Aslam- aakhri baar kehta hoon ki seedhi tarah duppatta mujhe de de warna tumdono ka wo haal karunga ki apni surat aaiyen mein dekhne se bhi durr lagega.
aslam ki baatoein ko sunkar raghu ek jhatkey mein aslam ka collar pakad leta hain aur ek jordaar ghusa aslam ke pet par maar deta hain. aslam ka sabra toot jata hain aur wo turant raghu ka haath pakadkar marod deta hain aur fir laat mukka ki jo baarish hoti hain wo raghu aur raghav dono par bhari padti hain. tabhi raghav chaku nikalkar hawa mein lehrane lagta hain. aslam to bachpan se in sab cheezon se khelta aaya tha. uske liye ye sab koi badi baat nahin thi. wo aage badhkar raghav ka garden pakad leta hain aur tab tak nahin chodhta jab tak raghav ke haath se wo chaku chootkar neechay jameen par nahin gir jata. fir aslam undo ko tab tak marta hain jab tak wo dono behosh nahin ho jate. fir wo unke haath se wo dupaata cheen leta hain aur jakar divya ko odha deta hain.
divya bus khamoshi se aslam ko dekhti hain fir apna dupaata sahi karke wo apne ghar ki ore chal deti hain. aslam bhi uske peechay peechay ghar aa jata hain.
ghar pahunchney par..............
divya- tumhein kya jaroorat thi un badmashon se mere liye ulajhney ki. ye jante hue bhi ki unke haathon mein chaku tha. na kuch dekha na socha bus jakar bhid gaye unsey. agar wo chaku tumhein lag jata to............. divya aslam ko gussy se dekhkar boli.
aslam- lag jata to jyada se jyada main murr jata issey jyada kya hota. aur waise bhi mere rehne ya na rehne se kisi ko kya farak padta hain. aur tumne dekha nahin kaise wo log tumhare saath badtamizi kar rahe they. mujhe ye sab nahin dekha gaya aur bus............
divya ek nazar aslam ko dekhti hain fir wo aslam ke haath apne sir par rakh deti hain- khawo meri kasam aaj ke baad tum kabhi bhi kisi par apna haath nahin uthawoge. aur aaj ke baad in sab se door rahogey. agar tumhare dil mein mere liye thodi si bhi jagah hain to meri kasam ki laaj rakhna.
aslam- theek hain divya main tumhare sir ki kasam khata hoon aaj ke baad main kabhi bhi kisi par apna haath nahin uthawonga. jawab mein divya bus muskura deti hain. aaj divya ke dil mein aslam ke prati pyaar aur gehra ho gaya tha. tabhi thode deer mein sanjay divya se milne uske ghar aata hain.
sanjay- kaisi ho divya aur itna kehkar wo divya ko apne seenay se laga leta hain divya bhi apne jajbaat rok nahin pati aur wo sanjay se lipatkar khushi se roney lagti hain. divya ko aisa rota dekhkar sanjay bhi thoda bhawok ho jata hain.
sanjay- aaj poorey do mahine beet gaye. mummy tujhe bahut yaad karti hain. aur mujhse keh rahi thi ki aaj divya ko apne saath lete aana. chalogi na mere saath.
divya ek nazar aslam ki ore dekhti hain aslam isharon se haan mein jawab deta hain- theek hain bhaiya jaisi aapki marzi. aap baithiye main aapke liye kuch nasta wagerah banakar lati hoon. fir divya kitchen mein jakar nasta banati hain.
sanjay- aaj teri wajah se meri behan ko aise ghar mein rehna padh raha hain. janta hain na uska personal kamra bhi is ghar se double hain. aur tujhe to andaza bhi nahin hoga ki uske mahine ka akele kharcha 20,000 se upar hota tha magar teri to awakat bhi nahin hain ki tu uske saare kharch utha sake.
aslam kuch nahin keh pata aur bus apni nazrein neechay jhuka leta hain.
sanjay- tere se to aachey mere office ke watchman aur mere ghar ke naukar hain kum se kum dhang ke kapdy to pehantey hain. tuhe to dekhkar aisa lagta hain ki teri haalat bhikayion se bhi bud-tur hain. ghar ko dekhkar aisa lagta hain jaise kitne baras ho gaye isko paint hue. pata nahin meri behan aise mahool mein tere jaise neech ke saath kaise rehti hogi. teri wajah se meri behan ko ye sab din dekhney padh rahe hain.
sanjay ki baateoin ne aaj aslam ke dil mein wahin purana jakhm fir se hara kar diya tha. usey sanjay ki baatoein ka bahut dukh hota hain magar wo ek shabdh kuch nahin kehta. tabhi divya chai aur kuch snacks lekar aa jati hain.
sanjay- tu jaldi se taiyaar ho ja mujhe aur bhi kai sare kaam hain. divya bhi jakar apna saman pack karne lagti hain.
sanjay- pata hain adalat ke is faisley se sabse jyada mujhe dukh hua. agar mera bus chalta to tujhe fansi ki saza dilwata. khair itna jaan le agar tere khilaaf mujhe koi bhi shikayat aayi ya meri behan ko zara bhi kisi baat ki takleef hui to main bhool jawonga ki tu meri behan ka kuch lagta hain. tu pehle bhi nafrat ke layak tha aur aaj bhi usi ke layak hain. tabhi divya bhi taiyaar hokar aati hain aur sanjay fir se chup ho jata hain. aslam hi janta tha ki wo aaj kaise apne aap ko rokey hua hain. nahin to wo sanjay ko aisa jawab deta ki sanjay ko dubara ye sab bolney ki himmat nahin hoti.
divya ek nazar aslam ko dekhti hain fir sanjay ko kehti hain uska saman gadi mein rakhney ko- sanjay saman lekar bahar jata hain aur divya aslam ke paas aati hain- aaj divya ki aankhon mein ek kashish thi.
divya- bus jate jate itna hi kahungi ki tum apna khyaal rakhna. aur kaam par time se chale jana. kuch din khana bahar hi kha lena. mujhe bhi mummy ki bahut yaad aa rahi hain. isliye socha ki thode din wahan rahungi to mera dil bhi behal jayega. aslam bade pyaar se divya ko dekhney lagta hain aaj divya ne bhale hi thode shabdh kahe ho magar uski aankhein sab kuch keh rahi thi. aaj divya ke in aankhon mein aslam ke prati pyaar aur judaai ka dard saaf dikhayi de raha tha.
aslam- tumhari khushi mein hi meri khushi hain. jaisa tumhein theek lage.
tabhi sanjay aa jata hain aur divya aslam se door ho jati hain fir divya bahar nikalkar gadi mein baith jati hain. aslam bhi darwaje ke paas aata hain aur ek tuk divya ko dekhney lagta hai. divya jab aslam ki aankon mein dekhti hain to uska aankhon mein nami hoti hain. uske dil mein bhi ek kasak si uthati hain magar wo apne jajbaat par kabu kar leti hain. aur fir sanjay tezi se wahan se nikal jata hain. aslam kuch deer tak divya ko aise hi jata hua dekhta hain fir apne aankhon se behtey hue aansoon ko saaf karta hain aur bahut deer tak wahin chaukhath par baith rehta hain. aaj uska dil kahin nahin lag raha tha aur usey sabse jyada divya ki kami khal rahi thi. aaj usey zindagi mein pehli baar maloom hua ki judaai kisey kehte hain aur tadap kya hoti hain.
udher divya bhi aslam se door to jaa rahi thi magar kahin na kahin uske dil mein aslam se bichardey ka gum sata raha tha. aaj bhale hi wo apni mummy papa se milne wali thi magar jitani kushi usey apni mummy papa se milkar ho rahi thi ussey kahin jyada gum aslam se door jane ka tha. wo gadi mein chup chaap khaomsh baithi thi. divya ki ye khamoshi sanjay se nahin chup pati.
sanjay- kya hua divya jab se main aaya hoon dekh raha hoon ki tum kuch khoyi khoyi si ho. baat kya hain. kya tumhein mummy papa se milney ki khushi nahin ho rahi. ya us kamine ki yaad aa rahi hain.
divya- nahin bhaiya aisi koi baat nahin hain bus soch rahi hoon ki ghar pahunchkar mummy papa mere se kaise react karenge bus iske wajah se thodi si nervous hoon.
sanjay- oh common divya. aakhir mummy papa to tere apne hain. believe me wo tujhse milkar bahut khus honge.
thode deer ke baad divya bhi apne ghar pahunch jati hain. aur jab uski mummy divya ko dekti hain to wo ussey khushi se lipat jati hain. fir wo apne papa ke gale lag jati hain. thodi deer tak wo idher udher ki baatein karte hain.
udher aslam aabhi tak chaukath par baitha hua divya ke bare mein hi soch raha tha. aaj uskey divya ki bahut yaad aa rahi thi............. haan shayad yehi to wo pyaar tha jiske wajah se aslam jaisa gangster bhi aaj ek seedha sada insaan ban raha tha.
aslam- laut aawo divya main tumhare bagair nahin jee sakta murr jawonga main tumhare bagair. bhale hi tum mujhse baat mat karo magar laut aawo divya laut aawo............ aur itna kehkar aslam wahin chaukhath par rone lagta hain...........................................
Udher divya ko bhi aslam ki kami mehsoos ho rahi thi. uska bhi dhyaan baar baar aslam ki ore jaa raha tha. bhale hi aslam ne uske saath kuch bhi kiya ho magar wo ye baat janti thi ki aaj aslam usey jee jaan se chahta hain. aur shayad aab wo bhi aslam se mohabaat karne lagi thi. tabhi sanjay uske paas aata hain. uske haath mein kuch papers they wo unn papers ko divya ke hathon mein thama deta hain.
sanjay- mujhe tumse ek bahut zaroori baat karni hai aur saath mein tumhein ek khuskhabri bhi sunani hain. jisey sunkar tum bahut khus hogi.
divya sawal bhare nazreion se sanjay ko dekhney lagti hain- kaisi khuskhabri aur ye kaise papers hain bhaiya.
sanjay- batata hoon pehle tum in papers par apne sign to kar do.
divya- magar kya hain in papers mein.
sanjay- tum nahin sudherogi. pehle bhi aise hi sawla karti thi aur aaj bhi. tumko mujhpar bharosa hain na. main tumhara kabhi koi bura to nahin chahunga. agar mujhpar thoda bhi vishwaas hain to in papers par sign kar do.
divya sanjay ki baateion ko sunkar kuch puchna sahi nahin samahjti aur un papers par sign kar deti hain. fir sanjay un papers ko lejakar almari mein rakh deta hain.
sanjay apne jeb se ek photo nikal kar divya ko thama deta hain. divya bade gaur se us photo ko dekhney lagti hain.
divya- ye to sameer hain. aur aap mujhe sameer ka photo kyon dikha rahe hain???
sanjay- kal pratap uncle aur sameer humare ghar par aaye they. aur tum janti ho ki pratap uncle aur papa bachpan ke dost hain. wo chahte hain ki tum unke ghar ki bahu bano. sameer to pehle se hi tumhein chahta tha magar tumhare saath jo hua iske wajah se wo humse koi bhi baat is baare mein nahin kar paya. wo to ye bhi keh raha tha ki ismein divya ka koi dosh nahin hain. aaj bhi wo tumse shadi karne ko taiyaar hain. ye sab jante hue bhi aaj sameer tumko apnana chahta hain. bus hamne bhi is ristey ke liye haan kar di. aur kal wey log tumhein dekhney ke liye aa rahe hain. aur main janta hoon ki tumhein bhi is ristey se koi aitraaz nahin hoga. isliye maine aabhi aabhi tumse divorce ke no-dues form par sign le liye hain. aur aab hum usey court mein put up kar denge jissey tumko asani se divorce mil jayega. bus tumhein court mein ye bayan dena hoga ki tum us ristey se khus nahin ho.
sanjay ki ye sari baatein sunker divya ke hosh udd jate hain. usey sapne mein bhi apne gharwalon se aisi umeed nahin thi.
divya- nahin.............aisa nahin ho sakta. main sameer se shadi nahin kar sakti. aap aisa kaise kar sakte hain bhaiya. ye sab aapne mujhe batana bhi zaroora nahin samjha. aur aapne to ek bhi baar meri iccha janney ki bhi koshish nahi ki. aapko chahe aacha lage ya bura main aab sameer se shadi nahin kar sakti. ye mera faisla hain.
