Hot Sex Stories - Haunted ~~ " Game Of Rings "

[sexstories]

Zameen par padi pin jispar khun jama hua tha. Shreyas ki pith se amma ne akhri pin bahar khinchi jise khoon ka katra uchla aur wahin gir gaya. Unhone us pin ko sabhi pin ke sath rakh dia.

" amma shreyas ko abhi tak hosh kyun nahi aya " anshika ne ek pal uski taraf dekha lekin jawab na milne par vo shreyas ko hila kar use uthane ki kosish karne lagi lekin vo uth nahi raha tha " aap kuch bolti kyun nahi, shreyas uth kyun nahi raha hai " Amma anshika ki baat sun do kadam piche hatt gayi.

" nahi ye nahi ho sakta " abhi amma itna hi boli ki shreyas ne tezi se sansein lete hue ankhein khol di. Ankhein khulti vo zor-zor se sansein lene laga aur agle hi pal dard ki lehar uske dimag mein dastak dene lagi.

" aaaaaaahhhh--hhhhh " vo apne hathon ko apni pith ki taraf le jane ki kosish mein tadapne laga. Anshika ne agle hi pal uska hath pakda par uska chatpatana kam nahi hua. Uski ankh se uske sharir ka dard bahar ane laga.

" anshika aaaaaaaahhh-hhhhhhhh " vo apna sar zoron se hilane laga.

" shreyas meri taraf dekho " vo uska hath pakad kar apni aaur dhayan kichne ke liye use awaz dene lagi par dard uske badan mein is tarah daud raha tha ki uska dhayan udhar jaa hi nahi raha tha. " amma kuch kijeye.. iske dard ka koi to ilaj hoga " anshika chillai to uski ankh se ansu aa nikla. Amma anshika ki awaz sunn hosh mein ayi aur vo shreyas ko dard mein tadapta dekh bol padhi.

" han.. han.. vo us kamre mein mera banaya hua lep use jaldi lekar aa "

" shreyas, himmat rakho mein abhi tumhare dard ko tumse dur kar dungi " usne uske mathe par apne honth rakhe aur vahan se nikal gayi. Shreyas ka anshika se hath chutte hi usne table ko majbuti se pakad liya, uske pith mein gadhe ho gaye the jiske charon taraf ki khal jal chuki thi aur khoon nikal kar bich-bich mein bahar aa raha tha. Anshika bhagte hue us kamre tak pahunchi aur vo katora khojne lagi jisme amma ne lep bana kar chhoda tha tabhi uski nazar us katore par gayi jispar amma tabse kuch bana rahi thi jab vo aur shreyas use mile the. Vo use uthane ke liye jhuki to use laga jaise wahan rakhe saman ke piche koi hai lekin usne bina dhayan diye katora uthaya aur vapis shreyas ke pas bhagi.

Kamre ke andar ghuste hi usne katora amma ko diya. Shreyas abhi bhi tadap raha tha. Dard ki tadap mein uska chehra puri tarah lal ho chuka tha, thuk uske muh se nikal kar zameen par gir raha tha. Ankho mein pani bhar jane se vo lal ho chuki thi.

" hath pakad le iska " anshika ne amma ko ek nazar dekha phir shreyas ke pas pahunch kar uska hath pakad liya aur ghutne ke bal baith gayi uske chehre ke samne." shreyas sab theek ho jayega "

" ye da..rd " usne himmat karke kaha aur ise jada nahi keh paya kyun ki uske baad dard mein chilla utha. Jhakham par malham lagne ka dard bhi jhakham ke dard jitna hi hota hai. Amma ne banaya hua lep shreyas ke jhakham par lagana shuru kar dia. Anshika shreyas ki halat dekh behosh ho jati bas uske pyar ne use bacha rakha tha. Varna shreyas ki halat marne se bhi jada buri thi. Dhire-dhire kar amma ne shreyas ki pith par lep mal diya aur katora niche rakh kar khiska dia aur vo table ke niche chala gaya.

" ab ise aram mil jayega " amma ke bolte hi anshika ne uska shukriya kiya. Shreyas abhi adh-mara jaisi halat mein tha, ankhein khuli thi par takat nahi thi. " shreyas.. " anshika uske chehre ko dekh ro padi. Vo uska sar sehlane lagi, chehre par aye pasine ko pochne lagi. Amma ka kehna sahi tha, jo chehra dard mein tha uspar dhire-dhire aram ane laga.

" shreyas aur unki wife ki koi khabar ? " sharma ne ajay se phone par pucha. Vo der raat apne ghar par baitha bas yahi soch raha tha.

" nahi sir, mene unka phone bhi try kiya par vo unreachable aa raha hai " ajay jawab dekar chup hua.

" ajay kahin humne unhe vahan bhej kar koi galti to nahi kar di ? " sharma pareshan tha, zahir hai baat uspar bhi aa sakti thi.

" sir kya hume wahan jakar ek baar dekhna chahie ? " ajay thoda ruk kar bola. Sharma iska jawab dene mein hichak raha tha. Vo shreyas ki khabar lene ke liye jana chahta tha lekin uski himmat mana kar rahi thi.

" thodi der aur kosish karo aur mujhe batao " usne faisla liya.

" ok sir "

Takreeban raat ke 1:15 baj chuke the, thand ke mausam mein jahan sab apne bistar par so rahe the, usi andhere mein koi kutta roo raha tha. Uski awaz ghati mein gunjti aur phir kho jati. Asalyum mei bhi shanti thi, jal rahi lakdi ki awaz ke alawa vahan ek dum khamoshi thi. Shreyas anshika ke sath baitha hua tha, ab use bilkul bhi dard nahi tha lekin ghav bahut jada gehre aur bhayanak the. Anshika ne uska hath pakad rakha tha par bich-bich mein uski nazar uski pith par padh jati, jise dekh hi uski ruh kanp uth jati. Amma dono ke theek samne apne dande ko pakde zameen par dekhti hui gehri soch mein dubi hui thi.

" vo tujhe aur tere dard ko janta hai " amma ne apni nazre uppar uthai. Shreyas aur anshika uski baat sun usi taraf dekhne lage. " tujhe pehchanta hai, use pata chal chuka tha ki tu vahan jaa raha hai isliye "

Shreyas ne ruk-ruk kar pucha " isliye kya amma ? "

" isliye tu wahan pahuch to gaya lekin tu us jagah ke dard ko bardasht nahi paya aur vapis aa gaya " amma ki baton mein kuch aur chupa tha.

" to ? " shreyas ko ashanka ho gayi thi.

" aise koi bhi vapis nahi aa sakta. Tu zinda vapis aa gaya, ye mumkin nahi tha lekin usne "

" usne mujhe jaan kar zinda chhoda " shreyas ne amma ki baat ko pura kiya.

" par kyun ? " anshika boli.

" kyun ki vo ise aur dard dena chahta hai " amma ki nazar shreyas ki ankhon mein thi jaise use kuch samjhana cha rahi ho. Shreyas ek pal use dekhta raha aur jaise use amma ki batein samajh aa gayi lekin anshika abhi bhi iska matlab nahi samjhi thi.

" mei samjhi nahi ? " uski awaz mein ghabrahat thi.

" vo chahta hai mei ek baar phir wahi dard jhel kar uski dunia mei kadam rakhun " shreyas ne anshika ki taraf nahi dekha. Vo uski ankhon mein dekh kar ye baat nahi keh sakta tha.

Anshika ke fauran muh se nikla " nahi.. nahii.. " vo apni jagah se khadi ho gayi.

" anshika " shreyas use samajh gaya tha.

" nahi shreyas ab aap kuch nahi khaoge " uski sansein tezz ho gayi thi, sharir gharbahat ki wajah se chakar kha kar gir sakta tha isliye usne table ka sahara le liya.

" anshika iske alawa hamare pas koi dusra tarika nahi hai " shreyas bhi khada ho gaya aur uski taraf mud gaya.

" nahi shreyas " jo dil mein chal raha tha akhir usne bolna shuru kiya. " vahan tak to tab pahunchoge jab zinda rahoge, ye dard hi tumhe maar dega " kehte hi uski ankh se ansu nikal pada. Shreyas ne uske chehre se ansu hatane ke liye hath badhaya par usne chatak dia " tum kyun mujhse itni badi kurbani mang rahe ho " vo rote hue boli.

" lekin anshika vo sach janna jaruri hai, mene tumhe apne sapne mei us bangle ke andar dekha hai. Agar sapne sach hai to vo tumhe lene jarur ayega " shreyas ne use samjhane ki kosish ki.

" han to le jane do shreyas, mei is dard ko sehan nahi kar sakti " vo bachon jese rone lagi. Shreyas uske najdeek aya " anshika " vo bas uska naam hi le paya ki anshika chilla hi padi.

