[color=rgb(255,]Update - 59
____________________[/color]
Swati jaisi haseen aurat ko bhog kar sach me behad aanand aaya tha mujhe. Uske chehre par maujood khushi aur santushti ke bhaav is baat ka saboot the ki use bhi mere sath sambhog karne me behad aanand aaya tha. Baharhaal ham dono kaafi der tak yu hi lete rahe the. Uske bachcho ke aane ka time hone wala tha is liye mera uske ghar se nikalna zaruri ho gaya tha. Yu to mera bahut man tha ki main swati ke sath ek baar aur maza karu magar fir ye soch kar apna irada badal diya ki is sukh se kahi badh kar mere liye mera maksad maayne rakhta hai.
Main kapde pahan kar nikalne laga to swati ne bed ki chadar se apne nangepan ko dhankte huye kaha ki aaj sach me use ek naya aanand aur ek naya anubhav mila hai. Uski baat sun kar main muskura utha.
"Yu to apne jeewan me maine na jane kitni hi aurto ke sath sex kiya hai." Maine uski taraf dekhte huye kaha_____"Magar aapke sath ye sab kar ke mujhe ek alag hi aanand ka abhaas hua hai. Mere dil me aap dono pati patni ke liye ek khaas jagah ban gayi hai. Dhanya hai dinesh bhai jinhone apna dil ko majbut kar ke is kaam ko karne ki aapko ijazat di aur dhanya hain aap ki aapne unki sahmati ke baad hi mujhse sambandh banaya."
"Baat to thik hai tumhari." Swati ne sahsa sanjeeda ho kar kaha____"Magar is sabke baad jane kyo mujhe aisa mahsoos ho raha hai jaise maine koi paap kar diya hai."
"Paap to tab hota bhabhi." Maine kaha____"Jab aapne aarti ki tarah apne pati ki chori se aur unhe dhokha de kar mere sath ye sab kiya hota. Aapne to apne pati ki sahmati se hi ye sab kiya hai is liye ye paap nahi hai. Apne zahen se is baat ko nikaal dijiye aur khushi khushi apne pariwar ke sath aage ka jeewan guzaariye."
"Maine apni khushi ke liye aur apne pati ki sahmati se tumhare sath ye sab kar to liya hai keshav." Swati ne kaha_____"Magar main chaahti hu ki is sabke baad tum ab kabhi bhi mujhse is kaam ke liye na kaho aur na hi is tarah ki neeyat rakho."
"Waise to ye mere liye achhi baat nahi hai bhabhi." Maine mayoosi zaahir karte huye kaha____"Magar koi baat nahi. Mere liye bhi sabse zyada aapka maan sammaan maayne rakhta hai. Aap befikra rahiye, main kabhi bhi aapko us nazar se nahi dekhuga. Halaaki main jis raaste par hu usse sambhav hai ki ab kabhi hamari mulakaat hi na ho."
"Main dua karti hu ki tum apne maksad me kamyaab ho jaao aur fir hansi khushi ek nayi zindagi jine lago." Swati ne kaha____"Baaki jo kismat me hoga wo to hoga hi. Kismat ne chaaha to hamari mulakaat bhi zarur hogi. Main bhi ye dekhna chaahti hu ki tumhara apna pariwar kaisa hai?"
Swati se aisi hi kuch der baate huyi uske baad main uske ghar se apne flat ki taraf chal pada. Ab mujhe sirf apne maksad ki taraf dhyaan dena tha aur is beech kuch zaruri kaam bhi karne the. Mere man me kayi saari baate chalne lagi thi.
Flat par aaya to maya ne puchha kaha chala gaya tha main? Jawaab me maine use bataya ki bas aise hi dushmano ke halaato ki khabar lene gaya tha. Maine use ye nahi bataya ki main swati naam ki ek aurat ke sath maza kar raha tha.
Maya ne bataya ki minakshi ko periods aaye huye hain is liye uske liye pads le aau. Maya ki baat sun kar main minakshi ke liye pads khareed kar le aaya. Uske baad kuch khaas nahi hua. Ye alag baat hai ki main man hi man ek yojna bana chuka tha.
Us wakt raat ke ek baje the. Main maya ke sath bed par leta hua tha. Maya gahri neend me thi jabki meri aankho se neend koso door thi. Jab maine mahsoos kiya ki maya sach me gahri neend me hai to main aahista se utha. Night bulb ki roshni me mujhe kamre ka sab kuch saaf dikh raha tha.