sanjay ko divya se aisi umeed bilkul nahin thi. wo divya ki aisi baateion ko sunkar gussey se baukla jata hain- tera dimag kharab ho gaya hain. aaj tu us kamine ki tarafdaari kar rahi hain jisne teri zindagi barbaad ki thi. kya hain us bhikari ke paas na rehne ko ghar aur na pehenay ko dhang ke kapdey. arey wo to tujhe do waqt ki roti bhi bhar pet nahin de sakta. aur aaj tu us kamine ka paksh le rahi hain.
divya- haan main janti hoon ki kal tak main ussey bahut nafraat karti thi. magar aaj mere dil mein uske liye nafrat khatam ho gayi hain. aab wo sudher gaya hain. mere liye wo aab badal gaya hain. usney saare galat kaam chodh diye hain. aab wo mehnat mazdoori karke apna ghar chala raha hai.
sanjay ka gussa apne charam par pahunch gaya tha wo sab kuch bhool jata hain aur ek zordaar thappad divya ke gal par jadh deta hain- sharam nahi aati tujhe aisi baatein karte hue. jis aadmi ne humare mooh par kaalikh poti aaj tu uski ki tarafdaari kar rahi hain. do mahine kya uske paas reh kar aayi aaj tu apne hi gharwalon se bagawat kar baithi. aakhri baar bol raha hoon aaj ke baad tu uske paas kabhi nahi jayegi aur agar tu dobara uske pass gayi to is ghar ke darwaze tere liye humesha humesha ke liye bund ho jayenge. aur itna kehkar sanjay gussey se bahar nikal jata hain.
sushma fir divya ke paas aati hain aur usey apne gale laga leti hain. fir wo usey apne kamrey mein le jati hain- dekh beta aaj tere paas ek sunehra mauka hain. sameer jaisa ladka humein nahin mil sakta. aacha padha likha hain government naukari hain. aur aachey samaz se hai. aur tu waise ladke ko thukraa rahi hain. upar wala bhi aisa mauka baar baar nahin deta. jaa dekh duniya mein aur bhi na jane kitani ladkiyan hain jinke saath aisi ghatna ho chuki hain. wo log to tarstey hain ki koi aacha ladka unka haath tham le. aur aaj sameer khud tera haath thamna chahta hain to tu us ristey ko mana kar rahi hain.
divya- maine kahan na maa main aab dubara se sammer se shadi nahin kar sakti. main janti hoon ki sameer bahut aacha ladka hain wo mujhe bahut khus rakhega. mujhe us ghar mein koi kami nahin hogi. magar aab main sameer ka haath nahin tham sakti.
sushma- bawli ho gayi hain tu. tera dimag fir gaya hain. kya rakha hain us kaminey ke paas. wo to tujhe ek pal ki khushiyan bhi nahin de sakta.
divya- maa.......main ussey pyar karti hoon. aab wo mera pati hain.
sushma- ye jante hue bhi ki wo ek muslim hain. aur tu hindu hain. uska mazbhab bhi alag hain. us din court ke faisley se main chup thi magar aaj main chup nahin rahungi. kuch bhi ho jaye aab tu uske paas nahin ja sakti. aur teri bhalai isi mein hain ki tu usey bhool ja.
divya ke aankhon se aansoon nikal padtey hain- aap samajhti kyon nahin ho maa... aslam aab badal chuka hain. aab wo mujhe bhi bahut pyaar karta hain. usney saare galat kam aab chodh diye hain. aab wo sudher raha hai. aur itne din ho gaye aaj tak usne meri marzi ke khilaaf mere saath jismani sambandh bhi banane ki koshish nahi ki. yahan tak mujhe haath bhi nahin lagaya. aaj wo badal gaya hain maa. haan manti hoon ki wo muslim hain aur main hindu hoon par pyaar mein jaat paat nahin dekh jata. aaur aab main bhi ussey chahney lagi hoon. mujhe maaf kar do maa main aab dubara se shadhi nahin kar sakti .
sushma ka ek karara thappad divya ke gal par padta hain- isi din ke liye tujhe padhaya likhaya. teri saari zidd pura ki aaj tu humein hi aankh dikha rahi hain. aaj tu itni badi ho gayi hain ki tu khud humein faisla suna rahi hain. aab tak main teri har nadani ko maaf karti aayi thi magar aab dekhti hoon ki tu aab ye shadi kaise nahin karti hain. aaj ke baad tera is ghar se nikal bilkul band. aur sushma divya ke haathon se mobile cheen leti hain. aur darwaza bahar se band karke wo bahar nikal jati hain.
divya ke aankhon mein aansoon they. usey to bilkul bhi ehsaas nahi tha ki aaj uske ghar wale hi uske pyaar ke dushmaan ban jayenge. kal tak wo aslam se nafraat karti thi magar aaj do pal ki judaai ne uske ander ke pyaar ko jaga diya tha. wo bhi foot foot kar apne bister par roney lagti hain...... aslam kahan ho tum mujhe yahan se le jawo dekho in logon ne mujhe yahan par kaid karke rakha hua hain. aaj mere gharwale hi mere dushman ban gaye hain. agar mujhe pata hota ki ye log mere saath aisa karenge to main kabhi dubara is ghar mein kabhi nahin aati. aab to mujhe bhi aisa lagne laga hain ki aab main tumhare bina shayad jee nahin pawongi. aa jawo aslam mujhe yahan se le chalo aaj tumhari divya tumko pukar rahi hain aur na jane kitne deer tak divya ke aankhon se aansoon bister par behtey rehte hain. pata nahin waqt ko kya manzoor tha.....................................................
Idher divya ki tadap aur udher aslam ki bechaini. aslam bhi har pal divya ko yaad kar raha tha. uska kaam par jane ko bilkul mann nahi tha magar fir bhi wo agar ghar par rehta to divya ki aur yaad aati. isliye wo kaam par chala jata hain. aur shaam ko jab wo ghar lautata hain tabhi raste mein kabir uskey samne se ata hua dikhayi deta hain.
kabir- kaisa hain tu. aur apni ye kya halat bana rakhi hain.
aslam- chodh na yaar kuch aacha nahin lag raha.
kabir- kyon aab kya hua. lagta hain divya fir se tujhse naraaz ho gayi isliye tera mood kharab hain. kyon yehi baat hain naa...
aslam- kaash yaar divya mujhse rooth jati to bhi mujhe ussey koi shikwa nahin rehta kum se kum mere nazreion ke samne to rehti magar wo to is waqt mere kareeb bhi nahin hain. aankhein taras gayi hain uske ek pal deedar ko.
kabir- kyon tujhe chodh kar kahin chali to nahin gayi na.
aslma- yaar mazak mut kar divya aaj subeh hi apne mayke gayi hai. isliye mujhe aaj subeh se uske bina kuch aacha nahin lag raha. aur usne mujhe kaha tha ki wo pahunch kar mujhe phone karegi magar aab tak uska phone bhi nahin aaya. yaar mujhe badi bechaini ho rahi hain. aisa lag raha hain ki divya kisi musibat mein hain aur wo baar baar mujhe pukaar rahi hain.
kabir- kya baat hain kal tak tujhse bada nafrat karti thi aur aaj bada pyaar aa raha hain tujh par. maine kaha tha na ek din ki tu khud uske bagair ek pal nahin reh payega. ye pyaar cheez hoti hi aisi hain. sala thodi deer ki khushi ke liye umar bhar tadap milti hain. ye ishq ka rog bahut khatarnaak hota hain. aur tujhe bhi divya se ishq ho gaya hain. khair..... ismein sochney ki kya baat hain. jab tere paas uska number hain to call kyon nahin kar leta.
aslam- nahin yaar mujhme himmat nahin hai main ussey phone par kya baatein karunga. samne to ussey kuch bol nahin pata. pata nahin wo mere bare mein kya sochegi.
kabir- sale pyaar karta hain aur apni hi biwi se baat karne se darta hain. tera uspar aab pura haq hain. tu befikar hokar ussey baat kar. dekh lena tere phone karne se wo khush ho jayegi aur aisa bhi to ho sakta hain ki wo jaan bujh kar phone na kiya ho kahin wo dekhna chahti ho ki tu sach mein ussey pyaar karta hain ki nahin. meri baat maan tu ek bar ussey baat kar le.
aslam ko bhi kabir ki baatein thik lagti hain wo fir turant divya ke mobile par call karta hain. magar agle hi pal usko jhatka lagta hain. divya ka phone switch off tha. uske chehre par durr aur gehra ho jata hain.
aslam- yaar divya ka phone switch off bata raha hai. kahin kuch uske saath bura to nahin ho gaya na. mujhe bahut ghabrahat ho rahi hain.
kabir- yaar chinta mut kar ho sakta hain kahin mistake se uska phone band ho gaya ho. tu jakar aaram kar ho sake to baad mein try kar lena. fir kabir wahan se apne ghar chala jata hain.
kabir chahe kuch bhi kahe magar aslam ka dil is baat ki gawahi nahin de raha tha. usey aisa lag raha tha ki divya ke saath jaroor kuch bura ho raha hain. magar wo to uske ghar bhi nahin jaa sakta tha.
--------------------
udher divya ka bhi ro ro kar bura haal tha. shaam ko uski mummy khana lekar uske kamre mein jati hain. divya aabhi bhi bister par padi ro rahi thi.
sushma- beta chal uth ja aur khana kha le. kab tak us bhikari ke liye aansoon bahayegi.
divya apne aankhon se aansoon pochti hain - mujhe bhook nahin hain maa. aap yahan se chale jawo.
sushma- ye jo tere sir par ishq ka bhoot sawar hain na dekh lena jald hi do teen din ke ander utar jayega. suna tha ki pyaar andha hota hain. pyaar mein insaan ko kuch dikhayi nahin deta magar aaj ye bhi jaan liya ki pyaar bewakoof bhi hota hain. jaise aaj tere akal par parda pada hua hain. samne itna aacha sunehra mauka hain aur tu us mauke ko us bhikari ke liye gawa dena chahti hain. dekh beta aakhri baar tujhe samjha rahi hoon maan le humari baat ye tere liye hi aacha hain aur ho sake to tu usey ek bura sapna samajh kar bhool ja.
divya- main usey kabhi nahin bhool sakti aab aslam meri zindagi hain. agar kisi ne mujhe aslam se alag karne ke baare mein socha bhi to main apni jaan de doongi. main uske bagair nahin jee sakti.
sushma- kyon kal tak to tu ussey nafraat karti thi. to aab do mahine mein aisa kya hua jo aaj wo sab kuch humse badhkar ho gaya hain. agar tumne meri baat nahin mani to anjaam aacha nahin hoga aur haan kal sameer aur uske papa aa rahe hain tujhe dekhney ke liye agar tune koi bhi unke saath badtamizi ki to mujhse bura koi nahin hoga.
divya na chahte hue bhi kuch bol nahin pati aur foot foot kar roney lagti hain. fir sushma kamre se bahr nikal jati hain aur jakar bahar se darwza lock kar deti hain. udher aslam ki aankhon mein bhi aansoon they. wo bhi bahut bechain tha. shaam se kareeb 10 baar se jyada wo divya ke mobile par phone laga chuka tha magar har baar ek hi jawab aata tha................switch off..aslam ye baat aache se janta tha ki divya ka mobile kabhi band nahin hota. fir aaj aisa kya huwa hain jo uska mobile switch off aa raha hain. uske mann mein yehi sab baatein chal rahi thi magar uske sawalon ka jawab uske paas nahin tha.
dusare din........................
subeh ke 10 baje sameer aur uske papa divya ke ghar aate hain divya ko dekhney. thodi deer tak wo sabhi log idher udher ki baatein karte hain fir sushma jakar divya ko zabardasti sameer ke samne lekar aati hain. divya nazrein neechi jhukaye bus khamosh si baithi hui thi. usey to apne gharwalon par gussa bahut aa raha tha magar kuch sochkar wo chup thi. thode deer ke baad pratap kehta hain ki divya aur sameer ko akela chodh dena chahiya taki wo dono aapas mein kuch baatein kar sake. fir sameer bahar garden mein divya ke saath chala jata hain. shayad divya bhi isi mauke ka intezaar kar rahi thi.
sameer- dekho divya jo hua usey tum bura sapna samajh kar bhool jawo. mujhe bahut khushi hogi ki tum meri biwi banogi.
divya ek nazar sameer ko dekti hain fir kehti hain- bura na mano to sameer main tumse kuch baatein kehna chahti hoon.
sameer- haan bolo divya kya baat hain. mujhe tumhari baateion ka bhala kyon bura lagega.