" abhi tak to tumhare ghav bhare bhi nahi hai to tum kaise. Mere dard ki fikar chhod do " vo uski ankhon mein dekhte hue dhire-dhire shant ho gayi.

" tum ho aur jab tak tum ho mei har dard se zinda bach sakta hun lekin agar tumhe kuch hua to is zindagi ke mayine in jhakhmon se kahin jada dard de jayenge " usne apne hath chehre par rakh use samjhaya.

" mat karo itna pyar ise jada tut nahi sakti " anshika ne uske hathon par apna hath rakhte hue kaha.

" jiske dard par tum tut rahi ho vo tumhe dard mein nahi dekh sakta anshika. Hamari kahani bina hamare dard ke khatam nahi hogi aur is baar mei tumhe vo dard nahi lene dunga " shreyas ki ankh se ansu palkon tak aakar ruk gaya tha. Ek pal dono ankhon hi ankhon mei dard bayan karte hue khamosh khade rahe aur phir amma ki awaz ne mahol ki khamoshi ko toda.

" Aaj ki raat vo andheri raat hai jab 3 baje uski shakti bahut jada hogi aur hume use pehle uski kamjori khojni hai varna vo hamare hath se nikal jayegi " amma kuch kehti use pehle shreyas ne han mein sar hila dia. Anshika ki nazar shreyas ke chehre par thi jo ladna cha raha tha phir uski nazar uske jhakhmo par gayi, shayad use samjhne vala koi nahi tha.

 

[sexstories]

Bhadia update tha..kaafi dard bhara

Ye toh pata tha ki itni jaldi shreyas ko kuch nahi hoga..aur hua bhi wahi..itna dard sehan kar ke bhi..ankhein khul hee gayi uski

Anshika ka pyar hee hai ye

Anshika ke liye ye pal bahaut hee emotional hai..koi bhi hoga toh uska yahi haal hoga..kuch bhi karegi vo shreyas ke liye aise mein

Vo use uthane ke liye jhuki to use laga jaise wahan rakhe saman ke piche koi hai lekin usne bina dhayan diye katora uthaya aur vapis shreyas ke pas bhagi.
[color=rgb(0,]Kaun ho sakta hai aakhir

..haunted hai kuch bhi ho sakta hai yahan

[/color]
[color=rgb(0,]Marham se dard ko kam ho gaya shreyas ka lekin.......[/color]
kyun ki vo ise aur dard dena chahta hai " amma ki nazar shreyas ki ankhon mein thi jaise use kuch samjhana cha rahi ho.
[color=rgb(0,]Isse bhi jada dard

..abb kya hoga..kya karegi amma..aur anshika

[/color]
[color=rgb(0,]Shaitan se panga liya hai shreyas ne..aur uski duniya mein bhi jakar aa chuka hai..lekin shaitan bhi sahitan hai..itni asani se entry nahi dega

[/color]
[color=rgb(0,]Sharma aur ajay..ye bhi kya hee kar sakte hain..shaitan se kaun uljhega

[/color]
[color=rgb(0,]Anshika bhi apni jagah thik hee hai..koi bhi ho uski jagah toh vahi karega..lekin shreyas bhi apni jagah thik hai..dono sab kuch apne pyar ke liye hee kar rahe hain

[/color]
[color=rgb(0,]Lekin ek ko toh kurbani deni hee padegi

[/color]
[color=rgb(0,]Abb lagta hai kuch aur bhi jada dardnak hone wala hai..3 baje tak ka time hai..pata nahi kya karegi abb amma..bechari anshika

[/color]
[color=rgb(0,]Lets see kya hoga abb..

[/color]
[color=rgb(0,]Waiting for next

[/color]

 

[sexstories]

Bhai aapne to waqt Badal diya jazbat badal diya Shreyas ko wapas hi bula liya bhai 500 or le lo Shreyas ko wahi rehne do dubara jane wali mt kro ???

[color=rgb(184,]vo tujhe aur tere dard ko janta hai " amma ne apni nazre uppar uthai. Shreyas aur anshika uski baat sun usi taraf dekhne lage. " tujhe pehchanta hai, use pata chal chuka tha ki tu vahan jaa raha hai isliye "

Shreyas ne ruk-ruk kar pucha " isliye kya amma ? "

" isliye tu wahan pahuch to gaya lekin tu us jagah ke dard ko bardasht nahi paya aur vapis aa gaya " amma ki baton mein kuch aur chupa tha.

" to ? " shreyas ko ashanka ho gayi thi.

" aise koi bhi vapis nahi aa sakta. Tu zinda vapis aa gaya, ye mumkin nahi tha lekin usne "

" usne mujhe jaan kar zinda chhoda " shreyas ne amma ki baat ko pura kiya.

" par kyun ? " anshika boli.

" kyun ki vo ise aur dard dena chahta hai " amma ki nazar shreyas ki ankhon mein thi jaise use kuch samjhana cha rahi ho. Shreyas ek pal use dekhta raha aur jaise use amma ki batein samajh aa gayi lekin anshika abhi bhi iska matlab nahi samjhi thi.

" mei samjhi nahi ? " uski awaz mein ghabrahat thi.

" vo chahta hai mei ek baar phir wahi dard jhel kar uski dunia mei kadam rakhun " shreyas ne anshika ki taraf nahi dekha. Vo uski ankhon mein dekh kar ye baat nahi keh sakta tha.[/color]

Maa kasam Bhai iska mtlb iss baar shaitan puri tyari k sath lauta hai Shreyas k liye bahut mushkil hone wala hai dubara wo dard jhelna padega apne hero ko or iss baar to shaitan khud use bula ra hai to welcome ki tyari bhi kr rakhi hogi usne

[color=rgb(184,]lekin anshika vo sach janna jaruri hai, mene tumhe apne sapne mei us bangle ke andar dekha hai. Agar sapne sach hai to vo tumhe lene jarur ayega " shreyas ne use samjhane ki kosish ki.

" han to le jane do shreyas, mei is dard ko sehan nahi kar sakti " vo bachon jese rone lagi.[/color]

[color=rgb(0,]Bhai mene to kaha hi tha ki Anshika ko le jayega fir se wo sala Anshika ka pucha hi nahi chor raha wo Anshika or Shreyas k payr or drd dono ko janta hai isliye Anshika k through Shreyas ko kamjor krna chahta hai mtlb future updates me wo sapne wala scene aayega jo me nahi chahta ho Anshika fir possessed ho gi to bahut bura hoga me imagine hi nahi krna chahta

next update bahut hi mst hone wala hai kyuki sirf 3 bje tak ka time hai inke pass or 1.15 ho chuke hai Anshika ko mnane or process ko dubara krne me v time lagega

Amma ne wo katora table k niche kyu srka diya

Anshika ko kahi wahi ruh ko nahi dekh rahi thi jb wo lep lene gayi thi kyuki wo use aaj hi le jayega 3 bjne se pehle jb Shreyas sabarwal bngle k andar jayega thik usi waqt

Let's see kya hota hai

Waiting for next update
Keep writing keep rocking

Comment ka trika chintu bhai ka copy kr liya?????[/color]

 

[sexstories]

2 bajne valle the aur sabhi tayariyan ho chuki thi, pin dubara se garam hone lagi thi. Shreyas ki pith aur uska jism is halat mein bilkul nahi tha jab vo is dard ko mehsus kar sake lekin waqt aur halat ke aage majbur vo ghayal usi jung mein dubara shamil hone jaa raha jahan dard uska intezar kar raha tha.

Shreyas ke dono hath par chain bandh kar samne huk mein laga diya gaya aur bilkul vaisa hi uske pairon par chain bandh kar piche deewar par lage huk mein laga dia. Ab vo cha kar bhi apne dard se bhag nahi sakta tha " Shreyas iski kya jarurat thi " anshika use is halat mein dekhte hi boli.

" jaruri hai anshika tum janti ho " vo bol kar ek pal chup hua " kuch bhi ho jaye tum mere chehre ke alawa kahin aur nahi dekhogi " shreyas ne anshika ki ankhon mein dekhte hue kaha lekin anshika ne koi jawab nahi diya.

" ek baat ka dhayan rakhna hai tujhe ladke " amma katora lekar vahan aa pahunchi " shaitani dunia mein koi waqt nahi hota isliye tere pas jo waqt hai vo wahan jakar utna hi nahi rahega " shreyas amma ki baat samajh gaya. Shaitani dunia mein waqt ki koi paribhasha uska astitv, koi niyam kaiyde nahi hote. Mujhe mila ek ghanta vahan kitna hone wala tha iska koi andaza nahi tha aur use badi baat mujhe kaise pata chalega ki time ho chuka hai. Shreyas abhi itna hi soch raha tha ki anshika ne wahi sawal kar diya.