Apne bag se maine sabse pahle plastic wale glubs nikaale. Unhe pahanne ke baad maine bag se wo rumaal nikala jo chloroform se bheega rahta tha. Use le kar main bed ke paas aaya aur badi hi sawdhaani se us rumaal ko maya ki naak ke paas le aaya. Agle kuch hi palo me mujhe maya ke chehre par halka pariwartan hota dikha aur fir wo shaant hoti chali gayi.
Maya ke behosh hote hi maine sabse pahle us rumaal ko bag me rakha aur fir apne hatho se glubs bhi nikaal kar bag me rakh diye. Uske baad main talaashi abhiyaan me lag gaya. Kaafi der ki talaash ke baad bhi mujhe wo na mila jise main khoj raha tha. Niraash ho kar main kamre se nikal kar baahar aa gaya.
Gala khushk ho gaya tha is liye paani pine ke liye main kitchen ki taraf badh gaya. Fridge se paani ka bottle nikaal kar main paani pine laga. Abhi main pi hi raha tha ki sahsa main kuch soch kar chaunka. Bottle ko waapas fridge me rakha aur kitchen me talaashi abhiyaan chala diya. Jaldi hi mujhe ek dibbe me wo cheez mil gayi jiska mujhe andesha tha. Us cheez ko main gaur se dekhne laga. Use dekhte huye jaha ek taraf mere hotho par muskaan ubhar aayi thi wahi dusri taraf chehre par patthar jaisi kathorta bhi paida ho gayi thi.
Maine us cheez ko waapas us dibbe me rakh diya aur fir kitchen se baahar aa gaya. Kamre me ja kar maine bed par gahri neend me soyi padi maya ko dekha aur fir aage badh kar use usi haalat me utha liya.
Raat ke sannate me main building se niche aaya aur kiraye se laayi huyi taxi me maine maya ko pichhli sheet par leta diya. Uske baad main ek baar fir se upar apne flat me gaya. Mera jo samaan tha use la kar taxi ki diggy me rakh diya. Uske baad taxi ko start kar ke main chal pada. Kareeb das minute baad maine apne new mobile se kisi ko call kiya. Mushkil se das second tak maine baat ki aur fir call cut kar di.
[][][][][][]
Dusre din...!
Gulfam taiyar ho kar apne bangle se baahar jane ke liye nikal hi raha tha ki tabhi uski left kalaayi par halke se kuch chubha jisse wo halke se chaunka. Wo fauran hi apni jagah par thithak gaya aur apni left kalaayi par bandhi ghadi ko dekha. Kalaayi ke jis hisse me ghadi thi usi ke niche use halki halki chubhan ka abhaas ho raha tha. Gulfam fauran hi apne kamre ki taraf badh chala. Jaldi hi wo apne kamre me pahucha aur bed ke right side rakhi ek almaari ki taraf badha. Almaari ko ek chaabhi se khol kar usne uske palle khole. Andar ek locker tha jo ki aam almaari ke locker se alag tha. Locker me password system tha. Gulfam ne fauran hi password dala aur fir handle ko pakad kar palle ko apni taraf kheecha.
Us locker me koi instrument rakha hua tha jisme do teen tarah ke chhote chhote bulb jal bujh rahe the. Gulfam ne fauran hi uske upar hi side me rakha ek mota wire laga hua speaker uthaya aur kaan se laga liya. Abhi wo kuch bolne hi wala tha ki uske chehre par chaukne wale bhaav ubhre. Mushkil se bees second tak wo kuch sunta raha aur fir us speaker ko wapas us instrument me rakh diya. Locker ko band kar ke jab gulfam palta to uske chehre par gahan chinta ke bhaav the aur sath hi khauf ke bhi.
Kuch der tak jane wo kya sochta raha aur fir wo apne coat ki jeb se phone nikaal kar kisi ka number punch karne laga.
"Jitna jaldi ho sake." Call connect hote hi wo maano awesh me cheekh hi pada_____"Zafar ki location trace karo aur uske paas pahucho."
Gulfam call cut karne ke baad gahri gahri saane lene laga tha. Is wakt uska chehra pareshani chinta aur ghabrahat se bhara hua tha.
