Romance Sex Kahani AGENT

[sexstories]

SYRIA
Chyoom chyoom
Do bullet daag Diya aur akhiri terrorist bhi khatam.manoj Sharma ne apne pet par haath diya.khoon band hone ka naam hi nahi le rahi thi.time sachmuch Kam tha

"All clear sir,we can send our team for clearing "itna hi bol paya Manoj

"Manoj are you ok??"doosre aur se awaaz aayi

"I. I. I think.....I'm fine aap jaldi team bhejiye pata nahi kitni der rok paunga inko"apne haath me rakhe pistol ke magazine reload karte hue bola Manoj

"Right Manoj right,good job by the way"bol phone kaat Diya doosre aur se

"Boys gear up for final clearance,iske baad USA ke Mariners isko apne kabze me le lenge"bol Ahmed Khan khud ready hone laga

"Mehnat hum Kare,goli hum khayein aur kabza USA ke Mariners karenge."jabde bheench Kar Rao bola

"Yahi RAW ka protocol hai rao.reason ye hai ki ye hamari ladai nahi hai,iske badle me CIA poora access degi ISI ke next move ka.ab jaldi karo Manoj akela hai wahan "bol Khan apni team lekar chopper se apni manzil ki aur chalne laga

Manoj ki haalat bohut kharab thi.abhi India ke time ke hisaab se raat ke 12:30 baj rahe honge.anju ko call karni chahiye waise bhi shayad ye uski akhiri call this.

TRING TRING

"Hello "anju ki neend se bhari Hui awaaz aayi

"A anju mmai Manoj Hoon"

"Manoj itni raat ko?"anju ki neend gayab ho rahi thi

"Suraj ko Mera pyaar Dena anju.apna khayal rakhna I love...

THA DA DA DA DA D A

call Kat gayi lekin goliyon ki awaaz suna gayi anju Sharma ko

Manoj ki aur aim lagakar 5-6 terrorist dheere dheere badne lage
Lekin isse pehle aage badhne paate Ahmed Khan ki team pohunch chuki this.aur do round goliyan chalne ke baad poore area ko clear Kiya Gaya

"Manoj my boy you are bleeding mere bachhe"Ahmed Khan ne Manoj ka sar apne God me le liya

"Haan sir, shayad akhiri mission tha Mera,mere bete ko aur b biwi ..biwi ko Mera bye Bo bo bol Dena sir akhiri bye...by......e"
Gardan ludak gayi Manoj Sharma ki
Aur aankhen chalakne lagi Ahmed Khan,Rao,Deepak,giri,Stuart aur dogra ki

Kuch hi der me USA ke Mariners area me pohunch chuke the
"That boy fought a tough battle there Ahmed"officer Oliver Manoj ko salute karta hua bola.baki Mariners bhi sar jhuka Kar khade the

"He was my best agent.in fact one of the best RAW has ever produced Oliver,the country will miss his service"bol Ahmed Manoj ko dekhne lage

-----------------------------------------------------------------------------------------------------
JAIPUR
"Mrs Sharma Mai aapka dukh samajh sakta Hoon lekin.."

"Aap Kya samjhenege Khan sahab??khoya Maine hai apne pati ko.suraj ne apna baap khoya hai,aur kis ke liye??jis desh ki suraksha kr liye unhone apne pran de diye aur wahi desh unko apnane se katra Raha hai???"anju ro rokar bolne lagi

"Manoj ka mission classified tha.mai ya koi kuch nahi kar sakta iske liye,lekin haan government ne ye medal unke sahas ke liye Diya hai , government Suraj ka poora education ka kharcha uthaygi aur aapko ek Ghar,50 lakh aur pension...."Khan ki baat ko beech me hi kaat Diya anju ne

"Kuch nahi kuch nahi chahiye mujhe,mujhe Mera pati chahiye zinda.agar nahi de sakte to unki laash Tak dekhne dijiye"anju rone lagi

Ahmed Khan uthkar tez kadmo se bahar chale Gaye.sachmuch anju ke sawalo ka koi jawab nahi tha unke paas

"Uncle papa kidhal hai??"ek chote SE bacche NE poocha

"Papa bohut bahadur the aapke .ek din AAP bhi bohut bahadur banenge aapke papa ki tarah"muskurate hue medal choye se Suraj ki Jeb me rakh diya Ahmed Khan ne

"Mera beta desh ke liye kuch nahi karega,jis desh ne mere pati ko kuch nahi diya.us desh ke liye apne bete ki Zindagi barbaad nahi karungi main"bol dhadam se darwaza bandh kar Diya anju ne

 

[sexstories]

12 saal baad
JAIPUR
"Please sunita,Kya hum ek college me nahi padh sakte"

"Sorry Suraj mujhe ek ache college me admission Mila hai,Mai apna career spoil nahi karna chahti"Sunita ne seedhe seedhe apni baat rakh di

"Lekin Sunita hum dono to..."

"The Suraj couple the.lekin pyaar ke liye apna career daanv par nahi laga sakti.waise bhi tumhe hazaar baar kaha tha padhai pe dhyaan do.ek lakshya raho life mein .lekin tum to masti me hi magn the"Sunita jald se jald Jana chahti thi

"Lekin hum dono ne Jo promise Kiya tha ek doosre ko wo??"Suraj abhi bhi asha ki Kiran nahi chodna chahta tha

"Please Suraj wo hamari immaturity thi hamari nadaani.ab mujhe late ho Raha hai.mujhe Jana chahiye.please koi phone,sms ya WhatsApp mat karna"bol bina mude chali gayi sunita.jabki Suraj apne Ghar ki aur dheere dheere jaane laga
-------------------------------------------------------------------------------
RAW HEADQUARTERS DELHI
"aise kaise hoga khan???hamare mission ko koi fail Kar Raha hai air hum ab Tak kuch bhi pata lagane me asamarth hai,hadh hai"phone line par awaazein tez ho rahi thi

"Sir humne track Kar liya hai area.wahi se kuch gadbad ho rahi hai"Khan ne jawab Diya

"Lekin problem to wahi ka wahi hai khan.naye recruits ka Kya hua??"

