Hot Sex Stories - Haunted ~~ " Game Of Rings "

[sexstories]

Bhadia update tha

..sir ghuma diya


Sabse pehle toh Anshika hee hai shaitan..kal ke update mein ye padh kar..hil gaye the sabhi

Lekin aaj ye clear hua ki..Anshika ko chuna hai usne iss baar


Vo sab sapne shreyas ko dikhana aur Anshika ko hee bangle mein dikhana..ye sab uss shaitan ka mayajal hai

Bahaut confusion hai bhai..bahaut hai


Itna samhaj aaya ki Anshika ke pass vo ring hai..iska hee kuch connection hai uss ruh se..kaise judi hai vo usse.


Jab shreyas vapas aaya tab Ring Anshika ki anguthi mein thi aur shaitan ki ruh bhi thi usme.........lekin jab Ring nikal gayi toh vo behsh ho gayi....uske baad fir se Shreyas ne Ring pehnayi toh Anshika normal ho gayi

Kya ho raha hai ye...chakkar kya hai inn Rings ka aakhir?????

Abb toh shreyas ko bahaut jada mehnat karni padegi..Ring ka raaz bhi dhundna hai aur Anshika ko bhi bachana hai

Kaisa mayajaal hai ye shaitan ka

Dekho kya hota hai abb..waiting for next

 

[sexstories]

" anshika ye ring tumhe yaad hai ki tumne kahan se banwai thi ? " shreyas anshika ko baithate hue uske samne ghutno ke bal baith gaya.

" ghar ke pas wale shop se hi " anshika ke jawab ne ye to samjha diya ki iske piche koi insan nahi hai jo jaan kar logon ko chun raha hai.

Shreyas ko chup baitha dekh anshika ne ghabrate hue pucha " shreyas kya mein possessed hun ? " uski ghabrahat sahi thi. Shreyas ne apna hath uske hath ke uppar rakha.

" mujhe nahi lagta anshika varna tum hamare sath nahi hoti aur itne lambe waqt to bilkul nahi " vo sochte hue bola.

" fir ? "

" keh nahi sakta par tumhare andar koi ruh ne kabza nahi kiya hai ye sab is ring ka khel hai "

" lekin kya ? " nidhi ne shreyas ko bich mein roka.

" wahi to khojna hai nidhi aur ye bhi ki anshika kaise ? "

" pichli baar ki tarah " anshika bas itna hi boli.

" nahi anshika vo nahi hai jo hum soch rahe hain. Hume nahi pata kaun hai aur kya chahta hai, tumhe kyun chunna aur kyun vo ye sab kar raha hai lekin hamare pas use khojne ka ek tarika hai "

" jise jante nahi uska kya tarika shreyas? "

" tum anshika usne tumhe chuna lekin kabhi tum par havi nahi ho paya tabhi to tum mujhse judi rahi tabhi tumne mujhe us din asalyum mein nahi chhoda tum chahti thi ki mujhe kuch nahi ho iska matlab "

" tumhara pyar shreyas " anshika ek pal bol kar chup hui uski ankhon mei us raat ka dard tha.

" hamara pyar anshika. Tum kabhi possessed nahi hui ye shakti anjani hai aur kya hai ye janna behad jaruri hai. Sirf tum hi hamari madad kar sakti ho "

" mei par kaise ? "

Shreyas ne anshika ka hath thame rakha " anshika kuch hai aisa jo tumse karwaya ho aur tumhe yaad ho, kuch bhi, choti si choti chiz "

" mei tumhe batana chahti thi ki tumhe sapne atte hai lekin fir tumhe takleef nahi dena chahti thi isliye nahi bataya "

" nidhi ne bataya tha, jaisa mene socha tha vo sapne tumhare jariye mujhe dikhata taki mujhe takleef mein dekh tum mujhe sab bata do lekin tumne isliye nahi bataya kyun ki tum mujhe takleef nahi dena chahti thi. Shaitan akhir jitna bhi samjhdar ho vo kabhi pyar ko ache se samajh hi nahi sakta " vo ek pal chup hua " aur kuch ? " shreyas ke kehne par vo sochne lagi par use kuch bhi yaad nahi tha. Usne apna sar na mein hila diya aur ek umid jo shreyas ko thi vo tuti nazar ayi.

Shreyas kuch aur sochne laga kyun ki vo janta tha ki isme ansihka ki koi galti nahi par karein bhi to kya? Har baar koi na koi kahani batane ke liye hamesha sath hota tha par is baar na hi kahani ki koi shuruwat dikh rahi hai aur na hi koi ant, dar sirf itna tha ki agar usne anshika ko chuna tha to vo jarur use apni takat milne ke baad nahi chhodega aur shayad ab jada waqt bhi nahi reh gaya tha.

" ek chiz hai jo mujhe tumhe batani thi " anshika kuch soch kar boli to shreyas ne apni nazar utha kar uski taraf dekha.

" kya ? "

" pata nahi jaruri ki chiz hai ya nahi "

" aisi kya chiz hai anshika ? " pata nahi vo kya soch rahi thi uska itna sochna shreyas aur nidhi ko pareshan karne laga tha.

" vo bills ke sath kuch paper jo nidhi ne mujhe us din lakar diye the " anshika ne nazar nidhi ke uppar dali. Nidhi ko ek pal laga lekin agle hi pal vo samajh gayi par shreyas nahi janta tha.

" kaun se paper ? " shreyas ne fauran sawal kiya.

" mujhe vo is ghar ke mail box mein pade mile the aur jab mei tumse milne ayi to le ayi socha kuch jaruri papers hoge jo tumne kab se nahi dekhe honge " nidhi ne jawab diya aur anshika ki taraf nazar dali " lekin anshika usme aisa kya hai ? "

" aur uska in sab se kya matlab ? " nidhi ne anshika ke bolne se pehle apni baat kahi.

" pata nahi par mujhe abhi yaad aya ki usme ek envelope aisa bhi tha jo Shilpi maa ke naam par tha " naam sunte hi shreyas hairani mein khada ho gaya. " Nidhi ne us din jab mujhe vo sarre paper diye to mene aise hi rakh diye the lekin tumhare jane ke baad ghar ki safai ke dauran meri nazar uspar padhi jisme ek envelope unke naam ka bhi tha "

" itne salon baad unke naam par kaun envelope bhej sakta hai " shreyas badbadaya.

" Aur us raat jab mei tumse milne ke liye nikli to saman dalte hue mene un sabhi paper ko dal diya taki tumhe de sakun lekin phir mujhe yaad nahi raha " anshika apni jagah se khadi hui.

" kahan hai vo envelope " shreyas ke puchte hi anshika kamre se bahar nikli to vo aur nidhi bhi uske sath chale gaye. Anshika kamre mein pahunchi aur apna saman nikalne lagi jiske baad vo sare envelope usne saman mein se bahar nikale aur shreyas ki taraf badha diye. Shreyas ne anshika se vo sabhi envelope liye aur unhe dekhne laga. Alag-alag naam par bahut sare envelope the phir vo envelope uski ankhon ke samne aya jiske bare mein anshika ne bataya tha.

Envelope par sirf Shilpi likha hua tha, usne ek bar anshika ki taraf dekha aur phir envelope khola. Uska dil tezi se dhadak raha tha, dimag bas isliye pareshan tha ki itne lambe waqt baad kaun unke naam par kuch bhejega vo bhi is ghar mein lekin jaise hi usne envelope khol kar andar dekha " ye to khali hai anshika " usne apni nazar uthai aur vo wahin jam kar reh gayi.

" ha.. ha.. ha... " anshika ki ankhein kale kanche jitni badi ho chuki thi. Vo shreyas ki taraf dekh ruk-ruk kar hansi mano mazak uda rahi ho. Uski awaz anshika ki hi thi lekin ek bhari bhayanak awaz bhi uske sath judi hui thi jaise kab se soyi hi na ho.

" anshika envelope khali kyun hai ? " shreyas ne pucha. Anshika usi tarah khadi dekhti rahi aur phir muskura di lekin kuch nahi boli " kya tha aisa isme jo tum chupana chahti thi " usne apna sawal badla.

" ha... ha... ha... " vo phir usi andaz mein hansi. Shreyas use khada dekhta raha phir uske najdeek aya " anshika tum mujhe sun sakti ho janta hun kehna bhi chahti ho batao tumne is envelope ke sath kya kiya " shreyas ne is baar behad pyar se pucha lekin vo kale moti jaisi ankhein choti badhi hoti rahi aur anshika muskurati rahi. Vo janta tha ki koi fayda nahi, usne anshika ko sine se jode rakha.

" anshika " usne uske kaan mein naam pukarna shuru kiya aur kuch hi pal baad anshika vapis pehle jaise ho gayi. " shreyas kya hua ? " khud ko shreyas ke sine se laga patte hue usne sawal kiya, vo ek baar phir sab bhul chuki thi. Shreyas ne use alag kiya " envelope khali hai anshika "

" kya ? khali hai, aise kaise khali hai " usne shreyas ke hath se envelope liya to vo use bhi khali hi dikha " aise kaise ho sakta hai shreyas koi khali envelope kyun bhejega ? " usne masoom nazron se shreyas ko dekha.

" envelope khali nahi tha anshika use khali kiya gaya " shreyas ne uski taraf aise kaha ki vo use samjha raha ho ki envelope ke andar jo kuch bhi tha vo usi ne gayab kiya hai, kya kiya koi nahi janta sivai uske.

" mene ? " anshika samjhte hi boli aur phir usne hath se envelope chhod diya. " mei tumhari har umid ko khatam karti jaa rahi hun shreyas, mujhe dur kar do khud se varna tum kabhi kuch bhi nahi khoj paoge " uska jee bhar aya tha, ankhein ek pal mein bhar ayi.

" aisa nahi hai " shreyas bas itna hi bol paya

" aisa hi hai shreyas, vo kabhi nahi chahega ki tum use use khoj sako isliye vo mera istemal kar raha hai kyun ki vo janta hai ki tum mujhe khud se alag nahi karoge aur mei tumhe us tak kabhi pahunchane hi nahi dungi " bolte hue vo bikhar gayi aur rone lagi. Shreyas ne fauran use apni bahon mein bhar liya.

" kuch bhi tum jaan kar nahi kar rahi anshika kuch bhi nahi " vo uske balon ko sehlane laga. Bhale hi vo kahani se dur jaa raha tha lekin vo apne pyar ko khud se dur karne ka soch bhi nahi sakta tha. Anshika jo bhi thi is waqt ek mayajaal ka hissa thi lekin usme uski kya galti thi. Shreyas usko shant karne laga, dil dukhi tha lekin haar nahi mana tha kyun ki vo janta tha agar usne haar maan li to vo anshika ko shayad kho dega bina ye jane ki khoya kab. Vo usi tarah khada raha, anshika uski bahon mein shant hone lagi vo apne aap ko sabse jada mehsus wahin karti thi. Shreyas usko alag karta use pehle uski nazar farsh par pade envelope pe gayi, kuch tha usme aisa koi sach jo us shaitani shakti se juda tha par jo bhi tha uske bare mein ab soch kar koi fayda nahi tha. Vo soch raha tha ki sochte hue uska dimag aur ankhein envelope par jami reh gayi.

