab malum hua jab usne subah kamre mein vo test kit dekhi jiske bare mein anshika shayad batana chahti thi lekin itna sab hone ke baad usne jaan kar nahi bataya kyun ki vo janti thi ki shreyas use kabhi jane ke liye han nahi karega. Apne pyar ko aur uske vajud ko kaise chhod sakta tha isliye shreyas ne soch liya tha ki use kya karna hai aur tabhi usne anshika ko ye nahi dikhaya ki use malum hai. Baton ko joda to use ye tak samajh aa gaya ki us din anguthi nikalne par vo behosh kyun hui thi.

Shreyas ne apni nazrein uthai aur anshika ko dekh muskura diya " thank you anshika, thank you "

" nahi shreyas.. " anshika itna bol kar hi chup ho gayi kyun ki shreyas ek kadam piche ho gaya aur piche hota gaya. " shreyas.. kahan jaa rahe ho tum " vo rote hue chillai, dard uske zehan mein is kadar badh gaya ki sharir kanpne laga. Vo nidhi ki aaur mudi " nidhi ise pucho ki ye kahan jaa raha hai, roko ise " par nidhi kuch na boli vo apne aye ansu ko pochti itne mein dusra aa jata " shreyas... " nidhi ne jab kuch nahi kiya to vo phir shreyas ki aaur dekhne lagi. Shreyas use ab kafi dur ho chuka tha, use dur jata dekh anshika adrishye deewar par hath marte hue use todne ki kosish karne lagi " shreyasss... shreyas... aaannnnnn " uske pairon ne jawab de diya aur vo wahin bikhar kar niche gir padi aur zor-zor se rone lagi. Sab majbur the, sabke samne ye ho raha tha lekin koi kuch nahi bola koi bhi us ladki ke liye aage nahi aya bas bhoot ban uske dard ko sunte rahe. Par shreyas janta tha ki is dard ke piche vo apna vajud chhod kar jaa raha hai apna pyar aur zine ki wajah chhod kar jaa raha tha. Usne anshika se nazar hata kar guruji ki aaur dekha jise dekh vo samajh gaye ki kya karna hai. Unhone apni ankhein band ki aur shreyas ne wahan rakhi ek pin utha li jaisi asyalum mein thi par ise 'om' shabd se piroya gaya tha.

Guruji apne mantr padte gaye aur shreyas ne use apne sine ke bich mein rakh liya. " shreyas naaahi... nahi shreyas.. " anshika dekhte hi chillai aur guruji ne ankhein khol di aur theek usi waqt shreyas ne us pin ko apne sine mein ghusana shuru kar diya. Pin ke ghuste sath hi uski ankhon ke samne ka mahol badlne laga jahan vo ek kamra tha ab ek khuli jagah mein badal gaya tha bilkul wahin jahan se kahani ki shuruwat hui thi usi bangle ke bahar. Shreyas ki nazar anshika par thi jo use kuch dur baithi thi aur uske alawa koi aur nahi tha, use dekhte hue usne pin ko apne andar aur ghusaya aur vo uske dil ko chu gaya jiske baad uski pakad pin se chhut gayi aur vo niche gir pada.

" shreyasssss........... " uske girte hi anshika aisi chikkhi mano apni awaz ke sath apni zindagi bhi de di ho usne. Shreyas ki ankhein band thi, sine se khoon nikalta hua farsh par failta gaya aur phir vo bejaan ho gaya.

" Aah--hh " achanak se ankh khuli to paya jaise mei kahin maujud hun par kahan ye samajh nahi aa raha tha. Andhera bahut tha aur sine mein thandi hawa lagti mehsus ho rahi thi. Ek pal samjhne ki kosish karta raha ki ankhon ke samne kya hai par jab agle pal samajh nahi aya to apni jagah se uth khada hua aur jaise hi nazar samne gayi to samjhne mein der nahi lagi ki mei kabristan mein khada hun.

 

[sexstories]

Bhai kya tha ye jis tarah wo pin Shreyas k dil me chuba hai na thik usi tarah ye update mere dil me chuba or gehra dard de gya part 2 ki yaad aa gayi jb harshit mar raha tha or Shilpi ro rahi thi sach me uss waqt b yahi shocking baat hui thi ki Shilpi pregnant thi or ab Anshika. Ye line dil chu gayi bro

[color=rgb(184,]" mei tumse bahut pyar karta hun anshika isliye " pehli dafa aaj shreyas ne apni dil ki baat jaban par rakhi thi jo mauka vo pichle panch salon se khoj raha tha use nahi pata tha ki use vo aaj is roop mein milega. Shreyas ke muh se sun anshika tut gayi aur bhar-bharti hui rone lagi.[/color]

" [color=rgb(184,]mei bhi apse bahut pyar karti hun shreyas " kisi tarah shreyas ko usne apne dil ki baat jawab ke roop mein kahi aur bechain ho gayi ek baar chunne ke liye. Ek baar usko apni bahon mein lene ke liye " please nahi.. pleasee nahi.. " vo rote hue bolti gayi " tum mujhe chhod kar nahi jaa sakte shreyas... " usne ek pal ke liye sans khinchi " hume chhod kar nahi jaa sakte " anshika ki ye baat sunte hi shreyas jaise ek pal use dekhta raha aur phir samjhte hi muskurate hue rone laga mano gum aur khushi dono ek sath havi ho gaye ho. Usne apni nazar jhukai aur hath ko khisakta hua vo anshika ke pet tak le aya par chu na saka.

" hume mat chhodo shreyas " anshika ne phir wahi lafz kahe to khushi ke sath dukh ke ansu uski ankhon se behta hua bahar aa nikla. Vo janta tha ki anshika maa banne wali hai aur use ye baat tab malum hua jab usne subah kamre mein vo test kit dekhi jiske bare mein anshika shayad batana chahti thi lekin itna sab hone ke baad usne jaan kar nahi bataya kyun ki vo janti thi ki shreyas use kabhi jane ke liye han nahi karega. Apne pyar ko aur uske vajud ko kaise chhod sakta tha isliye shreyas ne soch liya tha ki use kya karna hai aur tabhi usne anshika ko ye nahi dikhaya ki use malum hai.
[/color]
Bhai isko padhne k baad jo feel hua na wo byan krna mushkil hai isliye kuch bate rehne deta hu ab aate hai questions pe

[color=rgb(65,]Baton ko joda to use ye tak samajh aa gaya ki us din anguthi nikalne par vo behosh kyun hui thi.

Shreyas ne apni nazrein uthai aur anshika ko dekh muskura diya " thank you anshika, thank you "[/color]

Bhai meko samajh ni aaya kyuki baat fir adhuri reh gi ya to fir wo kehna chahta hai ki pregnancy ki wajah se behosh hui but question fir wahi atak gya ki anguthi pehnate hi wo hosh me kese aa gayi

Or agar pregnent hone ki wajah se behosh hui thi to aaj kyu nahi hui aaj v pregnent hi hai ?????

Bhai uss gole pr ye adrisya deewar kaha se aa gya guruji ne kiya tha kya kyuki btaya nahi aapne jbki pichli baar jb Shreyas uss dunia me ja ra tha to Anshika use chu sakti thi but not now why????

[color=rgb(85,]mei kabristan mein khada hun.[/color]

Bhai lgta hai climax scene aa gya wese itni jaldi v kya? hai bro thoda or long kr dete story ko me nahi chahta ye masterpiece ka end ho kyuki shayad aap 4 part bnaoge nahi

But bhai plzzz iss baar Shreyas ko bacha lena or sukhad ending krna jo ki aap kroge kyuki aap e chintu bhai k comment k rply me hint de diya pehle hi ??

Baki wahi purana waiting for next update

Keep writing keep rocking ?