"Ab kisi ko aise hi to nahi le sakte sir.hum track Kar rahe hai do teen par nazar hai hamari"Khan ne apni baat poori ki

"Jald se jald results chahiye khan.institute ki reputation ka sawaal hai.manoj Sharma ki kami khal rahi hai lekin hum Kya kar sakte hai.
Khair tum recruitment jitni jaldi ho sake start karo.baaki ka dekhte hai.jai hind"

"Jai Hind sir"Khan ki mushkilein bad rahi thi

"Sir NIA ya IB se kuch...."Rao ne apna sujhav Diya

"Ab RAW ko IB help karega Rao??"Khan ne ek fiki smile ke saath kaha

"Mera Matlab wo nahi tha sir"Rao ne samjhane ki koshish ki

"Tyagi sir sahi keh rahe the rao.pehle recruitment ki aur dekhna padega"khan bolkar lunch ke liye uth Gaye rao bhi saath ho liya unke

-------------------------------------------------------------------------------
BUNKERS BAR JAIPUR
"Ek beer Lana"suraj ne waiter se kaha

"Pehle apni ID card dikhao"waiter bola

"I card Ghar me bhool Gaya bhaiyya.please ek beer la do"Suraj ne request Kiya

"Arey bachhe ko doodh ka bottle de de Bhai"doosre table see ek ladke ne kaha aur thahako ki awaazein aayi

Suraj mudkar dekhne laga.uske chacha ka awara ladka mudit Sharma aur uske bewde dost usi table me baithe hue the

"Kya bola fir se bol"Suraj ne awaaz lagai.aaj uska dimag poori tarah Se garam tha

"Doodh peeta baccha ha ha ha......"

THANAK

Ek bottle udkar aayi aur mudit ke sar par lagi

"Maa re Mar Gaya"bol mudit sar pakadkar baith Gaya

 

[sexstories]

Ek bottle udkar aayi aur mudit ke sar par lagi

"Maa re Mar Gaya"bol mudit sar pakadkar baith Gaya

"Abey Kya dekh rahe ho pakdo saale ko"mudit baithe baithe bola

Suraj ek chalang lagakar bhaga.bhagte hue apne cell phone pocket se nikal Kar call lagane laga

"Nitin ke bacche kidhar hai tu???"

"Abey CS khel Raha Hoon"awaaz aayi doosri aur se

"Bhai jitni jaldi ho sake pick up karne a ja.lafde me pad Gaya"Suraj rone wali haalat me bola

"Fir se Bhai Bhai me jhagda"nitin ne chutki li

"Ghante ka bhai.tu a Raha hai ki nai???aur tujhe Jo kaam Diya tha wo???"Suraj bola

"A to Raha hoon.lekin strange hai yaar.tere papa ki koi information hai hi nahi net per.kuch bhi nahi"nitin bola

"Mujhe lagta hai kuch to gadbad hua hai papa ke saath.maa bhi kuch nahi batati.kuch bhi karke pata laga yaar.please bro"Suraj minnate karne laga

"Abey tu kab se gidgidane laga???dekh Mai jitna ho sake aage badhunga.ab tui iski tension chod aur kidhar hai Bata."nitin haste hue bola

"C scheme me Hoon bro.bunkers ke neeche cellar me hoon.parking lot me"Suraj ek gaadi ke peeche chipta hua bola

"Chal Mai AATA Hoon"bol call cut Kar Diya nitin ne

BACHAOOO BACHAOOO

Suraj ka dhyaan Gaya ek ladki par jisko teen chaar gundo ne pakad rakha tha

"Tujhe koun bachayega jaaneman tu to hamari raani banegi aaj ke liye"ek gunda bola

Suraj uthkar bijli ki raftaar se daudkar ek ghoosa maarne ke liye bada.lekin gunde ladaku the.shayad martial arts jaante the.ek ne vaar ko roka.baaki teeno ne usko jakad liya.suraj chatpatane laga.aur isse pehle wo kuch samajh pata ek sui chubh gayi uske gardan par.aur sharir thanda pad gaya.aankhen bandh ho gayi

-------------------------------------------------------------------------------

"Hosh a Raha hai bacche ko madam"

"Good.dose jyada to nahi tha na??"

"Kahan madam.waise bhi har dose ka hisab government ko Dena padta hai"

HA HA HA HA

thahako ke beech Suraj ko dheere dheere hosh a Raha tha.lekin sar bhaari tha.lag Raha tha ki koi hathouda lekar sar par maar Raha hai

"AAAH fuck"apna sar pakadkar uth baitha Suraj

"Hi Suraj how's life??"ek ladki ki awaaz aayi Suraj ko

"What the....arey aap to wahin hai.aapko bachane ke chakkar me....lekin Mai Kahan hoon....aur aap log??"Suraj ke Kai sawaal the aur Kai hairaaniyan bhi thi

"I'm Jennifer Rodriguez "muskurate hue ladki ne kaha.

"Lekin..."

"Relax bacche.pehle hamare sawaalo ka jawab do"ek gunda jisko maarne ke ke Suraj aage badhaye tha wo bola

"Suraj sharma.18 years son of manoj and anju sharma ,man Singh school,12 STD haal hi me paas Kiya hai with 42 % right??"Jennifer ek file padhte hue boli

"Wow mere baare me kaafi research Kiya hai aap logo ne??"Suraj vyang bhare smile ke saath bola

"Tum aur ek ladka pichle 8 mahine se Manoj Sharma ki khoj Kar rahe ho ??kyun??"Jennifer ne poocha

"Kyunki baap hai wo mera.mujhe poora hak hai ye jaane ke liye ki unki mout kaise Hui"suraj gurraya

"Hmm.jo hua use bhool jao.aur ye khoj aur chaanbeen bandh Karo"Jennifer boli

"Kyun??"Suraj ne poocha

"Har sawaal ka jawab nahi hota suraj.itna hi keh sakti Hoon tumhare liye acha yahi hoga aur tumhare dost ke liye bhi"Jennifer boli

"Apne papa ko to Mai khoj nikalunga aur aap sab ke khilaf police station me report bhi karunga"

HA HA HA

thahake fir goonj uthe.jennifer bhi muskuraye nahi reh saki

TRING TRING.