divya- tum to aache se jante ho ki mere saath kya hua tha. ye sab jante hue bhi tum mujhe accept kar rahe ho ye mere liye bahut badi baat hain. khusnaseeb hogi wo ladki jissey tumhari shadi hogi. magar main to aab shadi shuda hoon. aur aab mera pati aslam hain. aur aab main ussey pyaar karti hoon aur wo bhi mujhe chahta hain. iam sorry sameer main tumse aab shadi nahin kar sakti. main apne gharwalon ki wajah se tumhari zindagi kharab nahin karna chahti. behtar yehi hoga ki tum koi aachey khandaan ki ladki apne liye pasand kar lo.
sameer- dekho divya tum mujhe pehle bhi pasand thi aur aaj bhi pasand ho. rahi baat shadi ki to main tumse shadi zaroor karunga. kyon ki tumhare jaisi mast item ko main apne haath se jane nahin de sakta. tum pe to meri nigaah bahut pehle se thi magar kya karun mujhse pehle wo kamina baazi maar gaya. khair biwi bankar to meri tamanna tumhare sath sone ki wo to puri ho jayegi fir tum apne us aslam ke paas chali jana mujhe koi aitraaz nahin hain.
sameer ki aisi baateion ko sunkar divya ka dimag ghoom jata hain. ussey to sameer se aisi bilkul umeed nahin thi.- to tumhara intension sirf mere saath sex karne ka hain na ki mere saath zindagi gujarney ka. aur sirf tumhein mere jism se pyaar hain.
sameer- to ismein nayi baat kya hain. mumbai mein jakar dekho wahan par to log biwi aise badltey hain jaise ki kapdey. aur love mein jab tak sex na ho tab tak wo pure love nahin hota. aisa mera maan naa hain. aur waise bhi aaj kal faishon ka daur hain to aisi choti moti cheezien to aam baat hain. aur aaj ke is modern age mein ye sab koi badi baat to nahin hain.
sameer ki ais baateion ko sunkar divya ka chehra gussey se laal ho jata hain aur tabhi divya ek zordaar thappad sameer ke gal par jadh deti hain. thappad ki goonj itani teez thi ki wahan baithey sabhi log ki nazar sameer aur divya par chali jati hain - main to ye samajhti thi ki tum ek aachey parivaar se ho to ek aachey insaan hoge magar tum ek kamine aur ghatiya insaan bhi ho. arey tumse to laakh aacha mera aslam hain kum se kum wo aab to mere baare mein aisa nahin sochta. dafa ho jawo meri nazreion se...............aab dekhna ye tha ki aage kya tamasha khada hone wala tha..................................................
Sameer ke gal par divya ki ungaliyon ke nishan saaf nazar aa rahe they. wo chup chaap apne baap ke paas aata hain aur bura sa mooh banakar wahin unke paas baith jata hain. ye sab dekhkar pratap gussey se ubal padta hain.
pratap- shivdayal mana ki hum ek bahut aachey dost hain magar jab tumhari beti ko mera beta pasand nahin hain to fir kya zaroorat thi ye sab tamasha karwane ki. mere bhi koi izzat hain. ye koi tarika nahin hai ki is tarah se tum humari bezzaiti karo.
shivdayal- main divya ke kiye par sharminda hoon. mujhe ye to nahin pata ki in dono ke beech aisi kya baat hui jissey meri beti ne ye kadam uthaya. magar divya ne jo kiya wo theek nahin kiya. tabhi sameer beech mein hi bol padta hain.
sameer- dad mujhe aab issey shadi nahin karni. ye to us kamine aslam ka hi gun gaan gaa rahi hai. jab maine isko aslam ke bare mein ulta seedha kaha to isey ye bardaast nahin hua aur isney mujhpar apna haath utha diya.
sameer ke mooh se aisi baatein sunkar divya gussey se bhadak jati hain- agar jhoot bola to yehi tera mooh nooch loongi. papa maine aslam ke bare mein issey koi bhi baat nahin ki. ye sab jhoot bol raha hai. balki ye to mujhse hi flirt kar raha tha is wajah se maine ispar apna haath uthaya.
shivdayal- bus divya bus...............bahut ho gaya. dekh raha hoon jab se tu us kamine ke paas se rehkar aayi hain tu bahut badal gayi hain. na jane us kamine ne tujhe kaun sa paath pada diya hain jo tu uska naam din raat japti rehti hain. agar tune is ristey ko inkaar kiya to aab mujhse bura koi nahin hoga. aur main ye nahin janta ki tere aur sameer ke beech aisa kya baat hui magar saara kasoor tera hain. jo bhi hua ho aab tu sameer se jakar maafi mangegi. warna mujhse bura koi nahin hoga.
divya- papa ye aap kya keh rahe hain. ismein meri koi galti nahin hain aur main sameer se maafi nahin mangnewali chahe kuch ho jaye.
Divya ki aisi baateion se shivdayal gussey se bhadak jata hai aur ek zordaar thappad divya ke gal par sabke samne jadh deta hain.
pratap- bus shivdayal bahut ho gaya. jitna humara apmaan ho sakta tha tumsabne aaj usmein koi bhi kasar nahin chodhi hai. aab aaj ke baad teri meri dosti khatam. main aab ja raha hoon. aur main aab apne bete ke liye koi aacha sa rista dhoond loonga.
shivdayal- nahin pratap jo kuch hua uske liye main tumse maafi manga hoon. please ye rista mat todo. kum se kum apni bachpan ki dosti ka to khyaal karo.
pratap- bachpan ki dosti ki wajah se to main aab tak chup hoon nahin to tujhe main dikha deta ki main kya cheez hoon. aur rahi baat teri beti ko apne ghar ki bahu banane ki to yadi tu chahta hain ki humari dosti aab risteydari mein badal jaye to sabse pehle apni beti ko tameez sikha ki kaise badon ka aadar kiya jata hain aur agar wo teri baat nahin samajh sakti to mujhe ye rista bilkul bhi manzoor nahin hain. fir pratap aur sameer wahan se apne ghar nikal jate hain. divya bhi rote hue apne kamrey mein chali jati hain. aaj divya aur toot gayi thi kyon ki aaj uske saath koi bhi uska saath dene wala koi nahin tha. uska baap aur bhai bhi nahin.
shivdayal- dekhta hoon ki ye ladki sameer se shadi kaise nahin karti hain. main kal hi jakar pratap se dubara is ristey ke liye baat karunga. aur agle mahine hi koi aacha sa muharat dekhkar iski shadi sameer se karwa dunga. dekhta hoon aab mujhe aisa karne se kaun rokta hain. sanjay bhi kuch nahin kehta aur sab log shivdayal ka hi paksh lete hain. divya ko sabse jyada sanjay par vishwaas tha magar aaj sanjay bhi uske khilaaf ho gaya tha. din ba din divya ki musibatein badti hi jaa rahi thi.
divya- hey bhagwaan jab tujhe aslam se mujhe door hi karna tha to kyon mujhe ussey milwaya. kyon mere dil mein uske prati chahat paida ki. aakhir mera kasoor kya hain jo mujhe har waqt saza di jaa rahi hain. main murr jawongi magar sameer se shadi kabhi nahin kar sakti. koi to mujhe rasta dikha bhagwaan mujhe bus mere aslam se ek baar mila de.
udher aslam ki bekarari bhi badhti jaa rahi thi. wo har 10 minute mein divya ka phone try karta magar usey har baar ek hi jawab milta.............switch off. usey samajh nahin aa raha tha ki divya ne uske saath aisa kyon kiya hain. kya wo sach mein ussey nafrat karti hain ya wo hi divya ke nafrat ko pyaar samajh baitha tha. magar uski aankhein jhoot nahin bol sakti maine uski aankhon mein wo kashish dekhi thi wo tadap dekhi hai wo pyaar dekha hai. fir kyon divya mere saath aisa kar rahi hain.
aslam ki uljhane din ba din badthi jaa rahi thi. aaj divya ko gaye poora ek hafta beet gaya tha magar in ek haftey mein divya ne har ek lamha har ek ghadi aslam ko yaad kiya tha. uske liye na jane kitney aansoon bahaye they. magar aslam kya janta tha ki divya aaj kis musibat mein fansi hui hai. wo to yehi samajh raha tha ki shayad divya apne ghar jakar usey bhool gayi hain. samay tezi se beetata jaa raha tha. sanjay ke bhi vyahaar mein divya ke prati koi badlaav nahi aaya tha aur na hi uske gharwalon mein koi parivartan hua tha. wo to bus yehi chahte they ki divya ki shadi sameer se ho jaye chahe divya ko iske liye koi bhi keemat kyon na chukani padey.
kareeb 15 din beet gaye they. divya har ek pal aslam ki yaad mein murr rahi thi aur udher aslam bhi din raat divya ke bare mein sochta rehta tha. ek din subeh jab aslam apne ghar par baitha hua tha tabhi uske ghar ke samney ek car aakar ruki. car ko dekhkar aslam ke khushi ka koi thikana nahin raha magar agle hi pal uski khusiyon par fir se pani fir gaya. us car mein sirf sanjay hi tha. divya uske saath nahin thi. sanjay apni car se utarkar aslam ke paas aata hain aur ek nazar aslam ko ghoor kar dekta hain.
aslam- divya nahin aayi tumhare saath. kaisi hai wo ???
sanjay- aab wo dubara is ghar mein kabhi nahin aayegi. wo agle mahine shadi kar rahi hain isliye usney tere pass divorce ke papers bhijwaye hain. aab wo tujhse talak chahti hain. yakeen na aaye to khud hi dekh le in papers ko. fir sanjay un papers ko aslam ko thama deta hain saath mein divya aur sameer ki shadi ka card bhi. aslam ke to hosh udd jate hain ye sab dekhkar. usey to sanjay ki baateion par bilkul vishwaas nahin hota.
aslam- ye jhoot hain.tum jhoot bol rahe ho. diya aisa kabhi nahin kar sakti . main janta hoon wo mujhse bhale hi kitna bhi naraz kyon na ho magar mera dil kehta hain ki usey tum sab ne mazboor kiya hoga dubara shadi karne ko. main in talak ke papers ko nahin manta.
sanjay- tere manney ya na maaney se kya hoga. ye tere kiye aacha hoga aslam ki tu in papers par apne sign kar de.
aslam- agar divya mujhse ye baat khud kahegi to hi main in talak ke papers par apne sign karunga warna duniya ki koi taqat aab usko mujhse juda nahin kar sakti. agar tumhein in papers par sign karwane hain to jawo aur divya ko mere samne le aawo agar wo khud apne mooh se ye baat kahegi to main bina kisi behas ke in papers par apne sign kar doonga.
sanjay aachey se janta tha ki divya chahe kuch ho jaye wo aslam se aisa kabhi nahin kahegi. wo bhi thode deer tak sochney lagta hain fir wo bina kuch bole aslam ke ghar se bahar gussey se nikal jata hain aur jakar apni car mein baith jata hain- theek hain tu yehi chahta hain na ki ye baat divya khud aakar apne mooh se tujhse kahe to fir theek hai main jaldi hi ye baat saabit kar doonga fir sanjay wahan se tezi se nikal jata hain......................................................
