Romance AGENT-02 THE KERALA TRAILS (Completed)

[sexstories]

"bohut thak gaye??"anushka ne suraj se poochha

"Hmm,pata hi nahi chal pa raha hai ki kahan se shuru karun, suleiman ko har haal me rokna hoga"suraj ne kaha

"Waise aap ko kitni baar call kiya tha pata hai??mummy ji bohut tension me thi"anushka ne kaha

"Pata hai anushka,mummy ko to kya , tumhare alawa kisi ko mere asliyat ke baare me nahi pata"suraj bola

"Lekin call kyun nahi utha rahe the??"anushka ne poochha

"Are us waqt imran ke saare formalities poori kar wapas a raha tha achanak ek tourist mila jisse takrakar phone girne se bach gaya"suraj bola

"Hmm yahan tourist bohut aate hai "anushka boli

"Haan ,aur pata hai usne mujhse airport jaane ka time pooch...."suraj ka maatha thanka

Uske bag me airport ka sticker tha,yaani wo airport se hi aaya tha

Fir usne kyun airport ka raasta poocha???aur agar poocha to itna bhi pooch leta ki gaadi ya transport ke baare me jo usko airport ki taraf pohunchaye.
Kuch to gadbad hai us aadmi me
Lekin kya zyada nahi soch raha hai suraj???

Yani munnar sirf ek mukhauta tha.asli khel wahi khela jaana tha

Khada hua suraj

"Anu mujhe abhi ke abhi jaana hoga"suraj bola aur chalta bana

"Lekin suraj yahan saare relatives a chuke hai.bas ek baar mil ke chale jao sabse"anushka pukarti rahi lekin suraj nahi ruka

-------------------------------------------------------------------------------
Anirban akela baitha hua tha.
Imran ki badi yaad a rahi thi,ek wahi tha jo uske har problem me saath deta tha,har dukh me hissa leta tha,uski koi dushmani bhi nahi thi kisi se
Fir usko kisne maara??

"Akele akele yahan baithe ho anirban sahab??"muskurate hue Zahid aata dikhai diya anirban ko saath me ek ladki bhi thi

"Aap kuch batane wale the na imran ke baare me"anirban bola

"Haan bhai haan,lekin pehle inse to mil lo,meri senior shreya,aur shreya ye hai anirban"Zahid ne introduce karwaya

"Hi"muskura kar apna haath aage badhaya shreya ne

Anirban ne bemani se haath milaya,uska interest sirf aur sirf imran ke kaatil tak pohunchne hai

"Agar imran ke kaatil tak jaana hai to.....mai madad kar sakti hoon"shreya boli

Aur anirban ye sunkar chaunk pada

"Abhi filhal wo tiruvanantpuram me hai,agar luck ne saath diya to use zaroor pakad lenge"shreya boli

"Fir der kis baat ki chalein?"anirban bola

"Itni jaldi nahi anirban,iske liye hamare group ka hissa hona hoga"muskurate hue Zahid bola

"Hum special operations se hai anirban,india ka top most security agency jo raw,ib,nia aur baaki sab ko peecha chodne wali hai,apne desh ki seva ke liye hamesha tatpar.join karoge??"Zahid ne poochha

Anirban jaanta tha ki uske paas aur koi chara nahi hai join karne ke siva

-------------------------------------------------------------------------------
TIRUVANANTPURAM
"Ab hamara Sapna poora hoga janab,poori duniya brotherhood ke naam se daregi,ek nayi hukumat janm legi"dilawar bola

"Hmm sach kaha dilawar ,kal ham sabke sapne poore honge,ek saath 20 deshon me blast,har taraf zalzala aur kohram machega,uske baad mai baat karunga un sabhi logo se jo brotherhood ke saath judna chahenge,fir ek aisa group hoga jo poori duniya ko ek karega,aur us duniya me sirf brotherhood raaj karenge"suleiman bola

"Zaroor huzur zaroor"dilawar bola

"Wo chokra abhi tak zinda kaise hai??"suleiman ne poochha

"Wo mere hathon marega janab"naqabposh bola

"Hmm wo tum dekh lo fir,waise bhi tumhare liye hi chora hai use"suleiman bola

"Kyunki wo mera shikar hai,usko mere hathon marna hoga"naqabposh bola

"Uske bhai ko usi ke peecha laga diya hai,aap tension na le"dilawar bola

"Lekin wo mera shikar hai...."naqabposh bola

"Haan maar dena use,lekin aage agar tumhari zaroorat ho to uska bhai ye kaam kar dega"suleiman ne samjhate hue bola

"Thik hai,aap jo thik samjhe"naqabposh bola

"Good kal poori duniya palat jayegi"suleiman bola aur aankhen band karke muskurane laga

 

[sexstories]

"ta dada ta dada ..."

Flat ka darwaza khula aur cheekh nikal gayi

TUM????????????WTF

"Zyada chillao mat Atul gala baith jaayega"suraj sofe ma baithkar bola

"Suraj you Bastard ,yahan kyun aaye tum??"atul gusse me bola

"Help ke liye"suraj bola

"For your fucking kind information,you are no longer a part of research and analysis wing dammit"Atul ka gussa abhi bhi shant nahi hua

"Dekho atul mujhe aur tumhe sab pata hai ki kya chal raha hai,mujhe sirf thodi si information chahiye then I'll be out"suraj bola

"Kuch nahi kuch nahi milega tumhe ,yahan se jaate ho ya fir........please suraj meri Naukri jayegi"atul bola

"Information do aur mai abhi chala jaunga,waise abhi teen ghante me meri flight hai"suraj bola

"Kya information chahiye??"atul ne poochha

"Suleiman India me kahan hai confirm location batao"suraj ne kaha

Atul sofe me baith gaya aur kuch der khamosh ho gaya

"Pata hai suraj,jab tumne RAW join kiya tha mujhe lagta tha ki sab tumhe overrate kar rahe hai,tum ek mamooli raw agent ho,jo sab karte hai tum wahi karte ho,balki tumhara nishana kaafi kachha hai,soch samajh ke decision lete nahi ho,aur logo ko bas maar dete ho"atul Bolte Bolte ruk gaya aur suraj ki aur dekhkar muskuraya

"Lekin aaj mai confirm hoon ki raw ne ek best agent ko kho diya hai,rahi suleiman ki location to wo tiruvanantpuram me hi hai exact location tum wahan pohuncho fir phone karo mai bataunga,lekin touch me rehna"atul bola

Suraj ne atul ko gale lagaya aur jaane ko palta ki

"Aur haan ainda yahan pair mat rakhna "atul serious hote hue bola
-------------------------------------------------------------------------------
"ek buri khabar hai sir"shreya darte hue boli

"Kya??"manish ne poochha

"Sir.....wo...."