"Jai Hind sir"phone uthakar khadi ho gayi jennifeJ

Doosri aur se kuch bola Gaya

"Ladka abhi bhi zid par Ada hua hai.kya karein???......ji ....ji sir......lekin ye???....... please sir mujhe baksh dijiye.....pl....."Jennifer aage bol nahi paayi aur phone cut jata hai

"To tum sab jasoos ho James bond ki tarah??"
Suraj muskurate hue bola

Jennifer khamosh thi aur baithe baithe aankhen band kiye hue thi

"Jaise hi aapne Jai Hind bola Maine pakad liya,aur ye baat bhi hai ki aapko mere papa se kuch to Lena Dena hai,hai na??"Suraj exited hokar bola

Jennifer ki hasi choot gayi ladka itna bewkoof hai nahi jitna dikhta hai

 

[sexstories]

"Jaise hi aapne Jai Hind bola Maine pakad liya,aur ye baat bhi hai ki aapko mere papa se kuch to Lena Dena hai,hai na??"Suraj exited hokar bola

Jennifer ki hasi choot gayi ladka itna bewkoof hai nahi jitna dikhta hai

"Ab kya??isme hasne ki Kya baat hai??"Suraj ko pasand nahi a raha tha Jennifer ka behavior.wo alag baat hai maal ekdum rapchik hai

"Wo to Mai Hoon lekin problem ye hai ki line maarne ke liye tum thode chote nahi ho?"smile ke saath Jennifer ne Suraj se poocha

"Are wo Mai....."

"Bohut ho Gaya bachpana "teen chaar logo ke saath ek aadmi AATA dikhai Diya Suraj ko

Aur aane ke saath hi ..

DHAAD

Ek zor ka mukka laga Suraj ke jabde par.chehra doosri taraf ho gaya.muh laal go Gaya.khoon ki wajah se

"Koi romantic story sunane nahi aaya Hoon Mai Jennifer ki tarah bacche.seedhe seedhe bol Manoj Sharma ki kitni information hai Tere paas??aur Kahan Tak pohuncha hai tu???sach Sach bol de bach jayega warna itna band bajaunga ki mout ki bheek maangega"jis aadmi ne punch maara tha wo bolne laga

"Vinod mai baat kar rahi thi na,bachha hai pyaar see sab kuch..."Jennifer ko beech me kaat Kar doosra ghoosa maara Suraj ko vinod ne

DHAAD

"VINOD"cheekh padi Jennifer aur daud Kar Suraj ko uthane lagi Jo chair se gir Gaya tha maar khaane ke baad.

"Aaj iski jaan Mai lekar rahunga .Bata Bata sab kuch Jo tune maalum Kiya hai bata.aur kasam kha le ki aaj ke baad Manoj Sharma ke baare me jaanna band kar dega"revolver nikal vinod ne suraj par taan Diya

"Vinod please.."Jennifer ne guhar lagai

"Maarna hai maar do lekin Mai peeche nahi hatunga"apne much see khoon pochta hua bola Suraj aur khada ho Gaya

TRING TRING

"Jai hind sir, ladka toota nahi.kya karein.......thik hai"vinod ne phone Diya Suraj ko aur baat karne ka ishara Diya

"Well done my boy"doosri aur se awaaz aayi

"Aap koun?? aur ye sab ??matlab....."Suraj ne phone par jawab Diya

"Sab bad me pehle bolo Kya tum apne papa ke baare me jaanna chahte ho???"doosri aur se awaaz aayi

Yes yahi to chahta tha Suraj.
-------------------------------------------------------------------------------
DURGAPURA
JAIPUR

Ek dukan ke saamne khada ho Gaya suraj.abhi bhi dard ho Raha hai jabde me.kya ghoonsa Mara tha kaminey ne.aur baad me sorry bol chala gaya.yahi address Diya tha un logo ne yahi wo dukan hai.lekin ek boodhi aurat ko chakma dekar kaise nikle ??kyunki dukan ke peeche darwaza hai

"Hi aunty"suraj ne wish kiya

"Aunty hogi Teri Amma"boodhi aurat ne jawab Diya

"Ohk ok behen.kya ek Pepsi milega??"suraj ne poocha.

"Milega lekin garam.waise much sooja hua hai tera"aurat boli

"Are wo to aise hi accident hua tha............arey wo dekho ek udta haathi"Suraj ne apni ungli se aasman ki aur dikhaya

Aurat utsukta se dukan ke Bahar a gayi aur suraj dukan me ghuskar ekdum peeche Chala gaya.aur sachmuch darwaza tha waha.use kholkar Bahar aate hi ek mariyal sa dikhne Wala aadmi khada tha

"Oh to tu hai wo,kaise kaise aadmi ko le lete hai,mere peeche chal"bol wo aadmi suraj ko apne saath le gaya ek jhopdi me

Jhopdi me ek khaat this.use us mariyal ma dikhne Wala aadmi ne ek button dabaya ek chote SE remote ka.aur wo khaat apne aap uthne laga.aur uske neeche se se een hatne lagi.zameen ke hat jaate hi Suraj ki aankhen choudhiyan gayi.neeche ek lift jaisa tha

"Aaiye padhariye "bol us aadmi NE chalang lagayi neeche.suraj ne bhi chalang lagai.aur uske saath hi us aadmi NE wahi button dabaya remote ka.zameen fir se judne lagi aur khaat neeche aane lagi

PLEASE IDENTIFY YOURSELF

lift se awaaz aayi.

"Jogiraj katnoria"

PLEASE IDENTIFY YOURSELF

"JOGIRAJ KATNORIA"chillaya wo aadmi
Tab jaakar lift neeche jaane laga

"Saala system upgrade karne ke liye kab application Diya hua hai,lekin sarkari system to aise hi chalti hai na"baatein karte hue lift ekdum neeche a gayi.

Aur Suraj bas dekhta reh gaya.kai hazaar log ek bade Matlab bohut bade se area me kaam Kar rahe the.ek multinational office jaisa mahoul tha

"Avik sir ye suraj.jatin sir ke paas le ja isko"jogiraj jatin naam ke ek aadmi se bola

-------------------------------------------------------------------------------
"Kya baat hai.kitne saal see kaam Kar rahe ho avik uncle??"Suraj ne poocha

Jawab kuch Mila nahi chalis warshiya avik se.jo chalta ja raha tha aur peeche peeche Suraj

Ek darwaze ke paas aakar avik ruk Gaya aur knock kiya

"Come in avik"ander se awaaz aayi

"Jai Hind sir,ye Suraj"attention me khada ho Gaya avik aur Suraj ne jatin naam ke aadmi ko dekha

"Baith jao suraj"jatin ne baithne ka ishara kiya

"Avik ji AAP jaiye fir aap ko bulata Hoon"jatin bola

Fir Suraj ki aur mudkar ek smile ke saath ek file saamne rakh di

"Dekho Suraj sab se pehli baat.agar tumhe tumhare papa ke baare me jaanna hai to hum Bata sakte hai.lekin iske liye tumhe hamare organization me kaam karna hoga.karoge??"jatin muskurate hue bola

"Sure sir mujhe Kya karna hoga??"suraj excited hokar bola

"Itni jaldi nahi.Doosri baat ek baar tum hamare organization me join ho jaate ho to tum wapas nahi ja sakte.aur agar jaana bhi chaho to tum ko maar Diya jayega aur laash gayab ki jaayegi.ab bolo Manzoor ???"suraj ki aur dekh Kar jatin bola

"Maine kaha na sir Mera decision pakka hai"suraj bola.