 

[sexstories]

Are ek questions chhutt gya

Shreyas ne kaha

[color=rgb(251,]anguthi se vo logon ko kabza karke unhe mar kar apni dunia mein le jata hai lekin aap jante hain ki ek marre hue ko marra nahi jaa sakta " shreyas ne guruji ki ankhon mein dekhte hue kaha to guruji kuch keh na sake shayad jo vo samjhana chahta tha vo samajh chuke the.[/color]

Bhai ye padhkar meko dar lag gya kahi meri wo baat sach na ho jaye ki kahi Shreyas abi bhi mra hua hi to nahi hai

But yr mare hue ka bacha nahi hota ????

To shreyass ki iss line ka mtlb jrur kuch bda hai jo aap btana chaho to bta dena warna update me to aap bta hi doge

 

[sexstories]

" apne bataya tha guruji ki usne mujhe shaitani dunia mein nahi bheja tha agar nahi toh vo kaun si jagah thi? kaisa mayajaal tha vo ? " shreyas ke sawal mein uski hairani chupi thi jise guruji ne apna jawab dekar dur kar diya.

" vo mayajaal shaitani dunia nahi balki hamari dunia aur uski dunia ke bich ki jagah thi " guruji ki baat sun shreyas ek pal ke liye hairat mein aya " uske pas itni takat nahi thi ki vo tujhe apni dunia mein le ja sake aur vaise bhi uska maksad tujhe apni dunia mein bhejne ka tha hi nahi " guruji ke kehte sath hi shreyas sochne laga jo bhi us din uske sath hua tha aur jaise usne baat jodi tab use samajh aya ki us din usne kin baaton par dhayan nahi diya tha.

" yani vo us din mujhe darwaje par rokne wala koi nahi balki harshit papa the aur pankhe se latakti hui vo aurat shilpi maa thi jo mujhe mana kar rahi thi " shreyas ko apne par gussa ane laga, us waqt usne sirf apni manzil ki taraf dhayan diya aur kuch bhi socha hi nahi. " usne jo bhi kiya vo " shreyas ek pal ke liye tehra.

" jaruri tha taki tere jariye apni shakti vapis hassil kar sake " guruji ki batein aur hui ghatna ko dekhte hue samajh aa gaya ki us din kya ghata aur uske piche ka sach kya tha.

Shreyas ek pal chup raha " toh kya is baar bhi kuch aisa hi karna hoga mujhe uski dunia mein jane ke liye " shreyas ko laga ki use wahi dard sehna hoga.

" nahi, jo usne kiya us tarike se tu uski dunia mein nahi pahunch sakta "

" phir kaise? "

" jab bhi ek atma ek dunia se kisi aur dunia mein parvesh karti hai to use sabse jada takleef ka samna karna padta hai " guruji ek pal chup hue par shreyas ko samajh nahi aaya ki unke piche ka matlab kya hai " dard dil se juda hota hai, tujhe use rokna hoga " ek pal laga lekin shreyas ko jaise hi samajh aya uska halak sukh gaya.

" theek hai " vo agle hi pal sochte hue bola, guruji hairat bhari nighaon se use dekhne lage " tu tayar hai? "

" han guruji " uske baad guruji ne use bataya ki kaise vo us dunia mein jaa sakta hai basharte agar vo anguthi ke prakop se bach gaya to, use dard utna hi sehna tha jitna uske dil se juda ho. Guruji ne us pin par apne bholenath ki shakti ko jod diya tha aur jaise hi vo pin shreyas ke sine mein ghusi aur uske dil ko chuhi uska dil wahin ruk gaya aur sharir bejaan zameen par padh gaya.

" shreyasssss........... " uske girte hi anshika aisi chikkhi mano apni awaz ke sath apni zindagi bhi de di ho usne. Vo bina halchal hue sharir ko dekh rahi thi, sanson se ankhon tak umeed thi ki vo abhi jagega lekin harkat jaise uske sharir ko chhod kar jaa chuki thi. " naaahhhiiiiiiiiiii " anshika itni zor se cheekhi ki usne apna dard awaz ke roop mein kamre ko dubo diya.

" Aah--hh " achanak se ankh khuli to paya jaise mei kahin maujud hun par kahan ye samajh nahi aya. Andhera bahut tha aur sine mein thandi hawa lagti mehsus ho rahi thi. Ek pal samjhne ki kosish karta raha ki ankhon ke samne kya hai par jab agle pal samajh nahi aya to apni jagah se uth khada hua aur jaise hi nazar samne gayi to samjhne mein der nahi lagi ki mei kabristan mein khada hun.

Kabristan mein kaise aur kyun? Abhi bas ye samjhne ki kosish hi kar raha tha ki achanak ek shor ki aaur mera dhayan gaya aur samne dekhte hi hairat mein ruh kanp uthi. Mere theek samne ki kabar mein se ek hath uski parat todte hue bahar nikla aur apni ungliyun ko khol band karne laga, hath se mitti jhadti hui niche gir rahi thi jiske sath hi kabar ki puri parat mein darar padti gayi aur ' kaaad-aaaaaaak ' awaz hui aur kabar tut gayi jiske andar se ek bacha bahar nikla. Vo theek mere samne kuch hi duri par tha isliye uska chehra saaf dikh raha tha. Sharir par koi kapda nahi tha aur na hi sharir par maans bacha hua tha, jagah-jagah se haddi dikh rahi thi chote chote kide chal rahe the, sharir ko dekhte hue nazar chehre par gayi to wahin jami reh gayi. Chehra adha tha aur adha haddi ban chuka tha joki khokli thi aur us taraf ankhein tak nahi thi phir bhi dekh kar saaf nazar aa raha tha ki vo kitne gusse mein hai. Kano ke uppar ka mans nahi tha aur kide uspar chipke hue the. Use dekh mera halak sukh gaya, vo us waqt tak wahin khada jism se bachi kuchi mitti jhadne ke baad kabristan ke andar chal pada. Mei use jata dekh hi raha tha ki tabhi kuch aisa dekha ki hairat bhari nighaein aur badi ho gayi. Vo dahi foot ka bacha dhire-dhire bada hone laga aur dekhte hi dekhte hi uska kad che feet ke labhag ka ho gaya aur meri ankhon se ojhal ho gaya. Na jane kitne samay tak mei usi disha mein dekhta raha jabki wahan ab sirf andhkar tha. Dhayan mera tab tuta jab mere kano mein awaz padi.

" shreyas... shreyas... " awaz fusfusane wali thi aur mera hi naam le rahi thi. Mene nazar fauran awaz ki disha mein ghumai lekin na to koi dikha aur na samajh aya ki awaz kidhar se aa rahi hai " idhar.. idhar.. " abhi bhi usne usi taraf fufsuaya aur gehri gehri sansein lene laga. Awaz samne se aa rahi thi jahan se vo abhi bacha kabar tod kar nikla tha. Mene ek kadam uthaya aur us taraf bada " han.. shabashh.. siiiii " awaz kahin aur se nahi balki kabar ke andar se aa rahi thi. Mei uske nazdeek jaa khada hua aur wahin se andar jhankne laga. Kabar khali hi honi chahie thi lekin andar kuch theek se dikhai nahi de raha tha. Mene galle se thuk andar kiya aur vahin baith gaya kyun ki vo awaz abhi bhi fusfusati hui mujhe apni aaur khinch rahi thi. " shabash.. aur niche.. niche " na jane kya tha us bhari awaz mein jo kano ko achi lag rahi thi par dil ko zoron se dhadakne par majbur kar rahi thi. Mei niche ki aaur jhuk kar andar dekhne laga ki achanak se ek hath kabar se bahar nikla aur usne mera sar pakad kar andar khinch liya jiske sath hi kabar ke andar mitti bhar gayi aur uski tuti hui parat jud gayi.

Anshika ki sansein abhi bhi tez thi, vo us adrishye deewar se aise chipki baithi thi mano bas ek pal mil jaye to vo abhi us paar chali jaye. Eka-ek vo piche ki aaur mudi aur guruji ki aaur dekhte hue apni jagah se khadi hokar unke samne hath jodh kar ja baithi.