"Batao khulkar"manish bola

"Sir... anirban ne join karne se inkar kar diya.....kehta hai imran ke khooniyon ko police ke hawale se hi saza dilwayega"shreya ruk ruk kar bolti gayi

Kuch der tak shaanti chahati rahi

"Hello sir??"shreya ne awaz di

"Hmm koi wajah??"manish ne poochha

"Kehta hai ki ashima ab bandh gayi hai zindagi me, isliye wo organization join nahi karega"shreya boli

"To tum kya kar rahi ho shreya??"manish bola

"S sir mai kya karu??"shreya boli

"Anirban handsome hai shreya,acha life partner milega tumhe"manish bola

"Kya bakwas kar rahe hai sir,bachha hai anirban aur mai usse 2 saal badi hoon"cheekhte hue shreya boli

"I don't give a damn about your age Shreya,his tarah tumhe uthakar aasman ki bulandi tak pohunchaya hai,wo do minute me gira bhi sakta hoon, decision tumhara hai ki kya karna hai, anirban acha ladka hai,uske dimag se ashima naam ko mita do,by hook or crook"bol phone rakh diya manish ne

Shreya ke haath se phone gir gaya,uske saare sapne toot jaate hue dikhai de rahe the

Lekin kuch bhi nahi kar sakti thi wo, manish bohut bada khiladi hai
Anirban ke liye zarur kuch plan banaya hoga is insan ne.
Lekin sabse badi baat hai ki anirban ke saath kaise wo sab....nahi nahi koi aur raasta zarur hoga

Idhar manish ne shreya ke saath phone me baat khatam kar Zahid ko phone lagaya

"Haan sir"Zahid bola

"Jo kaam humne alternetive ke liye rakha tha wo karne ka time a gaya Zahid"manish bola

"Kya sir??"Zahid ne poochha

"Ashima"manish bola

"What???"turant khada ho gaya Zahid

"Aur koi raasta nahi hai anirban ko shreya sambhal legi tum wo karo jo humne decide kiya tha"manish bola aur phone
Kaat diya

Anirban aur ashima aaj ek saath bohut khush the.imran ke maut ke baad ashima ne hi anirban ko sambhala tha.aur dheere dheere ashima anirban ke gusse ko kam karte karte uske sochne ki disha me nayi raah di

"Pata hai ani aaj bohut khush hoon mai"ashima boli

"Kyun??"anirban bola

"Aaj mujhe lagta hai ki sachmuch hum ek doosre ki gehraiyon me sama gaye hai"ashima boli

Anirban muskurata hai

"Isliye aaj sabse mai kehti hoon ki i love....."

CYOOM

ek goli ashima ke dil me ghasti chali jaati hai

CYOOM

doosri goli bhi pet ke aar paar nikal jaati hai

anirban ki aankhen badi ho gayi aur hakka bakka reh gaya

ASHIMA

bol ashima ke body ke pakad liya anirban ne.ashima ke muh se khoon nikal raha tha

.....you"bol anirban ke chehre par haath ferte hue bhagwan ko pyari ho gayi ashima
Anirban wahi apne god me ashima ko liye rota bilakhta raha

Wahi kuch door apna sniper rakhkar mask nikalkar Zahid bola

"Kaam ho gaya sir,ashima is terminated"bol Zahid ne bhari man se phone rakh diya
Use pata tha ek toofan aane wala hai.jo sab kuch tabah kar dega

 

[sexstories]

Baarish zoro se chal rahi thi.lagta hai ki aaj baadal fat gaye hain

Anirban aur uske saare dost gam mana rahe the anirban sirf ek but bana hua tha

Aaj ashima bhi chorkar chali gayi.ab akela.reh gaya tha anirban.poora akela

CHATAAAAAAAA

ek jhannatedar thappad pada anirban ko.kritika aankhon me aansu liye anirban ka collar pakadkar boli

"Panauti ho tum sabke liye,jiske zindagi me aaye uski zindagi tabah ho gayi,imran ki,ashima ki sabki,acha hua tumse peecha choota mera.warna mera wahi haal hota,ab kabhi apni shakal mat dikhana dobara,na is college me ,na kabhi zindagi me"bol rote hue kritika bhaagti hue chali gayi

Dheere dheere sab chale gaye.rej gaya to sirf anirban.chupchap khada tha.baarish me bheeg raha tha antim sanskar kab ka ho chuka tha lekin anirban hosh me nahi tha

Tabhi ek gaadi paas aakar rukti hai

"Anirban?? baarish me kyun bheeg rahe ho ,gaadi KE Ander aao"shreya ne gaadi ke ander kheench liya anirban ko
Aur drive karte hue chi gayi

Gaadi chalate hue bhi shreya ne dekha ki anirban poora unstable hai
Jaise sunn pad gaya ho

"Kapde bheeg gaye hai tumhare chalo room paas me hi hai mera,change kar lo"bol drive karti rahi shreya

Anirban ne koi jawab nahi diya bas pathar bana raha
Shreya ko bohut bura lag raha tha anirban ke liye.lekin wo chahkar bhi kuch nahi kar sakti thi

"A gaya"gaadi rok kar shreya ne muskurate hue anirban ka haath pakad apne saath le gayi aur kamre me le gayi
Bahar baarish rukne ka naam nahi le rahi thi

"Baap re,itni baarish to aaj tak kabhi nahi hui kerala me"shreya boli aur anirban ke liye kapde le aayi

"Waise pajama unisex hai.ladka ladki koi bhi pehen sakta hai.
Tum change kar lo mai coffee bana kar laati hoon"shreya boli

Anirban waise ka waise hi khada raha.shreya jaate hue ruk gayi.nahi anirban apne hosh me nahi hai ab

Ek towel lekar anirban ke baal aur sharir wipe kiya
Kapde change karwaye aur fir kitchen me chali gayi

Manish ki baatein yaad a gayi shreya ko.kitna acha ladka hai anirban.uske saath kaise....???