"Baat abhi bhi khatam nahi hui suraj.teesri baat tum hamare organization ke baare me kisi ko nahi bataoge.aur ye bhi nahi bataoge ki tum hamare liye kaam karte ho.agar much khologe to fir wahi haal hoga Jo pehle bataya.maar diye jaoge"jatin dheere dheere serious ho Raha tha

Suraj thoda sa saham gaya.uski maa uske liye sab kuch thi.to Kya apni maa se bhi chupana hoga...

"Chouthi baat bacche.tumhare liye apne desh aur mission se badhkar kuch bhi nahi hoga.agar jaan jaati hai to jaaye.mission fail nahi hona chahiye.samajh rahe ho na Meri baatein???"jatin bola

Suraj ne sar hilaya

"Good sabse akhiri baat.tumhe kabhi bhi kidhar bhi Jana pad sakta hai kuch bhi bankar.
Ab bolo tum taiyyar ho???agar nahi to abhi bhi wapas ja sakte ho.sab kuch bhool jao aur apni Zindagi apne hisab se jio.lekin agar hame join karte ho to tumhari Zindagi is organization ki rahegi"jatin Suraj ki aur dekhkar bola aur jawab ka wait karne laga

"I'm ready sir ."Suraj bola

"Good.ye rahi tumhare papa ki file suraj.ummed karta Hoon ki tumhare papa ki file tumhe wo sab kuch Bata degi Jo tumhare papa the.avik peeche hoga usse mil lo.wo batayega Kya karna hai"muskurate hue jatin bola

"Welcome to the team Suraj."smile ke saath jatin bola

"Thanks sir."exited hokar bola Suraj

"All the best son"jatin bola

Suraj muskurate hue file lekar Bahar a Gaya avik se Milne

-------------------------------------------------------------------------------AFGANISTAN
KABUL
"Salam waleikum Ayman Bhai,Hindustan se call hai"ek satellite phone aage badhata hai ek naqabposh ek budhe aadmi ki taraf

"Bolo"budha aadmi bola

"Ho gaya.kuch nahi kar paaye"doosri aur se awaaz aayi

"Hmm koi baat nahi iska wahi anjaam hoga Jo iske walid ka hua tha"bol phone kaat Diya buddhe ne

Ek kutil smile tairne lagi us buddhe ke chehre par

 

[sexstories]

-------AFGANISTAN
KABUL
"Salam waleikum Ayman Bhai,Hindustan se call hai"ek satellite phone aage badhata hai ek naqabposh ek budhe aadmi ki taraf

"Bolo"budha aadmi bola

"Ho gaya.kuch nahi kar paaye"doosri aur se awaaz aayi

"Hmm koi baat nahi iska wahi anjaam hoga Jo iske walid ka hua tha"bol phone kaat Diya buddhe ne

Ek kutil smile tairne lagi us buddhe ke chehre par

-------------------------------------------------------------------------------
"Hi avik ji ,sir ne aapse...."Suraj bohut excited tha

"20,000 PM,training period me rahoge,bina permission kuch bhi nahi karoge,no offer letter,aur haan jhoot bolna aata hai???"avik mathur bolte hue Suraj ko le jaane laga

"Jhoot??"Suraj ko kuch samajh me nahi aaya

"Samajh jaoge bacche.sab samajh jaoge."avik ek muskaan ke saath bola

"Ab aage??"

"Kaafi raat ho gayi .Kal subah call ka wait karna"goodnight

Suraj ne sar hilaya aur jogiraj use wapas dukan ke peeche chor aaya.dukan band ho chuki thi aur wo buzurg mahila bhi nahi thi.

Ghar pohunchte hi Ghar me jab Suraj pohuncha tab usne dekha ki mahoul garam hai.

"Ye sab Kya hai suraj???tune haath uthaya apne chachare Bhai par???"anju kaafi gusse me thi

Suraj gardan jhuka Kar khada tha

"Huh jyada natak karne ki zaroorat nahi hai anju jiji sab pata hai mujhe.mai yahan sirf itna kehne aayi Hoon ki ye akhiri baar shikayat karne aayi hoon.aage se aisa hua to seedhe police station jaungi"bol Chachi chali gayi Suraj ko ghoorte hue

"Ye sab Kya hai suraj Teri padhai me man nahi lagta,maar pit karta rehta hai,beta kaise sapna saakar karega Mera??"anju kaafi dukhi hokar boli

"Maa age se aisa nahi hoga"bol muskurate hue Suraj ne apni maa ko gale laga liya

"Har bar to yahi karta hai,aur uske baad Mai kuch nahi kar paati Hoon tu na.....ek minute.ye Tere chehre par ....muh kyun sooja hua hai Suraj???"anju Suraj ke chehre ko dekhte hue boli

"Wo wo maa wo thoda gir Gaya tha gaadi ke saamne fir hospital me jaakar treatment kiya.isliye late ho Gaya."

Achanak ek anjana sa darr lagne laga anju ko.wahi Jana pehchana sa darr.wahi Manoj ka jhoot bolkar jaana aur jhoot bolkar aana

"Koun si hospital me treatment Hui Teri??"anju ne poocha

"Savai Singh hospital me.pooch lo"Suraj ne careless hokar kaha

Lekin usne sapne me bhi nahi Socha tha ki anju Google Kar hospital ka number dhoond Kar call lagane lagegi

"Maa ye sab subah bhi to Kar sakti ho"

Anju-sshh chup

Call bajne laga aur badhne lagi Suraj ki dhadkan

"Savai Singh hospital how can I help you"

"Hi Mai anju Sharma bol rahi hoon.zara dekhiye na koi Suraj Sharma ke naam se dressing karane aaya tha ???"anju ne kaha

"Madam bohut saare patient aate hai yahan par.aise me...."

"Please check kijiye na.bohut urgent hai.patient abhi Tak Ghar nahi aaya"anju ne jhoot kaha

"Let me check.......

