Hot Sex Stories - Haunted ~~ " Game Of Rings "

[sexstories]

Pura bangla ankhon ke aage ghum raha tha, khoon se sanne hathon ki taraf ek pal ke liye ankhein modi aur lakdi ka fatta faink kar khud ko ghasite hue kamre ke nazdeek aya, ghunto ke bal baitha aur farsh ki todi lakdi ke andar hath dal diya. Hath se tatolne par kuch hi pal ke andar vo hath mein aa gayi. Mene ring bahar nikali aur use dekh kar na jane kyun muskura diya. Mene kar dikhaya tha, uski akhri kamjori mere pas thi. Anguthi ko ghurte hue mene muthi band ki aur eka-ek zameen hilne lagi is baar vo bahut tezzi se hil rahi thi. Mene charon taraf nazre ki to paya bangla bahut zoron se hilne laga tha aur phir achanak se vo gayab ho gaya. Ab vahan kuch bhi nahi tha sivai us deform shaksiyat ke jo abhi bhi udhar hi dekh raha tha. Mere aur uske bich ab koi deewar, koi gate kuch nahi tha isliye usko saaf dekh paa raha tha. Nazar uske chehre se hote hue uski ek matr ungli par gayi jisme mujhe chamakti hui anguthi dikhi. Abhi mei dekhte hue samajh pata ise pehle uska sharir patte ki tarah bikharta hua hawa mein gayab hone laga aur dekhte hi dekhte vo hawa mein kalli miti ban kar hawa ke sath hi beh gaya. Uske gayab hote hi ek pal mei baitha raha aur phir mene apna hath khola, jahan ek pal pehle meri khoji hui ring thi vo ab khali tha. Meri ankhein aise hil rahi thi jaise abhi-abhi mene sab kuch khatam kar dia ho.
" aarrrrrrrrghhhhhhhhhhhhhhhhhhhhhhh " mei uppar ki taraf dekhte hue zoron se chillaya aur phir

" aarhhhhhhhhhh " shreyas achanak se utha aur gehri gehri sansein khinchne laga jiske sath kamre mein sari mombatiyan bujh gayi. Usne apni ankhein michi aur phir zor se chillaya " aaaaaaahhhhhhhhhhhhhhhhhhhhhhh unghhhhh " ye cheekh uske sharir ke dard ki nahi thi balki us haar ki thi jo use abhi-abhi samajh ayi thi. Agle hi pal use anshika ki yaad ayi " anshika.. " usne apni nazrein uppar uthai lekin ab wahan koi bhi maujud nahi tha. " anshika " is baar uski nazar niche gayi aur anshika vahan behosh padi mili. " anshika.. anshika utho.. " usne awaz lagayi par anshika nahi uthi. Usko uthte na dekh shreyas ne uthne ki kosish ki par aseem dard uske chehre par ubhar aya lekin anshika ne use koi jabab nahi diya. Usne apni chain khinchi lekin vo hath se nahi utari, " anshika.. utho " vo hath chudate hue awaz lagata raha, uski pith se khoon risne laga. Dard ki wajah se ankh se pani aa raha tha lekin use abhi anshika ki chinta thi. Jab sab kosish karne ke baad bhi nai uthi to usne apne chehre anshika ke chehre ke uppar kiya aur kisi tarah apne hath ko mathe ke jakhm par rakh kar usko kureda " aarrhhhhhhh " khoon rista hua jakhm se nikla aur chehre se hokar anshika ke chehre par girne laga. Ek, do, teen, char, panchvi bund jaise hi uski ankh par giri anshika ki ankhon mein kuch harkat hui, uske sharir mein harkat hui. " anshika utho.. " shreyas kisi tarah naam pukar raha tha aur eka-ek anshika ki ankhein khuli.

Anshika ko hosh atte hi vo uth baithi par ek dard teevrta se uske dimag mein daud gaya. Ek pal ke liye uske kano mein awaz to ayi par vo saaf nahi thi lekin agle pal use dhayan aya ki use kisi ne piche se mara tha aur vo behosh ho gayi thi. Vo apni jagah se uthi, shreyas use abhi bhi awaz laga raha tha is baar awaz bhi saaf samajh ayi.

" shreyas.. shryeas vo amma " vo shreyas ko hosh mein dekhte hi boli.

" tum theek ho " shreyas ka pehla sawal. Anshika ki ankh se ansu nikal pada usne shreyas ke mathe par apne honth rakh diye par kuch boli nahi. " tumhe mere sharir se pin hatane honge "

" nahi mei nahi hata sakti "

" hamari madad karne koi nahi hai anshika, tumhe hi karna hoga " kehte hue shreyas ke honth kanp rahe the. Anshika janti thi vo sahi bol raha hai par vo kaise kar sakti thi uske andar himmat nahi thi. " tum kar sakti ho " shreyas ne use ek baar phir kaha aur anshika ne kisi tarah apne andar himmat ikhati kari aur phir khadi ho gayi. Usne kampte hathon se pin pakdi aur use khinch diya.

" aaaarrrrrghhhhhhhhhhhhh " shreyas ko aisa laga mano koi ang uske sharir se khinch raha ho. Khoon uski pith se nikal kar behne laga. Ye dekhte hi anshika ki sansein ukhad gayi vo ghabarate hue subakne lagi. " anshika rukna nahi... " sansein rokte hue shreyas bola. Uski baat sunte hi anshika ne dusri pin ke sath bhi wahi kiya aur phir shreyas ki cheekh uske kano mein padhi. Anshika ne ankhein band ki aur vo takleef usme se behti hui gir gayi. Iske baad ek-ek karke anshika ne sari pin nikal di aur shreyas adhmara sa hokar table par gehri gehri sansein leta raha.

" chain.. chain.. " vo badbadaya aur uski baat sun anshika ne uske hath paun se chain hata di. Jahan-jahan chain bandhi thi wahan jakhm ho chuke the. Anshika uska chehra utha kar use hosh mein lane ki kosish karne lagi. " vo malham.. kidhar hai " anshika idhar-udhar dekhne lagi, vo janti thi ki agar shreyas ka khoon nahi ruka to vo mar jayega. Vo dhund rahi thi lekin use kahin nahi mila isliye vo usi kamre ki taraf daudi jahan par amma ka kamra tha lekin vo jaise hi vahan pahunchi kamre ki halat dekh vo dang reh gayi. Ab kamra pehle jaisa nahi tha, ek dum ghup andhera aur purani tuti hui kursi, tablon se bhara pada tha jiske alawa ek badbu uski naak mein ghusne lagi. " ye kaisa mayajaal tha " vo badbu tezz hoti jaa rahi thi uske pas shreyas ko bachane ka samay nahi tha lekin vo phir bhi is ati badbu ke piche andar ghus gayi aur samne se kursi table hatane lagi aur hatate waqt uski nazar us sharir par gayi jise dekh uski ankhein hairani mein khul gayi.

Amma ka sharir wahan zameen par padha tha, anshika ne uske sharir ko dhayan se dekha, uski ungli mein ek anguthi thi par sharir bilkul sadh chuka tha. Anshika ne ek kadam piche kiya aur tabhi amma ne apni ankhein khol di, " aaaaahahahh-hhhhhh " anshika ladkhadate hue piche gir gayi aur usi pal amma ka sharir fatt gaya aur chote-chote kidon mein badal kar zameen par raingte hue anshika ke pass se guzarte hue andhere mein kahin gayab ho gaye. Anshika ek pal vahan baithi cheekhti rahi aur phir jab vahan kuch bhi nahi hua to vo uth kar vahan se vapis shreyas ke pass ja pahunchi.

" shreyas " vo andar ayi par shreyas hosh mein nahi tha. " mei tumhe kuch nahi hone dungi, kuch nahi hone dungi " usne uska chehra pakda aur zor-zor se rone lagi. Use samajh hi nahi aa raha tha ki vo uski madad kaise kare. Vo chatt ki taraf dekhte hue rone lagi " meri madad kar maa please meri maadad kar " vo rone lagi, ek himmat kho si gayi, umid ki kiran dene wala shaksiyat hi ghav ka karran tha aise mein umeed ke sath himmat kho si jati hai.