Tabhi light chali gayi.baarish me electricity jaana ek aam baat hai india me,shreya yahi soch coffee banana band karke emergency light on karne gayi ki tabhi

BACHAO BACHAO

anirban cheekhne laga ,shreya daudkar anirban ke paas aayi aur anirban usse lipat gaya

"Mujhe bacha lo ...bacha lo....sabko maar dega...mujhe bhi maar dega.....mai bhi mara jaunga"anirban darr ke maare bolne laga

"Ahh kuch nahi hua anirban,sab thik hai,mai hoon na.kuch bhi nahi hone dungi tumhe"shreya boli

"Ashima??tum ho???tum wapas a gayi ashima??"anirban ne shreya ke gaal ko choote hue bola

Andhere ke kaaran kuch dikh nahi raha tha.bas gaalon ko mehsoos kar raha tha anirban

"Nahi anirban...mai....ashima....."shreya ne haath hatane ki koshish ki lekin anirban ab dheere dheere apne agosh me lene laga shreya ko.

Bahar baarish abhi bhi ho rahi thi.jabki kamre me toofan chal raha tha.
Jahan ek Ajnabee apne premika ko khoj raha tha doosre Ajnabee mein

-------------------------------------------------------------------------------

Anushka baithe baithe soch rahi thi itna sab kuch ek sath kaise ho gaya
Abhi haal hi mili thi suraj se
Ek honhar agent.utna hi acha insaan lekin pyaar??
Pyaar me kaise beh gayi pata hi nahi chala anushka ko.aur abhi haal hi me sagai bhi ho gayi.sab kuch acha ho raha hai uske saath bas jis kaam ke liye aayi thi wahi nahi ho paayi

TRING TRING

landline bajne lagi.anuska ko halka sa jhatka laga.aisi pehli Baar landline baji hai hotel ke room me

"Hello??"anushka ne receiver uthate hue bola

"Anushka madam.menon bol raha hoon munnar police station se"doosri aur se awaaz aayi

"Bolo menon"anushka boli

"Madam,hasan sheikh ka hideout pata chal gaya,munnar me hi hai"menon bola

"Good control room me khabar do mai abhi aati hoon"anushka boli

"Nahi madam aapki abhi abhi sagai hui hai aur aap leave par hai,wo mission jiske liye aap aayi thi wo bhi khatam ho chuka hai"menon bola

"Menon mera mangetar apna farz nibhane ke liye sagai khatam karke hi raat ko chala gaya tha,fir mai to ACP hoon.sorry lekin mai ghar me baithi nahi reh sakti,jeep bhejo"anushka boli

"Right madam"bol menon ne phone rakh diya

Anushka kuch hi der me police uniform me a gayi.aur jeep ka wait karne lagi.aaj wo us adhoore mission ko khatam karegi jiski wajah se kai police wale maare gaye the,hasan sheikh ka kaam tamam karegi

-------------------------------------------------------------------------------

Suraj tiruvanantpuram se door ek jungle me tha pahadi ilaka tha.aur usi jungle me suleiman ke thikane ka naksha nikal raha tha

Abhi tak sab kuch sahi hai.atul ne bilkul sahi information diya tha suraj ko

Lekin abhi tak shayad dushman ko bhi bhanak lag gayi hogi ki suraj a raha hai

Hamle ke liye poori tarah taiyyar rehna hoga.labhi bhi hamla ho sakta hai.sabse risk ki baat ye hai ki suraj poora akela aaya tha wo bhi bina information diye kisi ko
Agar kuch ho bhi gaya to suraj ko bachane kaun aayega

GHAI GHAI

Goliyon ki awaz yaani sahi raaste aaya tha suraj.
Jhat se ek ped ke peecha apne aap ko chhupakar scan karne laga suraj

Kamse kam barah log hain

Goliyan continuously chal rahi thi.waise suraj ke paas pistol thi.lekin semi automatic hathiyar ke saamne wo pistol kisi kaam ka nahi
Fir bhi pistol par grip kam nahi hui suraj ki

Tabhi usne dekha ki usko gher ke khade ho gaye kareeb 50-60 log
Sabke haath me hathiyar the

Naqabposh saamne aaya aur apne haath me rakha tablet suraj ko diya
Suraj naqabposh ko dekhkar halka sa hairan hua.ye to wahi tha jisne us din aanchal ko gali maari thi
Ye to ......

"Hi suraj"tablet se ek aadmi muskurate hue suraj se baat karne laga

"Video conference Kar lete hai,waise agar tumhe lagta hai ki saare terrorist jaahil aur anpadh hai,to aisa nahi hai"shaks ki muskurahat waisi ki waisi hi rahi

"Waise mera naam suleiman hai,ek chota sa freedom fighter hoon"suleiman bola

"Tumhe hum maarna nahi chahte suraj,you are very special,tumhara bada fan hoon mai,saare missions jaanta hoon tumhara,you are a tough guy suraj"suleiman bola

"Lekin kya kare,tum hame hamara kaam karne doge nahi,aur hum apna kaam kiye bina manenge nahi,to thoda khel kood ho jaaye suraj,ye jo tumhara dost hai.jo naqab pehna hua hai.use tum hara do to tum azaad ho,baaki agar use hara kar mujh tak pohunchne chaho to you are welcome"bol suleiman ne connection Kaat diya

Naqabposh ne wo tablet suraj ke haath se le liya aur suraj ladne ke liye taiyyar hone laga

Naqabposh dheere dheere apna jawab janane laga aur suraj ki aankhen fatne lagi.uske haath thande ho gaye sharir sunn ho gaya