" ye kaisi maya hai jo mei apne shreyas ke pas tak nahi jaa paa rahi " vo rote hue boli isliye adhi baat uske gale mein hi ruk rahi thi. Guruji use dekhte rahe par kuch bole nahi " kyun kar rahe hain aap sab mere sath aisa ? " usne guruji ki taraf se nazar hata kar amb aur nidhi ki taraf dekha par dono mein se kisi ne kuch nahi kaha. Uski sansein bekabu hoti jaa rahi thi, vo itni gehri sansein lene lagi mano jaan kar le rahi ho.

" please mei hath jodti hun ek baar mujhe uske pass jane dijeye, usko meri jarurt hai " chalak aye ansu par anshika ne guruji se nazar hata kar piche ki taraf dekha to vo ansu zameen par gir pada. Madad na milti dekh vo vapis wahin jaa baithi. Anshika ki halat par sabhi dukhi thi lekin guruji kuch nahi kar sakte the kyun ki jo kuch ho raha tha vo shreyas ki marzi se hi ho raha tha.

Usi din Subah

" apki ek aur madad ki jarurat padegi "

" jo kehne jaa raha hai uska andaza hai tujhe "

" apne hi kaha hai na guruji ki rishta dil ke dard se juda hona chahie " abhi baat kahi nahi thi lekin uski ankhein bharne lagi " mei nahi chahta anshika mere kareeb pahunch sake apko mere aur uske bich wahi deewar khadi karni hai jaisi us shaitan aur uski dunia ke bich khadi hai " kehte hi ansu palkon se niche utar aya.

Ankh ek jhatke mein khuli to khud ko is baar kahin aur laita paya, is baar mitti par laita hua tha aur ek ajeeb sa ujala maujud tha. Asman nila tha par roshni nahi thi ek alag hi tarah ka asman sar par tha jisme se na to koi roshni atti pratit ho rahi thi aur na hi andhera tha. Mene asman ko bhanpte hue apni meri nazar dayein aaur modi to ek jhatka dimag mein laga dayein aaur bilkul andhera tha, itna ghor andhera ki sirf andhkar hi dikh raha tha mano roshni ka koi matlab hi na ho. Abhi mei us andhkar ko samjhne ki kosish hi kar raha tha ki mujhe kisi ke chalne ki ahat ne us taraf dekhne ke liye majbur kar diya.

Jaise hi nazar samne gayi, halak itna sukh gaya ki muh khula reh gaya. Vo wahi tha jo abhi thodi der pehle bache se apne bade roop mein aaya tha. Meri aur uski duri bahut kam thi isliye use saaf-saaf dekh paa raha tha. Sharir jitna badha tha utna hi jada kharab ho chuka tha, har jagah se sadha hua tha aur har badte kadam ke sath uske sharir se mans utar kar zameen par gir raha tha. Vo kuch kadam aur chala aur us andhere wali jagah ke samne jaa ruka. Meri nazar uske sharir par jada thi isliye jo vo kar raha tha uspar dhayan hi nahi diya. Pura sharir gal raha tha aur galne ki wajah se zameen par apni chaap chhod raha tha. Alag-alag jagah bade bade kide sharir ke andar bahar ho rahe the. Adhe chehre par mans nahi tha aur jo chipka hua tha vo fisal kar niche gir raha tha. Achanak vo chillaya jisne meri nazar uski harkat ki aaur modh di.

Usne apne hath uthaye jiski khal utar kar niche gir rahi thi aur samne rakh diye jaise koi adrishye deewar ho. Ye dekhte hi mei apni jagah se khada ho gaya aur vo chillaya ' haaaaaaaaaaaaaaaaaaaaaaaaaaaaaaaa ' Awaz usi ki thi ya kisi aur ki samjhna mushkil tha kyun ki vo shuru ek bache ki awaz se hui aur dhire-dhire badalte hue ek badi aur bhari awaz mein badal gayi jo mere kano ko chubne lagi jiski wajah se mujhe unhe apne hath se band karna pada. Uski cheekh mei mano koi kancha kanch se takra raha ho aisi chuban thi. Mene kaan to band kar liye the lekin awaz abhi bhi dab nahi rahi thi, nazar usi par thi aur usi wajah se uski ungliyu par padi to pehli dafa mene uski ungli mein anguthi dekhi jo bahut teevr matra mein chamak rahi thi aur uski chamak badhti hi jaa rahi thi. Uski cheekh badhti gayi to us anguthi ke sath uska sharir bhi chamakne laga. Uski takat ka ye nazara dekh mere hath khud ba khud kano se hat gaye jisme se khoon nikal aya tha par mera dhayan hi nahi gaya kyun ki agle hi pal uska hath us adrishye deewar ke andar ghusne laga aur andhere ke piche gayab hone laga.

Usi dauran uske chamkte sharir mein ek jhatka sa laga aur ek parchai roop kali parat uske sharir se alag hoti nazar ane lagi. Vo cheez uske sharir se alag hoti gayi aur phir ek aakaar mein badal kar use kuch dur jaa khadi hui. Usko dekh mujhe aisa jhatka laga jisne mere pure sharir mein kampan chhod di. Vo chehra mene pehle bhi dekh rakha tha kyun ki us chehre ki halat usi tarah bigdi hui thi jaisi mei pehle dekh chuka tha. Twacha kalla mans ban chuki thi, ek ankh mathe pe to ek niche honton ke pass, naak kaan kahan tha ye us chehre par khoj pana mushkil tha kyun ki maas utar kar niche ki taraf lataka hua tha.

" Ye to wahi deform chehra hai " usko samne khada dekh hi raha tha ki ek baar phir uske sharir mein se wahi parchai nikli aur ek aur deform shaks mere samne aa khada hua. Abhi ek aur baki tha, mene andaza lagaya jo ki theek hona tha aur hua bhi wahi. Ek aur deform shaks us sharir se alag hua aur teeno mere samne aa khade hue. Meri nazar teeno ke chehre se hote hue niche ayi to unke hath mein sirf ek hi ungli dikhi jisme vahi anguthi thi jo mene khoji thi. Anguthi pane ki lalsa mein mei aage badha par vo ring unke hath se gayab ho gayi aur phir vo teeno hawa mein mitti ki tarah mil kar wahan se ojhal ho gaye. Unke wahan se jatte hi mene dhayan diya ki ab vo shor bhi maujud nahi tha kyun ki mere samne vo bhi abhi us adrishye deewar ke andar sama kar us kalle andhere mein ja chuka tha.

Hairat aur khamoshi se mei vahan khada bas sab kuch soch kar jodne ki kosish karne laga aur tab mujhe samajh aya ki uski takat kaise tuti, vo adrishye deewar jiske bare mein guruji ne bataya tha jise vo lang nahi sakta tha lekin jo mene abhi dekha use yahi sabit hota hai ki usne apni anguthi ki takat se vo dehliz langne ki kosish ki aur usi dauran uski shakti ke teen tukde ho gaye jo mene abhi deform shaks ke roop mein dekhe par anguthi ki shakti is kadar thi ki vo un teeno ki ungli se gayab ho gayi aur vo bangle ke alag-alag hisson mein chip gayi taki uski takat use kabhi na mil sake. Par vo janta tha ki anguthi bangle ke andar hai lekin khud khoj nahi sakta tha isliye vo tab tak bangle ke bahar khade rahe jab tak mene unhe vo anguthi nahi dhund kar de di isliye vo har dum bangle ki hi aaur dekh rahe the.