" to amma shreyas ko kaise pata chalega ? "

" mujhe is sawal ki chinta se jada ek baat khatak rahi hai aur vo ye ki agar use pata chal gaya ki tu vahan hai to vo apni takat se tujhe vapis nahi ane dega " amma ki baat sun anshika ghabra gayi.

" nahi aisa kaise aap ye jante hue bhi shreyas ko maut ke liye chhod sakti hai, apke pas koi to tarika hoga " vo unchi awaz mein boli.

" tarika hai " amma ki jagah shreyas bola " anshika bhale hi vo apni dunia mei sabse jada takatwar ho lekin hamare pas use jada takat hai " shreyas ne use samjhane ki kosish ki par vo filal nahi samjhi. Shreyas ek pal dekhne ke baad bola " hamara pyar, mei jahan bhi hun tumhara ehsas hamesha mere zehan mein hota hai "

" tu kehna kya chahta hai " amma ne use bich mein roka.

" jaisa apne bataya uski dunia mein samay nahi hota yani apni dunia se jane ke baad mere pas samay ki koi pabandi nahi hai lekin mere sharir ke liye utna waqt nahi hoga aur agar mei waqt rehte hosh mein nahi aya to kuch bhi ho sakta par aisa nahi hoga mere pas vo takat hai jo uske pass nahi, mera pyar " uski ankhein anshika ke chehre par hi thi. " waqt rehte agar mein nahi lauta to tum bas mere hathon ko apne hathon mein tham lena tumhara ehsas mujhe rasta dikha dega "

" ek yakeen se tum itna bada risk nahi le sakte shreyas " anshika fauran boli.

" is yakeen mein bahut takat hai anshika " usne uska hath pakda. " bharosa rakho, mei vapis jarur lautunga ye mera mere pyar se wada hai. Dunia ki koi bhi takat mujhe tumse alag nahi kar sakti " vishwas uski awaz mein jhalak raha tha. Isi vishwas ke chalte usne tab ladai ladi aur aaj phir se ladne jaa raha tha. Usne apna hath anshika se alag kiya aur chain ko majbuti se pakad liya. Anshika piche ho gayi vo un dard bhari cheekhon ko sunne ke liye tayar nahi nahi thi. Amma ne mantr padne shuru kiye aur phir vo padarth jo usne pehle dala tha vo uski pith par udhel diya. Jhakham abhi taza the garam padarth padhte hi shreyas ne apna chehra niche kar liya, dard ek karhakat uske badan mein fail gayi. Ankhein michte hue usne is dard ko saha lekin vo janta tha asli dard ana abhi baki hai.

Amma ne ek pal aur mantr pada uske baad garam ho rahi pin mein se ek utha li. Vo shreyas ke najdeek ayi, uske jhamkhm par ek baar nazar dali aur usne usi ched mein pith ke bichon-bich pin rakh di. Jalan aur dard ki lehar badan mein aise chubi ki shreyas chilla pada aur amma ne dhire-dhire pin ko usi jhamkham ke andar ghusa dia.

" aaaaaaaaaaaaaaaaaaaaaahhhhhhhhhhhhhhhhhhhhhh " chillate hue usne apna sar uppar utha liya. Usne chain ko kass kar pakad liya aur jaisa socha tha agar vo chain se na bandha hota to us jagah se uth gaya hota. Ankhein band thi aur ansu chehre par utar aya tha, vo gehri sansein lete hue dard ko rokta par phir chikh padta kyun ki amma ne dusri pin bhi uske jhamkhon ko kurdete hue daal di thi. Vo aur zoron se cheekha aur phir sar jhuka kar lait gaya, dhire-dhire vo phir usi dard mein pahunch raha tha jiska ehsas vo pehle kar chuka tha. Uske dimag mein alag-alag jhalkiyan banne lagi aur phir uska sharir kanpna band ho gaya. Amma akhri pin dal chuki thi aur shreyas us dard mein kaid ho chuka tha. Pairon aur hathon par bandhi chain ki pakad ne sharir ke un hisson par khoon zama kar diya tha. Shreyas ki kahi baat ko anshika ne nahi toda, uski nazar bas uske chehre par hi thi. Na vo chillai na usne rukne ke liye kaha lekin ansu us dard ka uski ankhon se nikalta gaya. Vo ek tuta hua putla tha jisme sirf ansu hi bache the.

Meri ankh jaise achanak se khuli aur aisa laga mano lambi nind se jaga hun. Pehli nazar mere khud ke hath par gayi jo zameen ki mithi se mil chuka tha. Mene apni ankhein uthai aur samne dekhne laga, na hi din na hi raat ek aisa vatavaran jo shayad kabhi na socha tha aur na hi samjha. Halki-halki thand lag rahi thi, mene uthne ki kosish ki par takat hi nahi thi. Kai baar kosish ki " arrghhhhhhh " cheekha bhi lekin sharir par koi dabav mano mujhe dharti par dhakel rakha tha. Bahut kosish ke baad bhi uth nahi paya, sans lene mein bhi halki-halki dikkat honi shuru ho gayi. Mene nazre samne ki aur uthne ki bajaye apne aap ko ghasitne laga.Itni khamoshi thi ki mere ghastine ki awaz mere kano mein gunjne lagi. Nazar samne hi tikki thi aur ghastina mene tab tak band nahi kiya jab tak deewar tak nahi pahunch gaya. Mene deewar ka kona pakda aur apne dono hath ki majbuti se khud ko khincha taki zor jada lagne par khud ko khada kar sakun lekin ise mein khada to nahi ho paya par baith jarur gaya.

Hanfte hue mein gehri gehri sans lene laga. Sansein durust hui to us nazare ko dekha jiski kalpana bhi kabhi nahi ki thi. Jaisa mene andaza lagaya tha, na hi din tha na hi raat ek behad ajeeb nila sa vatavaran. Mene nazrein asman ki taraf ki to barf mere chehre aa giri jiske baad dekhte hi dekhte vahan barf girne lagi, thand ab aur jada badhne lagi thi. Mene apne pairon ki taraf dekha jo mein utha nahi paa raha tha lekin ungliyan hila paa raha tha yani peron mein jaan thi. Khud ko dubara deewar se zor lagaya aur akhir uth khada hua lekin deewar ke sahare hi khada ho gaya. Mene apne aas pass nazar ghumai to khula maidan aur jungle tha jispar harre paton ki jagah kalle patte the, mere alawa vahan koi bhi maujud nahi tha.

Baraf gir rahi thi lekin zameen par ikhati nahi ho rahi thi, niche dekhte hue achanak mei sans lene mein asmarth ho gaya. " aarrghhhhh " khanste hue mene apna galla pakad liya aur zor-zor se muh khol kar sans lene ke liye chatapatne laga. " unhhuuu-uhnnnnn " mene sans lene ki bahut kosish ki aur jitni mushkil se mein zameen se khada hua tha use kahin jada asani se vapis niche gir pada aur phir sans lene ki kosish karte hue uske na milne par vahin ankhein band karte hue behosh ho gaya.

 

[sexstories]

Ek aur bhadia update

...haunted abb suru ho gayi hai

Kya kya karna padta hai..shreyas ki halat dekh kar rona aa raha hai

...lekin koi nahi sab thik ho jayega

Amma ne kya baat boli hai..sahitani duniya mein koi waqt nahi hota...kya hoga abb

Anshika ki chinta karna ek jahir si baat hai..uske liye bhi utna hee muskil hai sab

" tarika hai " amma ki jagah shreyas bola " anshika bhale hi vo apni dunia mei sabse jada takatwar ho lekin hamare pas use jada takat hai " shreyas ne use samjhane ki kosish ki par vo filal nahi samjhi. Shreyas ek pal dekhne ke baad bola " hamara pyar, mei jahan bhi hun tumhara ehsas hamesha mere zehan mein hota hai "
[color=rgb(0,]Sach mein..pyar mein bahaut takat hoti hai..ye hum pehle bhi h1 aur h2 mein dekh chuke hain

...agar shreyas ko itna vishwas hai apne pyar par...toh use kaise hoga kuch..anshika uske saath jo hai

[/color]
[color=rgb(0,]Yahi vishwas use jarur jitayega..lekin iss ladai mein kurbaani kya kya hogi..ye dekhna hoga.[/color]
[color=rgb(0,]Ek baar fir se wahi pin wala scene..iss baar toh sach mein shreyas ke saath jo ho raha tha..khud mehsus hua

[/color]
[color=rgb(0,]Anshika

..sab thik ho jayega.[/color]
[color=rgb(0,]Pahaunch toh gaya hai shreyas shaitani duniya mein..lekin abb kya hoga vahan..ye dekhne wali baat hai...wapas toh vo aa hee jayega

..lekin shaitan se jab saamna hoga..tab kya hoga..horror aane wala hai

[/color]
Anyways waiting for next

 

[sexstories]

Achanak se ankh khuli to mei usi tarah laita hua tha jaise pehle laita tha, vahi mitti par. Mene nazrein utha kar samne dekha to wahin dekhta raha. Sabarwal ka bangla mere samne tha, use dekhte hue apni jagah se khada hua to nazar samne khade teen insani roop jaise dikhne wale sharir par gayi jo meri hi tarah bangle ki aaur dekh rahe the. Mausam abhi bhi waisa hi tha na hi din na hi raat, ek ajeeb sa ujala tha jisme sab kuch dekh paa raha tha par roshni naam ki chiz nahi thi. Thand samanye the par jagah bilkul aisi jaise har kadam par shaitan khada ho. Mei unke pas pahuncha aur piche se kandhe par hath rakhte hue unhe awaz di.