 

[sexstories]

Anirban ki gaadi ki speed bad rahi thi.
Aaj is paar ya us paar karna hai.koi emotions nahi hai chehre par.aansu bhi sookh gaye

Usne ek number dial kiya

"Sab kuch sach sach bataiye sir,aaj kuch mat chupaiye"anirban ne phone me kaha

"Gaadi chalate chalate baat nahi karte anirban"manish doosri aur se bola

"Mujhe sach janna hai poori ki poori"anirban bola

"Hmm to suno........."Bolte chala gaya manish

"Thanks a lot,lagta hai koi phone kar raha mai rakhta hoon"anirban ne phone kaatkar shreya ka phone uthaya

"A ani...ek buri news hai......lekin ye news sunte hi suraj bhaiyya......"shreya baat baat kaatkar bol rahi thi

"Hua kya thik se bolo"anirban bola.

"Wo.....anushka didi ab ....nahi rahi"shreya tootkar rone lagi.

"Ek agent ko rone ka haq nahi hai shreya,be strong.aur kuch??"anirban ne aaram se kaha

"Anirban how can you...."shreya ko yakeen hi nahi ho raha tha anirban ke rawaiyye par

"Kuch aur hai to phone karna,bye"phone rakh diya anirban ne

Bohut kuch ho gaya isi beech.college me doston ke saath ghoomna aaya tha,aaj sab kuch cheen gaya uska
Lekin aaj khone ke liye kuch bhi nahi hai uske paas aur in sab ki jad ek hi insan hai
Jiska naam hai suraj sharma

Kuch sochkar anirban ne ek call lagaya
"Sab kuch sach sach batao mujhe"aur uska chehra sakht ho gaya
-------------------------------------------------------------------------------
"Come on suraj,bas itna hi dum hai tujhme??"kushal pose me a raha tha

Ladai jaari thi.lekin haar koi bhi nahi raha tha.jahan kushal ke vaar me gussa, aakrosh aur nafrat thi
Wahi suraj har vaar rokne ke saath kuch soch bhi raha tha

"Bas suraj,bas"bol ek flying kick ke saath kushal ne suraj ko zameen par gira diya

Uthne ki takat nahi thi suraj me

"Uth suraj,uth aaj tu apni aankhon se apni haar dekhega,so called best agent of RAW aaj mere pairon ke neeche hai"kushal muskurate hue bola

Suraj waise hi leta raha

"Waise mai soch raha tha ki tu waisa hi game khelega jaisa khelta aaya hai,hum sab ko bewkoof banakar waise hi gher kar maarega jaisa tune delhi me kiya tha,NSG ki help lekar"kushal bola

"Lekin mai aisa hone nahi doonga suraj,chalo re ise uthakar"kushal bola

Do aadmi paas aakar suraj ke bejan si sharir ko uthakar le jaate hai

Poori group wapas chalne lagi

Wahi kuch door par Zahid ne phone kiya
"Anirban kitni door ho tum??"

"Bas pohunchne hi wala hoon"anirban bola

"Ab tak a jaana chahiye tha,kahan fans gaye the??"Zahid bola

"Kam door nahi hai raasta,waise bhi navigate karke aana bohut problematic hai "anirban bola

"Thik hai tab tak mai rokta hoon in sabko"Zahid bola

"All the best"anirban bola

Zahid ne mask pehne ,aur us group ke peecha peecha chalne laga
Kushal jaise dhurandhar aadmi ko chakma dena koi khel nahi hai.bohut shaatir hai wo

Khair Zahid group ke peecha peecha chalne laga.aur ek ek kadam dheere dheere badhane laga

Sabse peeche ek aadmi ja raha hai.group se faasla thoda sa door hai,first target

Peecha se achanak us aadmi ka muh dhakte hue gardan marod di Zahid ne
Baaki bache logo ka intezam aise hi karna hoga.hopefully anirban back up lekar a jayega

Anirban Zahid ka signal locate karte hue jungle pohunch raha tha

Wahi zaahid dheere dheere sab logo ko chupke chupke maut ke ghaat utar raha tha
Zyada shaatir hona bhi kabhi mehenga padta hai
Aur wahi saabit ho gayi thi aaj.jahan kushal agar na wahan se hat jata,to shayad Zahid ke liye itna aasan nahi hota ek ek karke logo ko khatam karna
Kisi ko chura maarkar to kisi ka gardan marod kar

Bas aakhirkar sirf 20 ke kareeb reh gaye the log

"Ruko"kushal ne achanak roka poori paltan ko

Jhat se palat kar dekha kushal ne log kam dikhe use
"Fuck apni apni position le lo,koi bhi dikhe bhoon dalo"kushal bola

Tabhi joote ka ek hissa dikh jaata hai kushal ko.aur wo muskurate hue apni gun load karte hue waha jaata hai

"Aur wo ye raha...."jaise hi kushal jhat se saamne jaata hai bas ek khali joota hi dikhai deta hai use

"Shit"kushal waha se bhagate hue saamne aaya hai ki tabhi

RATATATATTTATATTATA

goliyon ki bauchar achanak se uske aadmiyon ko dheere dheere khatam karti rehti hai

"Apni position lo bewkufon"bol apne pocket se smoke bomb nikal kar fekhte hue bhaag jaata hai kushal

"Sahi time par entry anirban"Zahid haste hue kehta hai

"Abhi tak tumne hi sambhala tha Zahid"anirban bolta hai
Zahid halka sa chaunkta hai anirban ka badla hua roop dekhkar

Anirban adhmara sa suraj ki aur jaata hai.