" anshika " usne anshika ko pukara to usne uski taraf dekha jo farsh par hi dekh raha tha. " kya hua? " vo shreyas se alag hui, lekin usne koi jawab nahi diya aur farsh par pada envelope utha liya.

" isme kuch tha jo vo chupa gaya par abhi bhi hamare pas ek mauka hai use khojne ka "

" kaise ? " anshika hairani mein use dekhni lagi. Shreyas ne koi jawab nahi diya aur phone nikal kar google par envelope se dekhte hue usne search kiya. Search result atte hi uski ankhein wahin jam kar reh gayi.

" shreyas kuch bolo " anshika ne pucha. Nidhi bhi bechaini se dono ko dekhne lagi.

" anshika envelope par laga stamp uspar jo code hai vo varansi ka hai "

 

[sexstories]

Ek aur shaandar update

...maza aa gaya

Anshika possesed nahi hai ye toh suru se hee lag raha tha...jo bhi chakkar hai uss ring ka hee hai

Lekin uss ruh ka iss ring se kya connection hai ye hai sabse bada prashan..

Uss ruh ne bahut hee achee se Anshika ko shreyas ke karib rakha...taki kabhi bhi koi shaq paida naa ho...vo sab sapne dikhaye aur fir asylm mein use bachaya bhi

Itne time baad Shilpi ke naam ka envelop...main baat toh yahi hai ki...kisne bheja hoga vo

Abb jakar Shreyas ko ek hint mila hai

.....vo Envelops hee kuch bata sakte hain

Lekin Anshika ke ye do roop

...inke rehte kaise kar paayega Shreyas ye sab...yahi dekhne vali baat hogi

Pareshani toh suru ho hee gayi hai..Envelop mein jo bhi tha sab gayab jo kar diya usne

Varanasi...?????

Lets see kya hoga...Anshika ke iss double roop ke saath kaise karega shreyas

Waiting for next

 

[sexstories]

" anshika envelope par laga stamp uspar jo code hai vo varansi ka hai "

" varnasi? koi tum logon ko wahan se koi khat kyun bhejega " nidhi turant boli. Ek pal shreyas khamosh khada raha.

" bhai ko shilpi maa wahin se layi thi "

" kya ? " vo chaunkte hue boli " Harsh ko varanasi se laya gaya tha ?" nidhi ki bata sun shreyas palang par baith gaya.

" mujhe dhruv papa ne bas itna hi bataya tha ki shilpi maa varanasi ke ghat gayi thi pooja ke liye aur jab sath ayi thi to bhai unke sath tha aur ab itne salon baad wahan se khat ana kuch samajh nahi aa raha "

" sawal ye nahi hai shreyas ki khat kyun aya, sawal ye hai ki khat kisne bheja hai ? " anshika jo chup thi, shreyas ki baat sunte hi bol padhi.

" anshika sahi keh rahi hai itne salon baad kisne bheja hoga " nidhi boli par shreyas kuch aur soch raha tha.

" khat itna hi jaruri tha to dubara kyun nahi bheja gaya " ek pal usne dono ki taraf dekha " aur agar jaruri nahi tha to itne saalon baad bheja kyun ? ho na ho kuch to jarur hai "

" to phir? " anshika ne kaha.

" hume varanasi jana hoga " shreyas faisla le chuka tha " bhale hi kuch na ho lekin mei har chiz ki tassali chahta hun vaise bhi iske alawa hamare pas kuch hai bhi nahi. Akhir ye janna bhi jaruri hai ki kaun hai vo shaks jo shilpi maa ko janta tha aur usne itne salon baad khat bheja aur sabse jaruri baat us khat mei aisa kya tha jo vo shaitan nahi chahta tha hum pade, kuch to hai anshika jo hume wahan jakar hi pata chalega " shreyas ki baat sahi thi bhale hi andhere mein chalne jasa tha lekin vo ye baat janta tha ki khud shaitan ne use rasta diya hai is andhere mein chalne ka.

" par khojenge kaise ? "

" isi envelope ki madad se anshika "

Der raat, shreyas ki ankhon se nind koson dur thi, vo anshika ko apni bahon mein liye soch raha tha fir ek dafa usne anshika ki taraf dekha aur bina uski nind kharab kiye khada hokar dusre kamre mein chala gaya. Kamre mein pahunch kar usne almira kholi aur drawer khol kar usme rakhi diary nikal kar bistar par baith gaya. Diary par itni dhul thi ki use saaf karte hue uske hath maile ho gaye. Ye diary shilpi ki likhi hui thi, shreyas ko laga jaise koi baat ho jo maa ne kahi ho lekin dhayan nahi gaya ho kyun ki pichli baar bhi unhone neha wali baat chupai thi. Usne diary kholi aur use padna shuru kiya

' Insan ka janam aur uski mrityu bhale hi uske hath mein nahi hoti lekin use khone ka dard humesha hum insano ko hi sehna padta hai ' pehli line padh kar vo ruka aur usne diary band kar di. Man badalte hue usne sonia wali diary kholi aur use padne laga.

' 15th August, aaj hamara desh ' aur vo padhta gaya. Ant padh kar uska dil fir se kheez utha aur bas ek hi sawal man mei ata ki kash us din aisa na hua hota, kash us din vo pyar mil gaya hota. Diary padhne ke baad ek baar usne apni ankhein saaf ki aur ek baar phir shilpi ki likhi diary uthai aur use padna shuru kiya. Diary mein likhi kahani ki shuruwat pehle sawalon se shuru hui uske baad dhire-dhire unke aur harshit papa ke sath jo hua usme likha hua tha. Shreyas abhi us pal mein tha jab harshit sonia ki diary ke bare mein jaan kar vapis bangle mein aya tha aur sabko wo kahani batana chahta tha.

" shreyas " anshika ki awaz sunte hi usne diary padna band kiya aur uski taraf dekhne laga.

" tum uth kyun gayi ? " shreyas ka sawal sun anshika uske sath aa baithi, usne shreyas ki hath mein shilpi ki likhi kitab ko dekha.

" itni der raat ko tum shilpi maa ki diary kyun padh rahe ho "

" pata nahi anshika, shayad isliye kyun ki vo apne shabdon mein bahut si batein chupa gayi ya phir bahut si batein bina samjhaye chali gayi " shreyas ki ankhein na jane kya khoj rahi thi jo bar-bar idhar udhar ghum rahi thi.

" shreyas ? " anshika ne usko pareshan dekh uske hath par apna hath rakha.

" kyun anshika kyun ? " usne apni nazar uski taraf modi vo kuch kehna chahta tha lekin jazbaton mein uske muh se nikal nahi paa rahe the " aaj tak mei ye sawal karta raha ki kyun unhone mujhe anath kiya, kya mei itna bura tha ya phir bhoj ban gaya tha ya is kahani ke jaise vo mujhe bhi daba dena chahti thi " anshika ko laga jaise shreyas ke man mein shilpi maa ke liye gussa hai.

" tum gussa ho unse? " usne apne man ka sawal puch liya.

" gussa hokar bhi jawab nahi milenge mujhe, bas itna samajha hun ki bhale hi unhone pyar behad shidat se kiya lekin mera pura bachpan ek anath bana diya "

" maa ne tumhe kabhi vo mehsus nahi hone diya shreyas " usne uska chehra pakda " aaj vo hoti to tumhare muh se ye baat sun kar unhe behad dukh hota. Shilpi maa ne jo kiya uske piche unki mansha galat nahi thi vo to tumhara bhala hi chahti thi tumhe us kahani se dur rakhna chahti thi "

" lekin phir bhi mei us kahani se jud hi gaya na aur meri wajah se tum bhi " anshika samajh gayi ki uska ye dukh khud ke liye nahi balki uske liye hai " agar vo maa se vada na leti to hume us jagah ke barre mein pehle se pata hota " vo janta tha ki muh se jo nikal raha hai vo sahi nahi hai lekin dil ka dard havi ho chuka tha.

" nahi shreyas, tum hi kehte ho ki ladai jiski bhi ho hamesha wo karna chahie jisme khud ko takleef ho par pyar ko nahi, vo bhi tumse pyar karti thi isliye tumhe vo takleef nahi dena chahti thi jo unhone khud mehsus ki "

" meri takleef us din badh jayegi anshika jis din meri kahani tumhe mujhse dur kar degi "

" tumhe dar hai is baat ka " shreyas ne kuch nahi kaha aur han mein sar hila diya. Anshika uske ansu girne se pehle use apne sine se jod lena chahti thi taki uski takleef kam kr sake, usne wahi kiya par boli kuch nahi balki us raat phir iske baad koi baat nahi hui.

Subah ki ticket se vo teeno train se varanasi ki aaur chal diye, safar lamba tha lekin is halat mein vo kuch jada hi lamba lag raha tha. Anshika ne nidhi ko mana kiya lekin dosti ke is safar mein shayad vahi ek dost thi jo is kahani ko janti thi isliye usne piche hatna sahi nahi samjha. Vo chahti thi ki jo kuch bhi ho raha hai jald se jald khatam ho jaye, apne bhai Avinash ko khone ke baad itne salon baad mile pariwar ko khona nahi chahti thi.

Raat ka samay tha, train junglon ke bich se shor karti hui guzar rahi thi, coach mein adhe se jada light band ho chuki thi aur jadatar log so chuke the. Shreyas ne nazare tirchi ki to anshika so rahi thi aur uski pith uski taraf thi. Shreyas ko aaj bhi nind nahi aa rahi thi ati bhi kaise sawalon mein fansa insan aksar ankhon se nind kho baithta hai. Tez raftar se chalti hui train dhire-dhire gatti dhimi karne lagi aur phir dhire-dhire junglon ke bich ruk gayi. Break lagne ki awaz sanate mein kuch pal tak gunji aur phir shant ho gayi.

Shreyas ko bhi ghutan mehsus hone lagi, vo khada hua aur usne AC check kiya par vo band pada tha. Usne ek baar anshika ko uthana cha par vo use bina bataye hi bahar ki taraf nikla. Usne darwaja khola aur bahar aya. Bahar ke dono gate band the, shreyas ne use khola aur phir khada ho gaya. Bahar 'sayen sayen ' chalti hawa ko mehsus kar use kuch acha laga. Usne handle ko hathon ki majbuti se pakda aur phir bahar ki taraf jhuka, dur-dur tak andhera aur sirf jungle hi dikha.

" kya kar rahe ho " achanak se ati awaz sun shreyas piche ghuma, TT khada tha " raat mein gate kholna mana hai piche hato " usne shreyas ko piche khincha aur gate band kar diya. " aap to pade likhe lagte ho sir, aise ilake mein raat ko darwaja kholna sahi baat nahi hai jungli janwar ya chor lutere ghus jate hai aur vaise bhi ye jungle sahi nahi hai "

" sorry lekin andar AC nahi chal raha tha ghabarahat ke karran bahar ana pada "

" AC nahi chal raha ? " vo sochne laga par agle hi pal shreyas ne apni baat kahi.