Jab sanjay apne ghar aata hain to uska mooh latka hua tha. usey to aslam par bahut gussa aa raha tha. tabhi shivdayal bhi sanjay ke paas aata hain.
shivdayal- kya hua sanjay. tere chehre par aisi mayoosi kyon hain. tujhe kisi ne kuch kaha kya???
sanjay- papa aaj main us kamine ke paas gaya tha divorce ke papers lekar. magar us kaminey aslam ne sign karney se saaf inkaar kar diya. kehta hain ki agar divya khud ussey kahegi tabhi wo un papers par apne sign karega. nahin to kabhi nahin. humne to socha tha ki hum ussey asani se peecha chuda lenge magar baat jitani asaan dikhti hain utani hain nahin.
shivdayal ke bhi chehre par pasiney saaf dikhayi dene lagtey hain- hum ussey bewajah ulajhna bhi nahin chahtey. wo to waise bhi gunda hain pata nahin kab kya kar baithey. humein koi aur raasta apnana padega. agar hum aslam ke baap se is bare mein baat karein to kaisa rahega. shayad wo humari mazboori ko samjhe aur fir koi rasta mil jaye.
sanjay ko bhi apne papa ki baat jach jati hain aur wo bhi bahut deer tak isi vichaar mein doob jata hain. shayad aap theek keh rahe hain aab to asalm ke pitaji se hi is baare mein baat karni hogi.
udher aslam ka bhi mood kharab ho gaya tha. aaj uska dil kahin nahin lag raha tha. wo baar baar apne aap ko samjha raha tha ki divya aisa kabhi nahin kar sakti. ye sab uske gharwalon ki chaal hain. magar divya se koi baat hoti tabhi to kisi baat ka solution nikalta.
divya ka bhi ro ro kar bura haal tha. aaj kareeb 20 din beet gaye they. wo din ba din tootati ja rahi thi. aise hi wo apne kamrey mein band thi tabhi uski maa kamrey mein aati hain. sushma ko dekhkar divya nafrat se ussey apna mooh fer leti hain.
sushma- dekh beta hum koi tere dushman thodi hi na hain jo tera bura chahengey. aabhi bhi sambhal jaa. kya hain uske paas. wo tujhe siway dukh ke kuch nahin de sakta.
divya gussey se apni maa ko ghoor kar dekhney lagti hain- chup bhi ho jawo maa. mujhe aab is baare mein aap sab se koi baat nahin karni. main murr jawongi magar sameer se shadi nahin karoongi chahe kuch ho jaye. agar aap logon ne mere saath zabardasti karne ki koshish ki to main sach mein apni jaan de doongi.
sushma- pagal mutt ban har baat mein zidd aachi nahin. dekh lena ek din tujhe is baat ka pachtawa na hua to kehna.
divya- aap mere samney se isi waqt chali jawo. mujhe aab koi baat nahin karni. sushma bhi gussey se kamrey se bahar nikal jati hain. fir divya fir se foot foot kar roney lagti hain. din beetata jaa raha tha aur aslam aur divya ki tadap badthi ja rahi thi. magar dono chaah kar bhi mil nahin paa rahe they. aise hi ek din divya ki saheli preeti uske ghar aati hain.
preeti- kaisi hai tu divya. aur tune apna kya haal bana rakha hain.
divya- mera chodh apna bata aaj itne dinon ke baad kaise aana hua.
preeti- haan tere baare mein ye sab sunkar bahut dukh hua. khair pata chal ki tu apne mummy ke paas aayi hui hain to socha ki main bhi tujhse mil loon baad mein pata nahin dubara mauka mile ya na mile.
divya- kyon tu aisa kyon keh rahi hain. kya out of city jane ka irada hain.
preeti- haan aisa hi samajh. actually jissey meri shadi hone wali hain wo hyderabad rehta hain aur main bhi kuch din baad mein uske saath wahin jane wali hoon. arey......main bhi kitani pagal hoon tujhe to maine bataya hi nahi ki meri shadi tay ho gayi hain. uska naam nakul hain aur wo hyderabad mein job karta hain. aur aaj se 2 haftey ke baad meri shadhi hain aur tujhe meri shadhi mein zaroor aana hain. ye le mera inviatation card aur haan main khud tujhe lene aawongi agle haftey aur tujhe mere saath chalna hoga.
divya- par main kaise jaa sakti hoon....mera matlab tu mere ghar walon se is baare mein baat kar le agar wo log mujhe jane ki izazat denge to hi possible hain.
preeti- kya ...........aab meri shadhi mein bhi tujhe mere ghar aane ke liye kya tere gharwalon se izzazat leni padegi. chal khair koi baat nahin main aabhi aunty aur uncle se is baare mein baat kar leti hoon.
fir preeti turant sushma aur shivdayal ke paas jakar apne shadi ki baat batati hain aur divya ko apne ghar le jane ki zidd karti hain. waise preeti uske bachpan ki saheli thi to is wajah se shivdayal aur sushma preeti ki baat ko mana nahin kar pate aur divya ko jane ki izazat de dete hain. thodi deer ke baad preeti dubara se divya ke paas aati hain aur khushi se uske gale lipat jati hain.
preeti- chal bahut nakhrey karti thi aab dekhti hoon tu kaise mere shadi mein nahin aati. tere mummy papa ne izzazat de di hai.aab tu taiyaar rehna main khud tujhe lene aawongi. divya ko to is baat ki bilkul bhi umeed nahin thi ki wo preeti ki shadi mein uske gharwale usko jane ki izazat denge. par jo bhi ho divya ke dil mein bahut badi khushi ho rahi thi.
fir thodi deer ke baad preeti apne ghar chali jati hain aur udher divya bhi gehre vichar mein doob jati hain. aur kafi deer tak sochney ke bad uske dimag mein ek bahut hi mast idea aata hain jisko sochkar wo mann hi munn muskura utathi hain.
...........................................
udher aslam ka bhai salim dusare din aslam ke paas pahunch jata hain uske haath mein bhi kuch papers they. aur wo is samay bahut hi gussey mein dikayi de raha tha. thodi deer ke baad wo asalm ke darwaze par khada hota hain aur fir darwaza knock karta hain. aslam aakar darwaza kholta hain aur jab uski nazar salim par padti hain to wo hairat se usey dekhney lagta hain.
aslam- arey salim tu.. yahan kaise aana hua.???
salim ghar ke ander aata hain- bus aapse ek zaroori kaam tha isliye aapse milne aa gaya.
aslam- ammi aur abbu kaise hain. sab khairiyat to hain na.
salim- sab theek hain. fir salim wo papers asalm ko thama deta hain.
aslam- ye kaise papers hain salim. kya likha hain inmein.
salim- khud hi padh lo. aur padh kar neechay apna sign kar do.
aslam fir bade dhyaan se un papers ko padney lagta hain aur thode deer ke baad...................
asalm- ye sab kya hain salim. ye to property ke kagzaat hain aur aabu ne ye kaisi wasiyat banwayi hain. sab kuch tere naam kar diya aur mujhe ek phooti kaudi tak nahi di. aakhir main bhi to unka hi khoon hoon fir mere saath aisa na-insafi kis liye.
salim- wo sab main kuch nahin janta kal tak wo tujhe apna beta samajhtey they magar aaj bus unka ek hi beta hain aur wo hain salim. aapke liye ye aacha hoga ki aap in papers par chup chaap apne dastakwaat kar dein. aur humein chain aur sukoon se jeenay dein.
aslam- theek hain jab main tum sab ki nazreion mein murr hi gaya hoon to nahin chahiye mujhe ye daulat. mere paas jo bhi hain main isi mein khus hoon. fir aslam bina kis sawal jawab ke un papers par apna sign kar deta hain. salim ke chehre par khushi saaf dikhayi deti hain. aur wo mudkar apne ghar ki ore jane lagta hain.
aslam- bhai kum se kum itne door se aaye ho to mere ghar ka pani to peetey jawo. mujhe khushi hogi.
salim- lagta hai ki aapne in papers ko dhyaan se nahin padha. ismein ye bhi saaf saaf likha hain ki sulemaan urf abbu ka kewal ek hi aulaad hain aur wo hain salim yani ki main. jab main apne baap ka ek lauta beta hoon to tu mera bhai kaisa. aur main gairon ke yahan pani nahin peeta. aur salim itna kehkar jhat se bahar nikal jata hain.
asalm hairat se salim ko jata hua dekh raha tha. aaj uske paas koi shabdh nahin they ki wo salim ke baateion ka koi jawab de pata. aaj na chahtey hue bhi wo apne atteth mein kho gaya tha. apne beetay hue kal ko sochkar asalm ki aankhein bhar aati hain. aaj uske paas koi nahin tha na hi divya aur na hi uske gharwale. wo aaj bilkul tanhaa tha...........bilkul akela.
waqt apni raftaar se beet raha tha udher asalm ko divya ki judaai ka gum aur upar se uske gharwalon ki aisi berukhi. dukh to usey is baat ka tha ki aaj uske saath koi nahin tha jo wo kisi ko apna keh sake.
kareeb do din baad udher sanjay aur shivdayal salim ke ghar jate hain uske aabu se milney. aur jakar divya ki saari baateoin unhein batate hain. ye sab sunkar sulemaan bhi ek gehre vichar mein doob jata hain.
sulemaan- dekhiye maine to aab aslam se saaf nata tod diya hain. aab wo hum sab ke liye murr gaya hain. aapko to main yehi rai doonga ki aap jakar ye baat asalm se khud karein. aab sab kuch uske haath mein hain. aur court bhi uska kuch nahin bigad sakti. jab tak dono apni marzi se talak nahin chahengey duniya ki koi taqat unhein alag nahin kar sakti.
shivdayal- main aapke aage haath jodta hoon please meri beti ki zindagi aab aapke haathon mein hain. aap agar ye baat aap asalm se kahengey to shayad wo aapki baat nahin talega. main aapka ye ehsaan zindagi bhar nahin bhulonga. sulemaan kuch deer tak sochta hain fir wo asalm ke ghar jane ko taiyaar ho jata hain.
thode deer ke baad sulemaan , sanjay, salim aur shivdayal we log asalm ke ghar jate hain aur jab aslam un sab ko ek saath dekhta hain to uska maatha ghoom jata hain.
sulemaan- socha tha ki aab tere mooh dubara se kabhi nahin dekhunga magar main inke kehney par yahan aaya hoon. ye sab chahtey hain ki tu divya ko talak de de. aur uski zindagi se humesha humesha ke liye door chal ja.
aslam ko isi baat ka shak tha itna sunte hi wo gussey se bhadak jata hain- main nahin janta ki aab mera aapse koi ristha bhi hain magar divya ko main jeetay jee apne se alag nahin kar sakta. chahe uske liye mujhe kuch bhi kyon na karna padey. aap sab yahan se besak jaa sakte hain.
salim- dekh bahi jo hua jane de aur tu chup chaap in talak ke papers par sign kar de. hum iske baad kabhi tere darwaze par nahin aayengey.
asalm gussey se salim ko ghoorta hain- bhai...................do din pehle to tune hi mujhse sab rishta tod diya tha to aaj main tere bhai kab se ban gaya. tu bhi auron ki tarah kamina hain. main pehle bhi keh chuka hoon aur aab bhi keh raha hoon ki chup chaap aap sab yahan se chale jawo. main murr jawonga magar divya ko kabhi talak nahin doonga. duniya ki koi taqat ussey mujhe juda nahin kar sakti. aur ye mat samajhna ki tum divya ko mujhse door karke usko mujhse bacha logey. main to bus is liye chup hoon ki mujhe aaj bhi divya ka intezaar hain. aur jis din mera sabra toot gaya us din main divya ko tumhare ghar se aakar uska haath thamkar usey le jawonga. fir kar lena jo aap sab kar sakte hain. shayad aap sab ko iska jawab mil gaya hoga..aab aap sab yahan se jaa sakte hain................................
sulemaan- theek hai aslam agar tera yehi faisla hain to aab mera faisala bhi sunta jaa main bhi dekhta hoon ki tu kaise divya ko talaq nahin deta.
aslam- aab humare beech kuch reh hi nahi gaya to aapko koi haq nahin banta ki aab aap meri niji zindagi mein dakhal andazi karein. aur agar aapne divya ko mujhse alag karney ke baare mein bhi socha to main bhi apna maryaada bhool jawonga ki aap mere kuch lagte hain. aur aab aap sab yahan se ja sakte hain. sulemaan gussey se ghar ke bahar nikal jata hain saath mein sab uske peechay peechay nikal jate hain.
aslam ka mood kharab ho gaya tha aab usey poora yakeen ho gaya tha ki ye sablog divya ki zabardasti shadi kara rahe hain. aur aab divya musibat mein hain.
udher divya bhi har pal aslam ke intezaar mein uski raah dekh rahi thi. wo aachey se janti thi ki aslam wahan uske ghar kabhi nahin aayega magar uska dil is baat ko nahin maan raha tha. aise hi waqt beet raha tha aur aab aslam se divya ko door hue lagbhag ek mahiney beet chukey they. dusare din preeti uske ghar aati hain. preeti ko dekhkar divya ke chehre par khushi chalakney lagti hain. thodi deer idher udher ki baatein hoti hain fir preeti divya ko apne saath le jane ki zidd karti hain.
kahin na kahin sushma ,shivdayal aur sanjay ko is baat ka bhi durr tha ki kahin divya fir se us asalm ke paas na chali jaye magar preeti ki wajah se divya ke gharwale ye baat uspar jaahir nahin hone dena chahte they. aakhirkaar wo ghadi bhi aa gayi jab divya taiyaar hokar preeti ke saath apne ghar se nikalti hain.
sushma- dekh preeti main tere jimmedari par divya ko tere ghar bhej rahi hoon kahin koi aisi waisi baat ho gayi to aacha nahin hoga.
preeti- aap nischint rahe aunty main divya ka poora khyaal rakhungi aur bus ek haftey ki to baat hain fir main divya ko aapke ghar bhijwa dungi.