"K....kushal .....waha ...... Suleiman ki aur ja .....raha hai....ye device lo.iski madad se kushal ke jariye suleiman tak pohunch jaoge...kushal se ladte waqt maine uske sharir par ek chip daal diya tha........best of luck...jao....."suraj ne anirban se kaha

"Bhaiyya mai aapse baat karne aaya hoon."anirban bola

"....idhar apna kaan laga mere paas"suraj bola

Anirban suraj ke paas gaya aur uske kaan me jaise kuch bola.anirban aag baboola ho gaya

"You Bastard....tune sab kuch khatam kar diya mera,ab mere paas kuch bhi nahi hai"bol zor zor se laat maarne laga suraj ko

"Bas anirban,aage mai dekhta hoon.you stop suleiman"bol Zahid anirban ke kandhe par haath rakhta hai aur anirban gusse se suraj ki aur dekhkar chala jaata hai

"...thanks Zahid"suraj haanfte hue kehta hai

"Thanks ki jagah please bologe abhi ,jab pata chalega ki.mai the maarna wala hoon.sorry bro.nothong personal.upar se order aaya hai"Zahid apni pistol ki goli check karte hue bola

"Ek best agent ko marte hue bada dukh AAAAAAAARRRGHHHHHHHHHHHHHHHH"
chhatpatane laga Zahid

"Shock stunner,quick electricity shock,tujh jaise tucche ke liye, sorry bro nothing personal"suraj lete hue apna haath Zahid ke pair se hatata hai aur chote se device ko fenk deta hai

"Suleiman Tere haath nahi aayega bhai,tere bas ka nahi use pakadna"bol suraj Zahid ki pistol utha apne muh se khoon hatate hue langdate hue chal padta hai doosri taraf,kahan??
Ye sirf usko pata hai

------------------------------------------------------------------------------

"Bismillah r rehman e rahim,bhaiyon aur behno,aaj ek aiti hasik din hai.aaj se naya jihad shuru hoga,jisme hum kaafiro par bhari padenge,hum un sabse badla lenge jinhone musalman pad zulm kiya zyadti ki,un sab par bhari padenge jo hamse nafrat karte hai,aur isliye aaj elan karta hoon ki aaj se hamara bhaichara yani brotherhood ko aap logo ko gali gali tak pahunchana hai,poori duniya humse hogi na ki hum unse"suleiman ne conference shuru kar di thi

"Aaj aap hamari taqat dekhenge,jab hum ek saath 20 mulkon me dhamaka karenge"suleiman bola

"Abhi sirf aadha ghanta hai,taiyyar jo jaiyye"suleiman bola

Aur charo aur chillane ki awaz aane lagi

 

[sexstories]

Aaj yahi din tha jab suraj jennifer se takraya tha aur fir uske raw me entry hui thi
Kai missions ko anjam diya tha usne.lekin itna kabhi nahi toota tha

Langdate hue suraj ja raha tha.achanak uska mobile bajne laga

"Hello??"apne aap ko jaise taise sambhalte hue bola

"Beta ek sad news hai"anju sharma rote hue boli

"Bolo maa"suraj bola

"Beta....anushka....is duniya me......"

Phone kaat diya suraj ne
Aur baith gaya,kya yahi uski zindagi hai??yahi uski niyati hai??jisko bhi chaha jisko bhi pasand kiya wo usse door ho gaya
Uske papa,jennifer madam,alisha madam,Myra,nitin ,uska bhai anirban aur aaj anushka
Aur kya khone ke liye kuch hai bhi??
Aankhen nam thi suraj ki.apna mobile fenk diya usne

Ab sab kuch bhool kar Suleiman KE baare me sochna hoga
Lekin kya ye itna aasan hai????
Sab kuch ek dhaage me piroya jaaye to kahi kuch choot sa raha hai

Kuch to gadbad hai.

-------------------------------------------------------------------------------

"The day has come to put up your arms against this world
This war will change the world for good
Only one religion,one mission for equality, everyone will be equal,every man will get the same salary,every person will be respected"Suleiman bola

Charo aur chillane ki awaz aane lagi.dilawar muskuraya

"In about 20 minutes the bombs will go off in twenty countries"suleiman bol thoda chup raha
Aur dilawar ki aur dekhne laga

"Wo ladka a raha hai yahan janab,kya karen??"dilawar ne poochha

Suleiman muskuraya aur halka sa ishara kiya.dilawar samajh gaya ki ab anirban ke upar jaane ka samay ho gaya

Wahi Anirban zoro se daud raha tha.apna watch dekha usne.time lagbhag 15 minute hai.koun se desh me hoga blast,koun karega blast kuch nahi pata
Sab kuch andhere me,suraj bhaiyya ki baatein agar sahi hai to anirban ko apne dimag ko daudana padega
Lekin kaise??

GHAI GHAI
RATATATTATATA

goliyan chalne lagi aur anirban ko rukna pada.abhi uske paas koi support nahi hai
Na hi uska nishana kisi pro agent jaisa hai
Lekin fir bhi do teen ko ludka diya apne gun se

Bahar ho rahi awaz se suleiman ke video conference par asar ho raha tha.lekin use jaari rakhna tha

Tabhi bhadak se darwaza khol kushal a jaata hai

"Janab janab gadbad ho gayi,wo suraj......kameena ......uska bhai....."hanfte hanfte bolta raha kushal

Dilawar ne kushal ko pakadkar waha se le gaya

"Bewkoof ye batane yaha aaya hai???"dilawar bola

"Wo wo ek ladka mere peeche a raha tha"kushal darte hue bola

"Hmm pata hai"makhkhi si dikhane wali chip ko kushal ke kameez se nikalte hue dilawar bola

Kushal dekhte hi chaunk pada.damn it suraj .abhi abhi game khel gaya aur wo pakad hi nahi paya

Dilawar kushal ko le jaane hi wala tha ki

BHADAAAAAAAMMMMMMM

ek tez dhamaka hua aur darwaze ke parkhachhe udd gaye

Suleiman ko ab band karna hi pada apna conference
Bas do minute reh gaye the.apni bandook lekar wo chalne laga jahan goliyon ki awaz a rahi thi

"Janab aap jaiye is ladke ko hum sambhalenge"kushal bola

Lekin anirban ko aaj koi nahi rok sakta tha apne dost aur apne pyaar ki laashein dekhi thi usne .laashein bichane lage uske gun.

