Pari ne kampte haatho se photos dekhi . Sari photos uski aur Himansh ki party wali raat ki thi jisme do photos me uske haanth me vine ka glass bhi tha . Pari ke pas ab kahne ko kuchh nahi tha . Wo rote huye apne room ki taraf bhaag gayi .
Pari ki sari khushiyan gum me tabdeel ho chuki thi . Le de kar uske pas yahi ek daulat thi " self respect " jo ki aaj ki ghatna ke baad khatre me pad gayi thi . Pari ke aansu thamne ka naam nahi le rahe the . Wo baar baar photos ko dekh rahi thi . Use kuchh bhi samjh nahi aa raha tha Na apna kasoor aur na hi use fasane wale ka naam .
Pari kafi der tak roti rahi . Raat ke 2 baj chuke the lekin Pari ki aankhon me neend nahi thi . Tabhi haule se darwaje par dastak huyi aur Pari ke orphanage ki hi ek ladki Maya jisase Pari ki thodi bahut dosti thi wo haanth me chai ke do cups liye andar aa gayi .
Maya- mujhe pata tha tu ab tak aankhon se samndar baha rahi hogi .
Pari- to aur kya karu mai . Itna jhoontha iljaam lagane se pahle ek baar socha bhi nahi .
Maya- photos me tu nahi hai ?
Pari- hoon mai par jo iljaam lag raha hai wo galat hai .
Maya- ye tujhe pata hai na . Sun photos virul kar ke koi tujhe nuksan pahunchana chahta hai . Abb tu khud ko sahi sabit kar de baat khatm .
Pari- par kaise ?
Maya- photo me jo tere sath ladka hai use bula aur aunty se baat karwa de uski simple .
Pari- kabhi nahi . Mai unko in gandi baaton me nahi fansa sakti . Wo khud apni life me uljhe huye hain
Maya- pyar karti hsi na usase ?
Pari- in sab baaton ka yahan kya matlab ?
Maya- teri aankhon dikh raha hai Pari is liye poonchh liya .
Pari- haan karti hoon yaar par ab ye mat bolna ki anaath ladkiyan pyar bhi nahi kar sakti hain
. Yaar dil to mere paas bhi hai
.
Maya- wo bhi karta hai ?
Pari- haan .
Maya- mat chhipa usase kuchh bhi balki mai to kahti hoon use bula kar aunty se milwa de .
Pari- mai sochungi is baare me . Par please tu mat bolna aunty se kuchh bhi .
Maya- jo karna hai jaldi kar le kyu ki aunty ne tere bahar jane par pabandi laga di hai .
Pari- kya ?
Maya- sirf tere nahi teri wajah se sabhi ke bahar jane par rok lag chuki hai . Isi liye bol rahi hoon halaat kharab ho usase pahle sab saaf kar de . Milwa de use aunty se . Waise ye police complain wali harkat kaun kar sakta hai ? Kisi par shaq hai tujhe ?
Pari- nahi mai to kisi ko janti bhi nahi hoon aur mujhe to meri galti bhi nahi dikh rahi hai kahi .
Maya- phir police ko yahan ka adress kisne diya ? Koi to hoga jise tum logon ke rishte se pareshani hogi ?
Pari - mujhe sach me bilkul pata nahi hai .
Pari wapas rone lagi . Uske chehre par dar saaf dikh raha tha .
Maya- rone dhone ki jagah sari baatein shuruaat se yaad kar samjhi . Khud ko begunaah sabit kar . Ye sirf tere liye nahi yahan ki sari ladkiyon aur aunty ke liye bhi bahut jaroori hai . Mujhe aise lag raha hai jaise koi tujhe darana chahta hai .
Maya ki baatein sun kar kuchh had tak Pari ka rona band ho chuka tha lekin cheezen itni asaan bhi nahi thi yahan tak ki Pari ke paas to Himansh ka mobile no bhi nahi tha ki use call karke halaaton ki jankari de sakti par kahi na kahi Pari ke dimag me " Reveka " ka naam aa chuka tha .
Doosri taraf Himansh ghar pahunch kar wapas Pari ke khayalon me khone laga . Use to ab apne ghar ke har kone me Pari ka aks dikh raha tha . Bada man kar raha tha uska Pari se baat karne ka lekin Pari ke paas na hi mobile tha na hi Himansh ke pas orphanage ka no . Himansh ne kal ke kal Pari ko mobile gift karne ka soch liya tha .
Pari ne ghar ko bhi badi khoobsurti se saja diya tha . Mom ki call bhi ab to har roj aati thi wo bhi do baar . Kitne pyar se poonchhti thi maa " mere bete ne khana khaya ya nahi " sab Pari ki wajah se tha . Himansh takiye ko seene se lagaye Pari ke khayalon me khone laga tha ki uske mobile par back to back Reveka ke " sorry " ke msg aane lage . Kya karta wo bhi its ok ke baad gn likh kar pind chhula liya .
## After 2 days ## ____________________
Police wali ghatna ko Do din beet chuke the . Pari ab tak kuchh bhi nahi soch payi thi . Maya use baar baar himmat deti lekin Pari ka dimag block ho chuka tha . Use sahi galat kuchh bhi samjh nahi aa raha tha . Maya ne Himansh ka adress bhi manga to Pari ne inkaar kar diya dene se .kul mila kar Pari ne apne charon taraf ke darwaje band kar khud ko halaaton me kaid kar liya tha .