" anshika " shreyas ki awaz sun usne uske chehre ki taraf dekha, uski ankhein band hi thi. " daro mat mei " vo bas itna hi bol paya, anshika ne uska sar apne sine mein daba liya, kya kare vo himmat se haar kar pareshan vo shreyas ke sath hi dard mein dafan hona chahti thi ki eka-ek hawa kamre mein tezi se failh gayi. Zameen par padi vo pin jo anshika ne zameen par faink di thi vo fisalti hui table ke niche gayi aur phir vapis aa gayi jaise kisi chiz se takra kar bahar ayi ho. Anshika ne jab ye dekha to vo shreyas ko chhod kar table ki taraf akar jhankte hue uske niche dekhne lagi, use katora dikh gaya. Pyar ke piche chupi umeed abhi bhi kahani mein zinda thi, usne katora bahar nikal, usme vo marham tha ye dekhte hi anshika khushi mein rote hue muskura di.

Usne ankhein band karke shukriya kiya kisko? umeed ko ? nahi balki us shakti ko jispar use vishwas tha. Vo fauran khadi hui aur shreyas ke badan par marham lagane lagi bhale hi vo amma ke roop mein shaitan tha jisne dard diya tha lekin uska pyar abhi uske sath tha.

Shreyas ne apni ankhein kholi mano ek gehri nind ke sath jaga ho. Vo abhi bhi ulta laita hua tha lekin ab niche koi sakht jagah nahi thi aur sharir mein utna dard nahi tha jitna ki hona chahie tha. Ankhein kholte hi use roshni ka abhas hua aur jab usne nazrein ghumai to dekha anshika bagal mein baithe-baithe so chuki hai. Vo use uthana nahi chahta tha bas yun hi dekhte rehna chahta tha par agle pal jaise use malum ho chala ho ki vo jaag gaya hai. Anshika ne ankhein kholi to shreyas ko apni taraf dekhta pakar vo muskurai.

" tum theek ho " anshika ne uske hathon par apne honth rakhte hue pucha to shreyas ne uska hath pakad liya pata nahi kis chiz ke ansu the par uski ankh se nikal aaye.

" mei doctor ko bulati hun " anshika ne uski ankhon se aye ansu ko hataya aur kamre se bahar nikal gayi. Kuch hi pal mein doctor ke sath anshika, ajay aur sharma bhi andar aa gaye.

" ab aap kafi better hain, ek hafta aur "

" itna waqt nahi hai doctor " shreyas ne use bich mein roka " mujhe sidha laitna hai "

" abhi jakhm sukhe nahi hai "

" mei theek hun aap mujhe sidha kijeye " shreyas ki baat sun anshika ne bolna cha par use bhi mana kar diya akhir uski zid ke aage use sidha laita diya gaya jisme use behad jalan hui par vo sehta hua lait gaya. Doctor bahar nikal gaya, uski nazar anshika se ja mili.

" aap kaise hain shreyasji " sharma ne sawal ki shuruwat ki.

" theek nahi hun inspector "

" samajh sakta hun, anshika ji ne bataya jo apke sath hua "

" koi nahi samajh sakta, koi nahi.. kyun ki mei khud nahi janta ki mene kya kiya hai " vo bol kar chup hua " use dur bhagne ke liye lad raha tha lekin kya pata tha ki mei uska hi sath de raha hun "

" par mujhe abhi tak samajh nahi aya ki kaise "

" hume use dhundna hoga " shreyas ne sharma ko bich mein roka.

" kise shreyas ? " anshika boli.

" amma "

" vo nahi hai mene khud use tukdon mein bantte dekha hai "

" vo uska chalawa tha, amma kabhi thi hi nahi anshika "

" kya matlab ? "

" mei yahan kab se hun ? "

" 12 dino se, tumhe aaj purre 12 din baad hosh aya hai "

" nahi.. nahi " vo apni jagah se khada hua par dard teevrta se uske sharir mein daud pada aur vo uth nahi saka. Ansika uske pas ayi " shreyas kya kar rahe ho? pagal to nahi ho gaye tum? " usko laita kar vo chup hui. " ab koi fayda nahi hai shreyas vahan koi nahi hai "

" jo tum samajh rahi ho anshika vaisa kuch nahi hai, vo amma kabhi thi hi nahi, vo shuru se ek ruh rahi hai. Inspector ne jo kahani batayi thi jisme wahan log gayab ho jate the unhe gayab karne wale vo asalyum ke bhoot nahi balki vo amma thi jisne un logon ko mara, itna hi nahi vahan ki atamyein bhi usi ne kaid kar rakhi thi. Anshika unki vo ankhein vo darane ke liye nahi balki vo humse madad mang rahi thi, hume sachet karna chahti thi. Vo vahan apni marzi se nahi balki usne unhe saza ke taur par rakha hua tha " shreyas ki baat sun anshika ki ankhein hairani mein khul gayi.

" lekin usko to un sab logon ne dekha tha " ajay ne us taraf ishara kiya jab vo logon se puch taach karne gaya tha.

" mere hissab se ab vo log apko kabhi nahi milenge "

" ajay tum jakar un logon ke bare mein pata karke aao " sharma shreyas ki baat sunte hi bola aur ajay bahar nikal gaya " aapka matlab usne jaan kar hume apse joda ? "

" sirf itna hi nahi vo chahti thi ki mei use milun taki uska kaam kar sakun " shreyas chup ho gaya.

" mujhe vishwas nahi ho raha hai ki hum ek shaitan ki madad kar rahe the, aaj tak aisa nahi hua lekin sawal hai kya maksad tha uska iske piche? kyun usne ek jhoothi kahani hume bata kar humse us ring ko apne kabje mein kiya? kya maksad chupa hai uska in sabke piche? kya uski har baat sirf uske mayajaal se judi hui thi ? " anshika ke sabhi sawal sahi the. Shreyas kuch pal shant laita raha.

" nahi anshika, ek baat vo bilkul sahi samjha kar gaya, hum nahi jante ki vo kaun hai "

 

[sexstories]

Ek aur kamal ka update

..finally Phase 2 start hua.
Kaafi utsukta thi ye jaane ki ki Amma ne aisa kyun kara..lekin iss update ne toh pura concept hee badal dala

Sabse pehle toh ye pata laga ki shreyas akhiri anghuti kaise laya tha..aur amma ne dhokha de diya.
Anshika aur shreyas ka pyar hee toh hai ye jo unhe kuch nahi hua

Amma ne hee ye saara kaand kara hai kyuki vo ek ruh hai..lekin jab Amma ke sharir fatne vala scene padha toh fir se sawal khade ho gaye..aakhir chakkar kya hai ye

Pyar ki takat bahut jada hoti hai..ye tune har baar bataya hai..aur yahan bhi usi ki vajah se Shreyas thik hua.

Sabse bada point ye hai ki..Amma ka chakkar kya hai..mujhe lagta hai ki Amma shaitan ki kaid mein thi..aur shayad jabardasti karva raha tha vo..amma ke do roop ho sakte hain

Ek point ye bhi hai ki katora table ke niche kyun chodda..kya shreyas se use kuch aur chaiye..jiski vajah se use marne nahi dena chahta vo..ya kuch aur hai

Ajay aur sharma bhi aa gaye..koi toh aaya

Shaitan ka mayajaal hai ye..pata nahi kya kya hoga..anyways waiting for next

 

[sexstories]

" sir humne un sabhi logon ka pata lagwaya jise humne puch tach ki thi "

" fir? "

" unme se koi nahi mila sab aise gayab hue jaise unka koi astitv hi na ho "

" jaisa shreyasji ne bataya tha " ajay ki baat sun sharma soch mein padh gaya.

" vardi ke aage majbur hai sir varna is kahani ko juthlaya nahi jaa sakta " ajay kuch soch kar bola.

" hmm, abhi tak yakeen karna mushkil hai ki hum bhi is khel mein shamil the yani mei "

" kuch samjha nahi? "

" mene hi sabse pehle us budhi aurat ki awaz suni thi lekin ajay ek baat samajh nahi aa rahi "

" kya sir ? "

" in logon ki kahani sun ke baad yakin nahi hota ki is baar kahani kuch is tarah hogi kehne ka matlab ki pichle kuch dino se humne koi naya case nahi suna iska kya matlab hua kya kahani khatam ho gayi ? " sharma apni baat khatam karta ise pehle uski nazar police station ke darwaje par gayi. Anshika shreyas ko apne sahare ki madad se use lekar aa rahi thi.