Lekin ek problem thi.kachha khiladi tha.experience nahi thi usme aise situation ko handle karne ke liye

Achanak kushal ki goli uske bandook par lagi aur apna haath pakadkar baitha gaya
Usi pal kushal ne uske sar par bandook rakha aur bola
"Chupchap let jao zameen par aur dekho kaise suleiman apne kaam ko anjam dete hai"

Is pas dilawar has pada aur suleiman muskurane laga

 

[sexstories]

Anirban hanfne laga.
Ye ye to sab kuch palat gaya.abhi suleiman detonate karega aur satellite ke signal se 20 jagah bomb blast hoga lekin wo kya kare??uske bas ka kya hai

Sirf ek....bas.bas wo try kar sakta hai.shayad kaam na kare

Kushal apni bandook waise hi taane hue tha
"Suna nahi bandook niche kar aur let ja"

Suleiman muskuraya aur apna detonator nikala.aaj isi detonator se 20 desh me dhamaka hoga
Aur waise hi afra yatri machegi jaise vishwa yudh me hua tha

"SURAJ BHAIYYA"anirban darwaze ki aur dekhte hue bola

Charo taraf se logo ne apni bandook darwaze ki aur kar di,kushal bhi mud gaya

Isi beech bijli ki gati se anirban ne apna bandook kheechkar maara suleiman ki aur.nishana uska haath tha

Nishana kachha tha lekin tha achook.israeli pistol suleiman ke haath se takraya aur detonator neeche gir gaya suleiman haath pakadkar baith gaya

Kushal kuch samajh paane se pehle hi anirban ne usi ki gun ghuma di aur shoot kar diya.fir kya
Kushal ludakkar anirban par gir gaya

Anirban ki aur 3 logo ne goliyon ki bauchar kar di.lekin goliyan kushal ko lagi aur wo chhatpatane laga

Kushal ko apni dhaal banakar uske haatho se pistol lekar shoot karte hue logo ko maarne laga anirban aur uski aur dekhkar bola
"From suraj with love"

"S suleiman chalo ye jagah safe nahi hai hame nikalna hai"dilawar bola

"I itni mehnat paani me??"suleiman roansa hokar bola

Dilawar ne suleiman ka haath pakadkar apne saath le gaya aur bahar nikal gaya

DAMN .anirban kushal ko apne se hatate hue vivash hokar dekhne laga lekin abhi wo unke peecha nahi ja sakta tha

"Sir, anirban ....haan mission accomplished.lekin Suleiman nikal gaya.detonator ko tabah kar diya hai sir.....ji sir"anirban ne phone rakha

"Shukra hai tum thik ho,suraj kidhar gaya"Zahid a chuka tha

"Pata nahi zahid.maine socha tumne sambhala hua tha unhen"anirban Zahid ko neeche se upar tak dekhte hue bola.

"Are....mai socha tum musibat me pad jaoge isliye chala aaya"Zahid bola

Anirban kuch sochte hue bola
"Chalo"

-------------------------------------------------------------------------------
"Sab ....kuch...khatam...."Sulaiman ko abhi bhi yakeen nahi ho raha tha ki ek jhatke me sab kuch khatam ho jayega
Usne poori taiyyari ki thi suraj ke liye lekin game anirban khel gaya

"Koi baat nahi,sab kuch khatam nahi hua,abhi bhi hum sab kuch shuruaat se kar sakte hai"dilawar bola

Dono gaadi lekar pohunch gaye pahadi ke ek kone me

"Yahan se neeche ek nadi hai jo ki hame le jayegi ek jagah.wahan se hum samander ke raaste iran hote hue wapas afganistan nikalenge"suleiman bola

"Itna asan hai kya??"ek awaz aayi aur dono chaunk gaye

Saamne suraj khada tha.suraj ko dekhte hi un dono ko aisa laga jaise bhoot dekh liya dono ne

"Suraj ??tu rokega hame??,is haalat me??"dilawar bola

"Suleiman ho jaaye ek ek haath??"suraj bola

"Sochle suraj.tu ghayal hai abhi"suleiman bola

"I don't care,waise bhi ye meri problem hai,a ja suleiman do do haath karte hai"bol suraj pose me a gaya

Suleiman muskuraya.aaj aakhirkar ladne me.maza aayega
Bohut dino ki chah thi
Aaj poori ho gayi

 

[sexstories]

Pehla war dushman ki taraf se hona chahiye.
Yahi sochkar suraj apne pose par kayam tha

Suleiman ne ek laat mara lekin dodge karte hue peeche se ek laat maara suraj ne
Lekin maarte hi karah utha.
Uska pair, zabardast dard hone laga

Suleiman muskuraya,usko opening mil gayi thi suraj ke defence me

Uchal kar ek punch maarna uchla suleiman lekin suraj ne fir dogde kiya
Lekin pal jhapakte hi pose change kar landing suraj ke ghayal pair me kiya suleiman ne

Dard se suraj ne daant bheench liye,aur aankhen band kar di
Purane khayal aane lage uske dimag me.wo training ka din 3 saal pehle

"Aise nahi suraj"alisha boli

"Madam bohut dard ho raha hai aur aap usi jagah par maar rahe ho"suraj gusse me apna kandha pakadte hue bola

"Dushman tum par daya nahi dikhayega suraj sharma,aise situation a sakte hai hand to hand combat par iske liye israeli method krav maga use karte hai.dushman ko close range me rakhna aur dard par se focus hatakar uske weak points par hit karna bar tumhari jeet"alisha muskurate hue boli

Suraj tab bhi gusse se apna kandha pakadte hue alisha ki aur dekhta rehta hai

Suleiman be fir ek punch maara usi pair me
Lekin is baar suraj ne us punch ko jhel liya

"Bas suraj 15 minute and you are out"dilawar haste hue bola

Suleiman be fir ek laat maari suraj ke pair me
Suraj ne waise hi jhela

Lekin apna pose change kar liya is baar jaise hi suleiman ne apna haath punch ke liya aage kiya
Bijli ki raftar se kohni se roka aur ek fast punch aur saath hi apna ghutna uthakar suleiman ke pet me maara