sushma- divya aab humare khandaan ki izzat tere haathon mein hain tu samajh rahi hain na mera kis taraf ishara hain. divya kuch nahin kehti aur bus apna sir jhuka kar preeti ke saath uske gadi mein baith jati hain. fir wo dono apni gadi se nikal jate hain.
preeti- yaar kuch to baat hain jo tu mujhse chupa rahi hain. bata na teri maa ne aisa kyon kaha ki tere ghar ki izzat tere haathon mein hain. kahin tujhe bhi kisi se love to nahin ho gaya aur kahin tu apne yaar se saath ghar se bhagney wali to nahin hain na.....
preeti ki baatein sunkar divya ke chehre par muskaan tair jati hain- sahi kaha meri jaan main to ghar se yehi sochkar nikali thi ki mujhe bhagna hain. aur aab tu mujhe bhagane mein meri madad karegi..
preeti hairat se divya ko dekney lagti hain- ye tu kya keh rahi hain. iska matlab tu ghar se bhagegi aur main teri madad karungi. nahin ye sab mujhse nahin hoga aur tere mummy papa agar mujhse ye sawal karenge ki tu kahan hain to main unhein kya jawab doongi.
divya- aakhir itne saalon ki dosti kab kaam aayegi kuch bhi bahana bana dena keh dena ki mera aashiq haath mein chaku lekar mujhe marney ki dhamki de raha tha.....wagerah ....wagerahh... aur waise bhi wo gangster hain sab ko teri baateion par yakeen ho jayega.
preeti- gangster.....main kuch samjhi nahin.??? tu shuru se bata mujhe. mujhe to full confusion ho raha hai poori baat bata mujhe fir main kuch sochungi.
divya shuru se saari baatein preeti ko batati chali jati hain- hey bhagwaan tu bhi ghazab ki ladki hain tujhe pyaar bhi hua to ek rapist se. aur teri kahani bhi bahut ajeeb hain. is duniya mein aur koi nahin mila tha tujhe. mila bhi to ek gangster. iam sorry divya main teri koi help nahin kar sakti.
divya- oh common preeti tu hi to kehti thi ki pyaar andha hota hain aur is duniya mein kab kisko kahan kissey pyaar ho jaye ye koi nahin janta. bus teri kahin hui baat ko maine practically proof kar diya. aur aab asal mere liye poora badal gaya hain. wo bhi mujhse bahut pyaar karta hain.
preeti- arey pyaar andha hota hain wo to samajh mein aata hai magar aadmi aandha nahin hota. ye sarasaar bewakufi hain. tujhe nahin dikha ki tu jissey dil laga rahi hain wo hi teri zindagi barbaad kar chuka hain. fir bhi tune usi ko pasand kiya. yaar teri love story to mere sir ke upar se jaa rahi hain. pata nahin aage tera anjaam kya hoga.
divya- ajnaam ko maar goli aur ye bata ki tu meri madad karegi ya nahin agar nahin to mujhe yahin par drop kar de main khud hi apne asalm ke paas chali jawongi.
preeti- chal tu bhi kya yaad karegi ki kissey pala pada tha. chal aab nakhrey mut kar aur aab mere ghar chal wahin jakar sochengey ki kya karna hain.
preeti ki baateion ko sunkar divya dheere se muskura deti hain aur jawab mein preeti bhi muskura deti hain.
thodi deer ke baad wo dono preeti ke ghar pahunch jate hain. ghar mein shadi ka mahool ki wajah se kaafi mehmaan aaye hue they. thodi deer tak divya bhi jakar sabhi risteydaron se milti hain fir thoda free hokar preeti ko lekar ek seprate room mein aati hain.
divya- dekh shaam ho gayi hai aur aaj raat main yahan se bhagney wali hoon bus mujhe kuch paison ka intezam kar de fir hum kal ye sehar chodh denge.
preeti bole bhi to kya wo bus haan mein ishara kar deti hain fir jakar apne kaam mein vyast ho jati hain. kareeb 9 baje preeti divya ke paas aati hain.
preeti- divya ye rakh le 10,000 rs. tere kaam aayenge. aur agar zaroorat padey to mujhse be-jhijak maang lena. aur haan tu taiyaar rehna main mauka dekhkar hum aabhi yahan se nikalte hain.
divya- preeti kya tu bhi mere saath bhagney wali hai???? divya muskurate hue poochti hain.
preeti- ek doongi kaan ke neechay. main tere jaise bigadi nahin hoon aur main shareef khandan se hoon aur itni raat ko kya tu akeke jayegi kahin tujhe kuch ho gaya to isliye main tujhe wahan tak chodh doongi.
divya- yaar ek baar pyar kar ke dekh tu bhi meri jaisi expert ho jayegi. fir thodi deer ke baad wo dono preeti ki car se aslam ke ghar ki ore chal dete hain. divya ke dil mein ek taraf thodi ghabrahat ho rahi thi to dusari taraf khushi thi. kareeb 10.30 baje divya aslam ke ghar ke paas pahunch jati hain. raasta is waqt poora sunsaan tha. aur bahar koi bhi dikhayi nahin de raha tha. fir preeti usko bye bolkar apne ghar ki ore nikal padti hain. divya haath mein apna bag liye hue apne ghar ki chaukhath ke paas aati hain aur fir darwaze par dastak deti hain.
darwaze ki dastak se asalm ki neend khulti hain. wo bhi sochney lagti hain ki itani raat ko kaun aa sakta hain. wo bhi jakar darwaza kholta hain is waqt wo bhi neend mein tha. jab uski nazar samney divya par padti hain to wo fati hui aankhon se usey dekhney lagta hain. fir apne aankhon ko malta hain aur fir se divya ki ore dekhney lagta hain. usey to bilkul vishwaas nahin ho raha tha ki divya is waqt ussey paas khadi hain. divya jab asalm ko dekhti hain to wo bag wahi chodh kar turant aslam ke gale lag jati hai aur fir uske galon ko choomney lagti hain. aslam bhi hakka bakka sa divya ko apne se lipta hua dekhkar stabdh reh jata hain.
aslam- di............v........yaa............tu...tum???? is waqt yahan????
divya- kuch mat poocho asalm bus mujhe tumhari dhadkanon ko sunney do. mujhe tum apne aagosh mein rehney do. mujhe is waqt tumhari baahon mein apne aap ko mehsoos karne do. aslam bhi jhat se divya ko apne aur kareeb se bheech leta hai aur uske sir par bade pyaar se apne haath firane lagta hain. udher divya ke aankon mein bhi khushi ke aansoon chalak padey they aur idher aslam bhi ro raha tha. aaj inke beech dooriyan ki wajah se aaj inka pyaar aur gehraa ho gaya tha. aise hi na jane kitne deer tak wo dono ek dusare ki baahon mein liptey rehte hain aur aslam bade pyaar se divya ko aise hi apni baahon mein sametey rehta hain.
asalm- divya bus karo jaan kab tak aisi hi roti rahogi. tum kya jano main bhi tumhare liye kitana tadpaa hoon. har pal tumhare liye mur mur ka jiya hoon. aisa lag raha tha jaise ek mahine poore 100 saal barabar ho.
divya- kuch mut kaho asalm bus mujhe aise hi apne seenay se lagakar rakho aab main nahin chahti ki aab humare beech koi dooriyan aayein. i love yo aslam............love you.
aslam bhi divya se thoda door hota hain aur apne haathon se uske behtey hue aansoon ko poochta hain- tumhein kya pata divya tumse juda rehkar main bhi kitna tadpaa hoon. i love you too........divya. aab hum kabhi ek dusare se juda nahin honge.
aslam- jo hua aacha hua jaan..... agar humare beech ye dooriyan nahin hoti to aaj humare beech ye tadap aur ye beetabi ka humein kaise pata chalta. aaj in dooriyon ki wajah se hi to aaj humara pyaar aur gehra hua hain. main aab tumhein kabhi aapne aap se pal bhar ke liye juda nahin karoonga.. fir aslam divya ko apne seenay se laga leta hain aur na jane kitne deer tak wo dono ek dusare ki baahon mein khoye rehtey hain...........................................
aslam- lekin divya tum itni raat ko ...........kaise????
divya ek nazar aslam ki aankhon mein dekhti hain fir haule se muskura deti hain- ghar se bhag kar aa rahi hoon tumhare khatir.
asalm hairat se divya ko dekney lagta hain- magar kyon ????
divya- tum to aanse se rahe. is liye maine socha ki aab jo kuch karna hoga mujhe hi karna hoga. mere gharwale mujhe ek kamrey mein band kar rakhey they aur wo meri shadi zabardasti sameer ke saath karwane wale they wo to sukra hain preeti ka jo usney meri sahi samay par madad ki aur aab main tumhare paas...................
aslam- shak to mujhe pehle se tha ki wo log tum par sitam dhaa rahe honge khair aab to upar wala bhi aab humare saath hain.
divya- kitani royi hoon main tumhare khatir tumhein kya maloom har pal har ghadi tumhare liye bechain rahi hoon. kya tum bhi.............
aslam- haan divya main bhi har pal tumhare liye mur mur kar jiya hoon. tumhein har pal har ghadi yaad kiya hain maine. fir asalm aage badhkar divya ko fir se apne seenay se laga leta hain. kaafi deer tak wo dono ek dusare se aise hi liptey rehtey hain. ek dusare ki aankon mein wo dono lagbhag khoye rehte hain. fir divya aslam se thodi door hoti hain aur jakar apna saman ander lati hain aur darwaza band karke kitchen mein jati hai. fir khana banane ke baad wo dono aaj pehli baar ek hi thali mein ek dusare ko bade pyaar se khana khilate hain. apne haathon se divya bade pyaar se aslam ko khana khila rahi thi wahin asalm bhi divya ko khana khila raha tha. khana khnae ke baad divya apne jagah par sone chali jati hai to aslam usey wahan soney se mana kar deta hain..
aslam- nahin divya aaj se tumhari jagah waha nahin yahan hain mere bed par. aur aaj ke baad tum mere paas mere saath sowogi. hum dono aaj ke baad ek saath ek hi bister par soyengey. agar tumhein bura na lage to.......
divya- nahin aslam tumne mere dil mein jo ghaav diye hain shayad wo aabhi puri tarah se bharey nahin hain aabhi mujhe aur samay chahiye. aur in sab cheezon ke liye main aabhi taiyaar nahin hoon. mujhe maaf kar do aslam ye mujhse nahin ho payega magar main tumse vaada zaroor karti hoon ki main ek din patni ka farz zaroor nibhungi aur ek din ek aachi patni banungi. magar aabhi wo waqt nahin aaya hain.
aslam fir se divya ke kareeb aata hain aur bade pyaar se divya ke samney apne dono haath jodkar khada ho jata hain- maafi ke layak to main nahin hoon divya. mujhe nahin maloom tha ki maine jo tumhein jakhm diye hain uskey wajah se tumhare dil mein jo ghaav hue hain wo kabhi nahin mit saknegey. in sab ka gunehgaar main hoon. magar jab dard maine diya hain to uski dawa bhi main hi karunga.
divya aslam ke dono haathon ko apne haath mein le leti hain aur bade pyaar se usey choom leti hain- bus aslam..... bus ........aab mujhe rulaoyegey kya??? aur fir se divya aslam se lipat kar roney lagti hain. mujhe apne aap se aab kabhi juda mat karna. ek baar to main toot chuki hoon aab agar dubara mera dil toot gaya to shayad main jee nahin pawongi. divya ki aankhon mein is waqt aansoon they aur aslam ka bhi aankh bhar aata hain. fir wo divya ko bade pyaar se apne bister par biatha deta hain aur apne honth divya ke honton par rakh kar usey bade pyaar se choom leta hain. divya bhi aslam ke sir par apne haath rakh deti hain aur wo bhi apni aankhein band karke aslam ke honton ko bade pyaar se choosney lagti hain. aaj inke milan se aisa lag raha tha jaise do premi kitne arse baad mile ho.
is waqt divya ki aankhein band thi magar aansoon aabhi bhi beh rahey the kuch waisa hi haal aslam ka bhi tha. wo aab puri tarah se divya mein doobna chahta tha magar apni maryada mein rehkar. wo divya ke saath jismani sambhandh nahin banana chahta tha aur na hi usney divya ko kabhi iskey liye force kiya tha. shayad us ghatna ke baad uska dil in sab cheezon se hut gaya tha idher divya aabhi bhi aslam mein khoyi hui thi tabhi aslam divya ke honton se apna honth hata leta hain divya jhat se apni aankhein khol leti hain.