"Haramzade agar mere bete ke sath tune kuch bhi ulta seedha kiya." Gulfam khud se hi gurrate huye bola_____"To main tera wo hasra karuga jiska tune tasavvur bhi na kiya hoga."
Gulfam awesh me jane kya kya badbadaye ja raha tha aur phone par jane kis kis ko number milaye ja raha tha. Thodi der baad wo bangle se nikla aur security walo ke sath apni car me baith kar goli ki speed se kahi ke liye nikal liya.
[][][][][][]
Gulfam ke mana karme ke baad bhi zafar bangle se nikal gaya tha. Halaaki uski safety ke liye teen teen security wale the jo ki aadhunik hathiyaro se laish the. Zafar ka kahna tha ki wo chaubheeso ghante bangle me kaidi ki tarah nahi rah sakta tha. Uska ye bhi kahna tha ki use vikram ka koi khauf nahi hai. Wo koi aira gaira nahi hai jise vikram palak jhapakte hi khaak me mila dega. Zafar ne apne baap ko puri tarah aashwast kar diya tha ki wo uske liye befikra rahe. Asal me zafar khud chaahta tha ki vikram usko nuksaan pahuchane ke liye uske kareeb aaye. Is baar wo baakiyo ki taraf uski taraf se laparwaah nahi rahega balki puri tarah se chaukanna rahega aur puri taiyari ke sath bhi rahega. Agar vikram galat iraade se uske paas aayega to wo usse bach nahi sakega.
Gulfam ko zafar ki baate bhale hi samajh aa gayi thi lekin iske baavjood wo nahi chaahta tha ki uska beta yu baahar jaye aur khud ko jaan boojh kar vikram ka shikaar bana le. Gulfam bebas sa rah gaya tha lekin use bete ke saamne jhukna hi pada tha.
Zafar ki car bullet proof thi, yaha tak ki use bomb ke dwara bhi koi nuksaan nahi pahuch sakta tha. Apni car ki khasiyat bata kar bhi zafar ne apne baap ko mut-maeen kiya tha. Khair car wo khud hi chala raha tha. Ek gun man uske bagal wali sheet par baitha tha jabki do gun man uske pichhe wali sheet par baithe huye the. Zafar ke chehre par poorn santushti ke bhaav the aur sath hi hotho par bareek muskaan. Aisa lagta tha jaise wo kuch aisa soch raha tha jiske chalte wo rah rah muskura uthta tha.
Zafar ko apne bangle se nikle huye kareeb pandrah minute ho chuke the. Car ko shahar ki abaadi se nikaal kar wo outer ki taraf badh chala tha. Abhi wo mushkil se kuch hi door badha hoga ki tabhi wo chaunka. Uske bagal me baitha gun man jo ab tak puri mushtaidi ke sath baitha hua tha wo ekdam se sheet ki pichhli pusht par ludhak sa gaya. Car ki speed ko bilkul hi dheema kar ke zafar ne jab gun man ki taraf gaur se dekha to buri tarah chaunka. Gun man aankhe band kiye sheet ki pusht par aise tika hua tha jaise wo gahri neend me ho.
Zafar achhi tarah jaanta tha ki uski safety me lage security wale itne laparwaah hargiz nahi ho sakte the ki wo chalti car me yu so jaye. Zafar ko samajhte der na lagi ki koi bhaari gadbad hai. Usne car ke break paidal par apna pair puri taakat se jama diya. Nateeja car ke pahiye fisalte chale gaye aur car kuch hi palo me ruk gayi. Car ke rukte hi zafar ne bijli ki si tezi se pichhe palat kar dekha to aur bhi zyada uchhal pada. Car ki pichhli sheet par baithe dono gun man pahle wale gun man ki tarah hi sheet ki pichhli pusht se peeth tikaye gahri neend me soye pade nazar aa rahe the.