" shreyas.s.. " soch mein dube hone ke karran bhool gaya ki kahan hun, ek thandi hawa kano ke piche padi aur mei ghabra kar mudh gaya jiske baad mujhe kuch bhi dikhai nahi diya kyun ki jahan mei khada tha wahan bilkul andhera tha. Samjhte der nahi lagi ki mei bhi us paar aa khada hua hun jahan thodi der pehle vo andar aya tha. Itna andhera shayad hi asli jeevan mein hota hoga. Dil zoron se dhadak raha tha aur halak sukne laga tha, itna andhera kabhi dekha nahi tha aur ab mehsus karke sharir mein kampan aa rahi thi, har pal lag raha tha jaise koi aage hai ya koi dayein taraf se mujhe dekh raha hai, koi mere najdeek aa raha hai to koi mere piche khada mujhe chunne ki kosish kar raha hai. Mene ek pal aage chalne ki sochi lekin tabhi mere per ruk gaye aur pasina mathe se fisal kar niche ane laga, jis baat ka dar sata raha tha vo shayad mujhse chipak gaya tha. Kisi ne mere per pakad liye the aur bahut zor se pakad rakhe the. Mene apni nazrein niche ki lekin dikh kuch nahi raha tha par mehsus ho raha tha ki kisi ne mere per pakad kar dabaye hue hai. Dhire-dhire hi sahi mene apne hath per ki aaur kiye aur jab wahan rakhe jahan se kisi ne pakad rakha tha tab mujhe kuch bhi nahi mila. Na jane kaun si maya thi ye par wahan koi maujud nahi tha.

Dil ko kisi tarah shant karte hue mene apni nazar uthai aur vo wahin uthi reh gayi aur dil shant ki jagah rukta hua mehsus hone laga. Nahi janta usne kaise kiya lekin itne ghup andhere mein bhi uska chehra saaf dikh raha tha mano vo andhere mein apne aap ko mujhe dikhane ke liye chamka rahi ho. Vo mere samne khadi choti ladki jiska adha chehra jala hua tha aur adha sahi tha mujhe ek tuk ghure jaa rahi thi. Kaun thi aur mujhse kya chahti thi sawal man mein ghuste hi jawab de gaya kyun ki usi dauran vo ladki muskurai aur vo parchai badal kar budhi aurat mein tabdeel ho gayi.

' amma ' muh se nikla ya dil ne kaha nahi janta lekin vo amma mere samne khadi thi jiski madad se anugthi aaj us shaitan ke pas thi. Abhi mene uski taraf hath badhaya use pakadne ke liye par phir vo badal kar usi ladki mein tabdeel ho gayi aur mujhe dekh muskurane lagi. Mene apne hath vapis khinche aur vo amma mein tabdeel ho gayi. Kya aur kyun is bade sawal ke sath uska jawab bhi shayad samne hi tha. Vo bar-bar apna roop badal rahi thi aur mei use samjhne ki kosish kar raha tha.

Abki baar jaise hi vo ladki bani to usne muskurana band kar diya aur mene use pehchan liya. Ye wahi ladki thi jise mene us din asalyum ki file mein dekha tha jo deceased person ki file thi lekin ye amma mein tabdeel kyun ho rahi hai, mei atka aur phir jo soch kar sach samne aya usne meri ruh ko kanpa diya. Asalyum mei koi amma thi hi nahi vo is ladki ki atma thi jo har ghadi har pal hamare sath thi aur usi ki atma ne humse vo sab karwaya jo vo shaitan chahta tha. Anshika ke samne bhi isi ladki ka sharir nasht hua hoga lekin hume dikha vo amma ka roop. Is ruh ne hamari ankhon ke samne amma ka roop badal kar hamari ankhon ko dhoka diya aur shayad iske piche usi ki shakti rahi hogi aur ye bhi samjh gaya ki agar ye ladki nahi marti to iska roop theek wesa hi hota jaisa roop humne amma ka dekha tha. Mei abhi ye samjhne ki kosish kar raha tha ki achanak mere samne ek behad khaufnak chehra aya shayad kisi ki ruh thi jo bahut gusse mein thi vo chillati hui mere najdeek aa pahunchi jiske chehre ki khal sadiyun purani ho chuki thi aur har hisse se katti hui thi, use apne najdeek ate dekh mene dar se apna chehra chupa liya.

Sansein tez thi, dar ne buri tarah se kabza kar liya tha phir bhi mene apne chehre se hath hataya aur ankhein kholte hi paya ki ab mei kahin aur hi khada tha, kuch samjhta use pehle paun jab dayein aur ghume to wahan dekh ankhein jam gayi.

 

[sexstories]

Kya khatarnak update tha

...kal toh padhte hee kuch bhi naa bola gaya ?
Kuch kuch scenes aise...ki halat kharab ho gayi imagine kar ke

Sabse pehle uss baat par se parda hata...jo ki Shreyas ke saath pehli baar hua tha...jab vo shaitan ki duniya mein gaya tha

Aur iski sabse badi vajah jo ki Guruji ne batayi...vo thi ki usse apni Shaktiyan vapas chaiye thi

Iss baar kaafi kuch alag hone vala hai jab vo Shaitan ki duniya mein jayega

Aur bechari Anshika

Uske baad ek ek scene...rongte khade ho gaye

....kaise vo haath kabar mein se nikla...aur uske baad ek baccha jo sayad Sam hoga...aur uska dhire dhire bada hona...kaafi bhayanak scene tha

Kabar ke anadar se Shreyas ko bula rahi hai...aur vo jaa bhi raha hai

..

.....ek second ke liye laga..ki gaya Shreyas

Ye baat saaf ho gayi ki...Shreyas ke kehne par hee Guruji ne uss Ghere ko banaya

..taki Deewar ban jaaye..agar itni Shakti hai Guruji ke pass...toh

Fir hua asli khel suru

Uss sharir ka yun chillana...aur fir dekhte hee dekhte .........
Ek mein se 3 parchayi nikal gayi...aur unke paas thi vo anghuthiyan jo Shreyas laaya tha

....aur yahan jis baat ne hosh uda diye...vo ye thi ki ye 3 parchayi vahi log the jo uss din bangle ke bahar khade the....aur sayad Anghuthi na hone ki vajah se unke pass itni takat nahi thi ki vo bangle ke andar jaa sakein...isliye ye kaam Shreyas se karvaya gaya

Lekin kuch aur bhi hai...jo abhi tak clear nahi hai

....3 bhoot

......ye kya hua.....Amma....nahi Ladki...nahi Amma

....Ladki..jo ki already marr chuki thi...Amma toh thi hee nahi

Jahan tak samhaj aaya..ki Shaitan ne Ladki ko Amma banaya aur Amma koi thi hee nahi

Lakin usne khud kyun nahi kara ye kaam...kyun usne ek ladki ka istemal kara...vo toh ek shaitan hai na...toh kuch bhi kar sakta hai...?????

Kaafi bhayanak scenes aane wale hain agle updates mein

....pata nahi kya hoga..H3 lagta hai kuch toh kar ke jayegi

Anyways...waiting for next

 

[sexstories]

Sansein tez thi, dar ne buri tarah se kabza kar liya tha phir bhi mene apne chehre se hath hataya aur ankhein kholte hi paya ki ab mei kahin aur hi khada tha, kuch samjhta use pehle paun jab dayein aur ghume to wahan dekh ankhein jam gayi.

Nazar samne dur tak jati to sirf ek hi cheez dikhti lal roshni jo niche zameen se aa rahi thi. Napna mushkil tha ki kitni badi jagah hai kyun ki jitni dur tak ankhein dekh sakti thi wahan tak sirf zameen ke niche se atti lal roshni hi dikh rahi thi. Meri nazar jhuki hui thi aur mei niche dekh kar samajhne ki kosish kar raha tha aur use dekhte hue dhire-dhire ankhein uppar ki aaur uthi to ek jagah par jam kar reh gayi.