aslam ke aise hatney se divya chaunk jati hain- kya hua aslam mujhse koi khata ho gayi kya???
aslam- nahin divya bus humien aapne dayre mein rehna chahiye. aab mujhe lagta hain ki hum apni hadd se bahar jaa rahe hain. aslam ki aisi baateion ko sunkar divya dheere se muskura deti hain. chalo kum se kum aaj apni maryaada ka to tumhein khyaal hain. chalo aab soney chalte hain mujhe bahut zoron ki neend aa rahi hain. fir divya apne bister par jakar so jati hain magar aaj aslam ko aaj ki raat neend kahan aane wali thi shayad khushi ki wajah se ya yu divya ka uspar pyaar barsana usey to mano aaj jaanat mil gayi thi. aaj usey ehsaas ho gaya tha ki pyaar kya hota hain. shayad isi do pal ki khushi ke liye to do premi puri zindagi bhar ek dusare ke sahare jee lete hain juda hokar bhi.
aslam bister par jata hain aur wo baar baar divya ko bade pyaar se dekh raha tha. aaj uske dil aur dimag mein kewal ye hi sawal uth rahe they ki....................ye pyaar hain kya cheez..aaj usey sab kuch aacha lagney laga tha. aaj tak usey kabhi kisi ka pyaar nahin mila tha is wajah se wo aaj tak samajh nahin paya tha ki pyaar kya hota hain. udher divya ki aankhon mein bhi neend kahan thi wo bhi baar baar aslam ko dekh rahi thi wo bhi aaj bahut khus thi. thodi deer ke baad divya ki aankh lag jati hain aur aslam bhi so jata hain.
subeh jab aslam ki aankh khulti hain to divya aabhi bhi bister par soyi hui thi. aslam uthatha hain aur wahin rakha ek chadar divya ko odha deta hain fir wo divya ke paas jata hain aur uska maatha choom leta hain. tabhi divya ki aankhein khul jati hain. wo bhi muskura deti hain. fir thode deer ke baad wo fresh hoti hain aur kitchen mein jakar kaam karney lagti hain tabhi aslam uske paas aata hain aur wahin divya ke paas khada ho jata hain.
divya ek nazar aslam ko dekhti hain fir wo bhi haule se muskura deti hain- aslam mujhe tumse ek bahut zaroori baat karni hain.
aslam- kya baat hain divya bolo.
divya- hum ye sehar chodh dete hain. mera dil bahut ghabraa raha hain pata nahin agar mere gharwalon ko ye baat pata lag gayi to pata nahin wo log kya karengey aur fir se humein alag karney ki koshish karengey. main aab tumse door nahin reh sakti. le chalo mujhe is duniya se kahin door jahan ye sab humhein kabhi dhoond na paayein. aur bus wahan bus humdono ke siwa aur koi na ho.
aslam- nahin divya tum chinta mat karo wo log humara kuch nahin bigad paayengey. aur waise bhi hum kanoonan pati patni hain. duniya ki koi taqat humien alag nahin kar sakti. bharosa hain na mujhpar dekh lena ek din sab kuch theek ho jayega....
divya- aab sab kuch maine tum par chodh diya hain chahe tum mujhe jaisa rakhoge main waise rahoongi. magar aab main judaai nahi seh sakti. fir se divya aslam ke seenay se lipat jati hain. aslam bhi divya ko apne seenay se laga leta hain aur bade pyaar se uske balon par apne haath firane lagta hain.
aslam- mere jeetey jee tumko mujhse aab koi alag nahin kar sakta. bharosa hain na mujhpar.
divya- apni aap se jyada. fir wo dono na jane kitne deer tak ek dusare mein khoye rehte hain..
------------------------------
idher sanjay ke mann mein divya ko lekar kai tarah ke sawal uth rahe they. usey durr tha ki kahin wo aslam ke paas na chali jaye magar usey kya maloom tha ki divya asalm ke paas jaa chuki hain. tabhi uske mann mein kya khyaal aata hain aur wo divya ke room mein jata hain aur jakar uske room ki ek ek cheez bade gaur se dekhney lagta hain aur uske mann mein jo durr tha wo usey haqiqaat mein badal jati hai jab uski nazar wahin drawar ke paas rakhe ek chote se note par padti hain. wo turant us kagaz ke tukdey ko uthata hain aur fir padney lagta hain.
jab wo poora padh leta hain to wo gussey se bauklaa jata hain divya ne saaf saaf usmein likha tha ki wo aab apne aslam ke pass ja rahi hain ussey dubara khojney ki koshish mat karna......wo gussey se us kagaz ke tukdey ko wahi masal deta hain. sanjay ka is tarah gussa is baat ka tay tha ki wo aab zaroor kuch na kuch aisa zaroor karega ki asalm aur divya alag ho jaye magar kya ??? ye to aane wala waqt hi batane wala tha.............................................
sanjay ke chehre par pareshani saaf chalak rahi thi jisey shivdayal asani se padh leta hain. wo bade gaur se sanjay ko dekhney lagta hain.
shivdayal- kya baat hain beta. tumhare chehre par mujhe chinta ki lakhreein saaf dikhayi de rahi hain. kya baat hain iske peechay koi wajah???
sanjay- papa samajh mein nahi aata ki aapko main kis mooh se ye baat kahun ki divya...................
shivdayal- kya hua sanjay divya ko.......
sanjay- wahi hua jiska humein durr tha. wo us kaminey ke pass chali gayi hain. ye dekhiye usney is note mein saaf saaf likha hua hain ki mujhe dubara khojney ki koshish mut kijiyega. aur itna kehkar sanjay wo kagaz ka tukda shivdayal ko thama deta hain.
shivdayal fir us note ko padta hain aur fir gussey se bauklaa jata hain- pata nahin ye ladki aakhir kya chahti hain. na jane us kaminey ne usey un do mahiney mein kya patti pada diya hain. meri to bilkul samajh mein nahi aata ki is ladki ka main kya karun. rahi sahi jo humari samaz mein izzat hain aab wo bhi ye ladki barbaad karney par tuli hui hain. jee to karta hain ki divya ko apne hi in haathon se gala ghont doon. shivdayal apne daant peestay hue bola.
sanjay- aap chinta na kare papa main divya ko kisi bhi haal mein yahan par lekar aawonga. aur us kaminey ko aab ki baar jail zaroor bhijwaunga. aur fir sanjay tezi se ghar ke bahar nikal jata hain. shivdayal hairat se sanjay ko jata hua dekh raha tha usey to kuch samajh mein nahin aa raha tha ki wo kya faisla karein.
kareeb 2 ghante ke baad sanjay police ke saath aslam ke ghar par pahunchta hain. aur jakar darwaza khatkhata hain. thode deer ke baad aslam darwaza kholta hain. aur jab uski nazar sanjay par padti hain to wo kuch kehta nahin aur chup chaap apni nazrein neechi jhuka leta hain..
sanjay- main poochta hoon divya kahan hain. chup kyon hain kaminey meri baateion ka jawab de sanjay aslam ka collar pakadtey hue bola. tabhi ander se divya bhi wahan par aa jati hain aur jab sanjay ki nazar divya par padti hain to wo aslam ka collar chodh deta hain aur divya ke paas chala jata hain.
divya- bhaiya aap is waqt........... yahan par???
sanjay ka ek karara thappad divya ke gal par padta hain aur divya ke gaal par sanjay ke paanchon ungliyan chaap jati hain. uski aankhon se aansoon chalak padtey hain. divya apni nazrein neechay jhuka leti hain....
sanjay- kya kahun divya main tujhe... aaj mere paas koi shabdh nahin hain tujhse baat karney ke liye. sharam nahin aayi tujhe zara bhi ki tu aaj ghar chodh kar is kaminey ke paas dubara chali aayi. aab main dekhta hoon ki tu kaise ghar nahin jati aur aaj is kamine ko main jail zaroor bhijwaunga. inspector saheb dekh kya rahein hain giraftaar kar lijiye is kamine ko sanjay police walon ki ore ishara kartey hue bola.
tabhi wo dono police wale aslam ki ore badhtey hain isi beech asalm ek nazar divya ki ore dekhta hain fir sanjay ki ore dekney lagta hain- ruk jaiye inspector saheb. aakhir aap mujhe kis jurm mein giraftaar karney aayein hain. aakhir mera kasoor kya hain aur maine kiya kya hain??
sanjay- tune hi meri behan ko bhadkaya hain usey ghar se bhagane mein iskey peechay tera hi haath hain. aaj teri hi wajah se wo hum sab ko chodh kar tere jaise neech aadmi ke paas aayi hain. main aachey se janta hoon ki tere liye ye sab karna koi badi baat nahin hain. tu aakhir kisi ka bhala to kar hi nahin sakta.
aslam- nahin saheb maine divya ko nahin bhadkaya hain divya khud mere paas apni marzi se aayi hain. agar yakeen nahin hota to aap khud hi divya se pooch lijiye. aur waise bhi aab divya meri biwi hain aur apni hi biwi ko koi bhala bhagata hain kya???? aur rahi baat to kisi bhi ladki ki shadi ke baad uska mayka nahin balki sasuraal uska apna ghar hota hain. aur ye baat aap bhi aachey se jante hain. agar meri baat jhooti hain to aap khud hi divya se pooch lijiye. agar divya kahegi ki maine usko ghar se bhagaya hain to main aapke saath beshak chalney ko taiyaar hoon.
aslam ki baateion ko sunkar inspector bhi kuch deer sochney lagta hain fir wo divya ke paas jata hain- aslam jo keh raha hain kya wo sach hain. kya tum yahan khud apni marzi se aayi ho.
divya ek nazar asalm ki ore dekhti hain fir wo sanjay ki ore dekhney lagti hain- haan inspector saheb asalm sahi keh raha hain main khud apni marzi se yahan aayi hoon aur mera ghar se bhagney ke peechay ye wajah hain ki mere gharwale meri shadhi dubara se kahin aur karna chahtey hain. isliye mujhe ye kadam uthana pada. ismein asalm ka koi dosh nahin hain. divya ki aisi baateoin ko sunkar sanjay gussey se bhadak jata hai aur fir se apna haath divya par utha deta hain.
sanjay- sharam aati hain tujhe aab apni behan kehtey hue. aaj humare beech barson ka pyaar ko tuney ek hi pal mein khatam kar diya. ye bhi nahin socha ki mera tujhse kya rista hain. aaj is kaminey ke wajah se tu apnon ke khilaaf ho gayi. aaj teri wajah se mujhe iske aage jhukna pada. aaj ke baad yu samajh le ki aab tujhse humara koi nata nahin hain. murr gayi hain tu aaj ke baad hum sab ke liye. kaash usi din main tera gala ghont diya hota jis din tera rape hua tha. kum se kum mujhe aaj ye sab to nahin dekhna padta. khair..........bus itna hi kahunga jaisi rehna khus rehna aur aab aaj ke baad kabhi humari zindagi mein aane ki dakhalandazi mut karna. aab mujh mein itani taqat nahin hain ki main tujhse aage koi rista nibha pawonga. aur ho sake to tu hum sab ko bhool jana is mein teri bhalai hain. aur itna kehkar sanjay tezi se inspector ke saath bahar nikal jata hain.
divya wahin foot foot kar roney lagti hain .........hey bhagwaan ye sab se aacha hota ki mujhe maut aa jati. aaj mujhe koi samajhney wala nahin hain aaj main in sab ke liye bojh ban gayi hoon. sach hain ye duniya bahut buri hain. yahan par humein sapney dekhney ka bhi koi haq nahin hain. aaj sab kuch hokar bhi humse aazadi cheen li gayi hain. agar isi ko zindagi kehtey hain to nahin chahiye mujhe aisi zindagi.............nahin chahiye.....aur divya wahin jameen par foot foot kar roney lagti hain. asalm uske paas jata hain aur bade pyaar se usko apne haathon se sahara deta hain aur jhar se divya ko apne seenay se laga leta hain. aur bade pyar se uske sir par apne haath firata hain...
aslam- nahin divya please main aab tumhari aankhon mein aansoon nahin dekh sakta. jo hua wo theek nahin hua. aur in sab mein tumara koi dosh nahin hain. aaj meri wajah se ye sab hua hain in sab ka jimmedaar main hoon. na hi main tumre saath wo paap karta aur na hi aaj ye sab humein dekhna padta. aaj fir se na chahtey hue bhi asalm ki aankhon mein aansoon aa gaye they. wo to kuch issey zyada bol nahin pata aur divya se lipatkar roney lagta hain. aaj fir se dono ki aankhon mein aansoon they....
kisi ne sach hi kaha hain ki ek pal pyaar mein jo khushi milti hain uske badley insaan puri zindagi gum ke sahare beeta leta hain agar pyaar mein dard nahin hota to fir us pyaar ka ehsas kaise hota. pata nahin aslam aur divya ka ye safar un dono ko kahan tak le jayega ye to aane wala waqt ke haaton tay tha.............................................................