Himansh ka bechaini se bura haal tha . Do din se na wo Pari se mil paya tha na baat kar paya tha . Usne Pari ke orphanage ke saikdon chakkar laga liye the par wo andar nahi gaya kyunki Pari ne use strictly mana kiya tha andar aane ko . Himansh apni soch me gum tha ki door bell baji . Himansh ko laga ki Pari hogi usne daud kar door open kiya par samne Uske " mom & dad " khade the wo bhi Reveka ke sath
Himansh ka bechaini se bura haal tha . Do din se na wo Pari se mil paya tha na baat kar paya tha . Usne Pari ke orphanage ke saikdon chakkar laga liye the par wo andar nahi gaya kyunki Pari ne use strictly mana kiya tha andar aane ko . Himansh apni soch me gum tha ki door bell baji . Himansh ko laga ki Pari hogi usne daud kar door open kiya par samne Uske " mom & dad " khade the wo bhi Reveka ke sath .
Himansh- wow mom dad aap ? aap log to parson aane wale the na ?
Himansh poore josh se gale mila dono se .
Mom- haan beta par ye khoobsurat sa surprise tumhari is pyari si dost ne organised kiya hai .
Himansh- Reveka ne ?
Reveka- yes baby i mean Himansh . Maine tumhare liye ye plan kiya mom aur dad ke sath baat kar ke .
Reveka ne pink colour ka salwar kameej daal rakha tha jiska dupatta usase samhale nahi samhal raha tha .
Dad- are beta ab andar bhi aane doge ya door par hi sari baatein hongi . Bahut jald baji me trip plan ki hai hamne .
Dad ne pyar udela aur andar aa gaye . Andar ka najara dono ko bha gaya .
Mom- wow Himansh beta ghar to bahut pyara organise kar rakha hai tumne . I must say Reveka ne help ki hogi ?
Reveka - wo bas yun hi
Himansh - mom baatein itminan se hongi , mai aap log ke liye pani lekar ata hoon .
Reveka- tum baitho mai lati hoon , sari taiyari to hai hi .
Reveka ki adaon par Himansh daant pees kar rah ja raha tha lekin kuchh bol nahi pa raha tha . Kya karta bechara mom dad ke ans ki beiteha khushi aur Pari ki yaadein iske aage use kuchh aur soojh bhi nahi raha tha . Upar se Reveka Pari ka sara credit khud kha gayi . Ye taiyari Pari ne ki thi . Himansh ko khud par gussa bhi aa raha tha ki wo kuchh bol kyu nahi pa raha tha .
####
Maya aur Pari ne aunty se 1 hr ke liye bahar jane ki permission Mangi par mamla abhi garm tha to aunty ka gussa bhi tej tha . Unhone saf inkar kar diya . Waise bhi ladkiyon ke chehre par dar aur farji reason ko aunty ki tajurbedar aankhon ne padh liya tha . Pari wapas rone lagi .
Maya- wapas kyu shuru ho gayi tu ?
Pari- to kya karu mai
Maya- mujhe adress de na uska mai kuchh karti hoon .
Pari- kya karogi ?
Maya- koi jugad karti hoon waise kaisa bf hai tera yaar aaj tum dono ko mile teesra din hai . Use kya tujhse milne ka dil bhi nahi kar raha hoga ?
Pari- aate to jarur honge wo lekin maine ki bola tha mat aaiyega andar
Maya- koi sahi kaam kiya hai tune aaj tak
uski photo de ek .
Pari- Kyu ?
Maya- fatwa jari karungi
are idiot pahchanungi kaise mai use aur sun tere paas kuchh paise hain ?
Pari- 200 rs hain .
Maya - 300 mere paas hain itne me kaam ho jayega .
Pari- kya karne wali ho tum ?
Maya- paise lekar mere sath gate par chalo .
Pari ke baar baar na kahne par bhi Maya use gate par le gayi aur bahut minntein kar ke aakhir kar gate ki security karne wale ko iske liye ready kar liya ki jab Himansh aaye to use rok kar Pari ka letter use de de . Letter par sirf itna likha tha . " mai musibat me hoon please mujhse aa kar mil lo ". Maya ko ummid kam thi ki security wala poora kaam kar payega par use itna jarur tai tha ki abb Himansh ko pata chal jayega ki Pari pareshan hai . Abb bas dono saheliyon ko Himansh ka intejar tha .
####
Himansh ke ghar par mahaul bada pyara tha . Bade dino ke baad aaj Himansh ke sir ko maa ki god naseeb huyi thi . Reveka bhi khoob chahak rahk thi tabhi Reveka ke mobile par Monty ki call aa gayi . Reveka turant uth kar terrace par aayi aur Monty ki call lekar boli ,
Reveka- hi handsome tumne to kamal kar diya . Mai to chha gayi yaar . Mere sath Himansh ki mom dad bilkul apni hone wali bahu ke jaisa salook kar rahe hai . I am so happy yaar .
Monty- mera kya ? Mujhe bhi to happy kar .
Reveka- pahle Pari ko orphanage Se dhakke to milne de uske baad to wo teri hi baahon me aakar giregi .
Monty- itna bhi asaan nahi hai ye samjhi . Himansh Pari ko sach me pyaar karta hai . Tumko kya lagta hai ye nakli police ka drama un dono ko kitne din door rakh payega .
Reveka- isi liye to maine bola tha tum usi din arrest kar lo use jis din nakli police bheje the par tumhari to dar se fati padi thi .
Monty- madam ji police ladkiyan nahi uthati hai ok aur wahan ki founder ko dekha poori rani jhansi hai wo . Hamare nakli id pahchanti ho turant jaan se maar deti .
Reveka- ok ok mai sochti hoon kuchh sara mood hi off kar diya mera . Abb rakho call kal milti hoon tumse .