Samne sateh ke uppar koi laita hua tha karwat ke bal uska pura sharir aisa tha mano sharir se khal khinch li gayi ho aur sharir ko khoon mein chhod diya ho. Har jagah se uska yahi haal tha jis wajah se meri nazar us par pehli dafa mein nahi padi kyun ki niche se atti lal roshni mein vo bhi usi rang ka libas odhe laita tha. Janne ki ichukta mein kadam aage bade aur dhire-dhire samjhne laga ki iski khal nahi udhedi gayi balki iske sharir ka abhi puri tarah se vikas nahi hua hai. Sar se lekar paun tak vo sharir ko samete laite hua tha. Khoon nahi nikal raha tha lekin khoon se bana hua tha isliye aisa lag raha tha jaise khoon mein nehlaya gaya ho. Na hi chehra samajh aa raha tha aur na hi uska ansh malum ho raha tha. Phir ek jagah jakar nazar ruki, jab mei aage badhte hue uske pass pahuncha to dekha uski ungli mein anguthi chamak rahi thi. Anguthi dekhte hi mene ye jaan liya ki mere samne kiska sharir hai, kya ye sahi mauka tha? Kya mei uski kamjori mein pahunch gaya hun aur is mauke ka fayda utha kar iski ungli se uski shakti nikal sakta hun. Ye sochte hi mene do kadam tezi se badaye taki mei uski ungli se anguthi nikal sakun lekin jitni tezi se kadam badaye the use kahin jada teevrta se mein piche ki taraf udta hua zameen par jaa gira ' aarrgghhhhhhhh ' pehle pith ke bal gira ' thaaaapp ' awaz hui par itni teevrta thi ki pith ke bal girne ke baad uchla aur phir ghum kar pet ke bal jaa gira. Hua yun tha ki jaise hi mene uski taraf kadam badaye the achanak se kisi cheez ne mujhe roka jo uske sharir ke charon taraf adrishye takat ke roop mein thi aur usne mujhe utha kar piche patak diya. Kya shakti thi ye mujhe samajh nahi aya par girne ke baad sharir mein akdan bhara dard jarur hua.

" arrgghhhhhhh " mene dard mein mich rakhi ankhein kholi aur jaise hi ankhein khuli dard andar hi ghutt kar mar gaya. Thodi der pehle zameen ke niche jo sirf ek lal roshni dikhai de rahi thi vo itne kareeb se dekhne par samajh aa gayi ki vo koi lal roshni nahi thi balki jalte hue aag ke shole the jisme ek halchal thi. Us aag ke andar ajeeb se danav maujud the lambe lambe panv, badi bhadi si shakal jaise vo deform saksiyat dekhi thi kuch usi akar mein lekin bilkul lal rang jaise aag mein tapne ke baad loha ho jata hai bilkul usi tarah tape gaye the par sirf unke hone ke ehsas ne mujhe nahi daraya balki jo vo kar rahe the usne mera halak sukha diya tha. Usne chain se kisi ko bandha hua tha jaise jaise... ek insan ki ruh ho. Vo use aag ke sholon ke andar tapa raha tha jisme vo ruh cheekh rahi thi bilakh rahi thi lekin awaz jaise andar hi ghut rahi thi. Ye dekh meri sari himmat ek pal ke liye tut gayi kyun ki niche puri dunia isi cheez se bhari thi aur sabhi deform shaks ke pass usi tarah koi ruh thi jinhe chain se bandha hua tha aur aag mein tapaya jaa raha tha. Mei nazar hatana chahta tha par kaise vo wahin jami reh gayi ye mei samajh nahi paya aur fir agle hi pal jo mene dekha usne mujhe in sab ke dekhne ka matlab samjha diya.

" shalini " meri nazar us ruh par ruki jiski maut mene apni ankhon ke samne se dekhi thi jo chatt se gir kar mari thi uski ruh hi thi jisne usne chain se bandha hua tha aur vo aag mein tapti hui chilla rahi thi. " mohmmad " meri nazar ne uski ruh ko pakda jo junwari tha " divya " us bachi ko dekh kar meri ruh kanp uthi jiske sath hi uski ruh bhasam ho gayi aur rakh ban kar ud gayi " naaahi.... " ek pal laga tha jaise vo mujhe hi bula rahi thi lekin agle pal uski ruh rakh ban gayi. Uski ruh ko rakh bana kar us deform shaitan ne taral pardart ke andar apna hath dala jiska rang bhi lal tha mano pani ko itna khaula diya ho ki uska rang hi badal gaya ho aur uske andar se ek aur ruh nikal li.

" shehzad " wahi chemical factory mein kaam karne wala use bhi usne chain se bandh diya aur aag mein tapane laga jise mehsus karte hi uski ruh chatapatne lagi lekin madad karne walla wahan koi bhi majud nahi tha. Abhi uspar se nazar hatti to shalini ki ruh bhasam ho gayi aur rakh ban gayi is baar mujhe aisa laga mano kuch chamkti hui chiz meri ankhon par padi hai jo shayad divya ke bhasam hone par bhi chamki thi par mera dhayan nahi gaya tha. Mene fauran apni nazar uppar uthai to dekha samne laite shaitan ki ungli mei anguthi chamak rahi thi aur phir vo ruh jo bhasam hui thi vo zameen ke niche se nikal kar bahar ayi aur usme ja samayi. Ye adhbhut par behad darwana nazara dekh meri galla sukh gaya aur ye samajh aa gaya ki vo apni takat aise ikhati kar raha tha. Dekhte hi dekhte ek sath kai ruh ki rakh zameen se nikli aur uske sharir mein samati gayi aur jab mene uske sharir mein badlav dekha tab mujhe mere rongte khade hote hue mehsus hone lage. Kuch pal pehle jo sharir sirf khoon mein saja hua tha uspar dhire-dhire mans ki parat chadti jaa rahi thi. Uspar nazar gadaye mei uth baitha jiske sath zameen ke niche se atti lal roshni kahin gayab ho gayi aur ek baar phir mei us ghup andhere mein pahunch gaya.

Andhera chaye hue kuch hi pal bitte honge ki dayine taraf se mere baal hawa mein udne lage aisa laga mano gurtuaakarshan hi khatam ho gya ho. Balon ke sath mene jab apne sharir par mehsus kiya to mene apna hath uthaya jiske sarre baal hawa mein sidhe khade the. Abhi itna hi hua tha ki kano ke pass ek thanda hawa ne sharir ko jhinjhod diya ' haaaaaaaaaaaaaaaaaa ' awaz itni thandi aur takatwar thi ki mera sharir baithe-baithe fisalta hua andhere mein ghumta hua kahin khota gaya.

Na jane kaisi maya thi jo mere sath is tarah ka khel khel rahi thi, dil zoron se dhadak raha tha. Mei ek jagah jakar ruka, nazar abhi bhi samne andhere par hi thi aisa laga mano koi abhi nikal kar ayega. Ek pal baad mein apni jagah se khada hua aur ek kadam piche hua. Piche hatte waqt nahi malum tha ki per ladkhda jayenge aur mei girte-girte bachunga, jaise hi per piche pade mera santulan bigad gaya aur shayad mei gir bhi jata par kisi tarah khud ko sambhalte hue mei ghum gaya aur sambhal kar khada ho gaya. Ankhon ke samne chaukor akar ka ek gadha aya jiski gehrai mein kuch usi tarah ka padarat tha jaisa mene thodi der pehle zameen ke niche dekha tha. Agar mei isme gir jata to shayad isi padarat mein tap kar jhulas jata. Use dekhte hue meri nazar samne ki aaur uthi to hairat mein ankhein khuli reh gayi. Ye koi ek aur nayi maya thi jisme ek lamba patla galiyara tha jiske dono taraf har thodi-thodi dur mein halka ujala tha. Galiyare ka ant vahan se dekh pana namumkin tha.

Mei kuch kadam chalte hue aage aya aur bayein aur ati roshni ki taraf muda jahan pahunchne se pehle samajh gaya ki wahan bhi wahi chaukor akar ka gadha bana hua hai lekin ye nahi janta tha ki uske andar kya hai. Mei ek pal uske thoda dur ruka aur phir nazdeek akar uske andar jhanka. " papa.. " niche harshit papa ka adhmara jism ya ruh keh nahi sakta par dekhte hi meri ankhein hairat mein khul gayi. Vo kafi niche the lekin unka pura jism lal ho chuka tha aur vo chain se bandhe adhe us padart ke andar the aur adhe bahar. Unka chehra uppar ki taraf utha hua tha yani meri ankhein unki ankhon se takra rahi thi. " papa " mei ghutne ke bal baitha is umeed mein ki vo mujhe sun sakte hain lekin unhone koi jawab nahi diya to mene hath bada kar andar se unhe bahar nikalna cha lekin mere hath bahar hi ruk gaye. Koi ardishye deewar thi jiski wajah se mei apna hath andar nahi dal paa raha tha. " papa, papa aap sun sakte hai mujhe " bechain awaz mei mene pukarna chalu rakha lekin vo kuch nahi bole.