______________________________
Update-28
------------
aise hi na jane kitne deer tak divya aslam ke kandhon par apna sir rakhkar roti rehti hain. thodi deer ke baad aslam divya ke aankhon se behta huwa aansoon pochta hain aur bahar jakar uske liye kuch nasta wagerah lekar aata hai.
aslam- divya ye nasta kar lo tumney subeh se kuch nahin khaya hain. aur dekho apne aap ko ro ro kar kya halat bana rakhi hain.
divya- mujhe bhook nahin hain. please mujhe kuch der ke liye akela chodh do. main kuch deer ke liye akeley rehna chahti hoon. aslam bhi kuch nahin kehta aur wo bhi jhat se bahar nikal jata hain. aaj usey sabse jyada divya ki chinta thi. usey to kuch samajh mein nahin aa raha tha ki wo kya kare.
udher jab sanjay apne ghar pahunchta hain to wo is samay gussey se choor tha. aaj divya ki wajah se usey itani badi shikast mili thi. tabhi sushma uske paas aati hain aur uske kandhey par apna haath rakh kar usey hausla deti hain..
sushma- main janti hoon beta aaj divya ne jo kuch kiya theek nahin kiya. aur aaj ke baad wo hum sab ke liye murr gayi hain. mera to aaj ke baad ek hi beta hain aur wo tu hain. aaj usney hum sab ke mooh par fir se kaalikh poti hain. agar is samay divya mere paas hoti to main sach mein inhi haathon se uska gala ghont deti.
shivdayal- hum to aab kuch kar bhi nahin saktey. waise bhi uski shaadi legal hain aur bina undono ki marzi ke hum divorce nahin karwa saktey. khair aab divya ko bhool jane mein hi hum sab ki bhalai hain...
sanjay- to aab main sameer ko is shadi ke liye mana kar deta hoon. aab kya fayda.. fir sanjay phone karke wo shadi ke liye sameer ko mana kar deta hain..phone par sameer ne sanjay ko bahut ulta seedha kaha magar sanjay chup chaap sameer ki saari baatein sunkar wo zehar ka ghoot pee leta hain..
waqt tezi se beet raha tha. udher aslam aur divya ka pyaar gehra aur gehra hota ja raha tha. aab tak aslam aur divya ko ek saath rahtey poora ek mahina beet gaya tha. divya aab bahut khush thi. magar aabhi bhi unke beech jismani sambandh nahin bana tha. shayad aslam ko aab in sab cheezon mein koi dilchapi nahin reh gayi thi. aise hi ek din aslam divya ke saath market ja raha tha aur wahin thode door par wo kabir ke aaney ka intezaar kar raha tha tabhi bhiku ke kuch aadmi ki nigaah aslam par padti hain. wo to kab se maukey ki talash mein they ki aslam se iska badla liya jaye.. aaj unhein sunehra mauka mil gaya tha. kareeb 4 shaksh uske paas aate hain aur aslam aur divya ko charon taraf se gher lete hain.
pehla- aaj kitne dinon ke baad tu humare haath aaya hain ........harami kahin ka. humare boss ko aab tak koma mein pahuncha kar bade sukoon se apni janemaan ke saath ishq lada raha hain. aaj tujhse ek ek ka hisaab lengey.
aslam- dekho bhai maine ye sab aab chodh diya hai. aab main sharafat ki zindagi gujar basar kar raha hoon. main manta hoon ki mujhse galti hui hain par aab main tumse koi dushmani nahin rakhna chahta..aur jo hua uske liye main tum sab se maafi mangta hoon..
dusara- ha hah hahh...... sharafaat ki zindagi.....arey tujhe pata bhi hain ki sharafat kis chidiya ka naam hain?? rehne de aslam ye sab baatein tere mooh se aachi nahin lagti. aur waise bhi hum aaj apne boss ka badla tujhse nahin lene aaye hain balki ye to humare naye boss ka hukum hai ki tujhe thoda sabak sikhana hain..
aslam- naya boss ........ kaun hain wo aur bhala mujhse uski kya dushmani ho sakti hain. kahin wo bhiku ka koi kareebi to nahin hain na..
dusara- bhiku ka to nahin par tera karibi zaroor hain aur usi ka aadesh hain ki teri aachi se sewa kiya jaye aur itna kehtey hi wo shaksh ek zor ka laat aslam ke pet par maar deta hain. aslam wahin dard se baith jata hain. ye sab dekhkar divya zor se chikh padti hain...
divya- main ye to nahin janti ki tum sab kaun ho aur mere aslam se tumhari kya dushmani hain. par main tum sab se haath jodkar bheekh mangti hoon ki please mere aslam ko chodh do.. aab wo sach mein badal gaya hain.. aab wo kabhi tum sab ki nizi zindagi mein dakhal andazi nahin karega....bhagwaan ke liye humein jane do..
tabhi teesara banda divya ke paas aata hain aur divya ke balon ko kaskar pakadkar apne mutthi mein bheech leta hai. divya ke mooh se ek zordaar siskari nikal padti hain- kya baat hain tu uski tarafdaari kar rahi hain. shayad tu bhool rahi hain ki ek din yehi aadmi ne tera rape kiya tha. aur aaj uski jaan ki bheekh maang rahi hain. waahh........re kismat....yaar pyaar to sach mein andha hota hain aaj maine dekh bhi liya. lagta hain tujhe issey ishq ho gaya hain..
divya kuch nahin kehti aur apni nazrein neechi kar leti hain tabhi wo aadmi divya ke gal par kaskar ek thaapad jad deta hain. divya ke aankhon se aansoon nikal padtey hain. ye sab dekhkar aslam gussey se chikh padta hain..
aslam- chodh de bhima divya ko....... teri dushmani mujhse hain. tu divya ko kyon beech mein ghaseet raha hain. mujhe mazboor mut kar dubara mujhe fir se wahin asalm baaney ke liye. yaad rakh bhima maine hathiyar uthana chodha hain chalana nahin bhoola hoon...
tabhi chautha aadmi aata hain aur kas kar aslam ke gal par ek ghoosa jad deta hain- harami kahin ka... aaj tujhe hum batayengey ki humse dushmani ka kya anjaam hota hain. fir sabhi aadmi apne haaathon mein hockey stick utha lete hain aur ek ek kar asalm ko marna shuru kar dete hain. aslam bina haath uhtaye unke maar chup chaap sehta rehta hain. aur idher divya zor zor se roney lagti hain. kareeb 10 ,15 hockey ki maar khane ke baad asalm wahin farsh par behosh hokar dham se gir padta hain. tabhi wahan par kabir aa jata hain. kabir ko dekhtey hi bhiku ke aadmi turant wahan se nikal jate hain. divya ka ro ro kar bura haal tha. wo bus yehi chikh chikh kar sab se keh rahi thi ki mere aslam ko bacho lo... wahan par kaafi bheed jama ho chuki thi magar aslam ko bachaney koi aagey nahin aaya.
kabir uske paas aata hain aslam aabhi bhi khoon se lathpat wahin farsh par behosh pada tha. uske haath pair aur sir se aabhi bhi khoon beh raha tha. kabir jaldi se ek auto book karta hain aur jhat se usey hospital le jata hain. pehle doctor to saaf inkaar kar dete hain magar kabir ki aachi pahunch thi wo turant call karta hain aur kisi aadhikari se us doctor se baat karwata hain. kuch deer mein doctor uska ilaaz shuru kar deta hain.. divya ki aankhon se aabh bhi aansoon nahin ruk rahein they.. thode deer ke baad aslam ko hosh aata hain aur wo apne samney divya aur kabir ko paata hain. uske haath pair aur sir par kai jagah gehre jakhm they..
divya apna haath aslam ke haathon mein lekar usey choom leti hain- aakhir kyon kiya tumne aisa. tum unhein maar saktey they. fir kyon unke aage chup chaap maar khatey rahein. aakhir aab kya jatana chahtey ho tum?? kya tumhein mere pyaar ne kamzor bana diya hain?? jawab do mujhe??
aslam- nahin divya main tumhein rota hua nahin dekh sakta. aur kaise main un par apna haath uthatha. yaad hain na maine tumhari kasam li thi ki aab main kabhi kisi par apna haath nahin uthawonga. fir kaise main apna kasam todta. mujhe maar khana manzoor tha magar apni jaan ki nazreion mein girna mujhe bilkul ganwara nahin..aslam ki aisi baatein sunkar divya jhat se aslam ko apne seenay se laga leti hain aur foot foot kar roney lagti hain.. mujhe nahin pata tha ki tum bus meri kasam ki laaj rakh rahe ho. agar mujhe pata hota ki tumhare saath aisa kabhi hota to main kabhi apna kasam nahi deti...kyon tum mujhse itaani mohabaat karte ho asalm..........kyon??? aaj isi mohabaat ki wajah se to aaj humse sabhi log khafa hain...aaj humari ye mohaabaat hi humari dushman ban gayi hain aab to lagta hain ki humara ek saath rehna bhi uppar wale ko aab ganwara nahin................................................
kabir- theek hain aslam tu apna dhyaan rakhna aab main chalta hoon. mujhe aur bhi kuch kaam hain. thoda theek ho ja fir aaram se baith kar baatein karengey..itna kehkar kabir hospital se bahar nikal jata hain..
do din baad aslam hospital se discharge hokar apne ghar jata hain. uska kharch lagbhag 10 hazaar ke aas paas aaya tha. divya apne hathon ka kangan bech kar wo hospital ka fees bharti hain aur uski dawai ka poora kharch uthati hain. do din mein asalm is haalat kafi sudher gayi thi. magar sabse jyada uske haathon mein chot aayi thi.
aslam- ek baat poochon divya bura to nahin manogi...
divya- kya baat hain bolo...
aslam- tumhare paas itne paisey kahan se aayein ki tumne meri fees bhari hain..
aslma ki baateoin se divya dheere se muskura deti hain- maine apne haathon ke kangan bech diya.. bus usi ko bechkar tumhare ilaaz aur hospital ki fees bhari hain..
aslam divya ki baateion se chaunk kar divya ke sooney haathon ko dekhney lagta hai- tumne ye kya kiya divya... mere liye apne soney ke kangan bech diye.. bhala ye sab karney ki kya zaroorat thi..
divya- mere liye in kanganon se jyada tum pyaare ho. baad mein bhi ye kangan aa saktey hain magar main aab tumhein khona nahin chahti..
aslam bade pyaar se divya ko dekh raha tha aur aaj khushi ke maare uski aankhon mein aansoon they wo turant divya ko apne seenay se laga leta hain... mujhe nahin maloom tha ki koi mujh jaise insaan se bhi koi itana pyaar kar sakta hain.. kal tak sab log mujhse nafrat karte they...magar aaj aisa lagta hain ki aab koi hai jo mera apna hain jo aab meri parwaah karta hain.
divya jhat se aslam ke gale se lag jati hain aur uske labon ko pyaar se choom leti hain- chalo aaj kal bahut baatein karney lage ho..fir divya jakar khana lekar aati hain aur aslam ko bade pyar se apne haathon se khilati hain. aaj usey wo jakhm bhi us pyaar ke aage bilkul feekay lag rahein they...
kareeb ek haftey ke baad aslam poori tarah se theek ho jata hain. ye sab divya ke pyaar aur sewa ka natiza tha.
shaam ko aslam market jata hain aur kuch paison se divya ke liye ek aachi si saadi lekar aata hain..
aslam- apni aankhein band karo divya main tumhein kuch dena chahta hoon. divya sawal bhare nazreion se aslam ko dekney lagti hain magar chup chaap apni aankhein band kar leti hain..
aslam apne haathon ko aage badhakar divya ke haathon mein wo saadi rakh deta hain aur divya ko aankein kholney ko kehta hain. divya jhat se aapni aankhein khol leti hain..
divya- ye sab kya hain aslam. ye sab kharidney ki kya zaroorat thi.. main isi mein khus hoon. mujhe ye sab nahin chahiya..
aslam- inkaar mat karo divya maine bade pyaar se isey tumhare liye kharida hain..agar mana kar dogi to mera dil toot jayega..aslam ki baateion se divya muskura deti hain aur jhat se uske seenay se lag jati hain..tum nahin suderogey...