Vo teeno ek sath meri taraf ghume jise dekhte hi mei ghabra kar piche ho gaya. Teeno ke chehre deform the, twacha kalla mans ban chuki thi, ek ankh mathe pe to ek niche honton ke pass, naak kaan kahan tha ye us chehre par khoj pana mushkil tha kyun ki maas utar kar niche ki taraf lataka hua tha. Meri nazar unke hath par gayi to sirf ek ungli thi uspar bhi haddi jada aur twacha na ke barabar, baki sharir par ek ajeeb sa liwas tha jaisa mene kabhi dekha nahi tha na jane kya tha lekin aisa lag raha tha mano sharir se chipka ho. Ek pal mei unhe dekhta raha aur phir bagnle ke bahar laga lohe ka gate khol kar andar ghus gaya. Kuch dur chalne ke baad piche muda to vo teeno abhi bhi bangle ki taraf hi dekh rahe the na jane kyun par unki nazar usi par jami hui thi.

Mei phir aage badhne laga aur gate tak aa pahuncha. Abhi use kholne ki kosish karta use pehle vo ' taak ' awaz ke sath khul gaya. Mene apne kadam andar rakhe aur andar aa khada hua. Sapne mei dekha tha par ab is waqt lag nahi raha tha ki ye sapna hai balki hakikat jaisi mehsus ho rahi thi. Vo hall, bich mein sidiyan, mere ek taraf lamba coridor aur dusri taraf vo kamra jahan par burai ka janam hua tha aur uska ant bhi eka ek mere kano mein awaz padhi aur nazar samne ho gayi.

Awaz sonia ki thi aur parchai bhi usi ki jo shrey ko awaz lagati hui hall mein bhag rahi thi. Shrey uske piche use rukne ke liye keh raha tha par sonia ki sirf hansi gunj rahi thi. Abhi jaise mei usi waqt mein pahuncha tha ki jhalki badal gayi aur phir andhera hote hi samne Harshit papa aur unke sabhi dost hall mein party karte hue nazar anne lage. Maa ko dekhte hi dil se awaz nikli vo dance ke liye bula rahi thi aur papa sharma rahe the iske baad tasveer badal gayi aur shilpi maa aa gayi jahan vo shaitan unke andar the aur vo papa ko pakde khinchti hui piche le jaa rahi thi. Vo chehra dekhte hi mere kadam piche ho gaye aur tabhi achanak vo jhalkiyan aur awaz gayab ho gayi. Salon purani shuru hui kahani jo mene sirf pano mein padhi thi aisa laga jaise mere samne hi ghatt rahi ho. Mene apni nazar usi kamre ki taraf ki jahan un teeno ka ant kiya gaya tha aur wahan dekhne ki sochi par usi waqt kano mein ek shor sunai diya.

Shor corridor ki taraf se aa raha tha isliye mei us taraf chal diya aur corridor ke bhitar ghusne laga eka-ek uske sath mujhe ek awaz aur sunai di 'thaak' Bangle ka gate apne aap band ho raha tha aur phir vo band ho gaya. Mene use nazre hatai aur samne chalta gaya, awaz ab tezz hoti jaa rahi thi aur samjh aane lagi thi vo awaz khusfusate hue kisi se baat karne ki kosish kar rahi thi. Kamre ka khula hua darwaja dekh mene use pakda aur andar jhaka, awaz shant ho chuki thi mano mujhe hi dekh rahe ho vo ab lekin samne rakha tv chal raha tha. Pitcure itni kali thi ki bahar se kuch nahi dikh raha tha, ek dafa mene palang ki aur dekha vahan koi nahi tha, chadar bilkul theek thi aur phir tv ki taraf dekhte hue aage badha. Bilkul najdeek ane par bhi picture kali hi thi. Lekin kuch tha uske piche, mene nazre aur najdeek ki aur fir ek picture ubhar ayi vo ek photo thi jisme dipika maa aur dhruv papa the aur unke sath mere aur bhai ki bachpan ki photo thi. Abhi dekh hi raha tha ki tasveer badal gayi aur is baar Harshit papa, shilpi maa, dhruv papa, mehul, chintu, deepika maa sabke sath hum bhi khade the. Picture phir badli aur is baar mei, tristhi, avinash, milan, bhai, anshika sab ek sath maa, papa ke sath khade the. Mene tristhti ko dekhte hi apna hath tv par rakha jiske baad picture phir black ho gayi. Mujhe ek pal samajh nahi aya, jo hua nahi aur ho nahi sakta uski tasveer kaise dekh sakta hun lekin agle hi pal mujhe dhayan aya ki ye tasveerein meri vo khawishen thi jo mei chahta tha meri zindagi mein ho. Nirasha aur dukh man mein baithe laga par ye sab sach nahi tha janta tha isliye TV se dur ho gaya varna mera sara samay idhar hi beet jata.

Mei kamre se bahar aya aur bahar atte hue meri nazar bistar par padhi jahan ab vo chadar sahi nahi thi balki aisa lag raha tha mano koi bistar ko rond kar gaya ho. Kamre se bahar nikal kar mei dusre kamre ke samne se guzarta hua corridor ke bithar jaa raha tha ki tabhi mujhe kisi chiz ke girne ki awaz sunai di. Ruk kar mei vapis piche aya aur kamre mein dekha jahan zameen par book giri hui thi. Ye pehle yahan nahi thi, kadam kamre ke andar rakhe aur book shelf ki taraf badha jahan se book giri thi. Mene book uthai aur jis jagah se giri thi usko vahan rakh kar dhayan aya ki mujhe hall walle kamre mein jana tha lekin bahar nikalta use pehle ek bar phir awaz ayi. Piche mud kar dekha to wahi book usi jagah se dubara niche aa giri thi. Andar akar book vapis uthai aur book dekhte hue jaise hi ghuma meri nazar samne pankhe par latki ek ladki par jam gayi.

" aarhhhhh " mei cheekhte hue piche hua aur per ladhkhada jane ki wajah se gir gaya. Panke par us ladki ke baal chehre ko dhak rahe the isliye samajh nahi aya ki vo kaun hai. Soch hi raha tha ki achanak usne apna sar uppar utha liya. Chehra behad bhayanak, kali-kali nason se chehra bhara hua tha aur ankhein moti jaisi safed thi vo meri taraf dekhte hi boli " chale jao, chale jao " awaz is kadar bhari thi ki ek pal laga mano kaan fatt jayenge. " chale jao, chale jao " vo bole jaa rahi thi mere kano ko ab takleef hone lagi, achanak vo pankha chalne laga jiska drishye mein dekh nahi paya aur ankhein michte hue mene kaan band kar liye aur zor-zor se sansein lene laga. Agle pal ankh kholi aur apni jagah se khada hua.

" kaun thi vo ladki ? " apni jagah se khada hua aur pankhe ke niche ja khada hua jo ab band pada tha aur na hi vahan koi ladki latki hui thi. Uske chehre ko soch kar hi dil ghabra utha lekin usi pal mujhe kuch mehsus hua jaise ek awaz jo mere piche se aa rahi thi. Mei ghuma aur book shelf ki taraf dekhne laga, awaz vahin se aa rahi thi. Awaz ko khojte hue meri nazar ek book par gayi jo bahut tezi se hil rahi thi. Use dekhte hue ek kadam aage badha par vo book shelf se nikalti hui sidhe mere pas ayi lekin sahi waqt rehte mei jhuk gaya jiski wajah se vo mere piche deewar se ja takrai. Ek pal khamoshi cha gayi, jaise tufan se pehle hoti hai. Book girne ki awaz ke baad jab mujhe awaz dubara sunai di to mei apni nazrein utha kar shelf ki taraf dekhne laga. Usme rakhi sari book zor-zor se hilne lagi jaise koi pura shelf hila raha ho aur phir eka-ek vo ek-ek karte hue tezi se usme se nikal kar meri taraf ayi. Mei fauran baith gaya aur apna sar hathon se chupa liya. Book kamre ke charon taraf hawa mein maujud fail chuki thi. Mei bechain man se apne sar ko bachate hue yun hi jhuka raha aur jab kuch der baad book girne ki awaz band hui to sirf meri sanson ki hi awaz kamre mein maujud thi. Itni shanti pakar mene apni nazre uthai to hairan hote hue khada ho gaya. Na to koi book zameen par giri thi aur na hi vo book mere hath mein thi jo mene pakad rakhi thi. Shelf ki taraf dekha to sabhi book usi mein lagi hui thi mano kuch hua hi na ho.