" apne kaha ki jungle sahi nahi uska matlab kya tha? "

" jane dijeye sir, mei AC dikhwata hun vaise bhi aap log nahi mante "

" rukiye " usne jatte hue TT ka hath pakda, " matlab aisa kya hai " TT ne uski ankhon mein utsah dekh batana shuru kiya.

" bahut se log train ke niche aa jate hain sir jungle paar karte waqt isliye kehte hain ki jungle aaj bhi unki cheekhein roke baitha hai " shreyas use hairani bhari nazron se dekhne laga " kaha tha na aap log nahi manoge mei dekhta hun track khali hua ya nahi " bol kar TT chala gaya. Ek pal shreyas wahin khada raha aur fir vo bhi andar jane laga par uske kano mein ek awaz padi aur uske kadam ruk gaye. Awaz uske piche se hi ayi thi, usne apni nazar piche ghumai to paya ki jo gate abhi TT band karke gaya tha vo khula pada tha.

Use samajh nahi aya ki ye apne aap kaise khul gaya, vo aage badh kar dekhna nahi chahta tha aur TT ki batai kahani ke baad to bilkul nahi lekin jigasya uske dimag mein itna badh chuka tha ki uske kadam khud ba khud aage badh gaye. Usne bahar dekhne se pehle handle pakda jise pakadte hi usne chhod diya kyun ki vo behad thanda tha mano abhi abhi baraf ke andar rakha gaya ho. Uska dil zoron se dhadakne laga, chehre par tanav ane laga, is baar vo bina hi handle pakde bahar ki taraf aya aur sirf darwaje par hath rakh kar bahar ki taraf jhuka. Par bahar koi nahi tha sirf wahi andhera tha jo use pehle mehsus hua tha. Kuch na dekh pakar usne sans chhodi par agle hi pal use apni gardan par ek thandi chiz mehsus hui, vo turant ghuma aur " dhaapappaaaaaaaaaa " anshika samne behad darawana chehra liye chillai. Uske chehre par kali nasein dikh rahi thi, vo awaz anshika ki thi par itni bhari mano andar kai awazein ek sath bol rahi hun. Achanak se hue hamle ne shreyas ka balance bigad diya aur shreyas train se bahar niche zameen par jaa gira.

" aahhh-hhhhhh " achanak se ankh khuli to suraj ki roshni khidki se ati hui uski ankhon par padh rahi thi. Use jaise raat yaad ayi to usne apni nazar anshika par dali, anshika vahan nahi thi. " anshika " vo khada hota use pehle anshika samne se ati nazar ayi.

" uth gaye " vo vahan akar baith gayi. " kya time hua hai ? " shreyas ne pucha.

" 11 bajne wale hain "

" 11? mujhe uthaya kyun nahi "

" tum bahut gehri nind mein the, man nahi kiya, vaise bhi itne time se theek se soye nahi isliye " anshika ne uske balon mein hath ferte hue kaha. Anshika ka itna pyara chehra dekh use kal raat dekha gaya uska chehra samne aa gaya. " shreyas ? " usne awaz lagai to vo apni soch se bahar aya.

" han.. "

" hum pahunchne wale hai, uth kar thoda fresh ho jao " anshika ki baat sun shreyas ne han mein sar hilaya aur vo uth kar nidhi se baat karne lagi. Shreyas ne ankhein band ki aur kal raat ke bare mein sochne laga, jo hua vo sirf ek sapna tha is baat ko mehsus karke usne rahat bhari sans li. Vo apni jagah se khada hua to uski pith mein bada dard hua par dhayan hata kar vo muh hath dhone bahar chala gaya. Ek ghante mein train varanasi station par aa khadi hui thi.

Ye uska pehla vakya tha jab usne apne kadam bhole nath ki mani jane wali nagri varanasi mein rakha tha jise ek zamane mein banaras kaha jata tha. Bahar akar teeno ne taxi li aur banaras ki galiyun mein vo bhagti hui unke hotel tak jaa pahunchi. Check in karke shreyas anshika ek room mein aur nidhi dusre room mein ja pahunche.

" anshika mei fresh hokar nikalta hu tum mujhe sidhe ghat par milna "

" theek hai par ghatt hi kyun "

" vo mei tumhe wahin bataunga "

" hmm " anshika bas itna hi bol payi aur shreyas bathroom mein ghus gaya. Uski pith mein abhi bhi dard tha, pichle dino se uspar bar-bar hamle ho rahe the aur uske sharir par choton ke nishan badh gaye the lekin abhi jab vo shirt utar kar khada hua to sishe mein khud ko dekh vo thoda chauk gaya. Shoulder kafi jada suj raha tha, usne hath lagaya to vo dard mein sisak utha " ye to taza chot lag rahi hai, par " vo chot ko dekh sochne laga aur use kuch yaad aya, kal raat jab vo sapne mein gira tha to kandhe ke bal hi gira tha. Ye sochte hi hairani mein ek pal vo sochta raha, kal raat jo hua vo sapna tha ya hakikat? ye tay karna uske liye mushkil ho gaya. Usne anshika ko na batane ka faisla kiya aur fresh hokar ek baar phir anshika ko ghat ka bol kar hotel se nikal gaya.

Bahar akar usne auto pakda " bhaiya yahan par aas pass mein post office kahan par hai ? " auto wala sochne laga.

" ratyatra chauk par pata kar lijeye sahab "

" theek hai vahan le chalo " vo auto mein baitha aur auto chal pada. Raste bhar vo envelope ki taraf dekhta raha aur phir kuch hi der mein vo vahan pahunch gaya. Shreyas ne use paise diye aur ek dukan ke pas ja pahuncha, vahan par usne post office ke bare mein pucha to dukan vale ne agli do gali chhod use agli mein dayen aur mudne ko kaha. Shreyas tezz kadmo se bada, patli si sadak par chalta traffic aur dono taraf dukane, vo bach bach kar chal raha tha. Das minute ki walking ke baad vo post office jaa pahuncha jahan ek adedh umar ka admi baitha hua tha.

" sir "

" ji boliye "

" kya aap bata sakte hain ki ye envelope par laga stamp, isko kis post office se bheja gaya hai ? " shreyas ki baat sun vo use dekhta raha

" hai to banaras ka hi "

" to kya yahan se bheja gaya hai "

" tehraiye " vo apne register mein kafi der tak dekhta raha. Shreyas ki bechain nazar usi par thi, usne register band kiya " nahi hamare yahan to nahi aya tha ye "

" to phir ? "

" shayad badi building se gaya hoga vahan pata kar lijeye "

" vo kahan hai ? "

" vo apna yahin pass mein BHU wahin "

" BHU ? "

" han ? lagta hai aap pehli baar aye hain, pass hi hai, auto pakdiye 40 rs mein vo pahuncha dega "

" ji shukriya " shreyas bahar aya aur usne BHU ke liye auto liya.

" kahan jana hai bhaiya ji ? "

" BHU "

" han vo to hume bhi pata hai par BHU mein kya kaam se " paan khate hue vo sishe se shreyas ki taraf dekhte hue bola.

" post office ki badi building hai udhar hi "

" acha acha.. abhi chhod dete hain isme kya hai " aur kareeb 20 minute mein auto walle ne shreyas ko vahan utar diya. Shreyas ne use paise diye aur vo andar ghus gaya. Jagah kafi badi thi vo ek counter par gaya, ek budha admi table ke piche baitha tha.

" uncleji " shreyas ke bolte hi uski ankhein khul gayi aur vo uth baitha.

" ji kahiye "

" ji vo mei ye janne aya tha ki kya ye envelope yahan se post hua hai aur agar hua hai to kisne kiya hai " usne shreyas se vo envelope le liya aur use dekhne laga " shreyas se ab intezar nahi ho raha tha " uncle thoda jaldi kar sakte hain aap "

" ji.. ek minute dekhna padega " vo vahan se uthe aur piche rakhi almari khol usme se file nikalne lage. File par funk maar kar unhone dhul hatai aur check karne lage.

" ye to bahut purana hai "

" kitna ? "

" takreeban saal bhar purana " vo abhi bhi khojne mein lage hue the. Ek saal purana, shreyas bad-badaya aur age hi pal vo budha admi bol pada.

" han ye yahin aya tha post ke liye "

" kaun laya tha ? " shreyas ne itna pucha ki ek admi aya aur wahan chai ka cup rakh kar jane laga. Vo budha phir register mein dekhne laga.

" amba mata likha hai yahan to "

" amba mata ? " shreyas ne unse register liya to wakai wahi naam likha hua tha aur address bhi usi ke ghar ka tha jahan post karna tha. " kya aap inhe jante hain ? "

" ji nahi hum to inhe nahi jante "

" ok shukriya " usne register rakha aur sochta hua bahar jane laga. Tabhi piche se ati awaz ne uske kadam ruke.

" sahab " shreyas awaz sun kar muda aur samne se ate hue admi ko dekhne laga, vo ek hi pal mein uske pass aa khada hua " sahab aap amba mata ko khoj rahe hain ? " ye wahi admi tha jo abhi abhi wahan chai ka cup rakh kar gaya tha.

" ji han kya aap unhe jante hain "

" unse to kabhi mulakat nahi hui lekin bade pujariji ke bhawan mein pata kar lijeye wahan se apko unke bare mein koi na koi suchna mil jayegi "

" apko kaise pata ? "

" mata likha hai unke naam par aur bhagwan ki nagri mein apko aise sant-sadhu wahin milenge " shreyas ko uski baat ajeeb lagi lekin register mein naam wahi likha tha to ho sakta tha ki shayad wahan kuch mil hi jaye.

" bhawan kidhar hai ? "

" vo yahin pass mein BHU ke piche ghat par hi hai "

" ji bahut-bahut shukriya " shreyas ne kuch paise nikal kar use de diye to vo muskurata hua vahan se chala gaya. Shreyas bahar aya, uske dimag mein bahut sarre sawal chal rahe the lekin phir agle hi pal use auto dikha jise lekar vo ghat ki aaur chal pada. Vo ye nahi janta tha ki jahan usne anshika ko milne ke liye kaha tha kismat use wahin le jayegi aur shayad vo ek aise adhrishye sach ke kareeb jaa raha tha jo uski zindagi ka sabse bada aur bhayanak sach hone wala tha.

 

[sexstories]

bhai sach me aaj ka update bda tha jyada bada nahi kahunga kyuki mere liye as a reader puri story one short v likh doge to v kam hai lagega ki abi or lomba chahiye tha ???

Or update bahut hi dhakad hai ye wala wese to bahut kuch acha hai isme but jo train wala part aapne btaya usse ji imagine kiya na mene wo kafi bhayanak tha kyuki me jb v village jata hu to aese kafi baar hota hai pure safar me jb train achanak jungle area me ruk jata hai raat ko or wo sbke sone k time hota hai to train ki lights v off hoti hai so wahi imagine krke mja aa gya meko( dar wala mja ) khaskar jo story tt ne btayi wo scene magical tha mere liye

Meko lgta hai iss story me shaitan se akhri fight v sapne me na ho jaye ?????
Kyuki Shreyas ko sapno me hi chot lag ri hai

Anshika ka wo face wala scene or khaskar neck pr thandi hawa yani sans ka lgna ohh my god soch k hi dar lg jata hai, ye scene meko part 2 me jb Anshika possessed hui thi or Shreyas ko apna sina chirne k liye bol ri thi wo face yaad dila gya wo scene to sbse fadu tha uske jesa scene to abi tak iss story me nahi aaya ???