Haan Suraj Sharma lamba sa gora sankoi 17-18 saal ka ladka aaya tha.abhi Gaya "

"Thanks"call rakh diya diya ne.lekin abhi bhi anju ko tasalli nahi ho rahi thi

"Maa bhook lagi hai"Suraj ne topic change karne ke liye kaha

Anju Suraj ko ghoorte hue kitchen chali gayi.aur Suraj muskurane laga.saboot banana aur mitana kitna asaan hai yahan.lekin in sab ke bawjood kitni kurbaniyan bhi Deni hoti hai.aaj raat papa ki file zaroor padhega wo

------------------------------------------------------------------------------
"rao sir ek number ka badtameez,awara,lafanter ladka hai.mai usko guide nahi kar sakti.kisi aur se kahiye."Jennifer ne haath jod liye the

"Jenni ladka ko hum test Kar chuke hai.hamare selection par bharosa rakho .abhi wo filhal training leta rahega aur aage ka instructions hum dete rahenge .lekin point of contact tum rahogi"Rao bol call cut Kar Diya

"Typical Rao sir.waise Kahan hai tumhara trainee Jennifer"

"Pata nahi alisha.filhaal wait karte hai"Jennifer watch dekhte hue boli

HI GUYS
HI

Door se daudta hua ek ladka fikhaidiya dono ko

"Yahi hai wo??"Alisha ne NE poocha

"Hmm "Jennifer boli

"Sorry guys.sorry"suraj haamfte hue bola

"Suraj ye hai Alisha tumhari hand to hand combat instructor,Alisha tumhara,Mera matlab hamara Naya recruit aura"

"Aura??ye Kya hai"suraj hairaani se poocha

"Code name.aur haan aaj se 5 ghante har din,3 months Tak tum hamare saath training karoge.hand to hand combat,basic weapon knowledge, information technology,code crack aur stealth ke baare me train Kiya jaiga,any questions??"Jennifer ne poocha

"Lunch me Kya milega??"

Alisha aur Jenni ek doosre ko dekhne lage.rao sir ko Kya dikha is lafantar me??

-------------------------------------------------------------------------------
PULWAMA
J & K

"Ji janab.kab shuru karein??.....haan.....sab taiyaari poori hai.........arey ek din wo sapna zaroor poora hoga inshallah"khush tha wo aadmi

"Kya hua Junaid Bhai??"ek aadmi NE poocha

"Aaj hi Delhi jaana hai aur ek bohut khaas kaam ko anjaam Dena hai aakash"Junaid naam ka aadmi us aadmi ke kandhe pe haath daalkar kehta hai

"Jaan bhi haazir hai aapke liye Junaid Bhai aapne is anaath ko wo Diya Jo koi aur na de saka"sar jhukakar usne kaha

"Hume tumhari jaan nahi chahiye aakash mere baad tumhe hi sambhalna hai ye sab.ek tum hi ho jisne hamare saare kaam ko anjaam Diya hai."muskurate hue Junaid ne kaha

"Karna Kya hai??"aakash ne poocha

"Kamar todni hai Hindustan ki"Junaid bola

 

[sexstories]

JAIPUR
3 mahine guzar Gaye aur Suraj ki training bhi poori ho gayi

"Aura feeding time"

Mobile me message padkar Suraj ke liye rukna mushkil tha jeans aur t shirt daalkar wo cycle par nikal Raha hi tha ki

"Suraj"

Aankh band kiya suraj ne.mummy ko fir jhoot bolna padega.zindagi me it a jhoot to kisi ne nahi bola hoga.

"Haan maa"Suraj ne palat kar jawab Diya

"Itni subah Kahan ja raha hai???"aankhen ragadkar poocha anju ne

"Wo...wo gym.... bataya to tha"Suraj idhar udhar dekh Kar bola

"Kab bola that beta???aur koun si gym subah 4 baje khulti hai jaipur me??"anju ne poocha

"Wo ek Naya gym shuru hua hai maa,bohut mushkil se membership mili aur...."

"Dekh Suraj pata nahi Teri koun si part time job nikal aayi Jo 20000 har month account me a jaata hai,Tere college ke admission ka Kya hua beta???saare dost kisi na kisi college me admission lekar baithe hue hain.tere marks bhi ache nahi aaye beta.sun kuch paise bacha Kar rakhe the tere papa ke pension se usse tu kiss ache college me donation dekar admission le le"anju apne better ke Future ko lekar kaafi tension me thi

"Maa aap bhi na.sab kuch thik ho jayega,abhi Mai chalta Hoon baad me baatein karta Hoon"haste hue suraj nikal pada

-------------------------------------------------------------------------------
COFFEE HOUSE
C SCHEME
JAIPUR
"Congratulations nahi milega mujhe training complete karne ke liye???"Suraj milkshake peete hue bola

"Itni ghatiya performance Maine Zindagi me kabhi nahi dekhi.mera bas chalta to kaan ke neeche bajakar nikal deti."coffee peete hue jennifer boli

Suraj kuch nahi bola milkshake ke maze lene laga

"Performance se yaad aaya .tumne college me admission liya kya???"alisha boli

"Nahi usi ke liye aaj mujhe jana hai"suraj bola

"Kahi jaane ki zaroorat nahi.tum delhi ja rahe ho college me padhne??"jennifer boli

"Delhi?? matlab kaise???mera to marks bhi zyada nahi hai "suraj hairan tha

"Uski tension tum mat lo.aaj se teen din baad tum delhi jaoge aur jogiraj tumhare saath jaiga admission karwane."jennifer ne kaha

"Lekin delhi hi kyun??"suraj ne poochha

"Kyun ka jawab delhi delhi pohunch kar milega,ab jao aur ready hone ki taiyari karo"jennifer boli aur alisha ko lekar chali gayi suraj ko sochta chodkar

-------------------------------------------------------------------------------
NEW DELHI RAILWAY STATION
ek aadmi train se utarkar idhar udhar dekhne laga
Tabhi use ek ladki dikhai di jiske hath me flower bouquet tha

"Celina"chillaya wo aadmi

Ladki ne mudkar dekha aur saath hi saath ek muskurahat tair gayi chehre par

"Akash"bol daud padi us aadmi ki aur.aur uske paas jaakar kaskar gale lag gayi.na chahate hue bhi aankhon se aansuon ki dharayein behne lagi

"Bas bas pagli kitna royegi"bol celina ka peeth thapthapane laga Akash

"Rone do aiasA khulkar rone do,bohut din baad khushi ke aansu nikle hai"bol Akash se alag ho gayi celina