Anshika ki nazar samay par thi, ghadi mei 2:20 ho chuke the. Usne ghadi se apni nazar hatate hue shreyas ki taraf dekha jo bejan pada hua tha. Vo apni ankhein band karte hue shreyas ki raksha ke bare mein sochne lagi. Ankhon se aye ansu ko usne chehre se hataya aur phir uske honth prathna karne lage.

Ajeeb sa khel hai, ankhon ke samne hone ke baad bhi aisa lag raha tha mano sab veham ho. Mei vahan se bahar nikalne laga par phir wahi awaz. Piche ghuma to wahi book zameen par giri hui thi. Kuch nahi hai ye, shayad bar-bar ek hi chiz ho rahi hai. Itna sochte hue hi ruk gaya kyun ki mujhe phir ek chiz yaad ayi, kuch aisa hi hua tha us waqt jab diary ke piche se unhe chabi mili thi. Dhayan atte hi mei kamre ke bhitar aya aur book uthai jiske sath mene apna hath us jagah mein dala jahan se book giri thi lekin wahan kuch bhi nahi tha. Mene ache se dekha lekin vahan koi chabi nahi thi, vo jagah andar se bilkul khali thi. Aisa nahi ho sakta chabi yahan honi chahie thi. Mene hath bahar nikala aur book rakhne se pehle ek baar use dekhne ki sochi kya pata isme kuch ho. Book ko mene bich se khola aur phir palat kar ek sath kai panne badal dale is umid mein ki shayad isme kuch rakha ho lekin andar kuch nahi tha par fir meri nazar book par likhe gaye shabad par gayi.

" Tujhe pyar karun to kaise ? purre page par sirf yahi shabd print hai " mene panna palta uspar bhi wahi tha aur phir ek ke baad ek har panne har line pe sirf yahi likha hua tha. Kuch samajh pata ' thadakkk ' awaz ne mera dhayan us taraf modha. Awaz bahar se ayi thi to khidki se bahar ki taraf jhankte hue dekhne laga jahan piche ka darwaja khula hua paya. Ek pal use dekhne ke baad mene book ko shelf par vapis lagaya aur piche ki taraf khidki se kud gaya.

Badi-badi jhadiyan ugi hui thi jiske patte hare hone ki jagah kalle the, unki taraf dekhte hue mene darwaje ki taraf dekha. Darwaje par lage lock ko dekh mei samajh gaya ki ye wahi darwaja raha hoga jiska lock ek pattern se khulta hai aur jise khol kar ramu kaka us din andar ghuse the. Mene apna hath badhaya aur lock ko check karne laga lekin na jane kaise mera hath cut gaya aur khoon lock par lag gaya. Mei hairan tha kyun ki aisa kaise ho sakta tha, mei sach mein yahan maujud nahi tha to phir khoon kaise ?

Apni ungli ki taraf dekh mene khoon saaf kiya aur darwaje ko band kar diya. Mei ye lock khud kholna chahta tha, isliye use kholne laga par vo vakai behad ajeeb tha do-teen bar usko ghumane ke baad bhi vo nahi khula. Mene kosish chhod di aur hat gaya par agle hi pal ' thakkk ' lock khud ba khud khul gaya. Koi hairani vali baat nahi thi mere liye, mene darwaje ko pakda aur use khola.

" haaaaahhhhhhhhhhhh " vo mujhe dekh chillaya aur mei piche ki taraf jaa gira. Piche girte hi pith par bahut tez dard ka ehsas hua jo nahi hona chahie tha lekin aisa laga mano kisi ne suiyan chubo di ho.

" amma shreyas ki pith se khoon nikal raha hai " anshika ki nazar shreyas ke sharir par padi to khoon uske jhakhmo se behne laga tha. " kuch kijeye " vo uski taraf dekh umid karne lagi lekin usne kuch nahi kiya.

" ladki vo shaitan ki dunia mein pahunch chuka hai, ye humare liye achi khabar hai "

" maa madad kar shreyas ki " anshika ne hath jodte hue ankhein band ki aur ankhon se ansu nikal pada.

Mene apni nazrein utha kar samne dekhi to ab vahan kuch nahi tha, ek pal pehle vo kisi ki ruh thi jiske chillane ki takat se meri ye halat thi. Mei apni jagah se khada hua aur phir bangle ke andar dubara ghus gaya. Mere ghuste hi ' thaaakkk ' awaz karta hua darwana band ho gaya.

 

[sexstories]

Kya update tha

..itne emotions ek saath aa rahe the ki kya bataun


Ise kehte hain masterpiece..kya screenplay tha..ek ek scene

..ye hai horror


Shaitan lok mein pahaunch hee gaya shreyas..lekin ye teen shaitan kaun hain jo uska swagat karne ke liye khade hain??

Uske baad..uss bangle mein entry..jahan sab suru hua tha..sach mein puri haunted yaad aa gayi


Matlab..rongte khade ho gaye padhte hue..kya likha hai bhai


Salon purani shuru hui kahani jo mene sirf pano mein padhi thi aisa laga jaise mere samne hi ghatt rahi ho.
[color=rgb(0,]Ek ek scene jo first part mein hua tha..vo apne aap saamne aa gaya..sach mein soch kar hee hil gayi

[/color]
[color=rgb(0,]Photo frame wala scene is biggest highlight of this update..sach mein

[/color]
[color=rgb(0,]Sabhi characters ke naam fir padh kar..

[/color]
[color=rgb(0,]Sabhi ka yun shreyas ko dikhna..aur puri story saamne aa jana..kamal ka likha hai..hila dega ache acho ko

[/color]
[color=rgb(0,]Uske baad vo ladki ka pankhe se latakna..aur shreyas ke upar book girne wala scene..kamal ka likha hai..asli horror yahi hai yahi hai

[/color]
[color=rgb(0,]2:20 ho gaye..jaldi karna hoga shreyas ko..anshika

[/color]
Tujhe pyar karun to kaise ? purre page par sirf yahi shabd print hai " mene panna palta uspar bhi wahi tha aur phir ek ke baad ek har panne har line pe sirf yahi likha hua tha.
[color=rgb(0,]Ye kya ho raha hai..kyun ho raha hai..kaise ho raha hai..????

[/color]
[color=rgb(0,]Kya ye ek ishara hai shaitan ka..? Ya kuch aur

[/color]
[color=rgb(0,][/color]haaaaahhhhhhhhhhhh " vo mujhe dekh chillaya aur mei piche ki taraf jaa gira.
[color=rgb(0,]Kaun chillaya ye..kaun hai..??

[/color]
[color=rgb(0,]Shreays ko chot vahan lagi aur khoon yahan body mein nikla..jise dekh amma khush hui

..lekin anshika

[/color]
[color=rgb(0,]Lagta hai shaitan ke mayajaal mein fans chuka hai shreyas..aur abb toh time bhi kam hai uske pass..next update kaafi interesting hoga

[/color]
[color=rgb(0,]Intzaar hai agle update ka

[/color]

 

[sexstories]

Ooooo bhai what a update whattt aaa update bilkul pichle 2 parts ki tarah horrorable

Kahi entry k 3 shaitan wo 3 to nahi jo Khan k alawa the kyuki 1 part me 4 bure log the or Shreyas ne to unhe sirf padha hai dekha nahi hai or wese v dekhne se pta chalna nahi hai kyuki face ka haal bura tha

Tv screen wala scene awesome tha bhai sachme or sbse jyada awesome feeling mere liye ye thi ki jo ghatnaye Shreyas ne padhi thi wo sb wo bangle me entry krne k baad ek k baad ek dekhta gya what a scene creater u r bro excellent briliant to chote words ho gaye aapke liye

Kuch scene meko haunted movie wale lage like book ka girna thaaak ki voice baar baar book ka girna door ka kbi lock kbi open hona like thaak ki voice k sath

Ladki ka pankhe me latakna ek room me just like mira(Tia bajpayi) movie me pankhe me jhul rahi thi

Shaitan ka door open hote hi huhhhhhaaaa ki gurrahat ya cheenkh keh lo se hero ka puche girna to bhai ye kuch chize meko lagi movie jesi

Ye sala door bnd hone pr to meri soch k hi fat jati hai reality ne aese hone pr to jaan hi nikal jayegi ????