Reveka Pair patkati huyi wapas chal di neeche ki ore lekin tabhi use andhere se dhuan uthta dikha . Reveka ki to jaan sookh gayi . Kaampte pairon se jab paas me gayi to Himansh ke dad the jo khade hokar smoke kar rahe the aur unke kaanon me head phones lage huye the
Reveka Pair patkati huyi wapas chal di neeche ki ore lekin tabhi use andhere se dhuan uthta dikha . Reveka ki to jaan sookh gayi . Kaampte pairon se jab paas me gayi to Himansh ke dad the jo khade hokar smoke kar rahe the aur unke kaanon me head phones lage huye the .
Reveka do hrs me hi bahut ghul mil gayi thi sabhi se . Usne Himansh ke ghar hi dinner bhi attend karne ka plan kar liya ,
Reveka- Himansh khana kahan se order karun ?
Reveka ne poore haq se Himansh se poonchha lekin reply Himansh ke dad ne diya .
Dad- bahar se khana kyu order karna beta ghar par hi bana lete hain .
Himansh- wow dad great idea ,
Reveka- no that's not a good idea kyu ki aunty to exhausted hain , mai swiggy se order karti hoon na .
Khana banane ke naam se Reveka ke haath pair phool chuke the .
Himansh- to tum bana do na khana .
Himansh ne dikhawe wale apnepan se kaha .
Reveka- mai ?
Dad- haan beta kuchh halka sa bana lo , indian hi banana mujhe aur kuchh hajam hi nahi hota hai .
Dad bhi lage pade the gugli par gugli dalne me .
Himansh- kya khayenge dad ?
Dad- Dal tadka , jeera rice , koi hari sabji aur 2-4 rotiya bas ,
Reveka- hari sabji kya hoti hai ?
Mom- hari sabji se unka matlab leafy veg se hai beta like palak , methi .
Himansh- mom Reveka ne naam bhi nahi suna hoga in sabjiyon ka . Na use khana banana ata hai na koi kaam karna . Use sirf khana aur ullu banana ata hai .
Himansh ne apni mom se kaha to Reveka ne rona sa muh bana liya .
Mom- kyu taang kheench raha hai uski . Chal mai help karti hoon Bana legi sab .
Reveka Himansh ko 100-100 galiyaan deti rasoi me pahunchi .Wahi hua jiska dar tha , Reveka ko to pata bhi nahi tha kahan kya rakha hua hai . Use koi khana banana to door sabjiyan katna bhi nahi aata tha . Yahan tak ki wo to jeera aur ajwain me farak bhi nahi janti thi .
Mom bechari ne khana banana shuru kiya . Reveka ne bas sara saman bikherna shuru kiya kyu ki use to dibba kholne ki bhi akl nahi thi . Mom ne aata goonthne ke liye kaha to wo dher sara pani aate me daal kar khadi mom ka face dekhne lag gayi . Badi mushkil se mom ne sahi kiya sab .
Mom ne apna sir dhun liya aur sara khana dining table par rakha . Jab Reveka khud ko saaf karne washroom gayi to mom ne frustrate ho kar dad se kaha .
Mom- Reveka ne kaise itna pyara ghar sajaya hoga jabki use koi kaam nahi ata hai .
Dad- Reveka ne nahi kiya hai .
Mom- tab kisne kiya hai ?
Dad- koi aur hai in sab ke peechhe . Mai achchhe se sun nahi paya par if i am not wrong to ye ladki Himansh ke sath koi game khel rahi hai .
Mom- tab dhakke maar ke likalo isko yahan se kyu wait kar rahe ho .
Dad- kyu ki sure nahi hoon , kya pata jo maine suna wo galat fahmi ho . Mujhe tasalli kar lene do tab tak tum apna muh band karo .
Mom ka mood abb Reveka ke liye badal chuka tha . Reveka bhi aa chuki thi . Mom ki tyoriyan chadh gayi thi jise dad baar baar cool kar rahe the . Sabhi khana khane lage . Himansh ko aaj pahli baar mom ke hath ka khana mila tha . Wo bahut emotional ho gaya tha . Mom bhi apne bete ko apne haatho se khilane lagi . Lekin Himansh se apne aansu nahi roke gaye .
Mom- are tu Itna bada ho gaya hai aur ro raha hai beta . Bas kar aise nahi karte .
Mom ka gala bhar aaya . Darsal ro to wo bhi rahi thi par Himansh ko chup bhi kara rahi thi .
Himansh- nahi mom bas aap ko itne pas pa kar khud ko rok nahi paya . Sari khushiya ek sath mil gayi mujhe . Der huyi to kya hua sood samet mil gayi .
Dad- jee lo beta in khushiyon ko aur kabhi bhi use nahi bhoolna jo iske peechhe tha .
Mom aur dad Reveka ko dekhne lage jabki Himansh ko Pari ki yaad aa gayi . 3 din ho gaye the use Pari ki masoom soorat dekhe . Pari ki yaad aate hi Tadap uth wo . Ab to ek niwala bhi uske gale ke neeche nahi utarne wala tha . Dad ki aankhein lagatar Himansh ka chehra padh rahi thi . After dinner jab mom aur Reveka coffee banane lagi to dad ne Himansh se poonchha ,
Dad- Reveka yahi pas me hi rahti hai kya ?
Himansh- haan thodi hi door par uska flat hai .
Dad- kuchh pareshan lag rahe ho ?
Himansh- dad ek kaam pending hai
Dad- der mat karo aur poora kar lo warna kal pachhtane ko hoga ki wakt rahte kiya nahi .
Himansh- matlab ?
Dad- beta kuchh baaton ke matlab nahi hua karte hain lekin wo baatein jindgi jeene ke liye bahut jaroori hoti hain . Jao nipta dalo sare pending kaam .