Amba Mata wali gutthi kafi complicated hai but shayad ye Shreyas ki madad kre

But bhai varanasi me hai shaitan v Anshika k roop me or uska raaaz v to kahi aesa to nahi ki typical horror movies ki tarah iss story ka end kroge jisme mantar chal re ho or shaitan fusss the end plzzzz aesa mt krna ?

[color=rgb(184,]Vo ye nahi janta tha ki jahan usne anshika ko milne ke liye kaha tha kismat use wahin le jayegi aur shayad vo ek aise adhrishye sach ke kareeb jaa raha tha jo uski zindagi ka sabse bada aur bhayanak sach hone wala tha[/color]

[color=rgb(0,]Bhai ye padhne k baad to agle update ka wait krna namumkin hai to plzzz kal hi de do update 2 days ka wait mt krwao

baki let's see aage k updates me bahut se Raaz khulenge so

wahi ghisa pita word -
(waiting for next update)

keep writing keep rocking ?[/color]

 

[sexstories]

Ghat pahunch kar shreyas ne auto wale ko paise diye aur usi se puch lia " bhaiya ye pujariji ka bhawan kahan milega? "

" kaun se pujari ka bhaiya ji ? "

" kitne pujari hai yahan par ? "

" ghat par ayein aap yahan to har jagah pujari hi dikhenge apko "

" bade pujariji " use yaad aya ki us chai wale ne yahi bataya tha.

" vo to nahi malum bhaiya ji " shreyas ne ek pal uski taraf dekha phir vahan se chal diya. Vo ganga ghat par jaise hi aya hawa ke sath ganga nadi ki thandak use mehsus hui. Varanasi ka ganga ghat par logon ki bheed dekh vo ye sochne laga ki anshika aur nidhi use kahan milengi. Soch kar vo aage badha aur phool mala bechne ki ek choti dukan par ja khada hua

" bhaiya "

" han ji bhaiya ji kaun si dun, 50 wali ya 100 wali " vo kagaz ki donne mein mala dalne laga.

" bade pujariji ka bhawan kidhar hai? "

" bhawan ke liye aap vo sidiyan dekh rahe hain bas wahi pakad lijeye mil jayega "

" ji shukriya " shreyas ne phone nikala aur anshika ko call kiya " anshika kahan ho ? " phone uthate hi usne pucha.

" hum ghat par hi hai shreyas "

" kis taraf " shreyas ankhein idhar udhar ghumata hua khojne ki kosish karne laga.

" pata nahi ghat hi hai "

" theek hai ek kaam karo tum pujariji ke bhawan ke bare mein kisi se pucho " anshika ne bina sawal kiye wahi kiya jo shreyas ne kaha. Shreyas phone se sun sakta tha ki anshika kisi se puch rahi hai. " hum atte hain " shreyas ne phone cut kiya aur dukan wale ke bataye raste ke anusar shreyas sidiyan chadta gaya kareeb kuch sidiyan chadne ke baad usne dubara bhawan ke liye pucha to us admi ne gali ki taraf ishara kiya. Shreyas kuch dur chala to use ek pujari raste mein chalta dikha.

" pujari ji " shreyas unke sath sath chalne laga. ' shiv hi shiv hai shambu shiv hai ' pujari bolte hue shreyas ki taraf dekhte hue chal raha tha. Usne pehle apni puri vaddi khatam ki aur phir bola " batao beta kya seva kar sakte hain hum apki, kaun si puja karwani hai tumhe "

" bade pujariji ka bhawan kahan milega ? "

" bhawan ye to raha samne tumhare " shreyas ko unhone ishare se samne dikhaya to ek khuli hui jagah dikhi.

" ye to ghar hai "

" uske sath mein jo mandir jaisa dikh rha hai wahi bhawan hai "

" ji shukriya " vo jane laga par pujari ne use rok liya " koi badi pooja hai kya ? "

" ji nahi mujhe bade pujariji se milna hai "

" bade pujariji se? lekin unka to swargvas ho chuka hai "

" kab ? "

" bahut saal hue "

" aur amba mata ? " shreyas ne jab ye sawal kiya to uska dil zoron se dhadkne laga ek hi kadi mili thi use kuch khojne ki aur vo nahi chahta tha ki tute.

" unke bare mein to hume nahi malum "

" par mujhe kaha gaya ki vo bhawan mein milegi " shreyas sochne laga ki ye amba mata koi hai bhi ya koi resgister mein kuch bhi likhwa kar chala gaya.

" kya baat hai beta, pareshan lag rahe ho " pujari ke sawal par shreyas kuch bolna chahta tha lekin kuch keh nahi paya " fikar mat karo bhole nath ki nagri hai yahan sabka bhala hota hai, waise bhawan mein chote pandit hai tum unse mil kar dekh lo kya pata kuch mil jaye tumhe " pujari ke kehte hi shreyas ke mathe ki shikan ek dum hatt gayi.

" apka bahut-bahut shukriya "

" sab uppar walle ke hath mein hai khud ko bhole ke hath chhod do " bolte hue vo wahan se nikal gaye. Shreyas ek pal unhe jata dekhta raha phir jaise hi aage badha piche se anshika ki awaz ne use rok diya.

" shreyas " awaz sunte hue shreyas piche muda to anshika aur nidhi uske sath aa khade hue. " shreyas pujariji ka bhawan kisliye, kuch mila hai? "

" han anshika jo envelope aya tha vo kisi amba mata ne bhijwaya tha "

" amba mata? "

" han usi ko janne ke liye bhawan jaa raha hun shayad wahan se kuch unke bare mein pata chale " shreyas ke batane ke baad teno bhawan ke samne jaa khade hue. Bhawan ka gate band tha. Shreyas ne use dhang se dekha har jagah om se likhe hue shabd aur bholenath ki tasveer uppar deewar par lagi hui thi.

" koi hai " shreyas ne awaz lagai par andar se koi awaz nahi ayi to shreyas ne darwaje par dastak di.

" lagta hai koi nahi hai " nidhi ne kaha aur idhar udhar dekhne lagi.

" nahi ek pujari mile the unhone kaha ki chote pandit rehte hain idhar " shreyas ne dubara awaz lagai aur darwaja pita isbar aisa laga mano andar halchal hui ho. Andar se kundi khulne ki awaz ayi aur phir darwaja khul gaya.

" kaun hai " samne takreeban 60 saal ke pandit shreyas ke samne khade the, chehre par kamjori aur safed balon wali dadhi nikal rahi thi.

" ji chote pandit se milna tha " shreyas bola.

" chote pandit ke naam se log mujhe hi jante hain lekin tum kaun ho? "

" aap chote pandit hain " vo ek pal ruka " ye bade pujariji ka bhawan hai na ? "

" han par tum kyun ye sawal kar rahe ho "

" kya aap amba mata ko jante hain ? " shreyas ne fauran apna sawal kiya. Chote pandit ki choti ankhein naam sunte hi badi ho gayi.

" tum amba mata ko kaise jante ho? kaun ho tum ? "

" yani aap amba mata ko jante hain " shreyas ko jaise umid dikhi.

" han lekin tum kaun ho aur unke bare mein kyun puch rahe ho "

" unhone meri maa ko khat likha tha takreeban saal bhar pehle " shreyas ne envelope unke chehre ke samne kiya " lekin mei kisi karran use padh nahi saka kya aap mujhe bata sakte hain ki vo kahan milegi " pandit envelope par likhe hindi bhasha mein shilpi ke naam ko padhne lage aur phir unhone apni nazar utha kar shreyas ki taraf dekha.

" tum delhi wale ho " unka sawal sun shreyas hairan ho gaya. Use to delhi ka ghar yaad nahi tha lekin uska pariwar harshit papa, shilpi maa wahin rehte the.

" apko kaise pata ? " shreyas bechain nazron se pandit ko ghurne laga.

" kyun ki ye khat mene hi bhijwaya tha " dusri hairan kar dene wali baat shreyas ne jab suni to uski ankhein ek pal wahin jami rahi. " apne? par register mein to amba mata likha tha ? " vo hairan ke sath pareshan bhi tha.

" han sahi likha hai daftar mein naam kyun ki khat unhone hi bhijwaya tha par ye naam mene hi likha tha aur khat bhi mein de kar aya tha us daftar mein "

" aisa kya tha is khat mein panditji, aap jante hain? " uska dil zoron se dhadak raha tha.

" vo to mujhe nahi pata beta ki khat mein kya likha tha lekin jo bhi tha shayad behad jaruri tha shayad ek aisa sach jo amba mata chahti thi ki tum tak pahunche " sach aur jaruri ye do shabad to usi din samajh gaya tha jab us shaitan ne andar likhi baton ko nasht kar diya tha.

" to amba mata kahan hai mujhe unse milna hai ab wahi sach bata sakti hai "

" ab ye mumkin nahi hai beta "

" kyun ? " uske dil mein dar ki ek lehar daud padi

" kyun ki unhe ab koi hosh nahi hai pichle saal hi jab unhone mujhe ye khat diya uske agle din vo kabhi uthi nahi tabse zinda lassh hi hai " chaukhat par khade khade itni baat cheet ke baad shreyas ke hath kya laga? Kahani ke itne nzadeek pahunch kar bhi vo use dekh na saka, sun na saka. Vo ek pal piche hua par agle hi pal bol pada.

" kya hum unhe dekh sakte hain ? " shreyas ke sawal par ek pal ke liye pandit sochne laga. Aur pehli dafa usne shreyas se nazar hata kar uske piche khadi nidhi par dali aur use hote hue anshika par jise dekh vo kuch pal wahin dekhta raha. " ye tumhare sath hai " shreyas ne ishara samjha jo anshika ki taraf tha.

" han ji ye meri patni hai anshika " shreyas ki baat sun kar pandit ji bahar nikle, shreyas hat gaya aur panditji anshika ke karib aa pahunche.

" beti apna sidha hath dena " pandit ke kehne par anshika ne shreyas ki aaur dekha aur phir apna sidha hath aage kar diya. Pandit ne anshika ka hath apne hath mein jaise hi liya use usi waqt chhod diya aur ek kadam bahut tezi se piche hue " har har mahadev har har mahadev " vo piche itni jaldi hue ki jo chaukhat darwaje par bani thi vo use takrate hue gir gaye.

" panditji " shreyas unki taraf badha.

" andar mat ana bahar hi raho " shreyas fauran apni jagah ruk gaya, sabhi pandit ki halat dekh kar ghabra gaye. Agle hi pal pandit khada hua aur usne darwaja band karke kundi laga di. " pandit ji ko kya hua ? " anshika ghabrai hui boli. Nidhi ne turant use sambhala, shreyas bhi hairan tha ki achanak kya hua.

" panditji " usne gate khat-khataya.