" shreyas ji aap " sharma aur ajay dono apni jagah se khade hue. Shreyas aur anshika unke pass aa khade hue " kya apko koi naya sapna aya ? " sharma ko laga ki uska sochna galat hai isliye sochte hue usne sawal kiya.

" nahi inspector, us raat ke baad mujhe sapne anne band ho gaye "

" aur hume 15 dino se koi naya case bhi nahi mila yani apke us raat ke baad se hi " sharma sans chhodte hue bola yani vo sahi tha jo soch raha tha waise hi ho raha tha.

" hmm "

" baithiye " sharma ne kaha to anshika ki madad se shreyas kursi par baith gaya. " to bataiye yahan kaise ana hua apko to kuch din aram karna chahie tha "

" mujhe apki madad chahie " shreyas ne ruk kar apni baat kahi.

" kesi madad ? "

" hume asalyum jana hai " asalyum ka naam sunte hi sharma ki ankhein hairani mein khul gayi.

" kyun ? "

" un logon ki atma ko azad karne jinhe us amma ki ruh ne kaid kar rakha hai " ek pal khamoshi chai rahi. Ek hawaldar table par garam chai rakh kar gaya tab khamoshi tuti.

" shreyasji ek sawal puchun ? "

" ji "

" kaun thi vo amma ? " sawal bilkul sahi tha. Ye baat har koi janna chahta tha.

" pakke taur se nahi keh sakta lekin vo jo koi bhi thi us shaitan ke kabze mein hi thi, jaisa anshika ne bataya uske sharir ka astitv mit chuka hai yani vo shaitan nahi chahta tha ki hume uske bare mein pata chale " shreyas ise jada anuman nahi laga paya.

" to phir usne aap dono ko zinda kaise chhod diya ? " shreyas janta tha ki sharma use ye sawal jarur karega.

" apko lagta hai usne mujhe zinda chhoda ? " shreyas ek pal chup hua " mei yahan zinda apke samne hun to sirf anshika ki wajah se varna shayad us jagah se vapis nahi aa pata." vo ek pal phir chup hua " Hum abhi tak ye soch rahe the ki ye kahani mujhse judi hai, humse judi hai lekin aisa tha hi nahi, ye shaitan jo koi bhi hai isne sirf hamari kahani ka fayda utha kar hume uljhaya taki hum uski madad kar sake, vo jo chahta hai use pura kar sake isliye usne hume chuna kyun ki jaisa usne humse kaha tha ki vo hume janta hai lekin hum use nahi. Isi ke chalte usne hamari hi kahani ke hissab se ek mayajaal banaya taki hume lage vo hamari kahani se juda hai par asal mein vo apne maksad ki aaur badh raha tha " shreyas ko sharma ke puche gaye sawal ki vajah se rukna pada.

" kesa maksad ? " shreyas ek pal chup raha.

" nahi pata inspector, iska jawab sirf vo amma hi de sakti thi lekin uska astitv us shaitan ne mita diya hai to hamare liye ab is kahani mei koi aur pehlu bacha hi nahi hai "

" yani apki kahani khatam ? ye maut ka silsila khatam ? " sharma utsukta mein puch baitha.

" shayad han, shayad usne apna kaam kar liya hai, jis dard ke sath vo mujhe bula kar apna kaam karwana chahta tha vo pura ho chuka hai. Ab use meri jarurat nahi lekin vo shaitan jo bhi chahta hai vo bahut bhayanak hai " shreyas ki awaz mein chinta thi.

" aap kaise keh sakte hain ? " ajay ne pucha.

" kyun ki vo usi ki duniya thi jisme usne mujhe bheja tha " baat rognte khade karne wali thi " aur meri madad ke baad na jane vo kya hassil kar lega "

" isme tumhari koi galti nahi hai shreyas, tumne wahi kiya jo niyati ne tumse karwaya " anshika ne uska hath thamte hue kaha sirf wahi thi jo uske chehre ki shanti ke piche is dard ko samajh sakti thi. Shreyas kuch nahi bola, vo bhale hi apne dard se dur ho chuka tha lekin ye dard uski zindagi mein hamesha ke liye rehne wala tha.

" apki batein sun kar to yahi samajh ata hai ki kahani apse nahi judi par abhi bhi kuch bhayanak ghatna baki hai jiske jawab kisi ke pas nahi hoge " sharma ne apni chinta zahir ki iske alawa vo kuch nahi kar sakta tha jin case ki sachai vo khoj raha tha vo ab ek band file mein pade rehne wale the.

" kya aap meri madad karenge ? " kuch pal baad shreyas ne sharma se pucha to usne hami bhar di.

Kuch hi der mein do-teen hawaldaro ke sath sab asalyum pahunche. Shanti abhi bhi usi tarah maujud thi jaisi us din thi jab ajay yahan aya tha aur anshika use darwaje par dikhi thi jiske baad vo dono shreyas ko wahan se lekar sidhe hospital gaye the.

" kuch soch rahe ho ajay ? " sharma ka dil andar kadam rakhte hi zoron se dhadak raha tha. Ajay ne jawab mein sirf nah mein sar hilaya. Sabhi shreyas aur anshika ke piche the, anshika shreyas ko sahara dete hue aage badh rahi thi. Corridor se hote hue shreyas ne anshika ko rasta bataya aur sab wahan chal diye ab roshni andhere mein badal gayi thi.

" sahab hume dar lag raha hai " piche se ek hawaldar bola.

" chup chap chalta reh " sharma ne use danta par dar uske man mein bhi tha.

" bas yahin " achanak se shreyas ruk gaya, na jane andhere mein kya dekh liya tha usne. " par yahan kuch nahi hai shreyas " anshika ko kuch nahi dikha to usne sawal kiya. " light jalao anshika " shreyas ke kehte hi usne aur piche khade sharma aur ajay ne bhi phone ki torch jalai aur jaise hi unhone roshni samne dali sabhi ke dil ek pal ke liye dhadkna ruk gaye. Samne farsh par us bade se hall mein kankal ka dher laga hua tha vo jagah itni badhi thi ki ant tak dekh pana namumkin tha.

" vo sabhi log jo us raat asalyum mein mare unki lashein yahi hai "

" vishwas nahi hota " hairani bhari ankhon se dekhte hue sharma bola.

" par apko kaise pata chala ki ye sab lashein idhar hai, aaj tak koi inhe nahi khoj paya " ajay ek kadam aage badte hue bola.

" sab jawab dunga pehle jis kaam ke liye hain vo kar le, vo log salon se intezar kar rahe hain " shreyas ki baat sun kar sharma ne hawaldaron ko ishara kiya, vo dar rahe the lekin ajay unke sath tha. Farsh par mitti ka tel chidakte hue vo teeno andhere mein ek pal ke liye khoye lekin unhe vapis dekh sharma ki sans mein sans ayi.

" machis " unhe dekhte hi shreyas ne sharma ki taraf dekha, sharma ne machis nikal kar de di. Shreyas ne machis jalai lekin niche girane se pehle usne apne charon taraf dekha, vo nili ankhein vahan charon taraf unhe gher kar khadi thi jise uske alawa koi aur nahi dekh sakta tha.

" shreyas " anshika ne awaz lagai kyun ki ab agar vo machis nahi girata to uske hath jal jata. Shreyas ne bina agla pal gawaye machis chhod di. Farsh par mitti ke tel ne jaise hi aag pakdi aag ki ek lakeer failti gayi aur phir thodi dur jakar dono taraf felh gayi aur achanak se itni roshni felhi ki sabhi ki ankhon mein jalte hue aag ki parchai kaid ho gayi. Aag ki lapte un kankalon ko jala rahi thi, shreyas ne nazre ghumai to ek-ek kar vo atmaye gayab hone lagi, vo is kaid se azad ho chuke the.

" jab mein shaitan ki dunia se vapis aa raha tha tab mujhse asalayum ki atmaon ne madad mangi aur unhone hi bataya ki vo vahan kaid hai aur unhe kaid karne walli vahi amma hai. Vo atmayein hume bhi yahi samjha rahi thi lekin hum insan kabhi unki baat samajh hi nahi patte. Mei unhe is halat mein chhod kar nahi jaa sakta tha isliye madad karna chahta tha aur aap logon ne meri dusri baar madad karke mera kaam asan kiya hai. Thank you very much " police station ki chair par baithe shreyas ne unhe bataya ki use un atmaon ke bare mein kaise pata chala tha.