####
Pari ke liye to ek ek pal kaatna kathin ho raha tha . Aaj bhi sara din usne kuchh khaya nahi tha . Kya karti bhookh to lagti thi par khana nahi khaya jata tha . Use har cheej me Himansh dikhta tha . Use har baat Himansh ki yaad dilati thi .jab bhookh se pet dukhne laga to bhi Himansh ki baatein yaad aane lagi kyu ki ek wahi to tha jise Pari ki bhookh pyaas ki parwah thi .
Jab Pari se Himansh ki yaadein bardasht ke bahar ho gayi to Pari buri tarah rona shuru kar diya . uske paas koi chara bhi nahi tha . Agar usne security guard ko paise nahi diye hote to aaj wo bhag jati yahan se . Tabhi Pari ko yaad aaya Himansh ne use apna business card diya tha aur job ke liye apne office bulaya tha .
Pari ne betasha apne saman me Himansh ka card khojna shuru kiya . Finally use Himansh ka mobile nomber mil gaya . Pari me thodi si himmat aa gayi thi . Usne Maya ko jagaya aur use wo card dikhaya . Maya ne turant Pari ka hath pakda aur neeche land line ke paas le gayi . Khatra bahut tha kyu ki yahan bhi ek madam so rahi thi . Lekin wait karna Maya ki dictionary me tha hi nahi . Usne phone uthaya aur Pari ka hath pakad kar table ke neeche ghus gayi
Pari ne betasha apne saman me Himansh ka card khojna shuru kiya . Finally use Himansh ka mobile nomber mil gaya . Pari me thodi si himmat aa gayi thi . Usne Maya ko jagaya aur use wo card dikhaya . Maya ne turant Pari ka hath pakda aur neeche land line ke paas le gayi . Khatra bahut tha kyu ki yahan bhi ek madam so rahi thi . Lekin wait karna Maya ki dictionary me tha hi nahi . Usne phone uthaya aur Pari ka hath pakad kar table ke neeche ghus gayi .
Pari- Maya yahan kyu baithein hain ham ?
Maya- dekha nahi tune upar wo chudail so rahi hai agar chhip kar call nahi ki to pakdi jayengi ham . Chal call laga .
Pari- mujhe dar lag raha hai .
Pari ne Maya ki baah jor se pakad li .
Maya- muh todu tera ?
Pari- laga to rahi hoon
Pari ko darr , sharm aur Himansh se baat karne ki excitement teeno sath me ho rahi thi . Uski dhadkane badh gayi thi jabki Maya chaukanni hokar bahar najar rakhe huye thi . Pari ne do baar call lagayi lekin call receive nahi huyi . Hua ye ki jis wakt Pari call kar rahi thi Himansh apni car ki chabhi lene chala gaya tha aur mobile table par chhod gaya tha . Jab teesri call bhi Himansh ne nahi li lo Pari rone lagi . Maya ka bhi mood off ho gaya .
Maya- ro mat yaar so gaya hoga banda .
Pari- haan so gaye honge
Maya- use to pata bhi nahi hai ki ye tera no hai .
Pari- haan pata bhi nahi hai .
Pari nervousness me baatein dohrati ja rahi thi .
Maya- baatein mat dohra samjhi .
Call nahi lagne ki tension ke sath sath Dono ko pakde jane ka bhi dar tha is liye aaj ke liye sirf 3 try kiye gaye . Pari muh latka kar door ke bahar nikal gayi lekin jaise hi Maya ne Phone table par rakhna chaha , phone bajane laga . Maya ki to jaan sookh gayi . Madam bhi jaag chuki thi .Pari bhi daud kar wapas aa gayi . Maya ne aaw dekha na taaw call receive kar li .
Maya- kaun ?
Himansh- ji is no se call aayi thi abhi mere mobile par .
Maya- Haan par aap kaun bol rahe hain ?
Himansh- mai Himansh ,
Maya- ji nahi wrong no hai . Ye to anathalaya ka no hai .
Maya ne Himansh ka naam sunte hi ishara kiya .
Himansh- anathalaya se omg kya Pari se baat karwa sakti hain aap ?
Himansh ghabrahat me bhool gaya ke uske mom , dad aur Reveka khade uski baat sun rahe hain .
Maya- hool kya de rahe ho , ek to wrong no lagate ho upar se darate ho , bahut khatarnaak hain mam meri . Tum aa kar khud mil lo jisase milna hai ,
Maya isharon me Himansh ko msg dene lagi ayr madam ki tarif kar unko bhi khud karne lagi .
Himansh- mai kuchh samjh nahi .
Maya- aap bade ajeeb hain rakhiye phone aur aakar dekh lijiye haal , mai koi darti thode hoon meri madam samne baithi hain mere . Mil lijiye jiski duhai de rahe hain aap .
Itna bol kar Maya ne call cut kar di . Maya ka gussa dekh madam bhi udhar muh fer kar so gayi jabki Pari chup chap Maya ka dara hua chehra dekh rahi thi . Doosri taraf Himansh ko Maya ki baaton me sirf itna samjh aaya ki Pari se milne jana hoga .
Maya aur Pari jab seedhiyon ke paas pahunchi to Pari boli ,
Pari- Himansh sir ki call thi ?
Maya- hmm yaar mera to dar se bura haal ho gaya tha .
Pari- kya bole wo ?
Maya- yaar kya pata use meri baat samjh bhi aayi ya nahi
Pari- abb kya karein ?
Maya- kal ka wait uske siwa koi chara bhi nahi hai . Tu ja upar mai pahle gate wale guard se tumhara letter wapas le loon apna time kharab chal raha hai kahi fas na jayein
Pari- mai tumko akele nahi chhod sakti mujhe us par bharosa nahi hai .
Maya- bharosa to mujhe bhi nahi hai bahan , ek kaam kar tu idhar hi ruk mai chori se uske cabin me check karti hoon wo abhi round par hai may be letter mil jaye .