Zafar ke chehre par jaha ashcharya ke bhaav naachte nazar aane lage the wahi beyakini ke bhi. Use samajh me nahi aaya ki chalti car me uske teeno gun mans yu gahri neend me kaise chale gaye? Kya ye koi chamatkaar tha ya koi aisi baat jise wo samajh nahi pa raha hai. Eka ek uske zahen me bijli ki tarah vikram ka khayaal ubhra to wo ek baar fir se buri tarah chaunk pada magar agle hi pal uske zahen me sawaal ubhra ki ye kaise ho sakta hai? Yaani uske teeno gun man vikram ki vajah se kaise neend me ja sakte hain? Bhala chalti car me koi baahar se aisa gazabnaak chamatkaar kaise kar sakta hai aur kis tarike se kar sakta hai? Car ke sabhi sheeshe band the aur bullet proof hone ki vajah se koi baahar se andar walo ka kuch nahi bigaad sakta tha. Zafar ko samajh hi nahi raha tha ki ye sab kaise ho gaya hai? Sabse badi ashcharya ki baat ye bhi thi ki agar aisa kuch hua bhi hai to khud use iska pata kaise nahi chal saka tha?
Zafar apni sheet par seedha baitha abhi yahi sab soch raha tha ki tabhi wo buri tarah uchhal pada. Uski naak par kisi ne badi tezi se kuch rakh diya tha jo ki narm tha. Zafar maare khauf aur ghabrahat ke pahle to buri tarah cheekh hi pada fir puri taakat se us cheez ko pakad kar apni naak se hatane ki koshish me lag gaya magar kamyaab na hua.
Pichhe se kisi ne ek hath se uske sir ko majbuti se pakad rakha tha to dusre hath se us narm cheez ke sath uski naak par zor de raha tha. Zafar jo khud ko bada bhaari tees maar khan samajhta tha is wakt wo itna dar gaya tha ki uski ghigghi si bandh gayi thi. Zafar ne pura zor lagaya magar na to wo apni naak par rakhi us narm cheez ko hata paaya aur na hi kuch der me khud ko behosh hone se rok paya. Wo to ye tak na jaan saka ki ye sab uske sath kiya kisne tha?
[][][][][][]
Abhi mushkil se aadha ghanta bhi na hua tha ki gulfam ka phone badi teji se baj utha. Usne bijli ki si tezi se call ko pich kiya. Uske kaan me udhar se kuch kaha gaya jiske chalte pahle to uske chehre par raahat ke bhaav ubhre magar agle hi pal maano uski saanse atak gayi. Call cut karte hi wo aandhi tufaan ki tarah car ko daudate huye kuch hi samay me us jagah par pahuch gaya jaha par zafar ki car khadi thi aur sath hi kuch aise log bhi the jo CMS jaisi sanstha ke agent the.
Apni car se utar kar gulfam bhaagta hua zafar ki car ke paas pahucha. Car ka darwaza khol kar usne dekha car ke andar uska beta nahi tha. Balki uski safety me maujood teeno gun man zarur maujood the joki gahri neend me soye jaan padte the. Gulfam ko samajhte der na lagi ki ya to wo teeno behosh hain ya fir mar chuke hain.
Car se apne bete ko gayab dekh gulfam ka dekhte hi dekhte bura haal ho gaya. Jiska dar tha wahi ho gaya tha. Uske pairo ke niche se zameen to tabhi nikal gayi thi jab phone par is baat ki use khabar di gayi thi magar ab wo aisa mahsoos kar raha tha jaise uska sab kuch lut gaya ho aur wo puri tarah se barbaad ho gaya ho. Uska ji chaha ki dahaade maar kar ro pade. Badi mushkil se usne khud ke jazbaato ko kaabu kiya aur palat kar sanstha ke agents ko hukum diya ki wo zafar ki khoj me zameen asmaan ek kar de.
Gulfam kuch der tak apne andar ke tufaan ko shaant karne ka prayaas karta raha aur fir car ke andar ka muaayna karne laga. Kuch hi der me use wo cheez mil gayi jiski shayad wo ummid kiye huye tha. Khoon se nahaayi huyi wo chip jo CMS jaisi sanstha ki thi aur jo sanstha ke har members ke jism me chhipi hoti thi.
Gulfam luta pita aur thaka haara waapas apni car me aa kar baith gaya. Uska man kar raha tha ki saari duniya ko aag laga de. Car ki driving sheet par wo aankhe band kiye baitha hua tha. Zaahir hai is wakt uska man behad ashaant tha. Kuch der wo yu hi baitha raha uske baad usne car ko start kiya. Chehre par patthar jaisi kathorta aur aankho me aag liye wo car ko you turn kar ke tezi se ek taraf ko badhta chala gaya.
[color=rgb(255,][color=rgb(0,]✤༺[/color][color=rgb(255,]✧[/color][color=rgb(0,]༻✤[/color][/color]