" shukriya ki koi jarurat nahi hai shreyasji hum apki takleef shayad kabhi samajh nahi payenge, par ab kya? kya aap us kahani ko abhi bhi khojne ki kosish karenge ? "

" nahi inspector ab aur nahi, vo meri kahani nahi hai aur ab iski takleef mei anshika ko aaur nahi de sakta " Bhale hi uski soch mein uska swarth tha lekin vo ab maan chuka tha ki is kahani ka shayad yahi ant hai. Use ab anshika ko apna waqt dena tha jo shayad uski vo kab se hakdar thi.

" dhayan se shreyas " chalte hue shreyas ladkhdaya lekin anshika ke sahare ki wajah se vo gira nahi. Aaj kafi waqt baad vo apne purane ghar aya tha. Ek jhalak dekh use dhruv aur apni maa ki yaad aa gayi. Anshika ne pehle hi nidhi ko phone karke kisi ko yahan bulwa liya tha taki vo saaf safai kar sake. Dono jaise hi hall mein dakhil hue samne nidhi ne unhe dekha, anshika pehle hi use sab bata chuki thi.

" i am so sorry shreyas " nidhi uske galle lagte hi boli.

Sham hone ko ayi thi, shreyas aur nidhi sath baithe hue the " shreyas i think, tumhe us kahani ko bhula dena chahie " nidhi ne chupi todi.

" mei bhi yahi manta hun nidhi vaise bhi uske piche kyun bhagna jiska vajud humse juda hi na ho "

" shreyas " anshuka ne piche se kandhe par hath rakha " tumhari dressing ka waqt ho gaya hai "

" hmm "

Kehte hain waqt ke sath sawal dhundle ho jate hain par kuch sawal shayad janjiron mein bandh jatte hain. Shreyas bhale hi maan baitha tha ki kahani ka astitv khatam ho chuka hai lekin man ke ek kone mein ek dar abhi bhi tha jo sirf wahi mehsus kar sakta tha.

Unhe apne purane ghar aye ab 21 din ho chuke the, vo ab yahin rehna chahte the apne pariwar ki yaadon ke sath. Nidhi aksar sham ke waqt ghar aya karti thi aaj bhi vo anshika ke sath hi thi. Anshika ke sath baithi tasveerein dekh rahi thi jo unke college ke dino ki thi.

" kya hua anshika " nidhi ne anshika ke chehre par chai chinta dekhte hue pucha. Vo phone milane ki kosish kar rahi thi.

" shreyas ko phone mila rahi hun par mil nahi raha "

" kahan gaya hai vo "

" job interview par gaya tha " usne dubara call kiya to is baar mil gaya samne se shreyas ki awaz ayi " shreyas kidhar ho ? "

" anshika bas aa raha hun, metro slow hai aaj "

" shreyas apki awaz nahi aa rahi " use shreyas ki awaz tut-tut kar aa rahi thi.

" baat karta hun network problem hai " call drop ho gaya. Shreyas ne phone ki taraf dekha, signal par no network likha hua tha. Usne message type karke send kar diya jab network ayenge to anshika ko message mil jayega. Ye soch kar usne phone lock kiya aur pocket mein dal kar apni stick hath mein le li jo aaj kal uske chalne ka sahara bani hui thi. Achanak se metro chalte hue ruk gayi, tezz break lagne ki awaz sabhi ko sunai di, aksar aisa hota tha metro mein. Metro rukne par use jhatka laga lekin sambhalte hue vo phir stick ke sahare baith gaya. Metro tunnel ke niche ruki hui thi, usne apne charon taraf nazre ki sab apni dunia mein khoye hue the, dekhte hue uski nazar metro ki chatt par takrai jahan ek light ' jarrr-jaarrrr ' karte hue jal bujh rahi thi na jane uski nazar usi par jam gayi aur achanak se vo band ho gayi. Usne apni nazar hatai kyun ki vo ye sab sochna nahi chahta tha, vaise bhi metro mein aisa aksar hota hai lekin aaj kafi der se vo ruki hui thi aur tab uska dhayan gaya ki ab announcement bhi nahi ho rahi. Abhi sochte hue usne apni nazar display screen ki taraf dekha tabhi metro ki adhi light ' jarrr-jarrr ' band ho gayi aur kafi hadh tak andhera cha gaya. Metro mein uske alawa kai aur log the lekin kisi ko koi farak nahi pada sab abhi bhi apni dunia mein vyast the, koi ganne sun raha tha to koi apas mei baatchet. Sabse dhayan hata kar vo apni jagah se khada hua aur ' thaadddddddddddd ' ek tezz awaz uske kano mein padhi.

 

[sexstories]

Bhadia update tha

..kahani apni puri raftaar mein hai

Ajay aur sharma bhi..kuch toh kaam aa hee rahe hain shreyas aur anshika ke...lekin unka sawal ekdum sahe hai..kya ye kahani yahin khatam ho gyai hai..lekin nahi

" un logon ki atma ko azad karne jinhe us amma ki ruh ne kaid kar rakha hai " ek pal khamoshi chai rahi.
[color=rgb(0,]Amma ki ruh ne..??

[/color]
" pakke taur se nahi keh sakta lekin vo jo koi bhi thi us shaitan ke kabze mein hi thi, jaisa anshika ne bataya uske sharir ka astitv mit chuka hai yani vo shaitan nahi chahta tha ki hume uske bare mein pata chale " shreyas ise jada anuman nahi laga paya.
[color=rgb(0,]Lekin agar vo amma shaitan ke kabze mein thi..toh matlab shaitan uske sharir ka hee istemal kar raha hoga.[/color]
[color=rgb(0,]Lekin ye bhi likha hai ki..amma ki ruh ne kaid kar rakha tha un atmaon ko..toh agar amma pehle se hee mar gayi thi..toh uski rukh kaise kaid kar sakti hai.

[/color]
[color=rgb(0,]Amma ko lekar abhi bhi doubts hain

[/color]
[color=rgb(0,][/color]
[color=rgb(0,]Fir se asylumn jakar unn atmaon ko azad kar diya shreyas ne..lekin itni jaldi nahi khatam hogi ye kahani

[/color]
[color=rgb(0,]Shreyas aur anshika vapas aa gaye...lekin shayad ye tufan ke aane se pehle ki shanti hai...kyuki kuch toh hai jisse shreyas abhi bhi juda hai...mujhe toh lagta hai usi ki kahani hai ye

[/color]
[color=rgb(0,]Metro mein kya ho gaya ye..kya ye koi sign hai..uss tufan ka..ye sab ho raha hai ya shreyas ko hee lag raha hai ki ye ho raha hai

...dekhte hain kya hota hai.[/color]
[color=rgb(0,]Waiting for next

[/color]


 

[sexstories]

This is the story i wish to finish, with so many things left to write when things ended in XP. Due to shortage of time i couldn't able to keep up with this one. But i would love to write and finish this one, though i don't have any backup of this one and i tried a lot but couldn't get so i decided to write again. The update will not be regular but i will try my best.

Ye kahani un viewers aur readers ke liye hai jinhone is part ki pehli 2 kahani padi hai.

Part 1 - Haunted (Tujhe Pyar karun to kaise ??) (PDF LINK - https://mega.nz/file/SxNR1SgS#rDb3cJET5V3XapK2VoGsZJ_nqOKc22BqG2yVcxEX3JY)
Part 2 - Haunted ~~ Dead Evil Returns (PDF LINK - https://mega.nz/file/K9UBhCYS#_lHNwaPCUcbgCk9RkcFH3ZvykGzv1HPk2x3CvjiKhVc)

This time this one for all the old friends which i met and they are doing well in their life. Cheers, enjoy the story everyone.