Suleiman chitak Kar door ja gira

"Krav maga??"suleiman ne poochha

Suraj ne apna pose waise hi bana rakha

Suleiman aaya attack KE liye lekin suraj ne ek kohni naak par maari ,doosra punch pet me maara

Suleiman door ja gira.muh se khoon nikalne laga

"Bas"bol dilawar maidan me kood pada

Suraj ke aage aaya,suraj ne ek kick maari dilawar ke chehre par,muh ghoom Gaya dilawar ka lekin kuch nahi hua

Ek punch maari pet me lekin kuch nahi hua,suraj ek kk baad ek baar kiye ja raha tha,lekin kuch asar nahi ho raha tha us aadmi par

Achanak suraj ka haath pakad liya dilawar ne aur ek zor se kandhe par punch maara
Punch itni zordar thi ki suraj ke haddi dislocated jaisi ho gayi
Suraj baith gaya
Ek pair,ek kandha
Bas apne ant ka intezar karne laga

"Thanks dilawar tumne bacha hi liya"suleiman bola

"Maine tumhe isse bachaya,lekin usse nahi bacha paunga"Dilwara bola

"Usse matlab is ladke ke bhai se??"suleiman bola

"Nahi usse"bol dilawar ne saamne dikhaya

Jaise hi suleiman ne dekha

GHAI GHAI

do goli pet me lagi suleiman ke.hairani ke saath aankhen bahar a gayi
Suraj ki aankhen bhi fati ki fati reh gayi

"Miss kiya mujhe suraj??"aanchal haste hue boli

Aanchal, doctor aanchal jise goli lagte dekhi thi suraj ne,wo....yahan???

"Darling tumhara purana aashiq tension me hai,bata do use poori kahani"dilawar bola

"Puri kahani ye hai ki is plan me mai isse pehle se hi hi,plan bas suleiman ka ise karna tha,jo jo chuka hai,lekin kya kare sweetheart tumhe bhi marna hoga"bol bandook taan diya aanchal ne suraj ki aur

Suraj dara nahi.saamne khada raha waise ke waise

 

[sexstories]

Suraj lahuluhan tha
Haanf raha tha.ghutno ke bal tha

"Sorry yaar suraj,kya kare karna padta hai, nothing personal,baat ye hai ki ye door ki soch hai dilawar ki.bohut door ki soch.jo tum andaza bhi nahi kar sakte,tum saare mohre ho jinhone apna kaam kar diya,ab tum jee ke kya karoge??tumhari mangetar to gayi"aanchal haste hue boli

Suraj kuch nahi bola chupchap sunta raha,kuch karne layak hai hi nahi wo

"Ok bye..."

"Stop it "ek awaz aayi aur sab ke sab usi disha me mud gaye
Anirban aur Zahid gun like khade the aur dilawar aur aanchal ki aur gun point kiya

"Kya baat hai suraj,tumhara bhai to ek dum bond james bond ban gaya"aanchal boli

"Apna gun fenk do varna shoot karne ke liye majboor ho jayenge"anirban bola

"Majboor hum nahi tum ho balak,tumhara bhaiyya yahan hamare rahamo karan par hai samjhe??"aanchal boli

"Don't worry about me ani shoot them,come on"suraj bola

"Aww desh bhakti zyada jaag rahi hai kya suraj??zyada bola to abhi ke abhi shoot kar denge tujhe"aanchal boli

Suraj muskuraya fir training ke din yaad a gaye use
"Acha jennifer madam.kabhi aisa ho ki mai helpless sa khada rahu aur koi mere saamne gun tankar khada ho jaaye to??"suraj ne poochha tha us din jennifer se

"Sab se pehle to aisi naubat aani ho nahi chahiye,arz karo a gayi to itna karna ki gun ke saamne raho,jitna saamne utna acha"jennifer ke kaha tha

"Lekin saamne kyun??"suraj ne poochha

"Kyunki dushman se bachne ka aakhiri raasta rahega tumhare paas"jennifer boli

"Kaise??"

"Dekho suraj, acting bhi kabhi kabhi karni padti hai hum logo ko,agar tumhe lagta hai dushman tum par zyada bhaari ho raha hai to use lagne do,aur KAMZOR ka acting karo,fir jaise ki wo tumhare ek dum saamne aaye,aise jhatka do aur bandook ko ulta kar apni position me lo aur trigger par apni ungli"jennifer ne karke dikhaya

"Wow madam yaani dushman sirf gun padega lekin gun hamare ishare par chalegi"suraj exited hote hue bola

Jennifer ne haste hue suraj ke baalo par apna haath fera

Present day

"Has kyun rahe ho aur.."

Ek jhatka aur suraj ne bijli ke speed se aanchal ka gun ulta kar ek goli chalayi

GHAIIIIIIIII

Dilawar ke kandhe ko aar paar karti chali gayi goli
Suraj ne ek halka sa haath twist kiya aur aanchal cheekhte hue gun haath se gira deti hai

Anirban ne shoot kiya dilawar ki aur

GHAI GHAI

dilawar ne ek jhatke me aanchal ko dhal banaya goliyan aanchal ko lagi aur apne pocket se pistol nikalkar chalane laga aur dheere dheere pahadi ke kinare jaane laga.ek dum kinare pohunchte hi usne aanchal ko ek kiss kiya

"Sorry janeman,saath yahi tak tha"bol ek jump maara dilawar ekdum khai ki aur

Aanchal ka hairan sharir dhapp se niche gira.suraj karahte hue aanchal ki aur gaya

"B bure karmo...ka..fal.....bura hi hota hai..suraj..."ek taraf gardan ludak gayi aanchal ki

Udhar anirban aur Zahid daudkar saamne aaye khai ki aur jhankte hue dekha ki dilawar ne apna parachute khol diya tha
Matlab wo kameena poori planning ke saath aaya tha

"Anirban good job"suraj jaise taise uthte hue bola

"Sorry bhaiyya ek job aur hai"anirban bola

"Kya??"suraj ne poochh

"Ye"bol apni pocket se pistol nikal do goliyan daag di suraj ki aur

GHAI GHAI

suraj hairan tha Zahid hairan tha agar koi hairan nahi tha to wo tha anirban

Ladkhadate hue suraj ka pair faila aur wo khai me gira

"Y ye kya kiya anirban??ek special operations agent ko maar diya tumne??"Zahid hairat me bola