" nikal jao tum log aur yahan mat ana "

" par panditji mein bina jawab ke vapis nahi jaunga, kaun hai amba mata aur kaise janti hai vo meri maa ko kya hua tha ek saal pehle aur kisne diya tha unhe 30 saal pehle ek chota bacha " shreyas chillaya aur gehri gehri sans lene laga. Andar se koi awaz nahi ayi aur ek pal sab ki dhadkne tezi se daudti hui usi taraf dekhti rahi.

Kundi khulne ki awaz ayi aur darwaja khol pandit bahar aya " chota ladka "

" han pandit ji chota ladka jise takreeban 25 saal pehle meri maa use yahin ghat se lekar gayi thi " shreyas ne is baar aram se kaha.

" mahadev mahadev " pandit bahar aya aur bahar se darwaja laga diya. " chalo mere sath " usne anshika ki taraf dekhe bina hi wahan se chal diya. Teno khade use jata dekhte rahe phir shreyas ne anshika ka hath thama aur usko lekar chal diya. Vo sab sidiyan utarte hue ganga nadi ki taraf jaa rahe the aur ant mein ghar ke bilkul najdeek aa gaye jahan ganga nadi ka jal unke pairon ko chu sake.

" us ladki ko wahin rehne do " panditji ko sun kar shreyas aur anshika wahin ruk gaye. Pandit ne hath mein ganga jal liya aur phir puja karta hua piche aya. Uski muthi mein thoda jal tha, " aage aao " shreyas anshika ko aage lekar ane laga " sirf tum hi " anshika ne na mein sar hilaya par shreyas ne use ankhon se hi samjhaya ki kuch nahi hoga. Anshika ke dil mein ghabrahat ko shreyas ache se mehsus kar paa raha tha par vo phir bhi ek kadam aage badi aur pandiji ke samne aa khadi hui.

" hath aage karo " anshika ne hath aage kiya jise dekh panditji ne phir puja ke path pade aur padte waqt jal ki bundein hath par chidakte hue ungliyun tak aa gaye aur jaise hi anshika ke us ungli par ganga jal pada jahan usne ring pehen rakhi thi vo ungli kali padhne lagi aur dekhte hi dekhte kali papdi ne ungli ko gher diya jise dekh anshika ghabra gayi aur chilla padi.

" shreyasss....s.s.s. " anshika ko aise chillata dekh jab shreyas uske pas aya to anshika ki kali ungli dekh vo bhi ghabra gaya. Usne panditji ki taraf dekha.

" ghor anarth, anarth ho gaya beta tu apne sath apni biwi ko nahi laya ek aisi buri shakti ko laya hai jiska prakoop mene aaj se sal bhar pehle dekha tha jiski wajah se amba mata ka aaj ye haal hai " pandit ne apni batai hui baat ka kuch sach ab samne rakha.

" par anshika ki ungli panditji " jaise hi shreyas ne puch kar ungli ki taraf dekha to vo vapis se pehle jaise ho gayi, use kuch samajh nahi aa raha tha " kya hua tha us raat, kya aap sab jante hain aur bata nahi rahe? "

" nahi beta mei tujhse kuch nahi chupa raha teri baat sahi hai 30 saal pehle hamare ashram se hi teri maa ek ladke ko le gayi thi us waqt mei bade panditji ke nirakshno mein hi tha aur ye vakya mere samne ka hi hai lekin mujhe lagta hai tu abhi ek baat nahi janta "

" kaun si baat panditji "

" vo ladka jo teri maa lekar gayi thi vo amba mata ka hi beta tha aur unhone khud hi use teri maa ko saunpa tha " panditji ki baat sun shreyas hairani mein bas dekhta raha. Kahani jitni asan dikhai ya samajh aa rahi thi utni thi nahi.

" amba mata kaha hai panditji " shreyas ko ab bas unse milna tha, unhe dekhna chahta tha ek baar akhir kyun unhone apne beta shilpi ko diya? kya vo shilpi maa ko janti thi ya phir kahani kisi aur taraf jaa rahi hai. Panditji unhe wahan le jane lage, choti si kuttiya jitna ghar tha baahr darwaje par dastak di to ek jawan ladke ne darwaja khola jisne panditji ko dekhte hi unke per chuhe.

" amba mata ki halat mein koi sudhar "

" ji nahi vo abhi bhi wesi hi hai "

" theek hai unse koi milne aya hai inke kuch khane ka prabhand karo "

" ji " keh kar vo chala gaya aur panditji shreyas, anshika aur nidhi ko lekar kuttiya ke bhitar ghuse. Bich mein ek chota sa baramda tha jo khuli chatt ke niche tha aur usi ke theek samne kamre mein vo ek khat par besudh hokar laiti thi. Panditji pehle andar ghuse aur phir unki taraf dekh kar unhe pranam kiya aur shreyas ko andar ane ka ishara diya. Shreyas andar aya, uska dil zoron se dhadak raha tha phir jaise hi uski nazar unpar padi

" ye hai amba mata ? " uske muh se bas yahi nikla

 

[sexstories]

Bhai mene update padhne k baad aproxx 10 mint tak part 1or 2 ko dubara yaad kiya ki kahi to koi kadi hogi jisse harsh k bare me kuch pta chal sake ya fir ye Ambe mata kon hai

Ye hai Ambe mata ?? Uske muh se bs yahi nikla

Iss line ko padhne k baad dimag me bahut kuch chalne lga ki kon ho sakti hai but nahi samajh aaya

Lgta hai next update tak suspence me hi marunga me

Anshika wale part me kuch to gehra chupa hai jb pujariji ne kaha

ghor anarth, anarth ho gaya beta tu apne sath apni biwi ko nahi laya ek aisi buri shakti ko laya hai jiska prakoop mene aaj se sal bhar pehle dekha tha jiski wajah se amba mata ka aaj ye haal hai " pandit ne apni batai hui baat ka kuch sach ab samne rakha.

To ye baat kuch alag lagi khaskar ungli ka kala padna or sad kr papdi bnna pta nahi kya raaz juda hai iss baat se

Or lgta hai ye pujariji hi shreyas ko shaitan se ldne or use khatam krne ka tarika btayenge i think or help v krenge kuch na kuch mala wala deke let's see

Waiting for next

Keep writing keep rocking ?

 

[sexstories]

" ye hai amba mata ? " uske muh se bas yahi nikla. Unhe dekhte hue shreyas ne bahar khadi anshika ko ek baar dekha aur phir amba mata ko dekhte hue panditji ko, hairan pareshan jaise vo ankhon hi ankhon mein puchna cha raha tha ki ye kaise ho sakta hai. Vo uske samne ankhein khol jinda laash jaise laiti hui thi bas sansein chal rahi thi. Chehre par kafi juriyan padh chuki thi aur kamjori ke chalte vo andar dhans chuka tha, baal bilkul safeed palang par piche ki taraf padhe the.

" shreyas kya hua ? " anshika ne bahar se hi awaz lagai.

" anshika " use samajh nahi aa raha tha ki kya kahe.

" mene tumhe pehle hi kaha tha matta tumhari madad nahi kar payegi beta " pandit ne uski dasha dekh kaha.

" nahi panditji, lekin mujhe kuch sahi nahi lag raha, ye amba matta kaise ho sakta hai ye to is desh ki nahi lag rahi " man ki duvidha ko usne apne sawal mein puch hi liya.

" matlab ? " pandit ke jawab dene se pehle anshika sawal liye andar aa gayi aur jaise hi usne palang par laiti amba matta ko dekha to use shreyas ki baton ke piche ka matlab samajh aya. Pandit anshika ke vahan akar khade ho jane tak chup raha aur jaise hi vo vahan aa khadi hui tab vo bola.

" desh se kya hota hai beta bhakti ka bhav man mein hona chahie "

" nahi panditji aap samajh nahi rahe matlab vo ladka inka beta kaise ho sakta hai? " shreyas abhi bhi pareshan tha.

" kyun nahi ho sakta aur tum us ladke ke bare mein itna kyun puch rahe ho? "

" vo ladka mera bhai tha panditji " is baar hairan aur pareshan hone ki baari pandit ki thi.

" tha? "

" han.. vo " shreyas ek pal ruka aur kaise bataiye ye sochne laga " vo ab nahi raha "

" mahadev, mahadev bhagwan uski atma ko shanti de "

" panditji aap mere sawal ko shayad abhi tak samajh nahi paye hai, kya apko pakka yakken hai ki mera bhai yani vo ladka jo shilpi maa lekar gayi thi vo amba matta ka hi beta tha? " shreyas ki pareshani pandit samajh raha tha lekin jo use malum tha vo vahi bata raha tha, vo phir use wahi baat kehne wala tha lekin

" shreyas.. " anshika ki awaz sun pandit bola kuch nahi aur uske ishare ko dekhte hue usne apni nazar palang ki taraf dali jahan amba matta laiti hui thi. Aaj itne salon baad usne ek chamatkar dekha tha " mahadev, mahadev " amba mata ka hath hilte dekh pandit bola aur tabhi eka-ek unhone apni ankhein band kar li. Anshika ne shreyas ka hath pakad liya.

" hari om hari om, matta ko kya hua kahin unki sansein to nahi band ho gayi? " pandit khud se sawal karta hu aage badha aur usne unki naak ke aage apni ungli rakhi ye dekhne ke liye ki vo sans le rahi hai ya nahi aur tabhi unhone ankhein khol di aur pandit ki taraf dekhne lagi. Pandit hairat mein ankhein khole unhe ghurne laga jo kaam itne salon mein nahi hua tha vo aaj ho chuka tha. Amba matta ki nazar pandit se hote hue shreyas pas ja ruki aur vo use dekhti rahi.

" harshit " pandit unke muh se vanni sun piche ho gaya. " har har mahadev amba matta " aur vo hath jod kar khada ho gaya. Shreyas ne awaz nahi suni thi kyun ki vo behad dhimi kahi gayi thi lekin use samajh aa chuka tha ki vo use hi dekh rahi hai. " harshit " is baar usne zor se kaha aur shreyas ke kano mein barabar vo naam pada.

" harshit? " shreyas hairat mein dekhne laga.

" harshit " vo bol kar uthna chahti thi lekin tabhi unki nazar anshika par gayi aur usi waqt vo ek pal ke liye besudh ho gayi mano jis chiz se vo dur bhagna chahti thi wahi unke samne aa khadi hui thi. Achanak se hi vo uth baithi aur palang ke piche ki taraf sikudne lagi. " ye nahi ho sakta, nahi ho sakta " vo bad-badane lagi. Pandit ke sath anshika aur shreyas dono hi ghabra gaye, aise halat ko dekh nidhi bhi andar aa gayi aur vo bhi drishye dekh dar gayi.

" matta kya hua apko? " pandit ne sambhalne ki kosish ki par vo nahi sambhali. " hari om hari om " vo ankhein band karke jaap karne lagi par agle pal ankh khol kar jab anshika ki taraf nazar ki to use dekh hairani mein nazar idhar udhar karte hue ek baar phir mantron ka jaap karne lagi aur apni chaddi hui sanson par kabu panne lagi.