"Lekin delhi??abhi??"celina ne poochha

"Sab abhi bata doonga to baaki kuch bachega??"muskurakar Akash bola

"Ha ha sahi hai.chalo chalte hai.pehle rest kar lo fir baatein karenge"celina Akash ko lekar chal padi

-------------------------------------------------------------------------------
JAIPUR
"Ye kya baat hui yaar teen mahine na koi phone,na whatsapp,na sms.aunty bhi keh rahi thi ki tu busy hai.mai apne nanaji ke wahan gaya tha vacation ke liye isliye mil nahi paya"nitin ko kaafi shikayat thi

"Yaar tujhe to pata hi hai college admission ke liye problem ho rahi hai.marks jo kam hai.isliye idhar udhar try maar raha tha"suraj ne kaha

"To kahin hua tera admission??"nitin ne poochha

"Soch raha tha delhi chalun aur try marun kahi"suraj bola

"Kya baat kar raha hai,delhi??wow"nitin exited tha

"Tu itna khush kyun ho raha hai be???"suraj ne poochha

"Kyunki Mai bhi delhii ja raha Hoon aur to aur teri gf bhi wahi hai yaar"nitin bola

"Matlab??"suraj poochha

"Matlab mera admission ramdas college me ho gaya.aur sunita ka bhi admission wahi hua hai,wo to tera marks kam tha isliye waha nahi ho paya.lekin tu tension mat le.ek baar baar delhi jakar naye sire se college try karenge.kahi na kahi to hoga"nitin bola

"Hmm thik hai dekhte hai.chal mai chalta Hoon,bye"bol suraj nikal gaya

Yani sunita bhi wahi hai,delhi me.hey bhagwan please mera college kahi bhi ho lekin bhi ho lekin ramdas college na ho"aankh band kar suraj pray karne laga aur ghar ki aur jaane laga

-----------------------------------------------------------------------------
10:00 pm
You got a message
Suraj ne mobile unlock kiya ,naya sms aaya tha

"Aura nalanda unlocked"

Suraj ka dil dhak dhak karne laga.yani college finalize ho Gaya

"Aura gurukul ramdas"

 

[sexstories]

RAW HEADQUARTERS
DELHI
national security advisor ranjan jha dono hathon se chehre ko ko dhak kar baithe hue the.
Unke saamne ambrish negi raw ke director baithe hue the

Sar hilaya mr ranjan ne
"Nahi nahi nahi.now way.how can you recruit a 18 year old kid into this organization Ambarish???khan ka dimag kharab ho raha hai kya??"

"Sir aaj tak khan ka koi bhi decision galat nahi hua hai.isliye maine isko approve kiya tha"Ambarish ne clear kiya

"Kal ko koi 10 saal ka bacche ko recruit karega fir bhi tum approve karoge Ambarish??"ranjan bola

"Sir aap ye kyun nahi dekh rahe hai ki ladka khud apani marzi se join kar raha hai"ambarish bola

"Kya karega join karke???"khisiya utha ranjan

Kuch der ke liye dono chupchaap the

"Sir ladka tez hai aur waise bhi koi 18 saal ke ladke par shak nahi karega.ladka direct raw nahi join kar raha hai filhaal college khatam karke hi shamil karenge use.us par nazar bhi rakh rahe hai.thoda sa bhi shak hua to khatam kar denge ladke ko"Ambarish ne bharosa dilaya

"Jo bhi hai dekh lo ambarish.IB ki report hai kuch bada hone wala hai is baar.koi chance mat lena.all the best"ranjan ne smile ke saath apna haath age badhaya
Aur ambarish ne haath milaya.lekin chinta ki lakiren saaf dikh rahi thi ambarish ke maathe par

-------------------------------------------------------------------------------NEW DELHI STATION
"Wow kya mast jagah hai na jogiraj sir"suraj bohut exited tha delhi aakar

"Wahi to
field ki jagah ek baccha sambhalna pad raha hai mujhe"dukhi swar me jogiraj bola

"Ohho aap bhi jogiraj sir,kabhi to khush ho jaya karo yaar"suraj bola

Jogiraj hairaan tha suraj ko dekhkar.is ladke ko pata bhi hai ki ye kahan ja raha hai???bilkul tension free hai

Dono ne auto kiya aur college ke saamne a gaye

Aur a gaya jis college ka khauf tha suraj ko
RAMDAS COLLEGE

PAPA RAO
PRINCIPAL'S OFFICE
"Hmm education board se tumhari sifarish aayi thi suraj lekin beta tumhe bohut bohut mehnat karni hogi.tumhare marks kaafi kam hai.but I'm sure kisi wahah se hi hui hogi.anyways all the best suraj.tum kal se college join kar sakte ho"

"Thank you sir"jogiraj bola aur dono office se bahar nikal gaye

"Chalo suraj mera kaam to ho gaya.mai chalta hoon apna dhyan rakhna"bol jogiraj chala gaya.
Aur iske saath suraj ka man bhi bujh sa gaya.khud ko akela mehsoos karne laga

-------------------------------------------------------------------------------
PAHARGANJ
DELHI
"Ye kya hai Akash??"celina ne haste hue poocha

"Professor ka job mila hai celina"halke se muskuraya aakash

"Wow that's some news aakash.lekin koun se college me??"celina aakash ke baahon me baahen daal kar boli

"RAMDAS college"aakash bola

Celina khush ho gayi.jabki aakash kuch soch me pad gaya

TRING TRING

"Salam waleikum aakash mia.sab khairiyat??"doosri aur se awaaz aayi

"Are janab aap ne kyun takleef ki.mai khud call karne wala tha"aakash bola

"Junaid ne kaha tha khaas banda hai,isliye call kiye bina nahi rah saka.kuch bhi chahiye mill jayega.lekin maksad...."

"Zaroor poora hoga janab.jaan dekar bhi poora karunga"ek kathor bhaav aa gaye the aakash ke chehre par.

"Rakhta hoon mia.khuda haafiz"doosri aur se awaaz aayi

"Khuda haafiz janab"bol phone kaat diya aakash ne

RAMDAS COLLEGE

baar baar ye naam goonjne laga aakash ke dimag me

 

[sexstories]

PAHARGANJ
"ye hai tumhara kamra suraj"

"Thanks renu bhabhi"bol suraj kamre ko charo aur dekhne laga.ek ke liye room kaafi bada hai.isi room me teen saal kaatna hai suraj ko.