"Hmm"anirban casually bola

"Lekin wo tumhara bhai bhi tha"Zahid bola

"Pata hai Zahid ek aakhiri kaam.karna hai"anirban bola

"Kya??"Zahid ne poochha

"Ye"bol ek goli daag diya Zahid ki aur

GHAIIIIII

seedha sar ke aar paar ho gayi goli

"Ye mere nirdosh ashima ko maarna ke liye"bol anirban apna kadam bhahate hue call lagate hue chala jaata hai

 

[sexstories]

"anirban aap thik to hai na??"shreya daudte hue aayi
Police ka convoy pohunch gaya tha.forsenic team,RAW aur NIA ki team bhi aayi hui thi.sabko brief me samjha diya tha anirban ne

"Mujhe kuch nahi hua hai shreya"bol anirban aage badh gaya

"Lekin yahan bohut kuch hua hai barkhurdar"vinod bola aur anirban ke samne aaya

"Aap kya bol rahe hai mujhe kuch samajh me nahi a raha hai,sir"anirban bola

"Yahan exactly kya hua tha??"vinod ne poochha

"Wo mai apne statement me bol dunga"anirban bola

"RAW teh tak jayegi anirban ,aur iska pata lagakar hi rahegi ki aakhir kya hua tha,agar pata chala ki suraj ke mout ke peecha tumhara haath hai to mai kisi ko nahi manunga,seedha collar pakadte hue ghasit kar le jaunga apne saath"vinod bola

"Hmm jo karna hai kijiye"anirban bola

Vinod kuch kehne hi ja raha tha ki manish apni team ke sath a gaya tha

"Vinod sir doosre agencies ke operation me aapko kab se dilchaspi ho gayi??NIA ka to banta hai.lekin aap kis khushi me yahan tak jhak kar rahe hain??"manish haste hue bola

"Mr manish aapke liye suraj koi maayne na rakhta ho lekin RAW ka one of the best agent tha wo,iska pata to mai lekar hi rahunga aaj nahi to kal,jab karunga tab sabki haalat kharab hogi"bol tez kadmo ke saath apni team lekar chala gaya

"Hum bhi dekhenge"manish vinod ko jaate hue dekh kar bola

"Oh btw Congratulations bro,aaj tumne special operations ka pehla mission poora kiya,great job"manish anirban ki peeth thapthapate hue bola

Anirban muskuraya aur sochne laga ki in sab ghatnakram ke peecha kal kya hua tha

EK DIN PEHLE
Anirban ne aankhen kholi.neend kuch zyada hi ho gayi thi.

Lekin ye kya ??kahan hai wo???aur aur bagal me
Chaunkte hue uth khada hua anirban.pasine se bheeg gaya
Ek parai ladki ke saath ye sab kiya usne,jisse mile hue bas do teen mulakaten hui thi
DAMN it

Kuch samajh nahi aaya anirban ko ,usne phone lagaya suraj ko

"Bol ani"suraj bola.shayad jaldi me tha

"Wo...b bhaiyya??"anirban toot gaya aur rone laga
Aur sab kuch bata diya usne jo uske saath ho raha tha

Suraj ne sab suna,rone diya anirban ko.jab rona band hua fir bola
"Dhyan se sun ani,ekdum dhyan se.ye psychological plans hote hai kisi bhi insaan ko todkar rakh dete hai,mera koi haath nahi hai teri khushiyon ko cheenne me mere bhai,ab mai jo bolta hoon dhyan se sun. Sabse pehle us ladki se shaadi kar le"

"Pagal ho gaye ho bhaiyya,jaan na pehchan shaadi,abhi ashima ko mare 24 ghante bhi nahi hue aur.."

"Mai jo bol raha hoon wo karna padega ani agar tujhe sab se chhutkara pana hai to,samjha.warna phone rakh"suraj bola

"N nahi boliye"anirban bola

"Hmm shaadi ke baad ......"

Aur suraj bolta chala gaya aur ani sunta gaya
Phone rakhkar sabse pehle shreya se shaadi ki usne,fir suraj ke kahe jagah par pohunchne se pehle ek dukan par gaya
Dukan wale ne use ek pistol diya

"Ab isi pistol se tu mujhe shoot karega ani"suraj bola

"Pagal ho gaye hain kya bhaiyya??"anirban ko vishwas nahi ho raha tha ki wo kya sun raha hai

"Gehri chaal hai ani, suleiman ke kandhe par bandook lagakar koi khel raha hai,sab pyade bane hue hai.jo uske isharon par kaam kar rahe hai,aise kaam nahi kar sakte"suraj bola

Fir jab jungle me kushal bhag raha tha to anirban suraj ke paas apna kaan aage badhaya suraj ne kaha tha ki 1 ghante me location bhej doonga a jaana,kuch bhi ho jaaye Zahid ko last tak zinda rakhna

Uske baad jo hua usme ab sirf anirban sabke saamne hai zinda
Sab kaam jaari tha,forsenic department apna kaam kar rahi thi,nia bhi laga hua tha
Manish anirban ke tareefo ke pul bandh raha tha,jabki shreya gusse se manish ki aur ghoore ja rahi thi
Bas anirban doosre khayalon me tha
Anju mausi ko kaise suraj ki mout ke baare me batayega
"Hopefully aap ka plan successful ho bhaiyya"
Anirban ne sochte hue apne aap se kaha
-------------------------------------------------------------------------------
SOMEWHERE IN SAUDI ARABIA
"The time has come dilwar,aaj humara sabse bada dushman bhi maara gaya ab poori duniya ko hum apne matlab ke liye use karenge,sabke saamne karenge lekin kisi ko pata nahi chalega"ek kutil muskurahat ke saath bola ek shaks
Aur apne pair ke upar pair rakhte hue ek paper weight ko table me ghumane laga aur hasne laga

(((((((((((((((((((((((((THE END))))))))))))))))))))))))))