PDF For This Story :

File on MEGA

mega.nz

 

[sexstories]

Shor sun kar usne dekhne ki kosish mein nazar ghumai par abhi koi awaz nahi thi sirf sanata tha. Uske sath ab kai log metro ke us hisse mein dekh rahe the jahan se awaz ayi thi. Shayad veham hoga ye soch kar shreyas apni jagah par baith gaya lekin agle hi pal ' thaddddddddddd ' is bar bhi utni hi tez awaz thi aur kuch logon ke chillane ki awaz bhi suni. Usne apni gardan aage kar phir wahi dekha uske alawa kafi log us jagah par dekh rahe the lekin andar ke mahol ko vo samajh nahi paya kyun ki awaz ek dum akhir se aa rahi thi. Apas mein sab kya ho raha hai is vishway mein baat karne lage aur agle hi pal vo awaz ' thaddddddddddd ' ' thadddddddddd ' mano najdeek ane lagi aur phir theek jahan vo baitha tha vahan bhi wahi awaz ayi aur uska coach puri tarah hil gaya. Kuch logon ki cheekh nikal gayi to kai metro ki chatt ko dekhne lage, aisa laga mano koi bhari cheez uspar akar giri ho.

Ek pal ke liye phir shanti cha gayi ' jarrrrr-jaarrrrr ' bachi hui light bhi band ho gayi, sehame hue logon ki awaz cheekh mein nikli aur sab pareshan hokar sishe se bahar jhankne ki kosish karne lage lekin ghup andhere mein kuch dikha nahi. Kuch logon ne fauran mobile ki light jalai aur vichar karte hue kisi ne emergency button daba diya lekin kuch bhi nahi hua. Shreyas bhi sabhi ki tarah ghabraya soch raha tha use abhi tak ye sab system fault nazar aa raha tha. Panic badhta jaa raha tha aur logon ke dilo mein dar badne laga. Dhire-dhire chalta hua AC bhi band ho gaya aur metro mein ek matr atti hawa ani band ho gayi, karran usi pal samajh aa gaya, ac se hawa ki jagah mitti grne lagi. Pehle to kisi ko vishwas nahi hua lekin agle hi pal yakeen karna pda kyun ki vo mitti AC se hi girti hui niche aa rahi thi.

Shreyas apni jagah se khada hua use ab kuch ajeeb lagne laga tha achanak use ek awaz ayi jaise koi speaker on hone par lambi awaz ati hai, use laga metro ka speaker chal padha hai aur koi emergency suchna di jane wali hai. Usne apni nazar speaker ki taraf ki aur use awaz sunai di.

" sshhhhhreyaasssssssssss....... " awaz sunte hi uski ankhein hairani mein khul gayi. Dil zoron se dhadkne laga, usne apne charon taraf dekha har koi bhut ban kar sirf khada tha jaise kisi ne unhe rok diya ho. " sssssssssssssshhhhhhreyaaasssssssssssss " awaz phir se ayi lekin is baar speaker se nahi balki jo uske sath mein khada tha use, vo shreyas ko ghurte hue bola aur jab shreyas ne uski taraf dekha to ek kadam vo khud piche ho gaya. Uski ankhein ek dum safed moti jaisi badi-badi use ghurte uska naam le rahi thi. Ek kadam piche hatte hi vo piche khade shaks se takraya aur ruk gaya. Use aisa laga mano koi niche se kisi ne uska per pakad rakha hai. Ek pal vo vaise hi khamosh khada raha aur tabhi

' thadddd-thaddddd' tunnel se pathar tut kar metro ki chat par girne lage aur iske sath metro mein chilane ka shor gunj utha. Shreyas awaz sunte hi apni soch se bahar aya aur jab tak vo kahin aur dekhta uski nazar chat par gayi, metro ki chat dabne lagi thi, kanch par crack padne shuru ho gaye. Sab kisi tarah bahar nikalne ki kosish kar rahe the. Light chingari nikalte hue niche latakne lagi, pole dabav ke karran mudh gye, uppar se tunnel ke pathar tute hue kafi jada metro par gir chuke the aur metro ke dono taraf jama hone lage the. Dare sehme hue log aur shreyas ek pal khamosh tab hue jab pathar girne band hue, abhi tak koi hata-hat nahi hua tha. Shreyas ki sansein bahut zoron se chal rahi thi use ye khamoshi pasand nahi thi bilkul pasand nahi thi.

Metro ke bahar ki zameen chatakne lagi aur uspar darar padni shuru ho gayi, darar badhi hoti gayi aur rail line ke niche tak aa pahunchi aur jaise hi rail line niche dhasi metro mein ek dum jhatka laga aur vo niche ki taraf jhatka kha gayi. Darar badh kar dusre kone tak pahunchti hui deewar par padne lagi. Shayad itni khamoshi thi ki har koi ise sun sakta tha lekin samajh pata use pehle shreyas ke samne valle coach dekhte hi dekhte zameen dehne ki wajah se adha uske andar ghus gaya aur vo teda ho gaya jise log fisal kar niche ki taraf fisal gaye, chillane ki vo gunj aur dehshat ka manjar shreyas ki ankhon ke samne hi ghata tha.

" ye sirf mera weham hai, ye sach nahi hai " vo badabdaya par sapne aur sach mein naam matr ka farak hota hai. Vo sapna nahi tha vo ek hakikat thi jab usne dekha ki uska coach bhi bahut zoron se hil raha hai achanak se uske sateh ki zameen bhi dhasne shuru hui aur coach tezi se hilne laga, har koi kisi chiz ko pakdne ki kosish mein tha lekin eka-ek zameen kuch jada khisak gayi aur sabhi dhadam se niche gir pade. Shreyas jaise hi gira vo lambi seat ke niche dhakka lagne ke karan ghus gaya. Vo coach bhi dhire-dhire niche jane laga, usne fauran seat ke niche laga fire extinguisher pakad liya lekin kuch log uski tarah itne kismat valle nahi the bheed ke karran vo ek dusre ke uppar gir gaye aur dabne lage. Khauf jaise shreyas ke chehre par bas chuka tha, metro ka vo coach adha teda ho chuka tha par ye hona sirf shuruwat thi tunnel par badhti darar ne usko bhar-barate hue girana shuru kar diya aur dekhte hi dekhte uppar se tuti hui tunnel ke bade-bade pathar metro ki chat ko todte hue logon ke uppar girne laga, window glass ke tutne ka shor aur tutne par use udte hue kanch ke tukde kisi ke sar mein jaa ghuse to kisi ki chatii mein ja ghuse, ek admi jaise hi gira uska chehra shreyas ki ankhon ke samne aa gaya. Kanch ka tukda uski ankh ke aar-paar tha, ek hi jhalak mili ki uppar se bada pathar niche akar uske sar par gira aur uska sar gubbare ki tarah fut gaya aur khoon ki chinte uske chehre par chipak gaye. Agle hi pal ek bada pathar tut kar shreyas ki seat par gira jise vo seat khisak gayi aur shreyas ke sar par ja lagi jiske baad vo behosh ho gaya. Puri metro mein khoon ke chhite aur hazar ki matra mein log uske niche pade pis chuke the. Vo khaufnak hadsa ab pura ho chuka tha aur zameen par padi anginat ungliyun mein pehni gayi anguthi ek-ek kar gayab hone lagi jaise chupke se koi kaam pura hone par unhe churane aa gaya ho.

" aaaanhhhhhh " gehri sans lete hue shreyas ki ankh khuli aur use kuch pal lage samjhne mein ki vo kahin daba hua hai. Chehre par mitti chipki hui thi aur vo kisi ke sharir ke uppar pada hua tha. Vo apni jagah se khada aur aas pass ka manjar dekhne laga, charon taraf khoon ke nishan aur dabbe hue log. " koi meri awaz sun sakta hai " vo is umid mein chillaya ki shayad koi zinda ho. Andhere ki wajah se vo dekh nahi sakta tha lekin shanti mein awaz sun sakta tha. " koi hai, meri awaz koi sun sakta hai " usne apna kandha pakada hua tha. Vo pathar hatane ki kosish kar raha tha taki kisi ko zinda dekh use bacha sake lekin use koi bhi dikh nahi raha tha. Vo akhir vahin baith gaya aur sar pakad kar rone laga, uske kano mein wo awaz thi jo usne us samay suni thi. Tabhi ek roshni uske chehre par padi, koi tha jo dur se roshni dal raha tha, vo apni jagah se khada hua aur kisi tarah metro ke bahar aya aur roshni ka picha karte hue ek jagaha jakar ruka jahan ankhon par tezz padti roshni ke karran usne apni ankhein chupa li.