Jab Maya chori se us guard cabin ke pas gayi to usne dekha ki board par duty guard ka naam tha . Maya chhip kar guard ke cabin me chali gayi aur saman khojne lagi . 20 min ho gaye Maya ko saman to nahi mila par security guard ki enquiry window par aakar usase ek ladke ne kaha
Jab Maya chori se us guard cabin ke pas gayi to usne dekha ki board par duty guard ka naam tha . Maya chhip kar guard ke cabin me chali gayi aur saman khojne lagi . 20 min ho gaye Maya ko saman to nahi mila par security guard ki enquiry window par aakar usase ek ladke ne kaha
" excuse me "
Bahar ki Window par kisi ladke ki awaaj sun Maya chaunk gayi aur darr se baar baar andar ki taraf dekhne lagi , use darr tha ki guard awaaj sun kar jaldi se aa nahi jaye . Doosri taraf Maya ko ghabraya dekh Pari pareshan ho uthi aur dheere dheere cabin ki ore chal di . Udhar Jab ladke ne wapas awaaj di to Maya gusse se boli ,
Maya- no vacancy bhaiya , already jyada abhage bhare pade hain . baad me aana please .
Ladka- ji mai admission ke liye nahi aaya hoon .
Maya- yahan raat me visitor's allowed nahi hai .
Maya sirf us ladke ko bhagana chahti thi .
Ladka- samjhne ki koshish kijiye mujhe kisi se bahut urgently milna hai ,
Maya- aadhi raat ka hi muhurt tha kya ? Jaiye abhi subah aaiyega
Maya ka gussa jayaj tha kyu ki usko thodi doori par guard aata hua dikh gaya tha .
Himansh- please urgent hai
Maya- naam,
Ladka- Himansh ,
Maya- omg aap Himansh ji hain , pahle batana tha na . aap aa bhi gaye wo bhi raat me hi . Wait mai Pari ko bulati hoon .
Maya jab tak palti Pari aa bhi chuki thi aur Himansh ki awaaj sun bhawuk bhi ho gayi .
Pari- sir
Himansh- ro kyu rahi ho Pari kya hua , tum theek to ho na yaar teen din se tum mujhse mili bhi nahi ?
Pari- mam ne mujhe mana kiya tha bahar nikalne ko kyu ki mujhe police pakdne ayi thi
Pari foot foot kar ro padi jabki Himansh ke liye ye baat kisi sadme se kam nahi thi .
Himansh- kyu???????????
Maya- omg guard aa raha hai , Pari jaldi karo tum Himansh ke sath chali jao aur kabhi wapas mat aana .
Himansh- haan haan chalo Pari mere sath .
Pari- nahi mai aise bhag kar gayi to aunty ka yahan ki sabhi ladkiyon par se bharosa uth jayega . Himansh sir please mai aise nahi chalungi .
Pari ne dridhta ke sath kaha .
Maya- sun aadarsh wadi baaton se pet nahi bharta samjhi , ja abhi .
Maya ne Pari ko daant lagai .
Himansh- Pari kuchh batao bhi hua kya ?
Teeno abhi tak kisi nishkarsh me pahunche bhi nahi the ki guard pahunch gaya cabin ke bahar .
Guard- kaun hai wahan ?
Maya- kahan the aap mai kab se khoj rahi hoon ?
Maya ne jhatt se bahar niksl kar kaha tab tak Himansh chhip gaya .
Guard- tum dono yahan kya kar rahi ho itni raat ko ?
Maya- Pari ke kamre ka bulb foot gaya to aap ko bolne aaye hain ki doosra bulb laga dijiye .
Jhoot ka sahara.
Guard- subah ho jayega jao dono abhi yahan se .
Guard apni chair par dhanste huye bola . Wahan se gat kar Maya ne Pari par gussa udela .
Maya- yaar Pari tune kyu nahi bataya use kuchh aur gayi kyu nahi tu uske sath .
Pari- Guard bhaiya aa gaye the to kaise bolti mai
aur bola na maine chori se nahi jaungi .
Maya- tujhe rone se fursat kahan , abb roti rah
, Maya udas andar ki ore chali gayi jabki Pari orphanage ke chhote se Garden me jakar baith gayi . Pari ape aansu ponchhti khayalon me gumm thi tabhi koi dabe paanw aakar uske baju me baith gaya .
####
Himansh ke jane ke baad Reveka kafi pareshan ho kar Monty ko call lagane lagi . Jab call nahi lagi to wo rasoi me Himansh ki mom ke paas gayi aur udas hokar boli ,
Reveka- kya mai aap ki koi help kar sakti hoon ?
Mom- nahi beta tum apni coffee finish kar lo mai kar loongi ye .
Reveka- ok aunty mai jati hoon abb aunty .
Reveka ne roni awasj me kaha .
Mom- kya hua tumko , ruko Himansh ko to aane do wo chhod dega tumko .
Reveka- chhod to diya hi hai usne mujhe khair koi fayeda nahi wo abb Himansh ka waist karne se . Wo uske sath hai kya pata kab aayega .
Mom- kis ke saath ?
Reveka- lalchi Pari ke sath ,
Mom- kaun hai Pari ? Kahan rahti hai ? Maa baap kya karte hain uske aur Himansh kyu gaya wahan wo bhi ham logo se bina kuchh bataye ?
Mom ke chehre par chinta ko dekh Reveka ne do boond aansu tapka diye aur boli .
Reveka- mom dad ka to uske pata nahi shayad najayaj aulaad hai kisi ki . Kyu ki wo anathalaya me rahti hai . Himansh ko emotionally blackmail kar rakha hai usne aur Himansh apni sari kamai aaj kal usi par udata hai . Jane kya deti hsi use Pari . Uske liye Himansh ne sab ko chhod diya . Mujhse bhi . Doston se bhi bhagne laga hai
Reveka foot foot kar ro padi jabki mom ke chehre par kayi rang aa rahe the .