PAHARGANJ me renu ahuja ke ghar me accomodation mila tha suraj ko.wahi se college aaya jaya karega.point of contact jennifer rahegi

Kal se college jana hai suraj ko aur abhi tak nahi samajh pa raha tha ki kaise sunita aur nitin ko face kar payega.upar se agar college ke students ko pata chala ki Sunita ne pichwade par last mar kar chali gayi.izzat ka to faluda nikal jayega.isse jyada important ye hai ki kaise nitin ko samjha payega ki aise ghatiya marks me bhi delhi ke one of the top college me kaise admission ho gaya.

"Uff"sar pakad kar baith gaya suraj

TRING TRING
Private number

"hi"suraj ne jawab diya

"Poori tayyari ho gayi college jaane ki??"jennifer ne poocha

"Bas chal rahi hai,yahi poochhe ke liye call kiya tha??"suraj ne poochha

"No my dear,isliye phone kiya ki tujhe ek assignment Mila hai"jennifer ne kaha

"Wow Kya hai,kya hai ,kya hai??"suraj super exited tha

"Ramdas college me amol Srivastav naam ke ek professor ko observe karna hai,poora details mai mail kar deti hoon tujhe,all the best"phone last deti hai jennifer

Suraj ka josh thanda pad jata hai,dhat tere ki observation????ye bhi koi assignment hai??

Gusse me suraj sone ki taiyyari karne laga

-------------------------------------------------------------------------------
RAMDAS COLLEGE
"Whew to ye hai college"bol suraj college me dakhil hua

Door khade kuch logo ko dekh raha tha suraj .tabhi ek awaaz aayi

"Oye ladke idhar a ja"

Suraj ne dekha ki jis bheed ki aur wo dekh raha hai usi me se kisi ne use bulaya.lekin wo ansuna kar aage badhne laga

"Kyun be sunai nahi de raha hai kya"is baar awaaz zor se aayi

Suraj ke paas koi chara nahi tha wo bhid ki aur jaane laga

"Kyun be sunai nahi de raha tha??"bheed ke paas jakar suraj ne dekha ki ragging chal rahi thi.aur iska dost nitin bhi sar jhukakar khada tha.haan suraj ko dekhkar chaunk zaroor gaya.

"Arey ye to tere ex bf jaisa hai sunita"is awaaz ne jabardast jhatka diya suraj ko thoda idhar udhar dekhne ke baad usne dekha ki ki ek ladke ke bahon me uski ex gf jhool rahi hai.
Hmm ladka ko dekhkar aisa lag raha tha ki zamane se kuch khaya nahi,sunita ko is chappantikli se acha koi nahi mila tha kya???
Sochkar hi hansi choot gayi suraj ki jise dekh sunita aag baboola ho gayi.aur ladke ke kaan me kuch kaha

"Kyun re hero ban raha hai??haan"bol sunita jiske baahon me baahen daale hue thi wo aage aane laga

Suraj waise hi khada khada raha.saamne aakar wo jaise hi suraj ka collar pakadne wala tha waise hi suraj ne jhatak kar ek zabardast ghoosa maara

DHAAM

din me taare nazar aane lage the is ladke ko.

"JIMMY"bol sunita daudkar aayi aur suraj aage badh gaya

"You will pay for this suraj sharma,you will pay for this"gusse se funkar uthi sunita

Lekin suraj nazar andaz kar aage badh gaya

 

[sexstories]

RAMDAS COLLEGE
"Acha hua ladke ne solid punch Mara ,dekh na Myra"ek ladki ne doosri ladki se kaha

"Chod na anwesha.hume kya"doosri ladki ne kaha

"Kya yaar myra.jimmy rastogi ne tere saath kya nahi kiya.fir bhi tu uske baare me bura nahi sochti??"anwesha boli

"Isse kya hoga anwesha kya jimmy wapas meri life me ayega??"fiki muskurahat ke saath boli Myra

"Dekh Myra fir se shuru mat ho ja.mai to kehti hoon acha hua break up ho gaya.wo tujhe deserve nahi karta hai Myra.he's a loser"anwesha boli

"Chod na yaar.chal class ka time ho gaya"bol Myra anwesha ko lekar class a gayi

-------------------------------------------------------------------------------
CLASSROOM
Suraj apna bag lekar class aate hi fuss fuss shuru ho jaati hai baaki students me

Suraj ko pata tha ye to hona hi hai.aaj jimmy ke saath lafde me jaanboojhkar uljha tha suraj.ek plan chal raha tha uske dimag me.khair kahi to baithne ke liye jagah khojni hai kidhar baithe kidhar baithe....

Sab seat to full hai lekin peeche se aati hui uski nazar first row me a gayi jahan ek chashmish baithi hui thi.jaise hi us ladki ki nazar gayi suraj pe.usne jhat se apna bag baaju me rakh diya

Suraj bhi usi taraf aaya.us ladki ka bag utha baith gaya aur bag ladki to thama gaya

"How rude.tum...tum yahan kaise baith gaye??dikha nahi bag hai yahan??"ladki ne kaha

"Kyun??koi baith raha hai yahan???"suraj ne poocha

"Wo...wo..usse tumhe kya??kahin aur baitho??"ladki ne kaha

"Mere liye doosri seat dekho.agar khali mile??aur mujhe pasand aayi to mai sochunga"bol suraj apna bag rakh diya table par

"Itna attitude????tum....tum...bohut gande ho...huh"bol ladki ne apna chashma thik kiya aur gusse se muh mod liya

"GOOD MORNING CLASS"

muskurate hue ek aadmi ne class me entry liya

Sab khade ho gaye

32-38 ,gora,haath sakht hai,naye boots,ghadi mehengi.
Professor kab se itne fancy ho gaye??suraj ka
maatha thanka

"Sab baith jaiye,bhai mai ek shikshak hoon mujhse darne ki zaroorat nahi hai"us aadmi ne muskurate hue kaha

Sab baith gaye.suraj dheere dheere baithne laga

"Bhai mai itna handsome bhi nahi hoon jo aap mujhe ghoore ja rahe ho barkhurdaar"aadmi ne suraj ki aur kaha
Aur sahara class thahake maar kar hasne laga.lekin suraj ko fark nahi pada.kuch to hai ..... kuch to zaroor hai

"Waise class mai aap logo ka biology class loonga.mera naam hai sharad.aur mai darake dhamkake class lene me vishwas nahi rakhta.isliye agar koi class me interested hai wo rahiye baaki sab ja sakte hai koi zabardasti nahi hai"sharad ne kaha

Poora class bohut zyada prabhavit ho raha tha sharad se. Sivay ek ke
Suraj ke

-------------------------------------------------------------------------------
AFGANISTAN
"janab hum kyun nahi us chokte ko khatam kar dete hai??"