" kaun hai aap? aur abhi apne harshit naam kyun liya? " shreyas ko jab laga ki ab vo uske sawalon ka jawab de sakti hai to usne apna sawal kiya " kaise janti hai aap shilpi maa ko? kya tha us khat mein jo aap batana chahti thi " usne agla sawal kiya to unki ankh se ansu utar aya aur vo shreyas ki taraf dekhne lagi.

" tum amba matta ko pareshan kar rahe ho vaise bhi na jane kya laye ho sath mein, jao bahar jao vo itne salon baad theek hui hai, unhe aram ki jarurat hai, vo tumhe dekh kar pareshan ho rahi hai " pandit ne shreyas ko bahar jane ka ishara kiya. Shreyas unse ladna nahi chahta tha lekin man ke sawalon ka jawab pane ke liye vo wahi khada raha is umeed mein hi jawa milega " mene kaha na bahar jao le jao apni patni ko bhi unhi ki wajah se amba matta itni ghabrai hui hai " pandit ne is baar shreyas ko bahar karne ke liye uska baju pakda par vo ruk gaya kyun ki shreyas ke puche gaye sawalon ka jawab dene ke liye amba matta bol padhi thi.

" tum harshit ki bete ho " uski baat sun shreyas hairani bhari nighaon se unhe dekhne. Mei unse kabhi nahi mila tha to kaise janti hai ye mujhe kahin shilpi maa ne to nahi bataya? par pehchana kaise? Man mein uth rahe sawalon ko vo bas pana chahta tha. Vaise bhi unka lehza alag tha, hindi ek dum saaf thi par lehza nahi.

" aap kaun hai aur itna sab kaise janti hain? "

" mei tumhare papa ko hi nahi balki us kahani ko bhi janti hun aur shayad tumne mera naam bhi suna hai lekin waqt ke bhanwar mein meri kahani ka dhayan kisi par gaya hi nahi kyun ki us raat kisi ne ye nahi socha hoga ki mere sath jo hua uska anjam ye hoga " shreyas ka dil zoron se dhadakne laga tha, vo ab bas janna chahta tha.

" mera naam Ambrosie jise pyar se tumhare papa Amb kehte the " naam sunte hi shreyas ki ankhein puri khul gayi, use laga mano kisi ne uske dil mein ek aisa sach bhar diya jise uska dil dhadakna hi band kar dega. Anshika ne bhi hairani mein muh khol liya aur uspar apna hath rakh liya.

" aap Amb yani amba matta " na jane kaise shreyas ke muh se nikla lekin ise jada hairan vo apni zindagi mein aaj tak nahi hua utna tab bhi nahi jab use malum hua tha ki vo anath nahi hai.

" Shilpi jo bacha le gayi thi vo mera hi beta tha, mene hi use diya tha aur mei janti hun ki vo ab zinda nahi hai " ek ansu phir unki ankh se utar aya.

" apko kaise pata ki bhai ab zinda nahi hai ? " shreyas ne galle mein kisi tarah apne thuk ko nigla jaise use is sach par bharosa nahi ho raha ho.

" usne bataya " vo behad dhimi awaz mein boli " usne bataya " awaz pehle se jada gehra gayi aur dhimi ho gayi.

 

[sexstories]

" Shilpi jo bacha le gayi thi vo mera hi beta tha, mene hi use diya tha aur mei janti hun ki vo ab zinda nahi hai " ek ansu phir unki ankh se utar aya.

" apko kaise pata ki bhai ab zinda nahi hai ? " shreyas ne galle mein kisi tarah apne thuk ko nigla jaise use is sach par bharosa nahi ho raha ho.

" usne bataya " vo behad dhimi awaz mein boli " usne bataya " awaz pehle se jada gehra gayi aur dhimi ho gayi.

" usne kisne ? " shreyas ne sawal kiya aur vo chup hote hue sochne laga " bhai ne? par kaise " use apne hi jawab par bevkufi lag rah thi kyun ki vo kaise bata sakta tha.

" mere bete ne "

" mene bhi wahi kaha apke bete Harsh ne jiska naam shilpi maa ne rakha tha "

" vo shilpi ne nahi balki mene rakha tha " amb ne kaha to shreyas bas use ghurta raha kyun ki uske sawalon ke jawab ke piche naye jawab mil rahe the.

" par mei uski baat nahi kar rahi " vo bolte hue ruk gayi aur shreyas ko jaise apne kano par vishwas nahi hua.

" kya kaha apne? " usne baat samjhne ke liye dubara pucha.

" mujhe usne nahi bataya balki " vo chup hui aur apna sar aage kiya " usne bataya hai mere dusre bete ne " fusfusate hue vo boli aur ye sun shreyas ke rongte khade ho gaye. Ab use aisa laga jaise dil zoron se dhadakte hue dhire-dhire band ho raha ho. Hairan Anshika bhi utni hi thi kyun ki kahani se vo bhi utni hi vakif thi lekin shreyas jada pareshan tha kyun ki jo kahani vo itne lambe waqt se khoj raha tha uske ghere mein ek baar phir shilpi aa chuki thi jisne phir kuch chupaya tha.

" apka dusra beta ? " sawal anshika ne kiya to amb uski taraf nazre modh kar use ajeeb si nazron se dekhne lagi.

" vo jisne sabke sath tumhe bhi ghera hai " baat dil-dehla dene wali thi aur itni gambhir thi ki shreyas ki ankhein choti badi hone lagi mano jaise baton ko jodh raha ho lekin abhi bhi kahani uski pakad se bahut dur thi.

" amb " shreyas ne ek pal uska naam liya aur tez-tez sansein lete hue phir bola " kya aap hume batayegi ki kahani humse kyun judi hai? "

" pani chote pandit " shreyas ki baat sunne ke baad usne itna kaha to pandit tez kadmo se bahar gaya aur ek glass mein pani lekar vapis aya. " lijeye matta " glass aage badhaya jise amb ne hath mein liya, uske hath kanp rahe the jaise jaan bahut kam bachi ho. Phir usne glass ko muh ke uppar kiya aur dhire-dhire pine lagi, uske galle se utarta pani shreyas ki bechani badha raha tha. Use amb ka pii jane wala har ghunt ek sadi jitna bada lag raha tha. Pani pikar usne glass ko wahin ek kone mein rakha aur phir muh ko apni narangi rang ki pehni sarre se pocha aur phir shreyas ki taraf dekhne lagi.

" Na jane kitne saal beet gaye us baat ko par vo din aaj bhi ankhon ke samne hai " ek pal usne apne sine par hath rakha mano usme dard ho raha ho par agle pal dakar lekar vo theek ho gayi.

" mei apke liye falh latta hun bhook lagi hogi " pandit bol kar wahan se nikal gaya. Usko jatte hue teeno ne dekha phir amb ki taraf dekhne lage.

" Bangle mei us din jo bhi mere sath hua, shayad sabke liye veham tha, mere liye. Mehsus hua tha lekin use kuch aisa hoga is baat ka andesha nahi tha kisi ko aur na hi mujhe " amb ki ankhon ki putliyan sikudti aur phir badi hone lagti. " India se jane ke baad bhi mei us raat se kabhi bahar nahi aa payi, vo raat jaise mere sath har samay wahin sone lagi thi. Mene kai baar harshit se baat karne ki kosish ki par use baat nahi hui. Mene kai emails bhi kiye lekin uska koi jawab nahi aya aur dubara india ane ki kabhi himmat nahi hui lekin kehte hain na bura waqt kabhi apse puch kar apki zindagi mein kadam nahi rakhta " amb ne gehri sans khinchi lekin bolna shuru karti use pehle pandit kuch falh plate mein rakh kar le aya.

" matta falh "

" inke baithne ka prabhand kijeye "

" ji " pandit phir bahar gaya aur is baar bhi teeno use bahar tak jata hua dekhte rahe aur phir amb ki taraf dekhne lage jo falh ko dekh hath jod kar unka dhanywad karne lagi. Itne mein pandit teen lakdi ke stool le aya jispar vo teeno baith gaye aur pandit amb ke charnon ke pas niche zameen par.

" Phir ek din mujhe Shilpi naam se ek email aya jisme usne mujhe harshit ke bare mein bataya aur sab kuch bataya ki wahan us jagah par aur kya-kya hua, vo padh kar mei zor-zor se rone lagi aur na jane kab tak roti rahi. Na hi mere pas himmat thi us mail ka jawab bhejni ki aur na hi mene kabhi uske baad koi mail bheja, vo pehli aur akhri baar tha jab shilpi se meri email par baat hui. Waqt badne laga ab ye akela pan us raat ke alawa harshit ke sath hue hadse ko bhi mere dimag se jod baitha tha. Mei dhire-dhire apne dimag ka abhigya uska niyantran khud se khone lagi thi. Lekin kehte hain na kuch chizen theek karne ke liye hume kai faisle lene padte hain "vo phir chup hui aur pani ke do ghunt bhar kar glass wahin rakh diya. " Mene shadi kar li ye soch kar ki meri zindagi ke us dard ko mita paungi aur wahi hua aisa laga jaise meri zindagi ke vo pal kahin kho gaye hain. Badhte waqt ke sath bure aur purani yadein aksar man ke kone mein dab jati hai lekin vo tab bahar ati hai jab use koi yaad dila de " kehte-kehte amb ke shabd gehrane lage " mene ek sath do bachon ko janam diya jinhe uppar walon ne ek jaisi hi shakal pradan ki thi, hum bahut khush the lekin jis anhoni ko mei piche chhod ayi thi uski abhi shuruwat honi baki thi " amb ne shreyas ki ankhon mein ghurte hue kaha aur jaise shreyas ko kahani ki ek kadi mil gayi.

" Vo apka dusra beta vo.. vooo " shreyas ko samajh nahi aya ki vo apni kaise puri kari.

" shaitan ka sayan tha usme " amb ne uski takleef dur kar di " wahi sayan jo us bangle mein mere sath us din tha shayad mauka khoj raha tha aur vo mene shadi karke use de diya " itni chaunkane wali baat sun ek pal ke liye man mein dar jaise andar tak baith gaya ho aur is baar vo dar shreyas ke sath anshika ne bhi mehsus kiya.

" fir kya hua? matlab apko kaise pata chala ? " anshika ne ruk-ruk kar sawal kiya.

" Harsh se pata chala " vo bol kar ruk gayi.

" bhai se ? "

" han vo aksar kehta ki sam use roz tang karta hai raat mein aur use dar bhi lagta hai uske sath lekin bhala 4 saal ke bache ki baat ko koi kaise samajh sakta hai. Mene bhi uski baat par vishwas nahi kiya aur unhi dino mere pati ki mrityu ho gayi " vo bol kar chup hui aur hath jod liya " pramthma unki atma ko shanti de " phir usne ankhein kholi.