Mom- ye kya kah rahi ho tum ?
Reveka - mai sach kah rahi hoon . Mujh par yakeen nahi hai to Monty se poonchh lijiye . Hamare sath kaam karta hai . Paas me hi rahta hai .
, Maya udas andar ki ore chali gayi jabki Pari orphanage ke chhote se Garden me jakar baith gayi . Pari ape aansu ponchhti khayalon me gumm thi tabhi koi dabe paanw aakar uske baju me baith gaya .
Ye koi aur nahi Himansh tha . sirf apni Pari ka Himansh . Baundry wall cross kar ke aaya tha . Haath me kaanch chubhne ki wajah se chot bhi lag gayi thi . Himansh ko apne pas dekh Pari se nahi raha gaya aur wo usase lipat kar sisakne lagi . Himansh ne bhi Pari ko apni bajuon me chhipa liya . Kayi dino baad behad sukoon bhari saans mili dono ko . Jab Himansh ne Pari ke haathon ko thama to Pari ki nigah Himansh ki hatheli ki chot par gayi .
Pari- ye kya ho gaya aap ko ?
Himansh- sasural ke pahre sakht hain kya karu boundary cross karte huye kaanch chubh gaya .
Pari- kya jarurat thi aise larne ki . dard ho raha hai naa ?
Pari ne apna dupatta fada aur baandh diya Himansh ke hatheli par .
Himansh- kitna filmy scene ho gaya wow finally meri bhi Heroineyy aa hi gayi
. Waise tumne bataya nahi hua kya ?
Pari ne rote huye sari baat bata di Himansh se . Himansh ka to para high ho gaya aur daant peeste huye bola ,
Himansh- tum mano ya na mano ye us Reveka ki hi karistani hain .
Pari- unko to mera address bhi nahi pata .
Himansh- maine khud bataya tha
Pari- unko kya milega aise kar ke .
Himansh- tum kabhi bhi nahi samjh sakti ho is baat ko Pari kyu ki tum utni gir hi nahi sakti ho . Mere mom dad aaye hain . Tumhara sara credit le rahi hai wo mere ghar par .
Mom dad ki aane ki baat sun ek pal ke liye Pari ka chehra khila aur doosre hi pal murjha gaya kyu ki wo janti thi ki itni asaani se ek anath ladki ko koi apne bete ke liye sweekar nahi karega . Himansh bina kahe Pari ke dil ki baat samjh gaya aur bola ,
Himansh- real wali Pari se bhi jyada adorable ho tum . Meri sab kuchh ho . Bina tumhare abb ji hi nahi sakta hoon . Mere mom dad bhi tumko utna hi pyar karenge jitna mai karta hoon aur is baat ka mujhe poora yakeen hai .
##
Himansh ki mom ka support pa kar Reveka ki baanchhe khil uthi thi . Usne monty ko call kar apna naya daaw bataya jo Monty ko bhi pasand aaya . Monty bhi aa gaya thodi der baad . jo baatein Reveka ne batayi thi wahi baat Himansh ki mom ko Monty ne bhi batai . Sochne wali baat ye thi ki sabhi ne Himansh ke dad se chhipa rakhi thi ye baatein .
Mom- ye Pari chahti kya hai akhir kyo mere bete ke peechhe padi hai ?
Reveka- paise chahti hai aur kya aunty . Gareeb , bhikharan ko sir par bitha liya hai Himansh ne . Bewkoof bana rahi hai use .
Mom- dekhti kaise mere bete ko koi kaise bewkoof banata hai . Tum dono baitho mai sab kuchh tumhare uncle ko batati hoon .
Reveka- ji
Mom ke jane ke baad Reveka aur Monty ek doosre ki taraf khushi se dekhne lage .
Motny- maan gaya tumko madam ji kya chal chali hai .
Reveka - yepp Pari aur Himansh ek war me dher ho gaye .
Reveka aur Monty baat kar hi rahe the ki room ka darwaja bahar se band ho gaya . Dono ke chehre par hawaiyaan udne lagi aur dono baar baar darwaja kholne ke liye bolne lage
##
Himansh teen ghante baad ghar pahuncha to uske mom dad ab bhi sofe par baithe jaag rahe the . Himansh ne pahunchte hi apne dad ko shuru se last tak sab kuchh bata diya . Himansh ke dad ne bade pyar se uske sir par haanth fera aur bole ,
Dad- mujhe lag hi raha tha aisa kuchh hua hai tumhare sath .
Himansh- aap ko kaise pata dad ?
Dad- mujhe to ye bhi pata hai ki police nakli thi .
Himansh- oh my god nakli police , kaise pata aap ko dad ,
Mom- kyu ki un nakli police ki sajish larne walon ko hamne pakad kar bed room me band bhi kar liya hai .
Dad ne Reveka ki phone call wali baat aur mom ne Reveka aur Monty ki chal Himansh ko as it is bata di . Himansh apna sir pakad kar bath gaya jabki mom dad abhi turant anathalaya jane ke liye Ready hone lage . Aaj sab kuchh sahi jo karna tha unko aur Pari ko ghar lana tha
Dad ne Reveka ki phone call wali baat aur mom ne Reveka aur Monty ki chal Himansh ko as it is bata di . Himansh apna sir pakad kar baith gaya jabki mom dad abhi turant anathalaya jane ke liye Ready hone lage . Aaj sab kuchh sahi jo karna tha unko aur Pari ko ghar bhi lana tha wo bhi hamesha ke liye .