" kitni pyari tasveer hai " anshika ki photo dekhte hue nidhi boli.

" shreyas aksar meri sote hue tasveer le leta mei use bahut mana karti hun lekin vo meri kabhi sunta hi nahi "

" bahut pyari hai " nidhi ek pal khamosh rahi aur phir boli " anshika tumne kabhi nahi bataya ki tumhe shreyas se kab pyar hua ? " anshika nidhi ka sawal sun tasveer se apni nazar hata kar uski taraf dekhne lagi.

" resort mein " anshika bol kar chup hui aur use vo waqt yaad aya jab vo us din harsh se ladai hone par resort akele ayi thi. Us waqt vo wahan akeli thi aur itni dukhi thi ki bas apne kamre mein akela rehna chahti thi lekin jab vo apne kamre ki taraf badh rahi thi to use shreyas ke kamre se koi ahat sunai di. Uske kamre ka darwaja khula hua tha, usne ek baar andar dekha to wahan koi nahi tha lekin ek kitab wahan padi hui thi. Anshika ne nazar-andaz kiya lekin uska dhayan jab diary par vapis gaya to samajh aya ki ye wahi diary thi jo shreyas aksar chupaya karta tha aur padne nahi deta tha. Vo room ke andar ayi aur usne diary padna shuru kiya.

" aur us waqt mujhe malum hua ki vo insan mujhe itne waqt se pyar karta raha aur mei dekh nahi payi. Uski ankhon ke aage dard deti rahi aur vo apni parwah kiye bina hi mujhse pyar karta raha. Us din samajh aya ki jo shabd harsh ne mujhse kahe the vo uske nahi balki shreyas ke the jo shayad usne uski diary se padh kar mujhe kahe aur mei... " usne ek pal sans khinchi, " mei ye samajh baithi ki harsh mujhse pyar karta hai aur use pehchan na saki jo mujhse hamesha pyar karta raha " vo gum jo anshika ko satata raha ki vo shreyas ke pyar ko dekh na payi us baat ke ansu abhi bhi uski ankhein bhigo rahe the.

" anshika kabhi kabhi hum wahi dekhte hain jo hume dikhaya jata hai isme tumhari koi galti nahi hai " nidhi ne uska hath pakadte hue bola.

" hmm, shreyas bhi yahi kehta hai shayad use behtar mujhe koi aur nahi samajh sakta "

" bilkul " nidhi ne tasveerein ikhati ki aur rakne lagi ki eka-ek uski nazar ek jagah jakar ruki " anshika ye necklace tumhari har photo mein hai par ab tum ise nahi pehnti, koi wajah hai iske piche? " nidhi ne anshika ka khali galla dekhte hue kaha. Anshika tasveer ko apne hath mein lete hue boli.

" is necklace ka natta bahut gehra hai nidhi, ye wahi necklace hai jo shrey ne sonia ko diya tha aur harshit papa ne shilpi maa ko aur us raat jab neha ki ruh ne mujhe kaid kiya tha tab shreyas ne mujhe pehnaya tha par "

" par ? " nidhi boli

" kafi purana ho gaya tha isliye kuch waqt pehle ye tut kar gir gaya to mene isko galwa kar ring banwa li, ye dekho " nidhi ko apni ring dikhate hue anshika boli. " ise mein khud se alag nahi hone de sakti kabhi bhi " nidhi ke chehre par muskan aa gayi lekin vo agle hi pal choti ho gayi kyun ki shreyas abhi abhi andar ghusa tha. Anshika nidhi ke bhuje hue chehre ko dekh uski nazar ka picha kiya to vo shreyas ko dekhte hue khadi ho gayi.

" shreyas ye kya hua " anshika iske alawa kuch bolti ya kuch karti use pehle shreyas ne use rok diya aur kamre mein ghusa.

" vo sab sapne, tumhara us bangle mein dikhna aur phir mujhe sochne par majbur karke amma se milwana vo sab sirf itefak nahi balki vo tum thi anshika, tumne racha hai ye khel, tum ho in sab ke piche " shreyas ne jaise hi kaha anshika ki ankhein baddi kali putliyun mein tabdeel ho gayi.

 

[sexstories]

Kya update tha bcc

...maza aa gaya


Sabse pehle toh jo lag raha tha vahi hua..vo shaitan aa gaya hai yahan bhi

Metro mein jo hua sach mein kaafi bhayanak tha...puri metro ki aisi ki taisi kar di usne


Tha toh koi jan pehchan vala bhoot hee..jo shreyas ka naam janta hai...lekin itne logon ko maar diya


Lag toh yahi raha hi ki vo abb shreyas ka peecha nahi chodega..jahan jahan vo jayega vahan uska peecha karega vo

Iski vajah shayad vahi chej hai jo shreyas ke pass hai uski

Itne logon mein shreyas hee bacha hai..toh iska matlab saaf hai ki shreyas ko nahi marna chahta vo

..varna abb tak toh

Vo khaufnak hadsa ab pura ho chuka tha aur zameen par padi anginat ungliyun mein pehni gayi anguthi ek-ek kar gayab hone lagi jaise chupke se koi kaam pura hone par unhe churane aa gaya ho.
[color=rgb(0,]Game of rings as the title says...sab anguthiyon ka hee khel hai ye..itne toh samhaj aa gaya hai

..lekin konsi anguthi?

[/color]
[color=rgb(0,]Anshika aur shreyas..inka pyar bhi kamal ka raha hai abb tak..kaafi kuch hua hai

[/color]
[color=rgb(0,]Necklace..lagta hai isi necklace ka kuch past se aisa relation hai..jiski vajah se sab ho raha hai..pyar ki nishani hoga ye necklace

..ya kuch aur

[/color]
[color=rgb(0,]Aur abb necklace ki ring ban chuki hai..toh ho sakta hai isi Ring ko hasil karna chahta ho vo shaitan...lekin kyun?

[/color]
vo sab sapne, tumhara us bangle mein dikhna aur phir mujhe sochne par majbur karke amma se milwana vo sab sirf itefak nahi balki vo tum thi anshika, tumne racha hai ye khel, tum ho in sab ke piche " shreyas ne jaise hi kaha anshika ki ankhein baddi kali putliyun mein tabdeel ho gayi.
[color=rgb(0,]Sara dimag ghuma diya iss para ne

[/color]
[color=rgb(0,]Anshika?????

[/color]
[color=rgb(0,]Hint mil gaya hai ki kuch bada hoga

[/color]
Sayad agle update mein jawab mile...waiting for next

 

[sexstories]

[color=rgb(0,]Ohhhhhhhhh bhaiiiii maro mujhe maro jinda mt choro mujhe bhai aapne to waqt Badal diya jazbat badal diye sach me

Bhai metro wala scene kya dhakad likha hai me daily metro se hi up down krta hu(abi nahi abi to lockdown hai) ab agli baar jb v bethunga ye scene mere dimag me jrur aayega

ek confusion shhhhrrrreyyyyasshhhhhh wali voice ladki ki thi ya ladke ki halki thi ya bhari ye bta do imagination me mja aa jayega

metro wala kand ka jhatka khatam nahi hua ki Anshika wala wese jb metro me sbke hath se rings gayab hui or fir Anshika ne kaha ki wo necklace tut gya or mene uska ring bnwa liya thik ring wali baat k baad Anshika ka ye kehna meko gadbad ka aehsas dila gya tha then fir to aapne sari gadbad achanak hu hawa me bta di jo ki ye thi.....

vo[/color][color=rgb(184,]sab sapne, tumhara us bangle mein dikhna aur phir mujhe sochne par majbur karke amma se milwana vo sab sirf itefak nahi balki vo tum thi anshika, tumne racha hai ye khel, tum ho in sab ke piche " shreyas ne jaise hi kaha anshika ki ankhein baddi kali putliyun mein tabdeel ho gayi[/color]

Maa kasam yr ye para padhke mera dil tukde tukde ho gya meri lga tha Shaitan anshika ko le ja kr possessed krega but yaha to sala Anshika suru se hi possessed thi sb sapne amma rings shaitan ki dunia sb Anshika ka mayajal tha ye kya kr diya harshit bhai aapne meri Anshika ko hi shaitan bna rakha tha this is not fare yr ??????