" Unke jane ke baad jaise mujhe harshit ki yaad aa gayi aur phir raat ko wahi sab batein dimag mein ghumne lagi. Ek raat aise hi mujhe nind nahi aa rahi thi to mei bachon ke kamre mein jane lagi, kamre ke bahar khade hokar mujhe laga jaise andar dono baat kar rahe hain. Mei darwaja kholti use pehle piche se kisi ne mujhe pakda. Mud kar dekha to vo harsh tha jo mere samne khada tha. Use vahan dekh kar samajh nahi aya ki jab vo bahar hai to andar sam kise baat kar raha hai, mene fauran darwaja khola, andar koi bhi nahi tha. Ye kaise ho sakta tha, mene piche ghum kar harsh ki taraf dekha to wahan ab koi nahi tha. Mene dono ko awaz lagai lekin kisi ne koi jawab nahi diya. Mujhe mere kadmo ki awaz bhi sunai dene lagi aur tabhi kamre ki khidki khul gayi aur hawaon ka rukh mere chehre par padne laga. Hawa ki wajah se mere baal udane lage, mene unhe theek kiya aur khidki ki taraf badhi aur use band kar diya. Khidki ka yun achanak khul jana sochne mein hi ajeeb lagta hai aur mei jaise hi piche mudi mere samne sam aa khada hua aur mujhe dekh chilla pada. Uski vo cheekh, vo bhayanak cheekh, vo kali moti putli jaisi ankhein mujhe aaj bhi yaad hai. EK bache ki awaz ke piche vo ek shaitan tha bahut bhayank shaitan. Mene jab apni band ankhein kholi to wahan koi bhi maujud nahi tha, mei dari sehmi kamre ke bahar jane ke liye badhi par tabhi darwaja apne aap band ho gaya. Dar jaise mere chehre par puri tarah bikhar chuka tha, mujhe aisa lagne laga jaise mei apne ghar par nahi balki usi bangle mein hun achanak piche se kisi ne mere badan ko chuha. Mei ghabrati hui piche mudi to harsh khada mujhe hi dekh raha tha. Usne mujhe kaha ki maa mujhe bacha lo vo mujhe pareshan kar raha hai, mene use pucha kaun vo lekin vo kuch nahi bol paya usne bas apni ungli se piche ki taraf ishara kiya aur jab mene wahan dekha to mere rongte khade ho gaye. Sam deewar par hath ke bal latka hua tha, uske purre chehhre par safed nishan bane hue the, honth khurdure aur chille hue the ankhein itni badi mano abhi bahar gir jayegi. Mene apne sath harsh ki bhi ankhein band kar li aur uske baad jab humne ankhein kholi to sam hume sota hua mila " amb ne apni kahani ko chote shabdon mein bayan kara aur sabhi ke chehre ki rangat kahin ud gayi. Vo aur vistar mein unke sath hui kahani ko nahi sunna chahte the, din ke ujale mein bhi dar jaise unhe khane laga tha.

" aise sirf ek bar nahi balki uske baad kai hadse hue, mei un hadson ko nazar andaz karne lekin jab mujhe ye pata chala ki mere pati ki mrityu dil ke daura padne se nahi balki use " vo phir chup hui aur usne thuk nigla " use sam ne mara tha " ye baat sun teeno hi chaunk pade. " mujhe bhi vishwas nahi hua tha lekin mujhe ek din safai ke dauran sam ke bed ke niche se kuch mila "

" kya ? " nidhi boli jo kafi der se chup thi.

" unke dil mein dale hue stent mile jo kuch waqt pehle dale gaye the. Mujhe jada der nahi lagi samjhne mein aur samajh gayi ki vo beta mera nahi hai vo shaitan ka ansh hai jisne mere jariye janam liya tha, jiske baad mein wahan nahi ruk payi aur india aa gayi " amb ke batane ke anusar vo shaitan amb ka beta sam tha lekin kahani abhi bhi kahin se khoi si hai, kuch adhura pan hai. Agar sam shaitan tha to amb harsh ko lekar shilpi maa se kaise mili aur kya shilpi maa ko in sab ke bare mein pata tha agar pata tha to kisi ko bataya kyun nahi? aur agar sam ke andar hi shaitan ka vaas hai to sam hai kahan? Shreyas ko abhi bhi uska aur sam ka koi bhi judav nazar nahi aa raha tha bas jo chehra vo khoj raha tha ki kaun hai vo use mil chuka tha.

" agar aap vapis ayi to sam kahan hai? Kya apne us shatian ko aise hi chhod diya aur agar chhod diya to usne apko kuch kyun nahi kiya? usne bhai ko khojne ki kosish kyun nahi ki aur sabse badi baat ki vo itne salon baad hi kyun vapis aya hai aur kaise aya mene to un shaitani ruh ka namo-nishan mita diya tha " shreyas ek hi sans mein apni baat keh gaya.

" tum abhi tak nahi samjhe, nahi samjhe " vo thoda aage khiski " sam ... vo .. " uski ankhein ghumne lagi aur vo behad dhimi awaz mein boli " vo zinda nahi hai " Shreyas aise piche hua jaise sach mein koi shaitan uski taraf badh raha tha.

" k.. .....kk...kyaa.. " atakte hue uske muh se bas itna hi nikla

" use mene khud apne hathon se mara hai " amb ne apni baat puri ki aur anshika ki taraf dekhte hue vo piche hokar baith gayi.

 

[sexstories]

" tum abhi tak nahi samjhe, nahi samjhe " vo thoda aage khiski " sam ... vo .. " uski ankhein ghumne lagi aur vo behad dhimi awaz mein boli " vo zinda nahi hai " Shreyas aise piche hua jaise sach mein koi shaitan uski taraf badh raha tha.

" k.. .....kk...kyaa.. " atakte hue uske muh se bas itna hi nikla

" use mene khud apne hathon se mara hai " amb ne apni baat puri ki aur anshika ki taraf dekhte hue vo piche hokar baith gayi.

" Apne sam ko maar dala ? " shreyas ko yakeen nahi ho raha tha aur kahani hadh se jada vichlit karne lagi thi.

" hammm aur usi ki wajah se vo aaj hum sabke bich hai " amb ne phir anshika ki taraf ghura jaise kehna cha rahi ho ki vo uske samne baitha hai. Shreyas ne nazron ka picha kiya to vo anshika par thi aur vo usi ko dekh samajh gaya.

" anshika ke andar sam ki ruh nahi hai apko kuch galat femi hui hai " shreyas bas itna hi bol paya kyun ki uske baad jis andaz mein amb boli usne uske rongte khade kar diye.

" ooooo nahi sam ki ruh hamare sath nahi hai " fususate hue amb boli " vo hamare bich nahi hai, vo kahin aur hai par phir bhi sun sakti hai iski wajah se " amb ne anshika ki aaur ishara karte hue kaha. Anshika janti thi ki vo is kahani ke bich mein aa rahi hai, uska vajud aaj sabhi ke liye ek pareshani ban chuka tha. Usne uth kar jane ka faisla kiya lekin faisla hi kar payi kyun ki jab agle pal ko uthne wali thi use pehle shreyas ne uska hath pakad liya jaise vo man hi man janta tha ki anshika kya karne jaa rahi hai.

" zindagi se jada pyar karta hun mei anshika se, vo kahin nahi jayegi agar aap theek hai aur sam hume sun sakta hai to sunne dijeye " shreyas ne anshika ki taraf nahi dekha par apne shabdon se pyar mein koi kami nahi chhodi. Anshika ne uske hath par apna hath rakh liya, pyar karna asan hota hai par uspar vishwas karke use apne sath rakhna behad mushkil.

" Apne sam ko kyun mara aur shilpi maa se kab aur kaise mili? Kya vo sam ke bare mein janti thi agar han to kya apne unhe kisi ko batane se mana kiya tha ? " shreyas ne ek pal chuppi saddi rakhne ke baad man mein chal rahe sawal ko pucha jise vo kam se kam kahani ko jod kar shuruwat kar sake.

" Mera india ane ki wajah sirf apne pati ki maut hi nahi thi balki uske piche harsh tha " amb ek pal fuli hui sanson ke sath boli. Usne apne kampte hathon se glass uthaya par pani khatam ho chuka tha. Ye dekhte hi fauran pandit utha aur bahar se ek gadaha le aya jise usne zameen par hi rakh diya. Hath se glass lekar usne pani bhara aur phir amb ko pakda diya. Amb ne usi andaz mein ek ghunt galle se niche utara aur phir glass rakhte hue bolne lagi. " agar tumhe yaad ho to harsh ne kabhi apni zindagi ka zikar nahi kiya"

Shreyas ne jaise is sawal ko ek pal ke liye socha hi nahi tha, amb ke kehne par use yaad aya ki agar harsh ki zindagi mein itna ghata tha to usne kabhi apne jeevan ke bare mein jikar kyun nahi kiya. Usne nah mein sar hilaya " mene kabhi aisa nahi suna aur na hi bhai ko kabhi yaad raha "

" janti thi kyun ki vo dhire-dhire mujhe bhi bhulne laga tha " baat ab ghambhirta ki aur mudne lagi thi shayad koi bahut badi baat abi amb ne batai hi nahi thi.

" apko bhulne laga tha lekin kaise? "

" bachpan se hi harsh aur sam sath rahe hain, hum mein se kisi ko nahi pata tha ki sam kya hai aur usne harsh ke sath kya kiya hai lekin us raat ke hadse ke baad harsh ko mei apne sath sulane lagi aur usi bich mene dekha ki vo raaton ko apne sharir ke alag-alag hisson mein khujane laga tha jise dekh mene ek raat jab harsh ko bina jagaye uski shirt utha kar uski pith dekhi to mera muh hairani mein khula reh gaya, uski pith ke kai hisson mein kala pan anne laga tha jaise saddh gaya ho. Mene sirf pith hi nahi balki uske sharir ke kai hisse dekhe to paya ki vaise nishan uske sharir ke kai hisson par banne hue the jab doctor ko dikhaya to vo bhi uska karran na bata sake. Dhire-dhire vo hansta khelta bacha gum sum sa hone laga, ek taraf sam khelta kudta aur dusri taraf harsh dhire-dhire mano dusri dunia mein jane laga tha. Mei samjhne lagi ki us raat ke baat shayad sam ke andar jo bhi hai use malum ho chala hai ki mei harsh se usko dur kar rahi hun isliye usne hi uske sath kuch kiya hai. Mei ek sham harsh ko lekar church gayi aur jab mene father ko dikhaya to vo dar gaye jiske baad unhone mujhe vo bataya jise sun mujhe laga jaise meri zindagi ek hi jhatke mein khatam ho gayi hai. Sam ke andar jo koi tha vo harsh ki ruh ko kharab kar raha tha jise Pure Blood kaha jata hai aur shaitan apni takat badhane ke liye iska istemal karta hai"

" Mei nahi janti ki ye kaise hua lekin dono ek hi sath paida hue the shayad isliye uska asar harsh par padh raha tha. Meri request par father sam se mile lekin usko chhute hi na jane unhe kya hua aur vo vahan se bhag gaye, mene unse dubara baat karni ki kosish ki par unhone mujhse bas itna hi kaha ki tumhari madad koi nahi kar sakta, mera bacha devil hai devil aur harsh ab uske sath jud chuka hai jiske pas jada waqt nahi hai. Ek waqt mei mene apna pura pariwar kho diya tha, harsh mujhe bhulne laga tha vo aksar din raat sota rehta, uska sharir dhire-dhire kala padne laga tha jaise ek murde ka sharir ho. Meri kosish bekar ho chuki thi mei use aisa nahi dekh paa rahi thi, tab mere pati ki behen ek din ghar ayi aur jab unhone harsh ko dekha to vo use dekhte hi samajh gayi ki harsh ko kya hua hai. Mere pati hindustani the aur vo india se bahar rehne ke baad bhi apne dharam aur parmathma se jude hue the, jab mere pati ki behen ne harsh ko is halat mein dekha to unhone mujhe varanasi jane ke liye kaha kyun ki unka manna yahi tha ki wahin mei harsh ko is cheez se azad kara sakti hun. Mujhe vo baat sahi lagi akhir inki kahani wahin se to judi thi isliye mei dono ko lekar varanasi aa pahunchi jahan meri mulakat guruji se hui " amb bol kar ruki aur khasne lagi. Pandit apni jagah se utha taki pani ka glass pakda sake lekin amb ne use baithne ka ishara kiya to vo dubara apni jagah baith gaya. ' ukhunnn-ukhunnnn unghhh aahhhhhh ' khasne ke baad vo gehri-gehri sans lekar khud ko churusut karne lagi.