Himansh ne Reveka aur Monty ko bahut jyada khari khoti sunayi aur miss master mind ko to ek jordar thappad bhi diya usne aur bhi thappad jadta par mom ne rok diya kyu ki wo nahi chahti thi ki Reveka ko kaise bhi touch kar ke Himansh apne haath gande kare . Himansh apni family aur Reveka , Monty ko lekar subah 7 am par hi orphanage pahunch gaya .
Sabse pahle aunty se mil kar nakli police ki sari kahani sunayi gayi . Monty ne apni sari kartoot ka kachcha chitgha sabke samne bol diya sath hi sara plan Reveka ka tha ye batana nahi bhoola . Aunty ne use police me dene ke liye kaha to Himansh ke papa ne rok diya . Wo use ek mauka dekar wahan se bhaga diye par Reveka ko kahi bhi nahi hilne diya gaya kyu ki use to Pari aur Himansh saja dene wale the .
Aunty ne Pari ko bulwaya . Wo abb tak so rahi thi kyu ki sari raat to atript atma ki tarah bhatki thi . Aunty ka bulawa sun wo badhawas si bhagti huyi aayi par aunty ke office ka najara dekh office ke darwaje par hi uske pair jam gaye . Himansh aur uski family to Pari ki halat dekh sakte me the . Surkh laal aankhein uske aansuon ki kahani bayan kar rahi thi .
Aunty - ye hai Hamari Pari . Ek asli pari Pankho se jyada jiske hausle majboot hain . Jo khud se pahle auron ka bhala sochti hai . Duniyadari se koson door ye abb bhi apne andar masoomiyat ko sanjoye huye hai .
Aunty ki baat sun Pari ki aankh me aansu aa gaye . Himansh ki maa ne aage badh kar Pari ko apne seene se laga liya . Pari ko sab kuchh sapna lag raha tha . Abb sara mamla pani ki tarah saaf ho chuka tha .
Reveka aur Monty ki kartoot sun Pari awaak thi jabki Maya bhi wahan aa gaya aur ek muh sau sau galiyan Reveka ko dene lagi . Kyu na deti Reveka ki wajah se Pari ke character par ungliyan to uthi hi thi aunty ki saalon ki niswarth tapsya par bhi sawaliya nishan lag gaya tha .
Pari ne Himansh se Reveka ko jane dene ke liye kah diya . Pari ke is faisle se sabhi sakte me aa gaye the . Reveka tak muh fade use dekh rahi thi . Maya ka to khoon khaul utha .
Maya - ye kya bol rahi hai tu ? Maaf nahi ise saaf kar de . Are police me de ise . Isne sabko barbaad kar ke rakh diya tha . Haddi tod daal iski sari .
Pari - jane do na inko kyu ki apna san kuchh to ye khud hi apni harkaton se luta chuki hain aur aisi luti huyi aurat ko kya saja dena . Hai na Reveka ?
Pari ki baat sun Reveka ki rulai foot padi wo subagte huye boli ,
Reveka - Pari i i i m sorryy , sabhi ko sorry . Mai apni galti manti hoon . Kya karti mai ? Ye sab karna meri majboori thi
Reveka ki baat sun Himansh Bhadak gaya .
Himansh - kaun si majboori thi tumhari ? Abb bhi jhooth ke sahare bachogi .
Reveka - jhooth nahi bol rahi hoon . Mujhe wo .. wo bahut der se ahsas hua tha mujhe ki mai bhi Himansh ko pyaar karti hoon jab Pari hamare beech aa chuki thi . Mujhe sirf yahi rasta dikha upar se Monty bhi Pari ko pana chahta tha . Bas phir ye sab hota chala gaya .
Reveka Bahut kuchh bolti gayi . Pari ki wajah se Himansh aur baki sabhi ne use maaf kar diya . Aunty ne Pari ko Himansh ke sath jane ki izajat de di . Sare anathalaya ki ladkiyon ne Pari ko Vidai di aur Himansh ke Papa ne anathalaya ki ladkiyon ke welfare liye ek moti rakam donation me di .
Reveka Bahut kuchh bolti gayi . Pari ki wajah se Himansh aur baki sabhi ne use maaf kar diya . Aunty ne Pari ko Himansh ke sath jane ki izajat de di . Sare anathalaya ki ladkiyon ne Pari ko Vidai di aur Himansh ke Papa ne anathalaya ki ladkiyon ke welfare liye ek moti rakam donation me di .
After 5 years ------------------------
Anathalaya ki building beete 5 saalon me kafi badal chuki thi . Suvidhayein aur suraksha to badhi hi thi par ek aur bhi khas parivartan hua tha . Anathalaya me apna khud ka school khul gaya tha . Himansh , uske pita ji aur ek teesre partner ne sara kharcha uthakar is shubh kaarya ko siddh kiya tha .
Anathalaya ke gate ke paas ek mahngi tej raftaar car aakar ruki . Driving seat se koi aur nahi apni Pari utari . 5 saalon ne use taraash kar bala ki khoobsurat bana diya tha . Badan par bharaw aa chuka tha par Dhan aur vaibhaw ki chamak me bhi Uske chehre ki muskurahat aur saumyata jas ki tas barkrar thi .
Pari gulabi khoobsurat sari pahne anathalya ke chair person ke cabin ki ore tez kadmo se badh gayi . Chair person hi teesra partner bhi tha . Pari jab cabin ka door knock kar ke andar pahunchi to samne Reveka baithi meeting le rahi thi ek sakht mijaj chair person ke roop me .
Pari - sorry sorry mai fir late ho gayi .
Reveka - its ok par ghabrayi kyu ho sab khariyat to hai na ?
Pari - kuchh khairiyat nahi hai raat se Kartik ko bukhar hai to Dr ki visit ka wait kar rahi thi . Himansh bhi bahar gaye the .