Baki let's see next update me kya hota hai agar kal hi update mil jaye to mja aa jaye

Or ha chintu bhai ne sahi kaha tha shock wali baat unhe sb pta rehta hai ?

Keep writing keep rocking ?

 

[sexstories]

Shreyas ghar pahuncha, uske kandhe aur hath par thodi chot thi. Vahan koi nahi tha lekin andar se baat karne ki awaz aa rahi thi. Vo kamre ki taraf badha lekin andar ki baat sun vo bahar hi ruk gaya. Anshika abhi-abhi use necklace ke bare mein batate hue ring ki baat bata rahi thi jiski wajah se shreyas ko jaise use kuch yaad aya.

Metro mein pukari gayi vo us awaz ko yaad karne laga ' sssssshhhhhhreyasssssssssss ' awaz behad bhari thi aur us bhari mard ki awaz ke piche ek aurat ki awaz chupi thi aur vo awaz kisi aur ki nahi balki anshika ki thi. Use us waqt sirf ek veham jaisa laga tha aur abhi bhi wahi lag raha tha, vo manne ko tayar nahi tha ki jo vo soch raha hai wahi sach hai lekin takreeban ek saal pehle hi anshika ne ring banwai thi aur us bich hi uske in sapno ka janam hua tha. Itna hi nahi uski awaz ane ke baad har samay jab bhi usne anshika se baat ki tab usne sirf uske sapno ko hi uske aage kiya. Vo uska har baar sapno mein hi sawalon ko khojne ka kehna, phir sapno ki madad se amma tak jodna aur ant mein use sharma ki baat yaad ayi ' aap dono zinda kaise bach gaye ? ' Vo khud ki halat janta tha jisme uska bachna mushkil tha lekin anshika ne use bacha liya par usne anshika ko kyun chhoda? Kyun ? Vo khade khade soch raha tha tabhi use sab samajh aa gaya, usko vishwas nahi ho raha tha. Sharir ke jhkham jaise sunn padh gaye the, chehre ka rang fikka padh chuka tha. Anshika ko muskurata dekh vo andar ghusa.

" shreyas ye kya hua " anshika ke sath nidhi bhi shreyas ki halat dekh apni jagah se khadi hui par anshika iske alawa kuch bolti ya kuch karti use pehle shreyas ne use rok diya.

" vo sab sapne, tumhara us bangle mein dikhna aur phir mujhe sochne par majbur karke amma se milwana vo sab sirf itefak nahi balki vo tum thi anshika, tumne racha hai ye khel, tum ho in sab ke piche " shreyas ki baat nidhi ko samajh nahi ayi par anshika chup khadi rahi " tumne jaan kar mujhe vo sapne dikhaye taki mein roz us dard ke sath jiyun aur ek din tumhare kaam ko anjam de saku lekin tum har raat harti rahi kyun ki na hi mujhe kuch yaad rehta aur na hi meri awaz vapis ayi aur jab har kosish ke baad bhi tum asafal rahi tab tumne khud ko us bangle mein dikhaya taki mujhse vo dard bardasht na ho paye aur mein apne purane roop mein laut aaun aur uske baad jo kaam tum amma se mujhse karwana chahti thi vo karwa sako isliye us raat amma ne tumhe nahi mara kyun ki tumne hi ye purra mayajal banaya tha jise tumne amma se joda taki kahani mein kabhi bhi shaq na ho " shreyas ki sansein is kadar bhari ho chali thi ki uske honth kanp rahe the.

Nidhi shreyas ki baat sun kuch bolti use pehle anshika ki ankhein kali moti jitni badhi ho gayi aur uske chehre par ek badi aur darawani muskan tair gayi. Usne apne dant bajaye ' chcchchcchch ' jaise mazak uda rahi ho " mubarak ho " awaz kewal anshika ki nahi thi balki uske piche koi aur bhi tha jo uske galle se bol raha tha.

" anshika " awaz sunte hi nidhi boli. Anshika ne usi position mein khade rehkar gardan ko ghumate hue teda kiya aur uski taraf nazar dali " hiiii " nidhi dar ke mare ek kadam piche hatt gayi. Uska chehra abhi ek dum theek tha lekin ek pal ke andar pura safed ho gaya. " shreyas ye anshika " nidhi bas itna hi boli.

" anshika nahi ... nahi... nahi.. " vo double awaz mein boli aur usne gardan phir sidhi kar li. Kamre ke andar ek pal bilkul khamoshi chai rahi, shreyas ne apne galle se thuk andar kiya aur uski taraf badha.

" kaun ho tum aur kya chahie tumhe " vo ek dum uske chehre ke pas akar bola. Dono mein fasla behad kam tha, anshika ki thandi sansein shreyas ko aise mehsus ho rahi thi mano vo barf mein laiti hui ho. Usne apna chehra aage kiya aur muh khol kar dant chalane lagi jaise use khana chahti ho lekin vo boli kuch nahi. Shreyas uski ankhon mein dekhta raha mano apni anshika ko khoj raha ho aur phir uska hath apne hath mein tham liya. Waqt mein jaise ek tehrav aa gaya, mano shaksiyat par vishwas na ho raha ho, vo ansu, vo chinta, vo pyar sab mano ankhon ke dhoke mein ek pal ke andar badal gaya. Shreyas ki ankhein bhar ayi thi, usne thame hath ko pakda aur anshika ke hath se vo ring bahar nikal di. Ring bahar nikalte hi anshika behosh hokar shreyas ke sine par jaa giri. Shreyas ne use pakda aur agle hi pal use bistar par laita diya.

" anshika, anshika " uska chehra bilkul pehle jaisa vapis ho chuka tha lekin vo behoshi se vapis nahi aa rahi thi.

" shreyas anshika ko kya hua " nidhi uske bagal mein aa khadi hui. Dar aur chinta ki vajah se uska dil zoron se dhadak raha tha vo anshika ke hathon ko pakad use uthane ki kosish karne lagi.

" mei nahi janta nidhi, mujhe nahi pata ki ise ye kaise hua, kyun hua bas itna pata hai ki ye bahut badi takleef mein hai jise mein itne waqt se samajh nahi paya "

" mujhe anshika ne bataya tha shreyas ki vo har din tumse tumhare sapno ke barre mein batane ki kosish karti thi lekin kabhi bata nahi payi " nidhi ki ye baat shreyas ke liye nayi thi. Vo is baat par dhayan dena chahta tha lekin abhi nahi, abhi uski jarurat anshika ke liye thi.

" anshika utho " shreyas ne pani bhi chidka lekin vo nahi uthi. Vo samajh chuka tha ki anshika kyun nahi uth rahi hai lekin vo use dauhri zindagi ke dard mein chhodna nahi chahta tha par vo hosh mei bhi nahi aa rahi thi, use laga tha ring utarne se sirf vo jis saye ki chapet mein hai vo dur ho jayega lekin vo to uth hi nahi rahi thi.

" anshika ki pulse girti jaa rahi hai shreyas, mujhe kuch samajh nahi aa raha hai. Achanak kya hua, anshika ek dum theek thi vo ek dum se " shreyas ne nidhi ko yahin rok diya.

" anshika ki ring jo usne necklace se banwai vo kisi na kisi tarike se us ruh se jud gayi hai jaise baki logon ki judi aur mujhe laga ring nikalne se vo normal ho jayegi par " vo kuch nahi bola kyun ki aage ki kahani nidhi dekh hi rahi thi.

" yani anshika us ruh ki wajah se possessed ho gayi hai ? "

" keh nahi sakta ki ye kya hai par jo bhi hai atit se juda hai lekin yakin nahi hota ki vo ruh vapis kaise ayi jab uska koi astitv hi nahi hai aur vo ek mamuli ring par kabza kaise kar rahi hai "

" shreyas anshika ki halat nazuk hai " nidhi ghabrai " par agar vo possessed hai to hume " vo bas itna hi keh payi aur usne dekha ki shreyas ne uski ungli mein ring vapis dal di thi.

" shreyas ye kya kar rahe ho uski shakti " nidhi itna hi bol payi ki usne anshika ki ankhon mein harkat dekhi aur vo hosh mein ane lagi. Ankhein khulte hi sabse pehle use apne samne baitha shreyas dikha.