Ek pal mene dubara kosish ki lekin vo kuch nahi bole, meri ankhein unki halat dekh bhar ayi aur mein kuch pal yun hi baitha raha phir nazar wahan se hata kar us jagah ko dhang se dekha, aise chaukor akar ke gadhe bahut se the wahan par. Unhe dekh mei apni jagah se khada hua aur dayein aur jakar sabse pehle gadhe ki taraf nazar dal kar dekha " chintu uncle " phir dusra, phir tisra, chautha, panchva. Ek ek kar dekhne shuru kiye jisme mera pura pariwar tha, " maaa " dipz maa ko dekh kar to mere ansu bahar aa nikle. Ansu poch kar mei apni jagah se khada hua aur aage badha. Aur ab bari ayi mere doston ki jisme sab usi halat mein maujud the sabhi ko dekh kar bechain ho utha tha, socha tha ab kisi aur ko nahi dekhunga, himmat hi nahi thi aur tabhi nazar trishti par padi jise dekhne ke baad jo himmat tuti thi vo bikhar hi gayi aur mei ladkhdate hue wahin baith gaya uske pass. " trish.. " uska vo chehra jo meri aaur hi dekh raha tha. Kisi tarah chahta tha ki usko ek dafa chhu sakun lekin us fasle ne dur kar rakha tha. Achanak uska sharir dhire-dhire us padarat ke andar jane laga " no, no no.. trish " mei chillaya " noooo trish " chillate hue mei ardishye deewar par zor-zor se marne laga lekin uska koi fayda nahi hua aur akhir trish meri ankhon ke samne us padart ke andar ja samai. " aarrggghhhhhhhhhhhhhhhh " mei chillaya aur wahin sar rakh kar baith gaya, na jane kyun aaj ek baar phir wahi dard utha jo us waqt utha tha jab mene trish ko khoya tha. Ansu ankh chhod rahe the aur jazbat galla chhodh chuke the. Naak sikodte hue mene ankh se anso poche aur uth baitha.

Jo pehle hi jaa chuka tha use ab kya hi khounga mei, vaise bhi vo mere dil mein zinda hai aur hamesha rahegi. Mei apni jagah se khada hua aur ab kisi aur ko na dekhne ka faisla lete hue usi galiyare mein aage badh gaya. Nahi janta tha ki galiyara kitna bada hai aur isme hai kya lekin iske alawa koi aur rasta nahi tha mere piche sirf andhkar tha. Galiyara khatam ho raha tha ya phir koi naya modh ane wala tha ek safed roshni halki-halki ankhon par pratit hone lagi. Roshni ka abhas pakar mei thodi aur tez kadmo se aage badha lekin kuch hi kadam baad vo dhime ho gaye aur phir ruk hi gaye " anshika " samne anshika hawa mein laiti hui thi aur uske hath khule hue the.

" ye nahi ho sakta, sab mayajaal hai " mene khud ko tassali di lekin man hi man aisa bhi lag raha tha ki yahi hakikat hai, akhir vo pana to use hi chahta hai lekin kaise? itni jaldi kaise ? kya mujhe bahut waqt ho gaya. Sawalon se bahar nikal kar mene anshika ke pas jane ka faisla kiya aur fir mei bhagta hua uske pas pahuncha aur achanak ek chiz se takra gaya. " nahi, nahi nahi nahi nahi nahi " mere aur anshika ke bich ek adrishye deewar thi. Ye dekhte hi mere hath per fulh gaye, sirf ek yahi kamjori thi meri jab bhi anshika ko dekhta tha to mere liye sab kuch badal sa jata tha " anshika " mene us deewar par marte hue awaz lagai aur agle hi pal uske sharir mein harkat hui aur dekhte-dekhte hue vo ek dum sidhi hawa mein khadi ho gayi aur uska chehra dekh mera ek kadam khud ba khud piche ho gaya.

Baal bikhre hue the, ankhon ke niche kalle gadde padh chuke the, chehra itna fatta hua tha mano kisi ne nocha ho ek pal laga ki ye anshika nahi sirf ek maya hai lekin jab usne mera naam pukara tab meri nazar uski ankhon par gayi jinhe mei kahin bhi hota to pehchan sakta tha " shreyas " uski ankhon mein dard aur taklef ter raha tha.

" anshika tum yahan kaise " mei vapis aage aya taki use pakad sakun lekin vo deewar mere pareshani bani hui thi.

" shreyas jo anshika tumhare sath hai vo anshika nahi hai, tumhari anshika yahan hai is halat mei " uski awaz bahut jada dard mein thi. Mei hairan tha ki aisa kaise ho sakta hai lekin vo ankhein juth nahi bol rahi thi.

" par tum yahan kaise ayi " dil reh reh kar ghabra raha tha.

" vo tumse bahut jada naraz hai shreyas " vo ek pal ke liye chup hui. Mei janta tha ki vo kiski baat kar rahi hai " tumne bahut badi galti kar di shreyas vo ab mujhe bhi nahi chhodega " itna sun kar mei kuch kehta use pehle uska sharir vapis hawa mein hi lait gayi. " anshika " mere muh se bas itna hi nikla aur vo chillai.

" aaaaaaaaaaaaaaarrrghhhhhhhhhhhhhhhhhh " pehle to usi ki awaz thi lekin phir vo awaz badalte hue ek bhari awaz mein badalne lagi " aarrghhhhhhhhhhhhhhhh " cheekhte hue anshika ka chehra kalla padne laga jiske sath hi dhire-dhire uski kamar uppar ki taraf uthne laga aur uski cheekh badti gayi.

" anshika, anshika " mei zor-zor se us adrishye deewar par marne laga par uski cheekh ke sath anshika ki awaz itni jada bhayanak roop mein badal gayi ki pehchan mein hi nahi aayi aur agle hi pal uska sharir fatt gaya jiske sath hi hawa mein mitti ke kan felh gaye aur mere liye jaise vo waqt wahin ruk gaya lekin uske sharir ke fat janne par jo teevr shakti usme se nikli usne mujhe uchal fenka aur mei hawa mein udta hua piche ja gira aur girte hi ankhein band ho gayi.

Andhere mein vapis laut aya tha mei, jo bhi mere sath ho raha tha vo shayad uske hi khel ka hissa tha. Ankhein abhi bhi band thi aur fir us bejaan sharir mein aisa laga jaise koi chiz andar hi andar ghumti hui uppar ki taraf aa rahi ho aur aisa hote hi sharir buri tarah se kanpne laga. Kanpna galat hoga, chatpatane laga aur phir zindagi ke liye chatpatane laga. Mei behoshi ki halat mein tha aur tab galle par dabab padte hi meri sans ukhadi aur hath galle par chale gaye. Sans ukahdne ke sath hi jism par lal lakerein khinchti gayi jaise kisi ne noch diya ho aur ek hi pal ke andar pure sharir par vo lakeer felh gayi.

" ye kya ho raha hai shreyas ko, shreyas " anshika ne jaise hi shreyas ke sharir ko chatapate dekha to apni jagah se khad ho gayi. Uski nazar to usi par thi jabse vo gaya tha. Ujale mein use ye bhi dikh gaya ki uske sharir par lal lakrein khinchti jaa rahi hai jo uske pure sharir ko gher rahi hai. " guruji " anshika ne uspar se nazar nahi hatai par sabko sachet kar diya ki use kuch ho raha hai.