Overall awesome Bravo update
Keep writing keep rocking ?

Or ha raat ko 12.30 pr sbke so jane k baad andhere room me padhne ka mja hi kuch or hai isliye mene jb update aaya tb ni padha ????

 

[sexstories]

Mene apni nazrein utha kar samne dekha to ab vahan kuch nahi tha, ek pal pehle vo kisi ki ruh thi jiske chillane ki takat se meri ye halat thi. Mei apni jagah se khada hua aur phir bangle ke andar dubara ghus gaya. Mere ghuste hi ' thaaakkk ' awaz karta hua darwana band ho gaya.

Is paheli aur mayajal ki kahani ko kaise khoju. Mei us gate se andar ghusa to hall mein khada hokar sochne laga. Vo chiz chupi to isi bangle mein hai isliye mei yahan pahuncha aur tabhi vo mujhe kamjor banane ki kosish karta raha taki mei bangle mein na aa paun.

Kis chiz se dar raha hai vo aur kya nahi dekhne de raha vo mujhe? Mene mere sath hui sabhi baton ko dubara sochne ka faisla kiya. Vo teen deform shaks, bangle mein purani vo jhalkiyan dikhna, photo, book, ladki ka pankhe par latke hona, piche vo darwaja, ek hi pal mein sab yaad kiya lekin kuch samajh nahi aya. Ek pal ke liye samajh baitha ki sab yaad karke faiyda nahi hua lekin agle pal hi uski chaal samajh ayi. Vo mujhe ye sab dikha kar mera samay kharab kar raha tha, meri soch ko apne mayajaal mein bandh kar mujhe gumrah kar raha tha isliye mei shayad us chiz se dur hun jise vo bacha raha hai. Par sawal man mein bas ek hi tha ki vo kaun si jagah hai jahan uski kamjori chupi hai.

Ek pal sochta hua hall mein khada raha aur phir mano jawab mere sawalon mein hi kahin chupa hua tha. Aksar jab hum kisi chiz ko khone se darte hain to use bachane ki kosish karte hain aur dar hume sabse jada usi chiz ka hota hai jise hum sabse jada chahte hain. Aur agar khojne wala uske nazdeek ho to use bachane ke liye us jagah par tarah tarah ki chal se use fasane ki kosish karte hain. Mene apni ankhein band ki aur kahani mein fir se piche gaya jo-jo mere sath abhi hua. Ankhein band hoti hi jhalkiyan ane lagi, kya mera man chahta tha aur kya vo mujhse karwa raha tha.

Piche darwaje ka lock jo mujhse nahi khula, vo book jisme sirf ek hi line likhi hui thi ' Tujhe Pyar Karun to Kaise? ' aur vo kamra jahan mei jana chahta tha par ye bangla mujhe use har bar dur kar raha tha. Mene fauran apni ankhein kholi, uski paheli, banaya hua mayajaal meri samajh mein sab aa gaya tha.

Usne kamjori ek hisse mein nahi balki teen hisse mein banti hui hai. Kahani ke teen pehlu jisme uska janam, dard aur ant shamil the.

Samay kitna tha ye nahi janta tha lekin jis paheli ko khojne aya tha vo samajh chuka tha bas us chiz ko hasil karna baki tha. Mei fauran piche ki taraf dauda aur us darwaje ko kholne laga lekin vo nahi khula, mei vapis aya aur bangle ka darwaja kholne laga lekin vo bhi nahi khula. Khidki dekhte hi mene vahan rakhi kursi kanch par de mari lekin vo kanch tuta nahi. In sab ko dekh mei samajh gaya ki vo mere dimag ko padh sakta hai aur use pata chal chuka hai ki mei kya khoj raha hun. Par bahar jana jaruri tha, meri nazar khidki se bahar khade un teeno deform shaksiyat par padhi jo abhi bhi bangle ki hi aaur dekh rahe the. Corridor se kamron ki taraf dauda par vahan ki bhi khidkiyan nahi khuli. Vo mujhe bangle mein kaid rakhna chahta tha taki mera samay beet jaye. Mujhe jald se jald kuch sochna tha isliye mei kamre mein khade-khade soch raha tha aur tabhi mujhe dhayan aya ki vo bahar se teeno bangle mein ek hi taraf dekh rahe hain.

Dimag par zor dala aur apni soch piche lekar gaya. Vo teeno bangle ke ek hi taraf dekh rahe the par kidhar? Mene dimag par aur zor dala aur ek dum se meri ankhein khuli. Mei janta tha ki vo mera dimag padh sakta hai isliye mene socha nahi aur turant wahan se uppar ki taraf bhaga. Uppar chadte hi jo sabse pehla kamra tha uski khidki khuli hui thi. Mei khidki ke nazdeek aya aur niche dekhne laga vo teeno isi taraf dekh rahe the, vo mujhe samjhana chahte the ya unhe malum tha, kaun the ye teeno? Mei khidki par khada hua, kudna hi ek matr rasta tha, janta tha marunga to nahi lekin mujhe chot zarur lagegi. Mene sans khinchi aur kud gaya, " aarghhhhhh " dard mein apna per pakda shayad vo mud gaya tha lekin agle hi pal mei utha, uthte hi dard to bahut hua lekin samay nahi tha isliye langdate hue hi sahi mei piche ki taraf dauda.

Anshika ne time dekha, 2:30 baj huke the, abhi-abhi uski ankhein waqt par isliye gayi thi kyun ki usne awaz suni thi jo shreyas ke sharir se ayi thi jaise koi haddi chatki ho. Vo ek pal ke liye uska hath pakdna chahti thi lekin use dhayan aya ki vo aisa kuch nahi kar sakti isliye piche ho gayi. Ek dafa usne amma ki taraf dekha jo wahan khadi mantr padh rahi thi.

Mei darwaje ke samne aa khada hua aur lock kholne ki kosish karne laga par vo mujhse khul nahi raha tha. Par kholna hi kyun hai? Achanak mene socha ki jis lock ko khol kar vo charon andar ghuse the use mei kholna kyun chahta hun? Mei piche hatta aur idhar udhar dekhne laga aur meri nazar ek pathar par padhi jo mei dhundh raha tha. Mene vo pathar uthaya aur vapis us darwaje ke samne aya. Hath mein pakde pathar ko utha kar puri takat se lock par marna cha lekin usi waqt vo darwaja khula aur

" naaaaaaahiiiiiiiiiiiiiiiiiiiiiiiiiiii " vo itni zor se chillaya ki mei udta hua piche ki aaur deewar se jaa takraya. Takrate hi zameen par gira aur dard se karha utha. Aisa laga mano pith par kisi ne kuch ghusa diya ho aur vo hadi tak chub raha ho. Mei dard mein chillata hua wahin lait gaya. Bahut jada dard ho raha tha, aisa laga sharir se sari jaan hi chali gayi ho.

" amma shreyas " anshika chillai aur amma ka mantr tut gaya. Anshika ka chillana galat nahi tha, drishye hi kuch aisa tha, khoon shreyas ke sharir se pani ki tarah behta hua nikalne laga, jakham aur gehre ho chuke the.

Dard aur takleef ne jaise mujhe zameen par hi laita diya ho aur ek baar phir meri ankhein band hone lagi. Andhkar ankhon ke samne channe laga. Ab bas kuch hi pal mein ankhein dubara band hone wali thi. Ankhein band hote sath mere samne eka-ek vo tasveer ayi jisme mei sabke sath tha. Maa, papa, dost sab mere sath khade the. Khush tha mei anshika aur apne pariwar ke sath khud ko pakar lekin phir ek-ek kar tasveer mein se vo sab gayab hone lage. Meri itni badi family sab gayab ho gaye aur sirf anshika hi bachi thi jo muskurati hue meri hi taraf dekh rahi thi. Anshika, dil se pukara aur vo bhi tasveer se gayab ho gayi. Uske gayab hote hi meri ankh achanak se khul gayi aur gehri sansein leta hua mei khada ho gaya. Mene pathar uthaya aur darwaje ko kas kar bahar se pakad liya aur agle hi pal pathar ko lock par de mara lekin kuch nahi hua lekin mene dubara uspar puri takat se mara.

' thaaaak-thaakkkk thaaakkk-thaakkkk ' andar se koi darwaje ko pitne laga aur mei zor-zor se us pathar ko lock par marne laga aur phir marta gaya, marta gaya. Andar se pitne ki takat badhne lagi jiske sath meri bhi takat dougni lagne lagi aur tabhi lock tut kar tukdon mein zameen par girne laga jiske sath hi andar se pitne ki awaz band ho gayi. Lock tut ke girne par mene zameen ki taraf dekha to ek ring uske andar se nikal kar zameen par aa giri, vo zameen se takra kar ek baar uchali aur phir fisalti hui wahin ' taannn-nnnn' awaz karte hue zameen par shant ho gayi. Meri pehli jeet, mene use zameen se uthaya aur abhi uski chamak ko dekh hi raha tha jiske baad zameen zoron se hilne lagi aur mei ladkhada kar gir pada.