" shreyas.. " vo kuch kehti use pehle uski nazar uski chot par gayi " shreyas ye kya hua " vo fauran uth bathi aur uske kandhe par fatte kapdon ke niche lage khoon ko dekh ghabra gayi.

" kuch nahi chota sa accident ho gaya bas " shreyas ne kisi tarah apni awaz dabai. Uski ankhon mein ansu ikhate ho rahe the lekin vo kisi tarah apne aap ko sambhale baitha tha.

" apko to dawai ki jarurat hai " vo khadi hone lagi lekin nidhi ne use rokte hue shreyas ki taraf ek bar nazar dalte hue vahan se first-aid box lene chali gayi.

" ye to bahut chot hai? aisa kya accident hua tum kuch bol kyun nahi rahe " anshika ke puche jane par shreyas ne usko apne sine se laga liya. Anshika ko samajh nahi aya ki hua kya aur vo bed par kab ayi vahin shreyas ke lagaye gaye ilzam anshika par nahi the vo to us shaitan par the jisne anshika se ye kaam karwaya jiske piche sawal hi sawal the bas ek dikkat uske samne itni thi ki vo anshika ko ye sab kaise bataye kya batane par vo vapis ayega aur agar nahi to anshika in baton ko kaise samjhegi ki vo kafi waqt se khud mein thi hi nahi. Kaise ? aur kaun ? ye sabse bada sawal tha. Jawab anshika ke pass ho bhi sakte the ya nahi bhi kya pata anshika ko kuch yaad hi na rehta ho jo ki aksar har ruh sharir par kabza karne ke baad insani sharir ke sath karti hai lekin kya vakai mein anshika ke sharir par kabza hua tha? Vo kaun tha jo uske andar tha, awaz anshika ke sath vo kiski awaz thi?

Dressing karane ke baad shreyas ek kamre mein khada deewar lagi harshit aur shilpi ki tasveer dekhte hue soch raha tha th. Der raat ka waqt tha, aaj nidhi apne ghar nahi gayi thi, shreyas ko yun khada sochta dekh vo uske sath aa khadi hui.

" shreyas anshika use kya hua hai, kya socha hai tumne "

" wahi khoj raha hun nidhi "

" in tasveerson mein kya khoj rahe ho ? "

" shayad jawab khoj raha hun "

" jawab tum jante ho kahan se milenge " nidhi ka ishara anshika par tha.

" janta hun lekin agar sawal par vo vapis ruh ne anshika par kabza kar liya to vo jawab nahi degi. Vo jawab dena hi nahi chahti, vo ruh hume apni asliyat se dur kar rahi hai nidhi isliye usne anshika ko chunna kyun ki vo janti thi ki hum use kabhi pehchan nahi payenge "

" par jaise tumne use pehchana tum uska sach bhi pehchan loge "

" lekin mere pas kuch bhi nahi hai "

" tumhare pas anshika hai " nidhi is bar shreyas ki taraf ghum gayi " tumhare pas uska pyar hai use badi shakti to uppar walle ke pass bhi nahi hai shreyas " uska uska hath pakda " agar tum kuch nahi karoge to vo tumhari anshika ko nahi chhodegi, tumhara dil bhi janta hai ki usne anshika ko sirf isliye nahi chuna tha ki vo tumse apni asliyat chupa sake " nidhi ki baat ne shreyas ke dar ki chori mano pakad li ho. " shayad uske pas jada time nahi hai aur ab jab uske pas vo takat hai jise usne tumhari madad se hassil kiya hai tab se to keh nahi sakte ki vo akhir kab anshika ko apne kabze mein puri tarah kar le " nidhi ki baat sun kar shreyas ne apne sath hue hadse ke barre mein batana shuru kiya aur sab bata diya, vo awaz bhi jo use vahan sunai di thi. Nidhi ki ankhein hairani mein itni badi ho gayi mano abhi bahar nikal kar gir jayegi.

" oh my god shreyas yani anshika ab tumhare piche hain vo ab "

" mujhe kya hua hai " piche se ati awaz ne anshika ki taraf dono ki nazare modh di. Na jane vo kab se in dono ki batein sun rahi thi, shreyas ka dil tezi se dhakne laga vo nahi janta tha ki ab kya hoga, kahin vapis se anshika ko vo ruh na gher le.

" anshika kuch nahi hum " shreyas ne use apni taraf ata dekha. Anshika ke chehre par dar aur shikan thi iske alawa hairani mein uski ankhein sirf usi par jami hui thi.

" kya jo mene abhi suna vo sach hai " anshika ne shreyas ke karib atte hi sawal kiya. Shreyas use mana karna chahta tha lekin usne han mein sar hila diya, nidhi sahi thi vo na bata kar anshika ki zindagi khatre mein daal raha tha. " ohh god... nahi, ye nahi ho sakta " usne abhi ring ki taraf dekha aur use utarne lagi lekin shreyas ne use rok dia.

" nahi anshika tum ise nahi utar sakti " aur phir shreyas ne sari baat bata di. Anshika ko jaise ek pal ke liye sadma lag gaya " anshika " vo bol nahi paya

" yani mei ab tumhe nuksan pahunchana chahti ho, pichli bar ki tarah is baar bhi meri wajah se tum takleef jhel rahe ho " ansu uski ankhon se beh nikla. Shreyas ne use apne sine se laga liya aur use mana karta raha samjhata raha ki uski koi galti hai.

" anshika isme tumhara koi kasoor nahi hai, na pehle tha aur na ab hai. Hakikat to hai ki shaitan ko har bar ek sache dil ki jarurat padti hai aur vo apko chun kar aap par hakk jama leta hai "

" shreyas.. mujhse dur ho jao kahin chale jao chhod do mujhe " anshika ki baukhlat galat nahi thi. Shreyas ne use samjhate hue apne sine se jode rakha.

" nahi anshika, pyar itna kamjor nahi ki maut ko tumse jada ehmiyat de de. Himmat ho tum meri aur zindagi bhi tum hi ho " kuch der yun hi vo uske sine par sar rakh kar roti rahi aur kuch der baad.

Shreyas ne anshika ka hath thaam rakha tha " anshika kuch hai aisa jo tumse karwaya ho aur tumhe yaad ho, kuch bhi, choti si choti chiz "

" mei tumhe batana chahti thi ki tumhe sapne atte hai par nahi bata payi "

" nidhi ne bataya aur kuch ? " shreyas ke kehne par vo sochne lagi par use kuch bhi yaad nahi tha. Usne apna sar na mein hila diya aur ek umid jo shreyas ko thi vo tuti nazar ayi.

" ek chiz ho sakti hai " agle hi pal anshika bol uthi.

 

[sexstories]

Ohhh teri ki mtlb meri theory mera last comment aproxx bilkul thik tha mene to aproxx aane wala pehle hi bta diya tha ?

Meko lgta hai shaitan ne Anshika ki ruh ko kaid kr rakha hai tbi ring nikalte hi wo thandi padne lagi or hosh me nahi aa ri thi

Ya fir khud to ring se jyda hi hai kyuki wo Anshika k hath me hai to ho sakta hai Anshika ki jaan ko v usne us ring se jod liya ho taki Shreyas shaitan or Anshika ko alag na paye chah kr bhi sala shaitan hai v to Hoshiyar upar se bdla v lena chahta hai

Khair is part me v kurban krne k liye bichari nidhi lo le hi aaye

And sbse impo baat meko pehle se shak tha ki wo voice Anshika ki hai jo ki mene comment me nahi likha kyuki voice girl ki hai ya boy ki ye confirm nahi tha or mene harshit bhai aapse pucha tha

Meko pehle hi pta lag gya jb Anshika ne kaha ki wo necklace ko galwa k mene ring bnwayi hai tbi ki kuch gadbad kyuki ye story to game of rings hi hai or ye point me v me apne pichle comment me likh chuka hu

Or shayad amma sach me thi but use v possessed kr rakha tha kyuki Anshika ne amma k v hath me ring dekhi thi last me amma ka sharir khatam hone se just pehle

Dekhna ye hi iss baar Shreyas ki help kon krta hai amma ki ruh ya fir koi or

Janne k liye next update jaldi de do wait krna mushkil hai

Keep writing keep rocking bro ?