Pari ki baat sun Reveka chaunk kar khadi ho gayi .
Reveka - had hai Pari Kartik rat se bimar hai aur tumne ek to mujhe nahi bataya aur khud bhi yahan aa gayi .
Reveka behad gusse me me bahar chali gayi jabki Pari use rokti rahi .
Pari - are suno to naini hai ghar par Himansh bhi aate honge .
Reveka ko kaun rok sakta tha wo dandanati huyi Himansh aur Pari ke ghar ja pahunchi .
Reveka - Kartik beta ,
Kartik - Machhi ,
Reveka - mere golu molu bete ko kya ho gaya ?
Kartik - mujhe to thola chha bukhal ho gaya machhi pal maine duwai pi li hai .
Reveka - teri mom ne to mujhe bataya bhi nahi .
Kartik - mamma to soi bhi nahi thi .
Reveka - hamare Prince ki tabiyat kharab ho to koi kaise so sakta hai beta .
Reveka Kartik ko dulaar rahi thi tabhi kuchh log achanak se kamre me ghus aaye jinme se ek ke haanth me pistaul thi . Us bande ne dahad kar Reveka ko side me hokar Kartik ko saupne ko kaha .
Reveka - kaun ho tum aur tumhari himmat kaise huyi yahan aane ki .
Reveka ne Kartik ko apne peechhe chhipa liya .
Naqabposh - chal pahle samne se hat aur bachcha mere hawale kar de .
Reveka - thahro mai abhi police ko bulati hoon jab joote padenge tab dimag theek hoga .
Reveka no milati isase pahle hi us aadmi ne Reveka ka mobile chheen kar hawa me uchhal diya .
Naqabposh - ek galti tum dono ki jaan le sakti hai .
Naqabposh bol hi raha tha ki peechhe se uske sar par Himansh ne kartik ke bat se jor dar war kiya . Naqab posh cheekha aur uski awaaj sun kar Himansh aur Reveka buri tarah chaunk gaye .
Naqabposh - ek galti tum dono ki jaan le sakti hai .
Naqabposh bol hi raha tha ki peechhe se uske sar par Himansh ne kartik ke bat se jor dar war kiya . Naqab posh cheekha aur uski awaaj sun kar Himansh aur Reveka buri tarah chaunk gaye .
Himansh - tu ??????? Tu to Monty hai bey ?
Monty - hhhhaan (darte huye)
Himansh- tune fir dikha di awkaat , saale jaan se maar doonga ( jordar ghoonsa )
Monty - dekh to le bhai nakli gun ke sath aaya hoon aur mera sir fod diya .
Muh se khoon bahne laga tha .
Himansh - tum jaise logon ka kya bharosa . Utha le jate mera bachcha badla poora karne ke liye.
Gurrate huye .
Monty - kitni baar bolu bhai galti huyi . Bhej de jail lekin abb ye tano se jakhm dena chhod de . Baki ye charo apne dost hi hain jo mere sath aaye hain bhai . Poochh le inse mai sirf tujhse aur Pari ji se mafi mangne aaya hoon .
Charon ne jab naqab utara to wo Himansh ke dost the .
Himansh - Pari ka naam to le na apni gandi juban se baki mai itna mahan nahi hoon jo mai tum jaise aadam khoron ko maaf karoon . Mera wash chale to mai abhi ke abhi faad doon tujhe .
Himansh ka ye roop dekh sabhi stabdh the . Abb tak Pari bhi aa chuki thi aur Kartik ko seene se chipkaye mahaul ko samjhne ki koshish kar rahi thi .
Monty - bhai Reveka ko to mil gayi mafi isi lalach me aa gaya ki shayad mere liye bhi thoda sa koi kona bacha ho teri dosti ka . Abb is apradhbodh ke sath nahi jiya jata hai .
Himansh - mera koi dost nahi hai abb aur Reveka ko Pari ne maaf kiya hai maine nahi . Mere liye wo 5 saal pahle hi mar chuki hai . Reveka meri life ki sabse badi galti thi jise maine paise dekar khareeda tha wo bhi apni jindgi barbad karne ko . Meri har buri lat Reveka ki shohbat ki wajah se thi . Jab bhi mai koi sudhrne wali baat karta to bhatkane ka idea Reveka ka hota tha . Pari ke aane ke baad maine jana ki ladkiyan bin paison ke bhi dosti kar sakti hain . Mujge Pari ne samjhaya ki jeene ka saleeka kya hota hai .
Reveka - sssorryyy Himansh please mujhe maaf kar do please .
Reveka hichkiyan lekar rone lagi .
Monty - ham dono apni galti par behad sharminda hain yaar please ek mauka to de do please .
Himansh gusse me kuchh bolne ja raha tha tabhi uski najar Pari aur Kartik par padi . Sab kuchh to tha aaj uske paas . Upar se Pari ne hi use sikhaya tha ki maafi to har gunaah ki hoti hai .
Himansh - Pari mera sir dukh raha hai mai apne room me ja raha hoon . Sabhi ke liye achha sa chai- nashta organise karwa do aur guest room khulwa dena .
Pal bhar me sara mahaul badal chuka tha . Monty ke chehre par gahra sokoon tha jabki Reveka Pari ke gale lag kar subak rahi thi thi .
Ek baar fir sab kuchh khoobsurat ho gaya tha . Kartik sabhi ke haanthon ka khilauna bana kood raha tha aur Himansh apni bina pankhon wali Pari ke hauslon ki udan se sawara apna ghar nihar raha tha . Use apni Ajeeb si love story par hasi aa rahi thi jo ek jidd se shuru hokar jidd ka sarwnash kar chuki thi .