Zameen abhi bhi hil rahi thi, mei apni jagah se khada hua aur mene gate khol kar dekha jaisa mene socha tha vo nahi khula aur na hi ab vo kabhi is darwaje se andar ghus sakta tha, ye thi uski pehli kamjori jisne kahani ki shuruwat ko janam diya tha jo ab mere hath mein thi. Mei fauran bangle ke aage aya to dekha ab wahan khade un teen deform shksiyat mein se sirf do hi khade the. Unhe dekhte hue mei bangle ke andar ghus gaya aur usi ke sath zameen hilni band ho gayi. Ek pal mene phir unki taraf dekha, vo do hi the ab jo bangle ki aaur dekh rahe the. Mene unpar se apna dhayan hataya aur corridor ke bhitar ghus gaya.

Mei vapis usi kamre mein aya jahan vo book baar-baar gir rahi thi. Mene andaze se wahan par rakhi ek book nikali lekin vo nahi thi, phir uske bagal vali. Nahi ye bhi nahi aur phir tisri, han yahi hai. Pehla pana sirf usi line se bhara hua tha ' Tujhe Pyar karun to kaise? ' Har panne par wahi line. Ye us pyar ki kahani thi jo hamesha milne se pehle bichad gaya agar vo kahani hi nahi hoti to kya ye line hoti? Sochte hue mene panna fadda. Ek,do,teen,char kamre mein meri sanson ke alawa fadte hue panne ka shor gunjta raha aur mene ek-ek kar sarre panne fad diye. Book ka sirf cover hath mein tha aur sarre fatte hue panne zameen par bikhar chuke the. Kuch nahi, ajeeb lag raha hai? Mene ek ungli lekar us cover ke theek bichon-bich jo kagaz chipka hota hai jiske niche us cover ka kapda reh jata hai us kagaz par ungli rakh use fadna shuru kiya. Dhire-dhire ungli niche karta gaya aur kagaz fadta chala jaa raha tha jise book ke do bhag hone lage aur tabhi vo ring mere ankhon ke samne aa gayi jo us kagaz ke niche chupi hui chamak rahi thi. Ye thi uski dusri kamjori vo dard jisne sonia ko apni jaan lene par majbur kiya tha. Use uthaya kar dekh hi raha tha ki ek baar phir zameen hilne lagi. Mene ring ko majbuti se thama aur bahar ki taraf nikla, zameen abhi bhi hil rahi thi, corridor ko piche chhodta hua hall tak pahuncha tab tak zameen hilni band ho gayi.

Ab sirf ek akhri kamjori khojni baki thi aur vo us kamre mein milni thi jo theek mere nazron ke samne tha. Mei abhi usi taraf badha tha ki bangle ke khule darwaje se meri nazar bahar padhi jidhar ab do ki jagah sirf ek hi deform shaksiyat maujud thi. Ye shaitani nagri ki maya gumrah karne ke liye kuch bhi kar sakti thi isliye mene uspar apna waqt jaya nahi kiya. Samay sirf us kamjori ko dhundne ka tha.

Mei kamre ke pas aya, uspar tala laga hua tha jise dekh mene kandhe se todne ki kosish ki lekin darwaja tas se mas nahi hua to mene uske kunde par laat marne shuru ki taki vo tut jaye lekin uspar bhi koi asar nahi hua. Mujhe koi cheez dhundni padegi, mene idhar-udhar nazar daudai aur nazar ek lathi par padhi jo wahin rakhi thi. Mei use utha kar laya aur darwaje ke kunde par marna shuru kar diya. Bangle mein ' thaaaaaaakkkk thakkkkkkkkk' zor-zor se awaz gunj rahi thi aur ant mein vo danda hi tut gaya lekin na hi talle ko kuch hua na hi kunde ko. Mei hanfta hua tute hue dande ko dekhta to kabhi us talle ko. Agar ye takat se nahi tut raha to ise kholne ke liye koi dusra tarika hoga. Abhi mei soch hi raha tha ki mujhe ek baat yaad ayi, jab pehli baar harshit papa ne ise kholne ki kosish kari thi tab bhi ye khula nahi tha unhone Knock kiya tha, sochte hi mei bol pada aur mene darwaje par dastak di ' thakthak-thakthak ' knock karke mene hath piche kinch liye lekin kuch nahi hua. Shayad mera ye tarika galat hai kuch aur sochna padega, mei koi tarkib soch raha tha lekin andar se awaz ayi.

" kaun hai ? " vo ek ladki thi, bol kar chup hui. " shrey aap ho ? " vo dubara boli

" han " mene itna hi kaha aur phir sab shant. Mei khada dekhta raha aur tabhi ek jhatke mei darwaja khul gaya ' tadaakkkkk ' aur ankhon ke samne vo tala kunda samet tut kar niche gir gaya. Mene kamre ke andar dekha aur hairani se meri ankhein badi ho gayi. Farsh par teen jano ki sadi hui laash padhi thi ramu kaka, vicky aur karan. Mei andar dakhil hua aur jab unke sharir ke samne akar muda to ankhon mein tez roshni padhi. Samne aag lagi hui thi aur harshit papa kamre ke bahar jakhmi halat mein laite hue the. Mei us raat ki jhaliyan dekhne laga jab teeno ko isi kamre mein jalaya gaya tha aur usi waqt un teeno ki shaitani ruh is bangle aur shilpi maa se koson dur jaa rahi thi. Mei ghutne mod kar baitha us pal ko dekhne laga phir eka-ek drishye badal gaya, samne shrey aur sonia apne pyar ki bahon mein khoye hue the ki piche se shrey ke sar par vaar kar diya gaya aur wo vahin zameen par gir gaya. Shrey khoon mei latpat pada tha aur vo charon sonia ki izzat uske pyar ko nasht karne mei lage the. Mujhse dekha nahi gaya aur mene ankhein chura li jise meri nazar kamre ke dusre kone par gayi jahan vahi danda pada tha jise us din hamla hua tha.

Mene apni nazre samne ki ab vahan koi awaz koi drishye nahi tha. Uth kar mene us dande ko uthaya, uspar khoon ke nishan abhi tak lage hue the. Mene dande se nazar hata kar farsh par dekha to ab vahan koi bhi laash maujud nahi thi, hairani valli baat nahi thi ye sab dikha kar mera waqt jaya kiya jaa raha tha. Mene apni nazar kamre ke charon aur daudai lekin vahan kuch aisa nahi dikha jo mujhe uski tisri aur akhri kamjori ke pas le jaa sake. Kya matlab ho sakta tha is khali kamre ka? Mei galat nahi hun uski akhri kamjori isi jagah chupi hai kyun ki yahin ant hua tha uski kahani ka lekin yahan is dande ke alawa aur kuch bhi nahi hai. Lekin ye danda hi kyun? Man mein chal rahe sawal ke piche ka jawab kya ho sakta tha. Ye kamra, yahan ki kahani, ye danda, sochne par bahut se vichar aa rahe the lekin koi bhi aisa nahi tha jo madad kar sake. Kya, kya, kya matlab ho sakta hai. Nazar bar-bar dande par jati aur bar-bar us kurbani par jo is kamre mein di gayi.

Kurbani han.. Kurbani, samajh atte hi bol padha. Mene dande ko gaur se dekha, iske hone ke matlab ko samjha lekin kaise? Agar mene aisa kiya to? Man mein khud ke liye chinta nahi thi, anshika ke liye thi use mei vada karke aya tha ki mei vapis jarur aunga. Par mei usko jeetne bhi nahi de sakta, farz aur pyar do aise hisson mein fans chuka tha ki jawab pana mushkil ho chala tha. Kya imtehan dene ke liye pyar ki kurbani deni hoti hai. Kya farz ke liye pyar ko dhoka dena hota hai. Sawalon ke is gehre mein ek roshni jo meri zindagi se judi meri maa uski baat yaad aayi. Pyar se bada kuch nahi hota, kai baar uske khatir apne pyar ko dard dena hi padta hai. Vo sahi thi, dard ke bina to har kahani adhuri hoti hai.

Iske baad kuch nahi socha aur us dande ko apne sar par zor se de mara ' aaahhhhhh ' sar par dard hone ke karran ankhon ke aage dhundla pan cha gaya aur ladkhdate hue mei piche diwar se takra gaya, hath se danda chhut gaya lekin sar se abhi tak khoon nikla nahi tha. Mei ghunte ke bal baitha ya khud hi gira nahi janta lekin mei apni dhundli ankhon se bas us dande ko hi khoj raha tha. Agle hi pal vo hath mein aya aur mene puri takat se use sar par de mara jiske baad mei zameen par gir gaya aur khoon sar se nikal kar farsh par failne laga.