Meri ankhein khul chuki thi par ruh to meri thi hi nahi. Mene apna galla pakda hua tha aur kosish kar raha tha ki kisi tarah us pakad se azad ho jaun jisne sans rok rakhi hai. Mere per aage piche fisal rahe the aur khud ko us pakad se chuddane ki kosish kar rahe the, agle hi pal jab mei azad hua to khasne laga aur uthne ki kosish karne laga lekin usi pal mere hath kisi ne pakad kar faila diye aur sharir ko is tarah jakad liya ki mei hil tak nahi paya aur cheekh pada kyun ki mujhe apne sharir par kisi ke hone ka dabab mehsus ho raha tha aur vo meri hadi mein chubta hua mehsus hone laga tha " aarrgghhhhhhhhhhhhhhhhhhhhhhhhhh " chillate chillate achanak meri awaz hi badal gayi. " aarrgghhhhhhhhhhhhhhhhhhh " bdalte hue pehle vo kisi bache ki awaz mein tabdeel hui aur uske baad dhire-dhire bhari hoti gayi. Itni bhari ki usme meri awaz kho gayi uske piche aur aisa laga jaise galla andar hi andar chillta ja raha hai.

Ankh se ansu nikal aya, ye behad dard aur takleef ke ansu the jinhe mei is waqt mehsus kar raha tha. Jab cheekh band hui to hathon ko bhi azadi mil gayi lekin usi pal chehre par ek ajeeb si halchal hone lagi aisa jalne laga mano kisi ne uspar aag laga di ho. Mei apna chehra malte hue chatpatane laga aur dard bhari cheekh bahar nikal gayi. Chehra kabhi mera to kabhi kisi aur mein badal jata phir ek pal to aisa aya jab adha chehra mera aur adha us shaitan ke chehre se badal gaya aur meri pith hawa mein uth gayi jaise koi uppar se mujhe khinch raha ho " aarrgghhhhhhhhhhhhhhhhhhhhhhhhhhhhh " shayad meri fuli hui sanson ki ye akhri cheekh thi jiske baad mera sharir dhadam se niche aa gira aur ankhein bhari hone ke karran dhundli padh gayi lekin phir bhi mujhe halka halka dikh raha tha.

Sharir jaise hi zameen par vapis aya mitti ke kan sharir se nikalte hue theek uppar ikhate hone lage aur vo kan ek roop mein badlne lage. Dhire-dhire jab ankhon ke samne miti ke kan se ek chehra bana to use samjhne mein der nahi lagi " bhai " bas uske baad ankhein khud ba khud band ho gayi.

Ankhein khulte hi aisa laga mano lambe samay baad ankhein khuli ho, sar itna bhari tha ki keh nahi sakta ki uske andar kya chal raha hai. Khuli ankhon ke samne asman to tha par usme na to roshni thi aur na hi andhera bada hi ajeeb vatarvaran tha. Mei apni jagah se kahda hota use pehle meri nazar apne hathon par gayi jinpr lal lakrein aur nishan pade the, ye kab aye aur kaise aye mujhe malum nahi lekin chune par dard utha jiske baad dimag ne jo bhi kuch bhula tha vo sab ek jhatke mein yaad kara diya " anshika " mei fauran kahda hua aur samne ka pal dekh meri hairat dimag par havvi ho gayi, jo tha samne vo sach nahi ho sakta tha aur agar ye sach tha to kuch bahut bhayank ghat chuka tha aur mere pas samay behad kam tha.

 

[sexstories]

Kya kahun iss update ke baare mein

....puri tarah hila dala

Kya kya ho gaya ek hee baar mein

....jhatke par jhatke lag rahe hain
Har ek scene mein kuch na kuch aisa tha...jo ki rongte khade kar raha tha

Zameen ke niche insan ki ruh chain se bandhi thi...jo ki Shalini, Divya etc.. ki ruhe thi

Aur uske baad dekhte hee dekhte jis tarah se vo uss sharir mein jaa mili jo ki laita hua tha....kaafi bhayanak scene tha...sochne par hee

Kahan se kahan socha hai...kamal ka scene tha

...Harshit ka iss tarah se dikhna aur fir dhire dhire unn sabhi logon ka jisme Mein bhi tha

...jo ki Shreyas se jude hain...kaafi hairan karne aur darane vala tha ?
Lagta hai inn sab ke piche kuch gehra raaz hai...ya toh ye keval ek mayajaal hai shaitan ka...jo vo Shreyas ko dikha raha hai..ya fir unn sab logon ki ruh

....kuch toh hai...

Ye sab toh tha....Lekin......
Iski kya jarurat thi...Trishti bahaut achhi thi...ek baar jo hua uske saath vo kaafi nhi tha kya...jo abb fir

Aur fir jo koi soch hee nahi sakta vo hua...Anshika ?
Adrishya deewar yahan bhi ?
Anshika kaise aa sakti hai....Sab mayajaal hai sab

.....jisme Shreyas fans gaya hai

....Guruji

Harsh

....shaitan ne kya se kya kar diya....aur abhi hua kahan hai uska...abhi toh bahaut kuch karna hai usse

Kya ho raha hai ye...itna toh pata hai ki Shreyas bahaut hee buri tarah se Shaitan ke Mayajaal mein fans chuka hai

....lekin abhi bhi samhaj se bahar hai ki vo Shiatan kya dikhana chahta hai

Aur abb kya dekh liya shreays ne aisa...kya ghat chuka hai...kaafi saare sawal hain

Iss update ko padh kar lag raha hai ki kuch toh aisa hone vala hai abb....jo ki koi imagine bhi nahi kar sakta...kuch toh bhayanak hoga...shayad tu humare votes change karva kar hee rahega

Late reply ke liye maafi

Anyways lets see....waiting for next

 

[sexstories]

Bhai kya kahu iss update k bare me it's incredible update or wese v isme aapne part 2 k mere fav character ka use kiya hai to wese v mere liye ye update best ho gya kafi jagah thi jaha pr me senti hua just like chintu bhai update padhne k baad samajh ni aaya kya comment kru wese bhi bhai aapki writing skills(Naina ji) aapki soch or iss haunted trilogy ki jitni v tarif kru kam hi hai

Agar tarif k liye koi new word bna hai to rply krke jrur btaye kyuki excellent marvelous jhkkas dhakad superb nice good incredible super se bhi upar ye sb word me pehle hi bol chuka hu or sb purane words ho gye harshit bhai k liye kuch new hona chahiye ab aate hai story pr

Aapne aproxx nark type ka kuch area dikhane ki koshish ki hai jiski imagination tak hum aaram se pahuch paye hai that's good

Shaitan ki rooprekha k bare me aapne jiss tarah btaya ki uska sharir abhi pura nahi hua hai usne jin logo ko mara unki ruh ko pighla kr apna sharir bna ra hai wo isse meko the mummy part 1 movie ki yaad aa gyi kuch kuch usi ki tarah lga or shaitan ko b mene usi ki tarah imagine kiya

Of ha isse pichle wale update me aapne mere kuch questions the wo aapne apne last update me bta hi diye jese wo add sh deewar ki baat jisse Anshika Shreyas tak kyu ni ja pa ri thi

Iss update me aapne bta diya ki shaitan apni takat kese hasil kr ra hai jo ki aapne pehle k update me btaya tha ki wo logo ko maar kr apni shakti badha ra hai but kese shaitan badhate hai takat ab pta chala
Sala ek confusion hai mere tau k bete ki biwi yani meri bhabi thi ek usko khabish name k shaitan ne possessed kr rakha tha kafi tarah se usko bachane ki koshish ki gayi mandir dargah sb jagah le jaya gya but at the end she was dead mene to usko possessed halat me dekha v tha to kya shaitan use le jakar apni takat badhata hoga (silly question) or ye v ek wajah se mere aapki kahani se itna jada judav ka kyuki mene bachpan se hi bahut sare possession dekhe hai