" Guruji? " shreyas ne kaha aur chup hua kyun ki utne mein vo khasne lagi thi. Ab guruji kaun the aur aisa kya hua tha is bechaini se shreyas ab pareshan hone laga tha. Do sawal abhi bhi man ko kachet rahe the ek ki sam ko amb ne kaise mara ? do, ki sam mar chuka hai to vo is tarah shaitan ban kar kaise badla le raha hai jabki tha to vo sirf ek bacha hi yani uski takat apne aap mein simit honi chahie thi to phir ye sab kaise? lekin iske alawa jo sabse bada sawal tha vo tha ki itne salon baad hi kyun? kuch to hai jo juda hai lekin kis tarah vo samajh nahi aa raha. Amb ka khasna band ho chuka tha vo ab shayad bolne wali thi ye dekhte hue shreyas apni soch se bahar aa gaya.

" Guruji ne hi madad ki meri aur kudrat ka karishma kaho ya phir waqt ka lekhan meri mulakat us din shilpi se hui jab mei harsh ko mahadev ki jataon se nikli pavitra ganga mein dubki lagwa rahi thi. Shilpi harshit ke liye ghaat par pooja karwa rahi thi, aaj bhi yaad hai mujhe vo din jab shilpi ke muh se harshit naam suna, ek pal laga koi aur hoga lekin man ki jigasya ne mujhe uski taraf khinch diya aur mene use jakar puch hi liya "

Some 25 years Back, Ganga Ghat Varanasi

" shilpi? " pooja se shilpi ko uthta dekh mei uske pas gayi. Shilpi ne apne naam ki pukar suni to vo palat gayi. Ek pal laga par vo pehchan gayi kyun ki usne harshit ke pas tasveeron mein use dekha tha.

" Amb " shilpi ko jaise yakeen nahi ho raha tha aur mei jaan gayi ki vo asal mein wahi hai jo mei soch rahi thi. Mei uske najdeek gayi aur use galle se laga liya.

" i am so sorry very sorry " mei janti thi ki vo samajh jayegi. Kuch do pal baad hum dono ek dusre se alag hue.

" bahut acha laga tumhe dekh kar " usne apne dard ko kahin chupa liya tha vo bhi itne ache se ki thodi si bhi shikan nahi thi uske chehre par " kaisi ho ? "

" tum kaisi ho ? " mene use pucha.

" achi hun " vo ek pal chup rahi.

" i am sorry, mene tumhe email ka koi jawab nahi diya "

" mei samajh sakti hun ki tumne aisa kyun kiya hoga, vaise bhi tumhare sath jo hua uske liye harshit bahut dukhi tha amb aur shayad tum is baat ko samajh sakti ho "

" han mei janti hun tumhe kehne ki jarurat nahi aur vaise bhi usme uski koi galti nahi thi " hum dono ek pal ke liye chup rahe.

" tum yahan ayi aur ghar nahi ayi " uske sawal ka mere pas koi jawab nahi tha lekin tabhi mere dimag mei guruji ki baat yaad aa gayi aur shilpi ko dekh kar mujhe laga jaise bhagwan ne hamari mulakat usi ke liye karai thi. Mei bina kuch kahe nadi kinare gayi aur harsh ko uske samne le ayi. Shilpi ko andaza ho gaya tha par vo soch mein thi.

" shilpi ye mera beta harsh " mene use naam bataya to uski ankhein bhar ayi, vo jazbat jo piche chupe the ek dum se bahar nikal aye. Vo kuch nahi keh saki, uski kubsurti par uske gum ki parchai chamakne lagi thi, vo ghutne modh kar baithi aur usne harsh ko apne sine se laga liya. Bacha vo uska nahi tha lekin uske piche chupa bhav tha jo insan ko apna banane mein majbur kar raha tha, shayad ek sacha pyar hota hai jo marne ke baad bhi use dilon mein zinda rakhta hai. Shilpi ne uske mathe par apne honth rakhe aur khadi hui.

" tumne apne bete ka naam harsh rakha "

" vo jeevan ka sabse acha dost tha aur bachon mein bhi hum apna dost hi khojte hain " vo abhi bhi harsh ki masumiyat ko dekh rahi thi par mei janti thi ki harsh ko kuch yaad nahi hai. Use pyar ki jarurat hai jo mei ab use kabhi nahi de sakti thi kyun ki jab-jab mei uska chehra dekhti thi tab-tab mujhe sam ka chehra nazar ata.

" shilpi kya tum ise apne sath le jaogi " harsh ki taraf dekhti shilpi ka muskurata hua chehra ek dum fika padh gaya aur vo meri taraf dekhne lagi " kya tum ise ek maa ka pyar dogi " is baar hairani mein uski ankhein badi ho gayi.

" amb ye tum " mene use bich mein rokte hue uska hath pakad liya.

" Agar tumhe lagta hai harshit mere liye itna kar sakta tha to kya tum nahi kar sakti, mana mat karna, tumhe kisi ko kuch bhi batane ki jarurat nahi hai bas kehna ek anath ko ghar le ayi ho " mene uska hath chhod apne hath jode " mei ise vo maa ka pyar nahi de paungi jo tum de sakti hun, please i beg you " vo janti thi ki jarur koi bahut gehra raaz hai jo mei use nahi bata rahi lekin usne mujhse koi sawal nahi kiya, usne bilkul wesa hi kiya jaise mene use karne ko kaha aur vo apne sath harsh ko le gayi is zindagi se dur, meri zindagi se dur, us buri shakti se dur.

Amb ki baaton ne us takleef ko dur kar diya jo shreyas ke dil mein panap rahi thi, shilpi ko in sabke bare mein kuch nahi pata tha par ek sawal abhi bhi baki reh gaya tha. [ Present Day ]

" guruji ne apse aisa kya kaha tha jo apne bhai ko maa ke hath mein saunp diya? " shreyas ne baat khatam hote hi sawal kiya.

" Varanasi ane ke baad meri mulakat guruji se hui jo meri is samsya ka samadhan kar sakte the. Ek taraf sam tha aur ek taraf harsh, jab mene guruji ko apni kahani batai tab unhone mujhe ek rasta dikhaya jo ki sirf ek matr rasta tha harsh ko us shaitani ruh se bachane ka. Mei janti thi isme mujhe sam ki kurbani deni padegi lekin ek zindagi ko bachane ke liye iske alawa koi aur rasta nahi bacha tha "

" to guruji ne apko sam ko marne ke liye kaha? aur isliye vo ab badla le raha hai ? " anshika tab boli jab amb bolte hue ruk gayi jaise vo us pal ko yaad karte hue shabad ikhate kar rahi ho.

" nahi, guruji nahi chahte the vo uski ruh ko bandh kar bas hamesha hamesha ke liye sula dena chahte the aur unhone kiya bhi waisa hi tha par mujhse us raat ek choti si bhool ho gayi aur sam mere hathon se mara gaya " vo phir chup ho gayi.

" kesi bhool? "

" mene tumhe kaha tha na ki dono bachon ki shakal huba hubi thi? " amb ke kehne par shreyas ne han mein sar hilaya aur uske dil ki bechaini badne lagi " dono mein kisi tarah ka bhram utpan na ho isliye sam ko mene bachapn mein ek ring pehna di thi taki pehchane mein asani ho " abhi amb ne shuru kiya tha lekin shreyas ki ankhein hairani mein badi hoti gayi aur teeno ek dusre ko aise dekhne lage mano vo andekha sach samne aa gaya ho. Amb ne apni baat zari rakhi

" guruji ko sam ki use koi judi hui chiz chahie thi isliye ek raat mene uske ungli se vo ring nikal kar unhe de di, jiske baad unhone apni vidhya se usko bhole nath ki kripa se bandh diya aur unhone mujhe kali andheri raat ke ane ka intezar karne ko kaha, sahi waqt par mujhe sam ko hamesha ke liye sula dena tha taki vo aur uski shaitani takat zindagi bhar ke liye so jaye " amb ki ankhein bolte hue is tarah kho gayi mano vo usi waqt mein khadi ho yani us kali andheri raat mein

" mujhe aaj bhi yaad hai vo kali raat jab mei sam ko lekar guruji ke batai jagah par jaa pahunchi thi jahan pahunchte hi use malum ho gaya tha ki mei kya karne wali hun. Vo shaitan uspar havi ho chuka tha lekin guruji ne pehle se apne bhavan se do pandito ko wahan bhej rakha tha. Vo shaitan sam par havi ho chuka tha aur us kali raat ke andhere mein zor-zor se cheekh rha tha. Mujhe uski ungli mein vo anguthi dalni thi lekin usne majbuti se apni muthi band kar rakhi thi. Vo kali badi badi kanche jaisi ankhein aur uske chillane par vo chehre par nili lakrein aaj tak mere chehre ke samne hai. Dono pandit uske hath ko kholne ki kosish kar rahe the lekin vo us takat ke aage bekar sabit ho rahe the. Waqt bitta jaa raha tha kyun ki agar vo kali raat ka andhkar khatam ho jata to jo mei karne ayi thi vo kabhi puri na ho pata. Usko shant karna jaruri tha isliye mene pas hi pada lakdi ka danda uthaya aur jaise hi sam ka dhayan banta mene uske sar par de mara. Mei use behosh karke uski ungli mein vo ring dalna chahti thi aur mene wahi kiya jaise hi vo zameen par gira mene uski ungli mein vo ring dal di aur uske sharir ko wahin khod kar hamesha ke liye gaadh diya lekin mujhe nahi pata tha ki "

" ki sam behosh nahi hua balki mar gaya hai " shreyas ne amb ki baat puri ki aur apni jagah se khada ho gaya. Uska dil bechaini mein tezi se daudna laga, ankhon ke aage har vo khela khel samne aane laga, vo har sapna, vo mautein aur ghumti hui vo ring " tabhi vo ye sab kar paa raha hai " usne amb ki taraf dekha " apne us din sam ko mar kar uski shakti us anguthi mein dal di jise use roka jana tha aur usi ke zariye usne anshika par kabza kiya aur un sab par bhi jo log marre gaye " ek pal vo chup hua " ye apne kya kiya? " sawaliya nazron se shreyas amb ko ghurne laga.