aslam- mujhe aab sudharna bhi nahin hain divya.. main jaisa hoon theek hoon kum se kum mujh jaise bigadey se koi to pyaar karta hain.
divya- to theek hain aaj main bhi tumhare saath bigadna chahti hoon. aaj mujhe bhi apne jaisa banney do..
aslam- matlab.... main kuch samjha nahin divya tum kya kehna chahti ho..
divya- aaj main tumhari poori patni banna chahti hoon.. jo dooriyan aab humare beech thi aab main wo saare fasley mitana chahti hoon. main nahin chahti ki humare beech aab koi dooriyan rahein..aaj main chahti hoon ki tum mujhe itna pyaar karo ki main aaj sab kuch bhool jawon. bus mujhe aaj poori tarah se apna bana lo. i love you..aslam..
aslam jhat se divya se door hat jata hain aur apni nazrein neechi kar leta hain- nahin divya aab mujhse ye sab nahin hoga. ye paap aab main dubara nahin kar sakta..ho sake to mujhe maaf kar do magar mujhe ye sab karne ko mat kaho..
divya- nahin aslam tum mujhe galat samajh rahe ho.. aakhir meri bhi kuch zarooratein hain. mere bhi kuch armaan hain sapney hain. kya tum ye nahin chahtey ki main ek aachi patni ka farz nibhaun. aaj mujhe mat roko aslam bus aaj mujhe tann mann se mujhe poora apna bana lo.. mujhe tumhara pyaar chahiye aslam mujhe bus pyaar karo......bus pyaar...taki humare beech aaj koi dooriyan na reh jayein..
aslam jhat se divya ke seenay se lag jata hain aur bade pyaar se apne honton ko divya ke honton par rakhkar usey haule haule choosney lagta hain. dono ki sansein bahut tezz chal rahi thi. aur saath hi saath dhadkanein bhi baht tezi se dhadak rahein they.. is waqt na aslam kuch keh raha tha aur na hi divya. bus dono ek dusare ki aankhon mein bade pyaar se dekh rahein they...aaj wo saari duniya bhool kar ek dusare mein khoye hue they. divya ke chehrey par sharam saaf nazar aa rahi thi..
divya- aslam aise kya dekh rahe ho aslam.. kya tumne mujhe pehle nahin dekha jo aaj itne gaur se dekh rahe ho. tumhare aise dekhney se mujhe sharam aati hain..
aslam- dekh raha hoon ki sach mein tum bahut khubsoorat ho. aur tum jaisi ladki ka agar mera saath ho to wo insaaf duniya ka sabse khusnaseeb hoga. aaj mujhe aapne aap par garv ho raha hain..
divya- aab aise hi dekhtey rahogey ya mujhe pyaar bhi karogey..
aslam- sach mein divya aaj maine iss pyar ko jana hain. sach mein pyaar bade naseeb walon ko hota hain. aab to jee karta hain ki main tumhein deewanon ki tarah pyaar karoon. bus din raat tum mujh mein aur main tum mein khoya rahoon. bus isi tarah mujhse pyaar karna.. fir se aslam divya ke honton ko bade dheere se choom leta hain aur is baar wo apne honton ko waise hi rakhkar divya ke honton ko choosney lagta hain. divya jhat se apni aankhein band kar leti hain aur apne haath aslam ke sir par rakhkar bade pyaar se firati hain. aslam bhi apni aankhein band kar leta hain aur dheere dheere wo dono ek dusare mein khote chale jate hain... is waqt wo dono duniya se bekhabar ek dusare mein khoye hue they..kaafi deer tak aapas mein ek doosarey ke honton ko choosney ke baad aslam dheere dheere divya ko apni bahon mein le leta hain aur fir wo ek aisi duniya mein kadam rakhtey hain jahan unki aatma aur jism ka milan hota hain...
aaj wo dono besudh ek dusare ki baahon mein bin kapdon ke ek dusarey se liptey hue they. unhein na kisi ki shud thi aur na hi kisi baat ki fikar. bus do premi apne prem milan mein magan they...kaafi deer ke baad aslam divya ke oopar sir rakhkar uski baahon mein so jata hain... divya ke aankhon mein aaj aansoon they. lekin aaj ye aansoon dukh ke nahin balki khushi ke they... aaj un dono ka sampoorn milan ho gaya tha aaj do premi aaj pati patni ki saari maryaada mein band gaya they ....................
divya- aslam aab tum mujhse kabhi door to nahin jawogey na.. main aab tumhare bin jee nahin pawongi. divya aslam ki aankhon mein dekhtey hue boli..
aslam- kya main tumhare bin aab jee pawonga.. aab chahe kuch ho jaye divya main marte dum tak tumhara saath nahin chodunga...
divya fir se aslam ke seenay se lipat jati hain aur uski aagosh mein so jati hain.. aaj pehli baar dono ek hi bister par ek saath soyein they. aaj dono bahut khus they..
dusare din aslam ki subeh neend khulti hain aur wo jhat se kitchen mein jakar divya ke peechay khada hokar usey apni bahon mein kaid kar leta hain..divya muskura kar aslam ki ore dekhney lagti hain..
divya- to uth gaye mere shahzaadey.. itani deer tak soyewogey to kaam par kab jawogey.. aur chodo mujhe ghar ka saara kaam pada hain..
aslam- aab tumse door rehney ka ek pal bhi mera dil nahin karta..chalo na bister par ek baar fir se tumko pyaar karne ka mann kar raha hain...
divya- sach mein sab mard ek jaise hote hain. aabhi mere paas time nahin hain jawo aur jakar fresh ho jawo.. nahin to.....
aslam- ek shart par jawonga...bolo pehle mujhe ek kiss chahiye..
divya jhat se aslam ke honton ko kiss kar leti hain aur turant peechay hut jati hain- ye kya mujhe to pata hi nahin chala ki tumne mujhe kab kiss kiya aise nahin aur fir aslam apne honton ko divya ke honton par rakh deta hain aur kareeb 2 minute tak usey haule haule choosta hain divya usey apne haathon se door karti hain..
divya- bus bahut ho gaya..aab chup chaap jawo aur fresh ho kar aawo.. aslam bura sa mooh banakar bathroom mein ghus jata hain aur divya usko dekhkar pyaar se muskurey lagti hain...
..........................................
wahan se door salim ke ghar par subeh uske abbu sulemaan bed tea ke saath akhbaar padh rahe they aur rukhshana wahi baithi hui chawal been rahi thi. salim bhi wahin baitha hua tha. tabhi unke ghar ka bell bajata hain. salim jakar darwaza kholta hain. samney uski padosan salma khadi hui thi..salma kareeb 53 saal ki thi kadh mota aur salwar kurta pehney hue wo bahar khadi thi. jab salim par uski nazar padti hain to wo muskura kar ander aati hain ..
rukshana ki jab nazar salma par padti hain to wo bhi muskura kar uske gale lag jati hain fir wo wahin sofey par baith jati hain. sulemaan bhi muskura kar uska abhivaadan karta hain..
sulemaan- kahiye salma ji kaise aana hua. aaj itne dinon ke baad aap itnani subeh humare ghar par...koi zaroori kaam tha kya..
salma- haan bhai saheb kaam se hi aayi hoon. par kehney se darti hoon ki kahin aap meri baateion ka bura na maan jayein. main kai dinon se aapse kuch baat karna chahti thi magar mujhe himmat nahin hui ki aapse keh sakoon...
sulemaan- salma ji aap humari padosan hi nahin balki aap is ghar ka ek hissa bhi hain. bhala hum aapki baateion ka bura kyon manengey....
salma- baat ye hain bhai saheb ki aab main chahti hoon ki aab hum ek padosi na hokar ek ristedar ban jayein to zyada aacha hain. main apni beti nazneen ke liye aapke bete se shadi ka prastaav lekar aayi hoon...
salma ki baateion se rukshana khusi se khil uthathi hain - bus itani si baat ko aapne kehney mein itani deer kar di.. aab mera salim bhi bada ho gaya hain mujhe apne salim ke liye aapki beti nazneen pasand hain..mujhe to nazneen jaisi bahu ko pakar mujhe bahut garv mehsoos hoga...
salma- aap galat samajh rahi hain behan ji main apni beti ka rishta salim ke liye nahin balki aapke bade bete aslam ke liye baat kar rahi hoon. nazneen aslam ko bahut pasand karti hain aur uski ye iccha hain ki wo aab ussey nikaah karna chahti hain. agar aap log agar chahe to baat aage badh sakti hain... salma ki aisi baateion ko sunkar sulemaan aur rukshana ka chehra feeka pad jata hain. unhein to samajh mein nahin aata ki wo salma ki baateion ka kya jawab de.. bus wo dono salma ko dekhney lagte hain...
salma- maine kuch galat to nahin keh diya bhai sahaeb... agar meri baat ka aap sab ko bura laga ho to main aapse maafi mangti hoon..
rukhana- salma behan aap ye janti bhi hain ki aap kya keh rahi hain.. ye sab jante hue bhi aap apni beti ki zindagi kyon kharab karna chahti hain.. aur aab to aslam ki shadi bhi ho chuki hain aur aab humse aslam ka aab koi vaasta nahin hain..
salma- main janti hoon ye saari baatein... maine bahut soch samajhkar ye faisla kiya hain. baat meri beti ki hain is liye mujhe aapse ye saari baatein kehna padh raha hain. aur mujhe ye baat bhi pata hain ki wo ladki hindu hain aur uska mazhaab bhi alag hain. aur aab aslam bhi sudher chuka hain shayad iske peechay wo ladki hi wajah ho.. main to bus yehi chahti hoon ki aap kaise bhi karke meri beti ka nikaah aslam se karwa dijiye...main aape aage haath jodti hoon meri baat rakh lijiye...mujhe aur kuch nahin chahiye..nahin to meri beti ka dil toot jayega...
sulemaan- baat to aapki theek hain behan ji magar ye shadi nahin ho sakti..alsam aab us ladki ko chodh nahin sakta.. aur court ke bhi orders hain jab tak unki marzi nahin hogi unka talak nahin karwaya ja sakta.. agar unka talak ho jaye to main aapki baat ko kabhi nahin talunga.. mujhe bhi aapki beti nazneen pasand hain.
salma- badi aasha lekar aapke paas aayi thi magar shayaad meri beti ki jeewan mein aabhi dukh kaatna likha hain.. khair jaisi aapki marz. aacha ab main chalti hoon...
salma phir uth kar bahar nikal ti hain tabhi salim jhat se salma ke paas jata hain aur jakar unke samne khada ho jata hain..
salim- agar aap aslam ka nikaah apni beti nazneen se karna chahti hain to mujhe issey badhkar khushi kya hogi.. rahi baat aslam ki talak ki to wo aap mujpar chodh dijiye... main aslam bhaiya ka talak us ladki se karwaunga..
salma- salim beta main janti hoon ki tu ek nek dil ladka hain magar jab tere abba jaise pahunch wale insaan ne saaf inkaar kar diya to tu bhala ye sab kaise karega..
salim- ye sab aap mujhpar chodh dijiye.. aap mujhe aachey se janti nahin hain mera source aur power bahut upar tak hain. main jo bolta hoon wo karke dikhata hoon. bus aap nischint rahiye aslam ka aab nikaah aab aapki beti nazneen se hi hoga... aur rahi baat us ladki ki to agar pyaar se nahin manegi to mujhe dusara tareeka apnana padega...
slama- jeeta rah beta aur salma muskura kar apne ghar ki ore chal deti hain... salim ke chehre par kutil muskaan thi shayad wo aisa hi kuch mauke ki talash mein tha aur aab usey wo mauka salma aunty ke roop mein mil gaya tha...
salim hi wo shaksh tha jo aslam ka kareebi tha yani bhiku ke baad unka naya gangleader....aur uske hi kehney par aslam ke upar un gundon ne humlaa kiya tha...bus fark tha dono mein to ye ki aslam har vardat khule aam karta tha aur salim chup chup kar. wo bahar se kuch aur aur ander se kuch aur tha... aslam se usey pehle se hi jalan ki bhavna thi. aur aab wo aslam se aur chidney laga tha wajah thi uske peechay ki wo aab ye sab gundgardi chodh chuka tha. aur in sab ke peechay divya hi wo ladki thi jo aab salim ki nazreion mein kaanta bankar chubh rahi thi..aur wo kisi bhi haal mein divya ko apne raaste se hatana chahta tha...aab dekhna ye tha ki salim apne iradey mein kitna kamyaab ho pata hain ye to aane wala waqt hi batayega................................................