"Nahi nahi.mai hindustan ka sar jhukana chahta hoon.batana chahta hoon ki RAW kitni kamzor hai,kitni kamzor hai uski soch,kitne kamzor hai unke agents.fir CIA aur MOSSAD se unka link todna chahta hoon, aur uske baad ek baar hum RAW to poori tarah khatam kar denge.fur uske baad hum jab,jahan bomb explode kar sakenge.jab jahan logo ko marenge.fir dheere dheere baaki mulkon par hamari saltanat hogi rahim
INSHALLAH
tab Tak us chokre ko zinda dekhna hai.uske baap ne hamara bada plan fail kiya tha.lekin iska beta RAW ka naak kata dega"

HA HA HA HA

charo aur zor zor se hasne ki awaazein aane lagi

"Janab aakash ke liye kya paigam bhejen??"rahim naam ka aadmi ne poocha

"Uski boliye.jaisa chal raha hai,waisa chalne dein"
Awaaz sakht kar bola wo aadmi

 

[sexstories]

RAMDAS COLLEGE
"Wow yaar tu to ekdum set si dikh rahi thi is ladke ke saath.naam kya hai iska???"anwesha kaafi exited thi

"Ek number ka lafantar,Awara,badtamee b,gunda,mawaali..."

"Bas kar meri maa itni gaaliyan degi to to ek dictionary hi ban jayegi ,waise naam kya hai iska??"anwesha ne poochha

"Shayad....haan yaad aaya suraj sharma"Myra ne bola

"Waise Myra agar tujhe koi problem na ho to mai usse taanka bhida logon??"anwesha ki aankhen chamakne lagi

"Meri bala se,lekin wo ladka acha nahi hai anwesha yaar"myra boli

"Wo tu mujhpe mujh de.jo jimmy ko chitt kar de.usse romance to banta hai"anwesha ke sar par suraj ka bhoot sawar tha

"Teri marzi.lekin abhi chal"myra boli aur aage badhne lagi.

Tabhi tez kadmo se badhata hua suraj aaya

"Hi I'm Suraj, group assignment ke liye teen log chahiye to sir ne kaha ki aap dono ke saath mai bhi join ho jaun"smile ke saath suraj bola

"Sorry lekin hamara group poora ho chuka hai"myra ne do took kaha

"Lekin hum adjust kar lenge suraj "anwesha madhosh hokar boli

"Thanks .waise aap log kahan kar rahe ho assignment??"suraj ne poochha

"Myra ke ghar"anwesha boli

Suraj muskurane laga

-------------------------------------------------------------------------------
PAHADGANJ
TRING TRING
"Sone bhi nahi doge kya"bujhi aankhon se suraj bola

"Emergency hai,kal jama masjid ke pas kuch gadbadi hone ki akansha hai.tum kal wahan jao aur nazar rakho.kuch bhi gadbad dikhe turant inform karoge"jennifer boli

"Ok done,kitne baje??"suraj ne poochha

"Shaam ko,waise saavdhan rehna suraj.khatra bohut hai.chalo rakhti Hoon bye"

Phone Kat jaata hai aur suraj ki neend gayab ho jaati hai

-------------------------------------------------------------------------------
TILAKNAGAR
"Arey myra,beta tera chehra kyun utra hua hai??"

"Mat poocho mummy.aaj college me ek naya ladka aaya.usi ki wajah se mood off hai.waise papa kahan hai??kuch doubts clear karne hai"myra apna bag rakhte hue baith gayi sofa par

"Tere papa ke paas desh ke liye waqt hai,duniya ke liye waqt hai.sirf hamare liye waqt nahi hai beta.desh ke ek successful scientist ban kar rah gaye.koun kahega amol Srivastava ke paas apne family ke liye waqt nahi hai"Mrs Srivastava gusse se bol padi

"Ohho arey bhai jo bhi kar raha hoon desh ke liye hi to kar raha hoon.aur agar desh tarakki karega to hum bhi karenge.desh ne mujhe itna maan samman diya hai wo kam hai kya??"amol Srivastava haskar bole

"Lekin agar aap nasa join karte to aap kitna paisa kamate papa.offer to aya tha aapko.IIT Kharagpur se paas out karne ke baad kitne offers aaye the aap ko "myra ne isbaar Mrs Srivastava ka samarthan kiya

Amol Srivastava muskuraye aur apna chashma utarkar kuch der ke liye chup ho gaye.fir bole

"Ye gantantra divas ki parade dekh rahi ho beta??"tv ki aur ungli se ishara karte hue bole amol srivaSriva

Myra ne dekha ki gantantra divas ki parade chal rahi hai aur india ke saare Adhunik astra sastra ka pradarshan ho raha tha

"Pata hai beta in sab ko ek akele insaan ne nahi banaya,kitne scientists milkar kadi parishram ke baad in sab ko taiyyar kar paaye hain.socho agar ye saare scientists aur engineers hamare se desh ko chod doosre desh me gaye hote paiso ke liye to aaj kya hum itne shaktishali ho paate???"amol Srivastava ne myra se kaha

Myra chup thi aur Mrs Srivastava bhi chup ho gayi

"Arey wo sab to thik hai lekin aaj se aapka group assignment shuru ho raha hai na beta??"amol Srivastava chuppi todte hue bole

"Oh mai to bhool hi gayi thi.anwesha aur wo lafanga aata hi hoga"bol myra apna bag lekar bedroom ki aur daud padi

Amol Srivastava muskurate

"Aap wo project chod kyun nahi dete??"Mrs Srivastava boli

"Meri jaan bhi jaayegi to wo project poora hokar rahega Susheela"amol Srivastav ka chehra kathor ho gaya

"Lekin aapki jaan ko khatra hai ,aap ko teen baar dhamki mil chuki hai"Mrs Srivastava boli

"Mujhe apne desh ki suraksha par poora bharosa hai.wo mujhe kuch nahi hone denge.meri baat MR Ranjan ke saath ho gayi hai Susheela"amol Srivastava samjhate hue bole

"Mujhe bharosa nahi hai ji.aap samajhte kyun nahi aap ki jaan...."

"Thodi chai pialogi??bohut man kar raha hai peene ka"amol Srivastav ne topic change karne ke liye kaha