[color=rgb(184,]papa.. " niche harshit papa ka adhmara jism ya ruh keh nahi sakta par dekhte hi meri ankhein hairat mein khul gayi. Vo kafi niche the lekin unka pura jism lal ho chuka tha aur vo chain se bandhe adhe us padart ke andar the aur adhe bahar. Unka chehra uppar ki taraf utha hua tha yani meri ankhein unki ankhon se takra rahi thi. " papa " mei ghutne ke bal baitha is umeed mein ki vo mujhe sun sakte hain lekin unhone koi jawab nahi diya to mene hath bada kar andar se unhe bahar nikalna cha lekin mere hath bahar hi ruk gaye. Koi ardishye deewar thi jiski wajah se mei apna hath andar nahi dal paa raha tha. " papa, papa aap sun sakte hai mujhe " bechain awaz mei mene pukarna chalu rakha lekin vo kuch nahi bole.
" chintu uncle " ???phir dusra, phir tisra, chautha, panchva. Ek ek kar dekhne shuru kiye jisme mera pura pariwar tha, " maaa " dipz maa ko dekh kar to mere ansu bahar aa nikle. Ansu poch kar mei apni jagah se khada hua aur aage badha. Aur ab bari ayi mere doston ki jisme sab usi halat mein maujud the sabhi ko dekh kar bechain ho utha tha, socha tha ab kisi aur ko nahi dekhunga, himmat hi nahi thi aur tabhi nazar trishti par padi jise dekhne ke baad jo himmat tuti thi vo bikhar hi gayi aur mei ladkhdate hue wahin baith gaya uske pass. " trish.. " uska vo chehra jo meri aaur hi dekh raha tha. Kisi tarah chahta tha ki usko ek dafa chhu sakun lekin us fasle ne dur kar rakha tha. Achanak uska sharir dhire-dhire us padarat ke andar jane laga " no, no no.. trish " mei chillaya " noooo trish " chillate hue mei ardishye deewar par zor-zor se marne laga lekin uska koi fayda nahi hua aur akhir trish meri ankhon ke samne us padart ke andar ja samai. " aarrggghhhhhhhhhhhhhhhh " mei chillaya aur wahin sar rakh kar baith gaya, na jane kyun aaj ek baar phir wahi dard utha jo us waqt utha tha jab mene trish ko khoya tha. Ansu ankh chhod rahe the aur jazbat galla chhodh chuke the. Naak sikodte hue mene ankh se anso poche aur uth baitha.

[/color]
Bhai isko padhkar sach much me sad ho gya tha kyuki maa yani dipz or Trish aese kirdar the jinse me bahut jyada lgaw rakhta hu trishti bachpan se ek dard me thi uska baap usko marta tha preshan krta tha fir Abhinav wala scene or fir uski dardnak mout reality hoti to kehta bhagwan ne uske sath itna galat kyu kiya uski kya galti thi use ek achi life v to de sakte the na for uska pyar v chhin gya Shreyas jo wo kbhi keh nahi payi kya hi dukh hai ye me ache se samajhta hu???

Wese v ye sab jo ho ra hai wo sb shaitan ka mayajal hai shaitan janbujhkar sbkuch dikha ra hai Shreyas ko start se lekar end tak use dra kr uski himmat todne k liye kyuki Anshika waha nahi aa sakti but yr aapne to shock me daal diya hai samjh ni aa ra kya sahi kya galat

" [color=rgb(65,]anshika " samne anshika hawa mein laiti hui thi aur uske hath khule hue the.

" ye nahi ho sakta, sab mayajaal hai " mene khud ko tassali di lekin man hi man aisa bhi lag raha tha ki yahi hakikat hai, akhir vo pana to use hi chahta hai lekin kaise? itni jaldi kaise ? kya mujhe bahut waqt ho gaya. Sawalon se bahar nikal kar mene anshika ke pas jane ka faisla kiya aur fir mei bhagta hua uske pas pahuncha aur achanak ek chiz se takra gaya. " nahi, nahi nahi nahi nahi nahi " mere aur anshika ke bich ek adrishye deewar thi. Ye dekhte hi mere hath per fulh gaye, sirf ek yahi kamjori thi meri jab bhi anshika ko dekhta tha to mere liye sab kuch badal sa jata tha " anshika " mene us deewar par marte hue awaz lagai aur agle hi pal uske sharir mein harkat hui aur dekhte-dekhte hue vo ek dum sidhi hawa mein khadi ho gayi aur uska chehra dekh mera ek kadam khud ba khud piche ho gaya.

Baal bikhre hue the, ankhon ke niche kalle gadde padh chuke the, chehra itna fatta hua tha mano kisi ne nocha ho ek pal laga ki ye anshika nahi sirf ek maya hai lekin jab usne mera naam pukara tab meri nazar uski ankhon par gayi jinhe mei kahin bhi hota to pehchan sakta tha " shreyas " uski ankhon mein dard aur taklef ter raha tha.

" anshika tum yahan kaise " mei vapis aage aya taki use pakad sakun lekin vo deewar mere pareshani bani hui thi.

" shreyas jo anshika tumhare sath hai vo anshika nahi hai, tumhari anshika yahan hai is halat mei " uski awaz bahut jada dard mein thi. Mei hairan tha ki aisa kaise ho sakta hai lekin vo ankhein juth nahi bol rahi thi.

" par tum yahan kaise ayi " dil reh reh kar ghabra raha tha.

" vo tumse bahut jada naraz hai shreyas " vo ek pal ke liye chup hui. Mei janta tha ki vo kiski baat kar rahi hai " tumne bahut badi galti kar di shreyas vo ab mujhe bhi nahi chhodega " itna sun kar mei kuch kehta use pehle uska sharir vapis hawa mein hi lait gayi. " anshika " mere muh se bas itna hi nikla aur vo chillai.

" aaaaaaaaaaaaaaarrrghhhhhhhhhhhhhhhhhh " pehle to usi ki awaz thi lekin phir vo awaz badalte hue ek bhari awaz mein badalne lagi " aarrghhhhhhhhhhhhhhhh " cheekhte hue anshika ka chehra kalla padne laga jiske sath hi dhire-dhire uski kamar uppar ki taraf uthne laga aur uski cheekh badti gayi.

" anshika, anshika " mei zor-zor se us adrishye deewar par marne laga par uski cheekh ke sath anshika ki awaz itni jada bhayanak roop mein badal gayi ki pehchan mein hi nahi aayi aur agle hi pal uska sharir fatt gaya jiske sath hi hawa mein mitti ke kan felh gaye aur mere liye jaise vo waqt wahin ruk gaya lekin uske sharir ke fat janne par jo teevr shakti usme se nikli usne mujhe uchal fenka aur mei hawa mein udta hua piche ja gira aur girte hi ankhein band ho gayi.[/color]

Bhai ye sawal ho sakta hai but meko lag ra hai ye uski tarkib hai Shreyas ko dra kr Anshika ko yaha bulane ki kyuki sb bate hone k baad kaha ki "Shreyas wo tumse bahut naraz hai tumne aesa kyu kiya" isliye meko lgta hai wo janbujhkar ye sb kr ra hai taki Shreyas ki himmat tut jaye but yahi ek question b de diya aapne

[color=rgb(41,]lekin jab usne mera naam pukara tab meri nazar uski ankhon par gayi jinhe mei kahin bhi hota to pehchan sakta tha "
Mei hairan tha ki aisa kaise ho sakta hai lekin vo ankhein juth nahi bol rahi thi.[/color]

Bhai yaha kuch gadbad jrur hai

Ek baat or ab tak to aesa lg ra hai ki Shreyas nihatta hai kese ladega but jaha tak meko lgta hai guruji ne Shreyas ko jrur kuch diya hoga jiski madad se wo lad payega shaitan se wo harshit bhai at moment pr flashback dikhayenge ki Shreyas or guruji ki jb baat ho ri thi usi din subah tb unhone diya tha (prediction)

Shaitan ne usko finally asli jagah pr le hi aaya mayajaal hta kr or bhai kehna to sbko pta hai ki harsh or shaitan dono judwa hai or fir harsh ka ansh v hai usme to ye to common hai

Aesa kya ghat gya Bhai agla update de do pta chal jayega suspence me jada mat maro

Baki bhai long ho gya ab wahi purana ghisa pita dialogue

Waiting for next update

Keep writing keep rocking ?