" shreyasssss... " anshika shreyas ke sar se khoon nikalte hi chillai. Vo uske pas jane ko hui par amma ne use rok dia.

" ruk jaa ladki.. "

" par amma shreyas ke sar se khoon nikal raha hai, no, no,no....shreyas... " anshika chillane lagi, chehre se khoon fisalta hua zameen par girne laga.

" vo shayad bahut karib hai... bahut karib " amma zor-zor se mantr padhne lagi. Anshika ne time dekha sirf 5 minute bache the. Vo yun khadi dekhti rahi, shreyas ki takleef ko mehsus karti rahi lekin use aur bardasht nahi hua aur usne shreyas ka hath pakad liya.

" ladkii ye kya kiya tune " amma chillai.

" wahi jo ek pyar karta hai. Uske dard mein uske sath de rahi hun " anshika ki ankhein ro-ro kar lal ho chuki thi. Uski baat sun amma kuch na boli bas use dekhti rahi.
" shreyas sab theek hai mei apke sath hi hun, aap mujhe sun sakte ho, mehsus kar sakte ho " vo ghutne ke bal baith uske kaan mein bolne lagi.

Mei ankhein band karke zameen par behosh pada tha shayad hosh mein ana ab zindagi mein nahi tha lekin na jane kaise meri ankhein khul gayi. Aisa laga mano koi pukar raha ho, bar-bar mera naam le raha ho, honton ke aage apna hi khoon pada tha. Ankhein halki khuli hui thi par phir achanak se mei uth khada hua. Khud ka adha chehra apne khoon se san chuka tha, eka-ek bahut tezz sar mein dard hua aur mein ladkhada gaya lekin deewar ka sahara lekar khada raha. Mujhe kuch nahi hua aur abhi bhi aisa laga mano koi mera naam le raha ho. Ye to anshika ki awaz hai, nahi, nahi.. abhi samay nahi ho sakta. Abhi mene uski akhri kamjori nahi khoji hai. Mei anshika ko samjhane ki kosish karne laga lekin uske pas meri awaz nahi pahunch rahi thi. Anshika nahi, abhi samay nahi hua hai.. mei use samjha raha tha ki tabhi meri nazar farsh par gayi jahan mei gira tha, mera khoon vahan se behta hua kamre ki dehliz par jakar ruk gaya tha. Mene danda uthaya aur kamre ki dehliz par aa khada hua.

Bas 2 minute bache hain, anshika ne ghadi mein time dekha aur shreyas ki taraf dekh use awaz lagane lagi. " shreyas tum mujhe sun sakte ho mei janti hun "

Mene danda uthaya aur dehlaiz par de mara, lakdi ke farsh par ek ched ho gaya, mene dubara vahin mara aur farsh ki darar badi ho gayi. Iske baad gehri gehri sans khinchte hue mene panch che baar aur mara lekin sar par lagi chot se chakrate hue piche ki taraf girne laga lekin himmat karke vapis aya " aarrrghghhhhhhhhhhh " mene phir farsh par mara aur vo ched badha ho gaya. Sharir ki takat ab dhire-dhire kam hoti jaa rahi thi. Mene danda chhoda aur ghutno ke bal baith gaya aur apne hathon se hi us lakdi ke fatte ko pakda aur use todne ke liye dum lagane laga " aarrgghhhhhhhhhh " mene dam lagaya aur 'faaatttaaakkk ' lakdi tuti aur mei uske sath hi kamre se bahar jaa gira.

" shreyas bas 1 minute reh gaya hai, tumhe meri awaz aa rahi hai na... vapis aa jao... shreyas.. tumne mujhse wada kiya tha " anshika ki ankh se ansu utar raha tha lekin vo uske kan mein bole jaa rahi thi.

Mere hath mein lakdi ka fatta tha aur mein zameen par gira to uthne ka man na kiya ya yun kahun ab himmat nahi thi. Khoon abhi bhi nikal raha tha aur himmat jaise usi ke sath nikal rahi thi par abhi bhi anshika ki vo awaz jo mere kano mein barabar aa rahi thi vo samajh aa rahi thi. Anshika mei sun sakta hun mene kaha lekin janta tha meri awaz nahi pahunchegi bolte waqt honth kaanp rahe the. Vo mujhse bol rahi thi ki mujhe vapis ana hai par mere andar himmat nahi thi. Par usne himmat nahi hari usne mujhe mere kiye hue wadde ko yaad dilaya, apne pyar ke bare mein yaad dilaya, na jane kya tha uske shabdon mein, jab usne himmat nahi chhodi to mein kaise chhod sakta tha. Mei kosish karta hua apni jagah se khada hua aur uth baitha. Pura bangla ankhon ke aage ghum raha tha, khoon se sanne hathon ki taraf ek pal ke liye ankhein modi aur lakdi ka fatta faink kar khud ko ghasite hue kamre ke nazdeek aya, ghunto ke bal baitha aur jo lakdi farsh se tod kar hatai thi uske andar hath dal diya.

Anshika shreyas ko vapis bulane ki kosish kar rahi thi, uski awaz mein gharbahat, chinta aur dard tha par nazar uski ghadi par hi thi srf 10 second reh gaye the. 9,8,7,6,5,4,3 " shreyassssssss..... " vo chillai aur ghadi mein 3 baj gaye. Anshika ki ankho se ansu utar aya par shreyas ke sharir mein koi harkat nahi hui. Anshika jaise ek pal ke liye mar gayi ho par agle hi pal use kuch mehsus hua jaise uske hathon mein koi harkat. Usne apne hathon ki taraf dekha jo shreyas ke hathon ko pakde baitha tha. Usne apna ek hath shreyas ki pakad se azad kiya aur phir ghuma kar apna hath apni nazron ke samne kiya. Uske hath mein teen ring thi jo abhi-abhi shreyas ke hath se uske hath mein ayi thi.

" ladke ne kar dikhaya... usne kar dikhaya.... " amma anshika ke khade hote hi uske hath mein ring dekhte hue boli " vishwas nahi hota usne vo kaam kar dikhaya jo kabhi pura nahi ho sakta tha.. " amma ke chehre par uske behad khushi thi lekin vo khushi anshika ke chehre par nahi thi.

" amma shreyas kyun nahi utha " anshika amma ke pas ayi, uska dil zoron se dhadkta hua uski gharbrahat badha raha tha.

" uthega.. vo vapis aa chuka hai. Bekifar reh, abhi vo ek gehre dard ke sath uthega, tu uske sath reh mei iske dard ke liye marham bana kar lati hun " anshika ko uski baat sun tassali hui aur usne vo ring amma ke hathon mein rakh di jiske baad vo shreyas ke pas ayi aur uska matha sehlate hue use dhire-dhire awaz dene lagi. Uski takleef bhari khamoshi ko dekh anshika ki ankhon se ansu utar kar uske sar par girne laga.

Amma ne anguthi apne hath mein dabayi aur lathi utha kar anshika ke sar par de mari. Anshika apna sar pakdte hue zameen par gir padi aur behosh ho gayi. Amma ek kadam aage badhi aur behosh padh chuki anshika ko dekh muskurai aur phir ' hahahahahahahaha ' zor-zor se hanste hue uski awaz badal kar bhari ho gayi.

End Of Phase 1
​

 

[sexstories]

yeh kya ho gaya......

matlab are kahin yeh amma hi woh khan toh nahi joh amma k roop leke indono ke sath khel raha tha..... par kyun??
Agar woh rings dena hi nahin tha toh woh raah kyun dikhaya jiske chalte shreyas aur aniska ko uski kamjori mil jaye...
Kahin aisa toh nahin k khan future dekh liya ho ki kabhi na kabhi shreyas uski kamjori dhund hi lega jo uski mout k kaaran bane.... isliye shreyas ke jariye woh rings hasil ki par yahan sochne wali baat yeh hain ki woh khood ke hi chupaye cheej ko dusro ke jariye kyun dhundne lagvaya. kahin aisa toh nahi woh us bangle mein nahin jaa sakta ya phir manahi hai jane ke liye wahan isliye usne itne din tak intezaar kiya aur jab shreyas aur aniska aaye toh unko mayajaal mein fanshake woh rings hasil kiya...
Btw hone ko toh kuch bhi ho sakta tha...
sabse badi to yeh hain ki aage kya hone wala hai..... kya woh apne chaal mein kamyab ho gaya? Kya yahin ant tha shreyas aur aniska ka.....?
dusri pehlu yeh hai ki agar woh amma hi thi toh kahani kuch aur hi hain....
Khair let's see what happens next
Brilliant update with awesome writing skill harshit ji